Детально: акафист амвросию медиоланскому - со всех открытых источников и разных уголков мира на сайте 1000-molitv.ru для наших уважаемых читателей.
А҆ка́ѳїстъ ст҃и́телю а҆мвро́сїю, є҆пⷭ҇копꙋ медїола́нскомꙋ
Конда́къ а҃.
И҆збра́ннагѡ чꙋдотво́рца и҆ свѣти́льника це́ркве медїола́нскїѧ ст҃а́гѡ а҆мвро́сїѧ, прїиди́те, вѣ́рнїи, почти́мъ по достоѧ́нїю ᲂу҆се́рдною хвало́ю. Ты́ же, ᲂу҆го́дниче бж҃їй млⷭ҇тивый, прїимѝ съ любо́вїю сїѐ приноше́нїе на́ше, да зове́мъ тѝ:
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
І҆́косъ а҃.
А҆́гг҃льскихъ си́лъ и҆ всеѧ̀ тва́ри содѣ́тель, є҆щѐ ѿ младе́нческихъ пеле́нъ твои́хъ пред̾ꙋказа́вый добро́тꙋ дꙋшѝ твоеѧ̀, ст҃е а҆мвро́сїе, подадѐ тѧ̀, въ во́зрастъ прише́дша, а҆́гг҃ла цр҃кви медїола́нстѣй, па́стырѧ и҆ ᲂу҆чи́телѧ слове́сномꙋ ста́дꙋ своемꙋ̀, и҆ си́мъ наꙋчѝ на́съ зва́ти тебѣ̀ си́це:
Ра́дꙋйсѧ, ѿ колыбе́ли младе́нческїѧ на слꙋже́нїе цр҃кви ро́емъ пче́лъ пред̾ꙋказа́нный: ра́дꙋйсѧ, ко ст҃и́тельствꙋ чрез̾ нѣмо́тствꙋющагѡ младе́нца бг҃омъ при́званный.
Ра́дꙋйсѧ, бога́тство, сла́вꙋ и҆ по́чести мі́ра презрѣ́вый: ра́дꙋйсѧ, є҆ди́номꙋ гдⷭ҇ꙋ слꙋжи́ти восхотѣ́вый.
Ра́дꙋйсѧ, а҆пⷭ҇лѡвъ хрⷭ҇то́выхъ досто́йныхъ прее́мниче: ра́дꙋйсѧ, а҆рхїере́євъ ст҃ы́хъ прпⷣбный сопресто́льниче.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Конда́къ в҃.
Ви́дѧ нбⷭ҇ное промышле́нїе, соверши́вшеесѧ въ чꙋ́днѣмъ призва́нїи твое́мъ ко слꙋже́нїю цр҃кви, премꙋ́дре, посвѧти́лъ є҆сѝ про́чее вре́мѧ житїѧ̀ твоегѡ̀ на ᲂу҆гожде́нїе во́ли бжⷭ҇твеннѣй, и҆ прине́слъ є҆сѝ всегѡ̀ себѐ и҆ всѧ̑ своѧ̑ въ же́ртвꙋ призва́вшемꙋ тѧ̀ гдⷭ҇ꙋ, поѧ̀ є҆мꙋ̀: А҆ллилꙋ́їа.
І҆́косъ в҃.
Ра́зꙋмомъ бг҃опросвѣще́ннымъ, напое́ннымъ же ѿ сло́ва бж҃їѧ, ᲂу҆разꙋмѣ́въ ꙗ҆́кѡ ѡ҆снова́нїе всѣ́хъ добродѣ́телей и҆ сою́зъ соверше́нства дꙋхо́внагѡ любы̀ къ бг҃ꙋ и҆ бли́жнемꙋ є҆́сть, бл҃гоче́стне, потща́лсѧ ꙗ҆ви́ти ю҆̀ въ себѣ̀ не сло́вомъ то́кмо, но дѣ́ломъ и҆ и҆́стиною. Тѣ́мже бѣ́дствꙋющымъ рꙋ́кꙋ ско́рыѧ по́мощи простира́лъ є҆сѝ, и҆мѣ́нїѧ своѧ̑ всѧ̑ ᲂу҆бо́гимъ расточи́лъ є҆сѝ, и҆ та́кѡ наста́вилъ є҆сѝ на́съ зва́ти тебѣ̀ си́це:
Ра́дꙋйсѧ, ꙗ҆́кѡ пꙋте́мъ нестѧжа́нїѧ а҆пⷭ҇льскагѡ ше́ствовати возлюби́лъ є҆сѝ: ра́дꙋйсѧ, ꙗ҆́кѡ всѐ своѐ попече́нїе на про́мыслъ бж҃їй возложи́лъ є҆сѝ.
Ра́дꙋйсѧ, млⷭ҇рдїѧ ꙗ҆́же во хрⷭ҇тѣ̀ подража́телю: ра́дꙋйсѧ, нищеты̀ є҆гѡ̀ до́льнїѧ доброво́льный послѣ́дователю.
Ра́дꙋйсѧ, ме́ньшихъ бра́тїй хрⷭ҇то́выхъ дрꙋ́же и҆ бл҃годѣ́телю: ра́дꙋйсѧ, скорбѧ́щихъ и҆ ѡ҆ѕло́бленныхъ ско́рый ᲂу҆тѣ́шителю.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Конда́къ г҃.
Си́лою вы́шнѧгѡ ᲂу҆крѣплѧ́емь, прпⷣбне, трꙋды̀ и҆ скѡ́рби вели́кагѡ слꙋже́нїѧ ст҃и́тельскагѡ на по́льзꙋ цр҃кве медїола́нскїѧ, во сла́вꙋ же гдⷭ҇а і҆и҃са, бл҃годꙋ́шнѡ поне́слъ є҆сѝ, ѡ҆ всѣ́хъ же благословлѧ́лъ є҆сѝ бг҃а, поѧ̀ є҆мꙋ̀: А҆ллилꙋ́їа.
І҆́косъ г҃.
И҆мѣ́ѧ же́злъ си́лы, крѣ́пость є҆ѵⷢ҇льскꙋю, по́сланнꙋю тѝ ѿ сїѡ́на нбⷭ҇нагѡ, ст҃и́телю, госпо́дствовалъ є҆сѝ посредѣ̀ врагѡ́въ твои́хъ и҆ не да́лъ є҆сѝ волкѡ́мъ ходѧ́щимъ во ѻ҆́вчихъ ко́жахъ, въ се́рдцѣ же носѧ́щимъ ꙗ҆́дъ па́гꙋбы, расхи́тити ста́до твоѐ. Тѣ́мже похва́льнаѧ восписꙋ́емъ тѝ сїѧ̑:
Ра́дꙋйсѧ, слꙋго̀ сп҃са вѣ́рнѣйшїй: ра́дꙋйсѧ, стра́же до́мꙋ бж҃їѧ бди́тельнѣйшїй.
Ра́дꙋйсѧ, па́стырю хрⷭ҇то́въ честнѣ́йшїй: ра́дꙋйсѧ, побо́рниче вѣ́ры, во пре́нїихъ съ є҆ресеꙋчи́тельми мꙋдрѣ́йшїй.
Ра́дꙋйсѧ, ѕлоче́стїѧ а҆рїа́нскагѡ потреби́телю: ра́дꙋйсѧ, пра́выхъ догма́тѡвъ насади́телю.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Конда́къ д҃.
Бꙋ́рю крамѡлы̀, воздви́гшꙋюсѧ на це́рковь медїола́нскꙋю, зрѧ̀, а҆мвро́сїе, сладкоглаго́ливою бесѣ́дою твое́ю, содѣ́йствїемъ же бж҃їимъ ᲂу҆тиши́лъ є҆сѝ мѧте́жъ людскі́й, и҆ та́кѡ наꙋчи́лъ є҆сѝ ча́дъ мі́ра пѣ́ти бг҃ꙋ: А҆ллилꙋ́їа.
І҆́косъ д҃.
Слы́ша ѳеодо́сїй ца́рь преще́нїе твоѐ, и҆́мже возбранѧ́шесѧ є҆мꙋ̀ ꙗ҆́кѡ ᲂу҆бі́йце вни́ти въ це́рковь бж҃їю, во є҆́же прїѻбщи́тисѧ та́йнъ ст҃ы́хъ, повинова́сѧ тѝ, ꙗ҆́кѡ грѣ́шникъ смире́ннѡ ка́ющїйсѧ и҆ примире́нїѧ съ гдⷭ҇омъ жа́ждꙋщїй. Тогѡ̀ ра́ди по достоѧ́нїю возглаша́емъ тѝ:
Ра́дꙋйсѧ, та́инъ бж҃їихъ мꙋ́дрый строи́телю: ра́дꙋйсѧ, постановле́нїй ѻ҆те́ческихъ вѣ́рный храни́телю.
Ра́дꙋйсѧ, наѳа́нꙋ и҆ предте́чи соревни́телю: ра́дꙋйсѧ, законопрестꙋ́пныхъ нелицемѣ́рный ѡ҆бличи́телю.
Ра́дꙋйсѧ, наста́вниче покаѧ́нїѧ и҆ и҆справле́нїѧ: ра́дꙋйсѧ, це́ркве медїола́нскїѧ неꙋмира́ющаѧ сла́во и҆ ᲂу҆краше́нїе.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Конда́къ є҃.
Бг҃оте́чнаѧ ѕвѣзда̀ на тве́рди церко́внѣй бы́лъ є҆сѝ, ѻ҆́тче а҆мвро́сїе, свѣ́тлостїю ᲂу҆че́нїѧ и҆ житїѧ̀ твоегѡ̀ мглꙋ̀ є҆ресе́й разгонѧ́ющаѧ и҆ мра́къ безбо́жїѧ потреблѧ́ющаѧ, невѣ́рныхъ ѿ тмы̀ невѣ́рїѧ къ свѣ́тꙋ невече́рнемꙋ привлача́ющаѧ и҆ всѣ́хъ ко сп҃се́нїю пꙋтеводѧ́щаѧ, пою́щимъ бг҃ꙋ: А҆ллилꙋ́їа.
І҆́косъ є҃.
Ви́дѣвше тѧ̀ медїола́нстїи лю́дїе мꙋ́драгѡ пѣ́стꙋна и҆ любвеѻби́льнагѡ ѻ҆тца̀ па́ствѣ свое́й, ст҃и́телю, притека́хꙋ къ милосе́рдїю твоемꙋ̀ во всѣ́хъ ско́рбѣхъ и҆ нꙋ́ждахъ свои́хъ. Ты́ же, ми́лостиве, никого́же ѿри́нꙋлъ є҆сѝ, но всѣ̑мъ всѧ́къ помо́щникъ бы́лъ є҆сѝ, досто́йный сицевы́хъ похва́лъ:
Ра́дꙋйсѧ, си́рыхъ покрови́телю: ра́дꙋйсѧ, ѻ҆би́димыхъ защи́тителю.
Ра́дꙋйсѧ, плѣне́нныхъ ѿ ва́рваръ и҆скꙋпи́телю: ра́дꙋйсѧ, ѿ ко́зней сатани́нскихъ свободи́телю.
Ра́дꙋйсѧ, ꙗ҆́кѡ досто́йнѡ сла́достное и҆́мѧ носи́лъ є҆сѝ: ра́дꙋйсѧ, ꙗ҆́кѡ вои́стиннꙋ сла́достенъ наста́вникъ и҆ пособи́тель всѣ̑мъ бы́лъ є҆сѝ.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Конда́къ ѕ҃.
Проповѣ́дникъ вѣща́ємыхъ тѝ ѿ а҆́гг҃лъ къ ᲂу҆́хꙋ глаго́лѡвъ бж҃їихъ бы́лъ є҆сѝ, ст҃и́телю а҆мвро́сїе, тѣ́мже словеса̀ ᲂу҆́стъ твои́хъ па́че ме́да и҆ со́та ᲂу҆слажда́хꙋ всѣ́хъ послꙋ́шающихъ тебѐ и҆ бг҃ꙋ вопїю́щихъ: А҆ллилꙋ́їа.
І҆́косъ ѕ҃.
Возсїѧ̀ а҆́ки со́лнце свѣ́тъ добродѣ́тельнагѡ житїѧ̀ твоегѡ̀ на землѝ, бг҃омꙋ́дре ѻ҆́тче, въ тебѣ́ бо зри́мъ всѧ̑ є҆ли́ка честна̀, є҆ли́ка пра́ведна, є҆ли́ка пречи́ста. Си́хъ ра́ди сла́вѧще ст҃а́гѡ дх҃а, вино́вника бл҃ги́хъ, ѿ си́лы въ си́лꙋ сщ҃еннота́йнѣ ве́дшагѡ тѧ̀, зове́мъ:
Ра́дꙋйсѧ, добродѣ́телей є҆ѵⷢ҇льскихъ пребога́тое сокро́вище: ра́дꙋйсѧ, всегда́шнихъ воздыха́нїй и҆ моли́твъ ꙗ҆́же къ бг҃ꙋ пречтⷭ҇но́е ст҃и́лище.
Ра́дꙋйсѧ, кро́тости и҆ смире́нїѧ бг҃олѣ́пное жили́ще: ра́дꙋйсѧ, терпѣ́нїѧ тве́рдое храни́лище.
Ра́дꙋйсѧ, церкве́й бж҃їихъ ᲂу҆краси́телю и҆ пречꙋ́дный побо́рниче: ра́дꙋйсѧ, чистоты̀ дѣ́вственный ᲂу҆чи́телю и҆ неѡскꙋ́дный слє́зъ и҆сто́чниче.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Конда́къ з҃.
Хотѧ̀ ᲂу҆лꙋчи́ти сп҃се́нїе во мно́зѣ совѣ́тѣ, смиренномꙋ́дре, и҆мѣ́лъ є҆сѝ дрꙋ́га дꙋшѝ твоеѧ̀ пресвѵ́тера состарѣ́вшасѧ и҆ мꙋ́дра, почита́ѧ є҆гѡ̀ ꙗ҆́кѡ ѻ҆тца̀ и҆ съ ни́мъ совѣща́лсѧ ѡ҆ дѣ́лѣхъ свои́хъ: вразꙋмѝ и҆ на́съ твори́ти всѧ̑ съ совѣ́томъ бг҃омꙋ́дрыхъ ѻ҆тцє́въ, да ѡ҆кормле́нїемъ и҆̀хъ сп҃са́еми, пое́мъ бг҃ꙋ: А҆ллилꙋ́їа.
І҆́косъ з҃.
Зна́менїе є҆ѵⷢ҇льскїѧ любвѐ къ бли́жнемꙋ ꙗ҆ви́лъ є҆сѝ, ѻ҆́тче а҆мвро́сїе, є҆гда̀ врагѡ́мъ свои́мъ бл҃готвори́лъ є҆сѝ и҆ со грѣ́шники ка́ющимисѧ го́рькѡ пла́калъ є҆сѝ. Тѣ́мже тѝ ꙗ҆́кѡ непамѧтоѕло́бномꙋ па́стырю и҆ ѻ҆тцꙋ̀, болѣ́зновавшꙋ ѡ҆ сп҃се́нїи дꙋхо́вныхъ ча́дъ твои́хъ, вопїе́мъ:
Ра́дꙋйсѧ, неѕло́бїѧ хрⷭ҇то́ва подража́телю: ра́дꙋйсѧ, ка́ющимсѧ грѣ́шникѡмъ те́плый сострада́телю.
Ра́дꙋйсѧ, і҆ꙋсті́не, враждова́вшей тѝ, бл҃готвори́вый: ра́дꙋйсѧ, ѕлодѣ́ю твоемꙋ̀ рꙋ́кꙋ ᲂу҆со́хшꙋю и҆сцѣли́вый.
Ра́дꙋйсѧ, ꙗ҆́кѡ ве́сь кро́тость и҆ любо́вь бы́лъ є҆сѝ: ра́дꙋйсѧ, ꙗ҆́кѡ высоты̀ соверше́нства дости́глъ є҆сѝ.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Конда́къ и҃.
Стра́нныѧ и҆ ди́вныѧ си́лы пе́рстъ бж҃їй сотворѝ въ житїѝ твое́мъ, ст҃и́телю, є҆гда̀ ᲂу҆мѣ́рша ѻ҆́трока воскресѝ тобо́ю, разсла́бленнꙋю и҆сцѣлѝ, а҆рїа́нина, почита́нїѧ ра́ди ст҃ы́хъ моще́й хꙋли́вшагѡ тѧ̀, бѣ́сꙋ преда̀, безстꙋ́днꙋю женꙋ̀ сїрмі́йскꙋ ᲂу҆ничижи́вшꙋю тѧ̀, ка́рою поразѝ. И҆ кто̀ ѿ слы́шащихъ всѧ̑ сїѧ̑ не просла́витъ ди́внагѡ въ житїѝ твое́мъ бг҃а пѣ́снїю: А҆ллилꙋ́їа.
І҆́косъ и҃.
Ве́сь и҆спо́лненъ бы́въ ре́вности по бз҃ѣ, ѻ҆́тче а҆мвро́сїе, таковꙋ́ю вла́сть над̾ де́моны стѧжа́лъ є҆сѝ, ꙗ҆́кѡ нижѐ къ две́рємъ до́мꙋ твоегѡ̀ прибли́зитисѧ можа́хꙋ: ѻ҆́гнь бо и҆сходѧ́й ѿтꙋ́дꙋ гна́ше и҆̀хъ, ꙗ҆́кѡ пра́хъ, є҆го́же возмета́етъ вѣ́тръ ѿ лица̀ землѝ. Толи́ко стра́шный де́мономъ ᲂу҆го́дниче бж҃їй, ѡ҆градѝ и҆ на́шꙋ не́мощь предста́тельствомъ твои́мъ ѿ гꙋби́тельныхъ стрѣ́лъ и҆̀хъ, да вопїе́мъ тѝ сицєва́ѧ:
Ра́дꙋйсѧ, ѿ ко́зней лю́тагѡ мїроде́ржца крѣ́пкїй вѣ́рныхъ храни́телю: ра́дꙋйсѧ, ѿ ѕло́бныхъ слꙋ́гъ є҆гѡ̀, зїѧ́ющихъ пожре́ти ны̀, вѣ́рный на́шъ ѡ҆бличи́телю.
Ра́дꙋйсѧ, ꙗ҆́кѡ пла́мень лица̀ бѣсѡ́въ попалѧ́ющїй: ра́дꙋйсѧ, ꙗ҆́кѡ гро́мъ киче́нїе па́дшагѡ денни́цы поража́ющїй.
Ра́дꙋйсѧ, всю̀ си́лꙋ є҆гѡ̀ си́лою крⷭ҇тною попра́вый: ра́дꙋйсѧ, нечи́стыхъ дꙋхѡ́въ ѿ притека́ющихъ къ тебѣ̀ ѿгна́вый.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Конда́къ ѳ҃.
Всѐ житїѐ на́ше во ю҆до́ли земна́гѡ стра́нствованїѧ сегѡ̀ и҆спо́лнено безчи́сленныхъ и҆скꙋше́нїй и҆ бѣ́дъ, грѣхѡ́въ и҆ страсте́й, вою́ющихъ на ны̀: ка́кѡ ᲂу҆́бѡ и҆збы́ти возмо́жемъ вѣ́чныхъ мꙋ́къ, ѡ҆каѧ́ннїи, є҆гда̀ пости́гнетъ на́съ сме́рть неꙋмоли́маѧ, а҆́ще не ты̀, ѻ҆́тче, съ наде́ждою на́шею бг҃ома́терїю, предста́тельствовати за ны̀ бꙋ́деши, поѧ̀ бг҃ꙋ: А҆ллилꙋ́їа.
І҆́косъ ѳ҃.
Вѣті̑ѧ многовѣща̑нныѧ ви́димъ тобо́ю посра́млєнныѧ, ст҃и́телю: а҆́рїѧ бо хꙋ́льныхъ послѣ́дователей препре́лъ є҆сѝ, сїмма́ха высокоꙋ́мнагѡ низложи́лъ є҆сѝ, мꙋдрецы̀, и҆̀же ѿ восто́ка, глꙋбино́ю бг҃осло́вїѧ своегѡ̀ ᲂу҆диви́лъ є҆сѝ, и҆ всѧ̑ вѣ̑рныѧ ᲂу҆че́нїемъ и҆́стиннымъ просвѣти́лъ є҆сѝ. Тѣ́мже мо́лимъ тѧ̀: ѡ҆сїѧ́й и҆ на́съ свѣ́томъ бг҃оразꙋ́мїѧ твоегѡ̀, да ѿбѣ́гше скве́рнъ тлѣтво́рнагѡ дꙋ́ха вре́мене и҆ собла́знѡвъ бори́телѧ, вопїе́мъ тѝ:
Ра́дꙋйсѧ, дꙋ́шъ на́шихъ просвѣти́телю: ра́дꙋйсѧ, вѣ́ры правосла́вныѧ побо́рниче.
Ра́дꙋйсѧ, велѣ́нїй бж҃їихъ ᲂу҆чи́телю.
Ра́дꙋйсѧ, пле́велъ вра́жїихъ, всѣва́емыхъ въ дꙋ́ши спѧ́щихъ чл҃вѣ̑къ, и҆скорени́телю: ра́дꙋйсѧ, ꙗ҆́кѡ мно́гихъ коле́блемыхъ невѣ́рїемъ въ пра́вой вѣ́рѣ ᲂу҆крѣпи́лъ є҆сѝ.
Ра́дꙋйсѧ, ꙗ҆́кѡ догма́тъ ѡ҆ є҆диносꙋ́щномъ и҆ равноче́стномъ ѻ҆ц҃ꙋ̀ и҆ дх҃ови бжⷭ҇твѣ̀ сн҃а ᲂу҆ѧсни́лъ є҆сѝ.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Конда́къ і҃.
Сп҃се́нїе соверше́нное ᲂу҆лꙋчи́въ ѿ привре́менныхъ бꙋ́рь и҆ бѣ́дъ, ᲂу҆го́дниче бж҃їй а҆мвро́сїе, не забꙋ́ди на́съ, потоплѧ́емыхъ напа́стей бꙋ́рею. Но въ ни́хже са́мъ и҆скꙋше́нъ бы́лъ є҆сѝ, и҆ на́мъ и҆скꙋша́ємымъ помозѝ, да пое́мъ бг҃ꙋ: А҆ллилꙋ́їа.
І҆́косъ і҃.
Стѣ́нꙋ тѧ̀ тве́рдꙋю и҆ и҆звѣ́стнѡ ᲂу҆твержде́нїе гра́дꙋ твоемꙋ̀ и҆ всѣ̑мъ чтꙋ́щимъ па́мѧть твою̀ и҆сповѣ́дающе, ст҃и́телю, дерза́емъ по достоѧ́нїю воспѣ́ти тебѣ̀ хвале́нїе сїѐ:
Ра́дꙋйсѧ, царе́й бранелюби́выхъ ᲂу҆миротвори́телю: ра́дꙋйсѧ, бл҃годе́нствїѧ ѻ҆те́чественнагѡ храни́телю.
Ра́дꙋйсѧ, ꙗ҆́кѡ тобо́ю царю̀ гратїа́нꙋ побѣ́да на го́ты дарова́сѧ: ра́дꙋйсѧ, ꙗ҆́кѡ тобо́ю мно́гимъ ми́ръ ѿ ѳеодо́сїѧ и҆схода́тайствовасѧ.
Ра́дꙋйсѧ, ꙗ҆́кѡ тобо́ю проще́нїе грѣхѡ́въ ᲂу҆лꙋча́емъ: ра́дꙋйсѧ, ꙗ҆́кѡ тобо́ю ѿ бѣ́дъ сп҃са́еми, ми́ръ съ бг҃омъ ѡ҆брѣта́емъ.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Конда́къ а҃і.
Пѣ́снь тебѐ бг҃а хва́лимъ, тебѐ гдⷭ҇а и҆сповѣ́дꙋемъ: па́че всѧ́кагѡ воздꙋ́шнагѡ ѻ҆рга́на ᲂу҆слажда́ющꙋю вѣ́рныхъ, воспѣ́лъ є҆сѝ въ че́сть бжⷭ҇твеннѣй трⷪ҇цѣ, ст҃и́телю. Ны́нѣ же въ цр҃кви нбⷭ҇нѣй пое́ши со а҆́гг҃лы и҆́нꙋ пѣ́снь то́йжде трⷪ҇цѣ: А҆ллилꙋ́їа.
І҆́косъ а҃і.
Свѣтопода́тельна свѣти́льника, є҆щѐ на землѝ просїѧ́вша невеще́ственнымъ свѣ́томъ, вѣ́дꙋще тѧ̀, ѻ҆́тче ст҃ы́й, кꙋ́ю досто́йнꙋю похвалꙋ̀ принесе́мъ тѝ грѣ́шнїи, ко́ею пѣ́снїю ᲂу҆бл҃жи́мъ тѧ̀ недосто́йнїи, ѡ҆ ст҃и́телю хрⷭ҇то́въ. Є҆ди́нъ то́кмо свѣ́дый глꙋбины̀ серде́чныѧ и҆ рекі́й: а҆́зъ прославлѧ́ющїѧ мѧ̀ просла́влю, є҆ди́нъ ѻ҆́нъ вѣ́сть, ка́кѡ по достоѧ́нїю просла́вити тѧ̀. Ѻ҆ба́че вѣ́дый, ꙗ҆́кѡ чл҃вѣ́къ, на́шꙋ не́мощь, не ѿри́ни ꙗ҆́кѡ ѻ҆те́цъ ми́лостивый, и҆ на̑ша ᲂу҆бѡ́гїѧ, но ѿ и҆́скреннихъ серде́цъ приноси́мыѧ тѝ хвалы̑ сїѧ̑:
Ра́дꙋйсѧ, а҆́гг҃ле земны́й, є҆щѐ на землѝ свѣ́томъ невеще́ственнымъ ѡ҆заре́нный: ра́дꙋйсѧ, чл҃вѣ́че нбⷭ҇ный, є҆щѐ во пло́ти лицезрѣ́нїемъ сладча́йшагѡ і҆и҃са почте́нный.
Ра́дꙋйсѧ, свѣти́льниче бжⷭ҇твеннагѡ свѣ́та, ᲂу҆че́нїемъ свои́мъ мі́ра концы̀ ѡ҆зари́вый: ра́дꙋйсѧ, лꙋчѐ мы́сленнагѡ сл҃нца, теплото́ю любвѐ своеѧ̀ вертогра́дъ є҆гѡ̀ ѡ҆живи́вый.
Ра́дꙋйсѧ, ѕвѣздо̀, тве́рдь церко́внꙋю свѣ́тло ᲂу҆краша́ющаѧ: ра́дꙋйсѧ, похвало̀ и҆ доны́нѣ медїола́нъ ѡ҆сїѧва́ющаѧ.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Конда́къ в҃і.
Блгⷣтїю нбⷭ҇нагѡ покро́ва твоегѡ̀ не лишѝ на́съ никогда̀, ѽ ми́лостиве ѻ҆́тче, но при́снѡ моли́сѧ ѡ҆ на́съ къ ще́дромꙋ гдⷭ҇ꙋ, є҆мꙋ́же съ ли́ки ст҃ы́хъ немо́лчнѡ пое́ши: А҆ллилꙋ́їа.
І҆́косъ в҃і.
Пою́ще чꙋдеса̀ и҆ по́двиги прпⷣбнагѡ житїѧ̀ твоегѡ̀, ст҃и́телю, сла́вимъ кончи́нꙋ твою̀, є҆́юже ми́рнѡ ѿше́лъ є҆сѝ на нб҃о, и҆ ᲂу҆бл҃жа́емъ соца́рствованїе твоѐ та́мѡ съ бг҃омъ вѣ́чнымъ. Ты́ же, ᲂу҆го́дниче ст҃ы́й, при́зри съ высоты̀ ѻ҆́нагѡ бл҃же́ннагѡ приста́нища твоегѡ̀ на на́съ, пла́вающихъ въ молвѣ̀ жите́йскихъ попече́нїй и҆ къ тебѣ̀, неви́димомꙋ ѡ҆корми́телю на́шемꙋ, и҆з̾ глꙋбины̀ дꙋшѝ вопїю́щихъ:
Ра́дꙋйсѧ, пла́ванїе своѐ въ жите́йскомъ мо́ри до́брѣ сверши́вый и҆ безцѣ́нное сокро́вище вѣ́ры въ бе́зднахъ є҆гѡ̀ не потопи́вый: ра́дꙋйсѧ, ко приста́нищꙋ ра́йскомꙋ безбѣ́днѡ приплы́вый и҆ вѣне́цъ нетлѣ́нный ѿ хрⷭ҇та̀ ᲂу҆лꙋчи́вый.
Ра́дꙋйсѧ, ꙗ҆́кѡ та́мѡ ликовствꙋ́ѧ, и҆ на́съ, до́лꙋ сꙋ́щихъ, любо́вїю твое́ю досѧза́еши: ра́дꙋйсѧ, ꙗ҆́кѡ дꙋ́хомъ твои́мъ на́мъ вы́нꙋ спребыва́еши.
Ра́дꙋйсѧ, ꙗ҆́кѡ тобо́ю гнѣ́ва бж҃їѧ и҆збавлѧ́емсѧ: ра́дꙋйсѧ, ꙗ҆́кѡ мольба́ми твои́ми къ приста́нищꙋ го́рнемꙋ направлѧ́емсѧ.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Конда́къ г҃і
Ѽ ст҃ы́й и҆ ми́лостивый ᲂу҆го́дниче бж҃їй а҆мвро́сїе. Прїимѝ съ любо́вїю приноси́мое сїѐ ма́лое, но ѿ ᲂу҆се́рдїѧ приноси́мое тебѣ̀ хвале́нїе на́ше, и҆ потщи́сѧ и҆зба́вити на́съ ѿ болѣ́зней дꙋше́вныхъ и҆ тѣле́сныхъ, ѿ всѣ́хъ бѣ́дъ и҆ ѕѡ́лъ, да тобо́ю ᲂу҆лꙋчи́вше црⷭ҇тво нбⷭ҇ное, во вѣ́ки пое́мъ бг҃ꙋ: А҆ллилꙋ́їа.
І҆́косъ а҃.
А҆́гг҃льскихъ си́лъ и҆ всеѧ̀ тва́ри содѣ́тель, є҆щѐ ѿ младе́нческихъ пеле́нъ твои́хъ пред̾ꙋказа́вый добро́тꙋ дꙋшѝ твоеѧ̀, ст҃е а҆мвро́сїе, подадѐ тѧ̀, въ во́зрастъ прише́дша, а҆́гг҃ла цр҃кви медїола́нстѣй, па́стырѧ и҆ ᲂу҆чи́телѧ слове́сномꙋ ста́дꙋ своемꙋ̀, и҆ си́мъ наꙋчѝ на́съ зва́ти тебѣ̀ си́це:
Ра́дꙋйсѧ, ѿ колыбе́ли младе́нческїѧ на слꙋже́нїе цр҃кви ро́емъ пче́лъ пред̾ꙋказа́нный: ра́дꙋйсѧ, ко ст҃и́тельствꙋ чрез̾ нѣмо́тствꙋющагѡ младе́нца бг҃омъ при́званный.
Ра́дꙋйсѧ, бога́тство, сла́вꙋ и҆ по́чести мі́ра презрѣ́вый: ра́дꙋйсѧ, є҆ди́номꙋ гдⷭ҇ꙋ слꙋжи́ти восхотѣ́вый.
Ра́дꙋйсѧ, а҆пⷭ҇лѡвъ хрⷭ҇то́выхъ досто́йныхъ прее́мниче: ра́дꙋйсѧ, а҆рхїере́євъ ст҃ы́хъ прпⷣбный сопресто́льниче.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Конда́къ а҃.
И҆збра́ннагѡ чꙋдотво́рца и҆ свѣти́льника це́ркве медїола́нскїѧ ст҃а́гѡ а҆мвро́сїѧ, прїиди́те, вѣ́рнїи, почти́мъ по достоѧ́нїю ᲂу҆се́рдною хвало́ю. Ты́ же, ᲂу҆го́дниче бж҃їй млⷭ҇тивый, прїимѝ съ любо́вїю сїѐ приноше́нїе на́ше, да зове́мъ тѝ:
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Моли́тва.
Ѽ пресла́вный чꙋдотво́рче, въ ско́рбѣхъ ско́рый помо́щниче и҆ ᲂу҆се́рдный ѡ҆ мі́рѣ къ бг҃ꙋ моли́твенниче, ѻ҆́тче ст҃ы́й а҆мвро́сїе. Вѣ́мы, ꙗ҆́кѡ ве́лїе ко сп҃сꙋ и҆́маши дерзнове́нїе, предстоѧ̀ го́рнемꙋ прⷭ҇то́лꙋ є҆гѡ̀, и҆ сегѡ̀ ра́ди смире́ннѡ припа́даемъ тѝ: моли́сѧ є҆мꙋ̀, ᲂу҆го́дниче бж҃їй, да пода́стъ наро́дꙋ рѡссі́йскомꙋ бл҃годе́нственное и҆ ми́рное житїѐ, да и҆зба́витъ ѿ вра̑гъ ви́димыхъ и҆ неви́димыхъ, ѿ наше́ствїѧ и҆ноплеме́нныхъ, ѿ недꙋ́га и҆ гла́да, ѿ всѧ́кїѧ ско́рби и҆ смертоно́сныѧ ꙗ҆́звы и҆ ѿ всѧ́кагѡ ѕла̀: на́мъ же всѣ̑мъ, вѣ́рою пра́зднꙋющымъ ст҃ꙋ́ю па́мѧть твою̀ и҆ ᲂу҆се́рднѡ хода́тайства твоегѡ̀ ча́ющымъ, да ниспо́слетъ всѧ̑ бл҃гопотрє́бнаѧ ко вре́менномꙋ и҆ вѣ́чномꙋ житїю̀ на́шемꙋ, па́че же ѡ҆ставле́нїе грѣхѡ́въ, мі́ръ по́мыслѡвъ, тишинꙋ̀ серде́чнꙋю, здра́вїе дꙋша́мъ и҆ тѣлесе́мъ на́шимъ. Є҆́й, ст҃и́телю бж҃їй, па́стырю хрⷭ҇то́въ ми́лостивѣйшїй, покрови́телю на́шъ гото́вѣйшїй. ᲂу҆слы́ши на́съ, є҆щѐ є҆ди́нагѡ ѿ тебє̀ просѧ́щихъ: бꙋ́ди те́плый моли́твенникъ и҆ предста́тель ко гдⷭ҇ꙋ ѡ҆ дꙋхо́вныхъ па́стырѣхъ и҆ ѻ҆тцѣ́хъ на́шихъ (и҆мена̀), и҆̀же не́мощи на̑ша но́сѧтъ и҆ ѡ҆ на́съ болѣ́знꙋютъ, до́ндеже воѡбрази́тсѧ въ на́съ хрⷭ҇то́съ, да сохрани́тъ ѻ҆́нъ, всебл҃гі́й и҆ всѧ̑ могꙋ́щїй влⷣка, дража́йшїѧ днѝ житїѧ̀ и҆̀хъ въ нерꙋши́момъ ми́рѣ и҆ крѣ́пости си́лъ дꙋхо́вныхъ и҆ тѣле́сныхъ, да приведе́тъ на́съ, недосто́йныхъ рабѡ́въ свои́хъ, и҆̀хъ ѡ҆кормле́нїемъ и҆ моли́твами, твои́мъ же хода́йтайствомъ и҆ застꙋпле́нїемъ ко приста́нищꙋ жи́зни несконча́емыѧ, и҆дѣ́же херꙋві́ми и҆ серафі́ми, ст҃і́и всѝ съ бцⷣею и҆ съ тобо́ю, покрови́телемъ на́шимъ, непреста́нными гла́сы сла́вѧтъ ѻ҆ц҃а̀, и҆ сн҃а, и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ. А҆ми́нь.
Моли́тва и҆на́ѧ.
Ѽ всест҃ы́й а҆мвро́сїе, ᲂу҆го́дниче бж҃їй и҆зрѧ́днѣйшїй, покрови́телю мо́й ми́лостивѣйшїй. При́зри съ высоты̀ го́рнѧгѡ жили́ща твоегѡ̀ на мѧ̀ недосто́йнагѡ, неради́вагѡ, ᲂу҆ны́лагѡ въ настоѧ́щемъ житїѝ се́мъ. Ви́ждь менѐ грѣ́шнагѡ, въ толи́цѣмъ ѡ҆бстоѧ́нїи сꙋ́щагѡ, ᲂу҆мо́мъ помраче́ннагѡ, во́лею ко ѕлꙋ̀ преклоне́ннаго, и҆ се́рдцемъ па́че къ землѝ, не́же къ нб҃сѝ, прилѣпле́ннагѡ. Ви́ждь стра́стное ѡ҆бꙋрева́нїе дꙋшѝ моеѧ̀ и҆ не́мощь и҆ небреже́нїе моѐ. Ви́ждь при се́мъ и҆ кова́рство ѕлонача́льника и҆ гꙋби́телѧ моегѡ̀, ви́ждь, ѽ ст҃и́телю хрⷭ҇то́въ, и҆ ᲂу҆милосе́рдисѧ ѡ҆ мнѣ̀, такова́гѡ ра́ди положе́нїѧ моегѡ̀. Помозѝ мѝ, ѽ застꙋ́пниче мо́й, ско́рымъ предста́тельствомъ твои́мъ. И҆схода́тайствꙋй мѝ ѿ ѻ҆ц҃а̀ щедрѡ́тъ бо́дрость и҆ си́лꙋ, во є҆́же твори́ти во́лю є҆гѡ̀, бл҃гꙋ́ю, ᲂу҆го́днꙋю и҆ соверше́ннꙋю, стра́сти моѧ̑ ᲂу҆мѣртви́ти, де́мѡна низложи́ти, мі́ръ себѐ распѧ́ти и҆ себѐ мі́рꙋ, и҆ та́кѡ дости́гнꙋти хрⷭ҇тїа́нскїѧ кончи́ны живота̀ своегѡ̀, безболѣ́зненны, непосты́дны, ми́рны. По и҆схо́дѣ же притре́петныѧ дꙋшѝ моеѧ̀ ѿ ѡ҆каѧ́ннагѡ и҆ бре́ннагѡ тѣлесѐ сегѡ̀, бꙋ́ди є҆́й а҆́гг҃лъ покрови́тель, до́бръ спꙋ́тникъ, вѣ́ренъ храни́тель и҆ защи́тникъ ѿ лю́тыхъ нападе́нїй нача́льника воздꙋ́шныхъ мыта́рствъ, да безбѣ́днѡ преше́дъ ѻ҆́ныѧ, си́лою предста́тельства твоегѡ̀, сподо́блюсѧ про́чее и҆ а҆́зъ, послѣ́днїй и҆з̾ всѣ́хъ, и҆̀же въ ца́рствѣ бл҃года́ти, ᲂу҆зрѣ́ти сладча́йшее лицѐ гдⷭ҇а на́шегѡ и҆ сла́вити є҆гѡ̀ со ѻ҆ц҃е́мъ и҆ ст҃ы́мъ дх҃омъ, и҆ твоѐ ми́лостивное ѡ҆ мнѣ̀ предста́тельство, во вѣ́ки вѣкѡ́въ. А҆ми́нь.
Чудотворные слова: молитва амвросия медиоланского к господу в полном описании из всех найденных нами источников.
Молитвы святым
Память: 7 декабря / 20 декабря
Святитель Амвросий – яркая звезда Православного Запада: образованнейший муж, мудрейший праведник и церковный писатель, благотворитель, гимнограф и апологет. Обладал даром исцелений. Покровитель учителей и миссионеров, певчих. К нему обращаются за помощью о вразумлении сектантов и неверующих, в нужде и болезнях (особенно детских), для преодоления похоти и сохранения девства.
Тропарь святителю Амвросию Медиоланскому, глас 4
Правило веры и образ кротости, воздержания учителя яви тя стаду твоему Яже вещей Истина. Сего ради стяжал еси смирением высокая, нищетою богатая, отче Амвросие, моли Христа Бога, спастися душам нашим.
Кондак святителю Амвросию Медиоланскому, глас 3
Божественными догматы облистая, помрачил еси Ариеву прелесть, священнотаинниче и пастырю Амвросие, чудодействуя же силою Духа, страсти различныя яве исцелил еси, отче преподобне, Христа Бога моли, спастися душам нашим.
Второй кондак святителю Амвросию Медиоланскому, глас 8
Изрядно слово жизни стяжав, отче мудре, не усумнеся высоты царския, богонаказательне царя обличи и умудрив. Тем паче честне почтеся и людей своих паству к Богу настави. Сего ради зовем ти: радуйся, Амвросие предивне.
Молитва святителю Амвросию Медиоланскому
О преславный чудотворче, в скорбех скорый помощниче и усердный о мире к Богу молитвенниче, отче святый Амвросие! Вемы, яко велие ко Спасу имаши дерзновение, предстоя горнему престолу Его, и сего ради смиренно припадаем ти: молися Ему, угодниче Божий, да подаст народу Российскому благоденственное и мирное житие, да избавит от враг видимых и невидимых, от нашествия иноплеменных, от недуга и глада, от всякия скорби и смертоносныя язвы и от всякаго зла; нам же всем, верою празднующим святую память твою и усердно ходатайства твоего чающим, да ниспослет вся благопотребная ко временному и вечному житию нашему, паче же оставление грехов, мир помыслов, тишину сердечную, здравие душам и телесем нашим. Ей, святителю Божий, пастырю Христов милостивейший, Покровителю наш готовейший! Услыши нас, еще единаго от тебе просящих: буди теплый молитвенник и предстатель ко Господу о духовных пастырех и отцех наших (имена), иже немощи наша носят и матерски о нас болезнуют, дондеже возобразится в нас Христов, да сохранит Он, всеблагий и вся могущий Владыка, дражайшия дни жития их в нерушимом мире и крепости сил духовных и телесных, да приведет нас, недостойных рабов Своих, их окормлением и молитвами, твоим же ходатайством и заступлением ко пристанищу жизни нескончаемыя, идеже херувими и серафими, святии вси с Богородицею и с тобою, покровителем нашим, непрестанными гласы славят Отца, и Сына, и Святаго Духа, ныне и присно и во веки веков. Аминь.
Акафист святителю Амвросию Медиоланскому:
Канон святителю Амвросию Медиоланскому:
- Канон святителю Амвросию Медиоланскому
Житийная и научно-историческая литература о святителе Амвросие Медиоланском:
- Святитель Амвросий, епископ Медиоланский (краткое житие) – Православие.Ru
Труды святителя Амвросия Медиоланского:
- О покаянии – святитель Амвросий Медиоланский
- Слово о надежде воскресения – святитель Амвросий Медиоланский
- О смерти брата две книги – святитель Амвросий Медиоланский
- Слово на смерть Феодосия Великого – святитель Амвросий Медиоланский
- Слово утешительное на смерть императора Валентиниана младшего – святитель Амвросий Медиоланский
Читать другие молитвы раздела “Православный молитвослов”
Читайте также:
© Миссионерско-апологетический проект “К Истине”, 2004 – 2017
При использовании наших оригинальных материалов просим указывать ссылку:
Песнь хвалебная святого Амвросия, епископа Медиоланского
Песнь хвалебная святого Амвросия, епископа Медиоланского
Тебе Бога хвалим, Тебе Господа исповедуем, Тебе Превечнаго Отца вся земля величает; Тебе вси ангели, Тебе небеса и вся Силы, Тебе Херувими и Серафими непрестанными гласы взывают: Свят, Свят, Свят, Господь Бог Саваоф, полны суть небеса и земля величества славы Твоея, Тебе преславный Апостольский лик, Тебе пророческое хвалебное число, Тебе хвалит пресветлое мученическое воинство, Тебе по всей вселенней исповедует Святая Церковь, Отца непостижимаго величества, покланяемаго Твоего истиннаго и Единороднаго Сына и Святаго Утешителя Духа. Ты, Царю славы, Христе, Ты Отца Присносущный Сын еси: Ты, ко избавлению приемля человека, не возгнушался еси Девическаго чрева; Ты, одолев смерти жало, отверзл еси верующим Царство Небесное. Ты одесную Бога седиши во славе Отчей, Судия приити веришися. Тебе убо просим: помози рабом Твоим, ихже Честною Кровию искупил еси. Сподоби со святыми Твоими в вечной славе Твоей царствовати. Спаси люди Твоя, Господи, и благослови достояние Твое, исправи я и вознеси их во веки; во вся дни благословим Тебе и восхвалим имя Твое во век и в века века. Сподоби, Господи, в день сей без греха сохранится нам. Помилуй нас, Господи, помилуй нас: буди милость Твоя, Господи, на нас, якоже уповахом на Тя. На Тя, Господи, уповахом, да не постыдимся во веки. Аминь.
Похожие главы из других книг
Учение св. Амвросия, епископа Медиоланского
Учение св. Амвросия, епископа Медиоланского Господь, избирая пастырей на высокое служение Своей Церкви, усмотрел в Амвросии ревностного поборника Православия и исполнителя Христова закона.Став епископом, св. Амвросий, прежде всего занялся вопросами церковного
Житие святого отца нашего Амвросия, епископа Медиоланского
Житие святого отца нашего Амвросия, епископа Медиоланского Святой Амвросий был сыном вельможи Амвросия, Римского наместника Галлии и других западных стран. Из любви к сыну своему, сей вельможа назвал его тем же именем, какое носил сам.Еще в младенчестве святого было
Житие святого отца нашего Амвросия, епископа Медиоланского
Житие святого отца нашего Амвросия, епископа Медиоланского Святой Амвросий был сыном вельможи Амвросия, Римского наместника Галлии и других западных стран. Из любви к сыну своему, сей вельможа назвал его тем же именем, какое носил сам.Еще в младенчестве святого было
Хвалебная песнь
Слово на Святую Пасху святителя Амвросия, епископа Медиоланского
Слово на Святую Пасху святителя Амвросия, епископа Медиоланского Сей день, егоже сотвори Господь, возрадуемся и возвеселимся в онь (Пс. 117:24).Братья! Весьма справедливо к настоящему дню применимы эти псаломские слова, которыми святой пророк призывает нас к радости и
Святого Отца нашего Амвросия Медиоланского слово на смерть Феодосия Великого
Святого Отца нашего Амвросия Медиоланского слово на смерть Феодосия Великого Этим угрожали нам жестокие землетрясения и непрестанные дожди, это необычайная тьма возвещала, что всемилостивый Государь наш император Феодосий имел отойти от этого света. Самые стихии
Святого Отца нашего Амвросия Медиоланского слово утешительное на смерть императора Валентиниана младшего
Святого Отца нашего Амвросия Медиоланского слово утешительное на смерть императора Валентиниана младшего Хотя писать о том, о чем сожалеем, есть только усиление страдания, но так как в воспоминании об утраченной вещи дух чаще всего находит себе успокоение (ибо, когда мы
Песнь хвалебная св. Амвросия
Песнь хвалебная св. Амвросия Тебе Бога хвалим, Тебе Господа исповедуем. Тебе превечнаго Отца вся земля величает. Тебе вси ангели, Тебе небеса и вся силы. Тебе херувими и серафпмп непрестанными гласы взывают: свят, свят, свят Господь Бог Саваоф, полны суть набеса и земля
Хвалебная песнь Давуда
Хвалебная песнь Давуда (Заб. 17:1-51)1 Давуд воспел слова этой песни Вечному, когда Вечный избавил его от рук всех его врагов и от руки Шаула.2 Давуд сказал:— Вечный — скала моя,твердыня моя и мой избавитель;3 Бог мой — скала моя,в Нём я ищу прибежища.Он — мой щит и сила a моего
Хвалебная песнь Давуда
Хвалебная песнь Давуда (Заб. 104:1-15; 95:1-13; 105:1, 47–48)7 В тот день Давуд впервые дал Асафу и его сородичам песню для прославления Вечного:8 Славьте Вечного, призывайте Его имя,возвещайте народам о Его делах.9 Воспойте Ему, пойте Ему хвалу,рассказывайте о всех Его чудесах.10
Хвалебная песнь
Хвалебная песнь 1 В тот день в иудейской земле будут петь такую песнь:«Сильный город у нас;спасение от Всевышнего защищает его,точно стены и вал.2 Откройте ворота,пусть войдёт праведный народ,народ, что остался верным.3 Твёрдого духом Ты хранишь в совершенном мире,потому
Хвалебная песнь Давида
Хвалебная песнь Давида (Пс. 17:1-51)1 Давид воспел Господу слова этой песни, когда Господь избавил его от рук всех его врагов и от руки Саула. 2 Он сказал:— Господь — скала моя,твердыня моя и мой избавитель;3 Бог мой — скала моя,в Нем я ищу прибежища,Он — щит и рог a моего
Хвалебная песнь Давида
Хвалебная песнь Давида (Пс. 104:1-15; 95:1-13; 105:1, 47–48)7 В тот день Давид впервые дал Асафу и его родственникам песню для прославления Господа:8 Благодарите Господа, призывайте Его Имя;возвещайте среди народов о Его делах.9 Пойте Ему, пойте Ему хвалу,говорите о всех Его чудесах.10
Хвалебная песнь
Хвалебная песнь 1 В тот день в земле Иудеи будут петь такую песнь:Сильный город у нас;Бог возводит спасение,точно стены и вал.2 Откройте ворота,пусть войдет праведный народ,народ, что остался верным.3 Твердого духом Ты хранишь в совершенном мире,потому что он верит Тебе.4
Песнь хвалебная святого Амвросия, епископа Медиоланского
Песнь хвалебная святого Амвросия, епископа Медиоланского Тебе Бога хвалим, Тебе Господа исповедуем, Тебе Превечнаго Отца вся земля величает; Тебе вси aнгели, Тебе небеса и вся Силы, Тебе Херувими и Серафими непрестанными гласы взывают: Свят, Свят, Свят, Господь Бог Саваоф,
Житие святого отца нашего Амвросия, епископа Медиоланского
Житие святого отца нашего Амвросия, епископа Медиоланского Святой Амвросий был сыном вельможи Амвросия, Римского наместника Галлии и других западных стран. Из любви к сыну своему, сей вельможа назвал его тем же именем, какое носил сам.Еще в младенчестве святого было
Благослави молитву мою
Молитва Амвросия Медиоланского
Господи Боже мой!
Удостой меня быть орудием мира Твоего.
Чтобы я вносил любовь туда, где ненависть.
Чтобы я прощал, если обижают.
Чтобы я соединял, где ссора.
Чтобы я говорил правду, где господствует заблуждение.
Чтобы я воздвигал веру, где давит сомнение.
Чтобы я возбуждал надежду, где мучает отчаяние.
Чтобы я вносил свет во тьму.
Чтобы я нес радость, где горе живет.
Господи Боже мой, удостой
Не чтобы меня утешали, но чтобы я утешал,
Не чтобы меня понимали, но чтобы я понимал,
Не чтобы меня любили, но чтобы я других любил.
Благослови молитву мою и помоги мне всей душой и телом предстать без рассеяния пред Тобою.
Научи меня молиться Тебе.
Утверди меня в вере.
Даруй мне пламенную любовь к тебе.
Освяти все помышления мои, чувства и дела мои.
Научи в каждом событии распознать волю Твою и дай силы исполнить ее.
Замкни уста мои для слова злого и пустого и удержи руку мою от дурного дела.
Если случится беда, дай силы принять ее в твердости и понести как жертву ради тебя.
Источником добра сделай меня, Господи, для всех, с кем встречусь сегодня.
Прими молитву мою за тех, кто не знает Тебя, и избавь их от неверия.
Благодарю Тебя, Господи, за Божественное дыхание жизни, за душу мою, за все, что окружает меня, за близких и далеких, за небо и землю и, превыше всего, за Животворящую Любовь Твою.
Дай мне, Господи, весь день помнить и благодарить Тебя.
Акафист святителю Амвросию, епископу Медиоланскому
Для корректного отображения содержимого страницы необходимо включить JavaScript или воспользоваться браузером с поддержкой JavaScript.
Память: 20 декабря (07 декабря ст. ст.)
Избра́ннаго чудотво́рца и свети́льника це́ркве Медиола́нския свята́го Амвро́сия, прииди́те, ве́рнии, почти́м по достоя́нию усе́рдною хвало́ю. Ты́ же, уго́дниче Бо́жий ми́лостивый, приими́ с любо́вию сие́ приноше́ние на́ше, да зове́м ти́:
Ра́дуйся, Амвро́сие, святи́телю Христо́в и чудотво́рче.
А́нгельских си́л и всея́ тва́ри Соде́тель, еще́ от младе́нческих пеле́н твои́х предуказа́вый добро́ту души́ твоея́, свя́те Амвро́сие, подаде́ тя́, в во́зраст прише́дша, а́нгела це́ркви Медиола́нстей, па́стыря и учи́теля слове́сному ста́ду Своему́, и си́м научи́ на́с зва́ти тебе́ си́це:
Ра́дуйся, от колыбе́ли младе́нческия на служе́ние Це́ркви ро́ем пче́л предуказа́нный; ра́дуйся, ко святи́тельству чрез немо́тствующаго младе́нца Бо́гом при́званный.
Ра́дуйся, бога́тство, сла́ву и по́чести ми́ра презре́вый; ра́дуйся, еди́ному Го́споду служи́ти восхоте́вый.
Ра́дуйся, апо́столов Христо́вых досто́йных прее́мниче; ра́дуйся, архиере́ев святы́х преподо́бный сопресто́льниче.
Ра́дуйся, Амвро́сие, святи́телю Христо́в и чудотво́рче.
Ви́дя небе́сное промышле́ние, соверши́вшееся в чу́днем призва́нии твое́м ко служе́нию Це́ркви, прему́дре, посвяти́л еси́ про́чее вре́мя жития́ твоего́ на угожде́ние во́ли Боже́ственней, и прине́сл еси́ всего́ себе́ и вся́ своя́ в же́ртву призва́вшему тя́ Го́споду, поя́ ему́: Аллилу́иа.
Ра́зумом богопросвеще́нным, напое́нным же от сло́ва Бо́жия, уразуме́в я́ко основа́ние все́х доброде́телей и сою́з соверше́нства духо́внаго любы́ к Бо́гу и бли́жнему е́сть, благоче́стне, потща́лся яви́ти ю́ в себе́ не сло́вом то́кмо, но де́лом и и́стиною. Те́мже бе́дствующим ру́ку ско́рыя по́мощи простира́л еси́, име́ния своя́ вся́ убо́гим расточи́л еси́, и та́ко наста́вил еси́ на́с зва́ти тебе́ си́це:
Ра́дуйся, я́ко путе́м нестяжа́ния апо́стольскаго ше́ствовати возлюби́л еси́; ра́дуйся, я́ко все́ свое́ попече́ние на Про́мысл Бо́жий возложи́л еси́.
Ра́дуйся, милосе́рдия я́же во Христе́ подража́телю; ра́дуйся, нищеты́ его́ до́льния доброво́льный после́дователю.
Ра́дуйся, ме́ньших бра́тий Христо́вых дру́же и благоде́телю; ра́дуйся, скорбя́щих и озло́бленных ско́рый уте́шителю.
Ра́дуйся, Амвро́сие, святи́телю Христо́в и чудотво́рче.
Си́лою Вы́шняго укрепля́емь, преподо́бне, труды́ и ско́рби вели́каго служе́ния святи́тельскаго на по́льзу це́ркве Медиола́нския, во сла́ву же Го́спода Иису́са, благоду́шно поне́сл еси́, о все́х же благословля́л еси́ Бо́га, поя́ Ему́: Аллилу́иа.
Име́я же́зл си́лы, кре́пость ева́нгельскую, по́сланную ти́ от Сио́на Небе́снаго, святи́телю, госпо́дствовал еси́ посреде́ враго́в твои́х и не да́л еси́ волко́м ходя́щим во о́вчих ко́жах, в се́рдце же нося́щим я́д па́губы, расхи́тити ста́до твое́. Те́мже похва́льная воспису́ем ти́ сия́:
Ра́дуйся, слуго́ Спа́са ве́рнейший; ра́дуйся, стра́же до́му Бо́жия бди́тельнейший.
Ра́дуйся, па́стырю Христо́в честне́йший; ра́дуйся, побо́рниче ве́ры, во пре́ниих с ересеучи́тельми мудре́йший.
Ра́дуйся, злоче́стия ариа́нскаго потреби́телю; ра́дуйся, пра́вых догма́тов насади́телю.
Ра́дуйся, Амвро́сие, святи́телю Христо́в и чудотво́рче.
Бу́рю крамолы́, воздви́гшуюся на це́рковь Медиола́нскую, зря́, Амвро́сие, сладкоглаго́ливою бесе́дою твое́ю, соде́йствием же Бо́жиим утиши́л еси́ мяте́ж людски́й, и та́ко научи́л еси́ ча́д ми́ра пе́ти Бо́гу: Аллилу́иа.
Слы́ша Феодо́сий ца́рь преще́ние твое́, и́мже возбраня́шеся ему́ я́ко уби́йце вни́ти в це́рковь Бо́жию, во е́же приобщи́тися Та́йн святы́х, повинова́ся ти́, я́ко гре́шник смире́нно ка́ющийся и примире́ния с Го́сподом жа́ждущий. Того́ ра́ди по достоя́нию возглаша́ем ти́:
Ра́дуйся, Та́ин Бо́жиих му́дрый строи́телю; ра́дуйся, постановле́ний оте́ческих ве́рный храни́телю.
Ра́дуйся, Нафа́ну и Предте́чи соревни́телю; ра́дуйся, законопресту́пных нелицеме́рный обличи́телю.
Ра́дуйся, наста́вниче покая́ния и исправле́ния; ра́дуйся, Це́ркве Медиола́нския неумира́ющая сла́во и украше́ние.
Ра́дуйся, Амвро́сие, святи́телю Христо́в и чудотво́рче.
Боготе́чная звезда́ на тве́рди церко́вней бы́л еси́, о́тче Амвро́сие, све́тлостию уче́ния и жития́ твоего́ мглу́ ересе́й разгоня́ющая и мра́к безбо́жия потребля́ющая, неве́рных от тьмы́ неве́рия к све́ту невече́рнему привлача́ющая и все́х ко спасе́нию путеводя́щая, пою́щим Бо́гу: Аллилу́иа.
Ви́девше тя́ медиола́нстии лю́дие му́драго пе́стуна и любвеоби́льнаго отца́ па́стве свое́й, святи́телю, притека́ху к милосе́рдию твоему́ во все́х ско́рбех и ну́ждах свои́х. Ты́ же, ми́лостиве, никого́же отри́нул еси́, но все́м вся́к помо́щник бы́л еси́, досто́йный сицевы́х похва́л:
Ра́дуйся, си́рых покрови́телю; ра́дуйся, оби́димых защи́тителю.
Ра́дуйся, плене́нных от ва́рвар искупи́телю; ра́дуйся, от ко́зней сатани́нских свободи́телю.
Ра́дуйся, я́ко досто́йно сла́достное и́мя носи́л еси́; ра́дуйся, я́ко вои́стину сла́достен наста́вник и пособи́тель все́м бы́л еси́.
Ра́дуйся, Амвро́сие, святи́телю Христо́в и чудотво́рче.
Пропове́дник веща́емых ти́ от А́нгел к у́ху глаго́лов Бо́жиих бы́л еси́, святи́телю Амвро́сие, те́мже словеса́ у́ст твои́х па́че ме́да и со́та услажда́ху все́х послу́шающих тебе́ и Бо́гу вопию́щих: Аллилу́иа.
Возсия́ а́ки со́лнце све́т доброде́тельнаго жития́ твоего́ на земли́, богому́дре о́тче, в тебе́ бо зри́м вся́ ели́ка честна́, ели́ка пра́ведна, ели́ка пречи́ста. Си́х ра́ди сла́вяще Свята́го Ду́ха, вино́вника благи́х, от си́лы в си́лу священнота́йне ве́дшаго тя́, зове́м:
Ра́дуйся, доброде́телей ева́нгельских пребога́тое сокро́вище; ра́дуйся, всегда́шних воздыха́ний и моли́тв я́же к Бо́гу пречестно́е святи́лище.
Ра́дуйся, кро́тости и смире́ния боголе́пное жили́ще; ра́дуйся, терпе́ния тве́рдое храни́лище.
Ра́дуйся, церкве́й Бо́жиих украси́телю и пречу́дный побо́рниче; ра́дуйся, чистоты́ де́вственный учи́телю и неоску́дный сле́з исто́чниче.
Ра́дуйся, Амвро́сие, святи́телю Христо́в и чудотво́рче.
Хотя́ улучи́ти спасе́ние во мно́зе сове́те, смиренному́дре, име́л еси́ дру́га души́ твоея́ пресви́тера состаре́вшася и му́дра, почита́я его́ я́ко отца́ и с ни́м совеща́лся о де́лех свои́х; вразуми́ и на́с твори́ти вся́ с сове́том богому́дрых отце́в, да окормле́нием и́х спаса́еми, пое́м Бо́гу: Аллилу́иа.
Зна́мение ева́нгельския любве́ к бли́жнему яви́л еси́, о́тче Амвро́сие, егда́ враго́м свои́м благотвори́л еси́ и со гре́шники ка́ющимися го́рько пла́кал еси́. Те́мже ти́ я́ко непамятозло́бному па́стырю и отцу́, боле́зновавшу о спасе́нии духо́вных ча́д твои́х, вопие́м:
Ра́дуйся, незло́бия Христо́ва подража́телю; ра́дуйся, ка́ющимся гре́шником те́плый сострада́телю.
Ра́дуйся, Иусти́не, враждова́вшей ти́, благотвори́вый; ра́дуйся, злоде́ю твоему́ ру́ку усо́хшую исцели́вый.
Ра́дуйся, я́ко ве́сь кро́тость и любо́вь бы́л еси́; ра́дуйся, я́ко высоты́ соверше́нства дости́гл еси́.
Ра́дуйся, Амвро́сие, святи́телю Христо́в и чудотво́рче.
Стра́нныя и ди́вныя си́лы пе́рст Бо́жий сотвори́ в житии́ твое́м, святи́телю, егда́ уме́рша о́трока воскреси́ тобо́ю, разсла́бленную исцели́, ариа́нина, почита́ния ра́ди святы́х моще́й хули́вшаго тя́, бе́су преда́, безсту́дную жену́ сирми́йску уничижи́вшую тя́, ка́рою порази́. И кто́ от слы́шащих вся́ сия́ не просла́вит ди́внаго в житии́ твое́м Бо́га пе́снию: Аллилу́иа.
Ве́сь испо́лнен бы́в ре́вности по Бо́зе, о́тче Амвро́сие, такову́ю вла́сть над де́моны стяжа́л еси́, я́ко ниже́ к две́рем до́му твоего́ прибли́зитися можа́ху: о́гнь бо исходя́й отту́ду гна́ше и́х, я́ко пра́х, его́же возмета́ет ве́тр от лица́ земли́. Толи́ко стра́шный де́моном уго́дниче Бо́жий, огради́ и на́шу не́мощь предста́тельством твои́м от губи́тельных стре́л и́х, да вопие́м ти́ сицева́я:
Ра́дуйся, от ко́зней лю́таго мироде́ржца кре́пкий ве́рных храни́телю; ра́дуйся, от зло́бных слу́г его́, зия́ющих пожре́ти ны́, ве́рный на́ш обличи́телю.
Ра́дуйся, я́ко пла́мень лица́ бесо́в попаля́ющий; ра́дуйся, я́ко гро́м киче́ние па́дшаго денни́цы поража́ющий.
Ра́дуйся, всю́ си́лу его́ си́лою кре́стною попра́вый; ра́дуйся, нечи́стых духо́в от притека́ющих к тебе́ отгна́вый.
Ра́дуйся, Амвро́сие, святи́телю Христо́в и чудотво́рче.
Все́ житие́ на́ше во юдо́ли земна́го стра́нствования сего́ испо́лнено безчи́сленных искуше́ний и бе́д, грехо́в и страсте́й, вою́ющих на ны́: ка́ко у́бо избы́ти возмо́жем ве́чных му́к, окая́ннии, егда́ пости́гнет на́с сме́рть неумоли́мая, а́ще не ты́, о́тче, с наде́ждою на́шею Богома́терию, предста́тельствовати за ны́ бу́деши, поя́ Бо́гу: Аллилу́иа.
Вети́я многовеща́нныя ви́дим тобо́ю посра́мленныя, святи́телю: А́рия бо ху́льных после́дователей препре́л еси́, Симма́ха высокоу́мнаго низложи́л еси́, мудрецы́, и́же от восто́ка, глубино́ю богосло́вия своего́ удиви́л еси́, и вся́ ве́рныя уче́нием и́стинным просвети́л еси́. Те́мже мо́лим тя́: осия́й и на́с све́том богоразу́мия твоего́, да отбе́гше скве́рн тлетво́рнаго ду́ха вре́мене и собла́знов бори́теля, вопие́м ти́:
Ра́дуйся, ду́ш на́ших просвети́телю; ра́дуйся, ве́ры правосла́вныя побо́рниче.
Ра́дуйся, веле́ний Бо́жиих учи́телю; ра́дуйся, пле́вел вра́жиих, всева́емых в ду́ши спя́щих челове́к, искорени́телю.
Ра́дуйся, я́ко мно́гих коле́блемых неве́рием в пра́вой ве́ре укрепи́л еси́; ра́дуйся, я́ко догма́т о единосу́щном и равноче́стном Отцу́ и Ду́хови Божестве́ Сы́на уясни́л еси́.
Ра́дуйся, Амвро́сие, святи́телю Христо́в и чудотво́рче.
Спасе́ние соверше́нное улучи́в от привре́менных бу́рь и бе́д, уго́дниче Бо́жий Амвро́сие, не забу́ди на́с, потопля́емых напа́стей бу́рею. Но в ни́хже са́м искуше́н бы́л еси́, и на́м искуша́емым помози́, да пое́м Бо́гу: Аллилу́иа.
Сте́ну тя́ тве́рдую и изве́стно утвержде́ние гра́ду твоему́ и все́м чту́щим па́мять твою́ испове́дающе, святи́телю, дерза́ем по достоя́нию воспе́ти тебе́ хвале́ние сие́:
Ра́дуйся, царе́й бранелюби́вых умиротвори́телю; ра́дуйся, благоде́нствия оте́чественнаго храни́телю.
Ра́дуйся, я́ко тобо́ю царю́ Гратиа́ну побе́да на го́ты дарова́ся; ра́дуйся, я́ко тобо́ю мно́гим ми́р от Феодо́сия исхода́тайствовася.
Ра́дуйся, я́ко тобо́ю проще́ние грехо́в улуча́ем; ра́дуйся, я́ко тобо́ю от бе́д спаса́еми, ми́р с Бо́гом обрета́ем.
Ра́дуйся, Амвро́сие, святи́телю Христо́в и чудотво́рче.
Пе́снь «Тебе́ Бо́га хва́лим, Тебе́ Го́спода испове́дуем…» па́че вся́каго возду́шнаго орга́на услажда́ющую ве́рных, воспе́л еси́ в че́сть Боже́ственней Тро́ице, святи́телю. Ны́не же в Це́ркви Небе́сней пое́ши со А́нгелы и́ну пе́снь то́йжде Тро́ице: Аллилу́иа.
Светопода́тельна свети́льника, еще́ на земли́ просия́вша невеще́ственным све́том, ве́дуще тя́, о́тче святы́й, ку́ю досто́йную похвалу́ принесе́м ти́ гре́шнии, ко́ею пе́снию ублажи́м тя́ недосто́йнии, о святи́телю Христо́в. Еди́н то́кмо све́дый глубины́ серде́чныя и реки́й: «А́з прославля́ющия Мя́ просла́влю», — еди́н О́н ве́сть, ка́ко по достоя́нию просла́вити тя́. Оба́че ве́дый, я́ко челове́к, на́шу не́мощь, не отри́ни, я́ко оте́ц ми́лостивый, и на́ша убо́гия, но от и́скренних серде́ц приноси́мыя ти́ хвалы́ сия́:
Ра́дуйся, а́нгеле земны́й, еще́ на земли́ све́том невеще́ственным озаре́нный; ра́дуйся, челове́че небе́сный, еще́ во пло́ти лицезре́нием сладча́йшаго Иису́са почте́нный.
Ра́дуйся, свети́льниче Боже́ственнаго све́та, уче́нием свои́м ми́ра концы́ озари́вый; ра́дуйся, луче́ мы́сленнаго Со́лнца, теплото́ю любве́ своея́ вертогра́д Его́ оживи́вый.
Ра́дуйся, звездо́, тве́рдь церко́вную све́тло украша́ющая; ра́дуйся, похвало́ и доны́не Медиола́н осиява́ющая.
Ра́дуйся, Амвро́сие, святи́телю Христо́в и чудотво́рче.
Благода́тию небе́снаго покро́ва твоего́ не лиши́ на́с никогда́, о ми́лостиве о́тче, но при́сно моли́ся о на́с к ще́дрому Го́споду, Ему́же с ли́ки святы́х немо́лчно пое́ши: Аллилу́иа.
Пою́ще чудеса́ и по́двиги преподо́бнаго жития́ твоего́, святи́телю, сла́вим кончи́ну твою́, е́юже ми́рно отше́л еси́ на не́бо, и ублажа́ем соца́рствование твое́ та́мо с Бо́гом ве́чным. Ты́ же, уго́дниче святы́й, при́зри с высоты́ о́наго блаже́ннаго приста́нища твоего́ на на́с, пла́вающих в молве́ жите́йских попече́ний и к тебе́, неви́димому окорми́телю на́шему, из глубины́ души́ вопию́щих:
Ра́дуйся, пла́вание свое́ в жите́йском мо́ри до́бре сверши́вый и безце́нное сокро́вище ве́ры в бе́зднах его́ не потопи́вый; ра́дуйся, ко приста́нищу ра́йскому безбе́дно приплы́вый и вене́ц нетле́нный от Христа́ улучи́вый.
Ра́дуйся, я́ко та́мо ликовству́я, и на́с, до́лу су́щих, любо́вию твое́ю досяза́еши; ра́дуйся, я́ко ду́хом твои́м на́м вы́ну спребыва́еши.
Ра́дуйся, я́ко тобо́ю гне́ва Бо́жия избавля́емся; ра́дуйся, я́ко мольба́ми твои́ми к приста́нищу го́рнему направля́емся.
Ра́дуйся, Амвро́сие, святи́телю Христо́в и чудотво́рче.
О святы́й и ми́лостивый уго́дниче Бо́жий Амвро́сие! Приими́ с любо́вию приноси́мое сие́ ма́лое, но от усе́рдия приноси́мое тебе́ хвале́ние на́ше, и потщи́ся изба́вити на́с от боле́зней душе́вных и теле́сных, от все́х бе́д и зо́л, да тобо́ю улучи́вше Ца́рство Небе́сное, во ве́ки пое́м Бо́гу: Аллилу́иа.
Этот конда́к читается трижды, затем и́кос 1-й и конда́к 1-й.
О пресла́вный чудотво́рче, в ско́рбех ско́рый помо́щниче и усе́рдный о ми́ре к Бо́гу моли́твенниче, о́тче святы́й Амвро́сие! Ве́мы, я́ко ве́лие ко Спа́су и́маши дерзнове́ние, предстоя́ го́рнему Престо́лу Его́, и сего́ ра́ди смире́нно припа́даем ти́: моли́ся Ему́, уго́дниче Бо́жий, да пода́ст наро́ду Росси́йскому благоде́нственное и ми́рное житие́, да изба́вит от вра́г ви́димых и неви́димых, от наше́ствия иноплеме́нных, от неду́га и гла́да, от вся́кия ско́рби и смертоно́сныя я́звы и от вся́каго зла́; на́м же все́м, ве́рою пра́зднующим святу́ю па́мять твою́ и усе́рдно хода́тайства твоего́ ча́ющим, да ниспо́слет вся́ благопотре́бная ко вре́менному и ве́чному житию́ на́шему, па́че же оставле́ние грехо́в, ми́р по́мыслов, тишину́ серде́чную, здра́вие душа́м и телесе́м на́шим. Е́й, святи́телю Бо́жий, па́стырю Христо́в ми́лостивейший, покрови́телю на́ш гото́вейший! услы́ши на́с, еще́ еди́наго от тебе́ прося́щих: бу́ди те́плый моли́твенник и предста́тель ко Го́споду о духо́вных па́стырех и отце́х на́ших (имена́), и́же не́мощи на́ша но́сят и о на́с боле́знуют, до́ндеже вообрази́тся в на́с Христо́с, да сохрани́т О́н, всеблаги́й и вся́ могу́щий Влады́ка, дража́йшия дни́ жития́ и́х в неруши́мом ми́ре и кре́пости си́л духо́вных и теле́сных, да приведе́т на́с, недосто́йных рабо́в Свои́х, и́х окормле́нием и моли́твами, твои́м же хода́йтайством и заступле́нием ко приста́нищу жи́зни несконча́емыя, иде́же херуви́ми и серафи́ми, святи́и вси́ с Богоро́дицею и с тобо́ю, покрови́телем на́шим, непреста́нными гла́сы сла́вят Отца́, и Сы́на, и Свята́го Ду́ха, ны́не и при́сно и во ве́ки веко́в. Ами́нь.
О всесвяты́й Амвро́сие, уго́дниче Бо́жий изря́днейший, покрови́телю мо́й ми́лостивейший! При́зри с высоты́ го́рняго жили́ща твоего́ на мя́ недосто́йнаго, неради́ваго, уны́лаго в настоя́щем житии́ се́м. Ви́ждь мене́ гре́шнаго, в толи́цем обстоя́нии су́щаго, умо́м помраче́ннаго, во́лею ко злу́ преклоне́ннаго, и се́рдцем па́че к земли́, не́же к небеси́, прилепле́ннаго. Ви́ждь стра́стное обурева́ние души́ моея́ и не́мощь и небреже́ние мое́. Ви́ждь при се́м и кова́рство злонача́льника и губи́теля моего́, ви́ждь, о святи́телю Христо́в, и умилосе́рдися о мне́, такова́го ра́ди положе́ния моего́. Помози́ ми́, о засту́пниче мо́й, ско́рым предста́тельством твои́м. Исхода́тайствуй ми́ от Отца́ щедро́т бо́дрость и си́лу, во е́же твори́ти во́лю Его́, благу́ю, уго́дную и соверше́нную, стра́сти моя́ умертви́ти, де́мона низложи́ти, ми́р себе́ распя́ти и себе́ ми́ру, и та́ко дости́гнути христиа́нския кончи́ны живота́ своего́, безболе́зненны, непосты́дны, ми́рны. По исхо́де же притре́петныя души́ моея́ от окая́ннаго и бре́ннаго телесе́ сего́, бу́ди е́й а́нгел покрови́тель, до́бр спу́тник, ве́рен храни́тель и защи́тник от лю́тых нападе́ний нача́льника возду́шных мыта́рств, да безбе́дно преше́д о́ныя, си́лою предста́тельства твоего́, сподо́блюся про́чее и а́з, после́дний из все́х, и́же в ца́рстве благода́ти, узре́ти сладча́йшее лице́ Го́спода на́шего и сла́вити Его́ со Отце́м и Святы́м Ду́хом, и твое́ ми́лостивное о мне́ предста́тельство, во ве́ки веко́в. Ами́нь.
А҆ка́ѳїстъ ст҃и́телю а҆мвро́сїю, є҆пⷭ҇копꙋ медїола́нскомꙋ
И҆збра́ннагѡ чꙋдотво́рца и҆ свѣти́льника це́ркве медїола́нскїѧ ст҃а́гѡ а҆мвро́сїѧ, прїиди́те, вѣ́рнїи, почти́мъ по достоѧ́нїю ᲂу҆се́рдною хвало́ю. Ты́ же, ᲂу҆го́дниче бж҃їй млⷭ҇тивый, прїимѝ съ любо́вїю сїѐ приноше́нїе на́ше, да зове́мъ тѝ:
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
А҆́гг҃льскихъ си́лъ и҆ всеѧ̀ тва́ри содѣ́тель, є҆щѐ ѿ младе́нческихъ пеле́нъ твои́хъ пред̾ꙋказа́вый добро́тꙋ дꙋшѝ твоеѧ̀, ст҃е а҆мвро́сїе, подадѐ тѧ̀, въ во́зрастъ прише́дша, а҆́гг҃ла цр҃кви медїола́нстѣй, па́стырѧ и҆ ᲂу҆чи́телѧ слове́сномꙋ ста́дꙋ своемꙋ̀, и҆ си́мъ наꙋчѝ на́съ зва́ти тебѣ̀ си́це:
Ра́дꙋйсѧ, ѿ колыбе́ли младе́нческїѧ на слꙋже́нїе цр҃кви ро́емъ пче́лъ пред̾ꙋказа́нный: ра́дꙋйсѧ, ко ст҃и́тельствꙋ чрез̾ нѣмо́тствꙋющагѡ младе́нца бг҃омъ при́званный.
Ра́дꙋйсѧ, бога́тство, сла́вꙋ и҆ по́чести мі́ра презрѣ́вый: ра́дꙋйсѧ, є҆ди́номꙋ гдⷭ҇ꙋ слꙋжи́ти восхотѣ́вый.
Ра́дꙋйсѧ, а҆пⷭ҇лѡвъ хрⷭ҇то́выхъ досто́йныхъ прее́мниче: ра́дꙋйсѧ, а҆рхїере́євъ ст҃ы́хъ прпⷣбный сопресто́льниче.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Ви́дѧ нбⷭ҇ное промышле́нїе, соверши́вшеесѧ въ чꙋ́днѣмъ призва́нїи твое́мъ ко слꙋже́нїю цр҃кви, премꙋ́дре, посвѧти́лъ є҆сѝ про́чее вре́мѧ житїѧ̀ твоегѡ̀ на ᲂу҆гожде́нїе во́ли бжⷭ҇твеннѣй, и҆ прине́слъ є҆сѝ всегѡ̀ себѐ и҆ всѧ̑ своѧ̑ въ же́ртвꙋ призва́вшемꙋ тѧ̀ гдⷭ҇ꙋ, поѧ̀ є҆мꙋ̀: А҆ллилꙋ́їа.
Ра́зꙋмомъ бг҃опросвѣще́ннымъ, напое́ннымъ же ѿ сло́ва бж҃їѧ, ᲂу҆разꙋмѣ́въ ꙗ҆́кѡ ѡ҆снова́нїе всѣ́хъ добродѣ́телей и҆ сою́зъ соверше́нства дꙋхо́внагѡ любы̀ къ бг҃ꙋ и҆ бли́жнемꙋ є҆́сть, бл҃гоче́стне, потща́лсѧ ꙗ҆ви́ти ю҆̀ въ себѣ̀ не сло́вомъ то́кмо, но дѣ́ломъ и҆ и҆́стиною. Тѣ́мже бѣ́дствꙋющымъ рꙋ́кꙋ ско́рыѧ по́мощи простира́лъ є҆сѝ, и҆мѣ́нїѧ своѧ̑ всѧ̑ ᲂу҆бо́гимъ расточи́лъ є҆сѝ, и҆ та́кѡ наста́вилъ є҆сѝ на́съ зва́ти тебѣ̀ си́це:
Ра́дꙋйсѧ, ꙗ҆́кѡ пꙋте́мъ нестѧжа́нїѧ а҆пⷭ҇льскагѡ ше́ствовати возлюби́лъ є҆сѝ: ра́дꙋйсѧ, ꙗ҆́кѡ всѐ своѐ попече́нїе на про́мыслъ бж҃їй возложи́лъ є҆сѝ.
Ра́дꙋйсѧ, млⷭ҇рдїѧ ꙗ҆́же во хрⷭ҇тѣ̀ подража́телю: ра́дꙋйсѧ, нищеты̀ є҆гѡ̀ до́льнїѧ доброво́льный послѣ́дователю.
Ра́дꙋйсѧ, ме́ньшихъ бра́тїй хрⷭ҇то́выхъ дрꙋ́же и҆ бл҃годѣ́телю: ра́дꙋйсѧ, скорбѧ́щихъ и҆ ѡ҆ѕло́бленныхъ ско́рый ᲂу҆тѣ́шителю.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Си́лою вы́шнѧгѡ ᲂу҆крѣплѧ́емь, прпⷣбне, трꙋды̀ и҆ скѡ́рби вели́кагѡ слꙋже́нїѧ ст҃и́тельскагѡ на по́льзꙋ цр҃кве медїола́нскїѧ, во сла́вꙋ же гдⷭ҇а і҆и҃са, бл҃годꙋ́шнѡ поне́слъ є҆сѝ, ѡ҆ всѣ́хъ же благословлѧ́лъ є҆сѝ бг҃а, поѧ̀ є҆мꙋ̀: А҆ллилꙋ́їа.
И҆мѣ́ѧ же́злъ си́лы, крѣ́пость є҆ѵⷢ҇льскꙋю, по́сланнꙋю тѝ ѿ сїѡ́на нбⷭ҇нагѡ, ст҃и́телю, госпо́дствовалъ є҆сѝ посредѣ̀ врагѡ́въ твои́хъ и҆ не да́лъ є҆сѝ волкѡ́мъ ходѧ́щимъ во ѻ҆́вчихъ ко́жахъ, въ се́рдцѣ же носѧ́щимъ ꙗ҆́дъ па́гꙋбы, расхи́тити ста́до твоѐ. Тѣ́мже похва́льнаѧ восписꙋ́емъ тѝ сїѧ̑:
Ра́дꙋйсѧ, слꙋго̀ сп҃са вѣ́рнѣйшїй: ра́дꙋйсѧ, стра́же до́мꙋ бж҃їѧ бди́тельнѣйшїй.
Ра́дꙋйсѧ, па́стырю хрⷭ҇то́въ честнѣ́йшїй: ра́дꙋйсѧ, побо́рниче вѣ́ры, во пре́нїихъ съ є҆ресеꙋчи́тельми мꙋдрѣ́йшїй.
Ра́дꙋйсѧ, ѕлоче́стїѧ а҆рїа́нскагѡ потреби́телю: ра́дꙋйсѧ, пра́выхъ догма́тѡвъ насади́телю.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Бꙋ́рю крамѡлы̀, воздви́гшꙋюсѧ на це́рковь медїола́нскꙋю, зрѧ̀, а҆мвро́сїе, сладкоглаго́ливою бесѣ́дою твое́ю, содѣ́йствїемъ же бж҃їимъ ᲂу҆тиши́лъ є҆сѝ мѧте́жъ людскі́й, и҆ та́кѡ наꙋчи́лъ є҆сѝ ча́дъ мі́ра пѣ́ти бг҃ꙋ: А҆ллилꙋ́їа.
Слы́ша ѳеодо́сїй ца́рь преще́нїе твоѐ, и҆́мже возбранѧ́шесѧ є҆мꙋ̀ ꙗ҆́кѡ ᲂу҆бі́йце вни́ти въ це́рковь бж҃їю, во є҆́же прїѻбщи́тисѧ та́йнъ ст҃ы́хъ, повинова́сѧ тѝ, ꙗ҆́кѡ грѣ́шникъ смире́ннѡ ка́ющїйсѧ и҆ примире́нїѧ съ гдⷭ҇омъ жа́ждꙋщїй. Тогѡ̀ ра́ди по достоѧ́нїю возглаша́емъ тѝ:
Ра́дꙋйсѧ, та́инъ бж҃їихъ мꙋ́дрый строи́телю: ра́дꙋйсѧ, постановле́нїй ѻ҆те́ческихъ вѣ́рный храни́телю.
Ра́дꙋйсѧ, наѳа́нꙋ и҆ предте́чи соревни́телю: ра́дꙋйсѧ, законопрестꙋ́пныхъ нелицемѣ́рный ѡ҆бличи́телю.
Ра́дꙋйсѧ, наста́вниче покаѧ́нїѧ и҆ и҆справле́нїѧ: ра́дꙋйсѧ, це́ркве медїола́нскїѧ неꙋмира́ющаѧ сла́во и҆ ᲂу҆краше́нїе.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Бг҃оте́чнаѧ ѕвѣзда̀ на тве́рди церко́внѣй бы́лъ є҆сѝ, ѻ҆́тче а҆мвро́сїе, свѣ́тлостїю ᲂу҆че́нїѧ и҆ житїѧ̀ твоегѡ̀ мглꙋ̀ є҆ресе́й разгонѧ́ющаѧ и҆ мра́къ безбо́жїѧ потреблѧ́ющаѧ, невѣ́рныхъ ѿ тмы̀ невѣ́рїѧ къ свѣ́тꙋ невече́рнемꙋ привлача́ющаѧ и҆ всѣ́хъ ко сп҃се́нїю пꙋтеводѧ́щаѧ, пою́щимъ бг҃ꙋ: А҆ллилꙋ́їа.
Ви́дѣвше тѧ̀ медїола́нстїи лю́дїе мꙋ́драгѡ пѣ́стꙋна и҆ любвеѻби́льнагѡ ѻ҆тца̀ па́ствѣ свое́й, ст҃и́телю, притека́хꙋ къ милосе́рдїю твоемꙋ̀ во всѣ́хъ ско́рбѣхъ и҆ нꙋ́ждахъ свои́хъ. Ты́ же, ми́лостиве, никого́же ѿри́нꙋлъ є҆сѝ, но всѣ̑мъ всѧ́къ помо́щникъ бы́лъ є҆сѝ, досто́йный сицевы́хъ похва́лъ:
Ра́дꙋйсѧ, си́рыхъ покрови́телю: ра́дꙋйсѧ, ѻ҆би́димыхъ защи́тителю.
Ра́дꙋйсѧ, плѣне́нныхъ ѿ ва́рваръ и҆скꙋпи́телю: ра́дꙋйсѧ, ѿ ко́зней сатани́нскихъ свободи́телю.
Ра́дꙋйсѧ, ꙗ҆́кѡ досто́йнѡ сла́достное и҆́мѧ носи́лъ є҆сѝ: ра́дꙋйсѧ, ꙗ҆́кѡ вои́стиннꙋ сла́достенъ наста́вникъ и҆ пособи́тель всѣ̑мъ бы́лъ є҆сѝ.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Проповѣ́дникъ вѣща́ємыхъ тѝ ѿ а҆́гг҃лъ къ ᲂу҆́хꙋ глаго́лѡвъ бж҃їихъ бы́лъ є҆сѝ, ст҃и́телю а҆мвро́сїе, тѣ́мже словеса̀ ᲂу҆́стъ твои́хъ па́че ме́да и҆ со́та ᲂу҆слажда́хꙋ всѣ́хъ послꙋ́шающихъ тебѐ и҆ бг҃ꙋ вопїю́щихъ: А҆ллилꙋ́їа.
Возсїѧ̀ а҆́ки со́лнце свѣ́тъ добродѣ́тельнагѡ житїѧ̀ твоегѡ̀ на землѝ, бг҃омꙋ́дре ѻ҆́тче, въ тебѣ́ бо зри́мъ всѧ̑ є҆ли́ка честна̀, є҆ли́ка пра́ведна, є҆ли́ка пречи́ста. Си́хъ ра́ди сла́вѧще ст҃а́гѡ дх҃а, вино́вника бл҃ги́хъ, ѿ си́лы въ си́лꙋ сщ҃еннота́йнѣ ве́дшагѡ тѧ̀, зове́мъ:
Ра́дꙋйсѧ, добродѣ́телей є҆ѵⷢ҇льскихъ пребога́тое сокро́вище: ра́дꙋйсѧ, всегда́шнихъ воздыха́нїй и҆ моли́твъ ꙗ҆́же къ бг҃ꙋ пречтⷭ҇но́е ст҃и́лище.
Ра́дꙋйсѧ, кро́тости и҆ смире́нїѧ бг҃олѣ́пное жили́ще: ра́дꙋйсѧ, терпѣ́нїѧ тве́рдое храни́лище.
Ра́дꙋйсѧ, церкве́й бж҃їихъ ᲂу҆краси́телю и҆ пречꙋ́дный побо́рниче: ра́дꙋйсѧ, чистоты̀ дѣ́вственный ᲂу҆чи́телю и҆ неѡскꙋ́дный слє́зъ и҆сто́чниче.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Хотѧ̀ ᲂу҆лꙋчи́ти сп҃се́нїе во мно́зѣ совѣ́тѣ, смиренномꙋ́дре, и҆мѣ́лъ є҆сѝ дрꙋ́га дꙋшѝ твоеѧ̀ пресвѵ́тера состарѣ́вшасѧ и҆ мꙋ́дра, почита́ѧ є҆гѡ̀ ꙗ҆́кѡ ѻ҆тца̀ и҆ съ ни́мъ совѣща́лсѧ ѡ҆ дѣ́лѣхъ свои́хъ: вразꙋмѝ и҆ на́съ твори́ти всѧ̑ съ совѣ́томъ бг҃омꙋ́дрыхъ ѻ҆тцє́въ, да ѡ҆кормле́нїемъ и҆̀хъ сп҃са́еми, пое́мъ бг҃ꙋ: А҆ллилꙋ́їа.
Зна́менїе є҆ѵⷢ҇льскїѧ любвѐ къ бли́жнемꙋ ꙗ҆ви́лъ є҆сѝ, ѻ҆́тче а҆мвро́сїе, є҆гда̀ врагѡ́мъ свои́мъ бл҃готвори́лъ є҆сѝ и҆ со грѣ́шники ка́ющимисѧ го́рькѡ пла́калъ є҆сѝ. Тѣ́мже тѝ ꙗ҆́кѡ непамѧтоѕло́бномꙋ па́стырю и҆ ѻ҆тцꙋ̀, болѣ́зновавшꙋ ѡ҆ сп҃се́нїи дꙋхо́вныхъ ча́дъ твои́хъ, вопїе́мъ:
Ра́дꙋйсѧ, неѕло́бїѧ хрⷭ҇то́ва подража́телю: ра́дꙋйсѧ, ка́ющимсѧ грѣ́шникѡмъ те́плый сострада́телю.
Ра́дꙋйсѧ, і҆ꙋсті́не, враждова́вшей тѝ, бл҃готвори́вый: ра́дꙋйсѧ, ѕлодѣ́ю твоемꙋ̀ рꙋ́кꙋ ᲂу҆со́хшꙋю и҆сцѣли́вый.
Ра́дꙋйсѧ, ꙗ҆́кѡ ве́сь кро́тость и҆ любо́вь бы́лъ є҆сѝ: ра́дꙋйсѧ, ꙗ҆́кѡ высоты̀ соверше́нства дости́глъ є҆сѝ.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Стра́нныѧ и҆ ди́вныѧ си́лы пе́рстъ бж҃їй сотворѝ въ житїѝ твое́мъ, ст҃и́телю, є҆гда̀ ᲂу҆мѣ́рша ѻ҆́трока воскресѝ тобо́ю, разсла́бленнꙋю и҆сцѣлѝ, а҆рїа́нина, почита́нїѧ ра́ди ст҃ы́хъ моще́й хꙋли́вшагѡ тѧ̀, бѣ́сꙋ преда̀, безстꙋ́днꙋю женꙋ̀ сїрмі́йскꙋ ᲂу҆ничижи́вшꙋю тѧ̀, ка́рою поразѝ. И҆ кто̀ ѿ слы́шащихъ всѧ̑ сїѧ̑ не просла́витъ ди́внагѡ въ житїѝ твое́мъ бг҃а пѣ́снїю: А҆ллилꙋ́їа.
Ве́сь и҆спо́лненъ бы́въ ре́вности по бз҃ѣ, ѻ҆́тче а҆мвро́сїе, таковꙋ́ю вла́сть над̾ де́моны стѧжа́лъ є҆сѝ, ꙗ҆́кѡ нижѐ къ две́рємъ до́мꙋ твоегѡ̀ прибли́зитисѧ можа́хꙋ: ѻ҆́гнь бо и҆сходѧ́й ѿтꙋ́дꙋ гна́ше и҆̀хъ, ꙗ҆́кѡ пра́хъ, є҆го́же возмета́етъ вѣ́тръ ѿ лица̀ землѝ. Толи́ко стра́шный де́мономъ ᲂу҆го́дниче бж҃їй, ѡ҆градѝ и҆ на́шꙋ не́мощь предста́тельствомъ твои́мъ ѿ гꙋби́тельныхъ стрѣ́лъ и҆̀хъ, да вопїе́мъ тѝ сицєва́ѧ:
Ра́дꙋйсѧ, ѿ ко́зней лю́тагѡ мїроде́ржца крѣ́пкїй вѣ́рныхъ храни́телю: ра́дꙋйсѧ, ѿ ѕло́бныхъ слꙋ́гъ є҆гѡ̀, зїѧ́ющихъ пожре́ти ны̀, вѣ́рный на́шъ ѡ҆бличи́телю.
Ра́дꙋйсѧ, ꙗ҆́кѡ пла́мень лица̀ бѣсѡ́въ попалѧ́ющїй: ра́дꙋйсѧ, ꙗ҆́кѡ гро́мъ киче́нїе па́дшагѡ денни́цы поража́ющїй.
Ра́дꙋйсѧ, всю̀ си́лꙋ є҆гѡ̀ си́лою крⷭ҇тною попра́вый: ра́дꙋйсѧ, нечи́стыхъ дꙋхѡ́въ ѿ притека́ющихъ къ тебѣ̀ ѿгна́вый.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Всѐ житїѐ на́ше во ю҆до́ли земна́гѡ стра́нствованїѧ сегѡ̀ и҆спо́лнено безчи́сленныхъ и҆скꙋше́нїй и҆ бѣ́дъ, грѣхѡ́въ и҆ страсте́й, вою́ющихъ на ны̀: ка́кѡ ᲂу҆́бѡ и҆збы́ти возмо́жемъ вѣ́чныхъ мꙋ́къ, ѡ҆каѧ́ннїи, є҆гда̀ пости́гнетъ на́съ сме́рть неꙋмоли́маѧ, а҆́ще не ты̀, ѻ҆́тче, съ наде́ждою на́шею бг҃ома́терїю, предста́тельствовати за ны̀ бꙋ́деши, поѧ̀ бг҃ꙋ: А҆ллилꙋ́їа.
Вѣті̑ѧ многовѣща̑нныѧ ви́димъ тобо́ю посра́млєнныѧ, ст҃и́телю: а҆́рїѧ бо хꙋ́льныхъ послѣ́дователей препре́лъ є҆сѝ, сїмма́ха высокоꙋ́мнагѡ низложи́лъ є҆сѝ, мꙋдрецы̀, и҆̀же ѿ восто́ка, глꙋбино́ю бг҃осло́вїѧ своегѡ̀ ᲂу҆диви́лъ є҆сѝ, и҆ всѧ̑ вѣ̑рныѧ ᲂу҆че́нїемъ и҆́стиннымъ просвѣти́лъ є҆сѝ. Тѣ́мже мо́лимъ тѧ̀: ѡ҆сїѧ́й и҆ на́съ свѣ́томъ бг҃оразꙋ́мїѧ твоегѡ̀, да ѿбѣ́гше скве́рнъ тлѣтво́рнагѡ дꙋ́ха вре́мене и҆ собла́знѡвъ бори́телѧ, вопїе́мъ тѝ:
Ра́дꙋйсѧ, дꙋ́шъ на́шихъ просвѣти́телю: ра́дꙋйсѧ, вѣ́ры правосла́вныѧ побо́рниче.
Ра́дꙋйсѧ, велѣ́нїй бж҃їихъ ᲂу҆чи́телю.
Ра́дꙋйсѧ, пле́велъ вра́жїихъ, всѣва́емыхъ въ дꙋ́ши спѧ́щихъ чл҃вѣ̑къ, и҆скорени́телю: ра́дꙋйсѧ, ꙗ҆́кѡ мно́гихъ коле́блемыхъ невѣ́рїемъ въ пра́вой вѣ́рѣ ᲂу҆крѣпи́лъ є҆сѝ.
Ра́дꙋйсѧ, ꙗ҆́кѡ догма́тъ ѡ҆ є҆диносꙋ́щномъ и҆ равноче́стномъ ѻ҆ц҃ꙋ̀ и҆ дх҃ови бжⷭ҇твѣ̀ сн҃а ᲂу҆ѧсни́лъ є҆сѝ.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Сп҃се́нїе соверше́нное ᲂу҆лꙋчи́въ ѿ привре́менныхъ бꙋ́рь и҆ бѣ́дъ, ᲂу҆го́дниче бж҃їй а҆мвро́сїе, не забꙋ́ди на́съ, потоплѧ́емыхъ напа́стей бꙋ́рею. Но въ ни́хже са́мъ и҆скꙋше́нъ бы́лъ є҆сѝ, и҆ на́мъ и҆скꙋша́ємымъ помозѝ, да пое́мъ бг҃ꙋ: А҆ллилꙋ́їа.
Стѣ́нꙋ тѧ̀ тве́рдꙋю и҆ и҆звѣ́стнѡ ᲂу҆твержде́нїе гра́дꙋ твоемꙋ̀ и҆ всѣ̑мъ чтꙋ́щимъ па́мѧть твою̀ и҆сповѣ́дающе, ст҃и́телю, дерза́емъ по достоѧ́нїю воспѣ́ти тебѣ̀ хвале́нїе сїѐ:
Ра́дꙋйсѧ, царе́й бранелюби́выхъ ᲂу҆миротвори́телю: ра́дꙋйсѧ, бл҃годе́нствїѧ ѻ҆те́чественнагѡ храни́телю.
Ра́дꙋйсѧ, ꙗ҆́кѡ тобо́ю царю̀ гратїа́нꙋ побѣ́да на го́ты дарова́сѧ: ра́дꙋйсѧ, ꙗ҆́кѡ тобо́ю мно́гимъ ми́ръ ѿ ѳеодо́сїѧ и҆схода́тайствовасѧ.
Ра́дꙋйсѧ, ꙗ҆́кѡ тобо́ю проще́нїе грѣхѡ́въ ᲂу҆лꙋча́емъ: ра́дꙋйсѧ, ꙗ҆́кѡ тобо́ю ѿ бѣ́дъ сп҃са́еми, ми́ръ съ бг҃омъ ѡ҆брѣта́емъ.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Пѣ́снь тебѐ бг҃а хва́лимъ, тебѐ гдⷭ҇а и҆сповѣ́дꙋемъ: па́че всѧ́кагѡ воздꙋ́шнагѡ ѻ҆рга́на ᲂу҆слажда́ющꙋю вѣ́рныхъ, воспѣ́лъ є҆сѝ въ че́сть бжⷭ҇твеннѣй трⷪ҇цѣ, ст҃и́телю. Ны́нѣ же въ цр҃кви нбⷭ҇нѣй пое́ши со а҆́гг҃лы и҆́нꙋ пѣ́снь то́йжде трⷪ҇цѣ: А҆ллилꙋ́їа.
Свѣтопода́тельна свѣти́льника, є҆щѐ на землѝ просїѧ́вша невеще́ственнымъ свѣ́томъ, вѣ́дꙋще тѧ̀, ѻ҆́тче ст҃ы́й, кꙋ́ю досто́йнꙋю похвалꙋ̀ принесе́мъ тѝ грѣ́шнїи, ко́ею пѣ́снїю ᲂу҆бл҃жи́мъ тѧ̀ недосто́йнїи, ѡ҆ ст҃и́телю хрⷭ҇то́въ. Є҆ди́нъ то́кмо свѣ́дый глꙋбины̀ серде́чныѧ и҆ рекі́й: а҆́зъ прославлѧ́ющїѧ мѧ̀ просла́влю, є҆ди́нъ ѻ҆́нъ вѣ́сть, ка́кѡ по достоѧ́нїю просла́вити тѧ̀. Ѻ҆ба́че вѣ́дый, ꙗ҆́кѡ чл҃вѣ́къ, на́шꙋ не́мощь, не ѿри́ни ꙗ҆́кѡ ѻ҆те́цъ ми́лостивый, и҆ на̑ша ᲂу҆бѡ́гїѧ, но ѿ и҆́скреннихъ серде́цъ приноси́мыѧ тѝ хвалы̑ сїѧ̑:
Ра́дꙋйсѧ, а҆́гг҃ле земны́й, є҆щѐ на землѝ свѣ́томъ невеще́ственнымъ ѡ҆заре́нный: ра́дꙋйсѧ, чл҃вѣ́че нбⷭ҇ный, є҆щѐ во пло́ти лицезрѣ́нїемъ сладча́йшагѡ і҆и҃са почте́нный.
Ра́дꙋйсѧ, свѣти́льниче бжⷭ҇твеннагѡ свѣ́та, ᲂу҆че́нїемъ свои́мъ мі́ра концы̀ ѡ҆зари́вый: ра́дꙋйсѧ, лꙋчѐ мы́сленнагѡ сл҃нца, теплото́ю любвѐ своеѧ̀ вертогра́дъ є҆гѡ̀ ѡ҆живи́вый.
Ра́дꙋйсѧ, ѕвѣздо̀, тве́рдь церко́внꙋю свѣ́тло ᲂу҆краша́ющаѧ: ра́дꙋйсѧ, похвало̀ и҆ доны́нѣ медїола́нъ ѡ҆сїѧва́ющаѧ.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Блгⷣтїю нбⷭ҇нагѡ покро́ва твоегѡ̀ не лишѝ на́съ никогда̀, ѽ ми́лостиве ѻ҆́тче, но при́снѡ моли́сѧ ѡ҆ на́съ къ ще́дромꙋ гдⷭ҇ꙋ, є҆мꙋ́же съ ли́ки ст҃ы́хъ немо́лчнѡ пое́ши: А҆ллилꙋ́їа.
Пою́ще чꙋдеса̀ и҆ по́двиги прпⷣбнагѡ житїѧ̀ твоегѡ̀, ст҃и́телю, сла́вимъ кончи́нꙋ твою̀, є҆́юже ми́рнѡ ѿше́лъ є҆сѝ на нб҃о, и҆ ᲂу҆бл҃жа́емъ соца́рствованїе твоѐ та́мѡ съ бг҃омъ вѣ́чнымъ. Ты́ же, ᲂу҆го́дниче ст҃ы́й, при́зри съ высоты̀ ѻ҆́нагѡ бл҃же́ннагѡ приста́нища твоегѡ̀ на на́съ, пла́вающихъ въ молвѣ̀ жите́йскихъ попече́нїй и҆ къ тебѣ̀, неви́димомꙋ ѡ҆корми́телю на́шемꙋ, и҆з̾ глꙋбины̀ дꙋшѝ вопїю́щихъ:
Ра́дꙋйсѧ, пла́ванїе своѐ въ жите́йскомъ мо́ри до́брѣ сверши́вый и҆ безцѣ́нное сокро́вище вѣ́ры въ бе́зднахъ є҆гѡ̀ не потопи́вый: ра́дꙋйсѧ, ко приста́нищꙋ ра́йскомꙋ безбѣ́днѡ приплы́вый и҆ вѣне́цъ нетлѣ́нный ѿ хрⷭ҇та̀ ᲂу҆лꙋчи́вый.
Ра́дꙋйсѧ, ꙗ҆́кѡ та́мѡ ликовствꙋ́ѧ, и҆ на́съ, до́лꙋ сꙋ́щихъ, любо́вїю твое́ю досѧза́еши: ра́дꙋйсѧ, ꙗ҆́кѡ дꙋ́хомъ твои́мъ на́мъ вы́нꙋ спребыва́еши.
Ра́дꙋйсѧ, ꙗ҆́кѡ тобо́ю гнѣ́ва бж҃їѧ и҆збавлѧ́емсѧ: ра́дꙋйсѧ, ꙗ҆́кѡ мольба́ми твои́ми къ приста́нищꙋ го́рнемꙋ направлѧ́емсѧ.
Ра́дꙋйсѧ, а҆мвро́сїе, ст҃и́телю хрⷭ҇то́въ и҆ чꙋдотво́рче.
Ѽ ст҃ы́й и҆ ми́лостивый ᲂу҆го́дниче бж҃їй а҆мвро́сїе. Прїимѝ съ любо́вїю приноси́мое сїѐ ма́лое, но ѿ ᲂу҆се́рдїѧ приноси́мое тебѣ̀ хвале́нїе на́ше, и҆ потщи́сѧ и҆зба́вити на́съ ѿ болѣ́зней дꙋше́вныхъ и҆ тѣле́сныхъ, ѿ всѣ́хъ бѣ́дъ и҆ ѕѡ́лъ, да тобо́ю ᲂу҆лꙋчи́вше црⷭ҇тво нбⷭ҇ное, во вѣ́ки пое́мъ бг҃ꙋ: А҆ллилꙋ́їа.
Се́й конда́къ гл҃го́ли три́жды. И҆ па́ки і҆́косъ а҃-й и҆ конда́къ а҃-й.
Ѽ пресла́вный чꙋдотво́рче, въ ско́рбѣхъ ско́рый помо́щниче и҆ ᲂу҆се́рдный ѡ҆ мі́рѣ къ бг҃ꙋ моли́твенниче, ѻ҆́тче ст҃ы́й а҆мвро́сїе. Вѣ́мы, ꙗ҆́кѡ ве́лїе ко сп҃сꙋ и҆́маши дерзнове́нїе, предстоѧ̀ го́рнемꙋ прⷭ҇то́лꙋ є҆гѡ̀, и҆ сегѡ̀ ра́ди смире́ннѡ припа́даемъ тѝ: моли́сѧ є҆мꙋ̀, ᲂу҆го́дниче бж҃їй, да пода́стъ наро́дꙋ рѡссі́йскомꙋ бл҃годе́нственное и҆ ми́рное житїѐ, да и҆зба́витъ ѿ вра̑гъ ви́димыхъ и҆ неви́димыхъ, ѿ наше́ствїѧ и҆ноплеме́нныхъ, ѿ недꙋ́га и҆ гла́да, ѿ всѧ́кїѧ ско́рби и҆ смертоно́сныѧ ꙗ҆́звы и҆ ѿ всѧ́кагѡ ѕла̀: на́мъ же всѣ̑мъ, вѣ́рою пра́зднꙋющымъ ст҃ꙋ́ю па́мѧть твою̀ и҆ ᲂу҆се́рднѡ хода́тайства твоегѡ̀ ча́ющымъ, да ниспо́слетъ всѧ̑ бл҃гопотрє́бнаѧ ко вре́менномꙋ и҆ вѣ́чномꙋ житїю̀ на́шемꙋ, па́че же ѡ҆ставле́нїе грѣхѡ́въ, мі́ръ по́мыслѡвъ, тишинꙋ̀ серде́чнꙋю, здра́вїе дꙋша́мъ и҆ тѣлесе́мъ на́шимъ. Є҆́й, ст҃и́телю бж҃їй, па́стырю хрⷭ҇то́въ ми́лостивѣйшїй, покрови́телю на́шъ гото́вѣйшїй. ᲂу҆слы́ши на́съ, є҆щѐ є҆ди́нагѡ ѿ тебє̀ просѧ́щихъ: бꙋ́ди те́плый моли́твенникъ и҆ предста́тель ко гдⷭ҇ꙋ ѡ҆ дꙋхо́вныхъ па́стырѣхъ и҆ ѻ҆тцѣ́хъ на́шихъ (и҆мена̀), и҆̀же не́мощи на̑ша но́сѧтъ и҆ ѡ҆ на́съ болѣ́знꙋютъ, до́ндеже воѡбрази́тсѧ въ на́съ хрⷭ҇то́съ, да сохрани́тъ ѻ҆́нъ, всебл҃гі́й и҆ всѧ̑ могꙋ́щїй влⷣка, дража́йшїѧ днѝ житїѧ̀ и҆̀хъ въ нерꙋши́момъ ми́рѣ и҆ крѣ́пости си́лъ дꙋхо́вныхъ и҆ тѣле́сныхъ, да приведе́тъ на́съ, недосто́йныхъ рабѡ́въ свои́хъ, и҆̀хъ ѡ҆кормле́нїемъ и҆ моли́твами, твои́мъ же хода́йтайствомъ и҆ застꙋпле́нїемъ ко приста́нищꙋ жи́зни несконча́емыѧ, и҆дѣ́же херꙋві́ми и҆ серафі́ми, ст҃і́и всѝ съ бцⷣею и҆ съ тобо́ю, покрови́телемъ на́шимъ, непреста́нными гла́сы сла́вѧтъ ѻ҆ц҃а̀, и҆ сн҃а, и҆ ст҃а́гѡ дх҃а, ны́нѣ и҆ при́снѡ и҆ во вѣ́ки вѣкѡ́въ. А҆ми́нь.
Ѽ всест҃ы́й а҆мвро́сїе, ᲂу҆го́дниче бж҃їй и҆зрѧ́днѣйшїй, покрови́телю мо́й ми́лостивѣйшїй. При́зри съ высоты̀ го́рнѧгѡ жили́ща твоегѡ̀ на мѧ̀ недосто́йнагѡ, неради́вагѡ, ᲂу҆ны́лагѡ въ настоѧ́щемъ житїѝ се́мъ. Ви́ждь менѐ грѣ́шнагѡ, въ толи́цѣмъ ѡ҆бстоѧ́нїи сꙋ́щагѡ, ᲂу҆мо́мъ помраче́ннагѡ, во́лею ко ѕлꙋ̀ преклоне́ннаго, и҆ се́рдцемъ па́че къ землѝ, не́же къ нб҃сѝ, прилѣпле́ннагѡ. Ви́ждь стра́стное ѡ҆бꙋрева́нїе дꙋшѝ моеѧ̀ и҆ не́мощь и҆ небреже́нїе моѐ. Ви́ждь при се́мъ и҆ кова́рство ѕлонача́льника и҆ гꙋби́телѧ моегѡ̀, ви́ждь, ѽ ст҃и́телю хрⷭ҇то́въ, и҆ ᲂу҆милосе́рдисѧ ѡ҆ мнѣ̀, такова́гѡ ра́ди положе́нїѧ моегѡ̀. Помозѝ мѝ, ѽ застꙋ́пниче мо́й, ско́рымъ предста́тельствомъ твои́мъ. И҆схода́тайствꙋй мѝ ѿ ѻ҆ц҃а̀ щедрѡ́тъ бо́дрость и҆ си́лꙋ, во є҆́же твори́ти во́лю є҆гѡ̀, бл҃гꙋ́ю, ᲂу҆го́днꙋю и҆ соверше́ннꙋю, стра́сти моѧ̑ ᲂу҆мѣртви́ти, де́мѡна низложи́ти, мі́ръ себѐ распѧ́ти и҆ себѐ мі́рꙋ, и҆ та́кѡ дости́гнꙋти хрⷭ҇тїа́нскїѧ кончи́ны живота̀ своегѡ̀, безболѣ́зненны, непосты́дны, ми́рны. По и҆схо́дѣ же притре́петныѧ дꙋшѝ моеѧ̀ ѿ ѡ҆каѧ́ннагѡ и҆ бре́ннагѡ тѣлесѐ сегѡ̀, бꙋ́ди є҆́й а҆́гг҃лъ покрови́тель, до́бръ спꙋ́тникъ, вѣ́ренъ храни́тель и҆ защи́тникъ ѿ лю́тыхъ нападе́нїй нача́льника воздꙋ́шныхъ мыта́рствъ, да безбѣ́днѡ преше́дъ ѻ҆́ныѧ, си́лою предста́тельства твоегѡ̀, сподо́блюсѧ про́чее и҆ а҆́зъ, послѣ́днїй и҆з̾ всѣ́хъ, и҆̀же въ ца́рствѣ бл҃года́ти, ᲂу҆зрѣ́ти сладча́йшее лицѐ гдⷭ҇а на́шегѡ и҆ сла́вити є҆гѡ̀ со ѻ҆ц҃е́мъ и҆ ст҃ы́мъ дх҃омъ, и҆ твоѐ ми́лостивное ѡ҆ мнѣ̀ предста́тельство, во вѣ́ки вѣкѡ́въ. А҆ми́нь.
Труды святителя Амвросия Медиоланского
Святой Амвросий родился в 340 году в Северной Италии в богатой и знатной римской семье. Получив прекрасное юридическое образование, он скоро возвысился и с 370 года занял должность консульского профекта (правителя) провинций Лигурии и Эмилии. Однажды в Медиолане (современном Милане), главном городе Лигурии, происходили выборы епископа, и между православными и арианами шли горячие споры. Амвросий явился в храм для водворения порядка, и вдруг какой-то голос, как бы детский, прозвучал: «Амвросий – епископ». Народ и сам император Валентин увидели в этом Божие избрание. Напрасно Амвросий, бывший тогда еще в числе оглашенных, готовящихся ко Крещению, отговаривался и даже скрылся из Милана. Он вынужден был согласиться на единодушное избрание, принял Крещение и в течение восьми дней прошел все церковные степени и был посвящен во епископа (374 г.).
Первым делом после посвящения он раздал бедным свое имущество. Потом стал усердно изучать Священное Писание и творения отцов Восточной Церкви. Только после этого он выступил на поприще епископской деятельности.
Святой Амвросий мужественно боролся против арианской ереси, которой покровительствовала императрица Юстина. В память победы над арианством он составил гимн «Тебе Бога хвалим», который до сих пор поется на благодарственных богослужениях. По его настоянию вычеркнуто было из императорского титула языческое звание верховного священника (pontifex maximus), жрецы и идольские капища были лишены казенного содержания, был погашен так называемый священный огонь весталок и вынесена из сената статуя Победы.
Святой Амвросий явил образец пастырской твердости, когда решился не допустить в храм императора Феодосия, после кровавого избиения возмутившихся против него фессалоникийцев. Амвросий сказал императору: «Человек, проливший столько крови, не может быть в храме Бога мира». Император возразил: «И Давид согрешил, но не лишился милости Божией». На что Амвросий ответил: «Ты подражал Давиду в преступлении, подражай же ему и в раскаянии», и наложил на него епитимью для примирения с Богом и Церковью.
В 387 г. под влиянием его проповедей уверовал и принял Крещение блаженный Августин, ставший потом епископом и величайшим богословом Западной Церкви.
Последние годы жизни Амвросий провел в постоянной молитве, спокойно и радостно ожидая своей кончины, которая наступила в 397 году. Святой Амвросий почитается в числе величайших богословов и отцов Церкви. Он известен также как преобразователь церковного пения: он ввел размерный такт, правильные ритмы и разнообразные мелодии в пении. Многие тексты песней он заимствовал у святого Ефрема Сирина и у Илария, но и сам написал около 30 гимнов.
Рекомендуем
С помощью кнопки выберите банковскую карту или Яндекс.Деньги.
©2004-2017 — При использовании материалов ссылка обязательна.
Оценка
4.3
проголосовавших:
48
