Детально: акафист петру и февронии текст - со всех открытых источников и разных уголков мира на сайте 1000-molitv.ru для наших уважаемых читателей.
Конда́к 1.
Избра́ннии чудотво́рцы и вели́цыи уго́дницы Госпо́дни, гра́да Му́рома засту́пницы и при́снии о душа́х на́ших моли́твенницы, святи́и благове́рнии кня́же Пе́тре и княги́не Февро́ние! Пе́ние похва́льное ва́м принося́ще, мо́лим вы́ усе́рдно: я́ко иму́щии дерзнове́ние ко Го́споду, предста́тельством ва́шим от вся́ких бе́д на́с свободи́те, и насле́дники Ца́рствия Небе́снаго на́с соде́лайте, да зове́м ва́м ра́достно:
Ра́дуйтеся, святи́и и пресла́внии чудотво́рцы Пе́тре и Февро́ние.
И́кос 1.
А́нгели земни́и и челове́цы небе́снии вои́стинну яви́стеся, блаже́ннии Пе́тре и Февро́ние, от ю́ности ва́шея чи́стую со́весть иму́щии к Бо́гу, и до́бре во благоче́стии и чистоте́ вку́пе пожи́вшии, на́м же оста́вльшии в приме́р подража́ния житие́ ва́ше богоуго́дное, ему́же чудя́щеся и чудесы́ ва́шими озаря́еми, зове́м ва́м гла́сы хвале́бными си́це:
Ра́дуйтеся, от ю́ности ва́шея Христа́ возлюби́вшии и Тому́ от души́ порабо́тавшии; ра́дуйтеся, целому́дрия храни́тели и душе́вныя и теле́сныя чистоты́ рачи́тели.
Ра́дуйтеся, ду́ши ва́ша и телеса́ на земли́ в обита́лище Ду́ха Свята́го угото́вившии; ра́дуйтеся, испо́лненнии прему́дрости и ра́зума боже́ственнаго.
Ра́дуйтеся, я́ко во пло́ти, я́ко безпло́тни, вку́пе пожи́сте; ра́дуйтеся, я́ко равноа́нгельную че́сть досто́йно прия́сте.
Ра́дуйтеся, я́ко от земли́ на Не́бо преидо́сте и та́мо со А́нгелы Тро́ице предстои́те; ра́дуйтеся, я́ко со безпло́тными ли́ки трисвяту́ю пе́снь Е́й воспева́ете.
Ра́дуйтеся, на Небеси́ и на земли́ от Го́спода просла́вленнии; ра́дуйтеся, обре́тшии ве́чное всесве́тлое ме́сто упокое́ния.
Ра́дуйтеся, гра́да Му́рома сокро́вища пребога́тая; ра́дуйтеся, исто́чницы неистощи́мии чуде́с.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 2.
Ви́дев кня́зь Пе́тр в возвра́тной боле́зни свое́й, зна́мение гне́ва Бо́жия, за неисполне́ние обе́та своего́, поя́ти в супру́ги себе́ прему́друю Февро́нию, потща́ся сие́ испо́лнити и сочета́ся с не́ю бра́ком зако́нным. Оба́че и в супру́жестве целому́дренно и богоуго́дно пожи́сте, блаже́ннии, иму́ще еди́ну мы́сль во двою́ те́лу, е́же благоугожда́ти Бо́гу; те́мже вы́ну пое́те Ему́ ны́не со А́нгелы пе́снь: Аллилу́иа.
И́кос 2.
Ра́зумом богопросвеще́нным свы́ше одаре́ннии, Пе́тре и Февро́ние святи́и, любо́вь и милосе́рдие к бе́дным и си́рым яви́сте, оби́димым и безпомо́щным засту́пницы бы́сте, и ины́ми доброде́тельми мно́гими украси́сте княже́ние свое́ земно́е. Сего́ ра́ди вопие́м к ва́м си́це:
Ра́дуйтеся, блаже́ннии и треблаже́ннии, в боголю́бии пожи́вшии и благове́рие сохра́ншии; ра́дуйтеся, ми́лости и сострада́ния преиспо́лненнии.
Ра́дуйтеся, безпомо́щных ско́рии помо́щницы; ра́дуйтеся, печа́льных блази́и уте́шители.
Ра́дуйтеся, сиро́т и вдови́ц корми́тели; ра́дуйтеся, су́щих в беда́х предста́тели.
Ра́дуйтеся, боле́зней душе́вных и теле́сных иску́снии цели́тели; ра́дуйтеся, ско́рбных серде́ц радостотво́рнии посети́тели.
Ра́дуйтеся, любо́вь ва́шу к Бо́гу, любо́вию к бли́жним свои́м показа́вшии; ра́дуйтеся, княже́ние ва́ше земно́е пра́ведно и богоуго́дно содержа́вшии.
Ра́дуйтеся, князе́й правосла́вных похвало́ и гра́да Му́рома утвержде́ние; ра́дуйтеся, всея́ земли́ Росси́йския заступле́ние.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 3.
Си́лою благода́ти Бо́жия укрепля́емь, блаже́нне кня́же Пе́тре, восхоте́л еси́ па́че оста́вити гра́д оте́чества твоего́ и княже́ние Му́ромское, не́же бракоразвести́ся с прему́дрою Февро́ниею по настоя́нию го́рдых боля́р твои́х. Сего́ ра́ди Бо́г тя́ просла́ви и сотвори́, да те́миже боля́ры возвраще́нный вку́пе с супру́жницею твое́ю, на престо́ле княже́ния Му́ромскаго па́ки утверди́лся еси́, на́м же приме́р хране́ния зако́на Бо́жия показу́еши по́двигом твои́м, да подража́юще тебе́ в свя́тости хране́ния соу́за бра́чнаго, воспева́ем подвигополо́жнику Христу́: Аллилу́иа.
И́кос 3.
Иму́ще попече́ние о лю́дех свои́х, преблаже́ннии Пе́тре и Февро́ние, неусы́пно подвиза́стеся ко бла́гу и́х, благоче́стие насажда́я, нече́стие искореня́я и вражду́ умиротворя́я. Те́мже и Госпо́дь, ви́дя таковы́я по́двиги ва́ша, зе́млю Му́ромскую плодоно́сием благослови́ и ми́р глубо́к княже́нию ва́шему дарова́, подвиза́я лю́ди ва́ша благода́рственно воспева́ти ва́м си́це:
Ра́дуйтеся, уго́дницы Бо́жии, житию́ вели́ких святы́х соприча́стницы; ра́дуйтеся, прави́телие предо́брии, лю́ди му́ромския ко спасе́нию путеводи́вшии.
Ра́дуйтеся, христиа́нскаго благоче́стия блюсти́тели; ра́дуйтеся, нестрое́ния, раздо́ров и вся́каго нече́стия искорени́тели.
Ра́дуйтеся, супру́гов христиа́н ко благоче́стному житию́ наста́вницы; ра́дуйтеся, целому́дрия и воздержа́ния супру́жескаго о́брази преизя́щнии.
Ра́дуйтеся, пра́веднаго суда́ рачи́тели; ра́дуйтеся, немздои́мства и безкоры́стия ревни́тели.
Ра́дуйтеся, святы́х царе́й Константи́на и Еле́ны доброде́телей стяжа́тели; ра́дуйтеся, равноапо́стольнаго кня́зя Влади́мира и блаже́нныя княги́ни О́льги досто́йнии прее́мницы.
Ра́дуйтеся, дво́ице пречестна́я и благо́е сочета́ние, луча́ми чуде́с немерца́емо сия́ющии; ра́дуйтеся, оте́чества ва́шего пресве́тлии свети́льницы.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 4.
Бу́ря скорбе́й и напа́стей, воздвиза́емая зло́бою ми́ра сего́, не осла́би кре́пкия любве́ ва́шея я́же к Бо́гу, Пе́тре и Февро́ние блаже́ннии, но па́че научи́ ва́с благоиску́сно отража́ти разжже́нныя стре́лы искуше́ний диа́вольских: вы́ бо обо́лкшеся в броню́ ве́ры Христо́вы, в ми́ре глубо́це преидо́сте многомяте́жную пучи́ну жите́йскаго мо́ря, и достиго́сте в ти́хую при́стань спасе́ния, к не́йже и на́с моли́твами ва́шими приведи́те, да вку́пе с ва́ми пое́м Бо́гу: Аллилу́иа.
И́кос 4.
Слы́шавше бли́жнии и да́льнии благоче́стное житие́ ва́ше, благове́рнии Пе́тре и Февро́ние, прославля́ху человеколю́бца Бо́га, дарова́вшаго ва́м кре́пость на вся́ дела́ блага́я, и́миже я́ко луча́ми пресве́тлыми, просия́сте в оте́честве ва́шем, иде́же и доны́не имена́ ва́ша че́стны, и по́двиги ва́ша воспева́ются похвала́ми си́ми:
Ра́дуйтеся, дво́ице пресве́тлая, Бо́гом совокупле́нная; ра́дуйтеся, све́том благоче́стнаго жития́ ва́шего, я́ко свети́ла богосве́тлая, просия́вшии.
Ра́дуйтеся, ми́лостынею и моли́твами Небе́сное Ца́рствие стяжа́вшии; ра́дуйтеся, смире́нием и поще́нием ве́чное блаже́нство улучи́вшии.
Ра́дуйтеся, я́ко мзда́ ва́ша мно́га на Небесе́х е́сть; ра́дуйтеся, я́ко ра́дость ва́ша ве́чна во све́тлостех святы́х.
Ра́дуйтеся, раби́ Христо́вы возлю́бленнии; ра́дуйтеся, святы́х все́х при́снии дру́зи.
Ра́дуйтеся, звезды́ непреле́стнии, пу́ть супру́жескаго жития́ богоуго́днаго ве́рно указу́ющии; ра́дуйтеся, о́блацы росоно́снии, зно́й страсте́й и нече́стия прогоня́ющии.
Ра́дуйтеся, Бо́жиих ми́лостей и щедро́т на́м пода́тели; ра́дуйтеся, оте́чества ва́шего украше́ние неотъе́млемое. Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 5.
Богопросвеще́ннии свети́льницы благоче́стия и преди́внии чудотво́рцы Пе́тре и Февро́ние, Бо́га от всея́ души́ возлюби́вше, вся́ за́поведи Его́ сохрани́сте; те́мже и Христо́с, я́ко со́лнце и луну́ пресве́тлыя, показа́ ва́с, преблаже́ннии, чуде́с мно́гих заре́ю озаря́ющия о́бласть Му́ромскую и всю́ страну́ Росси́йскую, просла́вив нетле́нием святы́я и многоцеле́бныя мо́щи ва́ша, к ни́мже припа́дающе, по достоя́нию ублажа́ем ва́с и вы́ну благода́рственно пое́м ди́вному во святы́х Свои́х Бо́гу: Аллилу́иа.
И́кос 5.
Ви́девше житие́ ва́ше пра́ведное и щедро́ты ва́ша, лю́дие му́ромстии сла́вляху ва́с, свои́х прави́телей ми́лостивых, благове́рнии Пе́тре и Февро́ние, вы́ же смире́ние и́стинное возлюби́вше и похвалы́ челове́ческия небре́гше, горды́нею неуя́звлени пребы́сте, и те́м показа́сте на́м о́браз вы́шшаго смире́ния, ему́же поуча́яся, с любо́вию вопие́м ва́м такова́я:
Ра́дуйтеся, сла́ву челове́чу ни во что́ же вмени́вшии; ра́дуйтеся, смире́ние Христо́во усе́рдно возлюби́вшии.
Ра́дуйтеся, за́поведей Госпо́дних ве́рнии исполни́тели; ра́дуйтеся, уче́ния Ева́нгельскаго и́стиннии после́дователи.
Ра́дуйтеся, раби́ Бо́га Вы́шняго, во́лю Его́ сотво́ршии; ра́дуйтеся, ве́ру Христо́ву до конца́ соблю́дшии.
Ра́дуйтеся, христоимени́тым лю́дем благоче́стия учи́тели; ра́дуйтеся, хотя́щих богоуго́дно жи́ти богому́дрии наста́вницы.
Ра́дуйтеся, моли́твами ва́шими спаса́ющии на́с от вся́ких бе́д; ра́дуйтеся, вся́ блага́я проше́ния на́ша исполня́ющии.
Ра́дуйтеся, в неду́зех стра́ждущих благода́тнии вра́чеве; ра́дуйтеся, ми́лостивии страны́ Му́ромския покрови́телие.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 6.
Пропове́дницы ве́ры правосла́вныя и ревни́тели благоче́стия не сло́вом то́кмо, но все́м житие́м свои́м бы́сте во гра́де Му́роме, прехва́льнии Пе́тре и Февро́ние; те́мже и свята́я Це́рковь досто́йне почита́ет по́двиги и труды́ ва́ша, и́миже труди́стеся во сла́ву Бо́га Вы́шняго, немо́лчно воспева́я Ему́: Аллилу́иа.
И́кос 6.
Возсия́сте во гра́де Му́роме све́том доброде́тельнаго жития́ ва́шего, я́ко зве́зды богосве́тлыя, преблаже́ннии Пе́тре и Февро́ние, и па́мять ва́ша в не́м с похвала́ми до дне́сь, я́ко и по сме́рти свое́й не престае́те озаря́ти на́с, мно́гая чудеса́ соверша́юще, и те́ми све́тлую зарю́ безсме́ртия на́м от моще́й ва́ших возсиява́юще, да ублажа́ем ва́с благохвале́ниями сицевы́ми:
Ра́дуйтеся, чи́на и уста́вов святы́я Це́ркве ве́рнии храни́тели; ра́дуйтеся, служи́телей олтаря́ Госпо́дня благогове́йнии почита́тели.
Ра́дуйтеся, благи́х обы́чаев и преда́ний святооте́ческих ревни́тели; ра́дуйтеся, обы́чаев злы́х и суему́дрий язы́ческих искорени́тели.
Ра́дуйтеся, суды́ нелицеприя́тны лю́дем ва́шим твори́вшии; ра́дуйтеся, суды́ ва́ша с ми́лостию соедини́вшии.
Ра́дуйтеся, кро́тцыи и незло́бивии после́дователи Христо́вы; ра́дуйтеся, зло́бу добро́м препобежда́вшии.
Ра́дуйтеся, нетле́ния благоуха́ющии цве́ти; ра́дуйтеся, безсме́ртия немерца́ющии лучи́.
Ра́дуйтеся, на земли́ вели́чием чуде́с блиста́ющии; ра́дуйтеся, на Небеси́ со А́нгелы Бо́га сла́вящии.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 7.
Хотя́й человеколю́бец Госпо́дь яви́ти в житии́ ва́шем, Пе́тре и Февро́ние, о́браз назида́ния не то́кмо лю́дем мирски́м, но и лико́м и́ноческим, внуши́ ва́м в ста́рости масти́тей оста́вити сла́ву княже́ния земна́го, и восприя́ти о́браз и́ноческий, в не́мже подвиза́стеся до́бре посто́м, бде́нием и моли́твою, воспева́юще непреста́нно Триеди́ному Бо́гу а́нгельскую пе́снь: Аллилу́иа.
И́кос 7.
Но́вую благода́ть Бо́жию во и́ночестем постриже́нии прие́мше, преподо́бнии, но́выми по́двигами украси́сте равноа́нгельное житие́ ва́ше и та́ко сугу́б пло́д соверше́нства духо́внаго Христу́ принесо́сте, и мзду́ преподо́бных досто́йне от Него́ восприя́сте. Помина́я у́бо такову́ю ре́вность ва́шу к подвиго́м духо́вным, прославля́ем ва́с си́ми достодо́лжными похвала́ми:
Ра́дуйтеся, я́ко любве́ ра́ди Го́спода, ми́ра сего́ княже́ние и сла́ву оста́висте; ра́дуйтеся, я́ко и́ноческое равноа́нгельное житие́ усе́рдно восприя́сте.
Ра́дуйтеся, соверше́ннаго терпе́ния подви́жницы; ра́дуйтеся, во́льныя нищеты́ блаже́ннии стяжа́тели.
Ра́дуйтеся, пре́жде кончи́ны ва́шея вся́ стра́сти умертви́вшии воздержа́нием; ра́дуйтеся, восприя́вшии святу́ю схи́му в броню́ спасе́ния.
Ра́дуйтеся, багряни́цу кня́жескую на власяни́цу и́ноческую премени́вшии; ра́дуйтеся, посто́м, бде́нием и непреста́нными моли́твами Бо́гу до́бре угоди́вшии.
Ра́дуйтеся, боголюбе́знаго уедине́ния взыска́тели; ра́дуйтеся, спаси́тельнаго безмо́лвия люби́тели.
Ра́дуйтеся, слеза́ми моли́твенными ороше́ннии; ра́дуйтеся, в со́нме преподо́бных на Небеси́ просла́вленнии.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 8.
Стра́нное и ди́вное бе́ чу́до, егда́ ты́, блаже́нне Пе́тре, на кончи́не живота́ твоего́, проше́ния ра́ди супру́жницы твоея́, святы́я Февро́нии, исхо́дом свои́м уме́длил еси́, до́ндеже сконча́ она́ пелену́ церко́вную, е́ю сшива́ему и вку́пе с тобо́ю к исхо́ду сме́ртному приспе́, и та́ко неразлу́чнии в житии́, неразлу́чнии и в кончи́не яви́стеся, и во еди́н де́нь и ча́с святы́я ду́ши своя́ в ру́це Бо́жии преда́сте, зову́ще при́сно живы́ми и ме́ртвыми облада́ющему Влады́це Бо́гу: Аллилу́иа.
И́кос 8.
Вси́ чудя́хуся и сла́вляху ди́внаго во святы́х Свои́х Бо́га, егда́ свята́я ва́ша телеса́, в ра́зных гробе́х положе́нная, чуде́сно обрето́шася лежа́ща в о́бщей гробни́це, ю́же угото́васте себе́, преподо́бнии, в собо́рней це́ркви гра́да Му́рома, иде́же и доны́не неразлу́чно почива́ете, чудотво́рцы святи́и, неоску́дная источа́юще исцеле́ния все́м, с ве́рою прибега́ющим к ва́м и зову́щим:
Ра́дуйтеся, сою́з любве́ ва́шея до гро́ба и за гро́бом ве́рно сохра́ншии; ра́дуйтеся, не то́кмо в жи́зни, но и по сме́рти, о Го́споде соедине́ннии.
Ра́дуйтеся, в супру́жестем благоче́стнем житии́ ва́м подража́ющим кре́пцыи помо́щницы; ра́дуйтеся, теплото́ю любве́ ва́шея и на́с согрева́ющии.
Ра́дуйтеся, сме́ртию вре́менною преше́дшии к жи́зни ве́чней; ра́дуйтеся, от Го́спода нетле́нием и чудесы́ просла́вленнии.
Ра́дуйтеся, я́ко па́мять ва́ша с похвала́ми и успе́ние со святы́ми; ра́дуйтеся, я́ко имена́ ва́ша че́стна су́ть и благослове́нна в оте́честве ва́шем.
Ра́дуйтеся, Росси́йския страны́ удобре́ние благода́тное; ра́дуйтеся, гра́да Му́рома огражде́ние несокруши́мое.
Ра́дуйтеся, о лю́бящих и чту́щих ва́с небе́снии предста́тели; ра́дуйтеся, приснопрося́щии на́м у Го́спода да́ры бла́гости Его́.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 9.
Вси́ А́нгели и святы́х ли́ки ра́довахуся ра́достию ве́лию, егда́ святы́я ду́ши ва́ша достиго́ша ве́чнаго в оби́телех ра́йских селе́ния, и Са́м Творе́ц А́нгелов и Святе́йший святы́х Ца́рь Сла́вы Христо́с, безсме́ртия венцы́ увенча́ ва́с и дарова́ ва́м благода́ть моли́тися Ему́ со дерзнове́нием мно́гим о все́х и́щущих ва́шего заступле́ния, его́же не лиши́те и на́с гре́шных, Пе́тре и Февро́ние достохва́льнии, смиренному́дренно воспева́ющих просла́вльшему ва́с Бо́гу хвале́бную пе́снь: Аллилу́иа.
И́кос 9.
Вети́йство челове́ческое не довле́ет к досто́йному прославле́нию жития́ ва́шего, святи́и чудотво́рцы Пе́тре и Февро́ние; кто́ бо испове́сть вся́ моле́ния и поще́ния, боле́зни и труды́ ва́ша? кто́ изочте́т вся́ сле́зы и воздыха́ния ва́ша я́же к Бо́гу? Оба́че мы́ любо́вию к ва́м подвиза́еми, дерза́ем воспева́ти ва́м сия́ ма́лыя и нехи́тростныя похвалы́:
Ра́дуйтеся, благода́ти Свята́го Ду́ха избра́ннии сосу́ди; ра́дуйтеся, ра́дости на́м ве́чныя благоприя́тнии хода́таи.
Ра́дуйтеся, богобоя́зненных супру́гов в благоче́стии утвержде́ние; ра́дуйтеся, наруши́телей супру́жескаго целому́дрия и согла́сия гро́зное обличе́ние.
Ра́дуйтеся, гне́в Бо́жий, пра́ведно дви́жимый на на́с, моли́твами ва́шими утоля́ющии; ра́дуйтеся, о ми́ре всего́ ми́ра непреста́нно Го́спода умоля́ющии.
Ра́дуйтеся, на враги́ ви́димыя и неви́димыя кре́пцыи на́м спобо́рницы; ра́дуйтеся, ангелонра́внии челове́цы.
Ра́дуйтеся, преподо́бных и пра́ведных сонасле́дницы; ра́дуйтеся, Пресвяты́я Тро́ицы ве́рнии уго́дницы.
Ра́дуйтеся, блаже́ннии обита́тели го́рняго гра́да Иерусали́ма Небе́снаго; ра́дуйтеся, со святы́ми торжеству́ющии в ски́ниях ра́йских.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 10.
Спасе́ние ве́чное унасле́довавше богоблаже́ннии Пе́тре и Февро́ние, душа́ми ва́шими в оби́телех го́рних неразлу́чно в Бо́зе пребыва́ете, святы́ми же моща́ми ва́шими в хра́ме Бо́жием нетле́нно вку́пе почива́ете, и оби́льная исцеле́ния источа́ете, да чудесы́ ва́шими благода́тно озаря́еми, хвале́бно взыва́ем Верхо́вному Творцу́ чуде́с Бо́гу: Аллилу́иа.
И́кос 10.
Сте́ну заступле́ния, благоприя́тныя моли́твы ва́ша к Бо́гу, обре́тше, святи́и чудотво́рцы Пе́тре и Февро́ние, благодаре́ние Отцу́ Небе́сному усе́рдно возсыла́ем за вся́ благодея́ния Его́, ва́ми все́м на́м оби́льно явля́емая, ва́м же, предста́телем на́шим, сицево́е прино́сим пе́ние:
Ра́дуйтеся, всесве́тлаго Ца́рствия Христо́ва насле́дницы; ра́дуйтеся, а́нгельских лико́в собесе́дницы.
Ра́дуйтеся, Бо́га во сла́ве непристу́пней созерца́ющии; ра́дуйтеся, Трисия́ннаго Божества́ таи́нницы.
Ра́дуйтеся, со святы́ми на Небеси́ ве́чно ца́рствующии; ра́дуйтеся, от го́рних высо́т к земноро́дным ми́лостивно приника́ющии.
Ра́дуйтеся, кри́ни благоуха́ннии небе́снаго прозябе́ния; ра́дуйтеся, кипари́си чудото́чнии рая́ Иису́сова.
Ра́дуйтеся, пода́тели незави́стнии безме́зднаго врачева́ния; ра́дуйтеся, соверши́тели достохва́льнии мно́гих чуде́с.
Ра́дуйтеся, благодея́ний мно́жество на́м источа́ющии; ра́дуйтеся, ми́лостию сострада́ния ва́шего все́х объе́млющии.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 11.
Пе́ние моле́бное прино́сим ва́м, уго́дницы Бо́жии Пе́тре и Февро́ние, и с любо́вию припа́даем к ра́це святы́х и многоцеле́бных моще́й ва́ших, прославля́я житие́ ва́ше богоуго́дное и по́двиги мно́ги. Мо́лимся ва́м усе́рдно, чудотво́рцы святи́и, помози́те на́м подража́ти ва́шим доброде́телем, да возмо́жем богоуго́дно пе́ти Созда́телю на́шему: Аллилу́иа.
И́кос 11.
Све́та небе́снаго испо́лнен бе́ собо́рный хра́м гра́да Му́рома, егда́ благоволе́нием Бо́жиим святы́я мо́щи ва́ша Пе́тре и Февро́ние, це́лы и благоуха́нны обрето́шася в не́м, и из не́др земны́х, я́ко сокро́вище драгоце́нное, изнесе́ны бы́ша, иде́же и до ны́не почива́ют, исцеле́ния неоску́дная источа́юще неду́жным и боля́щим. Сего́ ра́ди пе́сненно вопие́м ва́м:
Ра́дуйтеся, зла́то нетле́нное, в не́дрех земны́х обре́тенное; ра́дуйтеся, би́сери сия́ющии и благода́тно просвеща́ющии челове́ков.
Ра́дуйтеся, святы́я Правосла́вныя Це́ркве похвало́; ра́дуйтеся, ересе́й и раско́лов обличе́ние.
Ра́дуйтеся, све́ти у́мнии, заре́ю Свята́го Ду́ха облиста́ющии; ра́дуйтеся, ми́ра благоуха́ния Христо́ва преиспо́лненнии.
Ра́дуйтеся, облече́ннии в ри́зу благода́тнаго нетле́ния; ра́дуйтеся, препоя́саннии си́лою мно́гих чуде́с.
Ра́дуйтеся, я́ко ра́ка ва́ша честна́я враче́бница яви́ся неду́гом челове́ческим; ра́дуйтеся, я́ко от нея́ вся́к с ве́рою приходя́й да́ры целе́бныя прие́млет.
Ра́дуйтеся, све́тлостию чуде́с ва́ших мра́к ду́ш на́ших озаря́ющии; ра́дуйтеся, нетле́нием святы́х моще́й ва́ших зарю́ о́бщаго все́х воскресе́ния на́м показу́ющии.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 12.
Благода́ть свы́ше ва́м дарова́нную, позна́вше, святи́и чудотво́рцы Пе́тре и Февро́ние, с благогове́нием и любо́вию покланя́емся нетле́нным и многоцеле́бным моще́м ва́шим и от ни́х прие́млем в неду́зех исцеле́ние, в ско́рбех утеше́ние, в беда́х благода́тную по́мощь: те́мже и прославля́ем ва́с по достоя́нию, небе́сных предста́телей и засту́пников на́ших, воспева́юще хвалы́ и благодаре́ния ва́ми благотворя́щему на́м Влады́це Бо́гу: Аллилу́иа.
И́кос 12.
Пою́ще мно́гая и пресла́вная ва́ша чудеса́, вели́цыи уго́дницы Бо́жии Пе́тре и Февро́ние, ублажа́ем ва́с, я́ко цели́телей, уте́шителей и помо́щников от Го́спода на́м дарова́нных, и моли́твенно торжеству́ем святу́ю па́мять ва́шу, от любве́ серде́чныя воспева́юще ва́м благода́рственно и хвале́бно:
Ра́дуйтеся, во благоуха́нии святы́ни нетле́нно почива́ющии; ра́дуйтеся, с ве́рою приходя́щих к ра́це моще́й ва́ших благода́тно освяща́ющии.
Ра́дуйтеся, призыва́ющих моли́твенно честна́я имена́ ва́ша ско́рии услы́шатели; ра́дуйтеся, упова́ние на ва́с по Бо́зе возлага́ющих ди́внии помо́щницы.
Ра́дуйтеся, изве́стнии умилостиви́тели Царя́ Небе́снаго; ра́дуйтеся, си́льнии защи́тницы на́ши от враго́в неви́димых.
Ра́дуйтеся, при́снии все́м хода́таи спасе́ния; ра́дуйтеся, неотсту́пнии храни́тели гра́да Му́рома.
Ра́дуйтеся, князе́й росси́йских пречу́дная добро́то; ра́дуйтеся, оте́чества ва́шего Бо́гом дарова́ннии покрови́тели.
Ра́дуйтеся, теле́с на́ших благода́тнии целе́бницы; ра́дуйтеся, о душа́х на́ших усе́рднии ко Го́споду моли́твенницы.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 13.
О святи́и и пресла́внии чудотво́рцы, благове́рнии кня́же Пе́тре и княги́не Февро́ние! Приими́те ми́лостивно сие́ похва́льное пе́ние от на́с недосто́йных во умиле́нии ва́м приноси́мое, и ва́шим предста́тельством у Го́спода испроси́те на́м утвержде́ние в ве́ре и до́брых де́лех, и избавле́ние от все́х скорбе́й и боле́зней вре́менных и ве́чных, да сподо́бимся вку́пе с ва́ми и все́ми святы́ми во Ца́рствии Небе́снем пе́ти Пресвяте́й Тро́ице ве́чно хвале́бную пе́снь: Аллилу́иа.
И́кос 1.
А́нгели земни́и и челове́цы небе́снии вои́стинну яви́стеся, блаже́ннии Пе́тре и Февро́ние, от ю́ности ва́шея чи́стую со́весть иму́щии к Бо́гу, и до́бре во благоче́стии и чистоте́ вку́пе пожи́вшии, на́м же оста́вльшии в приме́р подража́ния житие́ ва́ше богоуго́дное, ему́же чудя́щеся и чудесы́ ва́шими озаря́еми, зове́м ва́м гла́сы хвале́бными си́це:
Ра́дуйтеся, от ю́ности ва́шея Христа́ возлюби́вшии и Тому́ от души́ порабо́тавшии; ра́дуйтеся, целому́дрия храни́тели и душе́вныя и теле́сныя чистоты́ рачи́тели.
Ра́дуйтеся, ду́ши ва́ша и телеса́ на земли́ в обита́лище Ду́ха Свята́го угото́вившии; ра́дуйтеся, испо́лненнии прему́дрости и ра́зума боже́ственнаго.
Ра́дуйтеся, я́ко во пло́ти, я́ко безпло́тни, вку́пе пожи́сте; ра́дуйтеся, я́ко равноа́нгельную че́сть досто́йно прия́сте.
Ра́дуйтеся, я́ко от земли́ на Не́бо преидо́сте и та́мо со А́нгелы Тро́ице предстои́те; ра́дуйтеся, я́ко со безпло́тными ли́ки трисвяту́ю пе́снь Е́й воспева́ете.
Ра́дуйтеся, на Небеси́ и на земли́ от Го́спода просла́вленнии; ра́дуйтеся, обре́тшии ве́чное всесве́тлое ме́сто упокое́ния.
Ра́дуйтеся, гра́да Му́рома сокро́вища пребога́тая; ра́дуйтеся, исто́чницы неистощи́мии чуде́с.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 1.
Избра́ннии чудотво́рцы и вели́цыи уго́дницы Госпо́дни, гра́да Му́рома засту́пницы и при́снии о душа́х на́ших моли́твенницы, святи́и благове́рнии кня́же Пе́тре и княги́не Февро́ние! Пе́ние похва́льное ва́м принося́ще, мо́лим вы́ усе́рдно: я́ко иму́щии дерзнове́ние ко Го́споду, предста́тельством ва́шим от вся́ких бе́д на́с свободи́те, и насле́дники Ца́рствия Небе́снаго на́с соде́лайте, да зове́м ва́м ра́достно:
Ра́дуйтеся, святи́и и пресла́внии чудотво́рцы Пе́тре и Февро́ние.
Моли́тва пе́рвая.
О вели́цыи уго́дницы Бо́жии и преди́внии чудотво́рцы благове́рнии кня́же Пе́тре и княги́не Февро́ние, гра́да Му́рома предста́тели и храни́тели, и о все́х на́с усе́рднии ко Го́споду моли́твенницы! К ва́м прибега́ем и ва́м мо́лимся с упова́нием кре́пким: принеси́те за на́с гре́шных святы́я моли́твы ва́ша ко Го́споду Бо́гу и испроси́те на́м у бла́гости Его́ вся́ благопотре́бная душа́м и телесе́м на́шим: ве́ру пра́ву, наде́жду бла́гу, любо́вь нелицеме́рну, благоче́стие непоколеби́мое, в до́брых де́лех преуспе́яние, ми́ра умире́ние, земли́ плодоно́сие, возду́ха благорастворе́ние, душа́м и телесе́м здра́вие и ве́чное спасе́ние. Исхода́тайствуйте у Царя́ Небе́снаго: ве́рных рабо́в Его́, в ско́рби и печа́ли де́нь и но́щь вопию́щих к Нему́, многоболе́зный во́пль да услы́шит и да изведе́т от поги́бели живо́т на́ш. Испроси́те Це́ркви святе́й и все́й держа́ве Росси́йстей ми́р, тишину́ и благоустрое́ние, и все́м на́м житие́ благополу́чное и до́брую христиа́нскую кончи́ну. Огради́те оте́чество ва́ше, гра́д Му́ром, и вся́ гра́ды Росси́йския от вся́каго зла́ и вся́ правове́рныя лю́ди, к ва́м приходя́щия и моще́м покланя́ющияся, осени́те благода́тным де́йством благоприя́тных моли́тв ва́ших, и вся́ проше́ния и́х во бла́го испо́лните. Е́й, чудотво́рцы святи́и! Не пре́зрите моли́тв на́ших, со умиле́нием ва́м возноси́мых, но бу́дите о на́с при́снии предста́тели ко Го́споду и сподо́бите на́с по́мощию ва́шею свято́ю спасе́ние ве́чное получи́ти и Ца́рствие Небе́сное унасле́довати; да славосло́вим неизрече́нное человеколю́бие Отца́, и Сы́на, и Свята́го Ду́ха, в Тро́ице покланя́емаго Бо́га, во ве́ки веко́в. Ами́нь.
Моли́тва втора́я.
О уго́дницы Бо́жии, благове́рнии кня́же Пе́тре и княги́не Февро́ние, к ва́м прибега́ем и к ва́м со упова́нием кре́пким мо́лимся: вознеси́те о на́с, гре́шных (имена́), святы́я моли́твы ва́ши ко Го́споду Бо́гу и испроси́те у бла́гости Его́ вся́ благопотре́бная душа́м и телесе́м на́шим: ве́ру пра́ву, наде́жду бла́гу, любо́вь нелицеме́рну, благоче́стие непоколеби́мо, в до́брых де́лех преуспе́яние. И хода́тайствуйте на́м у Царя́ Небе́снаго житие́ благополу́чное и до́брую христиа́нскую кончи́ну. Е́й, чудотво́рцы святи́и! Не пре́зрите моли́тв на́ших, но бу́дите о на́с при́снии предста́телие ко Го́споду, и сподо́бите на́с по́мощию ва́шею спасе́ние ве́чное получи́ти и Ца́рствие Небе́сное унасле́довати, да славосло́вим неизрече́нное человеколю́бие Отца́ и Сы́на и Свята́го Ду́ха, в Тро́ице покланя́емаго Бо́га во ве́ки веко́в.
Эта молитва налаживает личную жизнь, предотвращает скандалы и конфликты между влюбленными людьми. Акафист князю Петру и княгине Февронии считается одним из самых чистых, он помогает возродить чувства заново, если они остыли. Все дело в том, что еще при жизни Святые были настоящими покровителями брака и семьи. Это самый лучший пример, как нужно любить свою половинку.
Подробнее о появлении акафиста Петру и Февронии
Еще задолго до того, как Петр вступил на престол, наследник слег с ужасной проказой которую никто не мог вылечить. Как-то раз явилась во сне Петру девушка Феврония, и стало ясно, кому по силам исцелить жуткую болезнь. Князь понял, что целительницу надо чем-то наградить и решил взять ее в жены в качестве подарка. Но, к своему стыду, обещания не сдержал. Болезнь так и не прошла, а лишь усилилась еще больше. Пришлось выполнить то, что было когда-то сказано – Феврония стала женой князя, излечив его от страшной проказы, от которой умирало много людей в то время.
Петр осознал, что Феврония – замечательная жена, спокойная, настоящая и искренняя. С такой девушкой можно было отправиться хоть куда, она всегда была рядом и поддерживала даже в самые трудные минуты. Но, когда настало время взойти на престол, бояре были против того, чтобы обычная простолюдинка стала княгиней. Петра поставили перед жестким выбором: или уйти навсегда из Мурома, или бросить жену и никогда ее не замечать.
Так как к тому моменту князь и сам понимал, что внутри у него что-то зарождается к девушке, то бросить ее он не мог. Они вместе отправились по реке Оке, познав все счастье двух влюбленных. Супруги плыли и молились Господу, наслаждались обычной жизнью простых и мирных людей. Как только Петр покинул Муром, в городе начались ужасные войны, брат шел на брата. Было жуткое время, когда никто не желал даже самому близкого человека. Бояре, когда-то прогнавшие князя и Февронию, вновь обратились к ним, чтобы они навели порядок.
Девушку приняли, даже несмотря на то, что в ее венах не течет царская кровь. Эта история любви считается самой романтичной и трогательной, так как 8 июля 1228 года – день памяти Святых, которых похоронили в разных гробах, а затем чудесным образом они оказались в одном. Недаром именно акафист Петру и Февронии Мурмоским считается воссоединительной молитвой.
Когда читают акафист Петру и Февронии:
- решение недопонимания между супругами, примирение во время сильных конфликтов, серьезных ссорах;
- выстраивание диалога в отношениях;
- чтение священного текста, чтобы зачать малыша;
- чтение священного текста, чтобы роды прошли хорошо;
- читка молитвы, чтобы найти свою настоящую любовь;
- читка текста, чтобы удачно выйти замуж или жениться.
Текст акафиста Петру и Февронии
Кондак 1
Избра́ннии чудотво́рцы и вели́цыи уго́дницы Госпо́дни, гра́да Му́рома засту́пницы и при́снии о душа́х на́ших моли́твенницы, святи́и благове́рнии кня́же Пе́тре и княги́не Февро́ние! Пе́ние похва́льное вам принося́ще, мо́лим вы усе́рдно: я́ко иму́щии дерзнове́ние ко Го́споду, предста́тельством ва́шим от вся́ких бед нас свободи́те, и насле́дники Ца́рствия Небе́снаго нас соде́лайте, да зове́м вам ра́достно: Ра́дуйтеся, святи́и и пресла́внии чудотво́рцы Пе́тре и Февро́ние.
Икос 1
А́нгели земни́и и челове́цы небе́снии вои́стинну яви́стеся, блаже́ннии Пе́тре и Февро́ние, от ю́ности ва́шея чи́стую со́весть иму́щии к Бо́гу, и до́бре во благоче́стии и чистоте́ вку́пе пожи́вшии, нам же оста́вльшии в приме́р подража́ния житие́ ва́ше богоугодное, ему́же чудя́щеся и чудесы́ ва́шими озаря́еми, зове́м вам гла́сы хвале́бными си́це: Ра́дуйтеся, от ю́ности ва́шея Христа́ возлюби́вшии и Тому́ от души́ порабо́тавшии; ра́дуйтеся, целому́дрия храни́тели и душе́вныя и теле́сныя чистоты́ рачи́тели. Ра́дуйтеся, ду́ши ва́ша и телеса́ на земли́ в обита́лище Ду́ха Свята́го угото́вившии; ра́дуйтеся, испо́лненнии прему́дрости и ра́зума боже́ственнаго. Ра́дуйтеся, я́ко во пло́ти, я́ко безпло́тни, вку́пе пожи́сте; ра́дуйтеся, я́ко равноа́нгельную честь досто́йне прия́сте. Ра́дуйтеся, я́ко от земли́ на Не́бо преидо́сте и та́мо со А́нгелы Тро́ице предстои́те; ра́дуйтеся, я́ко со безпло́тными ли́ки трисвяту́ю песнь Ей воспева́ете. Ра́дуйтеся, на Небеси́ и на земли́ от Го́спода просла́вленнии; ра́дуйтеся, обре́тшии ве́чное всесве́тлое ме́сто упокое́ния. Ра́дуйтеся, гра́да Му́рома сокро́вища пребога́тая; ра́дуйтеся, исто́чницы неистощи́мии чуде́с. Ра́дуйтеся, святи́и и пресла́внии чудотво́рцы Пе́тре и Февро́ние.
Кондак 2
Ви́дев князь Петр в возвра́тной боле́зни свое́й, зна́мение гнева Бо́жия, за неисполне́ние обе́та своего́, поя́ти в супру́ги себе́ прему́друю Февро́нию, потща́ся сие́ испо́лнити и сочета́ся с не́ю бра́ком зако́нным. Оба́че и в супру́жестве целому́дренно и богоуго́дно пожи́сте, блаже́ннии, иму́ще еди́ну мысль во двою́ те́лу, е́же благоугожда́ти Бо́гу; те́мже вы́ну пое́те Ему́ ны́не со А́нгелы песнь: Аллилу́иа.
Икос 2
Ра́зумом богопросвеще́нным свы́ше одаре́ннии, Пе́тре и Февро́ние святи́и, любо́вь и милосе́рдие к бе́дным и си́рым яви́сте, оби́димым и безпомо́щным засту́пницы бы́сте, и ины́ми доброде́тельми мно́гими украси́сте княже́ние свое́ земно́е. Сего́ ра́ди вопие́м к вам си́це: Ра́дуйтеся, блаже́ннии и треблаже́ннии, в боголю́бии пожи́вшии и благове́рие сохра́ншии; ра́дуйтеся, ми́лости и сострада́ния преиспо́лненнии. Ра́дуйтеся, безпомо́щных ско́рии помо́щницы; ра́дуйтеся, печа́льных блази́и уте́шители. Ра́дуйтеся, сиро́т и вдови́ц корми́тели; ра́дуйтеся, су́щих в беда́х предста́тели. Ра́дуйтеся, боле́зней душе́вных и теле́сных иску́снии цели́тели; ра́дуйтеся, ско́рбных серде́ц радостотво́рнии посети́тели. Ра́дуйтеся, любо́вь ва́шу к Бо́гу, любо́вию к бли́жним свои́м показа́вшии; ра́дуйтеся, княже́ние ва́ше земно́е пра́ведно и богоуго́дно содержа́вшии. Ра́дуйтеся, князей правосла́вных похвало́ и гра́да Му́рома утвержде́ние; ра́дуйтеся, всея́ земли́ Росси́йская заступле́ние. Ра́дуйтеся, святи́и и пресла́внии чудотво́рцы Пе́тре и Февро́ние.
Кондак 3
Си́лою благода́ти Бо́жия укрепля́емь, блаже́нне кня́же Пе́тре, восхоте́л еси́ па́че оста́вити град оте́чества твоего́ и княже́ние Му́ромское, не́же бракоразвести́ся с прему́дрою Февро́ниею по настоя́нию го́рдых боля́р твои́х. Сего́ ра́ди Бог тя просла́ви и сотвори́, да те́миже боля́ры возвраще́нный вку́пе с супру́жницею твое́ю, на престо́ле княже́ния Му́ромскаго па́ки утверди́лся еси́, нам же приме́р хране́ния зако́на Бо́жия показу́еши по́двигом твои́м, да подража́юще тебе́ в свя́тости хране́ния соу́за бра́чнаго, воспева́ем подвигополо́жнику Христу́: Аллилу́иа.
Икос 3
Иму́ще попече́ние о лю́дех свои́х, преблаже́ннии Пе́тре и Февро́ние, неусы́пно подвиза́стеся ко бла́гу их, благоче́стие насажда́я, нече́стие искореня́я и вражду́ умиротворя́я. Те́мже и Госпо́дь, ви́дя таковы́я по́двиги ва́ша, зе́млю Му́ромскую плодоно́сием благослови́ и мир глубо́к княже́нию ва́шему дарова́, подвизая лю́ди ва́ша благода́рственно воспева́ти вам си́це: Ра́дуйтеся, уго́дницы Бо́жии, житию вели́ких святы́х соприча́стницы; ра́дуйтеся, прави́телие предо́брии, лю́ди му́ромския ко спасе́нию путеводи́вшии. Ра́дуйтеся, христиа́нскаго благоче́стия блюсти́тели; ра́дуйтеся, нестрое́ния, раздо́ров и вся́каго нече́стия искорени́тели. Ра́дуйтеся, супру́гов христиа́н ко благоче́стному житию наста́вницы; ра́дуйтеся, целому́дрия и воздержа́ния супру́жеская о́брази преизя́щнии. Ра́дуйтеся, праведнаго суда́ рачи́тели; ра́дуйтеся, немздои́мства и безкоры́стия ревни́тели. Ра́дуйтеся, святы́х царе́й Константи́на и Еле́ны доброде́телей стяжа́тели; ра́дуйтеся, равноапо́стольнаго кня́зя Влади́мира и блаже́нныя княги́ни О́льги досто́йнии прее́мницы. Ра́дуйтеся, дво́ице пречестна́я и благо́е сочета́ние, луча́ми чуде́с немерца́емо сия́ющии; ра́дуйтеся, оте́чества ва́шего пресве́тлии свети́льницы. Ра́дуйтеся, святи́и и пресла́внии чудотво́рцы Пе́тре и Февро́ние.
Кондак 4
Бу́ря скорбе́й и напа́стей, воздвиза́емая зло́бою ми́ра сего́, не осла́би кре́пкую любве́ ва́шея я́же к Бо́гу, Пе́тре и Февро́ние блаже́ннии, но па́че научи́ вас благоиску́сно отража́ти разжже́нныя стре́лы искуше́ний диа́вольских: вы бо обо́лкшеся в броню́ ве́ры Христо́вы, в ми́ре глубо́це преидо́сте многомяте́жную пучи́ну жите́йскаго мо́ря, и достиго́сте в ти́хую при́стань спасе́ния, к нейже и нас моли́твами ва́шими приведи́те, да вку́пе с ва́ми пое́м Бо́гу: Аллилу́иа.
Икос 4
Слы́шавше бли́жнии и да́льнии благоче́стное житие́ ва́ше, благове́рнии Пе́тре и Февро́ние, прославля́ху человеколю́бца Бо́га, дарова́вшаго вам кре́пость на вся де́ла блага́я, и́миже я́ко луча́ми пресве́тлыми, просия́ете в оте́честве ва́шем, иде́же и доны́не имена́ ва́ша че́стны, и по́двиги ва́ша воспева́ются похвала́ми си́ми: Ра́дуйтеся, дво́ице пресве́тлая, Бо́гом совокупле́нная; ра́дуйтеся, све́том благоче́стнаго жития́ ва́шего, я́ко свети́ла богосве́тлая, просия́вшии. Ра́дуйтеся, ми́лостынею и моли́твами Небе́сное Ца́рствие стяжа́вшии; ра́дуйтеся, смире́нием и поще́нием ве́чное блаже́нство улучи́вшии. Ра́дуйтеся, я́ко мзда ва́ша мно́га на Небесе́х есть; ра́дуйтеся, я́ко ра́дость ва́ша ве́чна во све́тлостех святы́х. Ра́дуйтеся, раби́ Христо́вы возлю́бленнии; ра́дуйтеся, святы́х всех при́снии дру́зи. Ра́дуйтеся, зве́зды непреле́стнии, путь супру́жескаго жития́ богоуго́днаго ве́рно указу́ющии; ра́дуйтеся, о́блацы росоно́снии, зной страсте́й и нече́стия прогоня́ющии. Ра́дуйтеся, Бо́жиих ми́лостей и щедро́т нам пода́тели; ра́дуйтеся, оте́чества ва́шего украше́ние неотъе́млемое. Ра́дуйтеся, святи́и и пресла́внии чудотво́рцы Пе́тре и Февро́ние.
Кондак 5
Богопросвеще́ннии свети́льницы благоче́стия и преди́внии чудотво́рцы Пе́тре и Февро́ние, Бо́га от всея́ души́ возлюби́вше, вся за́поведи Его́ сохрани́сте; те́мже и Христо́с, я́ко со́лнце и луну́ пресве́тлыя, показа́ вас, преблаже́ннии, чуде́с мно́гих заре́ю озаря́ющия о́бласть Му́ромскую и всю страну́ Росси́йскую, просла́вив нетле́нием святы́я и многоцеле́бныя мо́щи ва́ша, к ни́мже припа́дающе, по достоя́нию ублажа́ем вас и вы́ну благода́рственно пое́м ди́вному во святы́х Свои́х Бо́гу: Аллилу́иа.
Икос 5
Ви́девше житие́ ва́ше пра́ведное и щедро́ты ва́ша, лю́дие му́ромстии сла́вляху вас, свои́х прави́телей ми́лостивых, благове́рнии Пе́тре и Февро́ние, вы же смире́ние и́стинное возлюби́вше и похвалы́ челове́ческия небре́гше, горды́нею неуя́звлени пребы́сте, и тем показа́сте нам о́браз вы́шшаго смире́ния, ему́же поуча́яся, с любо́вию вопие́м вам такова́я: Ра́дуйтеся, сла́ву челове́чу ни во что же вмени́вшии; ра́дуйтеся, смире́ние Христо́во усе́рдно возлюби́вшии. Ра́дуйтеся, за́поведей Госпо́дних ве́рнии исполни́тели; ра́дуйтеся, уче́ния Ева́нгельскаго и́стиннии после́дователи. Ра́дуйтеся, раби́ Бо́га Вы́шняго, во́лю Его́ сотво́ршии; ра́дуйтеся, ве́ру Христо́ву до конца́ соблю́дшии. Ра́дуйтеся, христоимени́тым лю́дем благоче́стия учи́тели; ра́дуйтеся, хотя́щих богоуго́дно жи́ти богому́дрии наста́вницы. Ра́дуйтеся, моли́твами ва́шими спаса́ющии нас от вся́ких бед; ра́дуйтеся, вся блага́я проше́ния на́ша исполня́ющии. Ра́дуйтеся, в неду́зех стра́ждущих благода́тнии вра́чеве; ра́дуйтеся, ми́лостивии страны́ Му́ромския покрови́телие. Ра́дуйтеся, святи́и и пресла́внии чудотво́рцы Пе́тре и Февро́ние.
Кондак 6
Пропове́дницы ве́ры правосла́вныя и ревни́тели благоче́стия не сло́вом то́кмо, но всем житие́м свои́м бы́сте во гра́де Му́роме, прехва́льнии Пе́тре и Февро́ние; те́мже и свята́я Це́рковь досто́йне почита́ет по́двиги и труды́ ва́ша, и́миже труди́стеся во сла́ву Бо́га Вы́шняго, немо́лчно воспева́я Ему́: Аллилу́иа.
Икос 6
Возсия́сте во гра́де Му́роме све́том доброде́тельнаго жития́ ва́шего, я́ко зве́зды богосве́тлыя, преблаже́ннии Пе́тре и Февро́ние, и па́мять ва́ша в нем с похвала́ми до днесь, я́ко и по сме́рти свое́й не престае́те озаря́ти нас, мно́гая чудесы́ соверша́юще, и те́ми све́тлую зарю́ безсме́ртия нам от моще́й ва́ших возсиява́юще, да ублажа́ем вас благохвале́ниями сицевы́ми: Ра́дуйтеся, чи́на и уста́вов святы́я Це́ркве ве́рнии храни́тели; ра́дуйтеся, служи́телей олтаря́ Госпо́дня благогове́йнии почита́тели. Ра́дуйтеся, благи́х обы́чаев и преда́ний святооте́ческих ревни́тели; ра́дуйтеся, обы́чаев злых и суему́дрий язы́ческих искорени́тели. Ра́дуйтеся, суды́ нелицеприя́тны лю́дем ва́шим твори́вшии; ра́дуйтеся, суды́ ва́ша с ми́лостию соедини́вшии. Ра́дуйтеся, кро́тцыи и незло́бивии после́дователи Христо́вы; ра́дуйтеся, зло́бу добро́м препобежда́вшии. Ра́дуйтеся, нетле́ния благоуха́ющии цве́ти; ра́дуйтеся, безсме́ртия немерца́ющии лучи́. Ра́дуйтеся, на земли́ вели́чием чуде́с блиста́ющии; ра́дуйтеся, на Небеси́ со А́нгелы Бо́га сла́вящии. Ра́дуйтеся, святи́и и пресла́внии чудотво́рцы Пе́тре и Февро́ние.
Кондак 7
Хотя́й человеколю́бец Госпо́дь яви́ти в житии ва́шем, Пе́тре и Февро́ние, о́браз назида́ния не то́кмо лю́дем мирски́м, но и ли́ком и́ноческим, внуши́ вам в ста́рости масти́тей оста́вити сла́ву княже́ния земна́го, и восприя́ти о́браз и́ноческий, в не́мже подвиза́стеся до́бре посто́м, бде́нием и моли́твою, воспева́юще непреста́нно Триеди́ному Бо́гу а́нгельскую песнь: Аллилу́иа.
Икос 7
Но́вую благода́ть Бо́жию во и́ночестем постриже́нии прие́мше, преподо́бнии, но́выми по́двигами украси́сте равноа́нгельное житие́ ва́ше и та́ко сугу́б плод соверше́нства духо́внаго Христу́ принесо́сте, и мзду преподо́бных досто́йне от Него́ восприя́сте. Помина́я у́бо такову́ю ре́вность ва́шу к по́двигом духо́вным, прославляем вас си́ми достодо́лжными похвалы́: Ра́дуйтеся, я́ко любве́ ра́ди Го́спода, ми́ра сего́ княже́ние и сла́ву оста́висте; ра́дуйтеся, я́ко и́ноческое равноа́нгельное житие́ усе́рдно восприя́сте. Ра́дуйтеся, соверше́ннаго терпе́ния подви́жницы; ра́дуйтеся, во́льныя нищеты́ блаже́ннии стяжа́тели. Ра́дуйтеся, пре́жде кончи́ны ва́шея вся стра́сти умертви́вшии воздержа́нием; ра́дуйтеся, восприя́вшии святу́ю схи́му в броню́ спасе́ния. Ра́дуйтеся, багряни́цу кня́жескую на власяни́цу и́ноческую премени́вшии; ра́дуйтеся, посто́м, бде́нием и непреста́нными моли́твами Бо́гу до́бре угоди́вшии. Ра́дуйтеся, боголюбе́знаго уедине́ния взыска́тели; ра́дуйтеся, спаси́тельнаго безмо́лвия люби́тели. Ра́дуйтеся, слеза́ми моли́твенными ороша́еми; ра́дуйтеся, в со́нме преподо́бных на Небеси́ просла́вленнии. Ра́дуйтеся, святи́и и пресла́внии чудотво́рцы Пе́тре и Февро́ние.
Кондак 8
Стра́нное и ди́вное бе чу́до, егда́ ты, блаже́нне Пе́тре, на кончи́не живота́ твоего́, проше́ния ра́ди супру́жницы твоея́, святы́я Февро́нии, исхо́дом свои́м уме́длил еси́, до́ндеже сконча́ она́ пелену́ церко́вную, е́ю сшива́ему и вку́пе с тобо́ю к исхо́ду сме́ртному приспе́, и та́ко неразлу́чнии в житии, неразлу́чнии в кончи́не яви́стеся, и во еди́н день и час святы́я ду́ши своя́ в ру́це Бо́жии преда́сте, зову́ще при́сно живы́ми и ме́ртвыми облада́ющему Влады́це Бо́гу: Аллилу́иа.
Икос 8
Вси чудя́хуся и сла́вляху ди́внаго во святы́х Свои́х Бо́га, егда́ святы́я ва́ша телеса́, в ра́зных гробе́х положе́нная, чуде́сно обрето́шася лежа́ща в о́бщей гробни́це, ю́же угото́васте себе́, преподо́бнии, в собо́рней це́ркви гра́да Му́рома, иде́же и доны́не неразлу́чно почива́ете, чудотво́рцы святи́и, неоску́дныя источа́юще исцеле́ния всем, с ве́рою прибега́ющим к вам и зову́щим: Ра́дуйтеся, сою́з любве́ ва́шея до гро́ба и за гро́бом ве́рно сохра́ншии; ра́дуйтеся, не то́кмо в жи́зни, но и по сме́рти, о Го́споде соедине́ннии. Ра́дуйтеся, в супру́жестем благоче́стнем житии вам подража́ющим кре́пцыи помо́щницы; ра́дуйтеся, теплото́ю любве́ ва́шея и нас согрева́ющии. Ра́дуйтеся, сме́ртию вре́менною преше́дшии к жи́зни ве́чней; ра́дуйтеся, от Го́спода нетле́нием и чудесы́ просла́вленнии. Ра́дуйтеся, я́ко па́мять ва́ша с похвала́ми и успе́ние со святы́ми; ра́дуйтеся, я́ко имена́ ва́ша че́стна суть и благослове́нна в оте́честве ва́шем. Ра́дуйтеся, Росси́йския страны́ удобре́ние благода́тное; ра́дуйтеся, гра́да Му́рома огражде́ние несокруши́мое. Ра́дуйтеся, о лю́бящих и чту́щих вас небе́снии предста́тели; ра́дуйтеся, приснопрося́щии нам у Го́спода да́ры бла́гости Его́. Ра́дуйтеся, святи́и и пресла́внии чудотво́рцы Пе́тре и Февро́ние.
Кондак 9
Вси А́нгели и святы́х ли́ки ра́довахуся ра́достию ве́лию, егда́ святы́я ду́ши ва́ша достиго́ша ве́чнаго в оби́телех ра́йских селе́ния, и Сам Творе́ц А́нгелов и Святе́йший святы́х Царь Сла́вы Христо́с, безсме́ртия венцы́ увенча́ вас и дарова́ вам благода́ть молитися Ему́ со дерзновением мно́гим о всех и́щущих ва́шего заступле́ния, его́же не лиши́те и нас гре́шных, Пе́тре и Февро́ние достохва́льнии, смиренному́дренно воспева́ющих просла́вльшему вас Бо́гу хвале́бную песнь: Аллилу́иа.
Икос 9
Вети́йство челове́ческое не довле́ет к досто́йному прославле́нию ди́внаго жития́ ва́шего, святи́и чудотво́рцы Пе́тре и Февро́ние; кто бо испове́сть вся моле́ния и поще́ния, боле́зни и труды́ ва́ша? кто изочте́т вся сле́зы и воздыха́ния ва́ша я́же к Бо́гу? Оба́че мы любо́вию к вам подвиза́еми, дерза́ем воспева́ти вам сия́ ма́лыя и нехи́тростныя похвалы́: Ра́дуйтеся, благода́ти Свята́го Ду́ха избра́ннии сосу́ди; ра́дуйтеся, ра́дости нам ве́чныя благоприя́тнии хода́таи. Ра́дуйтеся, богобоя́зненных супру́гов в благоче́стии утвержде́ние; ра́дуйтеся, наруши́телей супру́жескаго целому́дрия и согла́сия гро́зное обличе́ние. Ра́дуйтеся, гнев Бо́жий, пра́ведно дви́жимый на нас, моли́твами ва́шими утоля́ющии; ра́дуйтеся, о ми́ре всего́ ми́ра непреста́нно Го́спода умоля́ющии. Ра́дуйтеся, на враги́ ви́димыя и неви́димыя кре́пцыи нам спобо́рницы; ра́дуйтеся, ангелонра́внии челове́цы. Ра́дуйтеся, преподо́бных и пра́ведных сонасле́дницы; ра́дуйтеся, Пресвяты́я Тро́ицы ве́рнии уго́дницы. Ра́дуйтеся, блаже́ннии обита́тели го́рняго гра́да Иерусали́ма Небе́снаго; ра́дуйтеся, со святы́ми торжеству́ющии в ски́ниях ра́йских. Ра́дуйтеся, святи́и и пресла́внии чудотво́рцы Пе́тре и Февро́ние.
Кондак 10
Спасе́ние ве́чное унасле́довавше богоблаже́ннии Пе́тре и Февро́ние, душа́ми ва́шими в оби́телех го́рних неразлу́чно в Бо́зе пребыва́ете, святы́ми же моща́ми ва́шими в хра́ме Бо́жием нетле́нно вку́пе почива́ете, и оби́льныя исцеле́ния источа́ете, да чудесы́ ва́шими благода́тно озаря́еми, хвале́бно взыва́ем Верхо́вному Творцу́ чуде́с Бо́гу: Аллилу́иа.
Икос 10
Сте́ну заступле́ния, благоприя́тныя моли́твы ва́ша к Бо́гу, обре́тше, святи́и чудотво́рцы Пе́тре и Февро́ние, благодаре́ние Отцу́ Небе́сному усе́рдно возсыла́ем за вся благодея́ния Его́, ва́ми всем нам оби́льно явля́емая, вам же, предста́телям на́шим, сицево́е прино́сим пе́ние: Ра́дуйтеся, всесве́тлаго Ца́рствия Христо́ва насле́дницы; ра́дуйтеся, а́нгельских лико́в собесе́дницы. Ра́дуйтеся, Бо́га во сла́ве непристу́пней созерца́ющии; ра́дуйтеся, Трисия́ннаго Божества́ таи́нницы. Ра́дуйтеся, со святы́ми на Небеси́ вечно ца́рствующии; ра́дуйтеся, от го́рних высо́т к земноро́дным ми́лостивно приника́ющии. Ра́дуйтеся, кри́ни благоуха́ннии небе́снаго прозябе́ния; ра́дуйтеся, кипари́си чудото́чнии рая́ Иису́сова. Ра́дуйтеся, пода́тели незави́стнии безме́зднаго врачева́ния; ра́дуйтеся, соверши́тели достохва́льнии мно́гих чуде́с. Ра́дуйтеся, благодея́ний мно́жество нам источа́ющии; ра́дуйтеся, ми́лостию сострада́ния ва́шего всех объе́млющии. Ра́дуйтеся, святи́и и пресла́внии чудотво́рцы Пе́тре и Февро́ние.
Кондак 11
Пе́ние моле́бное прино́сим вам, уго́дницы Бо́жии Пе́тре и Февро́ние, и с любо́вию припа́даем к ра́це святы́х и многоцеле́бных моще́й ва́ших, прославля́я житие́ ва́ше богоугодное и по́двиги мно́ги. Мо́лимся вам усе́рдно, чудотво́рцы святи́и, помози́те нам подража́ти ва́шим доброде́телем, да возмо́жем богоуго́дно пе́ти Созда́телю на́шему: Аллилу́иа.
Икос 11
Све́та небе́снаго испо́лнен бе собо́рный храм гра́да Му́рома, егда́ благоволе́нием Бо́жиим святы́я мо́щи ва́ша Пе́тре и Февро́ние, це́лы и благоуха́нны обрето́шася в нем, и из недр земны́х, я́ко сокро́вище драгоце́нное, изнесе́ны бы́ша, иде́же и до ны́не почива́ют, исцеле́ния неоску́дныя источа́юще неду́жным и боля́щим. Сего́ ра́ди пе́сненно вопие́м к вам: Ра́дуйтеся, зла́то нетле́нное, в не́дрех земны́х обре́тенное; ра́дуйтеся, би́сери сия́ющии и благода́тно просвеща́ющии челове́ков. Ра́дуйтеся, святы́я Правосла́вныя Це́ркве похвало́; ра́дуйтеся, ересе́й и раско́лов обличе́ние. Ра́дуйтеся, све́ти у́мнии, заре́ю Свята́го Ду́ха облиста́ющии; ра́дуйтеся, ми́ра благоуха́ния Христо́ва преиспо́лненнии. Ра́дуйтеся, облече́ннии в ри́зу благода́тного нетле́ния; ра́дуйтеся, препоя́саннии си́лою мно́гих чуде́с. Ра́дуйтеся, я́ко ра́ка ва́ша честна́я враче́бница яви́ся неду́гом челове́ческим; ра́дуйтеся, я́ко от нея́ всяк с ве́рою приходя́й да́ры целе́бныя прие́млет. Ра́дуйтеся, све́тлостию чуде́с ва́ших мрак душ на́ших озаря́ющии; ра́дуйтеся, нетле́нием святы́х моще́й ва́ших зарю́ общаго всех воскресе́ния нам показу́ющии. Ра́дуйтеся, святи́и и пресла́внии чудотво́рцы Пе́тре и Февро́ние.
Кондак 12
Благода́ть свы́ше вам дарова́нную, позна́вше, святи́и чудотво́рцы Пе́тре и Февро́ние, с благогове́нием и любо́вию покланя́емся нетле́нным и многоцеле́бным моще́м ва́шим и от них прие́млем в неду́зех исцеле́ние, в ско́рбех утеше́ние, в беда́х благода́тную по́мощь: те́мже и прославляем вас по достоя́нию, небе́сных предста́телей и засту́пников на́ших, воспева́юще хвалы́ и благодаре́ния ва́ми благотворя́щему нам Влады́це Бо́гу: Аллилу́иа.
Икос 12
Пою́ще мно́гая и пресла́вная ва́ша чудеса́, вели́цыи уго́дницы Бо́жии Пе́тре и Февро́ние, ублажа́ем вас, я́ко цели́телей, уте́шителей и помо́щников от Го́спода нам дарова́нных, и моли́твенно торжеству́ем святу́ю па́мять ва́шу, от любве́ серде́чныя воспева́юще вам благода́рственно и хвале́бно: Ра́дуйтеся, во благоуха́нии святы́ни нетле́нно почива́ющии; ра́дуйтеся, с ве́рою приходя́щих к ра́це моще́й ва́ших благода́тно освяща́ющии. Ра́дуйтеся, призыва́ющих моли́твенно честна́я имена́ ва́ша ско́рии услы́шатели; ра́дуйтеся, упова́ние на вас по Бо́зе возлага́ющих ди́внии помо́щницы. Ра́дуйтеся, изве́стнии умилостиви́тели Царя́ Небе́снаго; ра́дуйтеся, си́льнии защи́тницы на́ши от враго́в неви́димых. Ра́дуйтеся, при́снии всем нам хода́таи спасе́ния; ра́дуйтеся, неотсту́пнии храни́тели гра́да Му́рома. Ра́дуйтеся, князей росси́йских пречу́дная добро́то; ра́дуйтеся, оте́чества ва́шего Бо́гом дарова́ннии покрови́тели. Ра́дуйтеся, теле́с на́ших благода́тнии целе́бницы; ра́дуйтеся, о душа́х на́ших усе́рднии ко Го́споду моли́твенницы. Ра́дуйтеся, святи́и и пресла́внии чудотво́рцы Пе́тре и Февро́ние.
Кондак 13
О святи́и и пресла́внии чудотво́рцы, благове́рнии кня́же Пе́тре и княги́не Февро́ние! Приими́те ми́лостивно сие́ похва́льное пе́ние от нас недосто́йных во умиле́нии вам приноси́мое, и ва́шим предста́тельством у Го́спода испроси́те нам утвержде́ние в ве́ре и до́брых де́лех, и избавле́ние от всех скорбе́й и боле́зней вре́менных и ве́чных, да сподо́бимся вку́пе с ва́ми и все́ми святы́ми во Ца́рствии Небе́снем пе́ти Пресвяте́й Тро́ице вечно хвале́бную песнь: Аллилу́иа.
(Этот кондак читается трижды, зате́м икос 1 и кондак 1)
Если по каким-то причинам нет возможности прочитать текст, то акафист Петру и Февронии можно слушать. Достаточно включить запись и выстоять весь священный текст до конца.
За рубежом отмечается другой праздник, который почему-то стали праздновать люди, посещающие православную церковь. Это неправильно. Праздник Петра и Февронии – вот он христианский день, когда нужно собираться за столом и посвящать много слов своей второй половинке, дарить подарки. Любите друг друга, уважайте, живите в полной гармонии – это и есть настоящее счастье. Верьте в Господа Бога и всегда молитесь Ему, чтобы в семье все было только хорошо. Помните, что Петр и Феврония – это покровители семейного очага, и в случаях, если между вами происходит недопонимание, то первые, к кому нужно обратиться, это Муромские Святые.
Акафист Петру и Февронии — читать и слушать текст онлайн was last modified: Июль 8th, 2017 by Bogolub
Святые блг. князья Муромские Петр и Феврония
житие святых Петра и Февронии Муромских
Благоверный князь Петр, второй сын Муромского князя Юрия Владимировича, вступил на Муромский престол в 1203 году. За несколько лет до этого святой Петр заболел проказой, от которой никто не мог его излечить. В сонном видении князю было открыто, что его может исцелить дочь пчеловода, благочестивая дева Феврония, крестьянка деревни Ласковой, что в Рязанской земле.
Когда князь увидел святую Февронию, то так полюбил ее за благочестие, мудрость и доброту, что дал обет жениться на ней после исцеления. Святая Феврония исцелила князя и вышла за него замуж. Супруги пронесли любовь друг ко другу через все испытания.
Гордым боярам не нравилось, что их княгиня незнатного происхождения, и хотели заставить князя оставить ее. Святой Петр отказался, и супругов изгнали из Мурома. Святая Феврония поддерживала и утешала мужа. Вскоре Муром постиг гнев Божий, и народ потребовал, чтобы князь с супругой вернулись в город.
Святые прославились благочестием и милосердием. Скончались они в один день и час 25 июня 1228 года, приняв перед этим монашеский постриг с именами Давид и Евфросиния. Их тела были положены в одном гробе.
Святые Петр и Феврония являются образцом христианского супружества. Своими молитвами они испрашивают небесное благословение на вступающих в брак.
Память их празднуется 25 июня (8 июля).
КОНДАК 1
Возбраннии чудотворцы и велиции угодницы Господни, града Мурома заступницы и приснии о душах наших молитвенницы, святии благовернии княже Петре и княгине Февроние! Пение похвальное вам приносяще, молим вы усердно: яко имущии дерзновение ко Господу, предстательством вашим от всяких бед нас свободйте и наследники Царствия Небеснаго нас соделайте, да зовем вам радостно:
Радуйтеся, святии и преславнии чудотворцы Петре и Февроние.
ИКОС 1
Ангели земнии и человецы небеснии воистинну явистеся, блаженнии Петре и Февроние, от юности вашея чистую совесть имущии к Богу, и добре во благочестии и чистоте вкупе пожившии, нам же оставльшии в пример подражания житие ваше богоугодное, емуже чудящеся и чудесы вашими озаряеми, зовем вам гласы хвалебными сице:
Радуйтеся, от юности вашея Христа возлюбившии и Тому от души поработавшии; радуйтеся, целомудрия хранители и душевныя и телесныя чистоты рачители.
Радуйтеся, души ваша и телеса на земли в обиталище Духа Святаго уготовившии; радуйтеся, исполненнии премудрости и разума божественнаго.
Радуйтеся, яко во плоти, яко безплотнии, вкупе пожисте; радуйтеся, яко равноангельную честь достойне приясте.
Радуйтеся, яко от земли на небо пре- идосте и тамо со Ангелы Троице предстоите; радуйтеся, яко со безплотными лики трисвятую песнь Ей воспеваете.
Радуйтеся, на небесй и на землй от Господа прославленнии; радуйтеся, обретший вечное всесветлое место упокоения.
Радуйтеся, града Мурома сокровища пребогатая; радуйтеся, источницы неис- тощимии чудес.
Радуйтеся, святии и преславнии чудотворцы Петре и Февроние.
КОНДАК 2
Видев князь Петр в возвратной болезни своей знамение гнева Божия за
неисполнение обета своего пояти в супруги себе премудрую Февронию, потщася сие исполнити и сочетася с нею браком законным. Обаче и в супружестве целомудренно и богоугодно пожисте, блаженнии, имуще едину мысль во двою телу, еже благоугождати Богу; темже выну поете Ему ныне со Ангелы песнь: Аллилуия.
ИКОС 2
Разумом богопросвещённым свыше одареннии, Петре и Февроние святии, любовь и милосердие к бедным и сирым явисте, обидимым и безпомощным заступницы бысте, и иными добродетельми многими украсисте княжение свое земное. Сего ради вопием к вам сице:
Радуйтеся, блаженнии и треблаженнии, в боголюбии пожившии и благоверие сохраншии; радуйтеся, милости и сострадания преисполненнии.
Радуйтеся, безпомощных скории помощницы; радуйтеся, печальных блазии утешители.
Радуйтеся, сирот и вдовиц кормители; радуйтеся, сущих в бедах предстатели.
Радуйтеся, болезней душевных и телесных искуснии целители; радуйтеся, скорбных сердец радостотворнии посетители.
Радуйтеся, любовь вашу к Богу любовию к ближним своим показавший; радуйтеся, княжение ваше земное праведно и богоугодно содержавшии.
Радуйтеся, князей православных похвале и града Мурома утверждение; радуйтеся, всея земли Российския заступление.
Радуйтеся, святии и преславнии чудотворцы Петре и Февроние.
КОНДАК 3
Силою благодати Божия укрепляем, блаженне княже Петре, восхотел еси паче оставите град отечества твоего и княжение Муромское, неже бракоразвестися с премудрою Феврониею по настоянию гордых боляр твоих. Сего ради Бог тя прослави и сотвори, да темиже боляры возвращенный вкупе с супружницею твоею, на престоле княжения Муромскаго паки утвердился еси, нам же пример хранения закона Божия показуеши подвигом твоим, да подражающе тебе в святости хранения соуза брачнаго, воспеваем Подвигоположнику Христу: Аллилуия.
ИКОС 3
Имуще попечение о людех своих, преблажённии Петре и Февроние, неусыпно подвизастеся ко благу их, благочестие насаждающее, нечестие искореняюще и вражду умиротворяюще. Темже и Господь, видя таковая подвиги ваша, землю Муромскую плодоносием благослови и мир глубок княжению вашему дарова, подвизая люди ваша благодарственно воспевати вам сице:
Радуйтеся, угодницы Божии, житию великих святых сопричастницы; радуйтеся, правителие предобрии, люди муромския ко спасению путеводившии.
Радуйтеся, христианскаго благочестия блюстители; радуйтеся, нестроения, раздоров и всякаго нечестия искоренители.
Радуйтеся, супругов христиан ко благо- честному житию наставницы; радуйтеся, целомудрия и воздержания супружескаго образи преизящнии.
Радуйтеся, праведнаго суда рачители; радуйтеся, немздоимства и безкорыстия ревнители.
Радуйтеся, святых Царей Константина и Елены добродетелей стяжатели; радуйтеся, равноапостольнаго князя Владимира и блаженный княгини Ольги достойнии преемницы.
Радуйтеся, двоице прелестная и благое сочетание, лучами чудес немерцаемо сияющии; радуйтеся, отечества вашего пресветлии светильницы.
Радуйтеся, святии и преславнии чудотворцы Петре и Февроние.
КОНДАК 4
Буря скорбей и напастей, воздвизаемая злобою мира сего, не ослаби крепкия любве вашея яже к Богу, Петре и Февроние блаженнии, но паче научи вас благоискусно отражали разжженныя стрелы искушений диавольских: вы бо оболкшеся в броню веры Христовы, в мире глубоце преидосте многомятёжную пучину житейскаго моря, и достигаете в тихую пристань спасения, к нейже и нас молитвами вашими приведите, да вкупе с вами поем Богу: Аллилуия.
ИКОС 4
Слышавше ближнии и дальний благочестное житие ваше, благовернии Петре и Февроние, прославляху Человеколюбца Бога, даровавшаго вам крепость на вся дела благая, имиже яко лучами пресветлыми, просияете в отечестве вашем, идеже и доныне имена ваша честная и подвиги ваша воспеваются похвалами сими:
Радуйтеся, двоице пресветлая, Богом совокупленная; радуйтеся, светом благочёстнаго жития вашего, яко светила богосветлая, просиявший.
Радуйтеся, милостынею и молитвами Небесное Царствие стяжавший; радуйтеся, смирением и пощением вечное блаженство улучившии.
Радуйтеся, яко мзда ваша многа на небесех есть; радуйтеся, яко радость ваша вечна во светлостех святых.
Радуйтеся, раби Христовы возлюбленнии; радуйтеся, святых всех приснии друзи.
Радуйтеся, звезды непрелестныя, путь супружескаго жития богоугоднаго верно указующия; радуйтеся, облацы росоноснии, зной страстей и нечестия прогоняющии.
Радуйтеся, Божиих милостей и щедрот нам податели; радуйтеся, отечества вашего украшение неотъемлемое.
Радуйтеся, святии и преславнии чудотворцы Петре и Февроние.
КОНДАК 5
Богопросвещённии светильницы благочестия и предивнии чудотворцы Петре и Февроние, Бога от всея души возлюбивше, вся заповеди Его сохранисте. Темже и Христос, яко солнце и луну пресветлыя, показа вас, преблаженнии, чудес многих зарею озаряющия область Муромскую и всю страну Российскую, прославив нетлением святыя и многоцелебныя мощи ваша, к нимже припадающе, по достоянию ублажаем вас и выну благодарственно поем дивному во святых Своих Богу: Аллилуия.
ИКОС 5
Видевше житие ваше праведное и щедроты ваша, людие муромстии славляху вас, своих правителей милостивых, благовернии Петре и Февроние, вы же, смирение истинное возлюбивше и похвалы человеческия небрегше, гордынею неуязвлени пребысте, и тем показасте нам образ вышшаго смирения, емуже поучающеся, с любовию вопием вам таковая:
Радуйтеся, славу человечу ни во что же вменивший; радуйтеся, смирение Христово усердно возлюбивший.
Радуйтеся, заповедей Господних вернии исполнители; радуйтеся, учения Евангельскаго истиннии последователи.
Радуйтеся, раби Бога Вышняго, волю Его сотворшии; радуйтеся, веру Христову до конца соблюдшии.
Радуйтеся, христоименитым людем благочестия учители; радуйтеся, хотящих богоугодно жити богомудрии наставницы.
Радуйтеся, молитвами вашими спасающии нас от всяких бед; радуйтеся, вся благая прошения наша исполняющии.
Радуйтеся, в недузех страждущих благодатнии врачеве; радуйтеся, милостивии страны Муромския покровителие.
Радуйтеся, святии и преславнии чудотворцы Петре и Февроние.
КОНДАК 6
Проповедницы веры православный и ревнители благочестия не словом токмо, но всем житием своим бысте во граде Муроме, прехвальнии Петре и Февроние; темже и святая Церковь достойне почитает подвиги и труды ваша, имиже трудистеся во славу Бога Вышняго, немолчно воспевающе Ему: Аллилуия.
ИКОС 6
Возсиясте во граде Муроме светом добродетельнаго жития вашего, яко звезды богосветлыя, преблаженнии Петре и Февроние, и память ваша в нем с похвалами до днесь, яко и по смерти своей не престаете озаряти нас, многая чудесы совершающе, и тёми светлую зарю безсмертия нам от мощей ваших возсиявающе, да ублажаем вас благохвалении сицевыми:
Радуйтеся, чина и уставов Святыя Церкве вернии хранители; радуйтеся, служителей олтаря Господня благоговейнии почитатели.
Радуйтеся, благих обычаев и преданий святоотеческих ревнители; радуйтеся, обычаев злых и суемудрий языческих искоренители.
Радуйтеся, суды нелицеприятны людем вашим творившии; радуйтеся, суды ваша с милостию соединившии.
Радуйтеся, кротцыи и незлобивии последователи Христовы; радуйтеся, злобу добром препобеждавшии.
Радуйтеся, нетления благоухающий цвети; радуйтеся, безсмертия немерцающии лучи.
Радуйтеся, на земли величием чудес блистающий; радуйтеся, на небеси со Ангелы Бога славящии.
Радуйтеся, святии и преславнии чудотворцы Петре и Февроние.
КОНДАК 7
Хотяй Человеколюбец Господь явити в житии вашем, Петре и Февроние, образ назидания не токмо людем мирским, но и ликом иноческим, внуши вам в старости маститей оставите славу княжения земнаго, и восприяти образ иноческий, в немже подвизастеся добре постом, бдением и молитвою, воспевающее непрестанно Триединому Богу ангельскую песнь: Аллилуия.
ИКОС 7
Новую благодать Божию во йночес- тем пострижении приемше, преподобнии, новыми подвигами украсисте равноангельное житие ваше и тако сугуб плод совершенства духовнаго Христу принесосте и мзду преподобных достойне от Него воспримете. Поминающе убо таковую ревность вашу к подвигом духовным, прославляем вас сими достодолжными похваламй:
Радуйтеся, яко любве ради Господа, мира сего княжение и славу остависте; радуйтеся, яко иноческое равноангельное житие усердно воспримете.
Радуйтеся, совершеннаго терпения подвижницы; радуйтеся, вольныя нищеты блаженнии стяжатели.
Радуйтеся, прежде кончины вашея вся страсти умертвивший воздержанием; радуйтеся, восприявшии святую схиму в броню спасения.
Радуйтеся, багряницу княжескую на власяницу иноческую пременившии; радуйтеся, постом, бдением и непрестанными молитвами Богу добре угодившии.
Радуйтеся, боголюбезнаго уединения взыскатели; радуйтеся, спасительнаго безмолвия любители.
Радуйтеся, слезами молитвенными орошаемии; радуйтеся, в сонме преподобных на небеси прославленнии.
Радуйтеся, святии и преславнии чудотворцы Петре и Февроние.
КОНДАК 8
Странное и дивное бе чудо, егда ты, блажённе Петре, на кончине живота твоего, прошения ради супружницы твоей, святыя Февронии, исходом своим умедлил еси, дондеже сконча она пелену церковную, ею сшиваему и вкупе с тобою ко исходу смертному приспе, и тако неразлучнии в житии, неразлучнии в кончине явистеся, и во един день и час святыя души своя в руце Божии предаете, зовуще присно живыми и мертвыми обладающему Владыце Богу: Аллилуия.
ИКОС 8
Вси чудяхуся и славляху дивнаго во святых Своих Бога, егда святая ваша телеса, в разных гробех положенная, чудесно обретошася лежаща в общей гробнице, юже уготоваете себе, преподобнии, в соборней церкви града Мурома, идеже и доныне неразлучно почиваете, чудотворцы святим, неоскудная источающе исцеления всем, с верою прибегающим к вам и зовущим:
Радуйтеся, союз любве вашея до гроба и за гробом верно сохраншии; радуйтеся, не токмо в жизни, но и по смерти о Господе соединеннии.
Радуйтеся, в супружестем благочестием житии вам подражающим крепцыи помощницы; радуйтеся, теплотою любве вашея и нас согревающии.
Радуйтеся, смертию временною прешедшии к жизни вечней; радуйтеся, от Господа нетлением и чудесы прославленнии.
Радуйтеся, яко память ваша с похвалами и успение со святыми; радуйтеся, яко имена ваша честна суть и благословенна во отечестве вашем.
Радуйтеся, Российская страны удобрение благодатное; радуйтеся, града Мурома ограждение несокрушимое.
Радуйтеся, о любящих и чтущих вас небеснии предстатели; радуйтеся, приснопросящии нам у Господа дары благости Его.
Радуйтеся, святии и преславнии чудотворцы Петре и Февроние.
КОНДАК 9
Вси Ангели и святых лики радовахуся радостию велию, егда святыя души ваша достигоша вечнаго во обителех райских селения, и Сам Творец Ангелов и Святейший святых Царь славы Христос, безсмертия венцы увенча вас и дарова вам благодать молитися Ему со дерзновением многим о всех ищущих вашего заступления, егоже не лишите и нас, грешных, Петре и Февроние до- стохвальнии, смиренномудренно воспевающих прославльшему вас Богу хвалебную песнь: Аллилуия.
ИКОС 9
Ветийство человеческое не довлеет к достойному прославлению дивнаго жития вашего, святии чудотворцы Петре и Февроние; кто бо исповесть вся моления и пощения, болезни и труды ваша? Кто изочтёт вся слезы и воздыхания ваша яже к Богу? Обаче мы, любовию к вам подвизаеми, дерзаем воспевати вам сия малыя и нехитростныя похвалы:
Радуйтеся, благодати Святаго Духа избраннии сосуди; радуйтеся, радости нам вечныя благоприятнии ходатаи.
Радуйтеся, богобоязненных супругов во благочестии утверждение; радуйтеся, нарушителей супружескаго целомудрия и согласия грозное обличение.
Радуйтеся, гнев Божий, праведно движимый на нас, молитвами вашими утоляющий; радуйтеся, о мире всего мира непрестанно Господа умоляющии.
Радуйтеся, на враги видимыя иневидимыя крепции нам споборницы; радуйтеся, ангелонравнии человецы.
Радуйтеся, преподобных и праведных сонаследницы; радуйтеся, Пресвятыя Троицы вернии угодницы.
Радуйтеся, блаженнии обитатели горняго града Иерусалима Небеснаго; радуйтеся, со святыми торжествующий в скиниях райских.
Радуйтеся, святии и преславнии чудотворцы Петре и Февроние.
КОНДАК 10
Спасение вечное унаследовавше богоблаженнии Петре и Февроние, душами вашими во обителех горних неразлучно в Бозе пребываете, святыми же мощами вашими в храме Божием нетленно вкупе почиваете, и обильная исцеления источаете, да чудесы вашими благодатно озаряеми, хвалебно взываем Верховному Творцу чудес Богу: Аллилуия.
ИКОС 10
Стену заступления, благоприятныя молитвы ваша к Богу, обретше, святии чудотворцы Петре и Февроние, благодарение Отцу Небесному усердно возсылаем за вся благодеяния Его, вами всем нам обильно являемая, вам же, предстателем нашим, сицевое приносим пение:
Радуйтеся, всесветлаго Царствия Христова наследницы; радуйтеся, ангельских ликов собеседницы.
Радуйтеся, Бога во славе неприступней созерцающии; радуйтеся, Трисияннаго Божества таинницы.
Радуйтеся, со святыми на небеси вечно царствующий; радуйтеся, от горних высот к земнородным милостивно приникающии.
Радуйтеся, крини благоуханнии не- беснаго прозябения; радуйтеся, кипариси чудоточнии рая Иисусова,
Радуйтеся, податели независтнии безмезднаго врачевания; радуйтеся, совер- шители достохвальнии многих чудес.
Радуйтеся, благодеяний множество нам источащии; радуйтеся, милостию сострадания вашего всех объемлющии.
Радуйтеся, святии и преславнии чудотворцы Петре и Февроние.
КОНДАК 11
Пение молебное приносим вам, угодницы Божии Петре и Февроние, и с любовию припадаем к раце святых и многоцелебных мощей ваших, прославляюще житие ваше богоугодное и подвиги многи. Молимся вам усердно, чудотворцы святии, помоизте нам подражали вашим добродетелем, да возможем богоугодно пети Создателю нашему: Аллилуия.
ИКОС 11
Света небеснаго исполнен бе соборный храм града Мурома, егда благоволением Божиим святыя мощи ваша, Петре и Февроние, целы и благоуханны обретошася в нем, и из недр земных, яко сокровище драгоценное, изнесены быша, идеже и до ныне почивают, исцеления неоскудная источающе недужным и болящим. Сего ради песненно вопием к вам:
Радуйтеся, злато нетленное, в недрех земных обретенное; радуйтеся, бисери сияющии и благодатно просвещающии человеков.
Радуйтеся, Святыя Православныя Церкве похвало; радуйтеся, ересей и расколов обличение.
Радуйтеся, свети умнии, зарею Святаго Духа облистающии; радуйтеся, мира благоухания Христова преисполненнии.
Радуйтеся, облечённии в ризу благодатнаго нетления; радуйтеся, препоясаннии силою многих чудес.
Радуйтеся, яко рака ваша честная врачебница явися недугом человеческим; радуйтеся, яко от нея всяк с верою приходяй дары целебныя приемлет.
Радуйтеся, светлостию чудес ваших мрак душ наших озаряющий; радуйтеся, нетлением святых мощей ваших зарю общаго всех воскресения нам показующии.
Радуйтеся, святии и преславнии чудотворцы Петре и Февроние.
КОНДАК 12
Благодать, свыше вам дарованную, познавше, святии чудотворцы Петре и Февроние, с благоговением и любовию покланяемся нетленным и многоцелебным мощем вашим и от них приемлем в недузех исцеление, в скбрбех утешение, в бедах благодатную помощь: темже и прославляем вас по достоянию, небесных предстателей и заступников наших, воспевающе хвалы и благодарения вами благотворящему нам Владыце Богу: Аллилуия.
ИКОС 12
Поюще многая и преславная ваша чудеса, велиции угодницы Божии Петре и Февроние, ублажаем вас, яко целителей, утешителей и помощников, от Господа нам дарованных, и молитвенно торжествуем святую память вашу, от любве сердечныя воспевающе вам благодарственно и хвалебно:
Радуйтеся, во благоухании святыни нетленно почивающий; радуйтеся, с верою приходящих к раце мощей ваших благодатно освящающии.
Радуйтеся, призывающих молитвенно честная имена ваша скории услышатели; радуйтеся, упование на вас по Бозе возлагающих дивнии помощницы.
Радуйтеся, известнии умилостивители Царя Небеснаго; радуйтеся, сильнии защитницы наши от врагов невидимых.
Радуйтеся, приснии всем нам ходатаи спасения; радуйтеся, неотступнии хранители града Мурома.
Радуйтеся, князей российских пречудная доброто; радуйтеся, отечества вашего Богом дарованнии покровители.
Радуйтеся, телес наших благодатнии целёбницы; радуйтеся, о душах наших усерднии ко Господу молитвенницы.
Радуйтеся, святии и преславнии чудотворцы Петре и Февроние.
КОНДАК 13
О святии и преславнии чудотворцы, благовернии княже Петре и княгине Февроние! Приимите милостивно сие похвальное пение, от нас, недостойных, во умилении вам приносимое, и вашим предстательством у Господа испросите нам утверждение в вере и добрых делех, и избавление от всех скорбей и болезней временных и вечных, да сподобимся вкупе с вами и всеми святыми во Царствии Небеснем пети Пресвятей Троице вечно хвалебную песнь: Аллилуия.
Этот кондак читается трижды,
затем икос 1-й «Ангели земнии…»
и кондак 1-й «Избраннии чудотворцы…»
молитва
О велиции угодницы Божии и предивнии чудотворцы, благовернии княже Петре и княгине Февроние, града Мурома предстатели и хранители и о всех нас усерднии ко Господу молитвенницы! К вам прибегаем и вам молимся со упованием крепким: принесите за нас, грешных, святыя молитвы ваша ко Господу Богу и испросите нам у благости Его вся благопотребная душам и телесем нашим: веру праву, надежду благу, любовь нелицемерну, благочестие непоколебимое, в добрых делех преуспеяние, мира умирение, земли плодоносие, воздуха благорастворение, душам и телесем здравие и вечное спасение. Исходатайствуйте у Царя Небеснаго: верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот наш. Испросите Церкви Святей и всей державе Рос- сийстей мир, тишину и благоустроение, и всем нам житие благополучное и добрую христианскую кончину. Оградите отечество ваше, град Муром и вся грады Российская от всякаго зла и вся правоверныя люди, к вам приходящия и мощем покланяющияся, осените благодатным действом благоприятных молитв ваших и вся прошения их во благо исполните. Ей, чудотворцы святии! Не презрите молитв наших, со умилением вам возносимых, но будите о нас приснии предстателие ко Господу и сподобите нас помощию вашею святою спасение вечное получити и Царствие Небесное унаследовати; да славословим неизреченное человеколюбие Отца, и Сына, и Святаго Духа, в Троице покланяемаго Бога, во веки веков. Аминь.
Конда́к 1.
Избра́ннии чудотво́рцы и вели́цыи уго́дницы Госпо́дни, гра́да Му́рома засту́пницы и при́снии о душа́х на́ших моли́твенницы, святи́и благове́рнии кня́же Пе́тре и княги́не Февро́ние! Пе́ние похва́льное ва́м принося́ще, мо́лим вы́ усе́рдно: я́ко иму́щии дерзнове́ние ко Го́споду, предста́тельством ва́шим от вся́ких бе́д на́с свободи́те, и насле́дники Ца́рствия Небе́снаго на́с соде́лайте, да зове́м ва́м ра́достно:
Ра́дуйтеся, святи́и и пресла́внии чудотво́рцы Пе́тре и Февро́ние.
И́кос 1.
А́нгели земни́и и челове́цы небе́снии вои́стинну яви́стеся, блаже́ннии Пе́тре и Февро́ние, от ю́ности ва́шея чи́стую со́весть иму́щии к Бо́гу, и до́бре во благоче́стии и чистоте́ вку́пе пожи́вшии, на́м же оста́вльшии в приме́р подража́ния житие́ ва́ше богоуго́дное, ему́же чудя́щеся и чудесы́ ва́шими озаря́еми, зове́м ва́м гла́сы хвале́бными си́це:
Ра́дуйтеся, от ю́ности ва́шея Христа́ возлюби́вшии и Тому́ от души́ порабо́тавшии; ра́дуйтеся, целому́дрия храни́тели и душе́вныя и теле́сныя чистоты́ рачи́тели.
Ра́дуйтеся, ду́ши ва́ша и телеса́ на земли́ в обита́лище Ду́ха Свята́го угото́вившии; ра́дуйтеся, испо́лненнии прему́дрости и ра́зума боже́ственнаго.
Ра́дуйтеся, я́ко во пло́ти, я́ко безпло́тни, вку́пе пожи́сте; ра́дуйтеся, я́ко равноа́нгельную че́сть досто́йно прия́сте.
Ра́дуйтеся, я́ко от земли́ на Не́бо преидо́сте и та́мо со А́нгелы Тро́ице предстои́те; ра́дуйтеся, я́ко со безпло́тными ли́ки трисвяту́ю пе́снь Е́й воспева́ете.
Ра́дуйтеся, на Небеси́ и на земли́ от Го́спода просла́вленнии; ра́дуйтеся, обре́тшии ве́чное всесве́тлое ме́сто упокое́ния.
Ра́дуйтеся, гра́да Му́рома сокро́вища пребога́тая; ра́дуйтеся, исто́чницы неистощи́мии чуде́с.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 2.
Ви́дев кня́зь Пе́тр в возвра́тной боле́зни свое́й, зна́мение гне́ва Бо́жия, за неисполне́ние обе́та своего́, поя́ти в супру́ги себе́ прему́друю Февро́нию, потща́ся сие́ испо́лнити и сочета́ся с не́ю бра́ком зако́нным. Оба́че и в супру́жестве целому́дренно и богоуго́дно пожи́сте, блаже́ннии, иму́ще еди́ну мы́сль во двою́ те́лу, е́же благоугожда́ти Бо́гу; те́мже вы́ну пое́те Ему́ ны́не со А́нгелы пе́снь: Аллилу́иа.
И́кос 2.
Ра́зумом богопросвеще́нным свы́ше одаре́ннии, Пе́тре и Февро́ние святи́и, любо́вь и милосе́рдие к бе́дным и си́рым яви́сте, оби́димым и безпомо́щным засту́пницы бы́сте, и ины́ми доброде́тельми мно́гими украси́сте княже́ние свое́ земно́е. Сего́ ра́ди вопие́м к ва́м си́це:
Ра́дуйтеся, блаже́ннии и треблаже́ннии, в боголю́бии пожи́вшии и благове́рие сохра́ншии; ра́дуйтеся, ми́лости и сострада́ния преиспо́лненнии.
Ра́дуйтеся, безпомо́щных ско́рии помо́щницы; ра́дуйтеся, печа́льных блази́и уте́шители.
Ра́дуйтеся, сиро́т и вдови́ц корми́тели; ра́дуйтеся, су́щих в беда́х предста́тели.
Ра́дуйтеся, боле́зней душе́вных и теле́сных иску́снии цели́тели; ра́дуйтеся, ско́рбных серде́ц радостотво́рнии посети́тели.
Ра́дуйтеся, любо́вь ва́шу к Бо́гу, любо́вию к бли́жним свои́м показа́вшии; ра́дуйтеся, княже́ние ва́ше земно́е пра́ведно и богоуго́дно содержа́вшии.
Ра́дуйтеся, князе́й правосла́вных похвало́ и гра́да Му́рома утвержде́ние; ра́дуйтеся, всея́ земли́ Росси́йския заступле́ние.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 3.
Си́лою благода́ти Бо́жия укрепля́емь, блаже́нне кня́же Пе́тре, восхоте́л еси́ па́че оста́вити гра́д оте́чества твоего́ и княже́ние Му́ромское, не́же бракоразвести́ся с прему́дрою Февро́ниею по настоя́нию го́рдых боля́р твои́х. Сего́ ра́ди Бо́г тя́ просла́ви и сотвори́, да те́миже боля́ры возвраще́нный вку́пе с супру́жницею твое́ю, на престо́ле княже́ния Му́ромскаго па́ки утверди́лся еси́, на́м же приме́р хране́ния зако́на Бо́жия показу́еши по́двигом твои́м, да подража́юще тебе́ в свя́тости хране́ния соу́за бра́чнаго, воспева́ем подвигополо́жнику Христу́: Аллилу́иа.
И́кос 3.
Иму́ще попече́ние о лю́дех свои́х, преблаже́ннии Пе́тре и Февро́ние, неусы́пно подвиза́стеся ко бла́гу и́х, благоче́стие насажда́я, нече́стие искореня́я и вражду́ умиротворя́я. Те́мже и Госпо́дь, ви́дя таковы́я по́двиги ва́ша, зе́млю Му́ромскую плодоно́сием благослови́ и ми́р глубо́к княже́нию ва́шему дарова́, подвиза́я лю́ди ва́ша благода́рственно воспева́ти ва́м си́це:
Ра́дуйтеся, уго́дницы Бо́жии, житию́ вели́ких святы́х соприча́стницы; ра́дуйтеся, прави́телие предо́брии, лю́ди му́ромския ко спасе́нию путеводи́вшии.
Ра́дуйтеся, христиа́нскаго благоче́стия блюсти́тели; ра́дуйтеся, нестрое́ния, раздо́ров и вся́каго нече́стия искорени́тели.
Ра́дуйтеся, супру́гов христиа́н ко благоче́стному житию́ наста́вницы; ра́дуйтеся, целому́дрия и воздержа́ния супру́жескаго о́брази преизя́щнии.
Ра́дуйтеся, пра́веднаго суда́ рачи́тели; ра́дуйтеся, немздои́мства и безкоры́стия ревни́тели.
Ра́дуйтеся, святы́х царе́й Константи́на и Еле́ны доброде́телей стяжа́тели; ра́дуйтеся, равноапо́стольнаго кня́зя Влади́мира и блаже́нныя княги́ни О́льги досто́йнии прее́мницы.
Ра́дуйтеся, дво́ице пречестна́я и благо́е сочета́ние, луча́ми чуде́с немерца́емо сия́ющии; ра́дуйтеся, оте́чества ва́шего пресве́тлии свети́льницы.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 4.
Бу́ря скорбе́й и напа́стей, воздвиза́емая зло́бою ми́ра сего́, не осла́би кре́пкия любве́ ва́шея я́же к Бо́гу, Пе́тре и Февро́ние блаже́ннии, но па́че научи́ ва́с благоиску́сно отража́ти разжже́нныя стре́лы искуше́ний диа́вольских: вы́ бо обо́лкшеся в броню́ ве́ры Христо́вы, в ми́ре глубо́це преидо́сте многомяте́жную пучи́ну жите́йскаго мо́ря, и достиго́сте в ти́хую при́стань спасе́ния, к не́йже и на́с моли́твами ва́шими приведи́те, да вку́пе с ва́ми пое́м Бо́гу: Аллилу́иа.
И́кос 4.
Слы́шавше бли́жнии и да́льнии благоче́стное житие́ ва́ше, благове́рнии Пе́тре и Февро́ние, прославля́ху человеколю́бца Бо́га, дарова́вшаго ва́м кре́пость на вся́ дела́ блага́я, и́миже я́ко луча́ми пресве́тлыми, просия́сте в оте́честве ва́шем, иде́же и доны́не имена́ ва́ша че́стны, и по́двиги ва́ша воспева́ются похвала́ми си́ми:
Ра́дуйтеся, дво́ице пресве́тлая, Бо́гом совокупле́нная; ра́дуйтеся, све́том благоче́стнаго жития́ ва́шего, я́ко свети́ла богосве́тлая, просия́вшии.
Ра́дуйтеся, ми́лостынею и моли́твами Небе́сное Ца́рствие стяжа́вшии; ра́дуйтеся, смире́нием и поще́нием ве́чное блаже́нство улучи́вшии.
Ра́дуйтеся, я́ко мзда́ ва́ша мно́га на Небесе́х е́сть; ра́дуйтеся, я́ко ра́дость ва́ша ве́чна во све́тлостех святы́х.
Ра́дуйтеся, раби́ Христо́вы возлю́бленнии; ра́дуйтеся, святы́х все́х при́снии дру́зи.
Ра́дуйтеся, звезды́ непреле́стнии, пу́ть супру́жескаго жития́ богоуго́днаго ве́рно указу́ющии; ра́дуйтеся, о́блацы росоно́снии, зно́й страсте́й и нече́стия прогоня́ющии.
Ра́дуйтеся, Бо́жиих ми́лостей и щедро́т на́м пода́тели; ра́дуйтеся, оте́чества ва́шего украше́ние неотъе́млемое. Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 5.
Богопросвеще́ннии свети́льницы благоче́стия и преди́внии чудотво́рцы Пе́тре и Февро́ние, Бо́га от всея́ души́ возлюби́вше, вся́ за́поведи Его́ сохрани́сте; те́мже и Христо́с, я́ко со́лнце и луну́ пресве́тлыя, показа́ ва́с, преблаже́ннии, чуде́с мно́гих заре́ю озаря́ющия о́бласть Му́ромскую и всю́ страну́ Росси́йскую, просла́вив нетле́нием святы́я и многоцеле́бныя мо́щи ва́ша, к ни́мже припа́дающе, по достоя́нию ублажа́ем ва́с и вы́ну благода́рственно пое́м ди́вному во святы́х Свои́х Бо́гу: Аллилу́иа.
И́кос 5.
Ви́девше житие́ ва́ше пра́ведное и щедро́ты ва́ша, лю́дие му́ромстии сла́вляху ва́с, свои́х прави́телей ми́лостивых, благове́рнии Пе́тре и Февро́ние, вы́ же смире́ние и́стинное возлюби́вше и похвалы́ челове́ческия небре́гше, горды́нею неуя́звлени пребы́сте, и те́м показа́сте на́м о́браз вы́шшаго смире́ния, ему́же поуча́яся, с любо́вию вопие́м ва́м такова́я:
Ра́дуйтеся, сла́ву челове́чу ни во что́ же вмени́вшии; ра́дуйтеся, смире́ние Христо́во усе́рдно возлюби́вшии.
Ра́дуйтеся, за́поведей Госпо́дних ве́рнии исполни́тели; ра́дуйтеся, уче́ния Ева́нгельскаго и́стиннии после́дователи.
Ра́дуйтеся, раби́ Бо́га Вы́шняго, во́лю Его́ сотво́ршии; ра́дуйтеся, ве́ру Христо́ву до конца́ соблю́дшии.
Ра́дуйтеся, христоимени́тым лю́дем благоче́стия учи́тели; ра́дуйтеся, хотя́щих богоуго́дно жи́ти богому́дрии наста́вницы.
Ра́дуйтеся, моли́твами ва́шими спаса́ющии на́с от вся́ких бе́д; ра́дуйтеся, вся́ блага́я проше́ния на́ша исполня́ющии.
Ра́дуйтеся, в неду́зех стра́ждущих благода́тнии вра́чеве; ра́дуйтеся, ми́лостивии страны́ Му́ромския покрови́телие.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 6.
Пропове́дницы ве́ры правосла́вныя и ревни́тели благоче́стия не сло́вом то́кмо, но все́м житие́м свои́м бы́сте во гра́де Му́роме, прехва́льнии Пе́тре и Февро́ние; те́мже и свята́я Це́рковь досто́йне почита́ет по́двиги и труды́ ва́ша, и́миже труди́стеся во сла́ву Бо́га Вы́шняго, немо́лчно воспева́я Ему́: Аллилу́иа.
И́кос 6.
Возсия́сте во гра́де Му́роме све́том доброде́тельнаго жития́ ва́шего, я́ко зве́зды богосве́тлыя, преблаже́ннии Пе́тре и Февро́ние, и па́мять ва́ша в не́м с похвала́ми до дне́сь, я́ко и по сме́рти свое́й не престае́те озаря́ти на́с, мно́гая чудеса́ соверша́юще, и те́ми све́тлую зарю́ безсме́ртия на́м от моще́й ва́ших возсиява́юще, да ублажа́ем ва́с благохвале́ниями сицевы́ми:
Ра́дуйтеся, чи́на и уста́вов святы́я Це́ркве ве́рнии храни́тели; ра́дуйтеся, служи́телей олтаря́ Госпо́дня благогове́йнии почита́тели.
Ра́дуйтеся, благи́х обы́чаев и преда́ний святооте́ческих ревни́тели; ра́дуйтеся, обы́чаев злы́х и суему́дрий язы́ческих искорени́тели.
Ра́дуйтеся, суды́ нелицеприя́тны лю́дем ва́шим твори́вшии; ра́дуйтеся, суды́ ва́ша с ми́лостию соедини́вшии.
Ра́дуйтеся, кро́тцыи и незло́бивии после́дователи Христо́вы; ра́дуйтеся, зло́бу добро́м препобежда́вшии.
Ра́дуйтеся, нетле́ния благоуха́ющии цве́ти; ра́дуйтеся, безсме́ртия немерца́ющии лучи́.
Ра́дуйтеся, на земли́ вели́чием чуде́с блиста́ющии; ра́дуйтеся, на Небеси́ со А́нгелы Бо́га сла́вящии.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 7.
Хотя́й человеколю́бец Госпо́дь яви́ти в житии́ ва́шем, Пе́тре и Февро́ние, о́браз назида́ния не то́кмо лю́дем мирски́м, но и лико́м и́ноческим, внуши́ ва́м в ста́рости масти́тей оста́вити сла́ву княже́ния земна́го, и восприя́ти о́браз и́ноческий, в не́мже подвиза́стеся до́бре посто́м, бде́нием и моли́твою, воспева́юще непреста́нно Триеди́ному Бо́гу а́нгельскую пе́снь: Аллилу́иа.
И́кос 7.
Но́вую благода́ть Бо́жию во и́ночестем постриже́нии прие́мше, преподо́бнии, но́выми по́двигами украси́сте равноа́нгельное житие́ ва́ше и та́ко сугу́б пло́д соверше́нства духо́внаго Христу́ принесо́сте, и мзду́ преподо́бных досто́йне от Него́ восприя́сте. Помина́я у́бо такову́ю ре́вность ва́шу к подвиго́м духо́вным, прославля́ем ва́с си́ми достодо́лжными похвала́ми:
Ра́дуйтеся, я́ко любве́ ра́ди Го́спода, ми́ра сего́ княже́ние и сла́ву оста́висте; ра́дуйтеся, я́ко и́ноческое равноа́нгельное житие́ усе́рдно восприя́сте.
Ра́дуйтеся, соверше́ннаго терпе́ния подви́жницы; ра́дуйтеся, во́льныя нищеты́ блаже́ннии стяжа́тели.
Ра́дуйтеся, пре́жде кончи́ны ва́шея вся́ стра́сти умертви́вшии воздержа́нием; ра́дуйтеся, восприя́вшии святу́ю схи́му в броню́ спасе́ния.
Ра́дуйтеся, багряни́цу кня́жескую на власяни́цу и́ноческую премени́вшии; ра́дуйтеся, посто́м, бде́нием и непреста́нными моли́твами Бо́гу до́бре угоди́вшии.
Ра́дуйтеся, боголюбе́знаго уедине́ния взыска́тели; ра́дуйтеся, спаси́тельнаго безмо́лвия люби́тели.
Ра́дуйтеся, слеза́ми моли́твенными ороше́ннии; ра́дуйтеся, в со́нме преподо́бных на Небеси́ просла́вленнии.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 8.
Стра́нное и ди́вное бе́ чу́до, егда́ ты́, блаже́нне Пе́тре, на кончи́не живота́ твоего́, проше́ния ра́ди супру́жницы твоея́, святы́я Февро́нии, исхо́дом свои́м уме́длил еси́, до́ндеже сконча́ она́ пелену́ церко́вную, е́ю сшива́ему и вку́пе с тобо́ю к исхо́ду сме́ртному приспе́, и та́ко неразлу́чнии в житии́, неразлу́чнии и в кончи́не яви́стеся, и во еди́н де́нь и ча́с святы́я ду́ши своя́ в ру́це Бо́жии преда́сте, зову́ще при́сно живы́ми и ме́ртвыми облада́ющему Влады́це Бо́гу: Аллилу́иа.
И́кос 8.
Вси́ чудя́хуся и сла́вляху ди́внаго во святы́х Свои́х Бо́га, егда́ свята́я ва́ша телеса́, в ра́зных гробе́х положе́нная, чуде́сно обрето́шася лежа́ща в о́бщей гробни́це, ю́же угото́васте себе́, преподо́бнии, в собо́рней це́ркви гра́да Му́рома, иде́же и доны́не неразлу́чно почива́ете, чудотво́рцы святи́и, неоску́дная источа́юще исцеле́ния все́м, с ве́рою прибега́ющим к ва́м и зову́щим:
Ра́дуйтеся, сою́з любве́ ва́шея до гро́ба и за гро́бом ве́рно сохра́ншии; ра́дуйтеся, не то́кмо в жи́зни, но и по сме́рти, о Го́споде соедине́ннии.
Ра́дуйтеся, в супру́жестем благоче́стнем житии́ ва́м подража́ющим кре́пцыи помо́щницы; ра́дуйтеся, теплото́ю любве́ ва́шея и на́с согрева́ющии.
Ра́дуйтеся, сме́ртию вре́менною преше́дшии к жи́зни ве́чней; ра́дуйтеся, от Го́спода нетле́нием и чудесы́ просла́вленнии.
Ра́дуйтеся, я́ко па́мять ва́ша с похвала́ми и успе́ние со святы́ми; ра́дуйтеся, я́ко имена́ ва́ша че́стна су́ть и благослове́нна в оте́честве ва́шем.
Ра́дуйтеся, Росси́йския страны́ удобре́ние благода́тное; ра́дуйтеся, гра́да Му́рома огражде́ние несокруши́мое.
Ра́дуйтеся, о лю́бящих и чту́щих ва́с небе́снии предста́тели; ра́дуйтеся, приснопрося́щии на́м у Го́спода да́ры бла́гости Его́.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 9.
Вси́ А́нгели и святы́х ли́ки ра́довахуся ра́достию ве́лию, егда́ святы́я ду́ши ва́ша достиго́ша ве́чнаго в оби́телех ра́йских селе́ния, и Са́м Творе́ц А́нгелов и Святе́йший святы́х Ца́рь Сла́вы Христо́с, безсме́ртия венцы́ увенча́ ва́с и дарова́ ва́м благода́ть моли́тися Ему́ со дерзнове́нием мно́гим о все́х и́щущих ва́шего заступле́ния, его́же не лиши́те и на́с гре́шных, Пе́тре и Февро́ние достохва́льнии, смиренному́дренно воспева́ющих просла́вльшему ва́с Бо́гу хвале́бную пе́снь: Аллилу́иа.
И́кос 9.
Вети́йство челове́ческое не довле́ет к досто́йному прославле́нию жития́ ва́шего, святи́и чудотво́рцы Пе́тре и Февро́ние; кто́ бо испове́сть вся́ моле́ния и поще́ния, боле́зни и труды́ ва́ша? кто́ изочте́т вся́ сле́зы и воздыха́ния ва́ша я́же к Бо́гу? Оба́че мы́ любо́вию к ва́м подвиза́еми, дерза́ем воспева́ти ва́м сия́ ма́лыя и нехи́тростныя похвалы́:
Ра́дуйтеся, благода́ти Свята́го Ду́ха избра́ннии сосу́ди; ра́дуйтеся, ра́дости на́м ве́чныя благоприя́тнии хода́таи.
Ра́дуйтеся, богобоя́зненных супру́гов в благоче́стии утвержде́ние; ра́дуйтеся, наруши́телей супру́жескаго целому́дрия и согла́сия гро́зное обличе́ние.
Ра́дуйтеся, гне́в Бо́жий, пра́ведно дви́жимый на на́с, моли́твами ва́шими утоля́ющии; ра́дуйтеся, о ми́ре всего́ ми́ра непреста́нно Го́спода умоля́ющии.
Ра́дуйтеся, на враги́ ви́димыя и неви́димыя кре́пцыи на́м спобо́рницы; ра́дуйтеся, ангелонра́внии челове́цы.
Ра́дуйтеся, преподо́бных и пра́ведных сонасле́дницы; ра́дуйтеся, Пресвяты́я Тро́ицы ве́рнии уго́дницы.
Ра́дуйтеся, блаже́ннии обита́тели го́рняго гра́да Иерусали́ма Небе́снаго; ра́дуйтеся, со святы́ми торжеству́ющии в ски́ниях ра́йских.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 10.
Спасе́ние ве́чное унасле́довавше богоблаже́ннии Пе́тре и Февро́ние, душа́ми ва́шими в оби́телех го́рних неразлу́чно в Бо́зе пребыва́ете, святы́ми же моща́ми ва́шими в хра́ме Бо́жием нетле́нно вку́пе почива́ете, и оби́льная исцеле́ния источа́ете, да чудесы́ ва́шими благода́тно озаря́еми, хвале́бно взыва́ем Верхо́вному Творцу́ чуде́с Бо́гу: Аллилу́иа.
И́кос 10.
Сте́ну заступле́ния, благоприя́тныя моли́твы ва́ша к Бо́гу, обре́тше, святи́и чудотво́рцы Пе́тре и Февро́ние, благодаре́ние Отцу́ Небе́сному усе́рдно возсыла́ем за вся́ благодея́ния Его́, ва́ми все́м на́м оби́льно явля́емая, ва́м же, предста́телем на́шим, сицево́е прино́сим пе́ние:
Ра́дуйтеся, всесве́тлаго Ца́рствия Христо́ва насле́дницы; ра́дуйтеся, а́нгельских лико́в собесе́дницы.
Ра́дуйтеся, Бо́га во сла́ве непристу́пней созерца́ющии; ра́дуйтеся, Трисия́ннаго Божества́ таи́нницы.
Ра́дуйтеся, со святы́ми на Небеси́ ве́чно ца́рствующии; ра́дуйтеся, от го́рних высо́т к земноро́дным ми́лостивно приника́ющии.
Ра́дуйтеся, кри́ни благоуха́ннии небе́снаго прозябе́ния; ра́дуйтеся, кипари́си чудото́чнии рая́ Иису́сова.
Ра́дуйтеся, пода́тели незави́стнии безме́зднаго врачева́ния; ра́дуйтеся, соверши́тели достохва́льнии мно́гих чуде́с.
Ра́дуйтеся, благодея́ний мно́жество на́м источа́ющии; ра́дуйтеся, ми́лостию сострада́ния ва́шего все́х объе́млющии.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 11.
Пе́ние моле́бное прино́сим ва́м, уго́дницы Бо́жии Пе́тре и Февро́ние, и с любо́вию припа́даем к ра́це святы́х и многоцеле́бных моще́й ва́ших, прославля́я житие́ ва́ше богоуго́дное и по́двиги мно́ги. Мо́лимся ва́м усе́рдно, чудотво́рцы святи́и, помози́те на́м подража́ти ва́шим доброде́телем, да возмо́жем богоуго́дно пе́ти Созда́телю на́шему: Аллилу́иа.
И́кос 11.
Све́та небе́снаго испо́лнен бе́ собо́рный хра́м гра́да Му́рома, егда́ благоволе́нием Бо́жиим святы́я мо́щи ва́ша Пе́тре и Февро́ние, це́лы и благоуха́нны обрето́шася в не́м, и из не́др земны́х, я́ко сокро́вище драгоце́нное, изнесе́ны бы́ша, иде́же и до ны́не почива́ют, исцеле́ния неоску́дная источа́юще неду́жным и боля́щим. Сего́ ра́ди пе́сненно вопие́м ва́м:
Ра́дуйтеся, зла́то нетле́нное, в не́дрех земны́х обре́тенное; ра́дуйтеся, би́сери сия́ющии и благода́тно просвеща́ющии челове́ков.
Ра́дуйтеся, святы́я Правосла́вныя Це́ркве похвало́; ра́дуйтеся, ересе́й и раско́лов обличе́ние.
Ра́дуйтеся, све́ти у́мнии, заре́ю Свята́го Ду́ха облиста́ющии; ра́дуйтеся, ми́ра благоуха́ния Христо́ва преиспо́лненнии.
Ра́дуйтеся, облече́ннии в ри́зу благода́тнаго нетле́ния; ра́дуйтеся, препоя́саннии си́лою мно́гих чуде́с.
Ра́дуйтеся, я́ко ра́ка ва́ша честна́я враче́бница яви́ся неду́гом челове́ческим; ра́дуйтеся, я́ко от нея́ вся́к с ве́рою приходя́й да́ры целе́бныя прие́млет.
Ра́дуйтеся, све́тлостию чуде́с ва́ших мра́к ду́ш на́ших озаря́ющии; ра́дуйтеся, нетле́нием святы́х моще́й ва́ших зарю́ о́бщаго все́х воскресе́ния на́м показу́ющии.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 12.
Благода́ть свы́ше ва́м дарова́нную, позна́вше, святи́и чудотво́рцы Пе́тре и Февро́ние, с благогове́нием и любо́вию покланя́емся нетле́нным и многоцеле́бным моще́м ва́шим и от ни́х прие́млем в неду́зех исцеле́ние, в ско́рбех утеше́ние, в беда́х благода́тную по́мощь: те́мже и прославля́ем ва́с по достоя́нию, небе́сных предста́телей и засту́пников на́ших, воспева́юще хвалы́ и благодаре́ния ва́ми благотворя́щему на́м Влады́це Бо́гу: Аллилу́иа.
И́кос 12.
Пою́ще мно́гая и пресла́вная ва́ша чудеса́, вели́цыи уго́дницы Бо́жии Пе́тре и Февро́ние, ублажа́ем ва́с, я́ко цели́телей, уте́шителей и помо́щников от Го́спода на́м дарова́нных, и моли́твенно торжеству́ем святу́ю па́мять ва́шу, от любве́ серде́чныя воспева́юще ва́м благода́рственно и хвале́бно:
Ра́дуйтеся, во благоуха́нии святы́ни нетле́нно почива́ющии; ра́дуйтеся, с ве́рою приходя́щих к ра́це моще́й ва́ших благода́тно освяща́ющии.
Ра́дуйтеся, призыва́ющих моли́твенно честна́я имена́ ва́ша ско́рии услы́шатели; ра́дуйтеся, упова́ние на ва́с по Бо́зе возлага́ющих ди́внии помо́щницы.
Ра́дуйтеся, изве́стнии умилостиви́тели Царя́ Небе́снаго; ра́дуйтеся, си́льнии защи́тницы на́ши от враго́в неви́димых.
Ра́дуйтеся, при́снии все́м хода́таи спасе́ния; ра́дуйтеся, неотсту́пнии храни́тели гра́да Му́рома.
Ра́дуйтеся, князе́й росси́йских пречу́дная добро́то; ра́дуйтеся, оте́чества ва́шего Бо́гом дарова́ннии покрови́тели.
Ра́дуйтеся, теле́с на́ших благода́тнии целе́бницы; ра́дуйтеся, о душа́х на́ших усе́рднии ко Го́споду моли́твенницы.
Ра́дуйтеся, святи́и и пресла́внии чудотво́рцы Пе́тре и Февро́ние.
Конда́к 13.
О святи́и и пресла́внии чудотво́рцы, благове́рнии кня́же Пе́тре и княги́не Февро́ние! Приими́те ми́лостивно сие́ похва́льное пе́ние от на́с недосто́йных во умиле́нии ва́м приноси́мое, и ва́шим предста́тельством у Го́спода испроси́те на́м утвержде́ние в ве́ре и до́брых де́лех, и избавле́ние от все́х скорбе́й и боле́зней вре́менных и ве́чных, да сподо́бимся вку́пе с ва́ми и все́ми святы́ми во Ца́рствии Небе́снем пе́ти Пресвяте́й Тро́ице ве́чно хвале́бную пе́снь: Аллилу́иа.
Этот конда́к чита́ется три́жды, зате́м и́кос 1-й и конда́к 1-й.
Моли́тва пе́рвая.
О вели́цыи уго́дницы Бо́жии и преди́внии чудотво́рцы благове́рнии кня́же Пе́тре и княги́не Февро́ние, гра́да Му́рома предста́тели и храни́тели, и о все́х на́с усе́рднии ко Го́споду моли́твенницы! К ва́м прибега́ем и ва́м мо́лимся с упова́нием кре́пким: принеси́те за на́с гре́шных святы́я моли́твы ва́ша ко Го́споду Бо́гу и испроси́те на́м у бла́гости Его́ вся́ благопотре́бная душа́м и телесе́м на́шим: ве́ру пра́ву, наде́жду бла́гу, любо́вь нелицеме́рну, благоче́стие непоколеби́мое, в до́брых де́лех преуспе́яние, ми́ра умире́ние, земли́ плодоно́сие, возду́ха благорастворе́ние, душа́м и телесе́м здра́вие и ве́чное спасе́ние. Исхода́тайствуйте у Царя́ Небе́снаго: ве́рных рабо́в Его́, в ско́рби и печа́ли де́нь и но́щь вопию́щих к Нему́, многоболе́зный во́пль да услы́шит и да изведе́т от поги́бели живо́т на́ш. Испроси́те Це́ркви святе́й и все́й держа́ве Росси́йстей ми́р, тишину́ и благоустрое́ние, и все́м на́м житие́ благополу́чное и до́брую христиа́нскую кончи́ну. Огради́те оте́чество ва́ше, гра́д Му́ром, и вся́ гра́ды Росси́йския от вся́каго зла́ и вся́ правове́рныя лю́ди, к ва́м приходя́щия и моще́м покланя́ющияся, осени́те благода́тным де́йством благоприя́тных моли́тв ва́ших, и вся́ проше́ния и́х во бла́го испо́лните. Е́й, чудотво́рцы святи́и! Не пре́зрите моли́тв на́ших, со умиле́нием ва́м возноси́мых, но бу́дите о на́с при́снии предста́тели ко Го́споду и сподо́бите на́с по́мощию ва́шею свято́ю спасе́ние ве́чное получи́ти и Ца́рствие Небе́сное унасле́довати; да славосло́вим неизрече́нное человеколю́бие Отца́, и Сы́на, и Свята́го Ду́ха, в Тро́ице покланя́емаго Бо́га, во ве́ки веко́в. Ами́нь.
Моли́тва втора́я.
О уго́дницы Бо́жии, благове́рнии кня́же Пе́тре и княги́не Февро́ние, к ва́м прибега́ем и к ва́м со упова́нием кре́пким мо́лимся: вознеси́те о на́с, гре́шных (имена́), святы́я моли́твы ва́ши ко Го́споду Бо́гу и испроси́те у бла́гости Его́ вся́ благопотре́бная душа́м и телесе́м на́шим: ве́ру пра́ву, наде́жду бла́гу, любо́вь нелицеме́рну, благоче́стие непоколеби́мо, в до́брых де́лех преуспе́яние. И хода́тайствуйте на́м у Царя́ Небе́снаго житие́ благополу́чное и до́брую христиа́нскую кончи́ну. Е́й, чудотво́рцы святи́и! Не пре́зрите моли́тв на́ших, но бу́дите о на́с при́снии предста́телие ко Го́споду, и сподо́бите на́с по́мощию ва́шею спасе́ние ве́чное получи́ти и Ца́рствие Небе́сное унасле́довати, да славосло́вим неизрече́нное человеколю́бие Отца́ и Сы́на и Свята́го Ду́ха, в Тро́ице покланя́емаго Бо́га во ве́ки веко́в.
