Канон архангелам и ангелам

Каноны и акафисты на каждый день седмицы

Тропарь , глас 4:

Небе́сных во́инств Архистрати́зи, / мо́лим вас при́сно мы, недосто́йнии, / да ва́шими моли́́твами оградите́ нас / кро́вом крил невеще́ственныя ва́шея сла́вы, / сохраня́юще ны, припа́дающия приле́жно и вопию́щия: / от бед изба́вите ны, / я́ко чинонача́льницы Вы́шних сил.

Канон Безплотных, творение Иоанна монаха, глас 8.

Песнь 1.

Ирмос: Песнь возсле́м, лю́дие, / чу́дному Бо́гу на́шему, / свободи́вшему Изра́иля от рабо́ты, / песнь побе́дную пою́ще и вопию́ще: / пои́м Тебе́, Еди́ному Влады́це.

Припев: Святи́и Арха́нгели и А́нгели, моли́те Бо́га о нас.

Вси воспои́м, ве́рнии, / вся управля́ющую невеще́ственныя Го́рних лико́в чинонача́лия, Тро́ицу несозда́нную: / Свят, Свят, Свят еси́, вопию́ще, Бо́же Вседержи́телю.

Положи́л еси́ тва́рей Нача́ло, существо́ Безпло́тное, Тво́рче А́нгелов, / пречи́стый Твой Престо́л окружа́ющее, зва́ти Тебе́: / Свят, Свят, Свят еси́, Бо́же Вседержи́телю.

Слава: Ра́дуйся, Гаврии́ле, тайнови́дче Бо́жия воплоще́ния, / Михаи́ле же, чино́в невеще́ственных первостоя́телю, непреста́нно зову́ще: / Свят, Свят, Свят еси́, Бо́же Вседержи́телю.

И ныне: Трепе́щу та́инства, Христе́, Твоего́ снизхожде́ния, / я́ко И́же естество́м Бог, прия́л еси́ от Де́вы роди́тися я́ко Челове́к, / да спасе́ши мир от рабо́ты проти́внаго.

Песнь 3.

Ирмос: Страх Твой, Го́споди, / всади́ в сердца́ раб Твои́х / и бу́ди нам утвержде́ние, / Тя во и́стине призыва́ющих.

Припев: Святи́и Арха́нгели и А́нгели, моли́те Бо́га о нас.

Кре́постию поста́вил еси́, Безсме́ртне, си́льныя, / соверша́ющия всесвяту́ю Твою́ во́лю, / Тебе́ в вы́шних всегда́ предстоя́щия.

Таи́нники Твоего́ вочелове́чения и честна́го воста́ния, / А́нгельския чинонача́льники, Христе́, за ны приими́ моля́щияся.

Слава: А́нгелы приста́вил еси́ храни́тели челове́ком, я́ко Благоутро́бен, / служи́тели же показа́л еси́, Христе́, спасе́ния Твои́х уго́дников.

И ныне: Неизрече́нно зачала́ еси́ Го́спода и Спа́са Богоневе́сто, / избавля́ющаго ны от лю́тых, Тя вои́стинне призыва́ющия.

Го́споди, поми́луй, трижды.

Седален, глас 8.

Небе́сных нача́льницы и первостоя́телие высокопресто́льных и стра́шных / Боже́ственныя сла́вы Михаи́ле и Гаврии́ле Архистрати́зи, / А́нгелов чинонача́льницы, со всеми Безпло́тными, / о служи́телие Влады́чни! / О ми́ре непреста́нно моля́щеся, / испроси́те оставле́ние прегреше́ных на́ми, / и ми́лость, и благода́ть обрести́ в день су́дный.

Слава, и ныне, Богородичен:

Богоблагода́тная, Чи́стая, Благослове́нная, / благоутро́бия ра́ди ще́дрот из Тебе́ Ро́ждшагося / с вы́шними Си́лами, и Арха́нгелы, и всеми Безпло́тными моли́ непреста́нно / пода́ти нам пре́жде конца́ ми́лостивно проще́ние грехо́в / и жития́ исправле́ние, я́ко да обря́щем ми́лость.

Песнь 4.

Ирмос: Всел еси́ на ко́ни, апо́столы Твоя́, Го́споди, / и прия́л еси́ рука́ма Твои́ма узды́ их, / и спасе́ние бысть ежде́ние Твое́ / ве́рно пою́щим: / сла́ва си́ле Твое́й, Го́споди.

Припев: Святи́и Арха́нгели и А́нгели, моли́те Бо́га о нас.

Всел еси́ на А́нгелы, я́коже на ко́ни, Человеколю́бче, / и прия́л еси́ руко́ю Твое́ю брозды́ их, / и спасе́ние бысть ежде́ние Твое́ непреста́нно вопию́щим: / сла́ва си́ле Твое́й, Го́споди.

Покрыва́ет А́нгелы доброде́тель Твоя́, Человеколю́бче, / и земли́ исполня́ет концы́ Твоего́ сла́внаго, Безнача́льне, Боже́ственнаго хвале́ния, / с ни́ми Тебе́ вопию́щия: / сла́ва си́ле Твое́й, Го́споди.

Слава: Изше́л еси́, Ще́дре, на спасе́ние люде́й Твои́х, Христе́, / созыва́еши же дру́ги, Си́лы Твоя́, / и весе́лие бысть прише́ствие Твое́ ве́рно Тебе́ вопию́щим: / сла́ва си́ле Твое́й, Го́споди.

И ныне: Де́ва и Ма́ти преесте́ственно яви́лася еси́, Всечи́стая, / я́ко Бо́га, Того́жде и Челове́ка Христа́, ро́ждшая. / Ему́же со стра́хом вопию́т А́нгельския чи́ни: / сла́ва си́ле Твое́й, Го́споди.

Песнь 5.

Ирмос: От но́щи неве́дения / по душелови́тельному пути́ при́сно блудя́щаго, / све́том ра́зума Твоего́, Го́споди, преднаставля́я мя, / на стезю́ за́поведей Твои́х напра́ви.

Припев: Святи́и Арха́нгели и А́нгели, моли́те Бо́га о нас.

Невозвра́тным жела́нием при́сно к высоте́, / к Тебе́, Христе́, носи́ми, кра́йнейшему всех жела́ний, / А́нгельския си́лы непреста́нно Тя сла́вят.

Ты у́мныя по существу́, нетле́нныя благода́тию Твое́ю, Христе́, / устро́ил еси́ песнопе́вцы Твоего́ вели́чества, / А́нгелы Твоя́, по о́бразу соде́лав, Непостижи́ме.

Слава: Ты непрекло́нны на го́ршее к Тебе́ приближе́нием, Христе́, / сохрани́л еси́ Твоя́ слуги́, / исто́чник бо бла́гости Ты еси́, / благотвори́ши досто́йно Тебе́ служа́щия.

И ныне: Умерщвле́нную мою́ ду́шу страстьми́ ме́рзкими, Всенепоро́чная оживи́, / жи́зни Храни́теля ро́ждшая, / и к стези́ ве́чней, и блаже́нней жи́зни упра́ви.

Песнь 6.

Ирмос: Ио́ну в ки́те, Го́споди, / еди́наго всели́л еси́, / мене́ же, свя́заннаго мре́жами вра́жиими, / я́ко от тли о́наго спаси́.

Припев: Святи́и Арха́нгели и А́нгели, моли́те Бо́га о нас.

Боголе́пне от не су́щих, Го́споди, / сло́вом Твои́м приве́л еси́ существа́ Небе́сных безсме́ртных во́инств, / светови́дны ты́я соде́ловая.

Таи́нницы честни́и Бо́жия хвале́ния бы́сте Безпло́тнии, / гра́ждане Небе́сныя и Боже́ственныя и́стинно ски́нии, / Творцу́ досто́йно служа́ще.

Слава: Безпло́тных чи́ни у́мнии / Тя, Сы́не Бо́жий пребезнача́льный, хва́лят непреста́нно / и славосло́вят, я́ко Творца́ и Созда́теля вся́ческих.

И ныне: Со Отце́м в вы́шних, Пречи́стая, безнача́льне седя́щаго, / на объя́тиих Твои́х восклони́ти сподо́билася еси́: / Его́же нам пода́ждь, Чи́стая, рабо́м Твои́м, Ми́лостива.

Го́споди, поми́луй, трижды. Сла́ва, и ны́не:

Кондак, глас 2:

Архистрати́зи Бо́жии, / служи́телие Боже́ственныя сла́вы, / А́нгелов нача́льницы и челове́ков наста́вницы, / поле́зное нам проси́те и ве́лию ми́лость, / я́ко Безпло́тных Архистрати́зи.

Икос:

Рекл еси́, Человеколю́бче, в писа́ниих Твои́х / мно́жеству ра́доватися А́нгелов на Небеси́ / о челове́це еди́ном ка́ющемся, Безсме́ртне. / Те́мже мы, и́же в беззако́ниих, Безгре́шне, / еди́не Сердцеве́дче, / Тя моли́ти всегда́ дерза́ем, я́ко Благоутро́бнаго, / уще́дрити и низпосла́ти недосто́йным умиле́ние, Влады́ко, / подая́й нам проще́ние: / о всех бо нас мо́лятся Тебе́ Безпло́тных Архистрати́зи.

Песнь 7.

Ирмос: О́троцы евре́йстии в пещи́ / попра́ша пла́мень дерзнове́нно / и на ро́су огнь преложи́ша, вопию́ще: / благослове́н еси́, Го́споди Бо́же, во ве́ки.

Припев: Святи́и Арха́нгели и А́нгели, моли́те Бо́га о нас.

Све́ты яви́л еси́, Ще́дре, А́нгелов Твои́х невеще́ственное существо́, / неизрече́ннаго све́та исполня́еми непреста́нно, / благослове́н еси́, зову́щия, Бо́же во ве́ки.

Ему́же предстоя́т непреста́нно, служа́ще тьмы А́нгелов, / ли́ца же зре́ти не терпя́т зре́ния, / благослове́н еси́, зову́ще, Го́споди Бо́же, во ве́ки.

Слава: Сло́вом Твои́м Ипоста́сным А́нгельское естество́ соде́лал еси́, / освяти́в же Боже́ственным Ду́хом, / Тро́ицу Богосло́вити научи́л еси́, Бо́же, во ве́ки.

И ныне, Троичен: Три у́бо, у́мствующе Ипоста́си, неопи́санное сла́вим Существо́, / Отца́, Сло́ва со Ду́хом, вопию́ще: / благослове́н еси́, Го́споди Бо́же, во ве́ки.

Песнь 8.

Ирмос: На горе́ святе́й просла́вльшася, / и в купине́ огне́м Присноде́вы Моисе́ови та́йну я́вльшаго, / Го́спода по́йте / и превозноси́те во вся ве́ки.

Припев: Святи́и Арха́нгели и А́нгели, моли́те Бо́га о нас.

А́нгельскому поревну́им житию́, и мы́сли впери́м к высоте́, / и с ни́ми невеще́ственно воспои́м Го́спода, / пою́ще и превознося́ще во вся ве́ки.

Лико́вственницы ликова́ния Небе́снии, / Престо́л обстоя́ще сла́вы, / о́крест Бо́га же всегда́ обраща́ющеся, / А́нгели пою́т и превозно́сят Его́ во вся ве́ки.

Слава: Невеще́ственнаго огня́ творя́щей пла́мень, / на высоте́ непреста́нно служа́щия, и А́нгелы ду́хи явля́ющей, / Тро́ице покланя́емся и славосло́вим во вся ве́ки.

И ныне: Ему́же на Небеси́ предстоя́т с тре́петом тьмы А́нгел и Арха́нгел, / Того́ на объя́тиих носи́ти сподо́билася еси́, Богоро́дице, / моли́ спасти́ся славосло́вящим Его́ во вся ве́ки.

Песнь 9.

Ирмос: Уста́вы прешла́ еси́ естества́, / Соде́теля заче́нши и Го́спода, / и дверь спасе́ния ми́рови была́ еси́. / Тем Тя, Богоро́дице, / непреста́нно велича́ем.

Припев: Святи́и Арха́нгели и А́нгели, моли́те Бо́га о нас.

Тя, неизрече́нно соедини́вшаго Небе́сным, Христе́, земна́я / и еди́ну Це́рковь соверши́вша А́нгелов и челове́ков, / непреста́нно велича́ем.

А́нгели же и Арха́нгели, / Престо́ли, Вла́сти и Госпо́дьства, / Нача́ла же и Си́лы, Херуви́ми и Серафи́ми, / с Богоро́дицею о ми́ре моли́теся.

Слава: Всех предста́телие показу́ющиися, Михаи́л с Гаврии́лом, / посети́те от любве́ чту́щия всепра́зднственную па́мять ва́шу и ве́рно воспева́ющия: / спаса́йте от вся́каго обстоя́ния.

И ныне: Ра́дуйся, свята́я Богоневе́сто! / Ра́дуйся, Свет ми́ру ро́ждшая ве́рным! / Ра́дуйся, стено́ и покро́ве всех нас: / Бо́га, я́ко Благоде́теля за ны непреста́нно моли́.

Светилен.

О́гненных, Архистрати́же, слуг предста́тельство от Отца́ прия́л еси́ Михаи́ле, све́тов, / тем и сия́ние Того́ сла́вы сия́ющее и́маши, / окру́г пречи́стаго Престо́ла ты предстоя́, / я́ко пе́рвый Невеще́ственных чино́в.

Слава: Невеще́ственных Сил, Арха́нгел и А́нгел, / Госпо́дьств, и Престо́л, и Нача́л предста́тель пред Бо́гом постоя́нный, / Архистрати́же Боже́ственне, Михаи́ле пресла́вне, / нестерпи́мому бо Престо́лу предстоя́й, / покры́й, соблюди́, сохрани́ и спаси́ вся, ве́рою тя почита́ющия, / мирска́го предста́теля.

И ныне, Богородичен: Честне́йшая еси́ Херуви́м сла́вных и Серафи́м, Всепе́тая, / стра́шных без сравне́ния сла́внейшая / и всех святы́х А́нгел святе́йшая, Пречи́стая: / Зижди́теля бо всех пло́тски неизрече́нно родила́ еси́, Богоро́дице. / Его́же моли́ рабо́м Твои́м разреше́ние дарова́ти прегреше́ний.

Молитва всем чинам Ангельским:

Вси святи́и Небе́сные беспло́тные Си́лы, удосто́йте меня́ си́лы сокруша́ть все зло и стра́сти под но́ги мои́. Святи́и беспло́тные Серафи́мы, удосто́йте меня́ име́ть пламене́ющее се́рдце к Бо́гу. Святи́и беспло́тные Херуви́мы, удосто́йте меня́ име́ть прему́дрость для сла́вы Бо́жией. Святи́и беспло́тные Престо́лы, удосто́йте меня́ различа́ть и́стину от непра́вды. Святи́и беспло́тные Го́сподства, удосто́йте меня́ госпо́дствовать над страстя́ми, что́бы дух поработи́л плоть. Святи́и беспло́тные Си́лы, удосто́йте меня́ име́ть му́жество в исполне́нии во́ли Бо́жией. Святи́и беспло́тные Вла́сти, удосто́йте меня́ име́ть си́лу побе́ды над злом. Святи́и беспло́тные Нача́ла, удосто́йте меня́ служи́ть Го́споду Бо́гу в непоро́чности се́рдца и дел рук мои́х. Святи́и беспло́тные Арха́нгелы, удосто́йте меня́ исполня́ть во́лю Го́спода на́шего на́шего Иису́са Христа́. Святи́и беспло́тные А́нгелы, удосто́йте меня́ руково́дствоваться за́поведями Бо́жиими во все дни жи́зни мое́й.

Молитва всем святым и безплотным Небесным Силам:

Бо́же Святы́й и во святы́х почива́яй, трисвяты́м гла́сом на Небеси́ от А́нгел воспева́емый, на земли́ от челове́к во святы́х Свои́х хва́лимый; да́вый Святы́м Твои́м Ду́хом коему́ждо благода́ть по ме́ре дарова́ния Христо́ва, и то́ю поста́вивый Це́ркви Твое́й святе́й о́вы Апо́столы, о́вы проро́ки, о́вы же благове́стники, о́вы па́стыри и учи́тели, и́хже сло́вом про́поведи, Тебе́ Самому́ де́йствующему вся во всех, мно́зи соверши́шася святи́и в ко́емждо ро́де и ро́де, разли́чными доброде́тельми благоугоди́вшии Тебе́, и к Тебе́, нам о́браз до́брых по́двигов свои́х оста́вивше, в ра́дости преше́дшии, гото́ви, в не́мже са́ми искуше́ни бы́ша, и нам напа́ствуемым помога́ти. Сих святы́х всех воспомина́я и их богоуго́дное похваля́я житие́, Тебе́ Самаго́ в них де́йствовавшаго восхваля́ю и о́нех благотворе́ния Твоя́ дарова́ния бы́ти ве́руя, приле́жно молю́ Тя, Свя́те святы́х, даждь ми, гре́шному, после́довати их уче́нию, житию́, любве́, ве́ре, долготерпе́нию, и их моли́твенною по́мощию, па́че же Твое́ю вседе́йствующею благода́тию, небе́сныя с ни́ми сподо́битися сла́вы, хва́ляще Пресвято́е и́мя Твое́, Отца́ и Сы́на и Свята́го Ду́ха во ве́ки. Ами́нь.

Слово «ангел» означает «вестник». Такое наименование имеют бесплотные духи, потому что они возвещают людям волю Божию. Ангелы обитают везде, но, преимущественно на небе, вокруг Престола Божия. Сами мы не способны видеть и ощущать славу Божию – нам нужны посредники, которые так преобразуют ее, что она становится доступной и нам. Вот ангелы и являются этими посредниками, без которых мы никогда бы не смогли ощутить и воспринять, даже в малой степени, Божественный свет. Ангелы посылаются на землю для служения людям. Будем с благоговением чтить своего Ангела-Хранителя и все прочие Небесные Силы (ангелов и архангелов) и молиться, чтобы они охраняли, укрепляли нас и помогали на нашем нелегком земном пути.

——————————————————————

Общее начало и конец всем канонам →
Порядок чтения по уставу
——————————————————————
 

Тропарь, глас 4-й

Небесных воинств Архистратизи, молим вас мы недостойнии, яко да вашими молитвами покрыете нас кровом крилу невещественныя вашея славы, сохраняюще нас молящихся прилежно, и вопиющих, от бед избавите нас, яко чиноначальницы вышним силам. (2 раза).

Слава, и ныне. Богородичен. Иже от века утаенное, и Ангелом несведомое таинство, Тобою Богородице земным явися Бог в неразмесне снятии воплощаемь. И Крест волею нас ради восприим, им же воскресив первозданнаго, и спасе от смерти душа наша.
 

Канон, глас 8-й
 

Песнь 1. Ирмос

Песнь возслем людие чудотворцу Богу, свобождьшему Израиля от работы, песнь победную поюще, и вопиюще, воспоем Тебе Единому Владыце.

Запев: Святии Архангели и Ангели, молите Бога о нас (поклон).

Вси воспоем людие, вся направляющую невещественыя лики Вышняго чиноначалия, Троицу несозданную, поюще, Свят, Свят, Свят еси Боже Вседержителю.

Запев. Положил еси тварем начаток, существо безплотное, Творче Ангелом, пречистыи Твой престол окружающа, звати Ти, Свят, Свят, Свят еси, Боже Вседержителю.

Слава. Радуися Гаврииле, Божия воплощения возвестителю, Михаиле же чином невещественым предстателю, непрестанно зовуще, Свят, Свят, Свят еси, Боже Вседержителю.

И ныне. Богородичен. Трепещу таинства Христе Твоего схождения, яко иже естеством Бог, приял еси от Девы родитися, яко человек, да спасеши мира, от работы сопротивнаго.

Катавасия: Избавите от бед рабы Своя, святии Архангели и Ангели, яко вси по Бозе к вам прибегаем, вы бо молите о нас Христа Бога нашего (поклон). Господи помилуй (3 раза с поклонами).
 

Песнь 3. Ирмос

Страх Твой Господи всади в сердца раб Твоих, и буди нам утвержение, воистину Тя призывающим.

Запев. Крепостию уставил еси Безсмертне сильныя, совершающих пресвятое Твое хотение, Тебе в вышних всегда предстоящих.

Запев. Ходатаи Твоего вочеловечения, и честнаго востания, Ангельския чиноначальники Христе, за ны приими молящихся.

Слава. Ангелы приставил еси хранители человеком, яко благоутробен, служители же показа Христе спасению, Твоим угодником.

И ныне. Богородичен. Неизреченно рождьши Богоневесто Спаса и Господа, избавльшаго нас от тли, иже Тя воистину призывающих. Катавасия.

Седален, глас 8-й. Небесных начальниче, и первостоятелю высокопрестольных и страшных, божественыя славы, Михаиле Архистратиже, Ангелом чиноначальниче, со всеми безплотными, Ему же служиши Владыце, о всем мире непрестанно молися, и испроси оставление грехов, и милость и благодать обрести в День Судныи.

Слава, и ныне. Богородичен. В пучину люте впад уныния, от множества лукавых и беззаконных ми дел, приидох в недоумение, и отчаянием ныне одержуся, Владычице Богородице Ты мя спаси, Ты ми помози: грешным бо Ты еси очищение, и чистота спасеная.
 

Песнь 4. Ирмос

Вседе на коня, на Ангелы Своя Господи, и прият рукама си узды их, и спасение бысть еждение Твое. Верою вопиющим Ти, слава силе Твоей Господи.

Запев. Вседе на Ангелы якоже на коня Человеколюбче, и прият рукою си брозды их, и спасение бысть еждение Твое, верно Ти вопиющим, слава силе Твоей Господи.

Запев. Покрывает Ангелы, добродетель Твоя Безсмертне, и земныя исполняет концы, Твоего славнаго Безначальне божественаго хваления, с ними же Тебе вопием, слава силе Твоей Господи.

Слава. Изыде Щедре на спасение людем Своим Христе, созываеши же други силы Своя. И веселие бысть во спасении Твоем безвещным, вопиющим, слава силе Твоей Господи.

И ныне. Богородичен. Дева и Мати паче естества явися Пречистая, яко Бога Того же и Человека Христа роди, от Ангел хвалимаго, людей Твоих печаль преложи на радость, молитвами си. Катавасия.
 

Песнь 5. Ирмос

От нощи неведения, по душетленну пути присно блудящаго, светом богоразумия Твоего Господи, наставляя мя на стезю заповедей Твоих направи.

Запев. Невозвратным желанием всегда, к высоте Христе носими, крайнее всех желание, Ангельския силы непрестанно славят.

Запев. Ты разумныя по существу, нетленныя благодатию Твоею Христе поставил еси, певцы Твоему величествию, Ангелы Твоя, по образу соделав непостижиме.

Слава. Ты непреклонны на горшая, к Тебе приближением Христе, сохранил еси Своя слуги. Источник бо благости Ты еси, благотворя достойно Ти служащим.

И ныне. Богородичен. Умерщвеную ми душу страстьми мерзскими, Всенепорочная оживи, животу хранителя рождьши, и к стези вечней, и блаженному житию устреми. Катавасия.
 

Песнь 6. Ирмос

Иону в ките Господи, единаго вселил еси. Мене же связанаго во мрежах вражиих спаси, яко от тли того спасл еси.

Запев. Боголепно от несущества Господи, словом привел еси существа небесных безсмертне воинств, световидны сих соделовая.

Запев. Служители честнии Божия хваления бысте безплотнии, граждане небеснии, и божественая воистину скиния, Творцу достойно служаще.

Слава. (Повторяем тропарь).

И ныне. Богородичен. Всепетая Света порождьши, всем свет дающаго. Тму моих прегрешении Чистая отжени, Матерними Ти к Нему молитвами. Катавасия.

Слава, и ныне. Кондак, глас 2-й. Архистратизи Божии, слуги божественыя славы, Ангелом начальницы, и наставницы человеком, полезная нам просите, и велия милости, яко безплотным Архистратизи.

Икос. Рекл еси Человеколюбче в писаниих Твоих, множеству радоватися Ангел, о человеце едином кающемся безсмертне. Тем и мы в беззакониих сущии, безгрешне Едине Сердцеведче, Тя молити всегда дерзаем, яко благоутробна, ущедрити нас, и послати недостойным умиление Владыко, и подати нам прощение грехов. О всех бо нас молятся Тебе, иже безплотным Архистратизи.
 

Песнь 7. Ирмос

Дети еврейския в пещи, попраша пламень дерзнувше. И на росу огнь преложьшу вопияху, благословен еси Господи Боже во веки.

Запев. Свет явил еси Щедре, Ангел Твоих невещественое существо, неизреченнаго света исполняемы, непрестанно зовуща, благословен еси Господи Боже во веки.

Запев. Ему же предстоят непрестанно, служаще, тмы Ангельския, лица же зрети не терпят Божества, благословен еси зовуще Боже во веки.

Слава. Словом Твоим ипостасным Господи, Ангельское естество соделал еси. Освятив же божественым Духом, Троицу Тя богословяще пети, благословен еси Господи Боже во веки.

И ныне. Троичен. Три убо зряще суща составы, неописанное славим существо, Отца и Слова с Духом, вопиюще, благословен еси Господи Боже отец наших. Катавасия.
 

Песнь 8. Ирмос

Проявленнаго на горе святей, и в купине огненей, девическую Моисеови тайну явльшаго Господа, пойте и превозносите Его во веки.

Запев. Ангельскому поревнуем житию, и разум вперим к высоте, и с ними невеществено воспоем Господа, и превозносим во веки.

Запев. Ликовственицы лика небеснаго, иже престол обстояще славы о Бозе всегда обращаеми Ангели, поют и славословят во вся веки.

Слава. Невеществена огня творящей пламы, на высоте непрестанно служащих, и Ангелы духи являющей, Троице покланяемся (поклон), и славословим во вся веки.

И ныне. Богородичен. Иже во утробу всельшася Девыя, и от сея страшно и выше Слова, древняго Адама наздавша Господа, поем и славословим во веки. Катавасия.
 

Песнь 9. Ирмос

Устав прейде естества, Содетеля рождьши твари, и дверь спасения мирови бысть. Тем Тя Богородице непрестанно величаем.

Запев с поклоном. Тя неизреченно совокупившаго небесным Христе земная, и едину Церковь совершивша Ангелом и человеком, непрестанно величаем.

Запев. Ангели и Архангели, Престоли, Власти же и Господьствия, Начала и Силы, Херувими, и Серафими, с Богородицею о мире молитеся.

Слава. Троичен. Тя Троице славим, яже от небытия вся сотворившую, и чины Ангельския украсившу, и божествеными зарями просветившу концы.

И ныне. Богородичен. Радуися Святая Богоневесто, радуися Свет мирови рождьши верным. Радуися стено и покрове всех нас. Бога яко благодателя, за ны непрестанно моли. Катавасия.

Задостойник: Владычице приими молитву раб Своих, и избави нас от всякия нужды и печали. Ты еси Богородице, оружие наше и стена. Ты еси заступнице, и к Тебе прибегаем, Тя и ныне на молитву призываем, да избавиши ны от враг наших. Возвеличим Тя вси пренепорочную Матерь Христа Бога нашего, Юже осени Дух Пресвятыи.

Отпуст: Господи Исусе Христе Сыне Божии, молитв ради пречистыя Ти Матере, заступлением честных небесных Сил Безплотных, и всех святых, помилуй и спаси нас, яко Благ и Человеколюбец. Аминь.

КАНОН БЕЗПЛОТНЫМ (*)

Тропарь, глас 4-й
Небесных воинств Архистратизи, молим вас присно мы недостойнии, да вашими молитвами оградите нас кровом крил невещественныя вашея славы, сохраняюще ны припадающия прилежно и вопиющия: от бед избавите ны, яко чиноначальницы Вышних Сил.

Канон
Егоже краегранесие (**) сицево:
Да торжествуем, богомудрии, похвалу
Собору Безплотных.
Творение Иоанна монаха

Глас 8-й
Песнь 1
Ирмос: Песнь возслем, людие, чудному Богу нашему, свободившему Израиля от работы, песнь победную поюще и вопиюще: поим Тебе, единому Владыце.
Припев: Святии Архангели и Ангели, молите Бога о нас.
Вси воспоим, людие, вся направляющую невещественныя лики вышняго чиноначалия, Троицу Несозданную, поюще: Свят, Свят, Свят еси, Боже Вседержителю.
Припев: Святии Архангели и Ангели, молите Бога о нас.
Положил еси тварем начаток существо безплотное, Творче Ангелов, пречистый Твой Престол окружающа, звати Ти: Свят, Свят, Свят еси, Боже Вседержителю.
Слава: Радуйся, Гаврииле, Божия воплощения возвестителю, Михаиле же, чинов невещественных предстателю, непрестанно зовуще: Свят, Свят, Свят еси, Боже Вседержителю.
И ныне, Богородичен: Трепещу таинства, Христе, Твоего схождения, яко Иже естеством Бог, приял еси от Девы родитися яко человек, да спасеши мир от работы сопротивнаго.

Песнь 3
Ирмос: Страх Твой, Господи, всади в сердца раб Твоих и буди нам утверждение, Тя во истине призывающих.
Припев: Святии Архангели и Ангели, молите Бога о нас.
Крепостию уставил еси, Безсмертне, сильныя, совершающия пресвятое Твое хотение, Тебе в вышних всегда предстоящия.
Припев: Святии Архангели и Ангели, молите Бога о нас.
Ходатаи Твоего вочеловечения и честнаго востания, Ангельския чиноначальники, Христе, за ны приими молящияся.
Слава: Ангелы приставил еси хранители человеком, яко Благоутробен, служители же показал еси, Христе, спасения Твоим угодником.
И ныне, Богородичен: Неизреченно рождши, Богоневесто, Спаса и Господа, избави нас от тли, Тя воистину призывающих.

Господи, помилуй. (Трижды)

Седален, глас 8-й
Подобен: Повеленное тайно:
Небесных начальниче и первостоятелю высокопрестольных и страшных Божественныя славы, Михаиле Архистратиже, Ангелом чиноначальниче, со всеми Безплотными, Емуже служиши Владыце, о всем мире непрестанно молися и испроси оставление грехов, и милость и благодать обрести в день судный.

Слава, и ныне: Богородичен
В пучину люте впад уныния, от множества лукавых и беззаконных моих дел, приидох в недоумение, и отчаянием ныне одержуся: Владычице Богородице, Ты мя спаси, Ты ми помози: грешных бо Ты еси очищение и чистота спасительная.

Песнь 4
Ирмос: Всел еси на кони, апостолы Твоя, Господи, и приял еси рукама Твоима узды их, и спасение бысть еждение Твое верно поющим: слава силе Твоей, Господи.
Припев: Святии Архангели и Ангели, молите Бога о нас.
Всел еси на Ангелы, якоже на кони, Человеколюбче, и приял еси рукою Твоею вожда их, и спасение бысть еждение Твое верно Ти вопиющим: слава силе Твоей, Господи.
Припев: Святии Архангели и Ангели, молите Бога о нас.
Покрывает Ангелы добродетель Твоя, Безсмертне, и земныя исполняет концы Твоего славнаго, Безначальне, Божест-веннаго хваления. С нимиже Тебе вопием: слава силе Твоей, Господи.
Слава: Изшел еси, Щедре, на спасение людем Твоим, Христе; созываеши же други силы Твоя, и веселие бысть во спасении Твоем безвещным, вопиющим: слава силе Твоей, Господи.
И ныне, Богородичен: Дева и Мати паче естества явилася еси, Пречистая, яко Бога Тогоже и Человека Христа родила еси, от Ангел хвалимаго; людей Твоих печаль преложи на радость молитвами Твоими.

Песнь 5
Ирмос: От нощи неведения боговедением просветивый концы, просвети мя утром человеколюбия Твоего, Господи.
Припев: Святии Архангели и Ангели, молите Бога о нас.
Невозвратным желанием всегда к высоте, Христе, носими, крайнее всех Желание, Ангельския силы непрестанно славят.
Припев: Святии Архангели и Ангели, молите Бога о нас.
Ты разумныя по существу, нетленныя благодатию Твоею, Христе, поставил еси певцы Твоему величествию, Ангелы Твоя по образу соделав, Непостижиме.
Слава: Ты непреклонны на горшая, к Тебе приближением, Христе, сохранил еси Твоя слуги: источник бо благости Ты еси, благотворя достойно Ти служащим.
И ныне, Богородичен: Умерщвленную мою душу страстьми мерзкими, Всенепорочная, оживи, животу Хранителя рождши, и к стезе вечней и блаженному житию устреми.

Песнь 6
Ирмос: Иону в ките, Господи, единаго вселил еси, мене же связаннаго мрежами вражиими, яко от тли онаго, спаси.
Припев: Святии Архангели и Ангели, молите Бога о нас.
Боголепно от несущества, Господи, словом привел еси существа небесных, Безсмертне, воинств, световидны сих соделовая.
Припев: Святии Архангели и Ангели, молите Бога о нас.
Служителие честнии Божия хваления бысте, Безплотнии, граждане небеснии и Божественная воистину скиния, Творцу достойно служаще.
Слава: Безплотных чини умнии Тя, Сыне Божий Пребезначальный, хвалят непрестанно и славословят, яко Творца и Создателя всяческих.
И ныне, Богородичен: Всепетая, Света порождши, всем свет дающаго, тьму моих прегрешений, Чистая, отжени Матерними Твоими к Нему молитвами.

Господи, помилуй. (Трижды)
Слава, и ныне:

Кондак, глас 2-й
Архистратизи Божии, служителие Божественныя славы, Ангелов начальницы и человеков наставницы, полезное нам просите и велию милость, яко Безплотных Архистратизи.

Икос
Рекл еси, Человеколюбче, в Писаниих Твоих, множеству радоватися Ангел о человеце едином кающемся, Безсмертне; тем и мы, в беззакониих суще, безгрешне едине Сердцеведче, Тя молити всегда дерзаем яко Благоутробнаго, ущедрити нас и послати недостойным умиление, Владыко, и подати нам прощение грехов: о всех бо нас молятся Тебе, яко Безплотных Архистратизи.

Песнь 7
Ирмос: Отроцы еврейстии в пещи попраша пламень дерзновенно и на росу огнь преложиша, вопиюще: благословен еси, Господи Боже, во веки.
Припев: Святии Архангели и Ангели, молите Бога о нас.
Светы явил еси, Щедре, Ангел Твоих невещественное существо, неизреченнаго света исполняеми, непрестанно зовущия: благословен еси, Господи Боже, во веки.
Припев: Святии Архангели и Ангели, молите Бога о нас.
Емуже предстоят непрестанно служаща тьмы Ангельския, лица же зрети не терпят Божества; благословен еси, зовуще, Боже, во веки.
Слава: Словом Твоим ипостасным, Господи, Ангельское естество соделал еси, освятив же Божественным Духом, Троицу богословити научил еси, Боже, во веки.
И ныне, Троичен: Три убо зряще сущия Ипостаси, неописанное славим Существо, Отца и Слова со Духом, вопиюще: благословен еси, Господи Боже отец наших.

Песнь 8
Ирмос: На горе святей прославльшася и в купине огнем Приснодевы Моисеови тайну явльшаго, Господа пойте и превозносите во вся веки.
Припев: Святии Архангели и Ангели, молите Бога о нас.
Ангельскому поревнуем житию, и разум вперим к высоте, и с ними невещественно воспоем Господа и превозносим во веки.
Припев: Святии Архангели и Ангели, молите Бога о нас.
Ликовственницы лика небеснаго, иже Престол обстояще славы, о Бозе всегда обращаеми Ангели, поют и славословят во вся веки.
Слава, Троичен: Невещественна огня творящей пламень, на высоте непрестанно служащих, и Ангелы духи являющей, Троице покланяемся и славословим во вся веки.
И ныне, Богородичен: Иже во утробу всельшася Девы, и от Сея странно и выше слова наздавша древняго Адама, Господа поем и славословим во веки.

Песнь 9
Ирмос: Уставы прешла еси естества, Содетеля заченши и Господа, и дверь спасения мирови была еси. Тем Тя, Богородице, непрестанно величаем.
Припев: Святии Архангели и Ангели, молите Бога о нас.
Тя, неизреченно совокупившаго небесным, Христе, земная, и едину Церковь совершивша Ангелом и человеком, непрестанно величаем.
Припев: Святии Архангели и Ангели, молите Бога о нас.
Ангели и Архангели, Престоли, Власти же и Господствия, Начала и Силы, и Херувими и Серафими, с Богородицею о мире молитеся.
Слава, Троичен: Тя, Троице, славим, от небытия вся сотворившую, и чини ангельския украсившую, и Божественными зарями просветившую концы.
И ныне, Богородичен: Радуйся, Святая Богоневесто; радуйся, Свет мирови рождши верным; радуйся, стено и покрове всех нас; Бога, яко благодателя, за ны непрестанно моли.

Молитва
К вам, яко заступником и хранителем живота моего, аз окаянный, припадая, молюся: подадите мне молитвами вашими дневное пребывание богоугодно и неискусно от злых деяний и помышлений прейти. Отверзите слух ушию моею, да услышу и разумею дела и словеса Божия душеполезная, да прозрю внутреннима очима, тьмою греховною обдержимый. Молите за мя, по вся часы согрешающаго, да не пояст мене меч ярости Господни: зело бо превзыдоша беззакония моя главу мою, и яко бремя тяжкое отяготеша на мне. Ты же, Господи мой, Господи, призри на мя и помилуй мя, и изведи из темницы греховныя душу мою, прежде даже не отиду отсюду, и не прииду на Страшный оный Суд Твой. Приими молящияся за ны святыя Ангелы Твоя, иже окрест Престола Твоего выну со страхом предстоят, и тех молитвами, изряднее же Пречистыя Твоея Матере, избави мя Страшнаго онаго и грознаго Суда Твоего. Ты бо еси Агнец Божий, вземляй всего мира грехи, распятый на Кресте нашего ради спасения; вонми молитве моей и посли Ангела хранителя души моей и телу, да тем наставляем, избавлюся от всяких врагов видимых и невидимых и сподоблюся получити Твою милость со всеми от века Тебе благоугодившими: яко Ты еси Бог наш, и к Тебе прибегаю, и на Тя надеюся, аще и согреших паче человек, но Тебе не отступих, ни руку моею воздех ко иному богу. Тебе молюся, Господи Иисусе Христе, Тя благословлю и Тебе покланяюся от Троицы единому, со Отцем и Святым Духом, ныне и присно и во веки веков. Аминь.
______________
(*) В названии канона сохранена старая орфография. Этот канон называют также каноном святым Архангелам и Ангелам.
(**) Буквально – краестишие или краестрочие (акростих), т.е. стихотворение, в котором начальные буквы стихов (строк) образуют слово или фразу, часто – имя автора. Акростих в канонах – это сочетание начальных букв ирмосов и тропарей (на языке оригинала).

Цитируется по кн.: КАНОНЫ НА КАЖДЫЙ ДЕНЬ ДЛЯ ДОМАШНЕГО ЧТЕНИЯ. – М.: Изд. Тихомирова М.Ю., 2016, с. 30-33. ИС Р16-609-3101 (pravmolitva.ru)
pravmolitva.ru/katalog/sobstvennye-izdaniya/

КаноныСкачать .doc без ударенийСкачать .doc с ударениямиСкачать .pdf с ударениямиПосмотреть на сайтеКанон общий преподобной жене Скачать Канон общий преподобномученице Скачать Канон общий святой мученице Скачать КаноныСкачать .doc без ударенийСкачать .doc с ударениямиСкачать .pdf с ударениямиПосмотреть на сайте Апостолам. Скачать Скачать Скачать pdf Всем святым. Скачать Скачать Скачать pdf Всем святым, в земли Российстей просиявшим. Скачать Скачать Скачать pdf Адриану и Наталии, мученикам (26 августа/8 сентября) Скачать Скачать Скачать pdf Александру Невскому, благоверному великому князю (23 ноября/6 декабря, 30 августа/12 сентября) Скачать Скачать Скачать pdf Александру Свирскому, преподобному (17/30 апреля, 30 августа/12 сентября) Скачать Скачать Скачать pdf Открыть html Алексию Московскому, святителю (12/25 февраля, 20 мая/2 июня) Скачать Скачать Скачать pdf Алексию, человеку Божиему (17/30 марта) Скачать Скачать pdf Алипию Печерскому иконописцу, преподобному (17/30 августа) Скачать Скачать Скачать pdf Амвросию Оптинскому, преподобному (10/23 октября, 27 июня/10 июля)) Скачать Скачать pdf Анастасии Римляныне, преподобномученице (29 октября/11 ноября) Скачать Скачать Скачать pdf Анастасии Узорешительнице, великомученице (22 декабря/4 января) Скачать Скачать Скачать pdf Андрею Боголюбскому, благоверному великому князю (4/17 июля) Скачать Скачать Скачать pdf Андрею Рублеву иконописцу, преподобному (4/17 июля) Скачать Скачать Скачать pdf Андрею Первозванному, апостолу (30 ноября/13 декабря) Скачать Скачать pdf Анне, матери Пресвятой Богородицы (25 июля/7 августа) Скачать Скачать pdf Открыть html Анне Кашинской, благоверной княгине (12/25 июня, 2/15 октября) Скачать Скачать Скачать pdf Антонию Печерскому, преподобному (10/23 июля) Скачать Скачать Скачать pdf Антонию и Феодосию Печерским, преподобным (2/15 сентября) Скачать Скачать pdf Антонию Римлянину, преподобному (3/16 августа) Скачать Скачать Скачать pdf Арсению Коневскому, преподобному (12/25 июня) Скачать Скачать Скачать pdf Арсению Тверскому, святителю (2/15 марта) Скачать Скачать Скачать pdf Афанасию Константинопольскому, Лубенскому чудотворцу (2/15 мая) Скачать Скачать Скачать pdf Борису и Глебу, благоверным князьям (2/15 мая, 24 июля/6 августа) Скачать Скачать Скачать pdf Варваре, великомученице (4/17 декабря) Скачать Скачать Скачать pdf Варлааму Хýтынскому, преподобному (6/19 ноября) Скачать Скачать
Скачать pdf Василию Московскому, блаженному (2/15 августа) Скачать Скачать Скачать pdf Василию Великому, святителю (1/14 января) Скачать Скачать pdf Вере, Надежде, Любови и матери их Софье, мученицам (17/30 сентября) Скачать Скачать Скачать pdf Владимиру, равноапостольному князю (15/28 июля) Скачать Скачать Скачать pdf Вонифатию, мученику (19 декабря/1 января) Скачать Скачать pdf Гавриилу Белостокскому, мученику младенцу (20 апреля/3 мая) Скачать Скачать Скачать pdf Георгию Победоносцу, великомученику (23 апреля/6 мая) Скачать Скачать pdf Герману Аляскинскому, преподобному (27 июля/9 августа) Скачать Скачать Скачать pdf Даниилу Московскому, благоверному князю (4/17 марта, 30 августа/12 сентября) Скачать Скачать Скачать pdf Димитрию Прилуцкому, преподобному (11/24 февраля) Скачать Скачать Скачать pdf Димитрию Ростовскому, святителю (21 сентября/4 октября, 28 октября/10 ноября) Скачать Скачать Скачать pdf Димитрию Солунскому, великомученику (26 октября/8 ноября) Скачать Скачать pdf Димитрию Угличскому, благоверному царевичу (15/28 мая, 3/16 июня) Скачать Скачать Скачать pdf Евдокии, благоверной княгине (17/30 мая, 7/20 июля) Скачать Скачать Скачать pdf Евфросинии Суздальской, преподобной (25 сентября/8 октября) Скачать Скачать Скачать pdf Евфросинии Полоцкой, преподобной (23 мая/5 июня) Скачать Скачать Скачать pdf Екатерине, великомученице (24 ноября/7 декабря) Скачать Скачать Скачать pdf Ермогену Московскому, святителю (17 февраля/2 марта, 12/25 мая) Скачать Скачать Скачать pdf Зосиме и Савватию Соловецким, преподобным (8/21 августа) Скачать Скачать Скачать pdf Игнатию Брянчанинову, святителю (30 апреля/13 мая) Скачать Скачать Скачать pdf Илариону арх. Верейскому, священномученику (15/28 декабря) Скачать Скачать Скачать pdf Илии, пророку Божию (20 июля/2 августа) Скачать Скачать pdf Иннокентию Иркутскому, святителю (26 ноября/9 декабря) Скачать Скачать Скачать pdf Иоанну Богослову, Апостолу (26 сентября/9 октября) Скачать Скачать pdf Иоанну Воину, мученику (30 июля/12 августа) Скачать Скачать Скачать pdf Иоанну Златоусту, святителю (13/26 ноября, 14/27 сентября, 27 января/9 февраля) Скачать Скачать pdf Иоанну Кронштадтскому, праведному (20 декабря/2 января) Скачать Скачать Скачать pdf Открыть html Иоанну Новому Сочавскому, великомученику (2/15 июня) Скачать Скачать Скачать pdf Иоанну, Предтече и Крестителю Господню (29 августа/11 сентября, 24 июня/7 июля, 25 мая/7 июня, 24 февраля/9 марта, 7/20 января) Скачать Скачать Скачать pdf Открыть html Иоанну Русскому, праведному (27 мая/9 июня) Скачать Скачать Скачать pdf Иоасафу, святителю Белгородскому(4/17 сентября) Скачать Скачать Скачать pdf Иову Почаевскому, преподобному (28 октября/10 ноября, 28 августа/10 сентября) Скачать Скачать Скачать pdf Ионе Новгородскому, святителю (5/18 ноября) Скачать Скачать Скачать pdf Иосифу Волоцкому, преподобному (9/22 сентября, 18/31 октября) Скачать Скачать Скачать pdf Ирине, мученице (5/18 мая) Скачать Скачать Скачать pdf Иулиании Лазаревской, праведной (2/15 января) Скачать Скачать Скачать pdf Киприану и Иустине, мученикам (2/15 октября) Скачать Скачать pdf Открыть html Кириллу Белоезерскому, преподобному (9/22 июня) Скачать Скачать Скачать pdf Константину и Елене, равноапостольным (21 мая/3 июня) Скачать Скачать Скачать pdf Корнилию, преподобномученику (20 февраля/5 марта) Скачать Скачать Скачать pdf Косме и Дамиану Асийским, чудотворцам безсребреникам (1/14 ноября) Скачать Скачать Скачать pdf Ксении Петербургской, блаженной (24 января/6 февраля) Скачать Скачать Скачать pdf Открыть html Людмиле Чешской, благоверной княгине мученице (16/29 сентября) Скачать Скачать pdf Макарию Калязинскому, преподобному (17/30 марта, 26 мая/8 июня) Скачать Скачать Скачать pdf Макарию Московскому, святителю (30 декабря/12 января) Скачать Скачать Скачать pdf Максиму Греку, преподобному (21 января/3 февраля, 21 июня/4 июля)) Скачать Скачать Скачать pdf Марии Египетской, преподобной (1/14 апреля) Скачать Скачать Скачать pdf Открыть html Марии Магдалине, равноапостольной (22 июля/4 августа) Скачать Скачать Скачать pdf Мартирию Зеленецкому, преподобному (11/24 ноября) Скачать Скачать
Скачать pdf Матроне Московской, праведной (19 апреля/2 мая) Скачать Скачать pdf Открыть html Мефодию и Кириллу, равноапостольным (11/24 мая) Скачать Скачать pdf Михаилу Киевскому, святителю (30 сентября/13 октября) Скачать Скачать Скачать pdf Михаилу Тверскому, благоверному князю (22 ноября/5 декабря) Скачать Скачать Скачать pdf Михаилу и Феодору Черниговским, великомученикам (20 сентября/3 октября) Скачать Скачать Скачать pdf Митрофану Воронежскому, святителю (23 ноября/6 декабря, 7/20 августа, 4/17 сентября) Скачать Скачать Скачать pdf Нестору Летописцу, преподобному (27 октября/9 ноября) Скачать Скачать Скачать pdf Никите Новгородскому, святителю (31 января/13 февраля, 30 апреля/13 мая) Скачать Скачать Скачать pdf Николаю, архиепископу Мир Ликийских (9/22 мая, 6/19 декабря) Скачать Скачать Скачать pdf Открыть html Нилу Сорскому, преподобному (7/20 мая) Скачать Скачать Скачать pdf Нилу Столбенскому, преподобному (7/20 декабря) Скачать Скачать Скачать pdf Нине, равноапостольной (14/27 января) Скачать Скачать Скачать pdf Ольге, равноапостольной великой княгине (11/24 июля) Скачать Скачать Скачать pdf Оптинским старцам, преподобным (11/24 октября) Скачать Скачать pdf Открыть html Паисию Великому, преподобному (19 июня/2 июля) Скачать Скачать Скачать pdf Пантелеимону, великомученику (27 июля/9 августа) Скачать Скачать Скачать pdf Открыть html Пафнутию Боровскому, преподобному (1/14 мая) Скачать Скачать Скачать pdf Петру Апостолу (29 июня/12 июля) Скачать Скачать pdf Павлу Апостолу (29 июня/12 июля) Скачать Скачать pdf Петру Московскому, святителю (21 декабря/3 января, 24 августа/6 сентября) Скачать Скачать Скачать pdf Петру и Февронии, благоверным князю и княгине (25 июня/8 июля) Скачать Скачать Скачать pdf Открыть html Питириму Тамбовскому, святителю (28 июля/10 августа) Скачать Скачать Скачать pdf Савве Сторожевскому, преподобному (3/16 декабря) Скачать Скачать
Скачать pdf Святителям Московским Петру, Алексию, Ионе, Филиппу и Ермогену (5/18 октября) Скачать Скачать Скачать pdf Серафиму Вырицкому, преподобному (21 марта/3 апреля) Скачать Скачать pdf Серафиму Саровскому, преподобному (2/15 января, 19 июля/1 августа) Скачать Скачать Скачать pdf Открыть html Сергию и Герману Валаамским, преподобным (28 июня/11 июля) Скачать  Скачать Скачать pdf Сергию Радонежскому, преподобному (25 сентября/8 октября, 5/18 июля) Скачать Скачать pdf Открыть html Силуану Афонскому, преподобному (11/24 сентября) Скачать Скачать Скачать pdf Симеону Верхотурскому, праведному (12/25 сентября, 18/31 декабря) Скачать Скачать Скачать pdf Софронию Иркутскому, святителю (30 марта/12 апреля, 30 июня/13 июля) Скачать Скачать Скачать pdf Спиридону Тримифунтскому, святителю (12/25 декабря) Скачать Скачать Скачать pdf Открыть html Стефану Великопермскому, святителю (26 апреля/9 мая) Скачать Скачать Скачать pdf Татиане, мученице (12/25 января) Скачать Скачать Скачать pdf Тихону Задонскому, святителю Воронежскому (13/26 августа) Скачать   Скачать pdf Тихону Московскому, святителю (25 марта/7 апреля, 26 сентября/9 октября) Скачать   Скачать pdf Трифону, мученику (1/14 февраля) Скачать Скачать Скачать pdf Открыть html Уару, мученику (19 октября/1 ноября) Скачать Скачать Скачать pdf Феодору Санаксарскому (Ушакову), праведному воину (23 июля/5 августа, 2/15 октября) Скачать Скачать Скачать pdf Феодосию Печерскому, преподобному. (3/16 мая, 14/27 августа) Скачать Скачать Скачать pdf Феодосию Черниговскому, святителю (9/22 сентября, 5/18 февраля) Скачать Скачать Скачать pdf Феофану Затворнику, святителю (10/23 января, 16/29 июня) Скачать Скачать Скачать pdf Филиппу Московскому, святителю (9/22 января, 3/16 июля) Скачать Скачать Скачать pdf Царственным мученикам и страстотерпцам (4/17 июля) Скачать Скачать Скачать pdf   Канон святым мученицам Минодоре, Митродоре и Нимфодоре Скачать   Скачать pdf Открыть html