Детально: богородичен глас 2 мати святая - со всех открытых источников и разных уголков мира на сайте 1000-molitv.ru для наших уважаемых читателей.
02 Поминальная суббота (тропари, Богородичен и кондак)
Тропарь, глас 2:
Апо́столи, му́ченицы и проро́цы, / святи́телие, преподо́бнии и пра́веднии, / до́бре по́двиг соверши́вшии, и ве́ру соблю́дшии, / дерзнове́ние иму́щии ко Спа́су, / о нас Того́ я́ко Бла́га моли́те спасти́ся, // мо́лимся, душа́м на́шим.
Сла́ва: Помяни́ Го́споди я́ко благ рабы́ Твоя́, / и ели́ка в житии́ согреши́ша прости́: / никто́же бо безгре́шен, // то́кмо Ты моги́й и преста́вленным да́ти поко́й.
Р
ТРОПАРИ С БОГОРОДИЧНЫ И КОНДАКИ,
глаголемии в кийждо день седмицы. В НЕДЕЛЮ ВЕЧЕРА
Тропарь, глас 4: Небесных воинств архистратизи, молим вас присно мы недостойнии, да вашими молитвами оградите нас кровом крил невещественныя вашея славы, сохраняюще ны припадающыя прилежно, и вопиющыя: от бед избавите ны, яко чиноначальницы вышних сил.
Богородичен, глас 4: Воспитавшейся во храме во святая святых, одеянней верою и премудростию, и безмерным девством, архистратиг Гавриил принесе с небесе целование, и еже радуйся: радуйся благословенная, радуйся препрославленная, Господь с тобою. Кондак, глас 2: Архистратизи божии, служителие божественныя славы, ангелов начальницы и человеков наставницы, полезное нам просите и велию милость, яко безплотных архистратизи. В ПОНЕДЕЛЬНИК ВЕЧЕРА
Тропарь, глас 2: Память праведнаго с похвалами, тебе же довлеет свидетельство господне, предтече: показал бо ся еси воистинну и пророков честнейший, яко и в струях крестити сподобился еси проповеданнаго. Темже за истину пострадав радуйся, благовестил еси и сущым во аде Бог явльшагося плотию, вземлющаго грех мира, и подающаго нам велию милость.
Богородичен, глас тойже: Божественнаго быхом общницы естества тобою, Богородице приснодево: Бога бо нам воплотившагося родила еси. Темже по долгу тя вси благочестно величаем. Кондак, глас 3: Пророче божий, и предтече благодати, главу твою яко шипок священнейший от земли обретше, исцеления всегда приемлем: ибо паки, якоже прежде, в мире проповедуеши покаяние. ВО ВТОРНИК ВЕЧЕРА
Тропарь, глас 1: Спаси Господи люди Твоя, и благослови достояние Твое, победы благоверным царем на сопротивныя даруя, и Твое сохраняя крестом Твоим жительство.
Крестобогородичен: Твое предстательство имуще, пречистая, и твоими молитвами лютых избавляеми, крестом сына твоего везде соблюдаеми, по долгу тя вси благочестно величаем. Кондак, глас 4: Вознесыйся на крест волею, тезоименитому Твоему новому жительству щедроты Твоя даруй, Христе Боже: возвесели силою Твоею благоверных царей, победы дая им на супостаты, пособие имущым Твое оружие мира, непобедимую победу. В СРЕДУ ВЕЧЕРА
Тропарь, глас 3: Апостоли святии, молите милостиваго Бога, да прегрешений оставление подаст душам нашым.
Иный, святаго Николаа, глас 4: Правило веры и образ кротости, воздержания учителя, яви тя стаду твоему, яже вещей истина. Сего ради стяжал еси смирением высокая, нищетою богатая: отче священноначальниче Николае, моли Христа Бога, спастися душам нашым. Богородичен, глас 4: Слово отчее, Христа Бога нашего, от тебе воплотившагося познахом, Богородице дево, едина чистая, едина благословенная: тем непрестанно тя воспевающе величаем. Кондак апостолом, глас 2: Твердыя и боговещанныя проповедатели, верх ученик Твоих, Господи, приял еси в наслаждение благих Твоих и покой: болезни бо онех, и смерть приял еси паче всякаго всеплодия, едине сведый сердечная. Иный, святаго Николаа, глас 3: В Мирех, святе, священнодействитель показался еси: христово бо, проеподобне, евангелие исполнив, положил еси душу твою о людех твоих, и спасл еси неповинныя от смерти. Сего ради освятился еси, яко великий таинник божия благодати. В ЧЕТВЕРТОК ВЕЧЕРА
Тропарь, глас 1: Спаси Господи люди Твоя, и благослови достояние Твое, победы благоверным царем на сопротивная даруя, и Твое сохраняя крестом Твоим жительство.
Крестобогородичен: Твое предстательство имуще, пречистая, и твоими молитвами лютых избавляеми, крестом сына твоего везде соблюдаеми, по долгу тя вси благочестно величаем. Кондак, глас 4: Вознесыйся на крест волею, тезоименитому Твоему новому жительству щедроты Твоя даруй, Христе Боже: возвесели силою Твоею благоверных царей, победы дая им на супостаты, пособие имущым Твое оружие мира, непобедимую победу. В ПЯТОК ВЕЧЕРА
Тропарь, глас 2: Апостоли, мученицы и пророцы, святителие, преподобнии и праведнии, добре подвиг совершивший и веру соблюдшии, дерзновение имуще ко Спасу, о нас того яко блага молите спастися, молимся, душам нашым.
Другий за упокой, глас тойже: Помяни, Господи, яко благ, рабы Твоя, и елика в житии согрешиша, прости: никтоже бо безгрешен, токмо Ты, могий и преставленным дати покой. Богородичен: Мати святая неизреченнаго света, ангельскими тя песньми почитающе, благочестно величаем. В СУББОТУ ГЛАГОЛЕМ:
Слава: Со святыми упокой, Христе, душы раб Твоих, идеже несть болезнь, ни печаль, ни воздыхание, но жизнь безконечная.
И ныне: Яко начатки естества, насадителю твари, вселенная приносит Ти, Господи, богоносныя мученики: тех молитвами в мире глубоце церковь Твою, жительство Твое, Богородицею соблюди, многомилостиве.
Глас 2. Понедельник.
Богордичен, глас 2.
Благоутро́бия су́щи исто́чник, / ми́лости сподо́би нас, Богоро́дице, / при́зри на лю́ди согреши́вшия, / яви́, я́ко при́сно, си́лу Твою́, / на Тя бо упова́юще, / ра́дуйся, вопие́м Ти, / я́коже иногда́ Гаврии́л, безпло́тных Архистрати́г.
Слава и ныне, глас тойже:
Ма́ти Свята́я неизрече́ннаго Све́та, / а́нгельскими Тя пе́сньми почита́юще, / благоче́стно велича́ем.
Канон Пресвятей Богородице
Песнь 1
Ирмос: Во глубине́ постла́ иногда́ фараони́тское всево́инство преоруже́нная си́ла, вопло́щшееся же Сло́во всезло́бный грех потреби́ло есть, препросла́вленный Госпо́дь, сла́вно бо просла́вися.
Припев: Пресвята́я Богоро́дице, спаси́ нас.
Похвале́ния Ти при́сноцвету́щий вене́ц, его́же прозябе́ Ду́хом Це́рковь, Чи́стая, прино́сит пе́сненно Тебе́ со арха́нгелом Гаврии́лом Богоневе́стней, ра́дуяся, пою́щи и Тя че́стно венча́ющи.
Возде́лавши живоно́сный Виногра́д, Ма́ти Бо́жия Препе́тая, Христа́ Бо́га, земле́ Свята́я Отча яви́ся па́че смы́сла, Богоблагода́тная, и весь мир напои́ пи́ва живоно́снаго, Чи́стая.
Слава: Волну́ющагося лю́те прегреше́нии всего́ ми́ра, и потопля́емаго, родила́ еси́, Пречи́стая, Бо́га и Го́спода всех нас и окорми́теля Христа́, ко спаси́тельному приста́нищу нас направля́юща ве́рно.
И ныне: Прибе́жище и спасе́ния гра́де, вси ве́рно мо́лим Тя, Мари́е Ма́ти Бо́жия, и ми́ли де́емся те́пле: приими́ мольбы́ на́ша, Твои́х ве́рных раб, и разреши́ вся ны от прегреше́ний осужде́ния.
Песнь 3
Ирмос: Утверди́ нас в Тебе́, Го́споди, дре́вом умерщве́й грех, и страх Твой всади́ в сердца́ нас, пою́щих Тя.
Нача́ло отвраще́ния Бо́га бысть к челове́ком Евино прельще́ние: Свята́я же Богоро́дица приведе́ па́ки Бо́га к нам.
Жи́зни Тя Сокро́вище, Препе́тая, ражда́ет ми́рови, и ра́дуется благоча́дию сла́вный Иоаки́м о Тебе́, я́ко непло́дными отцы́ прише́дши наде́жда.
Слава: От Анны ра́дость ро́ду процвете́, ражда́еши Де́вою Царя́: и сра́дуются Рождеству́ Твоему́ жены́, разре́шшася Тобо́ю кля́твы.
И ныне: Купина́ в Сина́и прообража́ше Твое́, Де́во, пресла́вное Рождество́: и́бо огне́м Божества́ не опали́ся, в ложесна́х прие́мши, Чи́стая.
Песнь 4
Ирмос: Услы́шах, Го́споди, сла́вное Твое́ смотре́ние и просла́вих, Человеколю́бче, непостижи́мую Твою́ си́лу.
Иа́ков Тя я́ко ле́ствицу боголе́пно прови́дяше, Де́во, на ея́же версе́ Бог утвержда́шеся.
Ангельское сни́тие, е́же к нам Сло́ва прише́ствие Тобо́ю, Пречи́стая, прояви́ся.
Слава: Утро́ба Твоя́ препе́тая и сосца́ блаже́нна, Де́во: тех бо ра́ди жизнь вси обрето́хом.
И ныне: Та́инственно воспева́ем Тя, Ма́ти Бо́жия, гла́сами Правосла́вия, Его́же Це́ркви соблюда́й моли́твами Твои́ми.
Песнь 5
Ирмос: Просвеще́ние во тьме лежа́щих, спасе́ние отча́янных, Христе́ Спа́се мой, к Тебе́ у́тренюю, Царю́ ми́ра, просвети́ мя сия́нием Твои́м: ино́го бо ра́зве Тебе́ Бо́га не зна́ю.
Зако́на и ковче́га честне́йшу Тя воспева́ем, Богоро́дице Мари́е: и́бо всех Зижди́теля и Бо́га, я́ко скрижа́ли, носи́ла еси́, Препе́тая.
Престо́л Тя Бо́жия Сло́ва прославля́ем, Богоро́дице, на не́мже я́ко Челове́к Бог седя́ яви́ся, и бысть херу́вимов превы́шши.
Слава: Разреши́ла еси́, Де́во, от го́рькия рабо́ты весь род челове́чь, и свобо́дою Христо́вою естество́ же́нское почти́ла еси́, в Боже́ственнем Твое́м Рождестве́.
И ныне: Родила́ еси́ Сы́на Де́ва, и побежда́ют жены́ врага́ я́ве: те́мже и притека́ют Отрокови́це, де́вство держа́ще.
Песнь 6
Ирмос: В бе́здне грехо́вней валя́яся, неизсле́дную милосе́рдия Твоего́ призыва́ю бе́здну: от тли, Бо́же, мя возведи́.
Яже ми́ру ра́дость, Богоро́дице Чи́стая, ра́дуйся, Тебе́, Де́во, зове́м со а́нгелом ве́рно, Твоея́ ра́дости сподо́би, и печа́ль на́шу разори́.
Ра́дости неотъе́млемыя жили́ще Тя восхваля́юще ве́рно, Ма́ти Присноде́во, Твоея́ ра́дости сподо́би и печа́ль на́шу разори́.
Слава: Не́бо небе́с вы́шшее яви́лася еси́, Богоневе́стная, Боже́ственною Твое́ю сла́вою: в Тя Бог наш всели́вся, яви́ся ми.
И ныне: Ны́не естество́ же́нское возра́довася, ны́не печа́ль преста́, ра́дость процвете́: я́ко Мари́я роди́ Ра́дость, Спа́са Христа́ Бо́га.
Таже: Го́споди поми́луй, трижды. Слава, и ны́не
Седален, глас 2
Души́ моея́ ле́ность лю́тую и се́рдца моего́ пренемога́ние, Ма́ти Бо́жия, воззре́вши, исцели́ моли́твами Твои́ми и спасе́нных мя ча́сти сподо́би, избавля́ющи мя тьмы и муче́ния, я́ко Еди́на упова́ние мое́ и утеше́ние.
Песнь 7
Ирмос: Образу злато́му на по́ле Деи́ре служи́му, трие́ Твои́ о́троцы небрего́ша безбо́жнаго веле́ния, посреде́ же огня́ вве́ржени, ороша́еми поя́ху: благослове́н еси́, Бо́же оте́ц на́ших.
Руно́ иногда́ Гедео́ново, е́же на Тя, Чи́стая, Бо́жия Сло́ва прообрази́ сни́тие: я́коже бо ро́су, зача́тие прия́т, нетле́нная Де́во. Те́мже вси Тебе́ зове́м: благослове́н Плод Твоего́ чре́ва, Чи́стая.
Но́ва и стра́шна, и ве́рна и чу́дна Твоя́ та́инства, Мари́е, Ма́ти Христа́ Бо́га на́шего: я́ко Тобо́ю примири́хомся еси́ Бо́гови и Влады́це, и со а́нгелы ны́не пое́м: благослове́н Плод Твоего́ чре́ва, Чи́стая.
Слава: Иже пре́жде Гедео́н предвеству́ет Тебе́, Чи́стая, Боже́ственное Рождество́ я́ве: окри́н приноша́ет испо́лнен воды́ от оцежде́ния руно́внаго: весь бо в Тя Боже́ственно всели́ся, Пречи́стая: благослове́н Плод Твоего́ чре́ва, Чи́стая.
И ныне: Ро́ждши Бо́га и Спа́са вся́ческих Мари́е, была́ еси́ отча́янных исправле́ние, гре́шников обновле́ние, и ненаде́жных наде́жда, и пою́щих по́мощь: благослове́н Плод Твоего́ чре́ва, Чи́стая.
Песнь 8
Ирмос: В пещь о́гненную ко отро́ко́м евре́йским снизше́дшаго, и пла́мень на ро́су прело́жшаго Бо́га, по́йте, дела́, я́ко Го́спода, и превозноси́те во вся ве́ки.
Нов рай нам яви́лася еси́, Пресвята́я Богоро́дице, не сме́ртное дре́во, но живо́тное, я́ко сад, без се́мене прорасти́вши Го́спода, Имже безсме́ртною жи́знию пита́емся вси.
Воспева́ет вся Христо́ва Це́рковь, Богоро́дице, Твое́ Рождество́, я́ко спаса́ются гре́шнии вси и ни́щии, и́же любо́вию к Тебе́ прибега́юще: прии́де бо Христо́с на зе́млю челове́ки спасти́.
Слава: Свобожда́ется осужде́ния пра́баба Тобо́ю Богоро́дице Де́во: и се ны́не жены́ стра́ждут по Христе́ и ра́дуется естество́ же́нское, я́коже первому́ченица вопие́т Фе́кла.
И ны́не: Никто́же поги́бе, Чи́стая, и́же ве́ры наде́жду стяжа́ к Тебе́ правосла́вно, Де́во Ма́ти Бо́жия, ра́зве то́чию за́вистию отмета́яйся, Твоему́ не покланя́тися о́бразу начерта́нному.
Песнь 9
Ирмос: Яже пре́жде со́лнца Свети́льника Бо́га возсия́вшаго, пло́тски к нам прише́дшаго из боку́ Деви́чу, неизрече́нно воплоти́вшая, благослове́нная Всечи́стая, Тя, Богоро́дице, велича́ем.
Приклони́ ми у́хо Твое́, Де́во Пресвята́я, воспева́ющему ве́рно похва́льными словесы́ Твое́ Рождество́: и, я́ко да́ры вдови́чи, песнь усте́н мои́х прие́мши, проси́ грехо́в мои́х проще́ния.
Сия́ет добро́та Твоя́, блиста́ет чистоты́ све́тлость, Чи́стая, и пресия́т па́че сих Твое́ Рождество́: Бог бо, Творе́ц со́лнца и тва́ри всея́, из Тебе́ роди́ся: те́мже Тя вси велича́ем.
Слава: Свет Тя чистоты́, и жезл де́вства, и Ма́терь Бо́жию боголе́пно в пе́снех пою́ще, Богоро́дице, со гла́сом хвале́ния мо́лимся Ти: в де́встве утверди́ нас и в чистоте́ сохрани́.
И ныне: Те́ло и ду́шу нескве́рну Бо́гови соблю́дши, Чи́стая, Царь восхоте́ Твоея́ добро́ты Христо́с, и Ма́терь Своего́ воплоще́ния показа́, Мари́е пресла́вная, спасе́ние мое́ соверша́я.
Молитва ко Пресвятой Богородице
Цари́це моя́ преблага́я, Наде́ждо моя́ Богоро́дице, Прия́телище си́рых, и стра́нных Предста́тельнице, скорбя́щих Ра́досте, оби́димых Покрови́тельнице! Зри́ши мою́ беду́, зри́ши мою́ скорбь, помози́ ми я́ко не́мощну, окорми́ мя я́ко стра́нна. Оби́ду мою́ ве́си, разреши́ ту, я́ко во́лиши: я́ко не и́мам ины́я по́мощи ра́зве Тебе́, ни ины́я Предста́тельницы, ни благи́я Уте́шительницы, то́кмо Тебе́, о Богома́ти; я́ко да сохрани́ши мя и покры́еши во ве́ки веко́в. Ами́нь.
Молитва Богородице в Понедельник:
От скверных уст прими моление, о, нескверная, чистая и пречистая Дево Богородице, и не возгнушайся моих словес, о, радосте моя, но призри на мя, помилуй, Мати Зиждителя моего! Во время живота моего не остави мене: веси бо, Владычице, яко на Тя всю мою надежду возлагаю, и все упование мое о Тебе есть. Тем и во время смерти моея предстани ми, Помощнице моя, и не посрами мене тогда. Вем бо, вем, Дево, яко многих грехов повинен есмь, окаянный и трепещу, помышляя час оный: но, Радосте моя, яви ми тогда лице Твое, удиви на мне милость Твою, Ходатаице спасения моего; изми мя, Владычице, от лютости бесовския, и страшнаго и грознаго испытания воздушных духов, и злобы их избави, и всю тогдашнюю скорбь и печаль на радость преложи Твоим просвещением. И сподоби безбедно прейти ми начала и власти тьмы и достигнути поклонитися на престоле славы седящему Христу и Богу нашему со безначальным Его Отцем и Пресвятым Духом, во веки. Аминь.
Советуем ознакомиться богородичен молитва в каноне с несколькими вариантами на русском языке, с полным описанием и картинками.
Сокращенные обозначения молитв, принятые в молитвословах
В молитвословах и богослужебных книгах некоторые часто употребляемые молитвы и даже небольшие ряды молитв не приводятся каждый раз полностью, а обозначаются сокращенно. Такие сокращения — например, сокращение «Слава, и ныне:» — есть почти во всех молитвословах. Это не только экономит место, но и очень удобно для опытных чтецов и певцов. Однако начинающего молитвенника порой могут сбить с толку еще не знакомые ему сокращения. Поэтому мы приводим для наших читателей список наиболее употребительных сокращенных обозначений, которые могут встретиться в молитвословах.
В богослужебных книгах сокращений подобного рода гораздо больше: они рассчитаны на твердое знание читающим весьма широкого круга молитв и песнопений. В церковнославянской традиции показателем такого сокращения служит двоеточие (:) — оно выполняет здесь роль, подобную роли многоточия (…) в современной русской письменности.
«Слава, и ныне: (либо: «Слава: И ныне:» ) — Слава Отцу и Сыну, и Святому Духу, и ныне и присно, и во веки веков. Аминь.
«Слава:» — Слава Отцу, и Сыну, и Святому Духу.
«и ныне:» — И ныне и присно, и во веки веков. Аминь.
Внимание! В Псалтири каждая из кафизм — двадцати частей, на которые разделена Псалтирь для чтения — делится на три части, после каждой из которых обычно написано: «Слава:» (эти части поэтому и называются «Славами»). В этом (и только этом) случае обозначение «Слава:» заменяет следующие молитвословия:
Слава Отцу, и Сыну, и Святому Духу, и ныне и присно, и во веки веков. Аминь.
Аллилуиа, аллилуиа, аллилуиа, слава Тебе, Боже. (Трижды)
Слава Отцу, и Сыну, и Святому Духу, и ныне и присно и во веки веков. Аминь.
Святый Боже, Святый Крепкий, Святый Безсмертный, помилуй нас. (Трижды)
Слава Отцу, и Сыну, и Святому Духу, и ныне и присно, и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Слава Отцу, и Сыну, и Святому Духу, и ныне и присно, и во веки веков. Аминь.
Отче наш, Иже еси на Небесех, да святится имя Твое, да приидет Царствие Твое; да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Сокращение «Приидите, поклонимся…» следует читать:
Приидите, поклонимся Цареви нашему Богу. (Поклон)
Приидите, поклонимся и припадем Христу, Цареви нашему Богу. (Поклон)
Приидите, поклонимся и припадем Самому Христу, Цареви и Богу нашему. (Поклон).
Вместо Богородичен обычно говорим: Пресвятая Богородице, спаси нас, а вместо Троичен : Пресвятая Троице, Боже наш, слава Тебе, или Слава Отцу и Сыну и Святому Духу.
Порядок чтения Канонов
Общее начало всех канонов:
Молитвами святых отец наших, Господи Иисусе Христе, Боже наш, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй, сокровище благих и жизни подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Читается трижды, с крестным знамением и поясными поклонами.)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имени Твоего ради.
Господи, помилуй. (Трижды.) Слава, и ныне.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси, и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Господи Иисусе Христе, Сыне Божий, помилуй нас, аминь.
Господи, помилуй. (12 раз.) Слава, и ныне.
Приидите, поклонимся Цареви нашему Богу. (Поклон.)
Приидите, поклонимся и припадем Христу, Цареви нашему Богу. (Поклон.)
Приидите, поклонимся и припадем Самому Христу, Цареви и Богу нашему. (Поклон.)
Псалом 142
Господи, услыши молитву мою, внуши моление мое во истине Твоей, услыши мя в правде Твоей, и не вниди в суд с рабом Твоим, яко не оправдится пред Тобою всяк живый. Яко погна враг душу мою, смирил есть в землю живот мой, посадил мя есть в темных, яко мертвыя века. И уны во мне дух мой, во мне смятеся сердце мое. Помянух дни древния, поучихся во всех делех Твоих, в творениих руку Твоею поучахся. Воздех к Тебе руце мои, душа моя яко земля безводная Тебе. Скоро услыши мя, Господи, исчезе дух мой, не отврати лица Твоего от мене, и уподоблюся низходящим в ров. Слышану сотвори мне заутра милость Твою, яко на Тя уповах. Скажи мне, Господи, путь, в оньже пойду, яко к Тебе взях душу мою. Изми мя от враг моих, Господи, к Тебе прибегох. Научи мя творити волю Твою, яко Ты еси Бог мой. Дух Твой благий наставит мя на землю праву. Имене Твоего ради, Господи, живиши мя правдою Твоею, изведеши от печали душу мою и милостию Твоею потребиши враги моя и погубиши вся стужающия души моей, яко аз раб Твой есмь.
Слава, и ныне. Аллилуия, аллилуия, аллилуия, слава Тебе, Боже. (Трижды.) Господи, помилуй (12 раз). Слава, и ныне.
Бог Господь и явися нам, благословен Грядый во имя Господне.
Стих 1: Исповедайтеся Господеви, яко Благ, яко в век милость Его.
Припев: Бог Господь и явися нам, благословен Грядый во имя Господне.
Стих 2: Обышедше обыдоша мя и именем Господним противляхся им.
Бог Господь и явися нам, благословен Грядый во имя Господне.
Стих 3: Не умру, но жив буду и повем дела Господня.
Бог Господь и явися нам, благословен Грядый во имя Господне.
Стих 4: Камень, Егоже небрегоша зиждущии, Сей бысть во главу угла, от Господа бысть Сей и есть дивен во очесех наших.
Бог Господь и явися нам, благословен Грядый во имя Господне.
Затем дважды читаем тропарь святой.
Слава, и ныне, Богородичен по гласу тропаря (см. Приложение) (Примечание: Богородичен берется того же гласа, что и предшествующий ему тропарь.).
Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе единому согреших и лукавое пред Тобою сотворих; яко да оправдишися во словесех Твоих, и победиши внегда судити Ти. Се бо, в беззакониях зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на олтарь Твой тельцы.
Общее окончание всех канонов:
Владычице, приими молитву раб Своих и избави нас от всякия нужды и печали, Ты еси, Богородице, оружие наше и стена, Ты еси заступница, и к Тебе прибегаем, Тя и ныне на молитву призываем, да избавиши нас от врагов наших. Возвеличим Тя вси, всенепорочную Матерь Христа Бога, Юже осени Дух Пресвятый. (Поклон.)
Трисвятое. Пресвятая Троице. Господи, помилуй. (Трижды.) Слава, и ныне. Отче наш.
Затем читаем тропарь, Слава, кондак, и ныне, Богородичен.
Господи, помилуй (40 раз).
И, по желанию, одну или несколько молитв. Если нет отдельной молитвы, то можно читать молитву общую святой (см. Приложение 2).
Если молитвы опускаем, то: Слава и ныне.
Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем. (Поклон.)
Слава, и ныне (поклон). Господи, помилуй (трижды). Господи, благослови. (Поклон.)
Господи Иисусе Христе Сыне Божий, молитвами Пречистыя Твоея Матере, святыя мученицы (или святых мучениц, или преподобныя, или праведныя), имярек и всех святых, помилуй и спаси нас, яко Благ и Человеколюбец. Аминь.
Господи, помилуй (трижды).
По желанию трижды читаем тропарь о здравии:
Милостиве Господи, спаси и помилуй раб Твоих, имена их (поклон). Избави их от всякия скорби, гнева и нужды (поклон), от всякия болезни душевныя и телесныя (поклон). Прости им всякое согрешение, вольное и невольное (поклон), и душам нашим полезная сотвори (поклон).
Величание общее святой
Величаем тя, святая, имярек, и чтим святую память твою, ты бо молиши за нас Христа Бога нашего.
Величание преподобной
Ублажаем тя, преподобная мати, имярек, и чтим святую память твою, ты бо молиши за нас Христа Бога нашего.
Величание общее мученице
Величаем тя, святая мученице, имярек, и чтим святыя страдания твоя, яже за Христа претерпела еси.
Богородичны
Глас 1: Гавриилу вещавшу Тебе, Дево, радуйся, со гласом воплощашеся всех Владыка, в Тебе, святем кивоте, якоже рече праведный Давид: явилася еси ширшая небес, поносивши Зиждителя Твоего. Слава Всельшемуся в Тя, слава Прошедшему из Тебе, слава Свободившему нас рождеством Твоим.
Глас 2: Вся паче смысла, вся преславная Твоя, Богородице, таинства, чистоте запечатанной, и девству храниму, Мати позналася еси неложна, Бога рождши истиннаго, Того моли спастися душам нашим.
Глас 3: Тя ходатайствовавшую спасение рода нашего, воспеваем Богородице Дево, плотию бо от Тебе восприятою Сын Твой и Бог наш, Крестом восприим страсть, избави нас от тли, яко человеколюбец.
Глас 4: Еже от века утаенное и Ангелом несведомое таинство, Тобою, Богородице, сущим на земли явися Бог, в неслитном соединении воплощаемь, и Крест волею нас ради восприим, имже воскресив первозданнаго, спасе от смерти души наша.
Глас 5: Радуйся, двере Господня непроходимая; радуйся стено, и покрове притекающих к Тебе; радуйся, необуреваемое пристанище, и неискусобрачная, рождшая плотию Творца Твоего и Бога. Молящи не оскудевай о воспевающих, и кланяющихся рождеству Твоему.
Глас 6: Благословенную нарекий Твою Матерь, пришел еси на страсть вольным хотением, возсияв на Кресте, взыскати хотя Адама, глаголя Ангелом: срадуйтеся Мне, яко обретеся погибшая драхма. Вся мудре устроивый Боже наш, слава Тебе.
Глас 7: Яко нашего воскресения сокровище, на Тя надеющияся, Всепетая, от рова и глубины прегрешений возведи, Ты бо повинныя греху спасла еси, рождшая спасение наше, яже прежде рождества Дева, и в рождестве Дева, и по рождестве паки пребываеши Дева.
Глас 8: Иже нас ради рождейся от Девы, и распятие претерпев Благий, испровергий смертию смерть, и воскресение явлей яко Бог, не презри яже создал еси рукою Твоею, яви человеколюбие Твое, Милостиве, приими рождшую Тя Богородицу молящуюся за ны, и спаси, Спасе наш, люди отчаянныя.
Молитва общая святой
О святая, имярек. Подвигом добрым подвизавшися на земли, восприяла еси на небесех венец правды, егоже уготовал есть Господь всем любящим Его. Темже радуемся о преславнем скончании жительства твоего и чтим святую память твою. Ты же, предстоящи Престолу Божию, приими моления наша и ко всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще единаго во святых Своих славимаго Бога, Отца и Сына и Святаго Духа, ныне и присно и во веки веков.
Примечание: Если хотим прочесть акафист святой, то его следует читать по 6-й песне канона, вместо кондака и икоса. В этом случае кондак и икос вычитываются по 3-й песне, перед седальнами или перед иным кондаком, если таковой имеется. После акафиста продолжаем читать канон – 7-ю песнь и далее.
Припевы к тропарям канонов на утрене
Богослужебный Устав предполагает, что пение канона на утрене в течение всего года (за исключением Страстной и Светлой седмиц) сопровождается песнями Священного Писания. Существует три редакции библейских песней (помещаются в Ирмологии): праздничная («Поем Господеви. »), будничная («Господеви поем. ») и великопостная. Однако в обиходе Русской православной церкви утвердилась практика петь канон с библейскими песнями только в дни св. Четыредесятницы, в прочие же периоды года использовать так называемые «молебные припевы».
Пение канона со стихами библейских песней во все дни года, в какие это предписывается Уставом, более соответствует содержанию и историческому развитию богослужения, но во многих храмах выполнение этих указаний Типикона зачастую является трудноисполнимым. Поэтому у совершителей богослужения возникает необходимость иметь под рукой собрание основных припевов для канонов утрени на весь год.
Припевы иногда приводятся в богослужебных книгах, но чаще являются результатом литургической практики, во многом завися от местных традиций. Существует общее правило произносить перед тропарем припев, отражающий содержание канона и связанный по смыслу с последующим тропарем.
Предлагаемый ниже список припевов, не претендуя на полноту, является попыткой предложить чтецам припевы для канонов. Кроме того, собрание припевов будет полезно священнослужителям при соверщении молебнов.
Припевы к канонам
- Господских праздников и каноны Постной и Цветной Триоди: Слава Тебе, Боже наш, слава Тебе.
- Пресвятой Троицы (и троичны других канонов): Пресвятая Троице, Боже наш, слава Тебе.
- Воскресный: Слава, Господи, святому Воскресению Твоему.
- Крестовоскресный: Слава, Господи, Кресту Твоему Честному и Воскресению.
- Богородичный (и богородичны других канонов): Пресвятая Богородице, спаси нас.
- Умилительные или покаянные каноны Октоиха, Великий канон прп. Андрея Критского: Помилуй мя, Боже, помилуй мя.
- Честного Креста: Слава, Господи, Кресту Твоему Честному.
- Архангелов, ангелов и всех Безплотных Сил: Святии Архангели и Ангели, молите Бога о нас.
- Св. Иоанна Предтечи: Святый великий Иоанне, Предтече Господень, моли Бога о нас .
- Апостолов: Святии апостоли, молите Бога о нас.
- Всех святых: Вси святии, молите Бога о нас.
- Заупокойный: Упокой, Господи, души усопших раб Твоих.
Припевы общие
- Пророку: Святый пророче Божий (имя рек), моли Бога о нас.
- Апостолу: Святый апостоле (имя рек), моли Бога о нас .
- Апостолу и Евангелисту: Святый апостоле и евангелисте (имя рек), моли Бога о нас.
- Апостолам: Святии апостоли, молите Бога о нас.
- Святителю: Святителю отче (имя рек), моли Бога о нас .
- Святителям: Святителие Христовы, молите Бога о нас.
- Преподобному: Преподобне отче (имя рек), моли Бога о нас.
- Двум преподобным: Преподобнии отцы (имя рек) и (имя рек), молите Бога о нас.
- Преподобным: Преподобнии отцы, молите Бога о нас.
- Св. первомученику Стефану: Святый первомучениче и архидиаконе Стефане, моли Бога о нас.
- Мученику: Святый мучениче (имя рек), моли Бога о нас.
- Великомученику: Святый великомучениче (имя рек), моли Бога о нас.
- Мученикам, мученицам: Святии мученицы, молите Бога о нас.
- Священномученику: Святый священномучениче (имя рек), моли Бога о нас .
- Священномученикам: Святии священномученицы, молите Бога о нас.
- Священноисповеднику: Святителю Христов иисповедниче (имя рек), моли Бога о нас.
- Священномученику и исповеднику: Священномучениче и исповедниче (имя рек), моли Бога о нас.
- Преподобномученику: Святый преподобномучениче (имя рек), моли Бога о нас .
- Преподобномученикам: Святии преподобномученицы, молите Бога о нас.
- Преподобноисповеднику: Преподобне отче, исповедниче (имя рек), моли Бога о нас .
- Мученикам и исповедникам: Святии мученицы и исповедницы, молите Бога о нас.
- Новомученику: Святый новомучениче (имя рек), моли Бога о нас.
- Новомученикам Российским: Святии новомученицы и исповедницы Российстии, молите Бога о нас.
- Святому благоверному князю: Святый благоверный княже (имя рек), моли Бога о нас .
- Благоверным князьям (двум): Святии благовернии князие (имя рек) и (имя рек), молите Бога о нас.
- Страстотерпцу князю: Святый страстотерпче княже (имя рек), моли Бога о нас.
- Страстотерпцам князьям (двум): Святии страстотерпцы князие (имя рек) и (имя рек), молите Бога о нас.
- Безсребренникам (двум): Святии чудотворцы и безсребренницы (имя рек) и (имя рек), молите Бога о нас.
- Праведному: Святый праведный (имя рек), моли Бога о нас.
- Блаженному и Христа ради юродивому: Святый праведный (имя рек), моли Бога о нас .
- Мученице: Святая мученице (имя рек), моли Бога о нас.
- Великомученице: Святая великомученице (имя рек), моли Бога о нас.
- Преподобной: Преподобная мати (имя рек), моли Бога о нас.
- Преподобным женам: Святыя преподобныя матери, молите Бога о нас .
- Преподобномученице: Святая преподобномученице (имя рек), моли Бога о нас.
- Праведной: Святая праведная мати (имя рек), моли Бога о нас.
- Блаженной: Святая праведная мати (имя рек), моли Бога о нас .
Особые припевы
- Архангелу Михаилу: Святый Архистратиже Михаиле, моли Бога о нас.
- Семи отрокам Ефесским или Трем отрокам: Святии отроцы, молите Бога о нас.
- Праотцам: Святии праотцы, молите Бога о нас.
- Собору отцев: Святии отцы, молите Бога о нас.
- В Неделю по Рождестве Христове: Святии Богоотцы, молите Бога о нас.
- В субботу сырной седмицы: Преподобнии отцы, молите Бога о нас .
- В Неделю 2-ю по Пятидесятнице, Всех святых, в земле Российской просиявших: Вси святии земли Русския, молите Бога о нас.
КАНОНЫ ЗА УМЕРШИХ
В старинных церковных книгах имеются два канона за усопших, предназначенные для домашнего употребления: канон за единоумершего и канон общий за умерших. Это те самые каноны, о которых упоминалось, когда речь была о панихиде. Они печатаются и в наших богослужебных книгах. Старинные издания этих канонов важны тем, что там дается подробное указание, как читать их дома мирянину.
Порядок домашнего чтения этих канонов следующий: за начальным возгласом: молитвами святых отец наших следует обычное начало , псалом 90, тропарь Глубиною мудрости с его богородичном, псалом 50 и самый канон: В последовании нет указания относительно пения ирмосов: у нас установилась практика на келейном, домашнем правиле читать каноны со ирмосом. Так на трех канонах, так на правиле ко Причащению. На келейном, домашнем правиле не предполагается антифонного пения, потому может быть и нечетное число песнопений на каждой песне. Так и каноны об умерших на домашнем правиле можно петь со ирмосом. По 3-й песне канона седален, причем при чтении канона за усопших многих обычный седален, Воистину суета суть всяческая, с его богородичном. А при каноне за единоумершего, седален положенный на панихиде и заупокойной утрени пред 50-м псалмом: Покой, Спасе наш. с его Богородичном. По 6-й песни кондак и икос, по 9-й песни Достойно есть.
Трисвятое и тропарь: Со духи праведных. После них вместо ектении Господи помилуй 40 раз, Слава и ныне, Честнейшую. Именем Господним благослови, отче010 . Возглас: Молитвами святых отец наших, и особая заупокойная молитва: Помяни Господи Боже . За молитвой следуют предшествующие отпусту: Честнейшую. Слава, и ныне, Господи помилуй (трижды), Благослови и отпуст: Господи Иисусе Христе Сыне Божий молитвами Пречистыя Твоея Матери, преподобных и богоносных отец наших и всех святых помилуй и упокой душу раба Твоего (или раб Твоих) в безконечныя веки, яко благ и Человеколюбец и затем троекратно возглашается: рабу Божию преставльшемуся (имя рек) вечная память. А при каноне за умерших многих заключительное возглашение в такой форме: Рабом Божиим преставльшимся, отцем и братиями нашим и всем православным христианам, о нихже и поминание творим, вечная память. В заключении следующую молитву: Помяни, Господи, души усопших раб Твоих (поклон), елико в житии своем, яко человецы согрешиша, Ты же, яко Человеколюбец Бог прости их и помилуй (поклон), вечныя муки избави (поклон), и Царствия причастники учини (поклон), и душам нашим полезное сотвори (поклон).
Оценка
4.5
проголосовавших:
22