3 канона ко причастию

Канон покаянный ко Господу нашему Иисусу Христу, молебный ко Пресвятой Богородице и Ангелу Хранителю.
Готовясь к причащению, совмещенный канон можно читать вместо трех отдельных канонов.

Глас 6-й, песнь 1

Ирмо́с: Я́ко по су́ху пешеше́ствовав Изра́иль, по бе́здне стопа́ми, гони́теля фарао́на ви́дя потопля́ема, Бо́гу побе́дную песнь пои́м, вопия́ше.

Господу Иисусу Христу

Поми́луй мя, Бо́же, поми́луй мя.
Ны́не приступи́х аз гре́шный и обремене́нный к Тебе́, Влады́це и Бо́гу моему́; не сме́ю же взира́ти на не́бо, то́кмо молю́ся, глаго́ля: даждь ми, Го́споди, ум, да пла́чуся дел мои́х го́рько.
Поми́луй мя, Бо́же, поми́луй мя.
О, го́ре мне гре́шному! Па́че всех челове́к окая́нен есмь, покая́ния несть во мне; даждь ми, Го́споди, сле́зы, да пла́чуся дел мои́х го́рько.
Поми́луй мя, Бо́же, поми́луй мя.
Безу́мне, окая́нне челове́че, в ле́ности вре́мя губи́ши; помы́сли житие́ твое́, и обрати́ся ко Го́споду Бо́гу, и пла́чися о де́лех твои́х го́рько.
Пресвята́я Богоро́дице, спаси́ нас.
Ма́ти Бо́жия Пречи́стая, воззри́ на мя гре́шнаго, и от се́ти диа́воли изба́ви мя, и на путь покая́ния наста́ви мя, да пла́чуся дел мои́х го́рько.

Пресвятей Богородице

Пресвята́я Богоро́дице, спаси́ нас.
Мно́гими содержи́мь напáстьми, к Тебе́ прибега́ю, спасе́ния иски́й: о, Мáти Сло́ва и Де́во, от тя́жких и лю́тых мя спаси́.
Пресвята́я Богоро́дице, спаси́ нас.
Страсте́й мя смущáют прило́зи, мно́гаго уны́ния испо́лнити мою́ ду́шу; умири́, Отрокови́це, тишино́ю Сы́на и Бо́га Твоего́, Всенепоро́чная.
Пресвята́я Богоро́дице, спаси́ нас.
Спáса ро́ждшую Тя и Бо́га, молю́, Де́во, избáвитися ми лю́тых: к Тебе́ бо ны́не прибегáя, простирáю и ду́шу и помышле́ние.
Пресвята́я Богоро́дице, спаси́ нас.
Неду́гующа те́лом и душе́ю, посеще́ния Боже́ственнаго и промышле́ния от Тебе́ сподо́би, еди́на Богомáти, я́ко блага́я, Благáго же Роди́тельница.

Ангелу хранителю

Го́споди Иису́се Христе́ Бо́же мой, поми́луй мя.
Иисусу: Песнь воспе́ти и восхвали́ти, Спа́се, Твоего́ раба́ досто́йно сподо́би, безпло́тному Áнгелу, наста́внику и храни́телю моему́.
Святы́й Áнгеле Бо́жий, храни́телю мой, моли́ Бо́га о мне.
Еди́н аз в неразу́мии и в ле́ности ны́не лежу́, наста́вниче мой и храни́телю, не оста́ви мене́ погиба́юща.
Сла́ва Отцу́, и Сы́ну, и Свято́му Ду́ху.
Ум мой твое́ю моли́твою напра́ви, твори́ти ми Бо́жия повеле́ния, да получу́ от Бо́га отда́ние грехо́в, и ненави́дети ми злых наста́ви мя, молю́ся ти.
И ны́не и при́сно, и во ве́ки веко́в. Ами́нь.
Моли́ся, Деви́це, о мне, рабе́ Твое́м, ко Благода́телю, со храни́телем мои́м Áнгелом, и наста́ви мя твори́ти за́поведи Сы́на Твоего́ и Творца́ моего́.

Песнь 3

Ирмо́с: Несть свят, я́коже Ты, Го́споди Бо́же мой, вознесы́й рог ве́рных Твои́х, Бла́же, и утверди́вый нас на ка́мени испове́дания Твоего́.
Поми́луй мя, Бо́же, поми́луй мя.
Внегда́ поста́влени бу́дут престо́ли на суди́щи стра́шнем, тогда́ всех челове́к дела́ облича́тся; го́ре та́мо бу́дет гре́шным, в му́ку отсыла́емым; и то ве́дущи, душе́ моя́, пока́йся от злых дел твои́х.
Поми́луй мя, Бо́же, поми́луй мя.
Пра́ведницы возра́дуются, а гре́шнии воспла́чутся, тогда́ никто́же возмо́жет помощи́ нам, но дела́ на́ша осу́дят нас, те́мже пре́жде конца́ пока́йся от злых дел твои́х.
Поми́луй мя, Бо́же, поми́луй мя.
Увы́ мне великогре́шному, и́же де́лы и мы́сльми оскверни́вся, ни ка́пли слез име́ю от жестосе́рдия; ны́не возни́кни от земли́, душе́ моя́, и пока́йся от злых дел твои́х.
Пресвята́я Богоро́дице, спаси́ нас.
Се, взыва́ет, Госпоже́, Сын Твой, и поуча́ет нас на до́брое, аз же гре́шный добра́ всегда́ бе́гаю; но Ты, Ми́лостивая, поми́луй мя, да пока́юся от злых мои́х дел.
Пресвята́я Богоро́дице, спаси́ нас.
Предстáтельство и покро́в жи́зни моея́ полагáю Тя, Богороди́тельнице Де́во: Ты мя окорми́ ко пристáнищу Твоему́, благи́х вино́вна, ве́рных утвержде́ние, еди́на Всепе́тая.
Пресвята́я Богоро́дице, спаси́ нас.
Молю́, Де́во, душе́вное смуще́ние и печа́ли моея́ бу́рю разори́ти: Ты бо, Богоневе́стная, нача́льника тишины́ Христа́ родилá еси́, еди́на Пречи́стая.
Пресвята́я Богоро́дице, спаси́ нас.
Благоде́теля ро́ждши до́брых вино́внаго, благодея́ния бога́тство всем источи́, вся бо мо́жеши, я́ко си́льнаго в кре́пости Христа́ ро́ждши, Богоблаже́нная.
Пресвята́я Богоро́дице, спаси́ нас.
Лю́тыми неду́ги и боле́зненными страстьми́ истязáему, Де́во, Ты ми помози́: исцеле́ний бо неоску́дное Тя зна́ю сокро́вище, Пренепоро́чная, неиждивáемое.
Святы́й Áнгеле Бо́жий, храни́телю мой, моли́ Бо́га о мне.
Все помышле́ние мое́ и ду́шу мою́ к тебе́ возложи́х, храни́телю мой; ты от вся́кия мя напа́сти вра́жия изба́ви.
Святы́й Áнгеле Бо́жий, храни́телю мой, моли́ Бо́га о мне.
Враг попира́ет мя, и озлобля́ет, и поуча́ет всегда́ твори́ти своя́ хоте́ния; но ты, наста́вниче мой, не оста́ви мене́ погиба́юща.
Сла́ва Отцу́, и Сы́ну, и Свято́му Ду́ху.
Пе́ти песнь со благодаре́нием и усе́рдием Творцу́ и Бо́гу даждь ми, и тебе́, благо́му Áнгелу храни́телю моему́: изба́вителю мой, изми́ мя от враг озлобля́ющих мя.
И ны́не и при́сно, и во ве́ки веко́в. Ами́нь.
Исцели́, Пречи́стая, моя́ многонеду́жныя стру́пы, я́же в души́, прожени́ враги́, и́же при́сно бо́рются со мно́ю.
Го́споди, поми́луй. (Трижды)

Седален, глас 6-й

Помышля́ю день стра́шный и пла́чуся дея́ний мои́х лука́вых: ка́ко отвеща́ю Безсме́ртному Царю́, или́ ко́им дерзнове́нием воззрю́ на Судию́, блу́дный аз? Благоутро́бный О́тче, Сы́не Единоро́дный и Ду́ше Святы́й, поми́луй мя.
Сла́ва Отцу́, и Сы́ну, и Свято́му Ду́ху.
От любве́ душе́вныя вопию́ ти, храни́телю моея́ души́, всесвяты́й мой Áнгеле: покры́й мя и соблюди́ от лука́ваго ловле́ния всегда́, и к жи́зни наста́ви небе́сней, вразумля́я и просвеща́я и укрепля́я мя.
И ны́не и при́сно, и во ве́ки веко́в. Ами́нь.
Бо­го­ро́­ди­це безневе́стная Пре­чи́с­тая, Я́же без се́мене ро́ждши всех Вла­ды́ку, Того́ со А́н­ге­лом храни́телем мои́м моли́, изба́вити ми ся вся́каго недоуме́ния, и да́ти умиле́ние и свет души́ мое́й, и согреше́нием очище́ние, Я́же еди́на вско́ре заступа́ющи.

Песнь 4

Ирмо́с: Христо́с моя́ си́ла, Бог и Госпо́дь, честна́я Це́рковь боголе́пно пое́т, взыва́ющи от смы́сла чи́ста, о Го́споде пра́зднующи.

Поми́луй мя, Бо́же, поми́луй мя. Широ́к путь зде и уго́дный сла́сти твори́ти, но го́рько бу́дет в после́дний день, егда́ душа́ от те́ла разлуча́тися бу́дет: блюди́ся от сих, челове́че, Ца́рствия ра́ди Бо́жия.

Поми́луй мя, Бо́же, поми́луй мя. Почто́ убо́гаго оби́диши, мзду нае́мничу уде́ржуеши, бра́та твоего́ не лю́биши, блуд и го́рдость го́ниши? Оста́ви у́бо сия́, душе́ моя́, и пока́йся Ца́рствия ра́ди Бо́жия.

Поми́луй мя, Бо́же, поми́луй мя. О безу́мный челове́че, доко́ле углеба́еши, я́ко пчела́, собира́ющи бога́тство твое́? Вско́ре бо поги́бнет, я́ко прах и пе́пел; но бо́лее взыщи́ Ца́рствия Бо́жия.

Пресвята́я Богоро́дице, спаси́ нас. Госпоже́ Богоро́дице, поми́луй мя гре́шнаго, и в доброде́тели укрепи́, и соблюди́ мя, да на́глая смерть не похи́тит мя негото́ваго, и доведи́ мя, Де́во, Ца́рствия Бо́жия.

Пресвята́я Богоро́дице, спаси́ нас.
Страсте́й мои́х смуще́ние, Ко́рмчию ро́ждшая Го́спода, и бу́рю утиши́ мои́х прегреше́ний, Богоневе́стная.
Пресвята́я Богоро́дице, спаси́ нас.
Милосе́рдия Твоего́ бе́здну призыва́ющу пода́ждь ми, Я́же Благосе́рдаго ро́ждшая, и Спа́са всех пою́щих Тя.

Пресвята́я Богоро́дице, спаси́ нас. Наслажда́ющеся, Пречи́стая, Твои́х дарова́ний, благода́рственное воспева́ем пе́ние, ве́дуще Тя Богома́терь.

Пресвята́я Богоро́дице, спаси́ нас.
На одре́ боле́зни моея́ и не́мощи низлежа́щу ми, я́ко Боголюби́ва, помози́, Богоро́дице, еди́на Присноде́во.
Пресвята́я Богоро́дице, спаси́ нас.
Наде́жду и утвержде́ние, и спасе́ния сте́ну недви́жиму, иму́ще Тя, Всепе́тая, неудо́бства вся́каго избавля́емся.
Святы́й А́нгеле Бо́жий, храни́телю мой, моли́ Бо́га о мне.
Моли́ Человеколю́бца Бо́га ты, храни́телю мой, и не оста́ви мене́, но при́сно в ми́ре житие́ мое́ соблюди́, и пода́ждь ми спасе́ние необори́мое.

Святы́й А́нгеле Бо́жий, храни́телю мой, моли́ Бо́га о мне. Я́ко засту́пника и храни́теля животу́ моему́ прие́м тя от Бо́га, А́нгеле, молю́ тя, святы́й: от вся́ких мя бед свободи́.

Сла́ва Отцу́, и Сы́ну, и Свято́му Ду́ху.
Мою́ скве́рность твое́ю святы́нею очи́сти, храни́телю мой, и от ча́сти шу́ия да отлуче́н бу́ду моли́твами твои́ми, и прича́стник сла́вы явлю́ся.

И ны́не и при́сно, и во ве́ки веко́в. Ами́нь. Недоуме́ние предлежи́т ми от обыше́дших мя зол, Пречи́стая, но изба́ви мя от них ско́ро: к Тебе́ бо еди́ней прибего́х.

Песнь 5

Ирмо́с: Бо́жиим све́том Твои́м, Бла́же, у́тренюющих Ти ду́ши любо́вию озари́, молю́ся, Тя ве́дети, Сло́ве Бо́жий, и́стиннаго Бо́га, от мра́ка грехо́внаго взыва́юща.

Поми́луй мя, Бо́же, поми́луй мя. Воспомяни́, окая́нный челове́че, ка́ко лжам, клевета́м, разбо́ю, не́мощем, лю́тым звере́м, грехо́в ра́ди порабоще́н еси́; душе́ моя́ гре́шная, того́ ли восхоте́ла еси́?

Поми́луй мя, Бо́же, поми́луй мя. Трепе́щут ми у́ди, все́ми бо сотвори́х вину́: очи́ма взира́яй, уши́ма слы́шай, язы́ком зла́я глаго́ляй, всего́ себе́ гее́нне предая́й; душе́ моя́ гре́шная, сего́ ли восхоте́ла еси́?

Поми́луй мя, Бо́же, поми́луй мя. Блудника́ и разбо́йника ка́ющася прия́л еси́, Спа́се, аз же еди́н ле́ностию грехо́вною отягчи́хся, и злым дело́м порабо́тихся; душе́ моя́ гре́шная, сего́ ли восхоте́ла еси́?

Пресвята́я Богоро́дице, спаси́ нас. Ди́вная и ско́рая Помо́щнице всем челове́ком, Ма́ти Бо́жия, помози́ мне недосто́йному, душа́ бо моя́ гре́шная того́ восхоте́.

Пресвята́я Богоро́дице, спаси́ нас. Испо́лни, Чи́стая, весе́лия се́рдце мое́, Твою́ нетле́нную даю́щи ра́дость, весе́лия ро́ждшая Вино́внаго.

Пресвята́я Богоро́дице, спаси́ нас. Изба́ви нас от бед, Богоро́дице Чи́стая, ве́чное ро́ждши Избавле́ние, и Мир, всяк ум преиму́щий.

Пресвята́я Богоро́дице, спаси́ нас. Разреши́ мглу прегреше́ний мои́х, Богоневе́сто, просвеще́нием Твоея́ све́тлости, Свет ро́ждшая Боже́ственный и преве́чный.

Пресвята́я Богоро́дице, спаси́ нас. Исцели́, Чи́стая, души́ моея́ неможе́ние, посеще́ния Твоего́ сподо́бльшая, и здра́вие моли́твами Твои́ми пода́ждь ми.

Святы́й А́нгеле Бо́жий, храни́телю мой, моли́ Бо́га о мне. Я́ко име́я дерзнове́ние к Бо́гу, храни́телю мой святы́й, Сего́ умоли́ от оскорбля́ющих мя зол изба́вити.

Святы́й А́нгеле Бо́жий, храни́телю мой, моли́ Бо́га о мне.
Све́те све́тлый, све́тло просвети́ ду́шу мою́, наста́вниче мой и храни́телю, от Бо́га да́нный ми А́нгеле.

Сла́ва Отцу́, и Сы́ну, и Свято́му Ду́ху. Спя́ща мя зле тягото́ю грехо́вною я́ко бдя́ща сохрани́, А́нгеле Бо́жий, и возста́ви мя на славосло́вие моле́нием твои́м.

И ны́не и при́сно, и во ве́ки веко́в. Ами́нь.
Мари́е, Госпоже́ Богоро́дице безневе́стная, Наде́ждо ве́рных, вра́жия возноше́ния низложи́, пою́щия же Тя возвесели́.

Песнь 6

Ирмо́с: Жите́йское мо́ре воздвиза́емое зря напа́стей бу́рею, к ти́хому приста́нищу Твоему́ прите́к, вопию́ Ти: возведи́ от тли живо́т мой, Многоми́лостиве.

Поми́луй мя, Бо́же, поми́луй мя. Житие́ на земли́ блу́дно пожи́х, и ду́шу во тьму преда́х, ны́не у́бо молю́ Тя, Ми́лостивый Влады́ко: свободи́ мя от рабо́ты сея́ вра́жия, и даждь ми ра́зум твори́ти во́лю Твою́.

Поми́луй мя, Бо́же, поми́луй мя. Кто твори́т такова́я, я́коже аз? Я́коже бо свиния́ лежи́т в калу́, та́ко и аз греху́ служу́. Но Ты, Го́споди, исто́ргни мя от гну́са сего́, и даждь ми се́рдце твори́ти за́поведи Твоя́.

Поми́луй мя, Бо́же, поми́луй мя. Воспряни́, окая́нный челове́че, к Бо́гу, воспомяну́в своя́ согреше́ния, припа́дая ко Творцу́, слезя́ и стеня́; То́й же я́ко милосе́рд, даст ти ум зна́ти во́лю Свою́.

Пресвята́я Богоро́дице, спаси́ нас. Богоро́дице Де́во, от ви́димаго и неви́димаго зла сохрани́ мя, Пречи́стая, и приими́ моли́твы моя́, и донеси́ я́ Сы́ну Твоему́, да даст ми ум твори́ти во́лю Его́.

Пресвята́я Богоро́дице, спаси́ нас. Сме́рти и тли я́ко спасл есть, Сам Ся изда́в сме́рти, тле́нием и сме́ртию мое́ естество́ я́то бы́вшее, Де́во, моли́ Го́спода и Сы́на Твоего́, враго́в злоде́йствия мя изба́вити.

Пресвята́я Богоро́дице, спаси́ нас. Предста́тельницу Тя живота́ вем, и Храни́тельницу тве́рду, Де́во, и напа́стей реша́щу молвы́, и нало́ги бесо́в отгоня́ющу; и молю́ся всегда́, от тли страсте́й мои́х изба́вити мя.

Пресвята́я Богоро́дице, спаси́ нас. Я́ко сте́ну прибе́жища стяжа́хом, и душ всесоверше́нное спасе́ние, и простра́нство в ско́рбех, Отрокови́це, и просвеще́нием Твои́м при́сно ра́дуемся: о Влады́чице, и ны́не нас от страсте́й и бед спаси́.

Пресвята́я Богоро́дице, спаси́ нас. На одре́ ны́не немощству́яй лежу́, и несть исцеле́ния пло́ти мое́й; но Бо́га и Спа́са ми́ру, и Изба́вителя неду́гов ро́ждшая, Тебе́ молю́ся Благо́й: от тли неду́г возста́ви мя.

Святы́й А́нгеле Бо́жий, храни́телю мой, моли́ Бо́га о мне. Вся́ких мя напа́стей свободи́, и от печа́лей спаси́, молю́ся ти, святы́й А́нгеле, да́нный ми от Бо́га, храни́телю мой до́брый.

Святы́й А́нгеле Бо́жий, храни́телю мой, моли́ Бо́га о мне. Освети́ ум мой, бла́же, и просвети́ мя, молю́ся ти, святы́й А́нгеле, и мы́слити ми поле́зная всегда́ наста́ви мя.

Сла́ва Отцу́, и Сы́ну, и Свято́му Ду́ху.
Уста́ви се́рдце мое́ от настоя́щаго мяте́жа, и бде́ти укрепи́ мя во благи́х, храни́телю мой, и наста́ви мя чу́дно к тишине́ живо́тней.

И ны́не и при́сно, и во ве́ки веко́в. Ами́нь. Сло́во Бо́жие в Тя всели́ся, Богоро́дице, и челове́ком Тя показа́ небе́сную ле́ствицу: Тобо́ю бо к нам Вы́шний соше́л есть.

Го́споди, поми́луй. (Трижды.)

Кондак покаянного канона

Душе́ моя́, почто́ греха́ми богате́еши, почто́ во́лю диа́волю твори́ши, в чесо́м наде́жду полага́еши? Преста́ни от сих, и обрати́ся к Бо́гу с пла́чем, зову́щи: Милосе́рде Го́споди, поми́луй мя гре́шнаго.

Икос

Помы́сли, душе́ моя́, го́рький час сме́рти и стра́шный суд Творца́ твоего́ и Бо́га: А́нгели бо гро́знии по́ймут тя, душе́, и в ве́чный огнь введу́т; у́бо пре́жде сме́рти пока́йся, вопию́щи: Го́споди, поми́луй мя гре́шнаго.

Песнь 7

Ирмо́с: Росода́тельну у́бо пещь соде́ла А́нгел преподо́бным отроко́м, халде́и же опаля́ющее веле́ние Бо́жие мучи́теля увеща́ вопи́ти: благослове́н еси́, Бо́же оте́ц на́ших.

Поми́луй мя, Бо́же, поми́луй мя. Не наде́йся, душе́ моя́, на тле́нное бога́тство и на непра́ведное собра́ние, вся бо сия́ не ве́си кому́ оста́виши, но возопи́й: поми́луй мя, Христе́ Бо́же, недосто́йнаго.

Поми́луй мя, Бо́же, поми́луй мя. Не упова́й, душе́ моя́, на теле́сное здра́вие и на скоромимоходя́щую красоту́: ви́диши бо, я́ко си́льнии и млади́и умира́ют; но возопи́й: поми́луй мя, Христе́ Бо́же, недосто́йнаго.

Поми́луй мя, Бо́же, поми́луй мя. Воспомяни́, душе́ моя́, ве́чное житие́, Ца́рство Небе́сное, угото́ванное святы́м, и тьму кроме́шнюю, и гнев Бо́жий злым, и возопи́й: поми́луй мя, Христе́ Бо́же, недосто́йнаго.

Пресвята́я Богоро́дице, спаси́ нас. Припади́, душе́ моя́, к Бо́жией Ма́тери, и помоли́ся Той: есть бо ско́рая Помо́щница ка́ющимся, умо́лит Сы́на Христа́ Бо́га, и поми́лует мя недосто́йнаго.

Пресвята́я Богоро́дице, спаси́ нас. На́ше спасе́ние я́коже восхоте́л еси́, Спа́се, устро́ити, во утро́бу Де́выя всели́лся еси́, Ю́же ми́ру Предста́тельницу показа́л еси́: оте́ц на́ших Бо́же, благослове́н еси́.

Пресвята́я Богоро́дице, спаси́ нас. Воли́теля ми́лости, Его́же родила́ еси́, Ма́ти Чи́стая, умоли́ изба́витися от прегреше́ний и душе́вных скверн ве́рою зову́щим: оте́ц на́ших Бо́же, благослове́н еси́.

Пресвята́я Богоро́дице, спаси́ нас. Сокро́вище спасе́ния и исто́чник нетле́ния, Тя ро́ждшую, и столп утвержде́ния, и дверь покая́ния, зову́щим показа́л еси́: оте́ц на́ших Бо́же, благослове́н еси́.

Пресвята́я Богоро́дице, спаси́ нас. Теле́сныя сла́бости и душе́вныя неду́ги, Богороди́тельнице, любо́вию приступа́ющих к кро́ву Твоему́, Де́во, исцели́ти сподо́би, Спа́са Христа́ нам ро́ждшая.

Святы́й А́нгеле Бо́жий, храни́телю мой, моли́ Бо́га о мне. Ми́лостив бу́ди ми и умоли́ Бо́га, Госпо́день А́нгеле: име́ю бо тя засту́пника во всем животе́ мое́м, наста́вника же и храни́теля, от Бо́га дарова́ннаго ми во ве́ки.

Святы́й А́нгеле Бо́жий, храни́телю мой, моли́ Бо́га о мне. Не оста́ви в путь ше́ствующия души́ моея́ окая́нныя уби́ти разбо́йником, святы́й А́нгеле, я́же ти от Бо́га предана́ бысть непоро́чне, но наста́ви ю́на путь покая́ния.

Сла́ва Отцу́, и Сы́ну, и Свято́му Ду́ху. Всю посра́млену ду́шу мою́ привожду́ от лука́вых ми по́мысл и дел; но предвари́, наста́вниче мой, и исцеле́ние ми пода́ждь благи́ми по́мыслы, уклоня́ти ми ся всегда́ на пра́выя стези́.

И ны́не и при́сно, и во ве́ки веко́в. Ами́нь. Прему́дрости испо́лни всех и кре́пости Боже́ственныя, Ипоста́сная Прему́дросте Вы́шняго, Богоро́дицы ра́ди, ве́рою вопию́щих: оте́ц на́ших Бо́же, благослове́н еси́.

Песнь 8

Ирмо́с: Из пла́мене преподо́бным ро́су источи́л еси́, и пра́веднаго же́ртву водо́ю попали́л еси́: вся́ бо твори́ши, Христе́, то́кмо е́же хоте́ти. Тя превозно́сим во вся ве́ки.

Поми́луй мя, Бо́же, поми́луй мя. Ка́ко не и́мам пла́катися, егда́ помышля́ю смерть? Ви́дех бо во гро́бе лежа́ща бра́та моего́, безсла́вна и безобра́зна. Что у́бо ча́ю, и на что наде́юся? То́кмо даждь ми, Го́споди, пре́жде конца́ покая́ние. (Дважды.)

Ве́рую, я́ко прии́деши суди́ти живы́х и ме́ртвых, и вси во свое́м чи́ну ста́нут, ста́рии и млади́и, влады́ки и кня́зи, де́вы и свяще́нницы; где обря́щуся аз? Сего́ ра́ди вопию́: даждь ми, Го́споди, пре́жде конца́ покая́ние.

Пресвята́я Богоро́дице, спаси́ нас. Пречи́стая Богоро́дице, приими́ недосто́йную моли́тву мою́, и сохрани́ мя от на́глыя сме́рти, и да́руй ми пре́жде конца́ покая́ние.

Пресвята́я Богоро́дице, спаси́ нас. По́мощи я́же от Тебе́ тре́бующия не пре́зри, Де́во, пою́щия и превознося́щия Тя во ве́ки.

Пресвята́я Богоро́дице, спаси́ нас.
Неможе́ние души́ моея́ исцеля́еши, и теле́сныя боле́зни, Де́во, да Тя просла́влю, Чи́стая, во ве́ки.
Пресвята́я Богоро́дице, спаси́ нас.
Исцеле́ний бога́тство излива́еши ве́рно пою́щим Тя, Де́во, и превознося́щим неизрече́нное Твое́ Рождество́. Напа́стей Ты прило́ги отгоня́еши, и страсте́й нахо́ды, Де́во: те́м же Тя пое́м во вся ве́ки.
Святы́й А́нгеле Бо́жий, храни́телю мой, моли́ Бо́га о мне.
От Бо́га по́сланный, утверди́ живо́т мой, раба́ твоего́, преблаги́й А́нгеле, и не оста́ви мене́ во ве́ки.
Святы́й А́нгеле Бо́жий, храни́телю мой, моли́ Бо́га о мне.
А́нгела тя су́ща бла́га, души́ моея́ наста́вника и храни́теля, преблаже́нне, воспева́ю во ве́ки.

Сла́ва Отцу́, и Сы́ну, и Свято́му Ду́ху. Бу́ди ми покро́в и забра́ло в день испыта́ния всех челове́к, во́ньже огне́м искуша́ются дела́ блага́я же и зла́я.

И ны́не и при́сно, и во ве́ки веко́в. Ами́нь. Бу́ди ми помо́щница и тишина́, Богоро́дице Присноде́во, рабу́ Твоему́, и не оста́ви мене́ лише́на бы́ти Твоего́ влады́чества.

Песнь 9

Ирмо́с: Бо́га челове́ком невозмо́жно ви́дети, на Него́же не сме́ют чи́ни А́нгельстии взира́ти; Тобо́ю же, Всечи́стая, яви́ся челове́ком Сло́во воплоще́нно; Его́же велича́юще, с Небе́сными во́и Тя ублажа́ем.
Поми́луй мя, Бо́же, поми́луй мя.
Ны́не к вам прибега́ю, А́нгели, Арха́нгели, и вся Небе́сныя Си́лы, у Престо́ла Бо́жия стоя́щии, моли́теся ко Творцу́ своему́, да изба́вит ду́шу мою́ от му́ки ве́чныя.

Поми́луй мя, Бо́же, поми́луй мя. Ны́не пла́чуся к вам, святи́и патриа́рси, ца́рие и проро́цы, апо́столи и святи́тели, и вси избра́ннии Христо́вы: помози́те ми на Суде́, да спасе́т ду́шу мою́ от си́лы вра́жия.

Поми́луй мя, Бо́же, поми́луй мя. Ны́не к вам воздежу́ ру́це, святи́и му́ченицы, пусты́нницы, де́вственницы, пра́ведницы, и вси святи́и, моля́щиися ко Го́споду за весь мир, да поми́лует мя в час сме́рти моея́.

Пресвята́я Богоро́дице, спаси́ нас.
Ма́ти Бо́жия, помози́ ми, на Тя си́льне наде́ющемуся, умоли́ Сы́на Своего́, да поста́вит мя недосто́йнаго одесну́ю Себе́, егда́ ся́дет судя́й живы́х и ме́ртвых. Ами́нь.
Пресвята́я Богоро́дице, спаси́ нас.
То́ка слез мои́х не отврати́ся, Я́же от вся́каго лица́ вся́ку сле́зу отъе́мшаго, Де́во, Христа́ ро́ждшая.
Пресвята́я Богоро́дице, спаси́ нас.
Ра́дости мое́ се́рдце испо́лни, Де́во, Я́же ра́дости прие́мшая исполне́ние, грехо́вную печа́ль потребля́ющи.
Пресвята́я Богоро́дице, спаси́ нас.
Приста́нище и предста́тельство к Тебе́ прибега́ющих бу́ди, Де́во, и стена́ неруши́мая, прибе́жище же и покро́в и весе́лие.
Пресвята́я Богоро́дице, спаси́ нас.
Све́та Твоего́ заря́ми просвети́, Де́во, мрак неве́дения отгоня́ющи, благове́рно Богоро́дицу Тя испове́дающих.
Пресвята́я Богоро́дице, спаси́ нас.
На ме́сте озлобле́ния не́мощи, смири́вшагося, Де́во, исцели́, из нездра́вия во здра́вие претворя́ющи.
Го́споди Иису́се Христе́, Бо́же мой, поми́луй мя.
Поми́луй мя, еди́не Спа́се мой, я́ко ми́лостив еси́ и милосе́рд, и пра́ведных лико́в сотвори́мя прича́стника.
Святы́й А́нгеле Бо́жий, храни́телю мой, моли́ Бо́га о мне.
Мы́слити ми при́сно и твори́ти, Госпо́день А́нгеле, блага́я и поле́зная да́руй, я́ко си́льна яви́ в не́мощи и непоро́чна.
Сла́ва Отцу́, и Сы́ну, и Свято́му Ду́ху.
Я́ко име́я дерзнове́ние к Царю́ Небе́сному, Того́ моли́, с про́чими безпло́тными, поми́ловати мя окая́ннаго.
И ны́не и при́сно, и во ве́ки веко́в. Ами́нь.
Мно́го дерзнове́ние иму́щи, Де́во, к Вопло́щшемуся из Тебе́, преложи́ мя от уз, и разреше́ние ми пода́ждь и спасе́ние, моли́твами Твои́ми.

Молитва ко Господу нашему Иисусу Христу

Влады́ко Христе́ Бо́же, И́же Страстьми́ Твои́ми стра́сти моя́ исцели́вый, и я́звами Твои́ми я́звы моя́ уврачева́вый, да́руй мне, мно́го Тебе́ прегреши́вшему, сле́зы умиле́ния; сраствори́ моему́ те́лу от обоня́ния Животворя́щаго Те́ла Твоего́, и наслади́ ду́шу мою́ Твое́ю Честно́ю Кро́вию, от го́рести, е́юже мя сопроти́вник напои́; возвы́си мой ум к Тебе́, до́лу пони́кший, и возведи́ от про́пасти поги́бели, я́ко не и́мам покая́ния, не и́мам умиле́ния, не и́мам слезы́ уте́шительныя, возводя́щия ча́да ко своему́ насле́дию. Омрачи́хся умо́м в жите́йских страсте́х, не могу́ воззре́ти к Тебе́ в боле́зни, не могу́ согре́тися слеза́ми я́же к Тебе́ любве́. Но, Влады́ко Го́споди Иису́се Христе́, Сокро́вище благи́х, да́руй мне покая́ние всеце́лое и се́рдце люботру́дное во взыска́ние Твое́, да́руй мне благода́ть Твою́, и обнови́ во мне зра́ки Твоего́ о́браза. Оста́вих Тя, не оста́ви мене́; изы́ди на взыска́ние мое́, возведи́ к па́жити Твое́й, и сопричти́ мя овца́м избра́ннаго Твоего́ ста́да, воспита́й мя с ни́ми от зла́ка Боже́ственных Твои́х Та́инств, моли́твами Пречи́стыя Твоея́ Ма́тере, и всех святы́х Твои́х. Ами́нь.

Молитвы ко Пресвятой Богородице

Цари́це моя́ преблага́я, Наде́ждо моя́ Богоро́дице, Прия́телище си́рых, и стра́нных Предста́тельнице, скорбя́щих Ра́досте, оби́димых Покрови́тельнице! Зри́ши мою́ беду́, зри́ши мою́ скорбь, помози́ ми я́ко не́мощну, окорми́ мя я́ко стра́нна. Оби́ду мою́ ве́си, разреши́ ту, я́ко во́лиши: я́ко не и́мам ины́я по́мощи ра́зве Тебе́, ни ины́я Предста́тельницы, ни благи́я Уте́шительницы, то́кмо Тебе́, о Богома́ти; я́ко да сохрани́ши мя и покры́еши во ве́ки веко́в. Ами́нь.

Молитва Ангелу хранителю

О святы́й Ангеле, храни́телю и покрови́телю мой благи́й! С сокруше́нным се́рдцем и боле́зненною душе́ю предстою́ ти, моля́ся: услы́ши мя, гре́шнаго раба́ твоего́ (имя), с во́плем кре́пким и пла́чем го́рьким вопию́щаго: не помяни́ мои́х беззако́ний и непра́вд, и́миже аз окая́нный прогневля́ю тя по вся дни и часы́, и ме́рзостна себе́ творю́ пред Созда́телем на́шим Го́сподем; яви́ся мне милосе́рд и не отлуча́йся мене́ скве́рнаго да́же до кончи́ны моея́; возбуди́ мя от сна грехо́внаго и посо́бствуй твои́ми моли́твами про́чее время живота́ моего́ без поро́ка прейти́ и сотвори́ти плоды́ досто́йны покая́ния, па́че же от сме́ртных паде́ний грехо́вных соблюди́ мя, да не поги́бну во отча́янии и да не пора́дуется враг о поги́бели мое́й. Вем вои́стину и усты́ испове́дую, я́ко никто́же тако́в друг и предста́тель, защи́титель и побо́рник, я́коже ты, святы́й Ангеле: предстоя́ бо Престо́лу Госпо́дню, мо́лишися о мне непотре́бнем и па́че всех гре́шнейшем, да не изы́мет Преблаги́й души́ моея́ в день неча́яния моего́ и в день творе́ния зло́бы. Не преста́й у́бо умилостивля́я премилосе́рдаго Го́спода и Бо́га моего́, да отпу́стит согреше́ния моя́, я́же сотвори́х во все́м житии́ мое́м, де́лом, сло́вом и все́ми мои́ми чу́вствы, и и́миже весть судьба́ми, да спасе́т мя: да нака́жет мя зде по Свое́й неизрече́нней ми́лости, но да не обличи́т и не истя́жет мя она́мо по Своему́ нелицеприя́тному правосу́дию; да сподо́бит мя покая́ние принести́, с покая́нием же Боже́ственное Причаще́ние досто́йне прия́ти, о сем па́че молю́, и такова́го да́ра всеусе́рдно жела́ю. В стра́шный же час сме́рти неотсту́пен буди ми, благи́й храни́телю мой, прогоня́я мра́чныя де́моны, иму́щия устраши́ти притре́петную ду́шу мою́: защити́ мя от тех ловле́ния, егда́ и́мам преходи́ти возду́шная мыта́рства, да храни́мь тобо́ю, безбе́дно дости́гну рая́ ми вожделе́ннаго, иде́же ли́цы святы́х и го́рних Сил непреста́нно восхваля́ют всечестно́е и великоле́пое и́мя в Тро́ице сла́вимаго Бо́га, Отца́, и Сы́на, и Свята́го Ду́ха, Ему́же подоба́ет честь и поклоне́ние во ве́ки веко́в. Ами́нь.

Окончание молитв

Досто́йно есть я́ко вои́стинну блажи́ти Тя Богоро́дицу, Присноблаже́нную, и Пренепоро́чную, и Ма́терь Бо́га на́шего. Честне́йшую Херуви́м, и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.

Сла́ва Отцу́, и Сы́ну, и Свято́му Ду́ху, и ны́не и при́сно, и во ве́ки веко́в. Ами́нь.

Го́споди, поми́луй. (Трижды.)

Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших, и всех святы́х, поми́луй нас. Ами́нь.

Мо­ли́т­вами свя­ты́х оте́ц на́ших, Го́с­по­ди Ии­су́­се Хри­сте́, Бо́­же наш, поми́луй нас. Ами́нь. (1) 

Сла́ва Тебе́, Бо́­же наш, сла́ва Тебе́.

Ца­рю́ Не­бе́с­ный, Уте́шителю, Ду́­ше и́стины, И́же везде́ сый и вся исполня́яй, Сокро́вище бла­ги́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спа­си́, Бла́­же, ду́ши на́ша. (2)

Свя­ты́й Бо́­же, Свя­ты́й Кре́п­кий, Свя­ты́й Без­сме́рт­ный, поми́луй нас. (Трижды.)

Сла́ва От­цу́, и Сы́­ну, и Свя­то́­му Ду́­ху, и ны́не и при́сно, и во ве́ки веко́в. Ами́нь.

Пре­свя­та́я Тро́и­це, поми́луй нас; Го́с­по­ди, очи́сти грехи́ на́ша; Вла­ды́ко, прости́ беззако́ния на́ша; Свя­ты́й, посети́ и исцели́ не́мощи на́ша, и́мене Твоего́ ра́ди.

Го́споди, поми́луй. (Трижды.)

Сла́ва От­цу́, и Сы́­ну, и Свя­то́­му Ду́­ху, и ны́не и при́сно, и во ве́ки веко́в. Ами́нь.

О́т­че наш, И́же еси́ на Не­бе­се́х! Да свя­ти́тся и́мя Твое́, да прии́дет Ца́р­ст­вие Твое́, да бу́дет во́ля Твоя́, я́ко на Не­бе­си́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Го́споди, поми́луй. (12 раз.)

Прииди́те, поклони́мся Царе́ви на́шему Бо́гу. (Поклон)

Прииди́те, поклони́мся и припаде́м Христу́, Царе́ви на́шему Бо́гу. (Поклон)

Прииди́те, поклони́мся и припаде́м Самому́ Христу́, Царе́ви и Бо́гу на́шему. (Поклон)

Глас 6-й

Песнь 1

Ирмо́с: Я́ко по су́ху пешеше́ствовав Из­ра́­иль, по бе́здне стопа́ми, гони́теля фарао́на ви́дя потопля́ема, Бо́­гу побе́дную песнь пои́м, вопия́ше.

Припев: Поми́луй мя, Бо́­же, поми́луй мя.

Ны́не приступи́х аз гре́шный и обремене́нный к Тебе́, Вла­ды́це и Бо́­гу моему́; не сме́ю же взира́ти на не́­бо, то́кмо молю́ся, глаго́ля: даждь ми, Го́с­по­ди, ум, да пла́чуся дел мои́х го́рько.

Поми́луй мя, Бо́­же, поми́луй мя.

О, го́ре мне гре́шному! Па́че всех челове́к окая́нен есмь, покая́ния несть во мне; даждь ми, Го́с­по­ди, сле́зы, да пла́чуся дел мои́х го́рько.

Поми́луй мя, Бо́­же, поми́луй мя.

Безу́мне окая́нне челове́че, в ле́ности вре́мя губи́ши; помы́сли житие́ твое́, и обрати́ся ко Го́с­по­ду Бо́­гу, и пла́чися о де́лех твои́х го́рько.

Пре­свя­та́я Бо­го­ро́­ди­це, спа­си́ нас.

Богородичен: Ма́­ти Бо́­жия Пре­чи́с­тая, воззри́ на мя гре́шнаго, и от се́ти диа́воли изба́ви мя, и на путь покая́ния наста́ви мя, да пла́чуся дел мои́х го́рько.

Пре­свя­та́я Бо­го­ро́­ди­це, спа­си́ нас.

Мно́гими содержи́мь напа́стьми, к Тебе́ прибега́ю, спа­се́ния иски́й: о Ма́­ти Сло́ва и Де́­во, от тя́жких и лю́тых мя спа­си́.

Пре­свя­та́я Бо­го­ро́­ди­це, спа­си́ нас.

Страсте́й мя смуща́ют прило́зи, мно́гаго уны́ния испо́лнити мою́ ду́шу; умири́, Отрокови́це, тишино́ю Сы́­на и Бо́­га Твоего́, Всенепоро́чная.

Пре­свя­та́я Бо­го­ро́­ди­це, спа­си́ нас.

Спа́­са ро́ждшую Тя и Бо́­га, молю́, Де́­во, изба́витися ми лю́тых; к Тебе́ бо ны́не прибега́я, простира́ю и ду́шу и помышле́ние.

Пре­свя­та́я Бо­го­ро́­ди­це, спа­си́ нас.

Неду́гующа те́лом и душе́ю, посеще́ния Бо­же́­ст­веннаго и промышле́ния от Тебе́ сподо́би, еди́на Бо­гома́­ти, я́ко бла­га́я, Бла­га́го же Роди́тельница.

Го́споди Ии­су́­се Хри­сте́, Бо́­же мой, поми́луй мя.

Иисусу: Песнь воспе́ти и восхвали́ти, Спа́­се, Твоего́ раба́ досто́йно сподо́би, безпло́тному А́н­ге­лу, наста́внику и храни́телю моему́. (3)

Свя­ты́й А́н­ге­ле Бо́­жий, храни́телю мой, моли́ Бо́­га о мне.

Еди́н аз в неразу́мии и в ле́ности ны́не лежу́, наста́вниче мой и храни́телю, не оста́ви мене́ погиба́юща.

Сла́ва От­цу́, и Сы́­ну, и Свя­то́­му Ду́­ху.

Ум мой твое́ю мо­ли́т­вою напра́ви, твори́ти ми Бо́­жия повеле́ния, да получу́ от Бо́­га отда́ние грехо́в, и ненави́дети ми злых наста́ви мя, молю́ся ти.

И ны́не и при́сно, и во ве́ки веко́в. Ами́нь.

Моли́ся, Де­ви́це, о мне, рабе́ Твое́м, ко Бла­года́телю, со храни́телем мои́м А́н­ге­лом, и наста́ви мя твори́ти за́поведи Сы́­на Твоего́, и Творца́ моего́.

Песнь 3

Ирмо́с: Несть свят, я́коже Ты, Го́с­по­ди Бо́­же мой, вознесы́й рог ве́рных Твои́х, Бла́­же, и утверди́вый нас на ка́мени испове́дания Твоего́.

Поми́луй мя, Бо́­же, поми́луй мя.

Внегда́ поста́влени бу́дут престо́ли на Суди́щи Стра́шнем, тогда́ всех челове́к дела́ облича́тся; го́ре та́мо бу́дет гре́шным, в му́ку отсыла́емым; и то ве́дущи, душе́ моя́, пока́йся от злых дел твои́х.

Поми́луй мя, Бо́­же, поми́луй мя.

Пра́­вед­ницы возра́дуются, а гре́шнии воспла́чутся, тогда́ никто́же возмо́жет помощи́ нам, но дела́ на́ша осу́дят нас; те́мже пре́жде конца́ пока́йся от злых дел твои́х.

Поми́луй мя, Бо́­же, поми́луй мя.

Увы́ мне великогре́шному, и́же де́лы и мы́сльми оскверни́вся, ни ка́пли слез име́ю от жестосе́рдия; ны́не возни́кни от земли́, душе́ моя́, и пока́йся от злых дел твои́х.

Пре­свя­та́я Бо­го­ро́­ди­це, спа­си́ нас.

Богородичен: Се, взыва́ет, Гос­по­же́, Сын Твой, и поуча́ет нас на до́брое, аз же гре́шный добра́ всегда́ бе́гаю; но Ты, Ми́­ло­стивая, поми́луй мя, да пока́юся от злых мои́х дел.

Пре­свя­та́я Бо­го­ро́­ди­це, спа­си́ нас.

Предста́тельство и покро́в жи́зни моея́ полага́ю Тя, Бо­городи́тельнице Де́­во: Ты мя окорми́ ко приста́нищу Твоему́, бла­ги́х вино́вна, ве́рных Утвержде́ние, еди́на Всепе́тая.

Пре­свя­та́я Бо­го­ро́­ди­це, спа­си́ нас.

Молю́, Де́­во, душе́вное смуще́ние и печа́ли моея́ бу́рю разори́ти: Ты бо, Бо­гоневе́стная, Нача́льника тишины́ Хри­ста́ родила́ еси́, еди́на Пре­чи́с­тая.

Пре­свя­та́я Бо­го­ро́­ди­це, спа­си́ нас.

Бла­годе́теля ро́ждши до́брых вино́внаго, бла­годея́ния бога́тство всем источи́: вся́ бо мо́жеши, я́ко си́льнаго в кре́пости Хри­ста́ ро́ждши, Бо­гобла­же́нная.

Пре­свя­та́я Бо­го­ро́­ди­це, спа­си́ нас.

Лю́тыми неду́ги и боле́зненными страстьми́ истяза́ему, Де́­во, Ты ми помози́: исцеле́ний бо неоску́дное Тя зна́ю Сокро́вище, Пренепоро́чная, неиждива́емое.

Свя­ты́й А́н­ге­ле Бо́­жий, храни́телю мой, моли́ Бо́­га о мне.

Все помышле́ние мое́ и ду́шу мою́ к тебе́ возложи́х, храни́телю мой: ты от вся́кия мя напа́сти вра́жия изба́ви.

Свя­ты́й А́н­ге­ле Бо́­жий, храни́телю мой, моли́ Бо́­га о мне.

Враг попира́ет мя, и озлобля́ет, и поуча́ет всегда́ твори́ти своя́ хоте́ния; но ты, наста́вниче мой, не оста́ви мене́ погиба́юща.

Сла́ва От­цу́, и Сы́­ну, и Свя­то́­му Ду́­ху.

Пе́ти песнь со бла­годаре́нием и усе́рдием Творцу́ и Бо́­гу даждь ми, и тебе́, бла­го́му А́н­ге­лу храни́телю моему́: изба́вителю мой, изми́ мя от враг озлобля́ющих мя.

И ны́не и при́сно, и во ве́ки веко́в. Ами́нь.

Исцели́, Пре­чи́с­тая, моя́ многонеду́жныя стру́пы, я́же в души́, прожени́ враги́, и́же при́сно бо́рются со мно́ю.

Кондак Пресвятой Богородице, глас 6-й

Не и́мамы ины́я по́мощи, не и́мамы ины́е наде́жды, ра́зве Тебе́, Пречи́стая Де́во, Ты нам помози́, на Тебе́ наде́емся, и Тобо́ю хва́лимся, Твои́ бо есмы́ раби́, да не постыди́мся.

Кондак Ангелу-Хранителю, глас 4-й

Яви́ся мне ми­ло­се́р­д, свя­ты́й А́н­ге­ле Гос­по́­день, храни́телю мой, и не отлуча́йся от мене́ скве́рнаго, но просвети́ мя све́том неприкоснове́нным, и сотвори́ мя досто́йна Ца́р­ст­вия Не­бе́с­наго.

Икос Ангелу-Хранителю

Уничиже́нную ду́шу мою́ мно́гими собла́зны, ты, свя­ты́й предста́телю, неизрече́нныя сла́вы Не­бе́с­ныя сподо́би, и певе́ц с ли́ки безпло́тных Сил Бо́­жиих, поми́луй мя и сохрани́, и по́мыслы до́брыми ду́шу мою́ просвети́, да твое́ю сла́вою, А́н­ге­ле мой, обогащу́ся, и низложи́ зломы́слящия мне враги́, и сотвори́ мя досто́йна Ца́р­ст­вия Не­бе́с­наго.

Седален Господу Иисусу Христу, глас 6-й

Помышля́ю день стра́шный, и пла́чуся дея́ний мои́х лука́вых: ка́ко отвеща́ю Безсме́ртному Ца­рю́, или́ ко́им дерзнове́нием воззрю́ на Судию́, блу́дный аз? Бла­гоутро́бный О́т­че, Сы́­не Единоро́дный, и Ду́­ше Свя­ты́й, поми́луй мя.

Сла́ва От­цу́, и Сы́­ну, и Свя­то́­му Ду́­ху.

Седален Ангелу-Хранителю, глас 2-й

От любве́ душе́вныя вопию́ ти, храни́телю моея́ души́, все­свя­ты́й мой А́н­ге­ле: покры́й мя и соблюди́ от лука́ваго ловле́ния всегда́, и к жи́зни наста́ви Не­бе́с­ней, вразумля́я, и просвеща́я, и укрепля́я мя.

И ны́не и при́сно, и во ве́ки веко́в. Ами́нь.

Бо­городичен: Бо­го­ро́­ди­це безневе́стная Пре­чи́с­тая, Я́же без се́мене ро́ждши всех Вла­ды́ку, Того́ со А́н­ге­лом храни́телем мои́м моли́, изба́вити ми ся вся́каго недоуме́ния, и да́ти умиле́ние и свет души́ мое́й, и согреше́нием очище́ние, Я́же еди́на вско́ре заступа́ющи.

Песнь 4

Ирмо́с: Хри­сто́с моя́ си́ла, Бог и Гос­по́дь, че­ст­на́я Це́р­ковь бо­голе́пно пое́т, взыва́ющи от смы́сла чи́ста, о Го́с­по­де пра́зднующи.

Поми́луй мя, Бо́­же, поми́луй мя.

Широ́к путь зде и уго́дный сла́сти твори́ти, но го́рько бу́дет в после́дний день, егда́ душа́ от те́ла разлуча́тися бу́дет: блюди́ся от сих, челове́че, Ца́р­ст­вия ра́ди Бо́­жия.

Поми́луй мя, Бо́­же, поми́луй мя.

Почто́ убо́гаго оби́диши, мзду нае́мничу уде́ржуеши, бра́та твоего́ не лю́биши, блуд и го́рдость го́ниши? Оста́ви у́бо сия́, душе́ моя́, и пока́йся Ца́р­ст­вия ра́ди Бо́­жия.

Поми́луй мя, Бо́­же, поми́луй мя.

О безу́мный челове́че, доко́ле углеба́еши, я́ко пчела́, собира́ющи бога́тство твое́? Вско́ре бо поги́бнет, я́ко прах и пе́пел; но бо́лее взыщи́ Ца́р­ст­вия Бо́­жия.

Пре­свя­та́я Бо­го­ро́­ди­це, спа­си́ нас.

Бо­городичен: Гос­по­же́ Бо­го­ро́­ди­це, поми́луй мя гре́шнаго, и в доброде́тели укрепи́, и соблюди́ мя, да на́глая смерть не похи́тит мя негото́ваго, и доведи́ мя, Де́­во, Ца́р­ст­вия Бо́­жия.

Пре­свя­та́я Бо­го­ро́­ди­це, спа­си́ нас.

Страсте́й мои́х смуще́ние, Ко́рмчию ро́ждшая Го́с­по­да, и бу́рю утиши́ мои́х прегреше́ний, Бо­гоневе́стная.

Пре­свя­та́я Бо­го­ро́­ди­це, спа­си́ нас.

Ми­ло­се́р­дия Твоего́ бе́здну призыва́ющу пода́ждь ми, Я́же Бла­госе́рдаго ро́ждшая, и Спа́­са всех пою́щих Тя.

Пре­свя­та́я Бо­го­ро́­ди­це, спа­си́ нас.

Наслажда́ющеся, Пре­чи́с­тая, Твои́х дарова́ний, бла­года́рственное воспева́ем пе́ние, ве́дуще Тя Бо­гома́­те­рь.

Пре­свя­та́я Бо­го­ро́­ди­це, спа­си́ нас.

На одре́ боле́зни моея́ и не́мощи низлежа́щу ми, я́ко Боголюби́ва, помози́, Бо­го­ро́­ди­це, еди́на При­сно­де́­во.

Пре­свя­та́я Бо­го­ро́­ди­це, спа­си́ нас.

Наде́жду и утвержде́ние, и спа­се́ния сте́ну недви́жиму, иму́ще Тя, Всепе́тая, неудо́бства вся́каго избавля́емся.

Свя­ты́й А́н­ге­ле Бо́­жий, храни́телю мой, моли́ Бо́­га о мне.

Моли́ Че­ло­веколю́бца Бо́­га ты, храни́телю мой, и не оста́ви мене́, но при́сно в ми́ре житие́ мое́ соблюди́, и пода́ждь ми спа­се́ние необори́мое.

Свя­ты́й А́н­ге­ле Бо́­жий, храни́телю мой, моли́ Бо́­га о мне.

Я́ко засту́пника и храни́теля животу́ моему́ прие́м тя от Бо́­га, А́н­ге­ле, молю́ тя, свя­ты́й: от вся́ких мя бед свободи́.

Сла́ва От­цу́, и Сы́­ну, и Свя­то́­му Ду́­ху.

Мою́ скве́рность твое́ю свя­ты́нею очи́сти, храни́телю мой, и от ча́сти шу́ия да отлуче́н бу́ду мо­ли́т­вами твои́ми, и прича́стник сла́вы явлю́ся.

И ны́не и при́сно, и во ве́ки веко́в. Ами́нь.

Недоуме́ние предлежи́т ми от обыше́дших мя зол, Пре­чи́с­тая, но изба́ви мя от них ско́ро: к Тебе́ бо еди́ней прибего́х.

Песнь 5

Ирмо́с: Бо́­жиим све́том Твои́м, Бла́­же, у́тренюющих Ти ду́ши любо́вию озари́, молю́ся, Тя ве́дети, Сло́ве Бо́­жий, и́стиннаго Бо́­га, от мра́ка грехо́внаго взыва́юща.

Поми́луй мя, Бо́­же, поми́луй мя.

Воспомяни́, окая́нный челове́че, ка́ко лжам, клевета́м, разбо́ю, не́мощем, лю́тым звере́м, грехо́в ра́ди порабоще́н еси́; душе́ моя́ гре́шная, того́ ли восхоте́ла еси́?

Поми́луй мя, Бо́­же, поми́луй мя.

Трепе́щут ми у́ди, все́ми бо сотвори́х вину́: очи́ма взира́яй, уши́ма слы́шай, язы́ком зла́я глаго́ляй, всего́ себе́ гее́нне предая́й; душе́ моя́ гре́шная, сего́ ли восхоте́ла еси́?

Поми́луй мя, Бо́­же, поми́луй мя.

Блудника́ и разбо́йника ка́ющася прия́л еси́, Спа́­се, аз же еди́н ле́ностию грехо́вною отягчи́хся, и злым дело́м порабо́тихся; душе́ моя́ гре́шная, сего́ ли восхоте́ла еси́?

Пре­свя­та́я Бо­го­ро́­ди­це, спа­си́ нас.

Бо­городичен: Ди́вная и ско́рая Помо́щнице всем челове́ком, Ма́­ти Бо́­жия, помози́ мне недосто́йному, душа́ бо моя́ гре́шная того́ восхоте́.

Пре­свя­та́я Бо­го­ро́­ди­це, спа­си́ нас.

Испо́лни, Чи́с­тая, весе́лия се́рдце мое́, Твою́ нетле́нную даю́щи ра́дость, весе́лия ро́ждшая Вино́внаго.

Пре­свя­та́я Бо­го­ро́­ди­це, спа­си́ нас.

Изба́ви нас от бед, Бо­го­ро́­ди­це Чи́с­тая, ве́чное ро́ждши Избавле́ние, и Мир, всяк ум преиму́щий.

Пре­свя­та́я Бо­го­ро́­ди­це, спа­си́ нас.

Разреши́ мглу прегреше́ний мои́х, Бо­гоневе́сто, просвеще́нием Твоея́ све́тлости, Свет ро́ждшая Бо­же́­ст­венный и преве́чный.

Пре­свя­та́я Бо­го­ро́­ди­це, спа­си́ нас.

Исцели́, Чи́с­тая, души́ моея́ неможе́ние, посеще́ния Твоего́ сподо́бльшая, и здра́вие мо­ли́т­вами Твои́ми пода́ждь ми.

Свя­ты́й А́н­ге­ле Бо́­жий, храни́телю мой, моли́ Бо́­га о мне.

Я́ко име́я дерзнове́ние к Бо́­гу, храни́телю мой свя­ты́й, Сего́ умоли́ от оскорбля́ющих мя зол изба́вити.

Свя­ты́й А́н­ге­ле Бо́­жий, храни́телю мой, моли́ Бо́­га о мне.

Све́те све́тлый, све́тло просвети́ ду́шу мою́, наста́вниче мой и храни́телю, от Бо́­га да́нный ми А́н­ге­ле.

Сла́ва От­цу́, и Сы́­ну, и Свя­то́­му Ду́­ху.

Спя́ща мя зле тягото́ю грехо́вною я́ко бдя́ща сохрани́, А́н­ге­ле Бо́­жий, и возста́ви мя на славосло́вие моле́нием твои́м.

И ны́не и при́сно, и во ве́ки веко́в. Ами́нь.

Ма­ри́е, Гос­по­же́ Бо­го­ро́­ди­це безневе́стная, Наде́ждо ве́рных, вра́жия возноше́ния низложи́, пою́щия же Тя возвесели́.

Песнь 6

Ирмо́с: Жите́йское мо́ре воздвиза́емое зря напа́стей бу́рею, к ти́хому приста́нищу Твоему́ прите́к, вопию́ Ти: возведи́ от тли живо́т мой, Многоми́­ло­стиве.

Поми́луй мя, Бо́­же, поми́луй мя.

Житие́ на земли́ блу́дно пожи́х, и ду́шу во тьму преда́х, ны́не у́бо молю́ Тя, Ми́­ло­стивый Вла­ды́ко: свободи́ мя от рабо́ты сея́ вра́жия, и даждь ми ра́зум твори́ти во́лю Твою́.

Поми́луй мя, Бо́­же, поми́луй мя.

Кто твори́т такова́я, я́коже аз? Я́коже бо свиния́ лежи́т в калу́, та́ко и аз греху́ служу́. Но Ты, Го́с­по­ди, исто́ргни мя от гну́са сего́, и даждь ми се́рдце твори́ти за́поведи Твоя́.

Поми́луй мя, Бо́­же, поми́луй мя.

Воспряни́, окая́нный челове́че, к Бо́­гу, воспомяну́в своя́ согреше́ния, припа́дая ко Творцу́, слезя́ и стеня́; То́йже я́ко ми­ло­се́р­д, даст ти ум зна́ти во́лю Свою́.

Пре­свя­та́я Бо­го­ро́­ди­це, спа­си́ нас.

Бо­городичен: Бо­го­ро́­ди­це Де́­во, от ви́димаго и неви́димаго зла сохрани́ мя, Пре­чи́с­тая, и приими́ мо­ли́т­вы моя́, и донеси́ я́ Сы́­ну Твоему́, да даст ми ум твори́ти во́лю Его́.

Пре­свя­та́я Бо­го­ро́­ди­це, спа­си́ нас.

Сме́рти и тли я́ко спас­л есть, Сам Ся изда́в сме́рти, тле́нием и сме́ртию мое́ естество́ я́то бы́вшее, Де́­во, моли́ Го́с­по­да и Сы́­на Твоего́, враго́в злоде́йствия мя изба́вити.

Пре­свя­та́я Бо­го­ро́­ди­це, спа­си́ нас.

Предста́тельницу Тя живота́ вем, и Храни́тельницу тве́рду, Де́­во, и напа́стей реша́щу молвы́, и нало́ги бесо́в отгоня́ющу; и молю́ся всегда́, от тли страсте́й мои́х изба́вити мя.

Пре­свя­та́я Бо­го­ро́­ди­це, спа­си́ нас.

Я́ко сте́ну прибе́жища стяжа́хом, и душ всесоверше́нное спа­се́ние, и простра́нство в ско́рбех, Отрокови́це, и просвеще́нием Твои́м при́сно ра́дуемся: о Вла­ды́­чи­це, и ны́не нас от страсте́й и бед спа­си́.

Пре­свя­та́я Бо­го­ро́­ди­це, спа­си́ нас.

На одре́ ны́не немощству́яй лежу́, и несть исцеле́ния пло́ти мое́й; но Бо́­га и Спа́­са ми́ру, и Изба́вителя неду́гов ро́ждшая, Тебе́ молю́ся Бла­го́й: от тли неду́г возста́ви мя.

Свя­ты́й А́н­ге­ле Бо́­жий, храни́телю мой, моли́ Бо́­га о мне.

Вся́ких мя напа́стей свободи́, и от печа́лей спа­си́, молю́ся ти, свя­ты́й А́н­ге­ле, да́нный ми от Бо́­га, храни́телю мой до́брый.

Свя­ты́й А́н­ге­ле Бо́­жий, храни́телю мой, моли́ Бо́­га о мне.

Освети́ ум мой, бла́­же, и просвети́ мя, молю́ся ти, свя­ты́й А́н­ге­ле, и мы́слити ми поле́зная всегда́ наста́ви мя.

Сла́ва От­цу́, и Сы́­ну, и Свя­то́­му Ду́­ху.

Уста́ви се́рдце мое́ от настоя́щаго мяте́жа, и бде́ти укрепи́ мя во бла­ги́х, храни́телю мой, и наста́ви мя чу́дно к тишине́ живо́тней.

И ны́не и при́сно, и во ве́ки веко́в. Ами́нь.

Сло́во Бо́­жие в Тя всели́ся, Бо­го­ро́­ди­це, и челове́ком Тя показа́ не­бе́с­ную ле́ствицу: Тобо́ю бо к нам Вы́шний соше́л есть.

Кондак Господу Иисусу Христу, глас 6-й

Душе́ моя́, почто́ греха́ми богате́еши, почто́ во́лю диа́волю твори́ши, в чесо́м наде́жду полага́еши? Преста́ни от сих, и обрати́ся к Бо́­гу с пла́чем, зову́щи: Ми­ло­се́р­де Го́с­по­ди, поми́луй мя гре́шнаго.

Икос Господу Иисусу Христу

Помы́сли, душе́ моя́, го́рький час сме́рти и стра́шный суд Творца́ твоего́ и Бо́­га: А́н­ге­ли бо гро́знии по́ймут тя, душе́, и в ве́чный огнь введу́т; у́бо пре́жде сме́рти пока́йся, вопию́щи: Го́с­по­ди, поми́луй мя гре́шнаго.

Песнь 7

Ирмо́с: Росода́тельну у́бо пещь соде́ла А́н­гел пре­по­до́б­ным отроко́м, халде́и же опаля́ющее веле́ние Бо́­жие мучи́теля увеща́ вопи́ти: бла­гослове́н еси́, Бо́­же оте́ц на́ших.

Поми́луй мя, Бо́­же, поми́луй мя.

Не наде́йся, душе́ моя́, на тле́нное бога́тство и на непра́ведное собра́ние, вся бо сия́ не ве́си кому́ оста́виши, но возопи́й: поми́луй мя, Хри­сте́ Бо́­же, недосто́йнаго.

Поми́луй мя, Бо́­же, поми́луй мя.

Не упова́й, душе́ моя́, на теле́сное здра́вие и на скоромимоходя́щую красоту́: ви́диши бо, я́ко си́льнии и млади́и умира́ют; но возопи́й: поми́луй мя, Хри­сте́ Бо́­же, недосто́йнаго.

Поми́луй мя, Бо́­же, поми́луй мя.

Воспомяни́, душе́ моя́, ве́чное житие́, Ца́р­ст­во Не­бе́с­ное, угото́ванное свя­ты́м, и тьму кроме́шнюю, и гнев Бо́­жий злым, и возопи́й: поми́луй мя, Хри­сте́ Бо́­же, недосто́йнаго.

Пре­свя­та́я Бо­го­ро́­ди­це, спа­си́ нас.

Богородичен: Припади́, душе́ моя́, к Бо́­жией Ма́­те­ри, и помоли́ся Той: есть бо ско́рая Помо́щница ка́ющимся, умо́лит Сы́­на Хри­ста́ Бо́­га, и поми́лует мя недосто́йнаго.

Пре­свя­та́я Бо­го­ро́­ди­це, спа­си́ нас.

На́ше спа­се́ние я́коже восхоте́л еси́, Спа́­се, устро́ити, во утро́бу Де́­выя всели́лся еси́, Ю˜же ми́ру Предста́тельницу показа́л еси́: оте́ц на́ших Бо́­же, бла­гослове́н еси́.

Пре­свя­та́я Бо­го­ро́­ди­це, спа­си́ нас.

Воли́теля ми́­ло­сти, Его́же родила́ еси́, Ма́­ти Чи́с­тая, умоли́ изба́витися от прегреше́ний и душе́вных скверн ве́рою зову́щим: оте́ц на́ших Бо́­же, бла­гослове́н еси́.

Пре­свя­та́я Бо­го­ро́­ди­це, спа­си́ нас.

Сокро́вище спа­се́ния и исто́чник нетле́ния, Тя ро́ждшую, и столп утвержде́ния, и дверь покая́ния, зову́щим показа́л еси́: оте́ц на́ших Бо́­же, бла­гослове́н еси́.

Пре­свя­та́я Бо­го­ро́­ди­це, спа­си́ нас.

Теле́сныя сла́бости и душе́вныя неду́ги, Бо­городи́тельнице, любо́вию приступа́ющих к кро́ву Твоему́, Де́­во, исцели́ти сподо́би, Спа́­са Хри­ста́ нам ро́ждшая.

Свя­ты́й А́н­ге­ле Бо́­жий, храни́телю мой, моли́ Бо́­га о мне.

Ми́­ло­стив бу́ди ми и умоли́ Бо́­га, Гос­по́­день А́н­ге­ле: име́ю бо тя засту́пника во всем животе́ мое́м, наста́вника же и храни́теля, от Бо́­га дарова́ннаго ми во ве́ки.

Свя­ты́й А́н­ге­ле Бо́­жий, храни́телю мой, моли́ Бо́­га о мне.

Не оста́ви в путь ше́ствующия души́ моея́ окая́нныя уби́ти разбо́йником, свя­ты́й А́н­ге­ле, я́же ти от Бо́­га предана́ бысть непоро́чне, но наста́ви ю́ на путь покая́ния.

Сла́ва От­цу́, и Сы́­ну, и Свя­то́­му Ду́­ху.

Всю посра́млену ду́шу мою́ привожду́ от лука́вых ми по́мысл и дел; но предвари́, наста́вниче мой, и исцеле́ние ми пода́ждь бла­ги́х по́мысл, уклоня́ти ми ся всегда́ на пра́выя стези́.

И ны́не и при́сно, и во ве́ки веко́в. Ами́нь.

Прему́дрости испо́лни всех и кре́пости Бо­же́­ст­венныя, Ипоста́сная Прему́дросте Вы́шняго, Бо­го­ро́­ди­цы ра́ди, ве́рою вопию́щих: оте́ц на́ших Бо́­же, бла­гослове́н еси́.

Песнь 8

Ирмо́с: Из пла́мене пре­по­до́б­ным ро́су источи́л еси́, и пра́­вед­наго же́ртву водо́ю попали́л еси́: вся́ бо твори́ши, Хри­сте́, то́кмо е́же хоте́ти. Тя превозно́сим во вся ве́ки.

Поми́луй мя, Бо́­же, поми́луй мя.

Ка́ко не и́мам пла́катися, егда́ помышля́ю смерть? Ви́дех бо во гро́бе лежа́ща бра́та моего́, безсла́вна и безобра́зна. Что у́бо ча́ю, и на что наде́юся? То́кмо даждь ми, Го́с­по­ди, пре́жде конца́ покая́ние. (Дважды.)

Поми́луй мя, Бо́­же, поми́луй мя.

Ве́рую, я́ко прии́деши суди́ти живы́х и ме́ртвых, и вси во свое́м чи́ну ста́нут, ста́рии и млади́и, влады́ки и кня́зи, де́вы и свя­ще́нницы; где обря́щуся аз? Сего́ ра́ди вопию́: даждь ми, Го́с­по­ди, пре́жде конца́ покая́ние.

Пре­свя­та́я Бо­го­ро́­ди­це, спа­си́ нас.

Богородичен: Пре­чи́с­тая Бо­го­ро́­ди­це, приими́ недосто́йную мо­ли́т­ву мою́, и сохрани́ мя от на́глыя сме́рти, и да́руй ми пре́жде конца́ покая́ние.

Пре­свя­та́я Бо­го­ро́­ди­це, спа­си́ нас.

По́мощи я́же от Тебе́ тре́бующия не пре́зри, Де́­во, пою́щия и превознося́щия Тя во ве́ки.

Пре­свя­та́я Бо­го­ро́­ди­це, спа­си́ нас.

Неможе́ние души́ моея́ исцеля́еши, и теле́сныя боле́зни, Де́­во, да Тя просла́влю, Чи́с­тая, во ве́ки.

Пре­свя­та́я Бо­го­ро́­ди­це, спа­си́ нас.

Исцеле́ний бога́тство излива́еши ве́рно пою́щим Тя, Де́­во, и превознося́щим неизрече́нное Твое́ Рождество́.

Пре­свя­та́я Бо­го­ро́­ди­це, спа­си́ нас.

Напа́стей Ты прило́ги отгоня́еши, и страсте́й нахо́ды, Де́­во: те́мже Тя пое́м во вся ве́ки.

Свя­ты́й А́н­ге­ле Бо́­жий, храни́телю мой, моли́ Бо́­га о мне.

От Бо́­га по́сланный, утверди́ живо́т мой, раба́ твоего́, пребла­ги́й А́н­ге­ле, и не оста́ви мене́ во ве́ки.

Свя­ты́й А́н­ге­ле Бо́­жий, храни́телю мой, моли́ Бо́­га о мне.

А́н­ге­ла тя су́ща бла́­га, души́ моея́ наста́вника и храни́теля, пребла­же́нне, воспева́ю во ве́ки.

Сла́ва От­цу́, и Сы́­ну, и Свя­то́­му Ду́­ху.

Бу́ди ми покро́в и забра́ло в день испыта́ния всех челове́к, во́ньже огне́м искуша́ются дела́ бла­га́я же и зла́я.

И ны́не и при́сно, и во ве́ки веко́в. Ами́нь.

Бу́ди ми помо́щница и тишина́, Бо­го­ро́­ди­це При­сно­де́­во, рабу́ Твоему́, и не оста́ви мене́ лише́на бы́ти Твоего́ влады́чества.

Песнь 9

Ирмо́с: Бо́­га челове́ком невозмо́жно ви́дети, на Него́же не сме́ют чи́ни А́н­гель­стии взира́ти; Тобо́ю же, Всечи́стая, яви́ся челове́ком Сло́во воплоще́нно; Его́же велича́юще, с Не­бе́с­ными во́и Тя убла­жа́ем.

Поми́луй мя, Бо́­же, поми́луй мя.

Ны́не к вам прибега́ю, А́н­ге­ли, Арха́н­ге­ли, и вся Не­бе́с­ныя Си́лы, у Пре­сто́ла Бо́­жия стоя́щии, моли́теся ко Творцу́ своему́, да изба́вит ду́шу мою́ от му́ки ве́чныя.

Поми́луй мя, Бо́­же, поми́луй мя.

Ны́не пла́чуся к вам, свя­ти́и патриа́рси, ца́рие и про­ро́цы, апо́­сто­ли и свя­ти́тели, и вси избра́ннии Хри­сто́вы: помози́те ми на Суде́, да спа­се́т ду́шу мою́ от си́лы вра́жия.

Поми́луй мя, Бо́­же, поми́луй мя.

Ны́не к вам воздежу́ ру́це, свя­ти́и му́­че­ни­цы, пусты́нницы, де́вственницы, пра́­вед­ницы, и вси свя­ти́и, моля́щиися ко Го́с­по­ду за весь мир, да поми́лует мя в час сме́рти моея́.

Пре­свя­та́я Бо­го­ро́­ди­це, спа­си́ нас.

Богородичен: Ма́­ти Бо́­жия, помози́ ми, на Тя си́льне наде́ющемуся, умоли́ Сы́­на Своего́, да поста́вит мя недосто́йнаго одесну́ю Себе́, егда́ ся́дет судя́й живы́х и ме́ртвых. Ами́нь.

Пре­свя­та́я Бо­го­ро́­ди­це, спа­си́ нас.

То́ка слез мои́х не отврати́ся, Я́же от вся́каго лица́ вся́ку сле́зу отъе́мшаго, Де́­во, Хри­ста́ ро́ждшая.

Пре­свя­та́я Бо­го­ро́­ди­це, спа­си́ нас.

Ра́дости мое́ се́рдце испо́лни, Де́­во, Я́же ра́дости прие́мшая исполне́ние, грехо́вную печа́ль потребля́ющи.

Пре­свя­та́я Бо­го­ро́­ди­це, спа­си́ нас.

Приста́нище и предста́тельство к Тебе́ прибега́ющих бу́ди, Де́­во, и стена́ неруши́мая, прибе́жище же и покро́в и весе́лие.

Пре­свя­та́я Бо­го­ро́­ди­це, спа­си́ нас.

Све́та Твоего́ заря́ми просвети́, Де́­во, мрак неве́дения отгоня́ющи, бла­гове́рно Бо­го­ро́­ди­цу Тя испове́дающих.

Пре­свя­та́я Бо­го­ро́­ди­це, спа­си́ нас.

На ме́сте озлобле́ния не́мощи, смири́вшагося, Де́­во, исцели́, из нездра́вия во здра́вие претворя́ющи.

Го́споди Ии­су́­се Хри­сте́, Бо́­же мой, поми́луй мя.

Иисусу: Поми́луй мя, еди́не Спа́­се мой, я́ко ми́­ло­стив еси́ и ми­ло­се́р­д, и пра́­вед­ных лико́в сотвори́ мя прича́стника.

Свя­ты́й А́н­ге­ле Бо́­жий, храни́телю мой, моли́ Бо́­га о мне.

Мы́слити ми при́сно и твори́ти, Гос­по́­день А́н­ге­ле, бла­га́я и поле́зная да́руй, я́ко си́льна яви́ в не́мощи и непоро́чна.

Сла́ва От­цу́, и Сы́­ну, и Свя­то́­му Ду́­ху.

Я́ко име́я дерзнове́ние к Ца­рю́ Не­бе́с­ному, Того́ моли́, с про́чими безпло́тными, поми́ловати мя окая́ннаго.

И ны́не и при́сно, и во ве́ки веко́в. Ами́нь.

Мно́го дерзнове́ние иму́щи, Де́­во, к Вопло́щшемуся из Тебе́, преложи́ мя от уз, и разреше́ние ми пода́ждь и спа­се́ние, мо­ли́т­вами Твои́ми.

Го́споди Ии­су́­се Хри­сте́, Сы́­не Бо́­жий, поми́луй мя гре́шнаго.

Мо­лит­ва ко Гос­по­ду

Вла­ды́ко Хри­сте́ Бо́­же, И́же Страстьми́ Свои́ми стра́сти моя́ исцели́вый, и я́звами Свои́ми я́звы моя́ уврачева́вый, да́руй мне, мно́го Тебе́ прегреши́вшему, сле́зы умиле́ния; сраствори́ моему́ те́лу от обоня́ния Животворя́щаго Те́ла Твоего́, и наслади́ ду́шу мою́ Твое́ю Че­ст­но́ю Кро́вию, от го́рести, е́юже мя сопроти́вник напои́; возвы́си мой ум к Тебе́, до́лу пони́кший, и возведи́ от про́пасти поги́бели, я́ко не и́мам покая́ния, не и́мам умиле́ния, не и́мам слезы́ уте́шительныя, возводя́щия ча́да ко своему́ насле́дию. Омрачи́хся умо́м в жите́йских страсте́х, не могу́ воззре́ти к Тебе́ в боле́зни, не могу́ согре́тися слеза́ми я́же к Тебе́ любве́. Но, Вла­ды́ко Го́с­по­ди Ии­су́­се Хри­сте́, Сокро́вище бла­ги́х, да́руй мне покая́ние всеце́лое и се́рдце люботру́дное во взыска́ние Твое́, да́руй мне бла­года́ть Твою́, и обнови́ во мне зра́ки Твоего́ о́браза. Оста́вих Тя, не оста́ви мене́; изы́ди на взыска́ние мое́, возведи́ к па́жити Твое́й, и сопричти́ мя овца́м избра́ннаго Твоего́ ста́да, воспита́й мя с ни́ми от зла́ка Бо­же́­ст­венных Твои́х Та́инств, мо­ли́т­вами Пре­чи́с­тыя Твоея́ Ма́­те­ре, и всех свя­ты́х Твои́х. Ами́нь.

Пре­свя­та́я Бо­го­ро́­ди­це, спа­си́ нас.

Мо­лит­вы ко Пре­свя­той Бо­го­ро­ди­це

Ца­ри́це моя́ пребла­га́я, Наде́ждо моя́ Бо­го­ро́­ди­це, Прия́телище си́рых, и стра́нных Предста́тельнице, скорбя́щих Ра́досте, оби́димых Покрови́тельнице! Зри́ши мою́ беду́, зри́ши мою́ скорбь, помози́ ми я́ко не́мощну, окорми́ мя я́ко стра́нна. Оби́ду мою́ ве́си, разреши́ ту, я́ко во́лиши: я́ко не и́мам ины́я по́мощи ра́зве Тебе́, ни ины́я Предста́тельницы, ни бла­ги́я Уте́шительницы, то́кмо Тебе́, о Бо­гома́­ти; я́ко да сохрани́ши мя и покры́еши во ве́ки веко́в. Ами́нь.

К кому́ возопию́, Вла­ды́­чи­це? К кому́ прибе́гну в го́рести мое́й, а́ще не к Тебе́, Ца­ри́це Не­бе́с­ная? Кто плач мой и воздыха́ние мое́ прии́мет, а́ще не Ты, Пренепоро́чная, Наде́ждо хри­стиа́н и Прибе́жище нам гре́шным? Кто па́че Тебе́ в напа́стех защити́т? Услы́ши у́бо стена́ние мое́, и приклони́ у́хо Твое́ ко мне, Вла­ды́­чи­це Ма́­ти Бо́­га моего́, и не пре́зри мене́, тре́бующаго Твоея́ по́мощи, и не отри́ни мене́ гре́шнаго. Вразуми́ и научи́ мя, Ца­ри́це Не­бе́с­ная; не отступи́ от мене́, раба́ Твоего́, Вла­ды́­чи­це, за ропта́ние мое́, но бу́ди мне Ма́­ти и Засту́пница. Вруча́ю себе́ ми́­ло­стивому покро́ву Твоему́: приведи́ мя гре́шнаго к ти́хой и безмяте́жней жи́зни, да пла́чуся о гресе́х мои́х. К кому́ бо прибе́гну пови́нный аз, а́ще не к Тебе́, упова́нию и прибе́жищу гре́шных, наде́ждою на неизрече́нную ми́­лость Твою́ и щедро́ты Твоя́ окриля́емь? О Вла­ды́­чи­це Ца­ри́це Не­бе́с­ная! Ты мне упова́ние и прибе́жище, покро́в и заступле́ние и по́мощь. Ца­ри́це моя́ пребла­га́я и ско́рая Засту́пнице! Покры́й Твои́м хода́тайством моя́ прегреше́ния, защити́ мене́ от враг ви́димых и неви́димых, умягчи́ сердца́ злых челове́к, возстаю́щих на мя. О Ма́­ти Го́с­по­да моего́ Творца́! Ты еси́ ко́рень де́вства и неувяда́емый цвет чис­тоты́. О Бо­городи́тельнице! Ты пода́ждь ми по́мощь немощству́ющему плотски́ми страстьми́ и боле́знующему се́рдцем: еди́но бо Твое́ и с Тобо́ю Твоего́ Сы́­на и Бо́­га на́шего и́мам заступле́ние, и Твои́м пречу́дным заступле́нием да изба́влюся от вся́кия беды́ и напа́сти, о пренепоро́чная и пресла́вная Бо́­жия Ма́­ти Ма­ри́е. Те́мже со упова́нием глаго́лю и вопию́: ра́дуйся, Бла­года́тная, ра́дуйся, Обра́дованная, ра́дуйся, Пребла­гослове́нная, Гос­по́дь с Тобо́ю.

Свя­ты́й А́н­ге­ле Бо́­жий, храни́телю мой, моли́ Бо́­га о мне.

Мо­лит­ва Ан­ге­лу хранителю

А́н­ге­ле Хри­сто́в свя­ты́й, к тебе́ припа́дая молю́ся, храни́телю мой свя­ты́й, прида́нный мне на соблюде́ние души́ и те́лу моему́ гре́шному от свя­та́го кре­ще́ния. Аз же свое́ю ле́ностию и свои́м злым обы́чаем прогне́вах твою́ пре­чи́с­тую све́тлость, и отгна́х тя от себе́ все́ми сту́дными де́лы: лжа́ми, клевета́ми, за́вистию, осужде́нием, презо́рством, непоко́рством, братоненавиде́нием и злопомне́нием, сребролю́бием, прелюбодея́нием, я́ростию, ску́постию, объяде́нием без сы́тости и опи́вством, многоглаго́ланием, злы́ми по́мыслы и лука́выми, го́рдым обы́чаем и блу́дным возбеше́нием, имы́й самохоте́ние на вся́кое плотско́е вожделе́ние. О зло́е мое́ произволе́ние, его́же и ско́ти безслове́снии не творя́т! Да ка́ко возмо́жеши воззре́ти на мя, или́ приступи́ти ко мне, а́ки псу смердя́щему? Кото́рыма очи́ма, А́н­ге­ле Хри­сто́в, воззри́ши на мя, опле́тшася зле во гну́сных де́лех? Да ка́ко уже́ возмогу́ отпуще́ния проси́ти го́рьким и злым мои́м и лука́вым дея́нием, в ня́же впа́даю по вся дни и но́щи, и на всяк час? Но молю́ся ти припа́дая, храни́телю мой свя­ты́й, уми­ло­се́р­дися на мя гре́шнаго и недосто́йнаго раба́ твоего́ (имя), бу́ди ми помо́щник и засту́пник на зла́го моего́ сопроти́вника, свя­ты́ми твои́ми мо­ли́т­вами, и Ца́р­ст­вия Бо́­жия прича́стника мя сотвори́, со все́ми свя­ты́ми, всегда́, и ны́не и при́сно, и во ве́ки веко́в. Ами́нь.

Окончание

Досто́йно есть я́ко вои́стинну бла­жи́ти Тя Бо­го­ро́­ди­цу, Приснобла­же́нную, и Пренепоро́чную, и Ма́­те­рь Бо́­га на́шего. Че­ст­не́йшую Херуви́м, и сла́внейшую без сравне́ния Серафи́м, без истле́ния Бо́­га Сло́ва ро́ждшую, су́щую Бо­го­ро́­ди­цу Тя велича́ем. (4)

Сла́ва От­цу́, и Сы́­ну, и Свя­то́­му Ду́­ху, и ны́не и при́сно, и во ве́ки веко́в. Ами́нь.

Го́споди, поми́луй. (Трижды.)

Го́споди Ии­су́­се Хри­сте́, Сы́­не Бо́­жий, мо­ли́т­в ра́ди Пре­чи́с­тыя Твоея́ Ма́­те­ре, пре­по­до́б­ных и бо­гоно́сных оте́ц на́ших, и всех свя­ты́х, поми́луй нас. Ами́нь.

Примечания

(1) В пасхальную седмицу вместо канонов покаянного, Богородице и Ангелу хранителю читается канон Пасхи.

(2) От 2й недели по Пасхе до Вознесения вместо этой мо­лит­вы читается тропарь: Хри­сто́с вос­кре́се из ме́ртвых, сме́ртию смерть попра́в, и су́щим во гробе́х живо́т дарова́в. (Трижды.)

От Вознесения же до Трои­цы вместо «Царю Небесный…» ничего не читается.

(3) Тропарь Иисусу Христу только в первой и девятой песнях канона.

(4) От Пасхи до Вознесения вместо этой молитвы читается припев и ирмос 9-й песни пасхального канона:

«А́нгел вопия́ше Благода́тней: Чи́стая Де́во, ра́дуйся! И па́ки реку́: ра́дуйся! Твой Сын воскре́се тридне́вен от гро́ба и ме́ртвыя воздви́гнувый; лю́дие, весели́теся!

Свети́ся, свети́ся, но́вый Иерусали́ме, сла́ва бо Госпо́дня на тебе́ возсия́. Лику́й ны́не и весели́ся, Сио́не. Ты же, Чи́стая, красу́йся, Богоро́дице, о воста́нии Рождества́ Твоего́».

Что такое канон? Покаянный и совмещенные каноны перед Причастием

Многие верующие, тем более воцерковленные, регулярно посещающие храм люди, знают о таких длинных молитвословиях, как каноны. По сути, это небольшие богослужения, которые может совершать дома каждый человек по своему желанию, в любое время. Люди, недавно пришедшие к Церкви, по рвению к молитве могут читать их часто, даже соревнуясь друг с другом в количестве.
Однако количество молитв — не повод для гордости. Человек, живущий духовной жизнью, понимает, что помимо молитвы важно самосовершенствоваться, помогать людям. Тем не менее, каждый из нас испытывает потребность обратиться ко Господу, Богородице святым в определенных случаях жизни, излить в длительной молитве душу. Здесь и помогают каноны и акафисты.

Сборники этих молитвословий — соответственно, канонники (так может называться и обычный молитвослов, включающий в дополнение к канонам и молитвы утренние, вечерние, перед Причастием). Обычно в них нет пояснений, как правильно читать эти молитвы дома. Поэтому наша статья расскажет о канонах и их видах, о том, как правильно читать эти молитвы сами по себе и перед Причастием.

Состав канона

Канон — традиционное песнопение, входящее в состав каждого церковного богослужения. Это гимн, посвященный прославлению Спасителя и Бога нашего Иисуса Христа, Святой Троицы, Матери Божией, праздника или святого (такие каноны составлены почти всем святым). Каждый канон имеет отсылки и к Новому, и к Ветхому Завету. Самые первые каноны появились в VII веке — точнее, появилась привычная нам их форма. Возможно, она берет начало еще из греческих песнопений, посвященных языческим богам, или из первохристианских гимнов. Первые каноны написаны двумя святыми: Андреем Критским, он создал Великий Канон, и Иоанном Дамаскиным

• Если вы читаете канон самостоятельно, в его начале будет название жанра и кому посвящено молитвословие, например: «Канон Ангелу-Хранителю».

• Канон составлен из ряда песен, состоящих, в свою очередь, из предначинательной песни —  ирмоса и нескольких тропарей (их число колеблется в пределах шести, но в Каноне Великом их может быть до пары-тройки десятков). У каждой песни каждого канона одна тема, взятая из Ветхого Завета: например, тема первой песни — переход народа Израиля под предводительством Моисея по дну Красного моря «как посуху». Раньше, в древности эти библейские тексты читались перед песнями, но со временем (видимо, чтобы не утомлять людей однообразным чтением за каждым богослужением) в каждом каноне появились ирмосы, где библейские темы осмысляются поэтически. Сегодня эти отрывки из Библии в оригинале можно прочитать самостоятельно или услышать во время чтения великого Канона в первые четыре дня Великого поста, на богослужениях утрени.

• Важной частью канона в церковном богослужении утрени (служится сегодня за Всенощным бдением вечером) является пение перед девятой песнью канона поется песнь, которую пела Сама Богородица, на русском: «Возвеличивает душа Моя Господа и возрадовался дух мой о Боге и Спасителе моем» — с припевом, прославляющим Богородицу, на русском:

«Пребывающая ближе к Богу, чем Херувимы и более славная, чем Серафимы, без нарушения чистоты Ты родила Бога Слово, Тебя, истинную Богородицу, мы возвеличиваем». Далее:
Он снизошел к смирению рабы Своей, и потому с сегодняшнего дня обо Мне радуются все поколения людей.
Припев: Пребывающая ближе к Богу…
Мое величие даровал Сильный Бог, и свято имя Его, и милость даст Он всем поколениям боящимся Его.
Припев: Пребывающая ближе к Богу…
Сотворил державу силой Своей Он, и рассеял гордых по лицу Земли из-за замыслов их сердец.
Припев: Пребывающая ближе к Богу…
Низложил сильных с престолов власти, и возвел на высоту смиренных; нуждающихся одарил благами, а хвастающихся отослал ни с чем.
Припев: Пребывающая ближе к Богу…
Принял народ Израиля, ребенка Своего, вспомнил обещания милости, которые дал отцам нашим, Аврааму и потомству его навечно.
Припев: Пребывающая ближе к Богу…”

Эти слова можно читать дома, во время чтения канона, перед его девятой песней, а также в любое время при желании помолиться Богородице.

В богослужебной русской церковной  традиции ирмосы обычно поются, а тропари, то есть маленькие молитвословия внутри песни, читаются. Каждый тропарь сопровождается припевом, например, в Покаянном и Великом каноне: «Помилуй меня, Боже, помилуй меня». Исключение — канон Святой Пасхи, который поется полностью, как раньше в Византии пелись все каноны.

• В каноне бывает определенное число песен: 2, 3, 4, 8 и 9. Чаще всего их восемь (можно заметить, что в нумерации пропущена пропущена вторая песнь — таким образом, девятипесенный канон становится восьмипесенным; это делается для отличия остальных от торжественного, Великого Канона, самого первого).

• Трех- и четырехпесенные каноны принадлежат к кругу богослужения Великого поста и послепасхальных Светлых дней — они читаются во время Великого поста и Пятидесятницы.

• Единственный девятипесенный Канон — Великий Канон святого Андрея Критского.

• Единственный двухпесенный Канон читается в Великий Вторник.

Распространенные каноны

• Великий Канон святого Андрея Критского — произведение, написанное критским архиепископом VIII века, святителем Андреем. Он создал канон, каясь в грехе впадения в ересь, а дополнил Канон современником святителя Андрея — преподобный Иоанн Дамаскин. Вся Православная Церковь к концу IX века уже читала Великий канон, написанный от первого лица. Он состоит из 250 тропарей, где верующий вспоминает библейские события от грехопадения Адама  до Крестной смерти и Воскресения Христа как жизнеописание собственной души, сопоставляя ее с произошедшими в истории человечества событиями. Великий канон традиционно читается по частям в первые четыре дня Великого поста на  великом повечерии. Такая традиция позволяет православным настроиться на покаяние и изменение своей души во время Великого поста.

• Пасхальный канон или Канон Святой Пасхи. Он поется в церкви ночью во время Пасхальной утрени, сразу после Пасхального крестного хода, а затем каждую субботу за Всенощным бдением до отдания Пасхи и праздника Вознесения.

• Каноны к Причастию: Покаянный ко Господу Иисусу Христу, Молебный канон Богородице и Канон Ангелу-Хранителю. Во многих молитвословах и на интернет-сайтах они соединяются, потому что имеют общий ирмос. Их можно читать и по отдельности в любое время, по вашему желанию и лучше перед иконами Господа, Богородицы и Ангела.

Канон и акафист — богослужения для мирян

• Канон читается в церкви за богослужением ежедневно, а акафист — только в день Похвалы Богородицы, Субботу Акафиста (перед Благовещением). Остальные акафисты читают дома или во время молебнов с акафистом, которые совершаются на заказ или по приходской традиции.

• Считается, что акафист более легок для восприятия, ведь в нем меньше описательных частей, библейских цитат.

• Известно, что большинство канонов создано отцами Церкви, святыми, а вот ряд акафистов написан простыми мирянами. Этот жанр особенно любим в России по сравнению с иными православными странами и широко распространился у нас в XIX веке.

• Акафист рассказывает о новозаветных событиях, редко вспоминая Ветхий Завет.

• Акафист меньше привязан к богослужебному уставу.

• Самое просто отличие, которое бросается в глаза даже ученикам воскресных школ — в акафисте много раз встречается слово-призыв «Радуйся».

Совмещенные каноны к Причастию

К Таинству Св. Причащения необходимо себя подготовить, это называется «поговеть», «говение». Подготовка включает чтение особых молитв по молитвослову, пост и покаяние:

• Готовьтесь постом 2-3 дня. Нужно быть умеренным в пище, отказаться от мяса, в идеале — от мяса, молока, яиц, если вы не больны и не беременны.
• Старайтесь в течение этих дней прочитывать утреннее и вечернее молитвенное правило с вниманием и усердием. Читайте духовную литературу, особенно необходимую для подготовки к Исповеди.
• Откажитесь от развлечений, посещения шумных мест отдыха.
• Примиритесь с людьми, с которыми вы состоите в серьезной ссоре.
• Лучше посетить вечернее богослужение — Всенощное бдение. Можно исповедоваться во время него, если в храме будет осуществляться Исповедь, или прийти в храм к утренней Исповеди.
• Перед утренней Литургией не ешьте и не пейте ничего после полуночи и утром.

Исповедь перед Причастием является необходимой частью подготовки к нему. Никто не допускается к Причастию без Исповеди, кроме людей в смертельной опасности и детей до семи лет. Есть ряд свидетельств людей, пришедших к Причастию без Исповеди — ведь священники из-за многолюдства, бывает, не могут отследить этого. Такой поступок — большой грех. Господь наказывал их за дерзость трудностями, болезнями и скорбями.

Нельзя причащаться женщинам во время месячных и сразу после родов: молодые мамы допускаются к Причастию только после прочтения священником над ними молитвы на очищение.

За несколько дней (можно и за один вечер, но вы устанете) прочитайте по молитвослову или онлайн канон покаянный Господу Иисусу Христу, каноны Богородице и Ангелу-Хранителю (найдите текст, где они соединены), а также Правило к Причастию (оно тоже включает в себя небольшой канон, несколько псалмов и молитвы).

Почему читают три канона

Это освященная Церковью традиция. Ясно, что молятся Самому Богу и Его Матери, а еще обращаются к Ангелу-Хранителю.

У каждого православного христианина есть «свой Ангел» — это Ангел-Хранитель, который оберегает вас с момента Крещения, Небесное существо.

• Ангелы ближе всех к людям и пребывают на самом низу иерархии Небесных Сил. Они чаще всего являлись людям, обычно праведникам и святым, но бывало, что наказывали или вразумляли грешников.
• По словам Священного предания, Ангелы — личности, но природа их отличается от человеческой и животной. Они выше, совершеннее людей, хотя и у них есть ограничения.
• Они невидимы для человеческого глаза, но могут открываться людям, только по воле Божией.
• Являясь в человеческом мире, они могут влиять на него (в Ветхом Завете сохранены истории, как Ангелы разрушали города язычников).
• Они передвигаются и по земле, и в воде, и в воздухе.
• Ангелы могут читать мысли людей и умеют говорить с людьми всех национальностей на всех языках.
• Ангелы похожи друг на друга и не имеют пола, изображаясь обычно в виде прекрасных юношей.

Молитва Ангелам Божиим — невидимый щит православного христианина, сильная защита от зла, ведь эти небесные существа постоянно борются с бесами за души людей. Молиться нужно всегда со вниманием и искренней верой в помощь, в то, что даже слабая молитва обычного, не святого человека дойдет до вашего личного Небесного помощника — Ангела, и он заступится за вас пред Богом.

Молиться Ангелу, своему заступнику, можно кроме канона своими словами, искренне, просто и в любое время. Кроме того, Церковь благословляет читать по молитвослову молитвы утренние и вечерние. Начните с прочтения молитвы своему личному Хранителю.

Значение Таинства Причащения

Православная Церковь имеет семь Таинств. Все они установлены Господом и имеют своим основанием Его слова, сохраненные в Евангелии. Таинством Церкви называется священнодействие, где с помощью внешних знаков, обрядов незримо, то есть таинственно, откуда и название, людям подается благодать Святаго Духа. Спасительная сила Божия истинна, в отличие от «энергетики» и магии духов тьмы, которые только обещают помощь, на самом же деле губят души.

Кроме того, Предание Церкви говорит, что в Таинствах, в отличие от домашних молитв, молебнов или панихид, благодать обещана Самим Богом и просвещение подается человеку, подготовившемуся к Таинствам верно, приходящего с искренней верой и покаянием, пониманием своей греховности перед Безгрешным Спасителем нашим.

Господь благословил апостолов совершать семь Таинств, которые обычно именуются в порядке от рождения до смерти человека: Крещение, Миропомазание, Покаяние (исповедь), Причащение, Венчание (брак), Священство, Елеосвящение (Соборование).

Таинство Евхаристии, Причастия было установлено Самим Господом во время Тайной Вечери, в Страстной Четверг, перед Распятием. Это событие описывают все евангелисты и наиболее подробно — апостол Иоанн Богослов.

Вечеря по-русски означает «ужин». Тайным он был потому, что Христа в тот момент уже разыскивали фарисеи, ожидая предательства Иуды, ради предания Господа смертной казни. Христос как Всеведущий Бог знал, что этот ужин — последний, и сделал его втайне, чтобы важную трапезу не прервали. Местом ее он избрал место в Иерусалиме, называемое ныне Сионская горница.

За Тайной Вечерей Господь дал последние наставления апостолам, вновь напомнил, что Он должен покинуть них, умерев страшной смертью. Христос называет учеников детьми — как никогда раньше — и призывает их любить друг друга, как Сам Бог любит их. Ради укрепления их веры и рождения Церкви, скрепленной Самим Телом Христа, Господь совершает и устанавливает навечно величайшее Таинство, скрепившее Новый Завет между Богом и человеком — Таинство Евхаристии (по-гречески благодарения), по-русски обычно называемое Таинством Причастия.

Христос взял в Свои руки хлеб и, благословив знамением, разломил, затем налил вина и раздал все ученикам, говоря: «Возьмите и ешьте: это Тело Мое и Кровь Моя». Этими словами священники по сей день благословляют вино и хлеб за Литургией, когда они пресуществляются в Тело и Кровь Христову.

Именно опресноки — пресные хлеба — и красное вино были на столе во время Тайной Вечери. Поэтому по сей день освящают, пресуществляя в Святые Дары красное вино и просфоры. В первохристианские времена Таинство происходило за «вечерями любви», агапами, не столь торжественно. Хлеб преломляли сами апостолы, действом Святого Духа пресуществляя его в Тело Христово. Приносили будущие Святые Дары на встречи христиане, избирались для Литургии лучшие продукты, а остальные просто вкушали за столом во время трапезы с беседой, которая обязательно совершалась после Литургии.

Сегодня просфоры выпекают в большой пекарне в главном городе епархии, часто — в монастырях, на приходах постоянную выпечку просфор устраивают редко.

Сильная молитва — Литургия

Самая сильная молитва — это любое поминовение и пребывание за Литургией. За человека во время Таинства Евхаристии (Причастия) молится вся Церковь.

Готовя хлеб и вино, которые во время Таинства станут Телом и Кровью Христовыми, священник берет просфору (маленький круглый пресный хлеб с печатью Креста), вырезает в ней кусочек и говорит: «Помяни, Господи, рабов Твоих (имена)…». Имена берутся из записок, отдельными просфорами поминаются все молящиеся за Литургией и все причастники. Все части просфор становятся Телом Христовым в Чаше Причастия. Так люди получают великую силу и благодать от Бога.

Вот почему каждому человеку нужно иногда бывать на Литургии — подавать записку за себя и близких, причащаться Святых Христовых Тайн — Тела и Крови Господа. Это особенно важно сделать в трудные жизненные моменты, несмотря на нехватку времени.

Христос говорил о том, что в Таинстве Евхаристии хлеб и вино будут постоянно чудом преображаться в Его Тело и Кровь, а люди, которые едят (вкушают) их — соединятся с Ним Самим. Церковь благословляет причащаться не реже раза в год: лучше примерно раз в месяц.

Как причащаться в церкви

Люди часто узнают все о подготовке, а вот что делать во время самого Причастия, не знают.

• После пения молитвы “Отче наш” и закрытия Царских врат нужно подойти к алтарю (или встать в очередь, которая собирается у алтаря). Пропустите вперед детей и родителей с младенцами — они причащаются в начале; в некоторых храмах пропускают вперед и мужчин.

• Когда священник вынесет Чашу и прочитает две молитвы (иногда они читаются всем храмом), перекреститесь, сложите крестообразно руки к плечам — правую на левую — и идите, не опуская руки, пока не причаститесь.

• У Чаши не креститесь, чтобы случайно не толкнуть ее. Назовите свое имя в Крещении, широко откройте рот. Священник сам вложит вам в рот ложечку с Телом и Кровью. Постарайтесь сразу Их проглотить Поцелуйте низ Чаши, отойдите и только потом перекреститесь. Идите к столику с «теплотой» («запивкой»), чтобы запить и кусочком просфоры заесть Причастие во избежание исторжения (чтобы вы случайно не выплюнули Его или не чихнули с частицей).

Что делать после принятия Святых Христовых Таин

До окончания богослужения не уходите из церкви. Благодарственные молитвы после Причастия выслушаете в храме или прочитайте дома.

В день Причастия лучше не плевать (частицы Причастия могли остаться во рту), стараться сразу не развлекаться много и вести себя с благочестием. Лучше провести день в радости, общении с близкими, чтении духовных книг, спокойных прогулках.

Да хранит вас Господь Своей благодатью!

Иконы