Тропарь смоленской иконе божьей матери

Детально: тропарь смоленской иконе божьей матери - со всех открытых источников и разных уголков мира на сайте 1000-molitv.ru для наших уважаемых читателей.

Оглавление [Показать]

тропарь смоленской иконе божьей матери

Кондак 1

Избра́нней от все́х родов Бо́жией Ма́тери и Цари́це, Пресвято́й Одиги́трии, я́ко изба́вльшеся от ве́чныя сме́рти благода́тию ро́ждшагося от Нея́ Христа́ Бо́га и на пу́ть спасе́ния направля́еми Ма́терним Ея́ попече́нием, благода́рственное прино́сим пе́ние; Ты́ же, всеми́лостивая на́ша засту́пнице и путеводи́тельнице, от вся́ких на́с бе́д свобожда́й и к ца́рствию го́рнему руково́дствуй зову́щих Ти́ ра́достию: Ра́дуйся, Богоро́дице Одиги́трие, христиа́н упова́ние.

Икос 1

Арха́нгельский гла́с вопие́м Ти́, Чи́стая: ра́дуйся, благода́тная Одиги́трие Мари́е, и ра́дости духо́вныя испо́лни на́с, да благоговейною душе́ю и чи́стым се́рдцем принесе́м Ти́, ро́ждшей ми́ру Спаси́теля Христа́ Бо́га на́шего, глаго́лы сия́:

Ра́дуйся, Бо́га Отца́ благоволе́нием осене́нная; ра́дуйся, Бо́га Сы́на Ма́ти неискусобра́чная.

Ра́дуйся, Бо́га Ду́ха Свята́го оби́теле свяще́нная; ра́дуйся, Тро́ическия та́йны проявле́ние.

Ра́дуйся, а́нгельских умо́в удивле́ние; ра́дуйся, челове́ческаго ро́да украше́ние.

Ра́дуйся, го́рния с до́льними совокупи́вшая; ра́дуйся, врата́ ра́йская земноро́дным отве́рзшая.

Ра́дуйся, ле́ствице небе́сная; ра́дуйся, ста́мно богоприи́мная.

Ра́дуйся, купино́ неопали́мая; ра́дуйся, трапе́зо пресвята́я.

Ра́дуйся, Богоро́дице Одиги́трие, христиа́н упова́ние.

Кондак 2

Ви́девши ико́ну пресвята́го Твоего́ ли́ка, Богоро́дице Де́во, ю́же боже́ственный евангели́ст Лу́ка написа́ и к Тебе́ принесе́, благоволи́ла еси́ о не́й и рекла́ еси́ пречи́стыми усты́ Твои́ми: «С се́ю ико́ною благода́ть Моя́ и си́ла». Таково́е обетова́ние Твое́ уве́девше, благогове́йно почита́ем пресвяты́й о́браз Тво́й, Влады́чице, и воспева́ем Сы́ну Твоему́ и Бо́гу: Аллилу́ия.

Икос 2

Уразуме́в благоволе́ние Твое́, Богоро́дице, к напи́санней ико́не Твое́й, апо́стол и евангели́ст Лу́ка дарова́ ю́ в благослове́ние и освяще́ние Христо́вой Це́ркви во Антиохи́и, в не́йже Одиги́трия она́ наименова́ся, си́есть Путеводи́тельница и Наста́вница, и чудесы́ боже́ственными просла́вися; о се́м благодаря́ще Тя́, Госпоже́ всеблага́я, я́ко подо́бие пречи́стаго ли́ка Твоего́ во утеше́ние на́м оста́вила еси́, усе́рдно Тебе́ вопие́м:

Ра́дуйся, Цари́це го́рних и до́льних; ра́дуйся, Влады́чице а́нгелов и челове́ков.

Ра́дуйся, ми́ра умире́ние; ра́дуйся, дре́вния вражды́ разруше́ние.

Ра́дуйся, де́вства сто́лпе; ра́дуйся, смире́ния глубино́.

Ра́дуйся, облече́нная в со́лнце; ра́дуйся, сия́ющая боже́ственною сла́вою.

Ра́дуйся, Ма́ти Све́та невече́рняго; ра́дуйся, раю́ сла́дости небе́сныя.

Ра́дуйся, вертогра́де Христо́в благоуха́нный; ра́дуйся, о́дре Царя́ вели́каго.

Ра́дуйся, Богоро́дице Одиги́трие, христиа́н упова́ние.

Кондак 3

Си́лою Бо́жиею чудеса́ преди́вная соверша́хуся от ико́ны Твоея́ Одиги́трии, Богома́ти Влады́чице, егда́ принесе́на бы́сть она́ из Антиохи́и в Царьгра́д и, в пресла́внем Влахе́рнстем хра́ме поста́вленная, исцеле́ние боля́щим подава́ше, слепы́я просвеща́ше, вся́ку я́зву в лю́дех врачева́ше, благода́тию Твое́ю, Богоро́дице, да вси́ зове́м просла́вльшему Тя́ Бо́гу: Аллилу́ия.

Икос 3

Име́яше Тя́ Царьгра́д засту́пницу держа́вную, Богоро́дице Де́во, и во дни́ нападе́ния на него́ враго́в си́льных и бранеиску́сных по́мощь Твою́ чуде́сную от святы́я ико́ны Твоея́ Одиги́трии получа́ше многочуде́сно, те́мже мо́лимся Тебе́, Всеблага́я, я́коже дре́вле гра́д о́ный мно́гажды от поги́бели спасла́ еси́, та́ко и на́с смире́нных спаси́ от поги́бели ве́чныя Ма́терним преда́тельством Твои́м ко Христу́ Бо́гу, да благода́рно Тебе́ зове́м:

Ра́дуйся, сто́лпе о́гненный, зно́й страсте́й умеря́ющий; ра́дуйся, сто́лпе о́блачный, мра́к грехо́в разгоня́ющий.

Ра́дуйся, засту́пнице усе́рдная моли́твенно Тя́ призыва́ющих; ра́дуйся, помо́щнице ско́рая в беда́х к Тебе́ притека́ющих.

Ра́дуйся, похвало́ же́н и де́в сла́во; ра́дуйся, Царьгра́да кре́пкое огражде́ние.

Ра́дуйся, Влахе́рнскаго хра́ма благода́тное сокро́вище; ра́дуйся, враго́в Правосла́вия посрамле́ние.

Ра́дуйся, нечести́вых ра́тей одоле́ние; ра́дуйся, ча́д Христо́вых предводи́тельнице к побе́дам.

Ра́дуйся, богому́дрых святи́телей споспе́шнице во благове́стии Христо́ве; ра́дуйся, па́стырем пасти́ ста́до свое́ посо́бствующая.

Ра́дуйся, Богоро́дице Одиги́трие, христиа́н упова́ние.

Кондак 4

Бу́рею морско́ю корабли о́наго прего́рдаго кага́на, гра́д Тво́й плени́ти восхоте́вшаго, сокруши́ла еси́, Влады́чице, и побе́ду на́д ни́м лю́дем христоимени́тым дарова́ла еси́ от святы́я ико́ны Свое́й Одиги́трии, лучи́ све́та небе́снаго распространя́ющи и во́и правосла́вныя и́ми просвеща́ющи, да вси́ уве́дят, я́ко Ты́ еси́ вои́стинну воево́да держа́вная Царьгра́да, и просла́вят Твоя́ ми́лости и чудеса́, воспева́юще Спаси́телю Бо́гу: Аллилу́ия.

Икос 4

Слы́шавше о чудеса́х Твои́х пресла́вных, Богоро́дице Де́во, я́же от ико́ны Твоей Одиги́трии яви́ла еси́ в Царьгра́де, недоумева́ем, ка́ко ико́на та́, носи́мая по сто́гнам гра́да, си́лою боже́ственною носи́вших ю́ управля́ше и стопы́ и́х по во́ле Твое́й направля́ше; напра́ви у́бо, Влады́чице, и на́ша стопы́ на пу́ть за́поведей Христо́вых и научи́ на́с ве́рно испо́лнити святу́ю во́лю Сы́на Твоего́ и Бо́га, да Тебе́ вопие́м си́це:

Ра́дуйся, свеще́ неугаси́мая; ра́дуйся, звездо́ незаходи́мая.

Ра́дуйся, сия́ющая све́том боже́ственным; ра́дуйся, просвеща́ющая благода́тию ду́ши ве́рных.

Ра́дуйся, Христо́во благоуха́ние; ра́дуйся, земли́ освяще́ние.

Ра́дуйся, ча́ше, че́рплющая ра́дость всему́ ми́ру; ра́дуйся, исто́чниче, излива́яй ве́чную сла́дость.

Ра́дуйся, черто́же благоукраше́нный Царя́ царе́й; ра́дуйся, пала́то све́тлая Го́спода господе́й.

Ра́дуйся, рая́ красне́йшая; ра́дуйся, у́тра светле́йшая.

Ра́дуйся, Богоро́дице Одиги́трие, христиа́н упова́ние.

Кондак 5

Боготе́чная звезда́, ико́на Твоя́ Одиги́трия, Богома́ти Влады́чице, благоволе́нием Твои́м от Царьгра́да в страну́ Росси́йскую принесе́ся и гра́ду Смоле́нску в насле́дие благода́тное дарова́ся от благове́рнаго вели́каго кня́зя Влади́мира Монома́ха; те́мже благодари́м Тя́, Госпоже́ всеми́лостивая, я́ко таковы́й да́р святы́й оте́честву на́шему дарова́ла еси́, и пое́м в Троице сла́вимому Бо́гу: Аллилу́ия.

Икос 5

Ви́девше пресла́вное заступле́ние Твое́ гра́да Смоле́нска, Пречи́стая Влады́чице, прославля́ем великую Твою́ ми́лость, е́юже гра́д се́й от разоре́ния Баты́ева чуде́сно спасла́ еси́, гла́сом боже́ственным от ико́ны Одиги́трии уго́дника Христо́ва Мерку́рия на единобо́рство с предводи́телем ра́ти Баты́евой посла́вши, его́же о́н мече́м свои́м порази́ и гра́д Тво́й от разоре́ния изба́ви, и са́м венце́м му́ченическим увенча́ся, и со святы́ми сопричте́ся; того́ моли́твами небе́сными сподо́би на́с на земли́ неосужде́нно взыва́ти к Тебе́:

Ра́дуйся, гра́да Смоле́нска кре́пкое защище́ние; ра́дуйся, страны́ Росси́йския благода́тное утеше́ние.

Ра́дуйся, Це́ркви Христо́вой боголе́пное украше́ние; ра́дуйся, лю́бящих при́сное ра́дование.

Ра́дуйся, утоли́тельнице печа́лей; ра́дуйся, изба́вительнице от пле́на и пораже́ния.

Ра́дуйся, боля́щих исцеле́ние; ра́дуйся, уныва́ющих ободре́ние.

Ра́дуйся, му́ченика Христо́ва Мерку́рия на по́двиг ра́тный укрепи́вшая; ра́дуйся, гла́сом от ико́ны Твоея́ святы́я его́ воодушеви́вшая.

Ра́дуйся, я́ко Дави́да на Голиа́фа, побе́дою его́ увенча́вшая; ра́дуйся, гра́д Тво́й от разоре́ния изба́вившая.

Ра́дуйся, Богоро́дице Одиги́трие, христиа́н упова́ние.

Кондак 6

Пропове́дует страна́ Росси́йская ми́лости и чудеса́ Твоя́, пречи́стая Де́во Богоро́дице, и гра́д Смоле́нск све́тло красу́ется, име́я чудотво́рную ико́ну Твою́, вся́кия боле́зни исцеля́ющую и неду́жным здра́вие подава́ющую, сего́ ра́ди со благогове́нием почита́ем многоцеле́бный о́браз тво́й, Госпоже́ всеблага́я, и, покланя́ющеся ему́, я́ко зало́гу Твоего́ к на́м благоволе́ния, вопие́м Бо́гу: Аллилу́ия.

Икос 6

Возсия́ла есй стране́ Росси́йстей луча́ми боже́ственных чуде́с от святы́я ико́ны Твоея́ Одиги́трии, пречи́стая Влады́чице, к не́йже от ле́т дре́вних отцы́ на́ши прихожда́ху в ско́рбех и боле́знех и не тщи́ отхожда́ху, но приима́ху утеше́ния и цельбу́ душа́м и телесе́м, и́хже всле́д и мы к Тебе́ прихо́дим, Всеблага́я, и со благогове́нием и любо́вию лобыза́юще о́браз Тво́й чудотво́рный, мо́лимся Тебе́: утоли́ печа́ли на́ша, уврачу́й неду́ги на́ша, да зове́м Ти́:

Ра́дуйся, же́зле ста́рости; ра́дуйся, сто́лпе и утвержде́ние де́вства.

Ра́дуйся, вдови́ц заступле́ние; ра́дуйся, сиро́т призре́ние.

Ра́дуйся, младе́нцев воспита́ние; ра́дуйся, ни́щих снабде́ние.

Ра́дуйся, пле́нных свобожде́ние; ра́дуйся, скорбя́щих утеше́ние.

Ра́дуйся, и́ноков покрови́тельнице; ра́дуйся, и́нокинь наста́внице.

Ра́дуйся, по́стников укрепле́ние; ра́дуйся, подви́жников вразумле́ние.

Ра́дуйся, Богоро́дице Одиги́трие, христиа́н упова́ние.

Кондак 7

Хотя́щи дарова́ти гра́ду Москве́ прича́стие благода́ти чудотво́рныя ико́ны Твоея́ Одиги́трии, Влады́чице всеми́лостивая, благоволи́ла еси́, да пренесе́на бу́дет ико́на Твоя́ от Смоле́нска в Москву́ и, та́мо пребыва́ющи вре́мя не ма́ло, чудеса́ мно́гая соверша́ет; но а́ще и возвращена́ бы́сть в Смоле́нск по умоле́нию жи́телей его́, оба́че спи́сок ея́ в Москве́ оста́ся, и на ме́сте прохождения свята́го о́браза оби́тель де́в во и́мя Твое́ сооруди́ся, в не́йже под осене́нием чудотво́рныя Твоея́ ико́ны де́в ли́цы ти́хое приста́нище к чи́стому и богоуго́дному житию́ обрета́ют и воспева́ют немо́лчно пе́снь Бо́гу: Аллилу́ия.

Икос 7

Новосозда́нная оби́тель и́нокинь во гра́де Москве́ благогове́йно че́ствует свято́е подо́бие чудотво́рныя ико́ны Твоея́ Одиги́трии, пречи́стая Де́во Влады́чице, чудесы́ прославля́ющееся и ми́лости Твоя́ источа́ющее ве́рным, его́же осене́нием де́в ликостоя́ние благода́тно утеша́еши и в по́двизех поста́ и моли́твы утвержда́еши, подвиза́ющи и́х немо́лчно воспева́ти Ма́терния Твоя́ щедро́ты и благода́рно вопи́ти Тебе́:

Ра́дуйся, Бо́гом возлю́бленная Цари́це; радуйся, Бо́га возлюби́вшая Влады́чице.

Ра́дуйся, еди́на благослове́нная в жена́х; ра́дуйся, небе́сных ра́дование, земны́х заступле́ние.

Ра́дуйся, де́монов посрамле́ние, а́да попра́ние; ра́дуйся, укрепле́нная си́лою Го́спода си́л.

Ра́дуйся, облече́нная вла́стию Цари́цы не́ба и земли́; ра́дуйся, вои́нствующих на пло́ть целому́дрием блага́я помо́щнице.

Ра́дуйся, подвиза́ющихся в посте́ и безмо́лвии сла́дкая уте́шительнице; ра́дуйся и́ноком отра́до.

Ра́дуйся, Богоро́дице Одиги́трие, христиа́н упова́ние.

Кондак 8

Стра́нствие земно́е многоско́рбное и многомте́жное услажда́еши на́м Ма́терним Твои́м о на́с попече́ним, Цари́це Богоро́дице, и во дни́ ско́рбных искуше́ний по́мощь Твою́ святу́ю явля́еши на́м во спасе́ние. Па́мятуем и испове́дуем, Влады́чице, Твое́ заступле́ние, егда́ га́ллы и с ни́ми двана́десять язы́ков на страну́ Росси́йскую наидо́ша и гра́д Москву́ плени́ша: Ты́ ико́ну Твою́ святу́ю Одиги́трию от Смоле́нска в полки́ во́инства Росси́йскаго благослови́ла еси́ принести́ и к побе́де на враго́в во́и правосла́вныя прису́тствием ея́ воодушеви́ла еси́, пресла́вное одоле́ние и́м дарова́вши предста́тельством Твои́м к Сы́ну Твоему́ и Бо́гу, Ему́же пое́м: Аллилу́ия.

Икос 8

Вся́ ми́лости и щедро́т преиспо́лненная, всеблаа́я Ма́ти Бо́жия, от святы́я ико́ны Твоея́ Одиги́трии во́инству православноросси́йскому по́мощь и одоле́ние на враги́ си́льныя и бранеиску́сныя пресла́вно дарова́ла еси́, га́ллы с безче́стием от оте́чества на́шего отгна́ла еси́ и, егда́ не бе́ на́м уже́ спасе́ния наде́жды, я́ко и гра́д Москва́ плене́н и разоре́н бы́сть, побе́дою ди́вною на враги́ на́с увенча́ла еси́, да всегда́ па́мятующе таково́е Твое́ заступле́ние, хвале́бно Тебе́ вопие́м:

Ра́дуйся, изнемога́ющих си́лою свы́ше укрепля́ющая; ра́дуйся, безпомо́щным по́мощь Твою́ святу́ю подаю́щая.

Ра́дуйся, правосла́внаго во́инства держа́вная посо́бнице; ра́дуйся, инове́рных ра́тей всеси́льная победи́тельнице.

Ра́дуйся, ико́ною Твое́ю свято́ю с во́ины росси́йскими ми́лостиво пребыва́вшая; ра́дуйся, три ме́сяцы чудотво́рным о́бразом Твои́м полки́ и́х освяща́вшая.

Ра́дуйся, страну́ Росси́йскую от га́лльскаго наше́ствия преди́вно изба́вившая; ра́дуйся, го́рдых си́лою Свое́ю вспя́ть со стыдо́м возврати́вшая.

Ра́дуйся, оби́димых правосу́дная засту́пнице; ра́дуйся, ненаде́жных наде́ждо, печа́льных отра́до.

Ра́дуйся, Богоро́дице Одиги́трие, христиа́н упова́ние.

Кондак 9

Все́м ве́рным ра́достно и утеши́тельно е́сть взира́ти на ико́ну Твою́ святу́ю, Ма́ти Бо́жия, на не́йже Тя́ зри́м на Богомладе́нца Го́спода на́шего Иису́са Христа́ умиле́нно взира́ющую. Мо́лим Та́, Всеблага́я, я́ко Ма́терь вся́ содержа́щаго в десни́це Свое́й Влады́ки, воззри́ и на на́с ми́лостиво и умиле́нно, и умоли́ Его́ бла́гость поми́ловати на́с недосто́йных, научи на́с, Влады́чице, моли́тися Ему́ благоприя́тно и неосужде́нно и пе́ти Ему́ нескве́рными усты́ и чи́стым се́рдцем а́нгельскую пе́снь: Аллилу́ия.

Икос 9

Вити́йство на́ше пе́сненное не довле́ет к прославле́нию мно́гих Твои́х чуде́с, Богоро́дице Влады́чице, я́же от святы́я ико́ны Твоея́ Одиги́трии яви́ла еси́ и при́сно явля́еши ве́рным; оба́че Ты́, я́ко вои́стинну блага́я Ма́ти, ве́ру и усе́рдие на́ше вме́сто пе́сней Тебе́ досто́йных со усе́рдием приими́, ве́си бо и любо́вь к Тебе́ на́шу, е́юже сердца́ на́ша пламене́ют, и ми́лостиво услы́ши сия́ в простоте́ соста́вленныя хвалы́:

Ра́дуйся, обра́дованная Присноде́во; ра́дуйся, Неве́сто неневе́стная.

Ра́дуйся, селе́ние Бо́га Сло́ва; ра́дуйся, оби́теле Святе́йшаго святы́х.

Ра́дуйся, с Сы́ном, Царе́м небе́с, ве́чно ца́рствующая; ра́дуйся, Ма́тернее дерзнове́ние к Нему́ иму́щая.

Ра́дуйся, моли́твам ве́рных ми́лостиво вне́млющая; ра́дуйся, лю́бящим Тя́ любо́вию Твое́ю боже́ственною воздаю́щая.

Ра́дуйся, Сио́на го́рняго украше́ние; ра́дуйся, ми́ра до́льняго защище́ние.

Ра́дуйся, гра́де, спасе́ния на́шего притека́ние; ра́дуйся, горе́ свята́я, соше́ствием Бо́жиим просла́вленная.

Ра́дуйся, Богоро́дице Одиги́трие, христиа́н упова́ние.

Кондак 10

Спаси́ на́с, Влады́чице, от поги́бели ве́чныя Ма́терним предста́тельством Твои́м ко Христу́ Бо́гу и, я́коже Тя́ ны́не ви́дим на ико́не, та́ко сподо́би на́с узре́ти Тя́ в ча́с кончи́ны на́шея, заступа́ющу ду́ши на́ша и от руки́ лю́таго мироде́ржца на́с соблюда́ющую, да по́мощию Твое́ю свято́ю избе́гнем его́ сете́й и сподо́бимся Ца́рствие Небе́сное получи́ти и в ра́дости ве́чней воспева́ти человеколю́бцу Бо́гу: Аллилу́ия.

Икос 10

Стена́ еси́ де́вам, Богоро́дице Де́во, и все́м ревни́телем де́вства и чистоты́ усе́рдная помо́щница; мо́лим Тя́, Пречи́стая, очи́сти на́ша сердца́ от вся́кия скве́рны грехо́вныя и украси́ ду́ши на́ша целому́дрием и чистото́ю, да невреди́ми пребу́дем от все́х искуше́ний ми́ра, пло́ти и диа́вола и сподо́бимся досто́йно возглаша́ти Тебе́ пе́сни таковы́я:

Ра́дуйся, до́брая младопита́тельнице де́вам; ра́дуйся, благосе́рдная попечи́тельнице сиро́т.

Ра́дуйся, ти́хое прибе́жище обурева́емых страстьми́; ра́дуйся, приста́нище смуща́емых искуше́ньми.

Ра́дуйся, мздовоздая́тельнице подви́жников целому́дрия; ра́дуйся, спобо́рнице борю́щихся со враги́ неви́димыми.

Ра́дуйся, ми́лостивая посети́тельнице непови́нно в темни́цы заключе́нных; ра́дуйся, блага́я уте́шительнице напра́сно клевету́ терпя́щих.

Ра́дуйся, боже́ственная свободи́тельнице су́щих в плену́ и изгна́нии; ра́дуйся, всемо́щная покрови́тельнице тружда́ющихся и обремене́нных.

Ра́дуйся, Судии́ Пра́веднаго умоле́ние; ра́дуйся, гре́шных с Бо́гом примире́ние.

Ра́дуйся, Богоро́дице Одиги́трие, христиа́н упова́ние.

Кондак 11

Пе́ти Тебе́ немо́лчныя хвалы́ сы́тости не и́мамы, пречи́стая Ма́ти Де́во, Ты́ же, я́ко иму́щая милосе́рдие неисче́тное, насы́ти на́с пи́щею нетле́нною сло́ва Бо́жия во спасе́ние и научи́ на́с верно испо́лнити животво́рныя за́поведи Сы́на Твоего́ и Бо́га, Его́же умоли́, предста́тельнице на́ша всеблага́я, да низпо́слет ми́лость Свою́ на́м недосто́йным и сподо́бит на́с унасле́дити Его́ всесве́тлое и всеблаже́нное ца́рствие, иде́же от все́х святы́х пое́тся Ему́ хвале́бная пе́снь: Аллилу́ия.

Икос 11

Све́тлыми луча́ми чуде́с Твои́х, Богоро́дице Де́во, просвеща́еши на́с благода́тно и от святы́я ико́ны Твоея́ Одиги́трии утеше́ние духо́вное ниспосыла́еши уго́дником Сы́на Твоего́ и Бо́га, на́м же гре́шным да́ры целе́бныя подае́ши от нея́ неоску́дно, да зове́м Ти́ благода́рственно и хвале́бно:

Ра́дуйся, избра́нником Бо́жиим любо́вь Твою́ святу́ю явля́ющая; ра́дуйся, уго́дником Госпо́дним веле́ния небе́сныя открыва́ющая.

Ра́дуйся, святи́теля Христо́ва Митрофа́на Воро́нежскаго ико́ною Твое́ю облагода́тствовавшая; ра́дуйся, преподо́бнаго Се́ргия Ра́донежскаго посеще́ния Твоего́ сподо́бльшая.

Ра́дуйся, преподо́бнаго Кири́лла Белоезе́рскаго гла́сом от ико́ны Твоея́ на Белоо́зеро наста́вившая; ра́дуйся, преподо́бнаго Савва́тия Солове́цкаго в по́двизех пусты́нных укрепи́вшая.

Ра́дуйся, оби́телей Христо́вых покро́ве и снабде́ние; ра́дуйся, рабо́в Бо́жиих среди́ ми́ра та́йное вразумле́ние.

Ра́дуйся, Агнца и Па́стыря нетле́ннаго ро́ждшая; ра́дуйся, де́вство и сла́ву Ма́тере в Себе́ сочета́вшая.

Ра́дуйся, кри́не де́вства, к чи́стому и де́вственному житию́ приводя́й; ра́дуйся, цве́те нетле́ния, к жи́зни небе́сней возводя́й.

Ра́дуйся, Богоро́дице Одиги́трие, христиа́н упова́ние.

Кондак 12

Благода́ть Бо́жия де́йствует в чудесе́х пресла́вных, от святы́я ико́ны Твоея́ Одиги́трии явля́емых, пречи́стая и преблагослове́нная Богоро́дице Де́во, е́юже и на́ши ду́ши облагодати́, мра́к грехо́вный разгоня́ющи в на́с сия́нием Со́лнца пра́вды Христа́, да во све́те повеле́ний Его́ правоходя́ще, богоуго́дно житие́ сие́ вре́менное поживе́м в чистоте́ и пра́вде и сподо́бимся блаже́нство ве́чное получи́ти и со избра́нными пе́ти Ему́: Аллилу́ия.

Икос 12

Пою́ще Твоя́ чудеса́, Влады́чице, пропове́дуем ми́лости Твоя́, прославля́ем щедро́ты Твоя́ неисче́тныя и припа́даем ко святе́й и чудотво́рней ико́не Твое́й, мо́лим Ти́ ся с ве́рою и любо́вию: бу́ди на́м путеводи́тельница блага́я к све́тлому о́ному гра́ду Иерусали́му небе́сному, да у́зрим сла́ву Твою́ боже́ственную, да у́зрим пресве́тлое лице́ Твое́, ми́лостиво на на́с взира́ющее, и вку́пе со святы́ми воспое́м Ти́ си́це:

Ра́дуйся, ра́досте на́ша пресвята́я; ра́дуйся, Цари́це на́ша преблагая.

Ра́дуйся, усынови́вшая на́с при кресте́ Сы́на Твоего́ и Бо́га; ра́дуйся, Ма́тернюю любо́вь Твою́ при́сно явля́ющая.

Ра́дуйся, во благи́х жела́ния на́ша ди́вно исполня́ющая; ра́дуйся, скоропослу́шливая к смире́нным моли́твам.

Ра́дуйся, покро́вом Твои́м святы́м на́с покрывающая; ра́дуйся, ри́зою Твое́ю честно́ю благонаде́жно нас защища́ющая.

Ра́дуйся, в ча́с кончи́ны на́шея всеси́льная помо́щнице; ра́дуйся, на мыта́рствах возду́шных держа́вная на́м засту́пнице.

Ра́дуйся, теле́с на́ших безвозме́здное врачева́ние; ра́дуйся, ду́ш на́ших спасе́ние.

Ра́дуйся, Богоро́дице Одиги́трие, христиа́н упова́ние.

Кондак 13

О всепе́тая Ма́ти, о Цари́це всеми́лостивая, Де́во Богоро́дице Одиги́трие, приими́ на́ше моле́ние и принеси́ е́ Сы́ну Твоему́ и Бо́гу на́шему, ма́терне умоля́ющи Его́ бла́гость за на́с гре́шных и недосто́йных, да Твоего́ ра́ди всеси́льнаго хода́тайства изба́вит на́с муче́ния ве́чнаго и сподо́бит Ца́рствие Небе́сное получи́ти и со а́нгелы воспева́ти Ему́: Аллилу́ия.

Сей кондак читается трижды, затем 1-й икос и 1-й кондак.

Молитва

О пречу́дная и превы́сшая все́х тва́рей Цари́це Богоро́дице, Небе́снаго Царя́ Христа́ Бо́га на́шего Ма́ти, Пречи́стая Одиги́трие Мари́е! Услы́ши на́с гре́шных и недосто́йных, в ча́с се́й моля́щихся и припа́дающих к Тебе́ с воздыха́нием и слеза́ми пред пречи́стым о́бразом Твои́м и умиле́нно глаго́лющих: изведи́ на́с от ро́ва страсте́й, Одиги́трие блага́я, изба́ви на́с от вся́кия ско́рби и печа́ли, огради́ от вся́кия напа́сти и злы́х клеве́т, и от непра́веднаго и лю́таго наве́та вра́жия. Мо́жеши бо, о благода́тная Ма́ти на́ша, не то́чию от вся́каго зла́ сохрани́ти лю́ди Твоя́, но и вся́ким благодея́нием снабди́ти и спасти́. Ра́зве Тебе́ ины́я предста́тельницы в беда́х и обстоя́ниих и те́плыя хода́таицы о на́с гре́шных не и́мамы к Сы́ну Твоему́ Христу́ Бо́гу на́шему, Его́же умоли́, Влады́чице, спасти́ на́с и удосто́ити Ца́рствия Небе́снаго, да, спасе́ннии Тобо́ю, сла́вим Тя́ и в бу́дущем ве́це, я́ко вино́вницу спасе́ния на́шего, и превозно́сим свято́е великоле́пое и́мя Отца́ и Сы́на и Свята́го Ду́ха, в Тро́ице сла́вимаго и покланя́емаго Бо́га, во ве́ки веко́в. Ами́нь.

Новодевичий монастырь.

Песнь 1

Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.

Радостно, Чистая, ныне наставшее хваление приношаю, радуяся, и тихим гласом, Одигитрие, вопию Ти: радуйся и исполни мя разума, пети начинающа.

Христа родившая, радость нам вечную, о, радуйся, Всепетая, православным надежда, Одигитрие, всепетая Девице, радости исполни мя мирови желанныя.

Ликуют вси человецы и Ангели всегда, согласно вопиюще на Небеси и на земли, Одигитрие: радуйся, Девице, радости бо Рождеством Твоим всяческая исполнила еси.

Радуйся, Одигитрие, со страхом Ти вопиющих радости сподоби, Мати сущия радости, избавляющи скорбей всяческих, и всех помилуй, к Тебе прибегающих.

Песнь 3

Ирмос: Твоя песнословцы, Богородице, Живый и Независтный Источниче, лик себе совокупльшия, духовно утверди, в Божественней Твоей славе венцев славы сподоби.

Христа, Вышняго Царя, о, радуйся, непоколебимая чистая и одушевленная палато! Радуйся, Одигитрие, радуйся: Тобою нерушим наш град сохраняется.

Вместити Егоже не возможе тварь, во утробу неискусобрачную, Одигитрие Девице, телесно вместила еси, темже Ти, радуйся, поем, по долгу величающе.

Радость многопетая мирови, радостно Ти поюще присно, вечнующия, Чистая, радости сподобляемся Твоими Матерними молитвами к Рождшемуся из Тебе, Одигитрие.

Златую Тя стамну, и свещник, и жезл, и трапезу, Чистая, призываем, Одигитрие, и глас, еже радуйся, Тебе присно привношаем с сими же имены.

Седален

Моление теплое и стена необоримая, милости источниче, мирови прибежище, прилежно вопием Ти: Богородице Владычице, предвари и от бед избави нас, Едина вскоре предстательствующая.

Песнь 4

Ирмос: Седяй в Славе на Престоле Божества во облаце легце, прииде Иисус Пребожественный Нетленною Дланию и спасе зовущия: слава, Христе, силе Твоей.

Радуйся, чудо чудесем, Одигитрие Владычице. Радуйся, всем радосте градовом, и весем непобедимое христианское в бедах хранилище, и предградие, и на враги побеждение.

Радуйся, радуйся, людем православным похвало, и христолюбивым воинством покров пребываеши всем, Царице. Радуйся, Одигитрие, прибежище всем нам и утверждение.

Радуйся, всем скорое в бедах избавление. Радуйся, готовое всем скорбящим утешение. Радуйся, Всепетая, радуйся, Одигитрие всеблагословенная, всем немощным Целительнице.

Радуйся, Еяже величия вся тварь славити убо спешит по достоянию, но не возмогает, Одигитрие, и сего ради зовет Ти: радуйся, Владычице, Боговместимое жилище.

Песнь 5

Ирмос: Ужасошася всяческая о Божественней славе Твоей: Ты бо, Неискусобрачная Дево, имела еси во утробе над всеми Бога и родила еси Безлетнаго Сына, всем воспевающим Тя мир подавающая.

Благостыни бездно и щедротам еси, радуйся, Одигитрие Девице, радуйся, всем радость творящи верным. О, радуйся, сущим в бедах и скорбящим пребыстрая Заступнице.

Радуйся, от исполнения величия чудес Твоих зряще, исполняемся, вси незрящии, слышаще же, вернии. Темже, радуйся, Тебе присно всюду и вси, Одигитрие, поем.

Христа Бога нашего, о, радуйся, Одигитрие, жилище и дом неизреченныя и Пребожественныя, Дево, славы Его. О, радуйся, палато преукрашенная, радуйся, граде одушевленный, присно царствующий!

Радость неоскудную Тя разсмотряюще, яко море, Отроковице, Одигитрие Девице, радующеся вси, радуйся, вопием Ти; и поюще, Божественных даров невидимо присно от Тебе ожидающе.

Песнь 6

Ирмос: Божественное сие и всечестное совершающе празднество, Богомудрии, Богоматере, приидите, руками восплещим, от Нея рождшагося Бога славим.

Христа, Чистая, приемлющи, глас, еже радуйся, Одигитрие Девице, слышаше, Егоже неизреченно рождши, радуйся, от всех слышиши всегда.

Радости вся исполнила еси, вышния и нижния Ты совокупила еси, Одигитрие, темже радостно и согласно ныне небо и вся земля зовет Ти.

Вдовам, о, радуйся, Всепетая, и всем сирым, Одигитрие, утешение; радуйся, всем источающи нищим богатство неистощимое.

Злата всякаго блистаема и утра солнечнаго светлейши, жилище Христово, радуйся, Одигитрие, радуйся, Девице, радуйся, Невесто Неневестная.

Кондак, глас 6

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.

Икос

Простри длани Твоя, имиже всех Владыку яко Младенца прияла еси, за множество благости; не остави нас, всегда надеющихся на Тя, бодренною Твоею молитвою и неисчетною простынею ущедри нас и подаждь душам нашим милосердие Твое, во веки источающи: Тебе бо имамы, грешнии, Заступницу от находящих на ны бед и зол. Но, яко имущи милосердия щедроты, ускори на молитву и потщися на умоление, предстательствующи присно, Богородице, чтущих Тя.

Песнь 7

Ирмос: Не послужиша твари Богомудрии паче Создавшаго, но, огненное прещение мужески поправше, радовахуся, поюще: препетый отцев Господь и Бог, благословен еси.

Радуйся, радуйся, Богородице Одигитрие, всех и всегда наставляющи верных шествовати ко всякому пути спасительному; радуйся, Владычице, Тобою бо присно избавляемся настоящия варварския беды.

Радуйся, радуйся, Одигитрие, бдящи и молящися о нас к Богу, и всякия злобы ходатайством Твоим, всяческих скорбей, Богородительнице, всех людей избавляющи.

Радуйся, радуйся, Пресвятая Одигитрие, Яже прошения наша к пользе нам исполняющи и хотящи всем присно всегда любодружное благое единство, спешное же во изящных.

Радуйся, радуйся, кораблем, Одигитрие, нуждно плавающим, избавляющи верных и всем избавление от всякия скорби и недуги пестротныя и медленныя разрешающи вскоре.

Песнь 8

Ирмос: Отроки благочестивыя в пещи Рождество Богородичо спасло есть; тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.

Радуйся, Всеблагословенная Марие, из Тебе бо Всеблагословенный Бог одеяся во всего мя, человека, и, одеявся, соедини Своему Божеству неизреченным соединением, Дево Одигитрие, радуйся, Обрадованная, радосте всего мира.

Радуйся, лукавых духов Прогонительнице; радуйся, Богородице Одигитрие. Радуйся, яко Тебе Небесная невидимая воинства славословят всегда и величают яко Матерь Божию бывшую; радуйся, Яже нижняя сочтавши с Вышними.

Радуйся, всех Небесных сил без разсуждения превосходящая; радуйся, Одигитрие. Радуйся, всякия твари Бога рождшая, господствующи ей, Владычице Всепетая; радуйся, яко пребываеши Девою, Чистая, и по рождестве.

Радуйся, женам всем славо, храме преосвященный Бога нашего; радуйся, Одигитрие, радуйся, душеспасительная всей вселенней; радуйся, покрывающий облаче, небес ширшая; радуйся, мироположнице, Божественнаго мира полна.

Песнь 9

Ирмос: Всяк земнородный да взыграется, Духом просвещаемь, да торжествует же Безплотных умов естество, почитающее священное торжество Богоматере, и да вопиет: радуйся, Всеблаженная Богородице, Чистая Приснодево.

Радуйся, свеще, Свет невечерний понесшая, и в рождестве Твоем многобожия тьму разрушившая, и адовы пропасти избавльшая люди. Радуйся, Одигитрие Богородице, доброт всех Предходатаице.

Радуйся, земле, из неяже клас прозябший Небесный верным, и мира всего душегубнаго глада избави, разумная и одушевленная. О, радуйся, винограде, иже грозд животный рождшая, Богородице Чистая Одигитрие!

Радуйся, тайных цветов прекрасный сущий раю; радуйся, Мати Дево, невидимых разум чистотою страннолепно побеждши, Богородительнице. Радуйся, Отроковице, радуйся, Одигитрие, всемирное чудо и слышание.

Лето живота нашего прочее сохрани невреждено поможением Твоим, Дево Отроковице, и сподоби конец благий получити нам, воспевающим Тя и взывающим: радуйся, Всеблаженная Богородице, Чистая Одигитрие.

Светилен

Да почтится Всепетая Мати Божия, жизнь сущую рождшая, Христа Бога нашего, райских дверей отверзение, всего мира очищение, к животу возведение. Сей есть пророки глаголанный, Тому поклонимся, Богу и Спасу душ наших.

Главная –> Православные молитвы –> Молитва перед Смоленской иконой Пресвятой Богородицы, именуемой “Смоленская” (Одигитрия)

Молитва первая

О Пречудная и Превышшая всех тварей Царице Богородице, Небеснаго Царя Христа Бога нашего Мати, Пречистая Одигитрие Марие! Услыши нас грешных и недостойных в час сей молящихся и припадающих к Твоему Пречистому Образу со слезами и умиленно глаголющих: изведи нас от рова страстей, Владычице Преблагая, избави нас от всякия скорби и печали, огради от всякия напасти и злыя клеветы, и от неправеднаго и лютаго навета вражия. Можеши бо, о Благодатная Мати наша от всякаго зла сохранити люди Твоя и всяким благодеянием снабдити и спасти; разве Тебе иныя Предстательницы в бедах и обстояниях, и теплыя Ходатаицы о нас, грешных, не имамы. Умоли, Госпоже Пресвятая, Сына Твоего Христа Бога нашего, да удостоит нас Царствия Небеснаго; сего ради всегда славим Тя, яко Виновницу спасения нашего, и превозносим святое и великолепное имя Отца и Сына и Святаго Духа, в Троице славимого и поклоняемаго Бога, во веки веков. Аминь.

Молитва вторая

К кому возопию, Владычице? К кому прибегну в горести моей, аще не к Тебе, Госпоже Владычице Богородице, Царице Небесная? Кто плач мой и воздыхание мое приимет, аще не Ты, о Пренепорочная, Надеждо христиан и Прибежище грешным? Приклони, о Пречистая Владычице, ушеса Твоя к молению моему, Мати Бога моего, не призри мя, требующа Твоея помощи, услыши стенание мое и вопль сердца моего внуши, о Госпоже Богородице Царице. И подаждь ми радость душевную, подкрепи мя нетерпеливаго, унылаго и нерадиваго к Твоему хвалению. Вразуми и научи мя, како Тебе молитися подобает, и не отступи от мене, Мати Бога моего, за роптание и нетерпение мое, но буди ми покров и заступление в жизни моей и приведи мя к тихому пристанищу блаженнаго онаго покоя, и сопричти мя к лику избраннаго Твоего стада и тамо удостой мя воспевати и славити Тя во веки. Аминь.

Тропарь Пресвятой Богородице перед Ея иконой, именуемой “Смоленская” (Одигитрия)

Тропарь, глас 4

К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися, погибаем от множества прегрешений, не отврати Твоя рабы тщи, Тя бо и едину надежду имамы.

Слава, и ныне, Богородичен

Не умолчим никогда, Богородице, силы Твоя глаголати, недостойнии. Аще бо Ты не бы предстояла молящи, кто бы нас избавил от толиких вед? Кто же бы сохранил до ныне свободны? Не отступим, Владычице, от Тебе: Твоя бо рабы спасаеши присно от всяких лютых.

Кондак, глас 6

Предстательство христиан непостыдное, ходатайство ко Творцу непреложное, не презри грешных молений гласы, но предвари яко благая на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих тя.

Ин кондак, глас 6

Не имамы иныя помощи, не имамы иныя надежды, разве Тебе, Владычице: Ты нам помози, на Тебя надеемся и Тобою хвалимся: Твои бы есмы раби, да не постыдимся.

Акафист Пресвятой Богородице, перед Ея иконой, именуемой Смоленская
Икона Божьей Матери именуемой Смоленская, Одигитрия

« предыдущая молитва :: следующая молитва »

Популярные молитвы:

Все молитвы …

тропарь смоленской иконе божьей матери

В Троицком храме находится список с иконы Божией Матери «Одигитрия», или «Путеводительница», пред которой верующие испрашивают у Царицы Небесной помощи как перед далёкими путешествиями, так и на духовном пути ко спасению.

По преданию, Смоленская икона написана святым евангелистом Лукой. Существуют две версии появления этой чудотворной иконы в России. По одной из них византийский император Константин Порфирородный благословил этой иконой свою дочь царевну Анну, выдавая её замуж за черниговского князя Всеволода Ярославича. Святой образ сопровождал царевну в нелёгком пути из Царьграда в далёкую Русь, отсюда и название иконы – «Одигитрия». По другой версии икона «Одигитрия» была благословением на путь в Россию царевны Анны – будущей супруги святого равноапостольного князя Владимира.

Существует и иное объяснение наименования этого образа. Предполагается, что Смоленская икона является списком с Влахернской иконы, получившей своё название «Одигитрия» («Путеводительница») после того, как Богоматерь привела двух слепцов к Своему образу во Влахернском храме, где они исцелились. Так или иначе, но Пресвятая Богородица является для всех православных Путеводительницей к вечному спасению.

После того, как князь Владимир Всеволодович Мономах перенёс икону «Одигитрия» в Смоленск и поставил в соборном храме Успения Богородицы, икона стала называться ещё и Смоленской. Впервые Смоленская чудотворная икона Божией Матери явила заступничество жителям города Смоленска во время его осады полчищами Батыя в 1238 году. Список, сделанный с этой иконы, накануне Бородинской битвы носили по лагерю, чтобы укрепить и ободрить воинов к великому подвигу.

Празднование иконе совершается 10 августа (28 июля по старому стилю).

Молитвы пред Смоленской иконою Божией Матери,

именуемой «Одигитрия»

Тропарь, глас 4-й

К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися, погибаем от множества прегрешений, не отврати Твоя рабы тщи, Тя бо и едину надежду имамы.

Кондак, глас 6-й

Не имамы иныя помощи, не имамы иныя надежды, разве Тебе, Владычице, Ты нам помози, на Тебе надеемся и Тобою хвалимся: Твои бо есмы раби, да не постыдимся.

Величание

Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.

Молитва

О, Пречудная и Превышшая всех тварей Царице Богородице, Небеснаго Царя Христа Бога нашего Мати, Пресвятая Одигитрие Марие!

Услыши ны грешныя и недостойныя, в час сей молящияся и к Тебе со воздыханием и слезами пред Пречистым образом Твоим припадающия, и сице умильно глаголющия: изведи нас от рова страстей, Одигитрие благая, избави нас от всякия скорби и печали, огради от всякия напасти и злых клевет и от неправеднаго навета вражия: можеши бо, о Благодатная Мати наша, не точию от всякаго зла сохранити люди Твоя, но и всяким благодеянием снабдити и спасти.

Разве бо Тебе иныя предстательницы в бедах и обстояниях и теплыя ходатаицы о нас грешных к Сыну Твоему, Христу Богу нашему, не имамы. Его же умоли, Владычице, спасти нас и Царствия Небеснаго сподобити, да спасеннии Тобою славим Тя и в будущем веце, якоже спасения нашего виновницу, и превозносим Всесвятое и Великолепое имя Отца и Сына и Святаго Духа, в Троице славимаго и покланяемаго Бога, во веки веков. Аминь.

Полное собрание и описание: молитва богородице смоленской иконе божьей матери для духовной жизни верующего человека.

Молитва перед Смоленской иконой Пресвятой Богородицы, именуемой “Смоленская” (Одигитрия).

О Пречудная и Превышшая всех тварей Царице Богородице, Небеснаго Царя Христа Бога нашего Мати, Пречистая Одигитрие Марие! Услыши нас грешных и недостойных в час сей молящихся и припадающих к Твоему Пречистому Образу со слезами и умиленно глаголющих: изведи нас от рова страстей, Владычице Преблагая, избави нас от всякия скорби и печали, огради от всякия напасти и злыя клеветы, и от неправеднаго и лютаго навета вражия. Можеши бо, о Благодатная Мати наша от всякаго зла сохранити люди Твоя и всяким благодеянием снабдити и спасти; разве Тебе иныя Предстательницы в бедах и обстояниях, и теплыя Ходатаицы о нас, грешных, не имамы. Умоли, Госпоже Пресвятая, Сына Твоего Христа Бога нашего, да удостоит нас Царствия Небеснаго; сего ради всегда славим Тя, яко Виновницу спасения нашего, и превозносим святое и великолепное имя Отца и Сына и Святаго Духа, в Троице славимого и поклоняемаго Бога, во веки веков. Аминь.

К кому возопию, Владычице? К кому прибегну в горести моей, аще не к Тебе, Госпоже Владычице Богородице, Царице Небесная? Кто плач мой и воздыхание мое приимет, аще не Ты, о Пренепорочная, Надеждо христиан и Прибежище грешным? Приклони, о Пречистая Владычице, ушеса Твоя к молению моему, Мати Бога моего, не призри мя, требующа Твоея помощи, услыши стенание мое и вопль сердца моего внуши, о Госпоже Богородице Царице. И подаждь ми радость душевную, подкрепи мя нетерпеливаго, унылаго и нерадиваго к Твоему хвалению. Вразуми и научи мя, како Тебе молитися подобает, и не отступи от мене, Мати Бога моего, за роптание и нетерпение мое, но буди ми покров и заступление в жизни моей и приведи мя к тихому пристанищу блаженнаго онаго покоя, и сопричти мя к лику избраннаго Твоего стада и тамо удостой мя воспевати и славити Тя во веки. Аминь.

Тропарь Пресвятой Богородице перед Ея иконой, именуемой “Смоленская” (Одигитрия)

К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися, погибаем от множества прегрешений, не отврати Твоя рабы тщи, Тя бо и едину надежду имамы.

Не умолчим никогда, Богородице, силы Твоя глаголати, недостойнии. Аще бо Ты не бы предстояла молящи, кто бы нас избавил от толиких вед? Кто же бы сохранил до ныне свободны? Не отступим, Владычице, от Тебе: Твоя бо рабы спасаеши присно от всяких лютых.

Предстательство христиан непостыдное, ходатайство ко Творцу непреложное, не презри грешных молений гласы, но предвари яко благая на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих тя.

Не имамы иныя помощи, не имамы иныя надежды, разве Тебе, Владычице: Ты нам помози, на Тебя надеемся и Тобою хвалимся: Твои бы есмы раби, да не постыдимся.

Акафист Пресвятой Богородице, перед Ея иконой, именуемой Смоленская

Икона Божьей Матери именуемой Смоленская, Одигитрия

Популярные молитвы:

Молитва Святому великомученику Артемию

Молитвы святителю Дмитрию Ростовскому

Молитва преподобному Александру, игумену Свирскому

Молитва мученику младенцу Иоанну Киевопечерскому

Молитвы Иоанну Кронштадтскому святому праведному

Молитва святому мученику Трифону

Молитва преподобному Дамиану, пресвитеру Печерскому, целебнику

Молитва святому апостолу Симону Зилоту

Молитва преподобному Афанасию Афонскому

Молитвы святителю Тихону, епископу Воронежскому, чудотворцу Задонскому

Молитва мученице Фомаиде Египетской

Молитвы Святому Архангелу Михаилу

Молитва святому Апостолу и Евангелисту Луке

Молитвы Пресвятой Богородице Державная

Православные информеры для сайтов и блогов

Все молитвы .

Православные иконы и молитвы

Информационный сайт про иконы, молитвы, православные традиции.

Смоленская икона в чем помогает и молитвы

«Спаси, Господи!». Спасибо, что посетили наш сайт, перед тем как начать изучать информацию, просим подписаться Вас на нашу группу Вконтакте Молитвы на каждый день. Так же посетите нашу страничку в Одноклассниках и подписывайтесь на ее Молитвы на каждый день Одноклассники. «Храни Вас Господь!».

Смоленская икона Божией Матери относится к древнейшим иконам. В предании сказано, что этот образ был написан Евангелистом Лукой еще во время земной жизни Пресвятой Богородицы. В середине XI века это божественное изображение попало на земли Руси. Считается, что это мог быть свадебный подарок на свадьбу дочери византийского императора Константина IX с черниговским князем Всеволодом Ярославичем.

Перед своей кончиной он завещал этот образ своему сыну — Владимиру Мономаху. Именно благодаря ему этот лик был перемещен в соборный храм Успения Пресвятой Богородицы, в Смоленск в 911 году. Это место вскоре и стало ее основной обителью. С тех пор образ и получил своё имя – Смоленская икона Божьей Матери «Одигитрия».

Значение Смоленской иконы Богородицы

Это божественное изображение бывало во многих странах: несколько десятилетий она пребывала в Москве в Новодевичьем монастыре. Затем, пока в Смоленске были поляки, она пребывала в Ярославле. И только в 1655 году она смогла вернуться назад в Смоленск.

Это божественное изображение почитается еще с начала XII века. В переводе с греческого языка она означает «Путеводительница». Это название было дано ей не случайно. Большое количество очень важных событий в стране благополучно закончились благодаря искренним молитвам православных христиан перед этим ликом.

Она все время ведет страну, ограждая ее от страшных эпидемий, защищая от кровопролитных войн и земли от завоеваний.

Православные христиане верят в то, что образ Смоленской Богородицы принесет гармонию и мир в тот дом, в котором его бережно хранят и чтут. Смоленская икона помогает утихомирить неприязнь враждующих сторон, а также решить семейные конфликты.

Есть несколько вариантов появления названия этого божественного изображения. Но все православные христиане знают, что она является направляющей к спасению человечества. Он всегда помогает тем, кто молится к ней с чистым сердцем и исцеляет от тяжелых заболеваний, помогает найти мир в семейных делах, разрешить сложные ситуации и является нашей первой заступницей перед Господом Богом.

Если в какой-либо ситуации Вы не знаете, как поступить, то помолитесь этому божественному изображению и она поможет Вам принять правильное решение.

Дни почитания святого образа Богородицы

Это происходит трижды в год:

  1. 10 августа (28 июля по старому стилю). Она была обозначена в 1525 году. Именно в этот день лик был перенесен из Московского Кремля в Новодевичий монастырь. Эта обитель была основана Василием III, в благодарность Богородице за чудесное избавление города от литовских захватчиков.
  2. 18 ноября (5 ноября по старому стилю), была назначена на честь победы над Наполеоном в 1812 году.
  3. 7 декабря (24 ноября по старому стилю). Этот день отметили на честь победы татаро-монгол жителями Смоленска.

В любой эпидемии, войне и прочих проблемах люди постоянно будут обращаться к этому священному лику за заступничеством, помощью и пособничеством в благих делах. И будут уверены, что их молитвы будут услышаны и исполнены.

Где можно увидеть чудотворную икону Смоленскую?

Основным местом ее хранения является Смоленская обитель Пресвятой Богородицы. Но так как многие желали приклонится пред нею, то было сделано списки этого лика. Многие из них были отмечены своими чудодеяниями, и отыграли очень важную роль в жизни целых городов. Каждая из них уже получила свое название, а молитвы, которые направляютс к ней помогают в заступничестве перед Матерью Божией.

В чем помогает Смоленская икона Божией Матери

Этот лик почитается у христиан православного обряда как символ мира и здравия. В разное время перед ней молились о:

  • защите родной земли от воен.
  • здравии тех, кто на фронте.
  • том, чтобы уберечь от болезней и страшных эпидемий.
  • Чтится она и среди семейных людей, так как семью и ассоциируют с малой родиной. Ей также необходимо святое покровительство.
  • Обращаются к ней с мольбами за тех, кто покинул отчий дом и находятся в деловой поездке или в путешествии. И сами путешественники просят ее о защите и покровительстве на чужих землях.

Икона Смоленская помогает защитить и родной дом от вторжения нежданных гостей.

Молитва Смоленской Божьей Матери

«О Пречудная и Превышшая всех тварей Царице Богородице, Небеснаго Царя Христа Бога нашего Мати, Пречистая Одигитрие Марие! Услыши нас грешных и недостойных в час сей молящихся и припадающих к Твоему Пречистому Образу со слезами и умиленно глаголющих: изведи нас от рова страстей, Владычице Преблагая, избави нас от всякия скорби и печали, огради от всякия напасти и злыя клеветы, и от неправеднаго и лютаго навета вражия. Можеши бо, о Благодатная Мати наша от всякаго зла сохранити люди Твоя и всяким благодеянием снабдити и спасти; разве Тебе иныя Предстательницы в бедах и обстояниях, и теплыя Ходатаицы о нас, грешных, не имамы. Умоли, Госпоже Пресвятая, Сына Твоего Христа Бога нашего, да удостоит нас Царствия Небеснаго; сего ради всегда славим Тя, яко Виновницу спасения нашего, и превозносим святое и великолепное имя Отца и Сына и Святаго Духа, в Троице славимого и поклоняемаго Бога, во веки веков. Аминь».

Храни Вас Господь!

Смотрите так же и видео об этой чудотворной иконе:

Молитва богородице смоленской иконе божьей матери

10 августа (28 июля по старому стилю)

Описание иконы Божьей Матери СМОЛЕНСКАЯ:

По преданию, Смоленская икона написана святым евангелистом Лукой. Существуют две версии появления этой чудотворной иконы в России. По одной из них византийский император Константин Порфирородный благословил этой иконой свою дочь царевну Анну, выдавая её замуж за черниговского князя Всеволода Ярославича. Святой образ сопровождал царевну в нелёгком пути из Царьграда в далёкую Русь, отсюда и название иконы – «ОДИГИТРИЯ», то есть «Путеводительница».

По другой версии икона «Одигитрия» была благословением на путь в Россию царевны Анны – будущей супруги святого равноапостольного князя Владимира.

Помимо вышеприведенного объяснения происхождения наименования иконы существует и иное. Предполагается, что Смоленская икона является списком с ВЛАХЕРНСКОЙ иконы, получившей своё название «Одигитрия» («Путеводительница») после того, как Богоматерь привела двух слепцов к Своему образу во Влахернском храме, где они исцелились. Так или иначе, но Пресвятая Богородица является для всех православных Путеводительницей к вечному спасению.

После того, как князь Владимир Всеволодович Мономах перенёс икону «Одигитрия» в Смоленск и поставил в соборном храме Успения Богородицы, икона стала называться ещё и Смоленской. Впервые Смоленская чудотворная икона Божией Матери Сявила заступничество жителям города Смоленска во время его осады полчищами Батыя в 1238 году.

В ХIV веке Смоленск находился во владении Литовских князей. Дочь князя Витовта София была выдана замуж за великого князя Московского Василия Димитриевича (1398-1425 г.г.) В 1398 году она привезла с собой в Москву Смоленскую икону Божией Матери. Святой образ установили в Благовещенском соборе Кремля, по правую сторону от царских врат. В 1456 году, по просьбе жителей Смоленска во главе с епископом Мисаилом, икона была торжественно с крестным ходом возвращена в Смоленск, а в Москве остались два её списка (копии). Один был поставлен в Благовещенском соборе, другой – в 1524 году в Новодевичьем монастыре, основанном в память возвращения Смоленска России. Через год, в 1525 году, в память возвращения Смоленска было установлено 28 июля празднование в честь Смоленского чудотворного образа.

В 1602 году со Смоленской чудотворной иконы Богородицы был написан точный список, который поместили в башне Смоленской крепостной стены, над Днепровскими воротами, под специально устроенным шатром. Новый список воспринял благодатную силу древнего образа, и, когда русские войска 5 августа 1812 года оставляли Смоленск, икону взяли с собой для охранения от неприятеля. Накануне Бородинской битвы этот образ носили по лагерю, чтобы укрепить и ободрить воинов к великому подвигу. Древний образ Смоленской «Одигитрия» в день Бородинской битвы вместе с Иверской и Владимирской иконами Божией Матери обносили вокруг Белого города, Китай-города и кремлёвских стен, а затем отправили к больным и раненым в Лефортовский дворец. Перед оставлением Москвы икона была взята в Ярославль. После победы над французами икона Одигитрии вместе с прославленным списком была возвращена в Смоленск, где пребывала в Успенском соборе до 1941 года. Дальнейшая судьба древнего образа неизвестна.

Икона Божьей Матери Смоленская «Одигитрия» – одна из наиболее почитаемых икон этого типа на Руси. Только чудотворных, особо чтимых списков с неё насчитывается более тридцати. Иконографический образ Смоленской иконы очень схож с ИВЕРСКОЙ иконой Божией Матери, но отличается строгостью расположения фигур и выражения лиц Богородицы и Богомладенца. На Смоленской иконе Богородица смотрит прямо, нет характерного для Иверской иконы поворота головы Божией Матери в сторону Богомладенца.

Молитвы к Пресвятой Богородице перед Ея иконой, именуемой «Смоленская»

Молитва первая перед иконой «Смоленская»

О Пречудная н Превышшая всех тварей Царице Богородице, Небеснаго Царя Христа Бога на­шего Мати, Пречистая Одигитрие Марие! Услыши нас греш­ных и недостойных в час сей молящихся и припадающих к Твоему Пречистому Образу со слезами и умиленно глаголю­щих: изведи нас от рова страстей, Владычице Преблагая, изба-ви нас от всякия скорби и печа­ли, огради от всякия напасти и злыя клеветы, и от неправеднаго и лютаго навета вражия. Можеши бо, о Благодатная Мати наша от всякаго зла сохранити люди Твоя и всяким благодея­нием снабдити и спасти; разве Тебе иныя Предстательницы в бедах и обстояниях, и теплыя Ходатаицы о нас, грешных, не имамы. Умоли, Госпоже Пресвятая, Сына Твоего Христа Бога нашего, да удостоит нас Царст­вия Небеснаго; сего ради всегда славим Тя, яко Виновницу спасе­ния нашего, и превозносим святое и великолепное имя Отца и Сына и Святаго Духа, в Троице славимого и поклоняемаго Бога, во веки веков. Аминь.

Молитва вторая перед иконой «Смоленская»

К кому возопию, Владычице? К кому прибегну в горести моей, аще не к Тебе, Госпоже Владычице Богородице, Царице Небесная? Кто плач мой и воздыхание мое приимет, аще не Ты, о Пренепорочная, Надеждо христиан и Прибежище грешным? При­клони, о Пречистая Владычице, ушеса Твоя к молению моему, Мати Бога моего, не призри мя, требующа Твоея помощи, услыши стенание мое и вопль сердца моего внуши, о Гос­поже Богородице Царице. И подаждь ми радость душевную, подкрепи мя нетерпеливаго, унылаго и нерадиваго к Твоему хвалению. Вразуми и научи мя, како Тебе молитися подобает, и не отступи от мене, Мати Бога мо­его, за роптание и нетерпение мое, но буди ми покров и заступление в жизни моей и приведи мя к тихому пристанищу блаженнаго онаго покоя, и со­причти мя к лику избраннаго Твоего стада и тамо удостой мя воспевати и славити Тя во веки. Аминь.

Тропарь Пресвятой Богородице перед Ея иконой, именуемой «Одигитрия»

Тропарь, глас 4

К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися, погибаем от множества прегрешений, не отврати Твоя рабы тщи, Тя бо и едину надежду имамы.

Слава, и ныне, Богородичен

Не умолчим никогда, Богородице, силы Твоя глаголати, недостойнии. Аще бо Ты не бы предстояла молящи, кто бы нас избавил от толиких вед? Кто же бы сохранил до ныне свободны? Не отступим, Владычице, от Тебе: Твоя бо рабы спасаеши присно от всяких лютых.

Кондак, глас 6

Предстательство христиан непостыдное, ходатайство ко Творцу непреложное, не презри грешных молений гласы, но предвари яко благая на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих тя.

Ин кондак, глас 6

Не имамы иныя помощи, не имамы иныя надежды, разве Тебе, Владычице: Ты нам помози, на Тебя надеемся и Тобою хвалимся: Твои бы есмы раби, да не постыдимся.

Акафист Пресвятой Богородице перед Ея иконой, именуемой «Смоленская»

Избранней от всех родов, Небеси и земли Царице, Пресвятей Богородице Одигитрии, яко избавльтеся от вечныя смерти благодатию от Тебе рождшагося Христа Бога нашего и Твоим Матерним пред Ним ходатайст­вом, благодарственное пение при­носим Ти, раби твои. Ты же, Всемилостивая наша Заступнице, от всяких нас бед и скорбных обстояний свобождай и к царст­вию горнему путеводствуй, да зовем Ти: Радуйся, Богородице Одигитрие, христиан упование!

Архангельский глас вопием Ти, Чистая: радуйся, Благодатная Одигитрие Марие, и радости духовныя исполни нас, да благого­вейною душею и чистым серд­цем принесем Ти, рождшей миру Спасителя Христа Бога нашего, глаголы сия: Радуйся, Бога Отца благоволе­нием осененная; Радуйся, Бога Сына Мати неискусобрачная. Радуйся, Бога Духа Святаго обитель священная; Радуйся, Троическия тайны проявление. Радуйся, Ангельских умов удив­ление; Радуйся, человеческаго рода ук­рашение. Радуйся, горняя с дольними совокупившая; Радуйся, врата райския зем­нородным отверзшая. Радуйся, лествице небесная; Радуйся, стамно Богоприимная. Радуйся, Купино неопалимая; Радуйся, трапезо Пресвятая. Радуйся, Богородице Одигитрие, христиан упование!

Видев икону Пресвятаго Твое­го лика, Богородице Дево, юже всехвальный евангелист Лука написа, рекла еси о ней пречисты­ми усты Твоими: «С сею иконою благодать Моя и сила». Таковое обетование Твое уведевше, благо­говейно почитаем Пресвятый об­раз Твой, Владычице, и воспева­ем Сыну Твоему и Богу: Аллилуиа.

Уразумев благоволение Твое, Богородице, к сей иконе Твоей, славный Апостол Лука дарова ю в благословение и освящение Христовой Церкви Антиохийстей, в ней же Путеводительницей она наименовася и чудесы божественными прославися. О сем благодаряще Тя, Госпоже Всеблагая, яко подобие Пречистого лика Твоего во утешение нам оставила еси, усердно Тебе вопием: Радуйся, Царице горних и дольних; Радуйся, Владычице ангелов и человеков. Радуйся, мира умирение; Радуйся, древния вражды раз­рушение. Радуйся, девства столпе; Радуйся, смирения глубино. Радуйся, облаченная в солнце; Радуйся, сияющая Божествен­ною славою. Радуйся, Мати Света Невечерняго; Радуйся, раю сладости небесныя. Радуйся, вертограде Христов благоуханный; Радуйся, одре Царя Великаго. Радуйся, Богородице Одигитрие, христиан упование!

Силою Божиею чудеса пре­дивныя совершахуся от иконы Твоея, Богомати Владычице, егда принесена она бысть в Царьград и в преславнем Влахернстем хра­ме поставлена; слепыя просвещаше, всяк недуг в людех врачеваше благодатию Твоею, Богороди­це, да вси зовем прославльшему Тя Богу: Аллилуиа.

Имеяше Тя Царьград Заступницу державную, Богородице Дево, и во дни нападения на него врагов сильных и бранеискусных, помощь Твою чудесную от святыя иконы Твоея Одигитрии получавше многочудесно. Темже молимся Тебе, Всеблагая, якоже древле град оный многажды от погибели спасла еси, тако и нас смиренных спаси от погибели вечныя Матерним предстательством Твоим ко Христу Богу, да благодарно зовем Ти: Радуйся, Царьграда крепкое ограждение; Радуйся, Влахернскаго храма благодатное сокровище. Радуйся, нечистивых ратей одоление; Радуйся, врагов Православия посрамления. Радуйся, чад Христовых Пред­водительнице к победам; Радуйся, Помощнице скорая в бедах к Тебе притекающих. Радуйся, Заступнице усердная молитвенно Тя призывающих; Радуйся, богомудрых святителей споспешнице во благовестии Христовом. Радуйся, похвале жен и дев слава; Радуйся, столпе огненный, зной страстей умеряющий. Радуйся, столпе облачный, мрак грехов разгоняющий. Радуйся, Богородице Одигитрие, христиан упование!

Бурею морскою корабли прегордаго Кагана, град Твой пленити восхотевшаго, сокрушила еси, Владычице, и победу над ним людем христоименитым даровала еси от святыя иконы Твоея Одигитрии, лучи света небеснаго ис­пуская и вои православныя ими просвещая, да вси увидят, яко Ты еси воистину Воеводо де­ржавная Царьграда и прославят милости Твоя и чудеса, воспевая Спасителю Богу: Аллилуиа.

Слышавше о чудесех Твоих преславных, Богородице Дево, яже от иконы Твоея явила еси в Царьграде, недоумеем, како ико­на та, носимая по стогнам града, силою Божественною носившими ю управляше и стопы их по воле Твоей направляше; направи убо Владычице, и наша стопы на путь исполнения заповедей Хри­стовых, и научи нас верно исполняти святую волю Сына Твоего и Бога, да Тебе вопием сице: Радуйся, свеще неугасимая; Радуйся, звездо незаходимая. Радуйся, сияющая светом Бо­жественным; Радуйся, просвещающая благодатию души верных. Радуйся, мира Христова благо­ухание; Радуйся, земли освящение. Радуйся, чаше, черплющая ра­дость всему миру; Радуйся, источниче, изливаю­щий вечную сладость. Радуйся, чертоже благоукрашенный Царя Царей; Радуйся, рая краснейшая. Радуйся, утра светлейшая. Радуйся, Богородице Одигитрие, христиан упование!

Яко Боготечная звезда, икона Твоя, Богомати Владычице, бла­говолением Твоим от Царьграда в страну Российскою принесеся, и граду Смоленску в наследие благодатное даровася, темже благодарим Тя, о Госпоже Всемилостивая, яко таковой дар святый Отечеству нашему даровала еси, и поем в Троице славимому Богу: Аллилуиа.

Видевше преславное заступление Твое града Смоленска, Пречистая Владычице, прославляем великую Твою милость, еюже град сей от разорения Батыева чудесно спасла еси, гласом Божественным от иконы Твоея исшедшим, угодника Христова Мер­курия на единоборство с предводителем рати Батыевой послав; егоже он мечем своим порази и град Твой от запаления огненнаго избави. Самого же его венцем мученическим увенчала еси, того молитвами небесными сподоби нас на земли неосужденно взывати к Тебе: Радуйся, мученика Христова Меркурия на подвиг ратный ук­репившая; Радуйся, гласом от иконы Твоея святыя его воодушевившая. Радуйся, яко Давида на Го­лиафа победою его увенчавшая; Радуйся, града Смоленска креп­кое защищение. Радуйся, град Твой от разоре­ния избавившая; Радуйся, Избавительнице от плена и поражения. Радуйся, страны Российския благодатное утешение; Радуйся, Церкви Христовой Боголепное украшение. Радуйся, любящих Тя присное радование; Радуйся, Утолительнице печалей. Радуйся, болящих исцеление; Радуйся, унывающих ободре­ние. Радуйся, Богородице Одигитрие, христиан упование!

Проповедует страна Российс­кая милости и чудеса Твоя, Пре­чистая Дево, Богородице, и град Смоленск светло красуется, имея чудотворную икону Твою, всякия болезни исцеляющую и недужным здравие подающую. Сего ради со благоговением почитаем многоцелебный образ Твой, Госпоже Всеблагая, и поклоняющеся ему, яко залогу Твоего к нам благоволения, вопием Богу: Аллилуиа.

Воссияла еси в стране Российстей лучами Божественных чудес от святыя иконы Твоея исходя­щими, Пречистая Владычице, к нейже от лет древних отцы наши прихождаше в скорбех и болезнех и нетщи отхождаше. Им же вслед и мы к Тебе приходяще и с любовию благо­говейно лобызая образ Твой чу­дотворный, молимся Тебе: утоли печали наша, уврачуй недуги на­ша, да зовем Ти: Радуйся, жезле старости; Радуйся, вдовиц Заступление. Радуйся, сирот призрение; Радуйся, младенцев воспита­ние. Радуйся, нищих снабдение; Радуйся, пленных свобождение. Радуйся, скорбящих утешение; Радуйся, столпе и утверждение девства. Радуйся, иноков Покровительнице; Радуйся, инокинь Наставнице. Радуйся, постников укрепление.­ Радуйся, подвижников вразумление. Радуйся, Богородице Одигитрие, христиан упование!

Хотя даровати граду Москве причастие благодати от святыя иконы Твоея, Владычице Всемилостивая, благоволила еси при­нести икону Твою от Смоленска в Москву, да тамо пребывая, чудесы многими прославится. Егда же по умолению жителей Смоленска, возращашеся образ Твой святый в град их, на месте прохождения иконы Твоея Одигитрии, обитель дев во имя Твое сооружена бысть; в нейже, под осенением чудотворныя иконы Твоея с верою и любовию воспе­ваем немолчную песнь Богу: Аллилуиа.

Новосозданная обитель ино­кинь во граде Москве благо­говейно чествует святое подобие чудотворныя иконы Твоея Одигитрии, милости неизреченныя источающее верным, ея же осенением люди православныя бла­годарно угешаеши и в подвигах поста и молитвы утверждаеши, подвизая их немолчно воспевати Матерния Твоя щедроты и бла­годарно взывати Тебе: Радуйся, Богом возлюбленная Царице; Радуйся, Бога возлюбившая Владычице. Радуйся, едина благословенная в женах; Радуйся, небесных радование. Радуйся, земных Заступление; Радуйся, демонов посрамление. Радуйся, ада попрание; Радуйся, укрепленная силою Господа Сил. Радуйся, облеченная властию Царицы Неба и земли; Радуйся, воинствующих на плоть целомудрием благая По­мощнице. Радуйся, подвизающихся в пос­те и безмолвии милостивая Уте­шительнице. Радуйся, Богородице Одигитрие, христиан упование!

Странствие земное многоскорбное и многомятежное услаждаеши нам Матерним Твоим о нас попечением, Богородице, и во дни скорбных обстояний помощь святую являеши нам во спасение. Памятуем и исповедуем, Влады­чице, Твое заступление, егда гал­лы страну Российскую разориша и град Москву плениша, Ты икону Свою святую Одигитрию от Смоленска в полцы воинства Российскаго благоволила еси принести и тем вои православныя воодушевила еси, славную победа им дарова, предстательством Твоим к Сыну Твоему и Богу. Ему же поем: Аллилуиа.

Вся милости и щедрот преис­полненная, Всеблагая Мати Божия, воинству православнороссийскому помощь и одоление на враги преславно даровала еси. Галлы с бесчестием от Отечества нашего отгнала еси, и егда не бе нам уже спасения надежды, яко и наш град пленен и разорен бысть; победою дивною нас увен­чала еси. Всегда памятуя таковое Твое заступление, хвалебно Тебе вопием: Радуйся, страну нашу Россий­скую от нашествия иноплемен­ных предивно избавившая; Радуйся, гордых силою Своею со стыдом вспять возвратившая. Радуйся, иноверных ратей Все­сильная Победительнице; Радуйся, православного воинства Державная Пособнице. Радуйся, иконою Твоею святою с воинами Российскими милостивно пребывавшая; Радуйся, чудотворным образом Твоим полки их освящавшая. Радуйся, изнемогающих силою свыше укрепляющая; Радуйся, беспомощным помощь Твою святую подающая. Радуйся, обидимых правосуд­ная Заступнице; Радуйся, ненадежных Надеждо. Радуйся, печальных отрадо; Радуйся, Богородице Одигитрие, христиан упование!

Вси верныя с радостию и утешением видят образ Твой святый, на нем же умиленно взираеши на Богомладенца Христа, сего ради молим Тя, Всеблагая, яко Матерь вся содержащаго в деснице Своей Владыки: воззри и на нас скоромилостиво, и умоли Господа, да помилует нас недостойных. Научи нас, Влады­чице, молитися Ему благоприят­но, и неосужденно пети Ему нескверными усты и чистым сер­дцем Ангельскую песнь: Аллилуиа.

Витийство наше песенное не довлеет к прославлению многих Твоих чудес, Богородице Одигитрие, ихже от святыя иконы Твоея явила еси и присно являеши верным: обаче Ты, яко во­истину Благая Мати, веру и усер­дие наше приими; веси бо и любовь к Тебе нашу, еюже серд­ца наша пламенеют, и милостиво услыши сия в простоте состав­ленныя похвалы: Радуйся, обрадованная Приснодево; Радуйся, Невесто Неневестная. Радуйся, селение Бога Слова; Радуйся, обитель Святейшаго Святых. Радуйся, с Сыном Царем не­бес вечно царствующая; Радуйся, Матернее дерзнове­ние к Нему имеющая. Радуйся, молитвам верных милостиво внемлющая; Радуйся, любящим Тя, любовию Твоею Божественною воз­дающая. Радуйся, Сиона горняго укра­шение; Радуйся, мира дольняго защищение. Радуйся, граде спасения наше­го притекания; Радуйся, горо святая, сошест­вием Божиим прославленная. Радуйся, Богородице Одигитрие, христиан упование!

Спаси нас, Владычице, от по­гибели вечныя Матерним пред-стательством Твоим ко Христу Богу, и сподоби нас узрети Тя в час кончины нашея, от руки лютаго миродержителя душу нашу соблюдающую: да помощию Твоею Святою избегнем его сетей и сподобимся Царствие Не­бесное получити и в радости вечней воспевати Человеколюбцу Богу: Аллилуиа.

Стена еси девам, Богородице Дево, и всем ревнителем девства и чистоты усердная Помощнице. Молим Тя, Пречистая, очисти наша сердца от всякия скверны греховныя, и украси души наша целомудрием и чистотою; да не­вредимы пребудем от всех иску­шений мира, плоти и диавола, и сподобимся достойно возглашати Тебе песни таковая: Радуйся, добрая Младопитательнице девам; Радуйся, благосердая Попечительнице сирот. Радуйся, тихое прибежище обу­реваемых страстями; Радуйся, надежное пристанище смущаемых искушениями. Радуйся, Мздовоздаятельнице подвижников целомуд-рия; Радуйся, Споборнице борющих­ся со враги невидимыми. Радуйся, милостивая Посетительнице неповинно осужденных; Радуйся, благая Утешительни­це напрасно оклеветанных. Радуйся, Божественная Свободительнице сущих в плену и изгнании; Радуйся, всемощная Покровительнице труждающихся и обре­мененных. Радуйся, Судии Праведнаго умоление; Радуйся, грешных с Богом при­мирение. Радуйся, Богородице Одигитрие, христиан упование!

Пение всеумиленное слышаще от верных рабов Твоих возно­симое, Ты, Пречистая Мати Де­во, яко имущая милосердие неизреченное, насыти нас пищею нетленною Слова Божия и научи нас всегда исполняти животвор­ныя заповеди Господа нашего; Его же умоли, Предстательнице наша Всеблагая, да ниспослет милость Свою нам недостойным и сподобит нас унаследовати Его всесветлое и всеблаженное Царствие, идеже от всех святых поется Ему хвалебная песнь: Аллилуиа.

Светлыми лучами чудес Твоих, Богородице Дево, просвещаеши нас благодатно, и от святыя ико­ны Твоея Одигитрии утешение духовное ниспосылаеши угодни­кам Божиим. Нам же, грешным, дары целебныя подаеши от Нея неоскудно, да зовем Ти благодарственно и хвалебно: Радуйся, Агнца и Пастыря Нетленнаго рождшая; Радуйся, девство и славу Ма­тери в Себе сочетавшая. Радуйся, крине девства, к чис­тому и девственному житию при­водящая; Радуйся, избранникам Божиим любовь Твою святую являющая. Радуйся, угодникам Господним веления Небесныя открывающая; Радуйся, преподобнаго Сергия Радонежскаго посещением Твоим сподобившая. Радуйся, преподобнаго Кирил­ла Белоезерскаго гласом от ико­ны Твоея на Белоозеро наставив­шая; Радуйся, преподобнаго Савватия Соловецкаго в подвигах пустынных укрепившая. Радуйся, святителя Митрофана Воронежскаго иконою Твоею облагодатствовавшая. Радуйся, обителей Христовых покров и снабдение; Радуйся, рабов Божиих среди мира, тайное вразумление. Радуйся, Богородице Одигитрие, христиан упование!

Благодать Божия действует в чудесех, преславно являемых от святаго образа Твоего, Преблагословенная Богородице Дево, ею же и наши души просвети, мрак греховный разгоняя сияни­ем Солнца Правды Христа, да во свете повелений Его, богоугодно житие сие временное поживем во всяком благочестии и чистоте и сподобимся блаженство вечное получити и со избранными пети Богу: Аллилуиа.

Поюще Твоя чудеса, Богоро­дице, проповедуем милости Твоя, прославляем щедроты Твоя неиссчетныя и, припадая к чудотворней иконе Твоей, молим Ти ся с верою и любовию: буди нам Путеводительница Благая к свет­лому граду Иерусалиму Небесно­му, да узрим Тя с высоты славы Твоея Божественныя на нас милостивно взирающую и вкупе со святыми воспоем Ти сице: Радуйся, радосте наша Пресвятая; Радуйся, Царице наша Пре­благая. Радуйся, усыновившая нас при кресте Сына Твоего и Бога; Радуйся, Матернюю любовь к нам являющая. Радуйся, во благих желания наши дивно исполняющая; Радуйся, скоропослушливая к смиренным молитвам. Радуйся, покровом Твоим святым нас покрывающая; Радуйся, ризою Твоею честною благонадежно нас защищаю­щая. Радуйся, в час кончины нашея Всесильная нам Помощнице; Радуйся, в мытарствах воздуш­ных державная нам Заступнице. Радуйся, телес наших безвоз­мездное врачевание; Радуйся, душ наших спасение. Радуйся, Богородице Одигитрие, христиан упование!

О Всепетая Мати, Царице Все­милостивая Дево Богородице Одигитрие! Приими малое сие моление наше и принеси е Сыну Твоему, Матерне умоляя Его благость, да помилует нас грешных и недостойных; и Твоего ради всесильнаго ходатайства, избавит нас мучения вечнаго; сподобит Царствие Небесное получити и тамо со Ангелы воспевати Богу: Аллилуиа.

(Этот кондак читается трижды, затем икос 1 и кондак 1)

Также читайте у нас на сайте:

Иконы Божьей Матери – Информация о видах иконописи, описания большинства икон Божией Матери.

Жития Святых – Раздел посвященный Житиям Православных Святых.

Начинающему христианину – Информация для тех, кто недавно пришел к Православной Церкви. Наставления в духовной жизни, базовая информация о храме и т.д.

Литература – Собрание некоторой Православной литературы.

Православие и оккультизм – Взгляд Православия на гадания, экстрасенсорику, сглаз , порчу , йогу и подобные “духовные” практики.

http://pravkurs.ru/ – Православный интернет курс дистанционного обучения. Рекомендуем пройти этот курс всем начинающим Православным Христианам. Обучение через интернет проходит два раза в год, запишитесь на следующие курсы сегодня!

Первое Православное радио в ФМ диапозоне!

Можете слушать в автомобиле, на даче, везде где у вас нет доступа к Православной литературе или другим материалам.

Оценка

3.9

проголосовавших:

18

Оценка 3.3 проголосовавших: 31
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here