Акафист покрову богородице

Детально: акафист покрову богородице - со всех открытых источников и разных уголков мира на сайте 1000-molitv.ru для наших уважаемых читателей.

Оглавление [Показать]

Одобрен: до 1901 года.

Для корректного отображения содержимого страницы необходимо включить JavaScript или воспользоваться браузером с поддержкой JavaScript.

Память: 14 октября (01 октября ст. ст.)

Утвержден для общецерковного использования.

  • Гражданский
  • Дореформенный
  • Церковнославянский
  • Файлы
  • Житие
  • Иконы
  • Аудио

Конда́к 1.

Избра́нней предве́чным Царе́м, превы́шшей вся́каго созда́ния, небесе́ и земли́ Цари́це, прише́дшей иногда́ во Влахе́рнскую це́рковь на моли́тву, досто́йное поклоне́ние с благодаре́нием принося́ще, я́ко во тме́ су́щии, под Тво́й светя́щийся омофо́р с ве́рою и умиле́нием прибега́ем. Ты́ же, я́ко иму́щи держа́ву непобеди́мую, от вся́ких на́с бе́д свобожда́й, да зове́м Ти́:

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

И́кос 1.

Арха́нгел и а́нгел мно́жество, с Предте́чею, Богосло́вом и все́х святы́х ли́ком сопредста́ша Тебе́, Цари́це свое́й, в це́ркви Влахе́рнстей и, умиле́нная моле́ния Твоя́ о все́м ми́ре слы́шавше, со удивле́нием возопи́ша такова́я:

Ра́дуйся, Бо́га Отца́ безнача́льнаго предве́чное благоволе́ние; ра́дуйся, Бо́га Сы́на безле́тнаго пречи́стое вмести́лище.

Ра́дуйся, Бо́га Ду́ха Всесвята́го избра́нное жили́ще; ра́дуйся, го́рних чино́в а́нгельских непрестаю́щее удивле́ние.

Ра́дуйся, те́мных си́л а́дских всегро́зное устраше́ние; ра́дуйся, Ю́же на возду́се срета́ют многоочи́тии херуви́ми.

Ра́дуйся, Е́йже похва́льная воспису́ют шестокрила́тии серафи́ми; ра́дуйся, Ея́же преблаго́му покро́ву и мы́, земноро́днии, благода́рне покланя́емся.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 2.

Ви́девше Тя́ святы́й Андре́й со Епифа́нием в це́ркви на возду́се за христиа́ны Бо́гу моля́щуюся, позна́ша, я́ко Ма́терь еси́ возне́сшагося на не́бо Христа́ Бо́га на́шего, и, припа́дше на зе́млю, ра́достно покланя́хуся всеблаго́му покро́ву Твоему́, зову́ще: Аллилу́иа.

И́кос 2.

Ра́зум недоразумева́емый еси́, Богоро́дице Де́во, в защище́нии люде́й правосла́вных, сего́ ра́ди врази́ на́ши и не познаю́т, ко́ль сильна́ е́сть моли́тва Бо́жия Ма́тере. Мы́ же, о Твое́м всемо́щнем заступле́нии до́бре ве́дуще, си́це к Тебе́ со умиле́нием зове́м:

Ра́дуйся, премилосе́рдая уте́шительнице все́х скорбя́щих и обремене́нных; ра́дуйся, неусыпа́ющая наста́внице все́х заблу́ждших и ослепле́нных.

Ра́дуйся, пра́ведно дви́жимый гне́в Бо́жий на на́с Твои́м моле́нием ско́ро утоля́ющая; ра́дуйся, злы́я стра́сти на́ша всемо́щным манове́нием укроща́ющая.

Ра́дуйся, кре́пкое возбужде́ние спя́щих со́вестей; ра́дуйся, нетру́дное преодоле́ние беззако́нных на́выков.

Ра́дуйся, Ея́же ра́ди а́д стене́т и ду́си зло́бы трепе́щут; ра́дуйся, Ея́же ра́ди врата́ рая́ все́м на́м отверза́ются.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 3.

Си́ла Вы́шняго осеня́ет с ве́рою и благогове́нием прибега́ющих к Твоему́ всечестно́му покро́ву: еди́ней бо то́чию Тебе́, Пресвяте́й и Пречи́стей Ма́тери Бо́жией, даде́ся, да вся́кое проше́ние Твое́ испо́лнится. Те́м у́бо вся́к во́зраст ве́рных славосло́вит Тя́ и Сы́на Твоего́, зову́щь: Аллилу́иа.

И́кос 3.

Иму́щи бога́тство милосе́рдия неоску́дное, все́м конце́м земли́ простира́еши ру́ку по́мощи, Влады́чице: боля́щим — исцеле́ние, стра́ждущим — осла́бу, слепы́м — прозре́ние и все́м вся́, по коего́ждо потре́бе подае́ши, благода́рне вопию́щим:

Ра́дуйся, правосла́вия несокруши́мая кре́посте и огра́до; ра́дуйся, святы́х хра́мов и олтаре́й пе́рвейшее украше́ние.

Ра́дуйся, благоче́стия верне́йшее огражде́ние; ра́дуйся, благосе́рдых градоправи́телей неусыпа́ющая споспе́шнице.

Ра́дуйся, непобеди́мая воево́до вожде́й и во́инств христиа́нских; ра́дуйся, свято́е зерца́ло пра́вды судия́м немздоприи́мным.

Ра́дуйся, соверше́нный ра́зуме наста́вников и детоводи́телей; ра́дуйся, благослове́ние домо́в и семе́йств благочести́вых.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 4.

Бу́рею мно́гих бе́д одержи́мым на́м помога́еши, Влады́чице: стои́ши бо пред лице́м олтаря́ Госпо́дня, воздви́гши ру́це Твои́ и мо́лишися, я́ко да на́шу недосто́йную моли́тву при́зрит Госпо́дь, Ца́рь сла́вы, и послу́шает проше́ния призыва́ющих и́мя Твое́ свято́е, к Сы́ну же Твоему́ зову́щих: Аллилу́иа.

И́кос 4.

Услы́ша Госпо́дь Бо́г Иису́са Нави́на моля́щася, и повелева́юща со́лнцу ста́ти, до́ндеже отмсти́т враго́м. Слы́шит и Твоя́ ны́не моле́ния Госпо́дь Иису́с, избра́нная пала́то Ду́ха Свята́го. Те́мже и мы́, гре́шнии, на Тво́й наде́ющеся покро́в, Тебе́, я́ко Бо́жией Ма́тери, глаго́лати дерза́ем:

Ра́дуйся, от Со́лнца мы́сленнаго озаре́нная и на́с све́том незаходи́мым просвеща́ющая; ра́дуйся, сия́нием пречи́стыя души́ Твоея́ всю́ зе́млю просвети́вшая.

Ра́дуйся, чистото́ю телесе́ Твоего́ вся́ небеса́ возвесели́вшая; ра́дуйся, святы́х оби́телей Христо́вых покро́в и снабде́ние.

Ра́дуйся, ве́рных па́стырей Це́ркве бо́дрость и вразумле́ние; ра́дуйся, богобоя́зненных и́ноков и и́нокинь наста́внице.

Ра́дуйся, невозмуща́емое успокое́ние благогове́йных ста́рцев; ра́дуйся, та́йное весе́лие чи́стых де́в и вдови́ц.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 5.

Богови́дец Моисе́й во ополче́нии иногда́ на Амали́ка, егда́ ру́це воздвиза́ше, Изра́иль одолева́ше, егда́ же ру́це низпуща́ше, тогда́ Амали́к побежда́ше, поддержа́щими же его́ укрепле́н, победи́ врага́. Ты́ же, о Богома́ти, возде́вши ру́це Твои́ на умоле́ние, а́ще и ники́мже поддержи́ма, всегда́ побежда́еши враги́ христиа́нския, и на́м щи́т еси́ непобеди́м, вопию́щим: Аллилу́иа.

И́кос 5.

Ви́девше Тя́ святы́х собо́ри на возду́се в це́ркви Влахе́рнстей, моле́бнии ру́це к Сы́ну и Бо́гу простира́ющую, ра́достно со арха́нгелы и а́нгелы благода́рную Ти́ пе́снь воспе́ша. Мы́ же крепча́йшима, па́че Моисе́овых ру́к, дла́ньма Твои́ма укрепля́еми, уми́льно вопие́м:

Ра́дуйся, Ея́же ру́це поддержи́т за все́х на́с еди́ная Ея́ к на́м любо́вь и милосе́рдие; ра́дуйся, пред Не́юже врази́ на́ша, ви́димии и неви́димии, стоя́ти не мо́гут.

Ра́дуйся, те́мное по́лчище страсте́й и похоте́й на́ших прогоня́ющая; ра́дуйся, О́гнь Боже́ственный — Христа́ неопа́льно на руку́ Свое́ю держа́щая и на́с, хла́дных, те́м воспламеня́ющая.

Ра́дуйся, во́инствующих на пло́ть целому́дрием изря́дное венча́ние; ра́дуйся, подвиза́ющихся в посте́ и безмо́лвии при́сное собесе́дование.

Ра́дуйся, изнемога́ющих от уны́ния и печа́ли ско́рая уте́шительнице; ра́дуйся, благода́тию смире́ния и терпе́ния снабдева́ющая.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 6.

Пропове́дник неоскудева́емыя благода́ти и ми́лостей Твои́х яви́ся святы́й Рома́н Сладкопе́вец, егда́ от Тебе́ во сне́ прия́т сви́ток кни́жный на снеде́ние: те́м у́бо умудре́н, нача́т разу́мно пе́ти во сла́ву Твою́, святы́м же писа́ти похва́льная, взыва́я с ве́рою: Аллилу́иа.

И́кос 6.

Возсия́ла еси́ от и́стиннаго Со́лнца пра́вды заря́, Де́во Богоотрокови́це, просвеща́ющая все́х прему́дростию Бо́га, Сы́на Твоего́, и в позна́ние и́стины приводя́щая зову́щих Ти́ такова́я:

Ра́дуйся, Бо́жию Си́лу и Бо́жию Прему́дрость — Христа́ пло́тию породи́вшая; ра́дуйся, юро́дивую му́дрость ве́ка сего́ посрами́вшая, и ослепле́нных е́ю на пу́ть пра́вый наставля́ющая.

Ра́дуйся, святы́я ве́ры охране́ние и правосла́вных догма́тов наста́внице; ра́дуйся, нечести́вых ересе́й и тлетво́рных раско́лов искорени́тельнице.

Ра́дуйся, та́йная и неудо́бь предви́денная вся́ до́бре ве́дущая, и и́мже подоба́ет, сказу́ющая; ра́дуйся, лжи́вых прови́дцев и су́етная гада́ния посрамля́ющая.

Ра́дуйся, в ча́с недоуме́ний мы́сль бла́гу на се́рдце полага́ющая; ра́дуйся, от па́губных начина́ний и несмы́сленных пожела́ний воспяща́ющая.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 7.

Хотя́й долготерпели́вый Всеви́дец Госпо́дь яви́ти Своего́ человеколю́бия неизсле́димую щедро́т бе́здну, избра́ Тебе́ еди́ну в Ма́терь Себе́, и сотвори́ Тя лю́дем непреодоле́нное защище́ние: да а́ще кто́ от ни́х и пра́ведным судо́м Бо́жиим осужде́ния досто́ин яви́тся, Твои́м оба́че держа́вным покро́вом сохраня́ется на покая́ние, зовы́й: Аллилу́иа.

И́кос 7.

Ди́вная показа́л еси́ дела́ Твоя́ в Пречи́стей Ма́тери Твое́й, Го́споди, егда́ пречу́дный омофо́р в руце́ Ея́ светя́щийся па́че лу́чь со́лнечных яви́ся, и́мже покрыва́ше лю́ди, су́щия в це́ркви Влахе́рнстей. О такове́м у́бо зна́мении милосе́рдаго Ея́ заступле́ния услы́шавше, у́жасом и ра́достию одержи́ми, вси́ глаго́лаху:

Ра́дуйся, нерукотворе́нный омофо́р, а́ки о́блак, над все́м ми́ром распросте́ршая; ра́дуйся, Преве́чнаго Архиере́я, Сы́на Своего́, зна́мение на руце́ Свое́й держа́щая.

Ра́дуйся, но́вую ми́лость и но́вую благода́ть си́м в Це́ркви Правосла́вней явля́ющая; ра́дуйся, сто́лпе о́блачный, от искуше́ний и собла́знов ми́ра все́х на́с покрыва́ющий.

Ра́дуйся, сто́лпе о́гненный, среди́ мглы́ греха́ все́м на́м пу́ть спасе́ния показу́ющий; ра́дуйся, я́вных благоче́стия подви́жников я́вное укрепле́ние.

Ра́дуйся, та́йных среди́ ми́ра рабо́в Бо́жиих та́йное вразумле́ние; ра́дуйся, и мене́, обнаже́ннаго до́брых де́л, не оставля́ющая Свои́м покро́вом и благода́тию.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 8.

Ди́вно Тя́ от небе́с во Влахе́рнстей це́ркви я́вльшуюся, а́нгели воспе́ша, апо́столи просла́виша, ли́к святи́телей и преподо́бных, и же́н святы́х сосло́вие восхвали́ша, Предте́ча с Богосло́вом поклони́шася, лю́дие же, су́щии в це́ркви, с весе́лием вопия́ху: Аллилу́иа.

И́кос 8.

Все́ми вы́шними и ни́жними влады́чествуя Госпо́дь, узре́в Тя́ в це́ркви Ма́терь Свою́ стоя́щу и со умиле́нием к Нему́ моля́щуюся, рече́: «проси́, Ма́ти Моя́, зане́ не отвращу́ся Тебе́, но испо́лню вся́ проше́ния Твоя́ и благода́рственная си́це Тебе́ все́х пе́ти научу́»:

Ра́дуйся, ковче́же заве́та, в не́мже храни́тся освяще́ние всего́ ро́да челове́ческаго; ра́дуйся, ста́мно пресвята́я, в не́йже а́лчущим пра́вды блюде́тся Хле́б жи́зни ве́чныя.

Ра́дуйся, сосу́де всезлаты́й, в не́мже угото́вася на́с ра́ди пло́ть и кро́вь Боже́ственнаго А́гнца; ра́дуйся, оста́вленных врача́ми на Свои́ всемо́щныя ру́це прие́млющая.

Ра́дуйся, разсла́бленных те́лом, но не ду́хом и ве́рою, со одра́ боле́зни воздвиза́ющая; ра́дуйся, погубля́ющим от неду́га у́м, но́вый и лу́чший смы́сл подаю́щая.

Ра́дуйся, на стро́потнем пути́ греха́ и страсте́й на́с прему́дре запина́ющая; ра́дуйся, жесто́кость нераска́яннаго се́рдца на́шего умиля́ющая.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 9.

Все́ естество́ а́нгельское похва́льная прино́сит Тебе́, и́стинней Бо́жией Ма́тери и Засту́пнице все́х, притека́ющих к Тебе́, ве́дуще, я́ко несокруши́мым покро́вом Твои́м пра́ведных возвеселя́еши, гре́шных заступа́еши, бе́дствующих избавля́еши и мо́лишися о все́х ве́рных, зову́щих: Аллилу́иа.

И́кос 9.

Вети́и многовеща́ннии, я́ко ры́бы безгла́сныя, недоуме́ют, ка́ко восхвали́ти по достоя́нию вели́кий всечестна́го Покро́ва Твоего́ пра́здник: вся́ бо о Тебе́ от ни́х глаго́лемая не су́ть дово́льна к еди́ному изчисле́нию щедро́т Твои́х. Мы́ же, Твоя́ неисче́тныя благодея́ния ви́дяще, с весе́лием взыва́ем:

Ра́дуйся, от я́звы и всегуби́тельства сме́ртнаго на́с соблюда́ющая; ра́дуйся, от внеза́пнаго колеба́ния земли́ гра́ды и ве́си сохраня́ющая.

Ра́дуйся, от разлия́ния во́д и потопле́ния руко́ю кре́пкою возводя́щая; ра́дуйся, от запале́ния о́гненнаго росо́ю моли́тв Твои́х избавля́ющая.

Ра́дуйся, от гла́да душе́внаго и теле́снаго Хле́бом Жи́зни снабдева́ющая; ра́дуйся, уда́ры мо́лнии и гро́ма от главы́ на́шея отводя́щая.

Ра́дуйся, от наше́ствия иноплеме́нник и та́йных уби́йц спаса́ющая; ра́дуйся, от дома́шния бра́ни и вражды́ единокро́вных ми́ром и любо́вию огражда́ющая.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 10.

Спасти́ хотя́й ро́д челове́ческий от пре́лести вра́жия человеколю́бец Госпо́дь Тебе́, Ма́терь Свою́, дарова́ земны́м на́м в по́мощь, покро́в и защи́ту, да бу́деши печа́льным утеше́ние, скорбя́щим ра́дование, оби́димым засту́пница, и да все́х из глубины́ грехо́вныя воздви́гнеши, пою́щих: Аллилу́иа.

И́кос 10.

«Царю́ Небе́сный — глаго́лаше в моли́тве на возду́се со а́нгелы стоя́щая Всенепоро́чная Цари́ца, — приими́ вся́каго челове́ка, моля́щаяся к Тебе́ и призыва́юща и́мя Мое́ на по́мощь, да не оты́дет от ли́ка Моего́ то́щь и неуслы́шан». Сию́ всеблагу́ю моли́тву слы́шавше, собо́ри святы́х благода́рне возопи́ша:

Ра́дуйся, чи́стых рука́ми и се́рдцем земледе́льцев благослове́нными плода́ми венча́ющая; ра́дуйся, по́моще и пра́ведное мздовоздая́ние все́м пра́во ку́плю де́ющим.

Ра́дуйся, клятвопреступле́ний и непра́ведных стяжа́ний всенаро́дное обличе́ние; ра́дуйся, бе́дствующим в пути́, на су́ше и вода́х внеза́пное вспоможе́ние.

Ра́дуйся, безча́дных роди́телей плода́ми ве́ры и ду́ха веселя́щая; ра́дуйся, безма́терних сиро́т незри́мая воспита́тельнице.

Ра́дуйся, кре́пкая засту́пнице су́щих в плену́ и изгна́нии; ра́дуйся, неусыпа́ющая попечи́тельнице во у́зах и темни́це седя́щих.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 11.

Пе́ние всеумиле́нное слы́шаще и те́плей Твое́й моли́тве о на́с вне́млюще, про́сим Тебе́, Де́во Богоро́дице, не пре́зри гла́са рабо́в Твои́х: к Тебе́ бо в напа́стех и ско́рбех прибега́ем и пред Тобо́ю в беда́х на́ших сле́зы пролива́ем, зову́ще: Аллилу́иа.

И́кос 11.

Я́ко светоприе́мную свещу́, в моли́тве горя́щую, ви́дяще Тя́ на возду́се Влахе́рнская це́рковь, согла́сно со мно́жеством люде́й, в не́й бы́вших, возглаша́ше: «отку́ду мне́ сие́, да прии́де Ма́ти Го́спода моего́ ко мне́?» Святы́й же Андре́й со Епифа́нием те́пле моля́хуся к Тебе́, зову́ще:

Ра́дуйся, все́х даро́в духо́вных и теле́сных незави́стная пода́тельнице; ра́дуйся, полага́ющих нача́ло покая́ния гре́шников ве́рная предста́тельнице.

Ра́дуйся, борю́щихся со страстьми́ и прило́гами вра́жиими всегда́шняя спобо́рнице; ра́дуйся, незри́мое укроще́ние влады́к жесто́ких и зверонра́вных.

Ра́дуйся, та́йный поко́е и отра́до рабо́в кро́тких и стра́ждущих; ра́дуйся, всежела́нное соверше́ние благи́х супру́жеств.

Ра́дуйся, ма́терей детородя́щих ско́рое и безболе́зненное разреше́ние; ра́дуйся, в ча́с кончи́ны еди́ная все́м на́м помо́щнице.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 12.

Благода́ть Боже́ственную испроси́ на́м у Сы́на Твоего́ и Бо́га, простри́ на́м ру́ку по́мощи, отжени́ от на́с вся́каго врага́ и супоста́та, и умири́ на́шу жи́знь, да не поги́бнем лю́те, без покая́ния, но приими́ на́с в ве́чныя кро́вы, Покрови́тельнице на́ша, да ра́дующеся Тебе́ зове́м: Аллилу́иа.

И́кос 12.

Пою́ще Тво́й держа́вный покро́в, хва́лим Тя́ вси́, я́ко тве́рдую предста́тельницу на́шу, и покланя́емся Тебе́, о на́с моля́щейся: ве́руем бо и наде́емся, я́ко испро́сиши у Сы́на Твоего́ и Бо́га блага́я ве́чная и вре́менная, все́м с любо́вию вопию́щим Тебе́ си́це:

Ра́дуйся, все́й вселе́нней кре́пкое заступле́ние; ра́дуйся, все́х стихи́й земны́х и небе́сных освяще́ние.

Ра́дуйся, все́х време́н го́да благослове́ние; ра́дуйся, все́х наве́тов и искуше́ний от ми́ра, пло́ти и диа́вола находя́щих, попра́ние.

Ра́дуйся, неча́емое примире́ние ожесточе́нно вражду́ющих; ра́дуйся, недове́домое исправле́ние нераска́янных гре́шников.

Ра́дуйся, не отверга́ющая все́ми презре́нных и отве́рженных; ра́дуйся, сами́х отча́янных от ро́ва поги́бели исхища́ющая.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 13.

О, всепе́тая Ма́ти, пречи́стая Госпоже́, Де́во Богоро́дице! К Тебе́ возвожду́ душе́вныя и теле́сныя о́чи, к Тебе́ простира́ю разсла́бленныя ру́це и из глубины́ се́рдца вопию́: при́зри на ве́ру и смире́ние души́ моея́, покры́й мя́ всемо́щным омофо́ром Твои́м, да изба́влюся от все́х бе́д и напа́стей, и в ча́с кончи́ны моея́, о Всеблага́я, предста́ни мне́ и угото́ваннаго ра́ди грехо́в мои́х изба́ви муче́ния, да вы́ну покланя́яся зову́: Аллилу́иа.

И́кос 1.

Арха́нгел и а́нгел мно́жество, с Предте́чею, Богосло́вом и все́х святы́х ли́ком сопредста́ша Тебе́, Цари́це свое́й, в це́ркви Влахе́рнстей и, умиле́нная моле́ния Твоя́ о все́м ми́ре слы́шавше, со удивле́нием возопи́ша такова́я:

Ра́дуйся, Бо́га Отца́ безнача́льнаго предве́чное благоволе́ние; ра́дуйся, Бо́га Сы́на безле́тнаго пречи́стое вмести́лище.

Ра́дуйся, Бо́га Ду́ха Всесвята́го избра́нное жили́ще; ра́дуйся, го́рних чино́в а́нгельских непрестаю́щее удивле́ние.

Ра́дуйся, те́мных си́л а́дских всегро́зное устраше́ние; ра́дуйся, Ю́же на возду́се срета́ют многоочи́тии херуви́ми.

Ра́дуйся, Е́йже похва́льная воспису́ют шестокрила́тии серафи́ми; ра́дуйся, Ея́же преблаго́му покро́ву и мы́, земноро́днии, благода́рне покланя́емся.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 1.

Избра́нней предве́чным Царе́м, превы́шшей вся́каго созда́ния, небесе́ и земли́ Цари́це, прише́дшей иногда́ во Влахе́рнскую це́рковь на моли́тву, досто́йное поклоне́ние с благодаре́нием принося́ще, я́ко во тме́ су́щии, под Тво́й светя́щийся омофо́р с ве́рою и умиле́нием прибега́ем. Ты́ же, я́ко иму́щи держа́ву непобеди́мую, от вся́ких на́с бе́д свобожда́й, да зове́м Ти́:

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Моли́тва ко Пресвяте́й Богоро́дице.

О, Пресвята́я Де́во, Ма́ти Го́спода вы́шних си́л, небесе́ и земли́ Цари́це, гра́да и страны́ на́шея всемо́щная Засту́пнице! Приими́ хвале́бно-благода́рственное пе́ние сие́ от на́с, недосто́йных ра́б Твои́х, и вознеси́ моли́твы на́ши ко престо́лу Бо́га, Сы́на Твоего́, да ми́лостив бу́дет непра́вдам на́шим и проба́вит благода́ть Свою́ чту́щим всечестно́е и́мя Твое́ и с ве́рою и любо́вию покланя́ющимся чудотво́рному о́бразу Твоему́. Не́смы бо досто́йни от Него́ поми́ловани бы́ти, а́ще не Ты́ уми́лостивиши Его́ о на́с, Влады́чице, я́ко вся́ Тебе́ от Него́ возмо́жна су́ть. Сего́ ра́ди к Тебе́ прибега́ем, я́ко к несомне́нней и ско́рой Засту́пнице на́шей: услы́ши на́с, моля́щихся Тебе́, осени́ на́с вседержа́вным покро́вом Твои́м и испроси́ у Бо́га, Сы́на Твоего́, па́стырем на́шим — ре́вность и бде́ние о душа́х, градоправи́телем — му́дрость и си́лу, судия́м — пра́вду и нелицеприя́тие, наста́вником — ра́зум и смиренному́дрие, супру́гом — любо́вь и согла́сие, ча́дом — послуша́ние, оби́димым — терпе́ние, оби́дящим — стра́х Бо́жий, скорбя́щим — благоду́шие, ра́дующимся — воздержа́ние, все́м же на́м — ду́х ра́зума и благоче́стия, ду́х милосе́рдия и кро́тости, ду́х чистоты́ и пра́вды. Е́й, Госпоже́ Пресвята́я, умилосе́рдися на немощны́я лю́ди Твоя́: разсе́янныя собери́, заблу́ждшия на пу́ть пра́вый наста́ви, ста́рость поддержи́, ю́ныя уцелому́дри, младе́нцы воспита́й, и при́зри на все́х на́с призре́нием ми́лостиваго Твоего́ заступле́ния, воздви́гни на́с из глубины́ грехо́вныя и просвети́ серде́чныя о́чи на́ша к зре́нию спасе́ния. Ми́лостива на́м бу́ди зде́ и та́мо, в стране́ земна́го прише́льствия и на стра́шнем суде́ Сы́на Твоего́. Преста́вльшияся же в ве́ре и покая́нии от жития́ сего́ отцы́ и бра́тию на́шу в ве́чней жи́зни со а́нгелы и со все́ми святы́ми жи́ти сотвори́. Ты́ бо еси́, Госпоже́, сла́ва небе́сных и упова́ние земны́х, Ты́ по Бо́зе на́ша Наде́жда и Засту́пница все́х, притека́ющих к Тебе́ с ве́рою. К Тебе́ у́бо мо́лимся и Тебе́, я́ко всемогу́щей Помо́щнице, са́ми себе́ и дру́г дру́га и ве́сь живо́т на́ш предае́м, ны́не и при́сно и во ве́ки веко́в. Ами́нь.

Ака́ѳистъ Покрову́ Пресвяты́я Богоро́дицы. Конда́къ 1.

Избра́нной предвѣ́чнымъ Царе́мъ, превы́шшей вся́каго созда́нія, небесе́ и земли́ Цари́цѣ, прише́дшей иногда́ во Влахе́рнскую це́рковь на моли́тву, досто́йное поклоне́ніе съ благодаре́ніемъ принося́щи, я́ко во тмѣ́ су́щіи, подъ Тво́й свѣтя́щійся омофо́ръ съ вѣ́рою и умиле́ніемъ прибѣга́емъ. Ты́ же, я́ко иму́щи держа́ву непобѣди́мую, отъ вся́кихъ на́съ бѣ́дъ свобожда́й, да зове́мъ Ти́:

Ра́дуйся, Ра́досте на́ша, покры́й на́съ отъ вся́каго зла́ честны́мъ Твои́мъ омофо́ромъ.

Икосъ 1.

Арха́нгелъ и а́нгелъ мно́жество, съ Предте́чею, Богосло́вомъ и всѣ́хъ святы́хъ ли́комъ сопредста́ша Тебѣ́, Цари́цѣ свое́й, въ це́ркви Влахе́рнстѣй и, умиле́нная моле́нія Твоя́ о все́мъ мíрѣ слы́шавше, со удивле́ніемъ возопи́ша такова́я:

Ра́дуйся, Бо́га Отца́ безнача́льнаго превѣ́чное благоволе́ніе; ра́дуйся, Бо́га Сы́на безлѣ́тнаго пречи́стое вмѣсти́лище.

Ра́дуйся, Бо́га Ду́ха Всесвята́го избра́нное жили́ще; ра́дуйся, го́рнихъ чино́въ а́нгельскихъ непрестаю́щее удивле́ніе.

Ра́дуйся, те́мныхъ си́лъ а́дскихъ всегро́зное устраше́ніе; ра́дуйся, Юже на возду́сѣ срѣта́ютъ многоочи́тіи херуви́ми.

Ра́дуйся, Ейже похва́льная воспису́ютъ шестокрила́тіи серафи́ми; ра́дуйся, Ея́же преблаго́му покро́ву и мы́, земноро́дніи, благода́рнѣ покланя́емся.

Ра́дуйся, Ра́досте на́ша, покры́й на́съ отъ вся́каго зла́ честны́мъ Твои́мъ омофо́ромъ.

Конда́къ 2.

Ви́дѣвше Тя́ святы́й Андре́й съ Епифа́ніемъ въ це́ркви на возду́сѣ за христіа́ны Бо́гу моля́щуюся, позна́ша, я́ко Ма́терь еси́ возне́сшагося на не́бо Христа́ Бо́га на́шего, и, припа́дше на зе́млю, ра́достно покланя́хуся всеблаго́му покро́ву Твоему́, зову́ще: Аллилу́ія.

Икосъ 2.

Ра́зумъ недоразумѣ́ненъ еси́, Богоро́дице Дѣ́во, въ защище́ніи люде́й правосла́вныхъ, сего́ ра́ди врази́ на́ши и не познаю́тъ, ко́ль сильна́ е́сть моли́тва Бо́жія Ма́тере. Мы́ же, о Твое́мъ всемо́щномъ заступле́ніи до́брѣ вѣ́дуще, си́це къ Тебѣ́ со умиле́ніемъ зове́мъ:

Ра́дуйся, премилосе́рдая утѣ́шительнице всѣ́хъ скорбя́щихъ и обремене́нныхъ; ра́дуйся, неусыпа́ющая наста́внице всѣ́хъ заблу́ждшихъ и ослѣпле́нныхъ.

Ра́дуйся, пра́ведно дви́жимый гнѣ́въ Бо́жій на на́съ Твои́мъ моле́ніемъ ско́ро утоля́ющая; ра́дуйся, злы́я стра́сти на́ша всемо́щнымъ манове́ніемъ укроща́ющая.

Ра́дуйся, крѣ́пкое возбужде́ніе спя́щихъ со́вѣстей; ра́дуйся, нетру́дное преодолѣ́ніе беззако́нныхъ на́выковъ.

Ра́дуйся, Ея́же ра́ди а́дъ стене́тъ и ду́хи зло́бы трепе́щутъ; ра́дуйся, Ея́же ра́ди врата́ ра́я всѣ́мъ на́мъ отверза́ются.

Ра́дуйся, Ра́досте на́ша, покры́й на́съ отъ вся́каго зла́ честны́мъ Твои́мъ омофо́ромъ.

Конда́къ 3.

Си́ла Вы́шняго осѣня́етъ съ вѣ́рою и благоговѣ́ніемъ прибѣга́ющихъ къ Твоему́ всечестно́му покро́ву: еди́нѣй бо то́чію Тебѣ́, Пресвятѣ́й и Пречи́стѣй Ма́тери Бо́жіей, даде́ся, да вся́кое проше́ніе Твое́ испо́лнится. Тѣ́мъ у́бо вся́къ во́зрастъ вѣ́рныхъ славосло́витъ Тя́ и Сы́на Твоего́, зову́щь: Аллилу́ія.

Икосъ 3.

Иму́щи бога́тство милосе́рдія неоску́дное, всѣ́мъ конце́мъ земли́ простира́еши ру́ку по́мощи, Влады́чице: боля́щимъ — исцѣле́ніе, стра́ждущимъ — осла́бу, слѣпы́мъ — прозрѣ́ніе и всѣ́мъ вся́, по коего́ждо потре́бѣ подае́ши, благода́рнѣ вопію́щимъ:

Ра́дуйся, ца́рствъ правосла́вныхъ несокруши́мая крѣ́посте и огра́до; ра́дуйся, святы́хъ хра́мовъ и олтаре́й первѣ́йшее украше́ніе.

Ра́дуйся, ца́рскихъ престо́ловъ вѣрнѣ́йшее огражде́ніе; ра́дуйся, благосе́рдыхъ градоправи́телей неусыпа́ющая споспѣ́шнице.

Ра́дуйся, непобѣди́мая воево́до вожде́й и во́инствъ христіа́нскихъ; ра́дуйся, свято́е зерца́ло пра́вды судія́мъ немздопріи́мнымъ.

Ра́дуйся, соверше́нный ра́зуме наста́вниковъ и дѣтоводи́телей; ра́дуйся, благослове́ніе домо́въ и семе́йствъ благочести́выхъ.

Ра́дуйся, Ра́досте на́ша, покры́й на́съ отъ вся́каго зла́ честны́мъ Твои́мъ омофо́ромъ.

Конда́къ 4.

Бу́рею мно́гихъ бѣ́дъ одержи́мымъ на́мъ помога́еши, Влады́чице: стои́ши бо предъ лице́мъ олтаря́ Госпо́дня, воздви́гши ру́цѣ Твои́ и мо́лишися, я́ко да на́шу недосто́йную моли́тву при́зритъ Госпо́дъ, Ца́рь сла́вы, и послу́шаетъ проше́нія призыва́ющихъ и́мя Твое́ свято́е, къ Сы́ну же Твоему́ зову́щихъ: Аллилу́ія.

Икосъ 4.

Слы́ша Госпо́дь Бо́гъ Іису́са Нави́на моля́щася, и повелѣва́юща со́лнцу ста́ти, до́ндеже отмсти́тъ враго́мъ. Слы́шитъ и Твоя́ ны́нѣ моле́нія Госпо́дь Іису́съ, избра́нная па́лато Ду́ха Свята́го. Тѣ́мже и мы́, грѣ́шніи, на Тво́й надѣ́ющеся покро́въ, Тебѣ́, я́ко Бо́жіей Ма́тери, глаго́лати дерза́емъ:

Ра́дуйся, отъ Со́лнца мы́сленнаго озаре́нная и на́съ свѣ́томъ незаходи́мымъ просвѣща́ющая; ра́дуйся, сія́ніемъ пречи́стыя души́ Твоея́ всю́ зе́млю просвѣти́вшая.

Ра́дуйся, чистото́ю тѣлесе́ Твоего́ всѣ́ небеса́ возвесели́вшая; ра́дуйся, святы́хъ оби́телей Христо́выхъ покро́въ и снабдѣ́ніе.

Ра́дуйся, вѣ́рныхъ па́стырей Це́ркви бо́дрость и вразумле́ніе; ра́дуйся, богобоя́зненныхъ и́ноковъ и и́нокинь наста́внице.

Ра́дуйся, невозмуща́емое успокое́ніе благоговѣ́йныхъ ста́рцевъ; ра́дуйся, та́йное весе́ліе чи́стыхъ дѣ́въ и вдови́цъ.

Ра́дуйся, Ра́досте на́ша, покры́й на́съ отъ вся́каго зла́ честны́мъ Твои́мъ омофо́ромъ.

Конда́къ 5.

Богови́децъ Моисе́й въ ополче́ніи иногда́ на Амали́ка, егда́ ру́цѣ воздвиза́ше, Изра́иль одолѣва́ше, егда́ же ру́цѣ низпуща́ше, тогда́ Амали́къ побѣжда́ше, поддержа́щими же его́ укрѣпле́нъ, побѣди́ врага́. Ты́ же, о Богома́ти, воздѣ́вши ру́цѣ Твои́ на умоле́ніе, а́ще и ники́мже поддержи́ма, всегда́ побѣжда́еши враги́ христіа́нскія, и на́мъ щи́тъ еси́ непобѣди́мъ, вопію́щимъ: Аллилу́ія.

Икосъ 5.

Ви́дѣвше Тя́ святы́хъ собо́ри на возду́сѣ въ це́ркви Влахе́рнстѣй, моле́бніи ру́цѣ къ Сы́ну и Бо́гу простира́ющую, ра́достно со арха́нгелы и а́нгелы благода́рную Ти́ пѣ́снь воспѣ́ша. Мы́ же крѣпча́йшима, па́че Моисе́овыхъ ру́къ, дла́ньма Твои́ма укрѣпля́еми, уми́льно вопіе́мъ:

Ра́дуйся, Ея́же ру́цѣ поддержи́тъ за всѣ́хъ на́съ еди́ная Ея́ къ на́мъ любо́вь и милосе́рдіе; ра́дуйся, предъ Не́юже враги́ на́ша, ви́димые и неви́димые, стоя́ти не мо́гутъ.

Ра́дуйся, те́мное по́лчище страсте́й и похоте́й на́шихъ прогоня́ющая; ра́дуйся, Огнь Боже́ственный — Христа́ неопа́льно на руку́ Свое́ю держа́щая и на́съ, хла́дныхъ, тѣ́мъ воспламе́няющая.

Ра́дуйся, во́инствующихъ на пло́ть цѣлому́дріемъ изря́дное вѣнча́ніе; ра́дуйся, подвиза́ющихся въ постѣ́ и безмо́лвіи при́сное собесѣ́дованіе.

Ра́дуйся, изнемога́ющихъ отъ уны́нія и печа́ли ско́рая утѣ́шительнице; ра́дуйся, благода́тію смире́нія и терпѣ́нія снабдѣва́ющая.

Ра́дуйся, Ра́досте на́ша, покры́й на́съ отъ вся́каго зла́ честны́мъ Твои́мъ омофо́ромъ.

Конда́къ 6.

Проповѣ́дникъ неоскудѣва́емыя благода́ти и ми́лостей Твои́хъ яви́ся святы́й Рома́нъ Сладкопѣ́вецъ, егда́ отъ Тебе́ во снѣ́ прія́тъ сви́токъ кни́жный на снѣде́ніе: тѣ́мъ у́бо умудре́нъ, нача́ разу́мно пѣ́ти во сла́ву Твою́, святы́мъ же писа́ти похва́льная, взыва́я съ вѣ́рою: Аллилу́ія.

Икосъ 6.

Возсія́ла еси́ отъ и́стиннаго Со́лнца пра́вды заря́, Дѣ́во Богоотрокови́це, просвѣща́ющая всѣ́хъ прему́дростію Бо́га, Сы́на Твоего́, и въ позна́ніе и́стины приводя́щая зову́щихъ Ти́ такова́я:

Ра́дуйся, Бо́жію Си́лу и Бо́жію Прему́дрость — Христа́ пло́тію породи́вшая; ра́дуйся, юро́дивую му́дрость вѣ́ка сего́ посрами́вшая, и ослѣпле́нныхъ е́ю на пу́ть пра́вый наставля́ющая.

Ра́дуйся, святы́я вѣ́ры охране́ніе и правосла́вныхъ догма́товъ наста́внице; ра́дуйся, нечести́выхъ ересе́й и тлетво́рныхъ раско́ловъ искорени́тельнице.

Ра́дуйся, та́йная и неудо́бь предви́дѣнная вся́ до́брѣ вѣ́дущая, и и́мже подоба́етъ, сказу́ющая; ра́дуйся, лжи́выхъ прови́дцевъ и су́етная гада́нія посрамля́ющая.

Ра́дуйся, въ ча́съ недоумѣ́ній мы́сль бла́гу на се́рдце полага́ющая; ра́дуйся, отъ па́губныхъ начина́ній и несмы́сленныхъ пожела́ній воспяща́ющая.

Ра́дуйся, Ра́досте на́ша, покры́й на́съ отъ вся́каго зла́ честны́мъ Твои́мъ омофо́ромъ.

Конда́къ 7.

Хотя́й долготерпѣли́вый Всеви́децъ Госпо́дь яви́ти Своего́ человѣколю́бія неизслѣ́димую щедро́тъ бе́здну, избра́ Тебе́ еди́ну въ Ма́терь Себѣ́, и сотвори́ Тя лю́демъ непреодолѣ́нное защище́ніе: да а́ще кто́ отъ ни́хъ и пра́веднымъ судо́мъ Бо́жіимъ осужде́нія досто́инъ яви́тся, Твои́мъ оба́че держа́внымъ покро́вомъ сохраня́ется на покая́ніе, зовы́й: Аллилу́ія.

Икосъ 7.

Ди́вная показа́лъ еси́ дѣла́ Твоя́ въ Пречи́стѣй Ма́тери Твое́й, Го́споди, егда́ пречу́дный омофо́ръ въ руцѣ́ Ея́ свѣтя́щійся па́че лу́чь со́лнечныхъ яви́ся, и́мже покрыва́ше лю́ди, су́щія въ це́ркви Влахе́рнстѣй. О таковѣ́мъ у́бо зна́меніи милосе́рднаго Ея́ заступле́нія услы́шавше, у́жасомъ и ра́достію одержи́ми, вси́ глаго́лаху:

Ра́дуйся, нерукотворе́нный омофо́ръ, а́ки о́блакъ, надъ всѣ́мъ мíромъ распросте́ршая; ра́дуйся, Превѣ́чнаго Архіере́я, Сы́на Своего́, зна́меніе на руцѣ́ Свое́й держа́щая.

Ра́дуйся, но́вую ми́лость и но́вую благода́ть си́мъ въ Це́ркви Правосла́внѣй явля́ющая; ра́дуйся, сто́лпе о́блачный, отъ искуше́ній и собла́зновъ мíра всѣ́хъ на́съ покрыва́ющій.

Ра́дуйся, сто́лпе о́гненный, среди́ мглы́ грѣха́ всѣ́мъ на́мъ пу́ть спасе́нія показу́ющій; ра́дуйся, я́вныхъ благоче́стія подви́жниковъ я́вное укрѣпле́ніе.

Ра́дуйся, та́йныхъ среди́ мíра рабо́въ Бо́жіихъ та́йное вразумле́ніе; ра́дуйся, и мене́, обнаже́ннаго до́брыхъ дѣ́лъ, не оставля́ющая Свои́мъ покро́вомъ и благода́тію.

Ра́дуйся, Ра́досте на́ша, покры́й на́съ отъ вся́каго зла́ честны́мъ Твои́мъ омофо́ромъ.

Конда́къ 8.

Ди́вно Тя́ отъ небе́съ во Влахе́рнстѣй це́ркви я́вльшуюся, а́нгели воспѣ́ша, апо́столи просла́виша, ли́къ святи́телей и преподо́бныхъ, и же́нъ святы́хъ сосло́віе восхвали́ша, Предте́ча съ Богосло́вомъ поклони́шася, лю́діе же, су́щіи въ це́ркви, съ весе́ліемъ вопія́ху: Аллилу́ія.

Икосъ 8.

Всѣ́ми вы́шними и ни́жними влады́чествуя Госпо́дь, узрѣ́въ Тя́ въ це́ркви Ма́терь Свою́ стоя́щу и со умиле́ніемъ къ Нему́ моля́щуся, рече́: «проси́, Ма́ти Моя́, зане́ не отвращу́ся Тебе́, но испо́лню вся́ проше́нія Твоя́ и благода́рственная си́це Тебѣ́ всѣ́хъ пѣ́ти научу́»:

Ра́дуйся, ковче́же завѣ́та, въ не́мже храни́тся освяще́ніе всего́ ро́да человѣ́ческаго; ра́дуйся, ста́мно пресвята́я, въ не́йже а́лчущимъ пра́вды блюде́тся Хлѣ́бъ жи́зни вѣ́чныя.

Ра́дуйся, сосу́де всезлаты́й, въ не́мже угото́вася на́съ ра́ди пло́ть и кро́вь Боже́ственнаго Агнца; ра́дуйся, оста́вленныхъ врача́ми на Свои́ всемо́щныя ру́цѣ пріе́млющая.

Ра́дуйся, разсла́бленныхъ тѣ́ломъ, но не ду́хомъ и вѣ́рою, со одра́ болѣ́зни воздвига́ющая; ра́дуйся, погубля́ющимъ отъ неду́га у́мъ, но́вый и лу́чшій смы́слъ подаю́щая.

Ра́дуйся, на стро́потномъ пути́ грѣха́ и страсте́й на́съ прему́дрѣ запина́ющая; ра́дуйся, жесто́кость нераска́яннаго се́рдца на́шего умиля́ющая.

Ра́дуйся, Ра́досте на́ша, покры́й на́съ отъ вся́каго зла́ честны́мъ Твои́мъ омофо́ромъ.

Конда́къ 9.

Все́ естество́ а́нгельское похва́льная прино́ситъ Тебѣ́, и́стиннѣй Бо́жіей Ма́тери и Засту́пницѣ всѣ́хъ, притека́ющихъ къ Тебѣ́, вѣ́дуще, я́ко несокруши́мымъ покро́вомъ Твои́мъ пра́ведныхъ возвеселя́ещи, грѣ́шныхъ заступа́еши, бѣ́дствующихъ избавля́еши и мо́лишися о всѣ́хъ вѣ́рныхъ, зову́щихъ: Аллилу́ія.

Икосъ 9.

Вѣтíи многовѣща́нныя, я́ко ры́бы безгла́сныя, недоумѣ́ютъ, ка́ко восхвали́ти по достоя́нію вели́кій всечестна́го Покро́ва Твоего́ пра́здникъ: вся́ бо о Тебѣ́ отъ ни́хъ глаго́лемая не су́ть дово́льна къ еди́ному изчисле́нію щедро́тъ Твои́хъ. Мы́ же, Твоя́ неисче́тныя благодѣя́нія ви́дяще, съ весе́ліемъ взыва́емъ:

Ра́дуйся, отъ я́звы и всегуби́тельства сме́ртнаго на́съ соблюда́ющая; ра́дуйся, отъ внеза́пнаго колеба́нія земли́ гра́ды и ве́си сохраня́ющая.

Ра́дуйся, отъ разлія́нія во́дъ и потопле́нія руко́ю крѣ́пкою возводя́щая; ра́дуйся, отъ запале́нія о́гненнаго росо́ю моли́твъ Твои́хъ избавля́ющая.

Ра́дуйся, отъ гла́да душе́внаго и тѣле́снаго Хлѣ́бомъ Жи́зни снабдѣва́ющая; ра́дуйся, уда́ры мо́лніи и гро́ма отъ главы́ на́шей отводя́щая.

Ра́дуйся, отъ наше́ствія иноплеме́нникъ и та́йныхъ убíйцъ спаса́ющая; ра́дуйся, отъ дома́шнія бра́ни и вражды́ единокро́вныхъ ми́ромъ и любо́вію огражда́ющая.

Ра́дуйся, Ра́досте на́ша, покры́й на́съ отъ вся́каго зла́ честны́мъ Твои́мъ омофо́ромъ.

Конда́къ 10.

Спасти́ хотя́ ро́дъ человѣ́ческій отъ пре́лести вра́жія человѣколю́бецъ Госпо́дь Тебе́, Ма́терь Свою́, дарова́ земны́мъ на́мъ въ по́мощь, покро́въ и защи́ту, да бу́деши печа́льнымъ утѣше́ніе, скорбя́щимъ ра́дованіе, оби́димымъ засту́пница, и да всѣ́хъ изъ глубины́ грѣхо́вныя воздви́гнеши, пою́щихъ: Аллилу́ія.

Икосъ 10.

«Царю́ Небе́сный — глаго́лаше въ моли́твѣ на возду́сѣ со а́нгелы стоя́щая Всенепоро́чная Цари́ца, — пріими́ вся́каго человѣ́ка, моля́щаяся къ Тебѣ́ и призыва́юща и́мя Мое́ на по́мощь, да не оты́детъ отъ ли́ка Моего́ то́щь и неуслы́шанъ». Сію́ всеблагу́ю моли́тву слы́шавше, собо́ри святы́хъ благода́рнѣ возопи́ша:

Ра́дуйся, чи́стыхъ рука́ми и се́рдцемъ земледѣ́льцевъ благослове́нными плода́ми вѣнча́ющая; ра́дуйся, по́моще и пра́ведное мздовоздая́ніе всѣ́мъ пра́во ку́плю дѣ́ющимъ.

Ра́дуйся, клятвопреступле́ній и непра́ведныхъ стяжа́ній всенаро́дное обличе́ніе; ра́дуйся, бѣ́дствующимъ въ пути́, на су́шѣ и вода́хъ внеза́пное вспоможе́ніе.

Ра́дуйся, безча́дныхъ роди́телей плода́ми вѣ́ры и ду́ха веселя́щая; ра́дуйся, безма́тернихъ сиро́тъ незри́мая воспита́тельнице.

Ра́дуйся, крѣ́пкая засту́пнице су́щихъ въ плѣну́ и изгна́ніи; ра́дуйся, неусыпа́ющая попечи́тельнице во у́захъ и темни́цѣ сѣдя́щихъ.

Ра́дуйся, Ра́досте на́ша, покры́й на́съ отъ вся́каго зла́ честны́мъ Твои́мъ омофо́ромъ.

Конда́къ 11.

Пѣ́ніе всеумиле́нное слы́шаше и те́плой Твое́й моли́твѣ о на́съ вне́млюще, про́симъ Тебе́, Дѣ́во Богоро́дице, не пре́зри гла́са рабо́въ Твои́хъ: къ Тебѣ́ бо въ напа́стехъ и ско́рбехъ прибѣга́емъ и предъ Тобо́ю въ бѣда́хъ на́шихъ сле́зы пролива́емъ, зову́ще: Аллилу́ія.

Икосъ 11.

Яко свѣтопріе́мную свѣщу́, въ моли́твѣ горя́щую, ви́дящи Тя́ на возду́сѣ Влахе́рнская це́рковь, согла́сно со мно́жествомъ люде́й, въ не́й бы́вшихъ, возглаша́ше: «откуду́ мнѣ́ сіе́, да пріи́де Ма́ти Го́спода моего́ ко мнѣ́?» Святы́й же Андре́й со Епифа́ніемъ те́плѣ моля́хуся къ Тебѣ́, зову́ще:

Ра́дуйся, всѣ́хъ даро́въ духо́вныхъ и тѣле́сныхъ незави́стная пода́тельнице; ра́дуйся, полага́ющихъ нача́ло покая́нія грѣ́шниковъ вѣ́рная предста́тельнице.

Ра́дуйся, борю́щихся со страстьми́ и прило́гами вра́жіими всегда́шняя спобо́рнице; ра́дуйся, незри́мое укроще́ніе влады́къ жесто́кихъ и звѣронра́вныхъ.

Ра́дуйся, та́йный поко́е и отра́до рабо́въ кро́ткихъ и стра́ждущихъ; ра́дуйся, всежела́нное соверше́ніе благи́хъ супру́жествъ.

Ра́дуйся, ма́терей дѣтородя́щихъ ско́рое и безболѣ́зненное разрѣше́ніе; ра́дуйся, въ ча́съ кончи́ны еди́ная всѣ́мъ на́мъ помо́щнице.

Ра́дуйся, Ра́досте на́ша, покры́й на́съ отъ вся́каго зла́ честны́мъ Твои́мъ омофо́ромъ.

Конда́къ 12.

Благода́ть Боже́ственную испроси́ на́мъ у Сы́на Твоего́ и Бо́га, простри́ на́мъ ру́ку по́мощи, отжени́ отъ на́съ вся́каго врага́ и супоста́та, и умири́ на́шу жи́знь, да не поги́бнемъ лю́тѣ, безъ покая́нія, но пріими́ на́съ въ вѣ́чныя кро́вы, Покрови́тельнице на́ша, да ра́дующеся Тебѣ́ зове́мъ: Аллилу́ія.

Икосъ 12.

Пою́ще Тво́й держа́вный покро́въ, хва́лимъ Тя́ вси́, я́ко тве́рдую предста́тельницу на́шу, и покланя́емся Тебѣ́, о на́съ моля́щейся: вѣ́руемъ бо и надѣ́емся, я́ко испро́сиши у Сы́на Твоего́ и Бо́га блага́я вѣ́чная и вре́менная, всѣ́мъ съ любо́вію вопію́щимъ Тебѣ́ си́це:

Ра́дуйся, все́й вселе́ннѣй крѣ́пкое заступле́ніе; ра́дуйся, всѣ́хъ стихíй земны́хъ и небе́сныхъ освяще́ніе.

Ра́дуйся, всѣ́хъ време́нъ го́да благослове́ніе; ра́дуйся, всѣ́хъ навѣ́товъ и искуше́ній отъ мíра, пло́ти и діа́вола находя́щихъ, попра́ніе.

Ра́дуйся, неча́емое примире́ніе ожесточе́нно вражду́ющихъ; ра́дуйся, недовѣ́домое исправле́ніе нераска́янныхъ грѣ́шниковъ.

Ра́дуйся, не отверга́ющая всѣ́ми презрѣ́нныхъ и отве́рженныхъ; ра́дуйся, сами́хъ отча́янныхъ отъ ро́ва поги́бели исхища́ющая.

Ра́дуйся, Ра́досте на́ша, покры́й на́съ отъ вся́каго зла́ честны́мъ Твои́мъ омофо́ромъ.

Конда́къ 13.

О, всепѣ́тая Ма́ти, пречи́стая Госпоже́, Дѣ́во Богоро́дице! Къ Тебѣ́ возвожду́ душе́вныя и тѣле́сныя о́чи, къ Тебѣ́ простира́ю разсла́бленныя ру́цѣ и изъ глубины́ се́рдца вопію́: при́зри на вѣ́ру и смире́ніе души́ моея́, покры́й мя́ всемо́щнымъ омофо́ромъ Твои́мъ, да изба́влюся отъ всѣ́хъ бѣ́дъ и напа́стей, и въ ча́съ кончи́ны моея́, о Всеблага́я, предста́ни мнѣ́ и угото́ваннаго ра́ди грѣхо́въ мои́хъ изба́ви муче́нія, да вы́ну покланя́яся зову́: Аллилу́ія.

Этот кондак чи¬та¬ет¬ся трижды, за¬те́м икос 1 и кондак 1

Моли́тва ко Пресвятѣ́й Богоро́дицѣ.

О, Пресвята́я Дѣ́во, Ма́ти Го́спода вы́шнихъ си́лъ, небесе́ и земли́ Цари́це, гра́да и страны́ на́шея всемо́щная Засту́пнице! Пріими́ хвале́бно-благода́рственное пѣ́ніе сіе́ отъ на́съ, недосто́йныхъ ра́бъ Твои́хъ, и вознеси́ моли́твы на́ши ко престо́лу Бо́га, Сы́на Твоего́, да ми́лостивъ бу́детъ непра́вдамъ на́шимъ и проба́витъ благода́ть Свою́ чту́щимъ всечестно́е и́мя Твое́ и съ вѣ́рою и любо́вію покланя́ющимся чудотво́рному о́бразу Твоему́. Нѣ́смы бо досто́йни отъ Него́ поми́ловани бы́ти, а́ще не Ты́ уми́лостивиши Его́ о на́съ, Влады́чице, я́ко вся́ Тебѣ́ отъ Него́ возмо́жна су́ть. Сего́ ра́ди къ Тебѣ́ прибѣга́емъ, я́ко къ несомнѣ́ннѣй и ско́рой Засту́пницѣ на́шей: услы́ши на́съ, моля́щихся Тебѣ́, осѣни́ на́съ вседержа́внымъ покро́вомъ Твои́мъ и испроси́ у Бо́га, Сы́на Твоего́, па́стыремъ на́шимъ — ре́вность и бдѣ́ніе о душа́хъ, градоправи́телямъ — му́дрость и си́лу, судія́мъ — пра́вду и нелицепрія́тіе, наста́вникомъ — ра́зумъ и смиренному́дріе, супру́гамъ — любо́вь и согла́сіе, ча́дамъ — послуша́ніе, оби́димымъ — терпѣ́ніе, оби́дящимъ — стра́хъ Бо́жій, скорбя́щимъ — благоду́шіе, ра́дующимся — воздержа́ніе, всѣ́мъ же на́мъ — ду́хъ ра́зума и благоче́стія, ду́хъ милосе́рдія и кро́тости, ду́хъ чистоты́ и пра́вды. Ей, Госпоже́ Пресвята́я, умилосе́рдися на немощны́я лю́ди Твоя́: разсѣ́янныя собери́, заблу́ждшія на пу́ть пра́вый наста́ви, ста́рость поддержи́, ю́ныя уцѣлому́дри, младе́нцы воспита́й, и при́зри на всѣ́хъ на́съ призрѣ́ніемъ ми́лостиваго Твоего́ заступле́нія, воздви́гни на́съ изъ глубины́ грѣхо́вныя и просвѣти́ серде́чныя о́чи на́ша къ зрѣ́нію спасе́нія. Ми́лостива на́мъ бу́ди здѣ́ и та́мо, въ странѣ́ земна́го прише́льствія и на стра́шномъ судѣ́ Сы́на Твоего́. Преста́вльшіяся же въ вѣ́рѣ и покая́ніи отъ житія́ сего́ отцы́ и бра́тію на́шу въ вѣ́чной жи́зни со а́нгелы и со всѣ́ми святы́ми жи́ти сотвори́. Ты́ бо еси́, Госпоже́, сла́ва небе́сныхъ и упова́ніе земны́хъ, Ты́ по Бо́зѣ на́ша Наде́жда и Засту́пница всѣ́хъ, притека́ющихъ къ Тебѣ́ съ вѣ́рою. Къ Тебѣ́ у́бо мо́лимся и Тебѣ́, я́ко всемогу́щей Помо́щнице, са́ми себе́ и дру́гъ дру́га и ве́сь живо́тъ на́шъ предае́мъ, ны́нѣ и при́сно и во вѣ́ки вѣко́въ. Ами́нь.

Моли́тва ко Пресвятѣ́й Богоро́дицѣ человѣ́ка, су́щаго въ ско́рби и озлобле́ніи.

Цари́це моя́ Преблага́я, наде́ждо моя́ Пресвята́я, прія́телище си́рымъ и стра́ннымъ засту́пнице, бѣ́дствующихъ по́моще и озлобля́емыхъ покро́ве, зри́ши мою́ напа́сть, зри́ши мою́ ско́рбь: отвсю́ду искуше́ніемъ одержи́мь е́смь, а заступа́ющаго нѣ́сть. Ты́ у́бо Сама́ помози́ ми, я́ко не́мощну, окорми́ мя, я́ко стра́нна, наста́ви, я́ко заблу́ждша, уврачу́й и спаси́, я́ко безнаде́жна. Не и́мамъ бо ины́я по́мощи, ни ина́го предста́тельства, ни утѣше́нія, то́кмо Тебе́, о Ма́ти всѣ́хъ скорбя́щихъ и обремене́нныхъ! При́зри у́бо на мя́, грѣ́шнаго и во озлобле́ніи су́щаго, и покры́й мя́ пресвяты́мъ омофо́ромъ Твои́мъ, да изба́вленъ бу́ду отъ зо́лъ, мя́ обыше́дшихъ, и восхвалю́ вы́ну препѣ́тое и́мя Твое́. Ами́нь.

А҆ка́ѳїстъ покро́вꙋ прест҃ы́ѧ бцⷣы.

Конда́къ а҃.

И҆збра́ннѣй предвѣ́чнымъ цр҃е́мъ, превы́шшей всѧ́кагѡ созда́нїѧ, небесѐ и҆ землѝ цр҃и́цѣ, прише́дшей и҆ногда̀ во влахе́рнскꙋю це́рковь на мл҃твꙋ, досто́йное поклоне́нїе съ бл҃годаре́нїемъ приносѧ́ще, ꙗ҆́кѡ во тмѣ̀ сꙋ́щїи, под̾ тво́й свѣтѧ́щїйсѧ ѡ҆мофо́ръ съ вѣ́рою и҆ ᲂу҆миле́нїемъ прибѣга́емъ: ты́ же, ꙗ҆́кѡ и҆мꙋ́щи держа́вꙋ непобѣди́мꙋю, ѿ всѧ́кихъ на́съ бѣ́дъ свобожда́й, да зове́мъ тѝ:

Ра́дꙋйсѧ, ра́досте на́ша, покры́й на́съ ѿ всѧ́кагѡ ѕла̀ честны́мъ твои́мъ ѡ҆мофо́ромъ.

І҆́косъ а҃.

А҆рха̑гг҃лъ и҆ а҆́гг҃лъ мно́жество, съ прⷣте́чею, бг҃осло́вомъ и҆ всѣ́хъ ст҃ы́хъ ли́комъ, сопредста́ша тебѣ̀, цр҃и́це свое́й, въ це́ркви влахе́рнстѣй, и҆ ᲂу҆милє́ннаѧ молє́нїѧ твоѧ̑ ѡ҆ все́мъ мі́рѣ слы́шавше, со ᲂу҆дивле́нїемъ возопи́ша такѡва́ѧ:

Ра́дꙋйсѧ, бг҃а ѻ҆ц҃а̀ безнача́льнагѡ предвѣ́чное бл҃говоле́нїе: ра́дꙋйсѧ, бг҃а сн҃а безлѣ́тнагѡ пречⷭ҇тое вмѣсти́лище.

Ра́дꙋйсѧ, бг҃а дх҃а всест҃а́гѡ и҆збра́нное жили́ще: ра́дꙋйсѧ, го́рнихъ чинѡ́въ а҆́гг҃льскихъ непрестаю́щее ᲂу҆дивле́нїе.

Ра́дꙋйсѧ, те́мныхъ си́лъ а҆́дскихъ всегро́зное ᲂу҆страше́нїе: ра́дꙋйсѧ, ю҆́же на воздꙋ́сѣ срѣта́ютъ многоѻчи́тїи херꙋві́ми.

Ра́дꙋйсѧ, є҆́йже похва̑льнаѧ восписꙋ́ютъ шестокрила́тїи серафі́ми: ра́дꙋйсѧ, є҆ѧ́же пребл҃го́мꙋ покро́вꙋ и҆ мы̀ земноро́днїи благода́рнѣ покланѧ́емсѧ.

Ра́дꙋйсѧ, ра́досте на́ша, покры́й на́съ ѿ всѧ́кагѡ ѕла̀ честны́мъ твои́мъ ѡ҆мофо́ромъ.

Конда́къ в҃.

Ви́дѣвше тѧ̀ ст҃ы́й а҆ндре́й со є҆пїфа́нїемъ въ це́ркви на воздꙋ́сѣ за хрⷭ҇тїа́ны бг҃ꙋ молѧ́щꙋюсѧ, позна́ша, ꙗ҆́кѡ мт҃рь є҆сѝ возне́сшагѡсѧ на нб҃о хрⷭ҇та̀ бг҃а на́шегѡ, и҆ припа́дше на зе́млю, ра́достнѡ покланѧ́хꙋсѧ всебл҃го́мꙋ покро́вꙋ твоемꙋ̀, зовꙋ́ще: А҆ллилꙋ́їа.

І҆́косъ в҃.

Ра́зꙋмъ недоразꙋмѣва́емый є҆сѝ, бцⷣе дв҃о, въ защище́нїи люде́й правосла́вныхъ, сегѡ̀ ра́ди вразѝ на́ши и҆ не познаю́тъ, ко́ль сильна̀ є҆́сть мл҃тва бж҃їѧ мт҃ре: мы́ же ѡ҆ твое́мъ всемо́щнѣмъ застꙋпле́нїи до́брѣ вѣ́дꙋще, си́це къ тебѣ̀ со ᲂу҆миле́нїемъ зове́мъ:

Ра́дꙋйсѧ, премлⷭ҇рдаѧ ᲂу҆тѣ́шительнице всѣ́хъ скорбѧ́щихъ и҆ ѡ҆бремене́нныхъ: ра́дꙋйсѧ, неꙋсыпа́ющаѧ наста́внице всѣ́хъ заблꙋ́ждшихъ и҆ ѡ҆слѣпле́нныхъ.

Ра́дꙋйсѧ, првⷣно дви́жимый гнѣ́въ бж҃їй на на́съ твои́мъ моле́нїемъ ско́рѡ ᲂу҆толѧ́ющаѧ: ра́дꙋйсѧ, ѕлы̑ѧ стра̑сти на́шѧ всемо́щнымъ манове́нїемъ ᲂу҆кроща́ющаѧ.

Ра́дꙋйсѧ, крѣ́пкое возбꙋжде́нїе спѧ́щихъ со́вѣстей: ра́дꙋйсѧ, нетрꙋ́дное преѡдолѣ́нїе беззако́нныхъ на́выкѡвъ.

Ра́дꙋйсѧ, є҆ѧ́же ра́ди а҆́дъ стене́тъ и҆ дꙋ́си ѕло́бы трепе́щꙋтъ: ра́дꙋйсѧ, є҆ѧ́же ра́ди врата̀ раѧ̀ всѣ̑мъ на́мъ ѿверза́ютсѧ.

Ра́дꙋйсѧ, ра́досте на́ша, покры́й на́съ ѿ всѧ́кагѡ ѕла̀ честны́мъ твои́мъ ѡ҆мофо́ромъ.

Конда́къ г҃.

Си́ла вы́шнѧгѡ ѡ҆сѣнѧ́етъ съ вѣ́рою и҆ бл҃гоговѣ́нїемъ прибѣга́ющихъ къ твоемꙋ̀ всечестно́мꙋ покро́вꙋ: є҆ди́нѣй бо то́чїю тебѣ̀, прест҃ѣ́й и҆ пречⷭ҇тѣй мт҃ри бж҃їей, даде́сѧ, да всѧ́кое проше́нїе твоѐ и҆спо́лнитсѧ: тѣ́мъ ᲂу҆́бѡ всѧ́къ во́зрастъ вѣ́рныхъ славосло́витъ тѧ̀ и҆ сн҃а твоего̀, зовꙋ́щь: А҆ллилꙋ́їа.

І҆́косъ г҃.

И҆мꙋ́щи бога́тство млⷭ҇рдїѧ неѡскꙋ́дное, всѣ̑мъ концє́мъ землѝ простира́еши рꙋ́кꙋ по́мощи, влⷣчце: болѧ́щымъ и҆сцѣле́нїе, стра́ждꙋщымъ ѡ҆сла́бꙋ, слѣпы̑мъ прозрѣ́нїе и҆ всѣ̑мъ всѧ̑ по коегѡ́ждо потре́бѣ подае́ши, бл҃года́рнѣ вопїю́щымъ:

Ра́дꙋйсѧ, правосла́вїѧ несокрꙋши́маѧ крѣ́посте и҆ ѡ҆гра́до: ра́дꙋйсѧ, ст҃ы́хъ хра́мѡвъ и҆ ѻ҆лтаре́й пе́рвѣйшее ᲂу҆краше́нїе.

Ра́дꙋйсѧ, благоче́стїѧ вѣрнѣ́йшее ѡ҆гражде́нїе: ра́дꙋйсѧ, благосе́рдыхъ градоправи́телей неꙋсыпа́ющаѧ споспѣ́шнице.

Ра́дꙋйсѧ, непобѣди́маѧ воево́до вожде́й и҆ во́инствъ хрⷭ҇тїа́нскихъ: ра́дꙋйсѧ, ст҃о́е зерца́ло пра́вды сꙋдїѧ́мъ немздопрїи̑мнымъ.

Ра́дꙋйсѧ, соверше́нный ра́зꙋме наста́вникѡвъ и҆ дѣтоводи́телей: ра́дꙋйсѧ, бл҃гослове́нїе домѡ́въ и҆ семе́йствъ бл҃гочести́выхъ.

Ра́дꙋйсѧ, ра́досте на́ша, покры́й на́съ ѿ всѧ́кагѡ ѕла̀ честны́мъ твои́мъ ѡ҆мофо́ромъ.

Конда́къ д҃.

Бꙋ́рею мно́гихъ бѣ́дъ ѡ҆держи̑мымъ на́мъ помога́еши, влⷣчце: стои́ши бо пред̾ лице́мъ ѻ҆лтарѧ̀ гдⷭ҇нѧ, воздви́гши рꙋ́цѣ твоѝ, и҆ мо́лишисѧ, ꙗ҆́кѡ да на́шꙋ недосто́йнꙋю моли́твꙋ при́зритъ гдⷭ҇ь цр҃ь сла́вы, и҆ послꙋ́шаетъ прошє́нїѧ призыва́ющихъ и҆́мѧ твоѐ ст҃о́е, къ сн҃ꙋ же твоемꙋ̀ зовꙋ́щихъ: А҆ллилꙋ́їа.

І҆́косъ д҃.

Оу҆слы́ша гдⷭ҇ь бг҃ъ і҆исꙋ́са наѵи́на молѧ́щасѧ и҆ повелѣва́юща со́лнцꙋ ста́ти, до́ндеже ѿмсти́тъ врагѡ́мъ: слы́шитъ и҆ твоѧ̑ ны́нѣ молє́нїѧ гдⷭ҇ь і҆и҃съ, и҆збра́ннаѧ пала́то дх҃а ст҃а́гѡ: тѣ́мже и҆ мы̀ грѣ́шнїи, на тво́й надѣ́ющесѧ покро́въ, тебѣ̀, ꙗ҆́кѡ бж҃їей мт҃ри, глаго́лати дерза́емъ:

Ра́дꙋйсѧ, ѿ сл҃нца мы́сленнагѡ ѡ҆заре́ннаѧ и҆ на́съ свѣ́томъ незаходи́мымъ просвѣща́ющаѧ: ра́дꙋйсѧ, сїѧ́нїемъ пречⷭ҇тыѧ дш҃ѝ твоеѧ̀ всю̀ зе́млю просвѣти́вшаѧ.

Ра́дꙋйсѧ, чⷭ҇тото́ю тѣлесѐ твоегѡ̀ всѧ̑ нб҃са̀ возвесели́вшаѧ: ра́дꙋйсѧ, ст҃ы́хъ ѡ҆би́телей хрⷭ҇то́выхъ покро́въ и҆ снабдѣ́нїе.

Ра́дꙋйсѧ, вѣ́рныхъ па́стырей цр҃кве бо́дрость и҆ вразꙋмле́нїе: ра́дꙋйсѧ, бг҃обоѧ́зненныхъ и҆́нокѡвъ и҆ и҆́нокинь наста́внице.

Ра́дꙋйсѧ, невозмꙋща́емое ᲂу҆спокое́нїе бл҃гоговѣ́йныхъ ста́рцєвъ: ра́дꙋйсѧ, та́йное весе́лїе чи́стыхъ дѣ́въ и҆ вдови́цъ.

Ра́дꙋйсѧ, ра́досте на́ша, покры́й на́съ ѿ всѧ́кагѡ ѕла̀ честны́мъ твои́мъ ѡ҆мофо́ромъ.

Конда́къ є҃.

Бг҃ови́децъ мѡѷсе́й во ѡ҆полче́нїи и҆ногда̀ на а҆мали́ка, є҆гда̀ рꙋ́цѣ воздвиза́ше, і҆и҃ль ѡ҆долѣва́ше, є҆гда́ же рꙋ́цѣ низпꙋща́ше, тогда̀ а҆мали́къ побѣжда́ше, поддержа́щими же є҆го̀ ᲂу҆крѣпле́нъ, побѣдѝ врага̀: ты́ же, ѽ, бг҃омт҃и, воздѣ́вши рꙋ́цѣ твоѝ на ᲂу҆моле́нїе, а҆́ще и҆ ники́мже поддержи́ма, всегда̀ побѣжда́еши враги̑ хрⷭ҇тїа̑нскїѧ, и҆ на́мъ щи́тъ є҆сѝ непобѣди́мь, вопїю́щымъ: А҆ллилꙋ́їа.

І҆́косъ є҃.

Ви́дѣвше тѧ̀ ст҃ы́хъ собо́ри на воздꙋ́сѣ въ це́ркви влахе́рнстѣй моле́бнїи рꙋ́цѣ къ сн҃ꙋ и҆ бг҃ꙋ простира́ющꙋю, ра́достнѡ со а҆рха̑гг҃лы и҆ а҆́гг҃лы благода́рнꙋю тѝ пѣ́снь воспѣ́ша: мы́ же крѣпча́йшима, па́че мѡѷсе́овыхъ рꙋ́къ, дла́ньма твои́ма ᲂу҆крѣплѧ́еми, ᲂу҆ми́льнѡ вопїе́мъ:

Ра́дꙋйсѧ, є҆ѧ́же рꙋ́цѣ поддержи́тъ за всѣ́хъ на́съ є҆ди́наѧ є҆ѧ̀ къ на́мъ любо́вь и҆ млⷭ҇рдїе: ра́дꙋйсѧ, пред̾ не́юже вразѝ на̑ша, ви́димїи и҆ неви́димїи, стоѧ́ти не мо́гꙋтъ.

Ра́дꙋйсѧ, те́мное по́лчище страсте́й и҆ похоте́й на́шихъ прогонѧ́ющаѧ: ра́дꙋйсѧ, ѻ҆́гнь бжⷭ҇твенный хрⷭ҇та̀ неѡпа́льнѡ на рꙋкꙋ̀ своє́ю держа́щаѧ, и҆ на́съ хла́дныхъ тѣ́мъ воспламенѧ́ющаѧ.

Ра́дꙋйсѧ, во́инствꙋющихъ на пло́ть цѣломⷣрїемъ и҆зрѧ́дное вѣнча́нїе: ра́дꙋйсѧ, подвиза́ющихсѧ въ постѣ̀ и҆ безмо́лвїи прⷭ҇ное собесѣ́дованїе.

Ра́дꙋйсѧ, и҆знемога́ющихъ ѿ ᲂу҆ны́нїѧ и҆ печа́ли ско́раѧ ᲂу҆тѣ́шительнице: ра́дꙋйсѧ, блгⷣтїю смире́нїѧ и҆ терпѣ́нїѧ снабдѣва́ющаѧ.

Ра́дꙋйсѧ, ра́досте на́ша, покры́й на́съ ѿ всѧ́кагѡ ѕла̀ честны́мъ твои́мъ ѡ҆мофо́ромъ.

Конда́къ ѕ҃.

Проповѣ́дникъ неѡскꙋдѣва́емыѧ блгⷣти и҆ млⷭ҇тей твои́хъ ꙗ҆ви́сѧ ст҃ы́й рѡма́нъ сладкопѣ́вецъ, є҆гда̀ ѿ тебє̀ во снѣ̀ прїѧ́тъ сви́токъ кни́жный на снѣде́нїе: тѣ́мъ ᲂу҆́бѡ ᲂу҆мꙋдре́нъ, нача́тъ разꙋ́мнѡ пѣ́ти во сла́вꙋ твою̀, ст҃ы̑мъ же писа́ти похва̑льнаѧ, взыва́ѧ съ вѣ́рою: А҆ллилꙋ́їа.

І҆́косъ ѕ҃.

Возсїѧ́ла є҆сѝ ѿ и҆́стиннагѡ сл҃нца пра́вды зарѧ̀, дв҃о бг҃оѻтрокови́це, просвѣща́ющаѧ всѣ́хъ премⷣростїю бг҃а сн҃а твоегѡ̀, и҆ въ позна́нїе и҆́стины приводѧ́щаѧ зовꙋ́щихъ тѝ такѡва́ѧ:

Ра́дꙋйсѧ, бж҃їю си́лꙋ и҆ бж҃їю премⷣрость хрⷭ҇та̀ пл҃тїю породи́вшаѧ: ра́дꙋйсѧ, ю҆ро́дивꙋю мꙋ́дрость вѣ́ка сегѡ̀ посрами́вшаѧ, и҆ ѡ҆слѣпле́нныхъ є҆́ю на пꙋ́ть пра́вый наставлѧ́ющаѧ.

Ра́дꙋйсѧ, ст҃ы́ѧ вѣ́ры ѡ҆хране́нїе, и҆ правосла́вныхъ догма́тѡвъ наста́внице: ра́дꙋйсѧ, нечести́выхъ є҆ресе́й и҆ тлетво́рныхъ раско́лѡвъ и҆скорени́тельнице.

Ра́дꙋйсѧ, та̑йнаѧ и҆ неꙋдо́бь предви̑дѣннаѧ всѧ̑ до́брѣ вѣ́дꙋщаѧ, и҆ и҆̀мже подоба́етъ, сказꙋ́ющаѧ: ра́дꙋйсѧ, лжи́выхъ прови́дцєвъ и҆ сꙋ́єтнаѧ гада̑нїѧ посрамлѧ́ющаѧ.

Ра́дꙋйсѧ, въ ча́съ недоꙋмѣ́нїй мы́сль бл҃гꙋ на се́рдце полага́ющаѧ: ра́дꙋйсѧ, ѿ па́гꙋбныхъ начина́нїй и҆ несмы́сленныхъ пожела́нїй воспѧща́ющаѧ.

Ра́дꙋйсѧ, ра́досте на́ша, покры́й на́съ ѿ всѧ́кагѡ ѕла̀ честны́мъ твои́мъ ѡ҆мофо́ромъ.

Конда́къ з҃.

Хотѧ́й долготерпѣли́вый всеви́децъ гдⷭ҇ь ꙗ҆ви́ти своегѡ̀ чл҃вѣколю́бїѧ неизслѣ́димꙋю щедро́тъ бе́зднꙋ, и҆збра̀ тебѐ є҆ди́нꙋ въ мт҃рь себѣ̀, и҆ сотвори́ тѧ лю́демъ непреѡдолѣ́нное защище́нїе: да а҆́ще кто̀ ѿ ни́хъ и҆ првⷣнымъ сꙋдо́мъ бж҃їимъ ѡ҆сꙋжде́нїѧ досто́инъ ꙗ҆ви́тсѧ, твои́мъ ѻ҆ба́че держа́внымъ покро́вомъ сохранѧ́етсѧ на покаѧ́нїе, зовы́й: А҆ллилꙋ́їа.

І҆́косъ з҃.

Ди̑внаѧ показа́лъ є҆сѝ дѣла̀ твоѧ̑ въ пречⷭ҇тѣй мт҃ри твое́й, гдⷭ҇и, є҆гда̀ пречꙋ́дный ѡ҆мофо́ръ въ рꙋцѣ̀ є҆ѧ̀ свѣтѧ́щїйсѧ па́че лꙋ̑чь со́лнечныхъ ꙗ҆ви́сѧ, и҆́мже покрыва́ше лю́ди, сꙋ́щыѧ въ це́ркви влахе́рнстѣй: ѡ҆ таковѣ́мъ ᲂу҆́бѡ зна́менїи млⷭ҇рдагѡ є҆ѧ̀ застꙋпле́нїѧ ᲂу҆слы́шавше, ᲂу҆́жасомъ и҆ ра́достїю ѡ҆держи́ми, всѝ глаго́лахꙋ:

Ра́дꙋйсѧ, нерꙋкотворе́нный ѡ҆мофо́ръ а҆́ки ѡ҆́блакъ над̾ всѣ́мъ мі́ромъ распросте́ршаѧ: ра́дꙋйсѧ, превѣ́чнагѡ а҆рхїере́а, сн҃а своегѡ̀, зна́менїе на рꙋцѣ̀ свое́й держа́щаѧ.

Ра́дꙋйсѧ, но́вꙋю млⷭ҇ть и҆ но́вꙋю блгⷣть си́мъ въ цр҃кви правосла́внѣй ꙗ҆влѧ́ющаѧ: ра́дꙋйсѧ, сто́лпе ѡ҆́блачный, ѿ и҆скꙋше́нїй и҆ собла́знѡвъ мі́ра всѣ́хъ на́съ покрыва́ющїй.

Ра́дꙋйсѧ, сто́лпе ѻ҆́гненный, средѝ мглы̀ грѣха̀ всѣ̑мъ на́мъ пꙋ́ть спⷭ҇нїѧ показꙋ́ющїй: ра́дꙋйсѧ, ꙗ҆́вныхъ бл҃гоче́стїѧ подви́жникѡвъ ꙗ҆́вное ᲂу҆крѣпле́нїе.

Ра́дꙋйсѧ, та́йныхъ средѝ мі́ра рабѡ́въ бж҃їихъ та́йное вразꙋмле́нїе: ра́дꙋйсѧ, и҆ менє̀ ѡ҆бнаже́ннагѡ до́брыхъ дѣ́лъ не ѡ҆ставлѧ́ющаѧ свои́мъ покро́вомъ и҆ блгⷣтїю.

Ра́дꙋйсѧ, ра́досте на́ша, покры́й на́съ ѿ всѧ́кагѡ ѕла̀ честны́мъ твои́мъ ѡ҆мофо́ромъ.

Конда́къ и҃.

Ди́внѡ тѧ̀ ѿ нб҃съ во влахе́рнстѣй це́ркви ꙗ҆́вльшꙋюсѧ а҆́гг҃ли воспѣ́ша, а҆пⷭ҇ли просла́виша, ли́къ ст҃и́телей и҆ прпⷣбныхъ и҆ же́нъ ст҃ы́хъ сосло́вїе восхвали́ша, прⷣте́ча съ бг҃осло́вомъ поклони́шасѧ, лю́дїе же сꙋ́щїи въ це́ркви съ весе́лїемъ вопїѧ́хꙋ: А҆ллилꙋ́їа.

І҆́косъ и҃.

Всѣ́ми вы́шними и҆ ни́жними влⷣчествꙋѧ гдⷭ҇ь, ᲂу҆зрѣ́въ тѧ̀ въ це́ркви мт҃рь свою̀ стоѧ́щꙋ и҆ со ᲂу҆миле́нїемъ къ немꙋ̀ молѧ́щꙋюсѧ, речѐ: просѝ, мт҃и моѧ̀, занѐ не ѿвращꙋ́сѧ тебє̀, но и҆спо́лню всѧ̑ прошє́нїѧ твоѧ̑, и҆ бл҃года́рствєннаѧ си́це тебѣ̀ всѣ́хъ пѣ́ти наꙋчꙋ̀:

Ра́дꙋйсѧ, ковче́же завѣ́та, въ не́мже храни́тсѧ ѡ҆сщ҃е́нїе всегѡ̀ ро́да человѣ́ческагѡ: ра́дꙋйсѧ, ста́мно прест҃а́ѧ, въ не́йже а҆́лчꙋщымъ пра́вды блюде́тсѧ хлѣ́бъ жи́зни вѣ́чныѧ.

Ра́дꙋйсѧ, сосꙋ́де всезлаты́й, въ не́мже ᲂу҆гото́васѧ на́съ ра́ди пл҃ть и҆ кро́вь бжⷭ҇твеннагѡ а҆́гнца: ра́дꙋйсѧ, ѡ҆ста́вленныхъ врача́ми на своѝ всемѡ́щныѧ рꙋ́цѣ прїе́млющаѧ.

Ра́дꙋйсѧ, разсла́бленныхъ тѣ́ломъ, но не дꙋ́хомъ и҆ вѣ́рою, со ѻ҆дра̀ болѣ́зни воздвиза́ющаѧ: ра́дꙋйсѧ, погꙋблѧ́ющымъ ѿ недꙋ́га ᲂу҆́мъ но́вый и҆ лꙋ́чшїй смы́слъ подаю́щаѧ.

Ра́дꙋйсѧ, на стро́потнѣмъ пꙋтѝ грѣха̀ и҆ страсте́й на́съ премⷣрѣ запина́ющаѧ: ра́дꙋйсѧ, жесто́кость нераска́ѧннагѡ се́рдца на́шегѡ ᲂу҆милѧ́ющаѧ.

Ра́дꙋйсѧ, ра́досте на́ша, покры́й на́съ ѿ всѧ́кагѡ ѕла̀ честны́мъ твои́мъ ѡ҆мофо́ромъ.

Конда́къ ѳ҃.

Всѐ є҆стество̀ а҆́гг҃льское похва̑льнаѧ прино́ситъ тебѣ̀ и҆́стиннѣй бж҃їей мт҃ри и҆ застꙋ́пницѣ всѣ́хъ притека́ющихъ къ тебѣ̀, вѣ́дꙋще, ꙗ҆́кѡ несокрꙋши́мымъ покро́вомъ твои́мъ првⷣныхъ возвеселѧ́еши, грѣ́шныхъ застꙋпа́еши, бѣ́дствꙋющихъ и҆збавлѧ́еши, и҆ мо́лишисѧ ѡ҆ всѣ́хъ вѣ́рныхъ, зовꙋ́щихъ: А҆ллилꙋ́їа.

І҆́косъ ѳ҃.

Вѣті̑и многовѣща́ннїи ꙗ҆́кѡ ры̑бы безгла̑сныѧ, недоꙋмѣ́ютъ, ка́кѡ восхвали́ти по достоѧ́нїю вели́кїй всечестна́гѡ покро́ва твоегѡ̀ пра́здникъ: всѧ́ бо ѡ҆ тебѣ̀ ѿ ни́хъ глагѡ́лемаѧ не сꙋ́ть довѡ́льна къ є҆ди́номꙋ и҆зчисле́нїю щедро́тъ твои́хъ: мы́ же твоѧ̑ неизчє́тныѧ бл҃годѣѧ̑нїѧ ви́дѧще, съ весе́лїемъ взыва́емъ:

Ра́дꙋйсѧ, ѿ ꙗ҆́звы и҆ всегꙋби́тельства сме́ртнагѡ на́съ соблюда́ющаѧ: ра́дꙋйсѧ, ѿ внеза́пнагѡ колеба́нїѧ землѝ гра́ды и҆ вє́си сохранѧ́ющаѧ.

Ра́дꙋйсѧ, ѿ разлїѧ̑нїѧ во́дъ и҆ потопле́нїѧ рꙋко́ю крѣ́пкою возводѧ́щаѧ: ра́дꙋйсѧ, ѿ запале́нїѧ ѻ҆́гненнагѡ росо́ю мл҃твъ твои́хъ и҆збавлѧ́ющаѧ.

Ра́дꙋйсѧ, ѿ гла́да дꙋше́внагѡ и҆ тѣле́снагѡ хлѣ́бомъ жи́зни снабдѣва́ющаѧ: ра́дꙋйсѧ, ᲂу҆да́ры мо́лнїи и҆ гро́ма ѿ главы̀ на́шеѧ ѿводѧ́щаѧ.

Ра́дꙋйсѧ, ѿ наше́ствїѧ и҆ноплемє́нникъ и҆ та́йныхъ ᲂу҆бі́йцъ сп҃са́ющаѧ: ра́дꙋйсѧ, ѿ дома́шнїѧ бра́ни и҆ вражды̀ є҆динокро́вныхъ ми́ромъ и҆ любо́вїю ѡ҆гражда́ющаѧ.

Ра́дꙋйсѧ, ра́досте на́ша, покры́й на́съ ѿ всѧ́кагѡ ѕла̀ честны́мъ твои́мъ ѡ҆мофо́ромъ.

Конда́къ і҃.

Спⷭ҇тѝ хотѧ́й ро́дъ человѣ́ческїй ѿ пре́лести вра́жїѧ чл҃вѣколю́бецъ гдⷭ҇ь, тебѐ мт҃рь свою̀ дарова̀ земны̑мъ на́мъ въ по́мощь, покро́въ и҆ защи́тꙋ, да бꙋ́деши печа̑льнымъ ᲂу҆тѣше́нїе, скорбѧ́щымъ ра́дованїе, ѡ҆би̑димымъ застꙋ́пница, и҆ да всѣ́хъ и҆з̾ глꙋбины̀ грѣхо́вныѧ воздви́гнеши, пою́щихъ: А҆ллилꙋ́їа.

І҆́косъ і҃.

Цр҃ю̀ нбⷭ҇ный, гл҃го́лаше въ мл҃твѣ на воздꙋ́сѣ со а҆́гг҃лы стоѧ́щаѧ всенепоро́чнаѧ цр҃и́ца, прїимѝ всѧ́каго человѣ́ка молѧ́щасѧ къ тебѣ̀ и҆ призыва́юща и҆́мѧ моѐ на по́мощь, да не ѿи́детъ ѿ ли́ка моегѡ̀ то́щь и҆ неꙋслы́шанъ. Сїю̀ всебл҃гꙋ́ю мл҃твꙋ слы́шавше собо́ри ст҃ы́хъ, бл҃года́рнѣ возопи́ша:

Ра́дꙋйсѧ, чи́стыхъ рꙋка́ми и҆ се́рдцемъ земледѣ́льцєвъ блгⷭ҇ве́нными плода́ми вѣнча́ющаѧ: ра́дꙋйсѧ, по́моще и҆ првⷣное мздовоздаѧ́нїе всѣ̑мъ пра́вѡ кꙋ́плю дѣ́ющымъ.

Ра́дꙋйсѧ, клѧтвопрестꙋпле́нїй и҆ непра́ведныхъ стѧжа́нїй всенаро́дное ѡ҆бличе́нїе: ра́дꙋйсѧ, бѣ́дствꙋющымъ въ пꙋтѝ, на сꙋ́шѣ и҆ вода́хъ внеза́пное вспоможе́нїе.

Ра́дꙋйсѧ, безча́дныхъ роди́телей плода́ми вѣ́ры и҆ дх҃а веселѧ́щаѧ: ра́дꙋйсѧ, безма́тернихъ сиро́тъ незри́маѧ воспита́тельнице.

Ра́дꙋйсѧ, крѣ́пкаѧ застꙋ́пнице сꙋ́щихъ въ плѣнꙋ̀ и҆ и҆згна́нїи: ра́дꙋйсѧ, неꙋсыпа́ющаѧ попечи́тельнице во ᲂу҆́захъ и҆ темни́цѣ сѣдѧ́щихъ.

Ра́дꙋйсѧ, ра́досте на́ша, покры́й на́съ ѿ всѧ́кагѡ ѕла̀ честны́мъ твои́мъ ѡ҆мофо́ромъ.

Конда́къ а҃і.

Пѣ́нїе всеꙋмиле́нное слы́шаще и҆ те́плѣй твое́й мл҃твѣ ѡ҆ на́съ вне́млюще, про́симъ тебѐ, дв҃о бцⷣе, не пре́зри гла́са рабѡ́въ твои́хъ: къ тебѣ́ бо въ напа́стехъ и҆ ско́рбехъ прибѣга́емъ, и҆ пред̾ тобо́ю въ бѣда́хъ на́шихъ сле́зы пролива́емъ, зовꙋ́ще: А҆ллилꙋ́їа.

І҆́косъ а҃і.

Ꙗ҆́кѡ свѣтопрїе́мнꙋю свѣщꙋ̀ въ мл҃твѣ горѧ́щꙋю, ви́дѧще тѧ̀ на воздꙋ́сѣ влахе́рнскаѧ це́рковь, согла́снѡ со мно́жествомъ люде́й, въ не́й бы́вшихъ, возглаша́ше: ѿкꙋ́дꙋ мнѣ̀ сїѐ, да прїи́де мт҃и гдⷭ҇а моегѡ̀ ко мнѣ̀; Ст҃ы́й же а҆ндре́й со є҆пїфа́нїемъ те́плѣ молѧ́хꙋсѧ къ тебѣ̀, зовꙋ́ще:

Ра́дꙋйсѧ, всѣ́хъ дарѡ́въ дх҃о́вныхъ и҆ тѣле́сныхъ незави́стнаѧ пода́тельнице: ра́дꙋйсѧ, полага́ющихъ нача́ло покаѧ́нїѧ грѣ́шникѡвъ вѣ́рнаѧ предста́тельнице.

Ра́дꙋйсѧ, борю́щихсѧ со страстьмѝ и҆ прило́гами вра́жїими всегда́шнѧѧ спобо́рнице: ра́дꙋйсѧ, незри́мое ᲂу҆кроще́нїе влады́къ жесто́кихъ и҆ ѕвѣронра́вныхъ.

Ра́дꙋйсѧ, та́йный поко́е и҆ ѿра́до рабѡ́въ кро́ткихъ и҆ стра́ждꙋщихъ: ра́дꙋйсѧ, всежела́нное соверше́нїе благи́хъ сꙋпрꙋ́жествъ.

Ра́дꙋйсѧ, ма́терей дѣтородѧ́щихъ ско́рое и҆ безболѣ́зненное разрѣше́нїе: ра́дꙋйсѧ, въ ча́съ кончи́ны є҆ди́наѧ всѣ̑мъ на́мъ помо́щнице.

Ра́дꙋйсѧ, ра́досте на́ша, покры́й на́съ ѿ всѧ́кагѡ ѕла̀ честны́мъ твои́мъ ѡ҆мофо́ромъ.

Конда́къ в҃і.

Блгⷣть бжⷭ҇твеннꙋю и҆спросѝ на́мъ ᲂу҆ сн҃а твоегѡ̀ и҆ бг҃а, прострѝ на́мъ рꙋ́кꙋ по́мощи, ѿженѝ ѿ на́съ всѧ́каго врага̀ и҆ сꙋпоста́та, и҆ ᲂу҆мирѝ на́шꙋ жи́знь, да не поги́бнемъ лю́тѣ без̾ покаѧ́нїѧ, но прїимѝ на́съ въ вѣ̑чныѧ кро́вы, покрови́тельнице на́ша, да ра́дꙋющесѧ тебѣ̀ зове́мъ: А҆ллилꙋ́їа.

І҆́косъ в҃і.

Пою́ще тво́й держа́вный покро́въ, хва́лимъ тѧ̀ всѝ, ꙗ҆́кѡ тве́рдꙋю предста́тельницꙋ на́шꙋ, и҆ покланѧ́емсѧ тебѣ̀, ѡ҆ на́съ молѧ́щейсѧ: вѣ́рꙋемъ бо и҆ надѣ́емсѧ, ꙗ҆́кѡ и҆спро́сиши ᲂу҆ сн҃а твоегѡ̀ и҆ бг҃а бл҃га̑ѧ вѣ̑чнаѧ и҆ вре́мєннаѧ всѣ̑мъ съ любо́вїю вопїю́щымъ тебѣ̀ си́це:

Ра́дꙋйсѧ, все́й вселе́ннѣй крѣ́пкое застꙋпле́нїе: ра́дꙋйсѧ, всѣ́хъ стїхі́й земны́хъ и҆ небе́сныхъ ѡ҆сщ҃е́нїе.

Ра́дꙋйсѧ, всѣ́хъ време́нъ го́да бл҃гослове́нїе: ра́дꙋйсѧ, всѣ́хъ навѣ́тѡвъ и҆ и҆скꙋше́нїй, ѿ мі́ра, пло́ти и҆ дїа́вола находѧ́щихъ, попра́нїе.

Ра́дꙋйсѧ, неча́емое примире́нїе ѡ҆жесточе́ннѡ враждꙋ́ющихъ: ра́дꙋйсѧ, недовѣ́домое и҆справле́нїе нераска́ѧнныхъ грѣ́шникѡвъ.

Ра́дꙋйсѧ, не ѿверга́ющаѧ всѣ́ми презрѣ́нныхъ и҆ ѿве́рженныхъ: ра́дꙋйсѧ, сами́хъ ѿча́ѧнныхъ ѿ ро́ва поги́бели и҆схища́ющаѧ.

Ра́дꙋйсѧ, ра́досте на́ша, покры́й на́съ ѿ всѧ́кагѡ ѕла̀ честны́мъ твои́мъ ѡ҆мофо́ромъ.

Конда́къ г҃і.

Ѽ, всепѣ́таѧ мт҃и, пречⷭ҇таѧ гпⷭ҇жѐ, дв҃о бцⷣе! къ тебѣ̀ возвождꙋ̀ дꙋшє́вныѧ и҆ тѣлє́сныѧ ѻ҆́чи, къ тебѣ̀ простира́ю разсла́блєнныѧ рꙋ́цѣ, и҆ и҆з̾ глꙋбины̀ се́рдца вопїю̀: при́зри на вѣ́рꙋ и҆ смире́нїе дꙋшѝ моеѧ̀, покры́й мѧ̀ всемо́щнымъ ѡ҆мофо́ромъ твои́мъ, да и҆зба́влюсѧ ѿ всѣ́хъ бѣ́дъ и҆ напа́стей, и҆ въ ча́съ кончи́ны моеѧ̀, ѽ, всебл҃га́ѧ, предста́ни мнѣ̀, и҆ ᲂу҆гото́ваннагѡ ра́ди грѣхѡ́въ мои́хъ и҆зба́ви мꙋче́нїѧ, да вы́нꙋ покланѧ́ѧсѧ зовꙋ̀: А҆ллилꙋ́їа.

І҆́косъ а҃.

А҆рха̑гг҃лъ и҆ а҆́гг҃лъ мно́жество, съ прⷣте́чею, бг҃осло́вомъ и҆ всѣ́хъ ст҃ы́хъ ли́комъ, сопредста́ша тебѣ̀, цр҃и́це свое́й, въ це́ркви влахе́рнстѣй, и҆ ᲂу҆милє́ннаѧ молє́нїѧ твоѧ̑ ѡ҆ все́мъ мі́рѣ слы́шавше, со ᲂу҆дивле́нїемъ возопи́ша такѡва́ѧ:

Ра́дꙋйсѧ, бг҃а ѻ҆ц҃а̀ безнача́льнагѡ предвѣ́чное бл҃говоле́нїе: ра́дꙋйсѧ, бг҃а сн҃а безлѣ́тнагѡ пречⷭ҇тое вмѣсти́лище.

Ра́дꙋйсѧ, бг҃а дх҃а всест҃а́гѡ и҆збра́нное жили́ще: ра́дꙋйсѧ, го́рнихъ чинѡ́въ а҆́гг҃льскихъ непрестаю́щее ᲂу҆дивле́нїе.

Ра́дꙋйсѧ, те́мныхъ си́лъ а҆́дскихъ всегро́зное ᲂу҆страше́нїе: ра́дꙋйсѧ, ю҆́же на воздꙋ́сѣ срѣта́ютъ многоѻчи́тїи херꙋві́ми.

Ра́дꙋйсѧ, є҆́йже похва̑льнаѧ восписꙋ́ютъ шестокрила́тїи серафі́ми: ра́дꙋйсѧ, є҆ѧ́же пребл҃го́мꙋ покро́вꙋ и҆ мы̀ земноро́днїи благода́рнѣ покланѧ́емсѧ.

Ра́дꙋйсѧ, ра́досте на́ша, покры́й на́съ ѿ всѧ́кагѡ ѕла̀ честны́мъ твои́мъ ѡ҆мофо́ромъ.

Конда́къ а҃.

И҆збра́ннѣй предвѣ́чнымъ цр҃е́мъ, превы́шшей всѧ́кагѡ созда́нїѧ, небесѐ и҆ землѝ цр҃и́цѣ, прише́дшей и҆ногда̀ во влахе́рнскꙋю це́рковь на мл҃твꙋ, досто́йное поклоне́нїе съ бл҃годаре́нїемъ приносѧ́ще, ꙗ҆́кѡ во тмѣ̀ сꙋ́щїи, под̾ тво́й свѣтѧ́щїйсѧ ѡ҆мофо́ръ съ вѣ́рою и҆ ᲂу҆миле́нїемъ прибѣга́емъ: ты́ же, ꙗ҆́кѡ и҆мꙋ́щи держа́вꙋ непобѣди́мꙋю, ѿ всѧ́кихъ на́съ бѣ́дъ свобожда́й, да зове́мъ тѝ:

Ра́дꙋйсѧ, ра́досте на́ша, покры́й на́съ ѿ всѧ́кагѡ ѕла̀ честны́мъ твои́мъ ѡ҆мофо́ромъ.

Моли́тва ко прест҃ѣ́й бцⷣе.

Ѽ, прест҃а́ѧ дв҃о, мт҃и гдⷭ҇а вы́шнихъ си́лъ, нб҃сѐ и҆ землѝ цр҃и́це, гра́да и҆ страны̀ на́шеѧ всемо́щнаѧ застꙋ́пнице! прїимѝ хвалебнобл҃года́рственное пѣ́нїе сїѐ ѿ на́съ недосто́йныхъ ра̑бъ твои́хъ, и҆ вознесѝ моли̑твы на́шѧ ко прⷭ҇то́лꙋ бг҃а сн҃а твоегѡ̀, да млⷭ҇тивъ бꙋ́детъ непра́вдамъ на́шымъ, и҆ проба́витъ блгⷣть свою̀ чтꙋ́щымъ всечⷭ҇тно́е и҆́мѧ твоѐ и҆ съ вѣ́рою и҆ любо́вїю покланѧ́ющымсѧ чꙋдотво́рномꙋ ѡ҆́бразꙋ твоемꙋ̀. Нѣ́смы бо досто́йни ѿ негѡ̀ поми́ловани бы́ти, а҆́ще не ты̀ ᲂу҆млⷭ҇тивиши є҆го̀ ѡ҆ на́съ, влⷣчце, ꙗ҆́кѡ всѧ̑ тебѣ̀ ѿ негѡ̀ возмѡ́жна сꙋ́ть. Сегѡ̀ ра́ди къ тебѣ̀ прибѣга́емъ, ꙗ҆́кѡ къ несомнѣ́ннѣй и҆ ско́рѣй застꙋ́пницѣ на́шей: ᲂу҆слы́ши на́съ молѧ́щихсѧ тебѣ̀, ѡ҆сѣнѝ на́съ вседержа́внымъ покро́вомъ твои́мъ, и҆ и҆спросѝ ᲂу҆ бг҃а сн҃а твоегѡ̀ па́стырємъ на́шымъ ре́вность и҆ бдѣ́нїе ѡ҆ дꙋша́хъ, градоправи́телємъ мⷣрость и҆ си́лꙋ, сꙋдїѧ́мъ пра́вдꙋ и҆ нелицепрїѧ́тїе, наста́вникѡмъ ра́зꙋмъ и҆ смиренномⷣрїе, сꙋпрꙋ́гѡмъ любо́вь и҆ согла́сїе, ча́дѡмъ послꙋша́нїе, ѡ҆би̑димымъ терпѣ́нїе, ѡ҆би́дѧщымъ стра́хъ бж҃їй, скорбѧ́щымъ бл҃годꙋ́шїе, ра́дꙋющымсѧ воздержа́нїе: всѣ̑мъ же на́мъ дх҃ъ ра́зꙋма и҆ бл҃гоче́стїѧ, дх҃ъ млⷭ҇рдїѧ и҆ кро́тости, дх҃ъ чⷭ҇тоты̀ и҆ пра́вды. Є҆́й, гпⷭ҇жѐ прест҃а́ѧ, ᲂу҆млⷭ҇рдисѧ на немѡщны́ѧ лю́ди твоѧ̑: разсѣ̑ѧнныѧ соберѝ, заблꙋ́ждшыѧ на пꙋ́ть пра́вый наста́ви, ста́рость поддержѝ, ю҆́ныѧ ᲂу҆цѣломⷣри, младе́нцы воспита́й, и҆ при́зри на всѣ́хъ на́съ призрѣ́нїемъ млⷭ҇тивагѡ твоегѡ̀ застꙋпле́нїѧ, воздви́гни на́съ и҆з̾ глꙋбины̀ грѣхо́вныѧ, и҆ просвѣтѝ сердє́чныѧ ѻ҆́чи на́шѧ къ зрѣ́нїю спⷭ҇нїѧ, млⷭ҇тива на́мъ бꙋ́ди здѣ̀ и҆ та́мѡ, въ странѣ̀ земна́гѡ прише́льствїѧ и҆ на стра́шнѣмъ сꙋдѣ̀ сн҃а твоегѡ̀: преста́вльшыѧсѧ же въ вѣ́рѣ и҆ покаѧ́нїи ѿ житїѧ̀ сегѡ̀ ѻ҆тцы̀ и҆ бра́тїю на́шꙋ въ вѣ́чнѣй жи́зни со а҆́гг҃лы и҆ со всѣ́ми ст҃ы́ми жи́ти сотворѝ. Ты́ бо є҆сѝ, гпⷭ҇жѐ, сла́ва нбⷭ҇ныхъ и҆ ᲂу҆пова́нїе земны́хъ, ты̀ по бз҃ѣ на́ша наде́жда и҆ застꙋ́пница всѣ́хъ, притека́ющихъ къ тебѣ̀ съ вѣ́рою. Къ тебѣ̀ ᲂу҆́бѡ мо́лимсѧ, и҆ тебѣ̀, ꙗ҆́кѡ всемогꙋ́щей помо́щницѣ, са́ми себѐ и҆ дрꙋ́гъ дрꙋ́га и҆ ве́сь живо́тъ на́шъ предае́мъ, ны́нѣ и҆ прⷭ҇нѡ и҆ во вѣ́ки вѣкѡ́въ. А҆ми́нь.

Икона праздника
«Покров
Пресвятой Богородицы»

Праздник Покрова Божией Матери празднуется 14 октября.

О празднике Покрова Пресвятой Богородицы иерей Александр Пикалёв

Благодатный Покров прот. Валериан Кречетов

Покров Пресвятой Богородицы: заступление во всех бедах прот. Анатолий Малинин

Покров Пресвятой Богородицы Рубан Ю.И.

Житие и деяния святого отца нашего Андрея, Юродивого Христа ради

Список храмов с престольным праздником Покрова Пресвятой Богородицы

Влахернская церковь всегда была одной из главных святынь Константинополя: здесь хранились риза: (по-гречески – «омофор», то есть покров) и пояс Богоматери, привезенные паломниками из Иерусалима. В IX веке от Р.Х. наши предки – русы, тогда еще язычники, осадили Константинополь. Во время службы во Влахернской церкви защитникам города явилась Богоматерь, и, в знак того, что дает им свою защиту, покрыла их своей ризой. После этого омофор погрузили в прибрежные воды, и поднявшаяся в ту же минуту буря разметала русские ладьи.

Есть и другие версии, но самое интересное в этой истории то, что именно Покров, греческий праздник поражения руссов, стал одним из главных праздников русской церкви. Все дело в том, что, проиграв сражение, русы выиграли нечто большее. Увиденное в Константинополе чудо потрясло их, и вскоре нападавшие попросили крестить их – так Православие впервые пришло на Русь. А чудо явления Пресвятой Богородицы стало пониматься с тех пор как знак покровительства Богородицы всем молящимся и прибегающим к Ее заступничеству.

На Руси этот праздник был установлен в XII веке заботами святого князя Андрея Боголюбского. При нем же в 1165 году был построен знаменитый храм Покрова на Нерли.

Праздник Покрова Богоматери и икона Покрова – трогательный символ неустанного предстательства Владычицы за род людской – пришлись особенно по сердцу. Праздник Покрова, не будучи двунадесятым, чествуется в народном быту не менее двунадесятых.

Есть целый город во Владимирской области – Покров.

В Москве есть Покровский собор, называемый обыкновенно храмом Василия Блаженного. Собор этот заложен царем Иоанном Васильевичем Грозным после возвращения из казанского похода в память взятия Казани, так как в праздник Покрова русские овладели городом.

Празднование иконы Покрова Пресвятой Богородицы совершается 14 октября по новому стилю.

Долгое время праздник Покрова праздновался только в России, а в Греции, где он возник, о нем забыли. Но в нынешнем веке вернулся он и в Греческую Церковь. Явное заступничество Пресвятой Богородицы помогло народу этой страны освободиться от фашистских завоевателей в ходе Второй Мировой войны. По решению Священного Синода Элладской Церкви праздник Покрова Пресвятой Богородицы празднуется в день освобождения Афин 28 октября, ему составлена особая служба.

Особо почитается Божья Матерь и праздник Покрова на Святой горе Афон в Греции. Это место, являющееся земным уделом Богородицы.

* * *

В последние тяжкие времена, когда, с умножением грехов наших, увеличились наши бедствия – во исполнение слов святого Апостола Павла: «в опасностях от разбойников, в опасностях от единоплеменников, в опасностях от язычников, в опасностях в городе, в опасностях в пустыне, в опасностях на море, в опасностях между лжебратиями» (2Кор.11:26); когда во исполнение слов Самого Господа восстает народ на народ, и царство на царство, и наступают глады, моры и землетрясения по местам (Мф.24:7), когда теснят нас нашествия иноплеменников, междоусобные войны и смертоносные раны, – Пречистая и Преблагословенная Дева Мария, Матерь Господня, подает нам в защиту Свой покров, чтобы освободить нас от всяких бедствий, чтобы защитить нас от глада, мора и землетрясения, спасти от войн и ран и сохранить нас невредимыми под Своим покровом. Знамение сего явилось в царственном городе Константинополе, в правление благочестивого царя Льва Мудрого, в преславной церкви Пресвятой Богородицы, что во Влахернах. Там во время совершения всенощного бдения, в день воскресный, первого числа октября месяца, в четвертом часу ночи, в присутствии многочисленного народа, святой Андрей, Христа ради юродивый, возвел очи свои вверх и увидел Царицу Небесную, Покровительницу всего мира, Пресвятую Деву Богородицу, стоящую на воздухе и молящуюся, сияющую солнечным светом и покрывающую людей Своим честным омофором. Видя то, святой Андрей сказал ученику своему, блаженному Епифанию:

– Видишь ли, брат, Царицу и Госпожу всех, молящуюся о всем мире?

Епифаний ответил:

– Вижу, святой отче, и ужасаюсь.

Как некогда святой Иоанн Богослов видел на небе великое знамение, жену облеченную в солнце, так и святой Андрей, во Влахернской церкви, подобной небу, увидел Невесту Неневестную, одетую в солнечную порфиру. Знамение, виденное Иоанном Богословом прообразовало Премилосердную Покровительницу нашу, так как таковое же знамение явилось в то время, когда была открыта тайновидцу угрожавшая всей твари гибель: «и произошли молнии и голоса, и громы и землетрясение и великий град. И явилось на небе великое знамение: жена, облеченная в солнце» (Откр.11:19, 12:1). Почему же сие знамение, прообразовавшее Пречистую Деву, не являлось раньше молний, громов, голосов, землетрясения и града, когда еще все стихии были спокойны, но во время самого страшного смятения на небе и на земле? Для того, чтобы показать, что Преблагая Защитница наша поспешает к нам на помощь в самое тяжкое время, при наступлении для нас гибели, и защищает нас от блеска обольстительной, недолго сияющей, мирской суеты, от голосов житейской гордости и тщеславия, от громов внезапного нападения врагов, от бури страстей и от града свыше угрожающей нам казни за грехи. Ибо, когда все эти бедствия теснят нас, тотчас, подобно великому знамению, является скорая роду христианскому Помощница, охраняя и покрывая нас невидимым предстательством. Таковое «знамя, , чтобы они подняли его ради истины» (Пс.59:6); ибо в сем мире мы поставлены как бы целью для стреляния. Стрелы летят на нас со всех сторон: одни от оружия врагов видимых, поспешно напрягающих лук свой и похваляющихся пред нами в своей гордости; другие из лука врагов невидимых, чтобы мы со скорбью сознались, что не можем выносить бесовских стрел; иные – от нашей плоти, противоборствующей духу; иные – от лука праведного гнева Божия и грозы наказания, как о сем святой Давид говорит: «если не обращается, Он изощряет Свой меч, напрягает лук Свой и направляет его, приготовляет для него сосуды смерти, стрелы Свои делает палящими» (Пс.7:13-14). Дабы мы не были смертельно уязвлены всеми этими стрелами и могли избежать опасности, дано нам знамение, – покров Пречистой Преблагословенной Девы. Покрываемые как щитом Ее покровом, мы остаемся невредимыми от стрел. Ибо наша Защитница имеет тысячу щитов для нашей охраны, как о сем говорит ей Дух Святой: «шея твоя – как столп Давидов, сооруженный для оружий, тысяча щитов висит на нем – все щиты сильных» (Песн.4:4).

Некогда Давид создал свой, прекрасный и высочайший, столп между Сионом, стоящим на высокой горе и расположенным ниже Иерусалимом, называвшимся дщерью Сиона. И был тот столп между ними, как бы шея между телом и головою, ибо он своею высотою превосходил Иерусалим и достигал до Сиона. На том столпе были повешены щиты и все оружия, необходимые для войны и защиты Иерусалима. Дух Святой уподобляет Пречистую Деву сему столпу Давидову: ибо Она, будучи дщерью Давидовой, является посредницей между Христом, Главою Церкви, и верующими, кои составляют тело Церкви; Она превосходит Церковь, потому что по истине выше всех ее членов, но Она досягает и до Христа, как давшая Ему плоть. Она является посредницей и ныне, когда стала на воздухе между небом и землею, между Богом и людьми, между Подвигоположником – Христом и воинствующею церковью, подобно Давидову столпу между Сионом и Иерусалимом, увешанному крепкими щитами. Щиты сии означают всесильные Ее молитвы за нас к Богу, слышанные достойными во время видения Ее честного Покрова. Она молилась с умилением, как Матерь к Своему Сыну и Творцу, произнося во время молитвы следующие, исполненные Божественного милосердия и любви, слова:

– Царю Небесный! приими всякого человека, прославляющего Тебя и призывающего Пресвятое Имя Твое на всяком месте, – и где есть память о имени Моем, то место освяти; прославь прославляющих Тебя и с любовью почитающих Меня, Твою Матерь, принимая от них всякую молитву и благочестивые обеты и избавляя их от всяких зол и бедствий.

Таковые Ее молитвы не суть ли щиты, защищающие воинствующую церковь? Воистину они – несокрушимые щиты, при помощи коих мы можем угасить все огненные стрелы.

Святой Амвросий о столпе Давидовом говорит, что он был создан с двоякою целью: для защиты города и для украшения его. «Давид, – говорит Амвросий, – создал столп, для защиты и украшения города: защитою он был, потому что со столпа можно издали видеть врага и прогнать его от города, – украшением – потому что он превосходил своею высотою все высокие здания Иерусалима». Не напрасно, посему, уподоблена столпу наша Покровительница, Которая для нас есть твердый столп пред лицом врагов: по истине Она защищает нас и украшает. Защищает, когда далеко прогоняет от нас видимых и невидимых врагов, когда освобождает пленных от уз, когда избавляет мучимых нечистыми духами, когда утешает скорбящих, является заступницею обижаемых и тихою пристанью для гонимых бурею, когда питает алчущих и посещает больных. Она украшает нас, покрывая пред Богом постыдную наготу нашей жизни Своими высочайшими заслугами, как драгоценнейшими одеждами, и премногою благодатию, как неистощимым сокровищем, восполняя нашу скудость, делает нас благоугодными пред очами Господними. Она украшает, когда покрывает нас, не имеющих брачного одеяния, Своею ризою, и делает как бы невидимою для Всевидящего Ока постыдную наготу нашу душевную, которая искони была прообразуема землею невидимою и неустроенною, покрытою водами (Быт.1:1-2). Земля неустроенная и пустынная была прообразом грешной души, утратившей свою духовную красоту, лишенной добрых дел и чуждой благодати Божией. Воды же, покрывавшие неустроенную землю, прообразовали милосердие Богородицы, неисчерпаемое как море, и, подобно многоводным рекам, на всех изливающееся и всех покрывающее. Когда Дух Божий носился над водами, то носился и над землею, скрытой под водами и не украшенной, как бы не видя ее неблагообразия. Сие таинственно прообразовало, что и душа, покрываемая премилостивым покровом Девы Богородицы, если и не будет украшена добродетелями, не лишится благодати Святого Духа, ибо покров Пресвятой Богородицы покроет ее неблагообразие, как вода покрывала неустроенную землю, а равно украсит ее благолепием своей благодати и привлечет к ней Святого Духа. Пречистая Дева украшает нас, когда грешных делает праведными, а нечистых чистыми, как о сем говорит блаженный Анастасий Синаит: «Чародеев Она делает апостолами и мытарей Евангелистами, а блудных – достойными большего почета, нежели дев. Так, Марию Египетскую, бывшую некогда блудницею, Она сделала ныне почетнейшею многих дев; та, которая прежде была омраченной и нечистой, ныне сияет, как солнце, в царстве Христовом – по заступничеству Пречистой Девы Марии, пребывающей покровом и украшением для всех прибегающих к Ней. Украшает Она и весь духовный Иерусалим, или Христову Церковь, которая так воспевает в нынешний день: «О, чудное украшение всем верным еси, пророческое сбытие, Апостолом слава и мучеником удобрение, девству похвало и всему миру предивный покров».

На столпе Давидовом вместе со щитами были стрелы защитников страны: и Пречистая Дева, сей одушевленный столп, также имеет при Себе стрелы сильных, т.е. молитвы святых, молящихся с Нею. Ибо не Одна Она явилась во храме стоящею на воздухе, но с ангельскими воинствами и со множеством святых, благоговейно окружавших Ее в белых одеждах. Молитвы за нас всех сих святых суть как бы стрелы сильных, могущие прогнать все полчища врага нашего – диавола. Пречистая Госпожа Богородица знает, что наша жизнь на земле есть война: воюет против нас враг со всеми своими силами; он воздвигнул против нас свои полчища и окружил нас своими легионами по слову Псалмопевца: «Ибо псы окружили меня, скопище злых обступило меня, пронзили руки мои и ноги мои; раскрыли на меня пасть свою, как лев, алчущий добычи и рыкающий» (Пс.21:17, 21:14). Потому-то Небесная Царица, восхотевши помочь нам, воздвигла на врага нашего все силы небесные, призвала пророков и Апостолов, собрала мучеников и девственников, соединила преподобных и праведных, и явилась с ними оказать нам помощь, окружить нас сильным воинством и подать нам победу на врагов: «Тоя бо воздвижутся победы, Тою ниспадают врази». Она пришла с ангельскими воинствами, ибо Она была предувиденной Иаковом лествицей (Быт.28:12-15). которую окружает множество ангелов. Вспоминая здесь лествицу Иакова, кто-нибудь мог бы удивиться: почему ангелы не оставались на ней неподвижно, но непрерывно восходили и нисходили. Уразумевши же, что та лестница была прообразом Девы Марии, по слову церковной песни: «радуйся мосте, к небесем преводяй, и лествице высокая, юже Иаков виде», – он поймет, почему ангелы не оставались на лестнице неподвижными. Ибо «в молитвах неусыпающая Богородица» повелевает ангелам вместе с Нею непрестанно помогать людям: восходя к Богу, возносить молитвы людей, а нисходя – приносить им от Бога помощь и благодеяния. Та же Лествица и ныне низвела с Собою множество ангелов с небес, принося нам свыше покровительство и защиту. Она пришла с ангелами, чтобы заповедать им – сохранить нас на всех путях наших; Она привела с собою сонмы всех святых, чтобы, совершивши за нас совместное моление, совместно принести и наши грешные молитвы к Сыну Своему и Богу нашему. Между всеми святыми, явившимися во храме с Пречистою Девою, были два избраннейшие: святой Иоанн Предтеча, коего «из рожденных женами не восставал больший» (Мф.11:11), и святой Иоанн Богослов, «которого любил Иисус и который на вечери, приклонившись к груди Его » (Ин.21:20). Их обоих, как имеющих великое дерзновение пред Богом, наша Молитвенница воздвигла с Собою, чтобы вместе с ними скорее преклонить Бога на милость: «много может усиленная молитва праведного» (Иак.5:16). И стала Пречистая Дева между двумя девственниками, как бы кивотом между двумя херувимами, как престол Господа Саваофа между Серафимами, как Моисей с простертыми дланями между Аароном и Ором; тогда пал адский Амалик со всем темным царством и с силою своею (Исх.17:11-14).

Итак, мы празднуем покров Пресвятой Богородицы Девы, воспоминая Ее преславное явление во Влахернском храме, виденное святым Андреем и Епифанием. Мы празднуем, вознося благодарение Покровительнице нашей за столь великое милосердие Ее, явленное роду христианскому, и прилежно молим Ее, дабы Она и ныне и всегда милостиво покровительствовала нам, ищущим Ее покрова. Молим потому, что без Ее покрова, нам, постоянно прогневляющим Бога, невозможно было бы жить. Многократно согрешая, мы подпадаем и многим наказаниям по слову Псалмопевца: «Много скорбей нечестивому» (Пс.31:10). Мы погибли бы уже за свои беззакония, если бы за нас не предстательствовала премилостивая Владычица: «Аще бо не бы предстояла молящи» сия Предстательница: «кто бы нас избавил от толиких бед, кто же бы сохранил доныне свободны». Пророк Исаия советует иудеям: «укройся на мгновение, доколе не пройдет гнев» (Ис.26:20). Но где можно укрыться от гнева Господня? Во время страданий мы нигде не нашли покрова для защиты, кроме единой Владычицы мира, Которая говорит о Себе устами Духа Святого, что Она, «подобно облаку, покрыла землю» (Сир.24:3). Подлинно, мы укрываемся под покровом Той, Которая, как облако, покрыла землю. Но почему же, о пречестнейшая Дева Богородице, Ты уподобляешь Себя столь недостойной вещи, облаку? Разве у Тебя нет для уподобления солнца, луны и звезд, тем более, что о Тебе сказал Премудрый с удивлением: «Кто эта, блистающая, как заря, прекрасная, как луна, светлая, как солнце» (Песн.6:10)! Какую же красоту имеет облако, что Ты не гнушаешься уподобляться ему? Тайна эта ясна: когда облако сгущается над землею и покрывает ее, тогда все звери невредимы от ловцов, ибо никто не может поймать их. Потому-то и Пречистая Дева называет Себя облаком: Она скрывает нас от ловцов. Мы же, грешные, согласно рассуждению Златоуста, по своему бесчеловечию – скоты и звери: мы угождаем чреву как медведи, – утолщаем плоть как лошаки, злопамятны как верблюды, занимаемся хищением как волки, гневаемся как змии, жалим как скорпионы, коварны как лисица, носим в себе яд злобы как ехидна. Таких зверей, как мы, преследуют различные ловцы: постигает нас праведный гнев Божий, наказывая за дурные начинания, – по слову: «Боже отмщений, Господи, Боже отмщений, яви Себя!» (Пс.93:1). Постигают нас и беззакония наши, так что каждый из нас может сказать: «постигли меня беззакония мои, так что видеть не могу» (Пс.39:13). Преследует нас и невидимый враг: «Он стал для меня как бы медведь в засаде, лев в скрытном месте» (Плч.3:10). Угрожает нам и видимый враг. Он говорит: «погонюсь, настигну, разделю добычу; насытится ими душа моя, обнажу меч мой, истребит их рука моя» (Исх.15:9). Но мы имеем дерзновение, мы имеем мысленное облако, покрывающее нас, – Пречистую Деву Марию. На Нее мы уповаем к Ней прибегаем; под Ее покровом, и влас главы нашей не погибнет, лишь только мы с умилением воззовем: покрой нас покровом Твоим, Покровительница наша, Пречистая Дева: «в день зол наших покрой нас!» (ср. Пс.26:5). Но все дни нашей жизни бедственны, как некогда сказал патриарх Иаков: «малы и несчастны дни жизни моей» (Быт.47:9). Особенно бедственны те наши дни, в кои мы видим зло, и сами творим много зла, «собирая себе гнев в день гнева» (Рим.2:5). Все сии бедственные наши дни требуют Твоего милостивого покрова, о Пресвятая Дево! Покрывай же нас во все дни жизни нашей, и особенно в день лютый, когда душа будет разлучаться с телом. Предстани нам с помощью Твоею и сокрой нас от воздушных духов злобы поднебесной, а в день страшного суда сокрой нас в тайниках Твоего Покрова! Аминь.

Примечания

Лев VI Мудрый – византийский император с 886 по 912 год.

Влахерны – местность в Константинополе на западном углу города. Во времена процветания Византийской империи славилась по всему Востоку своими святынями.

Знамение сие было в первой половине X века, в конце жизни св. Андрея Юродивого (ум. ок. 936 г.). Самый праздник Покрову Богоматери установлен в Церкви Русской не позднее половины XII века. Замечательно, что видение было святому Андрею – славянину родом и праздник установлен и совершается в славянских землях. В самом же Константинополе хотя не было сего праздника, но помнили видение св. Андрея. Во Влахернской церкви была икона Божией Матери в том виде, как Она явилась св. Андрею.

Память его совершается Церковью 2 октября.

Епифаний – знатный юноша, ученик св. Андрея, по мнению некоторых, – впоследствии принявший иночество с именем Полиевкта и бывший Константинопольским патриархом.

Сказание о Покрове Пресвятой Богородицы заканчивается следующими подробностями. Когда св. Андрей с Епифанием созерцали сие дивное видение, Богоматерь молилась на долгий час, обливая слезами Свое Боговидное и Пречистое лицо. Окончив здесь молитву, подошла к престолу, молилась и здесь за предстоящий народ. По окончании молитвы, сняла с Себя блиставшее наподобие молнии великое и страшное покрывало, которое носили на Пречистой главе Своей и, держа его с великою торжественностью Своими Пречистыми руками, распростерла над всем стоящим народом. Чудные сии мужи довольно время смотрели на сие распростертое над народом покрывало и блиставшую наподобие молнии славу Господню; и доколе была там Пресвятая Богородица, видимо было и покрывало. По отшествии же Ее, сделалось и оно невидимо. Но взяв его с собою, Она оставила благодать бывшим там.

Под образом апокалипсической жены, облеченной в солнце, большинство разумеет Церковь, а под солнцем – Иисуса Христа. В то же время сия жена могла изображать собою облеченную в Божественную, небесную славу Пресвятую Богородицу.

Столп Давидов, увешанный победоносными военными орудиями и щитами, прообразовал собою Пресвятую Богородицу, о чем речь далее. О сем знаменитом столпе Давидовом ничего более неизвестно из Священного Писания, кроме того, что он был воздвигнуть на какой-то горе, и что он создан в Фалпиофе, каковое наименование обозначает собою также укрепления.

Сион – юго-западная, самая обширная и высокая из четырех возвышенностей, на коих построен Иерусалим – почиталась у евреев священною и первоначально служила религиозным центром и твердынею Иерусалима. Посему Писание часто именует Иерусалим дщерью Сионовой, напр. см. Пс.9:15; Ис.1:8, 67:11; Иер.6:23; Мф.21:5.

Т.е. различные земные обстояния и искушения: в особенности же огненные стрелы лукавого, нападения со стороны диавола, – сего исконного, страшного врага рода человеческого, попаляющие нас как бы смертоносным огнем.

В беседе на Пс.119 Амвросий Медиоланский (Миланский, в Италии), – знаменитейший отец Западной церкви и христианский писатель IV в. (ум. 397). Память его совершается 7 декабря.

Преподобный Анастасий, игумен Синайской горы (ум. 685 г.; память его 20 апреля), в своих «Анагогических созерцаниях» шестоднева, кн. 8.

Память ее совершается 1 апреля.

Служба Покрову Богородицы, 3 стихира на «Господи воззвах».

Акафист, икос 2.

«Господь, – говорит по поводу сего прообраза св. Иоанн Дамаскин, – соорудил Себе одушевленную лествицу, которой основание утверждено на земле, а верх касается самого неба, и на которой утверждается Бог; лествица духовная, т.е. Дева, утверждена на земле: потому что Она родилась на земле; глава Ее касалась неба: потому что глава Ее был Бог и Отец».

Служба Благовещению, стихира 1 на «Господи воззвах».

Выражение кондака Успению Пресвятой Богородицы.

Богоматерь справедливо уподобляется кивоту. В Ветхом Завете в Скинии, а после в храме Иерусалимском находилось внутреннее святилище, «Святое Святых», доступное одному лишь первосвященнику, и то лишь один раз в год. В сем святилище хранился кивот завета – ящик, покрытый золотом внутри и снаружи, вмещавший в себе самые священные для богоизбранного народа предметы. По бокам его осеняли «херувимы славы», золотые изображения сих высших и ближайших к Богу Небесных Сил. Сей кивот и прообразовал Божию Матерь, вместившую в Себе Самого Бога, почему и воспевается Церковью «одушевленным Божиим кивотом» (канон Благовещению, песнь 9). Как неотступная молитвенница за род человеческий пред престолом славы, Она является для нас кивотом, окруженным сонмом херувимских сил, охраняющих нас своими молитвами от всяких бед и обстояний

Во время странствования своего по пустыне Аравийской израильтянам пришлось вступить при Рефидиме в сражение с хищническим кочевым народом – амаликитянами. Моисей, Аарон и Ор взошли на вершину холма. И когда Моисей поднимал руки свои, одолевал Израиль, а когда опускал их, одолевал Амалик. Когда же руки Моисеевы отяжелели, тогда посадили его на камень, а Аарон и Ор поддерживали руки его, кои и были подняты до захождения солнца. Тогда израильтяне, во главе с Иисусом Навином, низложили Амалика и народ его погубили острием меча. – Поднятие при сем рук Моисея изображало образно для Израиля силу молитвы. Смысл сравнения понятен: в молитвах неусыпающая Богородица, силою их, как бы поддерживаемая свв. Иоанном Предтечей и Иоанном Богословом, низлагает, подобно Моисею, невидимого врага христиан – диавола со всеми его силами, нападающего на нас в сем мире, уподобляющемся пустыне.

Из тропаря на малом освящении воды.

Богородица вообще и в Писании, и в церковных песнопениях именуется облаком (мглою): из Нее «возсия нам солнце праведное»; во-вторых, потому что она «источает жаждущим воду живу оставления» (грехов) и одождила нам «тучу нетления Христа», в-третьих, потому что Она Своим Божественным покровом и теплым предстательством покрывает и ограждает нас от всяких зол и напастей.

Этот пророческий прообраз не ограничивается лишь сим смыслом. Как утренняя заря, рассеивающая ночной мрак, предшествует лучезарному солнцу, заимствуя от него свой свет; так и Пресвятая Дева непосредственно предварила «Солнце правды» – Христа и от Него получила Свою славу Богоматери. С рождением же Христа исчезла тьма идолопоклонства и многобожия и настал невечерний день Боговедения и благочестия.

Бес. 3 к Антиох. народу.

В день гнева, т.е. второго пришествия Христова и последнего страшного суда.

Кондак 1

Избранней Предвечным Царем, превышшей всякаго создания Небесе и земли Царице, пришедшей иногда во Влахернскую церковь на молитву, достойное поклонение с благодарением приносяще, яко во тьме сущии, под Твой светящийся омофор с верою и умилением прибегаем. Ты же, яко имущи державу непобедимую, от всяких нас бед свобождай, да зовем Ти: Радуйся, Радосте наша, покрый нас от всякаго зла честным Твоим омофором.

Икос 1

Архангел и Ангел множество, со Предтечею, Богословом и всех святых ликом, сопредсташа Тебе, Царице своей, в церкви Влахернстей и, умиленная моления Твоя о всем мире слышавше, со удивлением возопиша таковая: Радуйся, Бога Отца безначальнаго предвечное благоволение; радуйся, Бога Сына безлетнаго пречистое вместилище. Радуйся, Бога Духа Всесвятаго избранное жилище; радуйся, Горних чинов ангельских непрестающее удивление. Радуйся, темных сил адских всегрозное устрашение; радуйся, Юже на воздусе сретают многоочитии Херувими. Радуйся, Ейже похвальная восписуют шестокрилатии Серафими; радуйся, Еяже преблагому покрову и мы, земнороднии, благодарне покланяемся. Радуйся, Радосте наша, покрый нас от всякаго зла честным Твоим омофором.

Кондак 2

Видевше Тя святый Андрей со Епифанием в церкви на воздусе за христианы Богу молящуюся, познаша, яко Матерь еси вознесшагося на Небо Христа Бога нашего, и, припадше на землю, радостно покланяхуся всеблагому покрову Твоему, зовуще: Аллилуиа.

Икос 2

Разум неуразуменен еси, Богородице Дево, в защищении людей православных, сего ради врази наши не познают, коль сильна есть молитва Божия Матере. Мы же, о Твоем всемощнем заступлении добре ведуще, сице к Тебе со умилением зовем: Радуйся, премилосердая Утешительнице всех скорбящих и обремененных; радуйся, неусыпающая Наставнице всех заблуждших и ослепленных. Радуйся, праведно движимый гнев Божий на нас Твоим молением скоро утоляющая; радуйся, злыя страсти наша всемощным мановением укрощающая. Радуйся, крепкое возбуждение спящих совестей; радуйся, нетрудное преодоление беззаконных навыков. Радуйся, Еяже ради ад стенет и дуси злобы трепещут; радуйся, Еяже ради врата Рая всем нам отверзаются. Радуйся, Радосте наша, покрый нас от всякаго зла честным Твоим омофором.

Кондак 3

Сила Вышняго осеняет с верою и благоговением прибегающих к Твоему всечестному покрову: единей бо точию Тебе, Пресвятей и Пречистей Матери Божией, дадеся, да всякое прошение Твое исполнится. Тем убо всяк возраст верных славословит Тя и Сына Твоего, зовущ: Аллилуиа.

Икос 3

Имущи богатство милосердия неоскудное, всем концем земли простираеши руку помощи, Владычице: болящим исцеление, страждущим ослабу, слепым прозрение и всем вся по коегождо потребе подаеши, благодарне вопиющим: Радуйся, Православия несокрушимая крепосте и оградо; радуйся, святых храмов и олтарей первейшее украшение. Радуйся, благочестия вернейшее ограждение; радуйся, благосердых градоправителей неусыпающая Споспешнице. Радуйся, непобедимая Воеводо вождей и воинств христианских; радуйся, святое зерцало правды судиям немздоприимным. Радуйся, совершенный Разуме наставников и детоводителей; радуйся, благословение домов и семейств благочестивых. Радуйся, Радосте наша, покрый нас от всякого зла честным Твоим омофором.

Кондак 4

Бурею многих бед одержимым нам помогаеши, Владычице: стоиши бо пред лицем олтаря Господня воздвигши руце Твои, и молишися, яко да нашу недостойную молитву призрит Господь, Царь Славы, и послушает прошения призывающих имя Твое святое, к Сыну же Твоему зовущих: Аллилуиа.

Икос 4

Услыша Господь Бог Иисуса Навина, молящася и повелевающа солнцу стати, дондеже отмстит врагом. Слышит и Твоя ныне моления Господь Иисус, избранная Палато Духа Святаго. Темже и мы, грешнии, на Твой надеющеся покров, Тебе, яко Божией Матери, глаголати дерзаем: Радуйся, от Солнца мысленнаго озаренная и нас светом незаходимым просвещающая; радуйся, сиянием пречистыя души Твоея всю землю просветившая. Радуйся, чистотою телесе Твоего вся небеса возвеселившая; радуйся, святых обителей Христовых покров и снабдение. Радуйся, верных пастырей Церкве бодрость и вразумление; радуйся, богобоязненных иноков и инокинь Наставнице. Радуйся, невозмущаемое успокоение благоговейных старцев; радуйся, тайное веселие чистых дев и вдовиц. Радуйся, Радосте наша, покрый нас от всякаго зла честным Твоим омофором.

Кондак 5

Боговидец Моисей во ополчении иногда на Амалика, егда руце воздвизаше, Израиль одолеваше, егда же руце низпущаше, тогда Амалик побеждаше, поддержащими же его укреплен, победи врага. Ты же, о Богомати, воздевши руце Твои на умоление, аще и никимже поддержима, всегда побеждаеши враги христианския и нам щит еси непобедим, вопиющим: Аллилуиа.

Икос 5

Видевше Тя святых собори на воздусе в церкви Влахернстей молебнии руце к Сыну и Богу простирающую, радостно со Архангелы и Ангелы благодарную Ти песнь воспета. Мы же, крепчайшима, паче Моисеовых рук, дланьма Твоима укрепляеми, умильно вопием: Радуйся, Еяже руце поддержит за всех нас единая Ея к нам любы и милосердие; радуйся, пред Неюже врази наши, видимии и невидимии, стояти не могут. Радуйся, темное полчище страстей и похотей наших прогоняющая; радуйся, Огнь Божественный — Христа неопально на руку Своею держащая и нас, хладных, тем воспламеняющая. Радуйся, воинствующих на плоть целомудрием изрядное венчание; радуйся, подвизающихся в посте и безмолвии присное собеседование. Радуйся, изнемогающих от уныния и печали скорая Утешительнице; радуйся, благодатию смирения и терпения снабдевающая. Радуйся, Радосте наша, покрый нас от всякаго зла честным Твоим омофором.

Кондак 6

Проповедник неоскудеваемыя благодати и милостей Твоих явися святый Роман Сладкопевец, егда от Тебе во сне прият свиток книжный на снедение: тем убо умудрен нача разумно пети во славу Твою, святым же писати похвальная, взывая с верою: Аллилуиа.

Икос 6

Возсияла еси от истиннаго Солнца Правды Заря, Дево Богоотроковице, просвещающая всех премудростию Бога Сына Твоего и в познание истины приводящая зовущих Ти таковая: Радуйся, Божию Силу и Божию Премудрость — Христа плотию породившая; радуйся, юродивую мудрость века сего посрамившая и ослепленных ею на путь правый наставляющая. Радуйся, святыя веры охранение и православных догматов Наставнице; радуйся, нечестивых ересей и тлетворных расколов Искоренительнице. Радуйся, тайная и неудобь предвиденная вся добре ведущая и имже подобает сказующая; радуйся, лживых провидцев и суетная гадания посрамляющая. Радуйся, в час недоумений мысль благу на сердце полагающая; радуйся, от пагубных начинаний и несмысленных пожеланий воспящающая. Радуйся, Радосте наша, покрый нас от всякаго зла честным Твоим омофором.

Кондак 7

Хотяй долготерпеливый Всевидец Господь явити Своего человеколюбия неизследимую щедрот бездну, избра Тебе едину в Матерь Себе и сотвори Тя людем непреодоленное защищение: да аще кто от них и праведным судом Божиим осуждения достоин явится, Твоим обаче державным покровом сохраняется на покаяние, зовый: Аллилуиа.

Икос 7

Дивная показал еси дела Твоя в Пречистей Матери Твоей, Господи, егда пречудный омофор в руце Ея светящийся паче луч солнечных явися, имже покрываше люди, сущия в церкви Влахернстей. О таковем убо знамении милосердаго Ея заступления услышавше, ужасом и радостию одержими, вси глаголаху: Радуйся, нерукотворенный омофор, аки облак, над всем миром распростершая; радуйся, превечнаго Архиерея, Сына Своего, знамение на руце Своей держащая. Радуйся, новую милость и новую благодать сим в Церкви Православной являющая; радуйся, столпе облачный от искушений и соблазнов мира всех нас покрывающий. Радуйся, столпе огненный, среди мглы греха всем нам путь спасения показующий; радуйся, явных благочестия подвижников явное укрепление. Радуйся, тайных среди мира рабов Божиих тайное вразумление; радуйся, и мене, обнаженнаго добрых дел, не оставляющая Своим покровом и благодатию. Радуйся, Радосте наша, покрый нас от всякаго зла честным Твоим омофором.

Кондак 8

Дивно Тя от Небес во Влахернстей церкви явльшуюся Ангели воспеша, апостоли прославиша, лик святителей и преподобных и жен святых сословие восхвалиша. Предтеча с Богословом поклонишася, людие же, сущии в церкви, с веселием вопияху: Аллилуиа.

Икос 8

Всеми вышними и нижними владычествуя Господь, узрев Тя в церкви Матерь Свою стоящу и со умилением к Нему молящуся, рече: “Проси, Мати Моя, зане не отвращуся Тебе, но исполню вся прошения Твоя и благодарственная сице Тебе всех пети научу: Радуйся, Ковчеже Завета, в немже хранится освящение всего рода человеческаго; радуйся, стамно пресвятая, в нейже алчущим правды блюдется Хлеб Жизни Вечныя. Радуйся, сосуде всезлатый, в немже уготовася нас ради плоть и кровь Божественнаго Агнца; радуйся, оставленных врачами на свои всемощныя руце приемлющая. Радуйся, разслабленных телом, но не духом и верою со одра болезни воздвизающая; радуйся, погубляющим от недуга ум новый и лучший смысл подающая. Радуйся, на стропотнем пути греха и страстей нас премудре запинающая; радуйся, жестокость нераскаяннаго сердца нашего умиляющая. Радуйся, Радосте наша, покрый нас от всякаго зла честным Твоим омофором.

Кондак 9

Все естество ангельское похвальная приносит Тебе, истенней Божией Матери и Заступнице всех притекающих к Тебе, ведуще, яко несокрушимым покровом Твоим праведных возвеселявши, грешных заступаеши, бедствующих избавляеши и молишися о всех верных, зовущих: Аллилуиа.

Икос 9

Ветия многовещанныя, яко рыбы безгласныя, недоумеют, како восхвалити по достоянию великий всечестнаго Покрова Твоего праздник: вся бо о Тебе от них глаголемая не суть довольна к единому исчислению щедрот Твоих. Мы же, Твоя неисчетная благодеяния видяще, с веселием взываем: Радуйся, от язвы и всегубительства смертнаго нас соблюдающая; радуйся, от внезапнаго колебания земли грады и веси сохраняющая. Радуйся, от разлияния вод и потопления рукою крепкою возводящая; радуйся, от запаления огненнаго росою молитв Твоих избавляющая. Радуйся, от глада душевнаго и телеснаго Хлебом Жизни снабдевающая; радуйся, удары молнии и грома от главы нашея отводящая. Радуйся, от нашествия иноплеменник и тайных убийц спасающая; радуйся, от домашния брани и вражды единокровных миром и любовию ограждающая. Радуйся, Радосте наша, покрый нас от всякаго зла честным Твоим омофором.

Кондак 10

Спасти хотяй род человеческий от прелести вражия Человеколюбец Господь Тебе, Матерь Свою, дарова земным нам в помощь, покров и защиту, да будущи печальным утешение, скорбящим радование, обидимым Заступница и да всех из глубины греховныя воздвигнеши, поющих: Аллилуиа.

Икос 10

“Царю Небесный, — глаголаше в молитве на воздусе со Ангелы стоящая всенепорочная Царица, — приими всякаго человека, молящася к Тебе и призывающа имя Мое на помощь, да не отъидет от лика Моего тощ и неуслышан”. Сию всеблагую молитву слышавше, собори святых благодарно возопиша: Радуйся, чистых руками и сердцем земледельцев благословенными плодами венчающая; радуйся, помоще и праведное мздовоздаяние всем право куплю деющим. Радуйся, клятвопреступлений и неправедных стяжаний всенародное обличение; радуйся, бедствующим в пути, на суше и водах внезапное вспоможение. Радуйся, безчадных родителей плодами веры и духа веселящая; радуйся, безматерних сирот незримая Воспитательнице. Радуйся, крепкая Заступнице сущих в плену и изгнании; радуйся, неусыпающая Попечительнице во узах и темнице селящих. Радуйся, Радосте наша, покрый нас от всякаго зла честным Твоим омофором.

Кондак 11

Пение всеумиленное слышаще и теплей Твоей молитве о нас внемлюще, просим Тебе, Дево Богородице, не презри гласа рабов Твоих: к Тебе бо в напастех и скорбех прибегаем и пред Тобою в бедах наших слезы проливаем, зовуще: Аллилуиа.

Икос 11

Яко светоприемную свещу, в молитве горящую, видящи Тя на воздусе Влахернская церковь, согласно со множеством людей, в ней бывших, возглашаше: “Откуду мне сие, да прииде Мати Господа Моего ко мне?” Святый же Андрей со Епифанием тепле моляхуся к Тебе, зовуще: Радуйся, всех даров духовных и телесных независтная Подательнице; радуйся, полагающих начало покаяния грешников верная Предстательнице. Радуйся, борющихся со страстьми и прилогами вражиими всегдашняя Споборнице; радуйся, незримое укрощение владык жестоких и зверонравных. Радуйся, тайный покое и отрадо рабов кротких и страждущих; радуйся, всежеланное совершение благих супружеств. Радуйся, матерей детородящих скорое и безболезненное разрешение; радуйся, в час кончины единая всем нам Помощнице. Радуйся, Радосте наша, покрый нас от всякаго зла честным Твоим омофором.

Кондак 12

Благодать Божественную испроси нам у Сына Твоего и Бога, простри нам руку помощи, отжени от нас всякаго врага и супостата и умири нашу жизнь, да не погибнем люте без покаяния, но приими нас в вечныя кровы, Покровительнице наша, да радующеся Тебе зовем: Аллилуиа.

Икос 12

Поюще Твой державный покров, хвалим Тя вси, яко твердую Предстательницу нашу, и покланяемся Тебе, о нас молящейся: веруем бо и надеемся, яко испросиши у Сына Твоего и Бога благая вечная и временная всем с любовию вопиющим Тебе сице: Радуйся, всей вселенной крепкое заступление; радуйся, всех стихий земных и небесных освящение. Радуйся, всех времен года благословение; радуйся, всех наветов и искушений, от мира, плоти и диавола находящих, попрание. Радуйся, нечаемое примирение ожесточенно враждующих; радуйся, недоведомое исправление нераскаянных грешников. Радуйся, не отвергающая всеми презренных и отверженных; радуйся, самих отчаянных от рова погибели исхищающая. Радуйся, Радосте наша, покрый нас от всякаго зла честным Твоим омофором.

Кондак 13

О Всепетая Мати, Пречистая Госпоже, Дево Богородице! К Тебе возвожду душевныя и телесныя очи, к Тебе простираю разслабленныя руце и из глубины сердца вопию: призри на веру и смирение души моея, покрый мя всемощным омофором Твоим, да избавлюся от всех бед и напастей, и в час кончины моея, о Всеблагая, предстани мне и уготованнаго ради грехов моих избави мучения, да выну покланяяся зову: Аллилуиа.

(Этот кондак читается трижды, затем икос 1 и кондак 1)

Молитвы Покрову Пресвятой Богородицы

Молитва первая

О, Пресвятая Дево, Мати Господа вышних сил, небесе и земли Царице, града и страны нашея Всемощная Заступнице! Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим, и пробавит благодать Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорей Заступнице нашей: услыши нас, молящихся Тебе, осени нас вседержавным покровом Твоим, и испроси у Бога Сына Твоего: пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание, всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша ко зрению спасения, милостива нам буди зде и тамо, в стране земнаго пришельствия и на страшнем суде Сына Твоего; преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты бо еси, Госпоже, Слава небесных и Упование земных, Ты по Бозе наша Надежда и Заступница всех, притекающих к Тебе с верою. К Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.

Молитва вторая

Царице моя Преблагая, Надеждо моя Пресвятая, приятелище сирым и странным Заступнице, бедствующих помоще и озлобляемых покрове, зриши мою напасть, зриши мою скорбь: отвсюду искушением одержим есмь, а заступающаго несть. Ты убо сама помози ми яко немощну, окорми мя яко странна, настави яко заблуждша, уврачуй и спаси яко безнадежна. Не имам бо иныя помощи, ни инаго предстательства, ни утешения, токмо Тебе, о Мати всех скорбящих и обремененных! Призри убо на мя, грешнаго и во озлоблении сущаго, и покрый мя пресвятым омофором Твоим, да избавлен буду от зол, мя обышедших, и восхвалю выну препетое имя Твое. Аминь.

Тропарь Покрову Пресвятой Богородицы

Тропарь, глас 4

Днесь благовернии людие светло празднуем, осеняеми Твоим, Богомати, пришествием, и к Твоему взирающе пречистому образу, умильно глаголем: покрый нас честным Твоим Покровом и избави нас от всякаго зла, молящи Сына Твоего, Христа Бога нашего, спасти души наша.

Величание

Величаем Тя, Пресвятая Дево, и чтим Покров Твой честный, Тя бо виде святый Андрей на воздусе, за ны Христу молящуюся.

Акафист считается любимейшим богословским творением среди верующих христиан. Все дело в том, что его произносят, как правило, по большим праздникам, и все эти песни отличаются радостными, торжественными мотивами. Из статьи вы узнаете, чем примечателен акафист Покрову Пресвятой Богородицы, и что о нем нужно знать христианину.

Общая информация

акафист покрову богородице

Жанр под названием акафист появился приблизительно в VIII веке в Византийской империи. В то время он пользовался небывалой популярностью. Сейчас существует большое количество акафистов, и все они написаны с определенной целью, посвящены какому-нибудь святому. Акафист Покрову, посвященный Пресвятой Богородице, был создан митрополитом Иннокентием Херсонским (украинским священником) еще в 1846 году. Вскоре эта песнь приобрела широкую известность среди православных христиан, и ее стали часто произносить во многих православных храмах России.

Текст этого поэтического творения был написан в качестве посвящения или восхваления. В основе этого произведения – чудо, которое многое веков назад свершилось во Влахернском храме (в Византии). Прославляет данное молитвословие именно Пресвятую Богородицу. Однако в этой песни упоминается не только она, но также имена других святых:

  • Андрея Юродивого. Он оказался свидетелем чуда, произошедшего во Влахернском храме;
  • Романа Сладкопевца. Он был дьяконом церкви в Византии;
  • Иоанна Предтечи и Иоанна Богослова. Это евангельские святые, которые сопровождали Богородицу при ее появлении в храме;
  • Моисея и Иисуса Навина. Ветхозаветные пророки, которые произносили молитвы к Богу.

Считается, что именно появление Пресвятой Богородицы во Влахернском храме в 910 году позволило византийцам выстоять в борьбе за Константинополь с мусульманскими налетчиками. С тех пор Покрова Пресвятой Богородицы (появилась также икона с таким именем) символизирует моление Небес за весь род человеческий.

Можно смело говорить о том, что данный акафист произносят многие христиане с определенной целью. Однако более всего это творение подходит в качестве молитвы за свою родину, если она вдруг оказалась в опасности. Православным христианам рекомендуется читать это молитвословие по утрам, чтобы достичь следующих результатов:

  • улучшить свое материальное и финансовое положение;
  • излечиться от серьезных недугов души и тела;
  • найти свою любовь и создать крепкую семью;
  • отогнать от себя темные силы;
  • получить необходимую поддержку и т. д.

акафист покрову богородице

К Пресвятой Богородице взывают довольно часто, поскольку именно она считается заступницей всего рода человеческого. Взывать с акафистом к Божьей Матери лучше всего утром, на свежую память, не обремененную земными тяготами и заботами. Читать эту песнь необходимо обязательно на голодный желудок, поскольку только так вы сможете прочувствовать все слова, которые произносите. К тому же делать это нужно вслух.

Чтение акафиста еженедельно осуществляют в тех храмах, которые посвящены Покрову. Эту песнь часто произносят паломники, которые отправляются по святым местам или же на освященные Божьей Матерью источники. Что интересно, читать этот акафист рекомендуется группой (например, собравшись в храме). Однако делать это можно и всей семьей дома. Помните о том, что молитва, произнесенная в одно и то же время группой людей, которые собрались в одном месте, гораздо быстрее дойдет до Бога и Пресвятой Богородицы.

Видео «Акафист Покрову Пресвятой Богородицы»

В этом видео вы можете прослушать аудио запись акафиста Покрову Пресвятой Богородицы.

Акафист Покрову Пресвятой Богородицы

Кондак 1

Избранней Предвечным Царем, превышшей всякаго создания Небесе и земли Царице, пришедшей иногда во Влахернскую церковь на молитву, достойное поклонение с благодарением приносяще, яко во тьме сущии, под Твой светящийся омофор с верою и умилением прибегаем. Ты же, яко имущи державу непобедимую, от всяких нас бед свобождай, да зовем Ти: Радуйся, Радосте наша, покрый нас от всякаго зла честным Твоим омофором.

Икос 1

Архангел и Ангел множество, со Предтечею, Богословом и всех святых ликом, сопредсташа Тебе, Царице своей, в церкви Влахернстей и, умиленная моления Твоя о всем мире слышавше, со удивлением возопиша таковая: Радуйся, Бога Отца безначальнаго предвечное благоволение; радуйся, Бога Сына безлетнаго пречистое вместилище. Радуйся, Бога Духа Всесвятаго избранное жилище; радуйся, Горних чинов ангельских непрестающее удивление. Радуйся, темных сил адских всегрозное устрашение; радуйся, Юже на воздусе сретают многоочитии Херувими. Радуйся, Ейже похвальная восписуют шестокрилатии Серафими; радуйся, Еяже преблагому покрову и мы, земнороднии, благодарне покланяемся. Радуйся, Радосте наша, покрый нас от всякаго зла честным Твоим омофором.

Кондак 2

Видевше Тя святый Андрей со Епифанием в церкви на воздусе за христианы Богу молящуюся, познаша, яко Матерь еси вознесшагося на Небо Христа Бога нашего, и, припадше на землю, радостно покланяхуся всеблагому покрову Твоему, зовуще: Аллилуиа.

Икос 2

Разум неуразуменен еси, Богородице Дево, в защищении людей православных, сего ради врази наши не познают, коль сильна есть молитва Божия Матере. Мы же, о Твоем всемощнем заступлении добре ведуще, сице к Тебе со умилением зовем: Радуйся, премилосердая Утешительнице всех скорбящих и обремененных; радуйся, неусыпающая Наставнице всех заблуждших и ослепленных. Радуйся, праведно движимый гнев Божий на нас Твоим молением скоро утоляющая; радуйся, злыя страсти наша всемощным мановением укрощающая. Радуйся, крепкое возбуждение спящих совестей; радуйся, нетрудное преодоление беззаконных навыков. Радуйся, Еяже ради ад стенет и дуси злобы трепещут; радуйся, Еяже ради врата Рая всем нам отверзаются. Радуйся, Радосте наша, покрый нас от всякаго зла честным Твоим омофором.

Кондак 3

Сила Вышняго осеняет с верою и благоговением прибегающих к Твоему всечестному покрову: единей бо точию Тебе, Пресвятей и Пречистей Матери Божией, дадеся, да всякое прошение Твое исполнится. Тем убо всяк возраст верных славословит Тя и Сына Твоего, зовущ: Аллилуиа.

Икос 3

Имущи богатство милосердия неоскудное, всем концем земли простираеши руку помощи, Владычице: болящим исцеление, страждущим ослабу, слепым прозрение и всем вся по коегождо потребе подаеши, благодарне вопиющим: Радуйся, Православия несокрушимая крепосте и оградо; радуйся, святых храмов и олтарей первейшее украшение. Радуйся, благочестия вернейшее ограждение; радуйся, благосердых градоправителей неусыпающая Споспешнице. Радуйся, непобедимая Воеводо вождей и воинств христианских; радуйся, святое зерцало правды судиям немздоприимным. Радуйся, совершенный Разуме наставников и детоводителей; радуйся, благословение домов и семейств благочестивых. Радуйся, Радосте наша, покрый нас от всякого зла честным Твоим омофором.

Кондак 4

Бурею многих бед одержимым нам помогаеши, Владычице: стоиши бо пред лицем олтаря Господня воздвигши руце Твои, и молишися, яко да нашу недостойную молитву призрит Господь, Царь Славы, и послушает прошения призывающих имя Твое святое, к Сыну же Твоему зовущих: Аллилуиа.

Икос 4

Услыша Господь Бог Иисуса Навина, молящася и повелевающа солнцу стати, дондеже отмстит врагом. Слышит и Твоя ныне моления Господь Иисус, избранная Палато Духа Святаго. Темже и мы, грешнии, на Твой надеющеся покров, Тебе, яко Божией Матери, глаголати дерзаем: Радуйся, от Солнца мысленнаго озаренная и нас светом незаходимым просвещающая; радуйся, сиянием пречистыя души Твоея всю землю просветившая. Радуйся, чистотою телесе Твоего вся небеса возвеселившая; радуйся, святых обителей Христовых покров и снабдение. Радуйся, верных пастырей Церкве бодрость и вразумление; радуйся, богобоязненных иноков и инокинь Наставнице. Радуйся, невозмущаемое успокоение благоговейных старцев; радуйся, тайное веселие чистых дев и вдовиц. Радуйся, Радосте наша, покрый нас от всякаго зла честным Твоим омофором.

Кондак 5

Боговидец Моисей во ополчении иногда на Амалика, егда руце воздвизаше, Израиль одолеваше, егда же руце низпущаше, тогда Амалик побеждаше, поддержащими же его укреплен, победи врага. Ты же, о Богомати, воздевши руце Твои на умоление, аще и никимже поддержима, всегда побеждаеши враги христианския и нам щит еси непобедим, вопиющим: Аллилуиа.

Икос 5

Видевше Тя святых собори на воздусе в церкви Влахернстей молебнии руце к Сыну и Богу простирающую, радостно со Архангелы и Ангелы благодарную Ти песнь воспета. Мы же, крепчайшима, паче Моисеовых рук, дланьма Твоима укрепляеми, умильно вопием: Радуйся, Еяже руце поддержит за всех нас единая Ея к нам любы и милосердие; радуйся, пред Неюже врази наши, видимии и невидимии, стояти не могут. Радуйся, темное полчище страстей и похотей наших прогоняющая; радуйся, Огнь Божественный — Христа неопально на руку Своею держащая и нас, хладных, тем воспламеняющая. Радуйся, воинствующих на плоть целомудрием изрядное венчание; радуйся, подвизающихся в посте и безмолвии присное собеседование. Радуйся, изнемогающих от уныния и печали скорая Утешительнице; радуйся, благодатию смирения и терпения снабдевающая. Радуйся, Радосте наша, покрый нас от всякаго зла честным Твоим омофором.

Кондак 6

Проповедник неоскудеваемыя благодати и милостей Твоих явися святый Роман Сладкопевец, егда от Тебе во сне прият свиток книжный на снедение: тем убо умудрен нача разумно пети во славу Твою, святым же писати похвальная, взывая с верою: Аллилуиа.

Икос 6

Возсияла еси от истиннаго Солнца Правды Заря, Дево Богоотроковице, просвещающая всех премудростию Бога Сына Твоего и в познание истины приводящая зовущих Ти таковая: Радуйся, Божию Силу и Божию Премудрость — Христа плотию породившая; радуйся, юродивую мудрость века сего посрамившая и ослепленных ею на путь правый наставляющая. Радуйся, святыя веры охранение и православных догматов Наставнице; радуйся, нечестивых ересей и тлетворных расколов Искоренительнице. Радуйся, тайная и неудобь предвиденная вся добре ведущая и имже подобает сказующая; радуйся, лживых провидцев и суетная гадания посрамляющая. Радуйся, в час недоумений мысль благу на сердце полагающая; радуйся, от пагубных начинаний и несмысленных пожеланий воспящающая. Радуйся, Радосте наша, покрый нас от всякаго зла честным Твоим омофором.

Кондак 7

Хотяй долготерпеливый Всевидец Господь явити Своего человеколюбия неизследимую щедрот бездну, избра Тебе едину в Матерь Себе и сотвори Тя людем непреодоленное защищение: да аще кто от них и праведным судом Божиим осуждения достоин явится, Твоим обаче державным покровом сохраняется на покаяние, зовый: Аллилуиа.

Икос 7

Дивная показал еси дела Твоя в Пречистей Матери Твоей, Господи, егда пречудный омофор в руце Ея светящийся паче луч солнечных явися, имже покрываше люди, сущия в церкви Влахернстей. О таковем убо знамении милосердаго Ея заступления услышавше, ужасом и радостию одержими, вси глаголаху: Радуйся, нерукотворенный омофор, аки облак, над всем миром распростершая; радуйся, превечнаго Архиерея, Сына Своего, знамение на руце Своей держащая. Радуйся, новую милость и новую благодать сим в Церкви Православной являющая; радуйся, столпе облачный от искушений и соблазнов мира всех нас покрывающий. Радуйся, столпе огненный, среди мглы греха всем нам путь спасения показующий; радуйся, явных благочестия подвижников явное укрепление. Радуйся, тайных среди мира рабов Божиих тайное вразумление; радуйся, и мене, обнаженнаго добрых дел, не оставляющая Своим покровом и благодатию. Радуйся, Радосте наша, покрый нас от всякаго зла честным Твоим омофором.

Кондак 8

Дивно Тя от Небес во Влахернстей церкви явльшуюся Ангели воспеша, апостоли прославиша, лик святителей и преподобных и жен святых сословие восхвалиша. Предтеча с Богословом поклонишася, людие же, сущии в церкви, с веселием вопияху: Аллилуиа.

Икос 8

Всеми вышними и нижними владычествуя Господь, узрев Тя в церкви Матерь Свою стоящу и со умилением к Нему молящуся, рече: “Проси, Мати Моя, зане не отвращуся Тебе, но исполню вся прошения Твоя и благодарственная сице Тебе всех пети научу: Радуйся, Ковчеже Завета, в немже хранится освящение всего рода человеческаго; радуйся, стамно пресвятая, в нейже алчущим правды блюдется Хлеб Жизни Вечныя. Радуйся, сосуде всезлатый, в немже уготовася нас ради плоть и кровь Божественнаго Агнца; радуйся, оставленных врачами на свои всемощныя руце приемлющая. Радуйся, разслабленных телом, но не духом и верою со одра болезни воздвизающая; радуйся, погубляющим от недуга ум новый и лучший смысл подающая. Радуйся, на стропотнем пути греха и страстей нас премудре запинающая; радуйся, жестокость нераскаяннаго сердца нашего умиляющая. Радуйся, Радосте наша, покрый нас от всякаго зла честным Твоим омофором.

Кондак 9

Все естество ангельское похвальная приносит Тебе, истенней Божией Матери и Заступнице всех притекающих к Тебе, ведуще, яко несокрушимым покровом Твоим праведных возвеселявши, грешных заступаеши, бедствующих избавляеши и молишися о всех верных, зовущих: Аллилуиа.

Икос 9

Ветия многовещанныя, яко рыбы безгласныя, недоумеют, како восхвалити по достоянию великий всечестнаго Покрова Твоего праздник: вся бо о Тебе от них глаголемая не суть довольна к единому исчислению щедрот Твоих. Мы же, Твоя неисчетная благодеяния видяще, с веселием взываем: Радуйся, от язвы и всегубительства смертнаго нас соблюдающая; радуйся, от внезапнаго колебания земли грады и веси сохраняющая. Радуйся, от разлияния вод и потопления рукою крепкою возводящая; радуйся, от запаления огненнаго росою молитв Твоих избавляющая. Радуйся, от глада душевнаго и телеснаго Хлебом Жизни снабдевающая; радуйся, удары молнии и грома от главы нашея отводящая. Радуйся, от нашествия иноплеменник и тайных убийц спасающая; радуйся, от домашния брани и вражды единокровных миром и любовию ограждающая. Радуйся, Радосте наша, покрый нас от всякаго зла честным Твоим омофором.

Кондак 10

Спасти хотяй род человеческий от прелести вражия Человеколюбец Господь Тебе, Матерь Свою, дарова земным нам в помощь, покров и защиту, да будущи печальным утешение, скорбящим радование, обидимым Заступница и да всех из глубины греховныя воздвигнеши, поющих: Аллилуиа.

Икос 10

“Царю Небесный, — глаголаше в молитве на воздусе со Ангелы стоящая всенепорочная Царица, — приими всякаго человека, молящася к Тебе и призывающа имя Мое на помощь, да не отъидет от лика Моего тощ и неуслышан”. Сию всеблагую молитву слышавше, собори святых благодарно возопиша: Радуйся, чистых руками и сердцем земледельцев благословенными плодами венчающая; радуйся, помоще и праведное мздовоздаяние всем право куплю деющим. Радуйся, клятвопреступлений и неправедных стяжаний всенародное обличение; радуйся, бедствующим в пути, на суше и водах внезапное вспоможение. Радуйся, безчадных родителей плодами веры и духа веселящая; радуйся, безматерних сирот незримая Воспитательнице. Радуйся, крепкая Заступнице сущих в плену и изгнании; радуйся, неусыпающая Попечительнице во узах и темнице селящих. Радуйся, Радосте наша, покрый нас от всякаго зла честным Твоим омофором.

Кондак 11

Пение всеумиленное слышаще и теплей Твоей молитве о нас внемлюще, просим Тебе, Дево Богородице, не презри гласа рабов Твоих: к Тебе бо в напастех и скорбех прибегаем и пред Тобою в бедах наших слезы проливаем, зовуще: Аллилуиа.

Икос 11

Яко светоприемную свещу, в молитве горящую, видящи Тя на воздусе Влахернская церковь, согласно со множеством людей, в ней бывших, возглашаше: “Откуду мне сие, да прииде Мати Господа Моего ко мне?” Святый же Андрей со Епифанием тепле моляхуся к Тебе, зовуще: Радуйся, всех даров духовных и телесных независтная Подательнице; радуйся, полагающих начало покаяния грешников верная Предстательнице. Радуйся, борющихся со страстьми и прилогами вражиими всегдашняя Споборнице; радуйся, незримое укрощение владык жестоких и зверонравных. Радуйся, тайный покое и отрадо рабов кротких и страждущих; радуйся, всежеланное совершение благих супружеств. Радуйся, матерей детородящих скорое и безболезненное разрешение; радуйся, в час кончины единая всем нам Помощнице. Радуйся, Радосте наша, покрый нас от всякаго зла честным Твоим омофором.

Кондак 12

Благодать Божественную испроси нам у Сына Твоего и Бога, простри нам руку помощи, отжени от нас всякаго врага и супостата и умири нашу жизнь, да не погибнем люте без покаяния, но приими нас в вечныя кровы, Покровительнице наша, да радующеся Тебе зовем: Аллилуиа.

Икос 12

Поюще Твой державный покров, хвалим Тя вси, яко твердую Предстательницу нашу, и покланяемся Тебе, о нас молящейся: веруем бо и надеемся, яко испросиши у Сына Твоего и Бога благая вечная и временная всем с любовию вопиющим Тебе сице: Радуйся, всей вселенной крепкое заступление; радуйся, всех стихий земных и небесных освящение. Радуйся, всех времен года благословение; радуйся, всех наветов и искушений, от мира, плоти и диавола находящих, попрание. Радуйся, нечаемое примирение ожесточенно враждующих; радуйся, недоведомое исправление нераскаянных грешников. Радуйся, не отвергающая всеми презренных и отверженных; радуйся, самих отчаянных от рова погибели исхищающая. Радуйся, Радосте наша, покрый нас от всякаго зла честным Твоим омофором.

Кондак 13

О Всепетая Мати, Пречистая Госпоже, Дево Богородице! К Тебе возвожду душевныя и телесныя очи, к Тебе простираю разслабленныя руце и из глубины сердца вопию: призри на веру и смирение души моея, покрый мя всемощным омофором Твоим, да избавлюся от всех бед и напастей, и в час кончины моея, о Всеблагая, предстани мне и уготованнаго ради грехов моих избави мучения, да выну покланяяся зову: Аллилуиа.

(Этот кондак читается трижды, затем икос 1 и кондак 1)

Молитвы Покрову Пресвятой Богородицы

Молитва первая

О, Пресвятая Дево, Мати Господа вышних сил, небесе и земли Царице, града и страны нашея Всемощная Заступнице! Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим, и пробавит благодать Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорей Заступнице нашей: услыши нас, молящихся Тебе, осени нас вседержавным покровом Твоим, и испроси у Бога Сына Твоего: пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание, всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша ко зрению спасения, милостива нам буди зде и тамо, в стране земнаго пришельствия и на страшнем суде Сына Твоего; преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты бо еси, Госпоже, Слава небесных и Упование земных, Ты по Бозе наша Надежда и Заступница всех, притекающих к Тебе с верою. К Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.

Молитва вторая

Царице моя Преблагая, Надеждо моя Пресвятая, приятелище сирым и странным Заступнице, бедствующих помоще и озлобляемых покрове, зриши мою напасть, зриши мою скорбь: отвсюду искушением одержим есмь, а заступающаго несть. Ты убо сама помози ми яко немощну, окорми мя яко странна, настави яко заблуждша, уврачуй и спаси яко безнадежна. Не имам бо иныя помощи, ни инаго предстательства, ни утешения, токмо Тебе, о Мати всех скорбящих и обремененных! Призри убо на мя, грешнаго и во озлоблении сущаго, и покрый мя пресвятым омофором Твоим, да избавлен буду от зол, мя обышедших, и восхвалю выну препетое имя Твое. Аминь.

Тропарь Покрову Пресвятой Богородицы

Тропарь, глас 4

Днесь благовернии людие светло празднуем, осеняеми Твоим, Богомати, пришествием, и к Твоему взирающе пречистому образу, умильно глаголем: покрый нас честным Твоим Покровом и избави нас от всякаго зла, молящи Сына Твоего, Христа Бога нашего, спасти души наша.

Величание

Величаем Тя, Пресвятая Дево, и чтим Покров Твой честный, Тя бо виде святый Андрей на воздусе, за ны Христу молящуюся.

Если вы нашли ошибку, пожалуйста, выделите фрагмент текста и нажмите Ctrl+Enter.

Акафист — одно из любимых верующими церковных молитвословий. Это песнопение исполняется в храме по великим праздникам и проникнуто торжественным, радостным настроением. Много подобных гимнов написано в честь Божией Матери. Чаще всего в церкви звучит Акафист Покрову Пресвятой Богородицы, празднику, особо чтимому в России с древности.

Название праздничного жанра — греческое слово, означающее «неседальный». Традиция писать акафистные тексты идет с 8 века, из Византии, где богослужение отличалось особой пышностью. В 11 веке этот жанр появился и в России.

Акафист Покрову Пресвятой Богородицы был написан митрополитом Иннокентием Херсонским (Украина) около 1846г. Вскоре молебны с торжественным гимном Покрову зазвучали во всех храмах России.

Влахернская церковь Богородицы была построена в 5 веке в Константинополе (ныне Стамбул) и была посвящена Божией Матери — Покровительнице Византии. В ней хранились великие святыни — пояс Богородицы и частица Креста Господня.

Когда Константинополь осаждали враги, святыни обносились вокруг города с крестным ходом и люди горячо молились Богородице об избавлении.

После взятия Константинополя турками храм сгорел и был разрушен. Сейчас на его месте стоит небольшая церковь, построенная в 1867 г. Фрески на её стенах изображают славные события древности, относящиеся к празднику Покрова.

Песнопение в честь Покрова вспоминает нужды каждого человека, любую просьбу слышит Божия Матерь, находясь у Престола Божия.

«Ра́дуйся, непобеди́мая воево́до вожде́й и во́инств христиа́нских!»

Явление Богородицы во Влахернах произошло в момент осады Константинополя. Военные особо почитают праздник Покрова, как защиту на поле брани. Богородицу молят о даровании победы.

«Ра́дуйся, соверше́нный ра́зуме наста́вников и детоводи́телей; ра́дуйся, благослове́ние домо́в и семе́йств благочести́вых!»

Пресвятая Дева помогает молящимся о сохранении семьи, воспитании детей. Икону Покрова часто можно видеть в христианских жилищах, ею благословляют детей при отъезде из отчего дома.

Богородица слышит молитвы незамужних женщин о сохранении целомудрия и чистоты. Девушки молятся на Покров о хорошем женихе.

«Ра́дуйся, изнемога́ющих от уны́ния и печа́ли ско́рая Уте́шительнице!»

Воспевание Богоматери помогает рассеять мрачные мысли, душевные волнения, отчаяние.

«Ра́дуйся, разсла́бленных те́лом, но не ду́хом и ве́рою, со одра́ боле́зни воздвига́ющая»

Больные и немощные возлагают надежды на помощь Пречистой Девы и получают её по своей вере.

В церквях, посвященных Покрову, существует обычай чтения Акафиста еженедельно. Также паломники любят петь этот гимн, отправляясь по святым местам или на освященные в честь Богоматери источники.

Исполнение последнего припева икосов «Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром!» и «Аллилуия» на простой напев хором объединяет молящихся, создаёт атмосферу праздника. Запомнившиеся слова можно использовать как краткую молитву перед иконами Покрова Божией Матери.

Перед чтением полезно изучить историю праздника, для лучшего понимания текста.

В заключение — объяснение нескольких малопонятных слов, встречающихся в Акафисте Покрову:

Акафист Покрову Пресвятой Богородице

Конда́к 1.

Избра́нной предве́чным Царе́м, превы́шшей вся́каго созда́ния, небесе́ и земли́ Цари́це, прише́дшей иногда́ во Влахе́рнскую це́рковь на моли́тву, досто́йное поклоне́ние с благодаре́нием принося́щи, я́ко во тме́ су́щии, под Тво́й светя́щийся омофо́р с ве́рою и умиле́нием прибега́ем. Ты́ же, я́ко иму́щи держа́ву непобеди́мую, от вся́ких на́с бе́д свобожда́й, да зове́м Ти́:

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Икос 1.

Арха́нгел и а́нгел мно́жество, с Предте́чею, Богосло́вом и все́х святы́х ли́ком сопредста́ша Тебе́, Цари́це свое́й, в це́ркви Влахе́рнстей и, умиле́нная моле́ния Твоя́ о все́м ми́ре слы́шавше, со удивле́нием возопи́ша такова́я:

Ра́дуйся, Бо́га Отца́ безнача́льнаго преве́чное благоволе́ние; ра́дуйся, Бо́га Сы́на безле́тнаго пречи́стое вмести́лище.

Ра́дуйся, Бо́га Ду́ха Всесвята́го избра́нное жили́ще; ра́дуйся, го́рних чино́в а́нгельских непрестаю́щее удивле́ние.

Ра́дуйся, те́мных си́л а́дских всегро́зное устраше́ние; ра́дуйся, Юже на возду́се срета́ют многоочи́тии херуви́ми.

Ра́дуйся, Ейже похва́льная воспису́ют шестокрила́тии серафи́ми; ра́дуйся, Ея́же преблаго́му покро́ву и мы́, земноро́днии, благода́рне покланя́емся.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 2.

Ви́девше Тя́ святы́й Андре́й с Епифа́нием в це́ркви на возду́се за христиа́ны Бо́гу моля́щуюся, позна́ша, я́ко Ма́терь еси́ возне́сшагося на не́бо Христа́ Бо́га на́шего, и, припа́дше на зе́млю, ра́достно покланя́хуся всеблаго́му покро́ву Твоему́, зову́ще: Аллилу́ия.

Икос 2.

Ра́зум недоразуме́нен еси́, Богоро́дице Де́во, в защище́нии люде́й правосла́вных, сего́ ра́ди врази́ на́ши и не познаю́т, ко́ль сильна́ е́сть моли́тва Бо́жия Ма́тере. Мы́ же, о Твое́м всемо́щном заступле́нии до́бре ве́дуще, си́це к Тебе́ со умиле́нием зове́м:

Ра́дуйся, премилосе́рдая уте́шительнице все́х скорбя́щих и обремене́нных; ра́дуйся, неусыпа́ющая наста́внице все́х заблу́ждших и ослепле́нных.

Ра́дуйся, пра́ведно дви́жимый гне́в Бо́жий на на́с Твои́м моле́нием ско́ро утоля́ющая; ра́дуйся, злы́я стра́сти на́ша всемо́щным манове́нием укроща́ющая.

Ра́дуйся, кре́пкое возбужде́ние спя́щих со́вестей; ра́дуйся, нетру́дное преодоле́ние беззако́нных на́выков.

Ра́дуйся, Ея́же ра́ди а́д стене́т и ду́хи зло́бы трепе́щут; ра́дуйся, Ея́же ра́ди врата́ ра́я все́м на́м отверза́ются.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 3.

Си́ла Вы́шняго осеня́ет с ве́рою и благогове́нием прибега́ющих к Твоему́ всечестно́му покро́ву: еди́ней бо то́чию Тебе́, Пресвяте́й и Пречи́стей Ма́тери Бо́жией, даде́ся, да вся́кое проше́ние Твое́ испо́лнится. Те́м у́бо вся́к во́зраст ве́рных славосло́вит Тя́ и Сы́на Твоего́, зову́щь: Аллилу́ия.

Икос 3.

Иму́щи бога́тство милосе́рдия неоску́дное, все́м конце́м земли́ простира́еши ру́ку по́мощи, Влады́чице: боля́щим — исцеле́ние, стра́ждущим — осла́бу, слепы́м — прозре́ние и все́м вся́, по коего́ждо потре́бе подае́ши, благода́рне вопию́щим:

Ра́дуйся, ца́рств правосла́вных несокруши́мая кре́посте и огра́до; ра́дуйся, святы́х хра́мов и олтаре́й перве́йшее украше́ние.

Ра́дуйся, ца́рских престо́лов верне́йшее огражде́ние; ра́дуйся, благосе́рдых градоправи́телей неусыпа́ющая споспе́шнице.

Ра́дуйся, непобеди́мая воево́до вожде́й и во́инств христиа́нских; ра́дуйся, свято́е зерца́ло пра́вды судия́м немздоприи́мным.

Ра́дуйся, соверше́нный ра́зуме наста́вников и детоводи́телей; ра́дуйся, благослове́ние домо́в и семе́йств благочести́вых.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 4.

Бу́рею мно́гих бе́д одержи́мым на́м помога́еши, Влады́чице: стои́ши бо пред лице́м олтаря́ Госпо́дня, воздви́гши ру́це Твои́ и мо́лишися, я́ко да на́шу недосто́йную моли́тву при́зрит Госпо́д, Ца́рь сла́вы, и послу́шает проше́ния призыва́ющих и́мя Твое́ свято́е, к Сы́ну же Твоему́ зову́щих: Аллилу́ия.

Икос 4.

Слы́ша Госпо́дь Бо́г Иису́са Нави́на моля́щася, и повелева́юща со́лнцу ста́ти, до́ндеже отмсти́т враго́м. Слы́шит и Твоя́ ны́не моле́ния Госпо́дь Иису́с, избра́нная па́лато Ду́ха Свята́го. Те́мже и мы́, гре́шнии, на Тво́й наде́ющеся покро́в, Тебе́, я́ко Бо́жией Ма́тери, глаго́лати дерза́ем:

Ра́дуйся, от Со́лнца мы́сленнаго озаре́нная и на́с све́том незаходи́мым просвеща́ющая; ра́дуйся, сия́нием пречи́стыя души́ Твоея́ всю́ зе́млю просвети́вшая.

Ра́дуйся, чистото́ю телесе́ Твоего́ все́ небеса́ возвесели́вшая; ра́дуйся, святы́х оби́телей Христо́вых покро́в и снабде́ние.

Ра́дуйся, ве́рных па́стырей Це́ркви бо́дрость и вразумле́ние; ра́дуйся, богобоя́зненных и́ноков и и́нокинь наста́внице.

Ра́дуйся, невозмуща́емое успокое́ние благогове́йных ста́рцев; ра́дуйся, та́йное весе́лие чи́стых де́в и вдови́ц.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 5.

Богови́дец Моисе́й в ополче́нии иногда́ на Амали́ка, егда́ ру́це воздвиза́ше, Изра́иль одолева́ше, егда́ же ру́це низпуща́ше, тогда́ Амали́к побежда́ше, поддержа́щими же его́ укрепле́н, победи́ врага́. Ты́ же, о Богома́ти, возде́вши ру́це Твои́ на умоле́ние, а́ще и ники́мже поддержи́ма, всегда́ побежда́еши враги́ христиа́нския, и на́м щи́т еси́ непобеди́м, вопию́щим: Аллилу́ия.

Икос 5.

Ви́девше Тя́ святы́х собо́ри на возду́се в це́ркви Влахе́рнстей, моле́бнии ру́це к Сы́ну и Бо́гу простира́ющую, ра́достно со арха́нгелы и а́нгелы благода́рную Ти́ пе́снь воспе́ша. Мы́ же крепча́йшима, па́че Моисе́овых ру́к, дла́ньма Твои́ма укрепля́еми, уми́льно вопие́м:

Ра́дуйся, Ея́же ру́це поддержи́т за все́х на́с еди́ная Ея́ к на́м любо́вь и милосе́рдие; ра́дуйся, пред Не́юже враги́ на́ша, ви́димые и неви́димые, стоя́ти не мо́гут.

Ра́дуйся, те́мное по́лчище страсте́й и похоте́й на́ших прогоня́ющая; ра́дуйся, Огнь Боже́ственный — Христа́ неопа́льно на руку́ Свое́ю держа́щая и на́с, хла́дных, те́м воспламе́няющая.

Ра́дуйся, во́инствующих на пло́ть целому́дрием изря́дное венча́ние; ра́дуйся, подвиза́ющихся в посте́ и безмо́лвии при́сное собесе́дование.

Ра́дуйся, изнемога́ющих от уны́ния и печа́ли ско́рая уте́шительнице; ра́дуйся, благода́тию смире́ния и терпе́ния снабдева́ющая.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 6.

Пропове́дник неоскудева́емыя благода́ти и ми́лостей Твои́х яви́ся святы́й Рома́н Сладкопе́вец, егда́ от Тебе́ во сне́ прия́т сви́ток кни́жный на снеде́ние: те́м у́бо умудре́н, нача́ разу́мно пе́ти во сла́ву Твою́, святы́м же писа́ти похва́льная, взыва́я с ве́рою: Аллилу́ия.

Икос 6.

Возсия́ла еси́ от и́стиннаго Со́лнца пра́вды заря́, Де́во Богоотрокови́це, просвеща́ющая все́х прему́дростию Бо́га, Сы́на Твоего́, и в позна́ние и́стины приводя́щая зову́щих Ти́ такова́я:

Ра́дуйся, Бо́жию Си́лу и Бо́жию Прему́дрость — Христа́ пло́тию породи́вшая; ра́дуйся, юро́дивую му́дрость ве́ка сего́ посрами́вшая, и ослепле́нных е́ю на пу́ть пра́вый наставля́ющая.

Ра́дуйся, святы́я ве́ры охране́ние и правосла́вных догма́тов наста́внице; ра́дуйся, нечести́вых ересе́й и тлетво́рных раско́лов искорени́тельнице.

Ра́дуйся, та́йная и неудо́бь предви́денная вся́ до́бре ве́дущая, и и́мже подоба́ет, сказу́ющая; ра́дуйся, лжи́вых прови́дцев и су́етная гада́ния посрамля́ющая.

Ра́дуйся, в ча́с недоуме́ний мы́сль бла́гу на се́рдце полага́ющая; ра́дуйся, от па́губных начина́ний и несмы́сленных пожела́ний воспяща́ющая.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 7.

Хотя́й долготерпели́вый Всеви́дец Госпо́дь яви́ти Своего́ человеколю́бия неизсле́димую щедро́т бе́здну, избра́ Тебе́ еди́ну в Ма́терь Себе́, и сотвори́ Тя лю́дем непреодоле́нное защище́ние: да а́ще кто́ от ни́х и пра́ведным судо́м Бо́жиим осужде́ния досто́ин яви́тся, Твои́м оба́че держа́вным покро́вом сохраня́ется на покая́ние, зовы́й: Аллилу́ия.

Икос 7.

Ди́вная показа́л еси́ дела́ Твоя́ в Пречи́стей Ма́тери Твое́й, Го́споди, егда́ пречу́дный омофо́р в руце́ Ея́ светя́щийся па́че лу́чь со́лнечных яви́ся, и́мже покрыва́ше лю́ди, су́щия в це́ркви Влахе́рнстей. О такове́м у́бо зна́мении милосе́рднаго Ея́ заступле́ния услы́шавше, у́жасом и ра́достию одержи́ми, вси́ глаго́лаху:

Ра́дуйся, нерукотворе́нный омофо́р, а́ки о́блак, над все́м ми́ром распросте́ршая; ра́дуйся, Преве́чнаго Архиере́я, Сы́на Своего́, зна́мение на руце́ Свое́й держа́щая.

Ра́дуйся, но́вую ми́лость и но́вую благода́ть си́м в Це́ркви Правосла́вней явля́ющая; ра́дуйся, сто́лпе о́блачный, от искуше́ний и собла́знов ми́ра все́х на́с покрыва́ющий.

Ра́дуйся, сто́лпе о́гненный, среди́ мглы́ греха́ все́м на́м пу́ть спасе́ния показу́ющий; ра́дуйся, я́вных благоче́стия подви́жников я́вное укрепле́ние.

Ра́дуйся, та́йных среди́ ми́ра рабо́в Бо́жиих та́йное вразумле́ние; ра́дуйся, и мене́, обнаже́ннаго до́брых де́л, не оставля́ющая Свои́м покро́вом и благода́тию.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 8.

Ди́вно Тя́ от небе́с во Влахе́рнстей це́ркви я́вльшуюся, а́нгели воспе́ша, апо́столи просла́виша, ли́к святи́телей и преподо́бных, и же́н святы́х сосло́вие восхвали́ша, Предте́ча с Богосло́вом поклони́шася, лю́дие же, су́щии в це́ркви, с весе́лием вопия́ху: Аллилу́ия.

Икос 8.

Все́ми вы́шними и ни́жними влады́чествуя Госпо́дь, узре́в Тя́ в це́ркви Ма́терь Свою́ стоя́щу и со умиле́нием к Нему́ моля́щуся, рече́: «проси́, Ма́ти Моя́, зане́ не отвращу́ся Тебе́, но испо́лню вся́ проше́ния Твоя́ и благода́рственная си́це Тебе́ все́х пе́ти научу́»:

Ра́дуйся, ковче́же заве́та, в не́мже храни́тся освяще́ние всего́ ро́да челове́ческаго; ра́дуйся, ста́мно пресвята́я, в не́йже а́лчущим пра́вды блюде́тся Хле́б жи́зни ве́чныя.

Ра́дуйся, сосу́де всезлаты́й, в не́мже угото́вася на́с ра́ди пло́ть и кро́вь Боже́ственнаго Агнца; ра́дуйся, оста́вленных врача́ми на Свои́ всемо́щныя ру́це прие́млющая.

Ра́дуйся, разсла́бленных те́лом, но не ду́хом и ве́рою, со одра́ боле́зни воздвига́ющая; ра́дуйся, погубля́ющим от неду́га у́м, но́вый и лу́чший смы́сл подаю́щая.

Ра́дуйся, на стро́потном пути́ греха́ и страсте́й на́с прему́дре запина́ющая; ра́дуйся, жесто́кость нераска́яннаго се́рдца на́шего умиля́ющая.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 9.

Все́ естество́ а́нгельское похва́льная прино́сит Тебе́, и́стинней Бо́жией Ма́тери и Засту́пнице все́х, притека́ющих к Тебе́, ве́дуще, я́ко несокруши́мым покро́вом Твои́м пра́ведных возвеселя́ещи, гре́шных заступа́еши, бе́дствующих избавля́еши и мо́лишися о все́х ве́рных, зову́щих: Аллилу́ия.

Икос 9.

Вети́и многовеща́нныя, я́ко ры́бы безгла́сныя, недоуме́ют, ка́ко восхвали́ти по достоя́нию вели́кий всечестна́го Покро́ва Твоего́ пра́здник: вся́ бо о Тебе́ от ни́х глаго́лемая не су́ть дово́льна к еди́ному изчисле́нию щедро́т Твои́х. Мы́ же, Твоя́ неисче́тныя благодея́ния ви́дяще, с весе́лием взыва́ем:

Ра́дуйся, от я́звы и всегуби́тельства сме́ртнаго на́с соблюда́ющая; ра́дуйся, от внеза́пнаго колеба́ния земли́ гра́ды и ве́си сохраня́ющая.

Ра́дуйся, от разлия́ния во́д и потопле́ния руко́ю кре́пкою возводя́щая; ра́дуйся, от запале́ния о́гненнаго росо́ю моли́тв Твои́х избавля́ющая.

Ра́дуйся, от гла́да душе́внаго и теле́снаго Хле́бом Жи́зни снабдева́ющая; ра́дуйся, уда́ры мо́лнии и гро́ма от главы́ на́шей отводя́щая.

Ра́дуйся, от наше́ствия иноплеме́нник и та́йных уби́йц спаса́ющая; ра́дуйся, от дома́шния бра́ни и вражды́ единокро́вных ми́ром и любо́вию огражда́ющая.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 10.

Спасти́ хотя́ ро́д челове́ческий от пре́лести вра́жия человеколю́бец Госпо́дь Тебе́, Ма́терь Свою́, дарова́ земны́м на́м в по́мощь, покро́в и защи́ту, да бу́деши печа́льным утеше́ние, скорбя́щим ра́дование, оби́димым засту́пница, и да все́х из глубины́ грехо́вныя воздви́гнеши, пою́щих: Аллилу́ия.

Икос 10.

«Царю́ Небе́сный — глаго́лаше в моли́тве на возду́се со а́нгелы стоя́щая Всенепоро́чная Цари́ца, — приими́ вся́каго челове́ка, моля́щаяся к Тебе́ и призыва́юща и́мя Мое́ на по́мощь, да не оты́дет от ли́ка Моего́ то́щь и неуслы́шанъ». Сию́ всеблагу́ю моли́тву слы́шавше, собо́ри святы́х благода́рне возопи́ша:

Ра́дуйся, чи́стых рука́ми и се́рдцем земледе́льцев благослове́нными плода́ми венча́ющая; ра́дуйся, по́моще и пра́ведное мздовоздая́ние все́м пра́во ку́плю де́ющим.

Ра́дуйся, клятвопреступле́ний и непра́ведных стяжа́ний всенаро́дное обличе́ние; ра́дуйся, бе́дствующим в пути́, на су́ше и вода́х внеза́пное вспоможе́ние.

Ра́дуйся, безча́дных роди́телей плода́ми ве́ры и ду́ха веселя́щая; ра́дуйся, безма́терних сиро́т незри́мая воспита́тельнице.

Ра́дуйся, кре́пкая засту́пнице су́щих в плену́ и изгна́нии; ра́дуйся, неусыпа́ющая попечи́тельнице во у́зах и темни́це седя́щих.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 11.

Пе́ние всеумиле́нное слы́шаше и те́плой Твое́й моли́тве о на́с вне́млюще, про́сим Тебе́, Де́во Богоро́дице, не пре́зри гла́са рабо́в Твои́х: к Тебе́ бо в напа́стех и ско́рбех прибега́ем и пред Тобо́ю в беда́х на́ших сле́зы пролива́ем, зову́ще: Аллилу́ия.

Икос 11.

Яко светоприе́мную свещу́, в моли́тве горя́щую, ви́дящи Тя́ на возду́се Влахе́рнская це́рковь, согла́сно со мно́жеством люде́й, в не́й бы́вших, возглаша́ше: «откуду́ мне́ сие́, да прии́де Ма́ти Го́спода моего́ ко мне́?» Святы́й же Андре́й со Епифа́нием те́пле моля́хуся к Тебе́, зову́ще:

Ра́дуйся, все́х даро́в духо́вных и теле́сных незави́стная пода́тельнице; ра́дуйся, полага́ющих нача́ло покая́ния гре́шников ве́рная предста́тельнице.

Ра́дуйся, борю́щихся со страстьми́ и прило́гами вра́жиими всегда́шняя спобо́рнице; ра́дуйся, незри́мое укроще́ние влады́к жесто́ких и зверонра́вных.

Ра́дуйся, та́йный поко́е и отра́до рабо́в кро́тких и стра́ждущих; ра́дуйся, всежела́нное соверше́ние благи́х супру́жеств.

Ра́дуйся, ма́терей детородя́щих ско́рое и безболе́зненное разреше́ние; ра́дуйся, в ча́с кончи́ны еди́ная все́м на́м помо́щнице.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 12.

Благода́ть Боже́ственную испроси́ на́м у Сы́на Твоего́ и Бо́га, простри́ на́м ру́ку по́мощи, отжени́ от на́с вся́каго врага́ и супоста́та, и умири́ на́шу жи́знь, да не поги́бнем лю́те, без покая́ния, но приими́ на́с в ве́чныя кро́вы, Покрови́тельнице на́ша, да ра́дующеся Тебе́ зове́м: Аллилу́ия.

Икос 12.

Пою́ще Тво́й держа́вный покро́в, хва́лим Тя́ вси́, я́ко тве́рдую предста́тельницу на́шу, и покланя́емся Тебе́, о на́с моля́щейся: ве́руем бо и наде́емся, я́ко испро́сиши у Сы́на Твоего́ и Бо́га блага́я ве́чная и вре́менная, все́м с любо́вию вопию́щим Тебе́ си́це:

Ра́дуйся, все́й вселе́нней кре́пкое заступле́ние; ра́дуйся, все́х стихи́й земны́х и небе́сных освяще́ние.

Ра́дуйся, все́х време́н го́да благослове́ние; ра́дуйся, все́х наве́тов и искуше́ний от ми́ра, пло́ти и диа́вола находя́щих, попра́ние.

Ра́дуйся, неча́емое примире́ние ожесточе́нно вражду́ющих; ра́дуйся, недове́домое исправле́ние нераска́янных гре́шников.

Ра́дуйся, не отверга́ющая все́ми презре́нных и отве́рженных; ра́дуйся, сами́х отча́янных от ро́ва поги́бели исхища́ющая.

Ра́дуйся, Ра́досте на́ша, покры́й на́с от вся́каго зла́ честны́м Твои́м омофо́ром.

Конда́к 13.

О, всепе́тая Ма́ти, пречи́стая Госпоже́, Де́во Богоро́дице! К Тебе́ возвожду́ душе́вныя и теле́сныя о́чи, к Тебе́ простира́ю разсла́бленныя ру́це и из глубины́ се́рдца вопию́: при́зри на ве́ру и смире́ние души́ моея́, покры́й мя́ всемо́щным омофо́ром Твои́м, да изба́влюся от все́х бе́д и напа́стей, и в ча́с кончи́ны моея́, о Всеблага́я, предста́ни мне́ и угото́ваннаго ра́ди грехо́в мои́х изба́ви муче́ния, да вы́ну покланя́яся зову́: Аллилу́ия.

Оценка 3.4 проголосовавших: 19
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here