Акафіст до пресвятої богородиці слухати

Главная    Акафист Пресвятой Богородице Акафист — Акафист Пресвятой Богородице (Великий акафист, читаемый в субботу Акафиста) 22:43 Акафисты — Акафист Пресвятой Богородице перед иконой Споручница грешных – YouTube 48:05 Церковное пение — Акафист Пресвятой Богородице (Похвала Пресвятой Богородице) 34:44 Неизвестен — Акафист Пресвятой Богородице (Великий акафист, читаемый в субботу Акафиста) 37:09 Византия — Радуйся (Акафист Пресвятой Богородице, Икос 8) 03:55 Акафист — Пресвятой Богородице 22:44 н-з — Акафист Пресвятой Богородице 20:08 Акафист — Пресвятой Богородице (EN) 12:58 Акафист — Пресвятой Богородице Прибавление Ума 24:13 Акафист — Пресвятой Богородице Нечаянна Радость 27:23 Акафист — Пресвятой Богородице Всецарица 56:45 Акафист — Христу и Пресвятой Богородице 32:35 Акафист — Христу и Пресвятой Богородице 32:31 Акафист — Пресвятой Богородице пред иконой ее Почаевской 56:20 н-з — Акафист Пресвятой Богородице 18:49 Акафист — Пресвятой Богородице. 22:52 Акафист — Пресвятой Богородице пред иконой Казанская 37:58 Акафист — Пресвятой Богородице в честь иконы ея Целительница 20:41 Акафист — Пресвятой Богородице 22:51 Неизвестен — Акафист Пресвятой Богородице пред иконой Казанская 52:07 Акафист — Пресвятой Богородице пред иконой Ее Почаевская 59:34 Неизвестен — Акафист Пресвятой Богородице пред иконой Нечаянная радость 32:48 Неизвестен — Акафист Пресвятой Богородице пред иконой Нечаянная радость 32:40 Неизвестен — Акафист Пресвятой Богородице пред иконой Всех скорбящих радость 12:35 Неизвестен — Акафист Пресвятой Богородице пред иконой Всецарица 17:30 Неизвестен — Акафист Пресвятой Богородице пред иконой Умягчение злых сердец 28:02 Неизвестен — Акафист Пресвятой Богородице пред иконой Скоропослушница 46:18 Неизвестен — Акафист Пресвятой Богородице пред иконой Умягчение злых сердец 55:07 Неизвестен — Акафист Пресвятой Богородице пред иконой Призри на смирение 42:20 Неизвестен — Акафист Пресвятой Богородице пред иконой Владимирская 50:13 Неизвестен — Акафист Пресвятой Богородице пред иконой Споручница грешных 53:21 Неизвестен — Акафист Пресвятой Богородице пред иконой Браиловская 26:33 Неизвестен — Акафист Пресвятой Богородице пред иконой Почаевская 56:20 Неизвестен — Акафист Пресвятой Богородице пред иконой Тихвинская 49:28 Неизвестен — Акафист Пресвятой Богородице пред иконой Феодоровская 44:19 Акафист — Пресвятой Богородице 34:44 Неизвестен — Акафист Пресвятой Богородице пред иконой Взыскание погибших 30:12

Кондак 1

Взбра́нной Воево́де победи́тельная, я́ко из­ба́вль­ше­ся от злых, бла­го­да́р­ствен­ная воспису́ем Ти раби́ Твои́, Бо­го­ро́­ди­це; но я́ко иму́щая держа́ву непобеди́мую, от вся́­ких нас бед сво­бо­ди́, да зо­ве́м Ти: ра́­дуй­ся, Не­ве́с­то Не­не­ве́ст­ная.

Икос 1

А́н­гел пред­ста́­тель с Не­бе­се́ по́с­лан бысть ре­щи́ Бо­го­ро́­ди­це: ра́­дуй­ся, и со безпло́тным гла́сом воплоща́ема Тя зря, Го́с­по­ди, ужаса́шеся и стоя́ше, зо­вы́й к Ней та­ко­ва́я: Ра́­дуй­ся, Е́ю­же ра́­дость возсия́ет; ра́­дуй­ся, Е́ю­же кля́тва изче́знет. Ра́­дуй­ся, па́д­ша­го Ада́ма воззва́ние; ра́­дуй­ся, слез Е́виных из­бав­ле́­ние. Ра́­дуй­ся, высото́ неудобовосходи́мая челове́ческими по́мыслы; ра́­дуй­ся, глубино́ неудобозри́мая и а́нгельскима очи́­ма. Ра́­дуй­ся, я́ко еси́ Царе́во седа́лище; ра́­дуй­ся, я́ко но́сиши Но­ся́­ща­го вся. Ра́­дуй­ся, Звез­до́, яв­ля́ю­щая Со́лн­це; ра́­дуй­ся, утро́бо Бо­же́ст­вен­на­го воплоще́ния. Ра́­дуй­ся, Е́ю­же обновля́ется тварь; ра́­дуй­ся, Е́ю­же покланя́емся Твор­цу́. Ра́­дуй­ся, Не­ве́с­то Не­не­ве́ст­ная.

Кондак 2

Ви́­дя­щи Свя­та́я Се­бе́ в чис­то­те́, глаго́лет Гаврии́лу де́рзостно: пре­сла́в­ное тво­его́ гла́­са неудобоприя́тельно ду­ши́ Мое́й явля́­ет­ся: безсе́меннаго бо зача́тия рождество́ ка́­ко глаго́леши, зо­вы́й: Алли­лу́иа.

Икос 2

Ра́­зум недоразумева́емый ра­зу­ме́­ти Де́ва и́щу­щи, возо­пи́ к служа́щему: из боку́ чи́сту, Сы́­ну ка́­ко есть роди́тися мо́щно, рцы Ми? К Ней­же он ре­че́ со стра́­хом, оба́­че зо­вы́й си́­це: Ра́­дуй­ся, сове́та не­из­ре­че́н­наго Таи́ннице; ра́­дуй­ся, молча́ния прося́щих ве́ро. Ра́­дуй­ся, чу­де́с Хри­сто́­вых на­ча́­ло; ра́­дуй­ся, ве­ле́­ний Его́ глави́зно. Ра́­дуй­ся, ле́ствице не­бе́с­ная, Е́ю­же сни́­де Бог; ра́­дуй­ся, мо́сте, преводя́й су́­щих от зем­ли́ на не́­бо. Ра́­дуй­ся, А́н­ге­лов многослову́щее чу́­до; ра́­дуй­ся, бесо́в многоплаче́вное пораже́ние. Ра́­дуй­ся, Свет неизрече́нно ро­ди́в­шая; ра́­дуй­ся, е́же ка́­ко, ни еди́­на­го же научи́вшая. Ра́­дуй­ся, прему́дрых превосходя́щая ра́­зум; ра́­дуй­ся, ве́р­ных оза­ря́ю­щая смы́слы. Ра́­дуй­ся, Не­ве́с­то Не­не­ве́ст­ная.

Кондак 3

Си́­ла Вы́ш­ня­го осени́ тог­да́ к зача́тию Браконеиску́сную, и благопло́дная Тоя́ ложесна́, я́ко село́ по­ка­за́ сла́дкое, всем хотя́щим жа́ти спа­се́­ние, внег­да́ пе́­ти си́­це: Алли­лу́иа.

Икос 3

Иму́­щи Богоприя́тную Де́ва утро́бу, востече́ ко Елисаве́ти: младе́нец же о́ноя а́бие по­зна́в Сея́ целова́ние, ра́довашеся, и игра́ньми я́ко пе́снь­ми во­пия́­ше к Бо­го­ро́­ди­це: Ра́­дуй­ся, о́трасли не­увя­да́­емыя розго́; ра́­дуй­ся, Плода́ безсме́ртнаго стяжа́ние. Ра́­дуй­ся, Де́лателя де́лающая Человеколю́бца; ра́­дуй­ся, Сади́теля жи́з­ни на́шея ро́жд­шая. Ра́­дуй­ся, ни́во, растя́щая гобзова́ние щед­ро́т; ра́­дуй­ся, трапе́зо, нося́щая оби́­лие очище́ния. Ра́­дуй­ся, я́ко рай пи́щный процвета́еши; ра́­дуй­ся, я́ко при­ста́­ни­ще ду­ша́м гото́виши. Ра́­дуй­ся, прия́тное мо­ли́т­вы ка­ди́­ло; ра́­дуй­ся, всего́ ми́­ра очи­ще́­ние. Ра́­дуй­ся, Бо́­жие к сме́ртным благоволе́ние; ра́­дуй­ся, сме́рт­ных к Бо́­гу дерз­но­ве́­ние. Ра́­дуй­ся, Не­ве́с­то Не­не­ве́ст­ная.

Кондак 4

Бу́­рю внутрь име́я по­мыш­ле́­ний су­мни́­тель­ных, целому́дренный Ио́сиф смяте́ся, к Те­бе́ зря небра́чней, и бракоокра́дованную помышля́я, Непоро́чная; уве́­дев же Твое́ зача́тие от Ду́­ха Свя́та, ре­че́: Алли­лу́иа.

Икос 4

Слы́шаша па́стырие А́н­ге­лов пою́щих плотско́е Хрис­то́­во прише́ствие, и те́кше я́ко к Па́­сты­рю ви́дят Се­го́ я́ко а́гнца непоро́чна, во чре́ве Мари́ине упа́сшася, Ю́же пою́­ще ре́ша: Ра́­дуй­ся, А́гнца и Па́стыря Ма́­ти; ра́­дуй­ся, дво́ре слове́сных ове́ц. Ра́­дуй­ся, не­ви́­ди­мых вра­го́в муче́ние; ра́­дуй­ся, ра́йс­ких две́рей отверзе́ние. Ра́­дуй­ся, я́ко не­бе́с­ная сра́дуются земны́м; ра́­дуй­ся, я́ко зем­на́я сликовству́ют не­бе́с­ным. Ра́­дуй­ся, апо́с­то­лов не­мо́лч­ная ус­та́; ра́­дуй­ся, стра­сто­те́рп­цев не­по­бе­ди́­мая де́рзосте. Ра́­дуй­ся, тве́р­дое ве́­ры утвер­жде́­ние; ра́­дуй­ся, све́т­лое бла­го­да́­ти позна́ние. Ра́­дуй­ся, Е́ю­же обнажи́ся ад; ра́­дуй­ся, Е́ю­же облеко́хомся сла́­вою. Ра́­дуй­ся, Не­ве́с­то Не­не­ве́ст­ная.

Кондак 5

Боготе́чную звезду́ узре́вше волсви́, тоя́ после́доваша зари́, и я́ко свети́льник держа́ще ю, то́ю испыта́ху кре́пкаго Ца­ря́, и дости́гше Непостижи́маго, воз­ра́­до­ва­ша­ся, Ему́ во­пию́­ще: Алли­лу́иа.

Икос 5

Ви́деша о́т­ро­цы халде́йстии на ру­ку́ Деви́чу Со­зда́в­ша­го рука́ми че­ло­ве́­ки, и Вла­ды́­ку разумева́юще Его́, а́ще и ра́бий прия́т зрак, по­тща́­ша­ся дарми́ послужи́ти Ему́, и возопи́ти Благослове́нней: Ра́­дуй­ся, Звезды́ незаходи́мыя Ма́­ти; ра́­дуй­ся, заре́ та́инственнаго дне. Ра́­дуй­ся, пре́­лес­ти пещь угаси́вшая; ра́­дуй­ся, Тро́ицы таи́нники про­све­ща́ю­щая. Ра́­дуй­ся, мучи́теля безчелове́чнаго измета́ющая от нача́льства; ра́­дуй­ся, Го́с­по­да Человеколю́бца показа́вшая Хри­ста́. Ра́­дуй­ся, ва́рварскаго из­бав­ля́ю­щая слу­же́­ния; ра́­дуй­ся, тиме́ния изыма́ющая дел. Ра́­дуй­ся, ог­ня́ по­кло­не­ние угаси́вшая; ра́­дуй­ся, пла́мене страс­те́й изменя́ющая. Ра́­дуй­ся, ве́р­ных нас­та́в­ни­це це­ло­му́д­рия; ра́­дуй­ся, всех ро­до́в ве­се́­лие. Ра́­дуй­ся, Не­ве́с­то Не­не­ве́ст­ная.

Кондак 6

Пропове́дницы богоно́снии, бы́вше волсви́, возврати́шася в Вавило́н, сконча́вше Твое́ проро́чество, и пропове́давше Тя Хри­ста́ всем, оста́виша И́рода я́ко буесло́вна, не ве́дуща пе́­ти: Алли­лу́иа.

Икос 6

Возсия́вый во Еги́пте про­све­ще́­ние и́с­ти­ны, отгна́л еси́ лжи тьму: и́до­ли бо его́, Спа́­се, не тер­пя́­ще Твоея́ кре́­пос­ти, па­до́­ша, сих же изба́вльшиися вопия́ху к Бо­го­ро́­ди­це: Ра́­дуй­ся, ис­прав­ле́­ние че­ло­ве́­ков; ра́­дуй­ся, низпаде́ние бесо́в. Ра́­дуй­ся, пре́­лес­ти держа́ву попра́вшая; ра́­дуй­ся, и́доль­скую лесть обличи́вшая. Ра́­дуй­ся, мо́ре, потопи́вшее фарао́на мы́сленнаго; ра́­дуй­ся, ка́­ме­ню, напои́вший жа́ждущия жи́з­ни. Ра́­дуй­ся, о́гненный сто́л­пе, на­став­ля́яй су́щия во тьме; ра́­дуй­ся, по­кро́­ве ми́­ру, ши́рший о́блака. Ра́­дуй­ся, пи́­ще, ма́нны прие́мнице; ра́­дуй­ся, сла́дости свя­ты́я служи́тельнице. Ра́­дуй­ся, земле́ обетова́ния; ра́­дуй­ся, из нея́же тече́т мед и млеко́. Ра́­дуй­ся, Не­ве́с­то Не­не­ве́ст­ная.

Кондак 7

Хо­тя́­щу Симео́ну от ны́нешняго ве́­ка преста́витися преле́стнаго, вда́лся еси́ я́ко младе́нец тому́, но позна́лся еси́ ему́ и Бог со­вер­ше́н­ный. Те́м­же уди­ви́­ся Тво­е́й неизрече́нней пре­му́д­ро­сти, зо­вы́й: Алли­лу́иа.

Икос 7

Но́вую по­ка­за́ тварь, я́вль­ся Зижди́тель нам от Не­го́ бы́вшим, из безсе́менныя прозя́б утро́бы, и сохрани́в Ю, я́ко­же бе, нетле́нну, да чу́­до ви́­дя­ще, воспои́м Ю, во­пию́­ще: Ра́­дуй­ся, цве́­те не­тле́­ния; ра́­дуй­ся, ве́н­че воз­дер­жа́­ния. Ра́­дуй­ся, воскресе́ния о́б­раз облиста́ющая; ра́­дуй­ся, а́н­гель­ское жи­тие́ яв­ля́ю­щая. Ра́­дуй­ся, дре́­во светлоплодови́тое, от него́же пита́ются ве́рнии; ра́­дуй­ся, дре́­во бла­го­сен­но­ли́ст­вен­ное, и́м­же покрыва́ются мно́­зи. Ра́­дуй­ся, во чре́ве нося́щая Изба́вителя плене́нным; ра́­дуй­ся, ро́жд­шая Наста́вника заблу́дшим. Ра́­дуй­ся, Судии́ пра­вед­на­го умоле́ние; ра́­дуй­ся, мно́гих со­гре­ше́­ний про­ще́­ние. Ра́­дуй­ся, оде́ж­до на­ги́х дерзнове́ния; ра́­дуй­ся, лю­бы́, вся́­кое же­ла́­ние побежда́ющая. Ра́­дуй­ся, Не­ве́с­то Не­не­ве́ст­ная.

Кондак 8

Стра́н­ное рождество́ ви́­дев­ше, устра­ни́м­ся ми́­ра, ум на не­бе­са́ прело́жше: се­го́ бо ра́­ди высо́кий Бог на зем­ли́ яви́­ся смире́нный че­ло­ве́к, хо­тя́й привлещи́ к вы­со­те́ Тому́ во­пию́­щия: Алли­лу́иа.

Икос 8

Весь бе в ни́ж­них и вы́ш­них ни­ка́­ко­же от­сту­пи́ не­опи­са́н­ное Сло́­во: снизхожде́ние бо Бо­же́ст­вен­ное, не прехожде́ние же ме́стное бысть, и рождество́ от Де́­вы Богоприя́тныя, слы́шащия сия́: Ра́­дуй­ся, Бо́­га не­вме­сти́­ма­го вмес­ти́­ли­ще; ра́­дуй­ся, честна́го та́инства две́ри. Ра́­дуй­ся, не­ве́р­ных су­мни́­тель­ное слы́­ша­ние; ра́­дуй­ся, ве́р­ных из­ве́ст­ная по­хва­ло́. Ра́­дуй­ся, колесни́це пре­свя­та́я Су́щаго на Херуви́мех; ра́­дуй­ся, се­ле́­ние пре­сла́в­ное Су́щаго на Серафи́мех. Ра́­дуй­ся, проти́вная в то́жде собра́вшая; ра́­дуй­ся, де́вство и рождество́ сочета́вшая. Ра́­дуй­ся, Е́ю­же разреши́ся преступле́ние; ра́­дуй­ся, Е́ю­же отве́рзеся рай. Ра́­дуй­ся, ключу́ Ца́рст­вия Хри­сто́­ва; ра́­дуй­ся, на­де́ж­до благ ве́ч­ных. Ра́­дуй­ся, Не­ве́с­то Не­не­ве́ст­ная.

Кондак 9

Вся́­кое ес­тес­тво́ а́н­гель­ское уди­ви́­ся ве­ли́­кому Тво­его́ вочелове́чения де́лу; непристу́пнаго бо я́ко Бо́­га, зря́ще всем присту́пнаго Че­ло­ве́­ка, нам у́бо спребыва́юща, слы́шаща же от всех: Алли­лу́иа.

Икос 9

Ве­ти́я мно­го­ве­ща́н­ныя, я́ко ры́­бы без­гла́с­ныя ви́­дим о Те­бе́, Бо­го­ро́­ди­це, недоумева́ют бо гла­го́­ла­ти, е́же ка́­ко и Де́ва пре­бы­ва́е­ши, и роди́ти возмогла́ еси́. Мы же, та́ин­ству ди­вя́­ще­ся, ве́р­но во­пи­е́м: Ра́­дуй­ся, пре­му́д­ро­сти Бо́­жия при­я́те­ли­ще, ра́­дуй­ся, про­мыш­ле́­ния Его́ со­кро́­ви­ще. Ра́­дуй­ся, любому́дрыя нему́дрыя яв­ля́ю­щая; ра́­дуй­ся, хитрослове́сныя безслове́сныя об­ли­ча́ю­щая. Ра́­дуй­ся, я́ко обуя́ша лю́тии взыска́теле; ра́­дуй­ся, я́ко увядо́ша баснотво́рцы. Ра́­дуй­ся, афине́йская плете́ния рас­тер­за́ю­щая; ра́­дуй­ся, ры́барския мре́жи исполня́ющая. Ра́­дуй­ся, из глу­би­ны́ неве́дения извлача́ющая; ра́­дуй­ся, мно́ги в ра́зуме про­све­ща́ю­щая. Ра́­дуй­ся, кораблю́ хотя́щих спас­ти́­ся; ра́­дуй­ся, при­ста́­ни­ще жите́йских пла́ваний. Ра́­дуй­ся, Не­ве́с­то Не­не­ве́ст­ная.

Кондак 10

Спас­ти́ хо­тя́ мир, И́же всех Украси́тель, к се­му́ самообетова́н при­и́де, и Па́стырь сый, я́ко Бог, нас ра́­ди яви́­ся по нам че­ло­ве́к: подо́бным бо подо́бное при­зва́в, я́ко Бог слы́шит: Алли­лу́иа.

Икос 10

Сте­на́ еси́ де́­вам, Бо­го­ро́­ди­це Де́­во, и всем к Те­бе́ при­бе­га́ю­щим: и́бо не­бе­се́ и зем­ли́ Тво­ре́ц устро́и Тя, Пре­чи́с­тая, все́лься во утро́­бе Тво­е́й, и вся приглаша́ти Те­бе́ нау­чи́: Ра́­дуй­ся, сто́л­пе де́вст­ва; ра́­дуй­ся, дверь спа­се́­ния. Ра́­дуй­ся, нача́льнице мы́сленнаго назда́ния; ра́­дуй­ся, пода́тельнице Бо­же́ст­вен­ныя бла́­гос­ти. Ра́­дуй­ся, Ты бо обнови́ла еси́ зача́тыя сту́дно; ра́­дуй­ся, Ты бо наказа́ла еси́ окра́денныя умо́м. Ра́­дуй­ся, тли́теля смы́слов упраждня́ющая; ра́­дуй­ся, Се́ятеля чис­то­ты́ ро́жд­шая. Ра́­дуй­ся, черто́же безсе́меннаго уневе́щения; ра́­дуй­ся, ве́р­ных Го́сподеви сочета́вшая. Ра́­дуй­ся, до́б­рая младопита́тельнице де́­вам; ра́­дуй­ся, невестокраси́тельнице душ свя­ты́х. Ра́­дуй­ся, Не­ве́с­то Не­не­ве́ст­ная.

Кондак 11

Пе́­ние вся́­кое побежда́ется, спростре́тися тща́щееся ко мно́жеству мно́гих щед­ро́т Тво­и́х: равночи́сленныя бо песка́ пе́сни а́ще при­но́­сим Ти, Ца­рю́ Свя­ты́й, ни­что́же соверша́ем досто́йно, я́же дал еси́ нам, Те­бе́ во­пию́­щим: Алли­лу́иа.

Икос 11

Све­то­при­е́м­ную све­щу́, су́­щим во тьме я́вльшуюся, зрим Свя­ту́ю Де́ву, не­ве­ще́ст­вен­ный бо вжига́ющи огнь, наставля́ет к ра́зуму Боже́ственному вся, за­ре́ю ум про­све­ща́ю­щая, зва́нием же почита́емая, си́­ми: Ра́­дуй­ся, луче́ у́мнаго Со́лн­ца; ра́­дуй­ся, све­ти́­ло незаходи́маго Све́­та. Ра́­дуй­ся, мо́л­ние, ду́­ши про­све­ща́ю­щая; ра́­дуй­ся, я́ко гром вра­ги́ устра­ша́ю­щая. Ра́­дуй­ся, я́ко многосве́тлое возсиява́еши про­све­ще́­ние; ра́­дуй­ся, я́ко многотеку́щую источа́еши ре­ку́. Ра́­дуй­ся, купе́ли живопису́ющая о́б­раз; ра́­дуй­ся, грехо́вную отъе́млющая скве́рну. Ра́­дуй­ся, ба́­не, омы­ва́ю­щая со́­весть; ра́­дуй­ся, ча́ше, че́рплющая ра́­дость. Ра́­дуй­ся, обоня́ние Хри­сто́­ва благоуха́ния; ра́­дуй­ся, жи­во­те́ та́йнаго ве­се́­лия. Ра́­дуй­ся, Не­ве́с­то Не­не­ве́ст­ная.

Кондак 12

Бла­го­да́ть да́­ти вос­хо­те́в, дол­го́в дре́в­них, всех дол­го́в Реши́тель че­ло­ве́­ком, при­и́де Со­бо́ю ко отше́дшим Того́ бла­го­да́­ти, и раздра́в рукописа́ние, слы́шит от всех си́­це: Алли­лу́иа.

Икос 12

Пою́­ще Твое́ Рождество́, хва́­лим Тя вси, я́ко оду­шев­ле́н­ный храм, Бо­го­ро́­ди­це: во Тво­е́й бо все­ли́в­ся утро́­бе содержа́й вся ру­ко́ю Гос­по́дь, освяти́, просла́ви и нау­чи́ вопи́ти Те­бе́ всех: Ра́­дуй­ся, се­ле́­ние Бо́­га и Сло́ва; ра́­дуй­ся, свя­та́я свя­ты́х бо́льшая. Ра́­дуй­ся, ковче́же, позлаще́нный Ду́­хом; ра́­дуй­ся, со­кро́­ви­ще жи­во­та́ не­ис­то­щи́­мое. Ра́­дуй­ся, чест­ны́й ве́н­че лю­де́й бла­го­чес­ти́­вых; ра́­дуй­ся, честна́я по­хва­ло́ иере́ев благогове́йных. Ра́­дуй­ся, це́рк­ве не­по­ко­ле­би́­мый сто́л­пе; ра́­дуй­ся, Ца́рст­вия неруши́мая сте­но́. Ра́­дуй­ся, Е́ю­же воздви́жутся по­бе́­ды; ра́­дуй­ся, Е́ю­же низпа́дают врази́. Ра́­дуй­ся, те́­ла мо­его́ врачева́ние; ра́­дуй­ся, ду­ши́ моея́ спа­се́­ние. Ра́­дуй­ся, Не­ве́с­то Не­не­ве́ст­ная.

Кондак 13

О, Все­пе́­тая Ма́­ти, ро́жд­шая всех свя­ты́х Свя­те́й­шее Сло́­во! Ны́нешнее прие́мши при­но­ше́­ние, от вся́­кия из­ба́­ви на­па́с­ти всех, и бу́­ду­щия из­ми́ му́­ки, о Те­бе́ во­пию́­щих: Алли­лу́иа, алли­лу́иа, алли­лу́иа.

Этот, кондак чи­та­ет­ся трижды, за­те́м икос 1-й и кондак 1-й.

Икос 1

А́н­гел пред­ста́­тель с не­бе­се́ по́с­лан бысть ре­щи́ Бо­го­ро́­ди­це: ра́­дуй­ся, и со безпло́тным гла́сом воплоща́ема Тя зря, Го́с­по­ди, ужаса́шеся и стоя́ше, зо­вы́й к Ней та­ко­ва́я: Ра́­дуй­ся, Е́ю­же ра́­дость возсия́ет; ра́­дуй­ся, Е́ю­же кля́тва изче́знет. Ра́­дуй­ся, па́д­ша­го Ада́ма воззва́ние; ра́­дуй­ся, слез Е́виных из­бав­ле́­ние. Ра́­дуй­ся, высото́ неудобовосходи́мая челове́ческими по́мыслы; ра́­дуй­ся, глубино́ неудобозри́мая и а́нгельскима очи́­ма. Ра́­дуй­ся, я́ко еси́ Царе́во седа́лище; ра́­дуй­ся, я́ко но́сиши Но­ся́­ща­го вся. Ра́­дуй­ся, Звез­до́, яв­ля́ю­щая Со́лн­це; ра́­дуй­ся, утро́бо Бо­же́ст­вен­на­го воплоще́ния. Ра́­дуй­ся, Е́ю­же обновля́ется тварь; ра́­дуй­ся, Е́ю­же покланя́емся Твор­цу́. Ра́­дуй­ся, Не­ве́с­то Не­не­ве́ст­ная.

Кондак 1

Взбра́нной Воево́де победи́тельная, я́ко из­ба́вль­ше­ся от злых, бла­го­да́р­ствен­ная воспису́ем Ти раби́ Твои́, Бо­го­ро́­ди­це; но я́ко иму́щая держа́ву непобеди́мую, от вся́­ких нас бед сво­боди́, да зо­ве́м Ти: ра́­дуй­ся, Не­ве́с­то Не­не­ве́ст­ная.

Мо­лит­ва

О, Пре­свя­та́я Гос­по­же́ Вла­ды́­чи­це Бо­го­ро́­ди­це, вы́шши еси́ всех А́н­гел и Ар­ха́н­гел, и всея́ тва́­ри честне́йши, по­мо́щ­ни­це еси́ оби́­ди­мых, ненаде́ющихся на­де́я­ние, убо́­гих за­сту́п­ни­це, пе­ча́ль­ных уте­ше́­ние, а́лчущих корми́тельнице, на­ги́х оде­я́ние, больны́х ис­це­ле́­ние, гре́ш­ных спа­се́­ние, хри­сти­а́н всех поможе́ние и за­ступ­ле́­ние. О, Все­ми́­лос­ти­вая Гос­по­же́, Де́­во Бо­го­ро́­ди­це Вла­ды́­чи­це, ми́­лос­тию Твое́ю спа­си́ и по­ми́­луй святе́йшия патриа́рхи пра­во­сла́вныя, преосвяще́нныя митрополи́ты, архиепи́скопы и епи́скопы и весь свяще́ннический и и́ноческий чин, и вся пра­во­сла́вныя христиа́ны ри́­зою Твое́ю чест­но́ю защити́; и умо­ли́, Гос­по­же́, из Те­бе́ без се́­ме­не воплоти́вшагося Хри­ста́ Бо́­га на́­ше­го, да препоя́шет нас си́­лою Свое́ю свы́­ше, на неви́димыя и ви́­ди­мыя вра­ги́ на́­ша. О, Все­ми́­лос­ти­вая Гос­по­же́ Вла­ды́­чи­це Бо­го­ро́­ди­це! Воз­дви́г­ни нас из глу­би­ны́ гре­хо́в­ныя и из­ба́­ви нас от гла́­да, губи́тельства, от тру́­са и по­то́­па, от ог­ня́ и ме­ча́, от нахожде́ния ино­пле­ме́н­ных и меж­до­усо́б­ныя бра́­ни, и от на­пра́с­ныя сме́р­ти, и от нападе́ния вра́­жия, и от тлетво́рных ветр, и от смер­то­но́с­ныя я́з­вы, и от вся́­ка­го зла. По­да́ждь, Гос­по­же́, мир и здра́­вие ра­бо́м Тво­и́м, всем правосла́вным христиа́ном, и про­све­ти́ им ум, и о́чи серде́чнии, е́же ко спа­се́­нию; и спо­до́­би ны, гре́ш­ныя ра­бы́ Твоя́, Ца́рст­вия Сы́­на Тво­его́, Хри­ста́ Бо́­га на́­ше­го; я́ко дер­жа́­ва Его́ благослове́на и препросла́влена, со Без­на­ча́ль­ным Его́ От­це́м, и с Пре­свя­тым, и Бла­ги́м, и Жи­во­тво­ря́­щим Его́ Ду́­хом, ны́­не и при́с­но, и во ве́­ки ве­ко́в. Ами́нь.

Мо­лит­ва вторая

О, Пре­свя­та́я Де́­во Ма́­ти Го́с­по­да, Ца­ри́­це Не­бе­се́ и зем­ли́! Вонми́ многоболе́зненному воздыха́нию ду́­ш на́ших, при́­зри с вы­со­ты́ свя­ты́я Твоея́ на нас, с ве́­рою и лю­бо́­вию покланя́ющихся пре­чи́с­то­му о́б­ра­зу Тво­ему́. Се бо грех­ми́ погружа́емии и скорбьми́ обурева́емии, взира́юще на Твой о́б­раз, я́ко живе́й Ти су́­щей с на́­ми, при­но́­сим смире́нныя мо­ле́­ния на́­ша. Не и́ма­мы бо ни ины́я по́­мо­щи, ни ина́го предста́тельства, ни уте­ше­ния, то́кмо Те­бе́, о, Ма́­ти всех скор­бя́­щих и об­ре­ме­не́н­ных. Помози́ нам не­мощ­ны́м, утоли́ скорбь на́­шу, наста́ви на путь пра́вый нас, заблужда́ющих, уврачу́й и спа­си́ безнаде́жных, да́­руй нам про́чее вре́­мя жи­во­та́ на́­ше­го в ми́­ре и тишине́ проводи́ти, по­да́ждь хри­сти­ан­скую кон­чи́­ну, и на стра́шнем су­де́ Сы́­на Тво­его́ яви́­ся нам ми­ло­се́р­дая За­сту́п­ни­ца, да всег­да́ по­е́м, ве­ли­ча́­ем и сла́­вим Тя, я́ко благу́ю За­сту́п­ни­цу ро́­да хри­сти­а́н­ска­го, со все́­ми угоди́вшими Бо́­гу. Ами́нь.

Акафист — совершенно особый вид молитвы, он бывает посвящен Христу, Богородице, святым, каким-то праздникам. В храмах за богослужением акафисты читаются очень редко, только несколько раз в году, но благочестивые прихожане по собственной воле берут на себя обязательство по чтению акафистов, часто — именно в честь Божией Матери.

Объясняется это просто — таково почитание в православии Матери Господа Иисуса Христа, что люди стремятся обратиться именно к ней. Любые свои нужды (духовные, житейские) они без страха молитвенно приносят к ногам заступнице всего рода человеческого. Как же правильно читать акафист пресвятой Богородице? Подробно рассмотрим этот вопрос, а в конце статьи вы найдете текст акафиста и даже сможете послушать его онлайн.

Что такое акафист?

В переводе с греческого, это песня, во время которой нельзя сидеть, то есть читать надо стоя. По смыслу это хвалебное, благодарственное пение. Первый акафист был написан в 6 в. Приписывают авторство Роману Сладкопевцу, православному святому. Посвящен Великий акафист Божией Матери, долго этот термин применялся лишь по отношению конкретно к нему.

Предание гласит, что Акафист Пресвятой Богородице читался во время нападения на Константинополь в 7 в. Враги полностью окружили город, надежды не было. Но Богородица вняла молитвам, персы отступили. В память об этом событии существует праздник Суббота Акафиста, когда возносятся хвалы небесной заступнице. Постепенно праздник из местного стал общим для всех православных церквей, отмечается до сих пор на 5-й неделе Великого Поста.

Отличается это молитвенное пение совершенно особенной структурой.

• Вступление.

• 12 икосов — часто оканчиваются возгласом «Радуйся!» (хайретизм).

• 13 кондаков — они короче икосов, заканчиваются троекратным «Алиллуйя!»

• Завершается молитвенным обращением, которое прочитывается трижды.

Данная схема построения перешла на все акафисты, которые стали появляться в конце византийского периода. Известный акафист Иисусу Сладчайшему, который иногда читается духовенством в храмах, относится к 13 в. Авторство не установлено. Этот вид молитвенного пения распространен также в Католической церкви, где тоже очень почитают Божию Матерь.

В России акафисты активно стали слагать в 19-20 веках. В начале прошлого столетия вышло в печать полторы сотни, еще больше было отвергнуто. Во время гонений население активно переписывало акафисты, ведь они легко воспринимаются на слух, чтение не занимает много времени, самое главное — для молитвы не нужен священнослужитель, которых тогда осталось очень мало.

Составление этих песнопений активно продолжается — на сегодня их насчитывается около 2 тыс. Каждый верующий может выбрать то, что отвечает его духовным запросам. Но особенно помогает в разных нуждах чтение акафистов Пресвятой Богородице.

Покров — любимый осенний праздник

Не являясь двунадесятым, Покров Пресвятой Богородицы в России отмечается как великий, он один из самых любимых. Это можно объяснить большим почитанием Божией Матери, которой посвящено не так много официальных церковных дат.

В середине 10 в. в Византии, во время службы чудесным образом явилась Богоматерь. В храме юродивый Андрей молился со множеством народа, а тогда службы продолжались всю ночь. Подняв голову, он увидел Богородицу, которая тоже молилась, встав на колени. Царицу Небесную окружали святые.

Затем она сняла покрывало с головы, покрыла им молящийся народ. Этим она защитила их от видимых и невидимых врагов. На Руси отмечается с 12 в. С Покрова (14 октября) традиционно начинались свадьбы, девушки молились об удачном замужестве. Акафист Покрову Пресвятой Богородицы читать можно в любой день. На акафисты существует негласный запрет только во время Великого поста.

Просить Богородицу можно о чем угодно: являясь матерью Господа, она усыновила себе весь мир. Только надо помнить, что молитва не должна быть кому-то во вред, не просить себе милости, а врагам — горя, это причиняет страдания небесной заступнице. Она смотрит с небес на чад Божиих постоянно, и каждое слово, причиняющее боль ближнему, очень ранит ее в самое сердце.

Перед какой иконой молиться

Поскольку акафисты являются, в основном, келейным (то есть домашним) чтением, многие верующие задаются вопросом — перед какой иконой надо читать акафист Пресвятой Богородице? Принципиального значения это не имеет. Подойдет любой образ, посвященный Царице Небесной.

Хотя праздник имеет собственную обширную иконографию. Часто на иконах изображается Богородица, держащая покров в вытянутых руках. Однако существуют и более сложные композиции. В нижнем ряду изображаются молящиеся люди, в том числе Блаженный Андрей, в среднем — Божия Матерь в окружении святых и ангелов, наверху композиции восседает Христос на троне. В большинстве случаев сам покров (покрывало) отмечено ярко-красным цветом.

Современные иконы более простые по написанию, на них Богородица изображена одна, с покровом в руках (белого цвета). Неважно, какой именно образ будет стоять в доме, главное, чтобы он помогал сосредоточить мысли на молитве. Молитва Богоматери способна на многое — лечит душевные раны, утишает страсти. Она готова защищать своих детей, им только надо постараться работать над собой, иметь твердую веру и доброе сердце.

«Всецарица» — помощница всем и каждому

Оригинал известного образа «Всецарица» был написан на Афоне в 17 в., там он пребывает и по сей день, в Ватопедской обители. Пречистая Дева изображена на троне, с Богомладенцем на руках. Правой рукой Он благословляет, в левой держит свиток. Два ангела осеняют фигуры своими крыльями.

С образом связана легенда. Однажды некий юноша, который занимался магией, пришел в храм, чтобы проверить свои чары на иконе. Внезапно лик Богородицы засиял, нечестивого юношу с силой отбросило, он упал навзничь. Бог запрещает пользоваться любой магией, о чем сказано в Библии, что и было показано. Юноша тут же покаялся и бросил ворожбу.

Современные люди для достижения своих целей тоже готовы обращаться к разным колдунам. Им следует хорошо подумать, прежде чем сворачивать на эту опасную тропу. Лучше читать акафист Пресвятой Богородице Всецарица, это поможет вернуться на истинный путь богопознания. Приписывают этой иконе силу исцелять от рака.

Как следует читать акафист

• Сначала обязательно произнести предначинательные молитвы, обычно они есть в акафистнике.

• Во время чтения заключительных молитв можно упоминать разных людей.

• На чтение акафиста дома брать благословение необязательно. Молиться можно в любое время, в любой день. Но если хочется взять обет на определенное количество — надо посоветоваться с духовником. Не следует брать непосильных обещаний.

• Если планируется чтение вслух в храме — надо спросить позволения у настоятеля. Возможно, священник даже согласиться провести молебен. Во многих храмах проходят традиционные молебны с акафистами от пьянства, например.

• Количество дней, в которые читается акафист, церковью не регламентировано. Можно читать один, можно 40 дней — сколько по силам. Результат молитвы зависит не от количества повторов, а от веры, искренности молящегося.

АКАФИСТ ПРЕСВЯТОЙ БОГОРОДИЦЕ ПРЕД ИКОНОЙ «ВСЕЦАРИЦА»

Кондак 1

Новоявле́нней Тво­е́й ико­не пред­стоя́­ще ве́рнии, уми́ль­но вос­пе­ва́­ем Ти, Всецари́це, раби́ Твои́; низпосли́ цельбы́ к Те­бе́ при­те­ка́ю­щим ны́­не ра­бо́м Тво­и́м, да вси ра́­дост­но зо­ве́м Ти:

Ра́­дуй­ся, Всецари́це, не­ду́­ги на́­ша бла­го­да́­тию исцеля́ющая.

Икос 1

А́н­гел пред­ста́­тель с Не­бе­се́ сшед, ре­че́ Всецари́це: ра́­дуй­ся! И боговеща́нным гла́сом, воплоща́ема Тя зря, Го́с­по­ди, возо­пи́ к Ней та­ко­ва́я:

Ра́­дуй­ся, глави́зно на́­ше­го спа­се́­ния; ра́­дуй­ся, ис­пол­не́­ние Зижди́телева смотре́ния.

Ра́­дуй­ся, я́ко То­бо́ю Бог во­пло­ти́­ся; ра́­дуй­ся, я́ко Неви́димый в Те­бе́ изобрази́ся.

Ра́­дуй­ся, Ми́­лость ми́­ра внутрь прия́вшая; ра́­дуй­ся, оде­я́ние пло́­ти Сло́­ву сотка́вшая.

Ра́­дуй­ся, уму́ непости́жная го́рняя сла́­во; ра́­дуй­ся, серд­ца́ оживи́вшая не­бе́с­ная ма́нно.

Ра́­дуй­ся, звез­до́, бла­го­да́­ти сия́ние; ра́­дуй­ся, ис­то́ч­ни­че, живы́я воды́ излия́ние.

Ра́­дуй­ся, Бо­го­ро́­ди­це, в же­на́х бла­го­сло­ве́н­ная; ра́­дуй­ся, ро́жд­шая Спа́­са Де́­во нетле́нная.

Ра́­дуй­ся, Всецари́це, не­ду́­ги на́­ша бла­го­да́­тию исцеля́ющая.

Кондак 2

Безнача́льное Сло́­во От­ро­ча́ мла́до То­бо́ю бысть, ис­це­ле́­ния по­дая́ Тя, Де́­во, чту́­щим и не­из­ре­че́н­ное Его́ Рождество́ воспева́ющим: Алли­лу́иа.

Икос 2

Ра́­зум недоразумева́емый ра­зу­ме́­ти Де́ва и́щу­щи, возо­пи́ к служа́щему: я́ко От­ро­ко­ви́­ца чи́с­тая, ка́­ко бу́ду Вы́ш­ня­го Ма́­ти, изъясни́. К Ней же Гаврии́л ре­че́ со стра́­хом, зо­вы́й та­ко­ва́я:

Ра́­дуй­ся, сове́та Вы́ш­ня­го Избра́ннице; ра́­дуй­ся, гла́­са мо­ля́­щих­ся Скоропослу́шнице.

Ра́­дуй­ся, со­кро́­ви­ще Хри­сто́­ва ми́­ра; ра́­дуй­ся, лю­де́й Тво­и́х на­де́ж­до и си́­ло.

Ра́­дуй­ся, ра́ковыя я́з­вы ди́в­ная губи́тельнице; ра́­дуй­ся, про́­чих бо­ле́з­ней Исцели́тельнице.

Ра́­дуй­ся, еди́ное ми́­ру за­ступ­ле́­ние; ра́­дуй­ся, ве́рное в ско́р­бех из­бав­ле́­ние.

Ра́­дуй­ся, плач и сле́зы при́с­но утоля́ющая; ра́­дуй­ся, спа­се́­ния вхо́ды всем отверза́ющая.

Ра́­дуй­ся, ски́птре и держа́во Афо́н населя́ющих; ра́­дуй­ся, же́зле мо­на́­хов и миря́н.

Ра́­дуй­ся, Всецари́це, не­ду́­ги на́­ша бла­го­да́­тию исцеля́ющая.

Кондак 3

Си́­ла Вы́ш­ня­го осени́ Тя, От­ро­ко­ви́­це, плоть прия́т неизрече́нно, по­ка­за́ Тя село́ сла́дкое хотя́щим жа́ти спа­се́­ние и пою́­щим: Алли­лу́иа.

Икос 3

Про­сла́­ви­ся ди́в­но свя­та́я ико́­на Твоя́, Всецари́ца имену́емая, ег­да́ цельбоно́сно яви́­ся Бо­го­ма́­те­ре изо­бра­же́­ние; во­пию́­щим же пред не́ю с ве́­рою ис­це­ле́­ния подае́ши, да умножа́ются пе́сни сицевы́я:

Ра́­дуй­ся, Ма́­ти незаходи́маго Све́­та; ра́­дуй­ся, претерпе́вших до кон­ца́ побе́до.

Ра́­дуй­ся, в бо­ле́з­нех и ско́р­бех су́­щим врачева́ние; ра́­дуй­ся, си­ро́т и вдо­ви́ц неруши́мая сте­но́.

Ра́­дуй­ся, две́ри ра́йс­кия отверза́ющая; ра́­дуй­ся, тру­жда́ю­щих­ся и об­ре­ме­не́н­ных заступа́ющая.

Ра́­дуй­ся, о спа­се́­нии ве́р­ных Хо­да́­таи­це; ра́­дуй­ся, за род челове́ческий Моли́твеннице.

Ра́­дуй­ся, ле́ствице не­бе́с­ная, возводя́щая от зем­ли́ к Не­бе­си́; ра́­дуй­ся, водо́ жива́я, омы­ва́ю­щая сме́ртные гре­хи́.

Ра́­дуй­ся, А́гнице, серд­ца́ незло́бивых храня́щая; ра́­дуй­ся, По­кро́­ве, чад Це́рк­ви осеня́ющий.

Ра́­дуй­ся, Всецари́це, не­ду́­ги на́­ша бла­го­да́­тию исцеля́ющая.

Кондак 4

Жи­во́т ми́рови да́руя, Вла­ды́­ка ми́­ра все­ли́­ся во утро́бу Твою́ неискусому́жно и, Ма́­терь ве́р­ных Тя показа́в, в ми́­ре тех вос­пе­ва́­ти при­зва́: Алли­лу́иа.

Икос 4

Пре­сла́в­ная соде́яшася о Те­бе́, Гра́­де Бо́­жий, исцеле́нием быва́ющим от свя­ты́я ико́­ны Твоея́; цельбоно́сныя струи́ врачева́ний при­е́м­лю­ще, бла­го­да́р­ствен­но, о Всецари́це, во­пи­е́м:

Ра́­дуй­ся, сна́добие, боль утоля́ющее; ра́­дуй­ся, прохла́до, жар неду́жный остужа́ющая.

Ра́­дуй­ся, прижига́ющая ра́ковыя я́з­вы, а́ки пла́менем; ра́­дуй­ся, подыма́ющая со одра́ оста́вленных врачми́.

Ра́­дуй­ся, лик Свой пре­чи́с­тый избра́нным яв­ля́ю­щая; ра́­дуй­ся, от гре­хо́в­ных уз разреша́ющая.

Ра́­дуй­ся, я́ко То­бо́ю из­бав­ле́­ние от сме́р­ти да­ро­ва́­ся; ра́­дуй­ся, я́ко То­бо́ю не­ис­че́т­ный сонм ве́р­ных оправда́ся.

Ра́­дуй­ся, высото́, челове́ческими по́мыслы неизсле́дованная; ра́­дуй­ся, глубино́, еди́­ным Сло́­вом изве́данная.

Ра́­дуй­ся, проро́чествие пре́ж­де Те­бе́ бы́вших па­три­а́р­хов; ра́­дуй­ся, нас­та́в­ни­це Те­бе́ моли́вшихся иера́рхов.

Ра́­дуй­ся, Всецари́це, не­ду́­ги на́­ша бла­го­да́­тию исцеля́ющая.

Кондак 5

Пре­чи́с­тый Храм Спа́сов позна́хом Тя, От­ро­ко­ви́­це; к Те­бе́ припа́даем, Чи́с­тая, да нас соде́лаеши хра́мы Бо­же­ства́, во­пию́­щих Ему́ : Алли­лу́иа.

Икос 5

Ви́деша чи́ни А́нгельстии на ру­ку́ Твое́ю Со­зда́в­ша­го ру­ко́ю че­ло­ве́­ки и, я́ко Влады́чицу разумева́юще Тя еди́ну, а́ще и рабо́ю Се­бе́ нарекла́ еси́, по­тща́­ша­ся пе́снь­ми послужи́ти Ти, Благослове́нней, сицевы́ми:

Ра́­дуй­ся, Бо́­гом поста́вленная пре­вы́­ше не­бе́с­ных Сил; ра́­дуй­ся, чуде́сными исцеле́ньми исполня́ющая мир.

Ра́­дуй­ся, хва­лу́ и сла́­ву от Небе́с слы́шащая; ра́­дуй­ся, благодаре́ние от зем­ли́ при­е́м­лю­щая.

Ра́­дуй­ся, я́ко се́мя тли в сердца́х потреби́ла еси́; ра́­дуй­ся, я́ко ко́з­ней диа́­воль­ских яре́м сокруши́ла еси́.

Ра́­дуй­ся, юдо́ль плаче́вную испо́лнившая ра́­дос­тию; ра́­дуй­ся, ско́р­би изменя́ющая в не­бе́с­ную сла́­дость.

Ра́­дуй­ся, бла­го­уха́­ние Бо́­гу прия́тное; ра́­дуй­ся, ка́ю­щих­ся гре́ш­ни­ков ве­се́­лие изря́дное.

Ра́­дуй­ся, бро­не́ пра́в­ды от ис­ку­ше́­ний; ра́­дуй­ся, щи́­те огражде́ния от вражды́ и нестрое́ний.

Ра́­дуй­ся, Всецари́це, не­ду́­ги на́­ша бла­го­да́­тию исцеля́ющая.

Кондак 6

Пропове́дницы богоглаго́ливии, Спа́совы ученицы́, предста́ша Ти, Де́­во, чу́дно, внегда́ от зем­ли́ к Не­бе­си́ восходи́ла еси́, да еди́­ным се́рд­цем и ус­ты́ воспою́т Бо́­го­ви: Алли­лу́иа.

Икос 6

Воз­сия́ ди́в­ная бла­го­да́ть от ико́­ны Твоея́, Всецари́це, ег­да́ ю́ноша, уче́ньми сатани́нскими омраче́нный, пред не́ю паде́ и недви́жим бысть; па́­че ча́яния же от уз мра́чных свобожде́нный, со стра́­хом и ра́­дос­тию взыва́ше Ти си́­це:

Ра́­дуй­ся, ис­прав­ле́­ние не­чес­ти́­ва­го жи­тия́; ра́­дуй­ся, уте­ше́­ние стра́ждущих лю́­те.

Ра́­дуй­ся, бесо́вских по́лчищ от Це́рк­ве отгна́ние; ра́­дуй­ся, мглы гре­хо́в­ныя разсе́яние.

Ра́­дуй­ся, ко́з­ней не­ви́­ди­мых упраздне́ние; ра́­дуй­ся, де́монских чар всемо́щное одо­ле́­ние.

Ра́­дуй­ся, све­ти́ль­ни­че, прельще́нных на­став­ля́яй; ра́­дуй­ся, о́блаче, неви́нных от зла покрыва́яй.

Ра́­дуй­ся, хо́лме, небе́сною ма́нною пита́ющий; ра́­дуй­ся, доли́но, смире́нием Хри­сто́­вым насыща́ющая.

Ра́­дуй­ся, ка́­ме­ню Не­бе́с­на­го Ца́рст­вия; ра́­дуй­ся, зер­ца́­ло преве́чнаго Све́­та.

Ра́­дуй­ся, Всецари́це, не­ду́­ги на́­ша бла­го­да́­тию исцеля́ющая.

Кондак 7

Хо­тя́­щу да́­ти Се­бе́ в снедь ве́р­ным, бла­го­во­ли́л еси́ от Де́­вы воплоти́тися, да при­е́м­лю­ще Пречи́стое Те́­ло и Кровь Твою́, позна́ют Тя, Бо́­га соверше́ннаго; те́м­же, ди­вя́­ще­ся неизрече́нней пре­му́д­ро­сти сей, зо­ве́м: Алли­лу́иа.

Икос 7

Но́вое по­ка­за́ та́инство я́вль­ся Зижди́тель, со ученики́ соверши́вый Та́йную Свою́ Ве́черю; мы же, моля́ще Всецари́цу удосто́ити нас Бо­же́ст­вен­ныя Свя­ты́­ни, воспису́ем Ей си­це­ва́я:

Ра́­дуй­ся, Пода́тельнице Не­бе́с­на­го Хле́ба; ра́­дуй­ся, Ро­ди́­тель­ни­це Ве́ч­на­го Жи­во­та́.

Ра́­дуй­ся, ча́ше, Хри­сту́ приобща́ющая; ра́­дуй­ся, ду́­шу и те́­ло с Бо́­гом сочета́ющая.

Ра́­дуй­ся, лжи́це злата́я, испо́лнь Бо­же́ст­вен­ных Та́­ин; ра́­дуй­ся, киво́те дра­ги́й, вмес­ти́­ли­ще ве­ли́­кия Свя­ты́­ни.

Ра́­дуй­ся, пе́рсте, на свя­ту́ю Евхари́стию указу́яй; ра́­дуй­ся, Трапе́зо, предлага́ющая нам Пи́щу Свя­ту́ю.

Ра́­дуй­ся, в час су́дный досто́йных прича́стников одесну́ю поставля́ющая; ра́­дуй­ся, ревни́телей Бо­же́ст­вен­ныя Литурги́и от а́да из­бав­ля́ю­щая.

Ра́­дуй­ся, приводя́щая сме́рт­ных к Исто́чнику без­сме́р­тия; ра́­дуй­ся, огражда́ющая чад Сво­и́х ми́­ром и кре́постию.

Ра́­дуй­ся, Всецари́це, не­ду́­ги на́­ша бла­го­да́­тию исцеля́ющая.

Кондак 8

Стра́н­ное Рождество́ ви́­дев­ше, жите́йское вся́­кое отложи́м попече́ние и го­ре́ име́ем серд­ца́; на сие́ бо Вы́шний яви́­ся, во е́же привлещи́ к вы­со­те́ Тому́ во­пию́­щия: Алли­лу́иа.

Икос 8

Неотсту́пно в не́драх Оте́ческих пребыва́я, Сло́­во не­опи­са́н­ное на зем­ли́ плоть бысть; Бог Ве́­лий со­тво­ри́ ве­ли́­чие Де́ве и призре́ на сми­ре́­ние Ра­бы́ Своея́, слы́шащия си­це­ва́я:

Ра́­дуй­ся, не­вме­сти́­ма­го Бо́­га вмести́вшая; ра́­дуй­ся, надми́рнаго Творца́ ми́­ру яви́вшая.

Ра́­дуй­ся, я́ко со­кру­ши́ся сме́р­ти дер­жа́­ва; ра́­дуй­ся, я́ко исцели́ся Ада́мова ра́на.

Ра́­дуй­ся, пла́стырю, стру́пы ду­ше́в­ныя заживля́яй; ра́­дуй­ся, еле́е, я́з­вы те­ле́с­ныя умаща́яй.

Ра́­дуй­ся, утоле́ние бо­ле́з­ней рожда́ющих; ра́­дуй­ся, облегче́ние мук умира́ющих.

Ра́­дуй­ся, нане́сшая пораже́ние а́ду; ра́­дуй­ся, притупи́вшая сме́р­ти жа́ло.

Ра́­дуй­ся, ча́яние всео́бщаго воскресе́ния; ра́­дуй­ся, пра­во­сла́в­ных несумне́нное спа­се́­ние.

Ра́­дуй­ся, Всецари́це, не­ду́­ги на́­ша бла­го­да́­тию исцеля́ющая.

Кондак 9

Вся́­кое ес­тес­тво́ а́н­гель­ское и челове́ческое уди­ви́­ся вели́чию непостижи́маго Тво­его́ воплоще́ния, Сло́­ве; недоумева́юще же о сей ве́лией та́й­не бла­го­че́с­тия, со стра́­хом и тре́петом бла­го­да́р­ствен­но зо­ве́м Ти: Алли­лу́иа.

Икос 9

Многоразли́чными не­ду́­ги одержи́мии, о Всецари́це, от свя­ты́я ико́­ны Твоея́ па́­че ча́яния ис­це­ле́­ния получа́ют, да при­и́м­ше ве́­рою бла­го­да́ть, велегла́сно во­пи­ю́т Ти:

Ра́­дуй­ся, здра́вых чад при́сное сохране́ние; ра́­дуй­ся, бо­ля́­щих ко здра́вию преложе́ние.

Ра́­дуй­ся, дете́й неду́гующих ис­це­ле́­ние; ра́­дуй­ся, ю́ных страда́льцев Ма́­ти.

Ра́­дуй­ся, возста́ние на одр бо­ле́з­ни пове́рженных; ра́­дуй­ся, от­ра́­до стра́­хом сме́ртным одержи́мых.

Ра́­дуй­ся, я́ко вне́млеши че­ло­ве́­ков рыда́нием; ра́­дуй­ся, призрева́ющая на на́­ша стена́ния.

Ра́­дуй­ся, боле́й зем­ны́х небе́сною ра́­дос­тию растворе́ние; ра́­дуй­ся, лю́­те обу­ре­ва́­емых пачеесте́ственное терпе́ние.

Ра́­дуй­ся, я́ко уготовля́еши пла́­чу­щим ра́­дость; ра́­дуй­ся, я́ко снабдева́еши кро́тких крило́ма мо­ли́т­вы.

Ра́­дуй­ся, Всецари́це, не­ду́­ги на́­ша бла­го­да́­тию исцеля́ющая.

Кондак 10

Спас­ти́ хо­тя́ Зижди́тель истле́вшее грехо́м челове́ческое ес­тес­тво́, сни́­де на Тя, я́ко дождь на руно́, и, купину́ Тя соде́лав неопали́мую, Бог сый, бысть Че­ло­ве́к, да вос­пе­ва́­ем Ему́: Алли­лу́иа.

Икос 10

Сте­на́ еси́ де́­вам, От­ро­ко­ви́­це Чи́с­тая, и всем о чис­то­те́ радя́щим, в Тя бо все­ли́­ся Бог, очища́яй разу́мная созда́ния Своя́, да избы́вше вся́­кия скве́р­ны, предлага́ем Ти си­це­ва́я:

Ра́­дуй­ся, молча́ния взыску́ющих Собесе́днице; ра́­дуй­ся, ве́н­че храня́щих де́вство.

Ра́­дуй­ся, на­ча́­ло и ко­не́ц духо́внаго соверше́ния; ра́­дуй­ся, хра­ни́­ли­ще Бо­же́ст­вен­на­го открове́ния.

Ра́­дуй­ся, Тро́и­чес­ка­го Сове́та Таи́ннице; ра́­дуй­ся, спа­се́­ния че­ло­ве́­ков вино́внице.

Ра́­дуй­ся, верши́но, го́рдым умо́м непристу́пная; ра́­дуй­ся, убе́жище, сми­ре́н­ным сердца́м досту́пное.

Ра́­дуй­ся, Чи́с­тая, Не­бе­се́ чисте́йшая; ра́­дуй­ся, Херуви́мов и Серафи́мов чест­не́й­шая.

Ра́­дуй­ся, Обра́дованная, я́ко прия́ла еси́ от Арха́нгела ра́­до­ва­ние; ра́­дуй­ся, Уте́шенная, я́ко ру́­це Твои́ осяза́сте воскре́сшаго Хри­ста́.

Ра́­дуй­ся, Всецари́це, не­ду́­ги на́­ша бла­го­да́­тию исцеля́ющая.

Кондак 11

Пе́­ние тща́щеся разу́мное Спа́су приноси́ти, всег­да́ неключи́ми, Вла­ды́­чи­це, остае́мся раби́ Твои́; кто бо мо́­жет досто́йно воспе́ти Бо́­га, Его́­же и́мя, я́ко ми́­ро излия́нное? Се­го́ ра́­ди во­пи­е́м Ему́: Алли­лу́иа.

Икос 11

Свет ве́­лий возсия́в во тьме се­дя́­щим, посети́ нас, о, Де́­во, Восто́к свы́­ше Сын и Бог Твой; Тя соде́лав свеще́ю на све́щнице, светоно́сным ча́­дом церко́вным наказу́ет приноси́ти Ти си­це­ва́я:

Ра́­дуй­ся, заре́ у́мнаго Со́лн­ца; ра́­дуй­ся, вмес­ти́­ли­ще Бо­же́ст­вен­на­го Ог­ня́.

Ра́­дуй­ся, све́­те, я́ко оде­я́ние свя­ты́х сотка́ла еси́; ра́­дуй­ся, свеще́, я́ко тьму бесо́вскую отгна́ла еси́.

Ра́­дуй­ся, ко́сных умо́в про­све­ще́­ние; ра́­дуй­ся, гре́ш­ных сер­де́ц озаре́ние.

Ра́­дуй­ся, десни́це, из мо́ря суе́тствий изводя́щая; ра́­дуй­ся, лу­чу́, путеводя́й к Ца́рствию спаса́ющихся.

Ра́­дуй­ся, мо́л­ние, нераска́янных поража́ющая; ра́­дуй­ся, гро́­ме, губи́телей устраша́ющий.

Ра́­дуй­ся, лука́выя со́вести просветле́ние; ра́­дуй­ся, умилостивле́ние Бо́­жия Суда́.

Ра́­дуй­ся, Всецари́це, не­ду́­ги на́­ша бла­го­да́­тию исцеля́ющая.

Кондак 12

Бла­го­да́ть да́­ти вос­хо­те́в, заве́та ве́тхаго Пода́тель заве́т но́вый нам да­ро­ва́; мы же, бла­го­да́ть сию́ при­и́м­ше, не де́лы зако́на, но еди́ною ве́­рою спа­се́­ние улучи́вше, воспису́ем вси: Алли­лу́иа.

Икос 12

Пою́­ще Твое́ рождество́, я́ко­же дре́в­ле Изра́иль в кимва́лех сено́вную ски́нию воспева́ше, та́­ко мы ны́­не Тя, Ски́нию и́стинну, доброде́тельми про­сла­вля­ем, да слы́­ши­ши от всех си­це­ва́я:

Ра́­дуй­ся, пе́сне, воспева́емая го­ре́; ра́­дуй­ся, пса́лме, слы́шимый ни́зу.

Ра́­дуй­ся, Еди́­но­му Бо́­гу досто́йно послужи́вшая; ра́­дуй­ся, Боже́ственней Тро́­ице смире́нием угоди́вшая.

Ра́­дуй­ся, ве́­ки Но­ся́­ща­го носи́вшая в Се­бе́; ра́­дуй­ся, престо́ле Содержа́щаго вселе́нную в ру́­це.

Ра́­дуй­ся, та́йно не­из­ре­че́н­ная ве­ко́в и време́н; ра́­дуй­ся, упо­ва́­ние тве́р­дое наро́дов и племе́н.

Ра́­дуй­ся, серде́чное ра́­до­ва­ние иере́ев благогове́йных; ра́­дуй­ся, бы́ст­рое слы́­ша­ние мо­ли́тв церко́вных и келе́йных.

Ра́­дуй­ся, Пре­му́д­ро­сти до́­ме богозда́нный; ра́­дуй­ся, ми́­лос­ти со­су́­де, Бо́­гом из­бра́н­ный.

Ра́­дуй­ся, Всецари́це, не­ду́­ги на́­ша бла­го­да́­тию исцеля́ющая.

Кондак 13

О, Всецари́це Ма́­ти, ро́жд­шая всех свя­ты́х Свя­те́й­шее Сло́­во, ны́нешнее на́­ше прие́мши песнопе́ние, от вся́­кия сме́ртныя бо­ле́з­ни ис­це­ли́ ны и бу́дущаго из­ба́­ви осужде́ния во­пию́­щих: Алли­лу́иа.

Этот кондак чи­та­ет­ся трижды, за­те́м 1-й икос «А́н­гел пред­ста́­тель…» и 1-й кондак «Новоявле́нней Тво­е́й…».

Мо­ли́т­ва пер­вая

О, Всебла́гая досточу́дная Бо­го­ро́­ди­це Панта́насса, Всецари́це! Несмь досто́ин, да вни́деши под кров мой! Но я́ко ми­ло­сти­ва­го Бо́­га любоблагоутро́бная Ма́­ти, рцы сло́­во, да исцели́тся душа́ моя́ и укрепи́тся немощству́ющее те́­ло мое́. И́ма­ши бо держа́ву непобеди́мую и не изнемо́жет у Те­бе́ всяк глаго́л, о, Всецари́це! Ты за мя упроси́, Ты за мя умо­ли́, да про­слав­ля́ю пре­сла́в­ное и́мя Твое́ всег­да́, ны́­не и в без­ко­не́ч­ныя ве́­ки. Ами́нь.

Мо­ли́т­ва вто­рая

О, Пре­чи́с­тая Бо­го­ма́­ти, Всецари́це! Услы́­ши многоболе́зненное воздыха́ние на́­ше пред чудотво́рною ико́­ною Твое́ю, из уде́ла Афо́нскаго в Росси́ю пренесе́нною, при́­зри на чад Тво­и́х, неисце́льными не­ду́­ги стра́ждущих и ко свя­то́­му о́б­ра­зу Тво­ему́ с ве́­рою при­па́­даю­щих! Я́ко­же пти́ца крило́ма покрыва́ет птенцы́ своя́, та́­ко и Ты ны́­не, при́с­но жи́ва су́­щи, по­кры́й нас мно­го­це­ле́б­ным Тво­и́м омофо́ром. Та́­мо, иде́­же наде́жда исчеза́ет, не­сум­не́н­ною на­де́ж­дою бу́­ди. Та́­мо, иде́­же лю́тыя ско́р­би превозмога́ют, тер­пе́­ни­ем и осла́бою яви́­ся. Та́­мо, иде́­же мрак отча́яния в ду́­ши все­ли́­ся, да возсия́ет неизрече́нный свет Бо­же­ства́! Малоду́шныя уте́ши, немощны́я укре­пи́, ожесточе́нным сердца́м умягче́ние и про­све­ще́­ние да́­руй. Ис­це­ли́ боля́щия лю́­ди Твоя́, о, все­ми́­лос­ти­вая Ца­ри́­це! Ум и ру́­ки врачу́ющих нас благослови́, да послу́жат ору́дием всемо́щнаго Врача́ Хри­ста́ Спа́­са на́­ше­го. Я́ко живе́й Ти су́­щей с на́­ми, мо́­лим­ся пред ико́­ною Твое́ю, о, Вла­ды́­чи­це! Про­стри́ ру́­це Твои́, испо́лненныя ис­це­ле́­ния и врачбы́, Ра́­дос­те скор­бя́­щих, в пе­ча́­лех Уте­ше́­ние, да чудотво́рную по́­мощь ско́ро по­лу­чи́в, про­сла­вля­ем Живонача́льную и Неразде́льную Тро́ицу, От­ца́, и Сы́­на, и Свя­та́­го Ду́­ха во ве́­ки ве­ко́в. Ами́нь.

Акафист Пресвятой Богородице — слушать онлайн

Акафист пресвятой Богородице — слушать и читать онлайн was last modified: Июль 8th, 2017 by Bogolub