Акафист гавриилу белостокскому

Детально: акафист гавриилу белостокскому - со всех открытых источников и разных уголков мира на сайте 1000-molitv.ru для наших уважаемых читателей.

Оглавление [Показать]

Главная –> Акафисты –> Акафист мученику младенцу Гавриилу Белостокскому

Кондак 1

Избранный младенче Христов Гаврииле, величаем прославльшаго тя Господа, восхваляем тя любовию, твое детское незлобие и страсти честныя воспеваем. Ты же яко птенец непорочен, от чрева матере Богом предуставленный горнему званию сопричтенный, на небесех предстоя, за нас молися да зовем ти:
Радуйся, Гаврииле, мучениче Христов и отроча чистейшее.

Икос 1

Ангел светел на земли явился еси, Гаврииле, яко младенец быв, ничтоже скверно совершивый. Темже Христос, от земли восприемый, небесная врата тебе отверзе, избранным сочетавая, с нимиже непрестанно восхваляеши Пресвятую Троицу, того ради услыши нас, поющих тебе на земли сицевая:
Радуйся, благовонный сосуде ангельския чистоты.
Радуйся, благочестивых родителей твоих Петра и Анастасии отрасле пречудная.
Радуйся, чрез мучения жестокия к высотам райским возлетевший.
Радуйся, младенствующих славная красото.
Радуйся, яко житие твое краткое безгрешно бысть.
Радуйся, яко честна смерть твоя пред Господом.
Радуйся, в младенчестве Крест Христов возлюбив, понесый.
Радуйся, неизреченную славу Божию на Небеси зрети сподобивыйся.
Радуйся, Гаврииле, мучениче Христов и отроча чистейшее.

Кондак 2

Видя Христос присное нань возстание жестокосердных людей, нарече тя, Гаврииле, младенца совершенна, воина небеснаго добропобеднаго, и тако струями кровей твоих чистейших нечестие богоборцев посече и тех посрами, да тобою видяще величия Божия и величия Церкве нашея лепотно поем в Троице славимому Богу: Аллилуиа.

Икос 2

Разум христоубийством недугующий имея мучитель, родителем твоим на мало время из дому изшедшым, лестию ят тя, Гаврииле, и во град Белосток увезе, от чистыя твоея крове аки зверь хищный жаждай насладитися. Егда же безкровен и мертв был еси, мучителие низринувше тя на ниву житню зелену, близ веси зверски тело твое вергоша; таковому убо подвигу во страдании твоем дивящеся, вопием ти:
Радуйся, тайных убийц жертво кроткая.
Радуйся, претерпевый страшная мучения.
Радуйся, явлей на себе Христовых страстей изображение.
Радуйся, посланный от Господа обличити заблуждения.
Радуйся, утверждение веры.
Радуйся, Церкве светильниче немерцаяй.
Радуйся, яко сопричтен еси ликом мучеников.
Радуйся, яко мученьми твоими прославися Отец Небесный.
Радуйся, Гаврииле, мучениче Христов и отроча чистейшее.

Кондак 3

Силою Всевышняго укрепляемь на Кресте, простерт быв, мучениче чистейший, почил еси в скиниях небесных, зверообразное кровопролитие обличив и яростное нечестие уязвив. Радуйся же, воспевый со всеми страстотерпцы победную песнь Богу: Аллилуиа.

Икос 3

Имый, мучениче Божий, небо покровом и ниву зелену одром упокоения, трие дни безвестне непогребен пребыл еси. Тмы птиц хищных, с нимиже псов алчных множество, непорочное тело твое окружаху, обаче прикоснутися ему никако дерзающе: пси бо мудрии телу твоему от птиц хищных стражею быша. О сем знамение Божие разумеюще глаголем:
Радуйся, боголюбезное чадо Христово.
Радуйся, дивнаго смотрения Божия исполнение.
Радуйся, Сыну Божию вожделенный.
Радуйся, праведником святым единонравниче.
Радуйся, птенче чистый, в гнезда небесная приятый.
Радуйся, райскаго древа ветве младая.
Радуйся, небесных светлостей сияние.
Радуйся, светлая звездо, на тверди небесней блистающая.
Радуйся, Гаврииле, мучениче Христов и отроча чистейшее.

Кондак 4

Буря волнения одержит ны, страстотерпче младый, егда лютую смерть твою помышляем и чудо преестественное зрим на тебе явленное, яко бо младенец быв телом, муж совершен терпением в страдании твоем явился еси. Тем убо подвиг твой страстный умом созерцающе, воспеваем Давшему ти крепость: Аллилуиа.

Икос 4

Слышавше родителие твоя от насельников веси Зверковския, яко чадо их на месте пусте от триех дний бездыханно обретается, приидоша и кончину твою безвременну оплакавше, честное тело твое на церковный погост принесоша и близ церкве веси тоя Зверки погребоша, безчеловечному жидов злодеянию купно со всеми единоверными ужасахуся. Мы же дивящеся твоему терпению, восхваляем страсти твоя и умиленно взываем:
Радуйся, младая ветве, искуса мирских сластей не вкусившая.
Радуйся, земных благ лишенный, да небесных причастник явишися.
Радуйся, шести лет от жидов погубленный.
Радуйся, в Вечное Царство вселивыйся.
Радуйся, безвременным преставлением своим утробы отца и матере твоих смутивый.
Радуйся, яко скорбь их в радость велию пременися.
Радуйся, яко праведник явился еси Владыце.
Радуйся, подражателю Страстей Христовых.
Радуйся, Гаврииле, мучениче Христов и отроча чистейшее.

Кондак 5

Боготочною звездою был еси в мире, чадо блаженное Гаврииле, блистая ангельскою чистотою, темже ныне сияеши на небесех славою вечною с лики праведник, с нимиже непрестанно взываем Царю Славы Христу: Аллилуиа.

Икос 5

Видя равноангельскую чистоту сердца твоего, кротость и незлобие, в нихже мученически преставился еси, Гаврииле, прослави тя во святых своих Бог, воистинну бо чудо преславно: по тридесятех летех тело твое нетленно обретеся, источник исцелений всем с верою к тебе притекающым являеши. Приими убо от нас похвалу сию:
Радуйся, приятелище благодати.
Радуйся, нетлением мощей твоих величайшия радости нас исполнивый.
Радуйся, источниче чудесных исцелений.
Радуйся, яко Господь Сил на тебе дивная явил есть.
Радуйся, неверие жидов низложивый.
Радуйся, кровию своею правоверие утвердивый.
Радуйся, в радость Господа нашего вшедый.
Радуйся, молитвенниче наш пред Богом.
Радуйся, Гаврииле, мучениче Христов и отроча чистейшее.

Кондак 6

Православная Церковь Христова прославляет твоя, младениче Гаврииле, страсти, раны и муки, о Бозе тобою подъятыя, ихже ради дивно прослави тя Господь и тело твое нетленно земли Белостокстей яви, да с умилением зовем: Аллилуиа.

Икос 6

Возсия нам новое чудо, промышления божественнаго тайну являя, егда церковь Зверковская в пламени огня погибе, обаче мощи твоя святыя под спудом ея хранящыяся, неврежденны обретошася. О сем дивящеся, верою с чистым сердцем возглашаем ти, прославленный младениче Гаврииле:
Радуйся, исполнивый на себе слово Божие, яко хранит Господь кости праведных.
Радуйся, утвердивый слово Христа Бога, яко влас главы вашея не погибнет.
Радуйся, сокровище духовное, верных богатящее.
Радуйся, отрадным упованием на спасительная обетования нас веселяй.
Радуйся, на небеси и на земли ангелы и человеки достойно возлюбленный.
Радуйся, молитвами твоими Создателя умилостивляяй.
Радуйся, избранниче Божий.
Радуйся, Псалтирю, славу творца возвещаяй.
Радуйся, Гаврииле, мучениче Христов и отроча чистейшее.

Кондак 7

Хотяй Человеколюбец Господь явити в тебе образ назидания человеком, показа тя, Гаврииле, сугуба страстотерпца, стремления богохульник сокрушающа, да и мы добродетелем твоим, в нихже блистаеши, поревнуем и Царствие Небесное наследим, дивному в Своем промышлении Богу воспевающе: Аллилуиа.

Икос 7

Новый светильник пресветлый, не под спудом сокрываемый, но на свещнице Церкве Христовы поставленный и от Бога прославленный явился еси, святе Гаврииле, тму разсеяваяй и Христу противящыяся богоборцы крепко побеждаяяй, того ради песнословим тя сице:
Радуйся, многи скорби от жидов претерпевый.
Радуйся, тех злобу и коварство победивый.
Радуйся, правую веру во Истиннаго в Троице прославляемаго Бога хранити нас научаяй.
Радуйся, стопы наша на путь спасения направляяй.
Радуйся, за прободеннаго Христа Бога множество ран приемый.
Радуйся, яко о Нем на небеси прославляешися.
Радуйся, славо православных людей честная.
Радуйся, тобою бо посети Господь землю нашу.
Радуйся, Гаврииле, мучениче Христов и отроча чистейшее.

Кондак 8

Странное и преславное знамение благоволения Божия видится на тебе, всем притекающым к тебе, Гаврииле, данною бо тебе благодатию с верою просящих от всяких напастей охраняеши, от скорбей свобождаеши и всяко прошение с верою приносимое исполняеши, научая Дивному в чудесех Своих Богу пети: Аллилуиа.

Икос 8

Весь в язвах, исклан, избоден и обезкровлен быв, Гаврииле, предал еси праведный дух твой в руце Божии, от страданий упокоеваяся, житейских зол и печалей земных непричастен быв. О сем праведном в Бозе упокоении со умилением воспоминающе, сия приносим тебе глаголы:
Радуйся, непорочный во успении твоем.
Радуйся, на лоно Авраама ангелы вознесенный.
Радуйся, во обители райския со славою восприятый.
Радуйся, венцем безсмертия от Господа увенчанный.
Радуйся, Христа Бога благий последователю.
Радуйся, яко наследие твоего младенства есть Царствие Небесное.
Радуйся, яко всем верным воспоминание твое пресладко.
Радуйся, детскою простотою премудрость древняго врага препобедивый.
Радуйся, Гаврииле, мучениче Христов и отроча чистейшее.

Кондак 9

Всяк земнородный слышанием о муках твоих, кроткий младенче, умиляется и страсти твоя почитает; Церковь же православная мученическую кончину твою прославляет и о имени твоем святом ликовствует, радостно поющи: Аллилуиа.

Икос 9

Ветии многоглаголивии, очима плотскаго разума смотрящии премудрость Творческую устроения вселенныя, недоумевают, чесо ради страдания непорочных младенцев бывают. Мы же, таинству сему дивящеся, возглашаем ти, Гаврииле святе, зовуще:
Радуйся, яко страдания твоя страданием прочих праведник равночестны.
Радуйся, яко во страдании тела за ны Страдавшему сораспялся еси.
Радуйся, сияние Творческия премудрости.
Радуйся, божественное о земнородных произволение.
Радуйся, глас небесный, на подвиг спасения всех призываяй.
Радуйся, образе следования Христу до смерти крестной.
Радуйся, персте Божий, горняя нам указуяй.
Радуйся, яко Христу Царю молитвы о нас приносиши.
Радуйся, Гаврииле, мучениче Христов и отроча чистейшее.

Кондак 10

Спастися хотящым, святый мучениче, страдании своими образ являеши праваго шествия к Богу, добродетели и плодов приношения; наслаждаяся же ныне небесных благ неизреченных, помяни и нас, зде на земли страдания твоя восхваляющыя и Богу поющыя: Аллилуиа.

Икос 10

Стена несокрушима еси, Гаврииле, всем скорбящым и напаствуемым, призывающым же тебе, младенче, в болезни сущым и матерем, о чадех своих скорбящым, ослабу и утешение предстательством твоим подаеши. Темже за вся благодеяния, тобою нам являемая, благодарственно восклицаем:
Радуйся, хранителю наш крепкий.
Радуйся, заступниче наш усердный.
Радуйся, младенцев небесный покровителю.
Радуйся, болящих и недужных чад благий целителю.
Радуйся, матерем, ищущым утоления скорби о чадех отшедших, скорый утешителю.
Радуйся, мятущихся помыслами умирителю.
Радуйся, чистоты душевныя назидателю.
Радуйся, угодниче Божий.
Радуйся, Гаврииле, мучениче Христов и отроча чистейшее.

Кондак 11

Пение, еже приносим ти, Гаврииле, несть довольно к похвалению преславных во страдании подвигов твоих, обаче зря усердное наше произволение, приносимое нами пение милостивно приими, нас же от грехов и напастей свободи, да чистым сердцем зовем Создателю нашему: Аллилуиа.

Икос 11

Светом благодати Божия от утробы матере озаренный, нетленен возшел еси к Триипостасному Свету, пред Ним же ходатайствуй о нашем просвещении, о немже моляще умильно вопием ти:
Радуйся, светлый луче Трисолнечнаго Света, оживотворяющаго мир.
Радуйся, теплото духовная, нашу хладность согревающая.
Радуйся, светильниче, нашу темноту просвещаяй.
Радуйся, пламеню, нас возгреваяй в вере, любви и надежде.
Радуйся, ищущым предстательства твоего пред Богом благий споспешниче.
Радуйся, яко много может молитва твоя пред лицем Его.
Радуйся, горняго мира украшение.
Радуйся, дольняго мира похвало.
Радуйся, Гаврииле, мучениче Христов и отроча чистейшее.

Кондак 12

Благодать божественную, никогдаже оскудевающую, но всегда врачующую, испроси нам, святый угодниче Божий, да научит ны подражати тебе в чистоте ангельстей и незлобии, да направиши сердца наша к пламенней молитве и покаянию; да сохранит неврежденны всех с любовию хранящих заповеди Христовы, да дарует нам христианскую кончину; да сподобит на небесех узрети Славу Божию и выну пети Пресвятей Троице: Аллилуиа.

Икос 12

Поем страсти твоя, Гаврииле, славим твое в младенчестем телеси незлобивое мужество, ублажаем память твою, на тебе бо явися слава Христова, слава Церкве Православныя, темже любовию вопием ти:
Радуйся, жертво чистая, закланная Владыце о нас земнородных.
Радуйся, прославивый Господа страданьми своими.
Радуйся, благ вечных наследниче.
Радуйся, грозде винограда Христова.
Радуйся, от враг всяческих крепкий наш заступниче.
Радуйся, славы нам вечныя ходатаю.
Радуйся, воине Христов добропобедный.
Радуйся, младенцев верховниче и хранителю.
Радуйся, Гаврииле, мучениче Христов и отроча чистейшее.

Кондак 13

О непорочный мучениче Христов Гаврииле, младенческаго незлобия и кротости образе пречудный, малаго труда сего сердечное пение прием, буди нам теплый молитвенник пред Господем, да во дни наша лукавыя маловерием, гневом и братоненавидением обуреваемии в вере, терпении и любви свято пребудем. И тако все житие наше прешедше вечнаго мучения избавимся, и присно воспоем Богу: Аллилуиа.

(Этот Кондак читается трижды, затем Икос 1-й и Кондак 1-й)

Молитва мученику младенцу Гавриилу Белостокскому
Икона Святому мученику Гавриилу младенцу (Белостокскому)

« предыдущий акафист :: следующий акафист »

Другие Акафисты святых угодников:

Все иконы Акафисты …

Конда́къ 1

Избра́нный младе́нче Христо́въ Гавріи́ле, велича́емъ просла́вльшаго тя́ Го́спода, восхваля́емъ тя́ любо́вію, твое́ дѣ́тское незло́біе и стра́сти честны́я воспѣва́емъ. Ты́ же, я́ко птене́цъ непоро́ченъ, отъ чре́ва ма́тере Бо́гомъ предуста́вленный и го́рнему зва́нію сопричте́нный, на небесѣ́хъ предстоя́, за на́съ моли́ся, да зове́мъ ти́:

Ра́дуйся, Гавріи́ле, му́чениче Христо́въ и отроча́ чистѣ́йшее.

Икосъ 1

Ангелъ свѣ́телъ на земли́ яви́лся еси́, Гавріи́ле, я́ко младе́нецъ бы́въ, ничто́же скве́рно соверши́вый. Тѣ́мже Христо́съ, отъ земли́ воспріе́мый, небе́сная врата́ тебѣ́ отве́рзе, избра́ннымъ сочетава́я, съ ни́миже непреста́нно восхваля́еши Пресвяту́ю Тро́ицу. Того́ ра́ди услы́ши на́съ, пою́щихъ тебѣ́ на земли́ сицева́я:

Ра́дуйся, благово́нный сосу́де а́нгельскія чистоты́; ра́дуйся, благочести́выхъ роди́телей твои́хъ Петра́ и Анастасíи о́трасле пречу́дная. Ра́дуйся, младе́нствующихъ красото́; ра́дуйся, я́ко житіе́ твое́ безгрѣ́шно. Ра́дуйся, я́ко честна́ сме́рть твоя́ предъ Бо́гомъ; ра́дуйся, въ младе́нчествѣ кре́стъ Христо́въ возлюби́въ, понесы́й. Ра́дуйся, неизрече́нную сла́ву Бо́жію на небеси́ зрѣ́ти сподо́бивыйся; .

Ра́дуйся, Гавріи́ле, му́чениче Христо́въ и отроча́ чистѣ́йшее.

Конда́къ 2

Ви́дя Христо́съ при́сное на́нь возста́ніе жестокосе́рдныхъ люде́й, нарече́ тя, Гавріи́ле, младе́нца соверше́нна, во́ина небе́снаго добропобѣ́днаго, и та́ко струя́ми крове́й твои́хъ чистѣ́йшихъ нече́стіе богобо́рцевъ посѣче́ и тѣ́хъ посрами́, да тобо́ю ви́дяще вели́чія Бо́жія и вели́чія Це́ркве на́шея, лѣ́потно пое́мъ въ Тро́ицѣ сла́вимому Бо́гу: Аллилу́ія.

Икосъ 2

Ра́зумъ христоубíйствомъ неду́гующій имѣ́я мучи́тель, роди́телемъ твои́мъ на ма́ло вре́мя изъ до́му изше́дшимъ, ле́стію я́тъ тя́, Гавріи́ле, и во гра́дъ Бѣлосто́къ увезе́, отъ чи́стыя твоея́ кро́ве а́ки звѣ́рь хи́щный жа́ждай наслади́тися. Егда́ же безкро́венъ и ме́ртвъ бы́лъ еси́, мучи́теліе низри́нувше тя́ на ни́ву жи́тню зеле́ну, бли́зъ ве́си Звѣрки́ тѣ́ло твое́ верго́ша. Таково́му у́бо по́двигу во страда́ніи твое́мъ дивя́щеся, вопіе́мъ ти́:

Ра́дуйся, та́йныхъ убíйцъ же́ртво кро́ткая; ра́дуйся, претерпѣ́вый стра́шная муче́нія. Ра́дуйся, явле́й на себѣ́ Христо́выхъ страсте́й изображе́ніе; ра́дуйся, по́сланный отъ Го́спода обличи́ти заблужде́нія. Ра́дуйся, утвержде́ніе вѣ́ры; ра́дуйся, Це́ркве свѣти́льниче немерца́яй. Ра́дуйся, я́ко сопричте́нъ еси́ лико́мъ му́чениковъ; ра́дуйся, я́ко муче́ньми твои́ми просла́вися Оте́цъ Небе́сный.

Ра́дуйся, Гавріи́ле, му́чениче Христо́въ и отроча́ чистѣ́йшее.

Конда́къ 3

Си́лою Всевы́шняго укрѣпля́емь на крестѣ́, просте́ртъ бы́въ, му́чениче чистѣ́йшій, почи́лъ еси́ въ ски́ніяхъ небе́сныхъ, звѣрообра́зное кровопроли́тіе обличи́въ и я́ростное нече́стіе уязви́въ. Ра́дуйся же, воспѣ́вый со всѣ́ми страстоте́рпцы побѣ́дную пѣ́снь Бо́гу: Аллилу́ія.

Икосъ 3

Имы́й, му́чениче Бо́жій, не́бо покро́вомъ и ни́ву зеле́ну одро́мъ упокое́нія, тріе́ дни́ безвѣ́стнѣ непогребе́нъ пребы́лъ еси́. Тмы́ пти́цъ хи́щныхъ, съ ни́миже псо́въ а́лчныхъ мно́жество, непоро́чное тѣ́ло твое́ окружа́ху, оба́че прикосну́тися ему́ ника́ко дерза́юще: пси́ бо му́дріи тѣ́лу твоему́ отъ пти́цъ хи́щныхъ стра́жею бы́ша. О се́мъ зна́меніе Бо́жіе разумѣ́юще, глаго́лемъ:

Ра́дуйся, боголюбе́зное ча́до Христо́во; ра́дуйся, ди́внаго смотрѣ́нія Бо́жія исполне́ніе. Ра́дуйся, Сы́ну Бо́жію вожделѣ́нный; ра́дуйся, пра́ведникомъ святы́мъ единонра́вниче. Ра́дуйся, пте́нче чи́стый, въ гнѣ́зда небе́сная прія́тый; ра́дуйся, ра́йскаго дре́ва вѣ́тве млада́я. Ра́дуйся, небе́сныхъ свѣ́тлостей сія́ніе; ра́дуйся, свѣ́тлая звѣздо́, на тве́рди небе́снѣй блиста́ющая.

Ра́дуйся, Гавріи́ле, му́чениче Христо́въ и отроча́ чистѣ́йшее.

Конда́къ 4

Бу́ря волне́нія одержи́тъ ны́, страстоте́рпче млады́й, егда́ лю́тую сме́рть твою́ помышля́емъ и чу́до преесте́ственное зри́мъ на тебѣ́ явле́нное, я́ко бо младе́нецъ бы́въ тѣ́ломъ, му́жъ соверше́нъ терпѣ́ніемъ въ страда́ніи твое́мъ яви́лся еси́. Тѣ́мъ у́бо по́двигъ тво́й стра́стный умо́мъ созерца́юще, воспѣва́емъ Да́вшему ти́ крѣ́пость: Аллилу́ія.

Икосъ 4

Слы́шавше роди́теліе твоя́ отъ насе́льниковъ ве́си Звѣрко́вскія, я́ко ча́до и́хъ на мѣ́стѣ пу́стѣ отъ тріе́хъ днíй бездыха́нно обрѣта́ется, пріидо́ша и кончи́ну твою́ безвре́менну опла́кавше, честно́е тѣ́ло твое́ на церко́вный пого́стъ принесо́ша и бли́зъ це́ркве ве́си тоя́ Звѣрки́ погребо́ша, безчеловѣ́чному жидо́въ злодѣя́нію ку́пно со всѣ́ми единовѣ́рными ужаса́хуся. Мы́ же, дивя́щеся твоему́ терпѣ́нію, восхваля́емъ стра́сти твоя́ и умиле́нно взыва́емъ:

Ра́дуйся, млада́я вѣ́тве, иску́са мірски́хъ сласте́й не вкуси́вшая; ра́дуйся, земны́хъ бла́гъ лише́нный, да небе́сныхъ прича́стникъ яви́шися. Ра́дуйся, шести́ лѣ́тъ отъ жидо́въ погубле́нный; ра́дуйся, въ вѣ́чное Ца́рство всели́выйся. Ра́дуйся, безвре́меннымъ преставле́ніемъ свои́мъ утро́бы отца́ и ма́тере твои́хъ смути́вый; ра́дуйся, я́ко ско́рбь и́хъ въ ра́дость ве́лію премени́ся. Ра́дуйся, я́ко пра́ведникъ яви́лся еси́ Влады́цѣ; ра́дуйся, подража́телю страсте́й Христо́выхъ.

Ра́дуйся, Гавріи́ле, му́чениче Христо́въ и отроча́ чистѣ́йшее.

Конда́къ 5

Богото́чною звѣздо́ю бы́лъ еси́ въ мíрѣ, ча́до блаже́нное Гавріи́ле, блиста́я а́нгельскою чистото́ю, тѣ́мже ны́нѣ сія́еши на небесѣ́хъ сла́вою вѣ́чною съ ли́ки пра́ведникъ, съ ни́миже непреста́нно взыва́емъ Царю́ сла́вы Христу́: Аллилу́ія.

Икосъ 5

Ви́дя равноа́нгельскую чистоту́ се́рдца твоего́, кро́тость и незло́біе, въ ни́хже му́ченически преста́вился еси́, Гавріи́ле, просла́ви тя́ во святы́хъ Свои́хъ Бо́гъ; вои́стинну бо чу́до пресла́вно: по три́десятехъ лѣ́тѣхъ тѣ́ло твое́ нетлѣ́нно обрѣ́теся, исто́чникъ исцѣле́ній всѣ́мъ съ вѣ́рою къ тебѣ́ притека́ющимъ явля́ши. Пріими́ у́бо отъ на́съ похвалу́ сію́:

Ра́дуйся, прія́телище благода́ти; ра́дуйся, нетлѣ́ніемъ моще́й твои́хъ велича́йшія ра́дости на́съ испо́лнивый. Ра́дуйся, исто́чниче чуде́сныхъ исцѣле́ній; ра́дуйся, я́ко Госпо́дь си́лъ на тебѣ́ ди́вная яви́лъ е́сть. Ра́дуйся, невѣ́ріе жидо́въ низложи́вый; ра́дуйся, кро́вію свое́ю правовѣ́ріе утверди́вый. Ра́дуйся, въ ра́дость Го́спода на́шего вше́дый; ра́дуйся, моли́твенниче на́шъ предъ Бо́гомъ.

Ра́дуйся, Гавріи́ле, му́чениче Христо́въ и отроча́ чистѣ́йшее.

Конда́къ 6

Правосла́вная Це́рковь Христо́ва прославля́етъ твоя́, младе́нче Гавріи́ле, стра́сти, ра́ны и му́ки, о Бо́зѣ тобо́ю подъя́тыя, и́хже ра́ди ди́вно просла́ви тя́ Госпо́дь и тѣ́ло твое́ нетлѣ́нно земли́ Бѣлосто́кстѣй яви́, да съ умиле́ніемъ зове́мъ: Аллилу́ія.

Икосъ 6

Возсія́ на́мъ но́вое чу́до, промышле́нія Боже́ственнаго та́йну явля́я, егда́ це́рковь Звѣрко́вская въ пла́мени огня́ поги́бе, оба́че мо́щи твоя́ святы́я подъ спу́домъ ея́ храня́щіяся, неврежде́нны обрѣто́шася. О се́мъ дивя́щеся, вѣ́рою съ чи́стымъ се́рдцемъ возглаша́емъ ти́, просла́вленный младе́нче Гавріи́ле:

Ра́дуйся, испо́лнивый на себѣ́ сло́во Бо́жіе, я́ко храни́тъ Госпо́дь ко́сти пра́ведныхъ; ра́дуйся, утверди́вый сло́во Христа́ Бо́га, я́ко вла́съ главы́ ва́шея не поги́бнетъ. Ра́дуйся, сокро́вище духо́вное, вѣ́рныхъ богатя́щее; ра́дуйся, отра́днымъ упова́ніемъ на спаси́тельная обѣтова́нія на́съ веселя́й. Ра́дуйся, на небеси́ и на земли́ а́нгелы и человѣ́ки досто́йно возлю́бленный; ра́дуйся, моли́твами твои́ми Созда́теля умилостивля́яй. Ра́дуйся, избра́нниче Бо́жій; ра́дуйся, псалти́рю, сла́ву Творца́ возвѣща́яй.

Ра́дуйся, Гавріи́ле, му́чениче Христо́въ и отроча́ чистѣ́йшее.

Конда́къ 7

Хотя́й Человѣколю́бецъ Госпо́дь яви́ти въ тебѣ́ о́бразъ назида́нія человѣ́комъ, показа́ тя, Гавріи́ле, сугу́ба страстоте́рпца, стремле́нія богоху́льникъ сокруша́юща, да и мы́ добродѣ́телемъ твои́мъ, въ ни́хже блиста́еши, поревну́емъ и Ца́рствіе небе́сное наслѣ́димъ, ди́вному въ Свое́мъ промышле́ніи Бо́гу воспѣва́юще: Аллилу́ія.

Икосъ 7

Но́вый свѣти́льникъ пресвѣ́тлый, не подъ спу́домъ сокрыва́емый, но на свѣ́щницѣ Це́ркве Христо́вы поста́вленный и отъ Бо́га просла́вленный яви́лся еси́, свя́те Гавріи́ле, тму́ разсѣява́яй и Христу́ проти́вящіяся богобо́рцы крѣ́пко побѣжда́яй, того́ ра́ди пѣсносло́вимъ тя́ си́це:

Ра́дуйся, мно́ги ско́рби отъ жидо́въ претерпѣ́вый; ра́дуйся, тѣ́хъ зло́бу и кова́рство побѣди́вый. Ра́дуйся, пра́вую вѣ́ру во и́стиннаго въ Тро́ицѣ прославля́емаго Бо́га храни́ти на́съ науча́яй; ра́дуйся, стопы́ на́ша на пу́ть спасе́нія направля́яй. Ра́дуйся, за прободе́ннаго Христа́ Бо́га мно́жество ра́нъ пріе́мый; ра́дуйся, я́ко о Не́мъ на небеси́ прославля́ешися. Ра́дуйся, сла́во правосла́вныхъ люде́й честна́я; ра́дуйся, тобо́ю бо посѣти́ Госпо́дь зе́млю на́шу.

Ра́дуйся, Гавріи́ле, му́чениче Христо́въ и отроча́ чистѣ́йшее.

Конда́къ 8

Стра́нное и пресла́вное зна́меніе благоволе́нія Бо́жія ви́дится на тебѣ́, всѣ́мъ притека́ющимъ къ тебѣ́, Гавріи́ле: да́нною бо тебѣ́ благода́тію съ вѣ́рою прося́щихъ отъ вся́кихъ напа́стей охраня́еши, отъ скорбе́й свобожда́еши и вся́ко проше́ніе съ вѣ́рою приноси́мое исполня́еши, науча́я ди́вному въ чудесѣ́хъ Свои́хъ Бо́гу пѣ́ти: Аллилу́ія.

Икосъ 8

Ве́сь въ я́звахъ, искла́нъ, избоде́нъ и обезкро́вленъ бы́въ, Гавріи́ле, пре́далъ еси́ пра́ведный ду́хъ тво́й въ ру́цѣ Бо́жіи, отъ страда́ній упокоева́яся, жите́йскихъ зо́лъ и печа́лей земны́хъ неприча́стенъ бы́въ. О се́мъ пра́ведномъ въ Бо́зѣ упокое́ніи со умиле́ніемъ воспомина́юще, сія́ прино́симъ тебѣ́ глаго́лы:

Ра́дуйся, непоро́чный во успе́ніи твое́мъ; ра́дуйся, на ло́но Авраа́ма а́нгелы вознесе́нный. Ра́дуйся, во оби́тели ра́йскія со сла́вою воспрія́тый; ра́дуйся, вѣнце́мъ безсме́ртія отъ Го́спода увѣнча́нный. Ра́дуйся, Христа́ Бо́га благíй послѣ́дователю; ра́дуйся, я́ко наслѣ́діе твоего́ младе́нства е́сть Ца́рствіе небе́сное. Ра́дуйся, я́ко всѣ́мъ вѣ́рнымъ воспомина́ніе твое́ пресла́дко; .

Ра́дуйся, Гавріи́ле, му́чениче Христо́въ и отроча́ чистѣ́йшее.

Конда́къ 9

Вся́къ земноро́дный слы́шаніемъ о му́кахъ твои́хъ, кро́ткій младе́нче, умиля́ется и стра́сти твоя́ почита́етъ; Це́рковь же Правосла́вная му́ченическую кончи́ну твою́ прославля́етъ и о и́мени твое́мъ свято́мъ ликовству́етъ, ра́достно пою́щи: Аллилу́ія.

Икосъ 9

Вѣтíи многоглаго́ливіи, очи́ма плотска́го ра́зума смотря́щіи прему́дрость Тво́рческую устрое́нія вселе́нныя, недоумѣва́ютъ, чесо́ ра́ди страда́нія непоро́чныхъ младе́нцевъ быва́ютъ. Мы́ же, та́инству сему́ дивя́щеся, возглаша́емъ ти́, Гавріи́ле свя́те, зову́ще:

Ра́дуйся, я́ко страда́нія твоя́ страда́ніемъ про́чихъ пра́ведникъ равноче́стны; ра́дуйся, я́ко во страда́ніи тѣ́ла за ны́ Страда́вшему сораспя́лся еси́. Ра́дуйся, сія́ніе Тво́рческія Прему́дрости; ра́дуйся, Боже́ственное о земноро́дныхъ произволе́ніе. Ра́дуйся, гла́съ небе́сный, на по́двигъ спасе́нія всѣ́хъ призыва́яй; ра́дуйся, пе́рсте Бо́жій, го́рняя на́мъ указу́яй. Ра́дуйся, я́ко Христу́ Царю́ моли́твы о на́съ прино́сиши; .

Ра́дуйся, Гавріи́ле, му́чениче Христо́въ и отроча́ чистѣ́йшее.

Конда́къ 10

Спасти́ся хотя́щимъ, святы́й му́чениче, страда́ніи свои́ми о́бразъ явля́еши пра́ваго ше́ствія къ Бо́гу, добродѣ́тели и плодо́въ приноше́нія. Наслажда́яся же ны́нѣ небе́сныхъ бла́гъ неизрече́нныхъ, помяни́ и на́съ, здѣ́ на земли́ страда́нія твоя́ восхваля́ющія и Бо́гу пою́щія: Аллилу́ія.

Икосъ 10

Стѣна́ несокруши́ма еси́, Гавріи́ле, всѣ́мъ скорбя́щимъ и напа́ствуемымъ, призыва́ющимъ же тебе́, младе́нче, въ болѣ́зни су́щимъ и ма́теремъ, о ча́дѣхъ свои́хъ скорбя́щимъ, осла́бу и утѣше́ніе предста́тельствомъ твои́мъ подае́ши. Тѣ́мже за вся́ благодѣя́нія, тобо́ю на́мъ явля́емая, благода́рственно восклица́емъ:

Ра́дуйся, храни́телю на́шъ крѣ́пкій; ра́дуйся, засту́пниче на́шъ усе́рдный. Ра́дуйся, младе́нцевъ небе́сный покрови́телю; ра́дуйся, боля́щихъ и неду́жныхъ ча́дъ благíй цѣли́телю. Ра́дуйся, ма́теремъ, и́щущимъ утоле́нія ско́рби о ча́дѣхъ отше́дшихъ, ско́рый утѣ́шителю; ра́дуйся, мяту́щихся по́мыслами умири́телю. Ра́дуйся, чистоты́ душе́вныя назида́телю; ра́дуйся, уго́дниче Бо́жій.

Ра́дуйся, Гавріи́ле, му́чениче Христо́въ и отроча́ чистѣ́йшее.

Конда́къ 11

Пѣ́ніе, е́же прино́симъ ти́, Гавріи́ле, нѣ́сть дово́льно къ похвале́нію пресла́вныхъ во страда́ніи по́двиговъ твои́хъ, оба́че зря́ усе́рдное на́ше произволе́ніе, приноси́мое на́ми пѣ́ніе ми́лостивно пріими́, на́съ же отъ грѣхо́въ и напа́стей свободи́, да чи́стымъ се́рдцемъ зове́мъ Созда́телю на́шему: Аллилу́ія.

Икосъ 11

Свѣ́томъ благода́ти Бо́жія отъ утро́бы ма́тере озаре́нный, нетлѣ́ненъ возше́лъ еси́ къ Тріѵпоста́сному Свѣ́ту, предъ Ни́мъ же хода́тайствуй о на́шемъ просвѣще́ніи, о не́мже моля́ще уми́льно вопіе́мъ ти́:

Ра́дуйся, свѣ́тлый луче́ Трисо́лнечнаго Свѣ́та, оживотворя́ющаго мíръ; ра́дуйся, теплото́ духо́вная, на́шу хла́дность согрѣва́ющая. Ра́дуйся, свѣти́льниче, на́шу темноту́ просвѣща́яй; ра́дуйся, пла́меню, на́съ возгрѣва́яй въ вѣ́рѣ, любви́ и наде́ждѣ. Ра́дуйся, и́щущимъ предста́тельства твоего́ предъ Бо́гомъ благíй споспѣ́шниче; ра́дуйся, я́ко мно́го мо́жетъ моли́тва твоя́ предъ лице́мъ Его́. Ра́дуйся, го́рняго мíра украше́ніе; ра́дуйся, до́льняго мíра похвало́.

Ра́дуйся, Гавріи́ле, му́чениче Христо́въ и отроча́ чистѣ́йшее.

Конда́къ 12

Благода́ть Боже́ственную, никогда́же оскудѣва́ющую, но всегда́ врачу́ющую, испроси́ на́мъ, святы́й уго́дниче Бо́жій, да научи́тъ ны́ подража́ти тебѣ́ въ чистотѣ́ а́нгельстѣй и незло́біи, да напра́витъ сердца́ на́ша къ пла́меннѣй моли́твѣ и покая́нію, да сохрани́тъ неврежде́нны всѣ́хъ, съ любо́вію храня́щихъ за́повѣди Христо́вы, да да́руетъ на́мъ христіа́нскую кончи́ну, да сподо́битъ на небесѣ́хъ узрѣ́ти сла́ву Бо́жію и вы́ну пѣ́ти Пресвятѣ́й Тро́ицѣ: Аллилу́ія.

Икосъ 12

Пое́мъ стра́сти твоя́, Гавріи́ле, сла́вимъ твое́ въ младе́нчестѣмъ тѣлеси́ незло́бивое му́жество, ублажа́емъ па́мять твою́, на тебѣ́ бо яви́ся сла́ва Христо́ва, сла́ва Це́ркве Правосла́вныя. Тѣ́мже любо́вію вопіе́мъ ти́:

Ра́дуйся, же́ртво чи́стая, закла́нная Влады́цѣ о на́съ, земноро́дныхъ; ра́дуйся, просла́вивый Го́спода страда́ньми свои́ми. Ра́дуйся, бла́гъ вѣ́чныхъ наслѣ́дниче; ра́дуйся, гро́зде виногра́да Христо́ва. Ра́дуйся, отъ вра́гъ вся́ческихъ крѣ́пкій на́шъ засту́пниче; ра́дуйся, сла́вы на́мъ вѣ́чныя хода́таю. Ра́дуйся, во́ине Христо́въ добропобѣ́дный; ра́дуйся, младе́нцевъ верхо́вниче и храни́телю.

Ра́дуйся, Гавріи́ле, му́чениче Христо́въ и отроча́ чистѣ́йшее.

Конда́къ 13

О, непоро́чный му́чениче Христо́въ Гавріи́ле, младе́нческаго незло́бія и кро́тости о́бразе пречу́дный! Ма́лаго труда́ сего́ досто́йное пѣ́ніе пріе́мъ, бу́ди на́мъ те́плый моли́твенникъ предъ Го́сподѣмъ, да во дни́ на́ша лука́выя, маловѣ́ріемъ, гнѣ́вомъ и братоненавидѣ́ніемъ обурева́еміи, въ вѣ́рѣ, терпѣ́ніи и любви́ свя́то пребу́демъ. И та́ко все́ житіе́ на́ше преше́дше, вѣ́чнаго муче́нія изба́вимся, и при́сно воспое́мъ Бо́гу: Аллилу́ія.

Се́й конда́къ глаго́лется три́жды. Та́же Икосъ 1-й и Конда́къ 1-й

Моли́тва

Младе́нческаго незло́бія храни́телю и му́ченическаго му́жества носи́телю, Гавріи́ле блаже́нне, страны́ на́шея адама́нте драгоцѣ́нный и іуде́йскаго нече́стія обличи́телю! Къ тебѣ́ мы́, грѣ́шніи, моли́твенно прибѣга́емъ, и о грѣсѣ́хъ свои́хъ сокруша́ющеся, малоду́шія же своего́ стыдя́щеся, любо́вію зове́мъ ти́: на́шихъ скве́рнъ не возгнуша́йся, чистоты́ сы́й сокро́вище, на́шего малоду́шія не омерзи́, долготерпѣ́нія учи́телю, но па́че си́хъ, не́мощи на́ша отъ небе́съ ви́дя, тѣ́хъ исцѣле́ніе на́мъ твое́ю пода́ждь моли́твою, и твоея́ Христу́ вѣ́рности подража́тели на́съ бы́ти научи́. Аще ли терпѣли́вно кре́стъ искуше́ній и злострада́ній понести́ не возмо́жемъ, оба́че и тогда́ ми́лостивыя твоея́ по́мощи не лиши́ на́съ, уго́дниче Бо́жій, но свобо́ду и осла́бу на́мъ у Го́спода испроси́. Та́же и моля́щіяся о ча́дѣхъ свои́хъ ма́тери услы́ши, здра́вію и спасе́нію младе́нцемъ отъ Го́спода пода́тися умоля́яй. Нѣ́сть такова́го жесто́каго се́рдца, е́же слы́шаніемъ о му́кахъ твои́хъ, святы́й младе́нче, не умили́тся, и а́ще кромѣ́ сего́ умиле́ннаго воздыха́нія никоего́же блага́го дѣя́нія принести́ возмо́жемъ, но и таковы́мъ умиле́ннымъ по́мысломъ на́ши умы́ и се́рдце, блаже́нне, просвѣти́въ на исправле́ніе житія́ на́шего, благода́тію Бо́жіею на́съ наста́ви. Вложи́ въ на́съ о спасе́ніи души́ и о сла́вѣ Бо́жіей ре́вность неуста́нную и о ча́сѣ сме́ртнѣмъ па́мять неусы́пную храни́ти помози́ на́мъ. Наипа́че же въ сме́ртнѣмъ успе́ніи на́шемъ терза́нія де́монская и по́мыслы отча́янія отъ ду́шъ на́шихъ предста́тельствомъ твои́мъ отжени́ и сія́ упова́ніемъ Боже́ственнаго проще́нія испо́лни, во е́же и тогда́ и ны́нѣ сла́вити на́мъ милосе́рдіе Отца́ и Сы́на и Свята́го Ду́ха, и твое́ крѣ́пкое заступле́ніе во вѣ́ки вѣко́въ. Ами́нь.

Тропа́рь, гла́съ 5

Свя́те младе́нче Гавріи́ле, ты́ за Прободе́ннаго на́съ ра́ди отъ іуде́й, лю́тѣ отъ тѣ́хже въ ре́бра прободе́нъ бы́лъ еси́, и за Истощи́вшаго кро́вь Свою́ за на́съ, все́ тѣ́ло твое́ на истоще́ніе кро́ве въ лю́тыя я́звы пре́далъ еси́, ны́нѣ же во сла́вѣ вѣ́чной съ Ни́мъ весели́шися. Тѣ́мъ помина́й та́мо и на́съ, мо́лимъ, здѣ́ чту́щихъ тя́, прося́ на́мъ и здра́вія тѣлесе́мъ и спасе́нія душа́мъ на́шимъ.

Конда́къ, гла́съ 6

Оте́чество твое́ Звѣрки́ бы́сть, му́чениче Христо́въ Гавріи́ле, идѣ́же отъ и́стыхъ звѣре́й – іуде́евъ восхище́нъ: а́біе роди́телей лише́нъ еси́, та́же вся́ поря́ду лю́тѣ претерпѣ́въ, въ оте́чество небе́сное преселе́нъ еси́. Восхища́й и на́съ здѣ́ отъ вся́кихъ напа́стей и скорбе́й и умоли́, мо́лимъ тя́, улучи́ти вѣ́чное наслѣ́діе твое́.

Велича́ніе

Велича́емъ тя́, страстоте́рпче святы́й младе́нче Гавріи́ле, и чте́мъ честна́я страда́нія твоя́, я́же за Христа́ претерпѣ́лъ еси́.

Память: 03 мая (20 апреля ст. ст.)

Краткое житие мученика младенца Гавриила Белостокского, Слуцкого

Ро­дил­ся 22 мар­та 1684 г. в де­ревне Звер­ки Бе­ло­сток­ско­го уез­да Грод­нен­ской гу­бер­нии, в се­мье бла­го­че­сти­вых кре­стьян Пет­ра и Ана­ста­сии. Он рос крот­ким, незло­би­вым, за­мет­на бы­ла в нем склон­ность к со­зер­ца­тель­но­му уеди­не­нию. В 1690 г. 11 ап­ре­ля мать ше­сти­лет­не­го Гав­ри­и­ла по­нес­ла му­жу обед в по­ле. Вско­ре при­бли­жал­ся празд­ник Свя­той Пас­хи. В это вре­мя в дом за­брал­ся арен­да­тор-ев­рей, при­лас­кал ди­тя и тай­но увез его в г. Бе­ло­сток, где мла­ден­ца пре­да­ли му­че­ни­ям: рас­пя­ли, про­ко­ло­ли бо­ка, по­сте­пен­но ис­пус­кая кровь. На де­вя­тый день ре­бе­нок скон­чал­ся, его бро­си­ли в по­ле у опуш­ки ле­са близ де­рев­ни Звер­ки. Го­лод­ные со­ба­ки, на­шед­шие те­ло, не толь­ко не рас­тер­за­ли его, но охра­ня­ли да­же от хищ­ных птиц. На до­но­сив­ший­ся лай со­бак при­шли жи­те­ли де­рев­ни, на­шли те­ло му­че­ни­ка и при­зна­ли, что мла­де­нец по­гиб в ре­зуль­та­те ри­ту­аль­но­го убий­ства. Те­ло за­му­чен­но­го Гав­ри­и­ла при боль­шом сте­че­нии на­ро­да, глу­бо­ко взвол­но­ван­но­го по­доб­ным звер­ством, пре­да­но бы­ло зем­ле близ хра­ма.

Через 30 лет по­сле по­гре­бе­ния мо­щи св. Гав­ри­и­ла оста­ва­лись нетлен­ны­ми. В 1746 г. храм, в ко­то­ром был по­гре­бен мла­де­нец, сго­рел, но свя­тые мо­щи уце­ле­ли. Ча­стич­но об­го­ре­ла руч­ка, но ко­гда свя­тые мо­щи бы­ли пе­ре­не­се­ны в мо­на­стырь, руч­ка чу­дес­но за­жи­ла и вновь по­кры­лась ко­жей.

Св. Гав­ри­ил счи­та­ет­ся це­ли­те­лем де­тей. Свя­тые мо­щи его несколь­ко раз ме­ня­ли ме­сто сво­е­го пре­бы­ва­ния. С 1944 по 1992 гг. они хра­ни­лись в Грод­нен­ской По­кров­ской церк­ви, от­ку­да тор­же­ствен­но бы­ли пе­ре­не­се­ны в Свя­то-Ни­коль­ский со­бор г. Бе­ло­сто­ка.

Полное житие мученика младенца Гавриила Белостокского, Слуцкого

В сон­ме ис­чис­ли­мых лишь толь­ко Гос­по­дом свя­тых пра­во­слав­ной церк­ви мы на­хо­дим име­на мно­же­ства му­че­ни­ков, доб­ро­воль­но при­нес­ших се­бя в «жерт­ву жи­вую». Это они, пре­бы­вая в го­тов­но­сти быть все­це­ло пре­дан­ны­ми Хри­сту да­же до смер­ти, му­че­ни­че­ски сви­де­тель­ство­ва­ли о Том, Кто есть «путь и ис­ти­на и жизнь» (Ин.14,6), о непре­хо­дя­щей цен­но­сти жиз­ни во Хри­сте и со Хри­стом.
Сре­ди му­че­ни­ков всех вре­мен опре­де­лен­ное ме­сто в пра­во­слав­ном ка­лен­да­ре за­ни­ма­ют де­ти. На­чи­ная со вре­мен му­че­ни­ков Мак­ка­вей­ских и 14 ты­сяч мла­ден­цев, ис­треб­лен­ных Иро­дом в Виф­ле­е­ме, пра­во­слав­ное бла­го­че­стие с осо­бой лю­бо­вью от­но­сит­ся имен­но к де­тям, став­шим жерт­ва­ми вне­зап­ной на­силь­ствен­ной смер­ти. В их слу­чае жерт­вен­ная смерть со­еди­ня­лась с чи­сто­тою их невин­но­сти. Тем са­мым еще не со­всем зре­лые в физи­че­ском смыс­ле от­ро­ки и мла­ден­цы ста­но­ви­лись ис­тин­ной «со­лью зем­ли» и «све­том ми­ра» (Мф.5,13-14).
От­сю­да при­чис­ле­ние мно­гих мла­ден­цев и от­ро­ков, за­му­чен­ных за ве­ру от языч­ни­ков в пер­вые ве­ка хри­сти­ан­ства, а так­же в даль­ней­шем по­стра­дав­ших от ино­вер­ных, ино­слав­ных и ате­и­стов, к ли­ку свя­тых. От­сю­да и на­род­ное по­чи­та­ние и в даль­ней­шем при­чис­ле­ние к ли­ку свя­тых му­че­ни­ка мла­ден­ца Гав­ри­и­ла, на­зван­но­го Бе­ло­сток­ским, За­блу­дов­ским и Слуц­ким.
Лич­ность свя­то­го мла­ден­ца Гав­ри­и­ла яв­ля­ет­ся об­ра­зом совре­мен­но­го му­че­ни­че­ства. Он не про­сто стра­да­ет пе­ред су­дом языч­ни­ков или ере­ти­ков за ис­по­ве­да­ние ве­ры, но стра­да­ет без­вин­но и уми­ра­ет, не со­про­тив­ля­ясь злу, чтобы та­ким об­ра­зом по­сле­до­вать при­ме­ру Хри­ста. Он – от­ро­ча чи­стей­шее (как по­ет­ся в ака­фи­сте), плод спо­кой­ной и да­же ра­дост­ной го­тов­но­сти тер­петь стра­да­ния «да­же до кро­ве» за По­стра­дав­ше­го нас ра­ди. Вме­сте с зем­ной му­че­ни­че­ской кон­чи­ной мла­ден­ца Гав­ри­и­ла и од­новре­мен­ным его рож­де­ни­ем для но­вой, луч­шей жиз­ни мы по­лу­чи­ли осо­бен­но­го хо­да­тая за нас, греш­ных, пе­ред пре­сто­лом Все­выш­не­го.
Му­че­ник мла­де­нец Гав­ри­ил ро­дил­ся, жил и по­стра­дал на тер­ри­то­рии ны­неш­ней Поль­ши. По­это­му Поль­ская Пра­во­слав­ная Цер­ковь от­но­сит­ся к нему с осо­бен­ным по­чи­та­ни­ем. В его честь стро­ят­ся пра­во­слав­ные хра­мы, он яв­ля­ет­ся небес­ным по­кро­ви­те­лем Брат­ства Пра­во­слав­ной мо­ло­де­жи в Поль­ше, а так­же счи­та­ет­ся осо­бен­ным це­ли­те­лем де­тей. По­сле ис­то­ри­че­ски обу­слов­лен­ных взле­тов и па­де­ний в по­чи­та­нии свя­то­го му­че­ни­ка в на­сто­я­щее вре­мя его па­мять от­ме­ча­ет­ся так­же все­ми Пра­во­слав­ны­ми Церк­ва­ми.
Свя­той му­че­ник мла­де­нец Гав­ри­ил Бе­ло­сток­ский (За­блу­дов­ский, Слуц­кий) ро­дил­ся 22 мар­та 1684 го­да в се­ле Звер­ки За­блу­дов­ско­го при­хо­да Бе­ло­сток­ско­го уез­да Грод­нен­ской гу­бер­нии. Был он сы­ном бла­го­че­сти­вых кре­стьян Пет­ра и Ана­ста­сии Го­в­дель. Кре­сти­ли его с име­нем свя­то­го Ар­хан­ге­ла Гав­ри­и­ла в хра­ме то­гдаш­не­го Свя­то-Успен­ско­го За­блу­дов­ско­го мо­на­сты­ря, од­ной из немно­гих оби­те­лей в этой ча­сти Ре­чи Поспо­ли­той, со­хра­нив­шей в то вре­мя вер­ность пра­во­сла­вию.
Мла­де­нец Гав­ри­ил от­ли­чал­ся от дру­гих де­тей необыч­ны­ми для его воз­рас­та ка­че­ства­ми ду­ши. Он рос ре­бен­ком крот­ким и незло­би­вым. В нем бы­ла за­мет­на склон­ность к мо­лит­ве и уеди­не­нию, чем к дет­ским уве­се­ле­ни­ям и иг­рам. Его ро­ди­те­ли, несмот­ря на при­тес­не­ния, ко­то­рым под­вер­га­лись то­гда пра­во­слав­ные Ре­чи Поспо­ли­той, не же­лав­шие при­ни­мать Брест­скую унию, свя­то хра­ни­ли пра­во­слав­ную ве­ру. Боль­шое вли­я­ние на свя­то­го мла­ден­ца Гав­ри­и­ла ока­зы­ва­ла бли­зость мо­на­сты­ря, в ко­то­ром во вре­мя бо­го­слу­же­ний он ду­хов­но со­зрел, учил­ся мо­лит­ве и по­зна­вал Бо­га.
В 1690 го­ду се­мью Го­в­дель по­стиг­ло ве­ли­кое го­ре. Невин­ный маль­чик стал жерт­вой изу­вер­ства. 11 ап­ре­ля, ко­гда мать ше­сти­лет­не­го Гав­ри­и­ла по­нес­ла му­жу обед в по­ле, в дом за­брал­ся арен­да­тор де­рев­ни Шут­ко. Он при­лас­кал ди­тя и тай­но увез его в Бе­ло­сток, где мла­ден­ца пре­да­ли му­че­ни­ям. Сна­ча­ла его по­са­ди­ли в под­вал, где при по­мо­щи ост­рых ору­дий про­ткну­ли ему бок для вы­пус­ка­ния кро­ви. По­сле это­го му­че­ник был рас­пят на кре­сте, уста­нов­лен­ном в ко­ры­те, и ис­ко­лот ост­ры­ми ору­ди­я­ми для вы­пус­ка­ния остат­ков кро­ви. На де­вя­тый день ре­бе­нок скон­чал­ся.
Па­ла­чи тай­но вы­вез­ли без­ды­хан­ное те­ло в по­ле и бро­си­ли у опуш­ки ле­са вбли­зи се­ла Звер­ки. При­бли­жал­ся празд­ник Свя­той Пас­хи. К те­лу при­бе­га­ли го­лод­ные со­ба­ки, над ним кру­жи­лись хищ­ные пти­цы, но со­ба­ки не толь­ко не рас­тер­за­ли его, но да­же охра­ня­ли те­ло от птиц. На до­но­сив­ший­ся лай со­шлись жи­те­ли се­ла и об­на­ру­жи­ли жерт­ву изу­вер­ства. Изу­ве­ры бы­ли най­де­ны и на­ка­за­ны, а в ме­му­а­рах го­род­ско­го За­блу­дов­ско­го прав­ле­ния остав­ле­на со­от­вет­ству­ю­щая за­пись.
При сте­че­нии на­ро­да, глу­бо­ко взвол­но­ван­но­го по­доб­ным звер­ством, те­ло за­му­чен­но­го мла­ден­ца Гав­ри­и­ла бы­ло пре­да­но зем­ле близ клад­би­щен­ско­го хра­ма в Звер­ках, где и про­бы­ло око­ло 30 лет.
В на­ча­ле 18 ве­ка по всей тер­ри­то­рии Бе­ло­сток­ско­го уез­да про­шел мор. Лю­дей ед­ва успе­ва­ли хо­ро­нить. В се­ле Звер­ки умер­ших де­тей ста­ра­лись хо­ро­нить по­бли­же к мо­ги­ле мла­ден­ца Гав­ри­и­ла, чув­ствуя необыч­ную бла­го­дать это­го ме­ста. Од­на­жды в 1720 го­ду во вре­мя по­гре­бе­ния слу­чай­но за­де­ли гроб му­че­ни­ка. К ве­ли­чай­ше­му удив­ле­нию, его те­ло об­на­ру­жи­ли нетлен­ным. Весть об этом мол­ние­нос­но раз­нес­лась сре­ди пра­во­слав­но ве­ру­ю­ще­го на­ро­да, уси­ли­вая по­чи­та­ние му­че­ни­ка. Пре­да­ние свя­зы­ва­ет с этим со­бы­ти­ем мно­гие ис­це­ле­ния, про­ис­шед­шие у мо­ги­лы свя­то­го, и окон­ча­ние эпи­де­мии, что по­слу­жи­ло по­во­дом для по­чи­та­ния му­че­ни­ка. Об­ре­тен­ные мо­щи бла­го­го­вей­но пе­ре­нес­ли в крип­ту под хра­мом в се­ле Звер­ки.
В 1746 го­ду сго­ре­ла сель­ская цер­ковь в Звер­ках, но мо­щи оста­лись непо­вре­жден­ны­ми. Ча­стич­но об­го­ре­ла толь­ко руч­ка, да и то, несо­мнен­но, про­изо­шло со­глас­но Бо­жию про­мыс­лу, ра­ди укреп­ле­ния ве­ры и бла­го­че­стия в пра­во­слав­ном на­ро­де. Ко­гда свя­тые мо­щи бы­ли пе­ре­не­се­ны в За­блу­дов­ский мо­на­стырь, руч­ка чу­дес­но за­жи­ла и вновь по­кры­лась ко­жей.
В 1752 го­ду ар­хи­манд­рит Слуц­ко­го мо­на­сты­ря До­си­фей (Го­ля­хов­ский), на­мест­ник Ки­ев­ско­го мит­ро­по­ли­та, со­ста­вил тро­парь и кондак мла­ден­цу.
9 мая 1755 го­да вви­ду на­пря­жен­ной об­ста­нов­ки, вы­зван­ной внеш­ни­ми об­сто­я­тель­ства­ми и недоб­ро­же­ла­тель­но­стью ино­слав­но­го на­се­ле­ния, по бла­го­сло­ве­нию Ки­ев­ско­го мит­ро­по­ли­та ар­хи­манд­рит Ми­ха­ил (Ко­за­чин­ский) пе­ре­нес мо­щи свя­то­го му­че­ни­ка мла­ден­ца Гав­ри­и­ла в Слуц­кий Свя­то-Тро­иц­кий мо­на­стырь Мин­ской гу­бер­нии и со­ста­вил сти­хо­твор­ную по­весть о мла­ден­це му­че­ни­ке Гав­ри­и­ле. Крест­ный ход со свя­ты­ми мо­ща­ми, ко­то­рые в ра­ке нес­ли на ру­ках, ве­ли­че­ствен­но про­ше­ство­вал бо­лее 300 верст. Мо­щи мла­ден­ца му­че­ни­ка Гав­ри­и­ла ле­жа­ли в ра­ке со­вер­шен­но от­кры­ты­ми. Обе руч­ки мла­ден­ца дер­жа­ли ма­лень­кий на­перс­ный крест. Паль­цы ис­ко­ло­ты, на те­ле рва­ные ра­ны.
В 1820 го­ду мла­де­нец Гав­ри­ил был при­чис­лен к ли­ку свя­тых Рус­ской Пра­во­слав­ной Цер­ко­вью.
Вме­сте с воз­рас­та­ю­щей сла­вой мла­ден­ца му­че­ни­ка Гав­ри­и­ла и рас­ши­ря­ю­щим­ся его по­чи­та­ни­ем пра­во­слав­ные хри­сти­ане ста­ра­лись осо­бым об­ра­зом укра­сить ра­ку с его свя­ты­ми мо­ща­ми. В 1897 го­ду на доб­ро­воль­ные по­жерт­во­ва­ния бы­ла из­го­тов­ле­на но­вая се­реб­ря­ная ра­ка.
В 1908 го­ду в ти­по­гра­фии Успен­ской По­ча­ев­ской Лав­ры бы­ла на­пе­ча­та­на служ­ба свя­то­му му­че­ни­ку мла­ден­цу Гав­ри­и­лу, со­став­лен­ная ар­хи­епи­ско­пом Во­лын­ским и Жи­то­мир­ским Ан­то­ни­ем (Хра­по­виц­ким).
В том же го­ду епи­скоп Грод­нен­ский и Брест­ский Ми­ха­ил вме­сте с епи­ско­пом Бе­ло­сток­ским Вла­ди­ми­ром при­ня­ли ре­ше­ние пе­ре­не­сти из Слуц­ка часть мо­щей свя­то­го му­че­ни­ка мла­ден­ца Гав­ри­и­ла в го­род Бе­ло­сток.
Пе­ре­не­се­ние кре­ста и мо­ще­ви­ка, в ко­то­ром до 1897 го­да по­чи­ва­ли мо­щи свя­то­го му­че­ни­ка, на­ча­лось 31 мая. Свя­ты­ни бы­ли пе­ре­не­се­ны из го­ро­да Слуц­ка в Жи­ро­виц­кий мо­на­стырь Успе­ния Бо­жи­ей Ма­те­ри. С 1 по 12 июня через де­рев­ни Ялув­ка, Но­вая Во­ля, По­ло­та, За­блу­дов, Звер­ки и Дой­ли­ды свя­тые мо­щи бы­ли пе­ре­не­се­ны из Жи­ро­виц­ко­го мо­на­сты­ря в Бе­ло­сток. Та­ким об­ра­зом, по­чти через 150 лет свя­ты­ня вер­ну­лась на свою от­чиз­ну.
Ча­сти­ца свя­тых мо­щей му­че­ни­ка мла­ден­ца Гав­ри­и­ла на­хо­ди­лась в Свя­то-Ни­коль­ском ка­фед­раль­ном со­бо­ре го­ро­да Бе­ло­сто­ка до 1912 го­да, по­ка не бы­ла пе­ре­не­се­на в Бла­го­ве­щен­ский мо­на­стырь в Су­п­рас­ле.
В Слуц­ке, где оста­лись мо­щи, на­хо­ди­лась спе­ци­аль­ная кни­га, в ко­то­рой за­пи­сы­ва­лись из­вест­ные ду­хов­ным и го­судар­ствен­ным вла­стям чу­дес­ные слу­чаи, свя­зан­ные с на­хо­дя­щи­ми­ся там мо­ща­ми свя­то­го му­че­ни­ка мла­ден­ца Гав­ри­и­ла. Все­на­род­ное по­чи­та­ние му­че­ни­ка мла­ден­ца Гав­ри­и­ла уста­но­ви­лось по всей Рос­сий­ской Им­пе­рии. В день па­мя­ти свя­то­го к ме­сту его упо­ко­е­ния со всей стра­ны со­би­ра­лись ты­ся­чи па­лом­ни­ков.
В 1915 го­ду во вре­мя Пер­вой ми­ро­вой вой­ны епи­скоп Бе­ло­сток­ский Вла­ди­мир вы­вез де­ре­вян­ную ра­ку с ча­сти­цей свя­тых мо­щей му­че­ни­ка мла­ден­ца Гав­ри­и­ла в Моск­ву и вре­мен­но по­ме­стил в По­кров­ском Со­бо­ре на Крас­ной пло­ща­ди.
По­сле ок­тябрь­ско­го пе­ре­во­ро­та 1917 го­да в Рос­сии на­ча­лись кро­ва­вые го­не­ния на пра­во­слав­ных.
Вра­гам Хри­ста ме­ша­ла па­мять об упо­до­бив­шем­ся Ему мла­ден­це. Так, за­щи­щав­ший его па­мять от по­ру­га­ния свя­щен­но­му­че­ник Иоанн Вос­тор­гов, на­сто­я­тель мос­ков­ско­го По­кров­ско­го со­бо­ра на Крас­ной пло­ща­ди, при­вле­кал­ся боль­ше­ви­ка­ми в ка­че­стве об­ви­ня­е­мо­го и впо­след­ствии был рас­стре­лян.
Ре­ше­ни­ем Со­ве­та На­род­ных Ко­мис­са­ров от 29 июля 1920 го­да бы­ло по­ста­нов­ле­но: «пла­но­во и по­сле­до­ва­тель­но пре­про­во­дить на тер­ри­то­рии пол­ную лик­ви­да­цию мо­щей…». Это рас­по­ря­же­ние не обо­шло и свя­тые мо­щи му­че­ни­ка мла­ден­ца Гав­ри­и­ла.
В 30-х го­дах Тро­иц­кий Слуц­кий мо­на­стырь, где до сих пор хра­ни­лись мо­щи, был за­крыт, а свя­тые мо­щи му­че­ни­ка пе­ре­не­се­ны в му­зей ате­из­ма в Мин­ске.
Во вре­мя Вто­рой ми­ро­вой вой­ны ре­прес­сии ста­ли сла­беть, и в 1942 го­ду в ха­о­се во­ен­ной нераз­бе­ри­хи пра­во­слав­ным жи­те­лям Мин­ска уда­лось по­ме­стить свя­тые мо­щи му­че­ни­ка мла­ден­ца Гав­ри­и­ла в де­ре­вян­ную ра­ку в ка­фед­раль­ном со­бо­ре Пре­об­ра­же­ния Гос­под­ня в Мин­ске,на­сто­я­те­лем ко­то­ро­го был мит­ро­по­лит Пан­те­ле­и­мон (Рож­нов­ский).
В 1943 го­ду из­ве­стие о на­хож­де­нии свя­тых мо­щей в мин­ском со­бо­ре до­шло до на­сто­я­те­ля церк­ви Рож­де­ства Пре­свя­той Бо­го­ро­ди­цы в се­ле­нии Свис­ло­чи от­ца Алеския Зноско. Отец Алек­сий за ко­рот­кое вре­мя на­пи­сал ака­фист свя­то­му му­че­ни­ку Гав­ри­и­лу, ис­поль­зуя бо­лее 40 ака­фи­стов, ко­то­рые слу­жи­ли ему об­раз­цом. Ака­фист был утвер­жден цер­ков­ной вла­стью в 1943–1944 го­дах и вве­ден в цер­ков­ное упо­треб­ле­ние.
9–10 июля 1944 го­да свя­тые мо­щи бы­ли пе­ре­не­се­ны из Мин­ска в Грод­но, в цер­ковь По­кро­ва Бо­жи­ей Ма­те­ри, где они и на­хо­ди­лись до 21 сен­тяб­ря 1992 го­да.
По­сле­во­ен­ная судь­ба этой свя­ты­ни по­кры­та за­ве­сой тай­ны. Свя­тые мо­щи на про­тя­же­нии по­след­них несколь­ких де­сят­ков лет на­хо­ди­лись в под­зе­ме­льях грод­нен­ской церк­ви вда­ле­ке от тех, кто мог бы осквер­нить их. Свя­тые мо­щи на­хо­ди­лись во влаж­ном под­валь­ном по­ме­ще­нии в крайне небла­го­при­ят­ных усло­ви­ях. Од­на­ко они не по­стра­да­ли, что в оче­ред­ной раз сви­де­тель­ству­ет об их свя­то­сти.
21–22 сен­тяб­ря 1992 го­да по бла­го­сло­ве­нию ар­хи­епи­ско­пов Грод­нен­ско­го и Вол­ко­выс­ско­го Ва­лен­ти­на и Бе­ло­сток­ско­го и Гдан­ско­го Сав­вы (ныне мит­ро­по­ли­та Вар­шав­ско­го и всея Поль­ши) свя­тые мо­щи бы­ли пе­ре­не­се­ны пер­вым, на­чи­ная с 1944 го­да, крест­ным хо­дом из грод­нен­ской церк­ви Рож­де­ства Пре­свя­той Бо­го­ро­ди­цы, где они хра­ни­лись, в Свя­то-Ни­ко­ла­ев­ский со­бор г. Бе­ло­сто­ка. На бе­ло­рус­ско-поль­ской гра­ни­це их встре­ча­ло несколь­ко ты­сяч ве­ру­ю­щих, ко­то­рые со­про­вож­да­ли мо­щи до са­мо­го Бе­ло­сто­ка через все го­ро­да и се­ла. Мо­щи мла­ден­ца му­че­ни­ка Гав­ри­и­ла пе­ре­во­зи­лись на ав­то­мо­би­ле в ду­бо­вой ра­ке. По пу­ти сле­до­ва­ния ве­ру­ю­щие осы­па­ли ее цве­та­ми. В каж­дом го­ро­де или де­ревне, где есть храм, де­ла­ли оста­нов­ку. Свя­тые мо­щи вно­си­лись с крест­ным хо­дом в храм, где слу­жи­лись мо­леб­ны и ака­фи­сты. Ве­ру­ю­щие при­кла­ды­ва­лись к свя­тыне, оста­ва­ясь на ночь в хра­ме для мо­лит­вы пе­ред свя­ты­ми мо­ща­ми мла­ден­ца Гав­ри­и­ла.
В са­мом Бе­ло­сто­ке свя­тые мо­щи встре­ти­ли на окра­ине го­ро­да и про­нес­ли по глав­ным ули­цам крест­ным хо­дом в Ни­ко­ла­ев­ский со­бор. Крест­ный ход про­дол­жал­ся око­ло трех ча­сов. В нем участ­во­ва­ло око­ло 60 ты­сяч че­ло­век. Дви­же­ние транс­пор­та по ули­цам бы­ло оста­нов­ле­но. Крест­ный ход встре­ча­ли да­же пред­ста­ви­те­ли свет­ских вла­стей.
Бо­го­слу­же­ние в Ни­ко­ла­ев­ском со­бо­ре про­дол­жа­лось всю ночь. Утром 27 сен­тяб­ря бы­ла так­же от­слу­же­на Бо­же­ствен­ная ли­тур­гия. По­сле нее свя­тые мо­щи мла­ден­ца му­че­ни­ка Гав­ри­и­ла об­нес­ли крест­ным хо­дом во­круг хра­ма и по­ме­сти­ли в пра­вом при­де­ле со­бо­ра. Еже­не­дель­но по втор­ни­кам пе­ред ра­кой со свя­ты­ми мо­ща­ми чи­та­ет­ся ака­фист му­че­ни­ку Гав­ри­и­лу. В Поль­ше му­че­ник мла­де­нец Гав­ри­ил по­чи­та­ет­ся пра­во­слав­ны­ми как по­кро­ви­тель де­тей и мо­ло­де­жи.
С 1993 го­да еже­год­но 2–3 мая по но­во­му сти­лю мо­щи мла­ден­ца Гав­ри­и­ла пе­ре­но­сят­ся из Бе­ло­сто­ка в За­блу­дов, где при от­кры­той ра­ке ве­ру­ю­щие про­во­дят всю ночь на бо­го­слу­же­нии. Мо­щи при­во­зят на ав­то­мо­би­ле до окра­и­ны За­блу­до­ва и от­ту­да на ру­ках ве­ру­ю­щие несут их в за­блу­дов­ский храм. По слу­чаю празд­ни­ка 2 мая из Бе­ло­сто­ка вы­хо­дит па­лом­ни­че­ский крест­ный ход в За­блу­дов.
Па­мять му­че­ни­ка мла­ден­ца Гав­ри­и­ла от­ме­ча­ет­ся: 20 ап­ре­ля/3 мая (в го­дов­щи­ну его му­че­ни­че­ской кон­чи­ны), в 3-ю Неде­лю по Пя­ти­де­сят­ни­це (со­бор Бе­ло­рус­ских свя­тых), а в Поль­ской Ав­то­ке­фаль­ной Пра­во­слав­ной Церк­ви так­же 9/22 сен­тяб­ря (в го­дов­щи­ну об­ре­те­ния и пе­ре­не­се­ния его мо­щей из Грод­но в Бе­ло­сток). В про­шлом его па­мять от­ме­ча­лась так­же в День Свя­то­го Ду­ха.

Оценка 4 проголосовавших: 4
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here