Акафист святителя спиридона тримифунтского

akafist-svyatitelya-spiridona-trimifuntskogo

Детально: акафист святителя спиридона тримифунтского - со всех открытых источников и разных уголков мира на сайте 1000-molitv.ru для наших уважаемых читателей.

Оглавление [Показать]

А҆ка́ѳїстъ ст҃и́телю спѷрїдѡ́нꙋ трїмѷѳꙋ́нтскомꙋ.

Конда́къ а҃.

Препросла́вленный ѿ гдⷭ҇а ст҃и́телю и҆ чꙋдотво́рче спѷрїдѡ́не! ны́нѣ всечестнꙋ́ю па́мѧть твою̀ пра́зднꙋюще, ꙗ҆́кѡ мно́гѡ могꙋ́щемꙋ споспѣшествова́ти на́мъ ѡ҆ просла́вльшемъ тѧ̀ хрⷭ҇тѐ, ᲂу҆ми́льнѡ вопїе́мъ тѝ: и҆зба́ви на́съ ѿ всѧ́кихъ бѣ́дъ и҆ ѕѡ́лъ, да съ благодаре́нїемъ зове́мъ тѝ: ра́дꙋйсѧ, спѷрїдѡ́не, преди́вный чꙋдотво́рче!

І҆́косъ а҃.

Ѿ ю҆́ности ᲂу҆краше́нный всѣ́ми добродѣ́тельми, житїе́мъ свои̑мъ а҆́гг҃лѡмъ подража́вый, ты̀, ст҃и́телю спѷрїдѡ́не, вои́стиннꙋ показа́лсѧ є҆сѝ дрꙋ́гъ хрⷭ҇то́въ: мы̀ же, зрѧ́ще тѧ̀, нбⷭ҇нагѡ человѣ́ка и҆ земна́гѡ а҆́гг҃ла, со благоговѣ́нїемъ ᲂу҆ми́льнѡ вопїе́мъ тѝ:

Ра́дꙋйсѧ, ᲂу҆́ме, созерца́ѧй та̑йны прест҃ы́ѧ трⷪ҇цы: ра́дꙋйсѧ, ѡ҆богати́выйсѧ дх҃а пресвѣ́тлымъ ѡ҆сїѧ́нїемъ.

Ра́дꙋйсѧ, свѣти́льниче многосвѣ́тлый: ра́дꙋйсѧ, ᲂу҆́мъ тво́й безстра́стїемъ просвѣти́вый.

Ра́дꙋйсѧ, и҆змла́да и҆́стиннꙋю простотꙋ̀ и҆ безмо́лвїе возлюби́вый: ра́дꙋйсѧ, ᲂу҆краше́нїе цѣломꙋ́дрїѧ.

Ра́дꙋйсѧ, любвѐ неистощи́маѧ стрꙋѧ̀: ра́дꙋйсѧ, ꙗ҆́кѡ страннолю́бїю а҆враа́ма подража́лъ є҆сѝ.

Ра́дꙋйсѧ, ꙗ҆́кѡ всѣ́мъ любвеѡби́льнѡ вхѡ́ды до́ма своегѡ̀ ѿверза́лъ є҆сѝ: ра́дꙋйсѧ, ни́щихъ предста́телю.

Ра́дꙋйсѧ, пред̾ ни́мже благоговѣ́ютъ лю́дїе: ра́дꙋйсѧ, ꙗ҆́кѡ ты̀ є҆сѝ ѻ҆бита́лище прест҃а́гѡ дх҃а.

Ра́дꙋйсѧ, спѷрїдѡ́не, преди́вный чꙋдотво́рче.

Конда́къ в҃.

Ви́дѧще ѻ҆́стровъ кѵ́пръ и҆ всѧ̑ хрⷭ҇тїа́нскїѧ стра́ны нетлѣ̑нныѧ мѡ́щи твоѧ̑, ст҃и́телю, ѿ ни́хже и҆стека́ютъ ѡ҆би̑льнаѧ и҆сцѣлє́нїѧ, возра́довашасѧ: и҆ мы̀, почита́юще тѧ̀ ꙗ҆́кѡ преѡби́льнагѡ и҆стѡ́чника бл҃года́ти, низпо́сланнаго свы́ше на́мъ, вопїе́мъ къ верхо́вномꙋ пода́телю нбⷭ҇ныхъ и҆ земны́хъ бла́гъ: А҆ллилꙋ́їа.

І҆́косъ в҃.

Ра́зꙋмъ бж҃е́ственный и҆мы́й, а҆́ще сы́й па́стырь безслове́сныхъ ѻ҆ве́цъ, ты̀ произволе́нїемъ пастыренача́льника хрⷭ҇та̀ и҆збра́нъ бы́лъ є҆сѝ въ па́стырѧ ѻ҆ве́цъ слове́сныхъ. вѣ́рнїи же, разꙋмѣ́вше тѧ̀ до́брагѡ па́стырѧ, неꙋсы́пнѡ ѡ҆ ста́дѣ свое́мъ пекꙋ́щагѡсѧ, воспѣва́хꙋ:

Ра́дꙋйсѧ, а҆рхїере́є бг҃а вы́шнѧгѡ, въ хїрото́нїи воспрїѧ́вый ѻ҆би́льнѡ бж҃е́ственнꙋю бл҃года́ть: ра́дꙋйсѧ, свѣти́льниче многосвѣ́тлый, горѧ́й и҆ свѣтѧ́й.

Ра́дꙋйсѧ, вѣ́рный дѣ́лателю въ вертогра́дѣ хрⷭ҇то́вомъ: ра́дꙋйсѧ, па́стырю, на па́жити вѣ́ры и҆ благоче́стїѧ па́ствꙋ свою̀ воспита́вый.

Ра́дꙋйсѧ, сїѧ́ньми добродѣ́телей твои́хъ мі́ръ просвѣща́вый: ра́дꙋйсѧ, прⷭ҇то́лꙋ хрⷭ҇то́вꙋ бж҃е́ственнꙋю же́ртвꙋ приноси́вый.

Ра́дꙋйсѧ, і҆ера́рше, разꙋмѣ́нїемъ правосла́вїѧ ᲂу҆краше́нный: ра́дꙋйсѧ, а҆по́стольскагѡ ᲂу҆чє́нїѧ и҆спо́лненный, вѣ́рныхъ стрꙋѧ́ми спаси́тельнагѡ ᲂу҆чє́нїѧ напаѧ́ѧй.

Ра́дꙋйсѧ, ꙗ҆́кѡ и҆ мꙋ́дрыхъ ѡ҆зари́лъ є҆сѝ: ра́дꙋйсѧ, ꙗ҆́кѡ и҆ просты́хъ сєрдца̀ ѡ҆бнови́лъ є҆сѝ.

Ра́дꙋйсѧ, сла́во правосла́вныхъ и҆ цр҃кве непоколеби́мое ᲂу҆твержде́нїе: ра́дꙋйсѧ, ᲂу҆краше́нїе ѻ҆тцє́въ, сла́во и҆ похвало̀ і҆ере́євъ бл҃гоговѣ́йныхъ.

Ра́дꙋйсѧ, спѷрїдѡ́не, преди́вный чꙋдотво́рче.

Конда́къ г҃.

Си́лою вы́шнѧгѡ, ѡ҆сѣни́вшею тѧ̀, ст҃и́телю спѷрїдѡ́не, бг҃омꙋ́дръ ты̀ показа́лсѧ є҆сѝ и҆ сжа́вши дла́нїю гли́нꙋ, трⷪ҇чность ли́цъ всѣ́мъ ѻ҆чеви́дно ᲂу҆ѧсни́лъ є҆сѝ: тѣ́мже лжемꙋ́дрїи фїло́софи, собра́вшїисѧ на собо́рѣ, ᲂу҆жасо́шасѧ, вѣ́рнїи же непостижи́маго просла́виша бг҃а, ᲂу҆мꙋдри́вшаго тѧ̀ во спасе́нїе, вопїю́ще є҆мꙋ̀: А҆ллилꙋ́їа.

І҆́косъ г҃.

И҆мѣ́юще тѧ̀ въ помышле́нїихъ свои́хъ всѝ ѻ҆тцы̀ собо́ра прѡ́ста, неискꙋ́сна въ кни́жнѣмъ ᲂу҆че́нїи, моли́ша тѧ̀, ѻ҆́тче спѷрїдѡ́не, не препира́тисѧ словесы̀ съ виті́ею, мнѧ́щимсѧ мꙋ́дрꙋ бы́ти. ты́ же, ст҃и́телю, ре́вностїю по бз҃ѣ распалѧ́емый, вѣ́рꙋѧ, ꙗ҆́кѡ про́повѣдь хрⷭ҇то́ва не въ препрѣ́тельныхъ мꙋ́дрѡсти человѣ́чєскїѧ словесѣ́хъ, но въ ꙗ҆влє́нїи дх҃а и҆ си́лы, премꙋ́дрѣ тогѡ̀ ѡ҆бличи́въ, вразꙋми́лъ и҆ на пꙋ́ть и҆́стинный наста́вилъ є҆сѝ. всѝ, ви́дѣвше чꙋ́до сїѐ, взыва́хꙋ:

Ра́дꙋйсѧ, свѣ́тѣ правосла́вныѧ мꙋ́дрѡсти: ра́дꙋйсѧ, ꙗ҆́кѡ глаго́лемыхъ бы́ти мꙋ́дрыхъ совопро́сникѡвъ посрами́лъ є҆сѝ.

Ра́дꙋйсѧ, и҆сто́чниче, благода́тїю ѻ҆би́льный: ра́дꙋйсѧ, непоколеби́мый сто́лпе, тве́рдѡ содержа́щїй сꙋ́щихъ въ вѣ́рѣ.

Ра́дꙋйсѧ, ѡ҆мрача́ѧй всепа́гꙋбнꙋю є҆́ресь: ра́дꙋйсѧ, чрез̾ него́же попра́но бы́сть безꙋ́мїе.

Ра́дꙋйсѧ, ꙗ҆́кѡ пе́рсть земна́ѧ проповѣ́да твои́ма рꙋка́ма ст҃ꙋ́ю трⷪ҇цꙋ: ра́дꙋйсѧ, ꙗ҆́кѡ и҆з̾ гли́ны и҆зве́лъ є҆сѝ ѻ҆́гнь и҆ во́дꙋ во ᲂу҆твержде́нїе догма́та ст҃ы́ѧ трⷪ҇цы.

Ра́дꙋйсѧ, ꙗ҆́кѡ просвѣти́лъ є҆сѝ лю́ди сла́вити сло́во, вои́стиннꙋ є҆диносꙋ́щное пребезнача́льномꙋ ѻ҆ц҃ꙋ̀: ра́дꙋйсѧ, ꙗ҆́кѡ ѕмі́евꙋ главꙋ̀ па̑гꙋбныѧ а҆́рїевы є҆́реси порази́лъ є҆сѝ.

Ра́дꙋйсѧ, ꙗ҆́кѡ тобо́ю поже́рта бы́сть ѕло́ба: ра́дꙋйсѧ, невѣ́рнагѡ мꙋдреца̀ совопро́сника къ и҆́стиннѣй вѣ́рѣ ѡ҆брати́вый.

Ра́дꙋйсѧ, спѷрїдѡ́не, преди́вный чꙋдотво́рче.

Конда́къ д҃.

Жи́знь проводѧ̀ въ ᲂу҆бо́жествѣ и҆ нищетѣ̀, ни́щимъ и҆ бѣ̑днымъ бы́лъ є҆сѝ пита́тель и҆ помо́щникъ и҆ любвѐ ра́ди къ ни́щимъ ѕмі́ѧ въ зла́то преложи́лъ є҆сѝ и҆ да́лъ є҆сѝ ѻ҆́ное тре́бꙋющемꙋ твоеѧ̀ по́мощи. дивѧ́щесѧ ѡ҆ чꙋдесѝ се́мъ, благода́рственно вопїе́мъ къ бг҃ꙋ: А҆ллилꙋ́їа.

І҆́косъ д҃.

Слы́шано бы́сть всѣ́мъ и҆ всю́дꙋ, ꙗ҆́кѡ ст҃и́тель спѷрїдѡ́нъ вои́стиннꙋ є҆́сть жили́ще ст҃ы́ѧ трⷪ҇цы: всели́сѧ бо въ нѣ́мъ бг҃ъ ѻ҆ц҃ъ, бг҃ъ сло́во и҆ бг҃ъ дх҃ъ ст҃ы́й. сегѡ̀ ра́ди ты̀ словесы̑ и҆ дѣѧ́ньми проповѣ́далъ є҆сѝ всѣ́мъ хрⷭ҇тїа́нѡмъ воплоще́ннагѡ и҆́стиннаго бг҃а, вопїю́щымъ:

Ра́дꙋйсѧ, слове́съ бж҃їихъ таи́нниче: ра́дꙋйсѧ, домострои́тельство бж҃їе ѡ҆ спасе́нїи мі́ра ᲂу҆ѧсни́вый.

Ра́дꙋйсѧ, ꙗ҆́кѡ наꙋчи́лъ є҆сѝ не и҆спы́товати є҆́же є҆́сть превы́шѣ ра́зꙋма и҆ мꙋ́дрости человѣ́чєскїѧ: ра́дꙋйсѧ, непостижи́мꙋю дѣ́йствꙋющꙋю въ тебѣ̀ си́лꙋ бж҃їю ꙗ҆ви́вый.

Ра́дꙋйсѧ, ꙗ҆́кѡ ᲂу҆ста́ми твои́ми провѣща̀ са́мъ бг҃ъ: ра́дꙋйсѧ, ꙗ҆́кѡ всѝ послꙋ́шахꙋ тебѐ въ сла́дость.

Ра́дꙋйсѧ, мглꙋ̀ і҆дѡлослꙋжє́нїѧ разгна́вый: ра́дꙋйсѧ, ꙗ҆́кѡ мно́гихъ къ и҆́стиннѣй вѣ́рѣ приве́лъ є҆сѝ.

Ра́дꙋйсѧ, ꙗ҆́кѡ главы̀ неви́димыхъ ѕмі́євъ порази́лъ є҆сѝ: ра́дꙋйсѧ, ꙗ҆́кѡ тобо́ю прославлѧ́етсѧ вѣ́ра хрⷭ҇тїа́нскаѧ.

Ра́дꙋйсѧ, ꙗ҆́кѡ свѣ́тло ѡ҆зарѧ́еши всѣ́хъ ᲂу҆блажа́ющихъ тѧ̀: ра́дꙋйсѧ, побо́рниче хрⷭ҇тїа́нскїѧ вѣ́ры и҆ правосла́вїѧ.

Ра́дꙋйсѧ, спѷрїдѡ́не, преди́вный чꙋдотво́рче.

Конда́къ є҃.

Бж҃е́ственнагѡ дх҃а преиспо́лненъ бы́лъ є҆сѝ, ст҃и́телю спѷрїдѡ́не, ра́ди добродѣ́тельнагѡ житїѧ̀ твоегѡ̀: занѐ кро́токъ, ми́лостивъ, чи́стъ се́рдцємъ, терпѣли́въ, непамѧтоѕло́бивъ, страннолю́бецъ бы́лъ є҆сѝ: сегѡ̀ ра́ди творе́цъ и҆ въ чꙋдесѣ́хъ пресла́вна показа̀ тѧ̀. мы̀ же, прославлѧ́ѧ бг҃а, просла́вльшагѡ тѧ̀, вопїе́мъ є҆мꙋ̀: А҆ллилꙋ́їа.

І҆́косъ є҃.

Равноа́гг҃льна спѷрїдѡ́на зри́мъ, вели́кагѡ чꙋдотво́рца. нѣ́когда страна̀ ѿ бездо́ждїѧ и҆ за́сꙋхи вельмѝ пострада̀: бы́сть гла́дъ и҆ ꙗ҆́зва, и҆ мно́гое мно́жество люде́й ᲂу҆мро́ша, моли́твами же ст҃и́телѧ сни́де съ небесѐ на зе́млю до́ждь. лю́дїе же, и҆зба́вльшесѧ ѿ бѣ́дствїѧ, благода́рственно взыва́хꙋ:

Ра́дꙋйсѧ, вели́комꙋ прⷪ҇ро́кꙋ и҆лїѝ ᲂу҆подо́бивыйсѧ: ра́дꙋйсѧ, ꙗ҆́кѡ до́ждь, ѿ̾е́млющїй гла́дъ и҆ недꙋ́ги, бл҃говре́меннѣ низве́лъ є҆сѝ.

Ра́дꙋйсѧ, па́ки моли́твами свои́ми не́бо заключи́вый: ра́дꙋйсѧ, ꙗ҆́кѡ немилосе́рдагѡ кꙋпца̀ лише́нїемъ и҆мѣ́нїѧ наказа́лъ є҆сѝ.

Ра́дꙋйсѧ, ꙗ҆́кѡ тре́бꙋющимъ пи́щꙋ ѻ҆би́льнѡ дарова́лъ є҆сѝ: ра́дꙋйсѧ, ꙗ҆́кѡ любоблагоꙋтро́бїе бг҃а къ лю́демъ подвиза́еши.

Ра́дꙋйсѧ, взе́млѧй не́мѡщи немощны́хъ: ра́дꙋйсѧ, бг҃облагода́тный человѣ́кѡмъ помо́щниче.

Ра́дꙋйсѧ, болѧ́щимъ здра́вїе подава́ѧй: ра́дꙋйсѧ, є҆го́же трепе́щꙋтъ де́мони.

Ра́дꙋйсѧ, безчи́сленныхъ чꙋде́съ и҆сто́чниче.

Ра́дꙋйсѧ, спѷрїдѡ́не, преди́вный чꙋдотво́рче.

Конда́къ ѕ҃.

Завѣ́са ветхозавѣ́тной ски́нїи закрыва́ше во ст҃а́ѧ ст҃ы́хъ ковче́гъ, ма́ннꙋ и҆ скрижа́ли. и҆ хра́мъ тво́й, ст҃и́телю спѷрїдѡ́не, и҆мѣ́етъ ра́кꙋ твою̀, ꙗ҆́кѡ ковче́гъ, ст҃ы́ѧ мѡ́щи твоѧ̑, ꙗ҆́кѡ ма́ннꙋ, се́рдцѣ твоѐ, ꙗ҆́кѡ скрижа́ли бж҃е́ственныѧ бл҃года́ти, на ни́хже зри́мъ начерта́ннꙋю пѣ́снь: А҆ллилꙋ́їа.

І҆́косъ ѕ҃.

Наро́дъ кѵ́пра нѣ́когда за ᲂу҆множе́нїе беззако́нїй наказа̀ гдⷭ҇ь безпло́дїемъ землѝ, є҆гда̀ же прїи́де къ ст҃о́мꙋ спѷрїдѡ́нꙋ зна́емый земледѣ́лецъ, просѧ̀ по́мощи, дадѐ є҆мꙋ̀ ст҃ы́й зла́то: минꙋ́вшꙋ же бѣ́дствїю, земледѣ́лецъ ѻ҆́ный возвратѝ па́ки зла́то и҆, ѽ чꙋдесѐ! зла́то ѕмі́й бы́сть. прославлѧ́юще бг҃а, ди́внагѡ во ст҃ы́хъ свои́хъ, вопїе́мъ:

Ра́дꙋйсѧ, ꙗ҆́кѡ мѡѷсе́ю, чꙋде́снѡ преложи́вшемꙋ же́злъ въ ѕмі́ѧ, подража́лъ є҆сѝ: ра́дꙋйсѧ, человѣколюби́вый па́стырю, и҆збавлѧ́ѧй ѿ бѣ́дъ словє́сныѧ ѻ҆́вцы ста́да своегѡ̀.

Ра́дꙋйсѧ, ѻ҆би́льнѡ всѣ́хъ всѣ́ми бл҃гами ѡ҆богаща́ѧй: ра́дꙋйсѧ, ꙗ҆́кѡ и҆лїа̀, бѣ́дныхъ пита́вый.

Ра́дꙋйсѧ, немилосе́рдыхъ къ милосе́рдїю ѡ҆браща́ѧй: ра́дꙋйсѧ, достоподража́емый примѣ́ръ любвѐ длѧ человѣ́кѡвъ, въ мі́рѣ живꙋ́щихъ.

Ра́дꙋйсѧ, вѣ́рныхъ и҆ невѣ́рныхъ въ бѣда́хъ ᲂу҆тѣше́нїе: ра́дꙋйсѧ, дре́во сенноли́ственное, гра́дъ и҆ странꙋ̀ ѡ҆сѣнѧ́ющее.

Ра́дꙋйсѧ, сла́во и҆ похвало̀ керкѵ́рѧнъ: ра́дꙋйсѧ, над̾ вла́гою и҆ сꙋ́шею, зно́емъ и҆ хла́домъ бл҃года́тїю бж҃їею влады́чествꙋѧй.

Ра́дꙋйсѧ, ᲂу҆ста́вы землѝ моли́твою премѣнѧ́ѧй: ра́дꙋйсѧ, бꙋ̑дꙋщаѧ, ꙗ҆́кѡ настоѧ̑щаѧ, прови́дѣвый.

Ра́дꙋйсѧ, спѷрїдѡ́не, преди́вный чꙋдотво́рче.

Конда́къ з҃.

Хода́тай пред̾ гдⷭ҇емъ за всѣ́хъ ꙗ҆ви́лсѧ є҆сѝ, ст҃и́телю спѷрїдѡ́не. сегѡ̀ ра́ди и҆ мы̀ прибѣга́емъ под̾ кро́въ тво́й, и҆́щꙋще спасе́нїѧ, всѝ бо помо́щника тебѐ и҆́мамы во всѣ́хъ нꙋ́ждахъ, во вре́мѧ гла́да, смертонѡ́сныѧ ꙗ҆́звы и҆ во всѧ̑ годи́ны бѣ́дъ и҆ и҆скꙋше́нїй. сегѡ̀ ра́ди благода́рственно вопїе́мъ бг҃ꙋ: А҆ллилꙋ́їа.

І҆́косъ з҃.

Но́вое чꙋ́до ви́димъ и҆ бг҃олѣ́пное: є҆гда̀ ты̀, ѻ҆́тче, ше́ствовалъ и҆зба́вити непови́ннѡ ѡ҆сꙋжде́ннагѡ на сме́рть, бꙋ́рный пото́къ преградѝ пꙋ́ть тебѣ̀: ты̀ же и҆́менемъ всемогꙋ́щаго бг҃а повелѣ́лъ є҆мꙋ̀ ста́ти и҆ преше́лъ є҆сѝ со спꙋ̑тники чрез̾ рѣкꙋ̀, ꙗ҆́кѡ по сꙋ́хꙋ. сла́ва ѡ҆ се́мъ чꙋдесѝ распространи́сѧ всю́дꙋ, и҆ всѝ просла́виша бг҃а, вопїю́ще къ тебѣ̀:

Ра́дꙋйсѧ, ꙗ҆́кѡ и҆ногда̀ і҆исꙋ́съ наѵи́нъ чрез̾ і҆ѻрда́нъ рѣкꙋ̀ по сꙋ́хꙋ преше́дый: ра́дꙋйсѧ, рѣ̑чнаѧ ᲂу҆стремлє́нїѧ гла́сомъ свои̑мъ ᲂу҆кроти́вый.

Ра́дꙋйсѧ, ꙗ҆́кѡ трꙋ́дный пꙋ́ть предпрїѧ́лъ є҆сѝ, дви́жимый милосе́рдїемъ: ра́дꙋйсѧ, ꙗ҆́кѡ клеветꙋ̀ разрꙋши́лъ є҆сѝ и҆ непови́ннаго ѿ ᲂу҆́зъ темни́цы и҆ напра́сныѧ смє́рти и҆зба́вилъ є҆сѝ.

Ра́дꙋйсѧ, жи́зни по бз҃ѣ благі́й поспѣ́шниче: ра́дꙋйсѧ, непови́ннѡ ᲂу҆гнете́нныхъ защи́тителю.

Ра́дꙋйсѧ, ᲂу҆ста́вѡвъ є҆стества̀ во́днагѡ премѣни́телю: ра́дꙋйсѧ, ꙗ҆́кѡ сꙋдїю̀ вразꙋми́лъ є҆сѝ и҆ ѿ ᲂу҆бі́йства спа́слъ є҆сѝ.

Ра́дꙋйсѧ, и҆́стинное и҆справле́нїе дꙋ́шъ: ра́дꙋйсѧ, ди́внаѧ си́ло, потѡ́ки ᲂу҆дѣржава́ющаѧ.

Ра́дꙋйсѧ, ᲂу҆слажда́ющїй сердца̀ человѣ́кѡвъ, къ тебѣ̀ притека́ющихъ: ра́дꙋйсѧ, человѣколю́бїю а҆враа́ма подража́телю.

Ра́дꙋйсѧ, спѷрїдѡ́не, преди́вный чꙋдотво́рче.

Конда́къ и҃.

Стра́нникъ и҆ пришле́цъ бы́лъ є҆сѝ на землѝ, ꙗ҆́коже и҆ про́чїи человѣ́цы. ѡ҆ба́че и҆з̾ чре́ва ма́тере всевѣ́дꙋщїй вели́кагѡ ᲂу҆го́дника и҆ чꙋдотво́рца показа̀ тѧ̀, ст҃и́телю спѷрїдѡ́не: бѣ́сы бо и҆згонѧ́еши, всѧ́кꙋю болѣ́знь и҆ ꙗ҆́звꙋ и҆сцѣлѧ́еши, помышле́нїѧ люде́й зри́ши, тѣ́мже и҆ ди́венъ во ст҃ы́хъ показа́лсѧ є҆сѝ. мы̀ же, возсыла́юще моли́твꙋ ко благода́телю всѣ́хъ бг҃ꙋ, вопїе́мъ є҆мꙋ̀: А҆ллилꙋ́їа.

І҆́косъ и҃.

Ве́сь мі́ръ ᲂу҆́жасомъ мно́гимъ содрогнꙋ́сѧ, є҆гда̀ ᲂу҆слы́ша, ꙗ҆́кѡ сме́рть, по гла́сꙋ твоемꙋ̀, возвраща́етъ и҆з̾ гробѡ́въ мертвецы̀ своѧ̑, и҆ возопѝ:

Ра́дꙋйсѧ, ᲂу҆ме́ршꙋю дще́рь свою̀, да ꙗ҆ви́тъ врꙋче́нное є҆́й сокро́вище, къ жи́зни воззва́вый: ра́дꙋйсѧ, ско́рбнꙋю вдови́цꙋ, на сохране́нїе зла́то вда́вшꙋю, ᲂу҆тѣ́шивый.

Ра́дꙋйсѧ, ᲂу҆ме́ршее ѻ҆троча̀ и҆з̾ ме́ртвыхъ воскреси́вый: ра́дꙋйсѧ, ꙗ҆́кѡ ма́терь є҆гѡ̀, внеза́пнѡ ѿ ра́дѡсти ᲂу҆ме́ршꙋю, ѡ҆живи́вый.

Ра́дꙋйсѧ, ꙗ҆́кѡ ᲂу҆подо́билсѧ є҆сѝ и҆лїѝ, моли́твами сы́нꙋ саре́птскїѧ жены̀ жи́знь возврати́вшемꙋ: ра́дꙋйсѧ, ꙗ҆́кѡ и҆ є҆лїссе́ю, возбꙋди́вшемꙋ ѿ смє́рти ѻ҆троча̀ подража́лъ є҆сѝ.

Ра́дꙋйсѧ, па́стырю, преи́скреннѣ лю́бѧщїй человѣ̑ки: ра́дꙋйсѧ, женѣ̀ блꙋдни́цѣ, слеза́ми нѡ́зѣ твоѝ ѡ҆мы́вшей, грѣхѝ и҆́менемъ бг҃а ѿпꙋсти́вый.

Ра́дꙋйсѧ, ст҃ꙋ́ю ре́вность верхо́внаго а҆пⷭ҇ла стѧжа́вый: ра́дꙋйсѧ, ꙗ҆́кѡ нераска́ѧннаѧ грѣ́шница, по глаго́лꙋ твоемꙋ̀, въ тѧ́жкихъ болѣ́знехъ ᲂу҆́мре.

Ра́дꙋйсѧ, землѝ плодоно́сїе моли́твами твои́ми и҆спроси́вый: ра́дꙋйсѧ, непрело́жное воскресе́нїѧ человѣ́кѡвъ ᲂу҆вѣре́нїе.

Ра́дꙋйсѧ, спѷрїдѡ́не, преди́вный чꙋдотво́рче.

Конда́къ ѳ҃.

Дх҃а бж҃е́ственнагѡ ѡ҆сїѧ́ньми ѡ҆заре́нъ бы́лъ є҆сѝ, ст҃и́телю спѷрїдѡ́не, и҆мѣ́лъ бо є҆сѝ дх҃а премꙋ́дрѡсти, ꙗ҆́кѡ мꙋ́дрыми словесы̑ безꙋ́мныхъ ѡ҆бꙋи́лъ є҆сѝ и҆ посрѣдѐ ѻ҆тцє́въ вѣ́рꙋ ᲂу҆тверди́лъ є҆сѝ, дх҃а ра́зꙋма, ꙗ҆́кѡ ᲂу҆мы̑ ѡ҆мрачє́нныѧ ѡ҆зари́лъ є҆сѝ: дх҃а стра́ха бж҃їѧ, ꙗ҆́кѡ вы́нꙋ дѣ́ланїи бг҃оꙋго́дными дꙋ́шꙋ ѡ҆чи́стилъ є҆сѝ. тѣ́мже, предста́въ престо́лꙋ вы́шнѧгѡ, съ со́нмомъ а҆́гг҃ловъ воспѣва́еши є҆мꙋ̀: А҆ллилꙋ́їа.

І҆́косъ ѳ҃.

Же́злъ па́стырѧ слове́сныхъ ѻ҆ве́цъ ѿ пастыренача́льника гдⷭ҇а і҆исꙋ́са прїе́мый, ст҃ы́й спѷрїдѡ́нъ не премѣнѝ житїѧ̀ своегѡ̀: нестѧжа́теленъ, кро́токъ, любвѐ ра́ди всѧ̑ терпѧ́й, не постыдѣ́сѧ пещи́сѧ и҆ ѡ҆ ста́дѣ безслове́сныхъ ѻ҆ве́цъ. всѧ̑ сїѧ̑ возбꙋжда́ютъ на́съ сла́вити бг҃а и҆ взыва́ти тебѣ̀:

Ра́дꙋйсѧ, сла́вꙋ мі́ра сегѡ̀ ꙗ҆́кѡ сꙋ́етнꙋю презрѣ́вый: ра́дꙋйсѧ, мздꙋ̀ мно́гꙋ на нбⷭ҇ѣ́хъ стѧжа́вый.

Ра́дꙋйсѧ, кра̑снаѧ мі́ра сегѡ̀ въ ᲂу҆мѣ́ты вмѣни́вый: ра́дꙋйсѧ, сосꙋ́дѣ небѣ́сныхъ бла́гъ.

Ра́дꙋйсѧ, ст҃ѣ́йшаѧ па́жите кѷпрїо́тѡвъ: ра́дꙋйсѧ, ꙗ҆́кѡ тебѐ ра́ди бг҃ъ хи́щниковъ ѻ҆ве́цъ твои́хъ неви́димыми ᲂу҆́зами свѧза̀.

Ра́дꙋйсѧ, та́тємъ ѻ҆те́ческое вразꙋмле́нїе препода́вый: ра́дꙋйсѧ, по милосе́рдїю твоемꙋ̀ за проведе́ннꙋю без̾ сна̀ но́щь ѻ҆вна̀ и҆̀мъ дарова́вый.

Ра́дꙋйсѧ, непослꙋша́нїемъ ко́злища, ꙗ҆́кѡ бы ра́зꙋмъ и҆мꙋ́щагѡ, кꙋпца̀, ᲂу҆таи́вшагѡ цѣ́нꙋ є҆гѡ̀, ѡ҆бличи́вый: ра́дꙋйсѧ, ᲂу҆таи́вшагѡ сре́бреники твоѧ̑ къ покаѧ́нїю приведы́й.

Ра́дꙋйсѧ, ꙗ҆́кѡ стра́сти корыстолю́бїѧ ᲂу҆вѣща́нїемъ свои̑мъ и҆сцѣли́лъ є҆сѝ є҆гѡ̀.

Ра́дꙋйсѧ, спѷрїдѡ́не, преди́вный чꙋдотво́рче.

Конда́къ і҃.

Спаса́ѧй дꙋ́ши па́ствы, бг҃омъ тебѣ̀ ввѣ́рєнныѧ, ты̀, ст҃и́телю спѷрїдѡ́не, произволе́нїемъ бж҃їимъ, зва́нъ бы́лъ є҆сѝ ꙗ҆ви́ти сла́вꙋ твою̀, па́че же сла́вꙋ и҆́стиннаго бг҃а, и҆ въ и҆ны́ѧ страны̑, да всю́дꙋ сла́вѧтъ и҆́мѧ бж҃їе, вопїю́ще: А҆ллилꙋ́їа.

І҆́косъ і҃.

Ско́рый помо́щникъ и҆ застꙋ́пникъ во всѧ́кихъ нꙋ́ждахъ и҆ ско́рбѣхъ, ст҃ы́й спѷрїдѡ́нъ, по повелѣ́нїю царе́вꙋ, ꙗ҆́коже и҆ про́чїи па́стыри, прїи́де во гра́дъ а҆нтїохі́ю, и҆дѣ́же бѣ̀ ѡ҆держи́мый болѣ́знїю ца́рь кѡнстанті́нъ: ст҃и́тель главы̀ є҆гѡ̀ коснꙋ́сѧ и҆ сотворѝ здра́ва. семꙋ̀ чꙋдесѝ дивѧ́щесѧ, вопїе́мъ тѝ:

Ра́дꙋйсѧ, є҆го́же въ со́нномъ видѣ́нїи а҆́гг҃лъ, ꙗ҆́кѡ цѣли́телѧ, ꙗ҆вѝ царю̀: ра́дꙋйсѧ, бж҃е́ствєнныѧ ра́ди любвѐ трꙋ́дный пꙋ́ть въ ста́рости воспрїѧ́вый.

Ра́дꙋйсѧ, царе́вꙋ рабꙋ̀, ᲂу҆да́рившемꙋ тѧ̀ въ лани́тꙋ, по за́пѡвѣди сп҃си́телѧ, дрꙋгꙋ́ю подста́вивый: ра́дꙋйсѧ, сто́лпе смирє́нїѧ.

Ра́дꙋйсѧ, моли́твами свои́ми сле́знѡ просѧ́щемꙋ царю̀ здра́вїе дарова́вый: ра́дꙋйсѧ, ꙗ҆́кѡ ᲂу҆ничиже́нїемъ свои̑мъ раба̀ вразꙋми́лъ є҆сѝ и҆ неми́лостивый нра́въ є҆гѡ̀ премѣни́лъ є҆сѝ.

Ра́дꙋйсѧ, ꙗ҆́кѡ благоче́стїю и҆ милосе́рдїю царѧ̀ наꙋчи́лъ є҆сѝ: ра́дꙋйсѧ, ꙗ҆́кѡ, ненави́дѧй земна̑ѧ сокро́вища, зла́то царѧ̀ ѿве́рглъ є҆сѝ.

Ра́дꙋйсѧ, ꙗ҆́кѡ ᲂу҆ченика̀ своегѡ̀ трїфѵ́ллїа ѿ пристра́стїѧ къ земны́мъ бла́гамъ ѿврати́лъ є҆сѝ и҆ сосꙋ́дѡмъ бл҃года́ти бж҃їѧ содѣ́лалъ є҆сѝ: ра́дꙋйсѧ, ꙗ҆́кѡ прише́дшꙋ тебѐ въ а҆леѯандрі́ю і҆́дѡли падо́ша.

Ра́дꙋйсѧ, є҆мꙋ́же и҆ бѣ́си повинꙋ́ютсѧ: ра́дꙋйсѧ, ꙗ҆́кѡ ѿ і҆дѡлослꙋжє́нїѧ мно́гихъ ѿврати́лъ є҆сѝ.

Ра́дꙋйсѧ, спѷрїдѡ́не, преди́вный чꙋдотво́рче.

Конда́къ а҃і.

Пѣ́нїе а҆́гг҃льское бы́сть, є҆гда̀ во хра́мѣ приноси́лъ є҆сѝ, ст҃и́телю спѷрїдѡ́не, вечє́рнїѧ моли́твы твоѧ̑, и҆ не бѣ́ша сослꙋжа́щїи тебѐ. жи́телїе же гра́да, ди́вное пѣ́нїе слы́шавше, внидо́ша въ хра́мъ и҆, никогѡ́же ви́дѣвше, съ го́рними си́лами воспѣва́хꙋ: А҆ллилꙋ́їа.

І҆́косъ а҃і.

Свѣтоза́рное со́лнцѣ мі́рови, собесѣ́дникъ а҆́гг҃лѡвъ бы́лъ є҆сѝ на землѝ, ст҃и́телю спѷрїдѡ́не: преда́въ же дꙋ́хъ тво́й въ рꙋ́цѣ бж҃їи, пресели́лсѧ є҆сѝ въ гѡ́рнѧѧ селє́нїѧ, молѧ́сѧ за мі́ръ пред̾ прⷭ҇то́ломъ влады́ки. мы́ же, живꙋ́щїи на землѝ, вопїе́мъ тѝ:

Ра́дꙋйсѧ, ꙗ҆́кѡ тебѐ, є҆щѐ жи́вꙋ сꙋ́щꙋ, сослꙋжа́хꙋ а҆́гг҃ли: ра́дꙋйсѧ, ѱалмопѣ́нїе а҆рха́гг҃ловъ слы́шавый.

Ра́дꙋйсѧ, ви́димый ѻ҆́бразѣ на́шегѡ преѡбражє́нїѧ: ра́дꙋйсѧ, ꙗ҆́кѡ недоста́вшꙋ є҆ле́ю въ хра́мѣ бг҃ъ тебѐ ра́ди съ и҆збы́ткомъ лампа́ды напо́лни тѣ́мъ.

Ра́дꙋйсѧ, лампа́до бж҃е́ственнагѡ сїѧ́нїѧ: ра́дꙋйсѧ, сосꙋ́де благода́ти бж҃їей, ѻ҆би́льнѡ, подо́бнѣ є҆ле́ю, наполнѧ́ющей дꙋ́шꙋ твою̀.

Ра́дꙋйсѧ, неизсѧка́емый и҆сто́чниче, при́снѡ и҆сточа́ющїй всѣ́мъ тѡ́ки бл҃года́ти: ра́дꙋйсѧ, ѡ҆ не́мже и҆зꙋмлѧ́ютсѧ а҆́гг҃ли.

Ра́дꙋйсѧ, преслꙋша́нїе дїа́кона въ хра́мѣ наказа́вый: ра́дꙋйсѧ, тщесла́вившагосѧ свои́мъ гла́сомъ и҆ гла́са, и҆ ѧ҆зы́ка лиши́вый.

Ра́дꙋйсѧ, ꙗ҆́кѡ во вре́мѧ зно́ѧ, внеза́пꙋ роса̀, снизше́дшаѧ свы́ше, сщ҃е́ннꙋю твою̀ главꙋ̀ прохладѝ: ра́дꙋйсѧ, въ зна́менїи се́мъ бли́зость преставлє́нїѧ своегѡ̀ прови́дѣвый.

Ра́дꙋйсѧ, спѷрїдѡ́не, преди́вный чꙋдотво́рче.

Конда́къ в҃і.

Покро́въ и҆ прибѣ́жище бы́вый всѣ́мъ къ тебѣ̀ притека́ющымъ вѣ̑рнымъ є҆щѐ въ житїѝ твое́мъ, ты̀, ст҃и́телю, не ѡ҆ста́вилъ є҆сѝ на́съ си́рыхъ и҆ по твое́мъ ᲂу҆спе́нїи: бг҃ъ, побѣжда́ющїй є҆стества̀ чи́нъ, сохранѝ ст҃ы́ѧ мѡ́щи твоѧ̑ нетлѣ́нными во ᲂу҆крѣпле́нїе правосла́вныѧ вѣ́ры и҆ благоче́стїѧ, въ зна́менїе безсме́ртїѧ, є҆го́же прославлѧ́юще, вопїе́мъ: А҆ллилꙋ́їа.

І҆́косъ в҃і.

Воспѣва́емъ тѧ̀, ст҃и́телю бж҃їй, ꙗ҆́кѡ ᲂу҆диви́лъ є҆сѝ мі́ръ чꙋдесы̀, и҆стека́ющими ѿ ст҃ы́хъ моще́й твои́хъ. всѝ бо съ вѣ́рою приходѧ́щїи и҆ лобыза́ющїи и҆́хъ полꙋча́ютъ всѧ̑ бл҃гопотрє́бнаѧ проси́маѧ. и҆ мы̀, да́вшагѡ тебѣ̀ крѣ́пость, вѣнча́вшагѡ тѧ̀ вѣнцє́мъ нетлѣ́нїѧ и҆ дѣ́йствꙋющагѡ тобо́ю бг҃а прославлѧ́юще, вопїе́мъ тѝ:

Ра́дꙋйсѧ, во вре́мѧ гла́да корабе́льникѡмъ ꙗ҆ви́выйсѧ, и҆ пи́щꙋ доста́вити повелѣ́вый: ра́дꙋйсѧ, слѣпы́мъ, съ вѣ́рою прите́кшимъ къ ст҃ы́мъ мощє́мъ твои́мъ, зрѣ́нїе дарова́вый.

Ра́дꙋйсѧ, ѿ неисцѣ́льныѧ болѣ́зни ѻ҆́трока и҆сцѣли́вый: ра́дꙋйсѧ, бѣ́са и҆з̾ жєны̀ и҆згна́вый и҆ здра́вꙋ ю҆̀ сотвори́вый.

Ра́дꙋйсѧ, возбра́нный воево́до керкѵ́ры: ра́дꙋйсѧ, ꙗ҆́кѡ пѡ́лчища ѕлочести́выхъ а҆га̑рѧнъ и҆згна́лъ є҆сѝ и҆ кораблѝ и҆́хъ въ пꙋчи́нѣ потопи́лъ є҆сѝ.

Ра́дꙋйсѧ, є҆го́же ви́дѣша ѡ҆крꙋже́ннаго со́нмомъ а҆́гг҃ловъ, въ десни́це ме́чь держа́вша и҆ въ тре́петъ врагѡ́въ приве́дша: ра́дꙋйсѧ, созда́ти себѣ̀ хра́мъ, во є҆́же соверша́ти въ нѣ́мъ лїтꙋргі́ю на пре́сномъ хлѣ́бѣ, воево́дѣ возбрани́вый.

Ра́дꙋйсѧ, воево́дꙋ латі́нскагѡ лю́тою сме́ртїю порази́вый: ра́дꙋйсѧ, мо́лнїею и҆зѡбраже́нїе є҆гѡ̀ въ до́мѣ въ вене́цїи соже́гшїй.

Ра́дꙋйсѧ, ѿстꙋ́пльства и҆ лжемꙋдрова́нїѧ за́пада посрами́вый: ра́дꙋйсѧ, є҆ди́нꙋю правосла́внꙋю вѣ́рꙋ бы́ти и҆́стиннꙋю и҆ спаси́тельнꙋю длѧ человѣ́кѡвъ ᲂу҆тверди́вый.

Ра́дꙋйсѧ, спѷрїдѡ́не, преди́вный чꙋдотво́рче!

Конда́къ г҃і.

Ѽ пречꙋ́дный ст҃и́телю хрⷭ҇то́въ, ѻ҆́тче спѷрїдѡ́не! ны́нешнее на́ше моле́нїе прїе́мъ, и҆зба́ви на́съ ѿ всѣ́хъ бѣ́дъ и҆ напа́стей, ᲂу҆крѣпѝ на врагѝ странꙋ̀ на́шꙋ, да́рꙋй на́мъ ѡ҆ставле́нїе прегрѣше́нїй и҆ и҆змѝ ѿ вѣ̑чныѧ сме́рти всѣ́хъ вопїю́щихъ ѡ҆ тебѐ къ бг҃ꙋ: А҆ллилꙋ́їа!

І҆́косъ а҃.

Ра́дꙋйсѧ, свѣти́льниче многосвѣ́тлый: ра́дꙋйсѧ, ᲂу҆́мъ тво́й безстра́стїемъ просвѣти́вый.

Ра́дꙋйсѧ, любвѐ неистощи́маѧ стрꙋѧ̀: ра́дꙋйсѧ, ꙗ҆́кѡ страннолю́бїю а҆враа́ма подража́лъ є҆сѝ.

Ра́дꙋйсѧ, ꙗ҆́кѡ всѣ́мъ любвеѡби́льнѡ вхѡ́ды до́ма своегѡ̀ ѿверза́лъ є҆сѝ: ра́дꙋйсѧ, ни́щихъ предста́телю.

Ра́дꙋйсѧ, пред̾ ни́мже благоговѣ́ютъ лю́дїе: ра́дꙋйсѧ, ꙗ҆́кѡ ты̀ є҆сѝ ѻ҆бита́лище прест҃а́гѡ дх҃а.

Ра́дꙋйсѧ, спѷрїдѡ́не, преди́вный чꙋдотво́рче.

Конда́къ а҃.

Моли́тва а҃.

Ѽ вели́кїй и҆ пречꙋ́дный ст҃и́телю хрⷭ҇то́въ и҆ чꙋдотво́рче спѷрїдѡ́не, керкѵ́рскаѧ похвало̀, всеѧ̀ вселє́нныѧ свѣти́льниче пресвѣ́тлый, те́плый къ бг҃ꙋ моли́твенниче и҆ всѣ́мъ къ тебѣ̀ прибѣга́ющымъ и҆ съ вѣ́рою молѧ́щымсѧ скоропредста́тельный застꙋ́пниче! ты̀ вѣ́рꙋ правосла́внꙋю на нїке́йстѣмъ собо́рѣ посрѣдѐ ѻ҆тцє́въ пресла́внѡ и҆з̾ѧсни́лъ є҆сѝ, трїеди́нство ст҃ы́ѧ трⷪ҇цы чꙋде́сною си́лою показа́лъ є҆сѝ и҆ є҆ретїкѡ́въ до конца̀ посрами́лъ є҆сѝ. ᲂу҆слы́ши на́съ, грѣ́шныхъ, ст҃и́телю хрⷭ҇то́въ, молѧ́щихсѧ тебѐ, и҆ си̑льнымъ твои́мъ предста́тельствомъ ᲂу҆ гдⷭ҇а и҆зба́ви на́съ ѿ всѧ́кагѡ ѕла́го ѡ҆бстоѧ́нїѧ: ѿ гла́да, пото́па, ѻ҆гнѧ̀ и҆ смертонѡ́сныѧ ꙗ҆́звы. ты̀ бо во вре́меннѣй жи́зни свое́й ѿ всѣ́хъ си́хъ бѣ́дствїй и҆збавлѧ́лъ є҆сѝ люде́й твои́хъ: ѿ нашє́ствїѧ а҆га̑рѧнъ и҆ ѿ гла́да странꙋ̀ твою̀ сохрани́лъ є҆сѝ, царѧ̀ ѿ неисцѣ́льнагѡ недꙋ́га и҆зба́вилъ и҆ мнѡ́гїѧ грѣ́шники къ покаѧ́нїю приве́лъ є҆сѝ, ме́ртвыхъ пресла́внѡ воскреша́лъ є҆сѝ, за ст҃ость же житїѧ̀ твоего̀ а҆́гг҃лы неви́димѡ въ це́ркви пою́щїѧ и҆ сослꙋжа́щїѧ тебѐ и҆мѣ́лъ є҆сѝ. си́це ᲂу҆́бѡ просла́ви тебѐ, вѣ́рнаго своегѡ̀ раба̀, влады́ка хрⷭ҇то́съ, ꙗ҆́кѡ всѧ̑ та́йнаѧ человѣ̑ческаѧ дѣѧ́нїѧ дарова̀ тебѣ̀ разꙋмѣ́ти и҆ ѡ҆блича́ти непра́вѣднѡ живꙋ́щїѧ. мнѡ́гимъ въ скꙋ́дости и҆ недоста́точествѣ живꙋ́щимъ ты̀ ᲂу҆се́рднѡ помога́лъ є҆сѝ, лю́ди ᲂу҆бѡ́гїѧ и҆зѡби́льнѡ во вре́мѧ гла́да напита́лъ є҆сѝ и҆ и҆́на мнѡ́га зна́менїѧ си́лою въ тебѐ живꙋ́щаго дх҃а бж҃їѧ сотвори́лъ є҆сѝ. си́це и҆ на́съ не ѡ҆ста́ви, ст҃и́телю хрⷭ҇то́въ, помина́й на́съ, ча́дъ свои́хъ, ᲂу҆ престо́ла вседержи́телѧ и҆ ᲂу҆молѝ гдⷭ҇а, да пода́стъ мно́гихъ на́шихъ грѣхѡ́въ проще́нїе, безбѣ́дное и҆ ми́рное житїѐ да да́рꙋетъ на́мъ, кончи́ны же живота̀ непосты́дныѧ и҆ ми́рныѧ и҆ блажє́нства вѣ́чнагѡ въ бꙋ́дꙋщемъ вѣ́цѣ сподо́битъ на́съ, да вы́нꙋ возсыла́емъ сла́вꙋ и҆ благодаре́нїе ѻ҆ц҃ꙋ̀, и҆ сн҃ꙋ, и҆ дх҃ꙋ ст҃о́мꙋ, ны́нѣ, и҆ при́снѡ, и҆ во вѣ́ки вѣкѡ́въ. А҆ми́нь.

Моли́тва в҃.

Ѽ всеблаже́нне ст҃и́телю спѷрїдѡ́не, вели́кїй ᲂу҆го́дниче хрⷭ҇то́въ и҆ пресла́вный чꙋдотво́рче! предстоѧ́й на нб҃сѝ прⷭ҇то́лꙋ бж҃їю съ ли́ки а҆́гг҃лъ, при́зри ми́лостивымъ ѻ҆́комъ на предстоѧ́щыѧ здѣ̀ лю́ди и҆ просѧ́щыѧ си́льныѧ твоеѧ̀ по́мощи. ᲂу҆молѝ благоꙋтро́бїе человѣколю́бца бг҃а, да не ѡ҆сꙋ́дитъ на́съ по беззако́нїимъ на́шимъ, но да сотвори́тъ съ на́ми по ми́лости свое́й! и҆спросѝ на́мъ ᲂу҆ хрⷭ҇та̀ и҆ бг҃а на́шегѡ ми́рное и҆ безмѧте́жное житїѐ, здра́вїе дꙋше́вное и҆ тѣле́сное, землѝ благопло́дїе и҆ во всѣ́мъ всѧ́кое и҆зоби́лїе и҆ благоде́нствїе, и҆ да не во ѕло̀ ѡ҆брати́мъ блага̑ѧ, да́рꙋємаѧ на́мъ ѿ ще́драго бг҃а, но во сла́вꙋ є҆гѡ̀ и҆ въ прославле́нїе твоегѡ̀ застꙋпле́нїѧ! и҆зба́ви всѣ́хъ вѣ́рою несꙋмне́нною къ бг҃ꙋ приходѧ́щихъ ѿ всѧ́кихъ бѣ́дъ дꙋше́вныхъ и҆ тѣле́сныхъ. ѿ всѣ́хъ томле́нїй и҆ дїа́вольскихъ навѣ́тѡвъ! бꙋ́ди печа́льнымъ ᲂу҆тѣ́шитель, недꙋ́гꙋющымъ вра́чъ, въ напа́стѣхъ помо́щникъ, наги́мъ покрови́тель, вдови́цамъ застꙋ́пникъ, си̑рымъ защи́тникъ, младе́нцємъ пита́тель, ста̑рымъ ᲂу҆крѣпи́тель, стра́нствꙋющимъ пꙋтево́ждь, пла́вающимъ ко́рмчїй и҆ и҆схода́тайствꙋй всѣ́мъ крѣ́пкїѧ по́мощи твоеѧ̀ тре́бꙋющимъ всѧ̑, ꙗ҆́же ко спасе́нїю, полѣ̑знаѧ! ꙗ҆́кѡ да твои́ми моли́твами наставлѧ́еми и҆ соблюда́еми, дости́гнемъ въ вѣ́чный поко́й и҆ кꙋ́пнѡ съ тобо́ю просла́вимъ бг҃а, въ трⷪ҇це ст҃ѣ́й сла́вимаго, ѻ҆ц҃а̀ и҆ сн҃а и҆ ст҃а́гѡ дх҃а, ны́нѣ, и҆ при́снѡ и҆ во вѣ́ки вѣкѡ́въ. А҆ми́нь.

Моли́тва г҃.

Ѽ преблаже́нне ст҃и́телю спѷрїдѡ́не! ᲂу҆молѝ благосе́рдїе человѣколю́бца бг҃а, да не ѡ҆сꙋ́дитъ на́съ по беззако́нїємъ на́шимъ, но да сотвори́тъ съ на́ми по ми́лости свое́й. и҆спросѝ на́мъ, рабѡ́мъ бж҃їимъ (и҆мена̀), ᲂу҆ хрⷭ҇та̀ и҆ бг҃а на́шегѡ ми́рное и҆ безмѧте́жное житїѐ, здра́вїе дꙋше́вное и҆ тѣле́сное. и҆зба́ви на́съ ѿ всѧ́кихъ бѣ́дъ дꙋше́вныхъ и҆ тѣле́сныхъ, ѿ всѣ́хъ томле́нїй и҆ дїа́вольскихъ навѣ́тѡвъ. помина́й на́съ ᲂу҆ прⷭ҇то́ла вседержи́телѧ и҆ ᲂу҆молѝ гдⷭ҇а, да пода́стъ мно́гихъ на́шихъ грѣхѡ́въ проще́нїе, безбѣ́дное и҆ ми́рное житїѐ, да да́рꙋетъ на́мъ, кончи́ны же живота̀ непосты́дныѧ и҆ ми́рныѧ и҆ блажє́нства вѣ́чнагѡ въ бꙋ́дꙋщемъ вѣ́цѣ сподо́битъ на́съ, да непреста́ннѡ возсыла́емъ сла́вꙋ и҆ благодаре́нїе ѻ҆ц҃ꙋ̀ и҆ сн҃ꙋ и҆ дх҃ꙋ ст҃о́мꙋ, ны́нѣ и҆ при́снѡ и҆ во вѣ́ки вѣкѡ́въ. А҆ми́нь.

Вы искали акафист святителю Спиридону Тримифунтскому? В этой статье Вы сможете найти полный текст, увидеть исполнение акафиста с правильными ударениями и аудио записи.

Акафист святителю Спиридону Тримифунтскому

Кондак 1:

Препрославленный от Господа святителю и чудотворче Спиридоне! Ныне всечестную память твою празднующе, яко много могущему споспешествовати нам о прославльшем тя Христе, умильно вопием ти: избави нас от всяких бед и зол, да с благодарением зовем ти: Радуйся, Спиридоне, предивный чудотворче!

Икос 1:

От юности украшенный всеми добродетельми, житием своим Ангелом подражавый, ты, святителю Спиридоне, воистинну показался еси друг Христов; мы же, зряще тя, небеснаго человека и земнаго ангела, со благоговением умильно вопием ти:

Радуйся, уме, созерцаяй тайны Пресвятыя Троицы; радуйся, обогативыйся Духа пресветлым осиянием.
Радуйся, светильниче многосветлый; радуйся, ум твой безстрастием просветивый.
Радуйся, измлада истинную простоту и безмолвие возлюбивый; радуйся, украшение целомудрия.
Радуйся, любве неистощимая струя; радуйся, яко страннолюбию Авраама подражал еси.
Радуйся, яко всем любвеобильно входы дома своего отверзал еси; радуйся, нищих предстателю.
Радуйся, пред нимже благоговеют людие; радуйся, яко ты еси обиталище Пресвятаго Духа.
Радуйся, Спиридоне, предивный чудотворче!

Кондак 2:

Видяще остров Кипр и вся христианския страны нетленныя мощи твоя, святителю, от нихже истекают обильная исцеления, возрадовашася; и мы, почитающе тя яко преобильнаго источника благодати, низпосланнаго Свыше нам, вопием к Верховному Подателю Небесных и земных благ: Аллилуиа.

Икос 2:

Разум Божественный имый, аще сый пастырь безсловесных овец, ты произволением Пастыреначальника Христа избран был еси в пастыря овец словесных. Вернии же, разумевше тя добраго пастыря, неусыпно о стаде своем пекущагося, воспеваху:

Радуйся, архиерее Бога Вышняго, в хиротонии восприявый обильно Божественную благодать; радуйся, светильниче многосветлый, горяй и светяй.
Радуйся, верный делателю в вертограде Христовом; радуйся, пастырю, на пажити веры и благочестия паству свою воспитавый.
Радуйся, сияньми добродетелей твоих мир просвещавый; радуйся, Престолу Христову Божественную Жертву приносивый.
Радуйся, иерарше, разумением Православия украшенный; радуйся, апостольскаго учения исполненный, верных струями спасительнаго учения напаяяй.
Радуйся, яко и мудрых озарил еси; радуйся, яко и простых сердца обновил еси.
Радуйся, славо православных и Церкве непоколебимое утверждение; радуйся, украшение отцев, слава и похвала иереев благоговейных.
Радуйся, Спиридоне, предивный чудотворче.

Читайте также материал Святитель Спиридон — очень добрый святой

Кондак 3:

Силою Вышняго, осенившею тя, святителю Спиридоне, богомудр ты показался еси и, сжавши дланию глину, троичность Лиц всем очевидно уяснил еси: темже лжемудрии философи, собравшиися на Соборе, ужасошася, вернии же непостижимаго прославиша Бога, умудрившаго тя во спасение, вопиюще Ему: Аллилуиа.

Икос 3:

Имеюще тя в помышлениих своих вси отцы Собора проста, неискусна в книжнем учении, молиша тя, отче Спиридоне, не препиратися словесы с ветиею, мнящимся мудр быти. Ты же, святителю, ревностию по Бозе распалаемый, веруя, яко проповедь Христова не в препретельных мудрости человеческия словесех, но в явлении духа и силы, премудре того обличив, вразумил и на путь истинный наставил еси. Вси, видевше чудо сие, взываху:

Радуйся, свете православныя мудрости; радуйся, яко глаголемых быти мудрых совопросников посрамил еси.
Радуйся, источниче, благодатию обильный; радуйся, непоколебимый столпе, твердо содержащий сущих в вере.
Радуйся, омрачаяй всепагубную ересь; радуйся, чрез негоже попрано бысть безумие.
Радуйся, яко персть земная проповеда твоима рукама Святую Троицу; радуйся, яко из глины извел еси огнь и воду во утверждение догмата Святыя Троицы.
Радуйся, яко просветил еси люди славити Слово, воистинну единосущное Пребезначальному Отцу; радуйся, яко змиеву главу пагубныя Ариевы ереси поразил еси.
Радуйся, яко тобою пожерта бысть злоба; радуйся, невернаго мудреца совопросника к истинней вере обративый.
Радуйся, Спиридоне, предивный чудотворче.

Кондак 4:

Жизнь проводя в убожестве и нищете, нищим и бедным был еси питатель и помощник и, любве ради к нищим, змия в злато преложил еси и дал еси оное требующему твоея помощи. Дивящеся о чудеси сем, благодарственно вопием к Богу: Аллилуиа.

Икос 4:

Слышано бысть всем и всюду, яко святитель Спиридон воистинну есть жилище Святыя Троицы: вселися бо в нем Бог Отец, Бог Слово и Бог Дух Святый. Сего ради ты словесы и деяньми проповедал еси всем христианом воплощеннаго истиннаго Бога, вопиющим:

Радуйся, словес Божиих таинниче; радуйся, Домостроительство Божие о спасении мира уяснивый.
Радуйся, яко научил еси не испытовати еже есть превыше разума и мудросте человеческия; радуйся, непостижимую действующую в тебе силу Божию явивый.
Радуйся, яко устами твоими провеща Сам Бог; радуйся, яко вси послушаху тебе в сладость.
Радуйся, мглу идолослужения разгнавый; радуйся, яко многих к истинней вере привел еси.
Радуйся, яко главы невидимых змиев поразил еси; радуйся, яко тобою прославляется вера христианская.
Радуйся, яко светло озаряеши всех ублажающих тя; радуйся, поборниче христианския веры и Православия.
Радуйся, Спиридоне, предивный чудотворче.

Кондак 5:

Божественнаго Духа преисполнен был еси, святителю Спиридоне, ради добродетельнаго жития твоего; зане кроток, милостив, чист сердцем, терпелив, непамятозлобив, страннолюбец был еси: сего ради Творец и в чудесех преславна показа тя. Мы же, прославляя Бога, прославльшаго тя, вопием Ему: Аллилуиа.

Икос 5:

Равноангельна Спиридона зрим, великаго чудотворца. Некогда страна от бездождия и засухи вельми пострада: бысть глад и язва, и многое множество людей умроша, молитвами же святителя сниде с небесе на землю дождь; людие же, избавльшеся от бедствия, благодарственно взываху:

Радуйся, великому пророку Илии уподобивыйся; радуйся, яко дождь, отъемлющий глад и недуги, благовремение низвел еси.
Радуйся, паки молитвами своими небо заключивый; радуйся, яко немилосердаго купца лишением имения наказал еси.
Радуйся, яко требующим пищу обильно даровал еси; радуйся, яко любоблагоутробие Бога к людем подвизаеши.
Радуйся, вземляй немощи немощных; радуйся, богоблагодатный человеком помощниче.
Радуйся, болящим здравие подаваяй; радуйся, егоже трепещут демони.
Радуйся, безчисленных чудес источниче.
Радуйся, Спиридоне, предивный чудотворче.

Кондак 6:

Завеса ветхозаветной скинии закрываше во Святая Святых ковчег, манну и скрижали. И храм твой, святителю Спиридоне, имеет раку твою, яко ковчег, святыя мощи твоя, яко манну, сердце твое, яко скрижали Божественная благодати, на нихже зрим начертанную песнь: Аллилуиа.

Икос 6:

Народ Кипра некогда за умножение беззаконий наказа Господь безплодием земли, егда же прииде к святому Спиридону знаемый земледелец, прося помощи, даде ему святый злато; минувшу же бедствию, земледелец оный возврати паки злато, И — о чудесе — злато змий бысть. Прославляюще Бога, дивнаго во святых Своих, вопием:

Радуйся, яко Моисею, чудесно преложившему жезл в змия, подражал еси; радуйся, человеколюбивый пастырю, избавляяй от бед словесныя овцы стада своего.
Радуйся, обильно всех всеми благами обогащаяй; радуйся, яко Илиа, бедных питавый.
Радуйся, немилосердых к милосердию обращаяй; радуйся, достоподражаемый пример любве для человеков, в мире живущих.
Радуйся, верных и неверных в бедах утешение; радуйся, древо сеннолиственное, град и страну осеняющее.
Радуйся, славо и похвало керкирян; радуйся, над влагою и сушею, зноем и хладом благодатию Божиею владычествуяй.
Радуйся, уставы земли молитвою пременяяй; радуйся, будущая, яко настоящая, провидевый.
Радуйся, Спиридоне, предивный чудотворче.

Кондак 7:

Ходатай пред Господем за всех явился еси, святителю Спиридоне. Сего ради и мы прибегаем под кров твой, ищуще спасения, вси бо помощника тебе имамы во всех нуждах, во время глада, смертоносныя язвы и во вся годины бед и искушений. Сего ради благодарственно вопием Богу: Аллилуиа.

Икос 7:

Новое чудо видим и боголепное; егда ты, отче, шествовал избавити неповинно осужденнаго на смерть, бурный поток прегради путь тебе; ты же именем Всемогущаго Бога повелел ему стати и прешел еси со спутники чрез реку, яко по суху. Слава о сем чудеси распространися всюду, и вси прославиша Бога, вопиюще к тебе:

Радуйся, яко иногда Иисус Навин чрез Иордан, реку по суху прешедый; радуйся, речная устремления гласом своим укротивый.
Радуйся, яко трудный путь предприял еси, движимый милосердием; радуйся, яко клевету разрушил еси и неповиннаго от уз темницы и напрасныя смерти избавил еси.
Радуйся, жизни по Бозе благий поспешниче; радуйся, неповинно угнетенных защитителю.
Радуйся, уставов естества воднаго пременителю; радуйся, яко судию вразумил еси и от убийства спасл еси.
Радуйся, истинное исправление душ; радуйся, дивная сило, потоки удержавающая.
Радуйся, услаждающий сердца человеков, к тебе притекающих; радуйся, человеколюбию Авраама подражателю.
Радуйся, Спиридоне, предивный чудотворче.

Кондак 8:

Странник и пришлец был еси на земли, якоже и прочии человецы. Обаче из чрева матере Всеведущий великаго угодника и чудотворца показа тя, святителю Спиридоне: бесы бо изгоняеши, всякую болезнь и язву исцеляеши, помышления людей зриши, темже и дивен во святых показался еси. Мы же, возсылающе молитву ко Благодателю всех Богу, вопием ему: Аллилуиа.

Икос 8:

Весь мир ужасом многим содрогнуся, егда услыша, яко смерть, по гласу твоему, возвращает из гробов мертвецы своя, и возопи:

Радуйся, умершую дщерь свою, да явит врученное ей сокровище, к жизни воззвавый; радуйся, скорбную вдовицу, на сохранение злато вдавшую, утешивый.
Радуйся, умершее отроча из мертвых воскресивый; радуйся, яко матерь его, внезапно от радости умершую, ожививый.
Радуйся, яко уподобился еси Илии, молитвами сыну Сарептския жены жизнь возвратившему; радуйся, яко и Елисею, возбудившему от смерти отроча подражал еси.
Радуйся, пастырю, приискренне любящий человеки; радуйся, жене блуднице, слезами нозе твои омывшей, грехи именем Бога отпустивый.
Радуйся, святую ревность верховнаго апостола стяжавый; радуйся, яко нераскаянная грешница, по глаголу твоему, в тяжких болезнех умре.
Радуйся, земли плодоносие молитвами твоими испросивый; радуйся, непреложное воскресения человеков уверение.
Радуйся, Спиридоне, предивный чудотворче.

Кондак 9:

Духа Божественнаго осияньми озарен был еси, святителю Спиридоне, имел бо еси духа премудрости, яко мудрыми словесы безумных обуил еси и посреде отцев веру утвердил еси, духа разума, яко умы омраченныя озарил еси; духа страха Божия, яко выну делании богоугодными душу очистил еси. Темже, представ Престолу Вышняго, с сонмом Ангелов воспеваеши Ему: Аллилуиа.

Икос 9:

Жезл пастыря словесных овец от Пастыреначальника Господа Иисуса приемый, святый Спиридон не премени жития своего: нестяжателен, кроток, любве ради вся терпяй, не постыдеся пещися и о стаде безсловесных овец. Вся сия возбуждают нас славити Бога и взывати тебе:

Радуйся, славу мира сего яко суетную презревый; радуйся, мзду многу на Небесех стяжавый.
Радуйся, красная мира сего в уметы вменивый; радуйся, сосуде небесных благ.
Радуйся, святейшая пажите киприотов; радуйся, яко тебе ради Бог хищников овец твоих невидимыми узами связа.
Радуйся, татем отеческое вразумление преподавый; радуйся, по милосердию твоему за проведенную без сна нощь овна им даровавый.
Радуйся, непослушанием козлища, яко бы разум имущаго, купца, утаившаго цену его, обличивый; радуйся, утаившаго сребреники твоя к покаянию приведый.
Радуйся, яко страсти корыстолюбия увещанием своим исцелил еси его.
Радуйся, Спиридоне, предивный чудотворче.

Кондак 10:

Спасаяй души паствы, Богом тебе вверенныя, ты, святителю Спиридоне, произволением Божиим, зван был еси явити славу свою, паче же славу истиннаго Бога, и в иныя страны, да всюду славят имя Божие, вопиюще: Аллилуиа.

Икос 10:

Скорый помощник и заступник во всяких нуждах и скорбех, святый Спиридон, по повелению цареву, якоже и прочий пастыри, прииде во град Антиохию, идеже бе одержимый болезнию царь Константин; святитель главы его коснуся и сотвори здрава. Сему чудеси дивящеся, вопием ти:

Радуйся, егоже в сонном видении Ангел, яко целителя, яви царю; радуйся, Божественныя ради любве трудный путь в старости восприявый.
Радуйся, цареву рабу, ударившему тя в ланиту, по заповеди Спасителя, другую подставивый; радуйся, столпе смирения.
Радуйся, молитвами своими слезно просящему царю здравие даровавый; радуйся, яко уничижением своим раба вразумил еси и немилостивый нрав его пременил еси.
Радуйся, яко благочестию и милосердию царя научил еси; радуйся, яко, ненавидяй земная сокровища, злато царя отвергл еси.
Радуйся, яко ученика своего Трифиллиа от пристрастия к земным благам отвратил еси и сосудом благодати Божия соделал еси; радуйся, яко пришедшу тебе в Александрию идоли падоша.
Радуйся, емуже и беси повинуются; радуйся, яко от идолослужения многих отвратил еси.
Радуйся, Спиридоне, предивный чудотворче.

Кондак 11:

Пение ангельское бысть, егда во храме приносил еси, святителю Спиридоне, вечерния молитвы Твоя, и не беша сослужащии тебе. Жителие же града, дивное пение слышавше, внидоша в храм и, никогоже видевше, с Горними силами воспеваху: Аллилуиа.

Икос 11:

Светозарное солнце мирови, собеседник Ангелов был еси на земли, святителю Спиридоне; предав же дух твой в руце Божии, преселился еси в горняя селения, моляся за мир пред Престолом Владыки. Мы же, живущии на земли, вопием ти:

Радуйся, яко тебе, еще живу сущу, сослужаху Ангели; радуйся, псалмопение Архангелов слышавый.
Радуйся, видимый образе нашего преображения; радуйся, яко недоставшу елею в храме Бог тебе ради с избытком лампады наполни тем.
Радуйся, лампадо Божественнаго сияния; радуйся, сосуде благодати Божией, обильно, подобие елею, наполняющей душу твою.
Радуйся, неизсякаемый источниче, присно источающий всем токи благодати; радуйся, о немже изумляются Ангели.
Радуйся, прослушание диакона в храме наказавый; радуйся, тщеславившагося своим гласом и гласа, и языка лишивый.
Радуйся, яко во время зноя, внезапу роса, снизшедшая свыше, священную твою главу прохлади; радуйся, в знамении сем близость преставления своего провидевый.
Радуйся, Спиридоне, предивный чудотворче.

Кондак 12:

Покров и прибежище бывый всем к тебе притекающим верным еще в житии твоем, ты, святителю, не оставил еси нас сирых и по твоем успении; Бог, побеждающий естества чин, сохрани святые мощи твоя нетленными во укрепление православныя веры и благочестия, в знамение безсмертия, Егоже прославляюще, вопием: Аллилуиа.

Икос 12:

Воспеваем тя, святителю Божий, яко удивил еси мир чудесы, истекающими от святых мощей твоих. Вси бо с верою приходящии и лобызающии их получают вся благопотребная просимая. И мы, давшаго тебе крепость, венчавшаго тя венцем нетления и действующаго тобою Бога прославляюще, вопием ти:

Радуйся, во время глада корабельником явивыйся, и пищу доставити повелевый; радуйся, слепым, с верою притекшим к святым мощем твоим, зрение даровавый.
Радуйся, от неисцельныя болезни отрока исцеливый; радуйся, беса из жены изгнавый и здравую сотворивый.
Радуйся, возбранный воеводо Керкиры; радуйся, яко полчища злочестивых агарян изгнал еси и корабли их в пучине потопил еси.
Радуйся, егоже видеша окруженнаго сонмом Ангелов, в деснице меч державша и в трепет врагов приведша; радуйся, создати себе храм, во еже совершати в нем литургию на пресном хлебе, воеводе возбранивый.
Радуйся, воеводу латинскаго лютою смертию поразивый; радуйся, молниею изображение его в доме в Венеции сожегший.
Радуйся, отступльства и лжемудрования Запада посрамивый; радуйся, единую православную веру быти истинную и спасительную для человеков утвердивый.
Радуйся, Спиридоне, предивный чудотворче!

Читайте также материал – У мощей святителя Спиридона

Кондак 13:

О пречудный святителю Христов, отче Спиридоне! Нынешнее наше моление прием, избави нас от всех бед и напастей, укрепи на враги страну нашу, даруй нам оставление прегрешений и изми от вечныя смерти всех вопиющих о тебе к Богу: Аллилуиа!(Этот кондак читается трижды, затем икос 1 и кондак 1)

Молитвы святителю Спиридону Тримифунтскому

Молитва первая:

О Великий и пречудный святителю Христов и чудотворче Спиридоне, Керкирская похвало, всея вселенныя светильниче пресветлый, теплый к Богу молитвенниче и всем к тебе прибегающим и с верою молящимся скоропредстательный заступниче! Ты веру православную на Никейстем Соборе посреде отцев преславно изъяснил еси, ты единство Святыя Троицы чудесною силою показал еси и еретиков до конца посрамил еси. Услыши нас, грешных, святителю Христов, молящихся тебе, и сильным твоим предстательством у Господа избави нас от всякаго злаго обстояния: от глада, потопа, огня и смертоносныя язвы. Ты бо во временней жизни своей от всех сих бедствий избавлял еси людей твоих: от нашествия агарян и от глада страну твою сохранил еси, царя от неисцельнаго недуга избавил и многия грешники к покаянию привел еси, мертвых преславно воскрешал еси, за святость же жития твоего Ангелы невидимо в церкви поющия и сослужащия тебе имел еси. Сице убо прослави тебе, вернаго Своего раба, Владыка Христос, яко вся тайная человеческая деяния дарова тебе разумети и обличати неправедно живущия. Многим в скудости и недостаточестве живущим ты усердно помогал еси, люди убогия изобильно во время глада напитал еси и ина многа знамения силою в тебе живущаго Духа Божия сотворил еси. Сице и нас не остави, святителю Христов, поминай нас, чад своих, у Престола Вседержителя и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдныя и мирныя и блаженства вечнаго в будущем веце сподобит нас, да выну возсылаем славу и благодарение Отцу, и Сыну, и Духу Святому, ныне, и присно, и во веки веков. Аминь.

Молитва вторая:

О всеблаженне святителю Спиридоне, великий угодниче Христов и преславный чудотворче! Предстояй на Небеси Престолу Божию с лики Ангел, призри милостивым оком на предстоящия зде люди и просящия сильныя твоея помощи. Умоли благоутробие Человеколюбца Бога, да не осудит нас по беззакониим нашим, но да сотворит с нами по милости Своей! Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая, даруемая нам от щедраго Бога, но во славу Его и в прославление твоего заступления! Избави всех верою несумненною к Богу приходящих от всяких бед душевных и телесных. от всех томлений и диавольских наветов! Буди печальным утешитель, недугующим врач, в напастех помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий и исходатайствуй всем крепкия помощи твоея требующим вся, яже ко спасению, полезная! Яко да твоими молитвами наставляеми и соблюдаеми, достигнем в вечный покой и купно с тобою прославим Бога, в Троице Святей славимаго, Отца и Сына и Святаго Духа, ныне, и присно и во веки веков. Аминь.

Молитва третья:

О преблаженне святителю Спиридоне! Умоли благосердие Человеколюбца Бога, да не осудит нас по беззаконием нашим, но да сотворит с нами по милости Своей. Испроси нам, рабам Божиим (имена), у Христа и Бога нашего мирное и безмятежное житие, здравие душевное и телесное. Избави нас от всяких бед душевных и телесных, от всех томлений и диавольских наветов. Поминай нас у престола Вседержителя и умоли Господа, да подаст многих наших грехов прощение, безбедное и мирное житие, да дарует нам, кончины же живота непостыдныя и мирныя и блаженства вечнаго в будущем веце сподобит нас, да непрестанно возсылаем славу и благодарение Отцу и Сыну и Духу Святому, ныне и присно и во веки веков.

Тропарь святителю Спиридону, епископу Тримифунтскому, чудотворцу

Тропарь, глас 1:

Собора Перваго показался еси поборник и чудотворец, богоносе Спиридоне, отче наш. Темже мертву ты во гробе возгласив и змию в злато претворил еси, и внегда пети тебе святыя молитвы, Ангелы сослужащия тебе имел еси, священнейший. Слава Давшему тебе крепость, слава Венчавшему тя, слава Действующему тобою всем исцеления.

Кондак, глас 2:

Любовию Христовою уязвився, священнейший, ум вперив зарею Духа, деятельным видением твоим деяние обрел еси, Богоприятне, жертвенник Божественный быв, прося всем Божественнаго сияния.

Слушать акафист святителю Спиридону Тримифунтскому:

Вы прочитали статью Акафист святителю Спиридону Тримифунтскому. Читайте также:

Молитвы святителю Спиридону Тримифунтскому. Чудеса по молитвам к святому
Святитель Спиридон Тримифунтский
Святитель Спиридон Тримифунтский — чудеса и свидетельства

Акафист Спиридону Тримифунтскому

4.3

(85.5%)

голос.

(о помощи в сложных жизненных ситуациях)
Оглавление:

акафист
молитва
тропарь
кондак
величание

Кондак 1

Радуйся, Спиридоне, предивный чудотворче.

Икос 1

От юности украшенный всеми добродетельми, житием своим Ангелом подражавый, ты, святителю Спиридоне, воистину показался еси друг Христов; мы же, зряще тя, небеснаго человека и земнаго Ангела, со благоговением умильно вопием ти:

Радуйся, уме, созерцаяй тайны Пресвятыя Троицы; радуйся, обогативыйся Духа пресветлым осиянием.

Радуйся, светильниче многосветлый; радуйся, ум твой безстрастием просветивый.

Радуйся, измлада истинную простоту и безмолвие возлюбивый; радуйся, украшение целомудрия.

Радуйся, любве неистощимая струя; радуйся, яко страннолюбию Авраама подражал еси.

Радуйся, яко всем любвеобильно входы дома своего отверзал еси; радуйся, нищих предстателю.

Радуйся, пред нимже благоговеют людие; радуйся, яко ты еси обиталище Пресвятаго Духа.

Радуйся, Спиридоне, предивный чудотворче.

Кондак 2

Видяще остров Кипр и вся христианския страны нетленныя мощи твоя, святителю, от нихже истекают обильная исцеления, возрадовашася; и мы, почитающе тя яко преобильнаго источника благодати, низпосланнаго свыше нам, вопием к Верховному Подателю небесных и земных благ: Аллилуиа.

Икос 2

Радуйся, архиерее Бога Вышняго, в хиротонии восприявый обильно Божественную благодать; радуйся, светильниче многосветлый, горяй и светяй.

Радуйся, верный делателю в вертограде Христовом; радуйся, пастырю, на пажити веры и благочестия паству свою воспитавый.

Радуйся, сияньми добродетелей твоих мир просвещавый; радуйся, Престолу Христову Божественную Жертву приносивый.

Радуйся, иерарше, разумением Православия украшенный; радуйся, апостольскаго учения исполненный, верных струями спасительнаго учения напаяяй.

Радуйся, яко и мудрых озарил еси; радуйся, яко и простых сердца обновил еси.

Радуйся, славо православных и Церкве непоколебимое утверждение; радуйся, украшение отцев, славо и похвало иереев благоговейных.

Радуйся, Спиридоне, предивный чудотворче.

Кондак 3

Силою Вышняго, осенившею тя, святителю Спиридоне, богомудр ты показался еси и, сжавши дланию глину, троичность Лиц всем очевидно уяснил еси; темже лжемудрии философи, собравшиися на Соборе, ужасошася, вернии же непостижимаго прославиша Бога, умудрившаго тя во спасение, вопиюще Ему: Аллилуиа.

Икос 3

Имеюще тя в помышлениих своих вси отцы Собора проста, неискусна в книжнем учении, молиша тя, отче Спиридоне, не препиратися словесы с витиею, мнящимся мудр быти. Ты же, святителю, ревностию по Бозе распаляемый, веруя, яко проповедь Христова не в препретельных мудрости человеческия словесех, но в явлении духа и силы, премудре того обличив, вразумил и на путь истинный наставил еси. Вси, видевше чудо сие, взываху:

Радуйся, свете православныя мудрости; радуйся, яко глаголемых быти мудрых совопросников посрамил еси.

Радуйся, источниче, благодатию обильный; радуйся, непоколебимый столпе, твердо содержащий сущих в вере.

Радуйся, омрачаяй всепагубную ересь; радуйся, чрез негоже попрано бысть безумие.

Радуйся, яко персть земная проповеда твоима руками Святую Троицу; радуйся, яко из глины извел еси огнь и воду во утверждение догмата Святыя Троицы.

Радуйся, яко просветил еси люди славити Слово, воистину Единосущное Пребезначальному Отцу; радуйся, яко змиеву главу пагубныя Ариевы ереси поразил еси.

Радуйся, яко тобою пожерта бысть злоба; радуйся, невернаго мудреца совопросника к истинней вере обративый.

Радуйся, Спиридоне, предивный чудотворче.

Кондак 4

Икос 4

Слышано бысть всем и всюду, яко святитель Спиридон воистину есть жилище Святыя Троицы: вселися бо в нем Бог Отец, Бог Слово и Бог Дух Святый. Сего ради ты словесы и деяньми проповедал еси всем христианом воплощеннаго истиннаго Бога, вопиющим:

Радуйся, словес Божиих таинниче; радуйся, домостроительство Божие о спасении мира уяснивый.

Радуйся, яко научил еси не испытовати еже есть превыше разума и мудрости человеческия; радуйся, непостижимую действующую в тебе силу Божию явивый.

Радуйся, яко устами твоими провеща Сам Бог; радуйся, яко вси послушаху тебе в сладость.

Радуйся, мглу идолослужения разгнавый; радуйся, яко многих к истинней вере привел еси.

Радуйся, яко главы невидимых змиев поразил еси; радуйся, яко тобою прославляется вера христианская.

Радуйся, яко светло озаряеши всех ублажающих тя; радуйся, поборниче христианския веры и Православия.

Радуйся, Спиридоне, предивный чудотворче.

Кондак 5

Икос 5

Радуйся, великому пророку Илии уподобивыйся; радуйся, яко дождь, отъемлющий глад и недуги, благовременне низвел еси.

Радуйся, паки молитвами своими небо заключивый; радуйся, яко немилосердаго купца лишением имения наказал еси.

Радуйся, яко требующим пищу обильно даровал еси; радуйся, яко любоблагоутробие Бога к людем подвизаеши.

Радуйся, вземляй немощи немощных; радуйся, богоблагодатный человеком помощниче.

Радуйся, болящим здравие подаваяй; радуйся, егоже трепещут демони.

Радуйся, безчисленных чудес источниче.

Радуйся, Спиридоне, предивный чудотворче.

Кондак 6

Завеса ветхозаветной скинии закрываше во Святая Святых ковчег, манну и скрижали. И храм твой, святителю Спиридоне, имеет раку твою, яко ковчег, святыя мощи твоя, яко манну, сердце твое, яко скрижали Божественныя благодати, на нихже зрим начертанную песнь: Аллилуиа.

Икос 6

Народ Кипра некогда за умножение беззаконий наказа Господь безплодием земли, егда же прииде к святому Спиридону знаемый земледелец, прося помощи, даде ему святый злато; минувшу же бедствию, земледелец оный возврати паки злато. И — о чудесе! —злато змий бысть. Прославляюще Бога, дивнаго во святых Своих, вопием:

Радуйся, яко Моисею, чудесно преложившему жезл в змия, подражал еси; радуйся, человеколюбивый пастырю, избавляяй от бед словесныя овцы стада своего.

Радуйся, обильно всех всеми благами обогащаяй; радуйся, яко Илия, бедных питавый.

Радуйся, немилосердых к милосердию обращаяй; радуйся, достоподражаемый пример любве для человеков, в мире живущих.

Радуйся, верных и неверных в бедах утешение; радуйся, древо сеннолиственное, град и страну осеняющее.

Радуйся, славо и похвало керкирян; радуйся, над влагою и сушею, зноем и хладом благодатию Божиею владычествуяй.

Радуйся, уставы земли молитвою пременяяй; радуйся, будущая, яко настоящая, провидевый.

Радуйся, Спиридоне, предивный чудотворче.

Кондак 7

Ходатай пред Господем за всех явился еси, святителю Спиридоне: сего ради и мы прибегаем под кров твой, ищуще спасения, вси бо помощника тебе имамы во всех нуждах, во время глада, смертоносныя язвы и во вся годины бед и искушений. Сего ради благодарственно вопием Богу: Аллилуиа.

Икос 7

Новое чудо видим и боголепное: егда ты, отче, шествовал избавити неповинно осужденнаго на смерть, бурный поток прегради путь тебе; ты же именем Всемогущаго Бога повелел ему стати и прешел еси со спутники чрез реку, яко по суху. Слава о сем чудеси распространися всюду, и вси прославиша Бога, вопиюще к тебе:

Радуйся, яко иногда Иисус Навин чрез Иордан реку по суху прешедый; радуйся, речная устремления гласом своим укротивый.

Радуйся, яко трудный путь предприял еси, движимый милосердием; радуйся, яко клевету разрушил еси и неповиннаго от уз темницы и напрасныя смерти избавил еси.

Радуйся, жизни по Бозе благий поспешниче; радуйся, неповинно угнетенных защитителю.

Радуйся, уставов естества воднаго пременителю; радуйся, яко судию вразумил еси и от убийства спасл еси.

Радуйся, истинное исправление душ; радуйся, дивная сило, потоки удержавающая.

Радуйся, услаждающий сердца человеков, к тебе притекающих; радуйся, человеколюбию Авраама подражателю.

Радуйся, Спиридоне, предивный чудотворче.

Кондак 8

Икос 8

Радуйся, умершую дщерь свою, да явит врученное ей сокровище, к жизни воззвавый; радуйся, скорбную вдовицу, на сохранение злато вдавшую, утешивый.

Радуйся, умершее отроча из мертвых воскресивый; радуйся, яко матерь его, внезапно от радости умершую, ожививый.

Радуйся, яко уподобился еси Илии, молитвами сыну сарептския жены жизнь возвратившему; радуйся, яко и Елисею, возбудившему от смерти отроча, подражал еси.

Радуйся, пастырю, приискренне любящий человеки; радуйся, жене блуднице, слезами нозе твои омывшей, грехи именем Бога отпустивый.

Радуйся, святую ревность верховнаго апостола стяжавый; радуйся, яко нераскаянная грешница, по глаголу твоему, в тяжких болезнех умре.

Радуйся, земли плодоносие молитвами твоими испросивый; радуйся, непреложное воскресения человеков уверение.

Радуйся, Спиридоне, предивный чудотворче.

Кондак 9

Духа Божественнаго осияньми озарен был еси, святителю Спиридоне, имел бо еси духа премудрости, яко мудрыми словесы безумных обуил еси и посреде отцев веру утвердил еси; духа разума, яко умы омраченныя озарил еси; духа страха Божия, яко выну делании богоугодными душу очистил еси. Темже, представ Престолу Вышняго, с сонмом Ангелов воспеваеши Ему: Аллилуиа.

Икос 9

Радуйся, славу мира сего яко суетную презревый; радуйся, мзду многу на Небесех стяжавый.

Радуйся, красная мира сего в уметы вменивый; радуйся, сосуде Небесных благ.

Радуйся, святейшая пажите киприотов; радуйся, яко тебе ради Бог хищников овец твоих невидимыми узами связа.

Радуйся, татем отеческое вразумление преподавый; радуйся, по милосердию твоему за проведенную без сна нощь овна им даровавый.

Радуйся, непослушанием козлища, яко бы разум имущаго, купца, утаившаго цену его, обличивый; радуйся, утаившаго сребренники твоя к покаянию приведый.

Радуйся, яко страсти корыстолюбия увещанием своим исцелил еси его.

Радуйся, Спиридоне, предивный чудотворче.

Кондак 10

Спасаяй души паствы, Богом тебе вверенныя, ты, святителю Спиридоне, произволением Божиим, зван был еси явити славу твою, паче же славу Истиннаго Бога, и в иныя страны, да всюду славят Имя Божие, вопиюще: Аллилуиа.

Икос 10

Скорый помощник и заступник во всяких нуждах и скорбех, святый Спиридон, по повелению цареву, якоже и прочии пастыри, прииде во град Антиохию, идеже бе одержимый болезнию царь Константий; святитель главы его коснуся и сотвори здрава. Сему чудеси дивящеся, вопием ти:

Радуйся, егоже в сонном видении Ангел, яко целителя, яви царю; радуйся, Божественныя ради любве трудный путь в старости восприявый.

Радуйся, цареву рабу, ударившему тя в ланиту, по заповеди Спасителя, другую подставивый; радуйся, столпе смирения.

Радуйся, молитвами своими слезно просящему царю здравие даровавый; радуйся, яко уничижением своим раба вразумил еси и немилостивый нрав его пременил еси.

Радуйся, яко благочестию и милосердию царя научил еси; радуйся, яко, ненавидяй земная сокровища, злато царя отвергл еси.

Радуйся, яко ученика своего Трифиллиа от пристрастия к земным благам отвратил еси и сосудом благодати Божия соделал еси; радуйся, яко пришедшу тебе в Александрию, идоли падоша.

Радуйся, емуже и беси повинуются; радуйся, яко от идолослужения многих отвратил еси.

Радуйся, Спиридоне, предивный чудотворче.

Кондак 11

Пение ангельское бысть, егда во храме приносил еси, святителю Спиридоне, вечерния молитвы Твоя, и не беша сослужащие тебе. Жителие же града, дивное пение слышавше, внидоша в храм и, никого же видевше, с Горними силами воспеваху: Аллилуиа.

Икос 11

Светозарное солнце мирови, собеседник Ангелов был еси на земли, святителю Спиридоне; предав же дух твой в руце Божии, преселился еси в Горняя селения, моляся за мир пред Престолом Владыки. Мы же, живущии на земли, вопием ти:

Радуйся, яко тебе, еще живу сущу, сослужаху Ангели; радуйся, псалмопение Архангелов слышавый.

Радуйся, видимый образе нашего преображения; радуйся; яко недоставшу елею в храме Бог тебе ради с избытком лампады наполни тем.

Радуйся, лампадо Божественнаго сияния; радуйся, сосуде благодати Божией, обильно, подобие елею, наполняющей душу твою.

Радуйся, неизсякаемый источниче, присно источающий всем токи благодати; радуйся, о немже изумляются Ангели.

Радуйся, преслушание диакона в храме наказавый; радуйся, тщеславившагося своим гласом, и гласа и языка лишивый.

Радуйся, яко, во время зноя, внезапу роса, снизшедшая Свыше, священную твою главу прохлади; радуйся, в знамении сем близость преставления своего провидевый.

Радуйся, Спиридоне, предивный чудотворче.

Кондак 12

Икос 12

Радуйся, во время глада корабельником явивыйся и пищу доставити повелевый; радуйся, слепым, с верою притекшим к святым мощем твоим, зрение даровавый.

Радуйся, от неисцельныя болезни отрока исцеливый; радуйся, беса из жены изгнавый и здраву ю сотворивый.

Радуйся, возбранный воеводо Керкиры; радуйся, яко полчища злочестивых агарян изгнал еси и корабли их в пучине потопил еси.

Радуйся, егоже видеша окруженнаго сонмом Ангелов, в деснице меч державша и в трепет врагов приведша; радуйся, создати себе храм, во еже совершати в нем литургию на пресном хлебе, воеводе возбранивый.

Радуйся, воеводу латинскаго лютою смертию поразивый; радуйся, молниею изображение его в доме в Венеции сожегший.

Радуйся, отступльства и лжемудрования Запада посрамивый; радуйся, единую православную веру быти истинную и спасительную для человеков утвердивый.

Радуйся, Спиридоне, предивный чудотворче.

Кондак 13

(Этот кондак читается трижды, затем икос 1-й и кондак 1-й)

Икос 1

Радуйся, уме, созерцаяй тайны Пресвятыя Троицы; радуйся, обогативыйся Духа пресветлым осиянием.

Радуйся, светильниче многосветлый; радуйся, ум твой безстрастием просветивый.

Радуйся, измлада истинную простоту и безмолвие возлюбивый; радуйся, украшение целомудрия.

Радуйся, любве неистощимая струя; радуйся, яко страннолюбию Авраама подражал еси.

Радуйся, яко всем любвеобильно входы дома своего отверзал еси; радуйся, нищих предстателю.

Радуйся, пред нимже благоговеют людие; радуйся, яко ты еси обиталище Пресвятаго Духа.

Радуйся, Спиридоне, предивный чудотворче.

Кондак 1

Радуйся, Спиридоне, предивный чудотворче.

(После акафиста читается молитва)

Молитва святому Спиридону Тримифунтскому

«О всеблаженне святителю Спиридоне, великий угодниче Христов и преславный чудотворче! Предстояй на Небеси Престолу Божию с лики Ангел, призри милостивым оком на предстоящия зде люди и просящий сильныя твоея помощи. Умоли благоутробие Человеколюбца Бога, да не осудит нас по беззакониим нашим, но да сотворит с нами по милости Своей! Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая, даруемая нам от щедраго Бога, но во славу Его и в прославление твоего заступления!

Избави всех верою несумненною к Богу приходящих от всяких бед душевных и телесных. от всех томлений и диавольских наветов! Буди печальным утешитель, недугующим врач, в напастех помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий и исходатайствуй всем крепкия помощи твоея требующим вся, яже ко спасению, полезная! Яко да твоими молитвами наставляеми и соблюдаеми, достигнем в вечный покой и купно с тобою прославим Бога, в Троице Святей славимаго, Отца и Сына и Святаго Духа, ныне и присно и во веки веков. Аминь.»

Смотрите так же другие молитвы Спиридону Тримифунтскому.

Тропарь, глас 4

Кондак, глас 2

Любовию Христовою уязвився, священнейший, ум вперив зарею Духа, детельным видением твоим деяние обрел еси, Богоприятне, жертвенник Божественный быв, прося всем Божественнаго сияния.

Величание

Величаем тя, святителю отче Спиридоне, и чтим святую память твою, ты бо молиши за нас Христа Бога нашего.

Сохранить акафист себе в социальной сети:

Препросла́вленный от Го́спода святи́телю и чудотво́рче Спиридо́не! Ны́не всече́стну́ю па́мять твою́ пра́зднующе, я́ко мно́го могу́щему споспе́шествовати нам о просла́вльшем тя Христе́, уми́льно вопие́м ти: изба́ви нас от вся́ких бед и зол, да с благодаре́нием зове́м ти:

Ра́дуйся, Спиридо́не, преди́вный чудотво́рче.

Икос 1

От ю́ности украше́нный все́ми доброде́тельми, житие́м свои́м А́нгелом подража́вый, ты, святи́телю Спиридо́не, вои́стину показа́лся еси́ друг Христо́в; мы же, зря́ще тя, небе́снаго челове́ка и земна́го А́нгела, со благогове́нием уми́льно вопие́м ти:

Ра́дуйся, уме́, созерца́яй та́йны Пресвяты́я Тро́ицы; ра́дуйся, обогати́выйся Ду́ха пресве́тлым осия́нием.

Ра́дуйся, свети́льниче многосве́тлый; ра́дуйся, ум твой безстра́стием просвети́вый.

Ра́дуйся, измла́да и́стинную простоту́ и безмо́лвие возлюби́вый; ра́дуйся, украше́ние целому́дрия.

Ра́дуйся, любве́ неистощи́мая струя́; ра́дуйся, я́ко страннолю́бию Авраа́ма подража́л еси́.

Ра́дуйся, я́ко всем любвеоби́льно вхо́ды до́ма своего́ отверза́л еси́; ра́дуйся, ни́щих предста́телю.

Ра́дуйся, пред ни́мже благогове́ют лю́дие; ра́дуйся, я́ко ты еси́ обита́лище Пресвята́го Ду́ха.

Ра́дуйся, Спиридо́не, преди́вный чудотво́рче.

Кондак 2

Ви́дяще о́стров Кипр и вся христиа́нския страны́ нетле́нныя мо́щи твоя́, святи́телю, от ни́хже истека́ют оби́льная исцеле́ния, возра́довашася; и мы, почита́юще тя я́ко преоби́льнаго исто́чника благода́ти, низпо́сланнаго свы́ше нам, вопие́м к Верхо́вному Пода́телю небе́сных и земны́х благ: Аллилу́иа.

Икос 2

Ра́зум Боже́ственный имы́й, а́ще сый па́стырь безслове́сных ове́ц, ты произволе́нием Пастыренача́льника Христа́ избра́н был еси́ в па́стыря ове́ц слове́сных. Ве́рнии же, разуме́вше тя до́браго па́стыря, неусы́пно о ста́де свое́м пеку́щагося, воспева́ху:

Ра́дуйся, архиере́е Бо́га Вы́шняго, в хирото́нии восприя́вый оби́льно Боже́ственную благода́ть; ра́дуйся, свети́льниче многосве́тлый, горя́й и светя́й.

Ра́дуйся, ве́рный де́лателю в вертогра́де Христо́вом; ра́дуйся, па́стырю, на па́жити ве́ры и благоче́стия па́ству свою́ воспита́вый.

Ра́дуйся, сия́ньми доброде́телей твои́х мир просвеща́вый; ра́дуйся, Престо́лу Христо́ву Боже́ственную Же́ртву приноси́вый.

Ра́дуйся, иера́рше, разуме́нием Правосла́вия украше́нный; ра́дуйся, апо́стольскаго уче́ния испо́лненный, ве́рных струя́ми спаси́тельнаго уче́ния напая́яй.

Ра́дуйся, я́ко и му́дрых озари́л еси́; ра́дуйся, я́ко и просты́х сердца́ обнови́л еси́.

Ра́дуйся, сла́во правосла́вных и Це́ркве непоколеби́мое утвержде́ние; ра́дуйся, украше́ние отце́в, сла́во и похвало́ иере́ев благогове́йных.

Ра́дуйся, Спиридо́не, преди́вный чудотво́рче.

Кондак 3

Си́лою Вы́шняго, осени́вшею тя, святи́телю Спиридо́не, богому́др ты показа́лся еси́ и, сжа́вши дла́нию гли́ну, тро́ичность Лиц всем очеви́дно уясни́л еси́; те́мже лжему́дрии фило́софи, собра́вшиися на Собо́ре, ужасо́шася, ве́рнии же непостижи́маго просла́виша Бо́га, умудри́вшаго тя во спасе́ние, вопию́ще Ему́: Аллилу́иа.

Икос 3

Име́юще тя в помышле́ниих свои́х вси отцы́ Собо́ра про́ста, неиску́сна в кни́жнем уче́нии, моли́ша тя, о́тче Спиридо́не, не препира́тися словесы́ с вити́ею, мня́щимся мудр бы́ти. Ты же, святи́телю, ре́вностию по Бо́зе распаля́емый, ве́руя, я́ко про́поведь Христо́ва не в препре́тельных му́дрости челове́ческия словесе́х, но в явле́нии ду́ха и си́лы, прему́дре того́ обличи́в, вразуми́л и на путь и́стинный наста́вил еси́. Вси, ви́девше чу́до сие́, взыва́ху:

Ра́дуйся, све́те правосла́вныя му́дрости; ра́дуйся, я́ко глаго́лемых бы́ти му́дрых совопро́сников посрами́л еси́.

Ра́дуйся, исто́чниче, благода́тию оби́льный; ра́дуйся, непоколеби́мый сто́лпе, тве́рдо содержа́щий су́щих в ве́ре.

Ра́дуйся, омрача́яй всепа́губную е́ресь; ра́дуйся, чрез него́же попра́но бысть безу́мие.

Ра́дуйся, я́ко персть земна́я пропове́да твои́ма рука́ми Святу́ю Тро́ицу; ра́дуйся, я́ко из гли́ны изве́л еси́ огнь и во́ду во утвержде́ние догма́та Святы́я Тро́ицы.

Ра́дуйся, я́ко просвети́л еси́ лю́ди сла́вити Сло́во, вои́стину Единосу́щное Пребезнача́льному Отцу́; ра́дуйся, я́ко зми́еву главу́ па́губныя А́риевы е́реси порази́л еси́.

Ра́дуйся, я́ко тобо́ю поже́рта бысть зло́ба; ра́дуйся, неве́рнаго мудреца́ совопро́сника к и́стинней ве́ре обрати́вый.

Ра́дуйся, Спиридо́не, преди́вный чудотво́рче.

Кондак 4

Жизнь проводя́ в убо́жестве и нищете́, ни́щим и бе́дным был еси́ пита́тель и помо́щник и, любве́ ра́ди к ни́щим, зми́я в зла́то преложи́л еси́ и дал еси́ о́ное тре́бующему твоея́ по́мощи. Дивя́щеся о чудеси́ сем, благода́рственно вопие́м к Бо́гу: Аллилу́иа.

Икос 4

Слы́шано бысть всем и всю́ду, я́ко святи́тель Спиридо́н вои́стину есть жили́ще Святы́я Тро́ицы: всели́ся бо в нем Бог Оте́ц, Бог Сло́во и Бог Дух Святы́й. Сего́ ра́ди ты словесы́ и дея́ньми пропове́дал еси́ всем христиа́ном воплоще́ннаго и́стиннаго Бо́га, вопию́щим:

Ра́дуйся, слове́с Бо́жиих таи́нниче; ра́дуйся, домострои́тельство Бо́жие о спасе́нии ми́ра уясни́вый.

Ра́дуйся, я́ко научи́л еси́ не испы́товати е́же есть превы́ше ра́зума и му́дрости челове́ческия; ра́дуйся, непостижи́мую де́йствующую в тебе́ си́лу Бо́жию яви́вый.

Ра́дуйся, я́ко уста́ми твои́ми провеща́ Сам Бог; ра́дуйся, я́ко вси послу́шаху тебе́ в сла́дость.

Ра́дуйся, мглу идолослуже́ния разгна́вый; ра́дуйся, я́ко мно́гих к и́стинней ве́ре приве́л еси́.

Ра́дуйся, я́ко главы́ неви́димых зми́ев порази́л еси́; ра́дуйся, я́ко тобо́ю прославля́ется ве́ра христиа́нская.

Ра́дуйся, я́ко све́тло озаря́еши всех ублажа́ющих тя; ра́дуйся, побо́рниче христиа́нския ве́ры и Правосла́вия.

Ра́дуйся, Спиридо́не, преди́вный чудотво́рче.

Кондак 5

Боже́ственнаго Ду́ха преиспо́лнен был еси́, святи́телю Спиридо́не, ра́ди доброде́тельнаго жития́ твоего́; зане́ кро́ток, ми́лостив, чист се́рдцем, терпели́в, непамятозло́бив, страннолю́бец был еси́: сего́ ра́ди Творе́ц и в чудесе́х пресла́вна показа́ тя. Мы же, прославля́я Бо́га, просла́вльшаго тя, вопие́м Ему́: Аллилу́иа.

Икос 5

Равноа́нгельна Спиридо́на зрим, вели́каго чудотво́рца. Не́когда страна́ от бездо́ждия и за́сухи вельми́ пострада́: бысть глад и я́зва, и мно́гое мно́жество люде́й умро́ша, моли́твами же святи́теля сни́де с небесе́ на зе́млю дождь; лю́дие же, изба́вльшеся от бе́дствия, благода́рственно взыва́ху:

Ра́дуйся, вели́кому проро́ку Илии́ уподо́бивыйся; ра́дуйся, я́ко дождь, отъе́млющий глад и неду́ги, благовременне низве́л еси́.

Ра́дуйся, па́ки моли́твами свои́ми не́бо заключи́вый; ра́дуйся, я́ко немилосе́рдаго купца́ лише́нием име́ния наказа́л еси́.

Ра́дуйся, я́ко тре́бующим пи́щу оби́льно дарова́л еси́; ра́дуйся, я́ко любоблагоутро́бие Бо́га к лю́дем подвиза́еши.

Ра́дуйся, взе́мляй не́мощи немощны́х; ра́дуйся, богоблагода́тный челове́ком помо́щниче.

Ра́дуйся, боля́щим здра́вие подава́яй; ра́дуйся, его́же трепе́щут де́мони.

Ра́дуйся, безчи́сленных чуде́с исто́чниче.

Ра́дуйся, Спиридо́не, преди́вный чудотво́рче.

Кондак 6

Заве́са ветхозаве́тной ски́нии закрыва́ше во Свята́я Святы́х ковче́г, ма́нну и скрижа́ли. И храм твой, святи́телю Спиридо́не, име́ет ра́ку твою́, я́ко ковче́г, святы́я мо́щи твоя́, я́ко ма́нну, се́рдце твое́, я́ко скрижа́ли Боже́ственныя благода́ти, на ни́хже зрим начерта́нную песнь: Аллилу́иа.

Икос 6

Наро́д Ки́пра не́когда за умноже́ние беззако́ний наказа́ Госпо́дь безпло́дием земли́, егда́ же прии́де к свято́му Спиридо́ну зна́емый земледе́лец, прося́ по́мощи, даде́ ему́ святы́й зла́то; мину́вшу же бе́дствию, земледе́лец о́ный возврати́ па́ки зла́то. И — о чудесе́! — зла́то змий бысть. Прославля́юще Бо́га, ди́внаго во святы́х Свои́х, вопие́м:

Ра́дуйся, я́ко Моисе́ю, чуде́сно преложи́вшему жезл в зми́я, подража́л еси́; ра́дуйся, человеколюби́вый па́стырю, избавля́яй от бед слове́сныя о́вцы ста́да своего́.

Ра́дуйся, оби́льно всех все́ми бла́гами обогаща́яй; ра́дуйся, я́ко Илия́, бе́дных пита́вый.

Ра́дуйся, немилосе́рдых к милосе́рдию обраща́яй; ра́дуйся, достоподража́емый приме́р любве́ для челове́ков, в ми́ре живу́щих.

Ра́дуйся, ве́рных и неве́рных в беда́х утеше́ние; ра́дуйся, дре́во сенноли́ственное, град и страну́ осеня́ющее.

Ра́дуйся, сла́во и похвало́ керки́рян; ра́дуйся, над вла́гою и су́шею, зно́ем и хла́дом благода́тию Бо́жиею влады́чествуяй.

Ра́дуйся, уста́вы земли́ моли́твою пременя́яй; ра́дуйся, бу́дущая, я́ко настоя́щая, прови́девый.

Ра́дуйся, Спиридо́не, преди́вный чудотво́рче.

Кондак 7

Хода́тай пред Го́сподем за всех яви́лся еси́, святи́телю Спиридо́не: сего́ ра́ди и мы прибега́ем под кров твой, и́щуще спасе́ния, вси бо помо́щника тебе́ и́мамы во всех ну́ждах, во вре́мя гла́да, смертоно́сныя я́звы и во вся годи́ны бед и искуше́ний. Сего́ ра́ди благода́рственно вопие́м Бо́гу: Аллилу́иа.

Икос 7

Но́вое чу́до ви́дим и боголе́пное: егда́ ты, о́тче, ше́ствовал изба́вити непови́нно осужде́ннаго на смерть, бу́рный пото́к прегради́ путь тебе́; ты же и́менем Всемогу́щаго Бо́га повеле́л ему́ ста́ти и преше́л еси́ со спу́тники чрез ре́ку, я́ко по су́ху. Сла́ва о сем чудеси́ распространи́ся всю́ду, и вси просла́виша Бо́га, вопию́ще к тебе́:

Ра́дуйся, я́ко иногда́ Иису́с Нави́н чрез Иорда́н ре́ку по су́ху преше́дый; ра́дуйся, ре́чная устремле́ния гла́сом свои́м укроти́вый.

Ра́дуйся, я́ко тру́дный путь предприя́л еси́, дви́жимый милосе́рдием; ра́дуйся, я́ко клевету́ разруши́л еси́ и непови́ннаго от уз темни́цы и напра́сный сме́рти изба́вил еси́.

Ра́дуйся, жи́зни по Бо́зе благи́й поспе́шниче; ра́дуйся, непови́нно угнете́нных защи́тителю.

Ра́дуйся, уста́вов естества́ во́днаго премени́телю; ра́дуйся, я́ко судию́ вразуми́л еси́ и от уби́йства спасл еси́.

Ра́дуйся, и́стинное исправле́ние душ; ра́дуйся, ди́вная си́ло, пото́ки удержава́ющая.

Ра́дуйся, услажда́ющий сердца́ челове́ков, к тебе́ притека́ющих; ра́дуйся, человеколю́бию Авраа́ма подража́телю.

Ра́дуйся, Спиридо́не, преди́вный чудотво́рче.

Кондак 8

Стра́нник и пришле́ц был еси́ на земли́, я́коже и про́чии челове́цы. Оба́че из чре́ва ма́тере Всеве́дущий вели́каго уго́дника и чудотво́рца показа́ тя, святи́телю Спиридо́не: бе́сы бо изгоня́еши, вся́кую боле́знь и я́зву исцеля́еши, помышле́ния люде́й зри́ши, те́мже и ди́вен во святы́х показа́лся еси́. Мы же, возсыла́юще моли́тву ко Благода́телю всех Бо́гу, вопие́м Ему́: Аллилу́иа.

Икос 8

Весь мир у́жасом мно́гим содрогну́ся, егда́ услы́ша, я́ко смерть, по гла́су твоему́, возвраща́ет из гробо́в мертвецы́ своя́, и возопи́:

Ра́дуйся, уме́ршую дщерь свою́, да яви́т вруче́нное ей сокро́вище, к жи́зни воззва́вый; ра́дуйся, ско́рбную вдови́цу, на сохране́ние зла́то вда́вшую, уте́шивый.

Ра́дуйся, уме́ршее отроча́ из ме́ртвых воскреси́вый; ра́дуйся, я́ко ма́терь его́, внеза́пно от ра́дости уме́ршую, оживи́вый.

Ра́дуйся, я́ко уподо́бился еси́ Илии́, моли́твами сы́ну саре́птския жены́ жизнь возврати́вшему; ра́дуйся, я́ко и Елисе́ю, возбуди́вшему от сме́рти отроча́, подража́л еси́.

Ра́дуйся, па́стырю, прии́скренне лю́бящий челове́ки; ра́дуйся, жене́ блудни́це, слеза́ми но́зе твои́ омы́вшей, грехи́ и́менем Бо́га отпусти́вый.

Ра́дуйся, святу́ю ре́вность верхо́внаго апо́стола стяжа́вый; ра́дуйся, я́ко нераска́янная гре́шница, по глаго́лу твоему́, в тя́жких боле́знех у́мре.

Ра́дуйся, земли́ плодоно́сие моли́твами твои́ми испроси́вый; ра́дуйся, непрело́жное воскресе́ния челове́ков увере́ние.

Ра́дуйся, Спиридо́не, преди́вный чудотво́рче.

Кондак 9

Ду́ха Боже́ственнаго осия́ньми озаре́н был еси́, святи́телю Спиридо́не, име́л бо еси́ ду́ха прему́дрости, я́ко му́дрыми словесы́ безу́мных обуи́л еси́ и посреде́ отце́в ве́ру утверди́л еси́; ду́ха ра́зума, я́ко умы́ омраче́нныя озари́л еси́; ду́ха стра́ха Бо́жия, я́ко вы́ну де́лании богоуго́дными ду́шу очи́стил еси́. Те́мже, предста́в Престо́лу Вы́шняго, с со́нмом А́нгелов воспева́еши Ему́: Аллилу́иа.

Икос 9

Жезл па́стыря слове́сных ове́ц от Пастыренача́льника Го́спода Иису́са прие́мый, святы́й Спиридо́н не премени́ жития́ своего́: нестяжа́телен, кро́ток, любве́ ра́ди вся терпя́й, не постыде́ся пещи́ся и о ста́де безслове́сных ове́ц. Вся сия́ возбужда́ют нас сла́вити Бо́га и взыва́ти тебе́:

Ра́дуйся, сла́ву ми́ра сего́ я́ко су́етную презре́вый; ра́дуйся, мзду мно́гу на Небесе́х стяжа́вый.

Ра́дуйся, кра́сная ми́ра сего́ в уме́ты вмени́вый; ра́дуйся, сосу́де Небе́сных благ.

Ра́дуйся, святе́йшая па́жите киприо́тов; ра́дуйся, я́ко тебе́ ра́ди Бог хи́щников ове́ц твои́х неви́димыми у́зами связа́.

Ра́дуйся, та́тем оте́ческое вразумле́ние препода́вый; ра́дуйся, по милосе́рдию твоему́ за проведе́нную без сна нощь овна́ им дарова́вый.

Ра́дуйся, непослуша́нием ко́злища, я́ко бы ра́зум иму́щаго, купца́, утаи́вшаго це́ну его́, обличи́вый; ра́дуйся, утаи́вшаго сре́бренники твоя́ к покаянию приведы́й.

Ра́дуйся, я́ко стра́сти корыстолю́бия увеща́нием свои́м исцели́л еси́ его́.

Ра́дуйся, Спиридо́не, преди́вный чудотво́рче.

Кондак 10

Спаса́яй ду́ши па́ствы, Бо́гом тебе́ вве́ренныя, ты, святи́телю Спиридо́не, произволе́нием Бо́жиим, зван был еси́ яви́ти сла́ву твою́, па́че же сла́ву И́стиннаго Бо́га, и в ины́я страны́, да всю́ду сла́вят И́мя Бо́жие, вопию́ще: Аллилу́иа.

Икос 10

Ско́рый помо́щник и засту́пник во вся́ких ну́ждах и ско́рбех, святы́й Спиридо́н, по повеле́нию царе́ву, я́коже и про́чии па́стыри, прии́де во град Антиохи́ю, иде́же бе одержи́мый боле́знию царь Конста́нтий; святи́тель главы́ его́ косну́ся и сотвори́ здра́ва. Сему́ чудеси́ дивя́щеся, вопие́м ти:

Ра́дуйся, его́же в со́нном виде́нии А́нгел, я́ко цели́теля, яви́ царю́; ра́дуйся, Боже́ственныя ра́ди любве́ тру́дный путь в ста́рости восприя́вый.

Ра́дуйся, царе́ву рабу́, уда́рившему тя в лани́ту, по за́поведи Спаси́теля, другу́ю подста́вивый; ра́дуйся, сто́лпе смире́ния.

Ра́дуйся, моли́твами свои́ми сле́зно прося́щему царю́ здра́вие дарова́вый; ра́дуйся, я́ко уничиже́нием свои́м раба́ вразуми́л еси́ и неми́лостивый нрав его́ премени́л еси́.

Ра́дуйся, я́ко благоче́стию и милосе́рдию царя́ научи́л еси́; ра́дуйся, я́ко, ненави́дяй земна́я сокро́вища, зла́то царя́ отве́ргл еси́.

Ра́дуйся, я́ко ученика́ своего́ Трифи́ллиа от пристра́стия к земны́м бла́гам отврати́л еси́ и сосу́дом благода́ти Бо́жия соде́лал еси́; ра́дуйся, я́ко прише́дшу тебе́ в Александри́ю, и́доли падо́ша.

Ра́дуйся, ему́же и бе́си повину́ются; ра́дуйся, я́ко от идолослуже́ния мно́гих отврати́л еси́.

Ра́дуйся, Спиридо́не, преди́вный чудотво́рче.

Кондак 11

Пе́ние а́нгельское бысть, егда́ во хра́ме приноси́л еси́, святи́телю Спиридо́не, вече́рния моли́твы Твоя́, и не бе́ша сослужа́щие тебе́. Жи́телие же гра́да, ди́вное пе́ние слы́шавше, внидо́ша в храм и, никого́ же ви́девше, с Го́рними си́лами воспева́ху: Аллилу́иа.

Икос 11

Светоза́рное со́лнце ми́рови, собесе́дник А́нгелов был еси́ на земли́, святи́телю Спиридо́не; преда́в же дух твой в ру́це Бо́жии, пресели́лся еси́ в Го́рняя селе́ния, моля́ся за мир пред Престо́лом Влады́ки. Мы же, живу́щии на земли́, вопие́м ти:

Ра́дуйся, я́ко тебе́, еще́ жи́ву су́щу, сослужа́ху А́нгели; ра́дуйся, псалмопе́ние Арха́нгелов слы́шавый.

Ра́дуйся, ви́димый о́бразе на́шего преображе́ния; ра́дуйся; я́ко недоста́вшу еле́ю в хра́ме Бог тебе́ ра́ди с избы́тком лампа́ды напо́лни тем.

Ра́дуйся, лампа́до Боже́ственнаго сия́ния; ра́дуйся, сосу́де благода́ти Божией, оби́льно, подо́бие еле́ю, наполня́ющей ду́шу твою́.

Ра́дуйся, неизсяка́емый исто́чниче, при́сно источа́ющий всем то́ки благода́ти; ра́дуйся, о не́мже изумля́ются А́нгели.

Ра́дуйся, преслуша́ние диа́кона в хра́ме наказа́вый; ра́дуйся, тщесла́вившагося свои́м гла́сом, и гла́са и язы́ка лиши́вый.

Ра́дуйся, я́ко, во вре́мя зно́я, внеза́пу роса́, снизше́дшая Свы́ше, свяще́нную твою́ главу́ прохлади́; ра́дуйся, в зна́мении сем бли́зость преставле́ния своего́ прови́девый.

Ра́дуйся, Спиридо́не, преди́вный чудотво́рче.

Кондак 12

Покро́в и прибе́жище бы́вый всем к тебе́ притека́ющим ве́рным еще́ в житии́ твое́м, ты, святи́телю, не оста́вил еси́ нас си́рых и по твое́м успе́нии; Бог, побежда́ющий естества́ чин, сохрани́ святы́е мо́щи твоя́ нетле́нными во укрепле́ние правосла́вныя ве́ры и благоче́стия, в зна́мение безсме́ртия, Его́же прославля́юще, вопие́м: Аллилу́иа.

Икос 12

Воспева́ем тя, святи́телю Бо́жий, я́ко удиви́л еси́ мир чудесы́, истека́ющими от святы́х моще́й твои́х. Вси бо с ве́рою приходя́щии и лобыза́ющии их получа́ют вся благопотребная проси́мая. И мы, да́вшаго тебе́ кре́пость, венча́вшаго тя венце́м нетле́ния и де́йствующаго тобо́ю Бо́га прославля́юще, вопие́м ти:

Ра́дуйся, во вре́мя гла́да корабе́льником яви́выйся и пи́щу доста́вити повеле́вый; ра́дуйся, слепы́м, с ве́рою прите́кшим к святы́м моще́м твои́м, зре́ние дарова́вый.

Ра́дуйся, от неисце́льныя боле́зни о́трока исцели́вый; ра́дуйся, бе́са из жены́ изгна́вый и здра́ву ю сотвори́вый.

Ра́дуйся, возбра́нный воево́до Керки́ры; ра́дуйся, я́ко по́лчища злочести́вых ага́рян изгна́л еси́ и корабли́ их в пучи́не потопи́л еси́.

Ра́дуйся, его́же ви́деша окруже́ннаго со́нмом А́нгелов, в десни́це меч держа́вша и в тре́пет враго́в приве́дша; ра́дуйся, созда́ти себе́ храм, во е́же соверша́ти в нем литурги́ю на пре́сном хле́бе, воево́де возбрани́вый.

Ра́дуйся, воево́ду лати́нскаго лю́тою сме́ртию порази́вый; ра́дуйся, мо́лниею изображе́ние его́ в до́ме в Вене́ции соже́гший.

Ра́дуйся, отсту́пльства и лжемудрова́ния За́пада посрами́вый; ра́дуйся, еди́ную правосла́вную ве́ру бы́ти и́стинную и спаси́тельную для челове́ков утверди́вый.

Ра́дуйся, Спиридо́не, преди́вный чудотво́рче.

Кондак 13

О пречу́дный святи́телю Христо́в, о́тче Спиридо́не! Ны́нешнее на́ше моле́ние прие́м, изба́ви нас от всех бед и напа́стей, укрепи́ на враги́ страну́ на́шу, да́руй нам оставле́ние прегреше́ний и изми́ от ве́чныя сме́рти всех вопию́щих о тебе́ к Бо́гу: Аллилу́иа.

Этот кондак читается трижды, зате́м икос 1-й «От ю́ности украше́нный…» и кондак 1-й «Препросла́вленный от Го́спода…».

Моли́тва

О вели́кий и пречу́дный святи́телю Христо́в и чудотво́рче Спиридо́не, Керки́рская похвало́, всея́ вселе́нныя свети́льниче пресве́тлый, те́плый к Бо́гу моли́твенниче и всем к тебе́ прибега́ющим и с ве́рою моля́щимся скоропредста́тельный засту́пниче! Ты ве́ру правосла́вную на Нике́йстем Собо́ре посреде́ отце́в пресла́вно изъясни́л еси́, триеди́нство Святы́я Тро́ицы чуде́сною си́лою показа́л еси́ и еретико́в до конца́ посрами́л еси́. Услы́ши нас, гре́шных, святи́телю Христо́в, моля́щихся тебе́, и си́льным твои́м предста́тельством у Го́спода изба́ви нас от вся́каго зла́го обстоя́ния: от гла́да, пото́па, огня́ и смертоно́сныя я́звы. Ты бо во вре́менней жи́зни свое́й от всех сих бе́дствий избавля́л еси́ люде́й твои́х: от наше́ствия ага́рян и от гла́да страну́ твою́ сохрани́л еси́, царя́ от неисце́льнаго неду́га изба́вил и мно́гия гре́шники к покаянию приве́л еси́, ме́ртвых пресла́вно воскреша́л еси́, за свя́тость же жития́ твоего́ А́нгелы, неви́димо в це́ркви пою́щия и сослужа́щия тебе́, име́л еси́. Си́це у́бо просла́ви тебе́, ве́рнаго Своего́ раба́, Влады́ка Христо́с, я́ко вся та́йная челове́ческая дея́ния дарова́ тебе́ разуме́ти и облича́ти непра́ведно живу́щия. Мно́гим, в ску́дости и недоста́точестве живу́щим, ты усе́рдно помога́л еси́, лю́ди убо́гия изоби́льно во вре́мя гла́да напита́л еси́ и и́на мно́га зна́мения си́лою в тебе́ живу́щаго Ду́ха Бо́жия сотвори́л еси́. Си́це и нас не оста́ви, святи́телю Христо́в, помина́й нас, чад свои́х, у Престо́ла Вседержи́теля и умоли́ Го́спода, да пода́ст мно́гих на́ших грехо́в проще́ние, безбе́дное и ми́рное житие́ да да́рует нам, кончи́ны же живота́ непосты́дныя и ми́рныя, и блаже́нства ве́чнаго в бу́дущем веце сподо́бит нас, да вы́ну возсыла́ем сла́ву и благодаре́ние Отцу́ и Сы́ну и Ду́ху Свято́му, ны́не и при́сно и во ве́ки веко́в. Ами́нь.

Моли́тва вторая

О всеблаже́нный святи́телю Спиридо́не, вели́кий уго́дниче Христо́в и пресла́вный чудотво́рче! Предстоя́й на Небеси́ Престо́лу Бо́жию с ли́ки А́нгел, при́зри ми́лостивым о́ком на предстоя́щия зде лю́ди и прося́щия си́льныя твоея́ по́мощи. Умоли́ благоутро́бие Человеколю́бца Бо́га, да не осу́дит нас по беззако́ниим на́шим, но да сотвори́т с на́ми по ми́лости Свое́й. Испроси́ нам у Христа́ и Бо́га на́шего ми́рное и безмяте́жное житие́, здра́вие душе́вное и теле́сное, земли́ благопло́дие и во всем вся́кое изоби́лие и благоде́нствие, и да не во зло обрати́м блага́я, да́руемая нам от ще́драго Бо́га, но во сла́ву Его́ и в прославле́ние твоего́ заступле́ния! Изба́ви всех ве́рою несумне́нною к Бо́гу приходя́щих от вся́ких бед душе́вных и теле́сных, от всех томле́ний и диа́вольских наве́тов. Бу́ди печа́льным уте́шитель, неду́гующим врач, в напа́стех помо́щник, наги́м покрови́тель, вдови́цам засту́пник, си́рым защи́тник, младе́нцем пита́тель, ста́рым укрепи́тель, стра́нствующим путево́ждь, пла́вающим ко́рмчий и исхода́тайствуй всем, кре́пкия по́мощи твоея́ тре́бующим вся, я́же ко спасе́нию, поле́зная. Я́ко да, твои́ми моли́твами наставляеми и соблюда́еми, дости́гнем в ве́чный поко́й и ку́пно с тобо́ю просла́вим Бо́га, в Тро́ице Святе́й сла́вимаго, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Оценка 3.3 проголосовавших: 27

Акафист святителю Спиридону Тримифунтскому

Молитвы святителю Спиридону Тримифунтскому

Молитва первая:

Молитва вторая:

Молитва третья:

Тропарь святителю Спиридону, епископу Тримифунтскому, чудотворцу

Тропарь, глас 1:

Кондак, глас 2:

Слушать акафист святителю Спиридону Тримифунтскому:

Кондак 1

Икос 1

Кондак 2

Икос 2

Кондак 3

Икос 3

Кондак 4

Икос 4

Кондак 5

Икос 5

Кондак 6

Икос 6

Кондак 7

Икос 7

Кондак 8

Икос 8

Кондак 9

Икос 9

Кондак 10

Икос 10

Кондак 11

Икос 11

Кондак 12

Икос 12

Кондак 13

Икос 1

Кондак 1

Молитва святому Спиридону Тримифунтскому

Тропарь, глас 4

Кондак, глас 2

Величание

Сохранить акафист себе в социальной сети:

Икос 1

Кондак 2

Икос 2

Кондак 3

Икос 3

Кондак 4

Икос 4

Кондак 5

Икос 5

Кондак 6

Икос 6

Кондак 7

Икос 7

Кондак 8

Икос 8

Кондак 9

Икос 9

Кондак 10

Икос 10

Кондак 11

Икос 11

Кондак 12

Икос 12

Кондак 13

Мо­ли́т­ва

Мо­ли́т­ва вто­рая

ОСТАВЬТЕ ОТВЕТ Отменить ответ

ПОПУЛЯРНЫЕ МОЛИТВЫ

НОВЫЕ МОЛИТВЫ

Моли́тва

Моли́тва вторая