Литургия иоанна златоуста текст

Детально: литургия иоанна златоуста текст - со всех открытых источников и разных уголков мира на сайте 1000-molitv.ru для наших уважаемых читателей.

Оглавление [Показать]

Час третий

Иерей: Благословен Бог наш, всегда, ныне и присно и во веки веков.

Чтец:

Аминь.

Слава Тебе, Боже наш, слава Тебе.

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Трисвятое

Слава: И ныне:

Пресвятая Троице…

Господи помилуй (3 раза)

Слава: И ныне:

Отче наш…

Иерей: Яко Твое есть Царство Отца, и Сына, и Святаго Духа, и ныне и присно, и во веки веков.

Чтец: Аминь.

Господи, помилуй. (12 раз)

Слава: И ныне:

Приидите, поклонимся Цареви нашему Богу. (Поклон)

Приидите, поклонимся и припадем Христу, Цареви нашему Богу. (Поклон)

Приидите, поклонимся и припадем Самому Христу, Цареви и Богу нашему. (Поклон).

Псалом 16:

Услыши, Господи, правду мою, вонми молению моему, внуши молитву мою не во устнах льстивых. От лица Твоего судьба моя изыдет, oчи мои да видита правоты. Искусил eси сердце мое, посетил eси нощию, искусил мя eси, и не обретеся во мне неправда. Яко да не возглаголют уста моя дел человеческих, за словеса устен Твоих аз сохраних пути жестоки. Соверши стопы моя во стезях Твоих, да не подвижутся стопы моя. Аз воззвах, яко услышал мя eси, Боже, приклони ухо Твое мне и услыши глаголы моя. Удиви милости Твоя, спасаяй уповающыя на Тя от противящихся деснице Твоей. Сохрани мя, Господи, яко зеницу oка, в крове крилу Твоeю покрыеши мя. От лица нечестивых острастших мя, врази мои душу мою одержаша. Тук свой затвориша, уста их глаголаша гордыню. Изгонящии мя ныне обыдоша мя, oчи свои возложиша уклонити на землю. Объяша мя яко лев готов на лов и яко скимен обитаяй в тайных. Воскресни, Господи, предвари я и запни им, избави душу мою от нечестиваго, oружие Твое от враг руки Твоея. Господи, от малых от земли, раздели я в животе их, и сокровенных Твоих исполнися чрево их, насытишася сынов, и оставиша останки младенцeм своим. Аз же правдою явлюся лицу Твоему, насыщуся, внегда явити ми ся славе Твоей.

Псалом 24:

К Тебе, Господи, воздвигох душу мою, Боже мой, на Тя уповах, да не постыжуся во век, ниже да посмеют ми ся врази мои, ибо вси терпящии Тя не постыдятся. Да постыдятся беззаконнующии вотще. Пути Твоя, Господи, скажи ми, и стезям Твоим научи мя. Настави мя на истину Твою, и научи мя, яко Ты еси Бог Спас мой, и Тебе терпех весь день. Помяни щедроты Твоя, Господи, и милости Твоя, яко от века суть. Грех юности моея, и неведения моего не помяни, по милости Твоей помяни мя Ты, ради благости Твоея, Господи. Благ и прав Господь, сего ради законоположит согрешающым на пути. Наставит кроткия на суд, научит кроткия путем Своим. Вси путие Господни милость и истина, взыскающым завета Его, и свидения Его. Ради имене Твоего, Господи, и очисти грех мой, мног бо есть. Кто есть человек бояйся Господа? Законоположит eму на пути, eгоже изволи. Душа eго во благих водворится, и семя eго наследит землю. Держава Господь боящихся Его, и завет Его явит им. Очи мои выну ко Господу, яко Той исторгнет от сети нозе мои. Призри на мя и помилуй мя, яко единород и нищ есмь аз. Скорби сердца моего умножишася, от нужд моих изведи мя. Виждь смирение мое, и труд мой, и остави вся грехи моя. Виждь враги моя, яко умножишася, и ненавидением неправедным возненавидеша мя. Сохрани душу мою, и избави мя, да не постыжуся, яко уповах на Тя. Незлобивии и правии прилепляхуся мне, яко потерпех Тя, Господи. Избави, Боже, Израиля от всех скорбей eго.

Псалом 50:

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе Единому согреших и лукавое пред Тобою сотворих, яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на oлтарь Твой тельцы.

Слава: и Ныне:

Аллилуиа, аллилуиа, аллилуиа, слава Тебе, Боже. (Трижды)

Господи, помилуй. (Трижды)

Слава:

Тропарь праздника. Если тропарей два, читаются оба, Слава: произносится перед вторым.

И ныне:

Богородичен:

Богородица, Ты – лоза истинная, возрастившая нам Плод живота, Тебя молимся, Владычице, со святыми апостолы, помиловати души наша.

Чтец: Господь Бог благословен, благословен Господь день дне, поспешит нам Бог спасений наших, Бог наш, Бог спасати.

Трисвятое

Слава: И ныне:

Пресвятая Троице…

Господи помилуй (3 раза)

Слава: И ныне:

Отче наш…

Иерей: Яко Твое есть Царство Отца, и Сына, и Святаго Духа, и ныне и присно, и во веки веков.

Чтец: Аминь.

Кондак дня святаго, или праздника.

Господи, помилуй. (40 раз).

Иже на всякое время и на всякий час, на Небеси и на земли, покланяемый и славимый, Христе Боже, Долготерпеливе, Многомилостиве, Многоблагоутробне, Иже праведныя любяй и грешныя милуяй, Иже вся зовый ко спасению обещания ради будущих благ. Сам, Господи, приими и наша в час сей молитвы и исправи живот наш к заповедем Твоим, души наша освяти, телеса очисти, помышления исправи, мысли очисти и избави нас от всякия скорби, зол и болезней, огради нас святыми Твоими Ангелы, да ополчением их соблюдаеми и наставляеми, достигнем в соединение веры и в разум неприступныя Твоея славы, яко благословен еси во веки веков, аминь.

Господи помилуй (3 раза)

Слава: И ныне:

Чтец: Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.

Именем Господним благослови, отче.

Иерей: Молитвами святых отец наших, Господи, Иисусе Христе, Боже наш, помилуй нас.

Чтец: Аминь.

Молитва святого Мардария:

Владыко Боже Отче Вседержителю, Господи Сыне Единородный Иисусе Христе, и Святый Душе, Едино Божество, Едина Сила, помилуй мя, грешнаго, и имиже веси судьбами, спаси мя, недостойнаго раба Твоего, яко благословен еси во веки веков, аминь.

Час шестой

Приидите, поклонимся Цареви нашему Богу. (Поклон)

Приидите, поклонимся и припадем Христу, Цареви нашему Богу. (Поклон)

Приидите, поклонимся и припадем Самому Христу, Цареви и Богу нашему. (Поклон).

Псалом 53:

Боже, во имя Твое спаси мя, и в силе Твоей суди ми. Боже, услыши молитву мою, внуши глаголы уст моих. Яко чуждии восташа на мя и крепцыи взыскаша душу мою, и не предложиша Бога пред собою. Се бо Бог помогает ми, и Господь Заступник души моей. Отвратит злая врагом моим, истиною Твоею потреби их. Волею пожру Тебе, исповемся имени Твоему, Господи, яко благо, яко от всякия печали избавил мя еси, и на враги моя воззре око мое.

Псалом 54:

Внуши, Боже, молитву мою и не презри моления моего. Вонми ми и услыши мя: возскорбех печалию моею и смятохся. От гласа вражия и от стужения грешнича, яко уклониша на мя беззаконие и во гневе враждоваху ми. Сердце мое смятеся во мне и боязнь смерти нападе на мя. Страх и трепет прииде на мя и покры мя тьма. И рех: кто даст ми криле, яко голубине, и полещу, и почию? Се удалихся бегая и водворихся в пустыни. Чаях Бога, спасающаго мя от малодушия и от бури. Потопи, Господи, и раздели языки их: яко видех беззаконие и пререкание во граде. Днем и нощию обыдет и по стенам eго. Беззаконие и труд посреде eго и неправда. И не оскуде от стогн eго лихва и лесть. Яко аще бы враг поносил ми, претерпел бых убо, и аще бы ненавидяй мя на мя велеречевал, укрыл бых ся от него. Ты же, человече равнодушне, владыко мой и знаемый мой, иже купно наслаждался еси со мною брашен, в дому Божии ходихом единомышлением. Да приидет же смерть на ня, и да снидут во ад живи, яко лукавство в жилищах их, посреде их. Аз к Богу воззвах, и Господь услыша мя. Вечер и заутра, и полудне повем, и возвещу, и услышит глас мой. Избавит миром душу мою от приближающихся мне, яко во мнозе бяху со мною. Услышит Бог и смирит я, Сый прежде век. Несть бо им изменения, яко не убояшася Бога. Простре руку свою на воздаяние, оскверниша завет Его. Разделишася от гнева лица Его, и приближишася сердца их, умякнуша словеса их паче елеа, и та суть стрелы. Возверзи на Господа печаль твою, и Той тя препитает, не даст в век молвы праведнику. Ты же, Боже, низведеши их во студенец истления, мужие кровей и льсти не преполовят дней своих. Аз же, Господи, уповаю на Тя.

Псалом 90:

Живый в помощи Вышняго, в крове Бога Небеснаго водворится. Речет Господеви: Заступник мой еси и Прибежище мое, Бог мой, и уповаю на Него. Яко Той избавит тя от сети ловчи и от словесе мятежна, плещма Своима осенит тя, и под криле Его надеешися: оружием обыдет тя истина Его. Не убоишися от страха нощнаго, от стрелы летящия во дни, от вещи во тме преходящия, от сряща и беса полуденнаго. Падет от страны твоея тысяща, и тма одесную тебе, к тебе же не приближится, обаче очима твоима смотриши, и воздаяние грешников узриши. Яко Ты, Господи, упование мое, Вышняго положил еси прибежище твое. Не приидет к тебе зло и рана не приближится телеси твоему, яко Ангелом Своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою, на аспида и василиска наступиши, и попереши льва и змия. Яко на Мя упова и избавлю и, покрыю и, яко позна имя Мое. Воззовет ко Мне и услышу eго, с ним есмь в скорби, изму eго и прославлю eго, долготою дний исполню eго и явлю eму спасение Мое.

Слава: И ныне:

Аллилуиа, аллилуиа, аллилуиа, слава Тебе, Боже. (Трижды)

Господи, помилуй. (Трижды)

Тропарь праздника. Если тропарей два, читаются оба,

Слава: произносится перед вторым.

И ныне:

Богородичен:

Яко не имамы дерзновения за премногия грехи наша, Ты иже от Тебе Рождшагося моли, Богородице Дево, много бо может моление Матернее ко благосердию Владыки. Не презри грешных мольбы, Всечистая, яко милостив есть и спасти могий, Иже и страдати о нас изволивый.

Скоро да предварят ны щедроты Твоя, Господи, яко обнищахом зело; помози нам, Боже, Спасе наш, славы ради Имене Твоего, Господи, избави нас и очисти грехи наша, Имене ради Твоего.

Трисвятое

Слава: И ныне:

Пресвятая Троице…

Господи помилуй (3 раза)

Слава: И ныне:

Отче наш…

Иерей: Яко Твое есть Царство Отца, и Сына, и Святаго Духа, и ныне и присно, и во веки веков.

Чтец: Аминь.

Кондак праздника.

Господи, помилуй. (40 раз).

Иже на всякое время и на всякий час, на Небеси и на земли, покланяемый и славимый, Христе Боже, Долготерпеливе, Многомилостиве, Многоблагоутробне, Иже праведныя любяй и грешныя милуяй, Иже вся зовый ко спасению обещания ради будущих благ. Сам, Господи, приими и наша в час сей молитвы и исправи живот наш к заповедем Твоим, души наша освяти, телеса очисти, помышления исправи, мысли очисти и избави нас от всякия скорби, зол и болезней, огради нас святыми Твоими Ангелы, да ополчением их соблюдаеми и наставляеми, достигнем в соединение веры и в разум неприступныя Твоея славы, яко благословен еси во веки веков, аминь.

Господи, помилуй. (3 раза).

Слава: И ныне:

Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.

Именем Господним благослови, отче.

Иерей: Молитвами святых отец наших, Господи, Иисусе Христе, Боже наш, помилуй нас.

Чтец: Аминь.

Молитва святого Василия Великого:

Боже и Господи сил и всея твари Содетелю, Иже за милосердие безприкладныя милости Твоея Единороднаго Сына Твоего, Господа нашего Иисуса Христа, низпославый на спасение рода нашего, и честным Его Крестом рукописание грех наших растерзавый, и победивый тем начала и власти тьмы. Сам, Владыко Человеколюбче, приими и нас, грешных, благодарственныя сия и молебныя молитвы и избави нас от всякаго всегубительнаго и мрачнаго прегрешения и всех озлобити нас ищущих видимых и невидимых враг. Пригвозди страху Твоему плоти наша и не уклони сердец наших в словеса или помышления лукавствия, но любовию Твоею уязви души наша, да, к Тебе всегда взирающе и еже от Тебе светом наставляеми, Тебе, неприступнаго и присносущнаго зряще Света, непрестанное Тебе исповедание и благодарение возсылаем, Безначальному Отцу со Единородным Твоим Сыном и Всесвятым, и Благим, и Животворящим Твоим Духом ныне, и присно, и во веки веков, аминь.

ЛИТУРГИЯ ОГЛАШЕННЫХ

Диакон: Благослови, владыко.

Иерей: Благословено Царство Отца и Сына, и Святаго Духа, ныне и присно, и во веки веков.

Хор: Аминь.

Ектения великая

Диакон: Миром Господу помолимся.

Хор: Господи, помилуй. (На каждое прошение)

О свышнем мире и спасении душ наших, Господу помолимся.

О мире всего мира, благостоянии святых Божиих церквей и соединении всех, Господу помолимся.

О святем храме сем и с верою, благоговением и страхом Божиим входящих в онь, Господу помолимся.

О Великом Господине и отце нашем, Святейшем Патриархе (имярек), и о господине нашем преосвященнейшем митрополите(или архиепископе, или епископе) (имярек), честнем пресвитерстве, во Христе диаконстве и о всем причте и людех, Господу помолимся.

О Богохранимей стране нашей, властех и воинстве ея, Господу помолимся.

О граде сем, (или о веси сей, или о святей обители сей), всяком граде, стране и верою живущих в них, Господу помолимся.

О благорастворении воздухов, о изобилии плодов земных и временех мирных, Господу помолимся.

О плавающих, путешествующих, недугующих, страждущих, плененных и о спасении их, Господу помолимся.

О избавитися нам от всякия скорби, гнева и нужды, Господу помолимся.

Заступи, спаси, помилуй и сохрани нас, Боже, Твоею благодатию.

Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим.

Хор: Тебе, Господи.

Молитва первого антифона

Иерей. Тайная молитва первого антифона: Господи Боже наш, Егоже держава несказанна и слава непостижима, Егоже милость безмерна и человеколюбие неизреченно. Сам, Владыко, по благоутробию Твоему призри на ны и на святый храм сей, и сотвори с нами и молящимися с нами, богатыя милости Твоя и щедроты Твоя.

Иерей. Возглас: Яко подобает Тебе всякая слава, честь и поклонение, Отцу, и Сыну, и Святому Духу, ныне и присно, и во веки веков.

Хор: Аминь.

Первый изобразительный антифон

1. Благослови, душе моя, Господа. Благословен еси, Господи. Благослови, душе моя, Господа, и вся внутренняя моя Имя святое Его.

2. Благослови, душе моя, Господа, и не забывай всех воздаяний Его.

1. Очищающаго вся беззакония твоя, исцеляющаго вся недуги твоя.

2. Избавляющаго от истления живот твой, венчающаго тя милостию и щедротами.

1. Исполняющаго во благих желание твое: обновится, яко орля, юность твоя.

2. Творяй милостыни Господь, и судьбу всем обидимым.

1. Сказа пути Своя Моисеови, сыновом Израилевым хотения Своя.

2. Щедр и милостив Господь, долготерпелив и многомилостив.

1. Не до конца прогневается, ниже в век враждует.

2. Не по беззаконием нашим сотворил есть нам, ниже по грехом нашим воздал есть нам.

1. Яко по высоте небесней от земли, утвердил есть Господь милость Свою на боящихся Его.

2. Елико отстоят востоцы от запад, удалил есть от нас беззакония наша.

1. Якоже щедрит отец сыны, ущедри Господь боящихся Его.

2. Яко Той позна создание наше, помяну, яко персть есмы.

1. Человек, яко трава дние его, яко цвет сельный, тако оцветет.

2. Яко дух пройде в нем, и не будет, и не познает ктому места своего.

1. Милость же Господня от века и до века на боящихся Его.

2. И правда Его на сынех сынов, хранящих завет Его, и помнящих заповеди Его творити я.

1. Господь на небеси уготова Престол Свой, и Царство Его всеми обладает.

2. Благословите Господа, вси Ангели Его, сильнии крепостию, творящии слово Его, услышати глас словес Его.

1. Благословите Господа, вся силы Его, слуги Его, творящии волю Его.

2. Благословите Господа, вся дела Его, на всяком месте владычества Его.

1. Слава Отцу и Сыну и Святому Духу.

2. И ныне и присно и во веки веков. Аминь.

1. Благослови, душе моя, Господа, и вся внутренняя моя Имя святое Его. Благословен еси, Господи.

Ектения малая

Диакон: Паки и паки, миром Господу помолимся.

Хор: Господи, помилуй. (На каждое прошение)

Заступи, спаси, помилуй и сохрани нас, Боже, Твоею благодатию.

Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим.

Хор: Тебе, Господи.

Молитва второго антифона

Иерей. Тайная молитва второго антифона: Господи Боже наш, спаси люди Твоя и благослови достояние Твое, исполнение Церкве Твоея сохрани, освяти любящия благолепие дому Твоего. Ты тех воспрослави Божественною Твоею силою и не остави нас, уповающих на Тя.

Иерей. Возглас: Яко Твоя держава и Твое есть Царство и сила, и слава, Отца, и Сына, и Святаго Духа, ныне и присно, и во веки веков.

Хор: Аминь. Слава Отцу и Сыну и Святому Духу.

Второй изобразительный антифон

1. Хвали, душе моя, Господа. Восхвалю Господа в животе моем, пою Богу моему, дондеже есмь.

2. Не надейтеся на князи, на сыны человеческия, в нихже несть спасения.

1. Изыдет дух его, и возвратится в землю свою: в той день погибнут вся помышления его.

2. Блажен, емуже Бог Иаковль помощник его, упование его на Господа Бога своего.

1. Сотворшаго небо и землю, море и вся, яже в них.

2. Хранящаго истину в век, творящаго суд обидимым, дающаго пищу алчущим.

1. Господь решит окованныя, Господь умудряет слепцы.

2. Господь возводит низверженныя, Господь любит праведники.

1. Господь хранит пришельцы, сира и вдову приимет, и путь грешных погубит.

2. Воцарится Господь во век, Бог твой, Сионе, в род и род.

Слава Отцу и Сыну и Святому Духу, и ныне и присно и во веки веков. Аминь.

Песнь Господу Иисусу Христу

Хор: Единородный Сыне и Слове Божий, Безсмертен Сый и изволивый спасения нашего ради воплотитися от Святыя Богородицы и Приснодевы Марии, непреложно вочеловечивыйся, распныйся же, Христе Боже, смертию смерть поправый, Един Сый Святыя Троицы, спрославляемый Отцу и Святому Духу, спаси нас.

Ектения малая

Диакон: Паки и паки, миром Господу помолимся.

Хор: Господи, помилуй. (На каждое прошение)

Заступи, спаси, помилуй и сохрани нас, Боже, Твоею благодатию.

Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим.

Хор: Тебе, Господи.

Молитва третьего антифона

Иерей. Тайная молитва третьего антифона: Иже общия сия и согласныя даровавый нам молитвы, иже и двема или трем согласующимся о имени Твоем прошения подати обещавый, Сам и ныне раб Твоих прошения к полезному исполни, подая нам и в настоящем веце познание Твоея истины, и в будущем живот вечный даруя.

Иерей. Возглас: Яко благ и человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков.

Хор: Аминь.

Третий изобразительный антифон. Блаженны

1. Во Царствии Твоем помяни нас, Господи, егда приидеши, во Царствии Твоем.

1. Блажени нищии духом, яко тех есть Царство Небесное.

2. Блажени плачущии, яко тии утешатся.

1. Блажени кротции, яко тии наследят землю.

2. Блажени алчущии и жаждущии правды, яко тии насытятся.

1. Блажени милостивии, яко тии помиловани будут.

2. Блажени чистии сердцем, яко тии Бога узрят.

1. Блажени миротворцы, яко тии сынове Божии нарекутся.

2. Блажени изгнани правды ради, яко тех есть Царство Небесное.

1. Блажени есте, егда поносят вам, и изженут, и рекут всяк зол глагол на вы, лжуще Мене ради.

2. Радуйтеся и веселитеся, яко мзда ваша многа на Небесех.

1. Слава Отцу и Сыну и Святому Духу.

2. И ныне и присно и во веки веков. Аминь.

Малый вход с Евангелием

Диакон: Господу помолимся.

Хор: Господи, помилуй.

Молитва входа

Иерей. Тайная молитва входа: Владыко Господи Боже наш, уставивый на небесех чины и воинства Ангел и Архангел в служение Твоея славы, сотвори со входом нашим входу святых Ангелов быти, сослужащих нам, и сославословящих Твою благость. Яко подобает Тебе всякая слава, честь и поклонение, Отцу, и Сыну, и Святому Духу, ныне и присно, и во веки веков. Аминь.

Диакон: Благослови, владыко, святый вход.

Иерей благословляя: Благословен вход святых Твоих, всегда, ныне и присно, и во веки веков.

Диакон: Премудрость, прости.

Входное

Хор: Приидите, поклонимся и припадем ко Христу. Спаси ны, Сыне Божий, Воскресый из мертвых, поющия Ти, аллилуиа. Единожды.

Хор поет тропари и кондаки по Уставу.

Священник же глаголет молитву сию:

Иерей. Тайная молитва: Боже Святый, иже во святых почиваяй, иже трисвятым гласом от Серафимов воспеваемый и от Херувимов славословимый, и от всякия Небесныя Силы покланяемый, иже от небытия во еже быти приведый всяческая, создавый человека по образу Твоему и по подобию, и всяким Твоим дарованием украсивый, даяй просящему премудрость и разум, и не презираяй согрешающаго, но полагаяй на спасение покаяние, сподобивый нас, смиренных и недостойных раб Твоих, и в час сей стати пред славою святаго Твоего жертвенника, и должное Тебе поклонение и славословие приносити. Сам, Владыко, приими и от уст нас, грешных, Трисвятую песнь, и посети ны благостию Твоею, прости нам всякое согрешение вольное же и невольное, освяти наша души и телеса, и даждь нам в преподобии служити Тебе вся дни живота нашего, молитвами святыя Богородицы, и всех святых, от века Тебе благоугодивших.

Диакон иерею: Благослови, владыко, время Трисвятаго.

Иерей благословляя, возглас: Яко свят еси, Боже наш, и Тебе славу возсылаем, Отцу, и Сыну, и Святому Духу, ныне и присно.

Диакон: Господи, спаси благочестивыя. И услыши ны. И во веки веков.

Хор: Аминь.

Трисвятое

Хор: Святый Боже, Святый Крепкий, Святый Безсмертный, помилуй нас. (3 раза)

Иногда читается по гречески:

Άγιος ό Θεός, άγιος ίσχυρός, άγιος αθάνατος, έλέησον ημάς.

А́гиос о Фэо́с, А́гиос исхиро́с, А́гиос афа́натос, эле́исон има́с.

Слава Отцу и Сыну и Святому Духу, и ныне и присно и во веки веков. Аминь.

Святый Безсмертный, помилуй нас.

Святый Боже, Святый Крепкий, Святый Безсмертный, помилуй нас.

Диакон иерею: Повели, владыко.

Иерей: Благословен грядый во имя Господне.

Диакон: Благослови, владыко, Горний престол.

Иерей: Благословен еси на престоле славы Царствия Твоего, Седяй на Херувимех, всегда, ныне и присно, и во веки веков.

Диакон: Вонмем.

Иерей: Мир всем.

Чтец: И духови твоему.

Диакон: Премудрость.

Чтец: Прокимен, псалом Давидов.

ПРОКИМНЫ И АЛЛИЛУИАРИИ ВОСКРЕСНЫЕ.

Глас 1 Буди, Господи, милость Твоя на нас, якоже уповахом на Тя.

Стих: Радуйтеся, праведнии, о Господе, правым подобает похвала.

Аллилуиа: Бог даяй отмщение мне, и покоривый люди под мя.

Стих: Величаяй спасения Царева, и творяй милость Христу своему Давиду, и семени Его до века.

Глас 2 Крепость моя и пение мое Господь, и бысть мне во спасение.

Стих: Наказуя наказа мя Господь, смерти же не предаде мя.

Аллилуиа: Услышит тя Господь в день печали, защитит тя Имя Бога Иаковля.

Стих: Господи, спаси царя, и услыши ны, воньже аще день призовем Тя.

Глас 3 Пойте Богу нашему, пойте, пойте Цареви нашему, пойте.

Стих: Вси языцы восплещите руками, воскликните Богу гласом радования.

Аллилуиа: На Тя, Господи, уповах, да не постыжуся во век.

Стих: Буди ми в Бога Защитителя, и в дом прибежища, еже спасти мя.

Глас 4 Яко возвеличишася дела Твоя, Господи, вся премудростию сотворил еси.

Стих: Благослови душе моя, Господа, Господи Боже мой, возвеличился еси зело.

Аллилуиа: Наляцы, и успевай, и царствуй истины ради, и кротости, и правды.

Стих: Возлюбил еси правду, и возненавидел еси беззаконие.

Глас 5 Ты, Господи, сохраниши ны, и соблюдеши ны от рода сего и во век.

Стих: Спаси мя, Господи, яко оскуде преподобный.

Аллилуиа: Милости Твоя, Господи, во век воспою, в род и род возвещу истину Твою усты моими.

Стих: Зане рекл еси: в век милость созиждется, на небесех уготовится истина Твоя.

Глас 6 Спаси, Господи, люди Твоя, и благослови достояние Твое.

Стих: К Тебе, Господи, воззову, Боже мой, да не премолчиши от мене.

Аллилуиа: Живый в помощи Вышняго, в крове Бога Небеснаго водворится.

Стих: Речет Господеви: заступник мой еси, и прибежище мое, Бог мой, и уповаю на Него.

Глас 7 Господь крепость людем Своим даст, Господь благословит люди Своя миром.

Стих: Принесите Господеви, сынове Божии, принесите Господеви сыны овни.

Аллилуиа: Благо есть исповедатися Господеви, и пети имени Твоему Вышний.

Стих: Возвещати заутра милость Твою, и истину Твою на всяку нощь.

Глас 8 Помолитеся и воздадите Господеви Богу нашему.

Стих: Ведом во Иудеи Бог, во Израили велие Имя Его.

Аллилуиа: Приидите, возрадуемся Господеви, воскликнем Богу Спасителю нашему.

Стих: Предварим лице Его во исповедании, и во псалмех воскликнем Ему.

ПРОКИМНЫ И АЛЛИЛУИАРИИ ДНЕЙ СЕДМИЦЫ.

Понедельник, глас 4: Творяй Ангелы Своя духи и слуги Своя пламень огненный.

Стих: Благослови, душе моя, Господа, Господи Боже мой, возвеличился еси зело.

Аллилуиа, глас 5: Хвалите Господа, вси Ангели Его, хвалите Его, вся силы Его.

Стих: Яко Той рече, и быша; Той повеле, и создашася.

Вторник, глас 7: Возвеселится праведник о Господе, и уповает на Него.

Стих: Услыши Боже глас мой, внегда молити ми ся к Тебе.

Аллилуиа, глас 4: Праведник яко финикс процветет, яко кедр, иже в Ливане, умножится.

Стих: Насаждени в дому Господни, во дворех Бога нашего процветут.

Среда, глас 3: Величит душа Моя Господа, и возрадовася дух Мой о Бозе Спасе Моем.

Стих: Яко призре на смирение Рабы Своея, се бо, отныне ублажат Мя вси роди.

Аллилуиа, глас 8: Слыши, Дщи, и виждь, и приклони ухо Твое.

Стих: Лицу Твоему помолятся богатии людстии.

Четверг, глас 8: Во всю землю изыде вещание их и в концы вселенныя глаголы их.

Стих: Небеса поведают славу Божию, творение же руку Его возвещает твердь.

Аллилуиа, глас 1: Исповедят небеса чудеса Твоя, Господи, ибо истину Твою в Церкви святых.

Стих: Бог прославляем в совете святых.

Пятница, глас 7: Возносите Господа Бога нашего и поклоняйтеся подножию ногу Его, яко свято есть.

Стих: Господь воцарися, да гневаются людие.

Аллилуиа, глас 1: Помяни сонм Твой, егоже стяжал еси исперва.

Стих: Бог же Царь наш прежде века, содела спасение посреде земли.

Суббота, глас 8: Веселитеся о Господе, и радуйтеся праведнии.

Стих: Блажени, ихже оставишася беззакония и ихже прикрышася греси.

Аллилуиа, глас 4: Воззваша праведнии, и Господь услыша их, и от всех скорбей их избави их.

Стих: Многи скорби праведным, и от всех их избавит я Господь.

Заупокойный прокимен, глас 6: Души их во благих водворятся.

Аллилуиа, глас 4: Блажени, яже избрал и приял еси, Господи.

Стих: И память их в род и род.

Диакон: Премудрость.

Чтец: Деяний святых Апостол чтение. (Или: Соборнаго послания Иаковля, или Петрова чтение. Или: К Римляном, или к Коринфяном, или к галатом, или к Тимофею послания святаго Апостола Павла чтение.)

Диакон: Вонмем.

Чтение Апостола

После чтения Иерей: Мир ти.

Чтец: И духови твоему.

Чтец: Аллилуиа.

Хор: Аллилуиа. (3 раза)

Диакон: Премудрость.

Иерей. Тайно. Молитва перед чтением Евангелия: Возсияй в сердцах наших, человеколюбче Владыко, Твоего Богоразумия нетленный свет, и мысленныя наши отверзи очи, во Евангельских Твоих проповеданий разумение. Вложи в нас и страх блаженных Твоих заповедей, да плотския похоти вся поправше, духовное жительство пройдем, вся, яже ко благоугождению Твоему, и мудрствующе и деюще. Ты бо еси просвещение душ и телес наших, Христе Боже, и Тебе славу возсылаем, со безначальным Твоим Отцем, и пресвятым и благим и животворящим Твоим Духом, ныне и присно, и во веки веков. Аминь.

Диакон: Благослови, владыко, благовестителя святаго Апостола и Евангелиста, (имярек).

Иерей: Бог, молитвами святаго, славнаго, всехвальнаго Апостола и Евангелиста, (имярек), да даст тебе глагол благовествующему силою многою, во исполнение Евангелия возлюбленнаго Сына Своего, Господа нашего Иисуса Христа.

Диакон: Аминь.

Иерей: Премудрость, прости, услышим святаго Евангелия.

Иерей: Мир всем.

Хор: И духови твоему.

Диакон: От (имярек) святаго Евангелия чтение.

Хор: Слава Тебе, Господи, слава Тебе.

Иерей: Вонмем.

Чтение Евангелия

Иерей: Мир ти, благовествующему.

Хор: Слава Тебе, Господи, слава Тебе.

Ектения сугубая

Диакон: Рцем вси от всея души, и от всего помышления нашего рцем.

Хор: Господи, помилуй. (На каждое прошение)

Господи Вседержителю, Боже отец наших, молим Ти ся, услыши и помилуй.

Помилуй нас, Боже, по велицей милости Твоей, молим Ти ся, услыши и помилуй.

Хор: Господи, помилуй. (3 раза) (На каждое прошение)

Еще молимся о Великом Господине и отце нашем, Святейшем Патриархе (имярек), и о господине нашем преосвященнейшем митрополите (или архиепископе, или епископе) (имя рек), и о всей во Христе братии нашей.

Еще молимся о Богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.

Еще молимся о братиях наших, священницех, священномонасех, и всем во Христе братстве нашем.

Еще молимся о блаженных и приснопамятных святейших патриарсех православных и создателех святаго храма сего (если в монастыре: святыя обители сея), и о всех прежде почивших отцех и братиях, зде лежащих и повсюду, православных.

Еще молимся о милости, жизни, мире, здравии, спасении, посещении, прощении и оставлении грехов рабов Божиих, братии святаго храма сего (если в монастыре: святыя обители сея).

Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.

Иерей. Тайно. Молитва усердного моления: Господи Боже наш, прилежное сие моление приими от Твоих раб, и помилуй нас по множеству милости Твоея, и щедроты Твоя низпосли на ны и на вся люди Твоя, чающыя от Тебе богатыя милости.

Иерей. Возглас: Яко милостив и Человеколюбец Бог еси, и Тебе славу возсылаем, Отцу, и Сыну, и Святому Духу, ныне и присно, и во веки веков.

Хор: Аминь.

Заупокойная ектения. В некоторые дни церковного года.

Диакон: Помилуй нас, Боже, по велицей милости Твоей, молим Ти ся, услыши и помилуй.

Хор: Господи, помилуй. (Трижды). (На каждое прошение)

Еще молимся о упокоении душ усопших рабов Божиих имярек, и о еже проститися им всякому прегрешению, вольному же и невольному.

Яко да Господь Бог учинит души их, идеже праведнии упокояются.

Милости Божия, Царства Небеснаго и оставления грехов их у Христа, безсмертнаго Царя и Бога нашего, просим.

Хор: Подай, Господи.

Диакон: Господу помолимся.

Хор: Господи, помилуй.

Иерей. Тайно, Молитва об усопших: Боже духов, и всякия плоти, смерть поправый и диавола упразднивый, и живот миру Твоему даровавый: Сам, Господи, покой души усопших раб Твоих, имярек, в месте светле, в месте злачне, в месте покойне, отнюдуже отбеже болезнь, печаль и воздыхание. Всякое согрешение, содеянное ими словом, или делом, или помышлением, яко благий человеколюбец Бог, прости. Яко несть человек, иже жив будет и не согрешит. Ты бо Един кроме греха, правда Твоя правда во веки, и слово Твое истина.

Иерей. Возглас: Яко Ты еси воскресение и живот и покой усопших раб Твоих, имярек, Христе Боже наш, и Тебе славу возсылаем, со безначальным Твоим Отцем, и пресвятым и благим и животворящим Твоим Духом, ныне и присно, и во веки веков.

Хор: Аминь.

Ектения об оглашенных

Диакон: Помолитеся, оглашеннии, Господеви.

Хор: Господи, помилуй. (На каждое прошение)

Вернии, о оглашенных помолимся, да Господь помилует их.

Огласит их словом истины.

Открыет им Евангелие правды.

Соединит их святей Своей соборней и апостольстей Церкви.

Спаси, помилуй, заступи и сохрани их, Боже, Твоею благодатию.

Оглашеннии, главы ваша Господеви приклоните.

Хор: Тебе, Господи.

Иерей. Тайно. Молитва об оглашаемых: Господи Боже наш, иже на высоких живый и на смиренныя призираяй, иже спасение роду человеческому низпославый, Единороднаго Сына Твоего и Бога, Господа нашего Иисуса Христа, призри на рабы Твоя оглашенныя, подклоньшия Тебе Своя выя, и сподоби я во время благополучное бани пакибытия, оставления грехов и одежди нетления, соедини их святей Твоей соборней и апостольстей Церкви, и сопричти их избранному Твоему стаду.

Иерей. Возглас: Да и тии с нами славят пречестное и великолепое имя Твое, Отца, и Сына, и Святаго Духа, ныне и присно, и во веки веков.

Хор: Аминь.

Иерей простирает антиминс.

Диакон: Елицы оглашеннии, изыдите, оглашеннии изыдите, елицы оглашеннии изыдите. Да никто от оглашенных, елицы вернии, паки и паки миром Господу помолимся.

Хор: Господи, помилуй.

ЛИТУРГИЯ ВЕРНЫХ

Диакон: Заступи, спаси, помилуй и сохрани нас, Боже, Твоею благодатию.

Хор: Господи, помилуй.

Диакон: Премудрость.

Иерей. Тайно. Молитва верных первая: Благодарим Тя, Господи Боже Сил, сподобившаго нас предстати и ныне святому Твоему жертвеннику, и припасти ко щедротам Твоим о наших гресех и о людских неведениих. Приими, Боже, моление наше, сотвори ны достойны быти, еже приносити Тебе моления и мольбы, и жертвы безкровныя о всех людех Твоих. И удовли нас, ихже положил еси в службу Твою сию, силою Духа Твоего Святаго, неосужденно и непреткновенно в чистем свидетельстве совести нашея, призывати Тя на всякое время и место. Да послушая нас, милостив нам будеши, во множестве Твоея благости.

Иерей. Возглас: Яко подобает Тебе всякая слава, честь и поклонение, Отцу, и Сыну, и Святому Духу, ныне и присно, и во веки веков.

Хор: Аминь.

Диакон: Паки и паки, миром Господу помолимся.

Хор: Господи, помилуй. (На каждое прошение)

Заступи, спаси, помилуй и сохрани нас, Боже, Твоею благодатию.

Диакон: Премудрость.

Иерей. Тайною Молитва верных вторая: Паки и многажды Тебе припадаем, Тебе молимся, Благий и Человеколюбче, яко да призрев на моление наше, очистиши наша души и телеса от всякия скверны плоти и духа, и даси нам неповинное и неосужденное предстояние святаго Твоего жертвенника. Даруй же Боже, и молящимся с нами преспеяние жития и веры и разума духовнаго. Даждь им всегда со страхом и любовию служащим Тебе, неповинно и неосужденно причаститися святых Твоих Таин и Небеснаго Твоего Царствия сподобитися.

Иерей. Возглас: Яко да под державою Твоею всегда храними, Тебе славу возсылаем, Отцу, и Сыну, и Святому Духу, ныне и присно, и во веки веков.

Хор: Аминь.

Отверзаются Царские врата.

Херувимская песнь

Хор: Иже Херувимы тайно образующе и животворящей Троице Трисвятую песнь припевающе, всякое ныне житейское отложим попечение.

Иерей. Тайно. Молитва Херувимской песни: Никтоже достоин от связавшихся плотскими похотьми и сластьми приходити, или приближитися, или служити Тебе, Царю Славы: еже бо служити Тебе, велико и страшно и самем Небесным Силам. Но обаче неизреченнаго ради и безмернаго Твоего человеколюбия, непреложно и неизменно был еси Человек, и Архиерей нам был еси: и служебныя сея и безкровныя жертвы священнодействие предал еси нам, яко Владыка всех. Ты бо един, Господи Боже наш, владычествуеши небесными и земными, иже на престоле Херувимсте носимый, иже Серафимов Господь, и Царь Израилев, иже Един свят, и во святых почиваяй. Тя убо молю, Единаго благаго и благопослушливаго: призри на мя, грешнаго и непотребнаго раба Твоего, и очисти мою душу и сердце от совести лукавыя, и удовли мя, силою святаго Твоего Духа, облечена благодатию священства, предстати святей Твоей сей трапезе, и священнодействовати Святое и Пречистое Твое Тело и Честную Кровь. К Тебе бо прихожду приклонь мою выю, и молю Ти ся, да не отвратиши лица Твоего от мене, ниже отринеши мене от отрок Твоих, но сподоби принесенным Тебе быти, мною грешным и недостойным рабом Твоим, даром сим. Ты бо еси приносяй и приносимый, и приемляй и раздаваемый, Христе Боже наш, и Тебе славу возсылаем, со безначальным Твоим Отцем, и Пресвятым, и Благим, и Животворящим Твоим Духом, ныне и присно, и во веки веков. Аминь.

Великий вход

Диакон: Великаго господина и отца нашего имярек, Святейшаго Патриарха Московскаго и всея Руси, и господина нашего преосвященнейшаго (имярек), митрополита (или архиепископа, или епископа егоже есть область), да помянет Господь Бог во Царствии Своем всегда, ныне и присно, и во веки веков.

Иерей: Преосвященныя митрополиты, архиепископы и епископы, и весь священнический и монашеский чин, причет святаго храма сего, и всех вас православных христиан, да помянет Господь Бог во Царствии Своем, всегда, ныне и присно, и во веки веков.

Хор: Аминь.

Вторая часть Херувимския песни: Яко да Царя всех подымем, ангельскими невидимо дориносима чинми. Аллилуиа, аллилуиа, аллилуиа.

Диакон: Да помянет Господь Бог священство твое во Царствии Своем, всегда, ныне и присно, и во веки веков.

Иерей: Да помянет Господь Бог священнодиаконство твое во Царствии Своем, всегда, ныне и присно, и во веки веков.

Иерей ставит Потир на престол со словами: Благообразный Иосиф, с древа снем Пречистое Тело Твое, плащаницею чистою обвив, и благоуханьми во гробе нове покрыв, положи.

Во гробе плотски, во аде же с душею яко Бог, в раи же с разбойником, и на престоле был еси, Христе, со Отцем и Духом, вся исполняяй неописанный.

Яко живоносец, яко рая краснейший, воистинну и чертога всякаго царскаго показася светлейший, Христе, гроб Твой, источник нашего воскресения.

Иерей покрывает воздухом Святые дары со словами: Благообразный Иосиф, с древа снем Пречистое Тело Твое, плащаницею чистою обвив, и благоуханьми во гробе нове покрыв, положи.

Затем иерей калит со словами: Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая, тогда возложат на олтарь Твой тельцы.

Иерей диакону: Помяни мя, брате и сослужителю.

Диакон к иерею: Да помянет Господь Бог священство твое во Царствии Своем. Помолися о мне, владыко святый.

Иерей: Дух Святый найдет на тя, и Сила Вышняго осенит тя.

Диакон: Тойже Дух содействует нам вся дни живота нашего. Помяни мя, владыко святый.

Иерей: Да помянет тя Господь Бог во Царствии Своем, всегда, ныне и присно, и во веки веков.

Диакон: Аминь.

Затворяются Царская врата.

Ектения просительная

Диакон: Исполним молитву нашу Господеви.

Хор: Господи, помилуй. (На каждое прошение)

О предложенных Честных Дарех, Господу помолимся.

О святем храме сем, и с верою, благоговением и страхом Божиим входящих в онь, Господу помолимся.

О избавитися нам от всякия скорби, гнева и нужды, Господу помолимся.

Заступи, спаси, помилуй и сохрани нас, Боже, Твоею благодатию.

Дне всего совершенна, свята, мирна и безгрешна, у Господа просим.

Хор: Подай, Господи. (На каждое прошение)

Ангела мирна, верна наставника, хранителя душ и телес наших, у Господа просим.

Прощения и оставления грехов и прегрешений наших, у Господа просим.

Добрых и полезных душам нашим, и мира мирови, у Господа просим.

Прочее время живота нашего в мире и покаянии скончати, у Господа просим.

Христианския кончины живота нашего, безболезненны, непостыдны, мирны и добраго ответа на страшнем судищи Христове просим.

Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим.

Хор: Тебе, Господи.

Иерей. Тайно. Молитва приношения: Господи Боже Вседержителю, Едине святе, приемляй жертву хваления от призывающих Тя всем сердцем. Приими и нас, грешных, моления и принеси ко святому Твоему жертвеннику, и удовли нас приносити Тебе дары же и жертвы духовныя о наших гресех и о людских неведениих, и сподоби нас обрести благодать пред Тобою, еже быти Тебе благоприятней жертве нашей, и вселитися Духу благодати Твоея благому в нас, и на предлежащих Дарех сих, и на всех людех Твоих.

Иерей. Возглас: Щедротами Единороднаго Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно, и во веки веков.

Хор: Аминь.

Иерей: Мир всем.

Хор: И духови твоему.

Диакон: Возлюбим друг друга, да единомыслием исповемы.

Хор: Отца, и Сына, и Святаго Духа, Троицу единосущную и нераздельную.

Иерей. Тайно: Возлюблю Тя, Господи, крепосте моя, Господь утверждение мое и прибежище мое. (3 раза).

Иерей и священнослужители в алтаре: Христос посреде нас. И есть, и будет.

Диакон: Двери, двери, премудростию вонмем.

Священник колеблет воздух над Честными.

Символ веры

Верую во единаго Бога Отца Вседержителя, Творца небу и земли, видимым же всем и невидимым.

И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век. Света от Света, Бога истинна от Бога истинна, рожденна, несотворенна, единосущна Отцу, Имже вся быша.

Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася.

Распятаго же за ны при Понтийстем Пилате, и страдавша, и погребенна.

И воскресшаго в третий день по Писанием.

И возшедшаго на небеса, и седяща одесную Отца.

И паки грядущаго со славою судити живым и мертвым, Егоже Царствию не будет конца.

И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки.

Во едину Святую, Соборную и Апостольскую Церковь.

Исповедую едино крещение во оставление грехов.

Чаю воскресения мертвых,

и жизни будущаго века. Аминь.

Святое Возношение.

Диакон: Станем добре, станем со страхом, вонмем, святое возношение в мире приносити.

Хор: Милость мира, жертву хваления.

Евхаристический канон

Иерей: Благодать Господа нашего Иисуса Христа, и любы Бога и Отца, и причастие Святаго Духа, буди со всеми вами.

Хор: И со духом твоим.

Иерей: Горе имеим сердца.

Хор: Имамы ко Господу.

Иерей: Благодарим Господа.

Хор: Достойно и праведно есть покланятися Отцу и Сыну, и Святому Духу, Троице единосущней и нераздельней.

Иерей. Тайно: Достойно и праведно Тя пети, Тя благословити, Тя хвалити, Тя благодарити, Тебе покланятися на всяком месте владычествия Твоего. Ты бо еси Бог неизреченен, недоведомь, невидимь, непостижимь, присно сый, такожде сый, Ты и Единородный Твой Сын, и Дух Твой Святый. Ты от небытия в бытие нас привел еси, и отпадшия возставил еси паки, и не отступил еси вся творя, дондеже нас на небо возвел еси, и Царство Твое даровал еси будущее. О сих всех благодарим Тя и Единороднаго Твоего Сына, и Духа Твоего Святаго, о всех, ихже вемы, и ихже не вемы, явленных и неявленных благодеяниих бывших на нас. Благодарим Тя и о службе сей, юже от рук наших прияти изволил еси. Аще и предстоят Тебе тысящи Архангелов и тмы Ангелов, Херувими и Серафими шестокрилатии, многоочитии, возвышащиися пернатии.

Возглас: Победную песнь поюще, вопиюще, взывающе и глаголюще.

Хор: Свят, свят, свят Господь Саваоф, исполнь небо и земля славы Твоея; осанна в вышних, благословен Грядый во имя Господне, осанна в вышних.

Иерей. Тайно: С сими и мы блаженными Силами, Владыко человеколюбче, вопием и глаголем: свят еси и пресвят, Ты и Единородный Твой Сын, и Дух Твой Святый. Свят еси и пресвят, и великолепна слава Твоя, иже мир Твой тако возлюбил еси, якоже Сына Твоего Единороднаго дати: да всяк веруяй в Него не погибнет, но имать живот вечный. Иже пришед, и все еже о нас смотрение исполнив, в нощь в нюже предаяшеся, паче же Сам Себе предаяше за мирский живот, прием хлеб во святыя Своя и пречистыя и непорочныя руки, благодарив и благословив, освятив, преломив, даде святым Своим учеником и Апостолом, рек:

Возглас: Приимите, ядите, сие есть Тело Мое, еже за вы ломимое во оставление грехов.

Хор: Аминь.

Иерей. Тайно: Подобне и чашу по вечери, глаголя:

Возглас: Пийте от нея вси, сия есть Кровь Моя Новаго Завета, яже за вы и за многия изливаемая, во оставление грехов.

Хор: Аминь.

Иерей. Тайно. Анамнезис: Поминающе убо спасительную сию заповедь, и вся яже о нас бывшая: Крест, гроб, тридневное воскресение, на небеса восхождение, одесную седение, второе и славное паки пришествие.

Возглас: Твоя от Твоих Тебе приносяще, о всех и за вся.

Преложение Святых Даров

Хор: Тебе поем, Тебе благословим, Тебе благодарим, Господи, и молим Ти ся, Боже наш.

Иерей. Тайно: Еще приносим Ти словесную сию и безкровную службу, и просим, и молим, и мили ся деем, низпосли Духа Твоего Святаго на ны, и на предлежащия Дары Сия.

Господи, иже Пресвятаго Твоего Духа в третий час Апостолом Твоим низпославый, Того, Благий, не отими от нас, но обнови нас, молящих Ти ся.

Иерей. Тайно. Эпиклезис: Еще приносим Ти словесную сию и безкровную службу, и просим, и молим, и мили ся деем, низпосли Духа Твоего Святаго на ны, и на предлежащия Дары Сия.

Иерей: Господи, иже Пресвятаго Твоего Духа в третий час Апостолом Твоим низпославый, Того, Благий, не отими от нас, но обнови нас, молящих Ти ся.

Диакон: Сердце чисто созижди во мне, Боже, и дух прав обнови во утробе моей.

Иерей: Господи, иже Пресвятаго Твоего Духа в третий час Апостолом Твоим низпославый, Того, Благий, не отими от нас, но обнови нас, молящих Ти ся.

Диакон: Не отвержи мене от лица Твоего, и Духа Твоего Святаго не отими от мене.

Иерей: Господи, иже Пресвятаго Твоего Духа в третий час Апостолом Твоим низпославый, Того, Благий, не отими от нас, но обнови нас, молящих Ти ся.

Диакон: преклонив главу и показуя орарем на Святый Хлеб, говорит иерею:

Благослови, владыко, святый хлеб.

Иерей: поклонившись, благословляет Святый Хлеб, говоря:

И сотвори убо хлеб сей Честное Тело Христа Твоего.

Диакон: Аминь. Благослови, владыко, Святую Чашу.

Иерей: благословляя Святую Чашу, говорит:

А еже в Чаши сей – а Честную Кровь Христа Твоего.

Диакон: Аминь.

Иерей: Излиянную за живот мира.

Диакон: Аминь.

Диакон: Аминь. Благослови, владыко, обоя.

Иерей: благословляя Святые Дары вместе говорит:

Преложив Духом Твоим Святым.

Диакон: Аминь, аминь, аминь.

Священнослужители делают земной поклон.

Диакон: Помяни мя, святый владыко, грешнаго.

Иерей: Да помянет Тя Господь Бог во Царствии Своем всегда, ныне и присно, и во веки веков.

Диакон: Аминь.

Иерей: Якоже быти причащающимся во трезвение души, во оставление грехов, в приобщение Святаго Твоего Духа, во исполнение Царствия Небеснаго, в дерзновение еже к Тебе, не в суд, или во осуждение.

Еще приносим Ти словесную сию службу, о иже в вере почивших, праотцех, отцех, патриарсех, пророцех, Апостолех, проповедницех, евангелистех, мученицех, исповедницех, воздержницех, и о всяком дусе праведнем в вере скончавшемся.

Иерей: Изрядно о Пресвятей, Пречистей, Преблагословенней, Славней Владычице нашей Богородице и Приснодеве Марии.

Хор: Достойно есть яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Конец Евхаристического канона.

Иерей. Тайная молитва: О святем Иоанне Пророце, Предтечи и Крестители, о святых славных и всехвальных Апостолех, о святем имярек, егоже и память совершаем, и о всех святых Твоих, ихже молитвами посети нас, Боже.

И помяни всех усопших о надежди воскресения жизни вечныя. (называет имена). И упокой их, идеже присещает свет лица Твоего.

Еще молим Тя, помяни, Господи, всякое епископство православных, право правящих слово Твоея истины, всякое пресвитерство, во Христе диаконство и всякий священнический чин. Еще приносим Ти словесную сию службу о вселенней, о святей, соборней и апостольстей Церкви, о иже в чистоте и честнем жительстве пребывающих, о Богохранимей стране нашей, властех и воинстве ея. Даждь им, Господи, мирное правление, да и мы в тишине их тихое и безмолвное житие поживем, во всяком благочестии и чистоте.

Возглас: В первых помяни, Господи, великаго господина и отца нашего (имярек), Святейшаго Патриарха Московскаго и всея Руси, и господина нашего преосвященнаго имярек, митрополита (или архиепископа, или епископа, егоже есть область), ихже даруй святым Твоим церквам, в мире, целых, честных, здравых, долгоденствующих, право правящих слово Твоея истины.

Хор: И всех, и вся.

Иерей. Тайная молитва: Помяни Господи град сей, в немже живем, (или весь сию, в нейже живем, или обитель сию, в нейже живем), и всякий град и страну, и верою живущих в них.

Помяни, Господи, плавающих, путешествующих, недугующих, страждущих, плененных, и спасение их.

Помяни, Господи, плодоносящих и добротворящих во святых Твоих церквах, и поминающих убогия, и на вся ны милости Твоя низпосли.

И поминает по именам, ихже хощет, живых.

Возглас: И даждь нам единеми усты и единем сердцем славити и воспевати пречестное и великолепое имя Твое, Отца, и Сына, и Святаго Духа, ныне и присно, и во веки веков.

Хор: Аминь.

Иерей обращься ко дверем и благословляя: И да будут милости великаго Бога и Спаса нашего Иисуса Христа со всеми вами.

Хор: И со духом твоим.

Ектения просительная

Диакон: Вся святыя помянувше, паки и паки миром Господу помолимся.

Хор: Господи, помилуй. (На каждое прошение)

О принесенных и освященных Честных Дарех, Господу помолимся.

Яко да человеколюбец Бог наш, прием я во святый и пренебесный и мысленный Свой жертвенник, в воню благоухания духовнаго, возниспослет нам Божественную благодать и дар Святаго Духа, помолимся.

О избавитися нам от всякия скорби, гнева и нужды, Господу помолимся.

Заступи, спаси, помилуй и сохрани нас, Боже, Твоею благодатию.

Дне всего совершенна, свята, мирна и безгрешна, у Господа просим.

Хор: Подай, Господи. (На каждое прошение)

Ангела мирна, верна наставника, хранителя душ и телес наших, у Господа просим.

Прощения и оставления грехов и прегрешений наших, у Господа просим.

Добрых и полезных душам нашим, и мира мирови, у Господа просим.

Прочее время живота нашего в мире и покаянии скончати, у Господа просим.

Христианския кончины живота нашего, безболезнены, непостыдны, мирны, и добраго ответа на страшнем судищи Христове просим.

Соединение веры и причастие Святаго Духа испросивше, сами себе, и друг друга, и весь живот наш Христу Богу предадим.

Хор: Тебе, Господи.

Молитва перед св. Причащением

Иерей. Тайная молитва: Тебе предлагаем живот наш весь и надежду, Владыко человеколюбче, и просим, и молим, и мили ся деем, сподоби нас причаститися Небесных Твоих и страшных Таин, сея Священныя и Духовныя Трапезы, с чистою совестию, во оставление грехов, в прощение согрешений, во общение Духа Святаго, в наследие Царствия Небеснаго, в дерзновение еже к Тебе, не в суд или во осуждение.

Возглас: И сподоби нас, Владыко, со дерзновением, неосужденно смети призывати Тебе, Небеснаго Бога Отца, и глаголати.

Хор: Отче наш, Иже еси на небесех, да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Иерей: Яко Твое есть Царство, и сила, и слава, Отца, и Сына, и Святаго Духа, ныне и присно, и во веки веков.

Хор: Аминь.

Иерей: Мир всем.

Хор: И духови твоему.

Диакон: Главы ваша Господеви приклоните.

Хор: Тебе, Господи.

После этого все, кто не Причащается должны покинуть храм

Иерей. Тайная молитва главопреклонения: Благодарим Тя, Царю невидимый, иже неисчетною Твоею силою вся содетельствовал еси, и множеством милости Твоея от небытия в бытие вся привел еси. Сам, Владыко, с небесе призри на подклоньшия Тебе главы своя, не бо подклониша плоти и крови, но Тебе страшному Богу. Ты убо Владыко, предлежащая всем нам во благое изравняй, по коегождо своей потребе: плавающим сплавай, путешествующим спутешествуй, недугующия исцели, Врачу душ и телес.

Возглас: Благодатию, и щедротами, и человеколюбием Единороднаго Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно, и во веки веков.

Хор: Аминь.

Иерей. Тайная молитва: Вонми, Господи Иисусе Христе Боже наш, от святаго жилища Твоего, и от престола славы Царствия Твоего, и прииди во еже освятити нас, иже горе со Отцем седяй, и зде нам невидимо спребываяй. И сподоби державною Твоею рукою преподати нам Пречистое Тело Твое и Честную Кровь, и нам и всем людем.

Диакон, стоя пред царскими вратами, препоясуется орарем крестообразно, показывая этим готовность послужить при совершении Святой Евхаристии.

Иерей тайно: Боже, очисти мя, грешнаго, и помилуй мя. (И 3 поклона)

Диакон тайно: Боже, очисти мя, грешнаго, и помилуй мя. (И 3 поклона)

Закрывются Царские врата завесой.

Диакон: Вонмем.

Священник берет Святый Агнец и, вознося (поднимая) его над дискосом, возглашает:

Святая-святым!

Хор: Един свят, един Господь, Иисус Христос, во славу Бога Отца. Аминь.

Диакон иерею: Раздроби, владыко, Святый Хлеб.

Иерей, разламывает Святой Хлеб по надрезу на четыре части, тихо произнося: Раздробляется и разделяется Агнец Божий, раздробляемый и неразделяемый, всегда ядомый и никогдаже иждиваемый, но причащающияся освящаяй.

Диакон иерею: Исполни, владыко, святый потир.

Священник, взяв частицу ИС и сотворив ею знамение креста над потиром, опускает ее в потир со словами:Исполнение Духа Святаго.

Диакон: Аминь.

Диакон взяв ковшец с теплотой, подносит его иерею, говоря: Благослови, владыко, теплоту.

Иерей, благословляя, говорит: Благословена теплота святых Твоих всегда, ныне и присно, и во веки веков. Аминь.

Диакон вливает теплоту в Потир, говоря: Теплота веры, исполнь Духа Святаго. Аминь.

Причащение священнослужителей в алтаре.

Хор поет Причастны:

В воскресенье:

Хвалите Господа с небес, хвалите Его в вышних. Аллилуиа, аллилуиа, аллилуиа.

В понедельник св. Бесплотным силам:

Творяй Ангелы Своя духи, и слуги Своя пламень огненный. Аллилуиа, аллилуиа, аллилуиа.

Во вторник святому Иоанну Предтече:

В память вечную будет праведник, от слуха зла не убоится. Аллилуиа, аллилуиа, аллилуиа.

В среду Пресвятой Богородице:

Чашу спасения прииму и имя Господне призову. Аллилуиа, аллилуиа, аллилуиа.

В четверг святым апостолам:

Во всю землю изыде вещание их, и в концы вселенныя глаголы их. Аллилуиа, аллилуиа, аллилуиа.

В пятницу святому Кресту:

Спасение соделал еси посреде земли, Боже. Аллилуиа, аллилуиа, аллилуиа.

В субботу всем святым:

Радуйтеся, праведнии, о Господе, правым подобает похвала. Аллилуиа, аллилуиа, аллилуиа.

И заупокойный:

Блажени, яже избрал и приял еси, Господи, и память их в род и род. Аллилуиа, аллилуиа, аллилуиа.

Причащение народа в храме.

Диакон, выйдя вместе с иереем на солею, возглашает: Со страхом Божиим и верою приступите!

И передает Святую Чашу священнику.

Хор: Благословен Грядый во имя Господне, Бог Господь и явися нам.

Священник читает молитву: Верую, Господи, и исповедую, яко Ты еси воистинну Христос, Сын Бога живаго, пришедый в мир грешныя спасти, от нихже первый есмь аз. Еще верую, яко сие есть самое пречистое Тело Твое, и сия есть самая честная Кровь Твоя. Молюся убо Тебе: помилуй мя и прости ми прегрешения моя, вольная и невольная, яже словом, яже делом, яже ведением и неведением, и сподоби мя неосужденно причаститися пречистых Твоих Таинств, во оставление грехов и в жизнь вечную. Аминь.

Таже: Вечери Твоея тайныя днесь, Сыне Божий, причастника мя приими; не бо врагом Твоим тайну повем, ни лобзания Ти дам, яко Иуда, но яко разбойник исповедаю Тя: помяни мя, Господи, во Царствии Твоем.

Да не в суд или во осуждение будет мне причащение Святых Твоих Таин, Господи, но во исцеление души и тела.

По окончании чтения молитвы причастники-миряне полагают земной поклон, подходят к Святой Чаше с благоговением, крестообразно сложив руки на груди, и называют свои имена. У Чаши во избежание пролития Святой Крови не полагается креститься.

Иерей, подавая Святые Дары, произносит: Причащается раб Божий (имя рек) Честнаго и Святаго Тела и Крове Господа и Бога и Спаса нашего Иисуса Христа, во оставление грехов своих и в жизнь вечную.

Диакон или алтарный служитель отирает платом уста причащающихся, а причастившиеся, поцеловав, если возможно, с благоговением и осторожностью край Святой Чаши, отходят и приемлют теплоту.

Хор: Тело Христово приимите, Источника безсмертнаго вкусите. Аллилуиа. Трижды.

После причащения мирян священник с диаконов входят в алтарь.

Священник ставит Святую Чашу на престол и, взяв дискос и читая воскресные песнопения:

Воскресение Христово видевше, поклонимся Святому Господу Иисусу, Единому Безгрешному. Кресту Твоему покланяемся, Христе, и Святое Воскресение Твое поем и славим: Ты бо еси Бог наш, разве Тебе иного не знаем, Имя Твое именуем. Приидите, вси вернии, поклонимся Святому Христову Воскресению, се бо прииде Крестом радость всему миру. Всегда благословяще Господа, поем Воскресение Его, распятие бо претерпев, смертию смерть разруши.

Светися, светися, Новый Иерусалиме! Слава бо Господня на тебе возсия. Ликуй ныне и веселися, Сионе! Ты же, Чистая, красуйся, Богородице, о востании Рождества Твоего.

О Пасха велия и священнейшая, Христе! О Мудросте, и Слове Божий, и Сило! Подавай нам истее Тебе причащатися в невечернем дни Царствия Твоего,- опускает в потир частицы, вынутые из просфор, лежащих на дискосе, со словами: «Отмый, Господи грехи поминавшихся зде Кровию Твоею Честною, молитвами святых Твоих.

Антиминсной губкой священник отирает дискос, чтобы не осталось на нем и самых мельчайших частичек. После опускания частиц в потир он покрывает Святую Чашу покровцем, а на дискос полагает звездицу, копие, лжицу, второй покровец и плат.

Иерей же благословляет людей, возглашая: Спаси, Боже, люди Твоя, и благослови достояние Твое.

Иерей кадит Святые Дары, говоря тайно: Вознесися на небеса, Боже, и по всей земли слава Твоя

Иерей отдает диакону дискос, и диакон несет дискос на жертвенник.

Хор: Видехом свет истинный, прияхом Духа Небеснаго, обретохом веру истинную, нераздельней Троице покланяемся, Та бо нас спасла есть.

Иерей, поклонившись Святым Дарам, берет Святую Чашу, говоря тихо: Благословен Бог наш.

Иерей, возглас: Всегда, ныне и присно, и во веки веков.

Иерей относит Святую Чашу на жертвенник.

Хор: Аминь.

Хор: Да исполнятся уста наша хваления Твоего Господи, яко да поем славу Твою, яко сподобил еси нас причаститися Святым Твоим, Божественным, безсмертным и животворящим Тайнам, соблюди нас во Твоей святыни весь день поучатися правде Твоей. Аллилуиа, аллилуиа, аллилуиа.

Диакон: Прости приимше Божественных, святых, пречистых, безсмертных, небесных и животворящих, страшных Христовых Таин, достойно благодарим Господа.

Хор: Господи, помилуй. (На каждое прошение)

Заступи, спаси, помилуй и сохрани нас, Боже, Твоею благодатию.

День весь совершен, свят, мирен и безгрешен испросивше, сами себе и друг друга, и весь живот наш Христу Богу предадим.

Хор: Тебе, Господи.

Благодарственная молитва

Иерей. Тайно. Благодарственная молитва: Благодарим Тя, Владыко человеколюбче, Благодетелю душ наших, яко и в настоящий день сподобил еси нас небесных Твоих и безсмертных Таинств. Исправи наш путь, утверди ны во страсе Твоем вся, соблюди наш живот, утверди наша стопы, молитвами и моленьми славныя Богородицы и Приснодевы Марии, и всех святых Твоих.

Иерей. Возглас: Яко Ты еси освящение наше, и Тебе славу возсылаем, Отцу, и Сыну, и Святому Духу, ныне и присно, и во веки веков.

Хор: Аминь.

Иерей же, согнув антиминс и прямо держа Евангелие, творит над ним крест.

Иерей: С миром изыдем.

Хор: О имени Господни.

Диакон: Господу помолимся.

Хор: Господи, помилуй.

Молитва заамвонная.

Иерей: Благословляяй благословящия Тя, Господи, и освящаяй на Тя уповающия, спаси люди Твоя и благослови достояние Твое, исполнение Церкве Твоея сохрани, освяти любящия благолепие дому Твоего: Ты тех возпрослави Божественною Твоею силою, и не остави нас, уповающих на Тя. Мир мирови Твоему даруй, церквам Твоим, священником, воинству и всем людем Твоим. Яко всякое даяние благо, и всяк дар совершен свыше есть, сходяй от Тебе Отца светов, и Тебе славу, и благодарение, и поклонение возсылаем, Отцу, и Сыну, и Святому Духу, ныне и присно, и во веки веков.

Хор: Аминь.

Иерей. Молитва на потребление Святых Даров: Исполнение закона и пророков Сам сый Христе Боже наш, исполнивый все отеческое смотрение, исполни радости и веселия сердца наша, всегда, ныне и присно, и во веки веков.

Хор: Аминь.

Хор: Буди имя Господне благословено от ныне и до века. (3 раза)

Хор: Псалом 33:

Благословлю Господа на всякое время, выну хвала Его во устех моих. О Господе похвалится душа моя, да услышат кротцыи и возвеселятся. Возвеличите Господа со мною и вознесем имя Его вкупе. Взысках Господа и услыша мя, и от всех скорбей моих избави мя. Приступите к Нему и просветитеся, и лица ваша не постыдятся. Сей нищий воззва, и Господь услыша и, и от всех скорбей eго спасе и. Ополчится Ангел Господень окрест боящихся Его, и избавит их. Вкусите и видите, яко благ Господь; блажен муж, иже уповает Нань. Бойтеся Господа, вси святии Его, яко несть лишения боящимся Его. Богатии обнищаша и взалкаша, взыскающии же Господа не лишатся всякаго блага. Приидите, чада, послушайте мене, страху Господню научу вас. Кто есть человек хотяй живот, любяй дни видети благи? Удержи язык твой от зла, и устне твои, еже не глаголати льсти. Уклонися от зла, и сотвори благо. Взыщи мира, и пожени и. Очи Господни на праведныя, и уши Его в молитву их. Лице же Господне на творящия злая, еже потребити от земли память их. Воззваша праведнии, и Господь услыша их, и от всех скорбей их избави их. Близ Господь сокрушенных сердцем, и смиренныя духом спасет. Многи скорби праведным, и от всех их избавит я Господь. Хранит Господь вся кости их, ни едина от них сокрушится. Смерть грешников люта, и ненавидящии праведнаго прегрешат. Избавит Господь душы раб Своих, и не прегрешат вси, уповающии на Него.

Иерей благословляет молящихся, возглашая: Благословение Господне на вас, Того благодатию и человеколюбием всегда, ныне и присно, и во веки веков.

Хор: Аминь.

Иерей: Слава Тебе, Христе Боже, упование наше, слава Тебе.

Хор:

Слава: и Ныне:

Господи, помилуй. (3 раза)

Благослови.

Отпуст

Иерей: Воскресый из мертвых Христос, истинный Бог наш, молитвами Пречистыя Своей Матере, святых славных и всехвальных апостол, иже во святых отца нашего Иоанна, архиепископа Константинопольскаго, Златоустаго и святаго (храма и дня), и всех святых, помилует и спасет нас, яко Благ и Человеколюбец.

Многолетие

Хор: Великого Господина и Отца нашего (имярек), Святейшего Патриарха Московского и всея Руси, и Господина нашего Преосвященнейшаго (имя рек) митрополита (или архиепископа или епископа; титул епархиального архиерея), братию святаго храма сего и вся православныя христианы, Господи, сохрани их на многая лета.

(4121)

Вторая часть литургии называется литургией оглашенных. Такое название эта часть службы получила от содержания в ее составе молитвословий, песнопений, священнодействий и поучений, имеющих учительный, огласительный характер. В древней Церкви во время ее совершения могли присутствовать, вместе с верными, и оглашенные, т. е. лица, готовящиеся ко Св. Крещению, а также кающиеся, отлученные от Св. Причастия.

Диакон: Благослови, владыко.

Иерей: Благословено Царство Отца и Сына и Святаго Духа, ныне и присно и во веки веков.

Хор: Аминь.

Великая ектения

Диакон: Миром Господу помолимся.

Хор: Господи, помилуй.

Диакон: О свышнем мире и спасении душ наших, Господу помолимся.

Хор: Господи, помилуй.

Диакон: О мире всего мира, благостоянии Святых Божиих Церквей и соединении всех, Господу помолимся.

Хор: Господи, помилуй.

Диакон: О святем храме сем и с верою, благоговением и страхом Божиим входящих в онь, Господу помолимся.

Хор: Господи, помилуй.

Диакон: О Великом Господине и Отце нашем Святейшем Патриархе Кирилле, и о Господине нашем Преосвященнейшем митрополите ( или: архиепископе, или: епископе) (имярек), честнем пресвитерстве, во Христе диаконстве, о всем причте и людех, Господу помолимся.

Хор: Господи, помилуй.

Диакон: О Богохранимей стране нашей, властех и воинстве ея, Господу помолимся.

Хор: Господи, помилуй.

Диакон: О граде сем ( или: o веси сей, если в монастыре, то: о святей обители сей), всяком граде, стране и верою живущих в них, Господу помолимся.

Хор: Господи, помилуй.

Диакон: О благорастворении воздухов, о изобилии плодов земных и временех мирных, Господу помолимся.

Хор: Господи, помилуй.

Диакон: О плавающих, путешествующих, недугующих, страждущих, плененных и о спасении их, Господу помолимся.

Хор: Господи, помилуй.

Диакон: О избавитися нам от всякия скорби, гнева и нужды, Господу помолимся.

Хор: Господи, помилуй.

Диакон: Заступи, спаси, помилуй и сохрани нас, Боже, Твоею благодатию.

Хор: Господи, помилуй.

Диакон: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.

Хор: Тебе, Господи.

Иерей: Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков.

Хор: Аминь.

Антифоны

Антифоны на литургии бывают трех родов: праздничные, изобразительные и вседневные (будничные). Какие из них поются, определяется на каждый день церковным Уставом. Праздничные антифоны поются в праздники Господни, за исключением Сретения (праздничные антифоны в Неделю ваий, на Пасху, на Вознесение и в День Святой Троицы приведены в главе «Песнопения из служб Триоди цветной»).

Вседневные антифоны положено петь в будни. Чаще всего в воскресные и праздничные дни, поются антифоны изобразительные (псалмы 102, 145 и Блаженны — Мф. 5, 3-12)

Первый антифон

Хор 1-й: Благослови, душе моя, Господа. Благословен еси, Господи. Благослови, душе моя, Господа, и вся внутренняя моя Имя святое Его.

Хор 2-й: Благослови, душе моя, Господа, и не забывай всех воздаяний Его.

Хор 1-й: Очищающаго вся беззакония твоя, исцеляющаго вся недуги твоя.

Хор 2-й: Избавляющаго от истления живот твой, венчающаго тя милостию и щедротами.

Хор 1-й: Исполняющаго во благих желание твое: обновится, яко орля, юность твоя.

Хор 2-й: Творяй милостыни Господь, и судьбу всем обидимым.

Хор 1-й: Сказа пути Своя Моисеови, сыновом Израилевым хотения Своя.

Хор 2-й: Щедр и милостив Господь, долготерпелив и многомилостив.

Хор 1-й: Не до конца прогневается, ниже в век враждует.

Хор 2-й: Не по беззаконием нашим сотворил есть нам, ниже по грехом нашим воздал есть нам.

Хор 1-й: Яко по высоте небесней от земли, утвердил есть Господь милость Свою на боящихся Его.

Хор 2-й: Елико отстоят востоцы от запад, удалил есть от нас беззакония наша.

Хор 1-й: Якоже щедрит отец сыны, ущедри Господь боящихся Его.

Хор 2-й: Яко Той позна создание наше, помяну, яко персть есмы.

Хор 1-й: Человек, яко трава дние его, яко цвет сельный, тако оцветет.

Хор 2-й: Яко дух пройде в нем, и не будет, и не познает ктому места своего.

Хор 1-й: Милость же Господня от века и до века на боящихся Его.

Хор 2-й: И правда Его на сынех сынов, хранящих завет Его, и помнящих заповеди Его творити я.

Хор 1-й: Господь на небеси уготова Престол Свой, и Царство Его всеми обладает.

Хор 2-й: Благословите Господа, ангели Его, сильнии крепостию, творящии слово Его, услышати глас словес Его.

Хор 1-й: Благословите Господа, вся силы Его, слуги Его, творящии волю Его.

Хор 2-й: Благословите Господа, вся дела Его, на всяком месте владычества Его.

Хор 1-й: Слава Отцу и Сыну и Святому Духу.

Хор 2-й: И ныне и присно и во веки веков. Аминь.

Хор 1-й: Благослови, душе моя, Господа, и вся внутренняя моя, имя святое Его. Благословен еси, Господи.

Ектения малая

Диакон: Паки и паки миром Господу помолимся.

Хор: Господи, помилуй.

Диакон: Заступи, спаси, помилуй и сохрани нас, Боже, Твоею благодатию.

Хор: Господи, помилуй.

Диакон: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.

Хор: Тебе, Господи.

Иерей: Яко Твоя держава, и Твое есть Царство, и сила, и слава, Отца и Сына и Святаго Духа, ныне и присно и во веки веков.

Хор: Аминь.

Второй антифон

Во время второго антифона зажигается пономарская свеча. Алтарник берёт свечу во время «Единородный Сыне…» и становится с ней на горнем месте.

Хор: Слава Отцу, и Сыну, и Святому Духу.

Хор 1-й: Хвали, душе моя, Господа. Восхвалю Господа в животе моем, пою Богу моему, дондеже есмь.

Хор 2-й: Не надейтеся на князи, на сыны человеческия, в них же несть спасения.

Хор 1-й: Изыдет дух его, и возвратится в землю свою: в той день погибнут вся помышления его.

Хор 2-й: Блажен, емуже Бог Иаковль помощник его, упование его на Господа Бога своего.

Хор 1-й: Сотворшаго небо и землю, море и вся, яже в них.

Хор 2-й: Хранящаго истину в век, творящаго суд обидимым, дающаго пищу алчущим.

Хор 1-й: Господь решит окованныя, Господь умудряет слепцы.

Хор 2-й: Господь возводит низверженныя, Господь любит праведники.

Хор 1-й: Господь хранит пришельцы, сира и вдову приимет, и путь грешных погубит.

Хор 2-й: Воцарится Господь во век, Бог твой, Сионе, в род и род. И ныне и присно и во веки веков. Аминь.

Хор: И ныне и присно и во веки веков. Аминь.

Песнь Господу Иисусу Христу

Хор: Единородный Сыне и Слове Божий, Безсмертен Сый, и изволивый спасения нашего ради воплотитися от Святыя Богородицы и Приснодевы Марии, непреложно вочеловечивыйся; распныйся же, Христе Боже, смертию смерть поправый, един Сый Святыя Троицы, спрославляемый Отцу и Святому Духу, спаси нас.

Ектения малая

Диакон: Паки и паки миром Господу помолимся.

Хор: Господи, помилуй.

Диакон: Заступи, спаси, помилуй и сохрани нас, Боже, Твоею благодатию.

Хор: Господи, помилуй.

Диакон: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.

Хор: Тебе, Господи.

Иерей: Яко Твоя держава, и Твое есть Царство, и сила, и слава, Отца и Сына и Святаго Духа, ныне и присно и во веки веков.

Хор: Аминь.

Третий антифон; Блаженны

«Блаженны» положено петь с тропарями, назначенными в этот день церковным Уставом: особыми тропарями на «Блаженных», или тропарями из песней утреннего канон празднику или святому.

Хор 1-й: Во Царствии Твоем помяни нас, Господи, егда приидеши во Царствии Твоем.

Хор 2-й, стих 12-й: Блажени нищии духом, яко тех есть Царство Небесное.

Хор 1-й: Блажени плачущии, яко тии утешатся.

Хор 2-й, стих 10-й: Блажени кротции, яко тии наследят землю.

Хор 1-й: Блажени алчущии и жаждущии правды, яко тии насытятся.

Хор 2-й, стих 8-й: Блажени милостивии, яко тии помиловани будут.

Хор 1-й: Блажени чистии сердцем, яко тии Бога узрят.

Хор 2-й, стих 6-й: Блажени миротворцы, яко тии сынове Божии нарекутся.

Хор 1-й: Блажени изгнани правды ради, яко тех есть Царство Небесное.

Хор 2-й, стих 4-й: Блажени есте, егда поносят вам, и изженут, и рекут всяк зол глагол на вы, лжуще Мене ради.

Хор 1-й: Радуйтеся и веселитеся, яко мзда ваша многа на небесех.

Хор: Слава Отцу и Сыну и Святому Духу.

Хор: И ныне и присно и во веки веков. Аминь.

Антифоны вседневные (будничные)

Антифон 1-й Хор 1-й: Благо есть исповедатися Господеви. Молитвами Богородицы, Спасе, спаси нас.

Хор 2-й: Благо есть исповедатися Господеви, и пети имени Твоему, Вышний. Молитвами Богородицы, Спасе, спаси нас.

Хор 1-й: Возвещати заутра милость Твою, и истину Твою на всяку нощь. Молитвами Богородицы, Спасе, спаси нас.

Хор 2-й: Яко прав Господь Бог наш, и несть неправды в Нем. Молитвами Богородицы, Спасе, спаси нас.

Хор 1-й: Слава Отцу и Сыну и Святому Духу: Молитвами Богородицы, Спасе, спаси нас.

Хор 2-й: И ныне и присно и во веки веков. Аминь. Молитвами Богородицы, Спасе, спаси нас.

Антифон 2-й Хор 1-й: Господь воцарися, в лепоту облечеся. Молитвами святых Твоих, Спасе, спаси нас.

Хор 2-й: Господь воцарися, в лепоту облечеся, облечеся Господь в силу, и препоясася. Молитвами святых Твоих, Спасе, спаси нас.

Хор 1-й: Ибо утверди вселенную, яже не подвижится. Молитвами святых Твоих, Спасе, спаси нас.

Хор 2-й: Свидения Твоя уверишася зело: дому Твоему подобает святыня, Господи, в долготу дний. Молитвами святых Твоих, Спасе, спаси нас.

Хор: Слава Отцу и Сыну и Святому Духу.

Хор: И ныне и присно и во веки веков. Аминь.

Песнь Господу Иисусу Христу Хор: Единородный Сыне и Слове Божий, Безсмертен Сый, и изволивый спасения нашего ради воплотитися от Святыя Богородицы и Приснодевы Марии, непреложно вочеловечивыйся; распныйся же, Христе Боже, смертию смерть поправый, един Сый Святыя Троицы, спрославляемый Отцу и Святому Духу, спаси нас.

Антифон 3-й Хор 1-й: Приидите возрадуемся Господеви, воскликнем Богу Спасителю нашему. Спаси ны, Сыне Божий, во святых дивен сый, поющия Ти: аллилуиа.

Хор 2-й: Предварим лице Его во исповедании, и во псалмех воскликнем Ему: Спаси ны, Сыне Божий, во святых дивен сый, поющия Ти: аллилуиа.

Хор 1-й: Яко Бог Велий Господь, и Царь Велий по всей земли. Спаси ны, Сыне Божий, во святых дивен сый, поющия Ти: аллилуиа.

Хор 2-й: Яко в руце Его вси концы земли, и высоты гор Того суть. Спаси ны, Сыне Божий, во святых дивен сый, поющия Ти: аллилуиа.

Хор 1-й: Яко Того есть море, и Той сотвори е, и сушу руце Его создаете. Спаси ны, Сыне Божий, во святых дивен сый, поющия Ти: аллилуиа.

Вход с Евангелием

Вход с Евангелием. Дьякон заходит в алтарь, открывает Царские врата, вместе со священником крестится и целует престол и берёт евангелие, алтарник в этот момент крестится с ними синхронно, кланяется, горнему месту, священнику и в момент перехода священника от престола к горнему месту идёт к северным вратам. Когда священник с диаконом тоже направятся к вратам, открывает дверь и по амвону проходит до царских врат, затем сворачивает к аналою и становится перед ним спиной к народу, когда священник зайдёт в алтарь, алтарник заходит через южные врата. В алтаре понамарь проходит до горнего места, крестится, кланяется горнему месту, священнику и проходит, чтобы поставить свечу на место.

Диакон: Премудрость, про́сти.

Хор: Приидите, поклонимся и припадем ко Христу. Спаси Сыне Божий, воскресый из мертвых, поющия Ти: аллилуиа.

Тропари и кондаки «по входе»

Хор поет тропари и кондаки «по входе», назначенные в этот день церковным Уставом (воскресные тропари и кондаки приведены в главе «Песнопения из служб воскресных», дневные — в главе «Песнопения из служб будничных», общие ликам святых — в главе «Песнопения из служб общих ликам святых», праздничные — в главе «Песнопения из служб праздничных»).

Иерей: Яко Свят еси, Боже наш, и Тебе славу возсылаем, Отцу и Сыну и Святому Духу, ныне и присно.

Диакон: И во веки веков.

Хор: Аминь.

Трисвятое

Хор: Святый Боже, Святый Крепкий, Святый Безсмертный, помилуй нас. (Трижды)

Хор: Слава Отцу и Сыну и Святому Духу, и ныне и присно и во веки веков. Аминь.

Хор: Святый Безсмертный, помилуй нас.

Хор: Святый Боже, Святый Крепкий, Святый Бессмертный, помилуй нас.

Прокимен

Дьякону подаётся кадило

Диакон: Вонмем.

Иерей: Мир всем.

Чтец Апостола: И духови твоему. Прокимен. Псалом Давидов, глас..

Произносится один или два прокимна, назначенные в этот день на литургии церковным Уставом (воскресные прокимны со своими стихами приведены в главе «Песнопения из служб воскресных восьми гласов», дневные (будничные) — в главе «Песнопения из служб будничных», из служб Триодей постной и цветной — в главах «Песнопения из служб Триоди постной» и «Песнопения из служб Триоди цветной».

Чтец произносит Прокимен, называя глас его, хор поет прокимен, чтец произносит стих, хор повторяет прокимен, чтец произносит первую половину прокимна, хор поет вторую половину его. Когда Устав назначает два прокимна, первый поется дважды, т. е. чтец: прокимен, хор: прокимен, чтец: стих, хор: прокимен, затем чтец произносит второй прокимен, и хор поет его один раз.

Прокимны и аллилуиарии воскресные на литургии

Глас 1-й: Буди, Господи, милость Твоя на нас, якоже уповахом на Тя.

Стих: Радуйтеся, праведнии, о Господе, правым подобает похвала.

Аллилуиа: Бог даяй отмщение мне и покоривый люди под мя.

Стих: Величай спасения царева и творяй милость Христу Своему Давиду и семени его до века.

Глас 2-й: Крепость моя и пение мое Господь. и бысть мне во спасение.

Стих: Наказуя наказа мя Господь, смерти же не предаде мя.

Аллилуиа: Услышит тя Господь в день печали, защитит тя имя Бога Иаковля.

Стих: Господи, спаси царя и услыши ны, в оньже аще день призовем Тя.

Глас 3-й: Пойте Богу нашему, пойте пойте Цареви нашему, пойте.

Стих: Вси языцы, восплещите руками, воскликните Богу гласом радования.

Аллилуиа: На Тя, Господи, уповах, да не постыжуся во век.

Стих: Буди ми в Бога Защитителя и в дом прибежища, еже спасти мя.

Глас 4-й: Яко возвеличишася дела Твоя, Господи, вся премудростию сотворил еси.

Стих: Благослови, душе моя, Господа, Господи Боже мой, возвеличился еси зело.

Аллилуиа: Наляцы и успевай и царствуй, истины ради и кротости, и правды.

Стих: Возлюбил еси правду и возненавидел еси беззконие.

Глас 5-й: Ты, Господи, сохраниши ны и соблюдеши ны от рода сего и во век.

Стих: Спаси мя, Господи, яко оскуде преподобный.

Аллилуиа: Милости Твоя, Господи, во век воспою, в род и род возвещу истину Твою усты моими.

Стих: Зане рекл еси: в век милость созиждется, на небесех уготовится истина Твоя.

Глас 6-п: Спаси, Господи, люди Твоя и благослови достояние Твое.

Стих: К Тебе, Господи, воззову, Боже мой, да не премолчиши от мене.

Аллилуиа: Живый в помощи Вышняго, в крове Бога Небеснаго водворится.

Стих: Речет Господеви: Заступник мой еси и Прибежище мое, Бог мой, и уповаю на Него.

Глас 7-й: Господь крепость людем Своим даст Господь благословит люди Своя миром.

Стих: Принесите Господеви сынове Божии, принесите Господеви сыны овни,

Аллилуиа: Благо есть исповедатися Господеви и пети Имени Твоему, Вышний.

Стих: Возвещати заутра милость Твою, и истину Твою на всяку нощь.

Глас 8-й: Помолитеся и воздадите Господеви Богу нашему.

Стих: Ведом во Иудеи Бог, во Израили велие Имя Его.

Аллилуиа: Приидите, возрадуемся Господеви, воскликнем Богу Спасителю нашему.

Стих: Предварим лице Его во исповедании, и во псалмех воскликнем Ему.

Прокимны и аллилуиарии дневные(будничные)

В понедельник, гл. 4-й: Творяй ангелы Своя духи, и слуги Своя пламень огненный.

Стих: Благослови, душе моя. Господа, Господи Боже мой, возвеличился еси зело.

Аллилуиа, гл. 5-й: Хвалите Господа, вси ангели Его, хвалите Его, вся силы Его.

Стих: Яко Той рече, и быша; Той повеле, и создашася.

Во вторник, гл. 7-й: Возвеселится праведник о Господе и уповает на Него.

Стих: Услыши, Боже, глас мой, внегда молитися ми к Тебе.

Аллилуиа, гл. 4-й: Праведник яко финикс процветет, яко кедр, иже в Ливане, умножится

Стих: Насаждени в дому Господни, во дворех Бога нашего процветут.

В среду, гл. 3-й: Величит душа Моя Господа, и возрадовася дух Мой о Бозе Спасе Моем

Стих: Яко призре на смирение рабы Своея, се бо отныне ублажат Мя вси роди.

Аллилуиа, гл. 8-й: Слыши, Дщи, и виждь, и приклони ухо Твое.

Стих: Лицу Твоему помолятся богатии людстии.

В четверг, гл. 8-й: Во всю землю изыде вещание их, и в концы вселенныя глаголы их.

Стих: Небеса поведают славу Божию, творение же руку Его возвещает твердь.

Аллилуиа, гл. 1-й; Исповедят небеса чудеса, Господи, ибо истину Твою в Церкви святых

Стих: Бог прославляем в совете святых.

В пятницу, гл. 7-й: Возносите Господа Бога нашего, и покланяйтеся подножию ногу Его, яко свято есть.

Стих: Господь воцарися, да гневаются людие.

Аллилуиа, гл. 1-й: Помяни сонм Твой, егоже стяжал еси исперва.

Стих: Бог же Царь наш прежде века, содела спасение посреди земли.

В субботу, гл. 8-й: Веселитеся о Господе, и радуйтеся, праведнии.

Стих: Блажени, ихже оставишася беззакония и ихже прикрышася греси.

Заупокойный, гл. 6-й: Души их во благих водворятся.

Аллилуиа, гл. 4-й: Воззваша праведнии, и Господь услыша их, и от всех скорбей их избави их.

Стих: Многи скорби праведным, и от всех их избавит я Господь.

Стих: Блажени, яже избрал и приял еси, Господи, и память их в род и род.

Диакон: Премудрость.

Чтец: Деяний святых апостол чтение. Или: Соборнаго послания Петрова чтение. Или: К римляном послания святаго апостола Павла чтение.

Диакон: Вонмем.

Чтение Апостола

Во время чтения апостола, ставится аналой на амвоне для Евангелия. Когда чтение закончится, иерей говорит чтецу: Мир ти.

Чтец: И духови твоему.

Аллилуиа

Диакон: Премудрость.

Чтец: Аллилуиа, глас… Если прислуживает один алтарник, то выносится пономарская свеча и ставится перед аналоем (с Евангелием), если два алтарника то во время пения аллилуя вдвоём подходят на горнее место со свечами, синхронно крестятся, кланяются горнему месту, священнику, друг другу, и выходят на амвон северными и южными вратами, до чтения евангелия стоят лицом к иконостасу, не кланяясь и не крестясь, в начале чтения поворачиваются лицом к евангелию, по окончанию кланяются иконам и заходят теми же вратами в алтарь, также крестятся и кланяются на горнем месте и проходят, чтобы поставить свечи на место. Не забудьте убрать аналой.

Хор поет «Аллилуиа» — трижды на указанный глас, чтец произносит первый стих аллилуиария, хор: «Аллилуиа», чтец произносит второй стих аллилуиария, хор поет в третий раз «Аллилуиа». В богослужебных книгах перед первым стихом аллилуария пишется «Аллилуиа, глас…», а перед вторым — «Стих» (воскресные аллилуиарии приведены в главе «Песнопения из служб воскресных восьми гласов», дневные (будничные) — в главе «Песнопения из служб будничных», аллилуиарии из служб Триодей постной и цветной — в главах «Песнопения из служб Триоди постной» и «Песнопения из служб Триоди цветной».)

Диакон: Благослови, владыко, благовестителя святаго апостола и евангелиста (имя евангелиста).

Иерей, благословляя его, произносит: Бог, молитвами святаго, славнаго, всехвальнаго апостола и евангелиста (имярек), да даст тебе глагол, благовествующему силою многою, во исполнение Евангелиа Возлюбленнаго Сына Своего, Господа нашего Иисуса Христа.

Диакон: Аминь.

Иерей: Премудрость, про́сти, услышим святаго Евангелиа. Мир всем.

Хор: И духови твоему.

Диакон: От (имя) святаго Евангелиа чтение.

Хор: Слава Тебе, Господи, слава Тебе.

Иерей: Вонмем.

Чтение Евангелия

Читается Евангелие. Церковный Устав назначает определенные евангельские чтения на каждый день (евангельские чтения Пресвятой Богородице о общие ликам святых приведены в главе «Песнопения из служб общих ликам святых»).

По окончании чтения хор: Слава Тебе, Господи, слава Тебе.

Выносятся записки о здравии и о упокоении.

Ектения сугубая

Диакон: Рцем вси от всея души, и от всего помышления нашего рцем.

Хор: Господи, помилуй.

Диакон: Господи Вседержителю, Боже отец наших, молим Ти ся, услыши и помилуй.

Хор: Господи, помилуй.

Диакон: Помилуй нас, Боже, по велицей милости Твоей, молим Ти ся, услыши и помилуй.

Хор: Господи, помилуй. (Трижды)

Диакон: Еще молимся о Великом Господине и Отце нашем Святейшем Патриархе (имярек), и о Господине нашем Преосвященнейшем митрополите (или: архиепископе, или: епископе ) (имярек), и всей во Христе братии нашей.

Хор: Господи, помилуй. (Трижды)

Диакон: Еще молимся о Богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.

Хор: Господи, помилуй. (Трижды)

Диакон: Еще молимся о братиях наших, священицех, священномонасех и всем во Христе братстве нашем.

Хор: Господи, помилуй. (Трижды)

Диакон: Еще молимся о блаженных и приснопамятных создателех святаго храма сего (если в монастыре: святыя обители сея), и о всех преждепочивших отцех и братиях, зде лежащих и повсюду, православных.

Хор: Господи, помилуй. (Трижды)

Диакон: Еще молимся о милости, жизни, мире, здравии, спасении, посещении, прощении и оставлении грехов рабов Божиих, братии святаго храма сего ( если в монастыре: святыя обители сея).

Хор: Господи, помилуй. (Трижды)

Диакон: Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости.

Хор: Господи, помилуй. (Трижды)

Иерей: Яко Милостив и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.

Хор: Аминь.

Ектения заупокойная

Диакон: Помилуй нас, Боже, по велицей милости Твоей, молим Ти ся, услыши и помилуй.

Хор: Господи помилуй. (трижды).

Диакон: Еще молимся о упокоении душ усопших рабов Божиих (имена) и о еже проститися им всякому прегрешению, вольному же и невольному.

Хор: Господи помилуй. (трижды).

Диакон: Яко да Господь Бог учинит души их, идеже праведнии упокояются.

Хор: Господи помилуй. (трижды).

Диакон: Милости Божия, Царства Небеснаго и оставления грехов их у Христа, Безсмертнаго Царя и Бога нашего, просим.

Хор: Подай, Господи.

Диакон: Господу помолимся.

Хор: Господи, помилуй.

Иерей: Яко Ты еси воскресение, и живот, и покой усопших раб Твоих (имена рек), Христе Боже наш, и Тебе славу возсылаем, со Безначальным Твоим Отцем и Пресвятым и Благим и Животворящим Твоим Духом, ныне и присно и во веки веков.

Хор: Аминь. Царские врата закрываются.

Ектения об оглашенных

Диакон: Помолитеся, оглашеннии, Господеви.

Хор: Господи, помилуй.

Диакон: Вернии, о оглашенных помолимся, да Господь помилует их.

Хор: Господи, помилуй.

Диакон: Огласит их словом истины.

Хор: Господи, помилуй.

Диакон: Открыет им Евангелие правды.

Хор: Господи, помилуй.

Диакон: Соединит их Святей Своей, Соборней и Апостольстей Церкви.

Хор: Господи, помилуй.

Диакон: Спаси, помилуй, заступи и сохрани их, Боже, Твоею благодатию.

Хор: Господи, помилуй.

Диакон: Оглашеннии, главы ваша Господеви приклоните.

Хор: Тебе, Господи.

Иерей: Да и тии с нами славят пречестное и великолепое Имя Твое, Отца и Сына и Святаго Духа, ныне и присно и во веки веков.

Хор: Аминь.

Диакон: Елицы оглашеннии, изыдите, оглашеннии, изыдите; елицы оглашеннии, изыдите. Да никто от оглашенных, елицы вернии, паки и паки миром Господу помолимся.

Хор: Господи, помилуй.

Возглашением диакона: «Оглашеннии, изыдите…» заканчивается вторая часть литургии.

Уважаемые прихожане и гости сайта, на этой странице вы можете просмотреть и скачать на свой компьютер текст богослужения (Божественной литургии святого Иоанна Златоуста), которое служится во всех православных храмах практически каждый день в течение всего года. Это поможет вам понять смысл происходящего в храме и личной молитвой участвовать в богослужении.

Литургия оглашенных Диакон: Благослови, владыко. Священник:

Благословенно Царство Отца и Сына, и Святаго Духа, ныне и присно и во веки веков.

Хор:  Аминь. Диакон:  Великая (мирная) ектения Миром Господу помолимся. В мире (с Богом и ближними) Господу помолимся. О свышнем мире и спасении душ наших, Господу помолимся. О мире, который дается свыше, и о спасении душ наших Господу помолимся. О мире всего мира, благостоянии святых Божиих церквей и соединении всех, Господу помолимся. О мире всего мира, о твердом стоянии святых Божиих церквей, о соединении всех (в согласии и любви) Господу помолимся. О святем храме сем и с верою, благоговением и страхом Божиим входящих в онь, Господу помолимся. О святом храме этом и о всех, с верою, благоговением и страхом Божиим входящих сюда, Господу помолимся. О Великом Господине и Отце нашем Святейшем Патриархе Кирилле, о господине нашем (архиепископе или епископе данной епархии), честнем пресвитерстве, во Христе диаконстве, о всем причте и людех, Господу помолимся. О Великом Господине и Отце нашем Святейшем Патриархе Кирилле, о господине нашем (архиепископе или епископе данной епархии), о чтимом пресвитерстве, диаконстве во Христе, о всех церковнослужителях и народе Господу помолимся. О богохранимей стране нашей, властех и воинстве ея Господу помолимся. О богохранимой стране нашей, властях и воинстве ее Господу помолимся. О граде сем, всяком граде, стране и верою живущих в них, Господу помолимся. О городе нашем, о каждом городе и стране и о тех, кто с верою живет в них, Господу помолимся. О благорастворении воздухов, о изобилии плодов земных и временех мирных Господу помолимся. О благоприятной погоде, о изобилии плодов земных и о мирном времени Господу помолимся. О плавающих, путешествующих, недугующих, страждущих, плененных и о спасении их Господу помолимся. О плавающих по морю, путешествующих, больных, страдающих, захваченных в плен и о спасении их Господу помолимся. О избавитися нам от всякия скорби, гнева и нужды, Господу помолимся. О избавлении нас от всякой скорби, гнева и нужды Господу помолимся. Заступи, спаси, помилуй и сохрани нас, Боже, Твоею благодатию. Защити, спаси, помилуй и сохрани нас, Боже, Твоей благодатью. Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим. Помянув Пресвятую, Пречистую, Преблагословенную, Славную Владычицу нашу Богородицу и Приснодеву Марию со всеми святыми, предадим сами себя и друг друга, и всю жизнь нашу Христу Богу. Хор:  Тебе, Господи. Священник: Яко подобает Тебе всякая слава, честь и поклонение, Отцу и Сыну и Святому Духу, ныне и присно, и во веки веков. Ибо подобает Тебе всякая слава, честь и поклонение, Отцу и Сыну и Святому Духу, ныне и всегда, и во веки веков. Хор:  Аминь. Во время пения 1-го антифона священник читает тихо следующую молитву: Господи Боже наш, Егоже держава несказанна и слава непостижима, Егоже милость безмерна и человеколюбие неизреченно! Сам, Владыко, по благоутробию Твоему призри на ны и на святый храм сей и сотвори с нами и молящимися с нами богатыя милости Твоя и щедроты Твоя. Господи Боже наш, Которого держава неизъяснима и слава непостижима, Которого милость безмерна и человеколюбие неизреченно, Ты, Владыка, по Твоему милосердию воззри на нас и на этот храм и окажи нам и молящимся с нами Твои богатые милости и щедроты. Хор: Антифон 1-й (стихи 102-го псалма) Благослови, душе моя, Господа, благословен еси, Господи. Благослови, душе моя, Господа, и вся внутренняя мояимя святое Его. Благослови, душа моя, Господа, благословен Ты, Господи. Благослови, душа моя, Господа, и вся внутренность моя — имя святое Его! Благослови, душе моя, Господа, и не забывай всех воздаяний Его: очищающаго вся беззакония твоя, исцеляющаго вся недуги твоя, избавляющаго от истления живот твой, венчающаго тя милостию и щедротами, исполняющаго во благих желание твое. Обновится яко орля юность твоя. Благослови, душа моя, Господа и не забывай всех благодеяний Его: Он прощает все беззакония твои, исцеляет все недуги твои, избавляет от истления жизнь твою, окружает тебя милостью и щедротами, исполняет благие желания твои, обновится, как у орла, юность твоя. Творяй милостыни Господь, и судьбу всем обидимым. Сказа пути Своя Моисеови, сыновом Израилевым хотения Своя. Творит милости Господь в судьбе всех обиженных. Показал пути Свои Моисею, сыновьям Израиля желания Свои. Щедр и милостив Господь, долготерпелив и многомилостив. Щедр и милостив Господь, долготерпелив и многомилостив. Слава Отцу и Сыну, и Святому Духу, и ныне и присно, и во веки веков. Аминь. Слава Отцу и Сыну и Святому Духу, ныне, всегда и во веки веков. Аминь. Благослови, душе моя, Господа, и вся внутренняя мояимя святое Его. Благословен еси, Господи. Благослови, душа моя, Господа, и вся внутренность моя — имя святое Его! Благословен Ты, Господи. Диакон: Малая ектения Паки и паки миром Господу помолимся. Еще и еще в мире Господу помолимся. Заступи, спаси, помилуй и сохрани нас, Боже, Твоею благодатию. Защити, спаси, помилуй и сохрани нас, Боже, Твоей благодатью. Пресвятую, Пречистую, Преблагословен-ную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга, и весь живот наш Христу Богу предадим. Помянув Пресвятую, Пречистую, Преблагосло-венную, Славную Владычицу нашу Богородицу и Приснодеву Марию со всеми святыми, предадим сами себя и друг друга, и всю жизнь нашу Христу Богу. Хор: Тебе, Господи. Священник: Яко Твоя держава и Твое есть Царство, и сила, и слава, Отца и Сына и Святаго Духа, ныне и присно, и во веки веков. Ибо Твоя есть власть и Царство, и сила, и слава, Отца и Сына и Святого Духа, ныне и всегда и во веки веков. Хор: Аминь. Во время пения 2-го антифона священник тихо читает следующую молитву: Господи Боже наш! Спаси люди Твоя и благослови достояние Твое, исполнение Церкве Твоея сохрани, освяти любящия благолепие дому Твоего; Ты тех возпрослави божественною Твоею силою и не остави нас, уповающих на Тя. Господи Боже наш, спаси людей Твоих и благослови наследие Твое, сохрани полноту Твоей Церкви, освяти любящих благолепие Твоего храма, Ты прослави их Твоею божественною силой и не оставь нас, надеющихся на Тебя. Хор: Антифон 2-й (псалом 145-й)

Слава Отцу и Сыну, и Святому Духу.

Хвали, душе моя, Господа: восхвалю Господа в животе моем, пою Богу моему, дондеже есмь. Не надейтеся на князи, на сыны человеческия, в нихже несть спасения. Изыдет дух его и возвратится в землю свою; в той день погибнут вся помышления его. Блажен, емуже Бог Иаковль помощник его, упование его на Господа Бога своего, сотворшаго небо и землю, море, и вся яже в них: хранящаго истину в век, творящаго суд обидимым, дающаго пищу алчущим. Господь решит окованныя, Господь умудряет слепцы, Господь возводит низверженныя, Господь любит праведники. Господь хранит пришельцы, сира и вдову приимет, и путь грешных погубит. Воцарится Господь во век, Бог твой, Сионе, в род и род. Хвали, душа моя, Господа. Буду восхвалять Господа пока жив; буду петь Богу моему, доколе существую. Не надейтесь на князей, на сынов человеческих, в которых нет спасения. Выйдет дух его, и он возвратится в землю свою, в тот день погибнут все замыслы его. Блажен, кому Бог Иакова — помощник, и у кого упование на Господа Бога своего, сотворившего небо и землю, море и все, что в них, хранящего истину во век, совершающего правый суд обиженным, дающего пищу голодным. Господь освобождает узников, Господь умудряет слепых, Господь поднимает низверженных, Господь любит праведников. Господь хранит пришельцев, поддерживает сироту и вдову, и путь грешных погубит, Господь будет царствовать во век, Бог Твой, Сион, в роды родов! И ныне и присно и во веки веков, Аминь. И ныне и всегда и во веки веков. Аминь.

Единородный Сыне

Единородный Сыне и Слове Божий безсмертен сый, и изволивый спасения нашего ради воплотитися от Святыя Богородицы и Приснодевы Марии, непреложно вочеловечивыйся, распныйся же Христе Боже, смертию смерть поправый, един сый Святыя Троицы, спрославляемый Отцу и Святому Духу, спаси нас. Единородный Сын и Слово Божие! Будучи бессмертным, Ты изволил ради нашего спасения воплотиться от Святой Богородицы и вечно-Девы Марии. Не изменяясь, Ты стал человеком. Будучи распят, Христе Боже, Ты Своею смертью победил смерть. Ты, один из Лиц Святой Троицы, прославляемый с Отцом и Святым Духом, спаси нас. Малая ектения (см. на предыдущей странице) Священник: Яко Благ и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно, и во веки веков. Ибо Ты Благой и Человеколюбивый Бог, и Тебе славу воссылаем, Отцу и Сыну и Святому Духу, ныне и всегда и во веки веков. Хор: Аминь. Во время пения 3-го антифона священник тихо читает следующую молитву: Иже общия сия и согласныя даровавый нам молитвы, Иже и двема или трем согласующимся о имени Твоем прошения подати обещавый! Сам и ныне раб Твоих прошения к полезному исполни, подая нам в настоящем веце познание Твоея истины и в будущем живот вечный даруя. Ты, даровавший нам эти совместные и согласные молитвы, обещавший двум или трем единодушным о имени Твоем исполнить прошения, Ты и теперь исполни на пользу прошения Твоих рабов, подавая нам в этом веке познание Твоей истины, а в будущем даруя вечную жизнь. Хор: Антифон 3-й, Блаженны Во Царствии Твоем помяни нас, Господи, егда приидеши во Царствии Твоем. Во Царствии Твоем помяни нас, Господи, когда придешь в Царствие Твое. Блажени нищии духом, яко тех есть Царство Небесное. Блаженны нищие духом, ибо их есть Царство Небесное. Блажени плачущии, яко тии утешатся. Блаженны плачущие, ибо они утешатся. Блажени кротцыи, яко тии наследят землю. Блаженны кроткие, ибо они унаследуют землю. Блажени алчущии и жаждущии правды, яко тии насытятся. Блаженны алчущие и жаждущие правды, ибо они насытятся. Блажени милостивии, яко тии помиловани будут. Блаженны милостивые, ибо они помилованы будут. Блажени чистии сердцем, яко тии Бога узрят. Блаженны чистые сердцем, ибо они Бога увидят. Блажени миротворцы, яко тии сынове Божии нарекутся. Блаженны миротворцы, ибо они будут наречены сынами Божиими. Блажени изгнаны правды ради, яко тех есть Царство Небесное. Блаженны изгнанные за правду, ибо их есть Царство Небесное. Блажени есте, егда поносят вам и изженут, и рекут всяк зол глагол на вы, лжуще Мене ради. Блаженны вы, когда будут порочить вас и гнать, и всячески неправедно злословить за Меня. Радуйтеся и веселитеся, яко мзда ваша многа на небесех. Радуйтесь и веселитесь, ибо велика ваша награда на небесах. Во время пения заповедей Блаженства открываются царские врата для Малого входа. Диакон выносит св. Евангелие, прислужники несут впереди свечи. Этот вход служит подготовлением к последующему вскоре чтению святого Евангелия.

Священник же тихо молится:

Владыко Господи Боже наш, уставивый на небесех чины и воинства Ангел и Архангел в служение Твоея славы! Сотвори со входом нашим входу святых Ангелов быти, сослужащих нам и сославословящих Твою благость. Владыка Господи Боже наш, установивший на небе чины и сонмы Ангелов и Архангелов для служения Своей славе! Сотвори, чтобы с нашим входом был вход святых Ангелов, которые бы сослужили нам и вместе славословили Твою благость. Яко подобает Тебе всякая слава, честь и поклонение, Отцу и Сыну и Святому Духу, ныне и присно и во веки веков. Аминь. Ибо Тебе подобает всякая слава, честь и поклонение, Отцу и Сыну и Святому Духу, ныне и всегда и во веки веков. Аминь. Диакон: Премудрость, прости! Премудрость, стойте прямо. Предстоящие, видя в переносимом Евангелии как бы Самого Иисуса Христа, явившегося в мир на проповедь, поклоняются Ему с пением торжественной песни: Приидите, поклонимся и припадем ко Христу. Спаси ны, Сыне Божий, воскресый из мертвых, (на буднях — «во святых дивен Сый») поющия Ти: Аллилуия. Придите, поклонимся и припадем ко Христу. Спаси, Сыне Божий, воскресший из мертвых, нас, поющих Тебе: аллилуиа. Затем поются тропари и кондаки праздника и храма. Священник в это время благодарит Бога, Которого на небе Трисвятой песнью прославляют Серафимы и Херувимы за то, что Он создал человека по Своему образу и подобию, и за то, что Он удостоил его, священника, предстать перед страшным престолом и просить, чтобы Он принял и от нас, людей, Трисвятую песнь, заканчивая молитву возгласом: Священник: Яко Свят еси, Боже наш, и Тебе славу возсылаем, Отцу и Сыну и Святому Духу, ныне и присно, и во веки веков. Ибо Ты Свят, Боже наш, и Тебе славу воссылаем, Отцу и Сыну и Святому Духу, ныне и всегда и во веки веков. Хор: Аминь.

Трисвятое

Святый Боже, Святый Крепкий, Святый Безсмертный, помилуй нас (трижды).

Слава Отцу, и Сыну, и Святому Духу, и ныне и присно, и во веки веков. Аминь.

Святый Безсмертный, помилуй нас.

Святый Боже, Святый Крепкий, Святый Безсмертный, помилуй нас.

Во дни Рождества Христова, Крещения Господня, неделю Пасхи и Святой Троицы вместо Трисвятого поется: Елицы во Христа крестистеся, во Христа облекостеся. Аллилуиа. Все вы, во Христа крестившиеся, во Христа облеклись (стали Ему подобными). Аллилуиа. Так поется потому, что в древности оглашенные принимали Таинство Крещения преимущественно в эти дни. По окончании Трисвятого читается Апостол, отрывок из апостольских посланий, а затем читается Евангелие. Перед Евангелием, во время пения «Аллилуиа», диакон кадит алтарь, иконостас и молящихся.

Перед чтением Евангелия священник молится:

Возсияй в сердцах наших, Человеколюбче Владыко, Твоего богоразумия нетленный Свет, и мысленныя наша отверзи очи, во евангельских Твоих проповеданий разумение; вложи в нас и страх блаженных Твоих заповедей, да плотския похоти вся поправше, духовное жительство пройдем, вся, яже ко благоугождению Твоему, и мудрствующе, и деюще. Зажги в наших сердцах, Человеколюбивый Владыка, вечный Свет Твоего богопознания и отверзи очи нашего ума к уразумению Твоих евангельских учений; вложи в нас и страх Твоих блаженных заповедей, чтобы мы, преодолев плотские похоти, вели духовную жизнь, думая и совершая все к Твоему благоугождению. Ты бо еси просвещение душ и телес наших, Христе Боже, и Тебе славу возсылаем, со Безначальным Твоим Отцем и Пресвятым и Благим и Животворящим Твоим Духом, ныне и присно и во веки веков. Аминь. Ибо Ты просвещение наших душ и тел, Христе Боже, и Тебе славу возносим, с Безначальным Твоим Отцом и Пресвятым и Благим и Животворящим Твоим Духом, ныне и всегда и во веки веков. Аминь. Диакон: Благослови, владыко, благовестителя святаго апостола и евангелиста (имя евангелиста). Благослови, владыка, возвещающего благовестие святого апостола и евангелиста (имя евангелиста). Священник (благословляя): Бог, молитвами святаго, славнаго, всехвальнаго апостола и евангелиста (имя), да даст тебе глагол, благовествующему силою многою, во исполнение Евангелиа Возлюбленнаго Сына Своего, Господа нашего Иисуса Христа. Бог по молитвам святого, славного, всехвального апостола и евангелиста (имя), да даст тебе слово благовествовать с великой силой, для исполнения Евангелия Сына Своего Возлюбленного, Господа нашего Иисуса Христа. Диакон: Аминь. Священник: Премудрость, прости, услышим Святаго Евангелиа. Мир всем. Премудрость, станьте благоговейно, услышим Святое Евангелие. Мир всем. Хор: И духови твоему. И духу твоему. Диакон:  От (имя) Святаго Евангелиа чтение. Хор:  Слава Тебе, Господи, слава Тебе. Священник: Вонмем. Будем внимать.

И читается Евангелие.

По окончании чтения:

Хор:  Слава Тебе, Господи, слава Тебе.

Диакон: Сугубая ектения

Начиная с прошения «Помилуй нас, Боже», хор поет «Господи, помилуй» трижды. Рцем вси от всея души, и от всего помышления нашего рцем. Скажем все от всей души и от всего помышления нашего скажем. Господи Вседержителю, Боже отец наших, молимтися, услыши и помилуй. Господи Вседержитель, Боже отцов наших, молимся Тебе, услышь и помилуй. Помилуй нас, Боже, по велицей милости Твоей, молимтися, услыши и помилуй. Помилуй нас, Боже, по великой милости Твоей, молимся Тебе, услышь и помилуй. Еще молимся о Великом Господине и Отце нашем Святейшем Патриархе Кирилле, о господине нашем (архиеп-е или еп-е данной епархии), и всей во Христе братии нашей. Еще молимся о Великом Господине и Отце нашем Святейшем Патриархе Кирилле, о господине нашем (архиеп-е или еп-е данной епархии),, и всех во Христе братьях наших. Еще молимся о богохранимей стране нашей, властех и воинстве ея, да тихое и безмолвное житие поживем во всяком благочестии и чистоте. Еще молимся о богохранимой стране нашей, властях и воинстве ее, чтобы прожить нам тихую и безмолвную жизнь во всяком благочестии и чистоте. Еще молимся о братиях наших, священницех, священномонасех, и всем во Христе братстве нашем. Еще молимся о братиях наших, священниках, священномонахах и всем во Христе братстве нашем. Еще молимся о блаженных и приснопамятных создателех святаго храма сего, и о всех преждепочивших отцех и братиях, зде лежащих и повсюду православных. Еще молимся о блаженных и всегда памятных создателях этого святого храма, о всех ранее умерших отцах и братьях, здесь и повсюду погребенных православных. Еще молимся о милости, жизни, мире, здравии, спасении, посещении, прощении и оставлении грехов рабов Божиих, братии святаго храма сего. Еще молимся о милости, жизни, мире, здоровье, спасении, Божием посещении, прощении и оставлении грехов рабов Божиих, прихожан этого святого храма. Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатыя милости. Еще молимся о приносящих пожертвования на богослужебные нужды и о украшающих храм или жертвующих на поддержание благолепия в святом и всечестном храме этом, несущих труды, поющих и предстоящих людях, ожидающих от Тебя великих и богатых милостей. Священник тихо молится: Молитва прилежного моления Господи Боже наш, прилежное сие моление приими от Твоих раб, и помилуй нас, по множеству милости Твоея, и щедроты Твоя низпосли на ны и на вся люди Твоя, чающия от Тебе богатыя милости. Господи Боже наш, прими это прилежное моление от рабов Твоих и помилуй нас по множеству милости Твоей, и щедроты Твои ниспошли на нас и на всех людей Твоих, ожидающих от Тебя обильных милостей. Священник (громко): Яко Милостив и Человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков. Ибо Ты Милостивый и Человеколюбивый Бог, и Тебе славу воссылаем, Отцу и Сыну и Святому Духу, ныне и всегда и во веки веков. Хор:  Аминь. За сугубой ектенией читается ектения об усопших (кроме двунадесятых и храмовых праздников), при открытых царских вратах: Диакон: Помилуй нас, Боже, по велицей милости Твоей, молимтися, услыши и помилуй. Помилуй нас Боже, по великой милости Твоей, молимся Тебе, услышь и помилуй. Еще молимся о упокоении душ усопших рабов Божиих (имена) и о еже проститися им всякому прегрешению, вольному же и невольному. Еще молимся об упокоении душ усопших рабов Божиих и о том, чтобы простилось всякое их прегрешение вольное и невольное. Яко да Господь Бог учинит души  их, идеже праведнии упокояются. Да определит Господь Бог души их там, где упокоены праведные. Милости Божия, Царства Небеснаго и оставления грехов их у Христа, Безсмертнаго Царя и Бога нашего, просим. Милости Божьей, Царства Небесного и оставления грехов их у Христа, Бессмертного Царя и Бога нашего, просим. Хор: Подай, Господи. Диакон: Господу помолимся. Хор: Господи помилуй. Священник молится тихо: Боже духов и всякия плоти, смерть поправый и диавола упразднивый, и живот миру Твоему даровавый! Сам, Господи, покой души усопших раб Твоих (имена) в месте светле, в месте злачне, в месте покойне, отнюдуже отбеже болезнь, печаль и воздыхание; всякое согрешение, содеянное ими словом, или делом, или помышлением, яко Благий Человеколюбец Бог, прости. Яко несть человек, иже жив будет и не согрешит; Ты бо един кроме греха, правда Твоя правда во веки, и слово Твое истина. Боже духов и всякой плоти, смерть поправший и диавола уничтоживший, и даровавший Своему миру вечную жизнь! Сам, Господи, упокой души усопших раб Твоих в месте светлом, в месте изобильном, в месте покойном, откуда отбежит болезнь, печаль и воздыхание; всякое согрешение, соделанное ими словом, делом или помышлением, прости, как Благой и Человеколюбивый Бог. Потому что нет человека, который жив будет и не согрешит; Ты один только без греха, правда Твоя — правда во веки, и слово Твое — истина. Священник (громко): Яко Ты еси воскресение, и живот, и покой усопших раб Твоих (имена), Христе Боже наш, и Тебе славу возсылаем, со Безначальным Твоим Отцем и Пресвятым и Благим и Животворящим Твоим Духом, ныне и присно и во веки веков. Ибо Ты есть воскресение, жизнь и покой усопших рабов Твоих, Христе Боже наш, и Тебе славу воссылаем с Безначальным Твоим Отцом и Пресвятым, Добрым и Животворящим Духом, ныне и всегда и во веки веков. Хор: Аминь. Царские врата закрываются.

Ектения об оглашенных

Диакон:

Помолитеся, оглашеннии, Господеви. Помолитесь, оглашенные, Господу. Вернии, о оглашенных помолимся, да Господь помилует их. Верные, за оглашенных помолимся, чтобы Господь помиловал их. Огласит их словом истины. Да огласит их словом истины. Открыет им Евангелие правды. Да откроет им Евангелие правды. Соединит их Святей Своей, Соборней и Апостольстей Церкви. Да присоединит их к Своей Святой Соборной и Апостольской Церкви. Спаси, помилуй, заступи и сохрани их, Боже, Твоею благодатию. Спаси, помилуй, огради и сохрани их, Боже, Твоею благодатью. Оглашеннии, главы ваша Господеви приклоните. Оглашенные, головы ваши Господу преклоните. Хор:  Тебе, Господи. Со словами «Оглашеннии, главы ваша Господеви приклоните» головы преклоняют только некрещеные.
Священник тихо читает молитву:

Молитва об оглашенных

Господи Боже наш, Иже на высоких живый и на смиренныя призираяй, Иже спасение роду человеческому низпославый, Единороднаго Сына Твоего и Бога, Господа нашего Иисуса Христа! Призри на рабы Твоя оглашенныя, подклоньшия Тебе своя выя, и сподоби я во время благополучное бани пакибытия, оставления грехов и одежди нетления, соедини их Святей Твоей, Соборней и Апостольстей Церкви и сопричти их избранному Твоему стаду. Господи Боже наш, на высотах живущий и на смиренных взирающий, ниспославший роду человеческому Спасение, Единородного Сына Своего и Бога, Господа нашего Иисуса Христа! Воззри с любовью на рабов Твоих оглашенных, склонивших перед Тобою головы, удостой их во время благопотребное купели возрождения, оставления грехов и одежды нетления. Присоедини их к Святой Твоей, Соборной и Апостольской Церкви и причисли их к избранному Твоему стаду. Священник (громко): Да и тии с нами славят пречестное и великолепое имя Твое, Отца и Сына и Святаго Духа, ныне и присно и во веки веков. Чтобы и они с нами прославляли Твое Пречестное и величественное имя, Отца и Сына и Святого Духа, ныне и всегда и во веки веков. Хор: Аминь. По окончании этой ектении некрещеные в древности покидали храм, о чем диакон напоминает словами: Елицы оглашеннии, изыдите; оглашеннии, изыдите; елицы оглашеннии изыдите. Да никто от оглашенных, елицы вернии, паки и паки миром Господу помолимся. Кто оглашенные, выйдите; оглашенные, выйдите; кто оглашенные, выйдите. Чтобы никто из оглашенных, а кто верные, еще и еще в мире Господу помолимся. Литургия верных Литургия верных начинается двумя краткими ектениями. Хор:   Господи, помилуй.

Диакон:

Заступи, спаси, помилуй и сохрани нас, Боже, Твоею благодатию. Защити, спаси, помилуй и сохрани нас, Боже, Твоею благодатью. Премудрость.
Священник молится про себя: Молитва верных первая Благодарим Тя, Господи Боже сил, сподобившаго нас предстати и ныне святому Твоему Жертвеннику и припасти ко щедротам Твоим о наших гресех и о людских неведениих. Приими, Боже, моление наше, сотвори ны достойны быти, еже приносити Тебе моления и мольбы и Жертвы Безкровныя о всех людех Твоих; и удовли нас, ихже положил еси в службу Твою сию, силою Духа Твоего Святаго неосужденно и непреткновенно в чистем свидетельстве совести нашея призывати Тя на всякое время и место. Да, послушая нас, милостив нам будеши во множестве Твоея благости. Господи Боже сил! Благодарим Тебя, удостоившего нас и теперь предстать перед святым Твоим Престолом и припасть к Твоему милосердию с молитвою о наших грехах и заблуждениях народа. Прими, Боже, наше моление, сделай нас достойными приносить Тебе моление и мольбы и Жертвы Бескровные за всех людей Твоих, и нас, которых Ты поставил на это служение, сделай способными силой Духа Твоего Святого без осуждения и преткновений в чистом свидетельстве нашей совести призывать Тебя во всякое время и на всяком месте, чтобы выслушав нас, Ты был милостив к нам во множестве Своей благости. Священник (громко): Яко подобает Тебе всякая слава, честь и поклонение, Отцу и Сыну и Святому Духу, ныне и присно, и во веки веков. Ибо подобает Тебе слава, честь и поклонение, Отцу и Сыну и Святому Духу, ныне и всегда и во веки веков. Хор:  Аминь.

Диакон: Сокращенная великая ектения

Паки и паки миром Господу помолимся. Еще и еще в мире Господу помолимся. О свышнем мире и спасении душ наших Господу помолимся. О мире, который дается свыше, и о спасении душ наших Господу помолимся. О мире всего мира, благостоянии святых Божиих церквей и соединении всех Господу помолимся. О мире всего мира, о твердом стоянии святых Божиих церквей, о соединении всех в согласии и любви Господу помолимся. О святем храме сем и с верою, благоговением и страхом Божиим входящих в онь, Господу помолимся. О святом храме этом и о всех, с верою, благоговением и страхом Божиим входящих в него, Господу помолимся. О избавитися нам от всякия скорби, гнева и нужды, Господу помолимся. О избавлении нас от всякой скорби, гнева и нужды Господу помолимся. Заступи, спаси, помилуй и сохрани нас, Боже, Твоею благодатию. Защити, спаси, помилуй и сохрани нас, Боже, Твоей благодатью. Диакон:  Премудрость. Священник тихо читает молитву: Молитва верных вторая Паки и многажды Тебе припадаем и Тебе молимся, Благий и Человеколюбче, яко да, призрев на моление наше, очистиши наша души и телеса от всякия скверны плоти и духа, и даси нам неповинное и неосужденное предстояние святаго Твоего Жертвенника. Даруй же, Боже, и молящимся с нами преспеяние жития, и веры, и разума духовнаго. Даждь им, всегда со страхом и любовию служащим Тебе, неповинно и неосужденно причаститися Святых Твоих Таин, и Небеснаго Твоего Царствия сподобитися. Снова и многократно к Тебе прибегаем и Тебе молимся, Благой и Человеколюбивый Боже, чтобы, взглянув на моление наше, Ты очистил наши души и тела от всякой нечистоты телесной и духовной и даровал нам неповинное и неосужденное предстояние перед святым Твоим Жертвенником. Даруй же, Боже, и молящимся с нами успехов в жизни, в вере и в духовном познании. Дай тем, кто всегда со страхом и любовью служит Тебе, неповинно и неосужденно причаститься Святых Твоих Тайн и Небесного Твоего Царствия удостоиться. Священник (громко): Яко да под державою Твоею всегда храними, Тебе славу возсылаем, Отцу и Сыну, и Святому Духу, ныне и присно и во веки веков. Чтобы мы, властью Твоею всегда сохраняемые, Тебе славу воссылали, Отцу и Сыну и Святому Духу, ныне и всегда и во веки веков. Хор:  Аминь. Хор поет протяжно:  Херувимская песнь  Иже Херувимы тайно образующе, и Животворящей Троице трисвятую песнь припевающе, всякое ныне житейское отложим попечение. Мы, таинственно изображая Херувимов и воспевая Животворящей Троице трисвятую песнь, отложим теперь все житейские заботы.

Великий вход

Аминь. Яко да Царя всех подымем, Ангельскими невидимо дориносима чинми. Аллилуиа. Чтобы принять Царя всего мира, невидимо сопровождаемого воинством Ангельских чинов. Аллилуиа. Когда хор поет первую половину Херувимской песни, священник молится об очищении души и сердца священнослужителя для достойного совершения Св. Евхаристии. Затем священнослужащие подходят к Жертвеннику, берут дискос и Чашу и, предваряемые свечой, несут их через северные, а затем через царские врата на Престол. Во время этого шествия священнослужители поминают правящего епископа, гражданские власти, духовенство, жертвователей и благотворителей храма и всех православных христиан, заканчивая словами: «Да помянет Господь Бог во Царствии Своем». Шествие это от жертвенника к Престолу называется Великим входом и напоминает верующим торжественный вход Господа Иисуса Христа в Иерусалим и шествие Его с крестом на добровольные страдания. «Дориносима» в переводе означает носимый на копьях. В древности римские воины при возглашении нового императора несли его в торжественной процессии на щите на копьях. Поставив Дары на престол, священник покрывает Чашу и дискос платом, напоминающим погребальное полотно (плащаницу), которым Иосиф обвил бездыханное тело Спасителя.

Диакон: Просительная ектения

Исполним молитву нашу Господеви. Совершим молитву нашу к Господу. О предложенных Честных Дарех Господу помолимся. О предложенных Святых Дарах (Дары — Агнец на дискосе и вино в Чаше) Господу помолимся. О святем храме сем и с верою, благоговением и страхом Божиим входящих в онь, Господу помолимся. О святом храме этом и о всех, с верою, благоговением и страхом Божиим входящих в него, Господу помолимся. О избавитися нам от всякия скорби, гнева и нужды, Господу помолимся. О избавлении нас от всякой скорби, гнева и нужды Господу помолимся. Заступи, спаси, помилуй и сохрани нас, Боже, Твоею благодатию. Защити, спаси, помилуй и сохрани нас, Боже, Твоей благодатью. Дне всего совершенна, свята, мирна и безгрешна у Господа просим. Чтобы весь день был совершенным, святым, мирным и безгрешным, у Господа просим. Ангела мирна, верна наставника, хранителя душ и телес наших, у Господа просим. Ангела мирного, верного наставника и хранителя душ и тел наших, у Господа просим. Прощения и оставления грехов и прегрешений наших, у Господа просим. Прощения и оставления грехов и прегрешений наших у Господа просим. Добрых и полезных душам нашим и мира мирови у Господа просим. Всего доброго и полезного нашим душам и мира миру у Господа просим. Прочее время живота нашего в мире и покаянии скончати, у Господа просим. Чтобы оставшееся время нашей жизни мы прожили в мире и покаянии, у Господа просим. Христианския кончины живота нашего, безболезнены, непостыдны, мирны и добраго ответа на Страшнем Судищи Христове просим. Христианской кончины жизни нашей, безболезненной, непостыдной, мирной, и доброго ответа на Страшном Суде Христовом просим. Пресвятую, Пречистую, Преблагословенную, Славную Владычицу нашу Богородицу и Приснодеву Марию со всеми святыми помянувше, сами себе и друг друга, и весь живот наш Христу Богу предадим. Помянув Пресвятую, Пречистую, Преблагословенную, Славную Владычицу нашу Богородицу и Приснодеву Марию со всеми святыми, предадим сами себя и друг друга, и всю жизнь нашу Христу Богу. Хор: Тебе, Господи. Священник в это время молится: Молитва приношения Господи Боже Вседержителю, Едине Святе, приемляй жертву хваления от призывающих Тя всем сердцем, приими и нас, грешных, моление, и принеси ко Святому Твоему Жертвеннику, и удовли нас приносити Тебе дары же и жертвы духовныя о наших гресех и о людских неведениих; и сподоби нас обрести благодать пред Тобою, еже быти Тебе благоприятней жертве нашей и вселитися Духу благодати Твоея благому в нас, и на предлежащих Дарех сих, и на всех людех Твоих. Господи Боже Вседержитель, Единый Святой, принимающий жертву хвалы от призывающих Тебя всем сердцем, прими моления и нас грешных, и принеси к Святому Твоему Жертвеннику, и сделай нас способными приносить Тебе дары и духовные жертвы о своих грехах и о людских заблуждениях. Удостой нас обрести пред Тобой милость, чтобы угодна была Тебе наша жертва, и чтобы Благой Дух Твоей благодати снизошел на нас и на эти предложенные Дары, и на всех людей Твоих. Священник (громко): Щедротами Едннороднаго Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно, и во веки веков. По милости Единородного Твоего Сына, с Которым благословен Ты, и с Пресвятым, Добрым и Животворящим Духом, ныне и всегда и во веки веков. Хор:  Аминь. После ектении напоминается всем, что жертва должна быть приносима

в душевном мире и взаимной любви.

Священник:   Мир всем! Хор: И духови твоему. Диакон: Возлюбим друг друга, да единомыслием исповемы. Возлюбим друг друга, чтобы в единомыслии исповедать. Хор, от лица присутствующих, отвечает: Отца и Сына и Святаго Духа, Троицу Единосущную и Нераздельную. Диакон: Двери, двери! Премудростию вонмем. Двери, двери! Будем внимать премудрости. В древности христиане не открывали таинства своей веры, некрещеным. Потому, пред началом пения исповедования веры (Символа веры), диакон говорил придверникам: «Двери, двери!» призывая их внимательно следить, чтобы не вошел в храм кто-либо из некрещеных, затем обращался к предстоящим верным со словами: «Премудростию вонмем!» — будем внимательны к премудрости, изложенной в Символе веры. В настоящее время эти возгласы произносятся священником, чтобы мы следили за дверями души своей и не допускали в нее мыслей, желаний и чувств, недостойных святыни великого таинства. Хор: Символ веры Верую во Единаго Бога Отца Вседержителя,

Творца небу и земли, видимым же всем и невидимым.

И во Единаго Господа Иисуса Христа, Сына Божия,

Единороднаго. Иже от Отца рожденнаго прежде всех век. Света от Света, Бога истинна от Бога истинна,

рожденна, несотворенна, Единосущна Отцу, Имже вся быша.

Нас ради человек и нашего ради спасения сшедшаго с небес и воплотившагося от Духа Свята и Марии Девы, и вочеловечшася.

Распятаго же за ны при Понтийстем Пилате,

и страдавша, и погребенна. И воскресшаго в третий день по Писанием.

И возшедшаго на Небеса, и седяща одесную Отца.

И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго,

Иже со Отцем и Сыном спокланяема и сславима, глаголавшаго пророки.

Во едину Святую Соборную и Апостольскую Церковь.

Исповедую едино Крещение во оставление грехов.

Чаю воскресения мертвых

и жизни будущего века. Аминь.

Верую во Единого Бога Отца Вседержителя,Творца неба и земли, всего видимого и невидимого.

И во Единого Господа Иисуса Христа,
Единородного Сына Божьего, рожденного от Отца прежде всякого времени. Света от Света, Бога истинного от Бога истинного,

рожденного, несотворенного, Единосущного Отцу, от Которого все произошло.

Ради нас, людей, и ради нашего спасения сошедшего с Небес и воплотившегося от Духа Святого и Девы Марии, и ставшего человеком.

За нас распятого при Понтии Пилате

и страдавшего, и погребенного. И воскресшего на третий день, как было предсказано Писанием.

И вознесшегося на Небеса, и сидящего по правую руку от Отца.

И снова имеющего придти во славе, чтобы судить живых и мертвых, и Царствию Его не будет конца. И в Духа Святого, Господа, дающего жизнь, исходящего от Отца, Которому надлежит поклоняться

и Которого славить одинаково с Отцом и Сыном, говорившего через пророков.

В единую Святую, Соборную и Апостольскую Церковь.

Признаю одно в жизни Крещение для очищения от грехов.

Ожидаю воскресения мертвых

и жизни будущего века. Аминь.

Когда молящиеся окончат исповедание своей веры, священник приглашает их к благоговейному вниманию, чтобы достойно принести жертву Господу. Станем добре, станем со страхом, вонмем, святое возношение в мире нриносити. Станем чинно, станем благоговейно, будем внимательны, чтобы в мире (в духовном спокойствии) принести святое приношение. На этот призыв молящиеся, указывая, в чем будет состоять их приношение, отвечают: Милость мира, жертву хваления. Милость мира, жертву хвалы (получив от Бога великую милость — мир душевный, принесем Ему жертву хвалы и благодарения). Священник: Благодать Господа нашего Иисуса Христа, и любы Бога и Отца, и причастие Святаго Духа буди со всеми вами! Благодать Господа нашего Иисуса Христа и любовь Бога Отца, и общение Святого Духа да будет со всеми вами! Хор: И со духом твоим. Священник возглашает, побуждая предстоящих отрешиться умом и сердцем от всего земного и мысленно вознестись к небесному: Горе имеим сердца! Вверх устремим сердца (к Небу, к Богу). Хор: Имамы ко Господу. Устремляем их к Господу (досл.: имеем к Господу). По примеру Спасителя, возблагодарившего Бога Отца перед преломлением хлеба на Тайной Вечере, совершение таинства (Евхаристический канон) начинается возгласом священника: Благодарим Господа! Возблагодарим Господа! Хор:

Достойно и праведно есть покланятися Отцу и Сыну и Святому Духу, Троице Единосущней и Нераздельней.

Во время этого пения священник, обращаясь к Богу Отцу, тихо читает молитву: Достойно и праведно Тя пети, Тя благословити, Тя хвалити, Тя благодарити, Тебе покланятися на всяком месте владычествия Твоего. Ты бо еси Бог Неизреченен, Недоведомь, Невидимь, Непостижимь, присно Сый, такожде Сый, Ты, и Единородный Твой Сын, и Дух Твой Святый. Ты от небытия в бытие нас привел еси, и отпадшия возставил еси паки и не отступил еси, вся творя, дондеже нас на Небо возвел еси и Царство Твое даровал еси будущее. Достойно и праведно Тебя воспевать, Тебя благословлять, Тебя хвалить, Тебя благодарить, Тебе поклоняться на всяком месте Твоего владычества: ибо Ты Бог Неизреченный, Непостижимый, Невидимый, всегда Сущий, Неизменяемый, Ты и Единородный Сын Твой, и Дух Твой Святой; Ты из небытия привел нас в бытие и, отпадших, опять поднял нас, и неотступно делал все для нас до тех пор, пока не возвел нас на Небо и не даровал нам Твое будущее Царство. О сих всех благодарим Тя, и Единороднаго Твоего Сына, и Духа Твоего Святаго о всех, ихже вемы и ихже не вемы, явленных и неявленных благодеяниих, бывших на нас. Благодарим Тя и о службе сей, юже от рук наших прияти изволил еси, аще и предстоят Тебе тысящи Архангелов и тмы Ангелов, Херувими и Серафими, шестокрилатии многоочитии, возвышающийся пернатии, За все это благодарим Тебя и Твоего Единородного Сына, и Духа Твоего Святого, за все, что знаем и чего не знаем, за явленные и не явленные благодеяния, бывшие на нас. Благодарим Тебя и за это служение, которое Ты благоволил принять от рук наших, хотя и предстоят Тебе тысячи Архангелов и множества Ангелов, Херувимы и Серафимы, шестикрылые, многоочитые, как пернатые, парящие в небесных вышинах, и заканчивает молитву возгласом, относящимся к упомянутым Ангелам: победную песнь поюще, вопиюще, взывающе и глаголюще: победную песнь поюще, возглашая, взывая и говоря: Хор от лица всей церкви присоединяется к пению Ангелов, которые на небе взывают: Свят, Свят, Свят Господь Саваоф: исполнь небо и земля славы Твоея. Осанна в вышних, благословен Грядый во имя Господне. Осанна в вышних. Свят, Свят, Свят Господь Саваоф (евр. Бог воинств), полны небо и земля славы Твоей. Осанна в вышних! Благословен Грядущий во имя Господне, осанна в вышних. «Осанна» радостное приветствие, которым народ встречал Иисуса Христа при торжественном входе Его в Иерусалим, за шесть дней до Пасхи. «Осанна» еврейское слово, означающее «спаси, помоги (Бог)» сделалось в устах евреев благожеланием всем лицам, трудившимся для славы Божией и на благо избранного народа Божия. Более всех достоин был этого приветствия Мессия — Спаситель. «Осанна в вышних» значит «Да будет исполнено Богом наше благожелание». «Благословен Грядущий во имя Господа!» этими словами жители Иерусалима приветствовали Господа нашего Иисуса Христа. Во время этого песнопения священник продолжает благодарить Бога: С сими и мы блаженными Силами, Владыко Человеколюбче, вопием и глаголем: Свят еси и Пресвят, Ты и Единородный Твой Сын, и Дух Твой Святый. Свят еси и Пресвят и великолепна слава Твоя; Иже мир Твой тако возлюбил еси, якоже Сына Твоего Единороднаго дати, да всяк веруяй в Него не погибнет, но имать Живот Вечный. Иже, пришед и все еже о нас смотрение исполнив, в нощь, в нюже предаяшеся, паче же Сам Себе предаяше за мирский живот, приемь хлеб во святыя Своя и пречистыя и непорочныя руки, благодарив и благословив, освятив, преломив, даде святым Своим учеником и апостолом, рек: С этими блаженными силами небесными и мы, Владыка Человеколюбец, восклицаем и говорим: Свят и Пресвят Ты, и Единородный Твой Сын, и Дух Твой Святой; Свят Ты и Пресвят, и великолепна слава Твоя, Ты так возлюбил созданный Тобою мир, что благоволил отдать Единородного Сына Твоего, дабы всякий верующий в Него не погиб, но имел жизнь вечную. Пришедши на землю и исполнив все промышление о нас, Он (Сын) в ночь, в которую Сам добровольно предал Себя за жизнь мира, взяв хлеб в Свои святые, пречистые и непорочные руки, возблагодарив и благословив, освятив и преломив, дал святым Своим ученикам и апостолам, сказав: Священник: Приимите, ядите, сие есть тело Моееже за вы ломимое во оставление грехов. Возьмите, ешьте, это есть тело Мое, за вас преломляемое, ради оставления грехов. Хор: Аминь. Священник молится про себя: Подобне и Чашу по вечери, глаголя: Подобным образом Чашу после вечери Он взял, говоря: Священник (громко): Пийте от нея вси, сия есть Кровь Моя Новаго Завета, яже за вы и за многия изливаемая во оставление грехов. Пейте из нее все, это есть Кровь Моя Нового Завета, за вас и за многих проливаемая ради оставления грехов. Хор: Аминь. После этого, следуя заповеди Спасителя: «Сие творите в Мое воспоминание», священник продолжает тихо: Поминающе убо спасительную сию заповедь и вся, яже о нас бывшая: Крест, Гроб, тридневное Воскресение, на Небеса восхождение, одесную седение, второе и славное паки пришествие. Вспоминая эту заповедь Спасителя и все, бывшее ради нас: крест, гроб, тридневное Воскресение, на небеса восхождение, сидение по правую руку Отца, второе и славное пришествие. и заключает громко: Твоя от Твоих Тебе приносяще, о всех и за вся. Твои Дары (хлеб и вино) мы (Твои рабы) Тебе приносим за всех людей и в благодарность за все благодеяния. В это время диакон приподнимает над престолом, крестообразно сложенными руками, Святую Чашу и дискос со Святыми Дарами (святое возношение).Хор: Тебе поем, Тебе благословим, Тебе благодарим, Господи, и молимтися, Боже наш. Тебя воспеваем, Тебя благословляем, Тебя благодарим, Господи, и молимся Тебе, Боже наш. В это время священник в тайной молитве троекратно призывает Духа Святого на себя и на Дары, лежащие на Престоле, делает крестное знамение над дискосом, Чашей и над обоими вместе, прося Бога, чтобы Он, силою Духа Святого, «преложил хлеб в Тело Христово, а вино в честную Кровь Христову». В это время хлеб и вино таинственно прелагаются, становясь истинным Телом и истинною Кровью Христовой. Освятив Святые Дары, священник благоговейно кланяется до земли пред ними и молится, чтобы эти Святые Дары послужили для причащающихся не в суд или в осуждение, но в прощение грехов, в наследие Царства Небесного и в жизнь вечную.

Эта часть Литургии самая священная минута, когда мы с величайшим благоговением должны молиться и благодарить Бога за Его несказанную милость в совершении чуда пресуществления Святых Даров.

Потом священник тихо молится Богу о всех членах Церкви:

Еще приносим Ти словесную сию службу о иже в вере почивших праотцех, отцех, патриарсех, пророцех, апостолех, проповедни-цех, евангелистех, мученицех, исповедницех, воздержницех и о всяком дусе праведнем, в вере скончавшемся. Еще приносим Тебе эту словесную службу о тех, кто упокоились в вере: праотцах, отцах, патриархах, пророках, апостолах, проповедни-ках, евангелистах, мучениках, исповедниках, постниках, и о всякой праведной душе, в вере скончавшейся. Священник заканчивает молитву возгласом: Изрядно о Пресвятей, Пречистей, Преблагословенней, Славней Владычице нашей Богородице и Приснодеве Марии. Особенно о Пресвятой, Пречистой, Преблагословенной, Славной Владычице нашей Богородице и Приснодеве Марии. Хор отвечает хвалебной песнью в честь Пресвятой Богородицы: Достойно есть яко воистинну блажити Тя Богородицу, Присноблаженную и Пренепорочную и Матерь Бога нашего. Честнейшую Херувим и Славнейшую без сравнения Серафим, без истления Бога Слова рождшую, сущую Богородицу Тя величаем. Воистину достойно есть ублажать Тебя, Богородицу, Присноблаженную и Пренепо-рочную и Мать Бога нашего. Достойнейшую, чем Херувимы, и Славнейшую без сравнения, чем Серафимы, девственно родившую Бога Слово, истинную Богородицу Тебя величаем. Во время пения «Достойно есть» священник продолжает тихо поминать живых и умерших членов Церкви, а также и гражданские власти, чтобы под покровом их управления все проводили мирную жизнь во всяком благочестии и нравственной чистоте.

Затем священник возглашает:

В первых помяни, Господи, Великаго Господина и Отца нашего Кирилла и господина нашего (архиепископа или епископа данной епархии), ихже даруй святым Твоим церквам в мире, целых, честных, здравых, долгоденствующих, право правящих слово Твоея истины. Прежде всего помяни, Господи, Великого Господина и Отца нашего Кирилла, Святейшего Патриарха Московского и всей Руси, и господина нашего (архиеп-а или еп-а данной епархии), и сохрани их для Святых Твоих Церквей в мире, невредимыми, чтимыми, здоровыми, долго-жительствующими, правильно преподающими слово Твоей истины. Хор:

И всех и вся. И всех мужчин и всех женщин.

Священник: И даждь нам единеми усты и единем сердцем славити и воспевати Пречестное и Великолепое имя Твое, Отца и Сына и Святаго Духа, ныне и присно, и во веки веков. И дай нам едиными устами и единым сердцем славить и воспевать Пречестное и Величественное имя Твое, Отца и Сына и Святого Духа, ныне и всегда и во веки веков. Хор: Аминь. Священник: И да будут милости Великаго Бога и Спаса нашего Иисуса Христа со всеми вами. И да будут милости Великого Бога и Спасителя нашего Иисуса Христа со всеми вами. Хор:   И со духом твоим. Затем начинается приготовление к Причащению.

Диакон:  Просительная ектения 

Вся святыя помянувше, паки и паки миром Господу помолимся. Всех святых помянув, еще и еще в мире Господу помолимся. О принесенных и освященных Честных Дарех, Господу помолимся. О принесенных и освященных, достойных всяческого поклонения Дарах Господу помолимся. Яко да Человеколюбец Бог наш, приемь я во святый, и пренебесный, и мысленный Свой Жертвенник, в воню благоухания духовнаго, возниспослет нам Божественную благодать и дар Святаго Духа, помолимся. О том, чтобы Человеколюбивый Бог наш, приняв их, как благоуханную духовную жертву на Свой святой, наднебесный и духовный жертвенник, ниспослал нам Божественную благодать и дар Святого Духа, помолимся. О избавитися нам от всякия скорби, гнева и нужды, Господу помолимся. О избавлении нас от всякой скорби, гнева и нужды Господу помолимся. Заступи, спаси, помилуй и сохрани нас, Боже, Твоею благодатию. Защити, спаси, помилуй и сохрани нас, Боже, Твоей благодатью. Дне всего совершенна, свята, мирна и безгрешна, у Господа просим. Чтобы весь день был совершенным, святым, мирным и безгрешным, у Господа просим. Ангела мирна, верна наставника, хранителя душ и телес наших, у Господа просим. Ангела мирного, верного наставника и хранителя душ и тел наших, у Господа просим. Прощения и оставления грехов и прегрешений наших, у Господа просим. Прощения и оставления грехов и прегрешений наших у Господа просим. Добрых и полезных душам нашим и мира мирови, у Господа просим. Всего доброго и полезного нашим душам и мира миру у Господа просим. Прочее время живота нашего в мире и покаянии скончати, у Господа просим. Чтобы оставшееся время нашей жизни мы прожили в мире и покаянии, у Господа просим. Христианския кончины живота нашего, безболезнены, непостыдны, мирны и добраго ответа на Страшном Судищи Христове, просим. Христианской кончины жизни нашей, безболезненной, непостыдной, мирной, и доброго ответа на Страшном Суде Христовом просим. Соединение веры и причастие Святаго Духа испросивше, сами себе, и друг друга, и весь живот наш Христу Богу предадим. Единство веры и общение Святого Духа испросив, предадим сами себя и друг друга, и всю жизнь нашу Христу Богу. Хор: Тебе, Господи. Священник же тихо молится: Тебе предлагаем живот наш весь и надежду, Владыко Человеколюбче, и просим, и молим, и милися деем: сподоби нас причаститися Небесных Твоих и Страшных Таин, сея священныя и духовныя Трапезы, с чистою совестию, во оставление грехов, в прощение согрешений, во общение Духа Святаго, в наследие Царствия Небеснаго, в дерзновение еже к Тебе, не в суд или во осуждение. Человеколюбивый Господи! Тебе поручаем всю нашу жизнь и надежду, и просим, и молим, и умоляем: удостой нас причаститься Твоих Небесных и Страшных Тайн, этой священной и духовной Трапезы, с чистою совестью, ради оставления грехов, ради прощения согрешений, ради общения Святого Духа, ради наследования Царства Небесного, ради дерзновения перед Тобою, не в суд или во осуждение. Священник (громко): И сподоби нас, Владыко, со дерзно-вением, неосужденно смети призывати Тебе, Небеснаго Бога Отца и глаголати: И удостой нас, Владыка, дерзновенно и неосужденно сметь призывать Тебя, Небесного Бога Отца, и говорить: Хор: Отче наш, Иже еси на небесех! Да святится Имя Твое, да приидет Царствие Твое. Да будет воля Твоя, яко на небеси и на земли. Хлеб наш насущ-ный даждь нам днесь. И остави нам долги наша, якоже и мы оставляем должником нашим. И не введи нас во искушение, но избави нас, от лукаваго. Отче наш, сущий на небесах! да святится имя Твое; да приидет Царствие Твое; да будет воля Твоя и на земле, как на небе; хлеб наш насущный дай нам на сей день; и прости нам долги наши, как и мы прощаем должникам нашим; и не введи нас в искушение, но избавь нас от лукавого. Священник: Яко Твое есть царство, и сила, и слава, Отца, и Сына, и Святаго Духа, ныне и присно, и во веки веков. Ибо Твое есть царство и сила и слава, Отца и Сына и Святого Духа, ныне и всегда и во веки веков. Хор: Аминь. Священник: Мир всем. Хор: И духови твоему. Диакон: Главы ваша Господеви приклоните. Хор:  Тебе, Господи. Священник молится тихо: Благодарим Тя, Царю Невидимый, Иже неисчетною Твоею силою вся содетельствовал еси и множеством милости Твоея от небытия в бытие вся привел еси. Сам, Владыко, с небесе призри на подклоньшия Тебе главы своя; не бо подклониша плоти и крови, но Тебе, Страшному Богу. Благодарим Тебя, невидимый Царь, Который Своей неизмеримой силой все сотворил и по множеству Своей милости все из небытия в бытие привел. Ты, Владыка, призри с небес на приклонивших Тебе свои головы: они приклонили их не плоти и крови, но Тебе, Страшному Богу. Ты убо, Владыко, предлежащая всем нам во благое изравняй, по коегождо своей потребе: плавающим сплавай, путешествующим спуте-шествуй, недугующия исцели, Врачу душ и телес. Ты же, Владыка, лежащие перед нами Св. Дары всем нам на благо равно подай, каждому по его надобности: сопровождай плавающих, сопутствуй путешествующим, больных исцели, Врач душ и тел. Священник заканчивает молитву вслух: Благодатию и щедротами и человеколюбием Единороднаго Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно и во веки веков. По благодати, милостям и человеколюбию Единородного Твоего Сына, с Которым Ты благо-словен, и с Пресвятым, Благим и Животворящим Твоим Духом, ныне и всегда и во веки веков. Хор: Аминь. Диакон: Вонмем! Закрываются царские врата и завеса.

Священник же возносит над дискосом освященный Агнец, возглашая:

Святая святым. Святые Дары — святым! С глубоким благоговением присутствующие поклоняются пред святым Агнцем и в сознании своего недостоинства отвечают: Един Свят, един Господь, Иисус Христос, во славу Бога Отца. Аминь. Один только Свят, один Господь Иисус Христос, ко славе Бога Отца. Аминь. Приготовив Святые Дары к причащению, священнодействующие причащаются в алтаре.

В это время поется причастный стих — причастен:

Хор (в воскресенье): Хвалите Господа с небес, хвалите Его в вышних.

Аллилуиа (трижды).

Хвалите Господа в небесах, хвалите Его в вышних. По причащении священнодействующих царские врата открываются, священник и диакон исходят из алтаря, диакон держит в руках Святую Чашу и возглашает: Диакон:  Со страхом Божиим и верою приступите. Присутствующие благоговейно поклоняются Святым Дарам, как Самому воскресшему Спасителю, и приветствуют Его словами: Благословен Грядый во имя Господне:

Бог Господь и явися нам.

Благословен Грядущий во имя Господа,Бог есть Господь, и Он явился нам. Причастники, сложив крестообразно руки, приступают к Святым Тайнам и исповедуют свою веру следующею молитвою (священник читает вслух): Верую, Господи, и исповедую, яко Ты еси воистинну Христос, Сын Бога Живаго, пришедый в мир грешныя спасти, от нихже первый есмь аз. Еще верую, яко Сие есть самое Пречистое Тело Твое, и Сия есть самая Честная Кровь Твоя. Молюся убо Тебе: помилуй мя, и прости ми прегрешения моя, вольная и невольная, яже словом, яже делом, яже ведением и неведением; и сподоби мя неосужденно причаститися Пречистых Твоих Таинств, во оставление грехов, и в Жизнь Вечную. Аминь. Верую, Господи, и исповедую, что Ты воистину Христос, Сын Бога Живого, пришедший в мир грешников спасти, из которых первый я. Еще верую, что это Пречистое Тело Твое и Честная Кровь Твоя. Поэтому молюсь Тебе: помилуй меня и прости мне прегрешения мои, вольные и невольные, совершённые словом, делом, сознательно и неосознанно; и удостой меня неосужденно причаститься Пречистых Твоих Тайн, ради оставления грехов и Жизни Вечной. Аминь. Вечери Твоея Тайныя днесь, Сыне Божий, причастника мя приими: не бо врагом Твоим тайну повем, ни лобзания Ти дам яко Иуда, но яко разбойник исповедую Тя: помяни мя, Господи, во Царствии Твоем! Да не в суд или во осуждение будет мне причащение Святых Твоих Таин, Господи, но во исцеление души и тела. Аминь. Сын Божий, прими меня сегодня как участника Твоей Тайной Вечери, ибо не открою тайну Твоим врагам, не поцелую Тебя, как Иуда, но подобно разбойнику исповедаю Тебя: помяни меня, Господи, во Царствии Твоем! Да не в суд и не в осуждение будет мне причащение Святых Твоих Тайн, Господи, но для исцеления души и тела. Аминь. По произнесении этой молитвы верующие принимают от священника Тело и Кровь Христовы, целуют основание Святой Чаши и, спустившись с амвона, запивают теплотой. Во время причащения креститься не следует, чтобы не задеть рукой Чашу.

В это время хор или народ поет:

Тело Христово приимите, Источника безсмертнаго вкусите. По причащении верующих священник ставит Святую Чашу на престол и погружает в нее частицы, вынутые из просфор, в память живых и умерших, со словами: Отмый, Господи, грехи поминавшихся зде Кровию Твоею Честною, молитвами святых Твоих. Отмой, Господи, грехи всех здесь поминавшихся Твоею Пречистой кровию по молитвам святых Твоих. Когда священник опускает в Чашу частицы, вынутые из просфор за живых и умерших, он молится, чтобы Господь простил им их грехи. В это время все помянутые за проскомидией духовно соединяются со Христом, как главой Церкви. Хор: Аллилуиа (трижды). Священник обращается к народу и благословляет его: Спаси, Боже, люди Твоя и благослови достояние Твое. Спаси, Боже, народ Твой и благослови наследие Твое. Хор от имени всех верующих, сознающих полученные благодеяния, поет: Видехом свет истинный, прияхом Духа Небеснаго, обретохом веру истинную, Нераздельней Троице покланяемся: Та бо нас спасла есть. Мы увидели свет истины, приняли Духа Небесного, обрели истинную веру. Поклоняемся Нераздельной Троице, потому что Она спасла нас. Священник, покадив Святые Дары и произнесши про себя: «Благословен Бог наш», в последний раз является со Святою Чашею народу, возглашая: Всегда, ныне и присно, и во веки веков. Всегда, ныне и вечно, и во веки веков. Верующие, кланяясь до земли Святым Дарам, относимым на жертвенник, как бы возносящемуся на небо Спасителю, поют: Аминь. Да исполнятся уста наша хваления Твоего, Господи, яко да поем славу Твоюяко сподобил еси нас причаститися Святым Твоим, Божественным, Безсмертным и Животворящим Тайнам: соблюди нас во Твоей святыни, весь день поучатися правде Твоей. Аллилуиа (Трижды). Пусть наполнятся уста наши хвалой Тебе, Господи, чтобы мы воспели славу Твою, за то, что Ты удостоил нас причаститься Святых Твоих Божественных, Бессмертных и Животворящих Тайн. Сохрани нас в Твоем освящении (которое мы получили через Причащение), чтобы мы весь день поучались Твоей праведности. Аллилуиа. По отнесении Святых Даров на Жертвенник диакон краткою ектениею приглашает предстоящих к благодарению за причастие Святых Тайн, произнося: Прости приимше Божественных, Святых, Пречистых, Безсмертных, Небесных и Животворящих Страшных Христовых Таин, достойно благодарим Господа. Станем благоговейно, приняв Божественные, Святые, Пречистые, Бессмертные, Небесные и Животворящие Страшные Христовы Тайны, достойно возблагодарим Господа. Заступи, спаси, помилуй и сохрани нас, Боже, Твоею благодатию. Защити, спаси, помилуй и сохрани нас, Боже, Твоей благодатью. День весь совершен, свят, мирен и безгрешен испросивше, сами себе и друг друга, и весь живот наш Христу Богу предадим. Испросив, чтобы весь этот день был совершенным, святым, мирным и безгрешным, предадим сами себя и друг друга, и всю жизнь нашу Христу Богу. Хор:  Тебе, Господи. Священник: Яко Ты еси освящение наше, и Тебе славу возсылаем, Отцу и Сыну и Святому Духу, ныне и присно, и во веки веков. Ибо Ты есть освящение наше и Тебе славу воссылаем, Отцу и Сыну и Святому Духу, ныне и всегда, и во веки веков. Хор:  Аминь. Священник, давая разрешение выйти из храма: С миром изыдем. С миром выйдем. Хор: О имени Господни. (Во имя Господне.) Священник выходит за амвон и произносит заамвонную молитву: Благословляяй благословящия Тя, Господи, и освящаяй на Тя уповающия, спаси люди Твоя и благослови достояние Твое, исполнение Церкве Твоея сохрани, освяти любящия благолепие дому Твоего; Ты тех воспрослави Божественною Твоею силою, и не остави нас, уповающих на Тя. Мир мирови Твоему даруй, Церквам Твоим, священником, и всем людем Твоим. Яко всякое даяние благо, и всяк дар совершен свыше есть, сходяй от Тебе, Отца светов; и Тебе славу, и благодарение, и поклонение возсылаем, Отцу и Сыну и Святому Духу, ныне и присно и во веки веков. Господи, благословляющий прославляющих Тебя и освящающий надеющихся на Тебя! Спаси людей Твоих и благослови наследие Твое; полноту Церкви Твоей сохрани; освяти любящих благолепие храма Твоего, прославь их Божественной Твоей силой и не оставь нас, надеющихся на Тебя. Даруй мир Твоему миру, Церквам Твоим, священникам и всем людям Твоим. Ибо всякое доброе даяние и всякий совершенный дар подаются свыше и исходят от Тебя, Отца света, и Тебе славу, благодарение и поклонение воссылаем, Отцу и Сыну, и Святому Духу, ныне и всегда, и во веки веков. Хор:  Аминь. Буди имя Господне благословено от ныне и до века (трижды) Да будет имя Господне благословенно отныне и до века (трижды)

Господи помилуй (трижды).

Благослови.

Молящиеся прикладываются ко кресту и тихо выходят из храма.

Молитвенное участие в Божественной Литургии сообщает христианину великую благодать Божию. Постараемся бережно хранить в себе эту благодать, чтобы она подольше озаряла наши мысли и чувства, направляя наш жизненный путь к обретению Царства Небесного.

БОЖЕ́СТВЕННАЯ ЛИТУРГÍЯ И́ЖЕ ВО СВЯТЫ́ХЪ ОТЦА́ НА́ШЕГО IОА́ННА ЗЛАТОУ́СТАГО.

Диакон:

Благослови́, влады́ко.

Иерей:

Благослове́но Ца́рство Отца́ и Сы́на, и Свята́го Ду́ха, ны́не и при́сно, и во ве́ки веко́в.

Лик:

Ами́нь.

Диакон:

Ми́ром Го́споду помо́лимся.

Лик: Го́споди, поми́луй.

О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

О Вели́ком Господи́не и отце́ на́шем, Святе́йшем Патриа́рхе (имярек), и о господи́не на́шем преосвяще́ннейшем митрополи́те (или архиепи́скопе, или епи́скопе) (имярек), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

Лик: Го́споди, поми́луй.

О Богохрани́мей стране́ на́шей, власте́х и во́инстве ея́, Го́споду помо́лимся.

Лик: Го́споди, поми́луй.

О гра́де сем, (или о ве́си сей, или о святе́й оби́тели сей), вся́ком гра́де, стране́ и ве́рою живу́щих в ни́х, Го́споду помо́лимся.

Лик: Го́споди, поми́луй.

О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

Лик: Го́споди, поми́луй.

О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

Лик: Го́споди, поми́луй.

О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Священник глаголет молитву перваго антифона:

Го́споди Бо́же наш, Его́же держа́ва несказа́нна и сла́ва непостижи́ма, Его́же ми́лость безме́рна и человеколю́бие неизрече́нно. Сам, Влады́ко, по благоутро́бию Твоему́ при́зри на ны и на святы́й храм сей, и сотвори́ с на́ми и моля́щимися с на́ми, богатыя ми́лости Твоя́ и щедро́ты Твоя́.

Возглашение:

Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

И поется первый антифон от певцев.

Диакон же поклонився уступает от места своего, и отшед стоит пред иконою Христовою, держа и орарь треми персты десныя руки.

По исполнении же антифона, пришед диакон, и став на обычном месте и поклонився, глаголет:

Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Молитва втораго антифона:

Го́споди Бо́же наш, спаси́ лю́ди Твоя́ и благослови́ достоя́ние Твое́, исполне́ние Це́ркве Твоея́ сохрани́, освяти́ лю́бящия благоле́пие до́му Твоего́. Ты те́х воспросла́ви Боже́ственною Твое́ю си́лою и не оста́ви нас, упова́ющих на Тя.

Возглашение:

Я́ко Твоя́ держа́ва и Твое́ есть Ца́рство и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

И поется подобне от певцев вторый антифон. Диакон же подобне творит, якоже и в первей молитве.

Таже диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Молитва третияго антифона:

И́же о́бщия сия́ и согла́сныя дарова́вый нам моли́твы, и́же и двема́ или́ трем согласу́ющимся о и́мени Твое́м проше́ния пода́ти обеща́вый, Сам и ны́не раб Твои́х проше́ния к поле́зному испо́лни, подая́ нам и в настоя́щем ве́це позна́ние Твоея́ и́стины, и в бу́дущем живо́т ве́чный да́руя.

Возглашение:

Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Зри. Зде отверзаются двери на малый вход.

Певаему же третиему антифону от певцев, или Блаженнам, аще есть неделя, егда приидут на Славу, священник и диакон, ставше пред святою трапезою, творят поклоны три. Таже прием священник святое Евангелие, дает диакону, и идут от десныя страны созади престола, и тако изшедше северною страною, предыдущим им лампадам, творят малый вход, и ставше на обычном месте, приклоняют оба главы.

Диакон: Го́споду помо́лимся.

Лик: Го́споди, поми́луй.

И глаголет священник молитву входа тайно.

Молитва входа:

Влады́ко Го́споди Бо́же наш, уста́вивый на небесе́х чи́ны и во́инства А́нгел и Арха́нгел в служе́ние Твоея́ сла́вы, сотвори́ со вхо́дом нашим вхо́ду святы́х А́нгелов бы́ти, сослужа́щих нам, и сославосло́вящих Твою́ бла́гость. Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Молитве же скончавшейся, глаголет диакон ко священнику, показуяй к востоку десницею, держа вкупе и орарь треми персты:

Благослови́, влады́ко, святы́й вход.

Священник благословляя, глаголет:

Благослове́н вход святы́х Твои́х, всегда́, ны́не и при́сно, и во ве́ки веко́в.

Посем диакон подает Евангелие священнику, и целует священник Евангелие. Исполньшуся же конечному тропарю, входит диакон посреде, и став пред иереем, возвышает мало руце и показуя святое Евангелие, глаголет велегласно:

Прему́дрость, про́сти.

Таже сотворив поклонение, входит во святый олтарь диакон и созади его священник. И диакон убо полагает святое Евангелие на святей трапезе. Певцы же поют:

Прииди́те, поклони́мся и припаде́м ко Христу́. Спаси́ ны, Сы́не Бо́жий, во святы́х ди́вен сый, пою́щия Ти, аллилу́иа. Единожды.

Аще же неделя:

Воскресы́й из ме́ртвых, пою́щия Ти, аллилу́иа. Единожды.

Таже обычныя тропари. Священник же глаголет молитву сию:

Молитва Трисвятаго пения:

Бо́же Святы́й, и́же во святы́х почива́яй, и́же трисвяты́м гла́сом от Серафи́мов воспева́емый и от Херуви́мов славосло́вимый, и от вся́кия Небе́сныя Си́лы покланя́емый, и́же от небытия́ во е́же бы́ти приведы́й вся́ческая, созда́вый челове́ка по о́бразу Твоему́ и по подо́бию, и вся́ким Твои́м дарова́нием украси́вый, дая́й прося́щему прему́дрость и ра́зум, и не презира́яй согреша́ющаго, но полага́яй на спасе́ние покая́ние, сподо́бивый нас, смире́нных и недосто́йных раб Твои́х, и в час сей ста́ти пред сла́вою свята́го Твоего́ же́ртвенника, и до́лжное Тебе́ поклоне́ние и славосло́вие приноси́ти. Сам, Влады́ко, приими́ и от уст нас, гре́шных, Трисвяту́ю песнь, и посети́ ны бла́гостию Твое́ю, прости́ нам вся́кое согреше́ние во́льное же и нево́льное, освяти́ на́ша ду́ши и телеса́, и даждь нам в преподо́бии служи́ти Тебе́ вся дни живота́ на́шего, моли́твами святы́я Богоро́дицы, и всех святы́х, от ве́ка Тебе́ благоугоди́вших.

Егда же певцы приидут в последний тропарь, глаголет диакон ко иерею, приклонь вкупе главу и орарь в руце держа треми персты:

Благослови́, влады́ко, вре́мя Трисвята́го.

Иерей же, зна́менуя его, глаголет:

Я́ко свят еси́, Бо́же наш, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно.

Скончавшуся же тропарю, приходит диакон близ святых дверей, и наводя орарем, первее убо ко иконе Христове глаголет: Го́споди, спаси́ благочести́выя.

Лик: Го́споди, спаси́ благочести́выя.

Диакон: И услы́ши ны.

Лик: И услы́ши ны.

Таже наводит, глаголя ко вне стоящим велегласно: И во ве́ки веко́в.

Лик: Ами́нь.

Певаему же Трисвятому, глаголют и сами, иерей же и диакон, Трисвятое, творяще вкупе и поклоны три пред святою трапезою.

Таже глаголет диакон ко иерею:

Повели́, влады́ко.

И отходят к Горнему месту; и священник отходя глаголет:

Благослове́н Гряды́й во и́мя Госпо́дне.

Диакон: Благослови́, влады́ко, Го́рний престо́л.

Иерей же: Благослове́н еси́ на престо́ле сла́вы Ца́рствия Твоего́, Седя́й на Херуви́мех, всегда́, ны́не и при́сно, и во ве́ки веко́в.

Зри. (Ведательно, яко священнику не подобает на Горнее место восходити, ниже седети на нем, но седети во стране Горняго престола, из южныя страны.)

По исполнении Трисвятаго, пришед пред святыя двери, диакон глаголет: Во́нмем.

Иере́й же возглашает: Мир всем.

И чтец глаголет: И ду́хови твоему́.

И паки диакон: Прему́дрость.

И чтец: прокимен, псалом Давидов.

Посем диакон: Прему́дрость.

И чтец надписание Апостола: Дея́ний святы́х Апо́стол чте́ние. Или: Собо́рнаго посла́ния Иа́ковля, или Петро́ва чте́ние. Или: К Ри́мляном, или к Кори́нфяном, или к Гала́том посла́ния свята́го Апо́стола Па́вла чте́ние.

И паки диакон: Во́нмем.

Апостолу же чтому, диакон, прием кадильницу и фимиам, приходит ко священнику, и прием благословение от него, кадит святую трапезу окрест, и олтарь весь, и священника.

Апостолу же исполньшуся, глаголет священник: Мир ти.

И чтец: И ду́хови твоему́.

Диакон: Прему́дрость.

И чтец: Аллилу́иа.

Священник же стоя пред святою трапезою, глаголет молитву сию.

Молитва прежде Евангелия:

Возсия́й в сердца́х на́ших, человеколю́бче Влады́ко, Твоего́ Богоразу́мия нетле́нный свет, и мы́сленныя на́ши отве́рзи о́чи, во Ева́нгельских Твои́х пропове́даний разуме́ние. Вложи́ в нас и страх блаже́нных Твои́х за́поведей, да плотски́я по́хоти вся попра́вше, духо́вное жи́тельство про́йдем, вся, я́же ко благоугожде́нию Твоему́, и му́дрствующе и де́юще. Ты бо еси́ просвеще́ние душ и теле́с на́ших, Христе́ Бо́же, и Тебе́ сла́вувозсыла́ем, со безнача́льным Твои́м Отце́м, и пресвяты́м и благи́м и животворя́щим Твои́м Ду́хом, ны́не и при́сно, и во ве́ки веко́в. Ами́нь.

Диакон же, кадило отложив на обычное место, приходит ко священнику, и подклонив ему главу свою, держа орарь крайними персты и указуя на святое Евангелие, глаголет:

Благослови́, влады́ко, благовести́теля свята́го Апо́стола и Евангели́ста, имярек.

Священник, знаменуя его, глаголет:

Бог, моли́твами свята́го, сла́внаго, всехва́льнаго Апо́стола и Евангели́ста, имярек, да да́ст тебе́ глаго́л благовеству́ющему си́лою мно́гою, во исполне́ние Ева́нгелия возлю́бленнаго Сы́на Своего́, Го́спода на́шего Иису́са Христа́.

И подает ему святое Евангелие.

Диакон же рек: Ами́нь, и поклонився святому Евангелию, приемлет е, и изшед святыми дверьми, предходящим ему лампадам, приходит и стоит на амвоне, или на учиненном месте.

Иерей же, стоя пред святою трапезою и зря к западу, возглашает:

Прему́дрость, про́сти, услы́шим свята́го Ева́нгелия.

Таже: Мир всем.

Людие: И ду́хови твоему́.

Диакон: От имярек свята́го Ева́нгелия чте́ние.

Лик: Сла́ва Тебе́, Го́споди, сла́ва Тебе́.

Священник: Во́нмем.

Аще же суть два диакона, то един да глаголет: Прему́дрость, про́сти. Таже и: Во́нмем.

И исполнившуся Евангелию, глаголет священник:

Мир ти́, благовеству́ющему.

Диакон: И ду́хови твоему́.

Лик: Сла́ва Тебе́, Го́споди, сла́ва Тебе́.

И отшед диакон даже до святых дверий, отдает святое Евангелие священнику и затворяются паки святыя двери.

Диакон, став на обычном месте, начинает сице:

Рцем вси́ от всея́ души́, и от всего́ помышле́ния на́шего рцем.

Лик: Го́споди, поми́луй.

Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Лик: Го́споди, поми́луй.

Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик:’ Го́споди, поми́луй, трижды.

Еще́ мо́лимся о Вели́ком Господи́не и отце́ на́шем, Святе́йшем Патриа́рхе (имярек), и о господи́не на́шем преосвяще́ннейшем митрополи́те (или архиепи́скопе, или епи́скопе) (имя рек), и о всей во Христе́ бра́тии на́шей.

Лик: Го́споди, поми́луй, трижды.

Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Лик: Го́споди, поми́луй, трижды.

Еще́ мо́лимся о бра́тиях на́ших, свяще́нницех, священномона́сех, и всем во Христе́ бра́тстве на́шем.

Лик: Го́споди, поми́луй, трижды.

Еще́ мо́лимся о блаже́нных и приснопа́мятных святе́йших патриа́рсех правосла́вных и созда́телех свята́го хра́ма сего́ (аще во обители: святы́я оби́тели сея́), и о всех пре́жде почи́вших отце́х и бра́тиях, зде лежа́щих и повсю́ду, правосла́вных.

Лик: Го́споди, поми́луй, трижды.

Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́ (аще во обители: святы́я оби́тели сея́).

Лик: Го́споди, поми́луй, трижды.

Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Лик: Го́споди, поми́луй, трижды.

Молитва прилежнаго моления:

Го́споди Бо́же наш, приле́жное сие́ моле́ние приими́ от Твои́х раб, и поми́луй нас по мно́жеству ми́лости Твоея́, и щедро́ты Твоя́ низпосли́ на ны и на вся лю́ди Твоя́, ча́ющыя от Тебе́ бога́тыя ми́лости.

Возглашение:

Я́ко ми́лостив и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Аще же будет о усопших приношение, диакон или священник глаголет ектению сию:

Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Лик: Го́споди, поми́луй, трижды.

Еще́ мо́лимся о упокое́нии душ усо́пших рабо́в Бо́жиих имярек, и о е́же прости́тися им вся́кому прегреше́нию, во́льному же и нево́льному.

Лик: Го́споди, поми́луй, трижды.

Я́ко да Госпо́дь Бог учини́т ду́ши их, иде́же пра́веднии упокоя́ются.

Лик: Го́споди, поми́луй, трижды.

Ми́лости Бо́жия, Ца́рства Небе́снаго и оставле́ния грехо́в их у Христа́, безсме́ртнаго Царя́ и Бо́га на́шего, про́сим.

Лик: Пода́й, Го́споди.

Диакон: Го́споду помо́лимся.

Лик: Го́споди, поми́луй.

Священник:

Бо́же духо́в, и вся́кия пло́ти, сме́рть попра́вый и диа́вола упраздни́вый, и живо́т мiру Твоему́ дарова́вый: Сам, Го́споди, поко́й ду́ши усо́пших раб Твои́х, имярек, в ме́сте све́тле, в ме́сте зла́чне, в ме́сте поко́йне, отню́дуже отбеже́ боле́знь, печа́ль и воздыха́ние. Вся́кое согреше́ние, соде́янное и́ми сло́вом, или́ де́лом, или́ помышле́нием, я́ко благи́й человеколю́бец Бог, прости́. Я́ко несть челове́к, и́же жив бу́дет и не согреши́т. Ты бо Еди́н кроме́ греха́, пра́вда Твоя́ пра́вда во ве́ки, и сло́во Твое́ и́стина.

Возглас:

Я́ко Ты еси́ Воскресе́ние и Живо́т и Поко́й усо́пших раб Твои́х, имярек, Христе́ Бо́же наш, и Тебе́ сла́ву возсыла́ем, со безнача́льным Твои́м Отце́м, и пресвяты́м и благи́м и животворя́щим Твои́м Ду́хом, ны́не и при́сно, и во ве́ки веко́в.

Лик: Ами́нь.

Таже диакон:

Помоли́теся, оглаше́ннии, Го́сподеви.

Лик: Го́споди, поми́луй.

Ве́рнии, о оглаше́нных помо́лимся, да Госпо́дь поми́лует их.

Лик: Го́споди, поми́луй.

Огласи́т их Сло́вом И́стины.

Лик: Го́споди, поми́луй.

Откры́ет им Ева́нгелие пра́вды.

Лик: Го́споди, поми́луй.

Соедини́т их святе́й Свое́й собо́рней и апо́стольстей Це́ркви.

Лик: Го́споди, поми́луй.

Спаси́, поми́луй, заступи́ и сохрани́ их, Бо́же, Твое́ю благода́тию.

Лик: Го́споди, поми́луй.

Оглаше́ннии, главы ва́ша Го́сподеви приклони́те.

Лик: Тебе́, Го́споди.

Молитва о оглашенных:

Го́споди Бо́же наш, и́же на высо́ких живы́й и на смире́нныя призира́яй, и́же спасе́ние ро́ду челове́ческому низпосла́вый, Единоро́днаго Сы́на Твоего́ и Бо́га, Го́спода на́шего Иису́са Христа́, при́зри на рабы Твоя́ оглаше́нныя, подкло́ньшия Тебе́ Своя́ выя, и сподо́би я́ во вре́мя благополу́чное ба́ни пакибытия́, оставле́ния грехо́в и оде́жди нетле́ния, соедини́ их святе́й Твое́й собо́рней и апо́стольстей Це́ркви, и сопричти́ их избра́нному Твоему́ ста́ду.

Возглашение:

Да и ти́и с на́ми сла́вят пречестно́е и великоле́пое и́мя Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

И простирает антиминс священник.

Диакон глаголет:

Ели́цы оглаше́ннии, изыди́те.

Аще ли есть вторый диакон, возглашает и той:

Оглаше́ннии, изыди́те.

Таже паки первый:

Ели́цы оглаше́ннии, изыди́те.

Да никто от оглаше́нных, ели́цы ве́рнии, па́ки и па́ки ми́ром Го́споду помо́лимся.

Лик: Го́споди, поми́луй.

Аще же един есть точию диакон или, аще иерей служит без диакона, тогда глаголет сице:

Ели́цы оглаше́ннии, изыди́те, оглаше́ннии изыди́те, ели́цы оглаше́ннии изыди́те. Да ни кто от оглаше́нных, ели́цы ве́рнии, па́ки и па́ки ми́ром Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Прему́дрость.

Молитва верных первая:

Благодари́м Тя, Го́споди Бо́же Сил, сподо́бившаго нас предста́ти и ны́не свято́му Твоему́ же́ртвеннику, и припа́сти ко щедро́там Твои́м о на́ших гресе́х и о людски́х неве́дениих. Приими́, Бо́же, моле́ние на́ше, сотвори́ ны досто́йны бы́ти, е́же приноси́ти Тебе́ моле́ния и мольбы́, и же́ртвы безкро́вныя о всех лю́дех Твои́х. И удовли́ нас, и́хже положи́л еси́ в слу́жбу Твою́ сию́, си́лою Ду́ха Твоего́ Свята́го, неосужде́нно и непреткнове́нно в чи́стем свиде́тельстве со́вести на́шея, призыва́ти Тя на вся́кое вре́мя и ме́сто. Да послу́шая нас, ми́лостив нам бу́деши, во мно́жестве Твоея́ бла́гости.

Возглашение:

Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Диакон: Па́ки и па́ки, ми́ром Го́споду помо́лимся.

Лик: Го́споди, поми́луй.

Егда священник един служит, сия не глаголет:

О свы́шнем ми́ре и спасе́нии душ на́ших, Го́споду помо́лимся.

Лик: Го́споди, поми́луй.

О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

Лик: Го́споди, поми́луй.

О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Диакон: Прему́дрость.

Входит диакон северными дверьми.

Молитва верных вторая:

Па́ки и мно́гажды Тебе́ припа́даем, Тебе́ мо́лимся, Благи́й и Человеколю́бче, я́ко да призре́в на моле́ние на́ше, очи́стиши на́ша ду́ши и телеса́ от вся́кия скве́рны пло́ти и ду́ха, и да́си нам непови́нное и неосужде́нное предстоя́ние свята́го Твоего́ же́ртвенника. Да́руй же Бо́же, и моля́щимся с на́ми преспе́яние жития́ и ве́ры и ра́зума духо́внаго. Да́ждь им всегда́ со стра́хом и любо́вию служа́щим Тебе́, непови́нно и неосужде́нно причасти́тися святы́х Твои́х Та́ин и Небе́снаго Твоего́ Ца́рствия сподо́битися.

Возглашение:

Я́ко да под держа́вою Твое́ю всегда́ храни́ми, Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

И отверзаются святыя двери.

Таже, Херувимстей песни певаемей, диакон, прием кадильницу и фимиам вложив, приходит ко священнику, и прием благословение от него, кадит святую трапезу окрест, и олтарь весь, и иконостас, таже священника, лики и люди, глаголет же и 50-й псалом, и тропари умилительныя, елико изволит.

Священник же глаголет тайно молитву сию:

Никто́же досто́ин от связа́вшихся плотски́ми похотьми́ и сластьми́ приходи́ти, или́ прибли́житися, или́ служи́ти Тебе́, Царю́ Сла́вы: е́же бо служи́ти Тебе́, вели́ко и стра́шно и саме́м Небе́сным Си́лам. Но оба́че неизрече́ннаго ра́ди и безме́рнаго Твоего́ человеколю́бия, непрело́жно и неизме́нно был еси́ Челове́к, и Архиере́й нам был еси́: и служе́бныя сея́ и безкро́вныя же́ртвы священноде́йствие пре́дал еси́ нам, я́ко Влады́ка всех. Ты бо еди́н, Го́споди Бо́же наш, влады́чествуеши небе́сными и земны́ми, и́же на престо́ле Херуви́мсте носи́мый, и́же Серафи́мов Госпо́дь, и Ца́рь Изра́илев, и́же Еди́н свят, и во святы́х почива́яй. Тя у́бо молю́, Еди́наго блага́го и благопослушли́ваго: при́зри на мя, гре́шнаго и непотре́бнаго раба́ Твоего́, и очи́сти мою́ ду́шу и се́рдце от со́вести лука́выя, и удовли́ мя, си́лою свята́го Твоего́ Ду́ха, облече́на благода́тию свяще́нства, предста́ти святе́й Твое́й сей трапе́зе, и священноде́йствовати Свято́е и Пречи́стое Твое́ Те́ло и Честну́ю Кровь. К Тебе́ бо прихожду́ прикло́нь мою́ вы́ю, и молю́ Ти ся, да не отврати́ши лица́ Твоего́ от мене́, ниже́ отри́неши мене́ от о́трок Твои́х, но сподо́би принесе́нным Тебе́ бы́ти, мно́ю гре́шным и недосто́йным рабо́м Твои́м, даро́м сим. Ты бо еси́ принося́й и приноси́мый, и прие́мляй и раздава́емый, Христе́ Бо́же наш, и Тебе́ сла́ву возсыла́ем, со безнача́льным Твои́м Отце́м, и Пресвяты́м, и Благи́м, и Животворя́щим Твои́м Ду́хом, ны́не и при́сно, и во ве́ки веко́в. Ами́нь.

Исполньшимся же молитве и каждению, священник и диакон, ставше пред святою трапезою, глаголют Херувимскую песнь трижды, по коемждо же скончании, покланяются по единощи.

Священник: И́же Херуви́мы та́йно образу́юще и животворя́щей Тро́ице Трисвяту́ю песнь припева́юще, вся́кое ны́не жите́йское отложи́м попече́ние.

Диакон: Я́ко да Царя́ всех поды́мем, а́нгельскими неви́димо дориноси́ма чи́нми. Аллилу́иа, аллилу́иа, аллилу́иа.

Таже отходят в предложение, предходящу диакону, и кадит святая, в себе моляся:

Бо́же, очи́сти мя, гре́шнаго.

Диакон глаголет ко священнику:

Возми́, влады́ко.

И священник, взем возду́х, возлагает на левое рамо его, глаголя:

Возми́те ру́ки ва́ша во свя́тая и благослови́те Го́спода.

Таже святый дискос прием, поставляет на главу диакона, со всяким вниманием и благоговением, имеет же вкупе диакон и кадильницу на едином от перстов десныя руки. Сам же святый потир в руце приемлет, и исходят оба северною страною молящеся, предходящим им лампадам.

Диакон глаголет:

Вели́каго господи́на и отца́ на́шего имярек, Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго имярек, митрополи́та (или архиепи́скопа, или епи́скопа егоже есть область), да помяне́т Госпо́дь Бог во Ца́рствии Свое́м всегда́, ны́не и при́сно, и во ве́ки веко́в.

Таже священник:

Преосвяще́нныя митрополи́ты, архиепи́скопы и епи́скопы, и весь свяще́ннический и мона́шеский чин, бра́тию и прихо́жан свята́го хра́ма сего́, вас и всех правосла́вных христиа́н, да помяне́т Госпо́дь Бог во Ца́рствии Свое́м, всегда́, ны́не и при́сно, и во ве́ки веко́в.

Вшед же диакон внутрь святых дверий, стоит одесную, и хотящу священнику внити, глаголет к нему диакон:

Да помяне́т Госпо́дь Бог свяще́нство твое́ во Ца́рствии Свое́м.

И священник к нему:

Да помяне́т Госпо́дь Бог священнодиа́конство твое́ во Ца́рствии Свое́м, всегда́, ны́не и при́сно, и во ве́ки веко́в.

И священник убо поставляет святый потир на святую трапезу. Святый же дискос взем со главы диакона, поставляет и той на святую трапезу, глаголя:

Благообра́зный Ио́сиф, с дре́ва снем Пречи́стое Те́ло Твое́, плащани́цею чи́стою обви́в, и благоуха́ньми во гро́бе но́ве покры́в, положи́.

Во гро́бе пло́тски, во а́де же с душе́ю я́ко Бог, в раи́ же с разбо́йником, и на престо́ле был еси́, Христе́, со Отце́м и Ду́хом, вся исполня́яй неопи́санный.

Я́ко живоно́сец, я́ко рая́ красне́йший, вои́стинну и черто́га вся́каго ца́рскаго показа́ся светле́йший, Христе́, гроб Твой, исто́чник на́шего воскресе́ния.

Таже покро́вцы убо взем от священнаго дискоса, и святаго потира, полагает на единой стране святыя трапезы. Возду́х же от диаконя рама взем, и покадив покрывает им святая, глаголя:

Благообра́зный Ио́сиф, с дре́ва снем Пречи́стое Те́ло Твое́, плащани́цею чи́стою обви́в, и благоуха́ньми во гро́бе но́ве покры́в, положи́.

И прием кадильницу от диаконовы руки, кадит Святая трижды, глаголя:

Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая, тогда́ возложа́т на олта́рь Твой тельцы́.

И отдав кадильницу, приклонив главу, глаголет диакону:

Помяни́ мя, бра́те и сослужи́телю.

И диакон к нему:

Да помяне́т Госпо́дь Бог свяще́нство твое́ во Ца́рствии Свое́м.

Таже и диакон, поклонив и сам главу, держа вкупе и орарь треми персты десницы, глаголет ко священнику:

Помоли́ся о мне́, влады́ко святы́й.

И священник:

Дух Святы́й на́йдет на тя, и Си́ла Вы́шняго осени́т тя.

И диакон:

То́йже Дух соде́йствует нам вся дни живота́ на́шего.

И паки тойжде:

Помяни́ мя, влады́ко святы́й.

И священник:

Да помяне́т тя Госпо́дь Бог во Ца́рствии Свое́м, всегда́, ны́не и при́сно, и во ве́ки веко́в.

Диакон же, рек: Ами́нь, и целовав десницу священника, исходит северными дверьми, и став на обычном месте, глаголет:

Испо́лним моли́тву на́шу Го́сподеви.

Лик: Го́споди, поми́луй.

О предложе́нных Честны́х Даре́х, Го́споду помо́лимся.

Лик: Го́споди, поми́луй.

О святе́м хра́ме сем, и с ве́рою, благогове́нием и стра́хом Бо́жиим входя́щих в онь, Го́споду помо́лимся.

Лик: Го́споди, поми́луй.

О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Дне всего́ соверше́нна, свя́та, ми́рна и безгре́шна, у Го́спода про́сим.

Лик: Пода́й, Го́споди.

А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.

Лик: Пода́й, Го́споди.

Проще́ния и оставле́ния грехо́в и прегреше́ний на́ших, у Го́спода про́сим.

Лик: Пода́й, Го́споди.

До́брых и поле́зных душа́м нашим, и ми́ра мiрови, у Го́спода про́сим.

Лик: Пода́й, Го́споди.

Про́чее вре́мя живота́ на́шего в ми́ре и покая́нии сконча́ти, у Го́спода про́сим.

Лик: Пода́й, Го́споди.

Христиа́нския кончи́ны живота́ на́шего, безболе́зненны, непосты́дны, ми́рны и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Молитва приношения, по поставлении Божественных даров на святей трапезе:

Го́споди Бо́же Вседержи́телю, Еди́не свя́те, прие́мляй же́ртву хвале́ния от призыва́ющих Тя всем се́рдцем. Приими́ и нас, гре́шных, моле́ния и принеси́ ко свято́му Твоему́ же́ртвеннику, и удовли́ нас приноси́ти Тебе́ да́ры же и же́ртвы духо́вныя о на́ших гресе́х и о людски́х неве́дениих, и сподо́би нас обрести́ благода́ть пред Тобо́ю, е́же бы́ти Тебе́ благоприя́тней же́ртве на́шей, и всели́тися Ду́ху благода́ти Твоея́ благо́му в нас, и на предлежа́щих Даре́х сих, и на всех лю́дех Твои́х.

Возглашение:

Щедро́тами Единоро́днаго Сы́на Твоего́, с Ни́мже благослове́н еси́, со Пресвяты́м и Благи́м и Животворя́щим Твои́м Ду́хом, ны́не и при́сно, и во ве́ки веко́в.

Лик: Ами́нь.

Иерей: Мир всем.

Лик: И ду́хови твоему́.

Диакон:

Возлю́бим друг дру́га, да единомы́слием испове́мы.

Лик:

Отца́, и Сы́на, и Свята́го Ду́ха, / Тро́ицу единосу́щную / и неразде́льную.

И священник покланяется трижды, глаголя тайно:

Возлюблю́ Тя, Го́споди, кре́посте моя́, Госпо́дь утвержде́ние мое́ и прибе́жище мое́. Трижды.

И целует Святая сице, якоже суть покровены, первее верху святаго дискоса, таже верху святаго потира и край святыя трапезы пред собою. Аще же будут священников два или множае, то и они целуют святая вси и друг друга в рамена.

Настоятель же глаголет: Христо́с посреде́ нас. И отвещает целовавый: И есть, и бу́дет.

Такожде и диакони, аще будут два или три, целуют кийждо орарь свой, идеже Креста образ, и друг друга в рамена, тожде глаголюще, еже и священницы. Подобне же и диакон спокланяется, на немже стоит месте и целует орарь свой, идеже есть Креста образ, и тако возглашает:

Две́ри, две́ри, прему́дростию во́нмем.

Священник же воздвизает возду́х и держит над Святыми Дарми. Аще же инии будут священницы служащии, такожде воздвизают святый возду́х, и держат над Святыми Дарми, потрясающе, и глаголюще к себе, якоже и людие, исповедание веры:

Ве́рую во еди́наго Бо́га Отца́ Вседержи́теля, Творца́ не́бу и земли́, ви́димым же всем и неви́димым. И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век. Све́та от Све́та, Бо́га и́стинна от Бо́га и́стинна, рожде́нна, несотворе́нна, единосу́щна Отцу́, И́мже вся бы́ша. Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася. Распя́таго же за ны при Понти́йстем Пила́те, и страда́вша, и погребе́нна. И воскре́сшаго в тре́тий день по Писа́нием. И возше́дшаго на небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́. И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки. Во еди́ну Святу́ю, Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых, и жи́зни бу́дущаго ве́ка. Ами́нь.

Диакон: Ста́нем до́бре, ста́нем со стра́хом, во́нмем, свято́е возноше́ние в ми́ре приноси́ти.

Лик: Ми́лость ми́ра, / же́ртву хвале́ния.

И священник убо, взем возду́х от Святых, и целовав и́, полагает на едино место, глаголя: Благода́ть Го́спода: Диакон же, поклонився, входит во святый олтарь, и приим рипиду, веет Святая благоговейно. Аще же несть рипиды, творит сие со единем покровцем.

Возглашение:

Благода́ть Го́спода на́шего Иису́са Христа́, и любы́ Бо́га и Отца́, и прича́стие Свята́го Ду́ха, бу́ди со все́ми ва́ми.

Лик: И со ду́хом твои́м.

Священник: Горе́ име́им сердца́.

Лик: И́мамы ко Го́споду.

Священник: Благодари́м Го́спода.

Лик: Досто́йно и пра́ведно есть / покланя́тися Отцу́ и Сы́ну, и Свято́му Ду́ху, / Тро́ице единосу́щней и неразде́льней.

Священник же молится:

Досто́йно и пра́ведно Тя пе́ти, Тя благослови́ти, Тя хвали́ти, Тя благодари́ти, Тебе́ покланя́тися на вся́ком ме́сте влады́чествия Твоего́. Ты бо еси́ Бог неизрече́нен, недове́домь, неви́димь, непостижи́мь, при́сно сый, та́кожде сый, Ты и Единоро́дный Твой Сын, и Дух Твой Святы́й. Ты от небытия́ в бытие́ нас приве́л еси́, и отпа́дшия возста́вил еси́ па́ки, и не отступи́л еси́ вся творя́, до́ндеже нас на не́бо возве́л еси́, и Ца́рство Твое́ дарова́л еси́ бу́дущее. О сих всех благодари́м Тя и Единоро́днаго Твоего́ Сы́на, и Ду́ха Твоего́ Свята́го, о всех, и́хже ве́мы, и и́хже не ве́мы, явле́нных и нея́вленных благодея́ниих бы́вших на нас. Благодари́м Тя и о слу́жбе сей, ю́же от рук на́ших прия́ти изво́лил еси́. А́ще и предстоя́т Тебе́ ты́сящи Арха́нгелов и тмы А́нгелов, Херуви́ми и Серафи́ми шестокрила́тии, многоочи́тии, возвыша́щиися перна́тии.

Возглашение:

Побе́дную песнь пою́ще, вопию́ще, взыва́юще и глаго́люще.

Лик: Свят, свят, свят Госпо́дь Савао́ф, / испо́лнь не́бо и земля́ сла́вы Твоея́; / оса́нна в вы́шних, / благослове́н Гряды́й во и́мя Госпо́дне, / оса́нна в вы́шних.

И зде паки диакон, приим святую звездицу от святаго дискоса, творит креста образ верху его, и целовав ю́, полагает. Таже приходит, и станет на десней стране, и взем рипиду в руце, омахивает тихо со всяким вниманием и страхом, верху Святых Даров, яко не сести мухам, ни иному чесому таковому.

Священник молится: С си́ми и мы блаже́нными Си́лами, Влады́ко человеколю́бче, вопие́м и глаго́лем: свят еси́ и пресвя́т, Ты и Единоро́дный Твой Сын, и Дух Твой Святы́й. Свят еси́ и пресвя́т, и великоле́пна сла́ва Твоя́, и́же мiр Твой та́ко возлюби́л еси́, я́коже Сы́на Твоего́ Единоро́днаго да́ти: да вся́к ве́руяй в Него́ не поги́бнет, но и́мать живо́т ве́чный. И́же прише́д, и все е́же о нас смотре́ние испо́лнив, в но́щь в ню́же предая́шеся, па́че же Сам Себе́ предая́ше за мiрски́й живо́т, прие́м хлеб во свя́тыя Своя́ и пречи́стыя и непорочныя ру́ки, благодари́в и благослови́в, освяти́в, преломи́в, даде́ святы́м Свои́м ученико́м и Апо́столом, рек:

Возглашение:

Приими́те, яди́те, сие́ есть Те́ло Мое́, е́же за вы ломи́мое во оставле́ние грехо́в.

Лик: Ами́нь.

Сему же глаголему, показует священнику диакон святый дискос, держа и орарь треми персты десницы. Подобне, и егда глаголет священник: Пи́йте от нея́ вси́: споказует диакон святый потир.

Священник тайно: Подо́бне и ча́шу по ве́чери, глаго́ля:

Возглашение: Пи́йте от нея́ вси, сия́ есть Кровь Моя́ Но́ваго Заве́та, я́же за вы и за мно́гия излива́емая, во оставле́ние грехо́в.

Лик: Ами́нь.

Священник молится:

Помина́юще у́бо спаси́тельную сию́ за́поведь, и вся я́же о нас бы́вшая: Крест, гроб, тридне́вное воскресе́ние, на небеса́ восхожде́ние, одесну́ю седе́ние, второ́е и сла́вное па́ки прише́ствие.

Возглашение: Твоя́ от Твои́х, Тебе́ принося́ще, о всех и за вся.

Сему же глаголему, диакон, прелож руце крестообразне, и подъем святый дискос и святый потир, и поклонится умиленне.

Лик: Тебе́ пое́м, / Тебе́ благослови́м, / Тебе́ благодари́м, Го́споди, / и мо́лим Ти ся, Бо́же наш.

Священник же молится:

Еще́ прино́сим Ти слове́сную сию́ и безкро́вную слу́жбу, и про́сим, и мо́лим, и ми́ли ся де́ем, низпосли́ Ду́ха Твоего́ Свята́гона ны́, и на предлежа́щия Да́ры Сия́.

И диакон убо отлагает рипиду, и приходит близ ко иерею, и покланяются оба трижды пред святою трапезою, молящеся в себе и глаголюще:

Го́споди, и́же Пресвята́го Твоего́ Ду́ха в тре́тий час Апо́столом Твои́м низпосла́вый, Того́, Благи́й, не отыми́ от нас, но обнови́ нас, моля́щих Ти ся.

Диакон стих: Се́рдце чи́сто сози́жди во мне, Бо́же, и Дух прав обнови́ во утро́бе мое́й.

Паки священник: Го́споди, и́же Пресвята́го Твоего́ Ду́ха:

Диакон стих: Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

И паки священник: Го́споди, и́же Пресвята́го Твоего́ Ду́ха:

Таже главу приклонив диакон, и показуя орарем святый хлеб, глаголет тихим гласом:

Благослови́, влады́ко, святы́й хлеб.

Священник же восклонився, знаменует святый хлеб, глаголя:

И сотвори́ у́бо хлеб сей Честно́е Те́ло Христа́ Твоего́.

Диакон: Ами́нь.

И паки диакон: Благослови́, влады́ко, святу́ю ча́шу.

И священник благословляя глаголет:

А е́же в ча́ши сей, Честну́ю Кровь Христа́ Твоего́.

Диакон: Ами́нь.

И паки диакон, показуя и обоя́ Святая, глаголет:

Благослови́, влады́ко, обоя́.

Священник же, благословляя обоя́ Святая, глаголет:

Преложи́в Ду́хом Твои́м Святы́м.

Диакон: Ами́нь, ами́нь, ами́нь.

И главу подклонив диакон священнику, глаголет:

Помяни́ мя, святы́й влады́ко, гре́шнаго.

Священник же глаголет:

Да помяне́т Тя Госпо́дь Бог во Ца́рствии Свое́м всегда́, ны́не и при́сно, и во ве́ки веко́в.

Диакон же рек: Ами́нь, преходит, на немже первее стояше месте.

Священник же молится:

Я́коже бы́ти причаща́ющимся во трезве́ние души́, во оставле́ние грехо́в, в приобще́ние Свята́го Твоего́ Ду́ха, во исполне́ние Ца́рствия Небе́снаго, в дерзнове́ние е́же к Тебе́, не в суд, или́ во осужде́ние.

Еще́ прино́сим Ти слове́сную сию́ слу́жбу, о и́же в ве́ре почи́вших, пра́отцех, отце́х, патриа́рсех, проро́цех, Апо́столех, пропове́дницех, евангели́стех, му́ченицех, испове́дницех, возде́ржницех, и о вся́ком ду́се пра́веднем в ве́ре сконча́вшемся.

И прием кадило, священник возглашает:

Изря́дно о Пресвяте́й, Пречи́стей, Преблагослове́нней, Сла́вней Влады́чице на́шей Богоро́дице и Присноде́ве Мари́и.

И кадит пред святою трапезою трижды. Диакон же кадит святую трапезу окрест и поминает яже хощет живыя и мертвыя.

Лик поет:

Досто́йно есть я́ко вои́стинну / блажи́ти Тя, Богоро́дицу, / Присноблаже́нную и Пренепоро́чную / и Ма́терь Бо́га на́шего. / Честне́йшую Херуви́м / и сла́внейшую без сравне́ния Серафи́м, / без истле́ния Бо́га Сло́ва ро́ждшую, / су́щую Богоро́дицу Тя велича́ем.

Священник же молится:

О святе́м Иоа́нне Проро́це, Предте́чи и Крести́тели, о святы́х сла́вных и всехва́льных Апо́столех, о святе́м имярек, его́же и па́мять соверша́ем, и о всех святы́х Твои́х, и́хже моли́твами посети́ нас, Бо́же.

И помяни́ всех усо́пших о наде́жди воскре́сения жи́зни ве́чныя. И поминает, ихже хощет, усопших по именом.

И упоко́й их, иде́же присеща́ет свет лица́ Твоего́.

Еще́ мо́лим Тя, помяни́, Го́споди, вся́кое епи́скопство правосла́вных, пра́во пра́вящих сло́во Твоея́ и́стины, вся́кое пресви́терство, во Христе́ диа́конство и вся́кий свяще́ннический чин.

Еще́ прино́сим Ти слове́сную сию́ слу́жбу о вселе́нней, о святе́й, собо́рней и апо́стольстей Це́ркви, о и́же в чистоте́ и честне́м жи́тельстве пребыва́ющих, о Богохрани́мей стране́ на́шей, власте́х и во́инстве ея́. Да́ждь им, Го́споди, ми́рное правле́ние, да и мы в тишине́ их ти́хое и безмо́лвное житие́ поживе́м, во вся́ком благоче́стии и чистоте́.

И по пении стиха, священник возглашает:

В пе́рвых помяни́, Го́споди, вели́каго господи́на и отца́ на́шего имярек, Святе́йшаго Патриа́рха Моско́вскаго и всея́ Руси́, и господи́на на́шего преосвяще́ннаго имярек, митрополи́та (или архиепи́скопа, или епи́скопа, егоже есть область), и́хже да́руй святы́м Твои́м це́рквам, в ми́ре, це́лых, честны́х, здра́вых, долгоде́нствующих, пра́во пра́вящих сло́во Твоея́ и́стины.

И певцы поют: И всех, и вся.

Священник молится:

Помяни́ Го́споди град сей, в не́мже живе́м, (или весь сию́, в не́йже живе́м, или оби́тель сию́, в не́йже живе́м), и вся́кий град и страну́, и ве́рою живу́щих в них.

Помяни́, Го́споди, пла́вающих, путеше́ствующих, неду́гующих, стра́ждущих, плене́нных, и спасе́ние их.

Помяни́, Го́споди, плодонося́щих и добротворя́щих во святы́х Твои́х це́рквах, и помина́ющих убо́гия, и на вся ны ми́лости Твоя́ низпосли́.

И поминает по именам, ихже хощет, живых.

Возглашение:

И даждь нам еди́неми усты́ и еди́нем се́рдцем сла́вити и воспева́ти пречестно́е и великоле́пое и́мя Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Священник, обращься ко дверем и благословляя, глаголет:

И да бу́дут ми́лости вели́каго Бо́га и Спа́са на́шего Иису́са Христа́ со все́ми ва́ми.

Лик: И со ду́хом твои́м.

Диакон, прием время от священника, исходит, и став на обычном месте, глаголет:

Вся святы́я помяну́вше, па́ки и па́ки ми́ром Го́споду помо́лимся.

Лик: Го́споди, поми́луй.

О принесе́нных и освяще́нных Честны́х Даре́х, Го́споду помо́лимся.

Лик: Го́споди, поми́луй.

Я́ко да человеколю́бец Бог наш, прие́м я́ во святы́й и пренебе́сный и мы́сленный Свой же́ртвенник, в воню́ благоуха́ния духо́внаго, возниспо́слет нам Боже́ственную благода́ть и дар Свята́го Ду́ха, помо́лимся.

Лик: Го́споди, поми́луй.

О изба́витися нам от вся́кия ско́рби, гне́ва и ну́жды, Го́споду помо́лимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

Дне всего́ соверше́нна, свя́та, ми́рна и безгре́шна, у Го́спода про́сим.

Лик: Пода́й, Го́споди.

А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.

Лик: Пода́й, Го́споди.

Проще́ния и оставле́ния грехо́в и прегреше́ний на́ших, у Го́спода про́сим.

Лик: Пода́й, Го́споди.

До́брых и поле́зных душа́м нашим, и ми́ра мiрови, у Го́спода про́сим.

Лик: Пода́й, Го́споди.

Про́чее вре́мя живота́ на́шего в ми́ре и покая́нии сконча́ти, у Го́спода про́сим.

Лик: Пода́й, Го́споди.

Христиа́нския кончи́ны живота́ на́шего, безболе́знены, непосты́дны, ми́рны, и до́браго отве́та на стра́шнем суди́щи Христо́ве про́сим.

Лик: Пода́й, Го́споди.

Соедине́ние ве́ры и прича́стие Свята́го Ду́ха испроси́вше, са́ми себе́, и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Священник же молится:

Тебе́ предлага́ем живо́т наш весь и наде́жду, Влады́ко человеколю́бче, и про́сим, и мо́лим, и ми́ли ся де́ем, сподо́би нас причасти́тися Небе́сных Твои́х и стра́шных Та́ин, сея́ Свяще́нныя и Духо́вныя Трапе́зы, с чи́стою со́вестию, во оставле́ние грехо́в, в проще́ние согреше́ний, во обще́ние Ду́ха Свята́го, в насле́дие Ца́рствия Небе́снаго, в дерзнове́ние е́же к Тебе́, не в суд или́ во осужде́ние.

Священник возглашает:

И сподо́би нас, Влады́ко, со дерзнове́нием, неосужде́нно сме́ти призыва́ти Тебе́, Небе́снаго Бо́га Отца́, и глаго́лати.

Людие:

О́тче наш, И́же еси́ на небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Священник:

Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Таже: Мир всем.

Лик: И ду́хови твоему́.

Диакон: Главы́ ва́ша Го́сподеви приклони́те.

Лик: Тебе́, Го́споди.

Священник молится:

Благодари́м Тя, Царю́ неви́димый, и́же неисче́тною Твое́ю си́лою вся соде́тельствовал еси́, и мно́жеством ми́лости Твоея́ от небытия́ в бытие́ вся приве́л еси́. Сам, Влады́ко, с небесе́ при́зри на подкло́ньшия Тебе́ главы́ своя́, не бо подклони́ша пло́ти и кро́ви, но Тебе́ стра́шному Бо́гу. Ты у́бо Влады́ко, предлежа́щая всем нам во благо́е изравня́й, по коего́ждо свое́й потре́бе: пла́вающим спла́вай, путеше́ствующим спутеше́ствуй, неду́гующия исцели́, Врачу́ душ и теле́с.

Возглашение:

Благода́тию, и щедро́тами, и человеколю́бием Единоро́днаго Сы́на Твоего́, с Ни́мже благослове́н еси́, со Пресвяты́м и Благи́м и Животворя́щим Твои́м Ду́хом, ны́не и при́сно, и во ве́ки веко́в.

Лик: Ами́нь.

Священник же молится:

Вонми́, Го́споди Иису́се Христе́ Бо́же наш, от свята́го жили́ща Твоего́, и от престо́ла сла́вы Ца́рствия Твоего́, и прииди́ во е́же освяти́ти нас, и́же горе́ со Отце́м седя́й, и зде нам неви́димо спребыва́яй. И сподо́би держа́вною Твое́ю руко́ю препода́ти нам Пречи́стое Те́ло Твое́ и Честну́ю Кровь, и на́ми всем лю́дем.

Сей молитве глаголемей, диакон, стояй пред святыми дверьми, опоясуется орарем крестовидно. Таже покланяется священник, подобне и диакон, на немже стоит месте, глаголюща тайно, трижды:

Бо́же, очи́сти мя, гре́шнаго, и поми́луй мя.

Егда же видит диакон священника простирающа руце, и прикасающася Святому Хлебу, во еже сотворити святое возношение, возглашает:

Во́нмем.

Священник же, вознося Святый Хлеб, возглашает:

Свята́я святы́м.

Лик: Еди́н свят, / еди́н Госпо́дь, / Иису́с Христо́с, / во сла́ву Бо́га Отца́. / Ами́нь.

И поют лицы киноник дне, или святаго. Диакон же входит во святый олтарь, и став одесную священника, глаголет:

Раздроби́, влады́ко, Святы́й Хлеб.

Священник же, раздробляя и́ на четыре части, со вниманием и благоговением глаголет:

Раздробля́ется и разделя́ется А́гнец Бо́жий, раздробля́емый и неразделя́емый, всегда́ ядо́мый и никогда́же иждива́емый, но причаща́ющияся освяща́яй.

О раздроблении Святаго Агнца:

Подобает тебе ведати, о иерее, яко раздробляя Святый Агнец, полагай части крестным знамением долу ко святому дискосу, закланием же горе́, якоже прежде, егда закалашеся. «IИСУС» убо полагай на вышней стране святаго дискоса, яже есть на востоце. «ХРИСТОС» же, от долу, еже есть на западе, а еже «НИ», от северныя страны, «КА» же, с полуденныя страны, якоже зде изобразися. «IИСУС», убо часть взем, исполняй святую Чашу. «ХРИСТОС» же, часть, раздробляй священником и диаконом. Тыя же две части святыя, еже «НИ», и еже «КА», причастником да раздробляеши на части малыя, елико будет довольно по разсмотрению твоему. А от части Пресвятыя Богородицы, или девятих Чинов святых, или иных елико во святем дискосе суть, никакоже кого да причастиши, точию от двою частию, оставшею Святаго Агнца, да причащаеши. К томуже тебе ведомо будет и о сем, яко егда растворяеши святым укропцем Божественную Кровь Владычню, тогда да вливаеши с разсмотрением, елико быти довольно всем хотящим причаститися. Такожде и от вина и воды, егда прободаеши Святый Агнец, тогда да вливаеши толико, елико быти довольно всем: последи же никакоже что да вливаеши, но точию от растворения единою, еже на Свята́я святы́м, и тако причащай всех от сих.

Диакон же, показуя орарем святый потир, глаголет:

Испо́лни, влады́ко, святы́й поти́р.

Священник же взем горе́ лежащую частицу, яже «IИСУС», творит с нею крест верху святаго потира, глаголя:

Исполне́ние Ду́ха Свята́го.

И тако влагает во святый потир.

Диакон: Ами́нь.

И приемля теплоту, глаголет ко священнику:

Благослови́, влады́ко, теплоту́.

Священник же благословляет, глаголя:

Благослове́нна теплота́ святы́х Твои́х всегда́, ны́не и при́сно, и во ве́ки веко́в. Ами́нь.

И диакон вливает, елико довольно, крестообразно внутрь святаго потира, глаголя:

Теплота́ ве́ры испо́лнь Ду́ха Свята́го. Ами́нь.

И отставив теплоту, стоит мало подале.

Священник же глаголет:

Диа́коне, приступи́.

И пришед диакон творит поклон благоговейно, прося прощения. Священник же, держа Святый Хлеб, дает диакону. И целовав диакон подающую ему руку, приемлет Святый Хлеб, глаголя:

Препода́ждь ми, влады́ко, Честно́е и Свято́е Те́ло Го́спода и Бо́га и Спа́са на́шего Иису́са Христа́.

Священник же глаголет:

Имярек, священнодиа́кону, преподае́тся честно́е и свято́е и пречи́стое Те́ло Го́спода и Бо́га и Спа́са на́шего Иису́са Христа́, во оставле́ние грехо́в его́ и в жизнь ве́чную.

И отходит созади святыя трапезы, приклонив главу, и молится, яко и священник, глаголя:

Ве́рую, Го́споди, и испове́дую, я́ко Ты еси́ вои́стинну Христо́с, Сын Бо́га жива́го, прише́дый в мир гре́шныя спасти́, от ни́хже пе́рвый есмь аз. Еще́ ве́рую, я́ко сие́ есть са́мое пречи́стое Те́ло Твое́, и сия́ есть са́мая честна́я Кровь Твоя́. Молю́ся у́бо Тебе́: поми́луй мя и прости́ ми прегреше́ния моя́, во́льная и нево́льная, я́же сло́вом, я́же де́лом, я́же ве́дением и неве́дением, и сподо́би мя неосужде́нно причастити́ся пречи́стых Твои́х Та́инств, во оставле́ние грехо́в и в жизнь ве́чную. Ами́нь.

Се приступа́ю к Боже́ственному Причаще́нию. Соде́телю, да не опали́ши мя приобще́нием: Огнь бо еси́, недосто́йныя попаля́яй. Но у́бо очи́сти мя от вся́кия скве́рны.

Ве́чери Твоея́ та́йныя днесь, Сы́не Бо́жий, / прича́стника мя приими́; / не бо враго́м Твои́м та́йну пове́м, ни лобза́ния Ти дам, я́ко Иу́да, / но я́ко разбо́йник испове́даю Тя: / помяни́ мя, Го́споди, во Ца́рствии Твое́м.

Боготворя́щую Кровь ужасни́ся челове́че, зря, Огнь бо есть, недосто́йныя попаля́яй. Боже́ственное Те́ло и обожа́ет мя и пита́ет: Обожа́ет дух, ум же пита́ет стра́нно.

Таже тропари:

Услади́л мя еси́ любо́вию, Христе́, / и измени́л мя еси́ Боже́ственным Твои́м раче́нием; / но попали́ огне́м невеще́ственным грехи́ моя́, / и насы́титися е́же в Тебе́ наслажде́ния сподо́би: / да лику́я возвелича́ю, Бла́же, два прише́ствия Твоя́.

Во све́тлостех Святы́х Твои́х ка́ко вни́ду, недосто́йный? / А́ще бо дерзну́ совни́ти в черто́г, оде́жда мя облича́ет, я́ко несть бра́чна, / и свя́зан изве́ржен бу́ду от А́нгелов. / Очи́сти, Го́споди, скве́рну души́ моея́, / и спаси́ мя, я́ко Человеколю́бец.

Таже молитву:

Влады́ко Человеколю́бче, Го́споди Иису́се Христе́ Бо́же мой, да не в суд ми бу́дут Свята́я сия, за е́же недосто́йну ми бы́ти: но во очище́ние и освяще́ние души́ же и те́ла, и во обруче́ние бу́дущия жи́зни и Ца́рствия. Мне же, еже прилепля́тися Бо́гу, бла́го есть, полага́ти во Го́споде упова́ние спасе́ния моего́.

И паки: Ве́чери Твоея́ та́йныя днесь, Сы́не Бо́жий, / прича́стника мя приими́; / не бо враго́м Твои́м та́йну пове́м, / ни лобза́ния Ти дам, я́ко Иу́да, / но я́ко разбо́йник испове́даю Тя: / помяни́ мя, Го́споди, во Ца́рствии Твое́м.

Подобне взем и священник едину частицу Святаго Хлеба, глаголет:

Честно́е и пресвято́е Те́ло Го́спода и Бо́га и Спа́са на́шего Иису́са Христа́ преподае́тся мне, имярек, свяще́ннику, во оставле́ние грехо́в мои́х и в жизнь ве́чную.

И приклонив главу молится, глаголя:

Ве́рую, Го́споди, и испове́дую, я́ко Ты еси́ вои́стинну Христо́с, Сын Бо́га жива́го, прише́дый в мир гре́шныя спасти́, от ни́хже пе́рвый есмь аз. Еще́ ве́рую, я́ко сие́ есть са́мое пречи́стое Те́ло Твое́, и сия́ есть са́мая честна́я Кровь Твоя́. Молю́ся у́бо Тебе́: поми́луй мя и прости́ ми прегреше́ния моя́, во́льная и нево́льная, я́же сло́вом, я́же де́лом, я́же ве́дением и неве́дением, и сподо́би мя неосужде́нно причастити́ся пречи́стых Твои́х Та́инств, во оставле́ние грехо́в и в жизнь ве́чную. Ами́нь.

Таже: Ве́чери Твоея́ та́йныя днесь, Сы́не Бо́жий, / прича́стника мя приими́; / не бо враго́м Твои́м та́йну пове́м, ни лобза́ния Ти дам, я́ко Иу́да, / но я́ко разбо́йник испове́даю Тя: / помяни́ мя, Го́споди, во Ца́рствии Твое́м.

Да не в суд или́ во осужде́ние бу́дет мне причаще́ние Святы́х Твои́х Та́ин, Го́споди, но во исцеле́ние души́ и те́ла.

И тако причащаются в руках держимаго со страхом и всяцем утверждением. Таже священник восклонься приемлет обема рукама с покровцем святый потир и причащается трижды из него, глаголя:

Честны́я и святы́я Кро́ве Го́спода и Бо́га и Спа́са на́шего Иису́са Христа́, причаща́юся аз, раб Бо́жий, свяще́нник имярек, во оставле́ние грехо́в мои́х и в жизнь ве́чную. Ами́нь.

И тако свои устне и край священнаго потира в руку держимым платом отер, глаголет:

Се прикосну́ся устна́м мои́м, и оты́мет беззако́ния моя́, и грехи́ моя́ очи́стит.

Таже призывает диакона, глаголя:

Диа́коне, приступи́.

И диакон приходит и покланяется единою, глаголя:

Се прихожду́ к безсме́ртному Царю́ и Бо́гу на́шему. И:

Препода́ждь ми, влады́ко, честну́ю и святу́ю Кровь Го́спода и Бо́га и Спа́са на́шего Иису́са Христа́.

И священник глаголет:

Причаща́ется раб Бо́жий, диа́кон имярек, честны́я и святы́я Кро́ве Го́спода и Бо́га и Спа́са на́шего Иису́са Христа́, во оставле́ние грехо́в свои́х и в жизнь ве́чную.

Причастившуся же диакону, глаголет священник:

Се прикосну́ся устна́м твои́м, и оты́мет беззако́ния твоя́, и грехи́ твоя́ очи́стит.

Зри. Подобает ведати, яко аще суть хотящии причащатися святых таин, раздробляет священник две части Святаго Агнца оставшия, еже НИ, и еже КА, на малыя частицы, яко быти всем причастником довольно, и тако влагает их во святую чашу.

И покрывает святый потир покровцем, подобне и на святый дискос возлагает звездицу и покровцы. Таже глаголет молитву:

Благодари́м Тя, Влады́ко человеколю́бче, Благоде́телю душ на́ших, я́ко и в настоя́щий день сподо́бил еси́ нас небе́сных Твои́х и безсме́ртных Та́инств. Испра́ви наш путь, утверди́ ны во стра́се Твое́м вся, соблюди́ наш живо́т, утверди́ на́ша стопы́, моли́твами и моле́ньми сла́вныя Богоро́дицы и Присноде́вы Мари́и, и всех святы́х Твои́х.

И тако отверзаются двери святаго олтаря. И диакон, поклонився единою, приемлет потир с благоговением, и приходит во двери, и вознося святый потир, показует и́ людем, глаголя:

Со стра́хом Бо́жиим и ве́рою приступи́те.

Лик: Благослове́н Гряды́й во и́мя Госпо́дне, Бог Госпо́дь и яви́ся нам.

Таже приступают хотящии причащатися. И идут един по единому, и покланяются со всяцем умилением и страхом, согбенне руце к персем имуще, таже приемлет кийждо Божественныя Тайны.

Священник же, причащая его, глаголет:

Причаща́ется раб Бо́жий, имярек, честна́го и свята́го Те́ла и Кро́ве Го́спода и Бо́га и Спа́са на́шего Иису́са Христа́, во оставле́ние грехо́в свои́х и в жизнь ве́чную.

И диакон отирает ему устне платом. И целует причастивыйся святую чашу, и поклонився отходит.

И тако причащаются вси.

По причащении же, входит иерей во святый олтарь, и поставляет Святая на святем престоле.

Тогда прием диакон святый дискос верху святаго потира и глаголя воскресныя песни сия:

Воскресе́ние Христо́во ви́девше, / поклони́мся Свято́му Го́споду Иису́су, / еди́ному безгре́шному, / Кресту́ Твоему́ покланя́емся, Христе́, / и свято́е Воскресе́ние Твое́ пое́м и сла́вим: / Ты бо еси́ Бог наш, / ра́зве Тебе́ ино́го не зна́ем, / и́мя Твое́ имену́ем. / Прииди́те вси ве́рнии, / поклони́мся Свято́му Христо́ву Воскресе́нию: / се бо прии́де Кресто́м ра́дость всему́ ми́ру. / Всегда́ благословя́ще Го́спода, / пое́м Воскресе́ние Его́: / распя́тие бо претерпе́в, / сме́ртию смерть разруши́.

Свети́ся, свети́ся, / но́вый Иерусали́ме: / сла́ва бо Госпо́дня / на тебе́ возсия́. / Лику́й ны́не / и весели́ся, Сио́не. / Ты же, Чи́стая, красу́йся, Богоро́дице, / о воста́нии Рождества́ Твоего́.

О Па́сха ве́лия и свяще́ннейшая, Христе́! / О му́дросте, и Сло́ве Бо́жий, и си́ло! / Подава́й нам и́стее Тебе́ причаща́тися, / в невече́рнем дни Ца́рствия Твоего́.

Отирает святою гу́бою зело добре, со вниманием и благоговением, глаголя словеса сия:

Отмы́й, Го́споди, грехи́ помина́вшихся зде́ Кро́вию Твое́ю Честно́ю, моли́твами святы́х Твои́х.

Священник же благословляет люди, возглашая:

Спаси́, Бо́же, лю́ди Твоя́, и благослови́ достоя́ние Твое́.

Лик же поет:

Ви́дехом свет и́стинный, / прия́хом Ду́ха Небе́снаго, / обрето́хом ве́ру и́стинную, / неразде́льней Тро́ице покланя́емся, / Та бо нас спасла́ есть.

И обращается священник ко святей трапезе и кадит трижды, глаголя в себе:

Вознеси́ся на Небеса́, Бо́же, и по всей земли́ сла́ва Твоя́.

Таже взем священник святый дискос, возлагает на главу диакона, и диакон прием и́ со благоговением, зря вне к дверем, ничтоже глаголя, отходит в предложение и поставляет и́.

Священник же, поклонився, и прием святый потир, и обращся ко дверем, зря на люди, глаголет тайно:

Благослове́н Бог наш:

И возгласно:

Всегда́, ны́не и при́сно, и во ве́ки веко́в.

И отходит ко святому предложению и поставляет тамо Святая.

Лик: Ами́нь.

Да испо́лнятся уста́ на́ша / хвале́ния Твоего́ Го́споди, / я́ко да пое́м сла́ву Твою́, / я́ко сподо́бил еси́ нас причасти́тися / Святы́м Твои́м, Боже́ственным, безсме́ртным и животворя́щим Та́йнам, / соблюди́ нас во Твое́й святы́ни / весь день поуча́тися пра́вде Твое́й. / Аллилу́иа, аллилу́иа, аллилу́иа.

И изшед диакон северною дверию, и став на обычном месте, глаголет:

Про́сти прии́мше Боже́ственных, святы́х, пречи́стых, безсме́ртных, небе́сных и животворя́щих, стра́шных Христо́вых Та́ин, досто́йно благодари́м Го́спода.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Лик: Го́споди, поми́луй.

День весь соверше́н, свят, ми́рен и безгре́шен испроси́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Иерей глаголет молитву:

Благодари́м Тя, Влады́ко человеколю́бче, Благоде́телю душ на́ших, я́ко и в настоя́щий день сподо́бил еси́ нас небе́сных Твои́х и безсме́ртных Та́инств. Испра́ви наш путь, утверди́ ны во стра́се Твое́м вся, соблюди́ наш живо́т, утверди́ на́ша стопы́, моли́твами и моле́ньми сла́вныя Богоро́дицы и Присноде́вы Мари́и, и всех святы́х Твои́х.

Иерей же, согнув антиминс и прямо держа Евангелие,творит над ним крест.

Возглашает:

Я́ко Ты еси́ освяще́ние на́ше, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Иерей: С ми́ром изы́дем.

Лик: О и́мени Госпо́дни.

Диакон: Го́споду помо́лимся.

Лик: Го́споди, поми́луй.

Молитва заамвонная возгласно:

Благословля́яй благословя́щия Тя, Го́споди, и освяща́яй на Тя упова́ющия, спаси́ лю́ди Твоя́ и благослови́ достоя́ние Твое́, исполне́ние Це́ркве Твоея́ сохрани́, освяти́ лю́бящия благоле́пие до́му Твоего́: Ты тех возпросла́ви Боже́ственною Твое́ю си́лою, и не оста́ви нас, упова́ющих на Тя. Мир мiрови Твоему́ да́руй, це́рквам Твои́м, свяще́нником, во́инству и всем лю́дем Твои́м.

Я́ко вся́кое дая́ние бла́го, и всяк дар соверше́н свы́ше есть, сходя́й от Тебе́ Отца́ све́тов, и Тебе́ сла́ву, и благодаре́ние, и поклоне́ние возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Молитве же глаголемей, диакон стоит на десней стране пред образом Владыки Христа, держа орарь свой, главу приклонь, до совершения молитвы. Сей же скончавшейся, священник убо входит святыми дверьми, и отшед в предложение, глаголет настоящую молитву:

Молитва, глаголемая внегда потребити Святая:

Исполне́ние зако́на и проро́ков Сам сый Христе́ Бо́же наш, испо́лнивый все оте́ческое смотре́ние, испо́лни ра́дости и весе́лия сердца́ на́ша, всегда́, ны́не и при́сно, и во ве́ки веко́в.

Таже: Бу́ди и́мя Госпо́дне: трижды.

И псалом 33: Благословлю́ Го́спода:

Зри. Диакон же, вшед северною страною, потребляет Святая со страхом, и со всяким утверждением.

Священник же изшед, дает людем антидор. По скончании же псалма, и раздаянии антидора, глаголет:

Благослове́ние Госпо́дне на ва́с, Того́ благода́тию и человеколю́бием, всегда́, ны́не и при́сно, и во ве́ки веко́в.

Лик: Ами́нь.

Священник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва, и ны́не: Го́споди, поми́луй, трижды. Благослови́.

Священник глаголет отпуст.

Аще убо есть неделя:

Воскресы́й из ме́ртвых:

Аще ли же ни:

Христо́с, и́стинный Бог наш, моли́твами Пречи́стыя Своея́ Ма́тере (и прочая), и́же во святы́х отца́ на́шего Иоа́нна, архиепи́скопа Константи́на гра́да, Златоу́стаго, и (святаго имярек, егоже есть храм и его же есть день), и всех святы́х, поми́лует и спасе́т нас, я́ко благ и человеколю́бец.

Лик многолетствует Патриарха.

Священник же, вшед во святый олтарь, глаголет благодарственныя молитвы.

Таже Ны́не отпуща́еши: Трисвятое. И по О́тче наш:

Отпустительный тропарь, глас 8:

Уст твои́х, я́коже све́тлость огня́, / возсия́вши благода́ть, вселе́нную просвети́; / не сребролю́бия ми́рови сокро́вища сниска́, / высоту́ нам смиренному́дрия показа́, / но твои́ми словесы́ наказу́я, о́тче Иоа́нне Златоу́сте, / моли́ Сло́ва Христа́ Бо́га спасти́ся душа́м на́шим.

Слава, кондак, глас 6.

Подобен: Е́же о нас:

От Небе́с прия́л еси́ Боже́ственную благода́ть, / и твои́ми устна́ми вся учи́ши / покланя́тися в Тро́ице Еди́ному Бо́гу, / Иоа́нне Златоу́сте всеблаже́нне, преподо́бне, досто́йно хва́лим тя: / еси́ бо наста́вник, я́ко Боже́ственная явля́я.

И ныне, Богородичен:

Предста́тельство христиа́н непосты́дное, / хода́тайство ко Творцу́ непрело́жное, / не пре́зри гре́шных моле́ний гла́сы, / но предвари́, я́ко Блага́я, на по́мощь нас, ве́рно зову́щих Ти: / ускори́ на моли́тву и потщи́ся на умоле́ние, / предста́тельствующи при́сно, Богоро́дице, чту́щих Тя.

Или, аще хощеши, рцы и дню тропарь.

Го́споди, поми́луй, . Честне́йшую: Сла́ва, и ны́не:

И творит отпуст, и совлачится священныя одежды.

Потребившу же диакону Святая со всяцем опасением, яко ничему от зело дробнейших пасти крупиц, или остатися, налияв во святую чашу от вина и воды, и потребив, и сопрятав губою всю мокроту́, таже слагает святыя сосуды вкупе, и обвязав их, полагает на обычнем месте, глаголя: Ны́не отпуща́еши: и прочая, якоже и священник. И омывает руки на обычнем месте, и поклонившеся вкупе со священником, творят отпуст, и благодаряще Бога о всех, исходят.

Конец Божественныя Литургии святаго Иоанна Златоустаго.

Оценка 4 проголосовавших: 4
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here