Детально: акафист царю николаю и его святой семье - со всех открытых источников и разных уголков мира на сайте 1000-molitv.ru для наших уважаемых читателей.
Кондак 1
Избранный от рождения страстотерпче и Христовой любви воплощение, воспеваем ти похвальная, яко паче всего Отечество свое возлюбившему, ты же, яко имеяй дерзновение ко Господу, просвети омраченныя умы и сердца наша, да зовем ти: Радуйся, Николае, боговенчанный царю и великий страстотерпче!
Икос 1
Ангелов Творец посла тя земле Российстей, яко ангела незлобия и вразумления к народу твоему, тя бо избра по образу Сына Своего Единороднаго в жертву искупления за грехи людския, мы же, дивящеся таковому о тебе промышлению Вседержителя, с умилением вопием: Радуйся, Христу уподобление; радуйся, жертве всесожжения! Радуйся, российских царей украшение; радуйся, незлобия и всепрощения образ подавый! Радуйся, обидимых неложное упование; радуйся, веры нерушимое основание! Радуйся, Николае, боговенчанный царю и великий страстотерпче!
Кондак 2
Видящи всеблагая Богомати во уделе Своем страну нашу мерзостию растления оскверняему, избра тя от рождения, яко чистейшаго, Руси бо во очищение, да вси надгробное рыдание тебе творим песнь: Аллилуиа!
Икос 2
Разум Предвечный предуведе тя ко спасению и житию твоему прообразование Иова многострадальнаго, рождение твое и память праведника сочетавая. Мы же, грехи и беззакония наша поминающе, с трепетом сердечным и сокрушением душевным вопием ти сице: Радуйся, хулы и напасти от народа твоего претерпевый; радуйся, веру до конца сохранивый! Радуйся, образе кротости; радуйся, светильниче правды! Радуйся, блюстителю богопочтения; радуйся, правило смирения! Радуйся, Николае, боговенчанный царю и великий страстотерпче!
Кондак 3
Сила Вышняго осени тя, Боговенчанне Николае, лжемудрствующу западу вразумление противоратное соделавшаго, да мир Богу возопиет: Аллилуиа!
Икос 3
Имея тщание о вразумлении заблудших, поревновал еси, Благоверный царю, храмов созиданию, мощей святых угодников Божиих прославлению, просвещения христианскаго насаждению и обездоленных от насилия ограждению, да мир Христианский вопиет ти таковая: Радуйся, святителя Николая на земли соимените; радуйся, преподобного Серафима на небеси сомолитвенниче! Радуйся, православия насадителю; радуйся, света Христова носителю! Радуйся, терпения христианскаго учителю; радуйся, православным христианом заступниче! Радуйся, Николае, боговенчанный царю и великий страстотерпче!
Кондак 4
Бури безумия и злоречия не убоялся еси, страстотерпче Николае, егда согласие со враги на палубу Отечества отвергл еси, злохуления, заточение и умерщвление претерпев, вопия Богу Вседержителю: Аллилуиа!
Икос 4
Слышаще державы Российския нестроение и видяще христиан разорение, молился еси, не преставая, да спасет Всеблагая Русь православную, сего ради вопием ти: Радуйся, молитвы кадило благовонное; радуйся, лампадо веры неугасимая! Радуйся, буйствующих кротостию вразумление; радуйся, неутешных в скорбех утешение! Радуйся, небесных благ любителю; радуйся, правды ревнителю! Радуйся, Николае, боговенчанный царю и великий страстотерпче!
Кондак 5
Боготечная звездо людем российстим в разсеянии сущим явился еси, царю Николае, о имени твоем во едино их собирая и путь Христов к возрождению земли Российстей показуя, да поют ангели песнь о кающихся грешницех: Аллилуиа!
Икос 5
Видя, яко кротость и смирение твое ничтоже успевают, все упование на Пречистую возложил еси и в руце Вседержителя всего себе предал еси, да и безумныя вразумит во еже пети тебе: Радуйся, гордыни победителю; радуйся, венца небеснаго носителю! Радуйся, немощных стено необоримая; радуйся, гордых вразумителю! Радуйся, к людем своим любовь преизобильная; радуйся, за Русскую землю жертво усердная! Радуйся, Николае, боговенчанный царю и великий страстотерпче!
Кондак 6
Проповедуют концы вселенныя славу твою, во всю землю изыде словеса твоя, яко нестъ тоя жертвы, юже не принесл бых за благо Отечества своего, научая тем люди твоя благодарственно пети Богу: Аллилуиа!
Икос 6
Возсиял еси паче солнца земли Российстей, царю Николае, православному народу заступление даже до смерти явивый, да вси ко Христу обращаются и к тебе прибегают, сего ради воспеваем ти таковая: Радуйся, свете от востока изшедый; радуйся, образе царем православным! Радуйся, правды сияние неистощимое; радуйся, кротости светило незаходимое! Радуйся, грешников отчее вразумление; радуйся, праведников усердное прославление! Радуйся, Николае, боговенчанный царю и великий страстотерпче!
Кондак 7
Хотяй веру православную на земли утвердити, подвигл еси все царство твое на заступление обидимыя страны Сербския, да вси вопиют Богу: Аллилуиа!
Икос 7
Новаго тя Ноя, строителя спасения народу Российскому яви Господь, да вся труды твоя поминающе, непрестанно воспеваем ти сицевая: Радуйся, Российскаго корабля водителю; радуйся, славян в бедах утешителю! Радуйся, Сербстей страны заступление; радуйся, россиян окормление! Радуйся, христианских добродетелей насадител; радуйся, миролюбия возвестителю! Радуйся, Николае, боговенчанный царю и великий страстотерпче!
Кондак 8
Странное чудо видим на тебе, Николае, десницею Всевышняго многажды спасаеме, со чады же и сродники мученическим венцем венчаемем, да Богу Промыслителю всяческих вопием: Аллилуиа!
Икос 8
Весь еси всем христианом заступник явился еси, Богоизбранне Николае, сугубое заступление народом славянским показуеши, на похвалу подвизая пети тебе: Радуйся, защите обидимых; радуйся, вразумление обидящих! Радуйся, скорбных прибежище; радуйся, гонимых заступниче! Радуйся, в житии твоем миротворче; радуйся, по убиении твоем христианом поборниче! Радую, Николае, боговенчанный царю и великий страстотерпче!
Кондак 9
Всякими чудесы яви Господь благоволение Свое Российским людем, дондеже преогорчиша Господа зело, но тобою к покаянию призываемы, купно воспоим Богу: Аллилуиа!
Икос 9
Ветия многовещанныя, яко рыбы безгласныя, не возмогут возрещи высоту твоего терпения, мы же глубину падения нашего созерцающе, в сокрушении духа взываем: Радуйся, терпение необоримое; радуйся, верносте христиан непоколебимая! Радуйся, гордыни сокрушение; радуйся, безумных умудрение! Радуйся, образ верным в житии и мученичестей кончине давый; радуйся, за грех земли своей пострадавый! Радуйся, Николае, боговенчанный царю и великий страстотерпче!
Кондак 10
Спастися хотяй всем человеком, иже на крови мучеников Своих Церковь основавый сердцеведец Христос, положи тя, страстотерпче Николае, во основание новыя храмины Державы Российския, да вси в ней сущия вопиют Богу: Аллилуиа!
Икос 10
Стена еси всем к тебе с верою прибегающим и необоримое ограждение миру православному еси, научат вся верныя славити тя сице: Радуйся, на земли небесных явление; радуйся, оскудевающих добродетельми восполнение! Радуйся, заре в земли Российстей возсиявшая; радуйся, реко, все пределы ея напитавшая! Радуйся, смиренномудрия учителю; радуйся, веры и любви насадителю! Радуйся, Николае, боговенчанный царю и великий страстотерпче!
Кондак 11
Пение Пресвятей Троице даже до смерти приносяще, течение скончал еси и веру соблюл еси, еюже вся православныя христианы подвизаеши пети: Аллилуиа!
Икос 11
Светодателем послан быв земли нашей, яко агнец непорочный, полагаешися во искупление грех наших, да вси непрестанно тя славим: Радуйся, боголюбезная жертве; радуйся, любвеобилие неистощимое! Радуйся, верности Христовы похвале; радуйся, веяние духа незримое! Радуйся, зерцало премудрости; радуйся, ненадеющихся надежде! Радуйся, Николае, боговенчанный царю и великий страстотерпче!
Кондак 12
Божественная благодать немощная врачующая предуведе тя, яко врачевство неистощимое владомым твоим, вопиющим Богу: Аллилуиа!
Икос 12
Поюще страдания твоя, страстотерпче Николае, покланяемся терпению твоему, яко силе Всемощныя Троицы явльшейся на тебе, да вси согласно вопием: Радуйся, возлюбленное чадо Христово; радуйся, непорочная чада твоя и верныя слуги ко Христу приведый! Радуйся, царице праведною и мученицею быти поспособствовавый; радуйся, народ твой во истине наставивый! Радуйся, Отечества чести не посрамивый; радуйся, Царство Небесное стяжавый! Радуйся, Николае, боговенчанный царю и великий страстотерпче!
Кондак 13
О пречудный и преславный страстотерпче Николае, призри на царство твое земное и люди твоя, всякаго бо ответа о гресех наших недоумеем, и умоли Вседержителя, да не внидет в суд с нами, но сподобит ны непрестанно воспевати: Аллилуиа.
(Этот кондак читается трижды, а затем икос 1 и кондак 1)
Тропарь, глас 5-й
Царства земнаго лишение, / узы и страдания многоразныя от богоборцев / кротко претерпел еси, / свидетельствовав о Христе даже до смерти,/ страстотерпче великий, боговенчанный царю Николае, / сего ради мученическим венцем на небесех, / венча тя с царицей и чады Христос Бог, / Егоже моли помиловати страну Российскую / и спасти души наша.
Молитва святому Царю-мученику Николаю
О святый страстотерпче царю мучениче Николае, помазаника Своего тя Господь избра, во еже милостивно и право судити людем твоим и хранителю царства православнаго быти. Царское служение сие и о душах попечение со страхом Божиим совершил еси. Испытуя же тя, яко злато в горниле, скорби горькия Господь ти попусти, якоже Иову многострадальному, последи же престола царскаго лишение и мученическую смерть посла ти. Вся сия кротко претерпевый, яко истинный раб Христов, наслаждаешися ныне вьшния славы у Престола всех Царя, купно со святыми мученики: святою царицею Александрою, святым отроком царевичем Алексием, царевнами Ольгою, Татианою, Мариею и Анастасиею и с верными слуги твоими, также со святой мученицею княгинею Елисаветою и со всеми царственными мученики и святою мученицею Варварою. Но яко имея дерзновение велие у Христа Царя, Его же ради вси пострадаша, моли с ними, да отпустит Господь грех народа, не возбранившаго убиение твое, царя и помазанника Божия, да избавит Господь страждущую страну Российскую от лютых безбожник, за грехи наша и отступление от Бога попущенных, и возставит престол православных царей, нам же подаст грехов прощение, и на всякую добродетель наставит нас, да стяжим смирение, кротость и любовь, яже сии мученицы явиша, да сподобимся Небеснаго Царствия, идеже купно с тобою и всеми святыми новомученики и исповедники Российскими прославим Отца и Сына и Святаго Духа, ныне и присно и во веки веков. Аминь.
Акафист страстотерпцу царю Николаю II
4.8
(96.67%)
6
голос.
(помощи в болезнях, скорбях, гонениях, заточении)
Кондак 1
Избранному сыну Руси Православныя, на служение народу своему свыше от Бога посланному, великому Российскому Царю-великомученику Николаю от скверных устен дерзаем принести пение хвалебное, да приимет Господь покаяние сокрушенное за грех отцев наших, клятву преслушавших и Божия Помазанника убиению не возбранивших, да зовем ему:
Радуйся, Николае, благоверный Царю и великий страстотерпче!
Икос 1
Яко Ангел светлый явился еси во дни испытаний страны Российския, егда вступил еси на престол отцовский по безвременней кончине венценоснаго родителя твоего, знаменуя тем скорбное царства твоего и крестнаго пути начало, сего ради вопием ти:
Радуйся, Творцом Богом на царское служение предызбранный; радуйся, угодникам Божиим прежде рождества твоего в видениях предуказанный.
Радуйся, скипетр и державу царския от юности в руце свои приемый; радуйся, с сими Крест Христов на рамена своя подъемый.
Радуйся, до конца жития его пронесый, взирая на Подвигоположника своего; радуйся, мужеству и терпению наученный от Царственнаго родителя твоего.
Радуйся, Николае, благоверный Царю и великий страстотерпче!
Кондак 2
Видяще бедствие народа православнаго, за безверие во гресех погибающаго и от лютых врагов нападствуемаго, на князи, сыны человеческия, не надеялся еси, обаче все упование возложил еси, Царю Николае, на вся Могущаго, выну взывая ко Господу о людех, тебе вверенных: Аллилуиа.
Икос 2
Разумев, Царю Николае, яко угодники Божии велие имеют дерзновение в молитвах за Русь Святую у Престола Царя царствующих, святых множество прославил еси; сего ради и мы тебе ныне, якоже некогда и ты ко оным, взываем и молимся:
Радуйся, Господа во святых Его прославивый; радуйся, тем велию любовь к Нему показавый.
Радуйся, яко закон любве Евангельский исполнил еси; радуйся, яко храмы Божии благолепно украшал еси.
Радуйся, яко образ жития благочестиваго паче почестей мирских возлюбил еси; радуйся, яко благочестием твоим и нам подражания образ явил еси.
Радуйся, Николае, благоверный Царю и великий страстотерпче!
Кондак 3
Сила Вышняго чудесно явися ти, егда молитвами Серафима преподобнаго чудотворца, егоже прославил еси, Господь Наследника престола Российскаго дарова тебе; о сем радующеся зовем: Аллилуиа.
Икос 3
Имея велию любовь ко Господу, во всем Ему угодити потщался еси, сего ради и Господь, видя добродетели твоя, яви ти волю святую Свою, да, ведая благое изволение Божие, право ступаеши на всех стезях своих. Таковому еже о тебе попечению Божию дивящеся, вопием:
Радуйся, послушание приемый от Отца Небеснаго нести благое иго Христово; радуйся, послушание сие соблюдый даже до смерти, смерти же крестныя.
Радуйся, яко николиже противу повеления Господня что сотворил еси; радуйся, яко волю свою пред Создателем нивочтоже вменил еси.
Радуйся, не людем, но Богу, якоже апостол Павел, угождати восхотевый; радуйся, сим благодать велию, яко истинный раб Господень стяжавый.
Радуйся, Николае, благоверный Царю и великий страстотерпче!
Кондак 4
Бурю внутрь имея помышлений сумнительных, благоверный Царю, зряще смуту велию и Церкве нестроение, рекл еси ко архиереом: аще восхощу царства земнаго отрещися и образ ангельский восприяти, да вам Патриархом стану, приимите ли мя? Тии же умолчаша. Скорбя же за Отечество свое, изшел еси оттуду, вопия горце в сердце своем: Аллилуиа.
Икос 4
Слышав, Царю Николае, яко люди злы неправедно поношаху тя и супруги твоея Царицы Александры имя честное, ничтоже отвещал еси им, царя Давида помышляя, о Семее рекшаго: оставите, да сей злословит Давида, яко Господь повеле ему сие творити. Сего ради призре Господь на уничижение твое, возвыси бо тя паче иных царей земных, якоже и Давида иногда, да вси восхваляют тя сице:
Радуйся, кротостию и незлобием Царю-псалмопевцу уподобивыйся; радуйся, ревностию о Бозе Давиду подражавый.
Радуйся, яко врагом своим за зло отмщения не воздал еси; радуйся, яко сим веру ко вся в деснице Своей содержащему показал еси.
Радуйся, смиренномудрием своим духа гордыни низложивый; радуйся, незлобием велиим и Ангелов удививый.
Радуйся, Николае, благоверный Царю и великий страстотерпче!
Кондак 5
Боготечной звезде, путь в горняя указующей, уподобился еси, Николае, в житии твоем, пекийся о людех царствия твоего, яко ин никтоже когда; не вкушая брашна, дондеже последний из воев ополчения твоего напитан будет. О сем дивящеся, зовем: Аллилуиа.
Икос 5
Видевше отроковицы, чада твоя, чистое и непорочное житие твое, не восхотеша женихов именитых, богатства и почестей мирских, имуще пред собою благочестия пример и добродетели, отца своего, емуже вопием:
Радуйся, не токмо семьи, но и всея России отец чадолюбивый; радуйся, супруг верный и родитель благочестивый.
Радуйся, от корене благаго благия ветви, чада твоя, израстивый; радуйся, яко тыя ветви принесоша благочестия плод, прославляюще отца своего.
Радуйся, яко семью твою образом Церкви Христовой явил еси; радуйся, яко целомудренным житием твоим народ твой ко благочестию наставил еси.
Радуйся, Николае, благоверный Царю и великий страстотерпче!
Кондак 6
Проповедницы воли Господни быша святыя Его, темже рече Серафим преподобный: будет Царь, иже мя прославит, по сем же смута велия на Русь приидет, зане восстанут на Царя того и державу его, и восставши погибнут, Царя же Господь возвеличит. Сбывшуся же пророчеству сему, радующеся зовем: Аллилуиа.
Икос 6
Возсиял еси яко солнце праведностию своею, Царю Николае, Иову Многострадальному уподобляяся, емуже и подобен по множеству скорбей обрелся еси, с кротостию приемля злая и благая от руки Господни. Рекл бо еси: имам веру непоколебиму, яко судьба России, такожде моя и семьи моей выну в руце Господни содержатся. Сие же упование не посрами тя, тем восхваляюще вопием ти:
Радуйся, якоже Иов от Бога славою и богатством возвеличенный; радуйся, из руки Божией злая якоже благая приемый.
Радуйся, яко за скорби и поношения Бога благодарил еси; радуйся, яко и в помыслах на Господа не возроптал еси.
Радуйся, в уповании на Бога столпе непоколебимый; радуйся, по искушении якоже Иов Самим Богом утешенный.
Радуйся, Николае, благоверный Царю и великий страстотерпче!
Кондак 7
Хотяще отвратити гнев Божий, на народ Российский за отступление от Бога излиянный, рекл еси: несть таковыя жертвы, юже аз не принесл бых за благо Отечества моего; и прият Господь жертву твою, Емуже вовеки зовем: Аллилуиа.
Икос 7
Новое откровение Божие бысть ти, егда вшедшу ти с Царицею к блаженней Параскеве, показуя смиренномудрие свое, сел еси на пол по повелению старицы Господни; та же прорече ти кончину мученическую, повелев, егда приидет час, престола Царскаго отрещися; о сбытии словесе сего дивящеся, вопием:
Радуйся, яко прозорливый Авель за столетие провиде скорбное житие твое; радуйся, яко преподобный Варнава Гефсиманский велию славу имени твоему прорече.
Радуйся, при жизни от затворника Агапия славословие, яко великомученик услышавый; радуйся, со смирением от старцев схимников земное поклонение приемый.
Радуйся, от святых угодников Божиих на подвиг благословленный; радуйся, сих молитвами свыше от Бога на страдания укрепленный.
Радуйся, Николае, благоверный Царю и великий страстотерпче!
Кондак 8
Странно и недоразумеваемо сильным мира сего бысть житие твое, како посещению храмов Божиих прилежал еси, моляся на всяк день Богу пред начатием дел своих. Сему подражати ищуще, вопием и мы Господеви: Аллилуиа.
Икос 8
Весь себе самаго на служение Господу и народу своему освятивый, рекл еси, Царю Николае: не положу оружия моего, дондеже последний из врагов на земли Русской истребится; людие же едиными усты отвещаша ти: Боже, Царя храни, — якоже древле иудеи: осанна Сыну Давидову вопияху, да вскоре: распни Его возопиют; сие поминающе зовем:
Радуйся, Христу подобяся себе в жертву за грехи людския принесый; радуйся, добровольне на Голгофу Российскую возшедый.
Радуйся, яко никтоже изочтет болезни и борения твоя, егда царства земнаго отреклся еси; радуйся, яко в нощь тую якоже Господь в Гефсимании молился еси.
Радуйся, иже от слуг неверных, якоже Спаситель Иудою, лестию лобзанный; радуйся, якоже Христос тогда, всеми оставленный и други твоими преданный.
Радуйся, Николае, благоверный Царю и великий страстотерпче!
Кондак 9
Всякое естество Ангельское удивися высоте смирения твоего, зане Сыну Божию уподобился еси. Якоже Христос за род человеческий смерть поносную прият, да грехи наша Своею Кровию омыет, тако и ты за беззакония народа своего в Господе нашем себе самаго в жертву принесл еси. Преклоняющеся высоте подвигов твоих зовем: Аллилуиа.
Икос 9
Вития многовещанныя суетнаго мира сего не прияша величия твоего, Царю; не бо разумеша, како человек немощен сый, возмогл еси в лице святых обрестися и Царю славы предстати. Сих посрамление зряще, восклицающе рцем:
Радуйся, Царю православный, венцем терновым от Бога увенчанный; радуйся, за други, паче же и за враги своя душу предавый, да вся с собою во Отечество Небесное приведеши.
Радуйся, яко по словеси Христову, большия любве никтоже имать, юже явил еси; радуйся, яко кровию своею со всеми новомученики Российскими грехи России омыл еси.
Радуйся, от престола и скипетра добровольно отрекийся, да нас научиши не домогатися власти в мире сем; радуйся, от царскаго Помазания Святаго Духа никогдаже отрекийся, да нас научиши верности Христу Богу.
Радуйся, Николае, благоверный Царю и великий страстотернче!
Кондак 10
Спасти хотя удел Пресвятыя Богородицы, страну нашу Российскую, избрал еси в видении дивном, от Бога посланном, чашу горькую страданий и мук крестных, помы-шляюще в сердце своем: погибну аз, да спасена будет страна моя; чашу, юже послал ми Господь, не имам ли пити ю? Темже, поминающе Спасителя своего вопиял еси: Аллилуиа.
Икос 10
Стена еси тверда и ограждение непоколебимое, Царю православный, для Отечества своего. Предан бо сый, обманут же и оставлен всеми, не оставил еси молитвы своея, скорбя и сетуя за царство Российское, в бездне пороков гибнущее. Сего ради и мы из мрака греховнаго взываем ти:
Радуйся, яко агнец на заклание веденный; радуйся, от беззаконных слуг антихриста заушенный.
Радуйся, Царю, чашу горькую предательства, оцет с желчию вкусивый; радуйся, мучителей твоих Евангельски простивый.
Радуйся, от врагов, клеврет сатанинских убиенный; радуйся, якоже тучное всесожжение ко Престолу Вседержителя вознесенный.
Радуйся, Николае, благоверный Царю и великий страстотерпче!
Кондак 11
Пение всякое не довлеет к восхвалению чудес твоих, Царю Николае, егда ныне, предстоящи у Престола Господня, ходатайствуеши о стране твоей и людех ея, всем же притекающим к тебе скорую помощь подаеши. Сего ради и мы к тебе прибегаем, помощи твоея небесныя чающе, Богу же зовуще: Алдилуиа.
Икос 11
Яко светоприемную свещу на свещнице высоцем, да светит всем, поставленную, поминаем тя, великий Царю Российский, и со слезами припадающе, молим: спаси предстательством своим страну Российскую, по слову преподобнаго твоего под игом бесовским доныне томящуюся, и изведи из сего плена вавилонскаго сынов Российских, да возможем невозбранно звати ти:
Радуйся, яко от рук беззаконник, якоже некогда святый князь Андрей Боголюбский кончину приял еси; радуйся, яко вторый Николай чудотворец на Руси явился еси.
Радуйся, яко сын твой вторый Димитрий царевич явися; радуйся, яко супруга твоя древней Александре царице уподобися.
Радуйся, яко дщери твоя Христу уневестишася и в чертог Небеснаго Жениха взыдоша; радуйся, яко верныя слуги твоя к лику мученик причтошася.
Радуйся, Николае, благоверный Царю и великий страстотерпче!
Кондак 12
Благодать отъят от России Господь во дни тыя, посла же карающую десницу Свою, правителей безбожных, да накажет народ непокорный за преслушание клятвы, древле отроку Михаилу Романову данной; сего ради реки крови потекоша, за убиение Помазанника Господня излиянныя, и бысть на Руси тьма великая, казнь египетская. Сего ради взываем: из тьмы зол сих возведи ны, угодниче Божий, кающихся и вопиющих Богу: Аллилуиа.
Икос 12
Поюще славную кончину твою, Царю Николае, семьи твоея и верных слуг твоих, преклоняем колена наша, не смеем бо возвести очеса наша от земли безмерных ради беззаконий наших, и просим от тебе заступления и скудными словесы глаголем и вопием:
Радуйся, Богу угодивый и козни диавола посрамивый; радуйся, венец царский на венец мученический пременивый.
Радуйся, тем велие дерзновение ко Христу Богу возымевый; радуйся, униженный на земли и возвеличенный на Небеси.
Радуйся, с лики святых Русских Господеви молящийся; радуйся, купно с ними прощение народу Российскому ходатайствующий!
Радуйся, Николае, благоверный Царю и великий страстотерпче!
Кондак 13
О святый великомучениче и страстотерпче благоверный Царю Николае, просим и молим тя: предстояще ныне Престолу Пресвятыя Троицы, исходатайствуй у Господа отпущение грехов народу Русскому и испроси у Царя царей, да возставит царство православное в страждущей стране Российской, да посрамятся вси врази, хотящии нам злая и да вопиет во веки Русь Святая: Аллилуиа.
(Этот кондак читается трижды, затем 1-й икос и 1-й кондак)
Икос 1
Яко Ангел светлый явился еси во дни испытаний страны Российския, егда вступил еси на престол отцовский по безвременней кончине венценоснаго родителя твоего, знаменуя тем скорбное царства твоего и крестнаго пути начало, сего ради вопием ти:
Радуйся, Творцом Богом на царское служение предызбранный; радуйся, угодникам Божиим прежде рождества твоего в видениях предуказанный.
Радуйся, скипетр и державу царския от юности в руце свои приемый; радуйся, с сими Крест Христов на рамена своя подъемый.
Радуйся, до конца жития его пронесый, взирая на Подвигоположника своего; радуйся, мужеству и терпению наученный от Царственнаго родителя твоего.
Радуйся, Николае, благоверный Царю и великий страстотерпче!
Кондак 1
Избранному сыну Руси Православныя, на служение народу своему свыше от Бога посланному, великому Российскому Царю-великомученику Николаю от скверных устен дерзаем принести пение хвалебное, да приимет Господь покаяние сокрушенное за грех отцев наших, клятву преслушавших и Божия Помазанника убиению не возбранивших, да зовем ему:
Радуйся, Николае, благоверный Царю и великий страстотерпче!
Молитва святому царю-искупителю Николаю II
«О святый великий Российский Царю и страстотерпче Николае! Вонми гласу моления нашего и вознеси ко Престолу всевидящаго Господа стенания и воздыхания народа Русскаго, некогда богоизбраннаго и благословеннаго, ныне же падшаго и от Бога отступившаго. Разреши клятвопреступление, доселе тяготеющее над народом Русским. Тяжко бо согрешихом, отступивше от Царя Небеснаго, оставльше веру православную на попрание нечестивых, преступльше клятву соборную и не возбранивше убиению твоему, Семьи твоея и верных слуг твоих.
Не бо послушахом повеления Господня: «Не прикасайтеся помазанным Моим» паки же Давиду глаголющу: «Иже прострет руку на Помазанника Господня, не Господь ли поразит его?» И се ныне достойная по делом нашим приемлем, тяготеет бо даже до дне сего на нас грех царския крови пролития.
Доныне оскверняются святыни наши. Блуд и беззаконие не оскудевают от нас. Чада наши преданы на поругание. Вопиет к небу кровь невинная, на всякий час в земле нашей проливаемая.
Но виждь слезы и сокрушение сердец наших, каемся бо, якоже киевляне некогда пред князем Игорем, ими умученным; якоже владимирцы пред князем Андреем Боголюбским, ими убиенным, и просим: умоли Господа, да не отвратится от нас до конца, да не лишит народ Русский великаго избранничества Своего, но да подаст нам разум спасения, во еже восстати нам из глубины падения сего.
Имаши бо, Царю Николае, дерзновение велие, ты бо кровь свою пролиял еси за народ свой, и душу положил еси не токмо за други, но и за враги своя. Сего ради предстоиши ныне в Невечернем Свете Царю Славы, яко верный слуга Его. Буди нам ходатай и заступник, и охранитель. Не отвратися от нас, и не остави нас на попрание нечестивых. Даруй нам силы на покаяние, и правосудие Божие приклони на милосердие, да не погубит нас до конца Господь, но да вся простит и милостивно помилует, и спасет землю Русскую и народ ея. Да избавит же Отечество наше от постигших бед и напастей, возродит веру и благочестие, восставит же престол Царей православных, еже сбытися пророчествам угодников Божиих. И да прославят люди Русские по всей вселенней всехвальное имя Господне и верно послужат Ему до скончания века, воспевая славу Отцу и Сыну и Святому Духу ныне и присно и во веки веков. Аминь.»
Смотреть другие молитвы царю Николаю II.
Тропарь, глас 5
Царства земнаго лишение, узы и страдания многоразличныя кротко претерпел еси, свидетельствовав о Христе даже до смерти от богоборцев, страстотерпче великий Боговенчанный Царю Николае. Сего ради мученическим венцем на небесех венча тя с Царицею, чады и слуги твоими Христос Бог. Его же моли помиловати страну Российскую и спасти души наша.
Кондак, глас 3
Мирликийскому предстателю подражатель, благоверный Царю Николае Вторый чудотворец показался еси. Христово бо Евангелие исполнив, положил еси душу твою за люди твоя и спасл еси неповинныя, паче же повинныя от смерти. Сих ради мученическою кровию освятился еси, яко великомученик Церкви Христовы.
Величание страстотерпцу царю Николаю
Величаем тя, страстотерпче святый Царю Николае, и чтим честная страдания твоя, яже за Христа претерпел еси.
Сохранить акафист в социальных сетях:
Акафист народного покаяния
СВЯТОМУ БЛАГОВЕРНОМУ
ЦАРЮ-ВЕЛИКОМУЧЕНИКУ
НИКОЛАЮ ВТОРОМУ ИСКУПИТЕЛЮ РУСИ
Скачать Акафист Царю-искупителю Николаю II (в формате .doc): akafist-caryu-iskupitelyu-nikolayu-ii.doc (cкачиваний: 2780)
Кондак 1
Избранный от рождения Царю Николае, земной образ Христа Царя по Благодати мiру всему показавый, во дни окаянныя смуты Народом Твоим на оклеветание, поругание и пропятие сыновом диавола изменою подлою преда́нный, и яко Агнец Божий, Соборный грех его на Себе понесший; подвиг любви Голгофской искупительной жертвою явивый, ради спасения России и искупления греха неверности Народа ея. Тебе, предивному Угоднику Божию и Святой Руси Самодержцу, похвальная воспеваем пение: Радуйся, Святый Царю-искупителю Николае, Русь к воскресению чрез Соборное Покаяние призывающий.
Икос 1
Ангела во плоти зрели Тя людие Русские, Святый Царю-искупителю Николае, в Православной Вере непоколебимо стоящего и единой целью мирное преуспеяние, могущество и славу России имущего; яко чадолюбивый Отец людем Твоим всякаго звания и состояния был еси. Обаче, духом мiра сего прельщении, уклонишася чада Твоя от служения Богу и Тебе христу Его, на стези погибельныя. Мы же, подвигу Твоему дивящеся, восхваляем Тя тако:
Радуйся, любви Христовой воплощение;
Радуйся, Престола Русского украшение.
Радуйся, Иову многострадальному смирением уподобивыйся;
Радуйся, за искупительный подвиг воссести одесную Христа удостоивыйся.
Радуйся, Святый Царю-искупителю Николае, Русь к воскресению чрез Соборное Покаяние призывающий.
Кондак 2
Видяще Милосердный Господь древо велие Державы Русския ветрами злобы поднебесной колеблемо и множеством паразитов люте изъязвляемо, воздвигоша Тя, Святый Царю Николае, яко премудрого вертоградаря в вертограде Своем, да попечением благим корни его с любовию укрепиши и произрастит изобилие плодов. Понеже корень древа бысть Священный Царский Род. Тем Благость Божию из десницы Твоей приемше, взываем Творцу всех: Аллилуйя.
Икос 2
Десницу Господню во Помазаннике Божием не хотяше видите и очи сердца своего гордыней предерзостной омрачиша, потщишася знатныя люди Русския, Державную Десницу христа Господня супротив Воли Божией по воле своей направляти. Егда же в похотении суетнем Тобою обличени быша, умыслили еси в сердцах измену. Ты же, любовию отеческой чада державного лона покрывая, вся им простил еси. Сего ради Тя ублажаем:
Радуйся, Царского корени благодатная отрасль.
Радуйся, Державного древа премудрый вертоградарю.
Радуйся, секирою измены с чадами Твоими посеченный.
Радуйся, за Россию пред Богом ходатай дерзновенный.
Радуйся, Святый Царю-искупителю Николае, Русь к воскресению чрез Соборное Покаяние призывающий.
Кондак 3
Сила Вышняго осени тя, Святый Царю Николае, Волю Святую Царя Небесного на земли смиренно творити и Государством Русским яко Самодержец мудро правити. Да Милостию Божией, по молитвам Твоим, Благодать стяжавши, поют людие Русские Христу Богу: Аллилуйя.
Икос 3
Имея тщание о благоустроении Церкви и Державы Русския, призвал еси верно служити Тебе, яко Трона опора, слуги ближние: у Престола Царского предстоящий, Совет Государев творящий, властию на местах облеченнии, да суд и правду соблюдут ко благу Отечества. Сии же, Богу данный обет на верность Тебе, не сохраниша, возжелали еси Волю Божию чрез Тебя Руси являемую, законом человеческим, яко стеною оградити. Похоти сердца своего невозбранно творити и путями Господними не ходити. Слуги же вернии глаголют Ти:
Радуйся, твердое Закона Христова на земли основание;
Радуйся, всех обидимых непостыдное упование.
Радуйся, слугами ближними во дни испытания преданный;
Радуйся, изменою власть захвативших милостиво простивый.
Радуйся, Святый Царю-искупителю Николае, Русь к воскресению чрез Соборное Покаяние призывающий.
Кондак 4
Бурею злобы врагов Христа и Отечества нашего не устрашивыйся, с малых лет служению ратному посвятил еси Себе, Царю Николае. Завет родителя Твоего в сердце храняще, яко несть у России в мiре сем други вернии, токмо Армия и Флот России – сила ратная. Сего ради заботою непрестанной облеклся еси о Силе и Славе Воинства бранного. Да воспевают вси воини Русские победную песнь Христу Богу: Аллилуйя.
Икос 4
Слышаще Воины Православные трубный глас Царя Самодержавного, воздвигошася на брань в защиту единоверныя страны Сербския и подвигами ратными весь мiр удивиша. Обаче, изнемогоша от ран и скорбей, лестью вражией яко жалом клеветы диаволей уязвленнии, позабыли еси Священную Клятву верности Богу и тебе Его Помазаннику. И тако сатаниной лестию обольщении предали на оклеветание, поругание и пропятие Солнце Земли Русския, Царя Самодержавного. Сего ради попусти Господь сынам диавола, казнити лютой смертью воины Русския и губити воинство Руси нашей славное. Да во безумии своем покаемся, с Воинством Ангельским восхвалим Бога и Помазанника Его:
Радуйся, Воинства Христианского Державный предводителю.
Радуйся, гордыни вражеской на поле брани победителю.
Радуйся, войском мятежным на поругание сыновей диавола оставленный.
Радуйся, чести ратной до смерти не посрамивый.
Радуйся, Святый Царю-искупителю Николае, Русь к воскресению чрез Соборное Покаяние призывающий.
Кондак 5
Боготечною звездой явися Народу Русскому добродетельное Твое житие, Царю Николае, яко чудным венцем добродетелей христианских светло украшенный, об укреплении Веры Православной неустанно ревновал еси: духовном просвещении, храмов созидании, добронравия насаждении. Во еже, благодатию осеняемии, взывают радостно людие Православные: Аллилуйя.
Икос 5
Видеша Архипастыри и пастыри Церкви ересью папизма калеблемыя, и о Христианском Благочестии в Церкви небрегущия. Державу Русскую за нечестие пастырей многими нестрояниями и безверием обуяваемую, потщился еси люди на Свет и Истину наставити, о Священстве имеша попечение не суетное. Но не познаша Тя пастыри Русские, злом за благо Тебе воздаша и вместо верности, изменою подлою сердце Твое изостриша. И тако оскуде в народе исконная Вера Православная во Самодержавного Царя, яко Помазанника Божия и провозвестника Воли Божией. Отонуду же, духом мятежным искушаемии, мерзость запустения на Святом Царском месте в Церковной молитве устрояху. И вместо Тя – Божия Избранника – сыновей диавола на Святом Царском месте христа Господня поминати сташа. Сего ради сотвори Господь по молитве просящих, и положи под нози христоборцев люди Русские, и пожроша за сие беззаконие лютый огонь Гнева Божия пастырей Церкви Русския. Но не уразумели тоя причины Гнева Божия, и до ныне мерзость запустения в Церковной молитве творят такожде. О таковом ослеплении сердец их болезнуя, вопием Ти:
Радуйся, Церкви Русской столпе и ограждение;
Радуйся, Веры Православной твердое исповедание.
Радуйся, в смуте соборной молитвы изменой лишенный.
Радуйся, от пастырей Русских сугубого покаяния ожидающий.
Радуйся, Святый Царю-искупителю Николае, Русь к воскресению чрез Соборное Покаяние призывающий.
Кондак 6
Проповедником доблестного служения Отечеству явился еси, Преславный Царю-искупителю Николае, образ верности и трудолюбия Народу Твоему показуя, наипаче же дворянству Русскому, понеже родословием своим ко служению Господу и Отечеству призвани бысть. Да подвигами славными увенчании, славословят Бога: Аллилуйя.
Икос 6
Возсияла еси паче солнца мiрови, слава Державы Русския, под скипетром Твоим Венценосче Святый. Обаче исконнии слуги Твоя, опора Твоя верная, духом гордости и ядом чужебесия одержими, возлюбиша паче служения Богови славу мiра сего, идола же себе из душетленнаго запада и тела златого творяху. И тако лютее враг иноземных, в родной земли на Православную Веру, Царя-Отца и Отечество свое злом безумия воссташа. И Тя Святый Царю Николае, изменною подлою на оклеветание, поругание и пропятие врагам рода Русского предаша. Сего ради, видя Господь нераскаянную злобу сердец сих, под серп христоборцев дворянское сословие Руси отдаша, и яко лозу безплодную секирою Праведного Гнева Своего посекоша. Мы же люди Русския, в разум истины ныне, по молитвам Твоим пришедшии, вопием Ти сице:
Радуйся, доблести дворянской пресветлое зерцало.
Радуйся, беззаветного Руси служения образе и начало.
Радуйся, родом дворянским в бедах отринутый.
Радуйся, слугам неверным все неправды простивый.
Радуйся, Святый Царю-искупителю Николае, Русь к воскресению чрез Соборное Покаяние призывающий.
Кондак 7
Царство Христово на земли, по Воле Божией мудро созидая, Царю Николае, даровал еси милость Свою людям Божиим, земледельцам и всем в поте лица своего труждающимся. О просвещении истинном Народов Русских во вся дни неусыпно ревновал еси, дабы во Отечестве нашем Вера Православная непорочно содержалалося и Имя Божие во истинном благочестии прославлялося. Сего ради мы ныне в разум истины от заблуждений своих пришедши и законы предков непреложно храняще, Царя Небесного, во иконе Его земной – христе Господне – неложно почитающее, едиными усты и единым сердцем возглаголим Богу: Аллилуйя.
Икос 7
Новаго Тя Соломона Премудрого разумели людие Русские, Державу Твою яко Храм Божий сотворшаго не ради славы земной, но спасения ради душ человеческих, зане все странники на земли еси в привременней жизни сей. Внегда же налете смута, яко буря в море житейском, возжелаша земледельцы суетне разделение земли учинити, имением тленным соблазнишася, не хотяще во истине Богу и Тебе, христу Его, пети:
Радуйся, Земли Русской нелицемерный любителю.
Радуйся, труженников ея милостивый покровителю.
Радуйся, на верность Народа упование возлагавый.
Радуйся, изменою его на оклеветание и пропятие врагам отданный.
Радуйся, Святый Царю-искупителю Николае, Русь к воскресению чрез Соборное Покаяние призывающий.
Кондак 8
Странное чудо всему мiру явися, егда под крылом Твоим, Боговенчанный Царю Николае, возвеличишася Держава Русская и процвете, яко крин сельный, богатством и славою, наипаче же трудолюбием мастеровых людей ея иноземныя страны изрядно удивляюще. О сем радуяся, воспеваем со умилением Богу: Аллилуйя.
Икос 8
Весь бе в вышних и нижних никакоже отступи, Помазанниче Божий, нужды многоразличные Народа Русского в сердце Твоем храняще. В первых же покрыл еси попечением родительским люди мастеровые, законы новыя им дароваша и Царскую милость. Обаче тии, учениями безбожными прельщеннии, отвергошася Господа и Тебе христа Его, и яко блуднии сыни смуту во Отечестве учиниша и от нея же сами же люто погибоша. Мы же милость Твою памятующе, хвалим Тя сице:
Радуйся, неутомимый трудолюбия образе.
Радуйся, людей мастеровых попечителю и друже.
Радуйся, любовью отеческой нужды их покрывавый.
Радуйся, изменою лютой за любовь вознагражденный.
Радуйся, Святый Царю-искупителю Николае, Русь к воскресению чрез Соборное Покаяние призывающий.
Кондак 9
Всякое естество Ангельское покланяется Царю Небесному и Содетелю всех: Свят, Свят, Свят со страхом вопиюще, такожде и людие Русские поклоняхуся Ти, Святый Царю-искупителю Николае, яко живому образу Христа Царя, во умилении сердца поюще: Боже, Царя храни и Бога славословя: Аллилуйя.
Икос 9
Ветии многовещаннии не возмогут изрещи вся благодеяния Твоя Народу Русскому, Святый Царю-искупителю Николе, яко покровитель любомудрия был еси, людем книжным, в словесех и художествах искусным, благоволение даруя. Тии же, гордынею и вольнодумством обуяннии, отвергошася Господа и Тебе христа Его, и поклоньшася лжеименному разуму человеческому, премногие хулы на Святыню Господню возводя. И тако сего нечестия ради, Гневом Божиим в смуте посечени быша и до сего дне к Богу и христу Его не обратишася. Мы же о таковем ослеплении лучших людей Русских скорбяще, ублажаем Тя:
Радуйся, покровителю наук и любомудрия;
Радуйся, проповедниче благочестия и целомудрия.
Радуйся, свободу глаголания ветиям даровавый;
Радуйся, злохуления и клеветы от новых иуд приемый.
Радуйся, Святый Царю-искупителю Николае, Русь к воскресению чрез Соборное Покаяние призывающий.
Кондак 10
Спасти хотя Народы Русския от глада и нищеты, милостивый Господь, даровал еси нам Тя, Царю Николае. Благословение Свое чрез Тя, христа Своего, неоскудно нам подавая, велия вспоможение купцем и людем торговым даровал еси, дабы преизобильною торговлей безпреткновенно промышляли и неленостно ко благу Церкви Христовой и люда малоимущего послужили есте, во еже Державе Русской всеобщим благоденствием процветати и всем людем ея купно глаголати Богу: Аллилуйя.
Икос 10
Стеной нерушимою пользы Отечества Твоего показался еси, Державный Хозяине Земли Русской, зане многоразличное богатство ея в расхищение алчным иноземцам не предал еси, о благе людей Русских непрестанное попечение имущее, наипаче же торгующим и созидающим изрядное явил благорасположение. Обаче тии, вместо Бога мамоне начаша неусыпно служити, Церковь Божию и бедных позабыша, и благодеяний Божиих из десницы Твоей дарованных не уразумеша. Сего ради Попущением Божиим богатства неправедного лешишася и истреблени быша, и горькое скитание по чуждем странам прияша. Мы же ныне в разум пришедши и благоденствия Земле Русской желающе взываем Ти:
Радуйся, Державы Русской обогатителю.
Радуйся, нищих, вдов и сирот щедрый питателю.
Радуйся, богатым и бедным отечески благоволивый.
Радуйся, в нищете всеми без вспоможения покинутый.
Радуйся, Святый Царю-искупителю Николае, Русь к воскресению чрез Соборное Покаяние призывающий
Кондак 11
Пение всякое побеждается, восхвалити тщащееся неизреченную милость Твою, Боговенчанный Домовладыко, Царю Николае, ко множеству народов и племен, Державы Русской просторы населяющих, яко Правитель добрый и Миротворец искусный был еси, вся люди Твоя любовью отчей равно покрывая, да славословят во единении братском всех Творца: Аллилуйя.
Икос 11
Светозарную звезду, Светом Любви Христовой тьму неведения просвещающую, зрели тя, Венценосче Святый, племена и языки в пределах Державы Русския обретающиеся. Зане, дивным светом ея, яко волсви и пастухи водимые, обретоша Веру Истинную и путь ко спасению. Егда же диавольскими козньми обольщени быша, отверглися служения Тебе, и сим от служения Богу Истинному, в смуту окаянную поидоша и от врага рода людскаго разделение и вражду между собой приимоша, и тако до ныне мождоусобицей и враждою диаволей раздираемии, в разум истины пришедши и мира во Отечестве хотяще вопием Ти:
Радуйся, Веры Христовой свете путеводный.
Радуйся, народов Державы Русской пастырю добрый.
Радуйся, ковчега спасительнаго искусный кормчий.
Радуйся, в мраке смуты от чад своих похуленный.
Радуйся, Святый Царю-искупителю Николае, Русь к воскресению чрез Соборное Покаяние призывающий
Кондак 12
Благодать даровати восхотев Народу Русскому, поистине возлюбленное чадо послал Господь к людям Русским. Явился еси, Царю Николае, яко Благодатию преизобильно осененный, до времени положил еси предел тайне беззакония, Державу Твою и весь мiр от нашествия антихристова удерживающе. Да воспевают сердцем людие Божии: Аллилуйя.
Икос 12
Поюще неизреченные Страдания Твоя, Святый Царю-искупителю Николае, восхваляем Тя любовию яко подвигом Крестным Христу сораспялся еси, в жертву всесожжения благоуханную и непорочную за Соборный грех России на Екатеринбургской Голгофе принесоша. Понеже, яко агнец непорочный для спасения и грядущаго воскресения Руси Царской закланный. Искупил еси безумный грех неверности Народа Русского и вечной славою на Небесех облеклся еси. О сем радуяся, во умилении вопием Ти:
Радуйся, жертвы Христовой подобие.
Радуйся, соборной измены Народа Русского искупление.
Радуйся, злобою жидовской ритуально умученный.
Радуйся, мучителей и убийц Своих простивый.
Радуйся, Святый Царю-искупителю Николае, Русь к воскресению чрез Соборное Покаяние призывающий.
Кондак 13
О, Святый Боговенчанный Царю-искупителю Николае, истинно Голгофские муки за Веру Православную и соборную измену России на Екатеринбургской Голгофе претерпевый. Предан был еси крамолой, как некогда Сын Божий на поругание и пропятие. На Голгофе Русской, люди Русские от проклятия в сем и в будущем веце, жертвой непорочной, искупивый и грядущее воскресение Руси Христоподобным крестом Своим соделавый. Сего ради прими убо сие покаянное моление нас грешных и недостойных чад Твоих. Умоли Христа Бога оставити России тяжкий грех попрания Соборной клятвы на верность Царям Самодержавным, яко воздавали Избранникам Его злом за добро и ненавистию за любовь. Умоли Христа Господа праведный Гнев Его на милость к России сменити. Да воскреснет Русь Святая во явлении Царя Самодержавного и воссияет мiрови, яко солнце, научающе всех радостно пети Богу: Аллилуия. Аллилуия. Аллилуия.
(Сей Кондак читается трижды, затем 1-й Икос и 1-й Кондак).
Покаянная молитва Святому Царю искупителю Нiколаю
О Святы́й Царю́ искупи́телю Нiко́лае, услы́ши ны́не многоболе́зненный во́пль на́съ, погиба́ющих ча́дъ Твои́хъ, изъ тьмы́ греха́ къ тебе, Держа́вному Отцу́ на́шему взыва́ющихъ. При́зри ми́лостивно на беды и страда́нiя на́ша и Путе́мъ Спасе́нiя изведи́, я́ко Хрiсто́съ изъ бе́здны а́довой, всемо́щною твое́ю моли́твою. Поне́же согреши́хомъ въ слепоте безумiя на́шего па́че всехъ человекъ на земли́: отверго́шася Царя́ Небе́снаго и тебе хрiста́ земна́го; Сло́во Бо́жiе презреша, Пома́занниковъ Госпо́днихъ хули́ша, Свято́е Призва́нiе Бо́жіе попра́ша и сатане беззако́нiями поработи́шася. Бо́гу да́нный Благочести́вый Собо́рный Обетъ верно служи́ть Самодержа́внымъ Царя́мъ изъ До́ма Рома́новыхъ и всенаро́дную Прися́гу де́рзко преступи́ша, и целова́нiе Креста́ и Ева́нгелiя ни во что́ вмени́ша. Тебе же, Пома́занника Бо́жiя съ ца́рственною супру́гою Алекса́ндрою, ча́дами Твои́ми: Царе́вичемъ Алексíемъ, Царе́внами Ольгою, Татiаною, Марiей и Анастасiею, верными дру́гами и слу́гами твои́ми, иу́диной изменой въ ру́цы сы́новей діавола на оклевета́ніе, поруга́нiе и пропя́тiе преда́ли еси́. Сего́ ра́ди, нача́тъ Госпо́дь отсту́пниковъ въ Ра́зумъ Истины лю́тыми скорбя́ми приводи́ти и подъ и́го жидо́вское Россíю отда́лъ еси́. Да́бы позна́ли лю́ди Ру́сскiе, ка́ко Бо́га и Пома́заника Его́ отверга́тися, а дiа́вола и клевре́тъ сатани́ныхъ слу́шати.
О бе́здна а́дская паде́нiя на́шего. Кое́го греха́ отъ дру́жбы съ си́лой темною не соде́лали, ко́е нече́стiе не сотвори́ли, ко́е зло́ въ се́рдце свое́мъ не помы́слили! Го́споди Милосе́рдный, поми́луй на́съ! Ра́ди моли́твъ Свята́го Царя́ искупи́теля Нiкола́я расто́ргни окамене́нныя грехо́мъ сердца́ на́ша и изведи́ изъ на́съ, я́ко во́ду жи́ву, сле́зы покая́нiя; да услы́шатъ вси́ лю́ди Ру́сскiе сокрове́нный Гла́съ Твой, Го́споди: ка́ко бо мо́жете служи́ти Царю́ Небе́сному, а́ще бо Царя́ земна́го преда́ли еси́; сотвори́те пре́жде досто́йный пло́дъ Покая́нiя за грехи́ отце́въ ва́шихъ, омо́йтеся и очи́ститеся, испра́вьте сердца́ ва́ша двоеду́шныя, и уразуме́йте, я́ко Россíя бе́зъ Царя́, ка́ко и человекъ безъ главы́, е́сть тру́пъ смердя́щiй.
Сего ра́ди, приими́, у́бо Го́споди, мое́ Покая́нiе, и моли́твами Свята́го Царя́ искупи́теля Нiкола́я спаси́ и поми́луй всехъ сро́дникъ мои́хъ и вся́ лю́ди Ру́сскiя Благочести́вый Собо́рный Обетъ 1613 го́да преступи́вшихъ и до ны́не преступа́ющихъ, всехъ ненави́дящихъ и оби́дящихъ на́съ и творя́щихъ на́мъ напа́сти, и а́ще возмо́жно е́сть взыщи́, Го́споди, поги́бшiя ду́ши отце́въ, и бра́тiй, и се́стръ на́шихъ. Прости́ непра́ведно восстаю́щихъ на на́съ и не оста́ви поги́бнути душа́мъ и́хъ, но спаси́ всехъ, я́ко Бла́гъ и Человеколю́бецъ.
Скачать Акафист Царю-искупителю Николаю II (в формате .doc): akafist-caryu-iskupitelyu-nikolayu-ii.doc (cкачиваний: 2780)
