Канон гурию самону и авиву

Детально: канон гурию самону и авиву - со всех открытых источников и разных уголков мира на сайте 1000-molitv.ru для наших уважаемых читателей.

Оглавление [Показать]

Пѣ́снь а҃.

І҆рмо́съ: Мо́рѧ чермнꙋ́ю пꙋчи́нꙋ невла́жными стопа́ми дре́внїй пѣшеше́ствовавъ і҆и҃ль, крестоѻбра́зными мѡѷсе́овыма рꙋка́ма а҆мали́ковꙋ си́лꙋ въ пꙋсты́ни побѣди́лъ є҆́сть.

Трⷪ҇цы є҆динонача́лїе, ст҃і́и, бг҃осло́вѧще че́стнѡ, многонача́лїѧ нестоѧ́ннꙋю мглꙋ̀ ᲂу҆до́бнѡ разрꙋши́сте, восто́ка многосвѣ́тлїи ꙗ҆́коже ѕвѣ́зды возсїѧ́вше.

Трїѐ и҆сповѣ̑дницы, бл҃года́тїю просвѣща́еми нача́льныѧ трⷪ҇цы ꙗ҆́вственнѡ, ле́сть многобо́жнꙋю, терпѣли́внѡ противле́нїе ꙗ҆влѧ́юще, и҆стреби́ша.

Ва́съ ᲂу҆́бѡ сыноположи́въ, сла́внїи, любо́вїю є҆сте́ственный сы́нъ, ны́нѣ є҆мꙋ̀ наслѣ́дїю дае́мꙋ ꙗ҆́вѣ, ꙗ҆́кѡ бл҃гоꙋтро́бенъ, снаслѣ́дники показа̀, и҆ црⷭ҇твїѧ соприча́стники.

Бг҃оро́диченъ: Мꙋ́дрости премꙋ́дростныѧ ски́нїѧ была̀ є҆сѝ, всенепоро́чнаѧ: сво́й бо хра́мъ ѿ твои́хъ пречⷭ҇тыхъ крове́й, чⷭ҇таѧ, созда́ти благоволѝ на спасе́нїе дꙋ́шъ на́шихъ.

Пѣ́снь г҃.

І҆рмо́съ: Весели́тсѧ ѡ҆ тебѣ̀ цр҃ковь твоѧ̀, хрⷭ҇тѐ, зовꙋ́щи: ты̀ моѧ̀ крѣ́пость, гдⷭ҇и, и҆ прибѣ́жище, и҆ ᲂу҆твержде́нїе.

Тѣ́ло мꙋ́камъ во́лею и҆ лю̑тымъ ра́намъ хрⷭ҇тѡ́вы преда́ша и҆сповѣ̑дницы и҆ ᲂу҆гѡ́дницы.

И҆зба́витисѧ ѿ лю́тыхъ грѣхо́вныхъ пѡ́мыслъ, ст҃і́и, ва́шꙋ па́мѧть вѣ́рою соверша́ющымъ ᲂу҆моли́те.

На дре́вѣ терпѣли́внѡ воздви́жени честні́и свидѣ́телїе, всеблагоче́стнѡ невре́днѡ и҆сповѣ́данїе соблюдо́ша.

Бг҃оро́диченъ: Цѣле́нїй тѧ̀ и҆сто́чникъ въ твою̀ ᲂу҆тро́бꙋ вше́дый показа̀, мт҃и бж҃їѧ пречⷭ҇таѧ: мою̀ ᲂу҆́бѡ дꙋ́шꙋ и҆сцѣлѝ.

Сѣда́ленъ, гла́съ и҃.

Крⷭ҇то́мъ воѡрꙋжи́вшесѧ хрⷭ҇то́вымъ, въ не́мъ мꙋчи́телей всю̀ крѣ́пость мꙋ́жески низложи́сте, ꙗ҆́кѡ вѣ́ры побѡ́рницы: безбо́жїе всѐ і҆́дѡльское ѡ҆бличи́сте, и҆ трⷪ҇цꙋ, ст҃і́и, ᲂу҆се́рднѡ проповѣ́давше. тѣ́мъ досто́йнѡ ѿ неѧ̀ вѣнцы̀ побѣ́ды прїѧ́сте, ꙗ҆́кѡ зако́ннѡ пострада́вше, страстоте́рпцы всесла́внїи, моли́те хрⷭ҇та̀ бг҃а, грѣхѡ́въ ѡ҆ставле́нїе пода́ти пра́зднꙋющымъ любо́вїю свѧтꙋ́ю па́мѧть ва́шꙋ.

Сла́ва: Хрⷭ҇тꙋ̀ порабо́тавше мꙋ́ченически, порабо́тисте ле́сть мꙋчи́тельскꙋю, непорабоще́ннꙋ и҆мꙋ́ще дꙋ́шꙋ и҆ мꙋ́дрость. и҆́бо трⷪ҇чною вѣ́рою ᲂу҆ѧзви́вшесѧ, прехва́льнїи, многобо́жїѧ сла́вꙋ несла́внꙋю ѡ҆бличи́сте. тѣ́мъ, ꙗ҆́кѡ ѕвѣ́зды, свѣ́тлѡ въ мі́рѣ блиста́нїемъ сїѧ́ете чꙋде́съ, бл҃же́ннїи, страстоте́рпцы всехва́льнїи: моли́те хрⷭ҇та̀ бг҃а, грѣхѡ́въ ѡ҆ставле́нїе пода́ти чтꙋ́щымъ любо́вїю свѧтꙋ́ю па́мѧть ва́шꙋ.

И҆ ны́нѣ: Ꙗ҆́кѡ дв҃ꙋ и҆ є҆ди́нꙋ въ жена́хъ, тѧ̀ безъ сѣ́мене ро́ждшꙋю бг҃а пло́тїю, всѝ ᲂу҆блажа́емъ ро́ди человѣ́честїи: ѻ҆́гнь бо всели́сѧ въ тѧ̀ бжⷭ҇тва̀, и҆ ꙗ҆́кѡ млⷣнца дои́ши зижди́телѧ и҆ гдⷭ҇а. тѣ́мъ а҆́гг҃льскїй и҆ человѣ́ческїй ро́дъ, досто́йнѡ сла́вимъ прест҃о́е ржⷭ҇тво̀ твоѐ, и҆ согла́снѡ вопїе́мъ тѝ: молѝ хрⷭ҇та̀ бг҃а, согрѣше́нїй ѡ҆ставле́нїе дарова́ти покланѧ́ющымсѧ вѣ́рою прест҃о́мꙋ ржⷭ҇твꙋ̀ твоемꙋ̀.

Крⷭ҇тобг҃оро́диченъ: А҆́гнца и҆ па́стырѧ и҆ и҆зба́вителѧ, а҆́гница зрѧ́щи на крⷭ҇тѣ̀, восклица́ше пла́чꙋщи, и҆ го́рькѡ рыда́ющи, вопїѧ́ше: мі́ръ ᲂу҆́бѡ ра́дꙋетсѧ, прїе́млѧ тобо́ю и҆збавле́нїе, ᲂу҆тро́ба же моѧ̀ гори́тъ, зрѧ́щи твоѐ распѧ́тїе, є҆́же терпи́ши за милосе́рдїе ми́лости. долготерпѣли́ве гдⷭ҇и, ми́лости бе́здно, и҆ и҆сто́чниче неисчерпа́емый, ᲂу҆милосе́рдисѧ, и҆ да́рꙋй согрѣше́нїй ѡ҆ставле́нїе, вѣ́рою пою́щымъ бжⷭ҇твєнныѧ стрⷭ҇ти твоѧ̑.

Пѣ́снь д҃.

І҆рмо́съ: Вознесе́на тѧ̀ ви́дѣвши цр҃ковь на крⷭ҇тѣ̀, сл҃нце пра́ведное, ста̀ въ чи́нѣ свое́мъ, досто́йнѡ взыва́ющи: сла́ва си́лѣ твое́й, гдⷭ҇и.

Трⷪ҇цы равночи́сленнїи вѣнє́чницы, трисїѧ́нною свѣще́ю, ны́нѣ соверша́ющыѧ па́мѧть, всесщ҃е́ннꙋю тѣ́хъ ѡ҆зарѧ́ютъ, всѣ̑мъ и҆сцѣлє́нїѧ подаю́ще.

Съ благоговѣ́нїемъ притеце́мъ къ свѣтоно́снѣй и҆ свѣтоза́рнѣй, бг҃омꙋ́дрїи, ра́цѣ мч҃никъ, то́читъ бо врачева̑нїѧ вѣ́рою зовꙋ́щымъ: сла́ва си́лѣ твое́й, гдⷭ҇и.

И҆сповѣ́дающе бжⷭ҇твенное строе́нїе и҆ па́че ᲂу҆ма̀ та́инство, бг҃осло́вными, ѧ҆зы̑ки всѐ безбо́жїе мꙋчи́телей бж҃е́ственнїи и҆ всемꙋ́дрїи и҆сповѣ̑дницы попра́ша.

Па́че ᲂу҆ма̀ родила̀ є҆сѝ, ѽ дв҃о! и҆ по ржⷭ҇твѣ̀ ꙗ҆ви́ласѧ є҆сѝ двⷭ҇твꙋющи па́ки. тѣ́мъ немо́лчными гла̑сы, ра́дꙋйсѧ, тебѣ̀, влⷣчце, вѣ́рою несомнѣ́нною вопїе́мъ.

Пѣ́снь є҃.

І҆рмо́съ: Ты̀, гдⷭ҇и, мо́й, свѣ́тъ въ мі́ръ прише́лъ є҆сѝ, свѣ́тъ ст҃ы́й, ѡ҆браща́ѧй и҆зъ мра́чна невѣ́дѣнїѧ, вѣ́рою воспѣва́ющыѧ тѧ̀.

Свѣ́тлостїю ꙗ҆́вѣ подвигѡ́въ сїѧ́юще, посрами́ша мꙋчи́телей свирѣ́пый нра́въ, вѣ́ры побѡ́рницы.

Во всѧ̑ ꙗ҆́вственнѡ вселе́нныѧ концы̀ чꙋдеса̀ мч҃никъ проповѣ́дашасѧ, и҆ всѧ̑ вѣ́рою ᲂу҆тверди́ша.

Ꙗ҆́коже землѧ̀ блага́ѧ, благода́ти сѣ́мена прїе́мши, житїе́мъ трꙋдолю́бнѡ бога́тство, блаже́ннїи, содѣ́ѧша.

Є҆ди́нъ благі́й, пꙋчи́ною благосты́ни всѧ́чєскаѧ, бг҃омт҃и, содержа́й, твои́ми ѻ҆б̾ѧ̑тїи держа́тисѧ сподо́би.

Пѣ́снь ѕ҃.

І҆рмо́съ: Пожрꙋ́ ти со гла́сомъ хвале́нїѧ, гдⷭ҇и, цр҃ковь вопїе́тъ тѝ, ѿ бѣсо́вскїѧ кро́ве ѡ҆чи́щшисѧ, ра́ди ми́лости ѿ ре́бръ твои́хъ и҆сте́кшею кро́вїю.

Зако́ннѡ, ꙗ҆́кѡ до́брїи во́ини, бг҃омꙋ́дрїи, ᲂу҆держа́вше всѧ̑, и҆ ꙗ҆́снѡ вѣ́рꙋ соблю́дше, бжⷭ҇твенныѧ пра́вды прїѧ́сте вѣнцы̀.

Пре́жде ᲂу҆́бѡ а҆ввакꙋ́мъ высо́цѣ возвыша́етсѧ влⷣчнимъ повелѣ́нїемъ: чрез̾ ва́съ же ѻ҆трокови́ца мꙋ́чима, бг҃оглаго́ливїи, къ воспита́вшей возврати́сѧ.

Сїѧ́етъ ра́ка мч҃никъ чꙋдєсы̀, и҆ рѣ́ки и҆сточа́етъ и҆сцѣле́нїй всѣ̑мъ, приходѧ́щымъ вѣ́рою, и҆ тѣ́хъ терпѣ́нїю дивѧ́щымсѧ.

Бг҃оро́диченъ: Тѧ̀ є҆ди́нꙋ посредѣ̀ те́рнїѧ ѡ҆брѣ́тъ, ꙗ҆́кѡ чистѣ́йшїй крі́нъ, и҆ во ᲂу҆до́лїихъ цвѣ́тъ, ѽ бг҃ома́ти, жени́хъ ᲂу҆́мный въ тѧ̀ всели́сѧ.

Конда́къ, гла́съ в҃.

Съ высоты̀, мꙋ́дрїи, бл҃года́ть прїе́мше, сꙋ́щымъ во и҆скꙋше́нїихъ предстоитѐ, всехва́льнїи: тѣ́мже ѻ҆трокови́цꙋ, ст҃і́и, ѿ сме́рти го́рькїѧ и҆зба́висте: вы́ бо вои́стиннꙋ є҆стѐ є҆де́сꙋ сла́ва и҆ мі́рꙋ ра́дость.

І҆́косъ:

Вра́жїѧ мѧ̀ рабо́ты и҆зба́ви, і҆и҃се жизнода́вче, твои́хъ страда́лєцъ мольба́ми ᲂу҆молѧ́емь, ꙗ҆́кѡ да непорабоще́ннꙋ стѧжа́въ ѿ страсте́й дꙋ́шꙋ мою̀ и҆ тѣ́ло, восхвалю̀ тѣ́хъ скорѣ́йшꙋю по́мощь, ꙗ҆́коже во гро́бѣ затворе́ннаѧ мꙋ́жа лꙋка́вствїемъ, и҆ сїю̀ ско́рѡ предвари́вше ѿ сме́рти и҆зба́виша, зовꙋ́щꙋ: є҆де́сꙋ сла́ва, и҆ мі́рꙋ ра́дость.

Пѣ́снь з҃.

І҆рмо́съ: Въ пещѝ а҆враа́мстїи ѻ҆́троцы персі́дстѣй, любо́вїю благоче́стїѧ па́че, не́жели пла́менемъ ѡ҆палѧ́еми, взыва́хꙋ: бл҃гослове́нъ є҆сѝ въ хра́мѣ сла́вы твоеѧ̀, гдⷭ҇и.

А҆враа̑мскїѧ въ пещѝ дѣ́ти и҆зба́вивый, сы́й и҆ стра́ннꙋю ѻ҆трокови́цꙋ лю́тагѡ ѡ҆бстоѧ́нїѧ спасѐ, хода́тайствомъ ны́нѣ ст҃ы́хъ ᲂу҆гѡ́дникъ, ꙗ҆́кѡ бл҃гоꙋтро́бенъ.

Сꙋро́вѣйшагѡ безчеловѣ́чїѧ мꙋ́кꙋ да́вый, всѣ́хъ ѕѡ́лъ а҆́бїе и҆стѧ́занъ ᲂу҆бі́йца ѕлоимени́тый сꙋдо́мъ пра́веднымъ твои́мъ, сло́ве бж҃їй, мꙋ́дросте и҆ си́ла.

Оу҆крѣплѧ́ема къ ва́мъ наде́ждею, сла́внїи, ѻ҆трокови́ца, заключе́ннаѧ во гро́бѣ съ ме́ртвыми, ча́ѧнїѧ не погрѣшѝ, зовꙋ́щи: бл҃гослове́нъ є҆сѝ, гдⷭ҇и, бж҃е ѻ҆тє́цъ на́шихъ.

Бг҃оро́диченъ: Ꙗ҆́кѡ новосмѣше́ное и҆ свѣтоза́рное пꙋща́ѧ зерца́ло, зарю̀ бжⷭ҇твеннагѡ, дв҃о, сїѧ́нїѧ, приложи́вшꙋюсѧ тебѣ̀ вмѣсти́ла є҆сѝ. бл҃гослове́нна ты̀ въ жена́хъ, всенепоро́чнаѧ влⷣчце.

Пѣ́снь и҃.

І҆рмо́съ: Рꙋ́цѣ распросте́ръ данїи́лъ, львѡ́въ зїѧ̑нїѧ въ ро́вѣ затчѐ, ѻ҆́гненнꙋю же си́лꙋ ᲂу҆гаси́ша, добродѣ́телїю препоѧ́савшесѧ, благоче́стїѧ рачи́тели ѻ҆́троцы, взыва́юще: бл҃гослови́те, всѧ̑ дѣла̀ гдⷭ҇нѧ, гдⷭ҇а.

Всемі́рный дне́сь на́мъ наста̀ пра́здникъ мч҃никъ хрⷭ҇то́выхъ, ѡ҆зарѧ́ющъ благода́тїю чꙋде́съ преходѧ́щыѧ вѣ́рою и҆ ра́достїю дꙋхо́вною, и҆ любо́вїю зовꙋ́щыѧ: благослови́те, всѧ̑ дѣла̀ гдⷭ҇нѧ, гдⷭ҇а.

Оу҆до́бнѡ и҆сповѣ̑дницы твоегѡ̀ бжⷭ҇тва̀ всѐ ᲂу҆праздни́ша безбо́жїе, влⷣко, мꙋчи́телей не ᲂу҆боѧ́вшесѧ преще́нїй ѕлоꙋ́мныхъ, вѣ́рою ᲂу҆крѣплѧ́еми, взыва́юще: благослови́те, всѧ̑ дѣла̀ гдⷭ҇нѧ, гдⷭ҇а.

Всемꙋ́дрїи и҆сповѣ̑дницы, предстоѧ́ще бжⷭ҇твенномꙋ повелѣ́нїю, врагѡ́въ полкѝ побѣжда́ющи, мече́мъ закала́еми, побѣ́дꙋ пресла́внѡ ꙗ҆́вѣ и҆ пресїѧ́ющꙋ показа́ша: па́дающе бо проти̑вныѧ побѣди́ша.

Є҆стествы̀ ви́димаго двѣма̀ хрⷭ҇та̀ родила̀ є҆сѝ, є҆ди́нꙋ носѧ́ща ꙗ҆́вѣ ѵ҆поста́сь сло́жнꙋ бжⷭ҇тва̀ и҆ человѣ́чества, сте́кшꙋсѧ є҆сте́ственномꙋ и҆́стиннѡ по соедине́нїю: тѣ́мъ тѧ̀ благослови́мъ, марі́е бг҃оневѣ́стнаѧ.

Пѣ́снь ѳ҃.

І҆рмо́съ: Ка́мень нерꙋкосѣ́чный ѿ несѣко́мыѧ горы̀ тебє̀, дв҃о, краеꙋго́льный ѿсѣче́сѧ, хрⷭ҇то́съ, совокꙋпи́вый разстоѧ̑щаѧсѧ є҆стєства̀. тѣ́мъ веселѧ́щесѧ, тѧ̀, бцⷣе, велича́емъ.

Словесє́мъ послѣ́дꙋюще бжⷭ҇твєннымъ и҆ бг҃одꙋхновє́ннымъ хрⷭ҇тѡ́вымъ, и҆сповѣ̑дницы бг҃освѣ́тлїи, крⷭ҇тъ на ра́мена, ра́дꙋющесѧ, взѧ́сте, жизнонѡ́снымъ стопа́мъ послѣ́дꙋюще, достосла́внїи.

Всемꙋ̀ свѣ́тꙋ трⷪ҇цы съ весе́лїемъ до́блїи и҆сповѣ̑дницы вмѣ́щшесѧ, подвигѡ́въ чє́сти воспрїима́ютъ, безпло́тныхъ чинѡ́въ сподо́бльшесѧ соводворе́нїѧ.

Ны́нѣ не въ зерца́лѣ зритѐ бл҃же́нныхъ надє́жды, и҆сповѣ̑дницы сп҃сѡвы: и҆́стины же па́че, всемꙋ́дрїи, добро́тꙋ зритѐ, вѣнцено́сцы всечестні́и.

Ꙗ҆́кѡ пребжⷭ҇твенныѧ трⷪ҇цы ꙗ҆́вѣ равночи́сленнїи ꙗ҆́вльшесѧ, и҆сповѣ̑дницы бг҃оглаго́ливїи, тоѧ̀ зарѧ́ми просвѣща́етесѧ, ꙗ҆́кѡ тоѧ̀ ра́ди пострада́вше, жи́зни нетлѣ̑нныѧ ны́нѣ ᲂу҆лꙋчи́ша.

Бг҃оро́диченъ: Пло́тїю прїитѝ восхотѣ́въ ᲂу҆краси́вый всѧ̑ сло́во, въ тѧ̀ всели́сѧ, є҆ди́нꙋ ст҃ѣ́йшꙋ всѣ́хъ ѡ҆брѣ́тъ, и҆ бцⷣꙋ вои́стиннꙋ ꙗ҆вѝ, мт҃и дв҃о.

Свѣти́ленъ.

И҆́же ѿ гро́ба ѻ҆трокови́цꙋ и҆зба́вльше дре́вле, гꙋ́рїе, и҆ самѡ́не, и҆ а҆ві́ве: мч҃ницы хрⷭ҇то́вы, предвари́те, ꙗ҆́кѡ ѿ гро́ба прегрѣше́нїй ны̀ и҆збавлѧ́юще.

Бг҃оро́диченъ: Крѣ́пкимъ твои́мъ покро́вомъ ѿ навѣ̑тъ вра́жїихъ ны̀, чⷭ҇таѧ, твоѧ̑ рабы̑ сохранѝ невреди̑мы, тѧ́ бо стѧжа́хомъ є҆ди́нꙋ прибѣ́жище въ бѣда́хъ.

Русская вера, 2017

Святые мученики и исповедники Гурий и Самон пострадали за ревностную проповедь христианской веры в конце II-го или в начале III-го века от Р. X. в городе Едессе. Несколькими годами позже (в 322 году) по этой же причине был осужден на сожжение св. мученик и исповедник Авив, диакон Едесской церкви. Когда огонь погас, тело святого было обретено неповрежденным. Его похоронили рядом со святыми Гурием и Самоном. Однажды один чужеземный воин, находившийся на службе в Едессе, взял в супружество благочестивую девушку Евфимию. У гробницы этих святых он поклялся ее матери, что никогда не обидит свою супругу. Но это был обман. У него на родине была жена, и когда он после окончания службы возвратился домой вместе с Евфимией, она стала претерпевать многие страдания в чужом краю. Евфимия с усердием молилась святым мученикам Гурию, Самону и Авиву, которые были свидетелями ложной клятвы. По молитве этих святых Господь чудодейственно перенес Евфимию в Едесс, избавив ее от тяжких страданий. С глубокой древности Святая Церковь признает в этих угодниках Божиих небесных покровителей честного брака. Христиане молятся им о воцарении между супругами мира и любви.

——————————————————————

Общее начало и конец всем канонам →
Порядок чтения по уставу
——————————————————————

Тропарь, глас 5-й

Чудеса святых мученик стену неразориму нам дарова Христе Боже. Тех молитвами советы языком разори, и царствия скипетры утверди, яко Един Благ и Человеколюбец. (Дважды).

Слава, и ныне. Богородичен. Радуися двери Господня непроходимая. Радуися стено и покрове прибегающим к Тебе. Радуися заветренее пристанище, и неискусобрачная, рождьшая плотию Творца Своего и Бога. Молящи не презри о воспевающих, и кланяющихся рожеству Твоему. (Поклон).

Канон, глас 4-й

Песнь 1. Ирмос

Моря Чермнаго пучину, немокрыми стопами древле шествовав Израиль, крестообразно Моисеовыма рукама, Амаликову силу в пустыни победил есть.

Запев: Святии мученицы и исповедницы Гурие, Самоне и Авиве, молите Бога о нас (поклон).

Троици единоначалие святии, исповедающе верно, многоначалия непостоянную мглу, удобь разрушисте. Востока, многосветлии, яко звезды восиявше.

Запев. Трие исповедницы, благодатию просвещаеми началныя Троицы явствено. Лесть многобожную, терпеливно противление являюще, потребиша.

Слава. Вас сыноположив славнии, любовию естественыи Сын, ныне Ему наследию даему яве, яко милосерд снаследники показа, и Царствию сопричастники.

И ныне. Богородичен. Премудрости вышемудростныя, приятелище бысть Пренепорочная. Свой бо храм от Твоих пречистых кровей Чистая, создати благоизволи, на спасение душам нашим.

Катавасия: Избавите от бед рабы своя, святии мученицы и исповедницы Гурие, Самоне и Авиве, яко вси по Бозе к вам прибегаем, вы бо молите о нас Христа Бога нашего (поклон). Господи помилуй (трижды с поклонами).

Песнь 3. Ирмос

Веселится о Тебе Церкви Твоя Христе, зовущи: Ты ми крепость Господи, прибежище и утвержение.

Запев. Тело казнем волею и лютым ранам, Христовы предаша исповедницы и угодницы.

Запев. Избавитися от лютых греховных помысл славнии, вашю память верою совершающым умолите.

Слава. На древе терпеливно обешени честнии свидетели, всечестно невредимо исповедание соблюдоша.

И ныне. Богородичен. Целении Тя источник в Твою утробу вшед показа, Мати Божия пречистая. Мою убо душу исцели. Катавасия.

Седален, глас 8-й. Крестом вооружившеся Христовыми, о инем мучителем всю крепость мужески низложисте, яко веры поборницы. Безбожие все идольское обличисте, и Троице святей усердно присвоистеся. Тем достойно от Нея венец победы приясте, яко законно пострадавше, страстотерпцы всехвалнии. Молите Христа Бога, грехов оставление подати, чтущим любовию святую память вашю.

Ин седален, глас 8-й. Христови поработавше мученически, поработисте лесть мучительску, не порабощену имуще душю и мудрость. Ибо троичною верою уязвившеся прехвалнии, многобожия славу неславную обличисте, тем яко звезды светло в мире блистанием сияете чюдес блаженнии, страстотерпцы всехвалнии. Молите Христа Бога, грехов оставление подати, чтущим любовию святую память вашю.

Слава, и ныне. Богородичен. Яко Деву едину в женах Тя без семене рождьшую Бога плотию, вси ублажаем роди человечестии. Огнь бо вселися в Тя Божества, и яко младенца доиши Зиждителя и Господа. Темже Ангельстии собори, и человечестии роди достойно славим пресвятое рожество Твое. И согласно вопием Ти, моли Христа Бога, грехов оставление даровати, воспевающим достойно славу Твою.

Песнь 4. Ирмос

Воздвижена Тя видевши Церкви на Кресте Солнца праведнаго, ста в чину своем, достойно взывающи: слава силе Твоей Господи.

Запев. Троице равночислении венечницы, трисиянною свещею, ныне совершающих память пресвященную тех озаряют, всем исцеления подающе.

Запев. С говением притецем, светоносней и светозарней богомудрии раце мученик. Точит бо исцеления верою зовущым: слава силе Твоей Господи.

Слава. Исповедающе божественое смотрение, и паче ума таинство, богословными языки, всю гордыню мучителей, божествении премудрии, исповедницы попраша.

И ныне. Богородичен. Паче ума родила еси о, Дево, и по рожестве явися девствующи паки. Тем немолчными гласы, радуися Тебе Владычице верою несуменною вопием. Катавасия.

Песнь 5. Ирмос

Ты Господи ми свет в мир пришел еси, в свет святых обращая из мрачна неведения, верою воспевающыя Тя.

Запев. Светлостию яве подвиг сияюще, посрамиша мучителя свирепыи нрав, веры поборницы.

Запев. Во вся явьствено вселенныя концы, чюдеса мученик проповедашася, и всех верою утвердиша.

Слава. Яко земля благая, благодатная семена приемши, житием трудолюбно богатьство блажении содеяша.

И ныне. Богородичен. Един Благии пучиною благостыня, всяческая Богомати содержаи, Твоима рукама одержатися сподоби. Катавасия.

Песнь 6. Ирмос

Пожру Ти со гласом хваления Господи, Церкви вопиет Ти, от бесовския крове очищьшися милостию от ребр истекшею Ти кровию.

Запев. Законно яко доблии воини, богомудрии удержавшеся, и добрую веру соблюдше, божественыя правды приемлете венцы.

Запев. Прежде убо Аввакум высоце возвышается, Владычним повелением. Вами же отроковица, мучима богогласнии к воспитемей возвратися.

Слава. Сияет рака мученик чюдесы, и реки источает исцеленей всем приходящым верою. И тех терпению дивимся.

И ныне. Богородичен. Тя едину посреде терния обрет яко чистыи крин, и во удолиях цвет о, Богомати, Жених разумныи в Тя вселися. Катавасия.

Слава, и ныне. Кондак, глас 2-й. От высоты божественыя мудрии благодать восприемше, сущим в напастех отрадно предстоите всехвалнии. Тем же отроковицу святии от смерти горкия избависте. Вы бо есте воистину Едесу слава, и миру радость.

Икос. Вражия мя работы избави Исусе Жизнодавче, Твоих страдалец молбами умоляемь. Яко да не порабощену стяжав от страстей душу мою и тело, восхвалю тех быструю помощь, якоже во гробе затвореная мужа лукавьствием. И сию скоро предваривше от смерти избавиша, зовущю: Едесу слава и миру радость.

Песнь 7. Ирмос

В пещи авраамския си дети персидстей, любовию благоверия паче нежели, пламенем опаляеми взываху: благословен еси в Церкви славы Твоея Господи.

Запев. Авраамския в пещи дети избавивыи, сыи, и странную отроковицу лютыя напасти спасе, ходатайством святых угодник, яко Милосерд.

Запев. Суровымь нечеловечеством муку давыи, всех зол абие истязан убиица злоименитыи, судом праведным, Слова Божия Премудрости и силы.

Слава. Укрепляема еже к вам надежею славнии, отроковица затворена во гробе с мертвыми, чаяния не погреши. Зовущи: благословен еси Господи Боже отец наших.

И ныне. Богородичен. Яко ново смешеное и светозарное пущая зерцало зарю божественаго Дево сияния, приложившотися вместила еси. Благословена Ты в женах пренепорочная Владычице. Катавасия.

Песнь 8. Ирмос

Руце распростер Даниил, лвова зияния в рове затче. Огненую же силу угасиша, добродетелию поясавшеся иже благочестия любители отроцы. Взывающе: благословите вся дела Господня Господа.

Запев. Всемирныи днесь нам наста праздник, мученик Христов озаряющь благодатию чюдес приходящих верою. И радостию духовною, и любовию зовущих: благословите вся дела Господня Господа.

Запев. Удобно исповедницы Твоего Божества, все упраздниша безбожие Владыко, мучитель не убоявшеся прещения. Яко страдалцы веры, зовуще: благословите вся дела Господня Господа.

Слава. Премудрии исповедницы предстояще божественому повелению, врагов ополчения побеждают. Мечем закалаеми, победу преславно яве сияющю показаша. Падении бо сопротивныя победиша.

И ныне. Богородичен. Естествома видима двема Христа родила еси, едину же носяща яве ипостась сложену Божества и человечества, сшедшуся естественому соединению воистину. Тем Тя благословим Марие Богоневестная. Катавасия.

Песнь 9. Ирмос

Камень нерукосечныя горы от несекомыя Тя Девицы краеугольныи отсечеся Христос, иже совокупив разстоящаяся естества. Тем веселящеся Тя Богородице величаем.

Запев с поклоном. Словесем последующе, божественых и богодухновенных Христовых заповедей. Исповедницы богосветлии, крест на рамо радующеся взясте, живоносным стопам последующе достославнии.

Запев. Всего света Троица с веселием доблии исповедницы богосветлии, Ангельския чести восприимают, безплотных чинов сподобльшеся соводворения.

Запев. Ныне незерцалом зрите блаженных надежь, исповедницы Спасовы. Истинно же паче премудрии доброты зрите, венценосцы всечестнии.

Слава. Яко пребожественыя Троицы равночислении явльшеся исповедницы богоглаголивии, тоя зарями просвещаеми. И ея ради пострадавше, живота нетленнаго ныне улучиша.

И ныне. Богородичен. Плоть прияти восхотев украсивыи вся словом, в Тя вселися едину святейшю всех обрет, и Богородицу воистину яви Матерь Деву. Катавасия.

Задостойник: Владычице приими молитву раб Своих, и избави нас от всякия нужды и печали. Ты еси Богородице, оружие наше и стена. Ты еси заступнице, и к Тебе прибегаем, Тя и ныне на молитву призываем, да избавиши ны от враг наших. Возвеличим Тя вси пренепорочную Матерь Христа Бога нашего, Юже осени Дух Пресвятыи.

Отпуст: Господи Исусе Христе Сыне Божии, молитв ради пречистыя Твоея Матере и святых мученик и исповедник Гуриа, Самона и Авива и всех ради святых, помилуй и спаси нас, яко Благ и Человеколюбец. Аминь.

Обзор книги

На православных иконах, которые верующие встречают в храме, нередко можно встретить изображение трех мужчин, стоящих рядом – молодого безбородого юношу, зрелого темноволосого мужчину и седовласого старца с теплым и мягким взглядом. Эти образы, символизирующие все этапы развития и становления патриарха семейства, являются тремя мучениками – Гурием, Самоном и Авивом.

История мученичества каждого из них отличная от другой – они жили в разное время и прошли разный жизненный путь. Так, Гурий – пожилой мужчина в хитоне – стал мучеником за веру при жизни императора Диоклетиана. Гурий был арестован за то, что исповедовал христианство, одновременно с Самоном, вторым мучеником из троицы. Гурий и Самон отказались приносить жертвы греческим богам, из-за чего подверглись многочисленным пыткам и длительному тюремному заключений. Оставшись несломленными, мужи погибли и, позже, были возведены в сан мучеников. Юный Авив был монахом в тот момент, когда римский император Лициний приказал истребить всех христиан. Отказавшись отрекаться от своей веры, Авив был жестоко казнен.

Несмотря на разные поколения и истории, святых объединяет город, в котором они трое жили и в котором их настигла смерть – греческий город Эдесса, с которым связана легендарная история о чуде спасения девушки Евфимии.

Евфимия была красивой и юной девушкой, когда к ней на ее дом напали гуннские племена. Она так понравилась одному из солдат вражеской армии, что он пожелал взять гречанку в жены. Однако, ее мать перед тем как дать благословение на замужество, потребовала от гунна поклясться на могиле Гурия, Самона и Авива в том, что у него нет на родине жена.

Несмотря на то, что клятва была принесена, гунн обманул Евфимию и ее мать, приведши молодую невесту домой в качестве наложницы. Узнав о чувствах своего мужа к наложнице, жена гунна отравила новорожденного сына Евфимии, после чего умерла от того же яда. В смерти хозяйки дома обвинили юную Евфимию, и разъяренный народ гуннов решил придать ее страшной смерти. Однако, ночью к девушке пришли святые Гурий, Самон и Авив и перенесли Евфимию домой в Эдессу.

Именно это чудо сделало Гурия, Самона и Авива в глазах православных христиан покровителями семьи и брака. К этой троице мучеников принято обращаться в период семейных неурядиц и серьезных супружеских кризисов. Особенно любимы эти покровители женщинами, которые считают трех мужей защитниками хранительниц очага. Нередко, супруга обращается к мученикам с просьбой смягчить сердце мужа, укрепить брак, наставить детей и всю семью на путь истинного обретения счастья.

В качестве обращения к этим святым принято читать акафист, состоящий из 13 кондаков и 12 икосов. Для того чтобы начать читать акафист, необходимо получить благословение от священнослужителя, а в идеале – найти духовного отца и наставника, который поможет как молитвенно, так и деятельно преодолеть семейный кризис.

В этом видео вы можете прослушать аудиозапись акафиста святым мученикам Гурию, Самону и Авиву с текстом.

Кондак 1

Избра́ннии чудотво́рцы Христо́вы и святы́я ве́ры испове́дницы, Гу́рие, Само́не и Ави́ве добронра́внии, па́мять ва́шу чту́ще пе́сньми похва́льными, воспева́ем я́ко христиа́н засту́пников, стра́ждущих покрови́телей. Вы же, иму́ще дерзнове́ние ко Го́споду, от вся́ких бед и напа́стей свободи́те нас, ве́рою и любо́вию зову́щих:

Ра́дуйтеся, Гу́рие, Само́не и Ави́ве, страстоте́рпцы Христо́вы и оби́димых покрови́телие.

Икос 1

А́нгелы во пло́ти Тро́ице Святе́й равночи́сленнии, любо́вию к Бо́гу горя́ще и́долы попра́сте, ве́ру Христо́ву укрепи́сте, Тро́ицу Святу́ю просла́висте, те́мже у́бо, похваля́юще по́двиги ва́ша, глаго́лем вам си́це:

Ра́дуйтеся, свети́льники благоче́стия; ра́дуйтеся, обличи́тели нече́стия.
Ра́дуйтеся, утвержде́ния ве́ры Христо́вой; ра́дуйтеся, столпы́ Це́ркви Бо́жия.
Ра́дуйтеся, ве́рных наде́ждо и заступле́ние; ра́дуйтеся, неве́рных страх и посрамле́ние.
Ра́дуйтеся, Гу́рие, Само́не и Ави́ве, страстоте́рпцы Христо́вы и оби́димых покрови́телие.

Кондак 2

Ви́дя нече́стие люде́й гра́да Эде́са, святи́и Гу́рий и Само́н в пусты́ню удали́шася, бе́гая кня́зя ми́ра сего́ и собла́знов и усе́рдно служа́ще Бо́гу, день и ночь воспева́ху: Аллилу́иа.

Икос 2

Ра́зум прему́др име́я, святи́и му́ченицы, вы́ну труди́шася во сла́ву Бо́жию, язы́ческое нече́стие облича́я, и́щущия и́стины на путь пра́вый наставля́я и мно́зи неве́рныя к Бо́гу И́стинному привлеко́ша, сего́ ра́ди глаго́лем вам си́це:

Ра́дуйтеся, насади́тели и́стиннаго Богопочита́ния; ра́дуйтеся, искорени́тели де́монскаго служе́ния.
Ра́дуйтеся, тьмы нече́стия обличи́тели; ра́дуйтеся, и́дольския пре́лести низложи́тели.
Ра́дуйтеся, испове́дницы Христо́вы изря́днии; ра́дуйтеся, свети́ла ве́ры правосла́вней.
Ра́дуйтеся, Гу́рие, Само́не и Ави́ве, страстоте́рпцы Христо́вы и оби́димых покрови́телие.

Кондак 3

Си́лою свы́ше осене́ннии святи́и му́ченицы, гони́телей свято́й ве́ры не устраши́шася, веле́ния нечести́ваго Антониа́на небрего́ша и ве́ру Христо́ву велегла́сно просла́виша, те́мже и в темни́цу вве́ржени поя́ху Бо́гу: Аллилу́иа.

Икос 3

Име́я ве́ру во Христа́ адама́нта тверде́йшую и си́лою тоя́ вооружи́вшиися, му́жественно претерпе́ли есте́, святи́и му́ченицы, темни́чные у́зы и са́мую смерть, сего́ ра́ди похваля́юще таково́е му́жество, ублажа́ем вас си́це:

Ра́дуйтеся, и́стинныя ве́ры испове́дницы; ра́дуйтеся, Ца́рствия Бо́жия насле́дницы.
Ра́дуйтеся, му́чеников похвало́; ра́дуйтеся, страстоте́рпцев сла́во.
Ра́дуйтеся, Святы́я Це́ркви утвержде́ние; ра́дуйтеся, всего́ ро́да христиа́нскаго украше́ние.
Ра́дуйтеся, Гу́рие, Само́не и Ави́ве, страстоте́рпцы Христо́вы и оби́димых покрови́телие.

Кондак 4

Бу́рею помышле́ний сумни́тельных одержи́мый, нечести́вый царь Лики́ний воздви́же жесто́кое гоне́ние на христиа́ны, ты же, страстоте́рпче Ави́ве, того́ не убоя́ся, с тве́рдою ве́рою взыва́л еси́ Христу́ Бо́гу: Аллилу́иа.

Икос 4

Слы́шав царь Лики́ний твои́ по́двиги, досточу́дный Ави́ве, и твое́ тве́рдое ве́ры испове́дание, разъяри́ся на тя зло́бою, повеле́ преда́ти тя сме́рти лю́тей я́ко проти́вника царе́ва, ты же, уве́дев о сем, доброво́льно поте́кл еси́ на муче́ние, и с ра́достию претерпе́л еси́ о́гненное сожже́ние, сего́ ра́ди, дивя́щеся вели́кому му́жеству твоему́, велича́ем тя си́це:

Ра́дуйся, побо́рниче ве́ры во Христа́ неустраши́мый; ра́дуйся, во́ине Христо́в непобеди́мый.
Ра́дуйся, пове́шенный на дре́ве за Распросте́ршаго ру́це Свои́ на дре́ве кре́стнем; ра́дуйся, строга́нный когтьми́ желе́зными.
Ра́дуйся, утеше́ние подава́яй скорбя́щим; ра́дуйся, ско́рый помо́щниче всем за и́стину терпя́щим.
Ра́дуйтеся, Гу́рие, Само́не и Ави́ве, страстоте́рпцы Христо́вы и оби́димых покрови́телие.

Кондак 5

Боготе́чным зве́здам на тве́рди небе́сней подо́бнии бы́ли есте́, святи́и му́ченицы, луча́ми жития́ своего́ тьму язы́ческаго нече́стия просвеща́ющии и мно́гих на путь и́стины наставля́ющии. Те́мже благогове́йно чту́ще па́мять ва́шу, благода́рно пое́м Бо́гу: Аллилу́иа.

Икос 5

Ви́деша лю́дие гра́да Эде́са мно́гие чудеса́, быва́емыя от ра́ки святы́х му́чеников Гу́рия, Само́на и Ави́ва, зело́ ра́довахуся и Го́спода всем се́рдцем прославля́ху, мы же чту́ще святу́ю па́мять ва́шу, святи́и му́ченицы, уми́льно взыва́ем:

Ра́дуйтеся, непра́ведно гони́мых засту́пницы; ра́дуйтеся, ве́рных рабо́в Христо́вых дру́зи.
Ра́дуйтеся, су́щих во у́зах и темни́цах храни́телие; ра́дуйтеся, гони́телей и оби́дящих вразуми́тели.
Ра́дуйтеся, пла́чущих уте́шители; ра́дуйтеся, от на́глыя и лю́тыя сме́рти изба́вители.
Ра́дуйтеся, Гу́рие, Само́не и Ави́ве, страстоте́рпцы Христо́вы и оби́димых покрови́телие.

Кондак 6

С высоты́ му́дрии благода́ть прие́мше, за су́щих во искуше́нии предстои́те, всехва́льнии, те́мже отрокови́цу, святи́и, от сме́рти го́рькия изба́висте. Вы бо вои́стину есте́ гра́ду Эде́су сла́ва и ми́ру ра́дость, сего́ ра́ди воспева́ем ко Го́споду: Аллилу́иа.

Икос 6

Вра́жия рабо́ты изба́ви нас, Иису́се Жизнода́вче, Твои́х страда́лец мольба́ми умоля́ем, я́ко да не порабоще́нну стяжа́в от страсте́й ду́шу и те́ло, восхваля́ем тех скоре́йшую по́мощь, я́коже во гро́бе затворе́нную му́жем и сию́ ско́ро предвари́вше от сме́рти изба́виша, те́мже взыва́ем вам си́це:

Ра́дуйтеся, неви́нную жену́ от лю́тыя сме́рти спа́сшии; ра́дуйтеся, ди́вным спасе́нием ея́ зве́рства мучи́теля победи́вшии.
Ра́дуйтеся, зла́го му́жа жесто́кое дея́ние обличи́вшии; ра́дуйтеся, и того́ ве́ровати в си́лу Бо́га христиа́нскаго научи́вшии.
Ра́дуйтеся, пода́тели ми́лости тоя́ тре́бующим; ра́дуйтеся, стра́жи неусы́пнии почита́ющих па́мять ва́шу.
Ра́дуйтеся, Гу́рие, Само́не и Ави́ве, страстоте́рпцы Христо́вы и оби́димых покрови́телие.

Кондак 7

Хотя́й Человеколю́бец Госпо́дь яви́ти ми́лость Свою́ лю́дям Свои́м, сохрани́ телеса́ ва́ши нетле́нны, чудеса́ точа́щии, от них же вси ве́рнии то́ки исцеле́ний получа́ют, зову́ще Бо́гу: Аллилу́иа.

Икос 7

Но́вых засту́пников и ди́вных чудотво́рцев ве́дуще, лю́дие из гра́да Эде́са свято́й храм в па́мять ва́шу созда́ша, в нем же и мо́щи ва́ша положи́ша, да вси стра́ждущии по́мощь в них почерпа́ют, мы же та́кожде тве́рду наде́жду на вас иму́ще, взыва́ем вам си́це:

Ра́дуйтеся, душе́вных и теле́сных неду́гов на́ших цели́тели; ра́дуйтеся, бесо́в о и́мени Госпо́дни изгони́тели.
Ра́дуйтеся, Ева́нгельския и́стины благода́ти благовести́тели; ра́дуйтеся, Боже́ственныя благода́ти носи́тели.
Ра́дуйтеся, ско́рби мно́ги за и́мя Госпо́дне прия́вшии; ра́дуйтеся, ди́вно во святы́х Его́ просия́вшии.
Ра́дуйтеся, Гу́рие, Само́не и Ави́ве, страстоте́рпцы Христо́вы и оби́димых покрови́телие.

Кондак 8

Стра́нно и стра́шно неве́рным слы́шати, каковы́ ди́вные де́ла от святы́х моще́й ва́ших соверша́ются: неду́зи врачу́ются, стра́сти исцеля́ются, мы же, тве́рду наде́жду на вас иму́ще, Бо́гу о вас та́ко благоде́ющему с ве́рою взыва́ем: Аллилу́иа.

Икос 8

Все́ми доброде́тельми испо́лненнии, за ни́хже и сла́вою Бо́жиею почте́ннии, внима́йте, святи́и му́ченицы, моли́твам ве́рных, чту́щих святу́ю па́мять ва́шу, от ни́хже слы́шите сицева́я:

Ра́дуйтеся, ни́щии ду́хом, я́ко ва́ше есть Ца́рствие Небе́сное; ра́дуйтеся, пла́чущии, я́ко уте́шистеся.
Ра́дуйтеся, кро́тции, я́ко насле́довасте зе́млю; ра́дуйтеся, алка́вшии и жа́ждавшии пра́вды, я́ко насы́тишася.
Ра́дуйтеся, ми́лостивии, я́ко стяжа́ли есте́ поми́лование; ра́дуйтеся, чи́стии се́рдцем, я́ко уже́ Бо́га узре́сте.
Ра́дуйтеся, Гу́рие, Само́не и Ави́ве, страстоте́рпцы Христо́вы и оби́димых покрови́телие.

Кондак 9

Вся́кия напа́сти, находя́щия на град Эде́с, разоря́ли есте́, святи́и му́ченицы, те́мже и ны́не не оста́вите нас смире́нных и гре́шных, но вся лю́ди страны́ на́шия в правосла́вии и единомы́слии утверди́те, да вси един́ыми усты́ и еди́ным се́рдцем воскли́кнем просла́вившему вас Го́споду: Аллилу́иа.

Икос 9

Вити́и многовеща́ннии, я́ко ры́бы безгла́снии, зрим о вас, святи́и му́ченицы: недоуме́ют бо, ка́ко в пусты́ни ду́хом вита́ли есте́ и посреде́ челове́к неусы́пными по́двиги подвиза́стеся. Мы же ра́дующися, я́ко таковы́ и́мамы учи́тели и моли́твенники, прославляем вас, глаго́люще:

Ра́дуйтеся, кимва́лы Сло́ва Бо́жия; ра́дуйтеся, те́плии о нас пред Бо́гом хода́таи.
Ра́дуйтеся, иуде́ев и е́ллинов просвети́тели; ра́дуйтеся, тридне́внаго Божества́ благовести́тели.
Ра́дуйтеся, кро́тости и воздержа́ния учи́тели; ра́дуйтеся, лжи и татьбы́ обличи́телие.
Ра́дуйтеся, Гу́рие, Само́не и Ави́ве, страстоте́рпцы Христо́вы и оби́димых покрови́телие.

Кондак 10

Спасти́ хотя́ лю́ди гра́да Эде́са от мы́сленнаго во́лка, тве́рдо увеща́ли есте́ тех стоя́ти во и́стинней ве́ре ниже́ ко́зней вра́жиих устраша́тися, но и в ско́рбех и напа́стех за вся благодари́ти Бо́га, пою́ще Ему́: Аллилу́иа.

Икос 10

Стена́ тве́рда и наде́жное прибе́жище есте́, святи́и му́ченицы, всем к вам прибега́ющим и ско́рыя по́мощи тре́бующим, сего́ ра́ди во умиле́нии сердца́ на́шего взыва́ем:

Ра́дуйтеся, всех скорбя́щих ра́дование; ра́дуйтеся, всех угнете́нных и порабоще́нных прибе́жище и освобожде́ние.
Ра́дуйтеся, вдов и сиро́т заступле́ние; ра́дуйтеся, от ересе́й и раско́лов огражде́ние.
Ра́дуйтеся, я́ко вси нечести́вии житию ва́шему удивля́ются; ра́дуйтеся, я́ко вси благочести́вии о и́мени ва́шем веселя́тся.
Ра́дуйтеся, Гу́рие, Само́не и Ави́ве, страстоте́рпцы Христо́вы и оби́димых покрови́телие.

Кондак 11

Пе́ние благода́рственное принося́ще ко Го́споду и о нас, те́плии засту́пницы на́ши, мо́лим вас при́сно не отступа́ти от нас, грех на́ших ра́ди, но милосе́рдие от Го́спода всем испроси́те, вопию́щим Ему́: Аллилу́иа.

Икос 11

Светоза́рную тро́ицу святы́х му́чеников восхваля́юще, ве́рнии, устрани́мся ра́спрей и раздо́ров в жи́зни сей, убежи́м несогла́сий и разделе́ний в Правосла́вней ве́ре и храня́ще едине́ние ду́ха в сою́зе ми́ра, из глубины́ души́ воскли́кнем та́ко:

Ра́дуйтеся, громогла́сныя трубы́ Ева́нгельскаго благове́стия; ра́дуйтеся, сладкозву́чныя гу́сли про́поведи спасе́ния.
Ра́дуйтеся, кре́пции пра́вды рачи́телие; ра́дуйтеся, непоколеби́мии непра́вды истреби́тели.
Ра́дуйтеся, благочести́вым семе́йствам ми́ра и бла́га пода́тели; ра́дуйтеся, жесто́ким и неве́рным супру́гом стро́гие наказа́тели.
Ра́дуйтеся, Гу́рие, Само́не и Ави́ве, страстоте́рпцы Христо́вы и оби́димых покрови́телие.

Кондак 12

Благода́ть, да́нную вам от Бо́га, ве́дуще, па́мять ва́шу пра́зднуем, святы́е му́ченицы, с усе́рдным моле́нием к ва́шему честно́му о́бразу притека́юще, ва́шею тве́рдою по́мощию, я́ко необори́мою стено́ю огражда́емся, сего́ ра́ди восхваля́ем вас, страстоте́рпцы Христо́вы, и усе́рдно зове́м Бо́гу: Аллилу́иа.

Икос 12

Пою́ще ва́ше ди́вное житие́ и му́ченическую кончи́ну, мо́лим вас, страстоте́рпцы Христо́вы Гу́рие, Само́не и Ави́ве, бу́дете нам во всем благи́е помо́щницы, благослови́те нас ми́ром и любо́вию, пода́йте нам твердую ве́ру, чистоту́ жи́зни и страх Бо́жий, да вси душе́вный поко́й иму́ще, в ра́дости восклица́ем:

Ра́дуйтеся, я́ко имена́ ва́ша и между́ неве́рными прославля́ются.
Ра́дуйтеся, поко́й и отра́до скорбя́щим; ра́дуйтеся, страх и удивле́ние оби́дящим.
Ра́дуйтеся, неви́нную жену́ от лю́тыя сме́рти спа́сшии; ра́дуйтеся, зла́го му́жа ея́ досто́йно покара́вшии.
Ра́дуйтеся, Гу́рие, Само́не и Ави́ве, страстоте́рпцы Христо́вы и оби́димых покрови́телие.

Кондак 13

О святи́и страстоте́рпцы Христо́вы Гу́рие, Само́не и Ави́ве, приими́те сие́ на́ше хвале́бное пе́ние и, услы́шав усе́рдно жела́ние на́ше, изба́вите нас те́плым свои́м к Бо́гу предста́тельством, от вся́каго зла, от вражды́ и несогла́сий и вся́ких лю́тых бед и боле́зней, да с любо́вию вас чту́ще, вы́ну зове́м Бо́гу: Аллилу́иа.

Этот кондак читается трижды, зате́м икос 1-й «А́нгелы во пло́ти…» и кондак 1-й «Избра́ннии чудотво́рцы Христо́вы…».

Моли́тва

О святи́и му́ченицы и испове́дницы Христо́вы Гу́рие, Само́не и Ави́ве! Те́плии о нас хода́таи и моли́твенницы пред Бо́гом, во умиле́нии серде́ц на́ших, взира́я на пречи́стый ваш о́браз, смире́нно мо́лим вас: услы́шите нас, гре́шных и недосто́йных рабо́в свои́х, су́щих в беда́х, ско́рбех и напа́стех, и презре́в на́ша тя́жкая и безчи́сленная прегреше́ния, яви́те нам свою́ вели́кую ми́лость, воздви́гните нас из глубины́ грехо́вныя, просвети́те наш ум, смягчи́те зло́е и окая́нное се́рдце, прекрати́те за́висть, вражду́ и раздо́ры, в нас живу́щие. Осени́те нас ми́ром, любо́вию и стра́хом Бо́жиим, умоли́те милосе́рднаго Го́спода, да покры́ет мно́жество грехо́в на́ших Свои́м неизрече́нным милосе́рдием.

Да соблюде́т Це́рковь Свою́ Святу́ю от неве́рия, ересе́й и раско́лов. Да пода́ст стране́ на́шей мир, благоде́нствие, земли́ плодоро́дие; супру́гом любо́вь и согла́сие; ча́дам послуша́ние; оби́димым терпе́ние; оби́дящим страх Бо́жий; скорбя́щим благоду́шие; ра́дующимся воздержа́ние. Всех же нас да покры́ет Свое́ю всеси́льною десни́цею, и да изба́вит от гла́да, губи́тельства, тру́са, пото́па, огня́, меча́, наше́ствия иноплеме́нников и междоусо́бныя бра́ни, и напра́сныя сме́рти. Да огради́т нас ополчением святы́х Свои́х А́нгелов, во е́же изба́витися нам по исхо́де на́шем из жития́ сего́ от ко́зней лука́ваго и та́йных воздушных мыта́рств его́, и неосужде́нными предста́ти Престо́лу Го́спода Сла́вы, иде́же ли́цы святы́х А́нгел со все́ми святы́ми вы́ну сла́вят пресвято́е и великоле́пое и́мя Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Оценка 3.6 проголосовавших: 16

Канон гурию самону и авиву

Канон, глас 4-й

ОСТАВЬТЕ ОТВЕТ Отменить ответ

ПОПУЛЯРНЫЕ МОЛИТВЫ

Как молиться богородице?

Тропари за упокой

Молитва на благое дело

Псалтырь николаю чудотворцу

НОВЫЕ МОЛИТВЫ

Молитва на отход души

Молитва о исцелении болящего

Молитва от немощи и бессилия

Умягчение злых сердец икона божьей матери молитва