Детально: акафист пресвятой богородице всех скорбящих радость - со всех открытых источников и разных уголков мира на сайте 1000-molitv.ru для наших уважаемых читателей.
Ґкafістъ прес™ёй вLчцэ нaшей бцdэ въ чeсть їкHны є3S всёхъ скорбsщихъ рaдосте Кондaкъ №.
Взбрaннэй воев0дэ побэди1тельнаz, ћкw и3збaвльшесz t вёчныz смeрти блгdтію t тебє2 р0ждшагwсz хrтA бGа нaшегw и3 твои1мъ м™рнимъ пред8 ни1мъ ходaтайствомъ, бlгодaрствєннаz восписyемъ ти2, раби2 твои2: ћкw и3мyщаz держaву непобэди1мую, t всsкихъ нaсъ бёдъ и3 ск0рбныхъ њбстоsній свободи2, зовyщихъ:
Рaдуйсz, блгdтнаz бцdе дв7о, всёхъ скорбsщихъ рaдосте.
Јкосъ №.
ЃгGлъ предстaтель п0сланъ бhсть съ нб7сE рещи2 бцdэ: рaдуйсz, возвэщaz бжcтвеннымъ воплощeніемъ хrт0вымъ хотsщую роди1тисz t неS рaдость всемY мjру, въ ск0рби погибaющу. Тёмже и3 мы22, грэхми2 њбременeнніи, надeжду спcніz въ тебЁ ўлучи1вше, ўми1льнw взывaемъ ти2:
Рaдуйсz, б9іе ко грBшнымъ бlговолeніе: рaдуйсz, кaющихсz пред8 гDемъ бGомъ крёпкое заступлeніе.
Рaдуйсz, пaдшагw ґдaма воззвaніе: рaдуйсz, слeзъ є4vиныхъ и3збавлeніе.
Рaдуйсz, грэх0вную t8eмлющаz сквeрну: рaдуйсz, бaне, њмывaющаz с0вэсть.
Рaдуйсz, р0ждшаz и3збaвителz, беззакHніz н†ша тyне њчищaющаго: рaдуйсz, всечyдное всёхъ къ бGу примирeніе.
Рaдуйсz, м0сте, вои1стину преводsй нaсъ t смeрти къ животY: рaдуйсz, мjръ t пот0па грэх0внагw сп7сшаz.
Рaдуйсz, лёствице нбcнаz, є4юже гDь къ нaмъ сни1де: рaдуйсz, винA всёхъ њбожeніz.
Рaдуйсz, блгdтнаz бцdе дв7о, всёхъ скорбsщихъ рaдосте.
Кондaкъ в7.
Ви1дz т0ки чудeсъ, и3зливaємыz t с™ыz твоеS їкHны, бlгaz бGороди1тельнице, ћкw ты2 є3си2 молsщихсz бlгaz пом0щница, њби1димыхъ застyпница, ненадёющихсz надeжда, печaльныхъ ўтэшeніе, ѓлчущихъ корми1тельница, наги1хъ њдэsніе, дёвственныхъ цэломdріе, стрaнныхъ настaвница, труждaющихсz п0мощь, слэпhхъ прозрёніе, глухи1хъ бlгослhшаніе, б0льныхъ и3сцэлeніе, бlгодaрственнэ вопіeмъ њ тебЁ бGу: Ґллилyіа.
Јкосъ в7.
Рaзумъ недоразумённый находsщихъ на ны2 лю1тыхъ скорбeй разумёти и4щуще, къ тебЁ прибэгaемъ, q, м™и и3 дв7о, ўтэшeніz трeбующе. Тh же, ћкw бlгaz, научи2 ны2 разумёти въ ни1хъ бlгaгw сн7а твоегw2 млcрдое промышлeніе во спcніе дyшъ нaшихъ и3 њчищeніе мн0гихъ согрэшeній, да взывaемъ ти2 рaдостнw:
Рaдуйсz, њбуревaемыхъ ти1хое пристaнище: рaдуйсz, сумнsщихсz и3звёстное ўтверждeніе.
Рaдуйсz, є3ди1на м™и млcрдіz: рaдуйсz, ск0раz пом0щнице сyщымъ въ бэдaхъ и3 напaстехъ.
Рaдуйсz, скорбьми2 грэхи2 нaшz њчищaющаz: рaдуйсz, печaлію нaшz нeмwщи душє1вныz врачyющаz.
Рaдуйсz, сyєтныz рaдwсти мjра сегw2 презирaти нaсъ научaющаz: рaдуйсz, t мjра къ прем‡рнымъ ќмъ нaшъ возводsщаz.
Рaдуйсz, t любвE земнhz къ нбcнэй б9іей любви2 нaсъ привлекaющаz: рaдуйсz, въ сaмыхъ страдaніzхъ нaшихъ ўтэшeніе и3 блгdтную жи1знь нaмъ подaющаz.
Рaдуйсz, њбэтованіе бл†гъ вёчныхъ: рaдуйсz, ходaтаице вёчныz рaдости.
Рaдуйсz, блгdтнаz бцdе дв7о, всёхъ скорбsщихъ рaдосте.
Кондaкъ G.
Си1лою свhше ўкрэпи2 мS, бlгaz вLчце, недугyюща тёломъ и3 душeю, и3 посэщeніz твоегw2 спод0би и3 промышлeніz, мрaкъ ўнhніz и3 ск0рби, њблежaщій мS tгонsz, да сп7сaемый тоб0ю, вhну вопію2 бGу: Ґллилyіа.
Јкосъ G.
И#мyщи богaтство млcрдіz неизречeнное, всBмъ скорбsщымъ рyку п0мощи простирaеши, недyги врачyющи, стр†сти и3сцэлsющи. Не прeзри и3 менE, бlгaz вLчце, на nдрЁ нeмощи моеS низлежaща и3 вопію1ща ти2:
Рaдуйсz, млcти сокр0вище многоцённое: рaдуйсz, tчazнныхъ є3ди1на надeждо.
Рaдуйсz, тёла моегw2 врачевaніе: рaдуйсz, души2 моеS спcніе.
Рaдуйсz, твeрдаz крёпосте немощнhхъ: рaдуйсz, и3знемогaющихъ застyпнице и3 ўкрэплeніе.
Рaдуйсz, гнёвъ б9ій твои1мъ молeніемъ ск0рw ўтолsющаz: рaдуйсz, стр†сти нaшz си1лою мlтвъ твои1хъ ўкрощaющаz.
Рaдуйсz, слэпhхъ зрёніе, глухи1хъ слhшаніе: рaдуйсz, хромhхъ хождeніе, нэмhхъ глаг0ланіе.
Рaдуйсz, болsщихъ бlгонадeжное посэщeніе: рaдуйсz, ћкw тоб0ю по мёрэ вёры подаю1тсz блгdтнаz и3сцэлє1ніz всBмъ немощствyющымъ.
Рaдуйсz, блгdтнаz бцdе дв7о, всёхъ скорбsщихъ рaдосте.
Кондaкъ д7.
Бyрz мн0гихъ бёдъ и3 напaстей њбдержи1тъ мS, и3 волнeніz не ктомY терплю2: тh же, ћкw млcтиваz м™и сп7са моегw2 и3 бGа, воздви1гни рyцэ къ сн7у твоемY, молsщи є3го2, да при1зритъ на лю1тую ск0рбь сeрдца моегw2 и3 воздви1гнетъ мS и3з8 пучи1ны tчazніz, вопію1щаго є3мY: Ґллилyіа.
Јкосъ д7.
Слhшащи, прес™аz дв7о и3 м™и, сmмеHна првdнагw проречeніе: тебЁ же сам0й дyшу пр0йдетъ њрyжіе, слагaла є3си2 въ сeрдце твоeмъ вс‰ глаг0лы сі‰, разумэвaющи, ћкw рaдость м™рнzгw сeрдца њ чaдэхъ мн0гихъ печaлей въ мjрэ сeмъ бывaетъ причaстна. Тёмже, ћкw и3скушeннэй по всsчєскимъ и3 спострадaти м™рней ск0рби могyщей, взывaемъ ти2:
Рaдуйсz, рaдость мjру хrтA сп7си1телz р0ждшаz: рaдуйсz, мjръ t ск0рбей и3збавлsющаz.
Рaдуйсz, хулє1ніz и3 клеветы6 на сн7а твоего2 терпёвшаz: рaдуйсz, страдaніємъ є3гw2 спострадaвшаz.
Рaдуйсz, ск0рбныхъ мaтерей ўтэшeніе: рaдуйсz, ч†дъ и5хъ блгdтное њхранeніе.
Рaдуйсz, въ бэдaхъ ск0рое нaмъ заступлeніе: рaдуйсz, заблyждшихъ и3справлeніе.
Рaдуйсz, младeнцєвъ питaніе: рaдуйсz, ю4ныхъ наставлeніе.
Рaдуйсz, м™и сир0тствующихъ: рaдуйсz, вдHвъ заступлeніе.
Рaдуйсz, блгdтнаz бцdе дв7о, всёхъ скорбsщихъ рaдосте.
Кондaкъ є7.
БGот0чную кр0вь сн7а твоегw2, на кrтЁ за спcніе нaше и3зливaемую, зрsщи, ћкw рабA гDнz, смирeннw в0ли nц7A, и4же на нб7сЁхъ, повинyющаzсz, нaмъ w4бразъ ѕлострадaніz и3 терпёніz kви1ла є3си2, да и3 мы2, въ пещи2 и3скушeній и3 бёдъ сyщіи, вопіeмъ смирeннw бGу: Ґллилyіа.
Јкосъ є7.
Ви1дz тS сн7ъ тв0й и3 бGъ при кrтЁ стоsщую съ возлю1бленнымъ ўченик0мъ и3 сeрдцемъ є3мY сраспинaющуюсz, глаг0лаше: жeно, сE сhнъ тв0й, и3 ўченикY: сE, м™и твоS, всыновлsz тебЁ вс‰ вёрующіz въ него2. Мh же, ћкw w4бщницы ск0рби и3 страдaній сн7а твоегw2, и3мёюще въ тебЁ бlгyю м™рь, на тS всE ўповaніе въ ск0рби возлагaюще, вопіeмъ ти2:
Рaдуйсz, м™и р0да хrтіaнскагw: рaдуйсz, ўсынови1вшаz нaсъ при кrтЁ сн7а твоегw2.
Рaдуйсz, бGа съ человBки соедини1вшаz: рaдуйсz, вёрныхъ гDеви сочетaвшаz.
Рaдуйсz, ѓгнице, р0ждшаz ѓгнца, взeмшаго грэхи2 мjра: рaдуйсz, чaше, чeрплющаz нaмъ рaдость t и3ст0чника безсмeртіz.
Рaдуйсz, спорyчнице спcніz грёшныхъ: рaдуйсz, взыскaніе поги1бшихъ.
Рaдуйсz, нечazннаz грёшныхъ рaдосте: рaдуйсz, пaдшихъ востaніе.
Рaдуйсz, цэли1тельнице всёхъ нeмощей: рaдуйсz, ўтолeніе всsкіz печaли.
Рaдуйсz, блгdтнаz бцdе дв7о, всёхъ скорбsщихъ рaдосте.
Кондaкъ ѕ7.
Проповёдуютъ млcти тво‰, бGом™и, вси2 концы6 вселeнныz, и4бо чcтнhмъ покр0вомъ твои1мъ покрывaеши вeсь р0дъ хrтіaнскій, њ нeмже вhну м0лишисz хrтY сп7си1телю нaшему и3 и3збавлsеши t всёхъ бёдъ бlгонр†вныz и3 бGобо‰щыzсz рабы6, вёрнw вопію1щіz бGу: Ґллилyіа.
Јкосъ ѕ7.
ВозсіS блгdть свэтозaрнаz t пречyдныz їкHны твоеS, бGом™и, пред8 нeюже со слезaми припaдающе, м0лимъ ти2 сS: tжени2 w4блакъ нашeдшихъ на ны2 и3скушeній, да вопіeмъ ти2 рaдостнw:
Рaдуйсz, приносsщаz къ сн7у твоемY и3 бGу молє1ніz вёрныхъ: рaдуйсz, и3 самA ў пrт0ла сн7а твоегw2 вhну молsщаzсz њ нaсъ.
Рaдуйсz, предстaтельнице къ бGу, мjръ t бёдъ сп7сaющаz: рaдуйсz, застyпнице р0да хrтіaнскагw, t бGа нaмъ даровaннаz.
Рaдуйсz, дрeво бlгосэнноли1ственное, и4мже покрывaютсz мн0зи: рaдуйсz, дрeво свэтлоплодови1тое, и4мже питaютсz вёрніи.
Рaдуйсz, покр0ве мjру, ши1ршій w4блака: рaдуйсz, землE њбэтовaніz, и3з8 неsже течeтъ мeдъ и3 млеко2.
Рaдуйсz, свётлый w4блаче, вBрныz непрестaннw њсвэщaющій: рaдуйсz, ст0лпе џгненный, наставлszй и3збр†нныz къ нбcному наслёдію.
Рaдуйсz, ни1во, растsщаz nби1ліе щедрHтъ: рaдуйсz, подaтельнице всsкіz бlгости.
Рaдуйсz, блгdтнаz бцdе дв7о, всёхъ скорбsщихъ рaдосте.
Кондaкъ з7.
Хотsщи kви1ти т0ки чудeсъ t своеS їкHны, всёхъ скорбsщихъ рaдости, повелёла є3си2, вLчце, болsщей є3vфи1міи молє1бнаz пBніz пред8 т0ю совершaти, и3 получи1вши и3сцэлeніе, всBмъ проповёдати млcти, рaди тоS їкHны kвлє1нныz, да не сокрhтъ бyдетъ и3ст0чникъ блгdтныхъ и3зцэлeній всBмъ трeбующымъ. Тёмже и3 мы2 не таи1мъ твои1хъ бlгодэsній, но бlгодaрственнэ прославлsюще бGа, вопіeмъ є3мY: Ґллиyіа.
Јкосъ з7.
Н0ваz купёль сілwaмскаz пaче џныz дрeвніz kви1сz, пречcтаz вLчце, хрaмъ тв0й, въ нeмже покланsемсz чудотв0рнэй їкHнэ твоeй: и4бо не є3ди1ною въ лёто и3 т0кмw пeрвэе входsщымъ здрaвіе тёла подаeши, но вhну всsкій недyгъ и3 всsкую ћзву душeвную и3 тэлeсную врачyеши съ вёрою и3 люб0вію къ тебЁ прибэгaющихъ. Сегw2 рaди вопіeмъ ти2:
Рaдуйсz, купель, въ нейже всz скHрби нaшz погружaютсz: рaдуйсz, чаше, є3юже рaдость и3 спcніе воспріeмлемъ.
Рaдуйсz, каменю, напои1вшій жaждущыz жизни: рaдуйсz, дрeво, ўслаждaющее слaныz в0ды житeйскагw м0рz.
Рaдуйсz, животв0рныz воды2 неистощи1мый и3сточниче: рaдуйсz, бане, њмывaющаz грэх0вную сквeрну.
Рaдуйсz, скорбeй нaшихъ ўслаждeніе: рaдуйсz, печaлей нашихъ ўтолeніе.
Рaдуйсz, болeзней нaшихъ врачевaніе: рaдуйсz, бёдъ и3збавлeніе.
Рaдуйсz, дeмонwвъ попрaніе: рaдуйсz, врагHвъ посрамленіе.
Рaдуйсz, блгdтнаz бцdе дв7о, всёхъ скорбsщихъ рaдосте.
Кондaкъ }.
Стрaнницы и3 пришeльцы вси2 є3смы2 на земли2 сeй, по глаг0лу ґпcлову: бэды6 t врагHвъ, бэды6 t срHдникъ, бэды6 t лжебрaтіи тeрпzще въ лишeніихъ мн0гихъ и3 ск0рбехъ. Тh же, вLчце, ћкw бlгaz nдиги1тріе, настaви нaсъ къ ти1хому пристaнищу, и3 моли2 сн7а твоегw2 прощeнію прегрэшeній нaмъ прeжде концA даровaтисz, да вhну вопіeмъ бGу: Ґллилyіа.
Јкосъ }.
ВсE житіE нaше на земли2 болёзненнw и3 печали и3сполненw t клеветы, досажденіz, ўкореніz и3 и3ныхъ многови1дныхъ бёдъ и3 напaстей: немощствуетъ бо тёло, и3знемогaетъ и3 дyхъ нaшъ. Къ тебЁ u5бо прибэгaемъ, бGом™и, пред8 пречcтою їкHною твоeю припaдающе, и3сп0лни рaдости и3 весeліz скHрбнаz сердцA н†ша, да вопіeмъ ти2:
Рaдуйсz, путеводи1тельнице, къ нбcному nтeчеству нaсъ руководsщаz: рaдуйсz, цRи1це нб7а и3 земли2, вратA рaйскаz нaмъ tверзaющаz.
Рaдуйсz, млcтиваz, нaсъ ми1лующаz: рaдуйсz, домострои1тельнице, житіE нaше д0брэ ўстроsющаz.
Рaдуйсz, руно2 њрошeнное, є4же гедеHнъ предви1дэ: рaдуйсz, бlжeнное чрeво, невмэсти1магw всёми бGа вмёсти1вшее.
Рaдуйсz, купино2 неwпали1маz: рaдуйсz, неруши1маz стэно2.
Рaдуйсz, живон0сный и3ст0чниче: рaдуйсz, цвёте неувzдaемый.
Рaдуйсz, ўмzгчeніе ѕлhхъ сердeцъ: рaдуйсz, ўмилeніе бlгихъ.
Рaдуйсz, блгdтнаz бцdе дв7о, всёхъ скорбsщихъ рaдосте.
Кондaкъ f7.
Всsкаz житeйскаz въ мjрэ сeмъ слaдость печaли бывaетъ причaстна: слaва не стои1тъ, богaтство мимотечeтъ, лёпота и3 здрaвіе ўвzдaютъ, дрyзи и3 и4скренніи смeртію teмлютсz. Ўслади2 u5бо нaшz скHрби, бlги1хъ вин0внаz, твою2 нетлённую даю1щи рaдость нaмъ, вопію1щымъ бGу: Ґллилyіа.
Јкосъ f7.
Вит‡z многовэщaнніи недоумёютъ, к‡ими словесы2 скорбsщыz ўтэшaти, но самA, вLчце, возглаг0ли сердцaмъ нaшымъ ўтэшeніе, блгdти твоеS лучaми w4блакъ ск0рби нaшеz и3 мрaкъ ўнhніz разгонsющи, да взывaемъ ти2:
Рaдуйсz, њбрaдовавшаz надёzніемъ на тS всёхъ хrтіaнъ: рaдуйсz, рaдость и3 ўмирeніе мjру.
Рaдуйсz, подaтельнице бжcтвенныz бlгости: рaдуйсz, надeждо бlгъ вёчныхъ.
Рaдуйсz, кораблю2 хотsщихъ сп7сти1сz: рaдуйсz, пристaнище житeйскихъ плaваній.
Рaдуйсz, вёрнаz храни1тельнице ўповaющихъ на тS по бз7э: рaдуйсz, њдeждо наги1хъ дерзновeніz.
Рaдуйсz, храни1тельнице всёхъ и3 ўтверждeніе: рaдуйсz, всёхъ вёрныхъ њграждeніе и3 сщ7eнное прибёжище.
Рaдуйсz, п0моще вёрнw молsщихсz тебЁ: рaдуйсz, свётлое блгdти познaніе.
Рaдуйсz, блгdтнаz бцdе дв7о, всёхъ скорбsщихъ рaдосте.
Кондaкъ ‹.
Сп7сти2 хотsй р0дъ человёческій t вёчныz мyки и3 непрестаю1щыz ск0рби, чlколю1бецъ гDь въ пrнодвcтвенную ўтр0бу твою2 всели1сz и3 тебE, м™рь свою2, даровA погибaющымъ въ п0мощь, покр0въ и3 защищeніе, да бyдеши печ†льнымъ ўтэшeніе, скорбsщымъ рaдованіе, tч†zннымъ надeжда, вёчныz мyки свои1мъ ходaтайствомъ и3збавлsющаz и3 къ нбcному весeлію приводsщаz всёхъ, вёрнw вопію1щихъ сн7у твоемY и3 бGу нaшему: Ґллилyіа.
Јкосъ ‹.
СтэнA є3си2 дёвамъ, бцdе дв7о, и3 всBмъ къ твоемY покр0ву прибэгaющымъ. Тёмже м0лимъ тS: заступи2, покрhй и3 соблюди2 всёхъ си1рыхъ и3 безп0мощныхъ t и3скушeній, њѕлоблeній и3 бёдъ, тебЁ съ люб0вію взывaющихъ:
Рaдуйсz, ст0лпе дёвства: рaдуйсz, чcтоты и3 цэломyдріz сосyде и3збрaнный.
Рaдуйсz, в0инствующымъ на пл0ть цэломyдріемъ и3зрsдное вэнчaніе: рaдуйсz, во и4ночествэ бlгоскорбsщымъ подaтельнице вёчнагw рaдованіz.
Рaдуйсz, плaмень страстeй и3змэнsющаz: рaдуйсz, мрaкъ и3скушeній прогонsющаz.
Рaдуйсz, настaвнице цэломyдріz: рaдуйсz, чcтоты2 њграждeніе.
Рaдуйсz, и3справлeніе человёкwвъ: рaдуйсz, є4юже t падeніz востaхомъ.
Рaдуйсz, твeрдое вёры ўтверждeніе: рaдуйсz, пріsтное мlтвы кади1ло.
Рaдуйсz, блгdтнаz бцdе дв7о, всёхъ скорбsщихъ рaдосте.
Кондaкъ №i.
Пёніе всеумилeнное прин0симъ ти2, раби2 твои2, бцdе, ћкw всеси1льнэй застyпницэ р0да нaшегw: ўтоли2 болэзни многовоздыхaющихъ дyшъ нaшихъ, ўкроти2 гнёвъ б9ій, прaведнw на ны2 дви1жимый грBхъ рaди нaшихъ, и3збaви нaсъ t всsкіz лю1тыz ск0рби и3 болёзни, вопію1щихъ њ тебЁ бGу: Ґллилyіа.
Јкосъ №i.
Свётопріeмнаz свэщA, ќглемъ блгdти б9іz возжжeннаz, kви1сz нaмъ пречcтнaz їкHна твоS, вLчце, на њсщ7eніе нaше и3 ўтэшeніе. Мh же, люб0вію чтyще ю5 и3 съ вёрою припaдающе къ нeй, вопіeмъ ти2:
Рaдуйсz, си1льнымъ твои2мъ заступлeніемъ t всёхъ бёдъ нaсъ и3збавлsющаz: рaдуйсz, t трyса и3 пот0па нaсъ защищaющаz.
Рaдуйсz, t глaда душeвнагw и3 тэлeснагw нaсъ снабдэвaющаz: рaдуйсz, џгнь рос0ю мlтвъ твои1хъ ўгашaющаz.
Рaдуйсz, t смeртнагw губи1тельства нaсъ сп7сaющаz: рaдуйсz, въ брaнехъ крёпкаz пом0щнице.
Рaдуйсz, t нашeствіz и3ноплемeнныхъ нaсъ њграждaющаz: рaдуйсz, t междоус0бныz брaни њхранsющаz.
Рaдуйсz, плaвающихъ лeгкое по водaмъ прехождeніе: рaдуйсz, путешeствующихъ д0браz води1тельнице.
Рaдуйсz, плённыхъ свобождeніе: рaдуйсz, t належaщагw првdнагw прещeніz б9іz ск0рое и3збавлeніе.
Рaдуйсz, блгdтнаz бцdе дв7о, всёхъ скорбsщихъ рaдосте.
Кондaкъ в7i
Бlгодaти зал0гъ восхотёвши дaти р0ду нaшему, цэльбон0сную їкHну твою2 kви1ла є3си2 нaмъ, бGом™и, t неsже т0ки чудeсъ съ вёрою приходsщымъ и3сточaютсz, недyзи врачyютсz и3 скHрби ўтолsютсz. Сегw2 рaди рaдостнw њ тебЁ вопіeмъ бGу: Ґллилyіа.
Јкосъ в7i.
Пою1ще тво‰ млcти и3 чудесA, бGороди1тельнице, хвaлимъ тS вси2, ћкw твeрдую предстaтельницу нaшу, и3 со ўмилeніемъ покланsемсz тебЁ, молsщейсz њ нaсъ, и3 пр0симъ: воздви1гни рyцэ къ сн7у твоемY, да вhну въ сeй жи1зни и3 по смeрти нaшей млcрдіе є3гw2 неtстyпнw бyдетъ t нaсъ, взывaющихъ ти2:
Рaдуйсz, непостhдное нaше ўповaніе въ животЁ и3 по преставлeніи нaшемъ: рaдуйсz, ўповaющымъ на тS ми1ренъ конeцъ житіS сегw2 подаю1щаz.
Рaдуйсz, въ дeнь сyдный нaша надeждо и3 защищeніе: рaдуйсz, судіи2 првdнагw ўмолeніе.
Рaдуйсz, геeнны вёчныz и3збавлeніе: рaдуйсz, надeждо вёчнагw спcніz.
Рaдуйсz, ключY цrтвіz хrт0ва: рaдуйсz, двeре рaйскаz.
Рaдуйсz, м0сте, къ нб7сeмъ приводsй: рaдуйсz, всёхъ кaющихсz грёшникwвъ прибёжище и3 бlгaz застyпнице.
Рaдуйсz, ѓгGлwвъ рaдосте: рaдуйсz, всёхъ првdныхъ слaво и3 ўтэшeніе.
Рaдуйсz, блгdтнаz бцdе дв7о, всёхъ скорбsщихъ рaдосте.
Кондaкъ Gi.
Q, всепётаz бGоwбрaдованнаz м™и, р0ждшаz на рaдость нб7у и3 земли2 цRS хrтA, бGа нaшегw. Ўслhши глaсъ скорбsщихъ р†бъ твои1хъ, и3 пріeмши сіE мaлое молeніе нaше, и3збaви нaсъ t всsкихъ бёдъ, скорбeй и3 напaстей; недyги нaша и3зцэли2, напр†сныz клевєты2 потреби2, всsку ѕл0бу и3 враждY tжени2 t нaсъ и3 бyдущыz и3зми2 мyки њ тебЁ вопію1щихъ: Ґллилyіа.
Сeй кондaкъ глаг0ли три1жды, посeмъ №-й јкосъ и3 №-й кондaкъ.
Молитва №.
Q, прес™az вLчце бцdе, вhшшаz херуви6мъ и3 честнёйшаz сераф‡мъ, бGоизбрaннаz nтрокови1це, всёхъ скорбsщихъ рaдосте. Подaждь ўтэшeніе и3 нaмъ, въ ск0рби сyщымъ: рaзвэ бо тебE и3нaгw прибёжища и3 п0мощи не и4мамы. Ты2 є3ди1на є3си2 рaдости нaшеz ходaтаица, и3 ћкw м™рь б9іz и3 м™и млcрдіz, предстоsщи ў пrт0ла прес™hz трbцы, м0жеши нaмъ помощи2: никт0же бо притекazй къ тебЁ посрaмленъ tход1итъ. Ўслhши ќбо и3 нaсъ, нhнэ въ дeнь ск0рби пред8 твоeю їкHною припaдающихъ и3 со слезaми тебЁ молsщихсz: tжени2 t нaсъ належaщыz на нaсъ ск0рби и3 печaли въ сEй врeменнэй жи1зни, не лишeны же ны2 сотвори2 твои1мъ всеси1льнымъ ходaтайствомъ и3 вэчныz нескончaемыz рaдости въ цrвіи сн7а твоегw2 и3 бGа нaшегw. Е#мyже подобaетъ всsкаz слaва, чeсть и4 поклонeніе со безначaльнымъ є3гw2 џц7eмъ, и3 со прес™hмъ и3 бlги1мъ и3 животворsщимъ є3гw2 д¦омъ, нhнэ и3 при1снw и3 во вёки вёкwвъ. Ґми1нь.
Моли1тва в7.
ЦRи1це моS пребlгaz, надeждо моS бцdе, пріsтелище си6рыхъ и3 стр†ннымъ предстaтельнице, скорбsщымъ рaдосте, њби6димымъ покрови1тельнице. Зри1ши мою2 бэдY, зри1ши мою2 ск0рбь: помози2 ми ћкw стрaнна. Nби1ду мою2 вёси, разрэши2 тY, ћкw в0лиши: ћкw не и4мамъ и3нhz п0мощи рaзвэ тебє2, ни и3нhz предстaтельницы, ни бlгіz ўтёшительниы, т0кмw тебE, q бGом™и, ћкw да сохрани1ши мS и3 покрhеши во вёки вэкHвъ. Ґми1нь.
Великое служение людям — обращать печаль в радость, утешая скорбящих. Наши предки под скорбью понимали неудачи, переживания, горести, болезни, одним словом — весь негатив.
Именно в этих случаях верующие христиане читали акафист Богородице «Всех скорбящих Радость», а Царица Небесная даровала молитвенникам Свою Благодатную помощь.
Кондак 1
Взбранней Воеводе победительная, яко избавльшеся от вечныя смерти благодатию от Тебе рождшагося Христа Бога нашего и Твоим Матерним пред Ним ходатайством, благодарственная восписуем Ти, раби Твои: яко имущая державу непобедимую, от всяких нас бед и скорбных обстояний свободи, зовущих: Радуйся, Благодатная Богородице Дево, погибших Взыскание и всех скорбящих Радосте.
Икос 1
Ангел предстатель послан бысть с Небесе рещи Богородице: Радуйся, Благословенная в женах, предреченная Мати Христа, Сына Божия. Темже и мы, грехми обремененнии, надежду спасения в Тебе улучивше, умильно взываем Ти:
Радуйся, Божие ко грешным благоволение;
Радуйся, кающихся пред Господем Богом крепкое заступление.
Радуйся, падшаго Адама воззвание;
Радуйся, слез Евиных избавление.
Радуйся, греховную отъемлющая скверну;
Радуйся, бане, омывающая совесть.
Радуйся, рождшая Избавителя, беззакония наша милостиво очищающаго;
Радуйся, всечудное всех к Богу примирение.
Радуйся, мосте, воистину преводяй нас от смерти к животу; Радуйся, мир от потопа греховнаго спасшая.
Радуйся, лествице небесная, еюже Господь к нам сниде;
Радуйся, вина всех обожения.
Радуйся, Благодатная Богородице Дево, погибших Взыскание и всех скорбящих Радосте.
Кондак 2
Видяще токи чудес, изливаемыя от святыя Твоея иконы, Благая Богородительнице, и разумеюще, яко Ты еси молящихся Благая Помощница, обидимых Заступница, ненадеющихся надежда, печальных утешение, погибших Взыскание, алчущих Кормительница, нагих одеяние, девственных целомудрие, странных Наставница, труждающихся помощь, слепых прозрение, глухих благослышание, больных исцеление, благодарственне вопием о Тебе Богу: Аллилуиа.
Икос 2
Тайну Твоего, Богородице, заступления людей, в скорби погибающих, уразумети хотяще, к Тебе прибегаем, о Мати и Дево. Ты же, яко Благая, научи ны разумети в защищении Благаго Сына Твоего милосердое промышление о спасении душ наших и очищение многих согрешений, да взываем Ти радостно:
Радуйся, обуреваемых тихое пристанище;
Радуйся, сумнящихся известное утверждение.
Радуйся, Едина Мати милосердия;
Радуйся, скорая Помощнице сущим в бедах и напастех.
Радуйся, скорбьми грехи наша очищающая;
Радуйся, печалию наши немощи душевныя врачующая.
Радуйся, суетныя радости презирати нас научающая;
Радуйся, к вышнему миру ум наш возводящая.
Радуйся, от любве земныя к Небесней Божией любви нас привлекающая;
Радуйся, в самых страданиих наших утешение и благодатную жизнь нам подающая.
Радуйся, обетование благ вечных;
Радуйся, Ходатаице вечныя радости.
Радуйся, Благодатная Богородице Дево, погибших Взыскание и всех скорбящих Радосте.
Кондак 3
Силою свыше укрепи мя, Благая Владычице, недугующа телом и душею, и посещения Твоего сподоби и промышления, мрак уныния и скорби, облежащии мя, отгоняющи, да, спасаемый Тобою, присно вос-пою Богу: Аллилуиа.
Икос 3
Имущи богатство милосердия неизреченное, всем скорбящим руку помощи простираеши, недуги врачующи, страсти исцеляющи. Не презри и мене, Благая Владычице, на одре немощи моея низлежаща и вопиюща Ти:
Радуйся, милости сокровище многоценное;
Радуйся, отчаянных едина надеждо.
Радуйся, тела моего врачевание;
Радуйся, души моея спасение.
Радуйся, твердая крепосте немощных;
Радуйся, изнемогающих Заступнице и укрепление.
Радуйся, гнев Божий Твоим молением скоро утоляющая;
Радуйся, страсти наша силою молитв Твоих укрощающая.
Радуйся, слепых зрение, глухих слышание;
Радуйся, хромых хождение, немых глаголание.
Радуйся, болящих благонадежное посещение;
Радуйся, яко Тобою, по мере веры, подаются благодатная исцеления всем немощствующим.
Радуйся, Благодатная Богородице Дево, погибших Взыскание и всех скорбящих Радосте.
Кондак 4
Буря многих бед и напастей обдержит мя, и волнения уже не терплю. Ты же, яко Милостивая Мати Спаса моего и Бога, воздвигни руце к Сыну Твоему, молящи Его, да призрит на лютую скорбь сердца моего и воздвигнет мя из пучины отчаяния, вопиющаго Ему: Аллилуиа.
Икос 4
Слышащи, Пресвятая Дево и Мати, Симеона праведнаго проречение: Тебе же Самой душу пройдет оружие, слагала еси в сердце Твоем вся глаголы сия, разумевающи, яко радость матерняго сердца о чадех многих печалей в мире сем бывает причастна. Темже, яко искушенней по всяческим и спострадати матерней скорби, могущей, взываем Ти:
Радуйся, радость миру — Христа Спасителя рождшая;
Радуйся, мир от скорбей избавляющая.
Радуйся, поношение Сына Твоего терпевшая;
Радуйся, страданием Его спострадавшая.
Радуйся, скорбных матерей утешение;
Радуйся, чад их благодатное охранение.
Радуйся, в бедах скорое нам заступление;
Радуйся, заблуждших исправление.
Радуйся, младенцев питание;
Радуйся, юных наставление.
Радуйся, Мати сиротствующих,
Радуйся, вдов заступление.
Радуйся, Благодатная Богородице Дево, погибших Взыскание и всех скорбящих Радосте.
Кондак 5
Боготочную Кровь Сына Твоего на Кресте за спасение наше изливаемую зрящи, яко Раба Господня, повинующися воли Отца, Иже на Небесех, нам образ злострадания и терпения явила еси, да и мы, в пещи искушений и бед сущии, вопием смиренно Богу: Аллилуиа.
Икос 5
Видя Тя Сын Твой и Бог, при Кресте стоящую с возлюбленным учеником и сердцем Ему сраспинающуюся, глаголаше: «Жено, се, сын Твой», и ученику: «Се, Мати твоя», всыновляя Тебе вся верующия в Него. Мы же, яко общницы скорби и страданий Сына Твоего, имеюще в Тебе Благую Матерь, на Тя все упование в скорби возлагающе, вопием Ти:
Радуйся, Мати рода христианскаго;
Радуйся, усыновившая нас при Кресте Сына Твоего.
Радуйся, Бога с человеки соединившая;
Радуйся, верных Господеви сочетавшая.
Радуйся, Агнице, рождшая Агнца, вземшаго грехи мира;
Радуйся, чаше, черплющая нам радость от Источника безсмертия.
Радуйся, Споручнице спасения грешных;
Радуйся, Взыскание погибших.
Радуйся, нечаянная грешных Радосте;
Радуйся, падших возстание.
Радуйся, Целительнице всех немощей;
Радуйся, утоление всякия печали.
Радуйся, Благодатная Богородице Дево, погибших Взыскание и всех скорбящих Радосте.
Кондак 6
Проповедуют милости Твоя, Богомати, вси концы вселенныя ибо честным покровом Твоим покрывавши весь род христианский, о нем же присно молишися Христу Спасителю нашему и избавляеши от всех бед благонравныя и богобоящияся люди Твоя, верно вопиющия Богу: Аллилуиа.
Икос 6
Возсия благодать светозарны от пречудныя иконы Твоея, Богомати, пред нею же со слезами припадающе, молим Ти ся: отжени облак нашедших на ны искушений, да вопием Ти радостно:
Радуйся, приносящая к Сыну Твоему и Богу моления верных;
Радуйся, и Сама у Престола Сына Твоего присно молящаяся о нас.
Радуйся, Предстательнице к Богу, мир от бед спасающая;
Радуйся, Заступнице рода христианскаго, от Бога нам дарованная.
Радуйся, древо благосеннолиственное, имже покрываются мнози;
Радуйся, древо светлоплодовитое, имже питаются вернии.
Радуйся, покрове миру, ширший облака;
Радуйся, земле обетования, из нея же течет мед и млеко.
Радуйся, ниво, растящая обилие щедрот;
Радуйся, Подательнице всякия благости.
Радуйся, Благодатная Богородице Дево, погибших Взыскание и всех скорбящих Радосте.
Кондак 7
Хотящи явити токи чудес от святыя иконы Твоея «Взыскание погибших», повелела еси, Владычице, в погибели и печали сущим молебная пения пред тою совершати и получившим исцеление — проповедати милости, ради тоя иконы явленныя, да не сокрыт будет источник благодатных врачеваний всем требующим. Темже и мы не таим Твоих благодеяний, но благодарственно прославляюще Бога, вопием Ему: Аллилуиа.
Икос 7
Новая купель Силоамская паче оныя древния явися, Пречистая Владычице, храм Твой, в немже поклоняемся чудотворней иконе Твоей: ибо не единою в лето и токмо первее входящим здравие тела подаеши, но всякий недуг и всякую язву душевную и телесную врачуеши с верою и любовию к Тебе прибегающих. Сего ради вопием Ти:
Радуйся, купель, в нейже вся скорби наша погружаются;
Радуйся, чаше, еюже радость и спасение восприемлем.
Радуйся, каменю, напаяющий жаждущия жизни;
Радуйся, древо, услаждающее сланыя воды житейскаго моря.
Радуйся, животворныя воды неистощимый Источниче;
Радуйся, бане, омывающая греховную скверну.
Радуйся, скорбей наших услаждение;
Радуйся, печалей наших утоление.
Радуйся, демонов попрание;
Радуйся, врагов посрамление.
Радуйся, Благодатная Богородице Дево, погибших Взыскание и всех скорбящих Радосте.
Кондак 8
Странники и пришельцы вси есмы на земли сей, по глаголу апостолову: беды от врагов, беды от сродник, беды от лжебратии терпяще в лишениих многих и скорбех. Ты же, Владычице, яко Благая Путеводительница, настави нас к тихому пристанищу и моли Сына Твоего прощению прегрешений нам прежде конца дароватися, да присно вопием Богу: Аллилуиа.
Икос 8
Все житие наше на земли болезненно и печали исполнено от клеветы, досаждения, укорения и иных многовидных бед и напастей, немощствует бо тело, изнемогает и дух наш. К Тебе убо прибегаем, Богомати, пред пречистою иконою Твоею припадающе, исполни радости и веселия скорбная сердца наша, да вопием Ти:
Радуйся, Путеводительнице, к Небесному отечеству нас руководящая;
Радуйся, Царице Неба и земли, врата райская нам отверзающая.
Радуйся, Милостивная, нас милующая;
Радуйся, Домостроительнице, житие наше добре устрояющая.
Радуйся, руно орошенное, еже Гедеон предвиде:
Радуйся, блаженное чрево, невместимаго всеми Бога вместившее.
Радуйся, Неопалимая Купино;
Радуйся, Нерушимая Стено.
Радуйся, Живоносный Источниче;
Радуйся, Цвете Неувядаемый.
Радуйся, умягчение сердец злых;
Радуйся, умиление благих.
Радуйся, Благодатная Богородице Дево, погибших Взыскание и всех скорбящих Радосте.
Кондак 9
Всякая житейская в мире сем сладость печали бывает причастна: слава не стоит, богатство мимотечет, лепота и здравие увядают, друзи и искреннии смертию отъемлются. Услади убо наша скорби, благих Виновная, Твою нетленную дающи радость нам, вопиющим Богу: Аллилуиа.
Икос 9
Ветия многовещанныя недоумеют, киими словесы скорбящия и погибающия утешати, но Сама, Владычице, возглаголи сердцам нашим утешение, благодати Твоея лучами облак скорби нашея и мрак уныния разгоняющи, да взываем Ти:
Радуйся, обрадовавшая надеянием на Тя всех христиан;
Радуйся, Радосте и умирение миру.
Радуйся, Подательнице Божественныя благости;
Радуйся, Надеждо благ вечных.
Радуйся, кораблю хотящих спастися;
Радуйся, пристанище житейских плаваний.
Радуйся, верная Хранительнице уповающих на Тя по Бозе;
Радуйся, одеждо нагих дерзновения.
Радуйся, Хранительнице всех и утверждение;
Радуйся, всех верных ограждение и священное прибежище.
Радуйся, помоще верно молящихся Тебе;
Радуйся, светлое благодати познание.
Радуйся, Благодатная Богородице Дево, погибших Взыскание и всех скорбящих Радосте.
Кондак 10
Спасти хотяй род человеческий от вечныя муки и непрестающия скорби, Человеколюбец Господь в приснодевственную утробу Твою вселися, и Тебе, Матерь Свою, дарова погибающим в помощь, покров и защищение, да будеши печальным утешение, погибшим взыскание, скорбящим радование, отчаянным надежда, вечныя муки Своим ходатайством избавляющая и к Небесному веселию приводящая всех, верно вопиющих Сыну Твоему и Богу нашему: Аллилуиа.
Икос 10
Стена еси девам, Богородице Дево, и всем к Твоему покрову прибегающим. Темже молим Тя, заступи, покрый и соблюди всех погибающих и безпомощных от искушений, озлоблений и бед, Тебе с любовию взывающих:
Радуйся, столпе девства;
Радуйся, чистоты и целомудрия сосуде избранный.
Радуйся, воинствующим на плоть целомудрием изрядное венчание;
Радуйся, во иночестве благо-скорбящим Подательнице вечнаго радования.
Радуйся, пламень страстей изменяющая;
Радуйся, мрак искушений прогоняющая.
Радуйся, Наставнице целомудрия;
Радуйся, чистоты ограждение.
Радуйся, человеков исправление;
Радуйся, Еюже от падения нашего возстахом.
Радуйся, твердое веры утверждение;
Радуйся, приятное молитвы кадило.
Радуйся, Благодатная Богородице Дево, погибших Взыскание и всех скорбящих Радосте.
Кондак 11
Пение всеумиленное приносим Ти, раби Твои, Богородице, яко всесильней Заступнице рода нашего: утоли болезни к Тебе прибегающих, укроти гнев Божий, праведно на ны движимый грех ради наших, избави нас от всякия лютыя скорби и погибели, вопиющих о Тебе Богу: Аллилуиа.
Икос 11
Светоприемная свеща, углем благодати Божия возжженная, явися нам пречестная икона Твоя, Владычице, на освящение наше и утешение. Мы же, любовию чтуще и с верою припадающе к ней, вопием Ти:
Радуйся, сильным Твоим заступлением от всех бед нас избавляющая;
Радуйся, от труса и потопа нас защищающая.
Радуйся, от глада душевнаго и телеснаго нас снабдевающая;
Радуйся, огнь росою молитв Твоих угашающая.
Радуйся, от смертнаго губительства нас спасающая;
Радуйся, в бранех крепкая Помощнице.
Радуйся, от нашествия иноплеменных нас ограждающая;
Радуйся, от междоусобныя брани охраняющая.
Радуйся, плавающих легкое по водам прохождение;
Радуйся, путешествующих добрая Водительнице.
Радуйся, пленных свобождение;
Радуйся, от належащаго праведнаго прещения Божия скорое избавление.
Радуйся, Благодатная Богородице Дево, погибших Взыскание и всех скорбящих Радосте.
Кондак 12
Благодати залог восхотевши дати роду нашему, цельбоносную икону Твою явила еси нам, Богомати, от неяже токи чудес с верою приходящим источаются, недузи врачуются и скорби утоляются. Сего ради радостно о Тебе вопием Богу: Аллилуиа.
Икос 12
Поюще Твоя милости и чудеса, Богородительнице, хвалим Тя вси, яко твердую Предстательницу нашу, и со умилением поклоняемся Тебе, молящейся о нас, и просим: воздвигни руне к Сыну Твоему, да в сей жизни и по смерти нашей милосердие Его неотступно будет о нас, взывающих Ти:
Радуйся, непостыдное наше упование в житии и по преставлении нашем;
Радуйся, уповающим на Тя мирен конец жития сего подающая.
Радуйся, в день судный наша Надеждо и Защищение;
Радуйся, Судии Праведнаго умоление.
Радуйся, геенны вечныя избавление:
Радуйся, Надеждо вечнаго спасения.
Радуйся, ключу Царствия Христова;
Радуйся, двере райская.
Радуйся, мосте, к Небесем преводяй;
Радуйся, всех кающихся грешников прибежище и Благая Заступнице.
Радуйся, Ангелов Радосте;
Радуйся, всех праведных Славо и Утешение.
Радуйся, Благодатная Богородице Дево, погибших Взыскание и всех скорбящих Радосте.
Кондак 13
О Всепетая Богообрадованная Мати, рождшая на радость Небу и земли Царя Христа, Бога нашего! Услыши глас скорбящих раб Твоих и, приемши сие малое моление наше, избави нас от всяких бед, скорбей и напастей: недуги наша исцели, клеветы потреби, всяку злобу и вражду отжени от нас и будущия изми муки о Тебе вопиющих: Аллилуиа.
Этот кондак читается трижды, затем икос 1 и кондак 1.
Святой Лик Богородицы появился в одном из московских храмов на Ордынке в 1683 году. На нем были изображены местночтимые святые. Специалисты сделали вывод, что образ был написан именно для этой церкви, ныне нареченной в честь иконы «Всех скорбящих Радость». До сего дня икона хранится в ее стенах.
Православным верующим более всего полюбился образ «с грошиками». Легенда гласит, что икона была найдена питерским купцом на берегу Невы. Мужчину настигла стихия и он в страхе воззвал к Царице Небесной и Она спасла его от гибели.
Имея образ «Всех скорбящих Радость» у себя дома, он пожертвовал его в Тихвинскую часовню. В 1888 году здесь произошло одно из чудес: после пожара в помещении сгорело абсолютно все, но пламя не тронуло образ Богородицы. К тому же, чудесным образом на икону равномерно налипло 12 монеток, ранее лежащих в кружке для сбора пожертвований.
Богородица по молитвам верующих продолжала помогать людям, исцеляла от недугов и увечий. Поэтому возникла необходимость возведения церкви, дабы все желающие имели возможность приложиться к чудотворному Лику.
В 1898 году построенный каменный храм был освящен в честь иконы «Всех скорбящих Радость». На ней Божия Матерь изображена в простом одеянии с белоснежным покровом на голове. В образе отсутствуют знаки царской власти. Младенец Иисус тоже отсутствует на изображении.
Царица Небесная стоит пред окружающими Ее людьми, распростерши руки в щедром жесте.
Человек обращается к Небу зачастую тогда, когда ему необходима помощь и поддержка. А именно Преблагословенная Дева является великой Заступницей и Защитницей рода человеческого.
О том, что икона творит чудеса, стало известно после исцеления недужной сестры патриарха. Она непрестанно обращалась к Богородице и услышала Глас, повелевающий ей обратиться к образу, находящемуся в Преображенском храме.
Перед тем, как начать читать акафист Богородице пред иконой Ее «Всех скорбящих Радость», следует посетить храм, покаяться во грехах, принять Святое Причастие.
Желательно получить благословение у священника на прочтение молебного пения и рассказать о сложившейся ситуации, по причине которой решено читать акафист. Обычно батюшка благословляет его чтение на 40 дней.
В церквях после Литургии обычно происходит служение заказных молебнов. Поэтому рекомендуется заказать водосвятный молебен пред иконой Божией Матери «Всех скорбящих Радость».
Образец написания записки на совершение требы можно посмотреть в церковной лавке. В записке указываются имена тех людей, за которых церковный клир будет молиться пред образом Царицы Небесной. По окончании молебна освященная вода раздается верующим. Принимать ее необходимо утром натощак, вместе с кусочком освященной просфоры.
Молясь Пресвятой Богородице, христиане обретают в Ней опору и утешение в жизни. Поэтому к чудотворному образу не прекращается поток верующих со всего мира.
Данная икона изображает Богородицу с хлебом и свитком в руках. Она стоит в полный рост в окружении многочисленных скорбящих верующих, а с небес ангелы даруют утешение и благодать всем, кто искренне верует и молится Богоматери.
Упоминание о первом чуде, связанном со святым ликом, относится к XVII веку, когда Святая Дева явилась во сне сестре Московского патриарха, страдающей от неизлечимого недуга, указала на икону и подсказала, что делать для избавления от напасти. Поступив, как велела Мать Заступница, женщина не только выздоровела, но и обрела крепкое здоровье.
Многочисленные свидетельства православных верующих отмечают, что регулярное чтение акафиста перед святым ликом помогает обрести необходимое нуждающимся, дарует утешение скорбящим, исцеляет телесные и душевные хвори, помогает во всех делах и начинаниях, оберегает путешественников в поездках.
Оригинал святыни находится в Москве, в Храме иконы Божией Матери «Всех скорбящих радость». С него сделано множество списков, которые размещены во многих православных храмах, дабы помогать верующим обрести помощь и спокойствие.
Приступая к молитве, обязательно попросите у Божьей Матери прощения за все совершенные грехи, проявите покорность и смирение.
Помните: все испытания, которые посылает нам Господь, даны нам в назидание за наши помыслы и поступки, имевшие место в прошлом, за которые мы не раскаялись. Что бы ни происходило, на все есть воля Божья. Веруйте в силу Господа, и воздастся вам!
Из этого видео вы узнаете, как читается акафист перед иконой Божией Матери «Всех скорбящих радость» и как этот образ помогает в отчаянии и скорби.
Кондак 1
Взбранней Воеводе победительная, яко избавльшеся от вечныя смерти благодатию от Тебе рождшагося Христа Бога нашего и Твоим Матерним пред Ним ходатайством, благодарственная восписуем Ти, раби Твои: яко имущая державу непобедимую, от всяких нас бед и скорбных обстояний свободи, зовущих: Радуйся, Благодатная Богородице Дево, погибших Взыскание и всех скорбящих Радосте.
Икос 1
Ангел предстатель послан бысть с Небесе рещи Богородице: Радуйся, Благословенная в женах, предреченная Мати Христа, Сына Божия. Темже и мы, грехми обремененнии, надежду спасения в Тебе улучивше, умильно взываем Ти:
Радуйся, Божие ко грешным благоволение;
Радуйся, кающихся пред Господем Богом крепкое заступление.
Радуйся, падшаго Адама воззвание;
Радуйся, слез Евиных избавление.
Радуйся, греховную отъемлющая скверну;
Радуйся, бане, омывающая совесть.
Радуйся, рождшая Избавителя, беззакония наша милостиво очищающаго;
Радуйся, всечудное всех к Богу примирение.
Радуйся, мосте, воистину преводяй нас от смерти к животу; Радуйся, мир от потопа греховнаго спасшая.
Радуйся, лествице небесная, еюже Господь к нам сниде;
Радуйся, вина всех обожения.
Радуйся, Благодатная Богородице Дево, погибших Взыскание и всех скорбящих Радосте.
Кондак 2
Видяще токи чудес, изливаемыя от святыя Твоея иконы, Благая Богородительнице, и разумеюще, яко Ты еси молящихся Благая Помощница, обидимых Заступница, ненадеющихся надежда, печальных утешение, погибших Взыскание, алчущих Кормительница, нагих одеяние, девственных целомудрие, странных Наставница, труждающихся помощь, слепых прозрение, глухих благослышание, больных исцеление, благодарственне вопием о Тебе Богу: Аллилуиа.
Икос 2
Тайну Твоего, Богородице, заступления людей, в скорби погибающих, уразумети хотяще, к Тебе прибегаем, о Мати и Дево. Ты же, яко Благая, научи ны разумети в защищении Благаго Сына Твоего милосердое промышление о спасении душ наших и очищение многих согрешений, да взываем Ти радостно:
Радуйся, обуреваемых тихое пристанище;
Радуйся, сумнящихся известное утверждение.
Радуйся, Едина Мати милосердия;
Радуйся, скорая Помощнице сущим в бедах и напастех.
Радуйся, скорбьми грехи наша очищающая;
Радуйся, печалию наши немощи душевныя врачующая.
Радуйся, суетныя радости презирати нас научающая;
Радуйся, к вышнему миру ум наш возводящая.
Радуйся, от любве земныя к Небесней Божией любви нас привлекающая;
Радуйся, в самых страданиих наших утешение и благодатную жизнь нам подающая.
Радуйся, обетование благ вечных;
Радуйся, Ходатаице вечныя радости.
Радуйся, Благодатная Богородице Дево, погибших Взыскание и всех скорбящих Радосте.
Кондак 3
Силою свыше укрепи мя, Благая Владычице, недугующа телом и душею, и посещения Твоего сподоби и промышления, мрак уныния и скорби, облежащии мя, отгоняющи, да, спасаемый Тобою, присно вос-пою Богу: Аллилуиа.
Икос 3
Имущи богатство милосердия неизреченное, всем скорбящим руку помощи простираеши, недуги врачующи, страсти исцеляющи. Не презри и мене, Благая Владычице, на одре немощи моея низлежаща и вопиюща Ти:
Радуйся, милости сокровище многоценное;
Радуйся, отчаянных едина надеждо.
Радуйся, тела моего врачевание;
Радуйся, души моея спасение.
Радуйся, твердая крепосте немощных;
Радуйся, изнемогающих Заступнице и укрепление.
Радуйся, гнев Божий Твоим молением скоро утоляющая;
Радуйся, страсти наша силою молитв Твоих укрощающая.
Радуйся, слепых зрение, глухих слышание;
Радуйся, хромых хождение, немых глаголание.
Радуйся, болящих благонадежное посещение;
Радуйся, яко Тобою, по мере веры, подаются благодатная исцеления всем немощствующим.
Радуйся, Благодатная Богородице Дево, погибших Взыскание и всех скорбящих Радосте.
Кондак 4
Буря многих бед и напастей обдержит мя, и волнения уже не терплю. Ты же, яко Милостивая Мати Спаса моего и Бога, воздвигни руце к Сыну Твоему, молящи Его, да призрит на лютую скорбь сердца моего и воздвигнет мя из пучины отчаяния, вопиющаго Ему: Аллилуиа.
Икос 4
Слышащи, Пресвятая Дево и Мати, Симеона праведнаго проречение: Тебе же Самой душу пройдет оружие, слагала еси в сердце Твоем вся глаголы сия, разумевающи, яко радость матерняго сердца о чадех многих печалей в мире сем бывает причастна. Темже, яко искушенней по всяческим и спострадати матерней скорби, могущей, взываем Ти:
Радуйся, радость миру — Христа Спасителя рождшая;
Радуйся, мир от скорбей избавляющая.
Радуйся, поношение Сына Твоего терпевшая;
Радуйся, страданием Его спострадавшая.
Радуйся, скорбных матерей утешение;
Радуйся, чад их благодатное охранение.
Радуйся, в бедах скорое нам заступление;
Радуйся, заблуждших исправление.
Радуйся, младенцев питание;
Радуйся, юных наставление.
Радуйся, Мати сиротствующих,
Радуйся, вдов заступление.
Радуйся, Благодатная Богородице Дево, погибших Взыскание и всех скорбящих Радосте.
Кондак 5
Боготочную Кровь Сына Твоего на Кресте за спасение наше изливаемую зрящи, яко Раба Господня, повинующися воли Отца, Иже на Небесех, нам образ злострадания и терпения явила еси, да и мы, в пещи искушений и бед сущии, вопием смиренно Богу: Аллилуиа.
Икос 5
Видя Тя Сын Твой и Бог, при Кресте стоящую с возлюбленным учеником и сердцем Ему сраспинающуюся, глаголаше: «Жено, се, сын Твой», и ученику: «Се, Мати твоя», всыновляя Тебе вся верующия в Него. Мы же, яко общницы скорби и страданий Сына Твоего, имеюще в Тебе Благую Матерь, на Тя все упование в скорби возлагающе, вопием Ти:
Радуйся, Мати рода христианскаго;
Радуйся, усыновившая нас при Кресте Сына Твоего.
Радуйся, Бога с человеки соединившая;
Радуйся, верных Господеви сочетавшая.
Радуйся, Агнице, рождшая Агнца, вземшаго грехи мира;
Радуйся, чаше, черплющая нам радость от Источника безсмертия.
Радуйся, Споручнице спасения грешных;
Радуйся, Взыскание погибших.
Радуйся, нечаянная грешных Радосте;
Радуйся, падших возстание.
Радуйся, Целительнице всех немощей;
Радуйся, утоление всякия печали.
Радуйся, Благодатная Богородице Дево, погибших Взыскание и всех скорбящих Радосте.
Кондак 6
Проповедуют милости Твоя, Богомати, вси концы вселенныя ибо честным покровом Твоим покрывавши весь род христианский, о нем же присно молишися Христу Спасителю нашему и избавляеши от всех бед благонравныя и богобоящияся люди Твоя, верно вопиющия Богу: Аллилуиа.
Икос 6
Возсия благодать светозарны от пречудныя иконы Твоея, Богомати, пред нею же со слезами припадающе, молим Ти ся: отжени облак нашедших на ны искушений, да вопием Ти радостно:
Радуйся, приносящая к Сыну Твоему и Богу моления верных;
Радуйся, и Сама у Престола Сына Твоего присно молящаяся о нас.
Радуйся, Предстательнице к Богу, мир от бед спасающая;
Радуйся, Заступнице рода христианскаго, от Бога нам дарованная.
Радуйся, древо благосеннолиственное, имже покрываются мнози;
Радуйся, древо светлоплодовитое, имже питаются вернии.
Радуйся, покрове миру, ширший облака;
Радуйся, земле обетования, из нея же течет мед и млеко.
Радуйся, ниво, растящая обилие щедрот;
Радуйся, Подательнице всякия благости.
Радуйся, Благодатная Богородице Дево, погибших Взыскание и всех скорбящих Радосте.
Кондак 7
Хотящи явити токи чудес от святыя иконы Твоея «Взыскание погибших», повелела еси, Владычице, в погибели и печали сущим молебная пения пред тою совершати и получившим исцеление — проповедати милости, ради тоя иконы явленныя, да не сокрыт будет источник благодатных врачеваний всем требующим. Темже и мы не таим Твоих благодеяний, но благодарственно прославляюще Бога, вопием Ему: Аллилуиа.
Икос 7
Новая купель Силоамская паче оныя древния явися, Пречистая Владычице, храм Твой, в немже поклоняемся чудотворней иконе Твоей: ибо не единою в лето и токмо первее входящим здравие тела подаеши, но всякий недуг и всякую язву душевную и телесную врачуеши с верою и любовию к Тебе прибегающих. Сего ради вопием Ти:
Радуйся, купель, в нейже вся скорби наша погружаются;
Радуйся, чаше, еюже радость и спасение восприемлем.
Радуйся, каменю, напаяющий жаждущия жизни;
Радуйся, древо, услаждающее сланыя воды житейскаго моря.
Радуйся, животворныя воды неистощимый Источниче;
Радуйся, бане, омывающая греховную скверну.
Радуйся, скорбей наших услаждение;
Радуйся, печалей наших утоление.
Радуйся, демонов попрание;
Радуйся, врагов посрамление.
Радуйся, Благодатная Богородице Дево, погибших Взыскание и всех скорбящих Радосте.
Кондак 8
Странники и пришельцы вси есмы на земли сей, по глаголу апостолову: беды от врагов, беды от сродник, беды от лжебратии терпяще в лишениих многих и скорбех. Ты же, Владычице, яко Благая Путеводительница, настави нас к тихому пристанищу и моли Сына Твоего прощению прегрешений нам прежде конца дароватися, да присно вопием Богу: Аллилуиа.
Икос 8
Все житие наше на земли болезненно и печали исполнено от клеветы, досаждения, укорения и иных многовидных бед и напастей, немощствует бо тело, изнемогает и дух наш. К Тебе убо прибегаем, Богомати, пред пречистою иконою Твоею припадающе, исполни радости и веселия скорбная сердца наша, да вопием Ти:
Радуйся, Путеводительнице, к Небесному отечеству нас руководящая;
Радуйся, Царице Неба и земли, врата райская нам отверзающая.
Радуйся, Милостивная, нас милующая;
Радуйся, Домостроительнице, житие наше добре устрояющая.
Радуйся, руно орошенное, еже Гедеон предвиде:
Радуйся, блаженное чрево, невместимаго всеми Бога вместившее.
Радуйся, Неопалимая Купино;
Радуйся, Нерушимая Стено.
Радуйся, Живоносный Источниче;
Радуйся, Цвете Неувядаемый.
Радуйся, умягчение сердец злых;
Радуйся, умиление благих.
Радуйся, Благодатная Богородице Дево, погибших Взыскание и всех скорбящих Радосте.
Кондак 9
Всякая житейская в мире сем сладость печали бывает причастна: слава не стоит, богатство мимотечет, лепота и здравие увядают, друзи и искреннии смертию отъемлются. Услади убо наша скорби, благих Виновная, Твою нетленную дающи радость нам, вопиющим Богу: Аллилуиа.
Икос 9
Ветия многовещанныя недоумеют, киими словесы скорбящия и погибающия утешати, но Сама, Владычице, возглаголи сердцам нашим утешение, благодати Твоея лучами облак скорби нашея и мрак уныния разгоняющи, да взываем Ти:
Радуйся, обрадовавшая надеянием на Тя всех христиан;
Радуйся, Радосте и умирение миру.
Радуйся, Подательнице Божественныя благости;
Радуйся, Надеждо благ вечных.
Радуйся, кораблю хотящих спастися;
Радуйся, пристанище житейских плаваний.
Радуйся, верная Хранительнице уповающих на Тя по Бозе;
Радуйся, одеждо нагих дерзновения.
Радуйся, Хранительнице всех и утверждение;
Радуйся, всех верных ограждение и священное прибежище.
Радуйся, помоще верно молящихся Тебе;
Радуйся, светлое благодати познание.
Радуйся, Благодатная Богородице Дево, погибших Взыскание и всех скорбящих Радосте.
Кондак 10
Спасти хотяй род человеческий от вечныя муки и непрестающия скорби, Человеколюбец Господь в приснодевственную утробу Твою вселися, и Тебе, Матерь Свою, дарова погибающим в помощь, покров и защищение, да будеши печальным утешение, погибшим взыскание, скорбящим радование, отчаянным надежда, вечныя муки Своим ходатайством избавляющая и к Небесному веселию приводящая всех, верно вопиющих Сыну Твоему и Богу нашему: Аллилуиа.
Икос 10
Стена еси девам, Богородице Дево, и всем к Твоему покрову прибегающим. Темже молим Тя, заступи, покрый и соблюди всех погибающих и безпомощных от искушений, озлоблений и бед, Тебе с любовию взывающих:
Радуйся, столпе девства;
Радуйся, чистоты и целомудрия сосуде избранный.
Радуйся, воинствующим на плоть целомудрием изрядное венчание;
Радуйся, во иночестве благо-скорбящим Подательнице вечнаго радования.
Радуйся, пламень страстей изменяющая;
Радуйся, мрак искушений прогоняющая.
Радуйся, Наставнице целомудрия;
Радуйся, чистоты ограждение.
Радуйся, человеков исправление;
Радуйся, Еюже от падения нашего возстахом.
Радуйся, твердое веры утверждение;
Радуйся, приятное молитвы кадило.
Радуйся, Благодатная Богородице Дево, погибших Взыскание и всех скорбящих Радосте.
Кондак 11
Пение всеумиленное приносим Ти, раби Твои, Богородице, яко всесильней Заступнице рода нашего: утоли болезни к Тебе прибегающих, укроти гнев Божий, праведно на ны движимый грех ради наших, избави нас от всякия лютыя скорби и погибели, вопиющих о Тебе Богу: Аллилуиа.
Икос 11
Светоприемная свеща, углем благодати Божия возжженная, явися нам пречестная икона Твоя, Владычице, на освящение наше и утешение. Мы же, любовию чтуще и с верою припадающе к ней, вопием Ти:
Радуйся, сильным Твоим заступлением от всех бед нас избавляющая;
Радуйся, от труса и потопа нас защищающая.
Радуйся, от глада душевнаго и телеснаго нас снабдевающая;
Радуйся, огнь росою молитв Твоих угашающая.
Радуйся, от смертнаго губительства нас спасающая;
Радуйся, в бранех крепкая Помощнице.
Радуйся, от нашествия иноплеменных нас ограждающая;
Радуйся, от междоусобныя брани охраняющая.
Радуйся, плавающих легкое по водам прохождение;
Радуйся, путешествующих добрая Водительнице.
Радуйся, пленных свобождение;
Радуйся, от належащаго праведнаго прещения Божия скорое избавление.
Радуйся, Благодатная Богородице Дево, погибших Взыскание и всех скорбящих Радосте.
Кондак 12
Благодати залог восхотевши дати роду нашему, цельбоносную икону Твою явила еси нам, Богомати, от неяже токи чудес с верою приходящим источаются, недузи врачуются и скорби утоляются. Сего ради радостно о Тебе вопием Богу: Аллилуиа.
Икос 12
Поюще Твоя милости и чудеса, Богородительнице, хвалим Тя вси, яко твердую Предстательницу нашу, и со умилением поклоняемся Тебе, молящейся о нас, и просим: воздвигни руне к Сыну Твоему, да в сей жизни и по смерти нашей милосердие Его неотступно будет о нас, взывающих Ти:
Радуйся, непостыдное наше упование в житии и по преставлении нашем;
Радуйся, уповающим на Тя мирен конец жития сего подающая.
Радуйся, в день судный наша Надеждо и Защищение;
Радуйся, Судии Праведнаго умоление.
Радуйся, геенны вечныя избавление:
Радуйся, Надеждо вечнаго спасения.
Радуйся, ключу Царствия Христова;
Радуйся, двере райская.
Радуйся, мосте, к Небесем преводяй;
Радуйся, всех кающихся грешников прибежище и Благая Заступнице.
Радуйся, Ангелов Радосте;
Радуйся, всех праведных Славо и Утешение.
Радуйся, Благодатная Богородице Дево, погибших Взыскание и всех скорбящих Радосте.
Кондак 13
О Всепетая Богообрадованная Мати, рождшая на радость Небу и земли Царя Христа, Бога нашего! Услыши глас скорбящих раб Твоих и, приемши сие малое моление наше, избави нас от всяких бед, скорбей и напастей: недуги наша исцели, клеветы потреби, всяку злобу и вражду отжени от нас и будущия изми муки о Тебе вопиющих: Аллилуиа.
Конда́къ 1
Взбра́ннѣй Воево́дѣ побѣди́тельная, я́ко изба́вльшеся отъ вѣ́чныя сме́рти благода́тію отъ Тебе́ ро́ждшагося Христа́ Бо́га на́шего, и Твои́мъ Ма́тернимъ предъ Ни́мъ хода́тайствомъ, благода́рственная воспису́емъ Ти́, раби́ Твои́: я́ко иму́щая держа́ву непобѣди́мую, отъ вся́кихъ на́съ бѣ́дъ и ско́рбныхъ обстоя́ній свободи́, зову́щихъ:
Ра́дуйся, Благода́тная Богоро́дице Дѣ́во, всѣ́хъ скорбя́щихъ Ра́досте.
Икосъ 1
Ангелъ предста́тель по́сланъ бы́сть съ небесе́ рещи́ Богоро́дице, – “ра́дуйся!”, – возвѣща́я Боже́ственнымъ воплоще́ніемъ Христо́вымъ хотя́щую роди́тися отъ Нея́ ра́дость всему́ мíру, въ ско́рби погиба́ющу. Тѣ́мже и мы́, грѣхми́ обремене́нніи, наде́жду спасе́нія въ Тебѣ́ улучи́вше, уми́льно взыва́емъ Ти́:
Ра́дуйся, Бо́жіе ко грѣ́шнымъ благоволе́ніе; ра́дуйся, ка́ющихся предъ Го́сподемъ Бо́гомъ крѣ́пкое заступле́ніе. Ра́дуйся, па́дшаго Ада́ма воззва́ніе; ра́дуйся, сле́зъ Евиныхъ избавле́ніе. Ра́дуйся, грѣхо́вную отъе́млющая скве́рну; ра́дуйся, ба́не, омыва́ющая со́вѣсть. Ра́дуйся, ро́ждшая Изба́вителя, беззако́нія на́ша ту́не очища́ющаго; ра́дуйся, всечу́дное всѣ́хъ къ Бо́гу примире́ніе. Ра́дуйся, мо́сте, вои́стинну преводя́й на́съ отъ сме́рти къ животу́; ра́дуйся, ми́ръ отъ пото́па грѣхо́внаго спа́сшая. Ра́дуйся, лѣ́ствице небе́сная, е́юже Госпо́дь къ на́мъ сни́де; ра́дуйся, вина́ всѣ́хъ обоже́нія.
Ра́дуйся, Благода́тная Богоро́дице Дѣ́во, всѣ́хъ скорбя́щихъ Ра́досте.
Конда́къ 2
Ви́дяще то́ки чуде́съ, излива́емыя отъ святы́я Твоея́ ико́ны, блага́я Богороди́тельнице, я́ко Ты́ еси́ моля́щихся блага́я помо́щница, оби́димыхъ засту́пница, ненадѣ́ющихся наде́жда, печа́льныхъ утѣше́ніе, а́лчущихъ корми́тельница, наги́хъ одѣя́ніе, дѣ́вственныхъ цѣлому́дріе, стра́нныхъ наста́вница, тружда́ющихся по́мощь, слѣпы́хъ прозрѣ́ніе, глухи́хъ благослы́шаніе, больны́хъ исцѣле́ніе, благода́рственнѣ вопіе́мъ о Тебѣ́ Бо́гу: Аллилу́ія.
Икосъ 2
Ра́зумъ недоразумѣ́нный находя́щихъ на ны́ лю́тыхъ скорбе́й разумѣ́ти ища́, къ Тебѣ́ прибѣга́емъ, о Ма́ти и Дѣ́во, утѣше́нія тре́буя. Ты́ же, яко Блага́я, научи́ ны разумѣ́ти въ ни́хъ Блага́го Сы́на Твоего́ милосе́рдое промышле́ніе во спасе́ніе ду́шъ на́шихъ и очище́ніе мно́гихъ согрѣше́ній, да взыва́емъ Ти́ ра́достно:
Ра́дуйся, обурева́емыхъ ти́хое приста́нище; ра́дуйся, сумня́щихся извѣ́стное утвержде́ніе. Ра́дуйся, еди́на Ма́ти милосе́рдія; ра́дуйся, ско́рая помо́щнице су́щимъ въ бѣда́хъ и напа́стехъ. Ра́дуйся, скорбьми́ грѣхи́ на́ша очища́ющая; ра́дуйся, печа́лію на́ша не́мощи душе́вныя врачу́ющая. Ра́дуйся, су́етныя ра́дости мíра сего́ презира́ти на́съ науча́ющая; ра́дуйся, отъ мíра къ премíрнымъ у́мъ на́шъ возводя́щая. Ра́дуйся, отъ любве́ земны́я къ небе́снѣй Бо́жіей любви́ на́съ привлека́ющая; ра́дуйся, въ са́мыхъ страда́ніихъ на́шихъ утѣше́ніе и благода́тную жи́знь на́мъ подаю́щая. Ра́дуйся, обѣтова́ніе бла́гъ вѣ́чныхъ; ра́дуйся, хода́таице вѣ́чныя ра́дости.
Ра́дуйся, Благода́тная Богоро́дице Дѣ́во, всѣ́хъ скорбя́щихъ Ра́досте.
Конда́къ 3
Си́лою свы́ше укрѣпи́ мя, блага́я Влады́чице, неду́гующа тѣ́ломъ и душе́ю, и посѣще́нія Твоего́ сподо́би и промышле́нія, мра́къ уны́нія и ско́рби, облежа́щій мя́, отгоня́я, да спаса́емый Тобо́ю, вы́ну вопію́ Бо́гу: Аллилу́ія.
Икосъ 3
Иму́щи бога́тство милосе́рдія неизрече́нное, всѣ́мъ скорбя́щимъ ру́ку по́мощи простира́еши, неду́ги врачу́ющи, стра́сти исцѣля́ющи. Не пре́зри и мене́, блага́я Влады́чице, на одрѣ́ не́мощи моея́ низлежа́ща и вопію́ща Ти́:
Ра́дуйся, ми́лости сокро́вище многоцѣ́нное; ра́дуйся, отча́янныхъ еди́на наде́ждо. Ра́дуйся, тѣ́ла моего́ врачева́ніе; ра́дуйся, души́ моея́ спасе́ніе. Ра́дуйся, тве́рдая крѣ́посте немощны́хъ; ра́дуйся, изнемога́ющихъ засту́пнице и укрѣпле́ніе. Ра́дуйся, гнѣ́въ Бо́жій Твои́мъ моле́ніемъ ско́ро утоля́ющая; ра́дуйся, стра́сти на́ша си́лою моли́твъ Твои́хъ укроща́ющая. Ра́дуйся, слѣпы́хъ зрѣ́ніе, глухи́хъ слы́шаніе; ра́дуйся, хромы́хъ хожде́ніе, немы́хъ глаго́ланіе. Ра́дуйся, боля́щихъ благонаде́жное посѣще́ніе; ра́дуйся, я́ко Тобо́ю по мѣ́рѣ вѣ́ры подаю́тся благода́тная исцѣле́нія всѣ́мъ немощству́ющимъ.
Ра́дуйся, Благода́тная Богоро́дице Дѣ́во, всѣ́хъ скорбя́щихъ Ра́досте.
Конда́къ 4
Бу́ря мно́гихъ бѣ́дъ и напа́стей обдержи́тъ мя́, и волне́нія не ктому́ терплю́. Ты́ же, я́ко ми́лостивая Ма́ти Спа́са моего́ и Бо́га, воздви́гни ру́цѣ къ Сы́ну Твоему́, моля́щи Его́, да при́зритъ на лю́тую ско́рбь се́рдца моего́ и воздви́гнетъ мя́ изъ пучи́ны отча́янія, вопію́щаго Ему́: Аллилу́ія.
Икосъ 4
Слы́шащи, Пресвята́я Дѣ́во и Ма́ти, Симео́на пра́веднаго прорече́ніе: “Тебѣ́ же Само́й ду́шу про́йдетъ ору́жіе”, слага́ла еси́ въ се́рдцы Твое́мъ вся́ глаго́лы сія́, разумѣва́ющи, я́ко ра́дость ма́терняго се́рдца о ча́дѣхъ мно́гихъ печа́лей въ мíрѣ се́мъ быва́етъ прича́стна. Тѣ́мже, я́ко искуше́ннѣй по вся́ческимъ и спострада́ти ма́терней ско́рби могу́щей, взыва́емъ Ти́:
Ра́дуйся, ра́дость мíру – Христа́ Спаси́теля ро́ждшая; ра́дуйся, мíръ отъ ско́рбей избавля́ющая. Ра́дуйся, хуле́нія и клеветы́ на Сы́на Твоего́ терпѣ́вшая; ра́дуйся, страда́ніемъ Его́ спострада́вшая. Ра́дуйся, ско́рбныхъ ма́терей утѣше́ніе; ра́дуйся, ча́дъ и́хъ благода́тное охране́ніе. Ра́дуйся, въ бѣда́хъ ско́рое на́мъ заступле́ніе; ра́дуйся, заблу́ждшихъ исправле́ніе. Ра́дуйся, младе́нцевъ пита́ніе; ра́дуйся, ю́ныхъ наста́вленіе. Ра́дуйся, Ма́ти сиротству́ющихъ; ра́дуйся, вдо́въ заступле́ніе.
Ра́дуйся, Благода́тная Богоро́дице Дѣ́во, всѣ́хъ скорбя́щихъ Ра́досте.
Конда́къ 5
Богото́чную Кро́вь Сы́на Твоего́, на Крестѣ́ за спасе́ніе на́ше излива́емую, зря́щи, я́ко Раба́ Госпо́дня, смире́нно во́ли Отца́, Иже на небесѣ́хъ, повину́ющаяся, на́мъ о́бразъ злострада́нія и терпѣ́нія яви́ла еси́, да и мы́, въ пещи́ искуше́ній и бѣ́дъ су́щіи, вопіе́мъ смире́нно Бо́гу: Аллилу́ія.
Икосъ 5
Ви́дя Тя́ Сы́нъ Тво́й и Бо́гъ при Крестѣ́ стоя́щую съ возлю́бленнымъ ученико́мъ, и се́рдцемъ Ему́ сраспина́ющуюся, глаго́лаше: “Же́но, се́ сы́нъ Тво́й”, и ученику́: “се́, Ма́ти твоя́”, всыновля́я Тебѣ́ вся́ вѣ́рующія въ Него́. Мы́ же, я́ко о́бщницы ско́рби и страда́ній Сы́на Твоего́, имѣ́юще въ Тебѣ́ благу́ю Ма́терь, на Тя́ все́ упова́ніе въ ско́рби возлага́юще, вопіе́мъ Ти́:
Ра́дуйся, Ма́ти ро́да христіа́нскаго; ра́дуйся, усынови́вшая на́съ при Крестѣ́ Сы́на Твоего́. Ра́дуйся, Бо́га съ человѣ́ки соедини́вшая; ра́дуйся, вѣ́рныхъ Го́сподеви сочета́вшая. Ра́дуйся, Агнице, ро́ждшая Агнца, взе́мшаго грѣхи́ мíра; ра́дуйся, ча́ше, че́рплющая на́мъ ра́дость отъ Исто́чника безсме́ртія. Ра́дуйся, спору́чнице спасе́нія грѣ́шныхъ; ра́дуйся, взыска́ніе поги́бшихъ. Ра́дуйся, неча́янная грѣ́шныхъ ра́досте; ра́дуйся, па́дшихъ воста́ніе. Ра́дуйся, цѣли́тельнице всѣ́хъ не́мощей; ра́дуйся, утоле́ніе вся́кія печа́ли.
Ра́дуйся, Благода́тная Богоро́дице Дѣ́во, всѣ́хъ скорбя́щихъ Ра́досте.
Конда́къ 6
Проповѣ́дуютъ ми́лости Твоя́, Богома́ти, вси́ концы́ вселе́нныя, и́бо честны́мъ покро́вомъ Твои́мъ покрыва́еши ве́сь ро́дъ христіа́нскій, о не́мже непреста́нно мо́лишися Христу́ Спаси́телю на́шему и избавля́еши отъ всѣ́хъ бѣ́дъ благонра́вныя и богобоя́щіяся рабы́, вѣ́рно вопію́щія Бо́гу: Аллилу́ія.
Икосъ 6
Возсія́ благода́ть свѣтоза́рная отъ пречу́дныя ико́ны Твоея́, Богома́ти, предъ не́юже со слеза́ми припа́дающе, мо́лимъ Ти ся: отжени́ о́блакъ наше́дшихъ на ны́ искуше́ній, да вопіе́мъ Ти́ ра́достно:
Ра́дуйся, принося́щая къ Сы́ну Твоему́ и Бо́гу моле́нія вѣ́рныхъ; ра́дуйся, и Сама́ у престо́ла Сы́на Твоего́ вы́ну моля́щаяся о на́съ. Ра́дуйся, предста́тельнице къ Бо́гу, мíръ отъ бѣ́дъ спаса́ющая; ра́дуйся, засту́пнице ро́да христіа́нскаго, отъ Бо́га на́мъ дарова́нная. Ра́дуйся, дре́во благосѣнноли́ственное, и́мже покрыва́ются мно́зи; ра́дуйся, дре́во свѣтлоплодови́тое, и́мже пита́ются вѣ́рніи. Ра́дуйся, покро́ве мíру, ши́ршій о́блака; ра́дуйся, земле́ обѣтова́нія, изъ нея́же тече́тъ ме́дъ и млеко́. Ра́дуйся, свѣ́тлый о́блаче, вѣ́рныя непреста́нно освѣща́ющій; ра́дуйся, сто́лпе о́гненный, наставля́яй избра́нныя къ небе́сному наслѣ́дію. Ра́дуйся, ни́во, растя́щая оби́ліе щедро́тъ; ра́дуйся, пода́тельнице вся́кія бла́гости.
Ра́дуйся, Благода́тная Богоро́дице Дѣ́во, всѣ́хъ скорбя́щихъ Ра́досте.
Конда́къ 7
Хотя́щи яви́ти то́ки чуде́съ отъ Своея́ ико́ны, всѣ́хъ скорбя́щихъ Ра́дости, повелѣ́ла еси́, Влады́чице, боля́щей Евѳи́міи моле́бная пѣ́нія предъ то́ю соверша́ти, и, получи́вши исцѣле́ніе, всѣ́мъ проповѣ́дати ми́лости, ра́ди тоя́ ико́ны явле́нныя, да не сокры́тъ бу́детъ исто́чникъ благода́тныхъ исцѣле́ній всѣ́мъ тре́бующимъ. Тѣ́мже и мы́ не таи́мъ Твои́хъ благодѣя́ній, но благода́рственнѣ прославля́юще Бо́га, вопіе́мъ Ему́: Аллилу́ія.
Икосъ 7
Но́вая купѣ́ль Силоа́мская па́че о́ныя дре́внія яви́ся, Пречи́стая Влады́чице, хра́мъ Тво́й, въ не́мже покланя́емся чудотво́рнѣй ико́нѣ Твое́й. Ибо не еди́ною въ лѣ́то и то́кмо пе́рвѣе входя́щимъ здра́віе тѣ́ла подае́ши, но всегда́ вся́кій неду́гъ и вся́кую я́зву душе́вную и тѣле́сную врачу́еши съ вѣ́рою и любо́вію къ Тебѣ́ прибѣга́ющихъ. Сего́ ра́ди вопіе́мъ Ти́:
Ра́дуйся, купѣ́ль, въ не́йже вся́ ско́рби на́ша погружа́ются; ра́дуйся, ча́ше, Еюже ра́дость и спасе́ніе воспріе́млемъ. Ра́дуйся, ка́меню, напои́вшій жа́ждущія жи́зни; ра́дуйся, дре́во, услажда́ющее сла́ныя во́ды жите́йскаго мо́ря. Ра́дуйся, животво́рныя воды́ неистощи́мый исто́чниче; ра́дуйся, ба́не, омыва́ющая грѣхо́вную скве́рну. Ра́дуйся, скорбе́й на́шихъ услажде́ніе; ра́дуйся, печа́лей на́шихъ утоле́ніе. Ра́дуйся, болѣ́зней на́шихъ врачева́ніе; ра́дуйся, бѣ́дъ избавле́ніе. Ра́дуйся, де́моновъ попра́ніе; ра́дуйся, враго́въ посрамле́ніе.
Ра́дуйся, Благода́тная Богоро́дице Дѣ́во, всѣ́хъ скорбя́щихъ Ра́досте.
Конда́къ 8
Стра́нники и прише́льцы вси́ есмы́ на земли́ се́й, по глаго́лу апо́столову: “бѣды́ отъ враго́въ, бѣды́ отъ сро́дникъ, бѣды́ отъ лжебра́тіи” терпя́ще въ лише́ніихъ мно́гихъ и ско́рбехъ. Ты́ же, Влады́чице, я́ко блага́я Одиги́тріе, наста́ви на́съ къ ти́хому приста́нищу, и моли́ Сы́на Твоего́ проще́нію прегрѣше́ній на́мъ пре́жде конца́ дарова́тися, да вы́ну вопіе́мъ Бо́гу: Аллилу́ія.
Икосъ 8
Все́ житіе́ на́ше на земли́ болѣ́зненно и печа́ли испо́лнено отъ клеветы́, досажде́нія, укоре́нія и ины́хъ многови́дныхъ бѣ́дъ и напа́стей: немощству́етъ бо тѣ́ло, изнемога́етъ и ду́хъ на́шъ. Къ Тебѣ́ у́бо прибѣга́емъ, Богома́ти, предъ пречи́стою ико́ною Твое́ю припа́дающе, испо́лни ра́дости и весе́лія ско́рбная сердца́ на́ша, да вопіе́мъ Ти́:
Ра́дуйся, путеводи́тельнице, къ небе́сному оте́честву на́съ руководя́щая; ра́дуйся, Цари́це не́ба и земли́, врата́ ра́йская на́мъ отверза́ющая. Ра́дуйся, ми́лостивая, на́съ ми́лующая; ра́дуйся, домострои́тельнице, житіе́ на́ше до́брѣ устроя́ющая. Ра́дуйся, руно́ ороше́нное, е́же Гедео́нъ предви́дѣ; ра́дуйся, блаже́нное чре́во, невмѣсти́маго всѣ́ми Бо́га вмѣсти́вшее. Ра́дуйся, купино́ неопали́мая; ра́дуйся, неруши́мая стѣно́. Ра́дуйся, живоно́сный исто́чниче; ра́дуйся, цвѣ́те неувяда́емый. Ра́дуйся, умягче́ніе злы́хъ серде́цъ; ра́дуйся умиле́ніе благи́хъ.
Ра́дуйся, Благода́тная Богоро́дице Дѣ́во, всѣ́хъ скорбя́щихъ Ра́досте.
Конда́къ 9
Вся́кая жите́йская въ мíрѣ се́мъ сла́дость печа́ли быва́етъ прича́стна: сла́ва не стои́тъ, бога́тство мимотече́тъ, лѣ́пота и здра́віе увяда́ютъ, дру́зи и и́скренніи сме́ртію отъе́млются. Услади́ у́бо на́ша ско́рби, благи́хъ вино́вная, Твою́ нетлѣ́нную даю́щи ра́дость на́мъ, вопію́щимъ Бо́гу: Аллилу́ія.
Икосъ 9
Вѣтíя многовѣща́нныя недоумѣ́ютъ, кíими словесы́ скорбя́щія утѣша́ти, но Сама́, Влады́чице, возглаго́ли сердца́мъ на́шимъ утѣше́ніе, благода́ти Твоея́ луча́ми о́блакъ ско́рби на́шея и мра́къ уны́нія разгоня́ющи, да взыва́емъ Ти́:
Ра́дуйся, обра́довавшая надѣ́яніемъ на Тя́ всѣ́хъ христіа́нъ; ра́дуйся, ра́дость и умире́ніе мíру. Ра́дуйся, пода́тельнице Боже́ственныя бла́гости; ра́дуйся, наде́ждо бла́гъ вѣ́чныхъ. Ра́дуйся, кораблю́ хотя́щихъ спасти́ся; ра́дуйся, приста́нище жите́йскихъ пла́ваній. Ра́дуйся, вѣ́рная храни́тельнице упова́ющихъ на Тя́ по Бо́зѣ; ра́дуйся, оде́ждо наги́хъ дерзнове́нія. Ра́дуйся, храни́тельнице всѣ́хъ и утвержде́ніе; ра́дуйся, всѣ́хъ вѣ́рныхъ огражде́ніе и свяще́нное прибѣ́жище. Ра́дуйся, по́моще вѣ́рно моля́щихся Тебѣ́; ра́дуйся, свѣ́тлое благода́ти позна́ніе.
Ра́дуйся, Благода́тная Богоро́дице Дѣ́во, всѣ́хъ скорбя́щихъ Ра́досте.
Конда́къ 10
Спасти́ хотя́й ро́дъ человѣ́ческій отъ вѣ́чныя му́ки и непрестаю́щія ско́рби, Человѣколю́бецъ Госпо́дь въ приснодѣ́вственную утро́бу Твою́ всели́ся и Тебе́, Ма́терь Свою́, дарова́ погиба́ющимъ въ по́мощь, покро́въ и защище́ніе, да бу́деши печа́льнымъ утѣше́ніе, скорбя́щимъ ра́дованіе, отча́яннымъ наде́жда, вѣ́чныя му́ки Свои́мъ хода́тайствомъ избавля́ющая и къ небе́сному весе́лію приводя́щая всѣ́хъ, вѣ́рно вопію́щихъ Сы́ну Твоему́ и Бо́гу на́шему: Аллилу́ія.
Икосъ 10
Стѣна́ еси́ дѣ́вамъ, Богоро́дице Дѣ́во, и всѣ́мъ къ Твоему́ покро́ву прибѣга́ющимъ. Тѣ́мже мо́лимъ Тя́: заступи́, покры́й и соблюди́ всѣ́хъ си́рыхъ и безпо́мощныхъ отъ искуше́ній, озлобле́ній и бѣ́дъ, Тебѣ́ съ любо́вію взыва́ющихъ:
Ра́дуйся, сто́лпе дѣ́вства; ра́дуйся, чистоты́ и цѣлому́дрія сосу́де избра́нный. Ра́дуйся, во́инствующимъ на пло́ть цѣлому́дріемъ изря́дное вѣнча́ніе; ра́дуйся, во и́ночествѣ благоскорбя́щимъ пода́тельнице вѣ́чнаго ра́дованія. Ра́дуйся, пла́мень страсте́й измѣня́ющая; ра́дуйся, мра́къ искуше́ній прогоня́ющая. Ра́дуйся, наста́внице цѣлому́дрія; ра́дуйся, чистоты́ огражде́ніе. Ра́дуйся, исправле́ніе человѣ́ковъ; ра́дуйся, Еюже отъ паде́нія воста́хомъ. Ра́дуйся, тве́рдое вѣ́ры утвержде́ніе; ра́дуйся, прія́тное моли́твы кади́ло.
Ра́дуйся, Благода́тная Богоро́дице Дѣ́во, всѣ́хъ скорбя́щихъ Ра́досте.
Конда́къ 11
Пѣ́ніе всеумиле́нное прино́симъ Ти́, раби́ Твои́, Богоро́дице, я́ко всеси́льнѣй Засту́пницѣ ро́да на́шего: утоли́ болѣ́зни многовоздыха́ющія души́ моея́, укроти́ гнѣ́въ Бо́жій, пра́ведно на ны́ дви́жимый грѣ́хъ ра́ди на́шихъ, изба́ви на́съ отъ вся́кія лю́тыя ско́рби и болѣ́зни, вопію́щихъ о Тебѣ́ Бо́гу: Аллилу́ія.
Икосъ 11
Свѣтопріе́мная свѣща́, у́глемъ благода́ти Бо́жія возжже́нная, яви́ся на́мъ пречестна́я ико́на Твоя́, Влады́чице, на освяще́ніе на́ше и утѣше́ніе. Мы́ же, любо́вію чту́ще ю́ и съ вѣ́рою припа́дающе къ не́й, вопіе́мъ Ти́:
Ра́дуйся, си́льнымъ Твои́мъ заступле́ніемъ отъ всѣ́хъ бѣ́дъ на́съ избавля́ющая; ра́дуйся, отъ тру́са и пото́па на́съ защища́ющая. Ра́дуйся, отъ гла́да душе́внаго и тѣле́снаго на́съ снабдѣва́ющая; ра́дуйся, о́гнь росо́ю моли́твъ Твои́хъ угаша́ющая. Ра́дуйся, отъ сме́ртнаго губи́тельства на́съ спаса́ющая; ра́дуйся, въ бра́нехъ крѣ́пкая помо́щнице. Ра́дуйся, отъ наше́ствія иноплеме́нныхъ на́съ огражда́ющая; ра́дуйся, отъ междоусо́бныя бра́ни охраня́ющая. Ра́дуйся, пла́вающихъ ле́гкое по вода́мъ прехожде́ніе; ра́дуйся, путьше́ствующихъ до́брая води́тельнице. Ра́дуйся, плѣ́нныхъ свобожде́ніе; ра́дуйся, отъ належа́щаго пра́веднаго преще́нія Бо́жія ско́рое избавле́ніе.
Ра́дуйся, Благода́тная Богоро́дице Дѣ́во, всѣ́хъ скорбя́щихъ Ра́досте.
Конда́къ 12
Благода́ти зало́гъ восхотѣ́вши да́ти ро́ду на́шему, цѣльбоно́сную ико́ну Твою́ яви́ла еси́ на́мъ, Богома́ти, отъ нея́же то́ки чуде́съ съ вѣ́рою приходя́щимъ источа́ются, неду́зи врачу́ются и ско́рби утоля́ются. Сего́ ра́ди ра́достно о Тебѣ́ вопіе́мъ Бо́гу: Аллилу́ія.
Икосъ 12
Пою́ще Твоя́ ми́лости и чудеса́, Богороди́тельнице, хва́лимъ Тя́ вси́, я́ко тве́рдую Предста́тельницу на́шу, и со умиле́ніемъ покланя́емся Тебѣ́, моля́щейся о на́съ, и про́симъ: воздви́гни ру́цѣ къ Сы́ну Твоему́, да вы́ну въ се́й жи́зни и по сме́рти на́шей милосе́рдіе Его́ неотсту́пно бу́детъ отъ на́съ, взыва́ющихъ Ти́:
Ра́дуйся, непосты́дное на́ше упова́ніе въ животѣ́ и по преставле́ніи на́шемъ; ра́дуйся, упова́ющимъ на Тя́ ми́ренъ коне́цъ житія́ сего́ подаю́щая. Ра́дуйся, въ де́нь су́дный на́ша наде́ждо и защище́ніе; ра́дуйся, Судіи́ пра́веднаго умоле́ніе. Ра́дуйся, гее́нны вѣ́чныя избавле́ніе; ра́дуйся, наде́ждо вѣ́чнаго спасе́нія. Ра́дуйся, ключу́ Ца́рствія Христо́ва; ра́дуйся, две́ре ра́йская. Ра́дуйся, мо́сте, къ небесе́мъ преводя́й; ра́дуйся, всѣ́хъ ка́ющихся грѣ́шниковъ прибѣ́жище и блага́я засту́пнице. Ра́дуйся, а́нгеловъ ра́досте; ра́дуйся, всѣ́хъ пра́ведныхъ сла́во и утѣше́ніе.
Ра́дуйся, Благода́тная Богоро́дице Дѣ́во, всѣ́хъ скорбя́щихъ Ра́досте.
Конда́къ 13
О, Всепѣ́тая Богообра́дованная Ма́ти, ро́ждшая на ра́дость не́бу и земли́ Царя́ Христа́, Бо́га на́шего! Услы́ши гла́съ скорбя́щихъ ра́бъ Твои́хъ, и пріе́мши сіе́ ма́лое моле́ніе на́ше, изба́ви на́съ отъ вся́кихъ бѣ́дъ, скорбе́й и напа́стей; неду́ги на́ша исцѣли́, напра́сныя клеветы́ потреби́, вся́ку зло́бу и вражду́ отжени́ отъ на́съ и бу́дущія изми́ му́ки о Тебѣ́ вопію́щихъ: Аллилу́ія.
Се́й конда́къ глаго́лется три́жды. Та́же Икосъ 1-й и Конда́къ 1-й
Моли́тва пе́рвая
О, Пресвята́я Влады́чице Богоро́дице, вы́шшая херуви́мъ и честнѣ́йшая серафи́мъ, Богоизбра́нная Отрокови́це, всѣ́хъ скорбя́щихъ Ра́досте! Пода́ждь утѣше́ніе и на́мъ, въ ско́рби су́щимъ: ра́звѣ бо Тебе́ ино́го прибѣ́жища и по́мощи не и́мамы. Ты́ еди́на еси́ ра́дости на́шея хода́таица, и я́ко Ма́терь Бо́жія и Ма́ти милосе́рдія, предстоя́щи у престо́ла Пресвяты́я Тро́ицы, мо́жеши на́мъ помощи́: никто́же бо притека́яй къ Тебѣ́ посра́мленъ отхо́дитъ. Услы́ши у́бо и на́съ, ны́нѣ въ де́нь ско́рби предъ Твое́ю ико́ною припа́дающихъ и со слеза́ми Тебѣ́ моля́щихся: отжени́ отъ на́съ належа́щія на на́съ ско́рби и печа́ли въ се́й вре́меннѣй жи́зни, не лише́ны же ны́ сотвори́ Твои́мъ всеси́льнымъ хода́тайствомъ и вѣ́чныя несконча́емыя ра́дости въ Ца́рствіи Сы́на Твоего́ и Бо́га на́шего, Ему́же подоба́етъ вся́кая сла́ва, че́сть и поклоне́ніе, со Безнача́льнымъ Его́ Отце́мъ, и со Пресвяты́мъ и Благи́мъ и Животворя́щимъ Его́ Ду́хомъ, ны́нѣ и при́сно и во вѣ́ки вѣко́въ. Ами́нь.
Моли́тва ина́я
Цари́це моя́ Преблага́я, наде́ждо моя́ Богоро́дице, прія́телище си́рымъ, и стра́ннымъ предста́тельнице, скорбя́щимъ ра́досте, оби́димымъ покрови́тельнице! Зри́ши мою́ бѣду́, зри́ши мою́ ско́рбь: помози́ ми, я́ко не́мощну, окорми́ мя, я́ко стра́нна. Оби́ду мою́ вѣ́си, разрѣши́ ту́, я́ко во́лиши. Яко не и́мамъ ины́я по́мощи, ра́звѣ Тебе́, ни ины́я предста́тельницы, ни благíя утѣ́шительницы, то́кмо Тебе́, о Богома́ти, я́ко да сохрани́ши мя́ и покры́еши во вѣ́ки вѣко́въ. Ами́нь.
Тропа́рь, гла́съ 4
Къ Богоро́дицѣ прилѣ́жно ны́нѣ притеце́мъ, грѣ́шніи и смире́нніи, и припаде́мъ, въ покая́ніи зову́ще изъ глубины́ души́: Влады́чице, помози́, на ны́ милосе́рдовавши, потщи́ся, погиба́емъ отъ мно́жества прегрѣше́ній, не отврати́ Твоя́ рабы́ тщи́, Тя́ бо и еди́ну наде́жду и́мамы.
Инъ тропа́рь, гла́съ то́йже
Не умолчи́мъ никогда́, Богоро́дице, си́лы Твоя́ глаго́лати, недосто́йніи. Аще бо Ты́ не бы́ предстоя́ла, моля́щи, кто́ бы на́съ изба́вилъ отъ толи́кихъ бѣ́дъ? Кто́ же бы сохрани́лъ до ны́нѣ свобо́дны? Не отсту́пимъ, Влады́чице, отъ Тебе́, Твоя́ бо рабы́ спаса́еши при́сно отъ вся́кихъ лю́тыхъ.
Конда́къ, гла́съ 6
Не и́мамы ины́я по́мощи, не и́мамы ины́я наде́жды, ра́звѣ Тебе́, Влады́чице, Ты́ на́мъ помози́, на Тебе́ надѣ́емся и Тобо́ю хва́лимся, Твои́ бо есмы́ раби́, да не постыди́мся.
Велича́ніе
Велича́емъ Тя́, Пресвята́я Дѣ́во, и чте́мъ о́бразъ Тво́й святы́й, и́мже то́чиши исцѣле́нія всѣ́мъ, съ вѣ́рою притека́ющимъ.
