Акафист богородице споручница грешных

akafist-bogoroditse-sporuchnitsa-greshnyh

Детально: акафист богородице споручница грешных - со всех открытых источников и разных уголков мира на сайте 1000-molitv.ru для наших уважаемых читателей.

Оглавление [Показать]

А҆ка́ѳїстъ прест҃ѣ́й бцⷣѣ въ че́сть і҆кѡ́ны є҆ѧ̀ спорꙋ́чница грѣ́шныхъ.

Конда́къ а҃.

И҆збра́ннѣй ѿ всевы́шнѧго, грѣ́шныхъ спорꙋ́чнице, преклонѧ́ющей на млⷭ҇рдїе сн҃а своегѡ̀, да сп҃се́тъ ꙗ҆̀же созда̀ рꙋко́ю свое́ю, бл҃года́рственное пѣ́нїе прино́симъ тѝ, мт҃и дв҃о и҆ влⷣчце, ѡ҆ ꙗ҆вле́нїи ди́вныѧ твоеѧ̀ и҆ чꙋдотво́рныѧ і҆кѡ́ны. Ты́ же, ꙗ҆́кѡ предста́тельство ко гдⷭ҇ꙋ и҆мꙋ́щи, потщи́сѧ ѿ ѡ҆бстоѧ́нїй многоѻбра́зныхъ и҆зба́вити ны̀ и҆ вѣ́чное сп҃се́нїе на́мъ содѣ́лати, да, воспѣва́юще, вопїе́мъ тѝ:

Ра́дꙋйсѧ, грѣ̑шнымъ спорꙋ́чнице, всегда̀ ѡ҆ на́съ рꙋ́цѣ своѝ въ порꙋче́нїе бг҃ꙋ приносѧ́щаѧ.

І҆́косъ а҃.

А҆́гг҃лѡвъ ли́ки бл҃гоговѣ́йнѡ тебѣ̀ слꙋ́жатъ и҆ ст҃і́и всѝ немо́лчными гла̑сы тѧ̀ ᲂу҆бл҃жа́ютъ, бцⷣе дв҃о, ꙗ҆́кѡ ро́ждшꙋю а҆́гг҃лѡвъ цр҃ѧ̀, хрⷭ҇та̀, бг҃а на́шегѡ. Мы́ же, грѣ́шнїи, подража́ти и҆̀мъ дерза́юще и҆ бл҃гохвали́ти тѧ̀ недоꙋмѣ́юще, смиренномꙋ́дреннѡ а҆рха́гг҃льскїй гла́съ вопїе́мъ тѝ, чⷭ҇таѧ:

Ра́дꙋйсѧ, бл҃года́тнаѧ, гдⷭ҇ь съ тобо́ю: ра́дꙋйсѧ, пребл҃гослове́ннаѧ въ жена́хъ, дв҃о всенепоро́чнаѧ.

Ра́дꙋйсѧ, дщѝ ѻ҆ц҃а̀ нбⷭ҇нагѡ: ра́дꙋйсѧ, мт҃и сн҃а превѣ́чнагѡ.

Ра́дꙋйсѧ, дх҃а ст҃а́гѡ селе́нїе: ра́дꙋйсѧ, а҆́гг҃лѡвъ и҆ чл҃вѣ̑къ непреста́нное ᲂу҆дивле́нїе.

Ра́дꙋйсѧ, чтⷭ҇нѣ́йшаѧ херꙋві̑мъ: ра́дꙋйсѧ, сла́внѣйшаѧ без̾ сравне́нїѧ серафі̑мъ.

Ра́дꙋйсѧ, грѣ̑шнымъ спорꙋ́чнице, всегда̀ ѡ҆ на́съ рꙋ́цѣ своѝ въ порꙋче́нїе бг҃ꙋ приносѧ́щаѧ.

Конда́къ в҃.

Ви́дѧщи премлⷭ҇рднаѧ мт҃рь бж҃їѧ земно́е ско́рбное житїѐ на́ше, не́мощи и҆ болѣ́зни, бл҃гоизво́ли да́ти на́мъ въ бл҃гослове́нїе и҆ ᲂу҆тѣше́нїе, въ ра́дость и҆ сп҃се́нїе и҆ ѿ всѧ́кихъ бѣ́дъ и҆ напа́стей ѡ҆гражде́нїе і҆кѡ́нꙋ свою̀ ст҃ꙋ́ю, спорꙋ́чницею грѣ̑шнымъ въ не́й наре́кшисѧ, да ра́дѡстнаѧ пред̾ се́ю і҆кѡ́ною є҆́й приносѧ́ще, ра́достнѡ всегда̀ пою́тъ бг҃ꙋ: А҆ллилꙋ́їа.

І҆́косъ в҃.

Ра́зꙋмъ нбⷭ҇ный ѿкрыва́ющи, бцⷣе дв҃о, бл҃гоизво́лила є҆сѝ мнѡ́гими чꙋдесы̑ просла́вити і҆кѡ́нꙋ твою̀ ст҃ꙋ́ю, спорꙋ́чница грѣ́шныхъ и҆менꙋ́емꙋю, да всѝ, вѣ́дꙋще таково́е твоѐ ѡ҆ не́й бл҃говоле́нїе, пѣ́сненнѡ тебѣ̀ зовꙋ́тъ:

Ра́дꙋйсѧ, млⷭ҇рдаѧ всѣ́хъ на́съ ѡ҆ хрⷭ҇тѣ̀ мт҃и: ра́дꙋйсѧ, неистощи́маѧ сокро́вищнице бж҃е́ственныѧ бл҃года́ти.

Ра́дꙋйсѧ, тобо́ю бо нисхо́дитъ къ на́мъ бж҃їе бл҃говоле́нїе: ра́дꙋйсѧ, тобо́ю бо и҆́мамы вѧ́щшее къ бг҃ꙋ дерзнове́нїе.

Ра́дꙋйсѧ, мл҃твы всѣ́хъ хрⷭ҇тїа́нъ прїе́млющаѧ: ра́дꙋйсѧ, и҆ са́мыхъ ѿча́ѧнныхъ грѣ́шникѡвъ молє́нїѧ не ѿверга́ющаѧ.

Ра́дꙋйсѧ, ꙗ҆́кѡ предста́тельствомъ твои́мъ сп҃сти́сѧ ᲂу҆пова́емъ. Ра́дꙋйсѧ, ꙗ҆́кѡ мл҃твами твои́ми црⷭ҇тво нбⷭ҇ное полꙋчи́ти ча́емъ.

Ра́дꙋйсѧ, грѣ̑шнымъ спорꙋ́чнице, всегда̀ ѡ҆ на́съ рꙋ́цѣ своѝ въ порꙋче́нїе бг҃ꙋ приносѧ́щаѧ.

Конда́къ г҃.

Си́ла бл҃года́тнаѧ ѡ҆сѣнѧ́етъ всѣ́хъ, пребл҃гослове́ннаѧ мт҃рь бж҃їѧ, съ вѣ́рою къ тебѣ̀, ꙗ҆́кѡ спорꙋ́чнице грѣ́шныхъ, притека́ющихъ и҆ ст҃ѣ́й і҆кѡ́нѣ твое́й покланѧ́ющихсѧ: є҆ди́нѣй бо то́кмѡ тебѣ̀ даде́сѧ да́ръ всѧ́кое бл҃го́е проше́нїе ско́рѡ и҆сполнѧ́ти и҆ грѣ́шныхъ ми́ловати и҆ сп҃са́ти, и҆ є҆ди́на то́кмѡ ты̀ мо́жеши вои́стиннꙋ всѣ̑мъ помощѝ є҆ли́ка хо́щеши, бг҃ꙋ пою́щымъ: А҆ллилꙋ́їа.

І҆́косъ г҃.

И҆мѣ́ѧ мт҃рнее ѡ҆ всѣ́хъ всебл҃го́е промышле́нїе, ты̀, всебл҃га́ѧ мт҃и бж҃їѧ, и҆ са́мыхъ ѿча́ѧнныхъ грѣ́шникѡвъ ко сп҃се́нїю призыва́еши, глаго́лющи: а҆́зъ є҆́смь спорꙋ́чница грѣ́шныхъ къ сн҃ꙋ моемꙋ̀ и҆ бг҃ꙋ, и҆́же и҆ ѡ҆бѣща̀ мнѣ̀ слы́шати мѧ̀ всегда̀, да ра̑достнаѧ мнѣ̀ приносѧ́щїи вѣ́чнѡ ра́доватисѧ бꙋ́дꙋтъ чрез̾ менє̀. Сегѡ̀ ра́ди мы̀, грѣ́шнїи, тебѣ̀, ꙗ҆́кѡ спорꙋ́чнице на́шей, ра́достнѡ зове́мъ:

Ра́дꙋйсѧ, застꙋ́пнице ᲂу҆се́рднаѧ, ѿ бг҃а на́мъ дарова́ннаѧ: ра́дꙋйсѧ, къ нбⷭ҇номꙋ ѻ҆те́чествꙋ пꙋтеводи́тельнице на́ша бл҃года́тнаѧ.

Ра́дꙋйсѧ, ѿ ро́ва поги́бели и҆схища́ющаѧ: ра́дꙋйсѧ, безпомо́щныхъ на своѝ всемѡ́щныѧ рꙋ́цѣ прїе́млющаѧ.

Ра́дꙋйсѧ, непреста́нное ᲂу҆ны́нїе ѿгонѧ́ющаѧ: ра́дꙋйсѧ, па́дшихъ ко бл҃года́ти возставлѧ́ющаѧ.

Ра́дꙋйсѧ, сло́во премꙋ́дрости просѧ́щымъ да́рꙋющаѧ: ра́дꙋйсѧ, и҆ неразꙋ́мныхъ разꙋ́мными содѣ́лывающаѧ.

Ра́дꙋйсѧ, грѣ̑шнымъ спорꙋ́чнице, всегда̀ ѡ҆ на́съ рꙋ́цѣ своѝ въ порꙋче́нїе бг҃ꙋ приносѧ́щаѧ.

Конда́къ д҃.

Бꙋ́рею сомнѣ́нїй и҆скꙋша́емаѧ нѣ́каѧ жена̀ не хотѧ́ше вѣ́ровати чꙋдесє́мъ, ѿ і҆кѡ́ны твоеѧ̀, спорꙋ́чницы, быва́емымъ, но внеза́пнꙋ ꙗ҆́звою смертоно́сною пораже́ннаѧ, позна̀ си́лꙋ твою̀ всемо́щнꙋю, влⷣчце, и҆ чꙋдотво́рныѧ і҆кѡ́ны твоеѧ̀ бл҃года́ть, и҆, раска́ѧвшисѧ, сле́знѡ молѧ́ше тѧ̀ ѡ҆ проще́нїи невѣ́рствїѧ є҆ѧ̀, млⷭ҇рдїемъ же твои́мъ и҆сцѣле́ннаѧ, бл҃года́рственнѡ бг҃ꙋ ѡ҆ тебѣ̀ всегда̀ вопїѧ́ше: А҆ллилꙋ́їа.

І҆́косъ д҃.

Слы́шитъ гдⷭ҇ь твоѧ̀ ѡ҆ на́съ на нб҃сѝ хода́тайства, цр҃и́це нбⷭ҇наѧ, и҆ и҆сполнѧ́етъ твоѧ̑ прошє́нїѧ: мы́ же, грѣ́шнїи, ꙗ҆́кѡ всебл҃гꙋ́ю скоропослꙋ́шницꙋ и҆ спорꙋ́чницꙋ на́шꙋ, про́симъ и҆ мо́лимъ тѧ̀: влⷣчце, ско́рѡ ᲂу҆слы́ши молє́нїѧ на̑ша и҆ всѧ̑ на́ша печа̑ли на ра́дость преложѝ и҆ проше́нїѧ всѣ́хъ здѣ̀ молѧ́щихсѧ ско́рѡ и҆спо́лни, да ра́достнѡ всегда̀ пое́мъ тѝ:

Ра́дꙋйсѧ, приносѧ́щаѧ къ сн҃ꙋ твоемꙋ̀ и҆ бг҃ꙋ молє́нїѧ вѣ́рныхъ: ра́дꙋйсѧ, и҆ сама̀ ᲂу҆ прⷭ҇то́ла сн҃а твоегѡ̀ всегда̀ ѡ҆ на́съ молѧ́щаѧсѧ.

Ра́дꙋйсѧ, спорꙋ́чнице грѣ́шныхъ: ра́дꙋйсѧ, взыска́нїе поги́бшихъ.

Ра́дꙋйсѧ, неча́ѧннꙋю ра́дость вѣ̑рнымъ да́рꙋющаѧ: ра́дꙋйсѧ, и҆ на̑ша прошє́нїѧ ско́рѡ и҆сполнѧ́ющаѧ.

Ра́дꙋйсѧ, млⷭ҇тиваѧ, всегда̀ на́съ ми́лꙋющаѧ: ра́дꙋйсѧ, житїѐ на́ше до́брое ᲂу҆строѧ́ющаѧ.

Ра́дꙋйсѧ, грѣ̑шнымъ спорꙋ́чнице, всегда̀ ѡ҆ на́съ рꙋ́цѣ своѝ въ порꙋче́нїе бг҃ꙋ приносѧ́щаѧ.

Конда́къ є҃.

Ꙗ҆́кѡ лꙋчеза́рнꙋю ѕвѣздꙋ̀, ве́сь мі́ръ ѡ҆зарѧ́ющꙋю, подава́ла є҆сѝ на́мъ, влⷣчце мі́ра, чⷭ҇тнꙋ́ю твою̀ і҆кѡ́нꙋ, спорꙋ́чницею грѣ́шныхъ и҆менꙋ́емꙋю, на ню́же взира́юще, само́й тебѣ̀, и҆́стиннѣй бж҃їей мт҃ри и҆ дв҃ѣ, покланѧ́емсѧ, глаго́люще: влⷣчце, прїимѝ мл҃твы ра̑бъ твои́хъ и҆ и҆зба́ви ны̀ ѿ всѧ́кїѧ нꙋ́жды и҆ печа́ли, восхвалѧ́ющихъ тѧ̀ и҆ бг҃ꙋ воспѣва́ющихъ: А҆ллилꙋ́їа.

І҆́косъ є҃.

Нѣ́кїй бл҃гоговѣ́йный мꙋ́жъ стра́хомъ ве́лїимъ преиспо́лнисѧ, є҆гда̀ въ но́щь свѣ́тлагѡ хрⷭ҇то́ва воскр҃се́нїѧ ви́дѣ і҆кѡ́нꙋ твою̀, спорꙋ́чнице всебл҃га́ѧ, свѣ́томъ нбⷭ҇нымъ блиста́ющꙋюсѧ и҆, ꙗ҆́кѡ дождє́вныѧ ка̑пли, мѵ́ро и҆сточа́ющꙋю и҆ молнїеви́дныѧ и҆́скры и҆спꙋща́ющꙋю, позна́въ въ се́мъ зна́менїи млⷭ҇ти твоеѧ̀ къ лю́демъ, со слеза́ми ᲂу҆миле́нїѧ и҆ бл҃годаре́нїѧ ра́достнѡ воспѣ̀ тебѣ̀, пребл҃гослове́ннѣй мт҃ри бж҃їей:

Ра́дꙋйсѧ, ѻ҆́гнь бж҃е́ственный неѡпа́льнѡ держа́вшаѧ, и҆́мже грѣхѝ на̑ша попалѧ́ютсѧ: ра́дꙋйсѧ, свѣ́тъ неприкоснове́нный носи́вшаѧ, и҆́мже дꙋ́ши на̑ша просвѣща́ютсѧ.

Ра́дꙋйсѧ, рꙋ́цѣ своѝ въ порꙋче́нїе ѡ҆ на́съ бг҃ꙋ приносѧ́щаѧ: ра́дꙋйсѧ, вхо́дъ въ црⷭ҇тво нбⷭ҇ное и҆ на́мъ, грѣ́шнымъ, ѿверза́ющаѧ.

Ра́дꙋйсѧ, ꙗ҆́кѡ мо́лнїѧ тьмꙋ̀ грѣхѡ́въ на́шихъ разсѣка́ющаѧ: ра́дꙋйсѧ, ꙗ҆́кѡ мѵ́ро бл҃гово́нное, сердца̀ на̑ша ᲂу҆мѧгча́ющаѧ.

Ра́дꙋйсѧ, и҆стѡ́чники чꙋде́съ всю́дꙋ и҆сточа́ющаѧ: ра́дꙋйсѧ, і҆кѡ́ною твое́ю всѧ̀ лю́ди возвеселѧ́ющаѧ.

Ра́дꙋйсѧ, грѣ́шнымъ спорꙋ́чнице, всегда̀ ѡ҆ на́съ рꙋ́цѣ своѝ въ порꙋче́нїе бг҃ꙋ приносѧ́щаѧ.

Конда́къ ѕ҃.

Ве́сь мі́ръ хрⷭ҇тїа́нскїй проповѣ́дꙋетъ млⷭ҇ти и҆ чꙋдеса̀ твоѧ̀, препросла́вленнаѧ мт҃и гдⷭ҇а, и҆ свѣ́тлѡ красꙋ́етсѧ мнѡ́гими чꙋдотво́рными твои́ми і҆кѡ́нами, средѝ ко́ихъ і҆кѡ́на твоѧ̀, спорꙋ́чница грѣ́шныхъ и҆менꙋ́емаѧ, ꙗ҆́кѡ лꙋна̀ по́лнаѧ, лꙋча́ми млⷭ҇ти твоеѧ̀ и҆ чꙋде́съ немерца́емѡ сїѧ́етъ, просвѣща́ющи и҆ ѡ҆свѣща́ющи дꙋ́ши на̑ша свѣ́томъ бж҃їѧ бл҃года́ти, подвиза́ющи на́съ хвале́бнѡ бг҃ꙋ взыва́ти: А҆ллилꙋ́їа.

І҆́косъ ѕ҃.

Возсїѧ̀ въ ѻ҆днꙋ̀ и҆з̾ ноще́й свѣ́тъ нбⷭ҇ный въ хра́мѣ нїко́ло-хамо́вническомъ, є҆гда̀ прїѧ́тъ ѻ҆́бразъ тво́й чꙋдотво́рный, спорꙋ́чнице грѣ́шнымъ, свѣти́льники тогда̀ и҆ лампа̑ды неви́димою си́лою въ хра́мѣ се́мъ возжига́хꙋсѧ, свѣща̀ горѧ́щаѧ а҆́ки въ слꙋже́нїи незри́мѡ кѣ́мъ ѻ҆́крестъ прⷭ҇то́ла ноша́шесѧ. Лю́дїе же, внѣ̀ хра́ма стоѧ́вшїи и҆ сїѧ̑ всѧ̑ ви́дѣвше, дивлѧ́хꙋсѧ, сла́вѧще тѧ̀, мт҃и бж҃їѧ, и҆ сн҃а твоегѡ̀: мы́ же, воспомина́юще ди́вное сїѐ видѣ́нїе, съ ᲂу҆миле́нїемъ тебѣ̀ глаго́лемъ:

Ра́дꙋйсѧ, ско́рби на́ша въ ра́дость претворѧ́ющаѧ: ра́дꙋйсѧ, ненадѣ́ющихсѧ несомнѣ́нною наде́ждою возвеселѧ́ющаѧ.

Ра́дꙋйсѧ, свѣщѐ, ᲂу҆ прⷭ҇то́ла бж҃їѧ присногорѧ́щаѧ: ра́дꙋйсѧ, лампа́до, є҆ле́емъ бж҃е́ственнымъ свѣтѧ́щаѧ.

Ра́дꙋйсѧ, свѣ́тѣ лꙋчеза́рный, пꙋ́ть жи́зни на́мъ показꙋ́ющїй: ра́дꙋйсѧ, хра́ме ѡ҆дꙋшевле́нный, всѣ́хъ на́съ ѡ҆сщ҃а́ющїй.

Ра́дꙋйсѧ, ᲂу҆пова́ющымъ на тѧ̀ непосты́днꙋю жи́знь да́рꙋющаѧ: ра́дꙋйсѧ, и҆ по сме́рти неѿстꙋ́пнѡ ѡ҆ ни́хъ пред̾ бг҃омъ хода́тайствꙋющаѧ.

Ра́дꙋйсѧ, грѣ́шнымъ спорꙋ́чнице, всегда̀ ѡ҆ на́съ рꙋ́цѣ своѝ въ порꙋче́нїе бг҃ꙋ приносѧ́щаѧ.

Конда́къ з҃.

Хотѧ̀ долготерпѣли́вый гдⷭ҇ь ꙗ҆ви́ти бе́зднꙋ своегѡ̀ чл҃вѣколю́бїѧ и҆ щедрѡ́тъ, и҆збра̀ тебє̀, прест҃а́ѧ дв҃о, въ мт҃рь себѣ̀ и҆ ꙗ҆ви́ тѧ неисчерпа́емый и҆сто́чникъ млⷭ҇тей свои́хъ, да а҆́ще кто̀ првⷣнымъ сꙋдо́мъ бж҃їимъ ѡ҆сꙋжде́нїѧ досто́инъ, твои́мъ хода́тайствомъ, ꙗ҆́кѡ грѣ̑шнымъ спорꙋ́чницы, сохране́нъ бꙋ́детъ, велегла́снѡ зовы́й: А҆ллилꙋ́їа.

І҆́косъ з҃.

Ди̑внаѧ дѣла̀ твоѧ̀ показа́лъ є҆сѝ на́мъ, гдⷭ҇и, въ пречтⷭ҇ѣй твое́й мт҃ри и҆ ди́внꙋ дарова́лъ є҆сѝ на́мъ є҆ѧ̀ і҆кѡ́нꙋ, па́че лꙋче́й со́лнечныхъ просвѣща́ющꙋю лю́ди, ꙗ҆́кѡ са́мꙋю зрѧ́щихъ бцⷣꙋ и҆ вѣ́рою серде́чною, ѿ дꙋшѝ любо́вїю, ꙗ҆́кѡ бж҃їей мт҃ри и҆ дв҃ѣ, є҆́й вопїю́щихъ:

Ра́дꙋйсѧ, кꙋпе́ле, въ не́йже всѧ̑ скѡ́рби на́ша погрꙋжа́ютсѧ: ра́дꙋйсѧ, ча́ше, є҆́юже ра́дость и҆ сп҃се́нїе всѝ воспрїе́млемъ.

Ра́дꙋйсѧ, живоно́сный и҆сто́чниче, всѣ́хъ на́съ ѡ҆животворѧ́ющїй: ра́дꙋйсѧ, цвѣ́те неꙋвѧда́емый, всѣ́хъ на́съ ѡ҆бл҃гоꙋха́ющїй.

Ра́дꙋйсѧ, скорбе́й на́шихъ ᲂу҆слажде́нїе: ра́дꙋйсѧ, печа́лей на́шихъ ᲂу҆толе́нїе.

Ра́дꙋйсѧ, болѣ́зней на́шихъ врачева́нїе: ра́дꙋйсѧ, ѿ бѣ́дъ ско́рое на́ше и҆збавле́нїе.

Ра́дꙋйсѧ, грѣ̑шнымъ спорꙋ́чнице, всегда̀ ѡ҆ на́съ рꙋ́цѣ своѝ въ порꙋче́нїе бг҃ꙋ приносѧ́щаѧ.

Конда́къ и҃.

Стра́нники и҆ прише́льцы є҆смы̀ на землѝ и҆, по глаго́лꙋ а҆пⷭ҇ла, не и҆́мамы здѣ̀ пребыва́ющагѡ гра́да. Но къ комꙋ̀ прибѣ́гнемъ, влⷣчце, въ ско́рбѣхъ житїѧ̀ на́шегѡ, а҆́ще не къ тебѣ̀, всебл҃га́ѧ спорꙋ́чнице ѡ҆ на́съ грѣ́шныхъ. Не ѿве́ржи на́съ, мт҃и бж҃їѧ, и҆ не рцы̀ на́мъ: не вѣ́мъ ва́съ грѣхѡ́въ ра́ди ва́шихъ, но поми́лꙋй на́съ, си́рыхъ и҆ безпомо́щныхъ, и҆ прїимѝ на́съ въ вѣ́чныѧ кро́вы, покрови́тельнице на́ша, да ра́достнѡ вопїе́мъ во сла́вѣ нбⷭ҇нѣй цр҃ю̀ сла́вы хрⷭ҇тꙋ̀: А҆ллилꙋ́їа.

І҆́косъ и҃.

Всѣ̑мъ вѣ̑рнымъ ᲂу҆тѣ́шительно є҆́сть взира́ти на ст҃ꙋ́ю і҆кѡ́нꙋ твою̀, влⷣчце, спорꙋ́чнице грѣ̑шнымъ, на не́йже зри́мъ тѧ̀, на рꙋкꙋ̀ твоє́ю держа́щꙋю превѣ́чнагѡ млⷣнца, гдⷭ҇а на́шегѡ і҆и҃са хрⷭ҇та̀, є҆мꙋ́же покланѧ́ющесѧ бг҃олѣ́пнѡ, ꙗ҆́кѡ творцꙋ̀ и҆ бг҃ꙋ на́шемꙋ, тебѣ̀, и҆́стиннѣй бцⷣѣ, ᲂу҆ми́льнѡ глаго́лемъ: влⷣчце, помозѝ, на ны̀ млⷭ҇рдовавши, потщи́сѧ, погиба́емъ ѿ мно́жества прегрѣше́нїй, не ѿвратѝ твоѧ̑ рабы̑ тщѝ, тебѣ̀ вопїю́щїѧ:

Ра́дꙋйсѧ, цѣли́тельнице на́ша въ болѣ́знехъ тѣле́сныхъ: ра́дꙋйсѧ, ᲂу҆тѣ́шительнице въ печа́лехъ на́шихъ дꙋше́вныхъ.

Ра́дꙋйсѧ, а҆́лчꙋщихъ пита́тельнице: ра́дꙋйсѧ, наги́хъ ѡ҆дѣѧ́нїе: ра́дꙋйсѧ, вдѡ́въ защи́тительнице.

Ра́дꙋйсѧ, сирѡ́тъ покрови́тельнице: ра́дꙋйсѧ, гони́мыхъ и҆ ѡ҆би́димыхъ застꙋ́пнице.

Ра́дꙋйсѧ, стра́ждꙋщихъ и҆ плѣне́нныхъ ско́раѧ ѡ҆свободи́тельнице.

Ра́дꙋйсѧ, грѣ̑шнымъ спорꙋ́чнице, всегда̀ ѡ҆ на́съ рꙋ́цѣ своѝ въ порꙋче́нїе бг҃ꙋ приносѧ́щаѧ.

Конда́къ ѳ҃.

Всѐ є҆стество̀ а҆́гг҃льское похва̑льныѧ пѣснопѣ̑нїѧ прино́ситъ тебѣ̀, бж҃їей мт҃ри и҆ спорꙋ́чнице всѣ́хъ припа́дающихъ тебѣ̀ и҆ просѧ́щихъ твоеѧ̀ по́мощи и҆ твоегѡ̀ ᲂу҆тѣше́нїѧ, ꙗ҆́кѡ тве́рдымъ и҆ крѣ́пкимъ твои́мъ предста́тельствомъ првⷣныхъ весели́ши, грѣ́шныхъ застꙋпа́еши, и҆ ѿ бѣ́дъ и҆збавлѧ́еши, и҆ печа̑ли ᲂу҆толѧ́еши, и҆ мо́лишисѧ ѡ҆ всѣ́хъ, вѣ́рою зовꙋ́щихъ ѡ҆ тебѣ̀ бг҃ꙋ: А҆ллилꙋ́їа.

І҆́косъ ѳ҃.

Вѣті́йствꙋющїй всѧ́къ ѧ҆зы́къ недоꙋмѣ́етъ бл҃гохвали́ти тѧ̀ по достоѧ́нїю, и҆зꙋмѣва́етъ же ᲂу҆́мъ и҆ премі́рный пѣ́ти тѧ̀, бцⷣе: ѡ҆ба́че, бл҃га́ѧ сꙋ́щи, вѣ́рꙋ прїимѝ, и҆́бо любо́вь вѣ́си бж҃е́ственнꙋю на́шꙋ: ты́ бо хрⷭ҇тїа́нъ є҆сѝ предста́тельница, тебѣ̀ зовꙋ́щихъ:

Ра́дꙋйсѧ, сїѧ́нїемъ пречⷭ҇тыѧ дꙋшѝ твоеѧ̀ всю̀ зе́млю просвѣти́вшаѧ: ра́дꙋйсѧ, чⷭ҇тото́ю тѣлесѐ твоегѡ̀ всѧ̑ нб҃са̀ возвесели́вшаѧ.

Ра́дꙋйсѧ, всѣ́хъ на́съ при крⷭ҇тѣ̀ сн҃а твоегѡ̀ ᲂу҆сынови́вшаѧ: ра́дꙋйсѧ, всегда̀ мт҃рнюю любо́вь твою̀ къ на́мъ ꙗ҆влѧ́ющаѧ.

Ра́дꙋйсѧ, всѣ́хъ дарѡ́въ дх҃о́вныхъ и҆ тѣле́сныхъ всемо́щнаѧ пода́тельнице: ра́дꙋйсѧ, бл҃гъ вре́менныхъ и҆ вѣ́чныхъ ᲂу҆се́рднаѧ на́мъ хода́таице.

Ра́дꙋйсѧ, двє́ри црⷭ҇твїѧ хрⷭ҇то́ва вѣ́рнымъ ѿверза́ющаѧ: ра́дꙋйсѧ, и҆ на землѝ ра́достїю и҆ весе́лїемъ сердца̀ на̑ша и҆сполнѧ́ющаѧ.

Ра́дꙋйсѧ, грѣ̑шнымъ спорꙋ́чнице, всегда̀ ѡ҆ на́съ рꙋ́цѣ своѝ въ порꙋче́нїе бг҃ꙋ приносѧ́щаѧ.

Конда́къ і҃.

Сп҃стѝ хотѧ̀ ро́дъ чл҃вѣ́ческїй ѿ вѣ́чныѧ мꙋ́ки и҆ непрестаю́щїѧ ско́рби, чл҃вѣколю́бецъ гдⷭ҇ь тебє̀, мт҃рь свою̀, дарова̀ земны́мъ на по́мощь, глаго́лѧ: сн҃ове чл҃вѣ́честїи, сѐ мт҃и моѧ̀ покро́въ и҆ прибѣ́жище ва́мъ да бꙋ́детъ, печа̑льнымъ ᲂу҆тѣше́нїе, скорбѧ́щымъ ра́дованїе, ѡ҆би̑димымъ застꙋ́пница, бѣ́дствꙋющымъ по́мощь, больны̑мъ цѣли́тельница, грѣ̑шнымъ спорꙋ́чница, да всѣ́хъ и҆з̾ глꙋбины̀ грѣхо́вныѧ воздви́гнетъ, вопїю́щихъ: А҆ллилꙋ́їа.

І҆́косъ і҃.

Цр҃ю̀ нбⷭ҇ный, сн҃е и҆ бж҃е мо́й, та́кѡ мо́литъ за на́съ всегда̀ нбⷭ҇наѧ цр҃и́ца, прїимѝ всѧ́каго чл҃вѣ́ка, сла́вѧщаго тѧ̀ и҆ призыва́ющаго и҆́мѧ твоѐ ст҃о́е, и҆ прославлѧ́ющихъ мѧ̀ и҆́мени твоегѡ̀ ра́ди, и҆ не ѿри́ни и҆̀хъ ѿ лица̀ твоегѡ̀, но бл҃говолѝ въ ни́хъ и҆ прїимѝ ѿ ни́хъ всѧ́кое бл҃го́е моле́нїе и҆ всѣ́хъ ѿ бѣ́дъ и҆зба́ви. Мы́ же, грѣ́шнїи, надѣ́ющїисѧ на твоѧ̑ мт҃рнїѧ мл҃твы, зове́мъ тѝ:

Ра́дꙋйсѧ, ꙗ҆́кѡ ты̀ є҆сѝ моли́твенница на́ша къ бг҃ꙋ те́плаѧ: ра́дꙋйсѧ, ꙗ҆́кѡ твоѧ̀ мл҃тва всегда̀ пред̾ бг҃омъ многомо́щна.

Ра́дꙋйсѧ, твои́ми мл҃твами и҆ на̑ша ᲂу҆бѡ́гїѧ молє́нїѧ бг҃опрїѧ́тными содѣ́ловающаѧ.

Ра́дꙋйсѧ, и҆ на́ше недосто́инство твои́мъ предста́тельствомъ восполнѧ́ющаѧ: ра́дꙋйсѧ, ка́ющихсѧ грѣ́шникѡвъ непосты́днаѧ спорꙋ́чнице.

Ра́дꙋйсѧ, всѣ́хъ хрⷭ҇тїа́нъ правосла́вныхъ застꙋ́пнице: ра́дꙋйсѧ, всѧ̑ на̑ша болѣ̑зни и҆сцѣлѧ́ющаѧ.

Ра́дꙋйсѧ, ѻ҆́блакъ страсте́й и҆ и҆скꙋше́нїй разгонѧ́ющаѧ: ра́дꙋйсѧ, грѣ̑шнымъ спорꙋ́чнице, всегда̀ ѡ҆ на́съ рꙋ́цѣ своѝ въ порꙋче́нїе бг҃ꙋ приносѧ́щаѧ.

Конда́къ а҃і.

Пѣ́нїе всеꙋмиле́нное прїимѝ ѿ на́съ, нбⷭ҇наѧ спорꙋ́чнице на́ша, и҆ мл҃твꙋ, приноси́мꙋю тебѣ̀, дв҃о бцⷣе, ско́рѡ ᲂу҆слы́ши: къ тебѣ́ бо въ напа́стѣхъ, ско́рбѣхъ и҆ печа́лѣхъ прибѣга́емъ и҆ пред̾ тобо́ю въ бѣда́хъ на́шихъ сле́зы пролива́емъ и҆ мо́лимъ: влⷣчце, ᲂу҆толѝ печа́ли и҆ прїимѝ мл҃твы ра́бъ твои́хъ, ѡ҆ тебѣ̀ пою́щихъ: А҆ллилꙋ́їа.

І҆́косъ а҃і.

Свѣ́тлыми лꙋча́ми зна́менїй и҆ чꙋде́съ немерца́емѡ сїѧ́етъ ст҃а́ѧ і҆кѡ́на твоѧ̀, бцⷣе дв҃о, и҆ всѣ́хъ бл҃года́тнѡ ѡ҆зарѧ́етъ, съ вѣ́рою пред̾ не́ю тебѣ̀ молѧ́щихсѧ, прогонѧ́ющи всѧ́кое вра́жїе дѣ́йство си́лою бж҃їею, ѿ неѧ̀ и҆сходѧ́щею. Тѣ́мже ра́дꙋемсѧ мы̀, грѣ́шнїи, и҆мꙋ́ще таковꙋ́ю чꙋ́днꙋю і҆кѡ́нꙋ твою̀ (въ хра́мѣ свое́мъ), ꙗ҆́кѡ зало́гъ твоегѡ̀ къ на́мъ (и҆ хра́мꙋ на́шемꙋ) бл҃говоле́нїѧ, и҆ тебѣ̀, спорꙋ́чнице на́шей и҆ скоропослꙋ́шнице моле́нїй на́шихъ, бл҃года́рственнѡ взыва́емъ:

Ра́дꙋйсѧ, ра́дость бл҃года́тнꙋю на́мъ и҆злива́ющаѧ: ра́дꙋйсѧ, ᲂу҆тѣше́нїе дх҃о́вное ско́рѡ на́мъ подаю́щаѧ.

Ра́дꙋйсѧ, жела̑нїѧ бг҃оꙋгѡ́дныѧ и҆сполнѧ́ющаѧ: ра́дꙋйсѧ, во всѧ́кихъ ско́рбныхъ ѡ҆бстоѧ́нїихъ на по́мощь на́мъ поспѣша́ющаѧ.

Ра́дꙋйсѧ, въ вѣ́рѣ и҆ бл҃гоче́стїи живꙋ́щихъ ѕѣлѡ̀ лю́бѧщаѧ: ра́дꙋйсѧ, сердца̀ и҆̀хъ любо́вїю къ бг҃ꙋ и҆ лю́демъ воспламенѧ́ющаѧ.

Ра́дꙋйсѧ, въ ча́съ недоꙋмѣ́нїѧ мы́сль бл҃гꙋ на се́рдцѣ полага́ющаѧ: ра́дꙋйсѧ, во все́мъ ᲂу҆пова́нїе на бг҃а и҆мѣ́ти на́съ наꙋча́ющаѧ.

Ра́дꙋйсѧ, грѣ̑шнымъ спорꙋ́чнице, всегда̀ ѡ҆ на́съ рꙋ́цѣ своѝ въ порꙋче́нїе бг҃ꙋ приносѧ́щаѧ.

Конда́къ в҃і.

Бл҃года́ть бж҃їѧ, присꙋ́щаѧ ст҃ѣ́й твое́й і҆кѡ́нѣ, спорꙋ́чницею грѣ́шныхъ и҆менꙋ́емой, бг҃омт҃и влⷣчце, влече́тъ къ не́й всѣ́хъ скорбѧ́щихъ и҆ грѣхмѝ мно́гими и҆ напа́стьми ѡ҆бремене́нныхъ, и҆ не тщѝ ѿхо́дѧтъ ѻ҆нѝ ѿ сегѡ̀ и҆сто́чника многоѻбра́зныхъ твои́хъ млⷭ҇тей и҆ щедрѡ́тъ, но въ ско́рбѣхъ ѿра́дꙋ, въ напа́стѣхъ защи́тꙋ, въ болѣ́знѧхъ цѣльбꙋ̀ и҆ всѧ̑ длѧ дꙋшѝ и҆ тѣле́съ бл҃гопотрє́бнаѧ неѡскꙋ́днѡ полꙋча́ютъ ѿ чꙋдотво́рнагѡ ѡ҆́браза твоегѡ̀, всебл҃га́ѧ, а҆́ще по бз҃ѣ всѐ ᲂу҆пова́нїе на тѧ̀ возлага́ютъ, пою́ще: А҆ллилꙋ́їа.

І҆́косъ в҃і.

Пою́ще неизрече́нное твоѐ мт҃рнее къ на́мъ грѣ́шнымъ млⷭ҇рдїе, хва́лимъ тѧ̀, ꙗ҆́кѡ всемо́щнꙋю спорꙋ́чницꙋ на́шꙋ, бл҃гослови́мъ тѧ̀, ꙗ҆́кѡ всебл҃гꙋ́ю скоропослꙋ́шницꙋ моле́нїй на́шихъ, и҆ со ᲂу҆миле́нїемъ покланѧ́емсѧ тебѣ̀ въ чⷭ҇тнѣ́й твое́й і҆кѡ́нѣ, вѣ́рꙋемъ бо и҆ ᲂу҆пова́емъ, ꙗ҆́кѡ и҆ ны́нѣ и҆спро́сиши на́мъ ᲂу҆ сн҃а твоегѡ̀ и҆ бг҃а, да въ жи́зни се́й и҆ по сме́рти на́шей млⷭ҇рдїе є҆гѡ̀ неѿстꙋ́пнѡ бꙋ́детъ ѡ҆ всѣ́хъ, съ любо́вїю пою́щихъ тѝ:

Ра́дꙋйсѧ, твои́ми мл҃твами ве́сь мі́ръ сп҃са́ющаѧ: ра́дꙋйсѧ, твои́ми хода̑тайствы всю̀ вселе́ннꙋю застꙋпа́ющаѧ.

Ра́дꙋйсѧ, ꙗ҆́кѡ всѣ́мъ съ вѣ́рою притека́ющымъ ско́рѡ помога́ющаѧ: ра́дꙋйсѧ, и҆ нбⷭ҇нагѡ црⷭ҇твїѧ и҆́мъ и҆спроша́ющаѧ.

Ра́дꙋйсѧ, ꙗ҆́кѡ на і҆кѡ́нꙋ твою̀ взира́юще, само́й тебѣ̀, и҆́стиннѣй бцⷣѣ, покланѧ́емсѧ: ра́дꙋйсѧ, твои́мъ предста́тельствомъ всѧ̑ бл҃га̑ѧ жела̑нїѧ на́ша ско́рѡ и҆сполнѧ́ющаѧ.

Ра́дꙋйсѧ, и҆ въ ча́съ сме́ртный вѣ́рныхъ свои́хъ не ѡ҆ставлѧ́ющаѧ: ра́дꙋйсѧ, и҆ по сме́рти ѡ҆ вѣ́чнѡ бл҃же́ннѣмъ и҆̀хъ ᲂу҆покое́нїи хода́тайствꙋющаѧ.

Ра́дꙋйсѧ, грѣ̑шнымъ спорꙋ́чнице, всегда̀ ѡ҆ на́съ рꙋ́цѣ своѝ въ порꙋче́нїе бг҃ꙋ приносѧ́щаѧ.

Конда́къ г҃і.

Ѽ, всепѣ́таѧ мт҃и, всебл҃га́ѧ спорꙋ́чнице сп҃се́нїѧ грѣ́шныхъ, бцⷣе дв҃о. Прїимѝ млⷭ҇тивѡ и҆ ны́нѣшнее на́ше моле́нїе, є҆́же ѿ ᲂу҆се́рдїѧ на́шегѡ во бл҃годаре́нїе тѝ принесо́хомъ, и҆ и҆спросѝ на́мъ ᲂу҆ всеще́драгѡ бг҃а въ вѣ́рѣ правосла́внѣй непоколеби́мость, въ любвѝ хрⷭ҇тїа́нской преꙋспѣ́ѧнїе и҆ грѣхѡ́въ на́шихъ проще́нїе, да предста́тельствомъ твои́мъ ᲂу҆наслѣ́димъ црⷭ҇твїе нбⷭ҇ное и҆ сподо́бимсѧ со всѣ́ми ст҃ы́ми пѣ́ти бг҃ꙋ: А҆ллилꙋ́їа.

І҆́косъ а҃.

Ра́дꙋйсѧ, бл҃года́тнаѧ, гдⷭ҇ь съ тобо́ю: ра́дꙋйсѧ, пребл҃гослове́ннаѧ въ жена́хъ, дв҃о всенепоро́чнаѧ.

Ра́дꙋйсѧ, дщѝ ѻ҆ц҃а̀ нбⷭ҇нагѡ: ра́дꙋйсѧ, мт҃и сн҃а превѣ́чнагѡ.

Ра́дꙋйсѧ, дх҃а ст҃а́гѡ селе́нїе: ра́дꙋйсѧ, а҆́гг҃лѡвъ и҆ чл҃вѣ̑къ непреста́нное ᲂу҆дивле́нїе.

Ра́дꙋйсѧ, чтⷭ҇нѣ́йшаѧ херꙋві̑мъ: ра́дꙋйсѧ, сла́внѣйшаѧ без̾ сравне́нїѧ серафі̑мъ.

Ра́дꙋйсѧ, грѣ̑шнымъ спорꙋ́чнице, всегда̀ ѡ҆ на́съ рꙋ́цѣ своѝ въ порꙋче́нїе бг҃ꙋ приносѧ́щаѧ.

Конда́къ а҃.

Ра́дꙋйсѧ, грѣ̑шнымъ спорꙋ́чнице, всегда̀ ѡ҆ на́съ рꙋ́цѣ своѝ въ порꙋче́нїе бг҃ꙋ приносѧ́щаѧ.

Моли́тва.

Ѽ влⷣчце пребл҃гослове́ннаѧ, защи́тнице ро́да хрⷭ҇тїа́нскагѡ, прибѣ́жище и҆ сп҃се́нїе притека́ющихъ къ тебѣ̀! вѣ́мъ, вои́стиннꙋ вѣ́мъ, ꙗ҆́кѡ ѕѣлѡ̀ согрѣши́хъ и҆ прогнѣ́вахъ, премлⷭ҇тиваѧ гпⷭ҇жѐ, рожде́ннаго пл҃тїю ѿ тебѣ̀ сн҃а бж҃їѧ, но и҆́мамъ мно́гїи ѡ҆́бразы пре́жде менє̀ прогнѣ́вавшихъ є҆гѡ̀ бл҃гоꙋтро́бїе: мытарѝ, блꙋдни́цы и҆ прѡ́чїѧ грѣ́шники, и҆́мже даде́сѧ проще́нїе грѣхѡ́въ и҆́хъ, покаѧ́нїѧ ра́ди и҆ и҆сповѣ́данїѧ. Ты́ѧ ᲂу҆́бѡ ѡ҆́бразы поми́лованныхъ ѻ҆чесє́мъ грѣ́шныѧ дꙋшѝ моеѧ̀ представлѧ́ѧ и҆ на толи́кое бж҃їе млⷭ҇рдїе, ѻ҆́нѣхъ прїе́мшее, взира́ѧ, дерзнꙋ́хъ и҆ а҆́зъ, грѣ́шный, прибѣ́гнꙋти съ покаѧ́нїемъ ко твоемꙋ̀ бл҃гоꙋтро́бїю. Ѽ всемлⷭ҇тиваѧ влⷣчце, да пода́си мѝ рꙋ́кꙋ по́мощи и҆ и҆спро́сиши ᲂу҆ сн҃а твоегѡ̀ и҆ бг҃а мт҃рними и҆ ст҃ѣ́йшими твои́ми мл҃твами тѧ́жкимъ мои́мъ грѣхѡ́мъ проще́нїе. Вѣ́рꙋю и҆ и҆сповѣ́дꙋю, ꙗ҆́кѡ то́й, є҆го́же родила̀ є҆сѝ, сн҃ъ тво́й, є҆́сть вои́стиннꙋ хрⷭ҇то́съ, сн҃ъ бг҃а жива́гѡ, сꙋдїѧ̀ живы́хъ и҆ ме́ртвыхъ, воздаѧ́й комꙋ́ждо по дѣлѡ́мъ є҆гѡ̀. Вѣ́рꙋю же па́ки и҆ и҆сповѣ́дꙋю тебѐ бы́ти и҆́стиннꙋю бцⷣꙋ, млⷭ҇рдїѧ и҆сто́чникъ, ᲂу҆тѣше́нїе пла́чꙋщихъ, взыска́нїе поги́бшихъ, си́льнꙋю и҆ непрестаю́щꙋю къ бг҃ꙋ хода́таицꙋ, ѕѣлѡ̀ лю́бѧщꙋю ро́дъ хрⷭ҇тїа́нскїй, и҆ спорꙋ́чницꙋ покаѧ́нїѧ. Вои́стиннꙋ бо нѣ́сть человѣ́кѡмъ и҆ны́ѧ по́мощи и҆ покро́ва, ра́звѣ тебє̀, гпⷭ҇жѐ премлⷭ҇тиваѧ, и҆ никто́же, ᲂу҆пова́ѧ на тѧ̀, постыдѣ́сѧ когда̀ и҆, тобо́ю ᲂу҆молѧ́ѧ бг҃а, никто́же ѡ҆ста́вленъ бы́сть. Тогѡ̀ ра́ди молю̀ твою̀ неисче́тнꙋю бл҃гость: ѿве́рзи две́ри млⷭ҇рдїѧ твоегѡ̀ мнѣ̀, заблꙋ́ждшемꙋ и҆ па́дшемꙋ въ тимѣ́нїе глꙋбины̀, не возгнꙋша́йсѧ менє̀, скве́рнаго, не пре́зри грѣ́шнагѡ молє́нїѧ моегѡ̀, не ѡ҆ста́ви менє̀, ѡ҆каѧ́ннаго, ꙗ҆́кѡ въ поги́бель ѕло́бный вра́гъ похи́тити мѧ̀ и҆́щетъ, но ᲂу҆молѝ ѡ҆ мнѣ̀ рожде́ннаго ѿ тебѣ̀ млⷭ҇рдагѡ сн҃а твоегѡ̀ и҆ бг҃а, да прости́тъ вели̑кїѧ моѧ̑ грѣхѝ и҆ и҆зба́витъ мѧ̀ ѿ па́гꙋбы моеѧ̀: ꙗ҆́кѡ да и҆ а҆́зъ со всѣ́ми, полꙋчи́вшими проще́нїе, воспою̀ и҆ просла́влю безмѣ́рное млⷭ҇рдїе бж҃їе и҆ твоѐ непосты́дное ѡ҆ мнѣ̀ застꙋпле́нїе въ жи́зни се́й и҆ въ несконча́емомъ вѣ́цѣ. А҆ми́нь.

АКАФИСТ ПРЕСВЯТЕЙ БОГОРОДИЦЕ В ЧЕСТЬ ИКОНЫ ЕЯ «СПОРУЧНИЦА ГРЕШНЫХ»

Кондак 1

Избранней от Всевышняго, грешных Споручнице, преклоняющей на милосердие Сына Своего, да спасет яже созда рукою Своею, благодарственное пение приносим Ти, Мати Дево и Владычице, о явлении дивныя Твоея и чудотворныя иконы, Ты же яко предстательство ко Господу имущи, потщися от обстояний многообразных избавити ны и вечное спасение нам соделати, да, воспевающе, вопием Ти:

Радуйся, грешным Споручнице, всегда о нас руце Свои в поручение Богу приносящая.

Икос 1

Радуйся, Благодатная, Господь с Тобою; радуйся, Преблагословенная в женах, Дево Всенепорочная.

Радуйся; Дщи Отца Небеснаго; радуйся, Мати Сына Превечнаго.

Радуйся, Духа Святаго селение; радуйся, Ангелов и человек непрестанное удивление.

Радуйся, Честнейшая Херувим; радуйся, Славнейшая без сравнения Серафим.

Радуйся, грешным Споручнице, всегда о нас руце Свои в поручение Богу приносящая.

Кондак 2

Видящи Премилосердная Матерь Божия земное скорбное житие наше, немощи и болезни, благоизволи дати нам в благословение и утешение, в радость и спасение и от всяких бед и напастей ограждение икону Свою святую, Споручницею грешным в ней нарекшися, да, радостная пред сею иконою Ей приносяще, радостно всегда поют Богу: Аллилуиа.

Икос 2

Радуйся, Милосердная, всех нас о Христе Мати; радуйся, неистощимая сокровищнице Божественныя благодати.

Радуйся, Тобою бо нисходит к нам Божие благоволение; радуйся, Тобою бо имамы вящее к Богу дерзновение.

Радуйся, молитвы всех христиан приемлющая; радуйся, и самых отчаянных грешников моления не отвергающая.

Радуйся, яко предстательством Твоим спастися уповаем; радуйся, яко молитвами Твоими Царство Небесное получити чаем.

Радуйся, грешным Споручнице, всегда о нас руце Свои в поручение Богу приносящая.

Кондак 3

Сила благодатная осеняет всех, Преблагословенная Матерь Божия, с верою к Тебе, яко Споручнице грешных, притекающих и святей иконе Твоей поклоняющихся: Единей бо токмо Тебе дадеся дар всякое благое прошение скоро исполняти и грешных миловати и спасати, и Едина токмо Ты можеши воистину всем помощи елика хощеши, Богу поющим: Аллилуиа.

Икос 3

Радуйся, Заступнице усердная, от Бога нам дарованная; радуйся, к Небесному отечеству Путеводительнице наша Благодатная.

Радуйся, от рова погибели исхищающая; радуйся, безпомощных на Свои всемощныя руце приемлющая.

Радуйся, непрестанное уныние отгоняющая; радуйся, падших ко благодати возставляющая.

Радуйся, слово премудрости просящим дарующая; радуйся, и неразумных разумными соделывающая.

Радуйся, грешным Споручнице, всегда о нас руце Свои в поручение Богу приносящая.

Кондак 4

Бурею сомнений искушаемая некая жена не хотяше веровати чудесем, от иконы Твоея, Споручницы, бываемым, но внезапну язвою смертоносною пораженная, позна силу Твою всемощную, Владычице, и чудотворныя иконы Твоея благодать, и, раскаявшися, слезно моляше Тя о прощении неверствия ея, милосердием же Твоим исцеленная, благодарственно Богу о Тебе всегда вопияше: Аллилиуа.

Икос 4

Радуйся, приносящая к Сыну Твоему и Богу моления верных; радуйся и Сама у престола Сына Твоего всегда о нас молящаяся.

Радуйся, Споручнице грешных; радуйся, Взыскание погибших.

Радуйся, нечаянную радость верным дарующая; радуйся, и наша прошения скоро исполняющая.

Радуйся, Милостивая, всегда нас милующая; радуйся, житие наше доброе устрояющая.

Радуйся, грешным Споручнице, всегда о нас руце Свои в поручение Богу приносящая.

Кондак 5

Яко лучезарную звезду, весь мир озаряющую, подавала еси нам, Владычице Мира, честную Твою икону, Споручницею грешных именуемую, на нюже взирающе, Самой Тебе, истинней Божией Матери и Деве, поклоняемся, глаголюще: Владычице, приими молитвы раб Твоих и избави ны от всякия нужды и печали, восхваляющих Тя и Богу воспевающих: Аллилуиа.

Икос 5

Радуйся, Огнь Божественный неопально державшая, Имже грехи наша попаляются; радуйся, Свет неприкосновенный носившая, Имже души наша просвещаются.

Радуйся, руце Свои в поручение о нас Богу приносящая; радуйся, вход в Царство Небесное и нам, грешным, отверзающая.

Радуйся, яко молния тьму грехов наших разсекающая; радуйся, яко миро благовонное, сердца наша умягчающая.

Радуйся, источники чудес всюду источающая; радуйся, иконою Твоею вся люди возвеселяющая.

Радуйся, грешным Споручнице, всегда о нас руце Свои в поручение Богу приносящая.

Кондак 6

Весь мир христианский проповедует милости и чудеса Твоя, Препрославленная Мати Господа, и светлокрасуется многими чудотворными Твоими иконами, среди коих икона Твоя, Споручница грешных именуемая, яко луна полная, лучами милости Твоея и чудес немерцаемо сияет, просвещающи и освещающи души наша светом Божия благодати, подвизающи нас хвалебно Богу взывати: Аллилуиа.

Икос 6

Радуйся, скорби наша в радость претворяющая; радуйся, ненадеющихся несомненною надеждою возвеселяющая.

Радуйся, Свеще, у престола Божия присногорящая; радуйся, Лампадо, елеем Божественным светящая.

Радуйся, Свете лучезарный, путь жизни нам показующий; радуйся, Храме одушевленный, всех нас освящающий.

Радуйся, уповающим на Тя непостыдную жизнь дарующая; радуйся, и по смерти неотступно о них пред Богом ходатайствующая.

Радуйся, грешным Споручнице, всегда о нас руце Свои в поручение Богу приносящая.

Кондак 7

Хотя Долготерпеливый Господь явити Бездну Своего человеколюбия и щедрот, избра Тебе, Пресвятая Дево, в Матерь Себе и яви Тя неисчерпаемым источником милостей Своих, да аще кто праведным судом Божиим осуждения достоин, Твоим ходатайством, яко грешным Споручницы, сохранен будет, велегласно зовый: Аллилуиа.

Икос 7

Радуйся, Купеле, в Нейже вся скорби наша погружаются; радуйся, Чаше, Еюже радость и спасение вси восприемлем.

Радуйся, Живоносный Источниче, всех нас оживотворяющий; радуйся, Цвете неувядаемый, всех нас облагоухающий.

Радуйся, скорбей наших услаждение; радуйся, печалей наших утоление.

Радуйся, болезней наших врачевание; радуйся, от бед скорое наше избавление.

Радуйся, грешным Споручнице, всегда о нас руце Свои в поручение Богу приносящая.

Кондак 8

Странники и пришельцы есмы на земли и, по глаголу Апостола, не имамы зде пребывающаго града. Но к кому прибегнем, Владычице, в скорбех жития нашего, аще не к Тебе, Всеблагая Споручнице о нас грешных! Не отвержи нас, Мати Божия, и не рцы нам: Не вем вас грехов ради ваших, но помилуй нас, сирых и безпомощных, и приими нас в вечныя кровы, Покровительнице наша, да радостно вопием во славе Небесней Царю славы Христу: Аллилиуа.

Икос 8

Радуйся, алчущих Питательнице; радуйся, нагих одеяние.

Радуйся, вдов Защитительнице; радуйся, сирот Покровительнице.

Радуйся, гонимых и обидимых Заступнице; радуйся, страждущих и плененных скорая Освободительнице.

Радуйся, грешным Споручнице, всегда о нас руце Свои в поручение Богу приносящая.

Кондак 9

Все естество ангельское похвальныя песнопения приносит Тебе, Божией Матери и Споручнице всех припадающих Тебе и просящих Твоея помощи и Твоего утешения, яко твердым и крепким Твоим предстательством праведных веселиши, грешных заступаеши и от бед избавляеши и печали утоляеши, и молишися о всех, верою зовущих о Тебе Богу: Аллилуиа.

Икос 9

Радуйся, сиянием Пречистыя души Твоея всю землю просветившая; радуйся, чистотою телесе Твоего вся небеса возвеселившая.

Радуйся, всех нас при Кресте Сына Твоего усыновившая; радуйся, всегда Матернюю любовь Твою к нам являющая.

Радуйся, всех даров духовных и телесных всемощная Подательнице; радуйся, благ временных и вечных усердная нам Ходатаице.

Радуйся, двери Царствия Христова верным отверзающая; радуйся, и на земли радостию и веселием сердца наша исполняющая.

Радуйся, грешным Споручнице, всегда о нас руце Свои в поручение Богу приносящая.

Кондак 10

Спасти хотя род человеческий от вечныя муки и непрестающия скорби, Человеколюбец Господь Тебе, Матерь Свою, дарова земным на помощь, глаголя: сынове человечестии, се Мати Моя покров и прибежище вам да будет, печальным — утешение, скорбящим — радование, обидимым — Заступница, бедствующим — помощь, больным — Целительница, грешным — Споручница, да всех из глубины греховныя воздвигнет, вопиющих: Аллилуиа.

Икос 10

Радуйся, яко Ты еси Молитвенница наша к Богу теплая; радуйся, яко Твоя молитва всегда пред Богом многомощна.

Радуйся, Твоими молитвами и наша убогая моления богоприятными соделовающая; радуйся, и наше недостоинство Твоим предстательством восполняющая.

Радуйся, кающихся грешников непостыдная Споручнице; радуйся, всех христиан православных Заступнице.

Радуйся, вся наша болезни исцеляющая; радуйся, облак страстей и искушений разгоняющая.

Радуйся, грешным Споручнице, всегда о нас руце Свои в поручение Богу приносящая.

Кондак 11

Пение всеумиленное приими от нас, Небесная Споручнице наша, и молитву, приносимую Тебе, Дево Богородице, скоро услыши; к Тебе бо в напастех, скорбех и печалех прибегаем и пред Тобою в бедах наших слезы проливаем и молим: Владычице, утоли печали и приими молитвы раб Твоих, о Тебе поющих: Аллилуиа.

Икос 11

Радуйся, радость благодатную нам изливающая; радуйся, утешение духовное скоро нам подающая.

Радуйся, желания богоугодныя исполняющая; радуйся, во всяких скорбных обстояниих на помощь нам поспешающая.

Радуйся, в вере и благочестии живущих зело любящая; радуйся, сердца их любовию к Богу и людям воспламеняющая.

Радуйся, в час недоумения мысль благу на сердце полагающая; радуйся, во всем упование на Бога имети нас научающая.

Радуйся, грешным Споручнице, всегда о нас руце Свои в поручение Богу приносящая.

Кондак 12

Благодать Божия, присущая святей Твоей иконе, Споручницею грешных именуемой, Богомати Владычице, влечет к ней всех скорбящих и грехми многими и напастьми обремененных, и не тщи отходят они от сего источника многообразных Твоих милостей и щедрот, но в скорбех — отраду, в напастех — защиту, в болезнех — цельбу и вся для души и телес благопотребныя неоскудно получают от чудотворнаго образа Твоего, Всеблагая, аще по Бозе все упование на Тя возлагают, поюще: Аллилуиа.

Икос 12

Радуйся, Твоими молитвами весь мир спасающая; радуйся, Твоими ходатайствы всю Вселенную заступающая.

Радуйся, яко всем с верою притекающим скоро помогающая; радуйся, и Небеснаго Царствия им испрошающая.

Радуйся, яко на икону Твою взирающе, Самой Тебе, истинней Богородице, поклоняемся; радуйся, Твоим предстательством вся благая желания наша скоро исполняющая.

Радуйся, и в час смертный верных Своих не оставляющая; радуйся, и по смерти о вечно блаженнем их упокоении ходатайствующая.

Радуйся, грешным Споручнице, всегда о нас руце Свои в поручение Богу приносящая.

Кондак 13

О, Всепетая Мати, Всеблагая Споручнице спасения грешных, Богородице Дево! Приими милостиво и нынешнее наше моление, еже от усердия нашего во благодарение Ти принесохом, и испроси нам у Всещедраго Бога в вере православней непоколебимость, в любви христианской преспеяние и грехов наших прощение, да предстательством Твоим унаследим Царствие Небесное и сподобимся со всеми святыми пети Богу: Аллилуиа.

Этот кондак читается трижды, затем 1-й икос «Ангелов лики …» и 1-й кондак «Избранней от Вышняго …».

Молитва

О Владычице Преблагословенная, Защитнице рода христианскаго, прибежище и спасение притекающих к Тебе! Вем, воистину вем, яко зело согреших и прогневах, Премилостивая Госпоже, рожденнаго плотию от Тебе Сына Божия, но имам многии образы прежде мене прогневавших Его благоутробие: мытари, блудницы и прочия грешники, имже дадеся прощение грехов их, покаяния ради и исповедания. Тыя убо образы помилованных очесем грешныя души моея представляя и на толикое Божие милосердие, онех приемшее, взирая, дерзнух и аз, грешный, прибегнути с покаянием ко Твоему благоутробию. О Всемилостивая Владычице, да подаси ми руку помощи и испросиши у Сына Твоего и Бога Матерними и святейшими Твоими молитвами тяжким моим грехом прощение. Верую и исповедую, яко Той, Егоже родила еси, Сын Твой, есть воистину Христос, Сын Бога Живаго, Судия живых и мертвых, воздаяй комуждо по делом его. Верую же паки и исповедую Тебе быти истинную Богородицу, милосердия источник, утешение плачущих, взыскание погибших, сильную и непрестающую к Богу Ходатаицу, зело любящую род христианский, и Споручницу покаяния. Воистину бо несть человеком иныя помощи и покрова, разве Тебе, Госпоже Премилостивая, и никтоже, уповая на Тя, постыдеся когда и, Тобою умоляя Бога, никтоже оставлен бысть. Того ради молю Твою неисчетную благость: отверзи двери милосердия Твоего мне, заблуждшему и падшему в тимение глубины, не возгнушайся мене, сквернаго, не презри грешнаго моления моего, не остави мене, окаяннаго, яко в погибель злобный враг похитити мя ищет, но умоли о мне рожденнаго от Тебе милосердаго Сына Твоего и Бога, да простит великия моя грехи и избавит мя от пагубы моея; яко да и аз со всеми, получившими прощение, воспою и прославлю безмерное милосердие Божие и Твое непостыдное о мне заступление в жизни сей и в нескончаемом веце. Аминь.

Тропарь, глас 4

Умолкает ныне всякое уныние и страх отчаяния исчезает, грешницы в скорби сердца обретают утешение и Небесною любовию озаряются светло: днесь бо Матерь Божия простирает нам спасающую руку и от Пречистаго образа Своего вещает, глаголя: Аз Споручница грешных к Моему Сыну, Сей дал Мне за них руце слышати Мя выну. Темже, людие, обремененнии грехи многими, припадите к подножию иконы Ея, со слезами вопиюще: Заступнице мира, грешным Споручнице, умоли Матерними Твоими молитвами Избавителя всех, да Божественным всепрощением покрыет грехи наша и светлыя двери райския отверзет нам, Ты бо еси предстательство и спасение рода христианскаго.

Ин тропарь, глас 3

Тебе, милосердия источнику приснотекущему и Споручнице грешных, недостойнии раби Твои, Богородице, припадающе, скорбяще, вопием Ти: спасай нас от бед, Владычице, и матерним Твоим ходатайством испроси всем нам вечное спасение.

Кондак, глас 1

Честное жилище бывшее неизреченнаго естества Божественнаго выше слова и паче ума и грешным еси Споручница, подаваеши благодать и исцеление, яко Мати всех Царствующаго: моли Сына Твоего получити нам милость в День судный.

Со слов православных христиан, акафист иконе «Споручница грешных», о котором мы сегодня расскажем, читают в моменты, когда более нет сил, надежды и веры справиться с тяжкими недугами и другими жизненными неурядицами.

Значение и сила

Хвалебно-благодарственное песнопение, в церковной жизни именуемое акафистом, имеет особую силу и значимость. Верующие прихожане, находящиеся в храме в момент свершения обряда богослужения, могут принимать участие в службе, подпевая заученный наизусть текст акафиста.

Акафист как хвалебно-благочестивое обращение к Иисусу Христу, Пресвятой Деве, святым угодникам или архангелам-покровителям состоит из 25 коротких песен:

кондаки (13 песен), содержащие краткое описание православного праздника или хвалебную оду, заканчиваются хвалой Святого «аллилуиа»;
икосы (12 песен), объясняющие суть радостного события или мероприятия, всегда начинаются призывным возгласом «радуйся».

Проводить ритуал хвалебного песнопения святым можно не только в храмах во время службы, но и в домашних условиях, отстранившись от мирских дел, бренных мыслей и забот. Чтобы молитва обрела большую силу, рекомендуется проводить данный ритуал на протяжении 40 дней подряд. Читать акафист нужно перед образом Святого, к которому обращается верующий человек.

Среди множества молитв и хвалебно-благодарственных песнопений особую значимость для православных христиан имеет акафист Божьей Матери перед иконой «Споручница грешных». Дева Мария покровительствует всем, кто обращается к ней с просьбами и мольбами.

Читая акафист, обращенный к Богородице, перед иконой «Споручница грешных» молящийся просит:

защитить от дурных мыслей, искушений и страстей, направить на путь истинный, вернуть веру в себя и свои силы;
рассеять смуту и сомнения, наполнить душу радостью, счастьем и гармонией, обрести душевный покой и умиротворение;
отогнать уныние и тоску;
оказать помощь в различных жизненных ситуациях;
исцелить тяжелобольного ребенка;
исцелить душу от душевных тревог и переживаний, а тело – от физических недугов;
защитить, опекать и направлять в мирских деяниях.

Икона Божьей Матери «Споручница грешных» получила свое название благодаря сохранившейся на образе надписи, гласившей: «Аз Споручница грешных к Моему Сыну…». В переводе с церковнославянского языка слово «споручница» означает «поручительница». В данной роли Пресвятая Богородица выступает заступницей грешников. Ее вера, надежда, сила духа и любовь к верующим христианам служит для многих опорой и примером. Раскаявшийся в своих грехах и дурных мыслях человек заслуживает доверия, помощи и покровительства.

Авторство иконы Божьей Матери «Споручница грешных» достоверно не установлено. Данный образ наделен невероятной силой исцеления. Долгое время икона стояла заброшеной в старой часовне при Одрино-Николаевском монастыре. Пыль практически полностью покрыла лик Божьей Матери.

Однажды в храм пришла купеческая жена с маленьким сыном, страдавшим от неизвестного в то время заболевания. Женщина часто приходила молиться святым угодникам, взывая об исцелении своего чада. После окончания службы она решила попросить помощи у Божьей Матери и обратилась с молитвой к иконе «Споручница грешных». Вера матери и заступничество Девы Марии имели огромную силу: ребенок исцелился.

После данного случая исцеления к образу Божьей Матери, изображенной на иконе «Споручница грешных», потянулись христиане со всех уголков страны, переполненные верой и надеждой на исцеление от различных недугов.

Видео «Акафист пред иконой «Споручница грешных» Пресвятой Богородице»

В этом видео вы можете прослушать аудиозапись акафиста Пресвятой Богородице пред иконой «Споручница грешных».

Акафист перед иконой «Споручница грешных»

Конда́к 1

Избра́нней от Всевы́шняго, гре́шных Спору́чнице, преклоня́ющей на милосе́рдие Сы́на Своего́, да спасе́т я́же созда́ руко́ю Свое́ю, благода́рственное пе́ние прино́сим Ти́, Ма́ти Де́во и Влады́чице, о явле́нии ди́вныя Твоея́ и чудотво́рныя ико́ны, Ты́ же я́ко предста́тельство ко Го́споду иму́щи, потщи́ся от обстоя́ний многообра́зных изба́вити ны́ и ве́чное спасе́ние на́м соде́лати, да, воспева́юще, вопие́м Ти́:

Ра́дуйся, гре́шным Спору́чнице, всегда́ о на́с ру́це Свои́ в поруче́ние Бо́гу принося́щая.

И́кос 1

А́нгелов ли́ки благогове́йно Тебе́ слу́жат и святи́и вси́ немо́лчными гла́сы Тя́ ублажа́ют, Богоро́дице Де́во, я́ко ро́ждшую А́нгелов Царя́, Христа́ Бо́га на́шего, мы́ же, гре́шнии, подража́ти и́м дерза́юще и благохвали́ти Тя́ недоуме́юще, смиренному́дренно арха́нгельский гла́с вопие́м Ти́, Чи́стая:

Ра́дуйся, Благода́тная, Госпо́дь с Тобо́ю; ра́дуйся, Преблагослове́нная в жена́х, Де́во Всенепоро́чная.
Ра́дуйся; Дщи́ Отца́ Небе́снаго; ра́дуйся, Ма́ти Сы́на Преве́чнаго.
Ра́дуйся, Ду́ха Свята́го селе́ние; ра́дуйся, А́нгелов и челове́к непреста́нное удивле́ние.
Ра́дуйся, Честне́йшая Херуви́м; ра́дуйся, Сла́внейшая без сравне́ния Серафи́м.
Ра́дуйся, гре́шным Спору́чнице, всегда́ о на́с ру́це Свои́ в поруче́ние Бо́гу принося́щая.

Конда́к 2

Ви́дящи Премилосе́рдная Ма́терь Бо́жия земно́е ско́рбное житие́ на́ше, не́мощи и боле́зни, благоизво́ли да́ти на́м в благослове́ние и утеше́ние, в ра́дость и спасе́ние и от вся́ких бе́д и напа́стей огражде́ние ико́ну Свою́ святу́ю, Спору́чницею гре́шным в не́й наре́кшися, да, ра́достная пред се́ю ико́ною Е́й принося́ще, ра́достно всегда́ пою́т Бо́гу: Аллилу́иа.

И́кос 2

Ра́зум небе́сный открыва́ющи, Богоро́дице Де́во, благоизво́лила еси́ мно́гими чудесы́ просла́вити ико́ну Твою́ святу́ю, Спору́чница гре́шных имену́емую, да вси́, ве́дуще таково́е Твое́ о не́й благоволе́ние, пе́сненно Тебе́ зову́т:

Ра́дуйся, Милосе́рдая, все́х на́с о Христе́ Ма́ти; ра́дуйся, неистощи́мая сокро́вищнице Боже́ственныя благода́ти.
Ра́дуйся, Тобо́ю бо нисхо́дит к на́м Бо́жие благоволе́ние; ра́дуйся, Тобо́ю бо и́мамы вя́щшее к Бо́гу дерзнове́ние.
Ра́дуйся, моли́твы все́х христиа́н прие́млющая; ра́дуйся, и са́мых отча́янных гре́шников моле́ния не отверга́ющая.
Ра́дуйся, я́ко предста́тельством Твои́м спасти́ся упова́ем; ра́дуйся, я́ко моли́твами Твои́ми Ца́рство Небе́сное получи́ти ча́ем.
Ра́дуйся, гре́шным Спору́чнице, всегда́ о на́с ру́це Свои́ в поруче́ние Бо́гу принося́щая.

Конда́к 3

Си́ла благода́тная осеня́ет все́х, Преблагослове́нная Ма́терь Бо́жия, с ве́рою к Тебе́, я́ко Спору́чнице гре́шных, притека́ющих и святе́й ико́не Твое́й покланя́ющихся: Еди́ней бо то́кмо Тебе́ даде́ся да́р вся́кое благо́е проше́ние ско́ро исполня́ти и гре́шных ми́ловати и спаса́ти, и Еди́на то́кмо Ты́ мо́жеши вои́стину все́м помощи́ ели́ка хо́щеши, Бо́гу пою́щим: Аллилу́иа.

И́кос 3

Име́я Ма́тернее о все́х всеблаго́е промышле́ние, Ты́, Всеблага́я Ма́ти Бо́жия, и са́мых отча́янных гре́шников ко спасе́нию призыва́еши, глаго́лющи: А́з е́смь Спору́чница гре́шных к Сы́ну Моему́ и Бо́гу, И́же и обеща́ Мне́ слы́шати Мя́ всегда́, да ра́достная Мне́ принося́щии ве́чно ра́доватися бу́дут чрез Мене́. Сего́ ра́ди мы́, гре́шнии, Тебе́, я́ко Спору́чнице на́шей, ра́достно зове́м:

Ра́дуйся, Засту́пнице усе́рдная, от Бо́га на́м дарова́нная; ра́дуйся, к Небе́сному оте́честву Путеводи́тельнице на́ша Благода́тная.
Ра́дуйся, от ро́ва поги́бели исхища́ющая; ра́дуйся, безпомо́щных на Свои́ всемо́щныя ру́це прие́млющая.
Ра́дуйся, непреста́нное уны́ние отгоня́ющая; ра́дуйся, па́дших ко благода́ти возставля́ющая.
Ра́дуйся, сло́во прему́дрости прося́щим да́рующая; ра́дуйся, и неразу́мных разу́мными соде́лывающая.
Ра́дуйся, гре́шным Спору́чнице, всегда́ о на́с ру́це Свои́ в поруче́ние Бо́гу принося́щая.

Конда́к 4

Бу́рею сомне́ний искуша́емая не́кая жена́ не хотя́ше ве́ровати чудесе́м, от ико́ны Твоея́, Спору́чницы, быва́емым, но внеза́пну я́звою смертоно́сною пораже́нная, позна́ си́лу Твою́ всемо́щную, Влады́чице, и чудотво́рныя ико́ны Твоея́ благода́ть, и, раска́явшися, сле́зно моля́ше Тя́ о проще́нии неве́рствия ея́, милосе́рдием же Твои́м исцеле́нная, благода́рственно Бо́гу о Тебе́ всегда́ вопия́ше: Аллилу́иа.

И́кос 4

Слы́шит Госпо́дь Твоя́ о на́с на Небеси́ хода́тайства, Цари́це Небе́сная, и исполня́ет Твоя́ проше́ния, мы́ же, гре́шнии, я́ко всеблагу́ю Скоропослу́шницу и Спору́чницу на́шу, про́сим и мо́лим Тя́: Влады́чице, ско́ро услы́ши моле́ния на́ша и вся́ на́ша печа́ли на ра́дость преложи́, и проше́ния все́х зде́ моля́щихся ско́ро испо́лни, да ра́достно всегда́ пое́м Ти́:

Ра́дуйся, принося́щая к Сы́ну Твоему́ и Бо́гу моле́ния ве́рных; ра́дуйся и Сама́ у престо́ла Сы́на Твоего́ всегда́ о на́с моля́щаяся.
Ра́дуйся, Спору́чнице гре́шных; ра́дуйся, Взыска́ние поги́бших.
Ра́дуйся, неча́янную ра́дость ве́рным да́рующая; ра́дуйся, и на́ша проше́ния ско́ро исполня́ющая.
Ра́дуйся, Ми́лостивая, всегда́ на́с ми́лующая; ра́дуйся, житие́ на́ше до́брое устроя́ющая.
Ра́дуйся, гре́шным Спору́чнице, всегда́ о на́с ру́це Свои́ в поруче́ние Бо́гу принося́щая.

Конда́к 5

Я́ко лучеза́рную звезду́, ве́сь ми́р озаря́ющую, подава́ла еси́ на́м, Влады́чице Ми́ра, честну́ю Твою́ ико́ну, Спору́чницею гре́шных имену́емую, на ню́же взира́юще, Само́й Тебе́, и́стинней Бо́жией Ма́тери и Де́ве, покланя́емся, глаго́люще: Влады́чице, приими́ моли́твы ра́б Твои́х и изба́ви ны́ от вся́кия ну́жды и печа́ли, восхваля́ющих Тя́ и Бо́гу воспева́ющих: Аллилу́иа.

И́кос 5

Не́кий благогове́йный му́ж стра́хом ве́лиим преиспо́лнися, егда́ в но́щь Све́тлаго Христо́ва Воскресе́ния ви́де ико́ну Твою́, Спору́чнице Всеблага́я, све́том Небе́сным блиста́ющуюся и, я́ко дожде́вныя ка́пли, ми́ро источа́ющую и молниеви́дныя и́скры испуща́ющую, позна́в в се́м зна́мении ми́лости Твоея́ к лю́дем, со слеза́ми умиле́ния и благодаре́ния ра́достно воспе́ Тебе́, Преблагослове́нней Ма́тери Бо́жией:

Ра́дуйся, О́гнь Боже́ственный неопа́льно держа́вшая, И́мже грехи́ на́ша попаля́ются; ра́дуйся, Све́т неприкоснове́нный носи́вшая, И́мже ду́ши на́ша просвеща́ются.
Ра́дуйся, ру́це Свои́ в поруче́ние о на́с Бо́гу принося́щая; ра́дуйся, вхо́д в Ца́рство Небе́сное и на́м, гре́шным, отверза́ющая.
Ра́дуйся, я́ко мо́лния тьму́ грехо́в на́ших разсека́ющая; ра́дуйся, я́ко ми́ро благово́нное, сердца́ на́ша умягча́ющая.
Ра́дуйся, исто́чники чуде́с всю́ду источа́ющая; ра́дуйся, ико́ною Твое́ю вся́ лю́ди возвеселя́ющая.
Ра́дуйся, гре́шным Спору́чнице, всегда́ о на́с ру́це Свои́ в поруче́ние Бо́гу принося́щая.

Конда́к 6

Ве́сь ми́р христиа́нский пропове́дует ми́лости и чудеса́ Твоя́, Препросла́вленная Ма́ти Го́спода, и све́тло красу́ется мно́гими чудотво́рными Твои́ми ико́нами, среди́ ко́их ико́на Твоя́, Спору́чница гре́шных имену́емая, я́ко луна́ по́лная, луча́ми ми́лости Твоея́ и чуде́с немерца́емо сия́ет, просвеща́ющи и освеща́ющи ду́ши на́ша све́том Бо́жия благода́ти, подвиза́ющи на́с хвале́бно Бо́гу взыва́ти: Аллилу́иа.

И́кос 6

Возсия́ в одну́ из ноще́й све́т небе́сный в хра́ме Нико́ло-Хамо́вническом, егда́ прия́т о́браз Тво́й чудотво́рный, Спору́чнице гре́шным, свети́льники тогда́ и лампа́ды неви́димою си́лою в хра́ме се́м возжига́хуся, свеща́ горя́щая, а́ки в служе́нии, незри́мо ке́м о́крест престо́ла ноша́шеся. Лю́дие же, вне́ хра́ма стоя́вшии и сия́ вся́ ви́девше, дивля́хуся, сла́вяще Тя́, Ма́ти Бо́жия, и Сы́на Твоего́, мы́ же, воспомина́юще ди́вное сие́ виде́ние, с умиле́нием Тебе́ глаго́лем:

Ра́дуйся, ско́рби на́ша в ра́дость претворя́ющая; ра́дуйся, ненаде́ющихся несомне́нною наде́ждою возвеселя́ющая.
Ра́дуйся, Свеще́, у престо́ла Бо́жия присногоря́щая; ра́дуйся, Лампа́до, еле́ем Боже́ственным светя́щая.
Ра́дуйся, Све́те лучеза́рный, пу́ть жи́зни на́м показу́ющий; ра́дуйся, Хра́ме одушевле́нный, все́х на́с освяща́ющий.
Ра́дуйся, упова́ющим на Тя́ непосты́дную жи́знь да́рующая; ра́дуйся, и по сме́рти неотсту́пно о ни́х пред Бо́гом хода́тайствующая.
Ра́дуйся, гре́шным Спору́чнице, всегда́ о на́с ру́це Свои́ в поруче́ние Бо́гу принося́щая.

Конда́к 7

Хотя́ Долготерпели́вый Госпо́дь яви́ти Бе́здну Своего́ человеколю́бия и щедро́т, избра́ Тебе́, Пресвята́я Де́во, в Ма́терь Себе́ и яви́ Тя неисчерпа́емый исто́чник ми́лостей Свои́х, да а́ще кто́ пра́ведным судо́м Бо́жиим осужде́ния досто́ин, Твои́м хода́тайством, я́ко гре́шным Спору́чницы, сохране́н бу́дет, велегла́сно зовы́й: Аллилу́иа.

И́кос 7

Ди́вная дела́ Твоя́ показа́л еси́ на́м, Го́споди, в Пречи́стей Твое́й Ма́тери и ди́вну дарова́л еси́ на́м Ея́ ико́ну, па́че луче́й со́лнечных просвеща́ющую лю́ди, я́ко Са́мую зря́щих Богоро́дицу и ве́рою серде́чною от души́ любо́вию, я́ко Бо́жией Ма́тери и Де́ве, Е́й вопию́щих:

Ра́дуйся, Купе́ле, в Не́йже вся́ ско́рби на́ша погружа́ются; ра́дуйся, Ча́ше, Е́юже ра́дость и спасе́ние вси́ восприе́млем.
Ра́дуйся, Живоно́сный Исто́чниче, все́х на́с оживотворя́ющий; ра́дуйся, Цве́те неувяда́емый, все́х на́с облагоуха́ющий.
Ра́дуйся, скорбе́й на́ших услажде́ние; ра́дуйся, печа́лей на́ших утоле́ние.
Ра́дуйся, боле́зней на́ших врачева́ние; ра́дуйся, от бе́д ско́рое на́ше избавле́ние.
Ра́дуйся, гре́шным Спору́чнице, всегда́ о на́с ру́це Свои́ в поруче́ние Бо́гу принося́щая.

Конда́к 8

Стра́нники и прише́льцы есмы́ на земли́ и, по глаго́лу Апо́стола, не и́мамы зде́ пребыва́ющаго гра́да. Но к кому́ прибе́гнем, Влады́чице, в ско́рбех жития́ на́шего, а́ще не к Тебе́, Всеблага́я Спору́чнице о на́с гре́шных! Не отве́ржи на́с, Ма́ти Бо́жия, и не рцы́ на́м: Не ве́м ва́с грехо́в ра́ди ва́ших, но поми́луй на́с, си́рых и безпомо́щных, и приими́ на́с в ве́чныя кро́вы, Покрови́тельнице на́ша, да ра́достно вопие́м во сла́ве Небе́сней Царю́ сла́вы Христу́: Аллилу́иа.

И́кос 8

Все́м ве́рным уте́шительно е́сть взира́ти на святу́ю ико́ну Твою́, Влады́чице, Спору́чнице гре́шным, на не́йже зри́м Тя́, на руку́ Твое́ю держа́щую Преве́чнаго Младе́нца, Го́спода на́шего Иису́са Христа́, Ему́ же покланя́ющеся боголе́пно, я́ко Творцу́ и Бо́гу на́шему, Тебе́, и́стинней Богоро́дице, уми́льно глаго́лем: Влады́чице, помози́, на ны́ милосе́рдовавши, потщи́ся, погиба́ем от мно́жества прегреше́ний, не отврати́ Твоя́ рабы́ тщи́, Тебе́ вопию́щия:

Ра́дуйся, Цели́тельнице на́ша в боле́знех теле́сных; ра́дуйся, Уте́шительнице в печа́лех на́ших душе́вных.
Ра́дуйся, а́лчущих Пита́тельнице; ра́дуйся, наги́х одея́ние.
Ра́дуйся, вдо́в Защи́тительнице; ра́дуйся, сиро́т Покрови́тельнице.
Ра́дуйся, гони́мых и оби́димых Засту́пнице; ра́дуйся, стра́ждущих и плене́нных ско́рая Освободи́тельнице.
Ра́дуйся, гре́шным Спору́чнице, всегда́ о на́с ру́це Свои́ в поруче́ние Бо́гу принося́щая.

Конда́к 9

Все́ естество́ а́нгельское похва́льныя песнопе́ния прино́сит Тебе́, Бо́жией Ма́тери и Спору́чнице все́х припа́дающих Тебе́ и прося́щих Твоея́ по́мощи и Твоего́ утеше́ния, я́ко тве́рдым и кре́пким Твои́м предста́тельством пра́ведных весели́ши, гре́шных заступа́еши и от бе́д избавля́еши и печа́ли утоля́еши, и мо́лишися о все́х, ве́рою зову́щих о Тебе́ Бо́гу: Аллилу́иа.

И́кос 9

Вети́йствующий вся́к язы́к недоуме́ет благохвали́ти Тя́ по достоя́нию, изумева́ет же у́м и преми́рный пе́ти Тя́, Богоро́дице; оба́че, Блага́я су́щи, ве́ру приими́, и́бо любо́вь ве́си боже́ственную на́шу; Ты́ бо христиа́н еси́ Предста́тельница, Тебе́ зову́щих:

Ра́дуйся, сия́нием Пречи́стыя души́ Твоея́ всю́ зе́млю просвети́вшая; ра́дуйся, чистото́ю телесе́ Твоего́ вся́ небеса́ возвесели́вшая.
Ра́дуйся, все́х на́с при Кресте́ Сы́на Твоего́ усынови́вшая; ра́дуйся, всегда́ Ма́тернюю любо́вь Твою́ к на́м явля́ющая.
Ра́дуйся, все́х даро́в духо́вных и теле́сных всемо́щная Пода́тельнице; ра́дуйся, бла́г вре́менных и ве́чных усе́рдная на́м Хода́таице.
Ра́дуйся, две́ри Ца́рствия Христо́ва ве́рным отверза́ющая; ра́дуйся, и на земли́ ра́достию и весе́лием сердца́ на́ша исполня́ющая.
Ра́дуйся, гре́шным Спору́чнице, всегда́ о на́с ру́це Свои́ в поруче́ние Бо́гу принося́щая.

Конда́к 10

Спасти́ хотя́ ро́д челове́ческий от ве́чныя му́ки и непрестаю́щия ско́рби, Человеколю́бец Госпо́дь Тебе́, Ма́терь Свою́, дарова́ земны́м на по́мощь, глаго́ля: сы́нове челове́честии, се́ Ма́ти Моя́ покро́в и прибе́жище ва́м да бу́дет, печа́льным — утеше́ние, скорбя́щим — ра́дование, оби́димым — Засту́пница, бе́дствующим — по́мощь, больны́м — Цели́тельница, гре́шным — Спору́чница, да все́х из глубины́ грехо́вныя воздви́гнет, вопию́щих: Аллилу́иа.

И́кос 10

Царю́ Небе́сный, Сы́не и Бо́же Мо́й, — та́ко мо́лит за на́с всегда́ Небе́сная Цари́ца, — приими́ вся́каго челове́ка, сла́вящаго Тя́ и призыва́ющаго И́мя Твое́ Свято́е, и прославля́ющих Мя́ И́мени Твоего́ ра́ди, и не отри́ни и́х от лица́ Твоего́, но благоволи́ в ни́х и приими́ от ни́х вся́кое благо́е моле́ние и все́х от бе́д изба́ви. Мы́ же, гре́шнии, наде́ющиися на Твоя́ Ма́терния моли́твы, зове́м Ти́:

Ра́дуйся, я́ко Ты́ еси́ Моли́твенница на́ша к Бо́гу те́плая; ра́дуйся, я́ко Твоя́ моли́тва всегда́ пред Бо́гом многомо́щна.
Ра́дуйся, Твои́ми моли́твами и на́ша убо́гия моле́ния богоприя́тными соде́ловающая; ра́дуйся, и на́ше недосто́инство Твои́м предста́тельством восполня́ющая.
Ра́дуйся, ка́ющихся гре́шников непосты́дная Спору́чнице; ра́дуйся, все́х христиа́н правосла́вных Засту́пнице.
Ра́дуйся, вся́ на́ша боле́зни исцеля́ющая; ра́дуйся, о́блак страсте́й и искуше́ний разгоня́ющая.
Ра́дуйся, гре́шным Спору́чнице, всегда́ о на́с ру́це Свои́ в поруче́ние Бо́гу принося́щая.

Конда́к 11

Пе́ние всеумиле́нное приими́ от на́с, Небе́сная Спору́чнице на́ша, и моли́тву, приноси́мую Тебе́, Де́во Богоро́дице, ско́ро услы́ши; к Тебе́ бо в напа́стех, ско́рбех и печа́лех прибега́ем и пред Тобо́ю в беда́х на́ших сле́зы пролива́ем и мо́лим: Влады́чице, утоли́ печа́ли и приими́ моли́твы ра́б Твои́х, о Тебе́ пою́щих: Аллилу́иа.

И́кос 11

Све́тлыми луча́ми зна́мений и чуде́с немерца́емо сия́ет свята́я ико́на Твоя́, Богоро́дице Де́во, и все́х благода́тно озаря́ет, с ве́рою пред не́ю Тебе́ моля́щихся, прогоня́ющи вся́кое вра́жие де́йство си́лою Бо́жиею, от нея́ исходя́щею. Те́мже ра́дуемся мы́, гре́шнии, иму́ще такову́ю чу́дную ико́ну Твою́ в хра́ме свое́м, я́ко зало́г Твоего́ к на́м и хра́му на́шему благоволе́ния, и Тебе́, Спору́чнице на́шей и Скоропослу́шнице моле́ний на́ших, благода́рственно взыва́ем:

Ра́дуйся, ра́дость благода́тную на́м излива́ющая; ра́дуйся, утеше́ние духо́вное ско́ро на́м подаю́щая.
Ра́дуйся, жела́ния богоуго́дныя исполня́ющая; ра́дуйся, во вся́ких ско́рбных обстоя́ниих на по́мощь на́м поспеша́ющая.
Ра́дуйся, в ве́ре и благоче́стии живу́щих зело́ лю́бящая; ра́дуйся, сердца́ и́х любо́вию к Бо́гу и лю́дем воспламеня́ющая.
Ра́дуйся, в ча́с недоуме́ния мы́сль бла́гу на се́рдце полага́ющая; ра́дуйся, во все́м упова́ние на Бо́га име́ти на́с науча́ющая.
Ра́дуйся, гре́шным Спору́чнице, всегда́ о на́с ру́це Свои́ в поруче́ние Бо́гу принося́щая.

Конда́к 12

Благода́ть Бо́жия, прису́щая святе́й Твое́й ико́не, Спору́чницею гре́шных имену́емой, Богома́ти Влады́чице, влече́т к не́й все́х скорбя́щих и грехми́ мно́гими и напа́стьми обремене́нных, и не тщи́ отхо́дят они́ от сего́ исто́чника многообра́зных Твои́х ми́лостей и щедро́т, но в ско́рбех — отра́ду, в напа́стех — защи́ту, в боле́знях — цельбу́ и вся́ для души́ и теле́с благопотре́бная неоску́дно получа́ют от чудотво́рнаго о́браза Твоего́, Всеблага́я, а́ще по Бо́зе все́ упова́ние на Тя́ возлага́ют, пою́ще: Аллилу́иа.

И́кос 12

Пою́ще неизрече́нное Твое́ Ма́тернее к на́м гре́шным милосе́рдие, хва́лим Тя́, я́ко Всемо́щную Спору́чницу на́шу, благослови́м Тя́, я́ко Всеблагу́ю Скоропослу́шницу моле́ний на́ших, и со умиле́нием покланя́емся Тебе́ в честне́й Твое́й ико́не, ве́руем бо и упова́ем, я́ко и ны́не испро́сиши на́м у Сы́на Твоего́ и Бо́га, да в жи́зни се́й и по сме́рти на́шей милосе́рдие Его́ неотсту́пно бу́дет о все́х, с любо́вию пою́щих Ти́:

Ра́дуйся, Твои́ми моли́твами ве́сь ми́р спаса́ющая; ра́дуйся, Твои́ми хода́тайствы всю́ Вселе́нную заступа́ющая.
Ра́дуйся, я́ко все́м с ве́рою притека́ющим ско́ро помога́ющая; ра́дуйся, и Небе́снаго Ца́рствия и́м испроша́ющая.
Ра́дуйся, я́ко на ико́ну Твою́ взира́юще, Само́й Тебе́, и́стинней Богоро́дице, покланя́емся; ра́дуйся, Твои́м предста́тельством вся́ блага́я жела́ния на́ша ско́ро исполня́ющая.
Ра́дуйся, и в ча́с сме́ртный ве́рных Свои́х не оставля́ющая; ра́дуйся, и по сме́рти о ве́чно блаже́ннем и́х упокое́нии хода́тайствующая.
Ра́дуйся, гре́шным Спору́чнице, всегда́ о на́с ру́це Свои́ в поруче́ние Бо́гу принося́щая.

Конда́к 13

О, Всепе́тая Ма́ти, Всеблага́я Спору́чнице спасе́ния гре́шных, Богоро́дице Де́во! Приими́ ми́лостиво и ны́нешнее на́ше моле́ние, е́же от усе́рдия на́шего во благодаре́ние Ти́ принесо́хом, и испроси́ на́м у Всеще́драго Бо́га в ве́ре правосла́вней непоколеби́мость, в любви́ христиа́нской преуспе́яние и грехо́в на́ших проще́ние, да предста́тельством Твои́м унасле́дим Ца́рствие Небе́сное и сподо́бимся со все́ми святы́ми пе́ти Бо́гу: Аллилу́иа.

Этот конда́к чита́ется три́жды, зате́м 1-й и́кос и 1-й конда́к.

И́кос 1

Ра́дуйся, Благода́тная, Госпо́дь с Тобо́ю; ра́дуйся, Преблагослове́нная в жена́х, Де́во Всенепоро́чная.
Ра́дуйся; Дщи́ Отца́ Небе́снаго; ра́дуйся, Ма́ти Сы́на Преве́чнаго.
Ра́дуйся, Ду́ха Свята́го селе́ние; ра́дуйся, А́нгелов и челове́к непреста́нное удивле́ние.
Ра́дуйся, Честне́йшая Херуви́м; ра́дуйся, Сла́внейшая без сравне́ния Серафи́м.
Ра́дуйся, гре́шным Спору́чнице, всегда́ о на́с ру́це Свои́ в поруче́ние Бо́гу принося́щая.

Конда́к 1

Ра́дуйся, гре́шным Спору́чнице, всегда́ о на́с ру́це Свои́ в поруче́ние Бо́гу принося́щая.

Моли́тва

О Влады́чице Преблагослове́нная, Защи́тнице ро́да христиа́нскаго, прибе́жище и спасе́ние притека́ющих к Тебе́! Ве́м, вои́стину ве́м, я́ко зело́ согреши́х и прогне́вах, Преми́лостивая Госпоже́, рожде́ннаго пло́тию от Тебе́ Сы́на Бо́жия, но и́мам мно́гии о́бразы пре́жде мене́ прогне́вавших Его́ благоутро́бие: мытари́, блудни́цы и про́чия гре́шники, и́мже даде́ся проще́ние грехо́в и́х, покая́ния ра́ди и испове́дания. Ты́я у́бо о́бразы поми́лованных очесе́м гре́шныя души́ моея́ представля́я и на толи́кое Бо́жие милосе́рдие, о́нех прие́мшее, взира́я, дерзну́х и а́з, гре́шный, прибе́гнути с покая́нием ко Твоему́ благоутро́бию.

О Всеми́лостивая Влады́чице, да пода́си ми́ ру́ку по́мощи и испро́сиши у Сы́на Твоего́ и Бо́га Ма́терними и святе́йшими Твои́ми моли́твами тя́жким мои́м грехо́м проще́ние. Ве́рую и испове́дую, я́ко То́й, Его́же родила́ еси́, Сы́н Тво́й, е́сть вои́стину Христо́с, Сы́н Бо́га Жива́го, Судия́ живы́х и ме́ртвых, воздая́й кому́ждо по дело́м его́. Ве́рую же па́ки и испове́дую Тебе́ бы́ти и́стинную Богоро́дицу, милосе́рдия исто́чник, утеше́ние пла́чущих, взыска́ние поги́бших, си́льную и непрестаю́щую к Бо́гу Хода́таицу, зело́ лю́бящую ро́д христиа́нский, и Спору́чницу покая́ния. Вои́стину бо не́сть челове́ком ины́я по́мощи и покро́ва, ра́зве Тебе́, Госпоже́ Преми́лостивая, и никто́же, упова́я на Тя́, постыде́ся когда́ и, Тобо́ю умоля́я Бо́га, никто́же оста́влен бы́сть. Того́ ра́ди молю́ Твою́ неисче́тную бла́гость: отве́рзи две́ри милосе́рдия Твоего́ мне́, заблу́ждшему и па́дшему в тиме́ние глубины́, не возгнуша́йся мене́, скве́рнаго, не пре́зри гре́шнаго моле́ния моего́, не оста́ви мене́, окая́ннаго, я́ко в поги́бель зло́бный вра́г похи́тити мя́ и́щет, но умоли́ о мне́ рожде́ннаго от Тебе́ милосе́рдаго Сы́на Твоего́ и Бо́га, да прости́т вели́кия моя́ грехи́ и изба́вит мя́ от па́губы моея́; я́ко да и а́з со все́ми, получи́вшими проще́ние, воспою́ и просла́влю безме́рное милосе́рдие Бо́жие и Твое́ непосты́дное о мне́ заступле́ние в жи́зни се́й и в несконча́емом ве́це. Ами́нь.

Если вы нашли ошибку, пожалуйста, выделите фрагмент текста и нажмите Ctrl+Enter.

Икона Образ Пресвятой Богородицы “Споручница грешных”

Пресвятой Богородице перед Ея иконой, именуемой «Споручница грешных» молятся во время греховного омрачения, во всяком унынии, отчаянии и скорби душевной.

Акафист Пресвятой Богородице перед Ея иконой, именуемой «Споручница грешных».

Кондак 1

Икос 1

Ангелов лики благоговейно Тебе служат и святии вси немолчными гласы Тя ублажают, Богородице Дево, яко рождшую Ангелов Царя, Христа Бога нашего, мы же, грешнии, подражати им дерзающе и благохвалити Тя недоумеюще, смиренномудренно архангельский глас вопием Ти, Чистая:
Радуйся, Благодатная, Господь с Тобою; радуйся, Преблагословенная в женах, Дево Всенепорочная.
Радуйся; Дщи Отца Небеснаго; радуйся, Мати Сына Превечнаго.
Радуйся, Духа Святаго селение; радуйся, Ангелов и человек непрестанное удивление.
Радуйся, Честнейшая Херувим; радуйся, Славнейшая без сравнения Серафим.
Радуйся, грешным Споручнице, всегда о нас руце Свои в поручение Богу приносящая.

Кондак 2

Икос 2

Разум небесный открывающи, Богородице Дево, благоизволила еси многими чудесы прославити икону Твою святую, Споручница грешных именуемую, да вси, ведуще таковое Твое о ней благоволение, песненно Тебе зовут:
Радуйся, Милосердная, всех нас о Христе Мати; радуйся, неистощимая сокровищнице Божественныя благодати.
Радуйся, Тобою бо нисходит к нам Божие благоволение; радуйся, Тобою бо имамы вящее к Богу дерзновение.
Радуйся, молитвы всех христиан приемлющая; радуйся, и самых отчаянных грешников моления не отвергающая.
Радуйся, яко предстательством Твоим спастися уповаем; радуйся, яко молитвами Твоими Царство Небесное получити чаем.
Радуйся, грешным Споручнице, всегда о нас руце Свои в поручение Богу приносящая.

Кондак 3

Икос 3

Имеющи Матернее о всех всеблагое промышление,Ты, Всеблагая Мати Божия, и самых отчаянных грешников ко спасению призываеши, глаголющи: Аз есмь Споручница грешных к Сыну Моему и Богу, Иже и обеща Мне слышати Мя всегда, да радостная Мне приносящии вечно радоватися будут чрез Мене. Сего ради мы, грешнии, Тебе, яко Споручнице нашей, радостно зовем:
Радуйся, Заступнице усердная, от Бога нам дарованная; радуйся, к Небесному отечеству Путеводительнице наша Благодатная.
Радуйся, от рова погибели исхищающая; радуйся, безпомощных на Свои всемощныя руце приемлющая.
Радуйся, непрестанное уныние отгоняющая; радуйся, падших ко благодати возставляющая.
Радуйся, слово премудрости просящим дарующая; радуйся, и неразумных разумными соделывающая.
Радуйся, грешным Споручнице, всегда о нас руце Свои в поручение Богу приносящая.

Кондак 4

Икос 4

Слышит Господь Твоя о нас на Небеси ходатайства, Царице Небесная, и исполняет Твоя прошения, мы же, грешнии, яко всеблагую Скоропослушницу и Споручницу нашу, просим и молим Тя: Владычице, скоро услыши моления наша и вся наша печали на радость преложи, и прошения всех зде молящихся скоро исполни, да радостно всегда поем Ти:
Радуйся, приносящая к Сыну Твоему и Богу моления верных; радуйся и Сама у престола Сына Твоего всегда о нас молящаяся.
Радуйся, Споручнице грешных; радуйся, Взыскание погибших.
Радуйся, нечаянную радость верным дарующая; радуйся, и наша прошения скоро исполняющая.
Радуйся, Милостивая, всегда нас милующая; радуйся, житие наше доброе устрояющая.
Радуйся, грешным Споручнице, всегда о нас руце Свои в поручение Богу приносящая.

Кондак 5

Икос 5

Некий благоговейный муж страхом велиим преисполнися, егда в нощь Светлаго Христова Воскресения виде икону Твою, Споручнице Всеблагая, светом Небесным блистающуюся и, яко дождевныя капли, миро источающую и молниевидныя искры испущающую, познав в сем знамении милости Твоея к людем, со слезами умиления и благодарения радостно воспе Тебе, Преблагословенней Матери Божией:
Радуйся, Огнь Божественный неопально державшая, Имже грехи наша попаляются; радуйся, Свет неприкосновенный носившая, Имже души наша просвещаются.
Радуйся, руце Свои в поручение о нас Богу приносящая; радуйся, вход в Царство Небесное и нам, грешным, отверзающая.
Радуйся, яко молния тьму грехов наших разсекающая; радуйся, яко миро благовонное, сердца наша умягчающая.
Радуйся, источники чудес всюду источающая; радуйся, иконою Твоею вся люди возвеселяющая.
Радуйся, грешным Споручнице, всегда о нас руце Свои в поручение Богу приносящая.

Кондак 6

Икос 6

Возсия в одну из нощей свет небесный в храме Николо-Хамовническом, егда прият образ Твой чудотворный, Споручнице грешным, светильники тогда и лампады невидимою силою в храме сем возжигахуся, свеща горящая, аки в служении, незримо кем окрест престола ношашеся. Людие же, вне храма стоявшии и сия вся видевше, дивляхуся, славяще Тя, Мати Божия, и Сына Твоего, мы же, воспоминающе дивное сие видение, с умилением Тебе глаголем:
Радуйся, скорби наша в радость претворяющая; радуйся, ненадеющихся несомненною надеждою возвеселяющая.
Радуйся, Свеще, у престола Божия присногорящая; радуйся, Лампадо, елеем Божественным светящая.
Радуйся, Свете лучезарный, путь жизни нам показующий; радуйся, Храме одушевленный, всех нас освящающий.
Радуйся, уповающим на Тя непостыдную жизнь дарующая; радуйся, и по смерти неотступно о них пред Богом ходатайствующая.
Радуйся, грешным Споручнице, всегда о нас руце Свои в поручение Богу приносящая.

Кондак 7

Икос 7

Дивная дела Твоя показал еси нам, Господи, в Пречистей Твоей Матери и дивну даровал еси нам Ея икону, паче лучей солнечных просвещающу люди, яко Самую зрящих Богородицу и верою сердечною от души любовию, яко Божией Матери и Деве, Ей вопиющих:
Радуйся, Купеле, в Нейже вся скорби наша погружаются; радуйся, Чаше, Еюже радость и спасение вси восприемлем.
Радуйся, Живоносный Источниче, всех нас оживотворяющий; радуйся, Цвете неувядаемый, всех нас облагоухающий.
Радуйся, скорбей наших услаждение; радуйся, печалей наших утоление.
Радуйся, болезней наших врачевание; радуйся, от бед скорое наше избавление.
Радуйся, грешным Споручнице, всегда о нас руце Свои в поручение Богу приносящая.

Кондак 8

Икос 8

Всем верным утешительно есть взирати на святую икону Твою, Владычице, Споручнице грешным, на нейже зрим Тя, на руку Твоею держащую Превечнаго Младенца, Господа нашего Иисуса Христа, Ему же покланяющеся боголепно, яко Творцу и Богу нашему, Тебе, истинней Богородице, умильно глаголем: Владычице, помози, на ны милосердовавши, потщися, погибаем от множества прегрешений, не отврати Твоя рабы тщы, Тебе вопиющия:
Радуйся, алчущих Питательнице; радуйся, нагих одеяние.
Радуйся, вдов Защитительнице; радуйся, сирот Покровительнице.
Радуйся, гонимых и обидимых Заступнице; радуйся, страждущих и плененных скорая Освободительнице.
Радуйся, грешным Споручнице, всегда о нас руце Свои в поручение Богу приносящая.

Кондак 9

Икос 9

Витийствующий всяк язык недоумеет благохвалити Тя по достоянию, изумевает же ум и премирный пети Тя, Богородице; обаче, Благая сущи, веру приими, ибо любовь веси божественную нашу; Ты бо христиан еси Предстательница, Тебе зовущих:
Радуйся, сиянием Пречистыя души Твоея всю землю просветившая; радуйся, чистотою телесе Твоего вся небеса возвеселившая.
Радуйся, всех нас при Кресте Сына Твоего усыновившая; радуйся, всегда Матернюю любовь Твою к нам являющая.
Радуйся, всех даров духовных и телесных всемощная Подательнице; радуйся, благ временных и вечных усердная нам Ходатаице.
Радуйся, двери Царствия Христова верным отверзающая; радуйся, и на земли радостию и веселием сердца наша исполняющая.
Радуйся, грешным Споручнице, всегда о нас руце Свои в поручение Богу приносящая.

Кондак 10

Икос 10

Царю Небесный, Сыне и Боже Мой, — тако молит за нас всегда Небесная Царица, — приими всякаго человека, славящаго Тя и призывающаго Имя Твое Святое, и прославляющих Мя Имени Твоего ради, и не отрини их от лица Твоего, но благоволи в них и приими от них всякое благое моление и всех от бед избави. Мы же, грешнии, надеющиися на Твоя Матерния молитвы, зовем Ти:
Радуйся, яко Ты еси Молитвенница наша к Богу теплая; радуйся, яко Твоя молитва всегда пред Богом многомощна.
Радуйся, Твоими молитвами и наша убогая моления богоприятными соделовающая; радуйся, и наше недостоинство Твоим предстательством восполняющая.
Радуйся, кающихся грешников непостыдная Споручнице; радуйся, всех христиан православных Заступнице.
Радуйся, вся наша болезни исцеляющая; радуйся, облак страстей и искушений разгоняющая.
Радуйся, грешным Споручнице, всегда о нас руце Свои в поручение Богу приносящая.

Кондак 11

Икос 11

Светлыми лучами знамений и чудес немерцаемо сияет святая икона Твоя, Богородице Дево, и всех благодатно озаряет, с верою пред нею Тебе молящихся, прогоняющи всякое вражие действо силою Божиею, от нея исходящею. Темже радуемся мы, грешнии, имуще таковую чудную икону Твою в храме своем, яко залог Твоего к нам и храму нашему благоволения, и Тебе, Споручнице нашей и Скоропослушнице молений наших, благодарственно взываем:
Радуйся, радость благодатную нам изливающая; радуйся, утешение духовное скоро нам подающая.
Радуйся, желания богоугодныя исполняющая; радуйся, во всяких скорбных обстояниих на помощь нам поспешающая.
Радуйся, в вере и благочестии живущих зело любящая; радуйся, сердца их любовию к Богу и людям воспламеняющая.
Радуйся, в час недоумения мысль благу на сердце полагающая; радуйся, во всем упование на Бога имети нас научающая.
Радуйся, грешным Споручнице, всегда о нас руце Свои в поручение Богу приносящая.

Кондак 12

Икос 12

Поюще неизреченное Твое Матернее к нам грешным милосердие, хвалим Тя, яко Всемощную Споручницу нашу, благословим Тя, яко Всеблагую Скоропослушницу молений наших, и со умилением поклоняемся Тебе в честней Твоей иконе, веруем бо и уповаем, яко и ныне испросиши нам у Сына Твоего и Бога, да в жизни сей и по смерти нашей милосердие Его неотступно будет о всех, с любовию поющих Ти:
Радуйся, Твоими молитвами весь мир спасающая; радуйся, Твоими ходатайствы всю Вселенную заступающая.
Радуйся, яко всем с верою притекающим скоро помогающая; радуйся, и Небеснаго Царствия им испрошающая.
Радуйся, яко на икону Твою взирающе, Самой Тебе, истинней Богородице, поклоняемся; радуйся, Твоим предстательством вся благая желания наша скоро исполняющая.
Радуйся, и в час смертный верных Своих не оставляющая; радуйся, и по смерти о вечно блаженнем их упокоении ходатайствующая.
Радуйся, грешным Споручнице, всегда о нас руце Свои в поручение Богу приносящая.

Кондак 13

Этот кондак читается трижды, затем 1-й икос «Ангелов лики …» и 1-й кондак «Избранней от Вышняго …».

Оценка 3.4 проголосовавших: 14

АКАФИСТ ПРЕСВЯТЕЙ БОГОРОДИЦЕ В ЧЕСТЬ ИКОНЫ ЕЯ «СПОРУЧНИЦА ГРЕШНЫХ»

Кондак 1

Икос 1

Кондак 2

Икос 2

Кондак 3

Икос 3

Кондак 4

Икос 4

Кондак 5

Икос 5

Кондак 6

Икос 6

Кондак 7

Икос 7

Кондак 8

Икос 8

Кондак 9

Икос 9

Кондак 10

Икос 10

Кондак 11

Икос 11

Кондак 12

Икос 12

Кондак 13

Молитва

Тропарь, глас 4

Ин тропарь, глас 3

Кондак, глас 1

Значение и сила

Видео «Акафист пред иконой «Споручница грешных» Пресвятой Богородице»

Акафист перед иконой «Споручница грешных»

ОСТАВЬТЕ ОТВЕТ Отменить ответ

ПОПУЛЯРНЫЕ МОЛИТВЫ

НОВЫЕ МОЛИТВЫ