Молебень до пресвятої богородиці

Детально: молебень до пресвятої богородиці - со всех открытых источников и разных уголков мира на сайте 1000-molitv.ru для наших уважаемых читателей.

(Параклис)

молебень до пресвятої богородиці
Священик: Благословен Бог наш всегда, нині і присно і во віки віков.

Люди: Амінь.

Слава Тебі, Боже наш, слава Тебі.

Царю небесний: Трисвятоє: і по Отче наш Господи помилуй (12 разів). Слава І нині: Приідіте, поклонімся: (тричі).

Псалом 142

Господи, услиши молитву мою, внуши моленіє моє во істині Твоєй, услиши мя в правді Твоєй.

І не вниди в суд с рабом Твоїм, яко не оправдится пред Тобою всяк живий.

Яко погна враг душу мою, смирил єсть в землю живот мой.

Посадил мя єсть в темных, яко мертвия віка: і уни во мні дух мой, во мні смятеся сердце моє.

Помянух дні древнія, поучихся во всіх діліх Твоїх, в твореніїх руку Твоєю поучахся.

Воздіх к Тебі руці мої, душа моя яко земля безводная Тебі.

Скоро услиши мя, Господи: ісчезе дух мой.

Не отврати лица Твоєго от мене, і уподоблюся низходящим в ров.

Слишану сотвори мні заутра милость Твою, яко на Тя уповах.

Скажи мні, Господи, путь в оньже пойду, яко к Тебі взях душу мою.

Ізми мя от враг моїх, Господи, к Тебі прибігох, научи мя творити волю Твою, яко Ти єси Бог мой.

Дух Твой благий наставит мя на землю праву; імене Твоєго ради, Господи, живиши мя правдою Твоєю.

Ізведеши от печалі душу мою і милостію Твоєю потребиши враги моя.

І погубити вся стужающія душі моєй, яко аз раб Твой єсм.

Услиши мя, Господи, в правді Твоєй, і не вниди в суд с рабом Твоїм.

Дух Твой благий наставит мя на землю праву.

Слава: І нині: Аллилуя, аллилуя аллилуя, слава Тебі, Боже (тричі).

Бог Господь і явися нам, благословен грядий во імя Господнє.

Тропар Богородиці

К Богородиці приліжно нині притецім, грішнії і смиреннії, і припадем в покаянії, зовуще із глубини душі: Владичице, помози, на ни милосердовавши: потщися, погибаєм от множества прегрішеній, не отврати Твоя раби тщи Тя бо і єдину надежду імами.

Слава: І нині:

Не умолчим нікогда, Богородице, сили Твоя глаголати недостойнії, аще бо Ти не би предстояла молящи, кто би нас ізбавил от толіких бід? кто же би сохранил до нині свободни? Не отступим, Владичице, от Тебе: Твоя бо раби спасаєши присно от всяких лютих.

Псалом 50

Помилуй мя, Боже, по велицій милості Твоєй і по множеству щедрот Твоїх очисти беззаконіє моє.

Найпаче омий мя от беззаконія моего і от гріха моего очисти мя.

Яко беззаконіє моє аз знаю, і гріх мой предо мною єсть вину.

Тебі единому согріших і лукавое пред Тобою сотворих, яко да оправдишися во словесіх Твоїх і побідити, внегда судити Ти.

Се бо в беззаконіїх зачат єсм і во грісіх роди мя мати моя.

Се бо істину возлюбил єси, безвістная і тайная премудрости Твоєя явил ми єси.

Окропити мя іссопом, і очищуся, омиєши мя, і паче сніга убілюся.

Слуху моєму даси радость і веселіє, возрадуются кості смиренния.

Отврати лице Твоє от гріх моїх і вся беззаконія моя очисти.

Сердце чисто созижди во мні, Боже, і дух прав обнови во утробі моєй.

Не отвержи мене от лица Твоєго і Духа Твоего Святаго не отими от мене.

Воздаждь ми радость спасенія Твоєго і Духом владичним утверди мя.

Научу беззаконния путем Твоїм, і нечестивії к Тебі обратятся.

Ізбави мя от кровей, Боже, Боже спасенія моєго, возрадуєтся язик мой правді Твоєй.

Господи, устні мої отверзеши, і уста моя возвістят хвалу Твою.

Яко аще би восхотіл єси жертви, дал бих убо, всесожженія не благоволиши.

Жертва Богу дух сокрушен, сердце сокрушенно і смиренно Бог не уничижит.

Ублажи, Господи, благоволенієм Твоїм Сіона, і да созиждутся стіни Єрусалимскія.

Тогда благоволиши жертву Правди, возношеніє і всесожегаємая, тогда возложат на олтар Твой телци.

Канон молебний до Пресвятої Богородиці

Глас 8. Пісня І. Ірмос

Воду прошед яко сушу і єгипетскаго зла ізбіжав, ізраїльтянин вопіяше: Ізбавителю і Богу нашему поїм

Приспів: Пресвятая Богородице, спаси нас.

Многими содержим напастьми, к Тебі прибігаю, спасенія іскій, о Мати Слова і Діво, от тяжких і лютих мя спаси!

Страстей мя смущают прилози, многаго унинія ісполнити мою душу: умири, Отроковице, тишиною Сина і Бога Твоєго, Всенепорочная.

Слава:

Спаса Рождшую Тя і Бога молю, Діво, ізбавитися ми лютих; к Тебі бо нині прибігая, простираю і душу, і помишленіє.

І нині:

Недугующа мя тілом і душею, посіщенія божественнаго і промишленія от Тебе сподоби, єдина Богомати, яко благая, Благаго же Родительнице.

Пісня 3. Ірмос

Небеснаго круга Верхотворче, Господи, і Церкве Зиждителю! Ти мене утверди в любві Твоєй, желаній Краю, вірних утвержденіє, єдине Человіколюбче.

Приспів: Пресвятая Богородице, спаси нас.

Предстательство і покров жизні моєя полагаю Тя, Богородительнице Діво: Ти мене окорми ко пристанищу Твоєму, благих Виновная, вірних утвержденіє, єдина Всепітая.

Молю, Діво, душевноє смущеніє і печалі моєя бурю разорити: Ти бо, Богоневістная, Начальника тишини Христа родила еси, єдина Пречистая.

Слава:

Благодітеля рождши добрих Виновнаго, благодіянія богатство всім істочи: вся бо можеши, яко сильнаго в кріпості Христа рождши, Богоблаженная.

І нині:

Лютими недуги і болізненними страстьми істязаєму, Діво, Ти ми помози: ісциленій бо неоскудноє Тя знаю сокровище, Всенепорочная, неіждиваємоє.

По 3 і 6 пісні співається:

Спаси от бід раби Твоя, Богородице, яко всі по Бозі к Тебі прибігаєм, яко нерушимій стіні і предстательству.

Призри благосердієм, Всепітая Богородице, на моє лютоє тілесе озлобленіє, і ісціли душ і моєя болізнь.

Єктенія: Помилуй нас, Боже.

Тропар, глас 2

Моленіє теплоє і стіна необоримая, милості істочниче, мірові прибіжище, приліжно вопієм Ти: Богородице Владичице, предвари і от бід ізбави нас, єдина вскорі предстательствующая.

Пісня 4. Ірмос

Услишах, Господи, смотренія Твоєго таїнство, разуміх діла Твоя і прославих Твоє Божество.

Приспів: Пресвятая Богородице, спаси нас.

Страстей моїх смущеніє, кормчію рождшая Господа, і бурю утиши моїх прегрішеній, Богоневістная. Милосердія Твоєго бездну, призивающу подаждь ми, яже Благосердаго рождшая і Спаса всіх поющих Тя.

Наслаждающеся, Пречистая, Твоїх дарованій, благодарственноє воспіваєм пініє, відуще Тя Богоматер.

Слава:

На одрі болізні моєя і немощи низлежащу ми, яко благолюбива помози, Богородице, єдина Приснодіво.

І нині:

Надежду і утвержденіє, і спасенія стіну недвижиму імуще Тя, Всепітая, неудобства всякаго ізбавляємся.

Пісня 5. Ірмос

Просвіти нас повелінії Твоїми, Господи, і мишцею Твоєю високою Твой мир подаждь нам, Человіколюбче.

Приспів: Пресвятая Богородице, спаси нас.

Ісполни, Чистая, веселія сердце моє, Твою нетлінную дающи радость, веселія рождшая Виновнаго.

Ізбави нас от бід, Богородице чистая, вічноє рождши ізбавленіє і Мир, всяк ум преімущ.

Слава:

Разріши мглу прегрішеній моїх, Богоневісто, просвіщенієм Твоея світлості, Світ рождшая Божественний і Превічний.

І нині:

Ісціли, Чистая, душі моєя неможеніє, посіщенія Твоєго сподобльшая, і здравіє молитвами Твоїми подаждь ми.

Пісня 6. Ірмос

Молитву пролію ко Господу і Тому возвіщу печалі моя, яко зол душа моя ісполнися і живот мой аду приближися, і молюся, яко Іона: от тлі, Боже, возведи мя.

Приспів: Пресвятая Богородице, спаси нас.

Смерті і тлі яко спасл єсть, Сам Ся іздав смерті, тлінієм і смертію моє єстество ято бившеє, Діво, моли Господа і Сина Твоєго, врагов злодійствія мя ізбавити.

Предстательницу Тя живота вім, і хранительницу тверду, Діво, і напастей рішащу молви, і налоги бісов отгоняющу: і молюся, всегда от тлі страстей моїх ізбавити мя.

Слава:

Яко стіну прибіжища стяжахом, і душ всесовершенноє спасеніє, і пространство в скорбех, Отроковице, і просвіщенієм Твоїм присно радуємся: о, Владичице, і нині нас от страстей і бід спаси.

І нині:

На одрі нині немощствуяй лежу, і ність ісціленія плоті моєй: но Бога і Спаса міру і Ізбавителя недугов рождшая, Тебі молюся, Благой: от тлі недуг возстави мя.

Спаси от бід… Призри благосердієм…

Єктенія мала

Предстательство христіан непостидное, ходатайство ко Творцу непреложноє, не презри грішних моленій гласи, но предвари яко благая на помош нас, вірно зовущих Ти; ускори на молитву, і потщися на умоленіє, предстательствующи присно, Богородице, чтущих Тя.

Інший кондак, глас той же:

Не імами іния помощі, не імами іния надежди, разві Тебе, Владичице! Ти нам помози, на Тебе надіємся і Тобою хвалимся: Твої бо єсми раби, да не постидимся.

Прокімен

Помяну імя Твоє во всяком роді і роді.

Стих: Слиши, Дщи, і виждь, і приклони ухо Твоє.

Всякоє диханіє да хвалит Господа.

Євангеліе Луки, зач. 4

Во дні они, воставши Маріам, іде в горняя со тщанієм во град Іудов, і вниде в дом Захаріїн, і цілова Єлисавет. І бисть, яко услиша Єлисавет цілованіє Маріїно, взиграся младенец во чреві єя: і ісполнися Духа Свята Єлисавет, і возопи гласом веліїм, і рече: Благословенна Ти в женах, і благословен Плод чрева Твоєго. І откуду мні сіє, да приіде Мати Господа моєго ко мні? Се бо, яко бисть глас цілованія Твоєго во ушію моєю, взиграся младенец радощами во чреві моєм. І блаженна віровавшая, яко будет совершеніє глаголанним єй от Господа. І рече Маріам: Величит душа Моя Господа, і возрадовася дух Мой о Бозі, Спасі Моєм: яко призрі на смиреніє раби Своєя, се бо от нині ублажат Мя всі роди, яко сотвори Мні величиє Сильний, і свято імя Єго. Пребисть же Маріам с нею яко три місяці і возвратися в дом Свой.

Слава: гл. 6

Молитвами Богородиии, Милостиве, очисти множества согрішеній наших.

І нині:

Молитвами Богородици, Милостиве, очисти множества согрішеній наших.

Потім:

Помилуй мя, Боже, по велицій милості Твоей, і по множеству щедрот Твоїх очисти беззаконіє моє.

Стихира, глас 8

Не ввіри мя человіческому предстательству, Пресвятая Богородице, но приіми моленіє раба Твоєго: скорб бо обдержит мя, терпіти не могу демонскаго стрілянія, покрова не імам, ниже гді прибігну окаянний, всегда побіждаєм, і утішенія не імам, разві Тебе, Владичице міра: Упованіе і Предстательство вірних, не презри моленіе моє, но полезно сотвори.

Пісня 7. Ірмос

От Іудеї дошедше отроци в Вавілоні іногда, вірою тройческою пламень пещний попраша, поюще: отцев Боже, благословен єси.

Приспів: Пресвятая Богородице, спаси нас.

Наше спасеніє якоже восхотіл єси, Спасе устроїти, во утробу Діви вселился єси, Юже міру предстательницу показал єси: отец наших Боже, благословен єси.

Волителя милості, Єгоже родила єси, Мати чистая, умоли ізбавитися от прегрішеній і душевних скверн вірою зовущим: отец наших Боже, благословен єси.

Слава:

Сокровище спасенія, і істочник нетлінія Тя рождшую, і столп утвержденія і двер покаянія зовущим показал єси: отец наших Боже, благословен єси.

І нині:

Тілесния слабості і душевния недуги, Богородительнице, любовію приступающих ко крову Твоєму, Діво, ісцілити сподоби, Спаса Христа нам рождшая.

Пісня 8. Ірмос

Царя Небеснаго, Єгоже поют вої ангельстії, хваліте і превозносіте во вся віки.

Приспів: Пресвятая Богородице, спаси нас.

Помощі яже от Тебе требующия, не презри, Діво, поющия і превозносящия Тя во віки.

Неможеніє душі моєя ісціляєши і тілесния болізні, Діво, да Тя прославлю, Чистая, во віки.

Слава:

Ісціленій богатство ізливаеши вірно поющим Тя, Діво, і превозносящим неізреченное Твоє рождество.

І нині:

Напастей Ти прилоги отгоняеши і страстей находи, Діво: тімже Тя поем во вся віки.

Пісня 9. Ірмос

Воістину Богородицу Тя ісповідуем спасенії Тобою, Діво чистая, з безплотними лики Тя величающе.

Приспів: Пресвятая Богородице, спаси нас.

Тока слез моїх не отвратися, яже от всякаго лица всяку слезу от“ємшаго, Діво, Христа рождшая.

Радості моє сердце ісполни, Діво, яже радості приємшая ісполненіє, гріховную печаль потребляющи.

Пристанище і предстательство к Тебі прибігаюших буди, Діво, і стіна нерушимая, прибіжище же і покров і веселів.

Слава:

Світа Твоего зарями Просвіти, Діво, мрак невідінія отгоняющи, благовірно Богородицу Тя ісповідающих.

І нині:

На місті озлобленій немощі смирившагося, Діво, ізціли, із нездравія во здравіє претворяющи.

Потім стихири, гл. 2. Подобен: Єгда от древа:

За всіх молишися, Благая, прибігающих с вірою в державний Твой покров: іного бо не імами грішнії к Богу в бідах і скорбіх присно ізбавленій, обременені гріхи многими, Мати Бога Вишняго! Тімже Ти припадаєм: ізбави от всякаго обстоянія раби Твоя.

Стих: Помяну імя Твоє во всяком роді і роді.

Всіх скорбящих Радость, і обидимих Заступнице, і алчущих Питательнииа, странних Утішеніе, обуреваємих Пристанище, больних Посіщеніє, немощних Покров і Заступнице, Жезл старості, Мати Бога Вишняго, Ти єси, Пречистая: Потщися, молимся, спастися рабом Твоїм.

Стих: Слиши, Дщи і виждь, і приклони ухо Твоє. Радуйся, Пречистая Діво! Радуйся честний скиптре Царя Христа. Радуйся, прозябшая грозд тайний. Радуйся, Двере небесная і неопалимая Купино. Радуйся, всемірний Світе. Радуйся, всіх Радосте. Радуйся, вірних спасеніє. Радуйся, Заступнице всіх христіан і прибіжите, Владичице.

Слава: І нині: гл. 8

Радуйся, вселенния Похвало. Радуйся, Храме Господень. Радуйся, Горо приосіненная. Радуйся, всіх Прибіжите. Радуйся, Світильниче златий. Радуйся, Славо православних честная. Радуйся, Маріє, Мати Христа Бога. Радуйся Раю, Радуйся Божественная Трапезо. Радуйся, Сіне. Радуйся, Ручко всезлатая. Радуйся, всіх Упованіе.

Або ці стихири. Глас. 2. Подобен: Доме Євфрафов.

Вишшую небес і чистшую світлостей солнечних, ізбавльшую нас от клятви, Владичицу міра пісньми почтим.

От многих моїх гріхов немошствуєт тіло, немошствует і душа моя: к Тебі прибігаю Благодатній, надеждо неналежних, Ти ми помози.

Владичице і Мати Ізбавителя, приіми моленіє недостойних раб Твоїх, да ходатайствуєши к Рождшемуся от Тебе: о, Владичице міра, буди Ходатаїца!

Поєм приліжно Тебі піснь нині, Всепітій Богородиці радостно со Предтечею і всіми святими; моли, Богородице, єже ущедрити ни.

Вся ангелов воїнства, Предтече Господень, апостолов двоєнадесятице, святії всі с Богородицею, сотворите молитву, во єже спастися нам.

Трисвятое і по Отче наш: Тропар гл. 6.

Помилуй нас, Господи, помилуй нас: всякаго бо отвіта недоуміюще, сію Ти молитву, яко Владиці, грішнії приносим: помилуй нас.

Слава:

Господи, помилуй нас, на Тя бо уповахом, не прогнівайся на ни зіло, ніже помяни беззаконій наших, но призри і нині, якоблагоутробен, і ізбави ни от враг наших: Ти бо єси Бог наш і ми людіе Твої, всі діла руку Твоєю, і імя Твоє призиваєм.

І нині:

Милосерді я двері отверзи нам, благословенная Богородице, надіющіїся на Тя да не погибнем, но да ізбавимся Тобою от бід: Ти бо єси спасеніе рода христіанскаго.

Потім єктенія: Помилуй нас, Боже:

Молитва до Пресвятої Богородиці

О Владичице Преблагословенная! Защитнице рода христіанскаго, прибіжище і спасеніє притекающих к Тебі! Вім, воістину вім, яко зіло согріших і прогнівах, премилостивая Госпоже, рожденнаго плотію от Тебе Сина Божія; но імам многія образи прежде мене прогнівавших Єго милосердіе: митарі і блудници, і прочія грішници, імже дадеся прощеніє гріхов їх, покаянія ради і ісповіданія. Тия убо образи помилованних очесем грішния душі моєя представляя і на толикоє Божіє милосердіє, оних приемшее, взирая, дерзнух і аз грішний, прибігнути с покаянієм к Твоєму благосердію, о Всемилостивая Владичице, подаждь руку помощи і іспроси у Сина Твоєго і Бога, матерними і святійшими Твоїми молитвами, тяжким моїм гріхом прошеніе. Вірую і ісповідую, яко Той, Єгоже родила єси, Син Твой, єсть воістину Христос, Син Бога живаго, Судія живих і мертвих, воздаяй коємуждо по ділам єго. Вірую же паки і ісповідую Тебе бити істинную Богородицу, милосердія істочник, утішеніе плачущих, взисканіє погибших, сильную і непрестающую к Богу Ходатаїцу, зіло любящую род христіанский, і споручницу покаянія; воістину бо ність нам іния помощі і покрова, разві Тебе, о Госпоже премилостивая, і ніктоже, уповая на Тя, постидися когда, і Тобою умоляя Бога, ніктоже оставлен бисть Того ради і аз Твою неісчетную благость молю: отверзи двері милосердія Твоєго мні, заблуждшему і падшему в тимінія1 глубини; не возгнушайся мене, сквернаго, не презри грішнаго моленія моєго, не остави мене, окаяннаго, яко в погибель злобний враг похитити єсть мене іщет: но умоли о мні рожденнаго от Тебе милосерднаго Спаса Твоєго і Бога, да простит великія гріхи і ізбавит мя от пагуби моєя, яко да і аз со всіми, получившими прощеніє, воспою і прославлю безмірноє милосердіє Божіє і Твоє непостидноє о мні заступленіє, в жизні сей і в нескончаємом віці. Амінь.

Оценка 3.3 проголосовавших: 31
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here