Акафист царице небесной

Конда́к 1

Новоявле́нней Твое́й ико́не предстоя́ще ве́рнии уми́льно, воспева́ем Ти, Всецари́це, раби́ Твои́; низпосли́ цельбы́ к Тебе́ притека́ющим, да вси ра́достно зове́м Ти:

Ра́дуйся, Всецари́це, неду́ги на́ша благода́тию исцеля́ющая.

И́кос 1

А́нгел предста́тель с Небесе́ сшед, рече́ Всецари́це: ра́дуйся! И боговеща́нным гла́сом воплоща́ема Тя зря, Го́споди, возопи́ к Ней такова́я:

Ра́дуйся, глави́зно на́шего спасе́ния; ра́дуйся, исполне́ние Зижди́телева смотре́ния.

Ра́дуйся, я́ко Тобо́ю Бог воплоти́ся; ра́дуйся, я́ко Неви́димый в Тебе́ изобрази́ся.

Ра́дуйся, Ми́лость ми́ра внутрь прия́вшая; ра́дуйся, одея́ние пло́ти Сло́ву истка́вшая.

Ра́дуйся, уму́ непости́жная го́рняя сла́во; ра́дуйся, сердца́ оживи́вшая небе́сная ма́нно.

Ра́дуйся, звездо́, благода́ти сия́ние; ра́дуйся, исто́чниче, живы́я воды́ излия́ние.

Ра́дуйся, Богоро́дице, в жена́х благослове́нная; ра́дуйся, ро́ждшая Спа́са Де́во нетле́нная.

Ра́дуйся, Всецари́це, неду́ги на́ша благода́тию исцеля́ющая.

Конда́к 2

Безнача́льное Сло́во Отроча́ мла́до Тобо́ю бысть, исцеле́ния подая́ Тя, Де́во, чту́щим и неизрече́нное Его́ Рождество́ воспева́ющим: Аллилу́ия.

И́кос 2

Ра́зум недоразумева́емый разуме́ти Де́ва и́щущи, возопи́ к служа́щему: «Я́ко Отрокови́ца чи́стая, ка́ко бу́ду Вы́шняго Ма́ти – изъясни́ Ми?». К Ней же Гаврии́л рече́ со стра́хом, зовы́й такова́я:

Ра́дуйся, Сове́та Вы́шняго избра́ннице; ра́дуйся, гла́са моля́щихся скоропослу́шнице.

Ра́дуйся, Сокро́вище Христо́ва ми́ра; ра́дуйся, люде́й Твои́х наде́ждо и си́ло.

Ра́дуйся, ра́ковыя я́звы ди́вная губи́тельнице; ра́дуйся, про́чих боле́зней исцели́тельнице.

Ра́дуйся, еди́ное ми́ру заступле́ние; ра́дуйся, ве́рное в ско́рбех избавле́ние.

Ра́дуйся, плач и сле́зы при́сно утоля́ющая; ра́дуйся, спасе́ния вхо́ды всем отверза́ющая.

Ра́дуйся, держа́вный покро́ве Афо́н населя́ющих; ра́дуйся, же́зле мона́хов и миря́н.

Ра́дуйся, Всецари́це, неду́ги на́ша благода́тию исцеля́ющая.

Конда́к 3

Си́ла Вы́шняго осени́вши Тя, Отрокови́це, плоть прия́т неизрече́нно, показа́ Тя село́ сла́дкое хотя́щим жа́ти спасе́ние и пою́щим: Аллилу́ия.

И́кос 3

Просла́вися ди́вно свята́я ико́на Твоя́, «Всецари́ца» имену́емая, егда́ цельбоно́сно яви́ся Твое́, Богома́ти, изображе́ние; вопию́щим же пред ним с ве́рою исцеле́ния подае́ши, да умножа́ются пе́сни сицевы́я:

Ра́дуйся, Ма́ти незаходи́маго Све́та; ра́дуйся, претерпе́вших до конца́ побе́до.

Ра́дуйся, в боле́знех и ско́рбех су́щим врачева́ние; ра́дуйся, сиро́т и вдови́ц неруши́мая стено́.

Ра́дуйся, две́ри ра́йския отверза́ющая; ра́дуйся, тружда́ющихся и обремене́нных заступа́ющая.

Ра́дуйся, о спасе́нии ве́рных хода́таице; ра́дуйся, за род челове́ческий моли́твеннице.

Ра́дуйся, ле́ствице небе́сная, возводя́щая от земли́ к небеси́; ра́дуйся, водо́ жива́я, омыва́ющая сме́ртныя грехи́.

Ра́дуйся, а́гнице, сердца́ незло́бивых храня́щая; ра́дуйся, покро́ве, чад Це́ркве осеня́ющий.

Ра́дуйся, Всецари́це, неду́ги на́ша благода́тию исцеля́ющая.

Конда́к 4

Живо́т ми́рови да́руя, Влады́ка ми́ра всели́ся во утро́бу Твою́ неискусому́жно, Ма́терь ве́рных Тя показа́в, в ми́ре тех воспева́ти призва́: Аллилу́ия.

И́кос 4

Пресла́вная соде́яшася о Тебе́, Гра́де Бо́жий, исцеле́нием быва́ющим от святы́я ико́ны Твоея́; сего́ ра́ди цельбоно́сныя струи́ врачева́ний прие́млюще, благода́рственно, о Всецари́це, вопие́м:

Ра́дуйся, сна́добие, боль утоля́ющее; ра́дуйся, прохла́до, жар неду́жных остужа́ющая.

Ра́дуйся, прижига́ющая ра́ковыя я́звы а́ки пла́менем; ра́дуйся, подыма́ющая со одра́ оста́вленных врачми́.

Ра́дуйся, лик Свой пречи́стый избра́нным явля́ющая; ра́дуйся, от грехо́вных уз разреша́ющая.

Ра́дуйся, я́ко Тобо́ю избавле́ние от сме́рти дарова́ся; ра́дуйся, я́ко Тобо́ю неизче́тный сонм ве́рных оправда́ся.

Ра́дуйся, высото́, челове́ческими по́мыслы неизсле́дованная; ра́дуйся, глубино́, еди́ным Сло́вом изве́данная.

Ра́дуйся, проро́чествие пре́жде Тебе́ бы́вших патриа́рхов; ра́дуйся, наста́внице Тебе́ моли́вшихся иера́рхов.

Ра́дуйся, Всецари́це, неду́ги на́ша благода́тию исцеля́ющая.

Конда́к 5

Пречи́стый Храм Спа́сов позна́хом Тя, Отрокови́це; к Тебе́ припа́даем, Чи́стая, да нас соде́лаеши хра́мы Божества́, вопию́щих Ему́: Аллилу́ия.

И́кос 5

Ви́деша чи́ни а́нгельстии на руку́ Твое́ю Созда́вшаго руко́ю челове́ки, и я́ко Влады́чицу разумева́юще Тя еди́ну, а́ще и Рабо́ю Себе́ нарекла́ еси́, потща́шася пе́сньми послужи́ти Ти, Благослове́нней, сицевы́ми:

Ра́дуйся, Бо́гом поста́вленная превы́ше Небе́сных Сил; ра́дуйся, чуде́сными исцеле́ньми исполня́ющая мир.

Ра́дуйся, хвалу́ и сла́ву от небе́с слы́шащая; ра́дуйся, благодаре́ние от земли́ прие́млющая.

Ра́дуйся, я́ко се́мя тли в сердца́х потреби́ла еси́; ра́дуйся, я́ко ко́зней диа́вольских яре́м сокруши́ла еси́.

Ра́дуйся, юдо́ль плаче́вную испо́лнившая ра́достию; ра́дуйся, ско́рби изменя́ющая в небе́сную сла́дость.

Ра́дуйся, благоуха́ние Бо́гу прия́тное; ра́дуйся, ка́ющихся гре́шников весе́лие изря́дное.

Ра́дуйся, броне́ пра́вды от искуше́ний; ра́дуйся, щи́те огражде́ния от вражды́ и нестрое́ний.

Ра́дуйся, Всецари́це, неду́ги на́ша благода́тию исцеля́ющая.

Конда́к 6

Пропове́дницы богоглаго́ливии, Спа́совы ученицы́, предста́ша Ти, Де́во, чу́дно, егда́ от земли́ к небеси́ восходи́ла еси́, да еди́ным се́рдцем и усты́ воспою́т Бо́гови: Аллилу́ия.

И́кос 6

Возсия́ ди́вно благода́ть от ико́ны Твоея́, Всецари́це, егда́ ю́ноша, уче́ньми сатани́нскими омраче́нный, пред не́ю паде́ и недви́жим бысть; па́че ча́яния же от уз мра́чных свобожде́нный, со стра́хом и ра́достию взыва́ше Ти си́це:

Ра́дуйся, исправле́ние нечести́ваго жития́; ра́дуйся, утеше́ние стра́ждущих лю́те.

Ра́дуйся, бесо́вских по́лчищ от Це́ркве отгна́ние; ра́дуйся, мглы грехо́вныя разсе́яние.

Ра́дуйся, ко́зней неви́димых упраздне́ние; ра́дуйся, де́монских чар всемо́щное одоле́ние.

Ра́дуйся, свети́льниче, прельще́нных наставля́яй; ра́дуйся, о́блаче, неви́нных от зла покрыва́яй.

Ра́дуйся, хо́лме, небе́сною ма́нною пита́ющий; ра́дуйся, доли́но, смире́нием Христо́вым насыща́ющая.

Ра́дуйся, ка́меню Небе́снаго Ца́рствия; ра́дуйся, зерца́ло преве́чнаго Све́та.

Ра́дуйся, Всецари́це, неду́ги на́ша благода́тию исцеля́ющая.

Конда́к 7

Хотя́ да́ти Себе́ в снедь ве́рным, Христе́ Бо́же, благоволи́л еси́ от Де́вы воплоти́тися, да прие́млюще Пречи́стое Те́ло и Кровь Твою́, позна́ют Тя Бо́га соверше́ннаго; те́мже дивя́щеся неизрече́нней прему́дрости сей зове́м: Аллилу́ия.

И́кос 7

Но́вое показа́ та́инство я́влься Зижди́тель, со ученики́ сверши́вый Та́йную Свою́ Ве́черю; мы же, моля́ще Всецари́цу удосто́ити нас Боже́ственныя Святы́ни, воспису́ем Ей сицева́я:

Ра́дуйся, пода́тельнице Небе́снаго Хле́ба; ра́дуйся, роди́тельнице Ве́чнаго Живота́.

Ра́дуйся, ча́ше, Христу́ приобща́ющая; ра́дуйся, ду́шу и те́ло с Бо́гом сочетава́ющая.

Ра́дуйся, лжи́це злата́я, испо́лнь Боже́ственных Та́ин; ра́дуйся, драги́й киво́те, вмести́лище вели́кия Святы́ни.

Ра́дуйся, пе́рсте, на святу́ю Евхари́стию указу́яй; ра́дуйся, трапе́зо, предлага́ющая нам Пи́щу Святу́ю.

Ра́дуйся, досто́йных прича́стников одесну́ю поставля́ющая; ра́дуйся, ревни́телей Боже́ственныя Литурги́и от а́да избавля́ющая.

Ра́дуйся, приводя́щая сме́ртных к Исто́чнику безсме́ртия; ра́дуйся, огражда́ющая чад Свои́х ми́ром и кре́постию.

Ра́дуйся, Всецари́це, неду́ги на́ша благода́тию исцеля́ющая.

Конда́к 8

Стра́нное Рождество́ ви́девше, жите́йское вся́кое отло́жше попече́ние, горе́ име́им сердца́; на сие́ бо Вы́шний яви́ся, во е́же привлещи́ Тому́ вопию́щия: Аллилу́ия.

И́кос 8

Неотсту́пно в не́дрех Оте́ческих пребыва́я, Сло́во неопи́санное на земли́ плоть бысть; Бог Ве́лий сотвори́ вели́чие Де́ве и призре́ на смире́ние Рабы́ Своея́, слы́шащия сицева́я:

Ра́дуйся, невмести́маго Бо́га вмести́вшая; ра́дуйся, надми́рнаго Творца́ ми́ру яви́вшая.

Ра́дуйся, я́ко сокруши́ся сме́рти держа́ва; ра́дуйся, я́ко исцели́ся Ада́мова ра́на.

Ра́дуйся, пла́стырю, стру́пы душе́вныя заживля́яй; ра́дуйся, еле́е, я́звы теле́сныя умаща́яй.

Ра́дуйся, утоле́ние боле́зней ражда́ющих; ра́дуйся, облегче́ние мук умира́ющих.

Ра́дуйся, нане́сшая пораже́ние а́ду; ра́дуйся, притупи́вшая сме́рти жа́ло.

Ра́дуйся, ча́яние всео́бщаго воскресе́ния; ра́дуйся, правосла́вных несумне́нное спасе́ние.

Ра́дуйся, Всецари́це, неду́ги на́ша благода́тию исцеля́ющая.

Конда́к 9

Вся́кое естество́ а́нгельское и челове́ческое удиви́ся вели́чию непостижи́маго Твоего́ воплоще́ния, Сло́ве; недоумева́юще же о сей ве́лией та́йне благоче́стия, со стра́хом и тре́петом благода́рственно зове́м Ти: Аллилу́ия.

И́кос 9

Многоразли́чными неду́ги одержи́мии, о Всецари́це, от святы́я ико́ны Твоея́ па́че ча́яния исцеле́ния получа́ют, да прие́мше ве́рою благода́ть, велегла́сно взыва́ют Ти:

Ра́дуйся, здра́вых чад при́сное сохране́ние; ра́дуйся, боля́щих ко здра́вию преложе́ние.

Ра́дуйся, дете́й неду́гующих исцеле́ние; ра́дуйся, ю́ных страда́льцев Ма́ти.

Ра́дуйся, воста́ние на одр боле́зни пове́рженных; ра́дуйся, отра́до стра́хом сме́ртным одержи́мых.

Ра́дуйся, вне́млющая челове́ков рыда́ниям; ра́дуйся, призрева́ющая на на́ша стена́ния.

Ра́дуйся, бо́лей земны́х небе́сною ра́достию растворе́ние; ра́дуйся, лю́те обурева́емых пачеесте́ственное терпе́ние.

Ра́дуйся, я́ко уготовля́еши пла́чущим ра́дость; ра́дуйся, я́ко снабдева́еши кро́тких крило́ма моли́твы.

Ра́дуйся, Всецари́це, неду́ги на́ша благода́тию исцеля́ющая.

Конда́к 10

Спасти́ хотя́ Зижди́тель истле́вшее грехо́м челове́ческое естество́, сни́де на Тя, я́ко дождь на руно́, и купину́ Тя соде́лав неопали́мую, Бог сый бысть челове́к, да воспева́ем Ему́: Аллилу́ия.

И́кос 10

Стена́ еси́ де́вам, Отрокови́це чи́стая, и всем о чистоте́ радя́щим: в Тя бо всели́ся Бог, очища́яй разу́мная созда́ния Своя́, да избы́вше вся́кия скве́рны, предлага́ем Ти сицева́я:

Ра́дуйся, молча́ния взыску́ющих собесе́днице; ра́дуйся, ве́нче храня́щих де́вство.

Ра́дуйся, нача́ло и коне́ц духо́внаго соверше́ния; ра́дуйся, храни́лище Боже́ственнаго Открове́ния.

Ра́дуйся, Тро́ическаго Сове́та таи́ннице; ра́дуйся, спасе́ния челове́ков вино́внице.

Ра́дуйся, верши́но, го́рдым умо́м непристу́пная; ра́дуйся, убе́жище, смире́нным сердца́м досту́пное.

Ра́дуйся, чи́стая, небесе́ чисте́йшая; ра́дуйся, Херуви́мов и Серафи́мов честне́йшая.

Ра́дуйся, обра́дованная, я́ко прия́ла еси́ от Арха́нгела ра́дование; ра́дуйся, уте́шенная, я́ко ру́це Твои́ осяза́сте воскре́сшаго Христа́.

Ра́дуйся, Всецари́це, неду́ги на́ша благода́тию исцеля́ющая.

Конда́к 11

Пе́ние тща́щеся разу́мное Спа́су приноси́ти, всегда́ неключи́ми, Влады́чице, остае́мся раби́ Твои́; кто бо мо́жет досто́йно воспе́ти Бо́га, Его́же и́мя я́ко ми́ро излия́нное? Сего́ ра́ди вопие́м Ему́: Аллилу́ия.

И́кос 11

Свет ве́лий возсия́в во тьме седя́щим, посети́ нас Восто́к свы́ше, Сын и Бог Твой, о Де́во; Тя соде́лав свеще́ю на све́щнице, светоно́сным ча́дом церко́вным наказу́ет приноси́ти Ти сицева́я:

Ра́дуйся, заре́ У́мнаго Со́лнца; ра́дуйся, вмести́лище Боже́ственнаго Огня́.

Ра́дуйся, све́те, я́ко oдея́ние святы́х сотка́ла еси́; ра́дуйся, свеще́, я́ко тьму бесо́вскую отгна́ла еси́.

Ра́дуйся, ко́сных умо́в Просвеще́ние; ра́дуйся, гре́шных серде́ц Озаре́ние.

Ра́дуйся, десни́це, из мо́ря су́етствий изводя́щая; ра́дуйся, луче́, путеводя́щая к Ца́рствию спаса́ющихся.

Ра́дуйся, мо́лние, нераска́янных поража́ющая; ра́дуйся, гро́ме, губи́телей устраша́ющий.

Ра́дуйся, омраче́нныя со́вести просветле́ние; ра́дуйся, Бо́жия Суда́ умилостивле́ние.

Ра́дуйся, Всецари́це, неду́ги на́ша благода́тию исцеля́ющая.

Конда́к 12

Благода́ть да́ти восхоте́в, Зако́на Ве́тхаго Пода́тель Заве́т Но́вый нам дарова́; мы же, благода́ть прии́мше, не де́лы зако́на, но еди́ною ве́рою спасе́ние улучи́вше, воспису́ем вси: Аллилу́ия.

И́кос 12

Пою́ще Твое́ рождество́, Богома́ти, я́коже дре́вле Изра́иль в кимва́лех сено́вную ски́нию воспева́ше, та́ко мы ны́не Тя, Ски́нию и́стинну, доброде́тельми прославля́ем, да слы́шиши от всех сицева́я:

Ра́дуйся, песне, воспеваемая горе; ра́дуйся, псалме, слышимый низу.

Ра́дуйся, Единому Богу достойно послужившая; ра́дуйся, Божественней Троице смирением угодившая.

Ра́дуйся, веки Носящаго носившая в Себе; ра́дуйся, престоле Содержащаго Вселенную в руце.

Ра́дуйся, тайно неизреченная веков и времен; ра́дуйся, упование твердое народов и племен.

Ра́дуйся, сердечное радование иереев благоговейных; ра́дуйся, быстрое слышание молитв церковных и келейных.

Ра́дуйся, Премудрости доме богозданный; ра́дуйся, Милости сосуде, Богом избранный.

Ра́дуйся, Всецари́це, неду́ги на́ша благода́тию исцеля́ющая.

Конда́к 13

О Всецари́це Ма́ти, ро́ждшая всех святы́х Святе́йшее Сло́во, ны́нешнее на́ше прие́мши песнопе́ние, от вся́кия сме́ртныя боле́зни исцели́ ны и бу́дущаго изба́ви осужде́ния вопию́щих: Аллилу́ия.

Сей конда́к глаго́лется три́жды. И па́ки чте́тся 1-й и́кос и 1-й конда́к.

Моли́тва

О, Пречи́стая Богома́ти, Всецари́це! Услы́ши многоболе́зненное воздыха́ние на́ше пред чудотво́рною ико́ною Твое́ю, из уде́ла Афо́нскаго в Росси́ю принесе́нною, при́зри на чад Твои́х, неисце́льными неду́ги стра́ждущих, ко свято́му о́бразу Твоему́ с ве́рою припа́дающих! Я́коже пти́ца крило́ма покрыва́ет птенцы́ своя́, та́ко и Ты ны́не, при́сно жи́ва су́щи, покры́й нас многоцеле́бным Твои́м омофо́ром. Та́мо, иде́же наде́жда исчеза́ет, несумне́нною Наде́ждою бу́ди. Та́мо, иде́же лю́тыя ско́рби превозмога́ют, Терпе́нием и Осла́бою яви́ся. Та́мо, иде́же мрак отча́яния в ду́ши всели́ся, да возсия́ет неизрече́нный свет Божества́! Малоду́шныя уте́ши, немощны́я укрепи́, ожесточе́нным сердца́м умягче́ние и просвеще́ние да́руй. Исцели́ боля́щия лю́ди Твоя́, о всеми́лостивая Цари́це! Ум и ру́ки врачу́ющих нас благослови́; да послу́жат ору́дием Всемо́щнаго Врача́ Христа́ Спа́са на́шего. Я́ко живе́й Ти су́щей с на́ми мо́лимся пред ико́ною Твое́ю, о Влады́чице! Простри́ ру́це Твои́, испо́лненнеи исцеле́ния и врачбы́, Ра́досте скорбя́щих, в печа́лех Утеше́ние, да чудотво́рную по́мощь ско́ро получи́вше, прославля́ем Живонача́льную и Неразде́льную Тро́ицу, Отца́ и Сы́на и Свята́го Ду́ха, во ве́ки веко́в. Ами́нь.

Молитва и акафист иконе Божией Матери «Всецарица»

4.3

(85.79%)

38

голос.

(об исцелении от рака, онкологии; в избавлении от пристрастия к оккультизму, в помощи родителям за своих чад, ушедших из дома и оказавшихся в плену наркомании)

Оглавление:

• акафист
• молитва
• тропарь
• величание

Кондак 1

Новоявленней Твоей иконе предстояще вернии, умильно воспеваем Ти, Всецарице, раби Твои; низпосли цельбы к Тебе притекающим ныне рабом Твоим, да вси радостно зовем Ти:

Радуйся, Всецарице, недуги наша благодатию исцеляющая.

Икос 1

Ангел предстатель с Небесе сшед, рече Всецарице: радуйся! И боговещанным гласом, воплощаема Тя зря, Господи, возопи к Ней таковая:

Радуйся, главизно нашего спасения; радуйся, исполнение Зиждителева смотрения.

Радуйся, яко Тобою Бог воплотися; радуйся, яко Невидимый в Тебе изобразися.

Радуйся, Милость мира внутрь приявшая; радуйся, одеяние плоти Слову соткавшая.

Радуйся, уму непостижная горняя славо; радуйся, сердца оживившая небесная манно.

Радуйся, звездо, благодати сияние; радуйся, источниче, живыя воды излияние.

Радуйся, Богородице, в женах благословенная; радуйся, рождшая Спаса Дево нетленная.

Радуйся, Всецарице, недуги наша благодатию исцеляющая.

Кондак 2

Безначальное Слово Отроча младо Тобою бысть, исцеления подая Тя, Дево, чтущим и неизреченное Его Рождество воспевающим: Аллилуиа.

Икос 2

Разум недоразумеваемый разумети Дева ищущи, возопи к служащему: яко Отроковица чистая, како буду Вышняго Мати, изъясни. К Ней же Гавриил рече со страхом, зовый таковая:

Радуйся, совета Вышняго Избраннице; радуйся, гласа молящихся Скоропослушнице.

Радуйся, сокровище Христова мира; радуйся, людей Твоих надеждо и сило.

Радуйся, раковыя язвы дивная губительнице; радуйся, прочих болезней Исцелительнице.

Радуйся, единое миру заступление; радуйся, верное в скорбех избавление.

Радуйся, плач и слезы присно утоляющая; радуйся, спасения входы всем отверзающая.

Радуйся, скиптре и державо Афон населяющих; радуйся, жезле монахов и мирян.

Радуйся, Всецарице, недуги наша благодатию исцеляющая.

Кондак 3

Сила Вышняго осени Тя, Отроковице, плоть прият неизреченно, показа Тя село сладкое хотящим жати спасение и поющим: Аллилуиа.

Икос 3

Прославися дивно святая икона Твоя, Всецарица именуемая, егда цельбоносно явися Богоматере изображение; вопиющим же пред нею с верою исцеления подаеши, да умножаются песни сицевыя:

Радуйся, Мати незаходимаго Света; радуйся, претерпевших до конца победо.

Радуйся, в болезнех и скорбех сущим врачевание; радуйся, сирот и вдовиц нерушимая стено.

Радуйся, двери райския отверзающая; радуйся, труждающихся и обремененных заступающая.

Радуйся, о спасении верных Ходатаице; радуйся, за род человеческий Молитвеннице.

Радуйся, лествице небесная, возводящая от земли к Небеси; радуйся, водо живая, омывающая смертные грехи.

Радуйся, Агнице, сердца незлобивых хранящая; радуйся, Покрове, чад Церкви осеняющий.

Радуйся, Всецарице, недуги наша благодатию исцеляющая.

Кондак 4

Живот мирови даруя, Владыка мира вселися во утробу Твою неискусомужно и, Матерь верных Тя показав, в мире тех воспевати призва: Аллилуиа.

Икос 4

Преславная содеяшася о Тебе, Граде Божий, исцелением бывающим от святыя иконы Твоея; цельбоносныя струи врачеваний приемлюще, благодарственно, о Всецарице, вопием:

Радуйся, снадобие, боль утоляющее; радуйся, прохладо, жар недужный остужающая.

Радуйся, прижигающая раковыя язвы, аки пламенем; радуйся, подымающая со одра оставленных врачми.

Радуйся, лик Свой пречистый избранным являющая; радуйся, от греховных уз разрешающая.

Радуйся, яко Тобою избавление от смерти даровася; радуйся, яко Тобою неисчетный сонм верных оправдася.

Радуйся, высото, человеческими помыслы неизследованная; радуйся, глубино, единым Словом изведанная.

Радуйся, пророчествие прежде Тебе бывших патриархов; радуйся, наставнице Тебе молившихся иерархов.

Радуйся, Всецарице, недуги наша благодатию исцеляющая.

Кондак 5

Пречистый Храм Спасов познахом Тя, Отроковице; к Тебе припадаем, Чистая, да нас соделаеши храмы Божества, вопиющих Ему : Аллилуиа.

Икос 5

Видеша чини Ангельстии на руку Твоею Создавшаго рукою человеки и, яко Владычицу разумевающе Тя едину, аще и рабою Себе нарекла еси, потщашася песньми послужити Ти, Благословенней, сицевыми:

Радуйся, Богом поставленная превыше небесных Сил; радуйся, чудесными исцеленьми исполняющая мир.

Радуйся, хвалу и славу от Небес слышащая; радуйся, благодарение от земли приемлющая.

Радуйся, яко семя тли в сердцах потребила еси; радуйся, яко козней диавольских ярем сокрушила еси.

Радуйся, юдоль плачевную исполнившая радостию; радуйся, скорби изменяющая в небесную сладость.

Радуйся, благоухание Богу приятное; радуйся, кающихся грешников веселие изрядное.

Радуйся, броне правды от искушений; радуйся, щите ограждения от вражды и нестроений.

Радуйся, Всецарице, недуги наша благодатию исцеляющая.

Кондак 6

Проповедницы богоглаголивии, Спасовы ученицы, предсташа Ти, Дево, чудно, внегда от земли к Небеси восходила еси, да единым сердцем и усты воспоют Богови: Аллилуиа.

Икос 6

Возсия дивная благодать от иконы Твоея, Всецарице, егда юноша, ученьми сатанинскими омраченный, пред нею паде и недвижим бысть; паче чаяния же от уз мрачных свобожденный, со страхом и радостию взываше Ти сице:

Радуйся, исправление нечестиваго жития; радуйся, утешение страждущих люте.

Радуйся, бесовских полчищ от Церкве отгнание; радуйся, мглы греховныя разсеяние.

Радуйся, козней невидимых упразднение; радуйся, демонских чар всемощное одоление.

Радуйся, светильниче, прельщенных наставляяй; радуйся, облаче, невинных от зла покрываяй.

Радуйся, холме, небесною манною питающий; радуйся, долино, смирением Христовым насыщающая.

Радуйся, каменю Небеснаго Царствия; радуйся, зерцало превечнаго Света.

Радуйся, Всецарице, недуги наша благодатию исцеляющая.

Кондак 7

Хотящу дати Себе в снедь верным, благоволил еси от Девы воплотитися, да приемлюще Пречистое Тело и Кровь Твою, познают Тя, Бога совершеннаго; темже, дивящеся неизреченней премудрости сей, зовем: Аллилуиа.

Икос 7

Новое показа таинство явлься Зиждитель, со ученики совершивый Тайную Свою Вечерю; мы же, моляще Всецарицу удостоити нас Божественныя Святыни, восписуем Ей сицевая:

Радуйся, Подательнице Небеснаго Хлеба; радуйся, Родительнице Вечнаго Живота.

Радуйся, чаше, Христу приобщающая; радуйся, душу и тело с Богом сочетающая.

Радуйся, лжице златая, исполнь Божественных Таин; радуйся, кивоте драгий, вместилище великия Святыни.

Радуйся, персте, на святую Евхаристию указуяй; радуйся, Трапезо, предлагающая нам Пищу Святую.

Радуйся, в час судный достойных причастников одесную поставляющая; радуйся, ревнителей Божественныя Литургии от ада избавляющая.

Радуйся, приводящая смертных к Источнику безсмертия; радуйся, ограждающая чад Своих миром и крепостию.

Радуйся, Всецарице, недуги наша благодатию исцеляющая.

Кондак 8

Странное Рождество видевше, житейское всякое отложим попечение и горе имеем сердца; на сие бо Вышний явися, во еже привлещи к высоте Тому вопиющия: Аллилуиа.

Икос 8

Неотступно в недрах Отеческих пребывая, Слово неописанное на земли плоть бысть; Бог Велий сотвори величие Деве и призре на смирение Рабы Своея, слышащия сицевая:

Радуйся, невместимаго Бога вместившая; радуйся, надмирнаго Творца миру явившая.

Радуйся, яко сокрушися смерти держава; радуйся, яко исцелися Адамова рана.

Радуйся, пластырю, струпы душевныя заживляяй; радуйся, елее, язвы телесныя умащаяй.

Радуйся, утоление болезней рождающих; радуйся, облегчение мук умирающих.

Радуйся, нанесшая поражение аду; радуйся, притупившая смерти жало.

Радуйся, чаяние всеобщаго воскресения; радуйся, православных несумненное спасение.

Радуйся, Всецарице, недуги наша благодатию исцеляющая.

Кондак 9

Всякое естество ангельское и человеческое удивися величию непостижимаго Твоего воплощения, Слове; недоумевающе же о сей велией тайне благочестия, со страхом и трепетом благодарственно зовем Ти: Аллилуиа.

Икос 9

Многоразличными недуги одержимии, о Всецарице, от святыя иконы Твоея паче чаяния исцеления получают, да приимше верою благодать, велегласно вопиют Ти:

Радуйся, здравых чад присное сохранение; радуйся, болящих ко здравию преложение.

Радуйся, детей недугующих исцеление; радуйся, юных страдальцев Мати.

Радуйся, возстание на одр болезни поверженных; радуйся, отрадо страхом смертным одержимых.

Радуйся, яко внемлеши человеков рыданием; радуйся, призревающая на наша стенания.

Радуйся, болей земных небесною радостию растворение; радуйся, люте обуреваемых пачеестественное терпение.

Радуйся, яко уготовляеши плачущим радость; радуйся, яко снабдеваеши кротких крилома молитвы.

Радуйся, Всецарице, недуги наша благодатию исцеляющая.

Кондак 10

Спасти хотя Зиждитель истлевшее грехом человеческое естество, сниде на Тя, яко дождь на руно, и, купину Тя соделав неопалимую, Бог сый, бысть Человек, да воспеваем Ему: Аллилуиа.

Икос 10

Стена еси девам, Отроковице Чистая, и всем о чистоте радящим, в Тя бо вселися Бог, очищаяй разумная создания Своя, да избывше всякия скверны, предлагаем Ти сицевая:

Радуйся, молчания взыскующих Собеседнице; радуйся, венче хранящих девство.

Радуйся, начало и конец духовнаго совершения; радуйся, хранилище Божественнаго откровения.

Радуйся, Троическаго Совета Таиннице; радуйся, спасения человеков виновнице.

Радуйся, вершино, гордым умом неприступная; радуйся, убежище, смиренным сердцам доступное.

Радуйся, Чистая, Небесе чистейшая; радуйся, Херувимов и Серафимов честнейшая.

Радуйся, Обрадованная, яко прияла еси от Архангела радование; радуйся, Утешенная, яко руце Твои осязасте воскресшаго Христа.

Радуйся, Всецарице, недуги наша благодатию исцеляющая.

Кондак 11

Пение тщащеся разумное Спасу приносити, всегда неключими, Владычице, остаемся раби Твои; кто бо может достойно воспети Бога, Егоже имя, яко миро излиянное? Сего ради вопием Ему: Аллилуиа.

Икос 11

Свет велий возсияв во тьме седящим, посети нас, о Дево, Восток свыше Сын и Бог Твой; Тя соделав свещею на свещнице, светоносным чадом церковным наказует приносити Ти сицевая:

Радуйся, заре умнаго Солнца; радуйся, вместилище Божественнаго Огня.

Радуйся, свете, яко одеяние святых соткала еси; радуйся, свеще, яко тьму бесовскую отгнала еси.

Радуйся, косных умов просвещение; радуйся, грешных сердец озарение.

Радуйся, деснице, из моря суетствий изводящая; радуйся, лучу, путеводяй к Царствию спасающихся.

Радуйся, молние, нераскаянных поражающая; радуйся, громе, губителей устрашающий.

Радуйся, лукавыя совести просветление; радуйся, умилостивление Божия Суда.

Радуйся, Всецарице, недуги наша благодатию исцеляющая.

Кондак 12

Благодать дати восхотев, завета ветхаго Податель завет новый нам дарова; мы же, благодать сию приимше, не делы закона, но единою верою спасение улучивше, восписуем вси: Аллилуиа.

Икос 12

Поюще Твое рождество, якоже древле Израиль в кимвалех сеновную скинию воспеваше, тако мы ныне Тя, Скинию истинну, добродетельми прославляем, да слышиши от всех сицевая:

Радуйся, песне, воспеваемая горе; радуйся, псалме, слышимый низу.

Радуйся, Единому Богу достойно послужившая; радуйся, Божественней Троице смирением угодившая.

Радуйся, веки Носящаго носившая в Себе; радуйся, престоле Содержащаго вселенную в руце.

Радуйся, тайно неизреченная веков и времен; радуйся, упование твердое народов и племен.

Радуйся, сердечное радование иереев благоговейных; радуйся, быстрое слышание молитв церковных и келейных.

Радуйся, Премудрости доме богозданный; радуйся, милости сосуде, Богом избранный.

Радуйся, Всецарице, недуги наша благодатию исцеляющая.

Кондак 13

О Всецарице Мати, рождшая всех святых Святейшее Слово, нынешнее наше приемши песнопение, от всякия смертныя болезни исцели ны и будущаго избави осуждения вопиющих: Аллилуиа.

(Этот кондак читается трижды, затем 1-й икос и 1-й кондак)

Икос 1

Ангел предстатель с Небесе сшед, рече Всецарице: радуйся! И боговещанным гласом, воплощаема Тя зря, Господи, возопи к Ней таковая:

Радуйся, главизно нашего спасения; радуйся, исполнение Зиждителева смотрения.

Радуйся, яко Тобою Бог воплотися; радуйся, яко Невидимый в Тебе изобразися.

Радуйся, Милость мира внутрь приявшая; радуйся, одеяние плоти Слову соткавшая.

Радуйся, уму непостижная горняя славо; радуйся, сердца оживившая небесная манно.

Радуйся, звездо, благодати сияние; радуйся, источниче, живыя воды излияние.

Радуйся, Богородице, в женах благословенная; радуйся, рождшая Спаса Дево нетленная.

Радуйся, Всецарице, недуги наша благодатию исцеляющая.

Кондак 1

Новоявленней Твоей иконе предстояще вернии, умильно воспеваем Ти, Всецарице, раби Твои; низпосли цельбы к Тебе притекающим ныне рабом Твоим, да вси радостно зовем Ти:

Радуйся, Всецарице, недуги наша благодатию исцеляющая.

По окончании акафиста читается молитва.

Молитва иконе Божией Матери «Всецарица» об исцелении при онкологии

«О Пречистая Богомати, Всецарице! Услыши многоболезненное воздыхание наше пред чудотворною иконою Твоею, из удела Афонскаго в Россию пренесенною, призри на чад Твоих, неисцельными недуги страждущих и ко святому образу Твоему с верою припадающих! Якоже птица крилома покрывает птенцы своя, тако и Ты ныне, присно жива сущи, покрый нас многоцелебным Твоим омофором. Тамо, идеже надежда исчезает, несумненною надеждою буди. Тамо, идеже лютыя скорби превозмогают, терпением и ослабою явися. Тамо, идеже мрак отчаяния в души вселися, да возсияет неизреченный свет Божества! Малодушныя утеши, немощныя укрепи, ожесточенным сердцам умягчение и просвещение даруй. Исцели болящия люди Твоя, о всемилостивая Царице! Ум и руки врачующих нас благослови, да послужат орудием всемощнаго Врача Христа Спаса нашего. Яко живей Ти сущей с нами, молимся пред иконою Твоею, о Владычице! Простри руце Твои, исполненныя исцеления и врачбы, Радосте скорбящих, в печалех Утешение, да, чудотворную помощь скоро получив, прославляем Живоначальную и Нераздельную Троицу, Отца, и Сына, и Святаго Духа во веки веков. Аминь.»

Читать другие молитвы Богородице.

Тропарь, глас 4

Образом радостотворным честныя Всецарицы, желанием теплым взыскающих благодати Твоея спаси, Владычице, избави от обстояний к Тебе прибегающих, от всякия напасти огради стадо Твое, к заступлению Твоему взывающее присно.

Величание

Величаем Тя, Пресвятая Дево, Мати Христа Бога нашего, и чтим образ Твой святый, от негоже источаеши исцеления всем, с верою к Тебе притекающим.

Сохранить акафист в социальных сетях:

Сегодня праздник иконы Божьей Матери “Воскресающая Русь”. Этот образ Царицы Небесной был явлен 14 октября 1998 года… Прошло 19 лет и до сих пор враги Воскресения России порочат и всячески разносят хулу, признавая Образ самой Божьей Матери – не каноничным. За это порочащее действие с них спросит Господь… Мы же, православные, и мы непременно ждём не только Воскресения России, но и возносим хвалу в честь праздника Пресвятой Богородицы!

14 октября 1998 года примерно в 11 часов утра на словах акафиста Божией Матери пред пречистым ее образом Покрова: “… Радуйся, Радуйся”, в двухкомнатной квартире Пятигорской многоэтажки “стены и потолок исчезли, явилось небо и земля”. С неба один за другим спустились на Землю три ярких белых луча, один ярче другого и расширяясь в поперечнике, вслед явилась с неба икона Покрова Божией Матери.

Задержавшись в центре, она ушла вправо, “давая место новым явлениям”. С неба стала, как по ступенькам, сходить женщина в белом. При приближении ее стало ясно, что это Приснодева Мария. В руках ее появился покров, весь усеяный золотыми восьмиконечными крестиками (Матерь Божия сказала, что этих крестиков столько, сколько людей на земле). Когда Богородица стала простирать покров над землей, крестики срывались, и падали на людей. Тем, кто принимал крестики, они проникали внутрь и ложились на сердце.

От этого люди светлели и преображались. Но большинство людей крестиков не принимали, посему “скукоживались” и превращались в чёрные комочки. Когда по всей земле произошло “распределение”, зацвели цветы, Покров из рук Матери Божией исчез и появилась икона. Матерь Божия сказала: “Необходимо понимать тайную икону, назвать её Воскрешающая Русь, пронести её по моему четвёртому уделу, не сокращая путь и повесить справа от иконы Умиления в Троицком храме в Дивеево”.

Митрополит Ставропольский и Владикавказский Гедеон (Докукин) не признал явление. После мытарств Ольгу Павленко, которой явилась Пресвятая Дева, Господь привёл на могилку старца Феодосия Кавказского и Иерусалимского (под Минеральными Водами). После посещения могилки старца Ольга направилась к схиигумену Иерониму, в Санаксарский монастырь под Саранском.

Чудесным образом, в конце 1998, Ольга с мужем Борисом прибыла к батюшке Иерониму. Обычно, посетить батюшку сложно, так как около его кельи стоит огромная очередь желающих попасть к нему. Но Ольга многочасовую очередь не стояла. Отец Иероним “духом прозрел”, что явилась Ольга и, описав её и Бориса, отец отправил своего келейника, чтобы тот привёл их. Рассказ о явлении Матери Божией взволновал старца и в духе он сказал: “Я знаю, когда явится Матерь Божия в белом, начнётся воскрешение Руси”. Он благословил ехать писать образ. 8 долгих месяцев писался 1-ый образ.

Ольга дважды приезжала править писанное к Наталье Кошеваровой – иконописице Сретенского монастыря г.Москвы. По словам Ольги, приехав забирать образ, увидев его, она расплакалась и заколебалась. Образ был написан не совсем по явлению, на нём не было дев, окружающих Приснодеву, людей на которых падают крестики. Но голос Матери Божией сказал ей: “Забирай! Она такая нужна сейчас людям”.

Ольга с мужем отвезли образ к отцу Иерониму. Батюшка сразу затворился с иконой на 3 дня, а 12 декабря 1999г. вышел из затвора, притулился к косяку двери и сказал: “Матерь Божия сказала, что её день сегодня”. После этого он благословил везти икону в Девеево, с наказом игумении Сергии пронести крестным ходом по канавке и повесить справа от иконы Умиления.

Но игумения Сергия не вняла наказу старца и только когда Матерь Божия закрыла глаза на иконе, тогда спохватилась и выполнила наказ схиигумена Иеронима. Когда икону внесли в Троицкий Собор со стены упала икона Александра Свирского. Тем самым Господь через преподобного освободил место для новоявленной иконы.

Три дня икона “Воскрешающая Русь” провисела в храме, после чего ее убрали в алтарь, чтобы “сбить паломничество”. С тех пор икону не показывают людям, икона прячется от народа в недрах монастыря. Но истинные “внучки батюшки Серафима” донесли весть, что икона стоит, и с неё льёт миро. Второй образ был написан по согласию Ольги Павленко, т.к. первый образ был утрачен для русского народа, потому что все возможные способы его вызволения не принесли успеха. Был он написан иконописцем Александром в г.Москве.

Молитвы пред образом Божией Матери “Воскрешающая Русь” исцеляют, умудряют, помогают в житейских нуждах.

По молитве игумении Иулиании и сестер Зачатьевского монастыря, была убрана средняя школа, находившаяся на территории обители. Там, где проходила икона, восстанавливались дороги, находились схроны с оружием и многое другое. Но нежелающие Воскрешения Руси всячески стараются сбить духовный настрой к иконе, поэтому организуются кампании по непринятию иконы, хулятся люди, радеющие о прославлении иконы. Так, на полковника Головко было организовано более 10 пасквилей в газетах: в Москве, Нижнем Новгороде, Шахтах, Ростове, Вологде…

АКАФИСТ ПЕРЕД ИКОНОЙ ПРЕСВЯТОЙ БОГОРОДИЦЫ «ВОСКРЕШАЮЩАЯ РУСЬ»

Кондак 1 Избранней от всех родов Заступнице и Покровительнице всего рода человеческаго, благоволившей явитися нам во образе чуднем, хвалебное пение приносим Ти грешнии и просим спасти многострадальную страну нашу и сотворити ю якоже некогда Русь Святую, да зовем ти: Радуйся, Мати Божия, Русь Воскрешающая.

Икос 1 Егда явилася еси Ты, красото неизреченная, Ользе, яже молися в день Покрова Твоего, вся вселенная со всеми тварями земными возрадовася. И укрываеши Ты, Приснодево, всю землю Покровом чудным, кресторасписным. И очищается земля от скверны. И души людей, приимающих Тя в сердце свое, просвещаются и к Богу устремляются. И несть человека, иже пребысть без Покрова любови Твоея. Сего ради вопием Ти сице:

Радуйся, Дево, чистото несравненная;

Радуйся, забото о нашей многострадальней стране проявленная.

Радуйся, всех Своим белоснежным омофором покрывающая;

Радуйся, Свой любимый удел прославляющая.

Радуйся, преподобнаго Серафима возлюбившая;

Радуйся, Руси нашей благоволившая.

Радуйся, радостей всех Радость неизреченная;

Радуйся, яже отверзаеши нам дверь ко спасению.

Радуйся, Мати Божия, Русь Воскрешающая.

Кондак 2 Весь мир взывает к Тебе о помощи, Царице Небесная, и просит Твоего заступления. Ты же, возлюбивши страну нашу, милостивно пришла к любимичу Своему Серафиму в четвертый Свой удел, аки солнце, излучающая свет, дабы возродити Русь Святую. Мы же со слезами умиления взирая на дарованный нам образ Твой святый «Воскрешающая Русь», поем рождшемуся из Тебе Богу: Аллилуиа.

Икос 2 Преподобному Серафиму, на смертном одре лежащу явилася еси Ты, Преблагая Дево, со святыми апостолы Петром и Иоанном и рекши: «Сей есть от рода нашего», исцелила его. Старец же, Тобою возлюбленный и избранный, по Твоему благословению обитель дивную устрояет и святою канавкою ю обводит, юже Ты стопочками Своими Святыми обошла, обитель же сию уделом Своим назвала, отнюдуже начнется спасение России. Мы же чудесам сим дивяся, хвалебное пение приносим:

Радуйся, Радосте наша несказанная;

Радуйся, Спасение всей вселенней породившая.

Радуйся, живот нам чрез Сына Своего даровавшая;

Радуйся, Серафима батюшку исцелившая.

Радуйся, Россию уделом четвертым наделившая;

Радуйся, преподобного Серафима в помощники себе взявшая.

Радуйся, чудесами велиими любимича Своего прославившая;

Радуйся, обители Дивеевстей благоволившая.

Радуйся, Мати Божия, Русь Воскрешающая.

Кондак 3 Старец Иероним благоговейно приявши образ сей во обители Санаксарстей, усердно молися пред ним за всю страну нашу, по сем же благослови везти его во удел четвертый к Серафиму батюшке, се бо место сие Самою Царицею Небесною указано. Мы же Подвигоположнику и Спасителю нашему вопием: Аллилуиа.

Икос 3 И услышали яже уши имут про образ сей и воспрянули сердца и души людей всея земли. И возжелали воздати Матери Божией честь и поклонение. Радуются Херувимы и Серафимы на небеси. С ними же и мы немолчно вопием:

Радуйся, Пренепорочная и Честнейшая Херувим;

Радуйся, Славнейшая без сравнения Серафим.

Радуйся, Ангелов главная;

Радуйся, молитвенница за нас непрестанная.

Радуйся, с любовию нас всех вразумляющая;

Радуйся, явлением Своим нас всех очищающая.

Радуйся, разум наш светом Своим просветляющая;

Радуйся, прощати обидящих нас научающая.

Радуйся, Мати Божия, Русь Воскрешающая.

Кондак 4 Удививши всех явлением Своим, Ты пришла к нам в белоснежнем наряде чистоты, кротости и смирения и укрыла всех нас святым омофором веры, надежды и любови, дабы воскресити Русь Святую нашу. Сего ради мы, славяще воскресшаго и воскрешающаго Бога, немолчно взываем: Аллилуиа.

Икос 4 Ты яко любящая Мати пришла к чадам Своим да подаси руку помощи всем с верою и любовию к Тебе притекающим дабы открыти очи духовные смиренным и наставити на путь праведный заблудших. Мы же яко чада Твоя благодарно Тебе вопием:

Радуйся, чистото Преблагословенная;

Радуйся, прошения наши скоро исполняющая.

Радуйся, грехи наши любовию Своею покрываюшая;

Радуйся, открывшая путь к воскрешению.

Радуйся, печаль и уныние прогоняющая;

Радуйся, бесов далече от нас отгоняющая.

Радуйся, тишину и покой душам нашим принесшая;

Радуйся, счастье в любви посылающая.

Радуйся, Мати Божия, Русь Воскрешающая.

Кондак 5 Явившеся Ти, Мати Божия, во образе сем, верующии возрадовашася, а невернии удивляхуся и породи сомнения и неверие в душах своих. Мы же припадаем Ти, грешныя и окаянныя, и просим прощения за народ наш и за весь род человечь. Подай нам глусим и слепым очей прозрение, да узрим Тя и услышим душею и сердцем. Помози нам достойно, с честию и поклонением прияти новое явление Твое во образе «Воскрешающая Русь», да возблагодарим Сына Твоего и Бога нашего: Аллилуиа.

Икос 5 Яко Ты, Мати Спасителя нашего, пострада, и копие сердце Твое прошло, егда Сын Твой безгрешный на кресте вися и велия страдания приемша, указуя на Иоанна, глагола Ти: «Жено, се сын твой». Потом же глагола Иоанну: «Се мати твоя». И тако благоволи всех нас грешных под Покров Твой Святый. Ты же смиренно повинуяся Воле Божией стала Материю всего рода человеча с верою к Тебе притекающаго. Мы же со благодарением Сыну Твоему и Тебе вопием:

Радуйся, Защитница и Покровительница Руси милосердная;

Радуйся, заботою Своею матернею нас согревающая.

Радуйся, козни и напасти бесовския разрушающая;

Радуйся, скорая помощнице во всех делех и стено нерушимая.

Радуйся, очи духовные нам всем отверзающая;

Радуйся, любити всех любовию Христовою научающая.

Радуйся, от бед и невзгод нас всех ограждающая;

Радуйся, доброто и любы безконечная.

Радуйся, Мати Божия, Русь Воскрешающая.

Кондак 6 Не дарует Господь воскрешение Руси, аще не обратимся к Богу и не будем исполняти заповеди Его. Се бо погряз род человечь в распутстве и предался сатанинскому обольщению. Горе нам, яко забыли мужы и жены благочестие и за умножение беззаконий наших иссякает в нас любовь, Богом нам дарованная. Ты же, Мати Божия, благочестивых семей мудрая устроительнице, снизошла еси из святая святых на землю, да научиши нас, грешных, любити друг друга любовию чистою, яже не превозносится, не раздражается, не мыслит зла, долготерпит, вся прощает, всему веру емлет, вся покрывает. Помози нам немощным воскресити чистоту, непорочность и доверие в семьях наших, да очищенным сердцем славим Бога: Аллилуиа.

Икос 6 Ты, Пресвятая Дево, явилася еси даром смиренным родителям Твоим, молитвами их испрошенная. Тии же привели Тя, трехлетнюю отроковицу ко храму Господню и посвятили Единому Всевышнему. И стала Ты Игумению всея земли и Молитвенницею за весь род человеческий. Сего ради мы грешнии к Тебе взываем со смиренною мольбою: Всепречистая и Непорочная Мати Бога нашего, Воспитательница милосердная, возьми чад наших под Свой святый Покров, да будут сии и Твоими чадами. Научи их смирению, целомудрию и почитанию старших. Нас же вразуми чад раждати и воспитати на служение Богу, грядущему Царю и Отечеству. Научи их страху Божию, благоговению и любови к ближним, да ходят они в заповедях Божиих. Да будут чада наши в радость нам, а не в наказание, наипаче же в радость Богу, Тебе и Ангелам святым. И тогда возродится Русь Святая, а мы Тебе воспоим:

Радуйся, Воспитательница наша и детей наших усердная;

Радуйся, Богом дщерью Своею нареченная.

Радуйся, родителей своих с любовию почитающая;

Радуйся, образ кротости и смирения нам являющая.

Радуйся, с триех лет Богу служившая;

Радуйся, радость несказанную родителям своим принесшая.

Радуйся, всему роду человеческому спасение подарившая;

Радуйся, паче всех Бога возлюбившая.

Радуйся, Мати Божия, Русь Воскрешающая.

Кондак 7 Святый Николае, угодниче Христов, воистину великий Чудотворец ты еси, вси народы земли почитают тя и величают правилом веры, образом кротости и смирения. Царица же Небесная благоволила явитися тебе с Сыном Своим на Никейстем Соборе, да покажут, яко угодна Им ревность твоя о чистоте веры Христовы, и да вернут ти омофор святительский. Ныне же Владычица взяла тя в помощники свои, да приводиши нас ко спасению, молишися непрестаннно за малое стадо и за весь род человечь и немолчно взываеши к Богу: Аллилуиа.

Икос 7 Дивны дела Твоя, Господи. Велика и всесильна помощь Твоя. Ты приходиши к нам, Всемогущий, в самые тяжкие и страшные времена, да не погибнем от бед и напастей земных. И ныне мы взираем на Дщерь Твою Преблагословенную во образе «Воскрешающая Русь» и восхваляем Тя, Господи: свят, свят, свят, Господь Саваоф. Тебе же, Пречистая Мати Божия, мы воздаем честь и поклонение, да ублажат Тя вси роди:

Радуйся, Царица Небеси и земли преблагословенная;

Радуйся, Дево Всепречистая, Преблагая и смиренная.

Радуйся, Богом Всемогущим прославляемая;

Радуйся, всеми родами земными ублажаемая.

Радуйся, небеса явлением своим отверзающая;

Радуйся, новым образом своим Бога прославляющая.

Радуйся, помощь Свою нам посылающая;

Радуйся, днесь по земли русской яко Владычица державная ступающая.

Радуйся, Мати Божия, Русь Воскрешающая.

Кондак 8 Воистину, Господи, Ты долготерпелив и милосерд. Мы отреклись от помазанника Твоего, осквернили святыни Твои, сотворили себе кумиров и поклоняемся им. А Ты, Всемилостивый, не отвергаеши нас и толцеши в сердца наша, да отверзем их для покаяния. Ныне же Ты посылаеши Матерь Свою Преславную в белоснежнем одеянии чистоты и непорочности, да очистит Она души и сердца наша и да научит пети Тебе: Аллилуиа.

Икос 8 О, Премилостивая Царице и Владычице, коль мерзки грехи наша. Оставили мы заповеди Сына Твоего, впали в маловерие, лжу, малодушие и клятвопреступление. Мы осквернили землю, отступили от Творца своего и обратилися к греховным услаждениям. Забыли мы яко токмо кротцыи наследят землю, токмо милостивии помиловани будут, токмо миротворцы сынове Божии нарекутся. Прости нас, заблудших и окаянных. Даруй нам образ покаяния, да искупим грехи наши. Се бо не ведали мы и предки наши, яже творили. Ты, милая наша заступнице и любящая мама, пришла к нам, дабы возстановити святые обители и храмы Божии. Ты входиши в них и освещаеши их любовию своею и идеже Ты пройдешь, возсияет благодать Божия и насельники их и молящиися в них возопиют:

Радуйся, Пресвятая Богородице, помощница в делех благих усердная;

Радуйся, к нам, многогрешным милосердная.

Радуйся, путь к благочестию нам отверзающая;

Радуйся, нас, во гресех погрязших, не отвергающая.

Радуйся, храмов Божиих и обителей святых устроительнице;

Радуйся, сирым и алчущим подательнице.

Радуйся, землю нашу дарами щедрыми осыпающая;

Радуйся, чудесами своими на земли Бога прославляющая.

Радуйся, Мати Божия, Русь Воскрешающая.

Кондак 9 Ты, Дево Пресвятая, красоты духовной славное вместилище. Сама смирением Своим нас удивившая и веру непостыдную в нас укрепляющая. Ты, Всецарице, подаеши помощь Свою всесильную кротким и уверовавшим в Сына Твоего. Ты же вразумляеши непокорных и тщеславных. Сего ради мы взираем на образ Твой чудный и радостно вопием Рожденному Тобою: Аллилуиа.

Икос 9 По грехам нашим и воздаяние нам. Попущением Божиим постигло нас разорение и разделение страны нашея, осквернение святынь, растление детей наших, разрушение хозяйства и армии, распродажа иноплеменным земли, яже есть достояние Божие и Дом Пречистыя. И ныне Ты пришла к нам напомнити нам о заповедях Божиих, спасти заблуждших, возвратити нам дух смирения, сокрушения сердечнаго и спасти Русь, яже есть последний оплот Православия и Христова благочестия. Сего ради мы с любовию и благодарностию поклоняемся новоявленному образу Твоему Святому и воспеваем Тя: Радуйся, Пресвятая, кротких и милостивых защито неодолимая;

Радуйся, Пречистая, руку помощи сирым и убогим простирающая.

Радуйся, в добродетелях и почитании старших наставляющая;

Радуйся, страх смерти и болезни в душах наших побеждающая.

Радуйся, благодатную силу исцеления просящим подающая;

Радуйся, от проказы греховныя нас избавляющая.

Радуйся, живоносный источниче, радостию и любовию жаждущих напояющая;

Радуйся, Царице Державная и земли Русской покровительнице.

Радуйся, Мати Божия, Русь Воскрешающая.

Кондак 10 О, Пречистая Владычице, Ты услышала молебные взывания молитвенников земли русския и плач жен и матерей и пришла укрыти многострадальную страну нашу Покровом просветляющим, да узрим вси путь и к воскрешению душ своих и воспоем Богу: Аллилуиа.

Икос 10 Икона Твоя, Владычице, изливает благоухание несказанное. Се бо Ты Сама пребываеши с нами, грядеши по земли, Тебе посвященней яко Дом Пречистыя и по Царству Твоему, тем самым глаголя: «Аз есмь с вами и никтоже на вы». Людие же, любящия Тя чада Твоя, со слезами умиления припадают и лобызают чудный образ Твой, принося хвалебное пение:

Радуйся, узорешительнице страны нашея от ига иноплеменнаго усердная;

Радуйся, в предстоящих испытаниях наших помощница крепкая и милосердная.

Радуйся, справедливая и строгая врагов Христовых вразумительнице;

Радуйся, честнаго и животворящего Креста Господня Проповеднице.

Радуйся, от напастей земных и междоусобныя брани избавительнице;

Радуйся, от обольщений и искушений вражиих защитнице.

Радуйся, помощи скорыя в недузех и скорбях подательнице;

Радуйся, пред Богом за страну нашу усердная молитвеннице.

Радуйся, Мати Божия, Русь Воскрешающая.

Кондак 11 Никтоже, приходящий с верою к иконе «Воскрешающая Русь», не отыде не утешен. И дивятся людие чудесным исцелениям душевным и телесным от образа Твоего, мы же, славящи Тя, с благодарением вопием Сыну Твоему и Богу нашему: Аллилуиа.

Икос 11 Подаеши Ты, Царице Небесная, исцеления болящим и немощным. И поражаеши Ты бесов силою Своею от иконы исходящею. Мы же благодарне с любовию к Тебе, Царице и Заступнице нашей усердной, поем:

Радуйся, целительнице и спасительнице душ наших милосердная;

Радуйся, исповеднице и просительнице за нас немощных всепетая.

Радуйся, от мудрования и неповиновения Воле Божией уберегающая;

Радуйся, всякую тесноту души нашея разрешающая.

Радуйся, чудесами исцелений всех удивляющая;

Радуйся, простоте душевней научающая.

Радуйся, умягчение злых сердец и погибших взыскание;

Радуйся, радосте более всех радостей несказанная.

Радуйся, Мати Божия, Русь Воскрешающая.

Кондак 12 Егда слепый раб Божий Михаил усердно помолися пред образом Твоим, Владычице, очи его приоткрышася и все удивляхуся чуду сему. Егда же приложися ко образу Твоему, прозреша и возрадовася и укрепися в вере своей, возблагодари Всемилостивого Спаса и Тя, Преблагая Заступнице, возопив: Аллилуиа.

Икос 12 И отверзаются очи духовные жаждущих Воскрешения Руси. И молятся людие, приявшии Тя в сердце свое, за Отечество наше. И очищаются сии душею и исцеляются телом. И радуются Ангели и Архангели на небеси. И изливается Благодать Божия на души наши. И мы радостно вопием:

Радуйся, Царица неба и земли, благодать исцеления душ подающая;

Радуйся, Мати Божия, Ангелам радость принесшая.

Радуйся, Воительница, молитвеннице пред Богом всемогущая;

Радуйся, даром отверзати очи духовныя наделенная.

Радуйся, Державная Владычице, за землю Русскую скорбящая;

Радуйся, от войн и напастей нас спасающая.

Радуйся, защитнице слабых и вразумительнице нечестивых;

Радуйся, кормительнице сирых и целительнице немощных.

Радуйся, Мати Божия, Русь Воскрешающая.

Кондак 13 О, Всемилостивая Мати Божия, Владычице Мира, Царице и Покровительнице земли Русския. К Тебе возводим душевные и телесные очи и взываем в молитве покаянней из сердец наших изливающейся: воскреси Русь Святую Православную, избави нас от ига иноплеменных и да послет нам Господь Царя избранника Своего. Покрый всю страну нашу честным всемощным омофором Своим, очисти ю, и избави от всякаго зла нас грешных, с верою и любовию поклоняющихся Тебе и благоговейно взывающих к Богу: Аллилуиа, Аллилуиа, Аллилуиа.

Этот кондак читается трижды. Затем 1-й икос «Егда явилася еси Ты…» и 1-й кондак «Избранней от всех родов…».Молитва ко Пресвятей, Пречистей, Преблагословенней Славней Владычице нашей, Богородице и Приснодеве Марии пред чудотворным образом Ея «Воскрешающая Русь» О, Пречистая и Преславная Богородице, Воскрешающая Русь назвавшаяся! Покрый грех наш пред Единым Триипостасным Богом, се бо не единожды согрешили во дни испытаний, не устояли в Вере Православней и не защитили святаго Царя Православного, помазанника Божия от рук безбожных, сами надели на себя ярмо ига иноплеменных. Принося покаяние за грехи наша, молим Тя, Царице наша Державная, заступись за ны и спаси землю Русскую от поругания, от глада и тартара, даруя народу русскому Царство Православное с Царем, Богом избранным. Покрый нас от всякаго зла Покровом Своим всечестным. Спаси души наши от ада и мук вечных за грехи наши нам уготованныя. Подаждь нам грешным душевное и телесное исцеление. Очисти от всякия скверны землю нашу, храмы и монастыри наша, души наша. Воскреси Русь Святую, да послужим верою и правдою Сыну Твоему и Богу нашему Господу Иисусу Христу, Тебе и Грядущему Царю во славу Отечества нашего всегда, ныне и присно и во веки веков. Аминь.

Тропарь празднику иконы Богородицы «Воскрешающая Русь», глас 4 Ты, Пресвятая Дево, / чудесное света излучение, / подаеши нам простоту душевную, / чистоту небесную, / от телесных и душевных немощей избавление / и радость неизреченную. / Мы чтим святое Твое изображение, / во стране Российстей обретенное, / и поклоняемся Тебе, Мати Божия, / и просим предстательства Твоего и заступления / и воздаем Тебе, Надеждо наше и Упование, / честь и поклонение.

Ин тропарь, глас 2 Воскреси души наша, Владычице, / помози иго благое в сердцах понести, / просвети землю Русскую, / в беззакония впадшую, / низпошли покаяния кресты золотыя, / вразуми ны, яко Ты еси воистину Русь Воскрешающая.

Величание Величаем, величаем Тя, / Пресвятая Дево, / и чтим Покров Твой честный, / имже нас очищаеши / и Русь Святую воскрешаеши.

СЛАВА БОГУ ЗА ВСЁ! Аминь.

2017 год

Онкологические заболевания известны с древности, первое упоминание о них встречается в папирусе, относящемся ко второму тысячелетию до н.э. С тех пор медицина мало продвинулась в борьбе с болезнью, она по-прежнему считается смертельной. Несмотря на то, что рак занимает далеко не первое место среди причин смерти, люди боятся именно этого приговора. Не боится только верующий человек, он знает, что есть благодатное средство — молитва «Всецарице» при онкологии.

Люди, получившие страшный диагноз и обратившиеся к Церкви, утверждают, что им помогла молитва перед иконой «Всецарица». Каким образом помогла? Прежде всего обретением Бога. Увидев Господа среди суетной жизни, человек полностью перестраивает систему ценностей, болезнь перестает казаться страшным страданием, а наоборот — источником настоящих благ.

Икона Божией Матери «Всецарица», прославившаяся на Афоне исцелением раковых болезней, в 2005 году прибыла в Россию в виде списка (точной копии), имеющего благодать и Самой Богородицы, и многих святынь Святой Горы. Образ был помещен в детский онкологический центр в Москве. Врачи отметили улучшение состояния пациентов, что связали с молитвой и надеждой на Небесную Царицу, посетившую палаты страдальцев. «Радуйся, детей недугующих исцеление; радуйся, юных страдальцев Мати!» — эти слова Акафиста запечатлели чудесное выздоровление нескольких детей из этой больницы.

Все это подтверждает, что болезнь — в руках Бога, в Его силах продлить ее или излечить. Только обращение к Господу и Его Пречистой Матери может изменить жизнь больного. Икона Божией Матери «Всецарица» собрала в единой молитве врачей, пациентов и их близких, даруя надежду, силы и исцеление.

По прибытии Всецарицы в Россию были составлены молитвы и Акафист, где содержатся прошения об излечении онкологии, а Божию Матерь называют «губительницей раковой язвы». Тысячи людей по всей стране встали перед образами, воспевая: «Радуйся, Всецарице, недуги наша благодатию исцеляющая!»

Эти слова из Акафиста означают, что Божия Матерь подает исцеление от Господа. Никакая другая сила не может помочь больному без благословения Божия. Лекарства, процедуры, рука врача — всё управляется милостью Господа по молитвам Его Пречистой Матери, а попытки обратиться к экстрасенсам, колдунам и «целителям» только прогневляют Небо и усугубляют страдания.

«Радуйся, Высото, человеческими помыслы неизследованная!». Человеческая мысль не может предвидеть волю Божию, но верит, что она творится во благо.

Не случайно по молитвам перед иконой чаще всего рост опухоли замедляется или останавливается, но не исчезает. Господь «отпускает» человека, оставляя напоминание, что он смертен.

Слова Акафиста «Радуйся, снадобие, боль утоляющее» подтверждаются практикой: по свидетельствам тяжелых больных, боли проходили, когда они молились Пресвятой Деве. «Я чувствовал присутствие темного человека, который понуждал меня сунуть голову в ременную петлю, привязанную к спинке кровати для удобства переворачивания, и удавиться. — рассказывает Александр Солнцев из Нижнего Новгорода, обратившийся к вере после заболевания — Но наутро долго мучившие меня боли внезапно прекратились… Наша задача — вовремя осознать, что Господь все делает во благо».

«Радуйся, Персте, на Святую Евхаристию указуяй» — пишется в 7 икосе Акафиста Всецарице. Перст (указательный палец) Божией Матери на иконе указывает на Богомладенца, Которого называют «Евхаристией» — Таинством Причастия.

Это означает, что только при участии в жизни Церкви, принимая церковные Таинства человек может надеяться на облегчение болезни или исцеление, что жизнь его будет управляться не «слепым роком», а разумной Волей Божией.

В летописях монастырей «Всецарица» в Краснодаре и с.Тарасково (Свердловская обл.) можно прочесть свидетельства полного исцеления, неоъяснимого исчезновения больших опухолей, улучшения здоровья в срок прогнозируемой смерти больного. Все это происходило после усиленных молитв к «Всецарице», покаяния, принятие больными Причастия. Рассмотрев каждый случай, подтвержденный медицинскими заключениями, Церковь признала их чудесами Божиими. Для христианина нет ничего удивительного в том, что молитва исцеляет болезни. В любой нужде он сразу обращается к Богу.

Приступать к молитве следует после церковного покаяния на Исповеди и Причастия. Нужно попросить как можно больше людей молиться за больного хотя бы своими словами, остановив на мгновение мирские заботы. Лучше заказать церковную молитву (Сорокоуст, Обедню, молебен). Если больной не в состоянии сам читать молитву и Акафист, близкие могут читать их вслух у постели. Это принесет утешение страждущему и зачтется родственникам и друзьям за спасительный труд, когда всем придется предстать на Страшном Суде перед Богом.

Молитва Всецарице от рака

О, пречистая Богомати, Всецарице! Услыши многоболезненное воздыхание наше пред чудотворною иконою Твоею, из удела Афонского в Россию пренесенною, призри на чад Твоих, неисцельными недуги страждущих, ко святому образу Твоему с верою припадающих!

Яко же птица крилома покрывает птенцы своя, тако и Ты ныне, присно жива сущи, покрый нас многоцелебным Твоим омофором. Тамо, идеже надежда исчезает, несумненную Надеждою буди. Тамо, идеже лютыя скорби превозмогают, Терпением и Ослабою явися. Тамо, идеже мрак отчаяния в души вселися, да возсияет неизреченный свет Божества!

Малодушныя утеши, немощныя укрепи, ожесточенным сердцам умягчение и просвещение даруй. Исцели болящия люди Твоя, о Всемилостивая Царице! Ум и руки врачующих нас благослави, да послужат орудием Всемощнаго Врача Христа Спаса нашего.

Яко живей Ти, сущей с нами, молимся пред иконою Твоею, о Владычице! Простри руце Твои, исполненныя исцеления и врачбы, Радосте скорбящих, в печалех Утешение! Да чудотворную помощь скоро получив, прославляем Живоначальную и Нераздельную Троицу, Отца и Сына и Святаго Духа, во веки веков. Аминь.

Акафист Божией Матери «Всецарица»

Кондак 1

Новоявленней Твоей иконе предстояще вернии, умильно воспеваем Ти, Всецарице, раби Твои; низпосли цельбы к Тебе притекающим ныне рабом Твоим, да вси радостно зовем Ти:

Радуйся, Всецарице, недуги наша благодатию исцеляющая.

Икос 1

Ангел предстатель с Небесе сшед, рече Всецарице: радуйся! И боговещанным гласом, воплощаема Тя зря, Господи, возопи к Ней таковая:

Радуйся, главизно нашего спасения; радуйся, исполнение Зиждителева смотрения.

Радуйся, яко Тобою Бог воплотися; радуйся, яко Невидимый в Тебе изобразися.

Радуйся, Милость мира внутрь приявшая; радуйся, одеяние плоти Слову соткавшая.

Радуйся, уму непостижная горняя славо; радуйся, сердца оживившая небесная манно.

Радуйся, звездо, благодати сияние; радуйся, источниче, живыя воды излияние.

Радуйся, Богородице, в женах благословенная; радуйся, рождшая Спаса Дево нетленная.

Радуйся, Всецарице, недуги наша благодатию исцеляющая.

Кондак 2

Безначальное Слово Отроча младо Тобою бысть, исцеления подая Тя, Дево, чтущим и неизреченное Его Рождество воспевающим: Аллилуиа.

Икос 2

Разум недоразумеваемый разумети Дева ищущи, возопи к служащему: яко Отроковица чистая, како буду Вышняго Мати, изъясни. К Ней же Гавриил рече со страхом, зовый таковая:

Радуйся, совета Вышняго Избраннице; радуйся, гласа молящихся Скоропослушнице.

Радуйся, сокровище Христова мира; радуйся, людей Твоих надеждо и сило.

Радуйся, раковыя язвы дивная губительнице; радуйся, прочих болезней Исцелительнице.

Радуйся, единое миру заступление; радуйся, верное в скорбех избавление.

Радуйся, плач и слезы присно утоляющая; радуйся, спасения входы всем отверзающая.

Радуйся, скиптре и державо Афон населяющих; радуйся, жезле монахов и мирян.

Радуйся, Всецарице, недуги наша благодатию исцеляющая.

Кондак 3

Сила Вышняго осени Тя, Отроковице, плоть прият неизреченно, показа Тя село сладкое хотящим жати спасение и поющим: Аллилуиа.

Икос 3

Прославися дивно святая икона Твоя, Всецарица именуемая, егда цельбоносно явися Богоматере изображение; вопиющим же пред нею с верою исцеления подаеши, да умножаются песни сицевыя:

Радуйся, Мати незаходимаго Света; радуйся, претерпевших до конца победо.

Радуйся, в болезнех и скорбех сущим врачевание; радуйся, сирот и вдовиц нерушимая стено.

Радуйся, двери райския отверзающая; радуйся, труждающихся и обремененных заступающая.

Радуйся, о спасении верных Ходатаице; радуйся, за род человеческий Молитвеннице.

Радуйся, лествице небесная, возводящая от земли к Небеси; радуйся, водо живая, омывающая смертные грехи.

Радуйся, Агнице, сердца незлобивых хранящая; радуйся, Покрове, чад Церкви осеняющий.

Радуйся, Всецарице, недуги наша благодатию исцеляющая.

Кондак 4

Живот мирови даруя, Владыка мира вселися во утробу Твою неискусомужно и, Матерь верных Тя показав, в мире тех воспевати призва: Аллилуиа.

Икос 4

Преславная содеяшася о Тебе, Граде Божий, исцелением бывающим от святыя иконы Твоея; цельбоносныя струи врачеваний приемлюще, благодарственно, о Всецарице, вопием:

Радуйся, снадобие, боль утоляющее; радуйся, прохладо, жар недужный остужающая.

Радуйся, прижигающая раковыя язвы, аки пламенем; радуйся, подымающая со одра оставленных врачми.

Радуйся, лик Свой пречистый избранным являющая; радуйся, от греховных уз разрешающая.

Радуйся, яко Тобою избавление от смерти даровася; радуйся, яко Тобою неисчетный сонм верных оправдася.

Радуйся, высото, человеческими помыслы неизследованная; радуйся, глубино, единым Словом изведанная.

Радуйся, пророчествие прежде Тебе бывших патриархов; радуйся, наставнице Тебе молившихся иерархов.

Радуйся, Всецарице, недуги наша благодатию исцеляющая.

Кондак 5

Пречистый Храм Спасов познахом Тя, Отроковице; к Тебе припадаем, Чистая, да нас соделаеши храмы Божества, вопиющих Ему : Аллилуиа.

Икос 5

Видеша чини Ангельстии на руку Твоею Создавшаго рукою человеки и, яко Владычицу разумевающе Тя едину, аще и рабою Себе нарекла еси, потщашася песньми послужити Ти, Благословенней, сицевыми:

Радуйся, Богом поставленная превыше небесных Сил; радуйся, чудесными исцеленьми исполняющая мир.

Радуйся, хвалу и славу от Небес слышащая; радуйся, благодарение от земли приемлющая.

Радуйся, яко семя тли в сердцах потребила еси; радуйся, яко козней диавольских ярем сокрушила еси.

Радуйся, юдоль плачевную исполнившая радостию; радуйся, скорби изменяющая в небесную сладость.

Радуйся, благоухание Богу приятное; радуйся, кающихся грешников веселие изрядное.

Радуйся, броне правды от искушений; радуйся, щите ограждения от вражды и нестроений.

Радуйся, Всецарице, недуги наша благодатию исцеляющая.

Кондак 6

Проповедницы богоглаголивии, Спасовы ученицы, предсташа Ти, Дево, чудно, внегда от земли к Небеси восходила еси, да единым сердцем и усты воспоют Богови: Аллилуиа.

Икос 6

Возсия дивная благодать от иконы Твоея, Всецарице, егда юноша, ученьми сатанинскими омраченный, пред нею паде и недвижим бысть; паче чаяния же от уз мрачных свобожденный, со страхом и радостию взываше Ти сице:

Радуйся, исправление нечестиваго жития; радуйся, утешение страждущих люте.

Радуйся, бесовских полчищ от Церкве отгнание; радуйся, мглы греховныя разсеяние.

Радуйся, козней невидимых упразднение; радуйся, демонских чар всемощное одоление.

Радуйся, светильниче, прельщенных наставляяй; радуйся, облаче, невинных от зла покрываяй.

Радуйся, холме, небесною манною питающий; радуйся, долино, смирением Христовым насыщающая.

Радуйся, каменю Небеснаго Царствия; радуйся, зерцало превечнаго Света.

Радуйся, Всецарице, недуги наша благодатию исцеляющая.

Кондак 7

Хотящу дати Себе в снедь верным, благоволил еси от Девы воплотитися, да приемлюще Пречистое Тело и Кровь Твою, познают Тя, Бога совершеннаго; темже, дивящеся неизреченней премудрости сей, зовем: Аллилуиа.

Икос 7

Новое показа таинство явлься Зиждитель, со ученики совершивый Тайную Свою Вечерю; мы же, моляще Всецарицу удостоити нас Божественныя Святыни, восписуем Ей сицевая:

Радуйся, Подательнице Небеснаго Хлеба; радуйся, Родительнице Вечнаго Живота.

Радуйся, чаше, Христу приобщающая; радуйся, душу и тело с Богом сочетающая.

Радуйся, лжице златая, исполнь Божественных Таин; радуйся, кивоте драгий, вместилище великия Святыни.

Радуйся, персте, на святую Евхаристию указуяй; радуйся, Трапезо, предлагающая нам Пищу Святую.

Радуйся, в час судный достойных причастников одесную поставляющая; радуйся, ревнителей Божественныя Литургии от ада избавляющая.

Радуйся, приводящая смертных к Источнику безсмертия; радуйся, ограждающая чад Своих миром и крепостию.

Радуйся, Всецарице, недуги наша благодатию исцеляющая.

Кондак 8

Странное Рождество видевше, житейское всякое отложим попечение и горе имеем сердца; на сие бо Вышний явися, во еже привлещи к высоте Тому вопиющия: Аллилуиа.

Икос 8

Неотступно в недрах Отеческих пребывая, Слово неописанное на земли плоть бысть; Бог Велий сотвори величие Деве и призре на смирение Рабы Своея, слышащия сицевая:

Радуйся, невместимаго Бога вместившая; радуйся, надмирнаго Творца миру явившая.

Радуйся, яко сокрушися смерти держава; радуйся, яко исцелися Адамова рана.

Радуйся, пластырю, струпы душевныя заживляяй; радуйся, елее, язвы телесныя умащаяй.

Радуйся, утоление болезней рождающих; радуйся, облегчение мук умирающих.

Радуйся, нанесшая поражение аду; радуйся, притупившая смерти жало.

Радуйся, чаяние всеобщаго воскресения; радуйся, православных несумненное спасение.

Радуйся, Всецарице, недуги наша благодатию исцеляющая.

Кондак 9

Всякое естество ангельское и человеческое удивися величию непостижимаго Твоего воплощения, Слове; недоумевающе же о сей велией тайне благочестия, со страхом и трепетом благодарственно зовем Ти: Аллилуиа.

Икос 9

Многоразличными недуги одержимии, о Всецарице, от святыя иконы Твоея паче чаяния исцеления получают, да приимше верою благодать, велегласно вопиют Ти:

Радуйся, здравых чад присное сохранение; радуйся, болящих ко здравию преложение.

Радуйся, детей недугующих исцеление; радуйся, юных страдальцев Мати.

Радуйся, возстание на одр болезни поверженных; радуйся, отрадо страхом смертным одержимых.

Радуйся, яко внемлеши человеков рыданием; радуйся, призревающая на наша стенания.

Радуйся, болей земных небесною радостию растворение; радуйся, люте обуреваемых пачеестественное терпение.

Радуйся, яко уготовляеши плачущим радость; радуйся, яко снабдеваеши кротких крилома молитвы.

Радуйся, Всецарице, недуги наша благодатию исцеляющая.

Кондак 10

Спасти хотя Зиждитель истлевшее грехом человеческое естество, сниде на Тя, яко дождь на руно, и, купину Тя соделав неопалимую, Бог сый, бысть Человек, да воспеваем Ему: Аллилуиа.

Икос 10

Стена еси девам, Отроковице Чистая, и всем о чистоте радящим, в Тя бо вселися Бог, очищаяй разумная создания Своя, да избывше всякия скверны, предлагаем Ти сицевая:

Радуйся, молчания взыскующих Собеседнице; радуйся, венче хранящих девство.

Радуйся, начало и конец духовнаго совершения; радуйся, хранилище Божественнаго откровения.

Радуйся, Троическаго Совета Таиннице; радуйся, спасения человеков виновнице.

Радуйся, вершино, гордым умом неприступная; радуйся, убежище, смиренным сердцам доступное.

Радуйся, Чистая, Небесе чистейшая; радуйся, Херувимов и Серафимов честнейшая.

Радуйся, Обрадованная, яко прияла еси от Архангела радование; радуйся, Утешенная, яко руце Твои осязасте воскресшаго Христа.

Радуйся, Всецарице, недуги наша благодатию исцеляющая.

Кондак 11

Пение тщащеся разумное Спасу приносити, всегда неключими, Владычице, остаемся раби Твои; кто бо может достойно воспети Бога, Егоже имя, яко миро излиянное? Сего ради вопием Ему: Аллилуиа.

Икос 11

Свет велий возсияв во тьме седящим, посети нас, о Дево, Восток свыше Сын и Бог Твой; Тя соделав свещею на свещнице, светоносным чадом церковным наказует приносити Ти сицевая:

Радуйся, заре умнаго Солнца; радуйся, вместилище Божественнаго Огня.

Радуйся, свете, яко одеяние святых соткала еси; радуйся, свеще, яко тьму бесовскую отгнала еси.

Радуйся, косных умов просвещение; радуйся, грешных сердец озарение.

Радуйся, деснице, из моря суетствий изводящая; радуйся, лучу, путеводяй к Царствию спасающихся.

Радуйся, молние, нераскаянных поражающая; радуйся, громе, губителей устрашающий.

Радуйся, лукавыя совести просветление; радуйся, умилостивление Божия Суда.

Радуйся, Всецарице, недуги наша благодатию исцеляющая.

Кондак 12

Благодать дати восхотев, завета ветхаго Податель завет новый нам дарова; мы же, благодать сию приимше, не делы закона, но единою верою спасение улучивше, восписуем вси: Аллилуиа.

Икос 12

Поюще Твое рождество, якоже древле Израиль в кимвалех сеновную скинию воспеваше, тако мы ныне Тя, Скинию истинну, добродетельми прославляем, да слышиши от всех сицевая:

Радуйся, песне, воспеваемая горе; радуйся, псалме, слышимый низу.

Радуйся, Единому Богу достойно послужившая; радуйся, Божественней Троице смирением угодившая.

Радуйся, веки Носящаго носившая в Себе; радуйся, престоле Содержащаго вселенную в руце.

Радуйся, тайно неизреченная веков и времен; радуйся, упование твердое народов и племен.

Радуйся, сердечное радование иереев благоговейных; радуйся, быстрое слышание молитв церковных и келейных.

Радуйся, Премудрости доме богозданный; радуйся, милости сосуде, Богом избранный.

Радуйся, Всецарице, недуги наша благодатию исцеляющая.

Кондак 13

О Всецарице Мати, рождшая всех святых Святейшее Слово, нынешнее наше приемши песнопение, от всякия смертныя болезни исцели ны и будущаго избави осуждения вопиющих: Аллилуиа.

Этот кондак читается трижды, затем 1-й икос «Ангел предстатель…» и 1-й кондак «Новоявленней Твоей…