Покаянный молебен иисусу христу

Прослушать:

Глас 6-й

Пе́снь 1.

Ирмо́с: Я́ко по су́ху пешеше́ствовав Изра́иль, по бе́здне стопа́ми, гони́теля фарао́на ви́дя потопля́ема, Бо́гу побе́дную пе́снь пои́м, вопия́ше.

Припев: Поми́луй мя, Бо́же, поми́луй мя.

Ны́не приступи́х а́з гре́шный и обремене́нный к Тебе́, Влады́це и Бо́гу моему́; не сме́ю же взира́ти на не́бо, то́кмо молю́ся, глаго́ля: да́ждь ми́, Го́споди, у́м, да пла́чуся де́л мои́х го́рько.

Поми́луй мя, Бо́же, поми́луй мя.

О, го́ре мне́ гре́шному! Па́че все́х челове́к окая́нен е́смь, покая́ния не́сть во мне́; да́ждь ми́, Го́споди, сле́зы, да пла́чуся де́л мои́х го́рько.

Сла́ва Отцу, и Сы́ну, и Свято́му Ду́ху. Безу́мне, окая́нне челове́че, в ле́ности вре́мя губи́ши; помы́сли житие́ твое́, и обрати́ся ко Го́споду Бо́гу, и пла́чися о де́лех твои́х го́рько.

И ны́не, и при́сно, и во ве́ки веко́в, ами́нь. Ма́ти Бо́жия Пречи́стая, воззри́ на мя́ гре́шнаго, и от се́ти диа́воли изба́ви мя́, и на пу́ть покая́ния наста́ви мя́, да пла́чуся де́л мои́х го́рько.

Пе́снь 3.

Ирмо́с: Не́сть свя́т, я́коже Ты́, Го́споди Бо́же мо́й, вознесы́й ро́г ве́рных Твои́х, Бла́же, и утверди́вый на́с на ка́мени испове́дания Твоего́.

Поми́луй мя, Бо́же, поми́луй мя.

Внегда́ поста́влени бу́дут престо́ли на суди́щи стра́шнем, тогда́ все́х челове́к дела́ облича́тся; го́ре та́мо бу́дет гре́шным, в му́ку отсыла́емым; и то́ ве́дущи, душе́ моя́, пока́йся от злы́х де́л твои́х.

Поми́луй мя, Бо́же, поми́луй мя.

Пра́ведницы возра́дуются, а гре́шнии воспла́чутся, тогда́ никто́же возмо́жет помощи́ на́м, но дела́ на́ша осу́дят на́с, те́мже пре́жде конца́ пока́йся от злы́х де́л твои́х.

Сла́ва Отцу, и Сы́ну, и Свято́му Ду́ху. Увы́ мне́ великогре́шному, и́же де́лы и мы́сльми оскверни́вся, ни ка́пли сле́з име́ю от жестосе́рдия; ны́не возни́кни от земли́, душе́ моя́, и пока́йся от злы́х де́л твои́х.

И ны́не, и при́сно, и во ве́ки веко́в, ами́нь. Се́, взыва́ет, Госпоже́, Сы́н Тво́й, и поуча́ет на́с на до́брое, а́з же гре́шный добра́ всегда́ бе́гаю; но Ты́, Ми́лостивая, поми́луй мя́, да пока́юся от злы́х мои́х де́л.

Седа́лен, гла́с 6-й.

Помышля́ю де́нь стра́шный и пла́чуся дея́ний мои́х лука́вых: ка́ко отвеща́ю Безсме́ртному Царю́, или́ ко́им дерзнове́нием воззрю́ на Судию́, блу́дный а́з? Благоутро́бный О́тче, Сы́не Единоро́дный и Ду́ше Святы́й, поми́луй мя́.

Сла́ва Отцу, и Сы́ну, и Свято́му Ду́ху, и ны́не, и при́сно, и во ве́ки веко́в, ами́нь.

Богоро́дичен

Свя́зан мно́гими ны́не плени́цами грехо́в и содержи́м лю́тыми страстьми́ и беда́ми, к Тебе́ прибега́ю, моему́ спасе́нию, и вопию́: помози́ ми́, Де́во, Ма́ти Бо́жия.

Пе́снь 4.

Ирмо́с: Христо́с моя́ си́ла, Бо́г и Госпо́дь, честна́я Це́рковь боголе́пно пое́т, взыва́ющи от смы́сла чи́ста, о Го́споде пра́зднующи.

Поми́луй мя, Бо́же, поми́луй мя.

Широ́к пу́ть зде́ и уго́дный сла́сти твори́ти, но го́рько бу́дет в после́дний де́нь, егда́ душа́ от те́ла разлуча́тися бу́дет: блюди́ся от си́х, челове́че, Ца́рствия ра́ди Бо́жия.

Поми́луй мя, Бо́же, поми́луй мя.

Почто́ убо́гаго оби́диши, мзду́ нае́мничу уде́ржуеши, бра́та твоего́ не лю́биши, блу́д и го́рдость го́ниши? Оста́ви у́бо сия́, душе́ моя́, и пока́йся Ца́рствия ра́ди Бо́жия.

Сла́ва Отцу, и Сы́ну, и Свято́му Ду́ху. О, безу́мный челове́че, доко́ле углеба́еши, я́ко пчела́, собира́ющи бога́тство твое́? Вско́ре бо поги́бнет, я́ко пра́х и пе́пел: но бо́лее взыщи́ Ца́рствия Бо́жия.

И ны́не, и при́сно, и во ве́ки веко́в, ами́нь. Госпоже́ Богоро́дице, поми́луй мя́ гре́шнаго, и в доброде́тели укрепи́, и соблюди́ мя́, да на́глая сме́рть не похи́тит мя́ негото́ваго, и доведи́ мя́, Де́во, Ца́рствия Бо́жия.

Пе́снь 5.

Ирмо́с: Бо́жиим све́том Твои́м, Бла́же, у́тренюющих Ти́ ду́ши любо́вию озари́, молю́ся, Тя́ ве́дети, Сло́ве Бо́жий, и́стиннаго Бо́га, от мра́ка грехо́внаго взыва́юща.

Поми́луй мя, Бо́же, поми́луй мя.

Воспомяни́, окая́нный челове́че, ка́ко лжа́м, клевета́м, разбо́ю, не́мощем, лю́тым звере́м, грехо́в ра́ди порабоще́н еси́; душе́ моя́ гре́шная, того́ ли восхоте́ла еси́?

Поми́луй мя, Бо́же, поми́луй мя.

Трепе́щут ми́ у́ди, все́ми бо сотвори́х вину́: очи́ма взира́яй, уши́ма слы́шай, язы́ком зла́я глаго́ляй, всего́ себе́ гее́нне предая́й; душе́ моя́ гре́шная, сего́ ли восхоте́ла еси́?

Сла́ва Отцу, и Сы́ну, и Свято́му Ду́ху. Блудника́ и разбо́йника ка́ющася прия́л еси́, Спа́се, а́з же еди́н ле́ностию грехо́вною отягчи́хся и злы́м дело́м порабо́тихся, душе́ моя́ гре́шная, сего́ ли восхоте́ла еси́?

И ны́не, и при́сно, и во ве́ки веко́в, ами́нь. Ди́вная и ско́рая помо́щнице все́м челове́ком, Ма́ти Бо́жия, помози́ мне́ недосто́йному, душе́ бо моя́ гре́шная того́ восхоте́.

Пе́снь 6.

Ирмо́с: Жите́йское мо́ре, воздвиза́емое зря́ напа́стей бу́рею, к ти́хому приста́нищу Твоему́ прите́к, вопию́ Ти́: возведи́ от тли́ живо́т мо́й, Многоми́лостиве.

Поми́луй мя, Бо́же, поми́луй мя.

Житие́ на земли́ блу́дно пожи́х и ду́шу во тьму́ преда́х, ны́не у́бо молю́ Тя́, Ми́лостивый Влады́ко: свободи́ мя́ от рабо́ты сея́ вра́жия, и да́ждь ми́ ра́зум твори́ти во́лю Твою́.

Поми́луй мя, Бо́же, поми́луй мя.

Кто́ твори́т такова́я, я́коже а́з? Я́коже бо свиния́ лежи́т в калу́, та́ко и а́з греху́ служу́. Но Ты́, Го́споди, исто́ргни мя́ от гну́са сего́ и да́ждь ми́ се́рдце твори́ти за́поведи Твоя́.

Сла́ва Отцу, и Сы́ну, и Свято́му Ду́ху. Воспряни́, окая́нный челове́че, к Бо́гу, воспомяну́в своя́ согреше́ния, припа́дая ко Творцу́, слезя́ и стеня́; То́й же, я́ко милосе́рд, да́ст ти́ у́м зна́ти во́лю Свою́.

И ны́не, и при́сно, и во ве́ки веко́в, ами́нь. Богоро́дице Де́во, от ви́димаго и неви́димаго зла́ сохрани́ мя́, Пречи́стая, и приими́ моли́твы моя́, и донеси́ я́ Сы́ну Твоему́, да да́ст ми́ у́м твори́ти во́лю Его́.

Конда́к.

Душе́ моя́, почто́ греха́ми богате́еши, почто́ во́лю диа́волю твори́ши, в чесо́м наде́жду полага́еши? Преста́ни от си́х и обрати́ся к Бо́гу с пла́чем, зову́щи: милосе́рде Го́споди, поми́луй мя́ гре́шнаго.

И́кос.

Помы́сли, душе́ моя́, го́рький ча́с сме́рти и стра́шный су́д Творца́ твоего́ и Бо́га: А́нгели бо гро́знии по́ймут тя́, душе́, и в ве́чный о́гнь введу́т: у́бо пре́жде сме́рти пока́йся, вопию́щи: Го́споди, поми́луй мя́ гре́шнаго.

Пе́снь 7.

Ирмо́с: Росода́тельну у́бо пе́щь соде́ла А́нгел преподо́бным отроко́м, халде́и же опаля́ющее веле́ние Бо́жие, мучи́теля увеща́ вопи́ти: благослове́н еси́, Бо́же оте́ц на́ших.

Поми́луй мя, Бо́же, поми́луй мя.

Не наде́йся, душе́ моя́, на тле́нное бога́тство и на непра́ведное собра́ние, вся́ бо сия́ не ве́си кому́ оста́виши, но возопи́й: поми́луй мя́, Христе́ Бо́же, недосто́йнаго.

Поми́луй мя, Бо́же, поми́луй мя.

Не упова́й, душе́ моя́, на теле́сное здра́вие и на скоромимоходя́щую красоту́, ви́диши бо, я́ко си́льнии и млади́и умира́ют; но возопи́й: поми́луй мя́, Христе́ Бо́же, недосто́йнаго.

Сла́ва Отцу, и Сы́ну, и Свято́му Ду́ху. Воспомяни́, душе́ моя́, ве́чное житие́, Ца́рство Небе́сное, угото́ванное святы́м, и тьму́ кроме́шную и гне́в Бо́жий злы́м, и возопи́й: поми́луй мя́, Христе́ Бо́же, недосто́йнаго.

И ны́не, и при́сно, и во ве́ки веко́в, ами́нь. Припади́, душе́ моя́, к Бо́жией Ма́тери и помоли́ся То́й, е́сть бо ско́рая помо́щница ка́ющимся, умо́лит Сы́на Христа́ Бо́га, и поми́лует мя́ недосто́йнаго.

Пе́снь 8.

Ирмо́с: Из пла́мене преподо́бным ро́су источи́л еси́ и пра́веднаго же́ртву водо́ю попали́л еси́: вся́ бо твори́ши, Христе́, то́кмо е́же хоте́ти. Тя́ превозно́сим во вся́ ве́ки.

Поми́луй мя, Бо́же, поми́луй мя.

Ка́ко не и́мам пла́катися, егда́ помышля́ю сме́рть, ви́дех бо во гро́бе лежа́ща бра́та моего́, безсла́вна и безобра́зна? Что́ у́бо ча́ю, и на что́ наде́юся? То́кмо да́ждь ми́, Го́споди, пре́жде конца́ покая́ние. (Два́жды)

Сла́ва Отцу, и Сы́ну, и Свято́му Ду́ху. Ве́рую, я́ко прии́деши суди́ти живы́х и ме́ртвых, и вси́ во свое́м чи́ну ста́нут, ста́рии и млади́и, влады́ки и кня́зи, де́вы и свяще́нницы; где́ обря́щуся а́з? Сего́ ра́ди вопию́: да́ждь ми́, Го́споди, пре́жде конца́ покая́ние.

И ны́не, и при́сно, и во ве́ки веко́в, ами́нь. Пречи́стая Богоро́дице, приими́ недосто́йную моли́тву мою́ и сохрани́ мя́ от на́глыя сме́рти, и да́руй ми́ пре́жде конца́ покая́ние.

Пе́снь 9.

Ирмо́с: Бо́га челове́ком невозмо́жно ви́дети, на Него́же не сме́ют чи́ни А́нгельстии взира́ти; Тобо́ю же, Всечи́стая, яви́ся челове́ком Сло́во Воплоще́нно, Его́же велича́юще, с небе́сными во́и Тя́ ублажа́ем.

Поми́луй мя, Бо́же, поми́луй мя.

Ны́не к ва́м прибега́ю, А́нгели, Арха́нгели и вся́ небе́сныя си́лы, у Престо́ла Бо́жия стоя́щии, моли́теся ко Творцу́ своему́, да изба́вит ду́шу мою́ от му́ки ве́чныя.

Поми́луй мя, Бо́же, поми́луй мя.

Ны́не пла́чуся к ва́м, святи́и патриа́рси, ца́рие и проро́цы, апо́столи и святи́телие и вси́ избра́ннии Христо́вы: помози́те ми́ на суде́, да спасе́т ду́шу мою́ от си́лы вра́жия.

Сла́ва Отцу, и Сы́ну, и Свято́му Ду́ху. Ны́не к ва́м воздежу́ ру́це, святи́и му́ченицы, пусты́нницы, де́вственницы, пра́ведницы и вси́ святи́и, моля́щиися ко Го́споду за ве́сь ми́р, да поми́лует мя́ в ча́с сме́рти моея́.

И ны́не, и при́сно, и во ве́ки веко́в, ами́нь. Ма́ти Бо́жия, помози́ ми́, на Тя́ си́льне наде́ющемуся, умоли́ Сы́на Своего́, да поста́вит мя́ недосто́йнаго одесну́ю Себе́, егда́ ся́дет судя́й живы́х и ме́ртвых, ами́нь.

Моли́тва.

Влады́ко Христе́ Бо́же, И́же страстьми́ Свои́ми стра́сти моя́ исцели́вый и я́звами Свои́ми я́звы моя́ уврачева́вый, да́руй мне́, мно́го Тебе́ прегреши́вшему, сле́зы умиле́ния; сраствори́ моему́ те́лу от обоня́ния Животворя́щаго Те́ла Твоего́, и наслади́ ду́шу мою́ Твое́ю Честно́ю Кро́вию от го́рести, е́юже мя́ сопроти́вник напои́; возвы́си мо́й у́м к Тебе́, до́лу пони́кший, и возведи́ от про́пасти поги́бели: я́ко не и́мам покая́ния, не и́мам умиле́ния, не и́мам сле́зы уте́шительныя, возводя́щия ча́да ко своему́ насле́дию. Омрачи́хся умо́м в жите́йских страсте́х, не могу́ воззре́ти к Тебе́ в боле́зни, не могу́ согре́тися слеза́ми, я́же к Тебе́ любве́. Но, Влады́ко Го́споди Иису́се Христе́, сокро́вище благи́х, да́руй мне́ покая́ние всеце́лое и се́рдце люботру́дное во взыска́ние Твое́, да́руй мне́ благода́ть Твою́ и обнови́ во мне́ зра́ки Твоего́ о́браза. Оста́вих Тя́, не оста́ви мене́; изы́ди на взыска́ние мое́, возведи́ к па́жити Твое́й и сопричти́ мя́ овца́м избра́ннаго Твоего́ ста́да, воспита́й мя́ с ни́ми от зла́ка Боже́ственных Твои́х Та́инств, моли́твами Пречи́стыя Твоея́ Ма́тере и все́х святы́х Твои́х. Ами́нь.

В канонах припев как молитвенное воззвание произносится перед первым и вторым (и третьим, когда оно есть) тропарем каждой песни, но не читается перед тропарями, начинающимся со «Слава Отцу и Сыну и Святому Духу» и «И ныне и присно и во веки веков. Аминь».

Вы, даже и не подозреваете, что самая простая, но в то же время самая эффективная молитва покаяние, именно та, которую постоянно произносят на службе в храме «Господи, помилуй!». Это сокращённый вариант самой сильной покаянной молитвы – Иисусовой молитвы. Эту молитву, имеется в виду, Иисусова молитва, можно и нужно произносить каждый день и множество раз в течение дня.  Так же, сильная молитва покаяние – молитва мытаря: «Боже, милостив, буди мне, грешному». Этой молитвой начинается утреннее молитвенное правило.
Так же, очень мощной молитвой покаяние считается Псалом 50 покаянный. Этот псалом желательно выучить наизусть и читать его несколько раз в день по 3-5 раз за раз, при желании можно и больше.

Вот несколько очень хороших покаянных молитв:

Господи Иисусе Христе Сыне Бога живаго, Творче неба и земли, Спасителю мира! Се аз недостойный и паче всех грешнейший, смиренно колена сердца моего пред славою величества Твоего Крестпреклоняя, воспеваю и величаю безмерное страдание Твое, и благодарение Тебе Царю всех и Богу приношу, яко благоизволил еси снити с небеснаго Престола Твоего и воплотитися от Пречистыя Девы Марии, ради спасения человеческаго: безплотен сый, плотское естество Божеству совокупил еси. Богат сый, волею обнищал еси, да человека во Царствии Твоем обогатиши. Труды и всякия человеческия беды, яко человек, на Себе понесл еси, да все во всяких печалех и нуждах пособствуеши. Четыредесять дней постивыйся, всем к воздержанию путь показал еси. Множицею от лукавых искушен был еси, всех от искушений всяких избавляя. Вем, всесильный Владыко, яко вся сия Тебе непотребна быша, но человеческаго ради спасения вся претерпел еси: предан был еси за тридесять сребреник, да человека искупиши от лютыя работы вражия; от немилостивых иудёй, яко незлобивый Агнец, похищен был еси, род человеческий от поглощения волка мысленнаго исторгая; на судилищи пред Анною и Каиафою предстал еси, всех от осуждения огня вечнаго отводя; связан, поруган, оплеван, от ложных свидетелей оклеветан и на поносительную смерть осужден был еси, человека от всякия напасти, мучения и от вечныя смерти свобождая; Пилоту, никоего зла содеявый, предан был еси, и ко Ироду послан, и паки поруган, человека от злаго обстояния и от поруганий вражиих избавляя. Что убо воздам Тебе, Владыко Человеколюбче, о всех, яже претерпел еси мене ради грешнаго? Не вем, душа бо и тело и вся благая от Тебе суть, и вся моя Твоя суть, и аз Твой есмь. Точию на безчисленное Твоё милосердие, Благосерде Господи, надеяся, пою Твое неизреченное долготерпение, величаю неисповедимое смотрение Твое, славлю Твою безмерную милость, имиже преклонился еси мене ради осужденнаго, да аз оправдан буду. К столпу, Спасе, привязан и без милости биен, милостив сый, разреши мя, молюся, от грехов моих; тернием венчан, души моея греховное терние искорени; тростию биен по главе, сокруши главу змия уязвляющаго мя жалом греха; в багряну ризу оболчен и мучителем предан, просвети ми, Царю Пресвятый, одеяние душевное, да вниду в чертог Твой всекрасный; с разбойники вменен и Крест на раму Твоею понесый, разбойника врага, ищущаго душу мою убити, Твоим Крестом прожени. Вем Тя, Иисусе долготерпеливе, люте уязвлена, от верху главы Твоей святыя, даже до стопы ножныя, не бе в Тебе места цела. Что же возглагалю о неизреченнем человеколюбии Твоем, Христе Спасителю? Точию в сокрушении сердца моего, покланяйся Твоим Пречистым страстем и вселюбезно тыя лобызая, вопию: помилуй мя грешнаго. На Кресте пригвоздитися изволивый, пригвозди заповедем Твоим сердце мое: воздвижен со Крестом на горе Голгофе, воздвигни мысли моя к небеси, да всегда горняя мудрствую; желчию со оцтом напоён, огорченное грехом сердце моё услади любовию Твоею, и жаждуща напой потоком сладости Твоея; руце Твои пречистеи распрострый на приятие всех, приими мя грешнаго; нозе пригвождены имевый, хотя всегда со грешники быти, буди со мною грешным, возбраняя ногам моим от всякаго пути лукаваго; сердце отверсто имевый, яви мне благодать Твою, грешному; главу пресвятую на Кресте преклонивый, услыши недостойныя молитвы моя. О, пречудная и неизмеримая глубино милосердия, Христе Боже! За враги распинатели Твоя Богу Отцу моливыйся, даждь и мне грешному сию благодать, любити враги моя и молитися за них; разбойнику кающемуся рай отверзый, воззри, Свете Мой, на мя грешнаго, подаждь покаяние, и отверзи ми двери милости Твоея, и помяни мя недостойнаго во Царствии Твоем. Наконец, дух Твой пресвятый предавый в руце Богу Отцу, приими, Создателю, дух мой во время кончины моея. Со Креста снят и во гробе яко мертв положен, Спасе, живый во свете неприступней, возьми от мене тяжкое бремя греховное, и не возгнушайся, Человеколюбче, вселитися во гроб сердца моего недостойнаго, на умерщвление моего плотскаго мудрования. Яко да не ктому себе, бренное создание Твое, но Тебе, Господеви и Богу моему живый, Твоим, о Всемилостиве, благосердием, слодоблюся видети Тебе, Создателя и Спасителя моего, за приятие смерти крестныя, славою и честию венчаннаго, во свете неприкосновенныя Твоея славы, идеже со Безначальным Твоим Отцем, и со Пресвятым и Животворящим и Единосущным Твоим Духом, царствуеши прежде век, ныне и присно и во веки веков.

Или более краткий вариант этой молитвы покаение:

Господи Иисусе Христе, Сыне Бога Живаго, Творче неба и земли, Спасителю мира, се аз, недостойный и паче всех грешнейший, смиренно колена сердца моего пред славою величества Твоего преклонив, воспе¬ваю Крест и страдания Твоя и благодарение Тебе, Царю всех и Богу, приношу, яко благоизволил еси вся труды и всякия беды, напасти и мучения, яко человек, понести, да всем нам во всяких печалех, нуждах и озлоблениих состраждущий Помощник и Спаситель будеши. Вем, всесильне Владыко, яко вся сия Тебе убо не быша потребна, но человеческаго ради спасения, да всех нас искупиши от лютыя работы вражия, крест и страдания претерпел еси. Что убо воздам Тебе, Человеколюбче, о всех, яже пострадал еси мене ради, грешнаго, не вем: душа бо и тело и вся благая от Тебе суть, и вся моя Твоя суть, и аз Твой есмь. Точию на бесчисленное Твое, Благоутробне Господи, милосердие надеяся, пою Твое неизреченное долготерпение, величаю неисповедимое истощание, славлю Твою безмерную милость, поклоняюся Пречистым Страстем Твоим и, вселюбезно лобызая язвы Твоя, вопию: помилуй мя, грешнаго, и сотвори, да не безплоден будет во мне Крест Твой Святый, да причащаяся зде с верою страданием Твоим, сподоблюся видети и славу Царствия Твоего на Небеси. Аминь. Тебе, Господи, единому Благому и Непамятозлобному, исповедаю грехи моя, Тебе припадаю вопия, недостойный: согреших, Господи, согреших и несмь достоин воззрети на высоту небесную от множества неправд моих. Но, Господи мой, Господи, даруй ми слезы умиления, единый Блаже и Милостивый, яко да ими Тя умолю, очиститися прежде конца от всякаго греха: страшно бо и грозно место имам проити, тела разлучився, и множество мя мрачное и безчеловечное демонов срящет, и никтоже в помощь спутствуяй или избавляяй. Тем припадаю Твоей благости, не предаждь обидящым мя, ниже да похвалятся о мне врази мои, Благий Господи, ниже да рекут: в руки наша пришел еси, и нам предан еси. Ни, Господи, не забуди щедрот Твоих и не воздаждь ми по беззаконием моим, и не отврати лица Твоего от мене: но Ты, Господи, накажи мя, обаче милостию и щедротами. Враг же мой да не возрадуется о мне, но угаси eго на мя прещения и все упраздни eго действо, и даждь ми к Тебе путь неукорный, Благий Господи: занеже и согрешив, не прибегох ко иному врачу, и не прострох руки моея к богу чуждему, не отрини убо моления моего, но услыши мя Твоею благостию и утверди мое сердце страхом Твоим, и да будет благодать Твоя на мне, Господи, яко огнь попаляяй нечистыя во мне помыслы. Ты бо еси, Господи, свет, паче всякаго света; радость, паче всякия радости; упокоение, паче всякаго упокоения; жизнь истинная и спасение, пребывающее во веки веков, аминь. Вот молитва покаяние на русском языке: Господь Иисус, я обращаюсь к Тебе сейчас в молитве. Я никогда не знал Тебя раньше, зная о Тебе, я не был знаком с Тобой. Я признаю, что я грешник. Я совершил много ошибок в жизни. Но я верю, что Ты, Иисус, умер за меня и взял на себя все мои грехи и проклятия. Я признаю, что на третий день Ты, Иисус, воскрес. И поэтому я прошу Тебя: прости мои грехи, разрушь проклятия в моей жизни, очисть меня, дай мне новую надежду. Я признаю Тебя, Иисус Христос, моим Господом. Я приглашаю Тебя в свою жизнь, наведи в ней Свой порядок, исцели мое разбитое сердце, исполни мои разбитые мечты, будь со мной и не покинь меня. Спасибо Тебе за милость и любовь ко мне. С этого момента Ты, Иисус, мой Господь! Аминь. И ещё одна молитва покаяние на русском языке: Отец Небесный! Я обращаюсь к Тебе от всего сердца. Я прошу Тебя, Господь, прости все мои грехи. Помилуй меня, Боже, по великой милости Твоей. Иисус Христос! Я верю, что Ты Сын Божий, который умер за меня и воскрес в мое оправдание для вечной жизни! Иисус! Войди в мое сердце, омой меня Своей Святой кровью, исцели и благослови меня! Я исповедую: Ты мой Господь и Спаситель навсегда. Во Имя Отца, Сына и Святого Духа. Аминь. Молитва покаяние ко Пресвятой Богородице: Пресвятая Владычице Богородице, единая чистейшая душею и телом, единая превысшая всякой чистоты, целомудрия и девства, единая всецело соделавшаяся обителию всецелой благодати всясвятаго Духа, самыя невещественыя силы здесь еще несравненно превзошедшая чистотою и святынею души и тела, призри на мя мерзкаго, нечистаго, душу и тело очернившаго скверною страстей жизни моей, очисти страстный мой ум, непорочными соделай и благоустрой блуждающие и слепотствующие помыслы мои, приведи в порядок чувства мои и руководствуй ими, освободи меня от мучительствующаго надо мною злаго и гнуснаго навыка к нечистым предразсудкам и страстям, останови всякий действующий во мне грех, омраченному и окаянному уму моему даруй трезвение и разсудительность для исправления своих поползновений и падений, чтобы, освободившись от греховной тьмы, сподобился я с дерзновением прославлять и песнословить Тебя, единую Матерь истиннаго Света – Христа, Бога нашего; потому что Тебя одну с Ним и о Нем благословляет и славит всякая невидимая и видимая тварь ныне, и всегда, и во веки веков. Аминь. Молитва покаяние к Божьей матери: Нескверная, Неблазная, Нетленная, Пречистая, Неневестная Богоневесто, Богородице Марие, Госпоже мира и Надежде моя! Призри на мя, грешнаго, в час сей и Егоже из чистых кровей Твоих неискусомужно родила еси Господа Иисуса Христа, милостива мне соделай матерними Твоими молитвами; Того зревшая осужденна и оружием печали в сердце уязвившаяся, уязви душу мою Божественною любовию! Того в узах и поруганиях горце оплакавшая, слезы сокрушения мне даруй; при вольном Того ведении на смерть душею тяжце поболевшая, болезней мя свободи, да Тя славлю, достойно славимую во веки. Аминь. Покаянная молитва к Матери Божьей с раскаянием о содеянных грехах: Заступнице усердная, благоутробная Господа Мати! К Тебе прибегаю аз, окаянный и паче всех человек грешнейший: вонми гласу моления моего, и вопль мой и стенание услыши. Яко беззакония моя превзыдоша главу мою и аз, якоже корабль в пучине, погружаюся в море грехов моих. Но Ты, Всеблагая и Милосердая Владычице, не презри мене, отчаяннаго и во гресех погибающаго; помилуй мя, кающагося во злых делех моих, и обрати на путь правый заблуждшую окаянную душу мою. На Тебе, Владычице моя Богородице, возлагаю все упование мое. Ты, Мати Божия, сохрани и соблюди мя под кровом Твоим, ныне и присно и во веки веков. Аминь И ещё одна молитва покаяние, своими словами, краткая, но ёмкая: Отец мой небесный. Прошу у тебя пощады и прощения у тебя прошу за грех мой тяжкий. Ради Сына Своего Иисуса Христа прости меня, прости мою душу горемычную и мятущуюся. Помоги мне в жизни. Ведь прощение твое и есть любовь твоя. Прости, Отче. Христа ради – Сына твоего. Каюсь. Прости. Аминь Господи, прости меня, грешного, что грешу каждый день, и этим отдаляюсь от тебя, что не могу преодолеть свои слабости и иду у них на поводу. Что каждый вечер принимаю решение прекратить это, а с утра начинаю заново. Господи, дай мне силы быть твердым в своих намерениях и не сходить с намеченного пути. Благодарю за все, что ты делаешь для меня и моей семьи, благодарю за все, что есть у меня! Я очень благодарен тебе и мне очень горько, что я себя так веду. Прости меня, очисти от грехов моих и от беззаконий моих. Освободи меня, Господи, от рабства греховного и наставь меня на путь спасения души моей. Ибо твоё есть Царство и Сила, и Слава, Отца и Сына, и Святого Духа. Аминь. Итак, «Блажен, кому отпущены беззакония, и чьи грехи покрыты! Блажен человек, которому Господь не вменит греха, и в чьем духе нет лукавства!» Псал. 31.
Настоятельно рекомендуем посмотреть, вернее, прослушать видео, которое вызывает в душе покаянные чувства:

Дорогие друзья! Братья и сестры во Христе Иисусе! Мир Вам и Благодать от Господа нашего Иисуса Христа! Пишите, пожалуйста в комментариях Ваши покаянные молитвы. Да пребудет с Вами Господь и милосердие Его!
Смотрите так же:

Последование ко Святому Причащению

Каждый человек рано или поздно обращается к Богу, чаще всего с молитвой: «Господи, помоги!» — это крик беспомощности, с последней надеждой на Божью помощь. В такие минуты душа и учится молиться. Молитва — это не просто набор слов, а возможность общения с Богом, беседы с Ним. Молитвенное воссоединение с Богом — потребность души христианина. Святые называют её дыханием души.

«Господи, прости меня, грешного»

Покаяние — одна из форм просительной молитвы, но мы молим Господа не о благах жизни, а просим только о возможности искупления греха и прощении. Мы все грешники на этой земле, ещё со времён первородного греха Адама и Евы, и заслуживаем вечного наказания. Но просим Бога помиловать нас, как бы мы не согрешим, и отпустить нам грехи. И делаем это не обязательно крисовой и грамотно построенной речью. Просьбы об искуплении идут от души.

Покаянные молитвы — это великая сила. Искреннее раскаяние, вера в Иисуса Христа, изменяет мышление человека, что ведёт к изменению поступков и приближает его к Богу. Смысл покаяния — стать свободным от греха, избавится от безысходности, обрести спасение и обновление духа.

Покаяние во имя спасения

Покаянная молитва Господу, исходящая из души человека, — это основа отношений с Богом. Через раскаяние человек приходит к Богу и получает спасение. Если человек не освобождён от греха, радости в нем нет.

Исповедальная молитва покаяния призвана отмолить, признать свои грехи, покаяться и иметь надежду на упокоение души после смерти. Одна надежда на милость Бога. Покаянные молитвы, исходящие из сердца, угодны Богу. Первая молитва покаяния, текст в молитвослове:

«Боже, милостив, буди мне грешному» (Евангелие от Луки, глава 18 стих 13).

«Господи, помилуй!» Самая известная покаянная молитва, повторяют её по сорок и более раз. Одна из тех, что каждый день звучит в храмах во время богослужения.

Среди почитаемых молитв:

• «Иисусова»;
• «Мытаря»;
• «Предначинательная»;
• «О прощении забытых грехов».

Даже одно истинное покаяние способно изменить судьбу грешника, уменьшить плоды прежних недобрых поступков, избавить от страданий и угрызений совести, и обратить человека к Богу.

Нельзя откладывать покаяния, смерть часто является неожиданно. И после нее — одна надежда на милость и любовь Бога — творца.

Господь всегда рядом с нами. И никогда не оставляет тех, кто обращается к Нему. Промысел Божий ведёт нас через испытания к спасению. Православный человек не один в этом мире, поэтому у него нет страха ни перед настоящим, ни перед будущим. Вера изгоняет страх. Благодать, которая исцеляет и укрепляет нас, даруется только по нашей вере.

Православная церковь помогает нам в покаянии, установлены четыре длительных поста. Кроме воздержания, нужно уделять больше времени духовной жизни: чаще молиться, посещать храм, принимать участия в молебнах, слушать проповедь, исповедоваться и причащаться. Особенно часто нужно молиться Иисусу Христу, в такт ударам сердца: «Господи, помилуй! Слава и ныне». Дома должны звучать аудиозаписи богослужений.

В храм — хоть ежедневно! Литургия — хоть ежедневно! Исповедь, причастие — хоть каждый день! Но исповедь — таинство отпущения грехов, она никогда не заменит молитв покаяния! Покаяние — особое внутреннее состояние человека. Только так можно получить всепрощение.

Молитва покаяния Иисусу Христу

Только Иисус Христос отпускает нам грехи. А в молитвах к Пресвятой Владычице Богородице, Матери Божией, и всем святым мы просим их молить Бога о нас.

Бог, Отец наш небесный, любит нас, и даже пожертвовал своим сыном ради нас, чтобы мы жили, принимает нас такими, какие мы есть, — грешными. Покаяние — это не просто слова, а обещание жить без греха, с чистыми помыслами. Они нужны нам для получения божественной благодати, которая меняет характер человека полностью: он становится богатым душой, а греховные помыслы навсегда оставляют его.

Особые покаянные молитвы

Ежедневно, читая дома утренние и вечерние молитвы, не забываем читать особые покаянные. Читать их нужно после вечерних молитв. Нужно уединиться в комнате, поставив свечи перед иконами, лучше закрыть глаза, чтобы ничто не отвлекало. Каяться лучше сразу после совершённого греха.

К особым покаянным молитвам относятся и молитвы после аборта. Должна читать их не только женщина до конца жизни, но и мужчина, который позволил сделать аборт. Они помогут:

• осознать всю тяжесть своей вины;
• искренне раскаяться в содеянном;
• просить о помине души не рождённого младенца.

Нет прощения без истинного полного покаяния

Прощать и просить прощения — это единственный путь жизни в православии. Поскольку Бог прощает нам наши грехи, он повелевает нам любить и повсюду прощать наших близких и других людей. Всякий, кто приходят к нам за прощением и извинится за свои поступки, должен быть прощён нами. Прощение восстанавливает наше отношение с людьми и Богом, и приносит нам телесное и душевное исцеление. Люди, затаившие на кого-то горькую обиду, никогда не смогут обрести мир в своём сердце.

Только смирение и покаяние перед Богом даруют спасение. О прощении необходимо не просто просить, а нужно молиться долго, отмаливая иногда всю жизнь. Это ежедневный труд. Чем более тяжкий грех, том больше времени нужно.

Чтобы получить дарование прощения нужно:

• Часто посещать православный храм.
• Участвовать в богослужениях.
• Исповедоваться и причащаться.
• Молиться Господу дома.
• Стараться жить по совести и вере, чистыми помыслами.
• Не творить грешных деяний.

Христианская библия проповедует, что существует только один путь на небеса. Иисус сказал: «Я есть путь и истина и жизнь; никто не приходит к Отцу, как только через Меня» (Иоанна, 14:6).

Схождение благодати на человека — величайший подарок от Бога.