Акафист святому мученику вонифатию

Детально: акафист святому мученику вонифатию - со всех открытых источников и разных уголков мира на сайте 1000-molitv.ru для наших уважаемых читателей.

Оглавление [Показать]

А҆ка́ѳїстъ ст҃о́мꙋ мꙋ́ченикꙋ вонїфа́тїю.

Конда́къ а҃.

И҆збра́нный во́ине хрⷭ҇то́въ, вѣнце́мъ сла́вы ᲂу҆краше́нный, мч҃ническою сме́ртїю вѣ́чныѧ сме́рти и҆зба́вивыйсѧ, ѿ мра́ка грѣхо́внагѡ ѿврати́выйсѧ и҆ къ вѣ́чномꙋ свѣ́тꙋ прише́дый, прїимѝ моле́нїе на́ше, въ похвалꙋ̀ тебѣ̀ приноси́мое, и҆ на́съ и҆зба́ви ѿ сѣте́й лꙋка́вагѡ врага̀ на́шегѡ, да тебѣ̀ съ ра́достїю побѣ́дною зове́мъ:

Ра́дꙋйсѧ, вонїфа́тїе, мч҃ниче многострада́льный.

І҆́косъ а҃.

А҆́гг҃лѡмъ свѣ́тлымъ, ѻ҆́гнь мꙋче́нїй твои́хъ росо́ю блгⷣти ᲂу҆гаси́вшимъ, ѡ҆гражде́нъ бы́лъ є҆сѝ, страда́льче хрⷭ҇то́въ вонїфа́тїе, да не когда̀ ꙗ҆́кѡ грѣ́шникъ нераска́ѧнный поги́бнеши и҆ пред̾ гдⷭ҇емъ въ ѻ҆де́ждѣ бра́чнѣй предста́неши, наꙋчѝ и҆ на́съ ѡ҆блещи́сѧ въ свѣ́тлыѧ ри́зы ст҃ости, тебѣ̀ зовꙋ́щихъ:

Ра́дꙋйсѧ, жи́знь за хрⷭ҇та̀ ѿда́вый: ра́дꙋйсѧ, страда́нїемъ є҆гѡ̀ подража́вый.

Ра́дꙋйсѧ, ѻ҆́чи своѧ̑ къ бг҃ꙋ ѡ҆брати́вый: ра́дꙋйсѧ, во́лю свою̀ въ добродѣ́телехъ ᲂу҆крѣпи́вый.

Ра́дꙋйсѧ, ра́бе хрⷭ҇то́въ вѣ́рный: ра́дꙋйсѧ, ст҃ы́й коне́цъ житїѧ̀ своегѡ̀ прїе́мый.

Ра́дꙋйсѧ, къ покаѧ́нїю сердца̀ ѡ҆браща́ѧй: ра́дꙋйсѧ, ко хрⷭ҇тꙋ̀, пꙋтѝ и҆́стинномꙋ, приводѧ́й.

Ра́дꙋйсѧ, дх҃омъ ст҃ы́мъ просвѣще́нный: ра́дꙋйсѧ, собла́знами мі́ра сегѡ̀ не прельще́нный.

Ра́дꙋйсѧ, ѕмі́ѧ лꙋка́вагѡ посрами́вый: ра́дꙋйсѧ, ст҃ы́хъ ли́къ возвесели́вый.

Ра́дꙋйсѧ, вонїфа́тїе, мч҃ниче многострада́льный.

Конда́къ в҃.

Ви́дѧ многомѧте́жїе мі́ра сегѡ̀ и҆ печа́ли зємны́ѧ, и҆ сїѧ̀ всѧ̑ ꙗ҆́кѡ пра́хъ вмѣни́въ, къ премі́рнымъ возве́лъ є҆сѝ ᲂу҆́мъ тво́й, страда́льче хрⷭ҇то́въ, на высотꙋ̀ бг҃оразꙋ́мїѧ возше́дъ, хрⷭ҇та̀ бг҃а пред̾ всѣ́ми и҆сповѣ́далъ є҆сѝ, и҆ ны́нѣ дꙋ́ши всѣ́хъ, во грѣсѣ́хъ погиба́ющихъ, къ милосе́рдомꙋ гдⷭ҇ꙋ зове́ши, да во смире́нїи пока́ютсѧ и҆ во слеза́хъ ᲂу҆миле́ннѡ є҆мꙋ̀ вопїю́тъ: А҆ллилꙋ́їа.

І҆́косъ в҃.

Ра́зꙋмъ трезве́нїемъ ᲂу҆крѣпи́лъ є҆сѝ и҆ страсте́й пла́мень покаѧ́нїемъ ᲂу҆гаси́лъ є҆сѝ, вонїфа́тїе преди́вный, ѿ за́пада на восто́къ и҆з̾ ри́ма прише́лъ є҆сѝ, спострада́ти гдⷭ҇ꙋ і҆и҃сꙋ хрⷭ҇тꙋ̀ намѣ́ренїе ст҃о́е носѧ̀, да блгⷣть въ тебѣ̀ преиз̾ѡби́лꙋетъ: и҆ на́съ ны́нѣ въ хра́мъ бж҃їй привле́клъ є҆сѝ, тебѣ̀ глаго́лющихъ:

Ра́дꙋйсѧ, стра́сти побора́ти наꙋча́ѧй: ра́дꙋйсѧ, ѿча̑ѧннымъ наде́ждꙋ сп҃се́нїѧ подава́ѧй.

Ра́дꙋйсѧ, сꙋетꙋ̀ жи́зни земны́ѧ позна́вый: ра́дꙋйсѧ, страда̑нїѧ своѧ̑ предсказа́вый.

Ра́дꙋйсѧ, трезвѧ́щихсѧ ѿра́до и҆ ѡ҆бодре́нїе: ра́дꙋйсѧ, немощны́хъ во́лею ᲂу҆крѣпле́нїе.

Ра́дꙋйсѧ, ꙗ҆́кѡ тобо́ю ѿ пїѧ́нства ѿвраща́емсѧ: ра́дꙋйсѧ, ꙗ҆́кѡ тобо́ю къ бг҃ꙋ ѡ҆браща́емсѧ.

Ра́дꙋйсѧ, и҆сцѣле́нїй и҆сто́чниче неисчерпа́емый: ра́дꙋйсѧ, чꙋде́съ сокро́вище неѡскꙋдѣва́емое.

Ра́дꙋйсѧ, наꙋча́ѧй на́съ при́снѡ возноси́ти ᲂу҆́мъ на́шъ къ бг҃ꙋ: ра́дꙋйсѧ, ѡ҆брѣты́й и҆́стиннꙋю ѿ грѣхѡ́въ свобо́дꙋ.

Ра́дꙋйсѧ, вонїфа́тїе, мч҃ниче многострада́льный.

Конда́къ г҃.

Си́ла милосе́рдїѧ бж҃їѧ неизрече́ннаѧ на тебѣ̀ ѿкры́сѧ, и҆́бо житїѧ̀ твоегѡ̀, мч҃ниче, ди́вное повѣствова́нїе ꙗ҆́внѡ на́мъ сказꙋ́етъ, ка́кѡ ве́лїи грѣ́шницы ми́лостивѡ ѻ҆ц҃е́мъ на́шимъ бг҃омъ прїе́млютсѧ, є҆гда̀ є҆мꙋ̀ покаѧ́нїе принесꙋ́тъ. Та́кѡ и҆ ты̀ бг҃ꙋ ᲂу҆годи́лъ є҆сѝ и҆ вмѣ́стѡ го́рькїѧ сме́рти вѣ́чнꙋю жи́знь прїѧ́лъ є҆сѝ: наꙋчѝ и҆ на́съ бг҃ꙋ пѣ́ти вы́нꙋ: А҆ллилꙋ́їа.

І҆́косъ г҃.

И҆мѣ́ѧ ны́нѣ ра́дость вѣ́чнꙋю въ нбⷭ҇ныхъ селе́нїихъ, и҆ на́съ, грѣ́шныхъ, на землѝ не забыва́еши, мч҃ниче хрⷭ҇то́въ вонїфа́тїе. Мы́ же, трꙋжда́ющїисѧ и҆ ѡ҆бремене́ннїи, къ тебѣ̀ прибѣга́емъ: не ѡ҆ста́ви на́съ си́рыхъ и҆ недꙋ́жныхъ, по́мощи ᲂу҆ тебє̀ просѧ́щихъ, но мольбы̑ на́ша на ѻ҆лта́рь нбⷭ҇ный принесѝ, да ра́достнѡ тебѣ̀ зове́мъ:

Ра́дꙋйсѧ, бли́жнѧгѡ ꙗ҆́кѡ себѐ сама́гѡ возлюби́вый: ра́дꙋйсѧ, во грѣсѣ́хъ се́рдце своѐ не ѡ҆жесточи́вый.

Ра́дꙋйсѧ, стра́нникѡмъ и҆ пꙋ́тникѡмъ со всѧ́кимъ тща́нїемъ слꙋжи́вый: ра́дꙋйсѧ, ꙗ҆́кѡ сегѡ̀ ра́ди но́щїю сто́гны гра́да ѡ҆бходи́вый.

Ра́дꙋйсѧ, бѡга́тыѧ милосе́рдїю наꙋча́ѧй: ра́дꙋйсѧ, си̑рыѧ и҆ вдови̑цы защища́ѧй.

Ра́дꙋйсѧ, бѣ́дствꙋющымъ до́брый предста́телю: ра́дꙋйсѧ, за ѡ҆би́димыхъ и҆ ᲂу҆ничижа́емыхъ при́сный хода́таю.

Ра́дꙋйсѧ, нестерпи́мою жа́ждою пїѧ́нства пали́мыѧ трезве́нїемъ прохлажда́ѧй: ра́дꙋйсѧ, вина̀ ра́ди ѡ҆бнища́вшыѧ къ трезве́нїю призыва́ѧй.

Ра́дꙋйсѧ, же́ны рыда́ющыѧ ᲂу҆тѣша́ѧй: ра́дꙋйсѧ, сле́зы и҆̀хъ ко гдⷭ҇ꙋ приносѧ́й.

Ра́дꙋйсѧ, вонїфа́тїе, мч҃ниче многострада́льный.

Конда́къ д҃.

Бꙋ́ри грѣхѡ́вныѧ тебѣ̀ не потопи́ша, нижѐ во́лны страсте́й покры́ша, мч҃ниче хрⷭ҇то́въ, не поги́блъ є҆сѝ, но ко хрⷭ҇тꙋ̀ прише́лъ є҆сѝ и҆ жи́знь свою̀, ꙗ҆́кѡ же́ртвꙋ бл҃гово́ннꙋю, є҆мꙋ̀, сладча́йшемꙋ сп҃си́телю на́шемꙋ, прине́слъ є҆сѝ. Моли́сѧ ᲂу҆̀бо, да и҆ мы̀, въ жите́йскомъ мо́ри сꙋ́щїи, къ ти́хомꙋ приста́нищꙋ, гдⷭ҇ꙋ сп҃си́телю, притеце́мъ, во ᲂу҆миле́нїи зовꙋ́ще: А҆ллилꙋ́їа.

І҆́косъ д҃.

Слы́шимъ и҆ мы̀ є҆ѵⷢ҇льскꙋю при́тчꙋ, ка́кѡ блꙋ́дный сы́нъ на странѣ̀ дале́че и҆мѣ́нїе своѐ и҆жди́вый, ѿ гла́да дꙋше́внагѡ въ себѐ прише́дъ, во ѡ҆б̾ѧ́тїѧ ѻ҆́ч҃и притечѐ, въ покаѧ́нїи зовы́й: ѻ҆́ч҃е, согрѣши́хъ на нб҃о и҆ пред̾ тобо́ю. Та́кѡ и҆ ты̀, мч҃ниче вонїфа́тїе, не погꙋби́въ себѐ, но ѿ рожє́цъ грѣха̀ ѿврати́всѧ, ко хрⷭ҇тꙋ̀ ѡ҆брати́лсѧ є҆сѝ. Мы́ же, и҆справле́нїю твоемꙋ̀ ра́дꙋющесѧ, пое́мъ тѝ си́це:

Ра́дꙋйсѧ, гла́дъ крѣ́покъ въ рабо́тѣ страсте́мъ и҆спыта́вый: ра́дꙋйсѧ, хрⷭ҇та̀ бг҃а, ꙗ҆́кѡ хлѣ́ба жива́гѡ, взалка́вый.

Ра́дꙋйсѧ, пречⷭ҇тыѧ кро́ви є҆гѡ̀, ꙗ҆́кѡ и҆́стиннагѡ питїѧ̀ прїѡбщи́выйсѧ: ра́дꙋйсѧ, ꙗ҆́кѡ пресла́внымъ мч҃никѡмъ приложи́выйсѧ.

Ра́дꙋйсѧ, на крылѣ́хъ трезве́нїѧ къ бг҃ꙋ возлетѣ́вый: ра́дꙋйсѧ, се́рдце своѐ горѣ̀ и҆мѣ́вый.

Ра́дꙋйсѧ, ко гдⷭ҇ꙋ си́лою животворѧ́щагѡ крⷭ҇та̀ прише́дый: ра́дꙋйсѧ, ꙗ҆́кѡ прїѧ́лъ є҆сѝ вѣне́цъ побѣ́ды.

Ра́дꙋйсѧ, дꙋшѝ на́шеѧ сокро́вище нетлѣ́нное: ра́дꙋйсѧ, це́ркве на́шеѧ ᲂу҆краше́нїе многоцѣ́нное.

Ра́дꙋйсѧ, красоты̀ мі́ра сегѡ̀ ѿвергі́й: ра́дꙋйсѧ, грѣхо́внꙋю ѻ҆де́ждꙋ съ себє̀ совлекі́й.

Ра́дꙋйсѧ, вонїфа́тїе, мч҃ниче многострада́льный.

Конда́къ є҃.

Бг҃ото́чнꙋю кро́вь хрⷭ҇то́вꙋ, за всѣ́хъ на́съ, недосто́йныхъ, и҆ кро́вь мч҃ническꙋю, за хрⷭ҇та̀ пролїѧ́ннꙋю, па́мѧтꙋющи, си́це тебѣ̀ вѣща́ше а҆глаі́да: са́мъ вѣ́си, ско́ль мно́гими грѣхмѝ ѡ҆скверне́ни є҆смы̀, и҆ ѡ҆ бꙋ́дꙋщемъ житїѧ̀ на́шегѡ небреже́мъ. А҆́зъ же ѿ бжⷭ҇твеннагѡ мꙋ́жа слы́шахъ, ꙗ҆́кѡ мч҃никѡвъ мо́щи сп҃се́нїе да́рꙋютъ, и҆̀же мч҃ника, ꙗ҆́кѡ храни́телѧ и҆ хода́таѧ пред̾ бг҃омъ и҆́мать. И҆ мы̀ тебѣ̀ глаго́лемъ: ты̀ є҆сѝ на́шъ храни́тель и҆ хода́тай пред̾ гдⷭ҇емъ на́шимъ, и҆́бо со а҆́гг҃лы предстои́ши прест҃ѣ́й трⷪ҇цѣ, поѧ̀: А҆ллилꙋ́їа.

І҆́косъ є҃.

Ви́димъ ны́нѣ и҆ разꙋмѣ́емъ, ка́кѡ сїѝ глаго́лы а҆глаі́ды дꙋ́шꙋ твою̀ пробꙋди́ша, и҆ ты̀ къ воздержа́нїю призва́лъ є҆сѝ себѐ, мч҃ниче вонїфа́тїе: и҆ на́мъ помозѝ подража́ти тебѣ̀, да не поги́бнемъ въ пꙋчи́нѣ беззако́нїѧ потоплѧ́еми, но ра́достнѡ тебѣ̀ зове́мъ:

Ра́дꙋйсѧ, ѿ страсте́й, ꙗ҆́кѡ ѿ поги́бельнагѡ сна̀, пробꙋди́выйсѧ: ра́дꙋйсѧ, ѿ ᲂу҆́зъ грѣхѡ́вныхъ свободи́выйсѧ.

Ра́дꙋйсѧ, сомнѣва́ющихсѧ въ милосе́рдїи бж҃їемъ ѡ҆бличе́нїе: ра́дꙋйсѧ, безконе́чныѧ ра́досте ᲂу҆твержде́нїе.

Ра́дꙋйсѧ, зовы́й на́съ къ по́двигꙋ воздержа́нїѧ: ра́дꙋйсѧ, ты́ бо зна́менїемъ крⷭ҇та̀ посѣ́клъ є҆сѝ страсте́й взыгра́нїѧ.

Ра́дꙋйсѧ, стѧжа́вый себѣ̀ вѣ́чное и҆мѣ́нїе: ра́дꙋйсѧ, и҆ на́съ пробꙋжда́ѧй къ трꙋдꙋ̀ сп҃се́нїѧ.

Ра́дꙋйсѧ, ꙗ҆́кѡ ві́нное весе́лїе презрѣ́лъ є҆сѝ: ра́дꙋйсѧ, ꙗ҆́кѡ плотскі́ѧ ра́ны, ꙗ҆́кѡ безпло́тенъ, претерпѣ́лъ є҆сѝ.

Ра́дꙋйсѧ, за и҆сповѣ́данїе хрⷭ҇та̀ ѿ врагѡ́въ и҆збїе́нный: ра́дꙋйсѧ, нестерпи́мымъ ѻ҆гне́мъ за негѡ̀ ѡ҆пале́нный.

Ра́дꙋйсѧ, вонїфа́тїе, мч҃ниче многострада́льный.

Конда́къ ѕ҃.

Проповѣ́дница поклоне́нїѧ ст҃ы́мъ моще́мъ ꙗ҆ви́сѧ а҆глаі́да, госпожа̀ твоѧ̀, страда́льче хрⷭ҇то́въ, є҆гда̀ посла̀ тѧ́ на восто́къ ст҃ы́ѧ мо́щи мч҃никѡвъ, за вѣ́рꙋ хрⷭ҇то́вꙋ пострада́вшихъ, принестѝ, и҆́миже бл҃годѣѧ́нїѧ и҆сточа́ютсѧ ѡ҆би́льнѡ и҆ вѣ́чное сп҃се́нїе подае́тсѧ всѣ́мъ, къ мч҃ническомꙋ ли́кꙋ ᲂу҆се́рднѡ притека́ющымъ. Да́ждь и҆ на́мъ ᲂу҆тѣше́нїе ѿ гдⷭ҇а прїѧ́ти, є҆мꙋ́же а҆́гг҃льскꙋю пѣ́снь прино́симъ: А҆ллилꙋ́їа.

І҆́косъ ѕ҃.

Возсїѧ́лъ є҆сѝ на́мъ, ꙗ҆́кѡ ѕвѣзда̀ незаходи́маѧ, ди́внымъ житїе́мъ твои́мъ, мч҃ниче пребл҃же́нне, и҆́го хрⷭ҇то́во ле́гкое и҆ вседраго́е на себѐ прїе́мый и҆ сп҃се́нїе полꙋчи́вый, пꙋти́ бо бл҃гоче́стїѧ без̾ хрⷭ҇та̀ гдⷭ҇а ѡ҆брѣстѝ ника́коже возмо́жнѡ є҆́сть. Тѣ́мже и҆ на́съ мл҃твами твои́ми въ гѡ́рнѧѧ ѻ҆би́тели приведѝ, тѧ̀ восхвалѧ́ющихъ си́це:

Ра́дꙋйсѧ, зако́на хрⷭ҇то́ва скрижа́ль бг҃оначерта́ннаѧ: ра́дꙋйсѧ, мл҃твъ ко гдⷭ҇ꙋ мѵ́ро бл҃гоꙋха́нное.

Ра́дꙋйсѧ, пра́выѧ вѣ́ры хрⷭ҇то́вой сто́лпе ѻ҆́гненный: ра́дꙋйсѧ, чтⷭ҇ны́й вѣ́нче ѿ за́повѣдей бж҃їихъ, ꙗ҆́коже ѿ ка́менїй драги́хъ ᲂу҆стро́енный.

Ра́дꙋйсѧ, трезве́нїѧ лѣ́ствице нб҃овосхо́днаѧ: ра́дꙋйсѧ, болѣ́зни и҆ ра́ны врачꙋ́ѧй грѣхѡ́вныѧ.

Ра́дꙋйсѧ, ꙗ҆́кѡ ѿ гдⷭ҇а і҆и҃са хрⷭ҇та̀ блгⷣть и҆ си́лꙋ прїѧ́лъ є҆сѝ: ра́дꙋйсѧ, ꙗ҆́кѡ свѣ́тъ хрⷭ҇то́въ на́мъ возсїѧ́лъ є҆сѝ.

Ра́дꙋйсѧ, воздержа́нїемъ ѿ грѣхѡ́въ ѡ҆сщ҃а́ти пра́здники на́съ наꙋча́ѧй: ра́дꙋйсѧ, ѿ сме́ртнагѡ вина̀ на́съ ѡ҆хранѧ́ѧй.

Ра́дꙋйсѧ, ᲂу҆мерщвле́нныѧ страстьмѝ свѣ́томъ хрⷭ҇то́вымъ ѡ҆живлѧ́ѧй: ра́дꙋйсѧ, ты́ѧ къ но́вомꙋ житїю̀ призыва́ѧй.

Ра́дꙋйсѧ, вонїфа́тїе, мч҃ниче многострада́льный.

Конда́къ з҃.

Хотѧ̀ ѿ̾итѝ ѿ до́мꙋ своегѡ̀ въ пꙋ́ть на восто́къ, кончи́нꙋ житїѧ̀ твоегѡ̀ предре́клъ є҆сѝ, достохва́льне, а҆глаі́дѣ глаго́лѧ: госпожѐ моѧ̀, прїимѝ моѐ тѣ́ло, за хрⷭ҇та̀ мꙋ́чимое, є҆гда̀ є҆гѡ̀ принесꙋ́тъ тѝ: въ дꙋшѝ твое́й мы́сль за хрⷭ҇та̀ пострада́ти таѧ̀, є҆мꙋ̀ сокрове́ннѡ моли́лсѧ є҆сѝ: и҆ на́шꙋ вѣ́рꙋ ᲂу҆крѣпѝ, да бꙋ́демъ гото́вы и҆ мы̀ є҆ѧ̀ ра́ди страда́ти, гдⷭ҇ꙋ пою́ще: А҆ллилꙋ́їа.

І҆́косъ з҃.

Ди́вномꙋ и҆ пресла́вномꙋ и҆справле́нїю твоемꙋ̀ не вѣ́рꙋѧ, помы́сли лꙋка́вое въ се́рдцѣ свое́мъ а҆глаі́да, грѣхо́мъ бо хꙋле́нїѧ ѡ҆болга́ти тѧ̀ хотѧ́щи, та́кѡ ѿвѣща̀ тѝ: ны́нѣ не глꙋмле́нїѧ вре́мѧ, бра́те, но бл҃гоговѣ́нїѧ, вѣ́дый бꙋ́ди, ꙗ҆́кѡ мо́щи ст҃ы́ѧ и҆́маши носи́ти. Гдⷭ҇ь же да по́слетъ а҆́гг҃ла своегѡ̀ пред̾ тобо́ю и҆ напра́витъ стопы̀ твоѧ̀ милосе́рдїемъ свои́мъ. Мы́ же, чⷭ҇тотꙋ̀ се́рдца твоегѡ̀, ди́вный вонїфа́тїе, зрѧ́ще, вопїе́мъ тѝ:

Ра́дꙋйсѧ, ст҃ы́хъ моще́й почита́телю: ра́дꙋйсѧ, бл҃гоговѣ́нїѧ ѻ҆́браза на́мъ пода́телю.

Ра́дꙋйсѧ, ѿ безчи́нствъ храни́тисѧ на́мъ повелѣ́вый: ра́дꙋйсѧ, всѧ̑, ѡ҆ ни́хже сы́нове вѣ́ка сегѡ̀ ра́дꙋютсѧ, презрѣ́вый.

Ра́дꙋйсѧ, и҆звѣ́стный на́шъ помо́щниче: ра́дꙋйсѧ, бл҃ги́хъ намѣ́ренїй таи́нниче.

Ра́дꙋйсѧ, всѣ́мъ борю́щымсѧ со грѣхмѝ покрови́телю: ра́дꙋйсѧ, покаѧ́нїѧ на́шегѡ пред̾ бг҃омъ порꙋчи́телю.

Ра́дꙋйсѧ, ꙗ҆́кѡ твои́ми мл҃твами гдⷭ҇ь ѡ҆ставлѧ́етъ прегрѣше́нїѧ: ра́дꙋйсѧ, помога́ѧй на́мъ терпѣ́ти ско́рби и҆ поноше́нїѧ.

Ра́дꙋйсѧ, ликѡ́мъ а҆́гг҃льскимъ сотвори́вый ра́дость и҆ ᲂу҆дивле́нїе: ра́дꙋйсѧ, дꙋхѡ́въ ѕло́бы приведы́й въ посрамле́нїе.

Ра́дꙋйсѧ, вонїфа́тїе, мч҃ниче многострада́льный.

Конда́къ и҃.

Стра́ннѡ тебѣ̀ бы́сть ꙗ҆зы́ческое і҆́дѡлѡмъ слꙋже́нїе, и҆ ты̀, ст҃ы́й мч҃ниче, въ та́рсъ прише́дъ, не преклони́лъ є҆сѝ колѣ́нъ пред̾ бѡга́ми чꙋжди́ми, но а҆пⷭ҇лѡмъ показа́лсѧ є҆сѝ ревни́тель. Тѣ́мже моли́сѧ за ны̀, да возгори́мсѧ и҆ мы̀ ѻ҆гне́мъ любвѐ ко влⷣцѣ хрⷭ҇тꙋ̀, пою́ще всегда̀: А҆ллилꙋ́їа.

І҆́косъ и҃.

Ве́сь распали́лсѧ є҆сѝ ре́вностїю ст҃о́ю, хꙋле́нїѧ на гдⷭ҇а не терпѧ̀, и҆ и҆спо́лнилсѧ є҆сѝ дх҃а бж҃їѧ, ѡ҆слѣпле́нїе и҆ безꙋ́мїе покланѧ́ющихсѧ ло́жнымъ богѡ́мъ ѡ҆блича́ѧ. Сегѡ̀ ра́ди ца́рь нечести́вый ка́знь наведѐ на тѧ̀, мч҃ниче, го́рькꙋю, бичмѝ нестерпи́мѡ бїѧ̀ и҆ ра́ны наносѧ̀ неисцѣ́льныѧ. Мы́ же тебѣ̀ похвалꙋ̀ пое́мъ:

Ра́дꙋйсѧ, ѕловѣ́рїѧ ѡ҆бличи́телю дерзнове́нный: ра́дꙋйсѧ, въ пра́вдꙋ бж҃їю, а҆́ки въ броню̀, ѡ҆блече́нный.

Ра́дꙋйсѧ, ꙗ҆́кѡ кѡ́сти твоѧ̑ ѿ ра̑нъ за хрⷭ҇та̀ ѡ҆бнажа́хꙋсѧ: ра́дꙋйсѧ, ꙗ҆́кѡ чтⷭ҇ота̀ дꙋшѝ твоеѧ̀ тогда̀ ѿкры́шасѧ.

Ра́дꙋйсѧ, ꙗ҆́кѡ наслѣ́довалъ є҆сѝ нбⷭ҇наѧ селє́нїѧ: ра́дꙋйсѧ, ꙗ҆́кѡ и҆ ны́нѣ ѡ҆блича́еши ѕлы́хъ чл҃вѣ́къ на хрⷭ҇та̀ хꙋлє́нїѧ.

Ра́дꙋйсѧ, за хрⷭ҇та̀ ѻ҆́стрыми тростьмѝ пробода́емый: ра́дꙋйсѧ, са́да ра́йскагѡ цвѣ́те неꙋвѧда́емый.

Ра́дꙋйсѧ, ꙗ҆́кѡ зла́то горни́ломъ ꙗ҆́звъ ѡ҆чище́нный: ра́дꙋйсѧ, за хрⷭ҇та̀ ᲂу҆даре́нный.

Ра́дꙋйсѧ, кончи́ною свое́ю бг҃ꙋ ᲂу҆годи́вый: ра́дꙋйсѧ, да́же до сме́рти мч҃ническїѧ є҆гѡ̀ возлюби́вый.

Ра́дꙋйсѧ, вонїфа́тїе, мч҃ниче многострада́льный.

Конда́къ ѳ҃.

Всегѡ̀ себѐ гдⷭ҇ꙋ бг҃ꙋ преда́въ, страстоте́рпче хрⷭ҇то́въ, є҆гда̀ нечести́вый ца́рь повелѣ̀ раскры́ти ᲂу҆ста̀ твоѧ̀ и҆ ѻ҆́лово кипѧ́щее вли́ти, рꙋ́цѣ своѝ воздви́глъ є҆сѝ къ нб҃ꙋ, та́кѡ молѧ́сѧ: гдⷭ҇и, бж҃е мо́й, і҆и҃се хрⷭ҇тѐ, ᲂу҆крѣпи́вый менѐ въ мꙋ́кахъ, пребꙋ́ди и҆ ны́нѣ со мно́ю, моѧ̑ страда̑нїѧ ѡ҆блегчѝ и҆ не ѡ҆ста́ви менѐ ѡ҆долѣ́нꙋ бы́ти лꙋка́вымъ кнѧ́земъ. Тѣ́мъ и҆ на́съ любвѝ ко хрⷭ҇тꙋ̀ наꙋча́еши, пою́щихъ бг҃ꙋ: А҆ллилꙋ́їа.

І҆́косъ ѳ҃.

Вѣті̑и сꙋемꙋ́дреннїи да рекꙋ́тъ на́мъ: ка́кѡ ѻ҆́лово разжже́нное горта́ни твоеѧ̀ не ѡ҆палѝ, нижѐ и҆на́гѡ вреда̀ тебѣ̀ сотворѝ, мч҃ниче вонїфа́тїе: ѿ гдⷭ҇а бо зна́менїе побѣ́ды над̾ мꙋчи́телемъ проси́лъ є҆сѝ, и҆ сїѐ зна́менїе тебѣ̀ дано̀ бы́сть, сегѡ̀ ра́ди всѝ, чꙋдѧ́щесѧ, восклица́хꙋ: ве́лїй є҆́сть і҆и҃съ хрⷭ҇то́съ. Вѣ́рꙋемъ въ тѧ̀, гдⷭ҇и. Мы́ же сла́вимъ тѧ̀, мч҃ниче, си́це:

Ра́дꙋйсѧ, ꙗ҆́кѡ тобо́ю вѣ́рнїи просвѣща́ютсѧ: ра́дꙋйсѧ, ꙗ҆́кѡ тобо́ю ѿ посты́дныѧ сме́рти и҆збавлѧ́ютсѧ.

Ра́дꙋйсѧ, во є҆ди́нѣмъ хрⷭ҇тѣ̀ ᲂу҆тѣше́нїе полага́ѧй: ра́дꙋйсѧ, во страда́нїѧхъ призыва́ти бг҃а наꙋча́ѧй.

Ра́дꙋйсѧ, ꙗ҆́кѡ мꙋчи́телїе тебѐ не превозмого́ша: ра́дꙋйсѧ, ꙗ҆́кѡ стра́сти тебѐ не поборо́ша.

Ра́дꙋйсѧ, ты́ бо те́рнїѧ грѣхѡ́въ въ себѣ̀ попали́лъ є҆сѝ: ра́дꙋйсѧ, ты́ бо ѻ҆гне́мъ неѡпале́нъ пребы́лъ є҆сѝ.

Ра́дꙋйсѧ, при́снѡ живы́й страстоте́рпче ра́достный: ра́дꙋйсѧ, мл҃твенниче на́шъ бла́гостный.

Ра́дꙋйсѧ, ꙗ҆́кѡ тобо́ю ѻ҆чеса̀, грѣхмѝ ѡ҆слѣпле́нныѧ, ѿверза́ютсѧ: ра́дꙋйсѧ, ꙗ҆́кѡ по́мощїю твое́ю печа́ли на ра́дость прелага́ютсѧ.

Ра́дꙋйсѧ, вонїфа́тїе, мч҃ниче многострада́льный.

Конда́къ і҃.

Сп҃се́нъ бы́ти восхотѣ́въ, пла́меннѣ возжелѣ́лъ є҆сѝ до конца̀ за гдⷭ҇а пострада́ти, мч҃ниче вонїфа́тїе, є҆мꙋ́же и҆ возопи́лъ є҆сѝ: гдⷭ҇и, гдⷭ҇и, бж҃е мо́й, сподо́би мѧ̀ ми́лостей твои́хъ и҆ бꙋ́ди мѝ помо́щникъ, да за беззакѡ́нїѧ моѧ̑, безꙋ́мнѡ содѣ̑ѧнныѧ, вра́гъ не прегради́тъ мѝ пꙋтѝ къ нб҃сѝ, прїимѝ съ ми́ромъ дꙋ́шꙋ мою̀, вчинѝ мѧ̀ съ мч҃никами, кро́вь за тѧ̀ пролїѧ́вшими и҆ вѣ́рꙋ до конца̀ соблю́дшими, и҆ ны́нѣ вопїю́щими тѝ: А҆ллилꙋ́їа.

І҆́косъ і҃.

Стѣна̀ крѣ́пкаѧ, ко́зньми врага̀ неѡдолѣ́ннаѧ, пребы́лъ є҆сѝ до конца̀, мч҃ниче хрⷭ҇то́въ: є҆гда̀ же глава̀ твоѧ̀ ѿ тѣлесѐ ѿсѣче́на бы́сть, ѡ҆ чꙋдесѐ, а҆́бїе кро́вь и҆ млеко̀ и҆з̾ ра́ны твоеѧ̀ и҆стеко́ша, ꙗ҆́кѡ и҆ невѣ́рнымъ, чꙋ́до сїѐ зрѧ́щымъ, хрⷭ҇та̀ просла́вити и҆ съ на́ми зва́ти тебѣ̀:

Ра́дꙋйсѧ, ꙗ҆́кѡ мꙋчє́нїѧ твоѧ̑ зрѧ́ще, мно́жество люде́й ко хрⷭ҇тꙋ̀ ѡ҆брати́шасѧ: ра́дꙋйсѧ, ꙗ҆́кѡ тебѣ̀ ра́ди на кнѧ́зѧ ѕло́бы ѻ҆нѝ ᲂу҆стреми́шасѧ.

Ра́дꙋйсѧ, твоѧ̀ бо кончи́на просвѣтѝ ᲂу҆мы̀ помраче́нныѧ: ра́дꙋйсѧ, твоѧ̀ бо сла́внаѧ сме́рть воскресѝ сѡ́вѣсти во грѣсѣ́хъ погребе́нныѧ.

Ра́дꙋйсѧ, нераска́ѧнныхъ грѣ́шникѡвъ ѡ҆бличе́нїе: ра́дꙋйсѧ, во́лею разсла́бленныхъ ѿ вїна̀ и҆сцѣле́нїе.

Ра́дꙋйсѧ, въ нощѝ невѣ́дѣнїѧ блꙋжда́ющихъ вразꙋмле́нїе: ра́дꙋйсѧ, злата́ѧ ᲂу҆́дице, и҆з̾ глꙋбины̀ грѣхѡ́въ влекꙋ́щаѧ ко сп҃се́нїю.

Ра́дꙋйсѧ, ꙗ҆́кѡ ѿ бг҃а въ мл҃твахъ ᲂу҆слы́шанъ бы́лъ є҆сѝ: ра́дꙋйсѧ, ꙗ҆́кѡ въ нбⷭ҇нѣмъ црⷭ҇твїе всели́лсѧ є҆сѝ.

Ра́дꙋйсѧ, порфѵ́рою ѿ крове́й твои́хъ ѡ҆блече́нный: ра́дꙋйсѧ, ꙗ҆́кѡ зри́ши ны́нѣ свѣ́тъ неизрече́нный.

Ра́дꙋйсѧ, вонїфа́тїе, мч҃ниче многострада́льный.

Конда́къ а҃і.

Пѣ́нїе немо́лчное прино́сиши гдⷭ҇еви, мч҃ниче вонїфа́тїе, съ мч҃ническими ли́ки прест҃ѣ́й трⷪ҇цѣ предстоѧ̀, за ню́же себѐ преда́лъ є҆сѝ, да и҆ мы̀ дꙋ́шы своѧ̑, а҆́ки невѣ́сты ᲂу҆краси́вше, нетлѣ́нномꙋ женихꙋ̀ хрⷭ҇тꙋ̀ предста́вимъ со сщ҃е́нною пѣ́снїю: А҆ллилꙋ́їа.

І҆́косъ а҃і.

Свѣ́тъ любвѐ и҆ по сме́рти возсїѧ́лъ є҆сѝ, вонїфа́тїе ди́вный, є҆гда̀ бо дрꙋ́зи твою̀ ᲂу҆сѣче́ннꙋю главꙋ̀ ѡ҆брѣ́тше, пла́кахꙋсѧ го́рькѡ, глаго́люще: ра́бе хрⷭ҇то́въ, забꙋ́ди на́мъ грѣ́хъ непра́веднагѡ ѡ҆сꙋжде́нїѧ и҆ безразсꙋ́дныхъ рꙋга́нїй на́шихъ: тогда̀ ли́къ тво́й, ꙗ҆́кѡ лꙋча́ми живы́ми, просвѣти́сѧ, проще́нїе и҆̀мъ ꙗ҆влѧ́ѧ. Сегѡ̀ ра́ди съ любо́вїю тебѣ̀ зове́мъ:

Ра́дꙋйсѧ, и҆мѣ́ѧй ᲂу҆ста̀ кро́тости сладковѣща́нныѧ: ра́дꙋйсѧ, любвѐ вмѣсти́лище простра́нное.

Ра́дꙋйсѧ, ѡ҆ тебѣ̀ бо весели́тсѧ цр҃ковь со свои́ми ча́ды: ра́дꙋйсѧ, ты́ бо преше́лъ є҆сѝ къ вы́шнемꙋ нбⷭ҇номꙋ гра́дꙋ.

Ра́дꙋйсѧ, въ сме́рти свое́й а҆пⷭ҇лѡмъ ра́вный: ра́дꙋйсѧ, ре́вностїю по бз҃ѣ пресла́вный.

Ра́дꙋйсѧ, жите́йскїѧ молвы̀ ѡ҆блича́ѧй ѕлы́ѧ сплетє́нїѧ: ра́дꙋйсѧ, всѣ́хъ на́съ ѿ вра́жїѧ и҆збавлѧ́ѧй ловле́нїѧ.

Ра́дꙋйсѧ, ты́ бо защища́еши непра́веднѡ гони́мыѧ: ра́дꙋйсѧ, пред̾ прⷭ҇то́ломъ гдⷭ҇нимъ лампа́до неꙋгаси́маѧ.

Ра́дꙋйсѧ, по за́повѣди хрⷭ҇то́вой и҆ врагѡ́въ возлюби́вый: ра́дꙋйсѧ, ѕлослѡ́вїѧ и҆ клеветы̀ нивочто́же вмѣни́вый.

Ра́дꙋйсѧ, вонїфа́тїе, мч҃ниче многострада́льный.

Конда́къ в҃і.

Блгⷣть и҆сцѣле́нїй точа́щыѧ мо́щи твоѧ̑, є҆гда̀ къ ри́мꙋ приближа́хꙋсѧ, а҆́гг҃лъ гдⷭ҇ень ꙗ҆ви́сѧ а҆глаі́дѣ, глаго́лѧ: бы́вшагѡ тѝ дре́влѣ раба̀, ны́нѣ же на́шегѡ бра́та и҆ сослꙋже́бника прїимѝ ꙗ҆́коже влады́кꙋ и҆ ᲂу҆поко́й до́брѣ, да грѣсѝ твоѧ̑ ѡ҆ста́вѧтсѧ, то́й бо съ на́ми ны́нѣ въ нб҃сѣ́хъ пое́тъ всевы́шнемꙋ: А҆ллилꙋ́їа.

І҆́косъ в҃і.

Пою́ще чꙋдеса̀ твоѧ̑, хра́мъ ди́вный созда̀ тебѣ̀, во́ине хрⷭ҇то́въ, а҆глаі́да, въ не́мже и҆ мо́щи твоѧ̑ положѝ, и҆ сама̀, бога́тство ни́щымъ разда́вши, и҆ пѧтьна́десѧтъ лѣ́тъ въ по́двизѣхъ поста̀ и҆ покаѧ́нїѧ пожи́вши, ли́ка ст҃ы́хъ дости́же. Тѣ́мже велича́юще чꙋдеса̀ твоѧ̑, прославлѧ́емъ тѧ̀ си́це:

Ра́дꙋйсѧ, дꙋ́шꙋ свою̀ сотвори́вый хра́мъ бг҃ꙋ прекра́сный: ра́дꙋйсѧ, чꙋ́дныхъ бж҃їихъ дѣ́лъ кни́го ꙗ҆́снаѧ.

Ра́дꙋйсѧ, ѿ внеза́пныѧ сме́рти и҆збавлѧ́ѧй: ра́дꙋйсѧ, скѡ́рбныѧ же́ны ѿ ѕлы́хъ пїѧ́ницъ ѡ҆гражда́ѧй.

Ра́дꙋйсѧ, па́дшыѧ къ возста́нїю ѿ грѣхѡ́въ призыва́ѧй: ра́дꙋйсѧ, свѣ́тъ чⷭ҇тоты̀ и҆̀мъ подава́ѧй.

Ра́дꙋйсѧ, ты́ бо ᲂу҆кроща́еши страсте́й ѻ҆гне́вицꙋ: ра́дꙋйсѧ, тобо́ю бо ѡ҆ставлѧ́емъ грѣхо́внꙋю темни́цꙋ.

Ра́дꙋйсѧ, ма́лыѧ ча̑да ѿ собла́знѡвъ мі́ра соблюда́ѧй: ра́дꙋйсѧ, ты́ѧ хрⷭ҇то́вꙋ ᲂу҆че́нїю наставлѧ́ѧй.

Ра́дꙋйсѧ, вѣ́стниче тре́звости, во вѣ́ки прославлѧ́емый: ра́дꙋйсѧ, ᲂу҆го́дниче хрⷭ҇то́въ, при́снѡ почита́емый.

Ра́дꙋйсѧ, вонїфа́тїе, мч҃ниче многострада́льный.

Конда́къ г҃і.

Ѽ, пресла́вный мч҃ниче хрⷭ҇то́въ вонїфа́тїе, прїимѝ ѿ на́съ сїѐ ма́лое похва́льное приноше́нїе, є҆́же пред̾ і҆кѡ́ною твое́ю, колѣ́на прекло́ньше и҆ рꙋ̑цѣ своѝ къ тебѣ̀ просте́рши, тебѣ̀ ны́нѣ прино́симъ: да́рꙋй на́мъ твоѐ пред̾ гдⷭ҇емъ застꙋпле́нїе, наипа́че же погиба́ющымъ ѿ пїѧ́нства бра́тїѧмъ на́шимъ и҆сцѣле́нїе ниспослѝ и҆ житїѧ̀ бл҃га́гѡ нача́ло положи́ти всѣ́хъ на́съ сподо́би, да сп҃се́нїе ᲂу҆лꙋчи́вше мл҃твами твои́ми, во вѣ́ки восхва́лимъ бг҃а, пою́ще є҆мꙋ̀: А҆ллилꙋ́їа.

І҆́косъ а҃.

Ра́дꙋйсѧ, жи́знь за хрⷭ҇та̀ ѿда́вый: ра́дꙋйсѧ, страда́нїемъ є҆гѡ̀ подража́вый.

Ра́дꙋйсѧ, ѻ҆́чи своѧ̑ къ бг҃ꙋ ѡ҆брати́вый: ра́дꙋйсѧ, во́лю свою̀ въ добродѣ́телехъ ᲂу҆крѣпи́вый.

Ра́дꙋйсѧ, ра́бе хрⷭ҇то́въ вѣ́рный: ра́дꙋйсѧ, ст҃ы́й коне́цъ житїѧ̀ своегѡ̀ прїе́мый.

Ра́дꙋйсѧ, къ покаѧ́нїю сердца̀ ѡ҆браща́ѧй: ра́дꙋйсѧ, ко хрⷭ҇тꙋ̀, пꙋтѝ и҆́стинномꙋ, приводѧ́й.

Ра́дꙋйсѧ, дх҃омъ ст҃ы́мъ просвѣще́нный: ра́дꙋйсѧ, собла́знами мі́ра сегѡ̀ не прельще́нный.

Ра́дꙋйсѧ, ѕмі́ѧ лꙋка́вагѡ посрами́вый: ра́дꙋйсѧ, ст҃ы́хъ ли́къ возвесели́вый.

Ра́дꙋйсѧ, вонїфа́тїе, мч҃ниче многострада́льный.

Конда́къ а҃.

Ра́дꙋйсѧ, вонїфа́тїе, мч҃ниче многострада́льный.

Моли́тва.

Ѽ, многострада́льный и҆ всехва́льный мч҃ниче вонїфа́тїе, къ твоемꙋ̀ застꙋпле́нїю ны́нѣ прибѣга́емъ: моле́нїй на́съ, пою́щихъ тебѣ̀, не ѿве́ржи, но ми́лостивѡ ᲂу҆слы́ши на́съ, ви́ждь бра́тїѧ и҆ се́стры на́шѧ тѧ́жкимъ недꙋ́гомъ пїѧ́нства ѡ҆держи́мыѧ, ви́ждь тогѡ̀ ра́ди ѿ ма́тери своеѧ̀, цр҃кви хрⷭ҇то́вой и҆ вѣ́чнагѡ сп҃се́нїѧ ѿпа́дающїѧ. Ѽ, ст҃ы́й мч҃ниче хрⷭ҇то́въ вонїфа́тїе, косни́сѧ серде́цъ и҆̀хъ да́нною тѝ ѿ бг҃а блгⷣтїю, ско́рѡ возста́ви ѿ паде́нїй грѣхо́вныхъ и҆ ко сп҃си́тельномꙋ воздержа́нїю приведѝ и҆̀хъ. Оу҆молѝ гдⷭ҇а бг҃а, є҆гѡ́же ра́ди страда́лъ є҆сѝ, да прости́въ на́мъ согрѣшє́нїѧ на̑ша, не ѿврати́тъ ми́лости своеѧ̀ ѿ сынѡ́въ свои́хъ, но да ᲂу҆крѣпи́тъ на́съ въ трезве́нїи и҆ цѣломꙋ́дрїи, да помо́жетъ свое́ю десни́цею трезвѧ́щимсѧ сп҃си́тельный ѻ҆бѣ́тъ сво́й до конца̀ сохрани́ти, во днѝ и҆ въ нощѝ ѡ҆ не́мъ бо́дрствꙋюще, и҆ до́брый ѿвѣ́тъ ѡ҆ не́мъ возда́ти на стра́шнѣмъ сꙋди́ще.

Прїимѝ, ᲂу҆го́дниче бж҃їй, моли̑твы ма́терей, ѡ҆ ча́дѣхъ свои́хъ слє́зы пролива́ющихъ, же́нъ честны́хъ, ѡ҆ мꙋже́хъ свои́хъ рыда́ющихъ, ча́дъ си́рыхъ и҆ ᲂу҆бо́гихъ, ѿ пїѧ́ницъ ѡ҆ста́вленныхъ, и҆ всѣ́хъ на́съ, и҆ да прїи́детъ се́й во́пль на́шъ мл҃твами твои́ми ко прⷭ҇то́лꙋ всевы́шнѧгѡ, дарова́ти всѣ̑мъ по мл҃твамъ и҆̀хъ здра́вїе и҆ сп҃се́нїе дꙋ́шъ и҆ тѣле́съ, наипа́че же црⷭ҇твїе нбⷭ҇ное.

Покры́й и҆ соблюдѝ на́съ ѿ лꙋка́вагѡ ловле́нїѧ и҆ всѣ́хъ ко́зней вра́жїихъ, въ стра́шный же ча́съ и҆схо́да на́шегѡ помозѝ прейтѝ непреткнове́ннѡ воздꙋ́шныѧ мыта́рства и҆ мл҃твами твои́ми и҆зба́ви вѣ́чнагѡ ѡ҆сꙋжде́нїѧ.

Оу҆моли́ же гдⷭ҇а дарова́ти на́мъ ко ѻ҆те́чествꙋ на́шемꙋ любо́вь нелицемѣ́рнꙋю и҆ во́лю непоколеби́мꙋю пред̾ врага́ми цр҃кви ст҃ы́ѧ, ви́димыми и҆ неви́димыми, да покры́етъ на́съ млⷭ҇ть бж҃їѧ въ несконча́емыѧ вѣ́ки вѣкѡ́въ. А҆ми́нь.

Моли́тва втора́ѧ.

Ѽ, всехва́льный мч҃ниче вонїфа́тїе! кі̑ѧ пѣ́сни воспое́мъ тѝ, вѣ́чною красото́ю ᲂу҆краше́нномꙋ; кі́й вѣне́цъ сплете́мъ, свѣ́тлостїю ѡ҆дѣ́ѧнномꙋ; кі́и да́ры принесе́мъ тѝ, всѣ́ми бл҃гами ѻ҆богаще́нномꙋ; Всѧ̑ ᲂу҆́бѡ съ любо́вїю прїе́млеши: и҆ слове́съ кра̑снаѧ и҆ сла̑дкаѧ пѣ́нїѧ, и҆ честны̑ѧ да́ры свѣщѝ, є҆ле́й и҆ кади́ло бл҃гоꙋха́нное. Но ничто́же та́кѡ тѝ ᲂу҆го́дно быва́етъ, ꙗ҆́кѡ житїѐ непоро́чное, нра́въ бл҃гі́й, дꙋша̀ чⷭ҇таѧ, се́рдце кро́ткое, тѣ́ло чистото́ю ѡ҆свѧще́нное, любо́вь къ бг҃ꙋ те́плаѧ и҆ ко бли́жнемꙋ нелицемѣ́рнаѧ, моли́тва ча́стаѧ и҆ приле́жнаѧ, воздыха̑нїѧ ᲂу҆милє́ннаѧ, страсте́й ᲂу҆мерщвле́нїе, ѻ҆че́съ цѣломꙋ́дрїе, ѧ҆зы́ка воздержа́нїе, настоѧ́щихъ бл҃гъ презрѣ́нїе и҆ бꙋ́дꙋщихъ жела́нїе, ѡ҆ сме́рти поꙋче́нїе, воскресе́нїѧ ча́ѧнїе, вѣ́чныхъ мꙋ́къ трепета́нїе, црⷭ҇тва нбⷭ҇наго всера́достнаѧ наде́жда. Си́ми дармѝ на́мъ ниспослѝ, ст҃ы́й мꙋ́чениче, ᲂу҆годи́ти гдⷭ҇ви во и҆́мѧ твоѐ вседраго́е, да сподо́бимсѧ ѿ всеще́драго бг҃а бога̑тыѧ млⷭ҇ти.

Твои́мъ предста́тельствомъ и҆ те́плымъ застꙋпле́нїемъ ѿ ѡ҆ѕлобле́нїѧ ви́димыхъ и҆ неви́димыхъ вра̑гъ на́съ и҆зба́ви, да въ настоѧ́щемъ вѣ́цѣ ми́рное и҆ безмѧте́жное житїѐ поживе́мъ, въ бꙋ́дꙋщемъ же всера́достнагѡ и҆ безконе́чнагѡ црⷭ҇твїѧ прича́стницы бꙋ́демъ во вѣ́ки вѣкѡ́въ. А҆ми́нь.

Моли́тва тре́тїѧ.

Ѽ, ст҃ы́й ᲂу҆го́дниче хрⷭ҇то́въ, страстоте́рпче и҆ мꙋ́чениче вонїфа́тїе! дꙋше́ю на нб҃сѝ предстоѧ́й прⷭ҇то́лꙋ бж҃їю, и҆ трїѷпоста́сныѧ сла́вы бж҃їѧ наслажда́ѧйсѧ, і҆кѡ́ною ст҃о́ю на землѝ въ бж҃е́ственныхъ хра́мѣхъ пребыва́ѧй, и҆ да́нною тѝ свы́ше бл҃года́тїю разли̑чныѧ и҆сточа́ѧй чꙋдеса̀. При́зри ми́лостивымъ твои́мъ ѻ҆́комъ на предстоѧ́щїѧ лю́ди и҆ честнѣ́й твое́й і҆кѡ́нѣ ᲂу҆ми́льнѡ молѧ́щїѧсѧ и҆ просѧ́щїѧ ѿ тебѣ̀ цѣлє́бныѧ по́мощи и҆ застꙋпле́нїѧ, и҆ и҆спросѝ дꙋша́мъ на́шимъ ѡ҆ставле́нїе согрѣше́нїй. Се́рдцемъ сокрꙋшє́нымъ и҆ дх҃омъ смирє́ннымъ, тебѣ̀, хода́таѧ ми́лостива ко влⷣцѣ и҆ моли́твенника за ны̀ грѣ̑шныѧ призыва́емъ, ꙗ҆́кѡ прїѧ́лъ є҆сѝ ѿ негѡ̀ недꙋ́ги ѿгонѧ́ти и҆ стра́сти и҆сцѣлѧ́ти. Тебѣ̀ ᲂу҆́бѡ про́симъ: не пре́зри на́съ недосто́йныхъ, молѧ́щихсѧ тѝ и҆ твоеѧ̀ по́мощи тре́бꙋющихъ: бꙋ́ди на́мъ въ печа́лехъ ᲂу҆тѣ́шитель, стра́ждꙋщимъ ѿ пїѧ́нства вра́чь и҆ и҆сцѣли́тель, во сла́вꙋ бж҃їю трезвѧ́щимсѧ ско́рый покрови́тель и҆ гото́вѣйшїй предста́тель. И҆схода́тайствꙋй всѣ̑мъ всѧ̑, ꙗ҆̀же ко сп҃се́нїю полє́знаѧ, ꙗ҆́кѡ да твои́ми ко гдⷭ҇ꙋ бг҃ꙋ моли́твами полꙋчи́вше благода́ть и҆ ми́лость, просла́вимъ всѣ́хъ бл҃ги́хъ и҆сто́чника и҆ дарода́телѧ бг҃а, є҆ди́наго въ трⷪ҇цѣ ст҃ѣ́й сла́вимаго, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ и҆ прⷭ҇нѡ и҆ во вѣ́ки вѣкѡ́въ. А҆ми́нь.

Святые угодники Божии помогают ныне живущим людям на земле избавиться от многих недугов и зависимостей. Так, имя святого мученика Вонифатия призывается в молитве в случаях чрезмерной тяги человека к алкоголю или табакокурению, употреблению наркотических веществ, а также при игромании (игровой зависимости).

Если Вы или Ваш близкий страдаете от недуга пьянства и не можете ничего с этим поделать, акафист святому Вонифатию обязательно поможет.

В отличие от молитвы, акафист (в пер. с греч. «неседальная песнь») произносится стоя как хвалебное песнопение в честь Христа-Спасителя, Божьей матери или святых. Он имеет особую композицию и состоит из 25-ти песен, размещенных в соответствии с греческим алфавитом.

Акафист Вонифатию рекомендуется читать, как минимум, на протяжении 40 дней вместе с молитвой святому. Естественно, в это время молящийся должен всеми силами стараться воздерживаться от своей зависимости (выпивки, табака, наркотиков).

Очень важно при произнесении слов акафиста:

искренне верить в исцеление;
призывать святого «всем сердцем, с горячностью души» (И. Кронштадтский);
прославлять Божьего угодника чистым сердцем;
прикладываться к Иконе Божией Матери «Неупиваемая чаша»;
противостоять разным помыслам, возникающим от нечистой силы, не прекращая чтения.

Акафист мученику Вонифатию считается верующими одним из самых действенных. К этому святому обращаются тысячи зависимых людей и их родственников с просьбой об исцелении. Многие пьющие действительно чувствуют себя легче и встают на путь выздоровления.

Очищение от грехов через христианство (из истории жизни Вонифатия)

Вонифатий жил в период правления императора Диоклетиана (284-305 гг.) и находился в подчинении богатой дочери проконсула, римлянки Аглаиды. Поскольку в имении хозяйки Вонифатий занимал должность управляющего, его жизнь была весьма нечестивой: винопитие, игры, блуд и другие пристрастия одолевали душу грешника. Он согрешал даже с Аглаидой, предаваясь плотским утехам.

Несколько лет спустя Аглаида, ощутив глубину своей греховной жизни, побоялась будущего наказания Господня и пожелала «очиститься» путем почитания мощей святых мучеников. Она послала Вонифатия в Малую Азию, где происходили гонения христиан, чтобы тот купил и доставил ей мощи угодников Божьих.

Когда Вонифатий прибыл в город Тарс, там готовилась казнь двадцати христианских мучеников в местном амфитеатре. Это было ужасающее зрелище, которое так сильно потрясло юношу, что он тут же раскаялся и в слезах бросился к избиенным мученикам с просьбой упомянуть его, грешного, в своих молитвах. После этого он стал последователем Христа и с презрением отверг язычество.

Вонифатий был доставлен в цирк, где над ним совершались различные пытки. Однако несмотря на жестокие истязания, он стойко переносил невыносимые муки благодаря молитвам святых мучеников. Даже свой смертный приговор он слушал, радостно улыбаясь, с неким бесстрастием, как будто уже покинул этот мир. Вознеся перед своей кончиной молитву Господу, Вонифатий перекрестился и достойно принял смерть.

Спутники Вонифатия, услышав о произошедшем, немедленно выкупили его тело и доставили в Рим. В то же самое время Аглаиде явился Ангел Божий и сказал, чтобы та шла навстречу своему товарищу в блуде, а ныне – святому мученику Божьему, благодаря которому простятся ей все грехи.

Впоследствии Аглаида построила церковь в честь Вонифатия – на месте встречи привезенных мощей святого. После того, как верующие произносили слова молитвы угоднику Божьему, в храме совершалось множество чудес. Сама же Аглаида стала вести праведную жизнь. Раздав свое имущество беднякам и посвятив себя благочестивым подвигам, она получила дар чудотворения от Бога.

Акафист Вонифатию от пьянства нужно читать с большим благоговением. Перед прочтением текста желательно попросить благословение у батюшки. Чтобы достичь желаемого результата, «отчитывать» такую затяжную болезнь, как алкоголизм, необходимо очень долго – до 40 недель.

Если Вы просите за близкого человека, обязательно во время чтения акафиста или молитвы думайте о нем, относитесь к его душе с глубоким состраданием и любовью. Можно использовать икону Вонифатия, которая является своеобразным «связующим звеном» между молящимся и образом святого.

Текст акафиста святому Вонифатию размещен ниже. Также Вы можете использовать аудиомолитву, чтобы научиться правильно читать слова акафиста и укрепить свою веру в исцеление.

Текст акафиста Вонифатию

Кондак 1

Избранный воине Христов, венцем славы украшенный, мученической смертию вечныя смерти избавивыйся, от мрака греховнаго отвративыйся и к вечному свету пришедый, приими моление наше в похвалу тебе приносимое, и нас избави от сетей лукаваго врага нашего, да тебе с радостию зовем:

Радуйся, Вонифатие, мучениче многострадальный.

Икос 1

Ангелом светлым, огнь мучений твоих росою благодати угасивым, огражден был еси, страдальче Христов Вонифатие, да яко
грешник нераскаянный не погибнеши и пред Господем в одежде брачней предстанеши, научи и нас облещися в светлыя ризы святости, тебе зовущих:

Радуйся, жизнь за Христа отдавый;
Радуйся, страданиям Его подражавый.
Радуйся, очи своя к Богу обративый ;
Радуйся, волю свою добродетелью укрепивый.
Радуйся, рабе Христов верный;
Радуйся, святый конец жития своего приемый.
Радуйся, к покаянию сердца обращаяй;
Радуйся, ко Христу, Пути Истинному, приводяяй.
Радуйся, Духом Святым просвещенный;
Радуйся, соблазнами мира сего не прельщенный.
Радуйся, змия лукаваго посрамивый;
Радуйся, святых лик возвеселивый.
Радуйся, Вонифатие, мучениче многострадальный.

Кондак 2

Видя многомятежие мире сего и печали земныя, и сия вся яко прах вменив, к премирным возвел еси ум твой, страдальче Христов, на высоту благоразумия возшед, Христа Бога пред всеми исповедал еси, и ныне души всех, во гресех погибающих, к милосердому Господу зовеши, да во смирении покаются и во слезах умиленно Ему возопиют: Аллилуиа.

Икос 2

Разум трезвением укрепил еси и страстей пламень покаянием угасил еси, Вонифатие предивный, от запада на восток из Рима пришел еси, спострадати Господу Иисусу Христу нашему, намерение святое неся, да благодать в тебе преизобилует, и нас ныне в храм Божий привлекл еси, тебе глаголющих:

Радуйся, страсти побороти научаяй;
Радуйся, отчаянным надежду спасения подаваяй.
Радуйся, суету жизни земныя познавый;
Радуйся, страдания своя предсказавый.
Радуйся, трезвящихся отрадо и ободрение;
Радуйся, немощных волею укрепление.
Радуйся, яко тобою от пианства отвращаемся;
Радуйся, яко тобою к Богу обращаемся.
Радуйся, исцелений источниче неисчерпаемый;
Радуйся, чудес сокровище неоскудевае мое.
Радуйся, научаяй нас присно возносити ум наш к Богу;
Радуйся, обретый истинную от грехов свободу.
Радуйся, Вонифатие, мучениче многостра дальный.

Кондак 3

Сила милосердия Божия неизреченна на тебе открыся, ибо жития твоего, мучениче, дивное повествование явно нам сказует, како велии грешницы милостивно Отцем нашим Богом приемлются, егда Ему покаяние принесут, тако и ты Богу угодил еси и вместо горькия смерти вечную жизнь приял еси, научи и нас Богу пети выну: Аллилуиа.

Икос 3

Имея ныне радость вечную в Небесных Селениях, и нас грешных на земли не забываеши, мучениче Христов Вонифатие. Мы же, труждающиися и обремененнии, к тебе прибегаем: не остави нас сирых и недужных, помощи у тебе просящих, но мольбы наша на Алтарь Небесный принеси, да радостно тебе зовем:

Радуйся, ближняго яко себе самого возлюбивый;
Радуйся, во гресех сердце свое не ожесточивый.
Радуйся, странником и путником со всяким тщанием служивый;
Радуйся, яко сего ради нощию стогны града обходивый.
Радуйся, богатыя милосердию научаяй;
Радуйся, сирыя и вдовицы защищаяй.
Радуйся, бедствующим и униженным добрый предстателю;
Радуйся, за обидимых и уничижаемых присный ходатаю.
Радуйся, нестерпимою жаждою пианства палимыя трезвением прохлаждаяй;
Радуйся, вина ради обнищавшия к трезвению призываяй.
Радуйся, жены рыдающия утешаяй;
Радуйся, слезы их ко Господу приносяяй.
Радуйся, Вонифатие, мучениче многостра дальный.

Кондак 4

Бури греховныя тебе не потопиша, ниже волны страстей покрыша, мучениче Христов, не погибл еси, но ко Христу пришел еси и жизнь свою, яко жертву благовонную, Ему, Сладчайшему Спасителю нашему, принесл еси. Молися убо, да и мы, в житейстем мори сущии, к тихому пристанищу, Господу Спасителю, притецем, во умилении зовуще: Аллилуиа.

Икос 4

Слышим и мы евангельскую притчу, како блудный сын на стране далече имение свое изживше, от глада душевнаго в себе пришед, в объятия отчие притече, в покаянии зовый: «Отче, согреших на Небо и пред Тобою». Тако и ты, мучениче Вонифатие, не погубив себе, но от рожец греха отвративыйся, ко Христу обратился еси. Мы же, исправлению твоему радующеся, поем ти сице:

Радуйся, глад крепок в работе страстем испытавый;
Радуйся, Христа Бога, яко хлеба живаго, взалкавый.
Радуйся, Пречистыя Крове Его, яко истиннаго пития приобщивыйся;
Радуйся, яко преславным мученикам приложивыйся.
Радуйся, на крылех трезвения к Богу возлетевый;
Радуйся, сердце свое горе имевый.
Радуйся, ко Господу силою Животворящаго Креста пришедый;
Радуйся, яко приял еси венец победы.
Радуйся, души нашея сокровище нетленное;
Радуйся, Церкве нашея украшение многоценное.
Радуйся, красоты мира сего отбегий;
Радуйся, греховную одежду с себе совлекий.
Радуйся, Вонифатие, мучениче многострадальный.

Кондак 5

Боготечную Кровь Христову за всех нас недостойных и кровь мученическую за Христа пролиянную памятующе, сице тебе вещаше Аглаида: «Сам веси, сколь многими грехми осквернены есмы, и о будущем жития нашего небрежем, азже от божественн аго мужа слышах, яко мучеников мощи спасени е даруют, иже мученика, яко хранителя и ходатая пред Богом !имать». Имы тебе глаголем: «Ты еси наш хранитель и ходатай пред Богом нашим, ибо со Ангелы предстоиши Престолу Пресвятей Троицы поя: «Аллилуиа».

Икос 5

Видим ныне и разумеем, како сии глаголы Аглаиды душу твою пробудиша, и ты к воздержанию призвал еси себе, мучениче Вонифатие, и нам помози подражати тебе, да не погибнем в пучине беззакония потопляеми, но радостно тебе зовем:

Радуйся, от страстей, яко от погибельного сна, пробудивыйся;
Радуйся, от уз греховных свободивыйся.
Радуйся, сомневающихся в милосердии Божием обличение;
Радуйся безконечныя радости утверждение.
Радуйся, зовый нас к подвигу воздержа ния;
Радуйся, ты бо знамением Креста пресекл еси страстей взыграние.
Радуйся, стяжавый себе вечное имение;
Радуйся, и нас побуждаяй к труду спасения.
Радуйся, яко винное веселие презрел еси;
Радуйся, плотския раны, яко безплотен, претерпел еси.
Радуйся, за исповедание Христа от врагов избиенный;
Радуйся, нестерпимым огнем за Него опаленный.
Радуйся, Вонифатие, мучениче многостра дальный.

Кондак 6

Проповедница поклонения святым мощам явися Аглаида, госпожа твоя, страдаль че Христов, егда посла тя на восток святые мощи мучеников, за веру Христову пострадавших, принести, имиже благодеяния источаются обильно и вечное спасение подается всем, к мученическому лику усердно притекающим. Даждь и нам утешение от Господа прияти, Ему же ангельскую песнь приносим: Аллилуиа.

Икос 6

Возсиял еси нам, яко звезда незаходи мая, дивным житием твоим, мучениче преблаженне, иго Христово легкое и вседрагое на себе приемый и спасение получивый, пути бо благочестия без Христа Господа обрести никакоже возможно есть. Темже и нас молитвами твоими в Горния обители приведи, тя восхваляющих сице:

Радуйся, закона Христова скрижаль богоначертанная;
Радуйся, молитв ко Господу миро благоуханное.
Радуйся, правыя веры Христовой столпе огненный;
Радуйся, честный венче заповедей Божиих, якоже камений драгих устроенный.
Радуйся, трезвения лествице небовосход ная;
Радуйся, болезни и раны врачуяй греховныя.
Радуйся, от Господа Иисуса Христа благодать и силу приял еси;
Радуйся, яко свет Христов нам возсиявый.
Радуйся, воздержанием от грехов освещати праздники нас научаяй;
Радуйся, от смертного вина нас охраняяй.
Радуйся, умерщвленныя страстьми светом Христовым оживляяй;
Радуйся, тыя к новому житию призываяй.
Радуйся, Вонифатие, мучениче многостра дальный.

Кондак 7

Хотя отъити от дому своего в путь на восток, кончину жития твоего предрекл еси, достохвальне, Аглаиде глаголя: «Госпоже моя, приими мое тело, за Христа мучимое, егда его принесут ти». Вдуше твоей мысль за Христа пострадати имевый, ты Ему сокровенно молился еси, и нашу веру укрепи, да будем готови и мы ея ради страдати, Господу поюще: Аллилуиа.

Икос 7

Дивному и преславному исправлению твоему не веруя, помысли лукавое в сердце своем Аглаида, грехом бо хуления оболгати тя хотяще, тако отвеща ти: «Ныне не глумления время, брате, но благоговения, ведый буди, яко мощи святые имаши носити. Господь же да пошлет Ангела Своего пред тобою и направит стопы твоя милосердием Своим». Мы же, чистоту сердца твоего, дивный Вонифатие, зряще, вопием ти:

Радуйся, святых мощей почитателю;
Радуйся, благоговения образа нам подателю.
Радуйся, безчинств хранитися нам повелевый;
Радуйся, вся, о них же сынове века сего радуются, презревый.
Радуйся, известный нам помощниче;
Радуйся, святых мощей таинниче.
Радуйся, всем борющимся со грехми покровителю;
Радуйся, покаяния нашего пред Богом поручителю.
Радуйся, яко твоими молитвами Господь оставляет прегрешения;
Радуйся, помогаяй нам терпети скорби и поношения.
Радуйся, ликом ангельским сотворивый радость и удивление;
Радуйся, духов злобы приведый в посрамление.
Радуйся, Вонифатие, мучениче многострадальный.

Кондак 8

Странно тебе бысть языческое идолослужение, и ты, святый мучениче, в Тарс пришед, не преклонил еси колен пред богами чуждими, но апостолом показался еси ревнитель. Темже молися за ны, да возгоримся и мы огнем любве ко Владыце Христу, поюще всегда: Аллилуиа.

Икос 8

Весь распалился еси ревностию святою, хуления на Господа не терпя, и исполнился еси духа Божия, ослепление и безумие поклоняющихся ложным богам обличая. Сего ради царь нечестивый казнь наведе на тя, мучениче, горькую, бичми нестерпимо бия и раны нанося неисцельныя. Мы же тебе, похвалу поем:

Радуйся, зловерия обличителю дерзновенный;
Радуйся, в правду Божию яко в броню облеченный.
Радуйся, яко кости твоя от ран за Христа обнажахуся;
Радуйся, яко чистота души твоея тогда открышася.
Радуйся, яко наследовал еси небесныя селения;
Радуйся, яко и ныне обличаеши злых человек на Христа хуления.
Радуйся, за Христа острыми тростьми прободаемый;
Радуйся, сада райскаго цвете неувядаемый.
Радуйся, яко злато горнилом язв очищенный;
Радуйся, за Христа ударенный.
Радуйся, кончиною своею Богу угодивый;
Радуйся, даже до смерти мученической Его возлюбивый.
Радуйся, Вонифатие, мучениче многострадальный.

Кондак 9

Всего себе Господу Богу предав, страстотерпче Христов, егда нечестивый царь повеле раскрыти уста твоя и олово кипящее влити, руце своя воздвигл еси к небу, моляся: «Господи Боже мой Иисусе Христе, укрепивый мене в муках, пребуди и ныне со мною, моя страдания облегчи и не остави мене одолену быти лукавым князем», тем и нас любви ко Христу научаеши, поющих Богу: Аллилуиа.

Икос 9

Витии суемудреннии да рекут нам, како олово разжженное гортани твоея не опали, ниже инаго вреда тебе сотвори, мучениче Вонифатие, от Господа бо знамения победы над мучителем просил еси, и сие знамение тебе дано бысть, сего ради вси чудяхуся восклицаху: «Велий есть, Иисусе Христе, веруем, веруем в Тя, Господи», мы же славим тя, мучениче, сице:

Радуйся, яко тобою вернии просвещаются;
Радуйся, яко тобою от постыдныя смерти избавляются.
Радуйся, во единем Христе утешение полагаяй;
Радуйся, во страданиех призывати Бога научаяй.
Радуйся, яко мучителие тебе не превозмогоша;
Радуйся, яко страсти тебе не побороша.
Радуйся, ты бо терние грехов в себе попалил еси;
Радуйся, ты бо огнем не опален пребыл еси.
Радуйся, присно живый страстотерпче радостный;
Радуйся, молитвенниче наш благостный.
Радуйся, яко тобою очеса грехми ослепленныя отверзаются;
Радуйся, яко помощию твоею печали на радость прелагаются.
Радуйся, Вонифатие, мучениче многостра дальный.

Кондак 10

Спасен быти восхотев, пламенне возжелел еси до конца за Господа пострадати, мучениче Вонифатие, Емуже и возопил еси: «Господи, Господи Боже мой, сподоби мя милостей Твоих и буде ми помощник, да за беззакония моя, безумно содеянныя, враг не преградит ми пути к Небеси, приими с миром душу мою, вчини мя с мучениками, кровь за Тя пролившими и веру до конца соблюдшими», и ныне вопиющими Ти: Аллилуиа.

Икос 10

Стена крепкая, козньми врага не одоленная, пребыл еси до конца, мучениче Христов, егда же глава твоя от телеси отсечена бысть, о, чудесе! Абие кровь и млеко из раны тоя истекоша, яко и неверным, чудо сие зрящим, Христа прославити и с нами звати тебе:

Радуйся, яко мучения твоя зряще, множество людей ко Христу обратишася;
Радуйся, яко тебе ради на князя злобы они устремишася.
Радуйся, твоя бо кончина просвети умы помраченныя;
Радуйся, твоя бо славная смерть воскреси совести, во гресех погребенныя.
Радуйся, нераскаянных грешников обличение;
Радуйся, волею расслабленных от вина исцеление.
Радуйся, в нощи неведения блуждающим вразумление;
Радуйся, златая удице из глубины грехов влекущая ко спасению.
Радуйся, яко от Бога в молитвах услышан был еси;
Радуйся, яко в Небеснем Царствии воцарился еси.
Радуйся, порфирою от кровей твоих облеченный;
Радуйся, яко зриши ныне свет неизреченный.
Радуйся, Вонифатие, мучениче многостра дальный.

Кондак 11

Пение немолчное приносиши Господеви, мучениче Вонифатие, с мученническими лики Пресвятей Троице предстоя, за Нюже себе предал еси, да и мы души своя, аки невесты украсивше, нетленному Жениху Христу представим со священною песнею: Аллилуиа.

Икос 11

Свет любве и по смерти возсиял еси, Вонифатие дивный, егда бо друзи твою усеченную главу обретше плакахуся горько: «Рабе Христов, забуди нам грех неправеднаго осуждения и безрассудных руганий наших», тогда лик твой, яко лучами живыми, просветися, прощение им являя, сего ради с любовию тебе зовем:

Радуйся, имеяй уста кротости сладкове щанныя;
Радуйся, любве вместилище пространное.
Радуйся, о тебе бо веселится Церковь со своими чады;
Радуйся, ты бо пришел еси к Вышнему Небесному Граду.
Радуйся, в смерти своей апостолом равный;
Радуйся, ревностию по Бозе преславный.
Радуйся, житейския молвы обличаяй злыя сплетения;
Радуйся, всех нас от вражия избавляяй ловления.
Радуйся, ты бо защищаеши неправедно гонимыя;
Радуйся, пред Престолом Господним лампадо неугасимая.
Радуйся, по заповеди Христовой и врагов возлюбивый;
Радуйся, злословия и клеветы нивочтоже вменивый.
Радуйся, Вонифатие, мучениче многострадальный.

Кондак 12

Благодать исцелений точащия мощи твои егда к Риму приближахуся, Ангел Господень явися Аглаиде, глаголя: «Бывшаго ти древле раба, ныне же нашего брата и сослужебника приими, якоже владыку, и упокой добре, да грехи твоя оставятся, той бо с нами ныне в Небесных поет Всевышнему Богу: Аллилуиа».

Икос 12

Поюще чудеса твоя, храм дивный созда тебе, воине Христов, Аглаида, в нем же и мощи твоя положи, и сама, богатство нищим раздавши, и пятьдесят лет в подвизех поста и покаяния поживши, лика святых достиже. Темже величая чудеса твоя, прославим тя сице:

Радуйся, душу твою сотворивый храм Богу прекрасный;
Радуйся, чудных Божиих дел книго ясная.
Радуйся, внезапныя смерти избавляяй;
Радуйся, скорбныя жены от злых пианиц ограждаяй.
Радуйся, падшия к возстанию от грехов призываяй;
Радуйся, свет чистоты им подаваяй.
Радуйся, ты бо укрощаеши страстей огневицу;
Радуйся, тобою бо оставляем греховную темницу.
Радуйся, малыя чада от соблазнов мира соблюдаяй;
Радуйся, тыя Христову учению наставляяй.
Радуйся, вестниче трезвости во веки прославляемый;
Радуйся, угодниче Христов присно почитаемый.
Радуйся, Вонифатие, мучениче многострадальный.

Кондак 13

О, предивный мучениче Христов Вонифатие, приими от нас сие малое похвальное приношение, еже пред иконою твоею, колена преклоньше и руце свои к тебе простерши, тебе ныне просим: даруй нам твое пред Господом заступление, наипаче же погибающим от пианства исцеление ниспосли и жития благаго начало положити всех нас сподоби, да спасение улучивши молитвами твоими, во веки восхвалим Бога, поюще Ему: Аллилуиа.

Этот кондак читается трижды, затем 1-й икос и 1-й кондак.

Молитва первая

О, многострадальный и всехвальный мучениче Вонифатие! Ко твоему заступле нию ныне прибегаем. Молений наших, не отвержи, но милостиво услыши нас. Виждь братия и сестры наша (имена) тяжким недугом пианства одержимая, виждь того ради от Матере своея, Церкви Христовой, вечнаго спасения отпадающая. О, святый мучениче Христов Вонифатие, коснися сердец их данною ти от Бога благодатию, скоро возстави от падения греховнаго и ко спасительному воздержанию приведи их. Умоли Господа Бога, Его же ради и страдал еси, да простив нам согрешения наша, не отвратит милости Своея от сынов Своих, но да укрепит нас в трезвении и целомудрии, да поможет Своею десницею воздержание крепкое и спасительное Богу обещание свое до конца сохранити, во дни и в нощи о нем бодрствующе, и добрый ответ о нем воздати на Страшнем судище. Приими, угодниче Божий, молитвы матерей, о чадех своих слезы проливающих; жен честных, о мужех своих рыдающих ; чад сирых и убогих, от пианиц оставленных ; и всех нас, и да приидет сей вопль наш молитвами твоими ко Престолу Всевышняго, даровати всем по молитвам их здравие и спасение душ и телес, наипаче же Царствие Небесное. Покрый и соблюди нас от лукаваго ловления и всех козней вражиих, в страшный час исхода нашего помози преити непреткновенно воздушныя мытарства и молитвами твоими избави вечнаго осуждения. Умоли же Господа даровати нам ко Отечеству нашему любовь нелицемерную и волю непоколебимую пред врагами Церкви Святыя, видимыми и невидимыми, да покрыет нас милость Божия в нескончаемыя веки веков. Аминь.

Молитва вторая

О, святый угодниче Христов, страсто терпче и мучениче Вонифатие, душею на Небеси предстояй Престолу Божию и триипостасней славы Божией наслаждаяся, иконою святою на земли в Божественных храмех пребываяй и данною ти свыше благодатию различныя источаяй чудеса, призри милостивым оком на предстоящия люди и честней твоей иконе умильно молящиеся и просящия от тебе целебныя помощи и заступления, и испроси душам нашим оставление согрешений, сердцем сокрушеным и духом смиренным, тебе, ходатая милости ваго ко Владыце и молитвенника за ны грешныя призываем, яко приял еси от Него недуги отгоняти и страсти исцеляти, тебе убо просим: не презри нас недостойных, молящихся и твоея помощи требующих, буди нам в печалех утешитель, страждущих от пианства врач и исцелитель, во славу Божию трезвящихся скорый покровитель и готовейший предстатель, исходатайствуй всем вся, яже ко спасению полезная, яко да твоими ко Господу Богу молитвами получивше благодать и милость, прославим Всех Благих Источника, Бога Единаго в Троице Святей славимаго Отца и Сына и Святаго Духа, ныне и присно и во веки веков. Аминь.

Молитва третья

О, всесвятой Вонифатий, милостивый раб Милосердного Владыки! Услышь прибегающих к тебе, одержимых пагубным пристрастием к винопитию, и, как в своей земной жизни ты никогда не отказывал в помощи просящим тебя, так и теперь избавь этих несчастных (имена). Некогда, богомудрый отец, град побил твой виноградник, ты же, воздав благодаре ние Богу, велел немногие сохранившиеся грозды положить в точило и позвать нищих. Затем, взяв новое вино, ты разлил его по каплям во все сосуды, бывшие в епископии, и Бог, исполняющий молитву милости вых, совершил преславное чудо: вино в точило умножилось, и нищие наполнили свои сосуды. О, святитель Божий! Как по твоей
молитве умножилось вино для нужд церкви и для пользы убогих, так ты, блаженный, уменьши его теперь там, где оно приносит вред, избавь от пристрастия к нему предающихся постыдной страсти винопития (имена), исцели их от тяжкого недуга, освободи от бесовского искушения, утверди их, слабых, дай им, немощным, крепость и силу благоуспешно перенести это искушение, возврати их к здоровой, трезвой жизни, направь их на путь труда, вложи в них стремление к трезвости и духовной бодрости. Помоги им, угодник Божий Вонифатий, когда жажда вина станет жечь их гортань, уничтожь их пагубное желание, освежи их уста небесною прохладою, просвети их очи, поставь их ноги на скале веры и надежды, чтобы, оставив свое душевное пристрастие, влекущее за собоюотлучение от Небесного Царства, они утвердились в благочестии, удостоились непостыдной мирной кончины и в вечном свете безконечного Царства Славы достойно прославляли Господа нашего Иисуса Христа со Безначаль ным Его Отцем и с Пресвятым и Животво рящим Духом во веки веков. Аминь.

Тропарь, глас 4

К сословию послан мучеников, мученик был еси истинен, пострадав за Христа крепчайше, всехвальне; мощми же возвратился еси верою пославшей тя, Вонифатие блаженне; моли Христа Бога прияти нам грехов прощение.

Иной тропарь, глас 4

Мученик Твой, Господи, Вонифатий, во страдании своем венец прият нетленный от Тебе, Бога нашего; имеяй же крепость Твою, мучителей низложи, сокруши и демонов немощныя дерзости, того молитвами спаси души наша.

Кондак, глас 4

Священие непорочное самовольне тебе привел еси, Иже от Девы тебе ради родитися Хотящему, святе венченосче, премудре Вонифатие.

Акафист св. Вонифатию – это один из самых эффективных способов очищения заблудшей души от греха, духовная помощь в минуты отчаяния, надежная защита от тяжкого недуга. День памяти святого мученика Вонифатия отмечается православными христианами 1 января (по старому стилю – 19 декабря).

Акафист Вонифатию от запоя помогает в преодолении страсти пьянства. Какой бы тяжелой ни была ситуация, обращение к этому святому в течение долгого времени с верой в сердце и желанием выздороветь даст положительные результаты.

Слушать молитву святому Вонифатию

Акафист мученику Вонифатию — от пьянства was last modified: Июль 8th, 2017 by Bogolub

Конда́къ 1

Избра́нный во́ине Христо́въ, вѣнце́мъ сла́вы украше́нный, му́ченическою сме́ртію вѣ́чныя сме́рти изба́вивыйся, отъ мра́ка грѣхо́внаго отврати́выйся и къ вѣ́чному свѣ́ту прише́дый, пріими́ моле́ніе на́ше, въ похвалу́ тебѣ́ приноси́мое, и на́съ изба́ви отъ сѣте́й лука́ваго врага́ на́шего, да тебѣ́ съ ра́достію побѣ́дною зове́мъ:

Ра́дуйся, Вонифа́тіе, му́чениче многострада́льный.

Икосъ 1

Ангеломъ свѣ́тлымъ, о́гнь муче́ній твои́хъ росо́ю благода́ти угаси́вшимъ, огражде́нъ бы́лъ еси́, страда́льче Христо́въ Вонифа́тіе, да не когда́ я́ко грѣ́шникъ нераска́янный поги́бнеши, и предъ Го́сподемъ въ оде́ждѣ мра́чнѣй предста́неши. Научи́ и на́съ облещи́ся въ свѣ́тлыя ри́зы свя́тости, тебѣ́ зову́щихъ:

Ра́дуйся, жи́знь за Христа́ отда́вый; ра́дуйся, страда́ніямъ Его́ подража́вый. Ра́дуйся, о́чи своя́ къ Бо́гу обрати́вый; ра́дуйся, во́лю свою́ въ добродѣ́телѣхъ укрѣпи́вый. Ра́дуйся, ра́бе Христо́въ вѣ́рный; ра́дуйся, святы́й коне́цъ житія́ своего́ пріе́мый. Ра́дуйся, къ покая́нію сердца́ обраща́яй; ра́дуйся, ко Христу́, Пути́ и́стинному, приводя́й. Ра́дуйся, Ду́хомъ Святы́мъ просвѣще́нный; ра́дуйся, собла́знами мíра сего́ не прельще́нный. Ра́дуйся, змíя лука́ваго посрами́вый; ра́дуйся, святы́хъ ли́къ возвесели́вый.

Ра́дуйся, Вонифа́тіе, му́чениче многострада́льный.

Конда́къ 2

Ви́дя многомяте́жіе мíра сего́ и печа́ли земны́я, и сія́ вся́, я́ко пра́хъ вмѣни́въ, къ премíрнымъ возве́лъ еси́ у́мъ тво́й, страда́льче Христо́въ. На высоту́ богоразу́мія возше́дъ, Христа́ Бо́га предъ всѣ́ми исповѣ́далъ еси́. И ны́нѣ ду́ши всѣ́хъ во грѣсѣ́хъ погиба́ющихъ къ милосе́рдому Го́споду зове́ши, да во смире́ніи пока́ются и во слеза́хъ умиле́нно Ему́ вопію́тъ: Аллилу́ія.

Икосъ 2

Ра́зумъ трезве́ніемъ укрѣпи́лъ еси́ и страсте́й пла́мень покая́ніемъ угаси́лъ еси́, Вонифа́тіе преди́вный. Отъ За́пада на Восто́къ изъ Ри́ма прише́лъ еси́, спострада́ти Го́споду Іису́су Христу́ намѣ́реніе свято́е нося́, да благода́ть въ тебѣ́ преизоби́луетъ. И на́съ ны́нѣ въ хра́мъ Бо́жій привле́клъ еси́, тебѣ́ глаго́лющихъ:

Ра́дуйся, стра́сти побора́ти науча́яй; ра́дуйся, отча́яннымъ наде́жду спасе́нія подава́яй. Ра́дуйся, суету́ жи́зни земны́я позна́вый; ра́дуйся страда́нія своя́ предсказа́вый. Ра́дуйся, трезвя́щихся отра́до и одобре́ніе; ра́дуйся, немощны́хъ во́лею укрѣпле́ніе. Ра́дуйся, я́ко тобо́ю отъ пія́нства отвраща́емся; ра́дуйся, я́ко тобо́ю къ Бо́гу обраща́емся. Ра́дуйся, исцѣле́ній исто́чниче неисчерпа́емый; ра́дуйся, чуде́съ сокро́вище неоскудѣва́емое. Ра́дуйся, науча́яй при́сно возноси́ти у́мъ на́шъ къ Бо́гу; ра́дуйся, обрѣты́й и́стинную отъ грѣхо́въ свобо́ду.

Ра́дуйся, Вонифа́тіе, му́чениче многострада́льный.

Конда́къ 3

Си́ла милосе́рдія Бо́жія неизрече́нная на тебѣ́ откры́ся, и́бо житія́ твоего́, му́чениче, ди́вное повѣствова́ніе я́вно на́мъ сказу́етъ, ка́ко ве́ліи грѣ́шницы ми́лостиво Отце́мъ на́шимъ Бо́гомъ пріе́млются, егда́ Ему́ покая́ніе принесу́тъ. Та́ко и ты́ Бо́гу угоди́лъ еси́, и вмѣ́сто го́рькія сме́рти вѣ́чную жи́знь прія́лъ еси́. Научи́ и на́съ Бо́гу пѣ́ти всегда́: Аллилу́ія.

Икосъ 3

Имѣ́я ны́нѣ ра́дость вѣ́чную въ небе́сныхъ селе́ніяхъ, и на́съ на грѣ́шнѣй земли́ не забыва́еши, му́чениче Христо́въ Вонифа́тіе. Мы́ же, тружда́ющіися и обремене́нніи, къ тебѣ́ прибѣга́емъ: не оста́ви си́рыхъ и неду́жныхъ, по́мощи у тебе́ прося́щихъ, но мольбы́ на́ша на олта́рь небе́сный принеси́, да ра́достно тебѣ́ зове́мъ:

Ра́дуйся, бли́жняго, я́ко себе́ сама́го, возлюби́вый; ра́дуйся, во грѣсѣ́хъ се́рдце свое́ не ожесточи́вый. Ра́дуйся, стра́нникомъ и пу́тникомъ со вся́кимъ тща́ніемъ служи́вый; ра́дуйся, сего́ ра́ди но́щію сто́гны гра́да обходи́вый. Ра́дуйся, бога́тыя милосе́рдію науча́яй; ра́дуйся, си́рыя и вдови́цы защища́яй. Ра́дуйся, бѣ́дствующимъ до́брый предста́телю; ра́дуйся, за оби́димыхъ и унижа́емыхъ при́сный хода́таю. Ра́дуйся, нестерпи́мою жа́ждою пія́нства пали́мыя трезве́ніемъ прохлажда́яй; ра́дуйся, вина́ ра́ди обнища́вшія къ трезве́нію призыва́яй. Ра́дуйся, же́ны рыда́ющія утѣша́яй; ра́дуйся, сле́зы и́хъ ко Го́споду принося́й.

Ра́дуйся, Вонифа́тіе, му́чениче многострада́льный.

Конда́къ 4

Бу́ри грѣхо́вныя тебе́ не потопи́ша, ниже́ во́лны страсте́й покры́ша, му́чениче Христо́въ: не поги́блъ еси́, но ко Христу́ прише́лъ еси́ и жи́знь свою́, я́ко же́ртву благово́нную, Ему́, Сладча́йшему Спаси́телю на́шему, прине́слъ еси́. Моли́ся у́бо, да и мы́, въ жите́йскомъ мо́ри су́щіи, къ ти́хому приста́нищу, Го́споду Спаси́телю, притеце́мъ, въ умиле́ніи зову́ще: Аллилу́ія.

Икосъ 4

Слы́шимъ и мы́ ева́нгельскую при́тчу, ка́ко блу́дный сы́нъ на странѣ́ дале́че имѣ́ніе свое́ ижди́вый, отъ гла́да душе́внаго въ себѣ́ прише́дъ, во объя́тія о́тчи притече́, въ покая́ніи зовы́й: “Отче, согрѣши́хъ на не́бо и предъ тобо́ю”; та́ко и ты́, му́чениче Вонифа́тіе, не погуби́въ себе́, но отъ роже́цъ грѣха́ отврати́вся, ко Христу́ обрати́лся еси́. Мы же, исправле́нію твоему́ ра́дующіися, пое́мъ ти́ си́це:

Ра́дуйся, гла́дъ крѣ́покъ въ рабо́тѣ страсте́мъ испыта́вый; ра́дуйся, Христа́ Бо́га, я́ко Хлѣ́ба жива́го, взалка́вый. Ра́дуйся, пречи́стыя Кро́ви Его́, я́ко и́стиннаго питія́ пріобщи́выйся; ра́дуйся, я́ко пресла́внымъ му́ченикомъ приложи́выйся. Ра́дуйся, на крылѣ́хъ трезве́нія къ Бо́гу возлетѣ́вый; ра́дуйся, се́рдце свое́ горѣ́ имѣ́вый. Ра́дуйся, ко Го́споду си́лою Животворя́щаго Креста́ прише́дый; ра́дуйся, я́ко прія́лъ еси́ вѣне́цъ побѣ́ды. Ра́дуйся, души́ на́шея сокро́вище нетлѣ́нное; ра́дуйся, Це́ркве на́шея украше́ніе многоцѣ́нное. Ра́дуйся, красоты́ мíра сего́ отвергíй; ра́дуйся, грѣхо́вную оде́жду съ себе́ совлекíй.

Ра́дуйся, Вонифа́тіе, му́чениче многострада́льный.

Конда́къ 5

Богото́чную Кро́вь Христо́ву за всѣ́хъ на́съ, недосто́йныхъ, и кро́вь му́ченическую за Христа́ пролія́нную памяту́ющи, си́це тебѣ́ вѣща́ше Аглаи́да: “Са́мъ вѣ́си, ско́ль мно́гими грѣхми́ оскверне́ни есмы́, и о бу́дущемъ житія́ на́шаго небреже́мъ. Азъ же отъ боже́ственнаго му́жа слы́шахъ, я́ко му́чениковъ мо́щи спасе́ніе да́руютъ, и́же му́ченика я́ко храни́теля и хода́тая предъ Бо́гомъ и́мать”. – И мы́ тебѣ́ глаго́лемъ: “Ты́ еси́ на́шъ храни́тель и хода́тай предъ Го́сподемъ на́шимъ”, и́бо со а́нгелы предстои́ши Пресвятѣ́й Тро́ицѣ, поя́: Аллилу́ія.

Икосъ 5

Ви́димъ ны́нѣ и разумѣ́емъ, ка́ко сíи глаго́лы Аглаи́ды ду́шу твою́ пробуди́ша, и ты́ къ воздержа́нію призва́лъ еси́ себе́, му́чениче Вонифа́тіе. И на́мъ помози́ подража́ти тебѣ́, да не поги́бнемъ въ пучи́нѣ беззако́ній потопля́еми, но ра́достно тебѣ́ зове́мъ:

Ра́дуйся, отъ страсте́й, я́ко отъ поги́бельнаго сна́, пробуди́выйся; ра́дуйся, отъ у́зъ грѣхо́вныхъ свободи́выйся. Ра́дуйся, сомнѣва́ющихся въ милосе́рдіи Бо́жіемъ обличе́ніе; ра́дуйся, безконе́чныя ра́досте утвержде́ніе. Ра́дуйся, зовы́й на́съ къ по́двигу воздержа́нія; ра́дуйся, ты́ бо зна́меніемъ Креста́ посѣ́клъ еси́ страсте́й взыгра́нія. Ра́дуйся, стяжа́вый себѣ́ вѣ́чное имѣ́ніе; ра́дуйся, и на́съ пробужда́яй къ труду́ спасе́нія. Ра́дуйся, я́ко ви́нное весе́ліе презрѣ́лъ еси́; ра́дуйся, я́ко плотскíя ра́ны, я́ко беспло́тенъ, претерпѣ́лъ еси́. Ра́дуйся, за исповѣ́даніе Христа́ отъ враго́въ избіе́нный; ра́дуйся, нестерпи́мымъ огне́мъ за Него́ опале́нный.

Ра́дуйся, Вонифа́тіе, му́чениче многострада́льный.

Конда́къ 6

Проповѣ́дница поклоне́нія святы́мъ моще́мъ яви́ся Аглаи́да, госпожа́ твоя́, страда́льче Христо́въ, егда́ посла́ тя́ на Восто́къ святы́я мо́щи му́чениковъ, за вѣ́ру Христо́ву пострада́вшихъ, принести́, и́ми же благодѣя́нія источа́ются оби́льно, и вѣ́чное спасе́ніе подае́тся всѣ́мъ, къ му́ченическому ли́ку усе́рдно притека́ющимъ. Да́ждь и на́мъ утѣше́ніе отъ Го́спода прія́ти, Ему́ же а́нгельскую пѣ́снь прино́симъ: Аллилу́ія.

Икосъ 6

Возсія́лъ еси́ на́мъ, я́ко звѣзда́ незаходи́мая, ди́внымъ житіе́мъ твои́мъ, му́чениче преблаже́нне, и́го Христо́во ле́гкое и вседраго́е на себе́ пріе́мый и спасе́ніе получи́вый, пути́ бо благоче́стія безъ Христа́ Го́спода обрѣсти́ ника́коже возмо́жно е́сть. Тѣ́мже и на́съ моли́твами твои́ми въ го́рняя оби́тели приведи́, тя́ восхваля́ющихъ си́це:

Ра́дуйся, зако́на Христо́ва скрижа́ль богоначерта́нная; ра́дуйся, моли́твъ ко Го́споду мѵ́ро благоуха́нное. Ра́дуйся, пра́выя вѣ́ры Христо́вой сто́лпе о́гненный; ра́дуйся, честны́й вѣ́нче отъ за́повѣдей Бо́жіихъ, я́коже отъ ка́меній драги́хъ, устро́енный. Ра́дуйся, трезве́нія лѣ́ствице небовосхо́дная; ра́дуйся, болѣ́зни и ра́ны врачу́яй грѣхо́вныя. Ра́дуйся, я́ко отъ Го́спода Іису́са благода́ть и си́лу прія́лъ еси́; ра́дуйся, я́ко свѣ́тъ Христо́въ на́мъ возсія́лъ еси́. Ра́дуйся, воздержа́ніемъ отъ грѣхо́въ освяща́ти пра́здники на́съ науча́яй; ра́дуйся, отъ сме́ртнаго вина́ на́съ охраня́яй. Ра́дуйся, умерщвле́нныя страстьми́ свѣ́томъ Христо́вымъ оживля́яй; ра́дуйся, ты́я къ но́вому житію́ призыва́яй.

Ра́дуйся, Вонифа́тіе, му́чениче многострада́льный.

Конда́къ 7

Хотя́ отъити́ отъ до́му своего́ въ пу́ть на Восто́къ, кончи́ну житія́ твоего́ предре́клъ еси́, достохва́льне, Аглаи́дѣ глаго́ля: “Госпоже́ моя́, пріими́ мое́ тѣ́ло, за Христа́ му́чимое, егда́ его́ принесу́тъ ти́”; въ души́ твое́й мы́сль за Христа́ пострада́ти тая́, Ему́ сокрове́нно моли́лся еси́. И на́шу вѣ́ру укрѣпи́, да бу́демъ гото́ви и мы́ ея́ ра́ди страда́ти, Го́споду пою́ще: Аллилу́ія.

Икосъ 7

Ди́вному и пресла́вному исправле́нію твоему́ не вѣ́руя, помы́сли лука́вое въ се́рдцѣ свое́мъ Аглаи́да, грѣхо́мъ бо хуле́нія оболга́ти тя́ хотя́щи, та́ко отвѣща́ ти: “Ны́нѣ не глумле́нія вре́мя, бра́те, но благоговѣ́нія; вѣ́дый бу́ди, я́ко мо́щи святы́я и́маши носи́ти. Госпо́дь же да по́слетъ а́нгела Своего́ предъ тобо́ю и напра́витъ стопы́ твоя́ милосе́рдіемъ Свои́мъ”. Мы́ же чистоту́ се́рдца твоего́, ди́вный Вонифа́тіе, зря́ще, вопіе́мъ ти́:

Ра́дуйся, святы́хъ моще́й почита́телю; ра́дуйся, благоговѣ́нія о́браза на́мъ пода́телю. Ра́дуйся, безчи́нствъ храни́тися на́мъ повелѣ́вый; ра́дуйся, вся́, о ни́хъ же сы́нове вѣ́ка сего́ ра́дуются, презрѣ́вый. Ра́дуйся, извѣ́стный на́шъ помо́щниче; ра́дуйся, святы́хъ мы́слей таи́нниче. Ра́дуйся, всѣ́мъ борю́щимся со грѣхми́ покрови́телю; ра́дуйся, покая́нія на́шего предъ Бо́гомъ поручи́телю. Ра́дуйся, я́ко твои́ми моли́твами Госпо́дь оставля́етъ прегрѣше́нія; ра́дуйся, помога́яй на́мъ терпѣ́ти ско́рби и поноше́нія. Ра́дуйся, лико́мъ а́нгельскимъ сотвори́вый ра́дость и удивле́ніе; ра́дуйся, духо́въ зло́бы приведы́й въ посрамле́ніе.

Ра́дуйся, Вонифа́тіе, му́чениче многострада́льный.

Конда́къ 8

Стра́нно тебѣ́ бы́сть язы́ческое и́доломъ служе́ніе, и ты́, святы́й му́чениче, въ Та́рсъ прише́дъ, не преклони́лъ еси́ колѣ́нъ предъ бога́ми чужди́ми, но апо́столомъ показа́лся еси́ ревни́тель. Тѣ́мже моли́ся за ны́, да возгори́мся и мы́ огне́мъ любве́ ко Влады́цѣ Христу́, пою́ще всегда́: Аллилу́ія.

Икосъ 8

Ве́сь распали́лся еси́ ре́вностію свято́ю, хуле́нія на Го́спода не терпя́, и испо́лнился еси́ Ду́ха Бо́жія, ослѣпле́ніе и безу́міе покланя́ющихся ло́жнымъ бого́мъ облича́я. Сего́ ра́ди ца́рь нечести́вый ка́знь наведе́ на тя́, му́чениче, го́рькую, бичми́ нестерпи́мо бія́ и ра́ны нанося́ неисцѣ́льныя. Мы́ же тебѣ́ похвалу́ пое́мъ:

Ра́дуйся, зловѣ́рія обличи́телю дерзнове́нный; ра́дуйся, въ пра́вду Бо́жію, а́ки въ броню́ оболче́нный. Ра́дуйся, я́ко ко́сти твоя́ отъ ра́нъ за Христа́ обнажа́хуся; ра́дуйся, я́ко чистота́ души́ твоея́ тогда́ открыва́шася. Ра́дуйся, я́ко наслѣ́довалъ еси́ небе́сная селе́нія; ра́дуйся, я́ко и ны́нѣ облича́еши злы́хъ человѣ́къ на Христа́ хуле́нія. Ра́дуйся, за Христа́ о́стрыми тростьми́ пробода́емый; ра́дуйся, са́да ра́йскаго цвѣ́те неувяда́емый. Ра́дуйся, я́ко зла́то горни́ломъ я́звъ очище́нный; ра́дуйся, за Христа́ ударе́нный. Ра́дуйся, кончи́ною свое́ю Бо́гу угоди́вый; ра́дуйся, да́же до му́ченическія сме́рти Его́ возлюби́вый.

Ра́дуйся, Вонифа́тіе, му́чениче многострада́льный.

Конда́къ 9

Всего́ себе́ Го́споду Бо́гу преда́въ, страстоте́рпче Христо́въ, егда́ нечести́вый ца́рь повелѣ́ раскры́ти уста́ твоя́ и о́лово кипя́щее влія́ти, ру́цѣ своя́ воздви́глъ еси́ къ не́бу, та́ко моля́ся: “Го́споди, Бо́же мо́й, Іису́се Христе́, укрѣпи́вый мене́ въ му́кахъ, пребу́ди и ны́нѣ со мно́ю, моя́ страда́нія облегчи́ и не оста́ви мене́ одолѣ́ну бы́ти лука́вымъ кня́земъ”. Тѣ́мъ и на́съ любви́ ко Христу́ науча́еши, пою́щихъ Бо́гу: Аллилу́ія.

Икосъ 9

Витíи суему́дреніи да реку́тъ на́мъ, ка́ко о́лово разже́нное горта́ни твоея́ не опали́, ниже́ ина́го вреда́ тебѣ́ сотвори́, му́чениче Вонифа́тіе. Отъ Го́спода бо зна́менія побѣ́ды надъ мучи́телемъ проси́лъ еси́, и сіе́ зна́меніе тебѣ́ дано́ бы́сть. Сего́ ра́ди вси́ чудя́щеся восклица́ху: “Ве́лій е́сть Іису́съ Христо́съ, вѣ́руемъ въ Тя́, Го́споди”. Мы́ же сла́вимъ тя́, му́чениче, си́це:

Ра́дуйся, я́ко тобо́ю вѣ́рніи просвѣща́ются; ра́дуйся, я́ко тобо́ю отъ посты́дныя сме́рти избавля́ются. Ра́дуйся, во еди́нѣмъ Христѣ́ утѣше́ніе полага́яй; ра́дуйся, во страда́ніяхъ призыва́ти Бо́га науча́яй. Ра́дуйся, я́ко мучи́теліе тебе́ не превозмого́ша; ра́дуйся, я́ко стра́сти тебе́ не поборо́ша. Ра́дуйся, ты́ бо те́рнія грѣхо́въ въ себѣ́ попали́лъ еси́; ра́дуйся, ты́ бо огне́мъ неопале́нъ пребы́лъ еси́. Ра́дуйся, при́сно живы́й страстоте́рпче ра́достный; ра́дуйся, моли́твенниче на́шъ бла́гостный. Ра́дуйся, я́ко тобо́ю очеса́, грѣхми́ ослѣпле́нная, отверза́ются; ра́дуйся, я́ко по́мощію твое́ю печа́ли на ра́дость прелага́ются.

Ра́дуйся, Вонифа́тіе, му́чениче многострада́льный.

Конда́къ 10

Спасе́нъ бы́ти восхотѣ́въ, пла́меннѣ возжелѣ́лъ еси́ до конца́ за Го́спода пострада́ти, му́чениче Вонифа́тіе, Ему́же и возопи́лъ еси́: “Го́споди, Го́споди, Бо́же мо́й, сподо́би мя́ ми́лостей Твои́хъ и бу́ди ми́ помо́щникъ, да за беззако́нія моя́, безу́мно содѣ́янныя, вра́гъ не прегради́тъ ми́ пути́ къ небеси́; пріими́ съ ми́ромъ ду́шу мою́, вчини́ мя́ съ му́чениками, кро́вь за Тя́ пролія́вшими и вѣ́ру до конца́ соблю́дшими”, и ны́нѣ вопію́щими Ти́: Аллилу́ія.

Икосъ 10

Стѣна́ крѣ́пкая, ко́зньми врага́ неодолѣ́нная, пребы́лъ еси́ до конца́, му́чениче Христо́въ. Егда́ же глава́ твоя́ отъ тѣлесе́ отсѣче́на бы́сть, о чудесе́! а́біе кро́вь и млеко́ изъ ра́ны тоя́ истеко́ша, я́ко и невѣ́рнымъ, чу́до сіе́ зря́щимъ, Христа́ просла́вити и съ на́ми зва́ти тебѣ́:

Ра́дуйся, я́ко муче́нія твоя́ зря́ще, мно́жество люде́й ко Христу́ обрати́шася; ра́дуйся, я́ко тебе́ ра́ди на кня́зя зло́бы они́ устреми́шася. Ра́дуйся, твоя́ бо кончи́на просвѣти́ умы́ помраче́нныя; ра́дуйся, твоя́ бо сла́вная сме́рть воскреси́ со́вѣсти во грѣсѣ́хъ погребе́нныя. Ра́дуйся, нераска́янныхъ грѣ́шниковъ обличе́ніе; ра́дуйся, во́лей разсла́бленныхъ отъ вина́ исцѣле́ніе. Ра́дуйся, въ нощи́ невѣ́дѣнія блужда́ющихъ вразумле́ніе; ра́дуйся, злата́я у́дице, изъ глубины́ грѣхо́въ влеку́щая ко спасе́нію. Ра́дуйся, я́ко отъ Бо́га въ моли́твахъ услы́шанъ бы́лъ еси́; ра́дуйся, я́ко въ небе́снѣмъ Ца́рствѣ всели́лся еси́. Ра́дуйся, порфи́рою отъ крове́й твои́хъ облече́нный; ра́дуйся, я́ко зри́ши ны́нѣ свѣ́тъ неизрече́нный.

Ра́дуйся, Вонифа́тіе, му́чениче многострада́льный.

Конда́къ 11

Пѣ́ніе немо́лчное прино́сиши Го́сподеви, му́чениче Вонифа́тіе, съ му́ченическими ли́ки Пресвятѣ́й Тро́ицѣ предстоя́, за Ню́же себе́ пре́далъ еси́, да и мы́, ду́ши своя́, а́ки невѣ́сты, укра́сивше, нетлѣ́нному Жениху́ Христу́, предста́вимъ со освяще́нною пѣ́снію: Аллилу́ія.

Икосъ 11

Свѣ́тъ любве́ и по сме́рти возсія́лъ еси́, Вонифа́тіе ди́вный, егда́ бо дру́зи твою́ усѣче́нную главу́ обрѣ́тше, пла́кахуся го́рько, глаго́люще: “Ра́бе Христо́въ, забу́ди на́мъ грѣ́хъ непра́веднаго осужде́нія и безразсу́дныхъ руга́ній на́шихъ”. Тогда́ ли́къ тво́й, я́ко луча́ми живы́ми просвѣти́ся, проще́ніе и́мъ явля́я. Сего́ ра́ди съ любо́вію тебѣ́ зове́мъ:

Ра́дуйся, имѣ́яй уста́ кро́тости сладковѣща́нныя; ра́дуйся, любве́ вмѣсти́лище простра́нное. Ра́дуйся, о тебѣ́ бо весели́тся Це́рковь со свои́ми ча́ды; ра́дуйся, ты́ бо преше́лъ еси́ къ вы́шнему небе́сному гра́ду. Ра́дуйся, въ сме́рти свое́й апо́столомъ ра́вный; ра́дуйся, ре́вностію по Бо́зѣ пресла́вный. Ра́дуйся, жите́йскія молвы́ облича́яй злы́я сплете́нія; ра́дуйся, всѣ́хъ на́съ отъ вра́жія избавля́яй ловле́нія. Ра́дуйся, ты́ бо защища́еши непра́ведно гони́мыя; ра́дуйся, предъ престо́ломъ Госпо́днимъ лампа́до неугаси́мая. Ра́дуйся, по за́повѣди Христо́вой и враго́въ люби́вый; ра́дуйся, злосло́вія и клеветы́ позабы́вый.

Ра́дуйся, Вонифа́тіе, му́чениче многострада́льный.

Конда́къ 12

Благода́ть исцѣле́ній точа́щія мо́щи твоя́, егда́ къ Ри́му приближа́хуся, а́нгелъ Госпо́день яви́ся Аглаи́дѣ, глаго́ля: “Бы́вшаго ти́ дре́вле раба́, ны́нѣ же на́шего бра́та и сослуже́бника пріими́, я́коже влады́ку, и упоко́й до́брѣ, да грѣси́ твои́ оста́вятся”, то́й бо съ на́ми ны́нѣ въ небесѣ́хъ пое́тъ Всевы́шнему: Аллилу́ія.

Икосъ 12

Пою́щи твоя́ чудеса́, хра́мъ ди́вный созда́ тебѣ́, во́ине Христо́въ, Аглаи́да, въ не́мъ же и мо́щи твоя́ положи́, и сама́, бога́тство ни́щимъ разда́вши и пятьна́десятъ лѣ́тъ въ по́двизѣхъ поста́ и покая́нія пожи́вши, ли́ка святы́хъ дости́же. Тѣ́мже, велича́юще чудеса́ твоя́, прославля́емъ тя́ си́це:

Ра́дуйся, ду́шу свою́ сотвори́вый, хра́мъ Бо́гу прекра́сный; ра́дуйся, чу́дныхъ Бо́жіихъ дѣ́лъ кни́го я́сная. Ра́дуйся, отъ внеза́пныя сме́рти избавля́яй; ра́дуйся, ско́рбныя же́ны отъ злы́хъ пія́ницъ огражда́яй. Ра́дуйся, па́дшія къ возста́нію отъ грѣхо́въ призыва́яй; ра́дуйся, свѣ́тъ чистоты́ и́мъ подава́яй. Ра́дуйся, ты́ бо укроща́еши страсте́й огневи́цу; ра́дуйся, тобо́ю бо оставля́емъ грѣхо́вную темни́цу. Ра́дуйся, ма́лая ча́да отъ собла́зновъ мíра соблюда́яй; ра́дуйся, ты́я Христо́ву уче́нію наставля́яй. Ра́дуйся, вѣ́стниче тре́звости, во вѣ́ки прославля́емый; ра́дуйся, уго́дниче Христо́въ, при́сно почита́емый.

Ра́дуйся, Вонифа́тіе, му́чениче многострада́льный.

Конда́къ 13

О, преди́вный му́чениче Христо́въ Вонифа́тіе! Пріими́ отъ на́съ сіе́ ма́лое похва́льное приноше́ніе, е́же предъ ико́ною твое́ю колѣ́на прекло́ньше, и ру́цѣ свои́ къ тебѣ́ просте́рше, тебѣ́ ны́нѣ прино́симъ; и да́руй на́мъ твое́ предъ Го́сподемъ заступле́ніе, наипа́че же погиба́ющимъ отъ пія́нства бра́тіямъ на́шимъ исцѣле́ніе ниспосли́, житія́ блага́го нача́ло положи́ти всѣ́хъ на́съ сподо́би, да спасе́ніе улучи́вше моли́твами твои́ми, во вѣ́ки восхва́лимъ Бо́га, пою́ще Ему́: Аллилу́ія, аллилу́ія, аллилу́ія.

Се́й конда́къ глаго́лется три́жды. Та́же Икосъ 1-й и Конда́къ 1-й

Мо́литва пе́рвая свято́му му́ченику Вонифа́тію

О, многострада́льный и всехва́льный му́чениче Вонифа́тіе! Ко твоему́ заступле́нію ны́нѣ прибѣга́емъ, моле́ній на́съ, пою́щихъ тебе́, не отве́ржи, но ми́лостиво услы́ши на́съ. Ви́ждь бра́тію се́стры на́ша, тя́жкимъ неду́гомъ пія́нства одержи́мыя, ви́ждь того́ ра́ди отъ ма́тере своея́ Це́ркве Христо́вой и вѣ́чнаго спасе́нія отпа́дающія. О, святы́й му́чениче Христо́въ, косни́ся се́рдцу и́хъ да́нною ти́ отъ Бо́га благода́тію, ско́ро возста́ви отъ паде́ній грѣхо́вныхъ и ко спаси́тельному воздержа́нію приведи́ и́хъ. Умоли́ Го́спода Бо́га, Его́же ра́ди страда́лъ еси́, да, прости́въ на́мъ согрѣше́нія на́ша, не отврати́тъ ми́лости Своея́ отъ сыно́въ Свои́хъ, но да укрѣпи́тъ въ на́съ трезве́ніе и цѣлому́дріе, да помо́жетъ Свое́ю десни́цею трезвя́щимся спаси́тельный обѣ́тъ сво́й до конца́ сохрани́ти, во дни́ и въ нощи́ о не́мъ бо́дрствующе, и до́брый отвѣ́тъ о не́мъ на возда́ти на стра́шнѣмъ Суди́щѣ.

Пріими́, уго́дниче Бо́жій, моли́твы ма́терей, о ча́дѣхъ свои́хъ сле́зы пролива́ющихъ; же́нъ честны́хъ, о мужѣ́хъ свои́хъ рыда́ющихъ; ча́дъ си́рыхъ и убо́гихъ, отъ пія́ницъ оста́вленныхъ; всѣ́хъ на́съ, ико́нѣ твое́й припа́дающихъ, и да пріи́детъ се́й во́пль на́шъ моли́твами твои́ми ко престо́лу Всевы́шняго, дарова́ти всѣ́мъ, по моли́твамъ и́хъ, здра́віе и спасе́ніе ду́шъ и тѣле́съ, наипа́че же Ца́рствіе небе́сное.

Покры́й и соблюди́ на́съ отъ лука́ваго ловле́нія и всѣ́хъ ко́зней вра́жіихъ, въ стра́шный ча́съ исхо́да на́шего помози́ прейти́ непреткнове́нно возду́шныя мыта́рства, и моли́твами твои́ми изба́ви вѣ́чнаго осужде́нія.

Умоли́ же Го́спода дарова́ти на́мъ къ оте́честву на́шему любо́вь нелицемѣ́рную и непоколеби́мую, предъ врага́ми Це́ркве святы́я, ви́димыми и неви́димыми, си́лу непобѣди́мую, да покры́етъ на́съ ми́лость Бо́жія въ несконча́емыя вѣ́ки вѣко́въ. Ами́нь.

Моли́тва втора́я свято́му му́ченику Вонифа́тію

О, всехва́льный му́чениче Вонифа́тіе! Кíя пѣ́сни воспое́мъ ти́, вѣ́чною красото́ю украше́нному? Кíй вѣне́цъ сплете́мъ, свѣ́тлостію одѣ́янному? Кíи да́ры принесе́мъ ти́, всѣ́ми бла́гами обогаще́нному? Вся́ у́бо съ любо́вію пріе́млеши: и слове́съ кра́сная и сла́дкая пѣ́нія, и честны́я да́ры – свѣщи́, еле́й и кади́ло благоуха́нное. Но ничто́же та́ко ти́ уго́дно быва́етъ, я́ко житіе́ непоро́чное, нра́въ благíй, душа́ чи́стая, се́рдце кро́ткое, тѣ́ло чистото́ю освяще́нное, любо́вь къ Бо́гу те́плая и ко бли́жнему нелицемѣ́рная, моли́тва ча́стая и прилѣ́жная, воздыха́нія умиле́нная, страсте́й умерщвле́ніе, оче́съ цѣлому́дріе, язы́ка воздержа́ніе, настоя́щихъ бла́гъ презрѣ́ніе и бу́дущихъ жела́ніе, о сме́рти поуче́ніе, воскресе́нія ча́яніе, вѣ́чныхъ му́къ трепета́ніе, Ца́рства небе́снаго всера́достная наде́жда. Си́ми дарми́ на́мъ ниспосли́, святы́й му́чениче, угоди́ти Го́сподеви во и́мя твое́ вседраго́е, да сподо́бимся отъ Всеще́драго Бо́га бога́тыя ми́лости.

Твои́мъ предста́тельствомъ и те́плымъ заступле́ніемъ отъ озлобле́нія ви́димыхъ и неви́димыхъ вра́гъ на́съ изба́ви, да въ настоя́щемъ вѣ́цѣ ми́рное и безмяте́жное житіе́ поживе́мъ, въ бу́дущемъ же всера́достнаго и безконе́чнаго Ца́рствія прича́стницы бу́демъ во вѣ́ки вѣко́въ. Ами́нь.

Моли́тва тре́тія свято́му му́ченику Вонифа́тію

О, святы́й уго́дниче Христо́въ, страстоте́рпче и му́чениче Вонифа́тіе! Душе́ю на небеси́ предстоя́й престо́лу Бо́жію, и Тріѵпоста́сныя Сла́вы Бо́жія наслажда́яйся, ико́ною свято́ю на земли́ въ Боже́ственныхъ хра́мѣхъ пребыва́яй, и да́нною ти́ свы́ше благода́тію разли́чныя источа́яй чудеса́. При́зри ми́лостивымъ твои́мъ о́комъ на предстоя́щія лю́ди и честнѣ́й твое́й ико́нѣ уми́льно моля́щіяся и прося́щія отъ тебе́ цѣле́бныя по́мощи и заступле́нія, и испроси́ душа́мъ на́шимъ оставле́ніе согрѣше́ній. Се́рдцемъ сокруше́нымъ и ду́хомъ смире́ннымъ, тебе́, хода́тая ми́лостива ко Влады́цѣ и моли́твенника за ны́ грѣ́шныя призыва́емъ, я́ко прія́лъ еси́ отъ Него́ неду́ги отгоня́ти и стра́сти исцѣля́ти. Тебе́ у́бо про́симъ: не пре́зри на́съ недосто́йныхъ, моля́щихся ти́ и твоея́ по́мощи тре́бующихъ; бу́ди на́мъ въ печа́лѣхъ утѣ́шитель, стра́ждущимъ отъ пія́нства вра́чь и исцѣли́тель, во сла́ву Бо́жію трезвя́щимся ско́рый покрови́тель и гото́вѣйшій предста́тель; исхода́тайствуй всѣ́мъ вся́, я́же ко спасе́нію поле́зная, я́ко да твои́ми ко Го́споду Бо́гу моли́твами получи́вше благода́ть и ми́лость, просла́вимъ всѣ́хъ благи́хъ Исто́чника и Дарода́теля Бо́га, Еди́наго въ Тро́ицѣ Святѣ́й сла́вимаго, Отца́ и Сы́на и Свята́го Ду́ха, ны́нѣ и при́сно и во вѣ́ки вѣко́въ. Ами́нь.

Тропа́рь, гла́съ 4

Къ сосло́вію по́сланъ му́чениковъ, му́ченикъ бы́лъ еси́ и́стиненъ, пострада́въ за Христа́ крѣпча́йше, всехва́льне, мощми́ же возврати́лся еси́ вѣ́рою посла́вшей тя́, Вонифа́тіе блаже́нне, моли́ Христа́ Бо́га прія́ти на́мъ грѣхо́въ проще́ніе.

Сла́ва, и ны́нѣ, богоро́диченъ, гла́съ то́йже

Еже отъ вѣ́ка утае́нное, и а́нгеломъ несвѣ́домое та́инство: Тобо́ю, Богоро́дице, су́щимъ на земли́ яви́ся, Бо́гъ въ несли́тномъ соедине́ніи воплоща́емь, и кре́стъ во́лею на́съ ра́ди воспріи́мъ, и́мже воскреси́въ первозда́ннаго, спасе́ отъ сме́рти ду́ши на́ша.

Конда́къ, гла́съ 4

Свяще́ніе непоро́чное самово́льнѣ Тебе́ приве́лъ еси́, Иже отъ Дѣ́вы тебе́ ра́ди роди́тися хотя́щему, свя́те вѣнчено́сче, прему́дре Вонифа́тіе.

Велича́ніе

Велича́емъ тя́, страстоте́рпче святы́й Вонифа́тіе, и чте́мъ честна́я страда́нія твоя́, я́же за Христа́ претепѣ́лъ еси́.

Избранный воине Христов, венцем славы украшенный, мученической смертию вечныя смерти избавивыйся, от мрака греховнаго отвративыйся и к вечному свету пришедый, приими моление наше, в похвалу тебе приносимое, и нас избави от сетей лукаваго врага нашего, да тебе с радостию победною зовем: радуйся, Вонифатие, мучениче многострадальный.

Икос 1

Ангелом светлым, огнь мучений твоих росою благодати угасившим, огражден был еси, страдальче Христов Вонифатие, да не когда яко грешник нераскаянный погибнеши и пред Господем в одежде мрачней предстанеши. Научи и нас облещися в светлыя ризы святости, тебе зовущих:

Радуйся, жизнь за Христа отдавый.

Радуйся, страданиям Его подражавый.

Радуйся, очи своя к Богу обративый.

Радуйся, волю свою в добродетелех укрепивый.

Радуйся, рабе Христов верный.

Радуйся, святый конец жития своего приемый.

Радуйся, к покаянию сердца обращаяй.

Радуйся, ко Христу, пути истинному приводяй.

Радуйся, Духом Святым просвещенный.

Радуйся, соблазнами мира сего не прельщенный.

Радуйся, змия лукаваго посрамивый.

Радуйся, Святых лик возвеселивый.

Радуйся, Вонифатие, мучениче многострадальный.

Кондак 2

Видя многомятежие мира сего и печали земныя, и сия вся, яко прах вменив, к премирным возвел еси ум твой, страдальче Христов, на высоту Богоразумия возшед, Христа Бога пред всеми исповедал еси и ныне души всех во гресех погибающих к милосердному Господу зовеши, да во смирении покаются и во слезах умиленных Ему вопиют: Аллилуиа.

Икос 2

Разум трезвением укрепил еси и страстей пламень покаянием угасил еси, Вонифатие предивный. От Запада на Восток из Рима пришел еси спострадати Господу Иисусу Христу намерение святое нося, да благодать в тебе преизобилует и нас ныне в Храм Божий привлекл еси, тебе глаголющих:

Радуйся, страсти поборати научаяй.

Радуйся, отчаянным надежду спасения подаваяй.

Радуйся, суету жизни земныя познавый.

Радуйся, страдания своя предсказавый.

Радуйся, трезвящихся отрадо и одобрение.

Радуйся, немощных волею укрепление.

Радуйся, яко тобою от пианства отвращаемся.

Радуйся, яко тобою к Богу обращаемся.

Радуйся, исцелений источниче неисчерпаемый.

Радуйся, чудес сокровище неоскудеваемое.

Радуйся, научаяй присно возносити ум наш к Богу.

Радуйся, обретый истинную от грехов свободу.

Радуйся, Вонифатие, мучениче многострадальный.

Кондак 3

Сила милосердия Божия неизреченная на тебе открыся, ибо жития твоего, мучениче, дивное повествование явно нам сказует, како велии грешницы милостиво Отцем нашим Богом приемлются, егда Ему покаяние принесут. Тако и ты Богу угодил еси и вместо горькия смерти вечную жизнь приял еси, научи и нас Богу пети всегда: Аллилуиа.

Икос 3

Имея ныне радость вечную в небесных селениих, и нас на грешней земли не забываеши, мучениче Христов Вонифатие. Мы же труждающиися и обремененнии к тебе прибегаем: не остави сирых и недужных, помощи у тебе просящих, но мольбы наша на алтарь небесный принеси, да радостно тебе зовем:

Радуйся, ближняго, яко себе самого возлюбивый.

Радуйся, во гресех сердце свое не ожесточивый.

Радуйся, странником и путником со всяким тщанием служивый.

Радуйся, сего ради нощию стогны града обходивый.

Радуйся, богатыя милосердию научаяй.

Радуйся, сирыя и вдовицы защищаяй.

Радуйся, бедствующим добрый предстателю.

Радуйся, за обидимых и унижаемых присный ходатаю.

Радуйся, нестерпимою жаждою пианства палимыя трезвленном прохлаждаяй.

Радуйся, вина ради обнищавшия к трезвлению призываяй.

Радуйся, жены рыдающия утешаяй.

Радуйся, слезы их ко Господу приносяй.

Радуйся, Вонифатие, мучениче многострадальный.

Кондак 4

Бури греховный тебе не потопиша, ниже волны страстей покрыша, мучениче Христов: не погибл еси, но ко Христу пришел еси и жизнь свою яко жертву благовонную Ему, сладчайшему Спасителю нашему, принесл еси. Молися убо, да и мы в житейском море сущий к тихому пристанищу, Господу Спасителю, притецем, в умилении зовуще: Аллилуиа.

Икос 4

Слышим и мы евангельскую притчу, како блудный сын на стране далече имение свое иждивый, от глада душевнаго .в себе пришед, во объятия отчи притече, в покаянии .зовый: “Отче! Согреших на небо и пред тобою”, тако и ты, мучениче Вонифатие, не погубив себе, но от рожец греха отвратився, ко Христу обратился еси. Мы же исправлению твоему радующеся, поем ти сице:

Радуйся, глад крепок в работе страстем испытавый.

Радуйся, Христа Бога, яко хлеба живаго взалкавый.

Радуйся, пречистыя крови Его, яко истиннаго питания приобщивыйся.

Радуйся, яко преславным мучеником приложивыйся.

Радуйся, на крылех трезвения к Богу возлетевый.

Радуйся, сердце свое горе имевый.

Радуйся, ко Господу силой Животворящаго Креста пришедый.

Радуйся, яко приял еси венец победы.

Радуйся, души нашея сокровище нетленное.

Радуйся, Церкве нашея украшение многоценное.

Радуйся, красоты мира сего отвергни.

Радуйся, греховную одежду с себе совлекий.

Радуйся, Вонифатие, мучениче многострадальный.

Кондак 5

Боготочную кровь Христову, за всех нас недостойных и кровь мученическую за Христа пролиянную памятующи, сице тебе вещаше Аглаида: “Сам веси, сколь многими грехми осквернени есмы и о будущем жития нашаго небрежем. Аз же от Божественнаго Мужа слышах, яко мучеников мощи спасение даруют, иже мученика яко хранителя и ходатая пред Богом имать”. И мы тебе глаголем: ты еси наш хранитель и ходатай пред Господом нашим, ибо со ангелы предстоиши Пресвятей Троице, поя: Аллилуиа.

Икос 5

Видим ныне и разумеем, како сии глаголы Аглаиды душу твою пробудиша, и ты к воздержанию призвал еси себе, мучениче Вонифатие, и нам помози подражати тебе, да не погибнем в пучине беззакония потопляеми, но радостно тебе зовем:

Радуйся, от страстей, яко от погибельнаго сна пробудивыйся.

Радуйся, от уз греховных свободивыйся.

Радуйся, сомневающихся в милосердии Божием обличение.

Радуйся, безконечныя радосте утверждение.

Радуйся, зовый нас к подвигу воздержания.

Радуйся, ты бо знамением Креста посекл еси страстей взыграние.

Радуйся, стяжавый себе вечное имение.

Радуйся, и нас пробуждали к труду спасения.

Радуйся, яко винное веселие презрел еси.

Радуйся, плотския раны, яко бесплотен, претерпел еси.

Радуйся, за исповедание Христа от врагов избиенный.

Радуйся, нестерпимым огнем за Него опаленный.

Радуйся, Вонифатие, мучениче многострадальный.

Кондак 6

Проповедница поклонения святым мощем явися Аглаида, госпожа твоя, страдальче Христов, егда посла тя на Восток святыя мощи мучеников, за веру Христову пострадавших, принести, имиже благодеяния источаются обильно, и вечное спасение подается всем, к мученическому лику усердно притекающим. Даждь и нам утешение от Господа прияти, Емуже ангельскую песнь приносим: Аллилуиа.

Икос 6

Возсиял еси нам, яко звезда незаходимая, дивным житием твоим, мучениче преблаженне, иго Христово легкое и вседрагое на себе приемый и спасение получивый, пути бо благочестия без Христа Господа обрести никакоже возможно есть. Темже и нас молитвами твоими в горняя обители приведи, тя восхваляющих сице:

Радуйся, закона Христова скрижаль, Богом начертанная.

Радуйся, молитв к Господу миро благоуханное.

Радуйся, правыя веры Христовой столпе огненный.

Радуйся, честный венче от заповедей Божиих, якоже от камений драгих устроенный.

Радуйся, трезвения лествице небовосходная.

Радуйся, болезни и раны врачуяй греховныя.

Радуйся, яко от Господа Иисуса благодать и силу приял еси.

Радуйся, яко свет Христов сим возсиял еси.

Радуйся, воздержанием от грехов освящати праздники нас научаяй.

Радуйся, от смертнаго вина нас охраняяй.

Радуйся, умерщвленныя страстьми светом Христовым оживляяй.

Радуйся, тыя к новому житию призываяй.

Радуйся, Вонифатие, мучениче многострадальный.

Кондак 7

Хотя отьити от дому своего в путь на Восток, кончину жития твоего предрекл еси, достохвальне, Аглаиде глаголя: “Госпоже моя, приими мое тело, за Христа мучимое, егда его принесут ти”. В душе твоей мысль за Христа пострадати тая, Ему сокровенно молился еси; и нашу веру укрепи, да будем готови и мы ея ради страдати, Господу поюще: Аллилуиа.

Икос 7

Дивному и преславному исправлению твоему не веруя, помысли лукавое в сердце своем Аглаида, грехом бо хуления оболгати тя хотяще, тако отвеща ти: “Ныне не глумления время, брате, но благоговения, ведый буди, яко мощи святыя имаши носити. Господь же да поедет ангела Своего пред тобою и направит стопы твоя милосердием Своим”.

Мы же чистоту сердца твоего, дивный Вонифатие, зряще, вопием ти:

Радуйся, святых мощей почитателю.

Радуйся, благоговения образа нам подателю.

Радуйся, безчинств хранитися нам повелевый.

Радуйся, вся, о нихже сынове века сего радуются, презревый.

Радуйся, известный наш помощниче. Радуйся, святых мыслей таиниче.

Радуйся, всем борющимся со грехами покровителю.

Радуйся, покаяния нашего пред Богом поручителю.

Радуйся, яко твоими молитвами Господь оставляет прегрешения.

Радуйся, помогаяй нам терпети скорби и поношения.

Радуйся, ликом ангельским сотворивый радость и удивление.

Радуйся, духов злобы приведый в посрамление.

Радуйся, Вонифатие, мучениче многострадальный.

Кондак 8

Странно тебе бысть языческое идолом служение, и ты, святый мучениче, в Таре пришед, не преклонил еси колен пред богами чуждыми, но апостолом показался еси ревнитель. Темже молися за ны, да возгоримся и мы огнем любве ко Владыце Христу поюще всегда: Аллилуиа.

Икос 8

Весь распалился еси ревностию святою, хуления на Господа не терпя, и исполнился еси Духа Божия, ослепление и безумие поклоняющихся ложным богам обличая. Сего ради царь нечестивый казнь наведе на тя, мучениче, горькую, бичми нестерпимо бия и раны нанося неисцельныя. Мы же похвалу поем:

Радуйся, зловерия обличителю дерзновенный.

Радуйся, в правду Божию, аки в броню облеченный.

Радуйся, яко кости твоя за Христа обнажахуся.

Радуйся, яко чистота души твоея тогда открывашася.

Радуйся, яко наследовал еси небесная селения.

Радуйся, яко и ныне обличаеши злых человек на Христа хуления.

Радуйся, за Христа острыми тростьми прободаемый.

Радуйся, Сада Райскаго цвете неувядаемый.

Радуйся, яко злато горнилом язв очищенный.

Радуйся, за Христа ударенный.

Радуйся, кончиною своею Богу угодивый.

Радуйся, даже до смерти мученической его возлюбивый.

Радуйся, Вонифатие, мучениче многострадальный.

Кондак 9

Всего себе Господу Богу предав страстотерпче Христов, егда нечестивый царь повеле раскрыти уста твоя и олово кипящее влити, руце своя воздвигл еси к небу, тако моляся: “Господи, Боже мой, Иисусе Христе, укрепивый мене в муках, пребуди и ныне со мною, моя страдания облегчи и не остави мене одолену быти лукавым князем”. Тем и нас любви ко Христу научаеши, поющих Богу: Аллилуиа.

Икос 9

Витии суемудрении да рекут нам, како олово разжженое гортани твоея не опали, ниже инаго вреда тебе сотвори, мучениче Вонифатие. От Господа бо знамения победы над мучителем просил еси и сие знамение тебе дано бысть. Сего ради вей чудящеся восклицаху: “Велий есть Иисус Христос, веруем в Тя, Господи”. Мы же славим тя, мучениче, сице:

Радуйся, яко тобою вернии просвещаются.

Радуйся, яко тобою от постыдныя смерти избавляются.

Радуйся, во единем Христе утешение полагаяй.

Радуйся, во страданиях призывати Бога научаяй.

Радуйся, яко мучителие тебе не превозмогоша.

Радуйся, яко страсти тебе не побороша.

Радуйся, ты бо терния грехов в себе попалил еси.

Радуйся, ты бо огнем неопален пребыл еси.

Радуйся, присно живый страстотерпче радостный.

Радуйся, молитвенниче наш благостный.

Радуйся, яко тобою очеса грехми ослепленная отверзаются.

Радуйся, яко помощию твоею печали на радость прелагаются.

Радуйся, Вонифатие, мучениче многострадальный.

Кондак 10

Спасен быти восхотев, пламенно возжелал еси до конца за Господа пострадати, мучениче Вонифатие, Емуже и возопил еси: “Господи, Господи, Боже мой сподоби мя милостей Твоих и буди ми помощник, да за беззакония моя, безумно содеянные, враг не преградит ми пути к небеси: приими с миром душу мою, вчини мя с мучениками, кровь за Тя пролившими и веру до конца соблюдшими”, и ныне вопиющими: Аллилуиа.

Икос 10

Стена крепкая, козньми врага неодоленная, пребыл еси до конца, мучениче Христов. Егда же глава твоя от телесе отсечена бысть, о чудесе! Абие кровь и млеко из раны тоя истекоша, яко и неверным, чудо сие зрящим, Христа прославити и с ними звати тебе:

Радуйся, яко мучения твоя зряще, множество людей ко Христу обратишася.

Радуйся, яко тебе ради на князя злобы они устремишася.

Радуйся, твоя бо кончина просвети умы помраченныя.

Радуйся, твоя бо славная смерть воскреси совести во гресех погребенныя.

Радуйся, нераскаянных грешников обличение.

Радуйся, волей расслабленных от вина исцеление.

Радуйся, в нощи неведения блуждающих вразумление.

Радуйся, златая удице, из глубины грехов влекущая ко спасению.

Радуйся, яко от Бога в молитвах услышан был еси.

Радуйся, яко в Небеснем Царстве вселился еси.

Радуйся, порфирою от кровей твоих облеченный.

Радуйся, яко зриши ныне Свет неизреченный.

Радуйся, Вонифатие, мучениче многострадальный.

Кондак

Пение немолчное приносиши Господеви, мучениче Вонифатие, с мученическими лики Пресвятей Троице предстоя, за нюже себе предал еси, да и мы, души своя, аки невесты украсивше, нетленному жениху Христу представим со освященную песнию: Аллилуиа.

Икос 11

Свет любве и по смерти возсиял еси, Вонифатие дивный, егда 60 друзи твою усеченную главу обретше, плакахуся горько, глаголюще: “Рабе Христов, забуди нам грех неправеднаго осуждения и безрассудных руганий наших”. Тогда лик твой, яко лучами живыми просветися, прощение им являя. Сего ради с любовию тебе зовем:

Радуйся, имеяй уста кротости сладковещанныя.

Радуйся, любве вместилище пространное.

Радуйся, о тебе бо веселится Церковь со своими чады.

Радуйся, ты бо пришел еси к Вышнему Небесному Граду.

Радуйся, в смерти своей апостолом равный.

Радуйся, ревностию по Бозе преславный.

Радуйся, житейския молвы обличаяй и злые сплетения.

Радуйся, всех нас от вражия избавляяй ловления.

Радуйся, ты бо защищаеши неправедно гонимая.

Радуйся, пред Престолом Господним лампадо неугасимая.

Радуйся, по заповеди Христовой и врагов любивый.

Радуйся, злословие и клеветы позабывый.

Радуйся, Вонифатие, мучениче многострадальный.

Кондак 12

Благодать исцелений точащия мощи твоя егда к Риму приближахуся, ангел Господень явися Аглаиде, глаголя: “Бывшаго ти древле раба, ныне же нашего брата и сослужебника приими, якоже Владыку, и упокой добре, да греси твои оставятся”, той бо с нами ныне в небесах поет Всевышнему: Аллилуиа.

Икос 12

Поющи чудеса твоя, храм дивный созда тебе, воине Христов, Аглаида, в немже и мощи твоя положи и сама богатство нищим раздавши и пятьнадесят лет в подвизех поста и покаяния поживши, лика святых достиже. Темже, величающе чудеса твоя, прославляем тя сице:

Радуйся, душу свою сотворивый, яко Храм Богу прекрасный.

Радуйся, чудных Божиих дел книго ясная.

Радуйся, от внезапныя смерти избавляяй.

Радуйся, скорбныя жены от злых пианиц ограждаяй.

Радуйся, падшия к возстанию от грехов призываяй.

Радуйся, свет чистоты им подаваяй.

Радуйся, ты бо укрощаеши страстей огневицу.

Радуйся, тобою бо оставляем греховную темницу.

Радуйся, малая чада от соблазнов мира соблюдаяй.

Радуйся, тыя Христову учению наставляяй.

Радуйся, вестиче трезвости, во веки прославленный.

Радуйся, угодниче Христов, присно почитаемый.

Радуйся, Вонифатие, мучениче многострадальный.

Кондак 13

О, предивный мучениче Христов Вонифатие, приими от нас сие малое похвальное приношение, еже пред иконою твоею колена преклоньше и руце свои к тебе простерше тебе ныне приносим, даруй нам твое пред Господем заступление, наипаче же погибающим от пианства братиям нашим изцеление низпосли, жития олагаго начало положити всех нас сподоби, да спасение улучивше молитвами, во веки восхвалим Бога, поюще Ему: Аллилуиа.

Этот кондак читается трижды, затем икос 1 и кондак 1.

Оценка 3.3 проголосовавших: 28

Акафист святому мученику вонифатию

Очищение от грехов через христианство (из истории жизни Вонифатия)

Текст акафиста Вонифатию

ОСТАВЬТЕ ОТВЕТ Отменить ответ

ПОПУЛЯРНЫЕ МОЛИТВЫ

Филарет московский молитва

Ешь мою плоть

Молитва митрофана воронежского на устроение судьбы детей

Акафист богородице избавительница

НОВЫЕ МОЛИТВЫ

Молитва на принятие пищи

Молитва петру и февронии о сохранении

Молитва на изгнание злых духов

Псалтырь 18 кафизма